—

Ir-rikorrent ingħata skala salarjali korrispondenti għall-grupp ta’ funzjonijiet I għall-ewwel kuntratt tiegħu u sussegwentment il-grad għall-grupp ta’ funzjonijiet II għat-tieni kuntratt ta’ impjieg li ġie propost lilu. Il-grupp ta’ funzjonijiet II jikkorrispondi għal “Kompiti klerikali u segretarjali, kompiti ta’ amministrazzjoni ta’ uffiċċju u kompiti ekwivalenti oħra, imwettqa taħt is-superviżjoni ta’ l-uffiċjali jew tal-persunal temporanju”, filwaqt li l-maġġoranza kbira tal-kompiti fdati lir-rikorrent fil-kuntest tal-ewwel u tat-tieni kuntratt ta’ impjieg tiegħu kienu kompiti amministrattivi u konsultattivi, kif intwera fl-annessi tar-rikors.

—

L-Artikolu 82 tar-Kondizzjonijiet tal-impjieg applikabbli għall-aġenti l-oħra tal-Unjoni Ewropea jipprovdi li membru tal-persunal bil-kuntratt għandu jiġi impjegat fil-grupp ta’ funzjonijiet IV jekk huwa jkun jista’ jagħti prova ta’ livell ta’ edukazzjoni li jikkorrospondi ma’ studi universitarji konklużi ta’ mill-anqas tliet snin iċċertifikat b’diploma jew taħriġ professjonali ta’ livell ekwivalenti. Ir-rikorrent lesta studji universitarji ta’ ħames snin iċċertifikati b’żewġ diplomi u, barra minn hekk, inkonnessjoni mat-tieni kuntratt li ġie propst lilu, huwa għandu esperjenza professjonali preċedenti miksub fil-Parlament Ewropew li tikkorrispondi ma’ kompiti ekwivalenti għal dawk li huwa kien qiegħed jeżegwixxi.