Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62017TN0649

    Kawża T-649/17: Rikors ippreżentat fil-25 ta’ Settembru 2017 – ViaSat vs Il-Kummissjoni

    ĠU C 402, 27.11.2017, p. 45–46 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    27.11.2017   

    MT

    Il-Ġurnal Uffiċjali tal-Unjoni Ewropea

    C 402/45

    Rikors ippreżentat fil-25 ta’ Settembru 2017 – ViaSat vs Il-Kummissjoni

    (Kawża T-649/17)

    (2017/C 402/60)

    Lingwa tal-kawża: l-Ingliż

    Partijiet

    Rikorrenti: ViaSat, Inc. (Carlsbad, California, l-Istati Uniti) (rappreżentanti: J. Ruiz Calzado, L. Marco Perpiñà u S. Semey, avukati)

    Konvenuta: Il-Kummissjoni Ewropea

    Talbiet

    —

    tannulla d-deċiżjoni impliċitament negattiva tal-Kummissjoni Ewropea tat-13 ta Lulju 2017 li tirriżulta min-nuqqas mill-Kummissjoni li tirrispondi fit-terminu preskritt għar-rikors ta’ konferma mir-rikorrenti, tal-31 ta’ Mejju 2017, fir-rigward tat-talba għalll-aċċess għad-dokumenti rreġistrata fl-20 ta’ Marzu 2017, taħt ir-riferiment GestDem Nru 2017/1725;

    —

    tikkundanna lill-Kummissjoni għall-ispejjeż, inklużi l-ispejjeż tal-intervenjenti.

    Motivi u argumenti prinċipali

    Insostenn tar-rikors tagħha, ir-rikorrenti tinvoka sitt motivi.

    1.

    L-ewwel motiv ibbażat fuq il-fatt li l-Kummissjoni kisret id-dmir tagħha li tagħti r-raġunijiet skont l-Artikolu 296(2) TFUE.

    —

    L-ewwel nett, ir-rikorrenti targumenta li kien hemm nuqqas assolut li tagħti r-raġunijiet, meta jitqies ir-rifjut impliċitu għal aċċess għad-dokument mitlub, intitolat “Roadmap of measures towards the compliance of selected and authorised MSS operators with common conditions of Decision 626/2008/KE, (1) including intermediate new steps and corresponding time limits”. Sa fejn il-Qorti Ġenerali tikkunsidra li l-Kummissjoni wettqet id-dmir tagħha li tagħti r-raġunijiet diġà fl-ittra tar-rifjut tal-5 ta’ Mejju 2017, taħt l-Artikolu 7(1) tar-Regolament 1049/2001, (2) b’risposta għat-talba inizjali tar-rikorrenti, ir-raġunament fih permezz ta’ finzjoni li huwa wkoll ir-raġunament tad-deċiżjoni impliċita, adottata skont l-Artikolu 8(3) ta’ dak ir-regolament, ir-rikorrenti titlob lill-Qorti Ġenerali biex tikkunsidra l-motivi sussegwenti diretti kontra dak ir-raġunament.

    2.

    It-tieni motiv ibbażat fuq il-fatt li l-Kummissjoni naqset milli twettaq eżaminazzjoni konkreta u individwali tad-dokument mitlub.

    3.

    It-tielet motiv ibbażat fuq il-fatt li l-Kummissjoni naqset milli tagħti r-raġunijiet u bi żball applikat l-eċċezzjoni dwar il-protezzjoni tal-interessi kummerċjali, kif imsemmi fl-ewwel inċiż tal-Artikolu 4(2) tar-Regolament 1049/2001.

    4.

    Ir-raba’ motiv ibbażat fuq il-fatt li l-Kummissjoni naqset milli tagħti r-raġunijiet u bi żball applikat l-eċċezzjoni dwar il-protezzjoni tal-investigazzjonijiet, kif imsemmi fit-tielet inċiż tal-Artikolu 4(2) tar-Regolament 1049/2001.

    5.

    Il-ħames motiv ibbażat fuq il-fatt li l-Kummissjoni bi żball stabbilit li ma hemm ebda interess superjuri fis-sens tal-Artikolu 4(2) tar-Regolament 1049/2001.

    6.

    Is-sitt motiv ibbażat fuq il-fatt li l-Kummissjoni bi żball stabbilit li aċċess parzjali ma kienx possibbli fis-sens tal-Artikolu 4(6) tar-Regolament 1049/2001.

    (1)  Deċiżjoni Nru 626/2008/KE tal-Parlament Ewropew u tal-Kunsill, tat-30 ta’ Ġunju 2008 dwar l-għażla u l-awtorizzazzjoni ta’ sistemi li jipprovdu servizzi mobbli permezz tas-satellita (MSS) (ĠU 2008, L 172, p 15).

    (2)  Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331).

    Top