Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62012FN0056

Kawża F-56/12: Rikors ippreżentat fit- 22 ta’ Mejju 2012 — ZZ vs Il-Kummissjoni

ĠU C 243, 11.8.2012, p. 34–34 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

11.8.2012   

MT

Il-Ġurnal Uffiċjali tal-Unjoni Ewropea

C 243/34

Rikors ippreżentat fit-22 ta’ Mejju 2012 — ZZ vs Il-Kummissjoni

(Kawża F-56/12)

2012/C 243/58

Lingwa tal-kawża: il-Ġermaniż

Partijiet

Rikorrent: ZZ (rappreżentant: EurAA Anwälte für Arbeitnehmer Rechtsanwaltsgesellschaft mbH, avukati)

Konvenuta: Il-Kummissjoni Ewropea

Suġġett

Talba għall-annullament tad-deċiżjoni tal-Kummissjoni li ma jitħallsux kontribuzzjonijiet fir-rigward tar-rikorrent lill-istituzzjoni tal-assigurazzjoni għax-xjuħija Ġermaniża jew lil dik tal-Unjoni Ewropea wara tmiem il-kuntratt tiegħu u matul il-perijodu li fih huwa kien qiegħed u talba għall-inklużjoni tar-rikorrent fl-iskema ta’ pensjoni tal-Unjoni Ewropea jew għat-trasferiment tad-drittijiet għall-pensjoni tiegħu lill-istituzzjoni tal-assigurazzjoni għax-xjuħija Ġermaniża

Talbiet tar-rikorrent

—

tannulla d-Deċiżjoni Nru R/813/11, tal-24.2.2012, tal-awtorità kompetenti għall-konklużjoni ta’ kuntratti ta’ xogħol tad-Direttorat Ġenerali tal-Kummissjoni Ewropea,

—

tikkundanna lill-konvenuta tinkludi lir-rikorrent, għall-perijodu mill-1.4.2008 sal-31.8.2009, fl-iskema ta’ pensjoni tax-xjuħija tal-uffiċjali u tal-membri tal-persunal l-oħra tal-Komunità Ewropea u tħallas il-kontribuzzjonijiet relatati,

—

sussidjarjament, tikkundanna lill-konvenuta tissottometti, quddiem l-istituzzjoni tal-assigurazzjoni għax-xjuħija Ġermaniża, għall-perijodu mill-1.4.2008 sal-31.8.2009, talba għall-assigurazzjoni a posteriori, u tħallas il-kontribuzzjonijiet relatati stabbiliti mil-liġi,

—

sussidjarjament, tiddikjara li l-konvenuta għandha tħallas lir-rikorrent, b’effett minn meta l-pensjoni tiġi likwidata, danni għal kumpens minħabba tnaqqis tal-pensjoni, u b’mod proporzjonali għal dan it-tnaqqis, għall-pensjoni li kien jirċievi r-rikorrent kieku tħallsu l-kontribuzzjonijiet bir-rata stabbilita mil-liġi lill-assigurazzjoni għax-xjuħija legali matul il-perijodu mill-1.4.2008 sal-31.8.2009.
Top