Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62016CN0180

    Kawża C-180/16 P: Appell ippreżentat fid-29 ta’ Marzu 2016 minn Toshiba Corporation mis-sentenza mogħtija mill-Qorti Ġenerali (L-Ewwel Awla) fid-19 ta’ Jannar 2016 fil-Kawża T-404/12: Toshiba Corporation vs Il-Kummissjoni Ewropea

    ĠU C 175, 17.5.2016, p. 14–14 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    17.5.2016   

    MT

    Il-Ġurnal Uffiċjali tal-Unjoni Ewropea

    C 175/14

    Appell ippreżentat fid-29 ta’ Marzu 2016 minn Toshiba Corporation mis-sentenza mogħtija mill-Qorti Ġenerali (L-Ewwel Awla) fid-19 ta’ Jannar 2016 fil-Kawża T-404/12: Toshiba Corporation vs Il-Kummissjoni Ewropea

    (Kawża C-180/16 P)

    (2016/C 175/16)

    Lingwa tal-kawża: l-Ingliż

    Partijiet

    Appellanti: Toshiba Corporation (rappreżentanti: J. F. MacLennan, Solicitor, A. Schulz, avukat, S. Sakellariou, Δικηγόρος, J. Jourdan, avukat)

    Parti oħra fil-proċedura: Il-Kummissjoni Ewropea

    Talbiet

    —

    tannulla s-sentenza tal-Qorti Ġenerali fil-Kawża T-404/12, u

    i)

    tannulla d-Deċiżjoni tal-Kummissjoni Ewropea fil-każ COMP/39.966 – Switchgear Iżolati bil-Gass, adozzjoni mill-ġdid; jew

    ii)

    tnaqqas il-multa imposta fuq Toshiba, skont l-Artikolu 261 TFUE; jew

    iii)

    tirrinvija l-kawża lura quddiem il-Qorti Ġenerali sabiex din tiddeċiedi konformement mas-sentenza tal-Qorti tal-Ġustizzja dwar il-punti ta’ liġi li fuqhom hija tat deċiżjoni; u f’kull każ

    —

    tikkundanna lill-Kummissjoni Ewropea għall-ispejjeż.

    Aggravji u argumenti prinċipali

    Dan l-appell huwa bbażat fuq tliet aggravji:

    a)

    L-ewwel aggravju: il-Qorti Ġenerali wettqet żball ta’ liġi meta ddeċidiet li d-drittijiet tad-difiża ta’ Toshiba ma nkisrux mill-Kummissjoni Ewropea; b’mod partikolari sa fejn il-Kummissjoni ma indirizzatx dikjarazzjoni tal-oġġezzjonijiet lil Toshiba qabel ma adottat id-deċiżjoni ta’ adozzjoni mill-ġdid fl-2012;

    b)

    It-tieni aggravju: il-Qorti Ġenerali wettqet żball ta’ liġi meta ddeċidiet li l-metodoloġija applikata mill-Kummissjoni Ewropea sabiex tikkalkola l-multa ta’ Toshiba ma kisritx il-prinċipju ta’ ugwaljanza fit-trattament; b’mod partikolari sa fejn il-Kummissjoni użat l-ammont inizjali kkalkolat għall-impriża komuni TM T&D bħala bażi għall-kalkolu tal-multa ta’ Toshiba, u mhux dħul mill-bejgħ rilevanti għal Toshiba, kuntrarjament għal dak li għamlet il-Kummissjoni għad-destinatarji Ewropej tad-deċiżjoni adottata fl-2007; u

    c)

    It-tielet aggravju: il-Qorti Ġenerali wettqet żball ta’ liġi meta ddeċidiet li l-Kummissjoni Ewropea, billi ma naqsitx il-multa ta’ Toshiba sabiex tirrifletti l-parteċipazzjoni relattiva tagħha għal dan il-ksur, ma kisritx il-prinċipju ta’ ugwaljanza fit-trattament; b’mod partikolari sa fejn il-Kummissjoni ma qisitx li l-parteċipazzjoni iktar limitata ta’ Toshiba għall-aġir kollużorju, meta mqabbla ma’ dik tad-destinatarji Ewropej tad-deċiżjoni adottata fl-2007, kienet tiġġustifika li tiġi riflessa fl-ammont tal-multa.
    Top