This document is an excerpt from the EUR-Lex website
Document 62016FN0029
Case F-29/16: Action brought on 14 June 2016 — ZZ and Others v Commission
Kawża F-29/16: Rikors ippreżentat fl-14 ta’ Ġunju 2016 – ZZ et vs Il-Kummissjoni
Kawża F-29/16: Rikors ippreżentat fl-14 ta’ Ġunju 2016 – ZZ et vs Il-Kummissjoni
ĠU C 335, 12.9.2016, p. 53–53
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
12.9.2016 |
MT |
Il-Ġurnal Uffiċjali tal-Unjoni Ewropea |
C 335/53 |
Rikors ippreżentat fl-14 ta’ Ġunju 2016 – ZZ et vs Il-Kummissjoni
(Kawża F-29/16)
(2016/C 335/69)
Lingwa tal-kawża: it-Taljan
Partijiet
Rikorrenti: ZZ et (rappreżentant: C. Cortese, avukat)
Konvenuta: Il-Kummissjoni Ewropea
Suġġett u deskrizzjoni tat-tilwima
Annullament tad-deċiżjoni ta’ żamma mill-pensjoni, adottata mill-Kummisjoni skont l-Artikolu 85 tar-Regolamenti tal-Persunal ta’ EUR 22 368,13 li għandhom jinqatgħu mill-pensjoni tas-superstiti mogħtija lir-rikorrent kif ukoll mill-pensjoni tal-orfni mogħtja lit-tliet uliedu.
Talbiet
— |
jannulla d-deċiżjoni tal-Uffiċċju ta’ amministrazzjoni u ta’ likwidazzjoni tad-drittijiet individwali (PMO.4), tas-17 ta’ Awwissu 2015, li għandha bħala għan l-irkupru ta’ somom imħallsa indebitament fir-rigward tal-pensjonijiet tas-superstiti u tal-orfni, b’rabta mad-drittijiet ta’ ZZ u taż-żewġ uliedu bniet minuri u, sa fejn neċessarju, id-deċiżjoni espliċita ta’ ċaħda tal-ilment. |
— |
jannulla d-deċiżjoni tal-Uffiċċju ta’ amministrazzjoni u ta’ likwidazzjoni tad-drittijiet individwali (PMO.4), tas-17 ta’ Awwissu 2015, li għandha bħala għan l-irkupru ta’ somom imħallsa indebitament fir-rigward tal-pensjonijiet tas-superstiti u tal-orfni, b’rabta mad-drittijiet ta’ X, u, sa fejn neċessarju, id-deċiżjoni impliċita ta’ ċaħda tal-ilment. |
— |
jikkundanna lill-Kummmissjoni għall-kumpens tad-dannu morali u materjali sostnut mir-rikorrenti minħabba l-ksur tad-dritt tagħhom għal amministrazzjoni tajba kif ukoll tad-dmir ta’ premura tal-amministrazzjoni fir-rigward tagħhom, li jammonta għal, rispettivament:
|
— |
jikkundanna lill-Kummissjoni għall-ispejjeż. |