Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62014TN0020

    Kawża T-20/14: Rikors ippreżentat fit- 8 ta’ Jannar 2014 – Nguyen vs Il-Parlament u l-Kunsill

    ĠU C 112, 14.4.2014, p. 42–43 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    14.4.2014   

    MT

    Il-Ġurnal Uffiċjali tal-Unjoni Ewropea

    C 112/42

    Rikors ippreżentat fit-8 ta’ Jannar 2014 – Nguyen vs Il-Parlament u l-Kunsill

    (Kawża T-20/14)

    2014/C 112/55

    Lingwa tal-kawża: il-Franċiż

    Partijiet

    Rikorrent: Huynh Duong Vi Nguyen (Woluwe-Saint-Lambert, il-Belġju) (rappreżentant: M. Velardo)

    Konvenuti: Il-Kunsill tal-Unjoni Ewropea u l-Parlament Ewropew

    Talbiet tar-rikorrenti

    —

    tannulla dispożizzjonijiet fosthom l-Artikolu 7 (ħin tal-ivvjaġġar) tal-Anness V tar-Regolamenti tal-Persunal kif ukoll l-Artikolu 8 (spejjeż tal-ivvjaġġar) tal-Anness VII tar-Regolamenti tal-Persunal, emendati bir-Regolament (UE, Euratom) Nru 1023/2013 tal-Parlament Ewropew u tal-Kunsill, tat-22 ta’ Ottubru 2013, li jemenda r-Regolamenti tal-Persunal għall-Uffiċjali tal-Unjoni Ewropea u l-Kondizzjonijiet tal-Impjieg ta’ Aġenti Oħra tal-Unjoni Ewropea, ippubblikat fil-Ġurnal Uffiċjali Nru L 287 tad-29 ta’ Ottubru 2013, sa fejn id-dritt għall-ispejjeż tal-ivvjaġġar u għall-ħin tal-ivvjaġġar huwa marbut mal-allowance tal-espatrijazzjoni jew tar-residenza barra mill-pajjiż;

    —

    tordna lill-konvenuti jħallsu lir-rikorrenti ammont ta’ EUR 169 051,96 għad-dannu materjali subit kif ukoll ammont ta’ EUR 40 000 għad-dannu morali;

    —

    tikkundanna lill-konvenuti għall-ħlas tad-danni u ta’ interessi moratorji u kumpensatorji bir-rata ta’ 6,75 għad-dannu morali u materjali subiti;

    —

    tikkundanna lill-konvenuti għall-ispejjeż sostnuti mir-rikorrenti f’din il-proċedura.

    Motivi u argumenti prinċipali

    Insostenn tar-rikors tiegħu, ir-rikorrent – li l-post ta’ oriġini tiegħu huwa New York, iżda li ma jibbenefikax mill-allowance tal-espatrijazzjoni jew tar-residenza barra mill-pajjiż u li jitlef minħabba f’hekk, wara r-riforma tar-Regolamenti tal-Persunal għall-Uffiċjali tal-Unjoni Ewropea, id-dritt għall-ħlas fil-forma ta’ somma f’daqqa tal-ispejjeż tal-ivvjaġġar u ż-żieda tal-leave annwali permezz ta’ ġranet ta’ leave addizzjonali bħala ħin tal-ivvjaġġar – jinvoka ħames motivi bbażati:

    —

    fuq ksur tal-forom proċedurali sostanzjali u tal-Artikolu 27 tal-Karta tad-Drittijiet Fundamentali tal-Unjoni Ewropea dwar id-dritt għall-informazzjoni u għall-konsultazzjoni tal-ħaddiema, peress li l-kumitat tar-Regoli tal-Persunal tħalla barra matul ir-reviżjoni tar-Regolamenti tal-Persunal;

    —

    fuq ksur tal-prinċipju tar-rispett tad-drittijiet kweżiti, tal-prinċipji fil-qasam tad-dritt inter-temporali u tal-prinċipju ta’ ċertezza legali;

    —

    fuq ksur tal-aspettattivi leġittimi;

    —

    fuq ksur tal-prinċipju ta’ ugwaljanza fit-trattament u

    —

    fuq ksur tal-prinċipju ta’ proporzjonalità.
    Top