This document is an excerpt from the EUR-Lex website
Document 62017TN0506
Case T-506/17: Action brought on 8 August 2017 — Makhlouf v Council
Kawża T-506/17: Rikors ippreżentat fit-8 ta’ Awwissu 2017 – Makhlouf vs Il-Kunsill
Kawża T-506/17: Rikors ippreżentat fit-8 ta’ Awwissu 2017 – Makhlouf vs Il-Kunsill
ĠU C 347, 16.10.2017, p. 38–39
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
16.10.2017 |
MT |
Il-Ġurnal Uffiċjali tal-Unjoni Ewropea |
C 347/38 |
Rikors ippreżentat fit-8 ta’ Awwissu 2017 – Makhlouf vs Il-Kunsill
(Kawża T-506/17)
(2017/C 347/49)
Lingwa tal-kawża: il-Franċiż
Partijiet
Rikorrenti: Rami Makhlouf (Damasku, is-Sirja) (rappreżentant: E. Ruchat, avukat)
Konvenut: Il-Kunsill tal-Unjoni Ewropea
Talbiet
— |
tiddikjara l-azzjoni tar-rikorrent ammissibbli u fondata; |
— |
b’konsegwenza ta’ dan, tannulla d-Deċiżjoni (PESK) 2017/917, tad-29 ta’ Mejju 2017 u l-atti ta’ implementazzjoni sussegwenti tagħha, sa fejn dawn jikkonċernaw lir-rikorrent; |
— |
tikkundanna lill-Kunsill tal-Unjoni Ewropea għall-ispejjeż tal-kawża. |
Motivi u argumenti prinċipali
Insostenn tar-rikors tiegħu, ir-rikorrent jinvoka ħames motivi.
1. |
L-ewwel motiv ibbażat fuq l-allegazzjoni li l-atti kkontestati jiksru d-drittijiet tad-difiża tar-rikorrent, b’mod partikolari d-dritt tiegħu għal protezzjoni ġudizzjarja effettiva, prevista fl-Artikoli 6 u 13 tal-Konvenzjoni Ewropea tad-Drittijiet tal-Bniedem (KEDB), l-Artikolu 215 TFUE u l-Artikoli 41 u 47 tal-Karta tad-Drittijiet Fundamentali tal-Unjoni Ewropea |
2. |
It-tieni motiv ibbażat fuq l-allegazzjoni li l-konvenut kiser l-obbligu ta’ motivazzjoni, peress li l-motivazzjoni pprovduta ma tissodisfax l-obbligu li l-istituzzjonijiet tal-Unjoni Ewropea għandhom taħt l-Artikolu 6 tal-KEDB, kif ukoll taħt l-Artikolu 296 TFUE u l-Artikolu 41 tal-Karta tad-Drittijiet Fundamentali tal-Unjoni Ewropea. |
3. |
It-tielet motiv ibbażat fuq żball manifest ta’ evalwazzjoni mwettaq mill-Kunsill fir-rigward tal-involviment tar-rikorrent fil-finanzjament tar-reġim Sirjan. |
4. |
Ir-raba’ motiv ibbażat fuq l-allegazzjoni li l-atti kkontestati jillimitaw b’mod mhux iġġustifikat u sproporzjonat id-drittijiet fundamentali tar-rikorrent u b’mod partikolari d-drittijiet tiegħu għall-proprjetà, sanċit fl-Artikolu 1 tal-Ewwel Protokoll Addizzjonali tal-KEDB u fl-Artikolu 17 tal-Karta tad-Drittijiet Fundamentali tal-Unjoni Ewropea, għar-rispett tar-reputazzjoni tiegħu, previst fl-Artikoli 8 u 10(2) tal-KEDB, għall-preżunzjoni tal-innoċenza, sanċit fl-Artikolu 6 tal-KEDB u fl-Artikolu 48 tal-Karta tad-Drittijiet Fundamentali tal-Unjoni Ewropea, kif ukoll il-libertà ta’ dħul u ħruġ, iggarantita fl-Artikolu 2(2) tal-Protokoll Nru 4 tal-KEDB. |
5. |
Il-ħames motiv, ibbażat fuq il-ksur tal-Linji gwida dwar l-implementazzjoni u l-evalwazzjoni ta’ miżuri ristrettivi (sanzjonijiet) fil-kuntest tal-politika estera u ta’ sigurtà komuni tal-Unjoni Ewropea (Dokument tal-Kunsill 15114/05, tat-2 ta’ Diċembru 2005). |