Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62013FN0065

Kawża F-65/13: Rikors ippreżentat fit- 2 ta’ Lulju 2013 — ZZ vs Il-Kummissjoni

ĠU C 377, 21.12.2013, p. 24–24 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

21.12.2013   

MT

Il-Ġurnal Uffiċjali tal-Unjoni Ewropea

C 377/24

Rikors ippreżentat fit-2 ta’ Lulju 2013 — ZZ vs Il-Kummissjoni

(Kawża F-65/13)

2013/C 377/56

Lingwa tal-kawża: it-Taljan

Partijiet

Rikorrent: ZZ (rappreżentant: L. Mansullo, avukat)

Konvenuta: Il-Kummissjoni Ewropea

Suġġett

L-annullament taċ-ċaħda tat-talba tar-rikorrent indirizzata lill-Kummissjoni intiża sabiex din tal-aħħar tagħtih is-somma ta’ EUR 10 000 minħabba l-allegat dannu li kien sofra minħabba li ntbagħtet ittra li informatu, b’mod partikolari, li l-Kummissjoni kkumpensat it-talbiet tiegħu ta’ rimbors tal-ispejjeż, li għalihom kienet ġiet ikkundannata l-Kummissjoni, permezz tas-somom li kellu jagħti lill-Kummissjoni

Talbiet tar-rikorrenti

—

jannulla d-deċiżjoni li tiċħad, irrispettivament mill-mod ta’ kif din ġiet ifformata, it-talba għal kumpens tal-20 ta’ Ġunju 2012, li tinsab fin-nota tal-20 ta’ Ġunju 2012;

—

jannulla n-nota tas-27 ta’ Awwissu 2012 li għandha r-referenza, li tinsab fil-parti leminija ta’ fuq tat-tielet paġna, “Ref.Ares(2012)1003126 — 27 ta’ Awwissu 2012”, nota li r-rikorrent irċieva fid-9 ta’ Ottubru 2012;

—

sa fejn huwa meħtieġ, jannulla d-deċiżjoni li tiċħad, irrispettivament mill-mod ta’ kif din ġiet ifformata, l-ilment tal-24 ta’ Ottubru 2012;

—

sa fejn meħtieġ, jannulla n-nota tal-11 ta’ Frar 2013 li għandha r-referenza, HR.D.2/MB/ac 170184, redatta bit-Taljan, li hija kkostitwita minn żewġ folji datilografiċi fuq wara, li r-rikorrent irċieva fit-22 ta’ Marzu 2013;

—

jikkundanna lill-Kummissjoni biex tagħti lir-rikorrent is-somma ta’ EUR 10 000 flimkien mal-interessi bir-rata ta’ 10 % fis-sena b’kapitalizzazzjoni annwali mill-21 ta’ Ġunju 2012 u sal-jum li fih tingħata s-somma indikata iktar ’il fuq;

—

jikkundanna lil Il-Kummissjoni għall-ispejjeż.
Top