This document is an excerpt from the EUR-Lex website
Document 62017CA0422
Case C-422/17: Judgment of the Court (Fourth Chamber) of 19 December 2018 (request for a preliminary ruling from the Naczelny Sąd Administracyjny — Poland) — Szef Krajowej Administracji Skarbowej v Skarpa Travel sp. z o.o. (Reference for a preliminary ruling — Harmonisation of tax legislation — Common system of value added tax (VAT) — Directive 2006/112/EC — Chargeable event — Special scheme for travel agents — Articles 65 and 308 — Margin obtained by a travel agent — Determination of the margin — Payments on account made before the supply of travel services by the travel agent — Actual cost borne by the travel agent)
Kawża C-422/17: Sentenza tal-Qorti tal-Ġustizzja (Ir-Raba’ Awla) tad-19 ta’ Diċembru 2018 (talba għal deċiżjoni preliminari tan-Naczelny Sąd Administracyjny – il-Polonja) – Szef Krajowej Administracji Skarbowej vs Skarpa Travel sp. z o.o. Rinviju għal deċiżjoni preliminari — Armonizzazzjoni tal-leġiżlazzjonijiet fiskali — Sistema komuni ta’ taxxa fuq il-valur miżjud (VAT) — Direttiva 2006/112/KE — Fatt taxxabbli — Skema speċjali għall-aġenziji tal-ivvjaġġar — Artikoli 65 u 308 — Marġni ta’ profitt minn aġenzija tal-ivvjaġġar — Determinazzjoni tal-marġini — Ħlas li jrid isir akkont qabel il-provvista ta’ servizzi tal-ivvjaġġar ipprovdut mill-aġenzija tal-ivvjaġġar — Spiża reali għall-aġent tal-ivvjaġġar
Kawża C-422/17: Sentenza tal-Qorti tal-Ġustizzja (Ir-Raba’ Awla) tad-19 ta’ Diċembru 2018 (talba għal deċiżjoni preliminari tan-Naczelny Sąd Administracyjny – il-Polonja) – Szef Krajowej Administracji Skarbowej vs Skarpa Travel sp. z o.o. Rinviju għal deċiżjoni preliminari — Armonizzazzjoni tal-leġiżlazzjonijiet fiskali — Sistema komuni ta’ taxxa fuq il-valur miżjud (VAT) — Direttiva 2006/112/KE — Fatt taxxabbli — Skema speċjali għall-aġenziji tal-ivvjaġġar — Artikoli 65 u 308 — Marġni ta’ profitt minn aġenzija tal-ivvjaġġar — Determinazzjoni tal-marġini — Ħlas li jrid isir akkont qabel il-provvista ta’ servizzi tal-ivvjaġġar ipprovdut mill-aġenzija tal-ivvjaġġar — Spiża reali għall-aġent tal-ivvjaġġar
ĠU C 65, 18.2.2019, p. 12–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
18.2.2019 |
MT |
Il-Ġurnal Uffiċjali tal-Unjoni Ewropea |
C 65/12 |
Sentenza tal-Qorti tal-Ġustizzja (Ir-Raba’ Awla) tad-19 ta’ Diċembru 2018 (talba għal deċiżjoni preliminari tan-Naczelny Sąd Administracyjny – il-Polonja) – Szef Krajowej Administracji Skarbowej vs Skarpa Travel sp. z o.o.
(Kawża C-422/17) (1)
(Rinviju għal deċiżjoni preliminari - Armonizzazzjoni tal-leġiżlazzjonijiet fiskali - Sistema komuni ta’ taxxa fuq il-valur miżjud (VAT) - Direttiva 2006/112/KE - Fatt taxxabbli - Skema speċjali għall-aġenziji tal-ivvjaġġar - Artikoli 65 u 308 - Marġni ta’ profitt minn aġenzija tal-ivvjaġġar - Determinazzjoni tal-marġini - Ħlas li jrid isir akkont qabel il-provvista ta’ servizzi tal-ivvjaġġar ipprovdut mill-aġenzija tal-ivvjaġġar - Spiża reali għall-aġent tal-ivvjaġġar)
(2019/C 65/14)
Lingwa tal-kawża: il-Pollakk
Qorti tar-rinviju
Naczelny Sąd Administracyjny
Partijiet fil-kawża prinċipali
Rikorrent: Szef Krajowej Administracji Skarbowej
Konvenut: Skarpa Travel sp. z o.o.
Dispożittiv
|
1) |
L-Artikoli 65 u 306 sa 310 tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud, kif emendata bid-Direttiva tal-Kunsill 2010/45/UE, tat-13 ta’ Lulju 2010, għandhom jiġu interpretati fis-sens li, meta aġenzija tal-ivvjaġġar, li tkun suġġetta għall-arranġamenti speċjali previst fl-Artikoli 306 sa 310, iddaħħal ħlas akkont ta’ servizzi turistiċi li hija tkun ser tipprovdi lill-vjaġġatur, il-VAT tkun dovuta, skont l-imsemmi Artikolu 65, hekk kif jiġi riċevut il-ħlas akkont, bil-kundizzjoni li, f’dak il-mument, is-servizzi turistiċi li jkunu se jiġu pprovduti jiġu indikati bi preċiżjoni. |
|
2) |
L-Artikolu 308 tad-Direttiva 2002/47 kif emendata bid-Direttiva 2010/45, għandu jiġi interpretat fis-sens li l-marġni tal-aġenzija tal-ivvjaġġar u, konsegwentement, il-valur taxxabbli għandu jkun id-differenza bejn l-ammont totali, mingħajr taxxa fuq il-valur miżjud VAT, li għandu jitħallas mill-vjaġġatur u l-ispiża effettiva mġarrba mill-aġenzija tal-ivvjaġġar għall-kunsinna ta’ oġġetti u għall-provvista ta’ servizzi ta’ persuni taxxabbli oħra, sa fejn tali tranżazzjonijiet jibbenefikaw direttament lill-vjaġġatur. Fejn l-ammont tal-ħlas akkont jikkorrispondi għall-prezz totali ta’ servizz turistiku jew parti sinifikanti ta’ dan il-prezz u li l-aġenzija ma tkun għadha ġarrbet l-ebda spiża effettiva, jew biss parti limitata tal-ispejjeż totali individwali ta’ dan is-servizz, jew jekk l-ispiża attwali individwali tal-vjaġġ imġarrba mill-aġenzija ma tistax tiġi ddeterminata, fil-mument meta jsir il-ħlas akkont, il-marġni ta’ profitt jista’ jiġi stabbilit fuq il-bażi ta’ stima tal-ispejjeż attwali totali li, fl-aħħar mill-aħħar, ikollha ġġarrab. Fid-dawl ta’ din l-evalwazzjoni, l-aġenzija għandha tieħu inkunsiderazzjoni, fejn xieraq, l-ispejjeż diġà mġarrba effettivament meta jiġi riċevut il-ħlas akkont. Għall-finijiet tal-kalkolu tal-marġni, il-prezz totali tal-vjaġġ għandu jitnaqqas mill-ispiża totali stmata u l-bażi tal-VAT li għandha titħallas meta jiġi riċevut il-ħlas akkont jinkiseb mill-multiplikazzjoni ta’ dan l-ammont tal-ħlas akkont bil-perċentwali li tirrappreżenta l-marġini tal-profitt prevedibbli u ddeterminat fil-prezz totali tal-vjaġġ. |