This document is an excerpt from the EUR-Lex website
Document 52025PC0636
Proposal for a COUNCIL DECISION on the position to be taken on behalf of the European Union in the Ministerial Council of the Energy Community as regards amendments to the Treaty establishing the Energy Community to update and expand the scope of the Treaty to the evolution of Union environmental law
Proposta għal DEĊIŻJONI TAL-KUNSILL dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
Proposta għal DEĊIŻJONI TAL-KUNSILL dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
COM/2025/636 final
IL-KUMMISSJONI EWROPEA
Brussell, 14.10.2025
COM(2025) 636 final
2025/0321(NLE)
Proposta għal
DEĊIŻJONI TAL-KUNSILL
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
MEMORANDUM TA’ SPJEGAZZJONI
1.Suġġett tal-proposta
Din il-proposta għal Deċiżjoni tal-Kunsill tikkonċerna l-proposta li għandha tiġi ppreżentata f’isem l-Unjoni u approvata mill-vot tal-Unjoni fil-Kunsill Ministerjali tal-Komunità tal-Enerġija b’rabta mal-emenda prevista tat-Trattat li jistabbilixxi l-Komunità tal-Enerġija sabiex jiġi aġġornat u estiż il-kamp ta’ applikazzjoni ta’ dak it-Trattat għall-evoluzzjoni tal-liġi ambjentali tal-Unjoni.
L-acquis communautaire dwar l-ambjent ikkonċernat minn din il-proposta huwa: id-Direttiva 2009/147/KE tal-Parlament Ewropew u tal-Kunsill dwar il-konservazzjoni tal-għasafar selvaġġi 1 , id-Direttiva tal-Kunsill 92/43/KEE dwar il-konservazzjoni tal-ħabitat naturali u tal-fawna u l-flora selvaġġa 2 , id-Direttiva 2000/60/KE tal-Parlament Ewropew u tal-Kunsill li tistabbilixxi qafas għal azzjoni Komunitarja fil-qasam tal-politika tal-ilma 3 , id-Direttiva 2006/118/KE tal-Parlament Ewropew u tal-Kunsill dwar il-protezzjoni tal-ilma ta’ taħt l-art kontra t-tniġġis u d-deterjorament 4 , id-Direttiva 2008/105/KE tal-Parlament Ewropew u tal-Kunsill dwar standards ta’ kwalità ambjentali fil-qasam tal-politika tal-ilma 5 u d-Direttiva tal-Kummissjoni 2009/90/KE li tistipula speċifikazzjonijiet tekniċi għall-analiżi u l-monitoraġġ kimiċi tal-istat tal-ilma 6 .
Il-pożizzjoni li għandha tittieħed f’isem l-Unjoni hija prevista li tiġi ppreżentata fil-Kunsill Ministerjali tal-Komunità tal-Enerġija għall-adozzjoni minn dan il-korp fit-18 ta’ Diċembru 2025 fil-laqgħa tiegħu fi Vjenna, l-Awstrija. Qabel dik il-laqgħa, fis-17 ta’ Diċembru 2025, il-Grupp Permanenti ta’ Livell Għoli tal-Komunità tal-Enerġija (“PHLG”, Permanent High Level Group of the Energy Community) se jiltaqa’, ukoll fi Vjenna, sabiex jiddiskuti u japprova l-punti għall-adozzjoni fil-Kunsill Ministerjali
2.Kuntest tal-proposta
2.1.It-Trattat dwar il-Komunità tal-Enerġija
It-Trattat dwar il-Komunità tal-Enerġija 7 (“EnCT”, Energy Community Treaty jew “Trattat”) għandu l-għan li joħloq qafas regolatorju u tas-suq stabbli u spazju regolatorju uniku għall-kummerċ fl-enerġija tan-network billi jimplimenta l-partijiet miftiehma tal-acquis communautaire tal-UE dwar l-enerġija fil-Partijiet mhux tal-UE. It-Trattat dwar il-Komunità tal-Enerġija daħal fis-seħħ fl-1 ta’ Lulju 2006. L-Unjoni Ewropea hija parti għall-EnCT 8 . L-EnCT jirreferi għad-disa’ Partijiet mhux tal-UE bħala “Partijiet Kontraenti”.
Wieħed mill-għanijiet tat-Trattat dwar il-Komunità tal-Enerġija huwa li “jtejjeb is-sitwazzjoni ambjentali b’rabta mal-Enerġija tan-Network u l-effiċjenza fl-enerġija relatata, irawwem l-użu tal-enerġija rinnovabbli, u jistabbilixxi l-kundizzjonijiet għall-kummerċ tal-enerġija fl-ispazju regolatorju uniku” (it-Trattat dwar il-Komunità tal-Enerġija, l-Artikolu 2(1)(d)).
It-Trattat dwar il-Komunità tal-Enerġija (l-Artikolu 12) jirrikjedi li kull Parti Kontraenti timplimenta l-acquis communautaire dwar l-ambjent f’konformità mal-iskeda ta’ żmien għall-implimentazzjoni ta’ dawk il-miżuri stabbiliti fl-Anness II tat-Trattat. L-Artikolu 16 tat-Trattat jelenka l-acquis communautaire dwar l-ambjent għall-finijiet tat-Trattat.
L-Artikolu 25 tat-Trattat dwar il-Komunità tal-Enerġija jipprevedi li l-Komunità tal-Enerġija tista’ tieħu miżuri biex timplimenta l-emendi tal-acquis communautaire stabbiliti fit-Titolu II, f’konformità mal-evoluzzjoni tad-dritt tal-Unjoni Ewropea. L-Artikolu 79 tat-Trattat dwar il-Komunità tal-Enerġija jipprevedi li l-Kunsill Ministerjali, il-Grupp Permanenti ta’ Livell Għoli jew il-Bord Regolatorju għandu jieħu Miżuri skont it-Titolu II fuq proposta tal-Kummissjoni Ewropea. Skont l-Artikoli 81 u 82 tat-Trattat dwar il-Komunità tal-Enerġija, miżuri bħal dawn għandhom jittieħdu bil-maġġoranza tal-voti mitfugħa, b’kull Parti Kontraenti jkollha vot wieħed. L-Artikolu 100 tat-Trattat jipprevedi, inter alia, li d-deċiżjonijiet dwar l-emendi tad-dispożizzjonijiet tat-Titoli I sa VII jittieħdu b’unanimità tal-Membri tat-Trattat dwar il-Komunità tal-Enerġija.
2.2.Il-Kunsill Ministerjali u l-PHLG
Il-Kunsill Ministerjali jiżgura li jintlaħqu l-objettivi stabbiliti fl-EnCT. Dan huwa magħmul minn rappreżentant wieħed ta’ kull Parti Kontraenti u żewġ rappreżentanti tal-UE. Skont l-Artikolu 47 tal-EnCT, dan jipprovdi linji gwida ta’ politika ġenerali, jieħu miżuri (Deċiżjonijiet jew Rakkomandazzjonijiet) u jadotta atti proċedurali. Kull Parti għandha vot wieħed u l-Kunsill Ministerjali jaġixxi b’regoli ta’ votazzjoni differenti skont is-suġġett. L-UE hija waħda mill-għaxar Partijiet u għandha vot wieħed, meta applikabbli, skont is-suġġett ikkonċernat. Skont l-Artikolu 78 tal-EnCT, il-Kunsill Ministerjali jista’ jaġixxi biss jekk żewġ terzi tal-Partijiet ikunu rappreżentati. L-astensjonijiet f’vot ma jgħoddux bħala voti mitfugħa.
Il-PHLG huwa korp sussidjarju tal-Kunsill Ministerjali. Skont l-Artikolu 53(a) tal-EnCT, huwa jħejji l-ħidma tal-Kunsill Ministerjali, inkluż l-aġenda tiegħu u l-atti li għandhom jiġu adottati mill-Kunsill Ministerjali. Il-PHLG jikkonsisti minn rappreżentant wieħed ta’ kull Parti Kontraenti u żewġ rappreżentanti tal-UE. L-UE għandha vot wieħed. Skont l-Artikolu 78 tal-EnCT, il-PHLG jista’ jaġixxi biss jekk żewġ terzi tal-Partijiet ikunu rrappreżentati. L-astensjonijiet f’vot ma jgħoddux bħala voti mitfugħa.
2.3.L-att previst tal-Kunsill Ministerjali
L-għan tad-deċiżjoni proposta skont l-Artikolu 192(1) tat-TFUE flimkien mal-Artikolu 218(9) tat-TFUE, huwa li tipproponi, f’isem l-Unjoni, lill-Kunsill Ministerjali tal-Komunità tal-Enerġija emendi tat-Trattat li jistabbilixxi l-Komunità tal-Enerġija sabiex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni kif ukoll biex jittieħed vot dwar din il-proposta f’isem l-Unjoni.
Din il-proposta għal Deċiżjoni tikkonċerna l-pożizzjoni li għandha tittieħed f’isem l-Unjoni fir-rigward tal-att previst li ġej tal-Kunsill Ministerjali li għandu l-għan li jaġġorna u jespandi l-kamp ta’ applikazzjoni tat-Trattat dwar il-Komunità tal-Enerġija għall-evoluzzjoni tal-liġi ambjentali tal-Unjoni: “id-Deċiżjoni tal-Kunsill Ministerjali tal-Komunità tal-Enerġija dwar l-emendar tat-Trattat dwar il-Komunità tal-Enerġija billi tiżdied mal-qafas legali tagħha d-Direttiva 2009/147/KE tal-Parlament Ewropew u tal-Kunsill dwar il-konservazzjoni tal-għasafar selvaġġi; Id-Direttiva tal-Kunsill 92/43/KEE dwar il-konservazzjoni tal-ħabitat naturali u tal-fawna u l-flora selvaġġa; u d-Direttiva 2000/60/KE tal-Parlament Ewropew u tal-Kunsill li tistabbilixxi qafas għal azzjoni Komunitarja fil-qasam tal-politika tal-ilma flimkien mad-Direttivi Derivati tagħha: Id-Direttiva 2006/118/KE tal-Parlament Ewropew u tal-Kunsill dwar il-protezzjoni tal-ilma ta’ taħt l-art kontra t-tniġġis u d-deterjorament, id-Direttiva 2008/105/KE tal-Parlament Ewropew u tal-Kunsill dwar standards ta’ kwalità ambjentali fil-qasam tal-politika tal-ilma u d-Direttiva tal-Kummissjoni 2009/90/KE li tistipula speċifikazzjonijiet tekniċi għall-analiżi u l-monitoraġġ kimiċi tal-istat tal-ilma.”
3.Pożizzjoni li għandha tittieħed f’isem l-Unjoni
Bl-inkorporazzjoni ta’ leġiżlazzjoni ambjentali ġdida fit-Trattat dwar il-Komunità tal-Enerġija, l-Unjoni Ewropea se testendi parti mill-politiki ambjentali tagħha għall-Partijiet Kontraenti tal-Komunità tal-Enerġija. Dan se jġib benefiċċji għall-ekonomija, għall-ambjent u għas-soċjetajiet tal-Partijiet Kontraenti. Barra minn hekk, l-inklużjoni tagħhom se tiffaċilita wkoll il-preparatezza tal-Partijiet Kontraenti għan-negozjati tal-adeżjoni tagħhom dwar il-kwistjonijiet relatati mal-Kapitolu 27 tal-acquis communautaire, l-Ambjent u t-tibdil fil-klima.
Id-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi tipprevedi miżuri biex jinżammu l-popolazzjonijiet tal-ispeċijiet tal-għasafar kollha li jinsabu fin-natura. Tali miżuri jistgħu jinkludu l-manutenzjoni u/jew l-istabbiliment mill-ġdid tal-ħabitats biex jiġu sostnuti dawn il-popolazzjonijiet tal-għasafar.
Id-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-ħabitats naturali u tal-fawna u l-flora selvaġġa tipprovdi approċċ strutturat għall-valutazzjoni u għall-mitigazzjoni tal-impatti ambjentali, filwaqt li tiżgura li l-proġetti tal-enerġija rinnovabbli jiġu żviluppati f’armonija mal-għanijiet tal-bijodiversità.
Id-Direttiva 2000/60/KE tal-Parlament Ewropew u tal-Kunsill tat-23 ta’ Ottubru 2000 li tistabbilixxi qafas għal azzjoni Komunitarja fil-qasam tal-politika tal-ilma, id-Direttiva 2006/118/KE tal-Parlament Ewropew u tal-Kunsill tat-12 ta’ Diċembru 2006 dwar il-protezzjoni tal-ilma ta’ taħt l-art kontra t-tniġġis u d-deterjorament, id-Direttiva 2008/105/KE tal-Parlament Ewropew u tal-Kunsill tas-16 ta’ Diċembru 2008 dwar standards ta’ kwalità ambjentali fil-qasam tal-politika tal-ilma u d-Direttiva tal-Kummissjoni 2009/90/KE tal-31 ta’ Lulju 2009 li tistipula speċifikazzjonijiet tekniċi għall-analiżi u l-monitoraġġ kimiċi tal-istat tal-ilma – dawn id-Direttivi jagħtu mandat għal valutazzjonijiet komprensivi tal-impatti potenzjali fuq l-ekosistemi tal-ilma, li jgħinu fl-identifikazzjoni u fil-mitigazzjoni ta’ kwalunkwe effett negattiv fuq il-ħabitats akkwatiċi u l-bijodiversità.
Billi jinkorporaw id-Direttiva dwar il-Ħabitats, id-Direttiva dwar l-Għasafar u d-Direttiva Qafas dwar l-Ilma mad-Direttivi Derivati tagħha, il-Partijiet għat-Trattat dwar il-Komunità tal-Enerġija jistgħu jiżguraw li l-proġetti tal-enerġija rinnovabbli, inkluż l-enerġija idroelettrika, jitfasslu u jiġu implimentati b’mod li jissalvagwardjaw kemm ir-riżorsi tal-ilma kif ukoll il-bijodiversità. Dawn id-Direttivi addizzjonali huma wkoll interkonnessi mad-Direttiva dwar il-Valutazzjoni tal-Impatt Ambjentali u mad-Direttiva dwar il-Valutazzjoni Ambjentali Strateġika, li diġà huma parti mill-acquis communautaire dwar l-ambjent tat-Trattat dwar il-Komunità tal-Enerġija, u jiżguraw approċċ komprensiv għall-valutazzjonijiet ambjentali. L-inklużjoni ta’ dawn id-Direttivi addizzjonali se tkun utli wkoll fl-implimentazzjoni tad-Direttiva (UE) 2023/2413 (id-Direttiva dwar l-Enerġija Rinnovabbli III (RED riveduta)), speċjalment meta jitqies l-iżvilupp ta’ żoni ta’ aċċellerazzjoni potenzjali.
L-att previst se jsir vinkolanti fuq il-Partijiet Kontraenti f’konformità mal-Artikoli 25, 79 u 100(i) tat-Trattat dwar il-Komunità tal-Enerġija sal-iskadenzi stipulati fl-Annessi tad-Deċiżjoni tal-Kunsill Ministerjali tal-Komunità tal-Enerġija. L-emendi proposti jkunu marbuta mill-qrib mal-acquis communautaire dwar l-ambjent imsemmi fl-Artikolu 16 tat-Trattat dwar il-Komunità tal-Enerġija.
4.Bażi legali
4.1.Bażi legali proċedurali
4.1.1.Prinċipji
L-Artikolu 218(9) tat-TFUE jipprevedi deċiżjonijiet li jistabbilixxu “l-pożizzjonijiet li għandhom jiġu adottati f’isem l-Unjoni f’sede stabbilita fi ftehim, meta dik is-sede tintalab tadotta atti li jkollhom effetti legali, sakemm dawn ma jkunux atti li jissupplimentaw jew jemendaw il-qafas istituzzjonali tal-ftehim” 9 .
4.1.2.Applikazzjoni għal dan il-każ
L-atti li l-Kunsill Ministerjali u l-Bord Regolatorju tal-Komunità tal-Enerġija huma mitluba jadottaw, jikkostitwixxu atti li għandhom effetti legali. L-atti previsti se jkunu vinkolanti skont id-dritt internazzjonali f’konformità mal-Artikolu 76 tal-EnCT, li skontu deċiżjoni tkun legalment vinkolanti għal dawk li lilhom tkun indirizzata.
L-att previst la jissupplimenta u lanqas jemenda l-qafas istituzzjonali tal-EnCT.
Għaldaqstant, il-bażi legali proċedurali għad-deċiżjoni proposta hija l-Artikolu 218(9) tat-TFUE.
4.2.Bażi legali sostantiva
4.2.1.Prinċipji
Il-bażi legali sostantiva għal deċiżjoni skont l-Artikolu 218(9) tat-TFUE tiddependi qabelxejn mill-objettiv u mill-kontenut tal-att previst li fir-rigward tiegħu tittieħed pożizzjoni f’isem l-Unjoni. Jekk l-att previst ikollu żewġ għanijiet jew żewġ komponenti, u jekk wieħed minn dawk l-għanijiet jew il-komponenti jkun jista’ jiġi identifikat bħala dak ewlieni, filwaqt li l-ieħor ikun sempliċiment inċidentali, id-Deċiżjoni skont l-Artikolu 218(9) tat-TFUE trid tissejjes fuq bażi legali sostantiva waħda, jiġifieri dik mitluba mill-għan jew mill-komponent ewlieni jew predominanti.
4.2.2.Applikazzjoni għal dan il-każ
4.2.3.L-objettiv u l-kontenut ewlenin tal-att previst huma marbuta mal-ambjent.
Għaldaqstant, il-bażi legali sostantiva tad-deċiżjoni proposta hija l-Artikolu 192(1) tat-TFUE.
4.3.Konklużjoni
Il-bażi legali tad-deċiżjoni proposta għandha tkun l-Artikolu 192(1) tat-TFUE flimkien mal-Artikolu 218(9) tat-TFUE.
2025/0321 (NLE)
Proposta għal
DEĊIŻJONI TAL-KUNSILL
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1), flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1)It-Trattat dwar il-Komunità tal-Enerġija ġie ffirmat f’Ottubru 2005 f’Ateni u daħal fis-seħħ f’Lulju 2006. Bħalissa, l-Unjoni (irrappreżentata mill-Kummissjoni) u disa’ pajjiżi ġirien 10 jiffurmaw il-Komunità tal-Enerġija.
(2)L-Artikolu 12 tat-Trattat dwar il-Komunità tal-Enerġija jirrikjedi li kull Parti Kontraenti timplimenta l-acquis communautaire dwar l-ambjent f’konformità mal-iskeda ta’ żmien għall-implimentazzjoni ta’ dawk il-miżuri stabbiliti fl-Anness II tat-Trattat.
(3)L-Artikolu 16 tat-Trattat dwar il-Komunità tal-Enerġija jelenka l-acquis communautaire dwar l-ambjent, li huwa kopert minn dak it-Trattat.
(4) L-Artikoli 24 u 25 tat-Trattat dwar il-Komunità tal-Enerġija jipprevedu miżuri relatati mal-adattament u mal-evoluzzjoni tal-acquis communautaire dwar l-ambjent.
(5)L-Artikolu 79 tat-Trattat jipprevedi li l-Kunsill Ministerjali, il-Grupp Permanenti ta’ Livell Għoli jew il-Bord Regolatorju għandu jieħu Miżuri skont it-Titolu II fuq proposta mill-Kummissjoni Ewropea. Skont l-Artikoli 81 u 82 tat-Trattat, miżuri bħal dawn għandhom jittieħdu bil-maġġoranza tal-voti mitfugħa, b’kull Parti Kontraenti li jkollha vot wieħed.
(6)L-Artikolu 100 tat-Trattat jipprevedi, inter alia, li d-deċiżjonijiet dwar l-emendi tad-dispożizzjonijiet tat-Titoli I sa VII jittieħdu b’unanimità tal-Membri tat-Trattat dwar il-Komunità tal-Enerġija.
(7)Id-Direttiva 2009/147/KE tal-Parlament Ewropew u tal-Kunsill dwar il-konservazzjoni tal-għasafar selvaġġi 11 , id-Direttiva tal-Kunsill 92/43/KEE dwar il-konservazzjoni tal-ħabitat naturali u tal-fawna u l-flora selvaġġa 12 , id-Direttiva 2000/60/KE tal-Parlament Ewropew u tal-Kunsill li tistabbilixxi qafas għal azzjoni Komunitarja fil-qasam tal-politika tal-ilma 13 , flimkien mad-Direttiva 2006/118/KE tal-Parlament Ewropew u tal-Kunsill dwar il-protezzjoni tal-ilma ta’ taħt l-art kontra t-tniġġis u d-deterjorament 14 , id-Direttiva 2008/105/KE tal-Parlament Ewropew u tal-Kunsill dwar standards ta’ kwalità ambjentali fil-qasam tal-politika tal-ilma 15 u d-Direttiva tal-Kummissjoni 2009/90/KE li tistipula speċifikazzjonijiet tekniċi għall-analiżi u l-monitoraġġ kimiċi tal-istat tal-ilma 16 ma humiex inklużi fl-Artikolu 16 tat-Trattat dwar il-Komunità tal-Enerġija. Għaldaqstant, il-Partijiet Kontraenti għad ma għandhomx l-obbligu li jimplimentaw id-dispożizzjonijiet ta’ dawk id-Direttivi. Għalhekk, l-għan tal-emendi proposti huwa li jespandu l-liġi ambjentali tal-Unjoni skont il-kamp ta’ applikazzjoni tat-Trattat dwar il-Komunità tal-Enerġija billi jżidu dawk id-Direttivi.
(8)Sabiex tiġi żgurata tranżizzjoni tal-enerġija ġusta li tiggarantixxi kobenefiċċji għall-bijodiversità u l-evitar tad-deterjorament fl-istat ta’ konservazzjoni tal-ispeċijiet tal-għasafar selvaġġi, huwa neċessarju li l-Artikolu 16 tat-Trattat dwar il-Komunità tal-Enerġija jiġi emendat billi tiġi aġġornata r-referenza għall-Artikolu 4(2) tad-Direttiva 79/409/KEE tal-Kunsill u billi d-Direttiva 2009/147/KE tiżdied mal-lista tal-acquis communautaire dwar l-ambjent għall-finijiet tat-Trattat dwar il-Komunità tal-Enerġija.
(9)Id-Direttiva 92/43/KEE tipprevedi approċċ strutturat għall-valutazzjoni u għall-mitigazzjoni tal-impatti ambjentali tal-proġetti tal-enerġija fil-kamp ta’ applikazzjoni tat-Trattat dwar il-Komunità tal-Enerġija dwar il-bijodiversità u flimkien mad-Direttiva 2009/147/KE tirrappreżenta l-għodda legali ewlenija fid-dritt tal-Unjoni għall-implimentazzjoni tal-obbligi internazzjonali tal-Unjoni li jirriżultaw mill-Konvenzjoni ta’ Bern dwar il-Ħarsien tal-Ħajja Selvaġġa u l-Ambjenti Naturali tal-Ewropa.
(10)Wara l-ħtieġa li jiġu previsti valutazzjonijiet komprensivi tal-impatti potenzjali fuq l-ekosistemi tal-ilma tal-proġetti tal-enerġija fil-kamp ta’ applikazzjoni tat-Trattat dwar il-Komunità tal-Enerġija, huwa neċessarju li l-Partijiet Kontraenti jiżguraw li l-attivitajiet kollha relatati mal-Enerġija tan-Network jitfasslu u jiġu operati sabiex tiġi żgurata l-konformità mad-Direttiva 2000/60/KE, u b’mod partikolari mal-Artikolu 4, li jistabbilixxi l-objettivi ewlenin ta’ dik id-Direttiva, fejn hu stabbilit li l-Istati Membri għandhom jimplimentaw il-miżuri meħtieġa biex jipprevjenu d-deterjorament tal-istat tal-korpi tal-ilma u jieħdu miżuri bil-għan li jinkiseb stat tajjeb tal-ilma, mingħajr preġudizzju għal ċerti limitazzjonijiet ta’ żmien u eżenzjonijiet oħra.
Għalhekk, jenħtieġ li l-Kummissjoni, f’isem l-Unjoni, tipproponi l-emendar tat-Trattat dwar il-Komunità tal-Enerġija kif stabbilit f’din id-Deċiżjoni (id-diskussjonijiet jistgħu jsiru mingħajr Deċiżjoni skont l-Artikolu 218(9)) u jenħtieġ li l-Kummissjoni, f’isem l-Unjoni, tivvota favur il-proposta fil-laqgħa tal-Kunsill Ministerjali skedata għat-18 ta’ Diċembru 2025.
ADOTTA DIN ID-DEĊIŻJONI:
Artikolu 1
Il-Kummissjoni hija b’dan awtorizzata tippreżenta lill-Kunsill Ministerjali tal-Komunità tal-Enerġija l-proposta inkluża fl-Annessi I, II u III ta’ din id-Deċiżjoni biex temenda kif xieraq it-Trattat li jistabbilixxi l-Komunità tal-Enerġija, ħalli jiġi aġġornat u estiż il-kamp ta’ applikazzjoni tat-Trattat filwaqt li titqies l-evoluzzjoni tal-liġi ambjentali tal-Unjoni.
Artikolu 2
Il-pożizzjoni li għandha tittieħed f’isem l-Unjoni fil-laqgħa tal-Kunsill Ministerjali tal-Komunità tal-Enerġija fit-18 ta’ Diċembru 2025 għandha tkun li tappoġġa l-adozzjoni tal-proposta għal emendi tat-Trattat dwar il-Komunità tal-Enerġija kif inkluż fl-Annessi I, II u III.
Artikolu 3
Ir-rappreżentanti tal-Unjoni fil-Kunsill Ministerjali tal-Komunità tal-Enerġija jistgħu jiftiehmu dwar bidliet żgħar f’din id-deċiżjoni mingħajr deċiżjoni ulterjuri tal-Kunsill.
Artikolu 4
Din id-Deċiżjoni hija indirizzata lill-Kummissjoni.
Magħmul fi Brussell,
Għall-Kunsill
Il-President
IL-KUMMISSJONI EWROPEA
Brussell, 14.10.2025
COM(2025) 636 final
ANNESS
tal-
Proposta għal Deċiżjoni tal-Kunsill
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
ANNESS I
DEĊIŻJONI Nru 20xx/XX/MC-EnC
TAL-KUNSILL MINISTERJALI TAL-KOMUNITÀ TAL-ENERĠIJA
ta’ xx xx 202x
dwar l-emendar tat-Trattat dwar il-Komunità tal-Enerġija u dwar l-implimentazzjoni ta’ ċerti dispożizzjonijiet tad-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi
IL-KUNSILL MINISTERJALI TAL-KOMUNITÀ TAL-ENERĠIJA
Wara li kkunsidra t-Trattat dwar il-Komunità tal-Enerġija, u b’mod partikolari l-Artikoli 25, 79 u 100, il-punt (i) tiegħu,
Billi:
(1)L-Artikolu 2 tat-Trattat dwar il-Komunità tal-Enerġija (“it-Trattat”) jistabbilixxi t-titjib tas-sitwazzjoni ambjentali b’rabta mal-Enerġija tan-Network u l-effiċjenza fl-enerġija relatata fil-Partijiet Kontraenti bħala wieħed mill-objettivi ewlenin tiegħu.
(2)L-Artikolu 12 tat-Trattat jirrikjedi li kull Parti Kontraenti timplimenta l-“acquis communautaire dwar l-ambjent” f’konformità mal-iskeda ta’ żmien għall-implimentazzjoni ta’ dawk il-miżuri stabbiliti fl-Anness II tat-Trattat.
(3)L-Artikolu 16 tat-Trattat jelenka l-acquis communautaire dwar l-ambjent li huwa kopert mit-Trattat.
(4)L-Artikolu 25 tat-Trattat jipprevedi li l-Komunità tal-Enerġija tista’ tieħu l-miżuri biex jiġu implimentati l-emendi tal-acquis communautaire stabbiliti fit-Titolu II, b’mod konformi mal-evoluzzjoni tad-dritt tal-Unjoni Ewropea.
(5)L-Artikolu 79 tat-Trattat jipprevedi li l-Kunsill Ministerjali, il-Grupp Permanenti ta’ Livell Għoli jew il-Bord Regolatorju għandu jieħu Miżuri skont it-Titolu II fuq proposta mill-Kummissjoni Ewropea. Skont l-Artikoli 81 u 82 tat-Trattat, miżuri bħal dawn għandhom jittieħdu bil-maġġoranza tal-voti mitfugħa, b’kull Parti Kontraenti li jkollha vot wieħed.
(6)L-Artikolu 100, il-punt (i), tat-Trattat jistipula li l-Kunsill Ministerjali jista’, bl-unanimità tal-Membri tiegħu, jemenda d-dispożizzjonijiet tat-Titoli I sa VII tat-Trattat.
(7)L-Artikolu 4(2) tad-Direttiva 2009/147/KE dwar il-konservazzjoni tal-għasafar selvaġġi diġà huwa elenkat taħt l-Artikolu 16, il-punt (iv), tat-Trattat.
(8)Huwa neċessarju li tiġi żgurata tranżizzjoni tal-enerġija ġusta li tiggarantixxi kobenefiċċji għall-bijodiversità, u l-evitar tad-deterjorament fl-istat ta’ konservazzjoni tat-tipi ta’ ħabitats naturali u l-ħabitats tal-ispeċijiet f’siti ta’ importanza internazzjonali jew f’żoni protetti fil-livell nazzjonali li jospitaw tipi ta’ ħabitats naturali u speċijiet ta’ interess Komunitarju.
(9)Il-pjanijiet u l-proġetti tal-Enerġija tan-Network, fil-kuntest tat-Trattat, iridu jitfasslu sabiex itaffu jew, meta neċessarju, jillimitaw kemm jista’ jkun kwalunkwe impatt negattiv fuq il-bijodiversità.
(10)L-Artikolu 2 tad-Direttiva 2009/147/KE jiddikjara li jridu jittieħdu miżuri biex tinżamm il-popolazzjoni tal-ispeċijiet kollha ta’ għasafar li jinsabu fin-natura fit-territorju Ewropew tal-Istati Membri tal-Unjoni.
(11)L-Artikolu 4(4), it-tieni sentenza tad-Direttiva 2009/147/KE tistabbilixxi obbligu li jsir sforz biex jiġi evitat it-tniġġis jew id-deterjorament tal-ħabitats barra miż-żoni ta’ protezzjoni. L-ispeċijiet tal-għasafar huma distribwiti b’mod wiesa’ u mobbli, u għalhekk huwa neċessarju li jiġi żgurat li jsiru sforzi biex jiġi limitat l-impatt tal-Enerġija tan-Network lil hinn miż-żoni protetti.
(12)L-Artikoli 5 u 9 tad-Direttiva 2009/147/KE jistabbilixxu qafas għall-protezzjoni tal-ispeċijiet kollha ta’ għasafar li jinsabu fin-natura fit-territorju Ewropew tal-Istati Membri tal-Unjoni. Huwa neċessarju li l-projbizzjonijiet elenkati fl-Artikolu 5 ta’ dik id-Direttiva jiġu applikati għall-attivitajiet ta’ Enerġija tan-Network minħabba l-impatti li jista’ jkollhom fuq l-ispeċijiet ta’ għasafar selvaġġi li jinsabu fin-natura. Jista’ jkun neċessarju li ssir deroga minn dawk il-projbizzjonijiet f’ċirkostanzi limitati dment li jiġu ssodisfati l-kriterji neċessarji.
(13)Iż-żoni protetti skont id-Direttiva 2009/147/KE huma soġġetti għar-rekwiżiti tal-Artikolu 6(2), (3) u (4) tad-Direttiva 92/43/KEE dwar il-konservazzjoni tal-ħabitat naturali u tal-fawna u l-flora selvaġġa bis-saħħa tal-Artikolu 7 ta’ dik id-Direttiva. L-Artikolu 6(2), (3) u (4) jistabbilixxi qafas għall-konservazzjoni u għall-protezzjoni bbażati fuq is-sit permezz ta’ rekwiżiti preventivi u proċedurali biex jikkontribwixxu għall-manutenzjoni jew għar-restawr, fi stat ta’ konservazzjoni favorevoli, tal-ħabitats naturali u tal-ħabitats tal-ispeċijiet ta’ fawna u flora selvaġġa ta’ Interess Komunitarju.
(14)Il-pjanijiet u l-proġetti skont it-tifsira tal-Artikolu 6 tad-Direttiva 92/43/KEE jistgħu jkunu relatati wkoll mal-Enerġija tan-Network, u jista’ jkollhom impatti sinifikanti fuq l-integrità tas-siti ta’ importanza internazzjonali u taż-żoni protetti fil-livell nazzjonali li jospitaw tipi ta’ ħabitats naturali u speċijiet ta’ interess Komunitarju. Se jkun neċessarju li jittieħdu miżuri ta’ kumpens fejn dawk il-pjanijiet jew proġetti tal-Enerġija tan-Network iridu xorta waħda jitwettqu għal raġunijiet imperattivi ta’ interess pubbliku prevalenti.
(15)Id-Direttiva 2009/147/KE, flimkien mad-Direttiva 92/43/KEE, jirrappreżentaw l-għodod legali ewlenin fid-dritt tal-Unjoni għall-implimentazzjoni tal-obbligi internazzjonali tal-Unjoni li jirriżultaw mill-Konvenzjoni ta’ Bern dwar il-Ħarsien tal-Ħajja Selvaġġa u l-Ambjenti Naturali (“il-Konvenzjoni”). Għandhom jiġu stabbiliti Żoni ta’ Interess ta’ Konservazzjoni Speċjali tan-Network Emerald f’kull waħda mill-Partijiet Kontraenti u mill-Istati Osservaturi għall-Konvenzjoni ta’ Bern, bħala għodda biex jinkisbu l-għanijiet kumplessivi tal-Konvenzjoni. Il-Partijiet Kontraenti kollha għat-Trattat huma wkoll Partijiet għall-Konvenzjoni, bl-eċċezzjoni tal-Kosovo 1 . Iż-Żoni ta’ Interess ta’ Konservazzjoni Speċjali tan-Network Emerald, u ż-Żoni Kandidati ta’ Interess ta’ Konservazzjoni Speċjali tan-Network Emerald huma ddeżinjati f’kull Parti Kontraenti għall-Konvenzjoni ta’ Bern. In-Network Emerald għadu qiegħed jiġi żviluppat, peress li għad hemm lakuni qabel ma jkun jista’ jitqies komplut u suffiċjenti biex jappoġġa l-kisba tal-objettivi tal-Konvenzjoni.
(16)Iż-żoni protetti legalment permezz tad-dritt nazzjonali għandhom l-għan li jiksbu l-konservazzjoni fit-tul tat-tipi ta’ ħabitats u tal-ispeċijiet flimkien mas-servizzi tal-ekosistema u mal-valuri kulturali assoċjati. Dawn l-oqsma huma preżenti fil-Partijiet Kontraenti kollha għat-Trattat.
(17)Is-siti Ramsar huma artijiet mistagħdra ta’ importanza internazzjonali ddeżinjati skont il-Konvenzjoni ta’ Ramsar dwar l-Artijiet Mistagħdra ta’ Importanza Internazzjonali speċjalment bħala l-Ħabitat għall-Għasafar tal-Ilma (il-“Konvenzjoni ta’ Ramsar”), ftehim intergovernattiv li għandu l-għan li jwaqqaf it-telf tal-artijiet mistagħdra globalment. Il-Partijiet Kontraenti kollha għat-Trattat huma wkoll Partijiet għall-Konvenzjoni ta’ Ramsar, u għandhom siti Ramsar deżinjati, bl-eċċezzjoni tal-Kosovo.
(18)It-Trattat jikkonċerna pjanijiet u proġetti li huma rilevanti għall-implimentazzjoni tad-Direttiva 2009/147/KE, b’referenza għall-Artikoli 6 u 7 tad-Direttiva 92/43/KEE. Għalhekk, l-inklużjoni tad-Direttiva 2009/147/KE fl-acquis communautaire dwar l-ambjent se tiżgura li l-konservazzjoni tal-ispeċijiet tal-għasafar u tal-ħabitats tagħhom titqies matul it-tfassil u l-implimentazzjoni tal-pjanijiet u tal-proġetti relatati mal-Enerġija tan-Network.
(19)L-Artikolu 2, l-Artikolu 4(4), it-tieni sentenza, l-Artikolu 5 u l-Artikolu 9 u l-Anness I tad-Direttiva 2009/147/KE għadhom ma ġewx inkorporati fl-acquis communautaire dwar l-ambjent tal-Komunità tal-Enerġija.
(20)L-Artikolu 94 tat-Trattat jirrikjedi li l-istituzzjonijiet jinterpretaw kwalunkwe terminu jew kunċett ieħor użat fit-Trattat li huwa derivat mid-dritt tal-Unjoni f’konformità mal-ġurisprudenza tal-Qorti tal-Ġustizzja tal-Unjoni Ewropea.
(21)Id-dokumenti ta’ gwida 2 jippreżentaw il-fehim tal-Kummissjoni dwar id-dispożizzjonijiet tal-Artikoli 6 tad-Direttiva 92/43/KEE, inkluża l-applikazzjoni tagħha għad-Direttiva 2009/147/KE, u jistgħu jipprovdu gwida dwar l-applikazzjoni tagħhom, fid-dawl tal-ġurisprudenza rilevanti tal-Qorti tal-Ġustizzja tal-Unjoni Ewropea, u filwaqt li titqies l-esperjenza li tirriżulta mill-implimentazzjoni fl-Istati Membri tal-Unjoni.
(22)L-acquis communautaire dwar l-ambjent stabbilit fl-Artikolu 16 tat-Trattat u l-iskeda ta’ żmien għall-implimentazzjoni stabbilita fl-Anness II tat-Trattat jenħtieġ li jkunu allinjati mad-dritt tal-Unjoni dwar il-konservazzjoni tan-natura sa fejn dan ikun relatat mal-Enerġija tan-Network.
(23)Fil-laqgħat tagħha ta’ xxx u xxx, it-Task Force għall-Ambjent analizzat il-proposta fid-dettall u rrakkomandat l-adozzjoni tagħha b’għadd ta’ adattamenti li huma riflessi f’din id-Deċiżjoni. L-adattamenti ġew miftiehma mill-Kummissjoni Ewropea.
(24)Il-Grupp Permanenti ta’ Livell Għoli, fil-laqgħat tiegħu ta’ xxx u xxx, elabora u ppropona li jadotta din id-Deċiżjoni,
ADOTTA DIN ID-DEĊIŻJONI:
Artikolu 1
It-Trattat dwar il-Komunità tal-Enerġija huwa emendat kif ġej:
(1) fl-Artikolu 16, il-punt (iv) huwa sostitwit b’dan li ġej:
“(iv) l-Artikolu 2, l-Artikolu 4(2) u (4), it-tieni sentenza, l-Artikolu 5, l-Artikolu 9 u l-Anness I tad-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi,”;
(2) fl-Anness II, il-punt 4 huwa sostitwit b’dan li ġej:
“4. Kull Parti Kontraenti għandha timplimenta l-Artikolu 2, l-Artikolu 4(2) u (4), it-tieni sentenza, l-Artikolu 5, l-Artikolu 9 u l-Anness I tad-Direttiva 2009/147/KE tat-30 ta’ Novembru 2009 dwar il-konservazzjoni tal-għasafar selvaġġi sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra.”
Artikolu 2
1. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 2 tad-Direttiva 2009/147/KE għandu jinqara kif ġej:
“Il-Partijiet Kontraenti għandhom jieħdu l-miżuri meħtieġa fil-qasam tal-Enerġija tan-Network biex iżommu l-popolazzjoni tal-ispeċijiet kollha ta’ għasafar li jinsabu fin-natura fit-territorju tal-Partijiet Kontraenti li għalihom japplika t-Trattat li jistabbilixxi l-Komunità tal-Enerġija f’livell li jikkorrispondi b’mod partikolari għar-rekwiżiti ekoloġiċi, xjentifiċi u kulturali, filwaqt li jitqiesu r-rekwiżiti ekonomiċi u rikreattivi, jew biex jadattaw il-popolazzjoni ta’ dawn l-ispeċijiet għal dak il-livell.”
2. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 4(4), it-tieni sentenza, tad-Direttiva 2009/147/KE għandu jinqara kif ġej:
“Barra miż-żoni ta’ protezzjoni, il-Partijiet Kontraenti għandhom jistinkaw ukoll biex jevitaw it-tniġġis jew id-deterjorament tal-ħabitats tal-ispeċijiet tal-għasafar, sa fejn dan ikun relatat mal-Enerġija tan-Network.”
3. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 5 tad-Direttiva 2009/147/KE għandu jinqara kif ġej:
“Mingħajr preġudizzju għall-Artikolu 9, il-Partijiet Kontraenti għandhom jieħdu l-miżuri meħtieġa biex jistabbilixxu sistema ġenerali ta’ protezzjoni għall-ispeċijiet kollha ta’ għasafar li jinsabu fin-natura fit-territorju Ewropew tal-Partijiet Kontraenti li għalihom japplika t-Trattat li jistabbilixxi l-Komunità tal-Enerġija, li b’mod partikolari jipprojbixxi:
(a) il-qtil jew il-qbid intenzjonat bi kwalunkwe metodu;
(b) il-qerda intenzjonata tal-bejtiet u tal-bajd tagħhom jew il-ħsara lilhom, jew it-tneħħija tal-bejtiet tagħhom;
(c) it-teħid tal-bajd tagħhom fis-salvaġġ u ż-żamma ta’ dan il-bajd anke jekk ikun vojt;
(d) it-tfixkil intenzjonat ta’ dawn l-għasafar b’mod partikolari waqt il-perjodu tat-tnissil u tat-trobbija, sakemm dan it-tfixkil jista jkun sinifikanti fil-kuntest tal-objettivi ta’ din id-direttiva;
(e) iż-żamma ta’ speċijiet ta’ għasafar li l-kaċċa u l-qbid tagħhom huma pprojbiti.”
4. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 9 tad-Direttiva 2009/147/KE għandu jinqara kif ġej:
“1. Il-Partijiet Kontraenti jistgħu jidderogaw mid-dispożizzjonijiet tal-Artikolu 5, fejn ma jkun hemm l-ebda soluzzjoni sodisfaċenti oħra, għar-raġunijiet li ġejjin:
(a) — fl-interessi tas-saħħa u s-sikurezza pubblika,
— fl-interessi tas-sikurezza tal-avjazzjoni,
— biex tiġi pprevenuta ħsara serja lill-uċuħ tar-raba’, lill-bhejjem, lill-foresti, lis-sajd u lill-ilma,
— għall-protezzjoni tal-flora u tal-fawna;
(b) għall-finijiet ta’ riċerka u tagħlim, ta’ ripopolazzjoni, ta’ introduzzjoni mill-ġdid u għat-tnissil neċessarju għal dawn l-iskopijiet;
(c) biex jippermettu, taħt kundizzjonijiet ta’ superviżjoni stretta u fuq bażi selettiva, il-qbid, iż-żamma jew użu meqjus ieħor ta’ ċerti għasafar f’numri żgħar.
2. Id-derogi msemmija fil-paragrafu 1 għandhom jispeċifikaw:
(a) l-ispeċijiet li huma soġġetti għad-derogi;
(b) il-mezzi, l-arranġamenti jew il-metodi awtorizzati għall-qbid jew għall-qtil;
(c) il-kundizzjonijiet tar-riskju u ċ-ċirkostanzi taż-żmien u tal-post li fihom jistgħu jingħataw dawn id-derogi;
(d) l-awtorità mogħtija s-setgħa biex tiddikjara li jeżistu l-kundizzjonijiet meħtieġa u biex tiddeċiedi liema mezzi arranġamenti jew metodi jistgħu jintużaw, f’liema limiti u minn min;
(e) il-kontrolli li se jitwettqu.
3. Kull sena, il-Partijiet Kontraenti għandhom jibagħtu rapport lis-Segretarjat tal-Komunità tal-Enerġija (“is-Segretarjat”) dwar l-implimentazzjoni tal-paragrafi 1 u 2. Is-Segretarjat għandu jiżgura li r-rapporti jsiru disponibbli għall-pubbliku.
4. Abbażi tal-informazzjoni disponibbli għalih, u b’mod partikolari l-informazzjoni kkomunikata lilu skont il-paragrafu 3, is-Segretarjat għandu f’kull ħin jiżgura li l-konsegwenzi tad-derogi msemmija fil-paragrafu 1 ma jkunux inkompatibbli ma’ din id-Direttiva. Huwa għandu jieħu passi xierqa għal dan l-iskop.”
Artikolu 3
1. Il-Partijiet Kontraenti għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu 2, l-Artikolu 4(4), it-tieni sentenza, l-Artikolu 5, u l-Artikolu 9 tad-Direttiva 2009/147/KE sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra. Huma għandhom jinfurmaw minnufih lis-Segretarjat tal-Komunità tal-Enerġija (“is-Segretarjat”) b’dan.
2. Meta l-Partijiet Kontraenti jadottaw il-miżuri msemmija fil-paragrafu 1, dawn għandu jkun fihom referenzi għal din id-Deċiżjoni u għad-Direttiva 2009/147/KE, jew għandhom ikunu akkumpanjati minn tali referenzi fl-okkażjoni tal-pubblikazzjoni uffiċjali tagħhom. Il-metodi biex isiru dawn ir-referenzi għandhom jiġu stabbiliti mill-Partijiet Kontraenti.
3. Il-Partijiet Kontraenti għandhom jikkomunikaw lis-Segretarjat it-test tad-dispożizzjonijiet ewlenin tad-dritt nazzjonali li jadottaw fil-qasam kopert minn din id-Deċiżjoni u d-Direttiva 2009/47/KE.
Artikolu 4
Din id-Deċiżjoni għandha tidħol fis-seħħ mal-adozzjoni tagħha mill-Kunsill Ministerjali.
Artikolu 5
Din id-Deċiżjoni hija indirizzata lill-Partijiet Kontraenti tat-Trattat dwar il-Komunità tal-Enerġija.
Magħmul fi [xxx], fi [DATA]
Għall-Kunsill Ministerjali
(Il-President)
“Il-ġestjoni tas-siti tan-Natura 2000 — Id-dispożizzjonijiet tal-Artikolu 6 tad-Direttiva 92/43/KEE dwar il-Ħabitats” (C/2018/7621); u l-“Avviż tal-Kummissjoni Valutazzjonijiet tal-pjanijiet u tal-proġetti relatati mas-siti ta’ Natura 2000 — Gwida metodoloġika dwar id-dispożizzjonijiet tal-Artikolu 6(3) u (4) tad-Direttiva 92/43/KEE dwar il-Ħabitats” (C/2021/6913).
IL-KUMMISSJONI EWROPEA
Brussell, 14.10.2025
COM(2025) 636 final
ANNESS
tal-
Proposta għal Deċiżjoni tal-Kunsill
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
ANNESS II
DEĊIŻJONI Nru 20xx/XX/MC-EnC
TAL-KUNSILL MINISTERJALI TAL-KOMUNITÀ TAL-ENERĠIJA
ta’ xx xx 202x
dwar l-emendar tat-Trattat dwar il-Komunità tal-Enerġija u dwar l-implimentazzjoni ta’ ċerti dispożizzjonijiet tad-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-ħabitat naturali u tal-fawna u l-flora selvaġġa
IL-KUNSILL MINISTERJALI TAL-KOMUNITÀ TAL-ENERĠIJA
Wara li kkunsidra t-Trattat dwar il-Komunità tal-Enerġija, u b’mod partikolari l-Artikoli 25, 79 u 100, il-punt (i), tiegħu,
Billi:
(1)L-Artikolu 2 tat-Trattat dwar il-Komunità tal-Enerġija (“it-Trattat”) jistabbilixxi t-titjib tas-sitwazzjoni ambjentali fir-rigward tal-Enerġija tan-Network u l-effiċjenza fl-enerġija relatata fil-Partijiet Kontraenti bħala wieħed mill-objettivi ewlenin tiegħu.
(2)L-Artikolu 12 tat-Trattat jirrikjedi li kull Parti Kontraenti timplimenta l-“acquis communautaire dwar l-ambjent” f’konformità mal-iskeda ta’ żmien għall-implimentazzjoni ta’ dawk il-miżuri stabbiliti fl-Anness II ta’ dak it-Trattat.
(3)L-Artikolu 16 tat-Trattat jelenka l-acquis communautaire dwar l-ambjent li huwa kopert mit-Trattat.
(4)L-Artikolu 25 tat-Trattat jipprevedi li l-Komunità tal-Enerġija tista’ tieħu l-miżuri biex jiġu implimentati l-emendi tal-acquis communautaire stabbiliti fit-Titolu II, b’mod konformi mal-evoluzzjoni tad-dritt tal-Unjoni Ewropea.
(5)L-Artikolu 79 tat-Trattat jipprevedi li l-Kunsill Ministerjali, il-Grupp Permanenti ta’ Livell Għoli jew il-Bord Regolatorju għandu jieħu Miżuri skont it-Titolu II fuq proposta mill-Kummissjoni Ewropea. Skont l-Artikoli 81 u 82 tat-Trattat, miżuri bħal dawn għandhom jittieħdu bil-maġġoranza tal-voti mitfugħa, b’kull Parti Kontraenti li jkollha vot wieħed.
(6)L-Artikolu 100, il-punt (i), tat-Trattat jistipula li l-Kunsill Ministerjali jista’, bl-unanimità tal-Membri tiegħu, jemenda d-dispożizzjonijiet tat-Titoli I sa VII tat-Trattat.
(7)Huwa neċessarju li tiġi żgurata tranżizzjoni tal-enerġija ġusta li tiggarantixxi kobenefiċċji għall-bijodiversità, u l-evitar tad-deterjorament fl-istat ta’ konservazzjoni tat-tipi ta’ ħabitats naturali u l-ħabitats tal-ispeċijiet f’siti ta’ importanza internazzjonali jew f’żoni protetti fil-livell nazzjonali li jospitaw tipi ta’ ħabitats naturali u speċijiet ta’ interess Komunitarju.
(8)Il-pjanijiet u l-proġetti tal-Enerġija tan-Network, fil-kuntest tat-Trattat, iridu jitfasslu sabiex itaffu jew, meta neċessarju, jillimitaw kemm jista’ jkun kwalunkwe impatt negattiv fuq il-bijodiversità.
(9)L-Artikolu 1 tad-Direttiva tal-Kunsill 92/43/KEE dwar il-konservazzjoni tal-ħabitat naturali u tal-fawna u l-flora selvaġġa jiddefinixxi t-termini ewlenin rilevanti għall-interpretazzjoni u għall-implimentazzjoni ta’ dik id-Direttiva.
(10)L-Artikolu 2 tad-Direttiva 92/43/KEE jiddikjara li l-għan tad-Direttiva huwa li tikkontribwixxi għall-iżgurar tal-bijodiversità permezz tal-konservazzjoni tal-ħabitats naturali u tal-fawna u tal-flora selvaġġa.
(11)L-Artikolu 6(2), (3) u (4) tad-Direttiva 92/43/KEE jistabbilixxi qafas għall-konservazzjoni u għall-protezzjoni bbażati fuq is-sit permezz ta’ rekwiżiti preventivi u proċedurali biex jikkontribwixxu għall-manutenzjoni jew għar-restawr, fi stat ta’ konservazzjoni favorevoli, tal-ħabitats naturali u tal-ħabitats tal-ispeċijiet tal-fawna u tal-flora selvaġġa ta’ Interess Komunitarju.
(12)Il-pjanijiet u l-proġetti skont it-tifsira tal-Artikolu 6 tad-Direttiva 92/43/KEE jistgħu jkunu relatati wkoll mal-Enerġija tan-Network, u jista’ jkollhom impatti sinifikanti fuq l-integrità tas-siti ta’ importanza internazzjonali u taż-żoni protetti fil-livell nazzjonali li jospitaw tipi ta’ ħabitats naturali u speċijiet ta’ interess Komunitarju. Se jkun neċessarju li jittieħdu miżuri ta’ kumpens fejn dawk il-pjanijiet jew proġetti tal-Enerġija tan-Network iridu xorta waħda jitwettqu għal raġunijiet imperattivi ta’ interess pubbliku prevalenti.
(13)L-Artikolu 6(2), (3) u (4) tad-Direttiva 92/43/KEE japplika wkoll għaż-żoni ta’ protezzjoni speċjali stabbiliti għall-ispeċijiet tal-għasafar imsemmija fl-Artikolu 4(2) u elenkati fl-Anness I tad-Direttiva 2009/147/KE dwar il-konservazzjoni tal-għasafar selvaġġi permezz tal-Artikolu 7 tad-Direttiva 92/43/KEE. Għalhekk, huwa neċessarju li s-siti li jipproteġu dawk l-ispeċijiet ta’ għasafar fit-territorju tal-Partijiet Kontraenti jkunu soġġetti għar-rekwiżiti tal-Artikolu 6(2), (3) u (4) fl-acquis communautaire dwar l-ambjent ukoll.
(14)L-Artikolu 12, l-Artikolu 13 u l-Artikolu 16 tad-Direttiva 92/43/KEE jistabbilixxu qafas għall-protezzjoni stretta tal-ispeċijiet ta’ interess Komunitarju fil-medda naturali kollha tagħhom, kemm fi ħdan iż-żoni protetti kif ukoll lil hinn minnhom. Huwa neċessarju li jiġu applikati l-projbizzjonijiet elenkati fl-Artikolu 12 u fl-Artikolu 13 ta’ dik id-Direttiva għall-attivitajiet ta’ Enerġija tan-Network minħabba l-impatti li jista’ jkollhom fuq speċijiet ta’ interess Komunitarju. Jista’ jkun neċessarju li ssir deroga minn dawk il-projbizzjonijiet f’ċirkostanzi limitati dment li jiġu ssodisfati l-kriterji neċessarji.
(15)Id-Direttiva 92/43/KEE, flimkien mad-Direttiva 2009/147/KE, jirrappreżentaw l-għodod legali ewlenin fid-dritt tal-Unjoni għall-implimentazzjoni tal-obbligi internazzjonali tal-Unjoni li jirriżultaw mill-Konvenzjoni ta’ Bern dwar il-Ħarsien tal-Ħajja Selvaġġa u l-Ambjenti Naturali (“il-Konvenzjoni ta’ Bern”). Għandhom jiġu stabbiliti Żoni ta’ Interess ta’ Konservazzjoni Speċjali tan-Network Emerald f’kull waħda mill-Partijiet Kontraenti u mill-Istati Osservaturi għall-Konvenzjoni ta’ Bern, bħala għodda biex jinkisbu l-għanijiet kumplessivi tal-Konvenzjoni. Il-Partijiet Kontraenti kollha għat-Trattat huma wkoll Partijiet għall-Konvenzjoni ta’ Bern, bl-eċċezzjoni tal-Kosovo 1 . Iż-Żoni ta’ Interess ta’ Konservazzjoni Speċjali tan-Network Emerald, u ż-Żoni Kandidati ta’ Interess ta’ Konservazzjoni Speċjali tan-Network Emerald huma ddeżinjati f’kull Parti Kontraenti għall-Konvenzjoni ta’ Bern. In-Network Emerald għadu qiegħed jiġi żviluppat, peress li għad hemm lakuni qabel ma jkun jista’ jitqies komplut u suffiċjenti biex jappoġġa l-kisba tal-objettivi tal-Konvenzjoni.
(16)Iż-żoni protetti legalment permezz tad-dritt nazzjonali għandhom l-għan li jiksbu l-konservazzjoni fit-tul tat-tipi ta’ ħabitats u tal-ispeċijiet flimkien mas-servizzi tal-ekosistema u mal-valuri kulturali assoċjati. Dawn l-oqsma huma preżenti fil-Partijiet Kontraenti kollha għat-Trattat.
(17)Is-siti Ramsar huma artijiet mistagħdra ta’ importanza internazzjonali ddeżinjati skont il-Konvenzjoni ta’ Ramsar dwar l-Artijiet Mistagħdra ta’ Importanza Internazzjonali speċjalment bħala l-Ħabitat għall-Għasafar tal-Ilma (il-“Konvenzjoni ta’ Ramsar”), ftehim intergovernattiv li għandu l-għan li jwaqqaf it-telf tal-artijiet mistagħdra globalment. Il-Partijiet Kontraenti kollha għat-Trattat huma wkoll Partijiet għall-Konvenzjoni ta’ Ramsar, u għandhom siti Ramsar deżinjati, bl-eċċezzjoni tal-Kosovo.
(18)It-Trattat jikkonċerna pjanijiet u proġetti li huma rilevanti għall-implimentazzjoni tad-Direttiva 92/43/KEE u l-inklużjoni tagħha fl-acquis communautaire dwar l-ambjent tiżgura li l-konservazzjoni tan-natura titqies matul it-tfassil u l-implimentazzjoni tal-pjanijiet u tal-proġetti relatati mal-Enerġija tan-Network.
(19)L-Artikolu 1, l-Artikolu 2, l-Artikolu 6(2), (3) u (4), l-Artikolu 12, l-Artikolu 13, l-Artikolu 16 u l-Annessi I, II u IV tad-Direttiva 92/43/KEE għadhom ma ġewx inkorporati fl-acquis communautaire dwar l-ambjent tal-Komunità tal-Enerġija.
(20)L-Artikolu 94 tat-Trattat jirrikjedi li l-istituzzjonijiet jinterpretaw kwalunkwe terminu jew kunċett ieħor użat fit-Trattat li huwa derivat mid-dritt tal-Unjoni f’konformità mal-ġurisprudenza tal-Qorti tal-Ġustizzja tal-Unjoni Ewropea.
(21)Id-dokumenti ta’ gwida jippreżentaw il-fehim tal-Kummissjoni dwar id-dispożizzjonijiet tad-Direttiva 92/43/KEE, u jistgħu jipprovdu gwida dwar l-applikazzjoni tagħhom, fid-dawl tal-ġurisprudenza rilevanti tal-Qorti tal-Ġustizzja tal-Unjoni Ewropea, u filwaqt li titqies l-esperjenza li tirriżulta mill-implimentazzjoni fl-Istati Membri tal-Unjoni 2 .
(22)L-acquis communautaire dwar l-ambjent stabbilit fl-Artikolu 16 u l-iskeda ta’ żmien għall-implimentazzjoni stabbilita fl-Anness II tat-Trattat jenħtieġ li jkunu allinjati mad-dritt tal-Unjoni dwar il-konservazzjoni tan-natura sa fejn dan ikun relatat mal-Enerġija tan-Network.
(23)It-Task Force għall-Ambjent, fil-laqgħat tagħha ta’ xxx u xxx, analizzat il-proposta fid-dettall u rrakkomandat l-adozzjoni tagħha b’għadd ta’ adattamenti li huma riflessi f’din id-Deċiżjoni. L-adattamenti ġew miftiehma mill-Kummissjoni Ewropea.
(24)Fil-laqgħat tiegħu ta’ xxx u xxx, il-Grupp Permanenti ta’ Livell Għoli elabora u ppropona li jadotta din id-Deċiżjoni,
ADOTTA DIN ID-DEĊIŻJONI:
Artikolu 1
It-Trattat dwar il-Komunità tal-Enerġija huwa emendat kif ġej:
(1) fl-Artikolu 16, jiżdied il-punt [XX] li ġej:
“(XX) L-Artikolu 1, l-Artikolu 2, l-Artikolu 6(2), (3) u (4), l-Artikolu 12, l-Artikolu 13, l-Artikolu 16 u l-Annessi I, II, u IV tad-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-ħabitat naturali u tal-fawna u l-flora selvaġġa”;
(2) fl-Anness II, jiżdied il-punt [XX] li ġej:
“[XX]. Kull Parti Kontraenti għandha timplimenta l-Artikolu 1, l-Artikolu 2, l-Artikolu 6(2), (3) u (4), l-Artikolu 12, l-Artikolu13, u l-Artikolu 16 u l-Annessi I, II u IV tad-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-ħabitat naturali u tal-fawna u l-flora selvaġġa sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra.
Artikolu 2
1. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 1 tad-Direttiva 92/43/KEE għandu jinqara kif miktub f’dik id-Direttiva.
2. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 2 tad-Direttiva 92/43/KEE għandu jinqara kif ġej:
“1. L-għan ta’ din id-Direttiva għandu jkun li tikkontribwixxi biex tiġi żgurata l-bijodiversità permezz tal-konservazzjoni tal-ħabitat naturali u tal-fawna u l-flora selvaġġa fit-territorju Ewropew tal-Partijiet Kontraenti li għalihom japplika t-Trattat li jistabbilixxi l-Komunità tal-Enerġija.
2. Il-miżuri meħuda skont din id-Direttiva għandhom ikunu ddisinjati biex iżommu jew jirrestawraw, fi stat ta’ konservazzjoni favorevoli, il-ħabitat naturali u l-ispeċijiet tal-fawna u l-flora selvaġġa li huma ta’ interess għall-Komunità.
3. Il-miżuri meħuda skont din id-Direttiva għandhom iqisu r-rekwiżiti ekonomiċi, soċjali u kulturali u l-karatteristiċi reġjonali u lokali.”
3. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 6(2), (3) u (4) tad-Direttiva 92/43/KEE għandu jinqara kif ġej:
“2. Il-Partijiet Kontraenti għandhom jieħdu passi xierqa biex jevitaw, fiż-Żoni ta’ Interess ta’ Konservazzjoni Speċjali tan-Network Emerald, fiż-Żoni Kandidati ta’ Interess ta’ Konservazzjoni Speċjali tan-Network Emerald, fis-Siti Ramsar, fiż-żoni protetti fil-livell nazzjonali li jospitaw tipi ta’ ħabitats naturali u speċijiet elenkati fl-Annessi I u II tad-Direttiva 92/43/KEE rispettivament, u fiż-żoni protetti fil-livell nazzjonali li jospitaw speċijiet ta’ għasafar imsemmija fl-Artikolu 4(2) tad-Direttiva 2009/147/KE u elenkati fl-Anness I ta’ dik id-Direttiva, id-deterjorament tal-ħabitats naturali u tal-ħabitats tal-ispeċijiet kif ukoll it-tfixkil tal-ispeċijiet li għalihom ġew iddeżinjati ż-żoni, sa fejn tali tfixkil jista’ jkun sinifikanti fir-rigward tal-objettivi ta’ din id-Direttiva.
3. Kwalunkwe pjan jew proġett tal-Enerġija tan-Network li x’aktarx ikollu effett sinifikanti fuq is-siti msemmija fil-paragrafu 2, jew b’mod individwali jew inkella flimkien ma’ pjanijiet jew proġetti oħra, għandu jkun soġġett għal evalwazzjoni xierqa tal-implikazzjonijiet tiegħu għas-sit fid-dawl tal-objettivi ta’ konservazzjoni tas-sit. Fid-dawl tal-konklużjonijiet tal-valutazzjoni tal-implikazzjonijiet għas-sit u soġġett għad-dispożizzjonijiet tal-paragrafu 4, l-awtoritajiet nazzjonali kompetenti għandhom jiftiehmu dwar il-pjan jew il-proġett tal-Enerġija tan-Network biss wara li jkunu żguraw li dan ma jaffettwax ħażin l-integrità tas-sit ikkonċernat u, jekk ikun xieraq, wara li jkunu kisbu l-opinjoni tal-pubbliku ġenerali.
4. Jekk, minkejja li jkun hemm valutazzjoni negattiva tal-implikazzjonijiet għas-sit u fin-nuqqas ta’ soluzzjonijiet alternattivi, pjan jew proġett tal-Enerġija tan-Network irid xorta waħda jitwettaq għal raġunijiet imperattivi ta’ interess pubbliku prevalenti, inklużi dawk ta’ natura soċjali jew ekonomika, il-Parti Kontraenti għandha tieħu l-miżuri kumpensatorji kollha neċessarji biex tiżgura li tiġi protetta l-koerenza kumplessiva tan-network tas-siti tagħha msemmi fil-paragrafu 2. Hija għandha tinforma lis-Segretarjat tal-Komunità tal-Enerġija (“is-Segretarjat”) dwar il-miżuri kumpensatorji adottati.
Meta s-sit ikkonċernat jospita tip ta’ ħabitat naturali ta’ prijorità u/jew speċi ta’ prijorità, l-uniċi kunsiderazzjonijiet li jistgħu jitqajmu huma dawk relatati mas-saħħa tal-bniedem jew mas-sikurezza pubblika, ma’ konsegwenzi ta’ benefiċċju ta’ importanza primarja għall-ambjent jew, wara opinjoni mis-Segretarjat, ma’ raġunijiet imperattivi oħra ta’ interess pubbliku prevalenti.”
4. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 12 tad-Direttiva 92/43/KEE għandu jinqara kif ġej:
“1. Il-Partijiet Kontraenti għandhom jieħdu l-miżuri meħtieġa biex jistabbilixxu sistema ta’ ħarsien strett tal-ispeċijiet tal-annimali msemmija fl-Anness IV(a) fil-firxa naturali tagħhom, u li jipprojbixxu:
(a) il-forom kollha ta’ qbid jew qtil intenzjonat ta’ kampjuni ta’ dawn l-ispeċijiet fis-selvaġġ;
(b) it-tfixkil intenzjonat ta’ dawn l-ispeċijiet, speċjalment waqt il-perjodu tat-tnissil, tat-tkabbir, tal-ibernazzjoni u tal-migrazzjoni;
(c) il-qerda jew it-teħid intenzjonat tal-bajd mis-selvaġġ;
(d) id-deterjorament jew il-qerda ta’ siti tat-tnissil jew postijiet ta’ mistrieħ.”
2. Għal dawn l-ispeċijiet, il-Partijiet Kontraenti għandhom jipprojbixxu ż-żamma, it-trasport u l-bejgħ jew l-iskambju, u l-offerta għall-bejgħ jew għall-iskambju, ta’ kampjuni meħuda mis-selvaġġ, ħlief għal dawk meħuda b’mod legali qabel ma tiġi implimentata din id-Direttiva.
3. Il-projbizzjoni msemmija fil-paragrafu 1, il-punti (a) u (b), u fil-paragrafu 2 għandha tapplika għall-istadji kollha tal-ħajja tal-annimali li għalihom japplika dan l-Artikolu.
4. Il-Partijiet Kontraenti għandhom jistabbilixxu sistema biex jissorveljaw il-qbid u l-qtil inċidentali tal-ispeċijiet tal-annimali elenkati fl-Anness IV, il-punt (a). Fid-dawl tal-informazzjoni miġbura, il-Partijiet Kontraenti għandhom jieħdu aktar miżuri ta’ riċerka jew ta’ konservazzjoni kif meħtieġ biex jiżguraw li l-qbid u l-qtil inċidentali ma jkollhomx impatt negattiv sinifikanti fuq l-ispeċijiet ikkonċernati.”
5. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 13 tad-Direttiva 92/43/KEE għandu jinqara kif ġej:
“1. Il-Partijiet Kontraenti għandhom jieħdu l-miżuri meħtieġa biex jistabbilixxu sistema ta’ protezzjoni stretta għall-ispeċijiet ta’ pjanti elenkati fl-Anness IV, il-punt (b), li tipprojbixxi:
(a) il-ġbir, il-qtugħ, il-qlugħ mill-għeruq jew il-qerda intenzjonata ta’ dawk il-pjanti fil-firxa naturali tagħhom fis-selvaġġ;
(b) iż-żamma, it-trasport u l-bejgħ jew l-iskambju, u l-offerta għall-bejgħ jew għall-iskambju ta’ kampjuni ta’ dawn l-ispeċijiet meħuda mis-selvaġġ, ħlief għal dawk meħuda b’mod legali qabel ma tiġi implimentata din id-Direttiva.
2. Il-projbizzjonijiet imsemmija fil-paragrafu 1, il-punti (a) u (b), għandhom japplikaw għall-istadji kollha taċ-ċiklu bijoloġiku tal-pjanti li għalihom japplika dan l-Artikolu.”
6. Għall-finijiet tat-Titolu II tat-Trattat dwar il-Komunità tal-Enerġija, l-Artikolu 16 tad-Direttiva 92/43/KEE għandu jinqara kif ġej:
“1. Dment li ma jkun hemm l-ebda alternattiva sodisfaċenti u d-deroga ma tkunx ta’ detriment għaż-żamma tal-popolazzjonijiet tal-ispeċijiet ikkonċernati fi stat ta’ konservazzjoni favorevoli fil-firxa naturali tagħhom, il-Partijiet Kontraenti jistgħu jidderogaw mid-dispożizzjonijiet tal-Artikoli 12 u 13:
(a) fl-interess li jħarsu l-fawna u l-flora selvaġġa u li jikkonservaw il-ħabitats naturali;
(b) biex jipprevjenu l-ħsara serja, b’mod partikolari lill-uċuħ tar-raba’, lill-bhejjem, lill-foresti, lis-sajd u lill-ilma u lil tipi oħra ta’ proprjetà;
(c) fl-interess tas-saħħa pubblika u tas-sikurezza pubblika, jew għal raġunijiet imperattivi oħra ta’ interess pubbliku prevalenti, inklużi dawk ta’ natura soċjali jew ekonomika u konsegwenzi ta’ benefiċċju ta’ importanza primarja għall-ambjent;
(d) għall-fini tar-riċerka u tal-edukazzjoni, tar-ripopolament u tal-introduzzjoni mill-ġdid ta’ dawn l-ispeċijiet u għall-operazzjonijiet tat-tnissil neċessarji għal dawn l-iskopijiet, inkluża l-propagazzjoni artifiċjali tal-pjanti;
(e) biex ikun jista’ jsir, taħt kundizzjonijiet ta’ superviżjoni stretta, fuq bażi selettiva u sa ċertu punt limitat, it-teħid jew iż-żamma ta’ ċerti kampjuni tal-ispeċijiet elenkati fl-Anness IV f’għadd limitat speċifikat mill-awtoritajiet nazzjonali kompetenti.
2. Kull sentejn, il-Partijiet Kontraenti għandhom jibagħtu lis-Segretarjat rapport f’konformità mal-format stabbilit mill-Kumitat dwar il-konservazzjoni tal-ħabitats naturali u tal-fawna u l-flora selvaġġa (il-Kumitat dwar il-Ħabitats) dwar id-derogi applikati skont il-paragrafu 1. Is-Segretarjat għandu jagħti l-opinjoni tiegħu dwar dawn id-derogi f’limitu ta’ żmien massimu ta’ 12-il xahar wara li jirċievi r-rapport u għandu jagħti rendikont lit-Task Force dwar l-Ambjent. Is-Segretarjat għandu jiżgura li r-rapporti jsiru disponibbli għall-pubbliku.
3. Ir-rapporti għandhom jispeċifikaw:
(a) l-ispeċijiet li huma soġġetti għad-derogi u r-raġuni għad-deroga, inkluż in-natura tar-riskju, u jekk xieraq, b’referenza għall-alternattivi miċħuda u għad-data xjentifika użata;
(b) il-mezzi, it-tagħmir jew il-metodi awtorizzati għall-qbid jew għall-qtil ta’ speċijiet ta’ annimali u r-raġunijiet għall-użu tagħhom;
(c) iċ-ċirkostanzi ta’ meta u fejn jistgħu jingħataw dawk id-derogi;
(d) l-awtorità mogħtija s-setgħa biex tiddikjara u tivverifika li jeżistu l-kundizzjonijiet meħtieġa u biex tiddeċiedi liema mezzi, tagħmir jew metodi jistgħu jintużaw, fi ħdan liema limiti u mil-liema aġenziji, u liema nies għandhom iwettqu dik il-ħidma;
(e) il-miżuri superviżorji użati u r-riżultati miksuba.”
Artikolu 3
1. Il-Partijiet Kontraenti għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mal-Artikolu1, l-Artikolu 2, l-Artikolu 6(2), (3) u (4), l-Artikolu 12, l-Artikolu 13, l-Artikolu 16 u l-Annessi I, II u IV tad-Direttiva 92/43/KEE sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra. Huma għandhom jinfurmaw minnufih lis-Segretarjat tal-Komunità tal-Enerġija (“is-Segretarjat”) b’dan.
2. Meta l-Partijiet Kontraenti jadottaw il-miżuri msemmija fil-paragrafu 1, dawn għandu jkun fihom referenzi għal din id-Deċiżjoni u għad-Direttiva 92/43/KEE, jew għandhom ikunu akkumpanjati minn tali referenzi fl-okkażjoni tal-pubblikazzjoni uffiċjali tagħhom. Il-metodi biex isiru dawn ir-referenzi għandhom jiġu stabbiliti mill-Partijiet Kontraenti.
3. Il-Partijiet Kontraenti għandhom jikkomunikaw lis-Segretarjat it-test tad-dispożizzjonijiet ewlenin tad-dritt nazzjonali li jadottaw fil-qasam kopert minn din id-Deċiżjoni u d-Direttiva 92/43/KEE.
Artikolu 4
Fil-każ ta’ pjanijiet jew proġetti dwar l-Enerġija tan-Network li jagħtu lok għal opinjoni skont l-Artikolu 6(4) tad-Direttiva 92/43/KEE, b’referenza għal din id-Deċiżjoni, il-Parti Kontraenti li fit-territorju tagħha jkun maħsub li jitwettaq il-pjan jew il-proġett għandha tibgħat lis-Segretarjat malajr kemm jista’ jkun, fost l-oħrajn:
(a) deskrizzjoni tal-pjan jew tal-proġett;
(b) kwalunkwe informazzjoni rilevanti dwar l-impatti tiegħu fuq it-tip(i) ta’ ħabitat ta’ prijorità u/jew l-ispeċijiet ta’ prijorità affettwati, inklużi s-sejbiet u l-konklużjonijiet tal-valutazzjoni xierqa.
Artikolu 5
Din id-Deċiżjoni għandha tidħol fis-seħħ mal-adozzjoni tagħha mill-Kunsill Ministerjali.
Artikolu 6
Din id-Deċiżjoni hija indirizzata lill-Partijiet Kontraenti tat-Trattat dwar il-Komunità tal-Enerġija.
Magħmul fi [xxx], fi [DATA]
Għall-Kunsill Ministerjali
(Il-President)
IL-KUMMISSJONI EWROPEA
Brussell, 14.10.2025
COM(2025) 636 final
ANNESS
tal-
Proposta għal Deċiżjoni tal-Kunsill
dwar il-pożizzjoni li għandha tittieħed f’isem l-Unjoni Ewropea fil-Kunsill Ministerjali tal-Komunità tal-Enerġija fir-rigward tal-emendi tat-Trattat li jistabbilixxi l-Komunità tal-Enerġija biex il-kamp ta’ applikazzjoni tat-Trattat jiġi aġġornat u estiż għall-evoluzzjoni tal-liġi ambjentali tal-Unjoni
ANNESS III
DEĊIŻJONI Nru 20xx/XX/MC-EnC
TAL-KUNSILL MINISTERJALI TAL-KOMUNITÀ TAL-ENERĠIJA
ta’ xx xx 202x
dwar l-emendar tat-Trattat dwar il-Komunità tal-Enerġija u dwar l-implimentazzjoni tad-Direttiva 2000/60/KE tal-Parlament Ewropew u tal-Kunsill tat-23 ta’ Ottubru 2000 li tistabbilixxi qafas għal azzjoni Komunitarja fil-qasam tal-politika tal-ilma, id-Direttiva 2006/118/KE tal-Parlament Ewropew u tal-Kunsill tat-12 ta’ Diċembru 2006 dwar il-protezzjoni tal-ilma ta’ taħt l-art kontra t-tniġġis u d-deterjorament, id-Direttiva 2008/105/KE tal-Parlament Ewropew u tal-Kunsill tas-16 ta’ Diċembru 2008 dwar standards ta’ kwalità ambjentali fil-qasam tal-politika tal-ilma u d-Direttiva tal-Kummissjoni 2009/90/KE tal-31 ta’ Lulju 2009 li tistipula speċifikazzjonijiet tekniċi għall-analiżi u l-monitoraġġ kimiċi tal-istat tal-ilma
IL-KUNSILL MINISTERJALI TAL-KOMUNITÀ TAL-ENERĠIJA
Wara li kkunsidra t-Trattat dwar il-Komunità tal-Enerġija, u b’mod partikolari l-Artikoli 25, 79 u 100, il-punt (i) tiegħu,
Billi:
(1)L-Artikolu 2 tat-Trattat dwar il-Komunità tal-Enerġija (“it-Trattat”) jistabbilixxi t-titjib tas-sitwazzjoni ambjentali fir-rigward tal-Enerġija tan-Network u l-effiċjenza fl-enerġija relatata fil-Partijiet Kontraenti bħala wieħed mill-objettivi ewlenin tiegħu.
(2)L-Artikolu 12 tat-Trattat jirrikjedi li kull Parti Kontraenti timplimenta l-“acquis communautaire dwar l-ambjent” f’konformità mal-iskeda ta’ żmien għall-implimentazzjoni ta’ dawk il-miżuri stabbiliti fl-Anness II tat-Trattat.
(3)L-Artikolu 16 tat-Trattat jelenka l-“acquis communautaire dwar l-ambjent” li huwa kopert mit-Trattat.
(4)L-Artikolu 25 tat-Trattat jipprevedi li l-Komunità tal-Enerġija tista’ tieħu l-miżuri biex jiġu implimentati l-emendi tal-acquis communautaire stabbiliti fit-Titolu II, b’mod konformi mal-evoluzzjoni tad-dritt tal-Unjoni Ewropea.
(5)L-Artikolu 79 tat-Trattat jipprevedi li l-Kunsill Ministerjali, il-Grupp Permanenti ta’ Livell Għoli jew il-Bord Regolatorju għandu jieħu miżuri skont it-Titolu II fuq proposta tal-Kummissjoni Ewropea. Skont l-Artikoli 81 u 82 tat-Trattat, miżuri bħal dawn għandhom jittieħdu bil-maġġoranza tal-voti mitfugħa, b’kull Parti Kontraenti li jkollha vot wieħed.
(6)L-Artikolu 100 tat-Trattat jipprevedi, fost l-oħrajn, li d-deċiżjonijiet dwar l-emendi tad-dispożizzjonijiet tat-Titoli I sa VII jittieħdu b’unanimità tal-Membri tat-Trattat dwar il-Komunità tal-Enerġija.
(7)L-aċċellerazzjoni tal-proġetti domestiċi tal-enerġija rinnovabbli fil-Komunità tal-Enerġija hija meħtieġa minħabba l-ilħuq tal-miri tal-Partijiet Kontraenti għat-tnaqqis tal-emissjonijiet ta’ gassijiet serra u għall-ġenerazzjoni tal-enerġija rinnovabbli għall-2030, kif stabbilit mir-Regolament (UE) 2018/1999 1 .
(8)Għadd kbir ta’ proġetti u attivitajiet eżistenti, rinnovabbli u mhux rinnovabbli, relatati mal-Enerġija tan-Network jista’ jkollhom impatti negattivi sinifikanti fuq l-istat tal-ekosistemi akkwatiċi. Barra minn hekk, fil-kuntest tal-użu prevedibbli tal-enerġija rinnovabbli, inklużi l-enerġija idroelettrika, l-idroġenu u l-estrazzjoni ta’ materja prima kritika għal skopijiet relatati mal-enerġija, huwa prevedibbli riskju akbar ta’ ħsara lil tali ekosistemi fil-Partijiet Kontraenti.
(9)Għalkemm fi grad differenti, ħafna tipi ta’ proġetti u attivitajiet tal-Enerġija tan-Network jiddependu mid-disponibbiltà tal-ilma fil-kwantità u fil-kwalità t-tajba. L-iskarsezza tal-ilma diġà qiegħed ikollha impatt fuq il-produzzjoni u l-affidabbiltà tal-enerġija; aktar restrizzjonijiet jistgħu jqajmu dubji dwar il-vijabbiltà fiżika, ekonomika u ambjentali ta’ proġetti u operazzjonijiet futuri.
(10)Fil-kuntest tal-Konferenza tan-NU dwar l-Ilma tal-2023, l-Unjoni ppreżentat il-viżjoni tagħha li sal-2050 tikseb soċjetà globali reżiljenti għall-ilma, li toffri sigurtà tal-ilma għal kulħadd. Fl-4 ta’ Ġunju 2025, l-Unjoni adottat Strateġija Ewropea għar-Reżiljenza tal-Ilma 2 biex tfassal it-trajettorja ħalli jinkiseb dan l-għan.
(11)Huwa neċessarju li tiġi żgurata tranżizzjoni tal-enerġija ġusta bbażata fuq il-protezzjoni u t-tisħiħ tar-riżorsi tal-ilma, u l-evitar tad-deterjorament tal-istat tal-ekosistemi akkwatiċi.
(12)It-tħejjija u l-approvazzjoni ta’ proġetti relatati mal-Enerġija tan-Network, kif ukoll l-attivitajiet li għaddejjin bħalissa, fil-kuntest tat-Trattat, iridu jsiru parti mill-isforzi kumplessivi għall-protezzjoni u għat-tisħiħ tar-riżorsi tal-ilma, u tali proġetti jridu jitfasslu biex jipprevjenu jew, meta neċessarju, jillimitaw kemm jista’ jkun kwalunkwe impatt negattiv fuq l-istat tal-korpi tal-ilma.
(13)L-għan tad-Direttiva 2000/60/KE tal-Parlament Ewropew u tal-Kunsill 3 huwa li tistabbilixxi qafas għall-protezzjoni tal-ilmijiet tal-wiċċ interni, tal-ilmijiet temporanji, tal-ilmijiet kostali u tal-ilma ta’ taħt l-art, inkluż permezz ta’ (i) il-prevenzjoni ta’ aktar deterjorament u l-protezzjoni u t-tisħiħ tal-istat tal-ekosistemi akkwatiċi, u (ii) il-promozzjoni tal-użu sostenibbli tal-ilma bbażat fuq protezzjoni fit-tul tar-riżorsi tal-ilma disponibbli.
(14)Huwa neċessarju li l-Partijiet Kontraenti jiżguraw li l-attivitajiet kollha relatati mal-Enerġija tan-Network jitfasslu u jitħaddmu sabiex tiġi żgurata l-konformità mad-Direttiva 2000/60/KE, u b’mod partikolari mal-Artikolu 4 ta’ dik id-Direttiva li jistabbilixxi l-objettivi ewlenin, li jgħidu li l-Istati Membri għandhom jimplimentaw il-miżuri neċessarji biex jipprevjenu d-deterjorament tal-istat tal-korpi tal-ilma u jieħdu miżuri bil-għan li jinkiseb stat tajjeb tal-ilma, mingħajr preġudizzju għal sensiela ta’ eżenzjonijiet limitati fiż-żmien u eżenzjonijiet oħra. Fl-istadju attwali tal-iżvilupp tad-dritt tal-Unjoni, stat tajjeb għall-korpi tal-ilma ta’ taħt l-art jimplika stat kimiku kwantitattiv u tajjeb, filwaqt li għall-korpi tal-ilma tal-wiċċ dan jirrikjedi stat ekoloġiku tajjeb jew b’potenzjal u stat kimiku tajjeb.
(15)Sabiex jiġu vvalutati l-impatti potenzjali ta’ proġetti eżistenti u ġodda relatati mal-enerġija fuq l-istat tal-korpi tal-ilma, huwa neċessarju li jkun magħruf l-istat attwali ta’ dawk il-korpi tal-ilma, abbażi ta’ monitoraġġ regolari. Peress li l-proċess ta’ monitoraġġ u l-klassifikazzjoni tal-korpi tal-ilma huwa proċess kontinwu u peress li ħafna korpi tal-ilma diġà huma affettwati minn proġetti relatati mal-enerġija u ma huwiex possibbli li jiġu identifikati a priori l-korpi tal-ilma kollha li se jiġu affettwati minn proġetti ġodda relatati mal-enerġija, jenħtieġ li l-Partijiet Kontraenti jwettqu l-monitoraġġ u l-klassifikazzjoni tal-korpi tal-ilma kollha fit-territorju tagħhom.
(16)Il-valutazzjoni tal-istat tal-ilma timplika l-istabbiliment ta’ sistema permanenti u strutturata ta’ monitoraġġ tal-korpi tal-ilma, li tagħżel is-siti ta’ monitoraġġ u l-elementi ta’ kwalità li għandhom jiġu mmonitorjati abbażi ta’ valutazzjoni preliminari tal-pressjonijiet u tal-impatti kollha. Il-valutazzjoni tal-istat tal-korpi tal-ilma potenzjalment affettwati minn proġetti relatati mal-enerġija hija eżerċizzju komprensiv, li ma jkunx komplut jekk ikun limitat għall-pressjonijiet u għall-impatti li jirriżultaw minn dawk il-proġetti. Għalhekk, il-Partijiet Kontraenti jenħtieġ li jivvalutaw il-pressjonijiet u l-impatti tal-attivitajiet kollha li potenzjalment jaffettwaw l-istat tal-korpi tal-ilma.
(17)Sabiex jiġi żgurat li kemm il-proġetti eżistenti kif ukoll dawk ġodda relatati mal-enerġija ma jiddeterjorawx l-istat tal-korpi tal-ilma jew ma jaffettwawx il-potenzjal tagħhom li jiksbu stat tajjeb tal-ilma, f’konformità mal-Artikolu 4 tad-Direttiva 2000/60/KE jew, meta jkun inevitabbli u ġġustifikat kif xieraq, jimminimizzaw l-impatt negattiv tagħhom, il-Partijiet Kontraenti jenħtieġ li jidentifikaw il-miżuri kollha neċessarji biex jinkiseb stat tajjeb u jagħżlu l-aktar taħlita kosteffettiva ta’ miżuri biex jintlaħqu l-objettivi ta’ dik id-Direttiva, inklużi miżuri li jaffettwaw attivitajiet li ma humiex relatati mal-Enerġija tan-Network, iżda li jaffettwaw l-istat tal-korpi tal-ilma affettwati minn proġetti ġodda jew eżistenti relatati mal-Enerġija tan-Network.
(18)Peress li stat tajjeb tal-korpi tal-ilma jiddependi minn taħlita ta’ miżuri fir-rigward tal-attivitajiet kollha li jħallu impatt fuq dawk il-korpi tal-ilma, u peress li dawn il-miżuri kollha jinteraġixxu ma’ xulxin fil-qafas tal-objettiv li jinkiseb stat tajjeb, il-Partijiet Kontraenti jenħtieġ li jidentifikaw miżuri fir-rigward tal-attivitajiet kollha, inklużi dawk mhux relatati mal-enerġija, sabiex jippermettu li jittieħdu deċiżjonijiet ibbażati fuq l-aktar taħlita kosteffettiva ta’ miżuri biex jinkiseb stat tajjeb, li jaffettwaw id-diversi attivitajiet fl-istess baċin tax-xmara.
(19)Għalhekk, il-Partijiet Kontraenti jenħtieġ li jwettqu analiżijiet tal-karatteristiċi ta’ baċin tax-xmara u tal-impatti tal-attività tal-bniedem kif ukoll analiżi ekonomika tal-użu tal-ilma, f’konformità mal-Artikolu 5 tad-Direttiva 2000/60/KE. L-iżvilupp fl-istat tal-ilma jenħtieġ li jiġi mmonitorjat fuq bażi sistematika u komparabbli fil-Komunità tal-Enerġija kollha, f’konformità mal-Artikolu 8 tad-Direttiva 2000/60/KE. Din l-informazzjoni hija neċessarja sabiex tipprovdi bażi soda għall-Partijiet Kontraenti biex jiżviluppaw programmi ta’ miżuri f’konformità mal-Artikolu 11 tad-Direttiva 2000/60/KE, li għandhom l-għan li jiksbu l-objettivi stabbiliti skont dik id-Direttiva. Sabiex tiġi żgurata implimentazzjoni konsistenti u effettiva tad-Direttiva 2000/60/KE, il-Partijiet Kontraenti jenħtieġ li jistabbilixxu pjanijiet ta’ mmaniġġjar tal-baċin tax-xmara u jirrappurtawhom lis-Segretarjat kull 6 snin, f’konformità mal-Artikoli 13, 14 u 15 tad-Direttiva 2000/60/KE. Dawk il-pjanijiet jenħtieġ li jistabbilixxu, abbażi tal-istat stabbilit ta’ kull korp tal-ilma individwali, il-miżuri li se jiġu implimentati matul il-pjan ta’ mmaniġġjar tal-baċin tax-xmara ta’ 6 snin sabiex nimxu lejn stat tajjeb u nevitaw id-deterjorament.
(20)Meta jitqies l-impatt possibbli tal-attivitajiet relatati mal-Enerġija tan-Network fuq l-istat kimiku tal-korpi tal-ilma, huwa neċessarju li jiġu applikati d-dispożizzjonijiet li jirregolaw l-istat kimiku tajjeb tal-ilma ta’ taħt l-art u tal-ilma tal-wiċċ, li huma stabbiliti rispettivament fid-Direttiva 2006/118/KE tal-Parlament Ewropew u tal-Kunsill 4 u fid-Direttiva 2008/105/KE tal-Parlament Ewropew u tal-Kunsill 5 . Id-Direttiva 2006/118/KE tistabbilixxi kriterji għall-valutazzjoni ta’ stat kimiku tajjeb tal-ilma ta’ taħt l-art, u kriterji għall-identifikazzjoni u għat-treġġigħ lura ta’ tendenzi ’l fuq sinifikanti u sostnuti u għad-definizzjoni ta’ punti tat-tluq għat-treġġigħ lura tat-tendenzi. Id-Direttiva 2008/105/KE tistabbilixxi standards ta’ kwalità ambjentali għal sustanzi prijoritarji u ċerti sustanzi niġġiesa oħra, li jridu jiġu rrispettati bil-għan li jinkiseb stat kimiku tajjeb tal-ilma tal-wiċċ.
(21)Id-Direttiva tal-Kummissjoni 2009/90/KE 6 tikkomplementa d-Direttivi msemmija hawn fuq, li jistabbilixxu speċifikazzjonijiet tekniċi għall-analiżi u għall-monitoraġġ kimiċi tal-istat tal-ilma.
(22)It-Trattat jikkonċerna proġetti li huma rilevanti għall-implimentazzjoni tad-Direttiva 2000/60/KE, li l-inklużjoni tagħhom fl-“acquis communautaire dwar l-ambjent” tiżgura li l-protezzjoni, it-tisħiħ u l-evitar tad-deterjorament tal-istat tal-ekosistemi akkwatiċi jitqiesu matul it-tfassil u l-implimentazzjoni ta’ proġetti relatati mal-Enerġija tan-Network.
(23)Id-Direttiva 2000/60/KE, id-Direttiva 2006/118/KE, id-Direttiva 2008/105/KE u d-Direttiva tal-Kummissjoni 2009/90/KE għadhom ma ġewx inkorporati fl-“acquis communautaire dwar l-ambjent” tal-Komunità tal-Enerġija.
(24)Il-qafas għall-kooperazzjoni reġjonali stabbilit mill-Komunità tal-Enerġija u l-assistenza offruta mill-istituzzjonijiet u mill-korpi tagħha jistgħu jkunu essenzjali biex titħejja l-implimentazzjoni b’suċċess tad-Direttiva 2000/60/KE.
(25)L-Artikolu 94 tat-Trattat jirrikjedi li l-istituzzjonijiet jinterpretaw kwalunkwe terminu jew kunċett ieħor użat fit-Trattat li huwa derivat mid-dritt tal-Unjoni f’konformità mal-ġurisprudenza tal-Qorti tal-Ġustizzja tal-Unjoni Ewropea.
(26)Fil-laqgħat tagħha ta’ [xxx] u [xxx], it-Task Force għall-Ambjent analizzat il-proposta fid-dettall u rrakkomandat l-adozzjoni tagħha b’għadd ta’ adattamenti li huma riflessi f’din id-Deċiżjoni. L-adattamenti ġew miftiehma mill-Kummissjoni Ewropea.
(27)Fil-laqgħat tiegħu ta’ [xxx] u [xxx], il-Grupp Permanenti ta’ Livell Għoli elabora u ppropona li jadotta din id-Deċiżjoni,
ADOTTA DIN ID-DEĊIŻJONI:
Artikolu 1
It-Trattat dwar il-Komunità tal-Enerġija huwa emendat kif ġej:
(1) Fl-Artikolu 16, jiżdiedu l-punti li ġejjin [XX], [XX], [ XX] u [XX]:
“(XX) Id-Direttiva 2000/60/KE tal-Parlament Ewropew u tal-Kunsill tat-23 ta’ Ottubru 2000 li tistabbilixxi qafas għal azzjoni Komunitarja fil-qasam tal-politika tal-ilma,
(XX) Id-Direttiva 2006/118/KE tal-Parlament Ewropew u tal-Kunsill tat-12 ta’ Diċembru 2006 dwar il-protezzjoni tal-ilma ta’ taħt l-art kontra t-tniġġis u d-deterjorament,
(XX) Id-Direttiva 2008/105/KE tal-Parlament Ewropew u tal-Kunsill tas-16 ta’ Diċembru 2008 dwar standards ta’ kwalità ambjentali fil-qasam tal-politika tal-ilma, li temenda u sussegwentement tħassar id-Direttivi tal-Kunsill 82/176/KEE, 83/513/KEE, 84/156/KEE, 84/491/KEE, 86/280/KEE u li temenda d-Direttiva 2000/60/KE tal-Parlament Ewropew u tal-Kunsill,
(XX) Id-Direttiva tal-Kummissjoni 2009/90/KE tal-31 ta’ Lulju 2009 li tistipula, skont id-Direttiva 2000/60/KE tal-Parlament Ewropew u tal-Kunsill, speċifikazzjonijiet tekniċi għall-analiżi u l-monitoraġġ kimiċi tal-istat tal-ilma.”;
(2) Fl-Anness II, jiżdiedu l-punti li ġejjin [XX], [XX], [ XX] u [XX]:
“[XX]. Kull Parti Kontraenti għandha timplimenta d-Direttiva 2000/60/KE tal-Parlament Ewropew u tal-Kunsill tat-23 ta’ Ottubru 2000 li tistabbilixxi qafas għal azzjoni Komunitarja fil-qasam tal-politika tal-ilma sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra.
[XX]. Kull Parti Kontraenti għandha timplimenta d-Direttiva 2006/118/KE tal-Parlament Ewropew u tal-Kunsill tat-12 ta’ Diċembru 2006 dwar il-protezzjoni tal-ilma ta’ taħt l-art kontra t-tniġġis u d-deterjorament sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra.
[XX]. Kull Parti Kontraenti għandha timplimenta d-Direttiva 2008/105/KE tal-Parlament Ewropew u tal-Kunsill tas-16 ta’ Diċembru 2008 dwar standards ta’ kwalità ambjentali fil-qasam tal-politika tal-ilma, li temenda u sussegwentement tħassar id-Direttivi tal-Kunsill 82/176/KEE, 83/513/KEE, 84/156/KEE, 84/491/KEE, 86/280/KEE u li temenda d-Direttiva 2000/60/KE tal-Parlament Ewropew u tal-Kunsill sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra.
[XX]. Kull Parti Kontraenti għandha timplimenta d-Direttiva tal-Kummissjoni 2009/90/KE tal-31 ta’ Lulju 2009 li tistipula, skont id-Direttiva 2000/60/KE tal-Parlament Ewropew u tal-Kunsill, speċifikazzjonijiet tekniċi għall-analiżi u l-monitoraġġ kimiċi tal-istat tal-ilma sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra.”
Artikolu 2
1. Għall-finijiet tat-Trattat dwar il-Komunità tal-Enerġija, ir-referenzi li ġejjin fid-Direttivi elenkati fl-Artikolu 1(1) għandhom jinftiehmu kif ġej:
(a)“Stat Membru” u “Stati Membri” bħala “Parti Kontraenti” u “Partijiet Kontraenti”, rispettivament;
(b)“Komunità”, “Unjoni Ewropea” u “Unjoni” bħala “Komunità tal-Enerġija”;
(c)“Leġiżlazzjoni Komunitarja” bħala “leġiżlazzjoni nazzjonali, inkluża leġiżlazzjoni li tittrasponi l-acquis communautaire kopert mit-Trattat dwar il-Komunità tal-Enerġija”;
(d)“Kummissjoni” bħala “Segretarjat tal-Komunità tal-Enerġija”.
2. Għall-finijiet tat-Trattat dwar il-Komunità tal-Enerġija, ir-referenzi fid-Direttivi kollha elenkati fl-Artikolu 1(1) għal partijiet oħra tal-leġiżlazzjoni tal-Unjoni u d-dispożizzjonijiet tagħhom għandhom jinftiehmu bħala referenzi għal-leġiżlazzjoni nazzjonali dwar l-istess suġġett bħal dak kopert minn dawk il-partijiet tal-leġiżlazzjoni tal-Unjoni, inkluża l-leġiżlazzjoni li tittrasponi l-acquis communautaire rilevanti kopert mit-Trattat dwar il-Komunità tal-Enerġija.
3. L-adattamenti msemmija fl-Artikoli 3 sa 6 għandhom japplikaw flimkien mal-adattamenti msemmija fil-paragrafu 1.
Artikolu 3
Għall-finijiet tat-Titolu II tat-Trattat dwar il-Komunità tal-Enerġija, id-dispożizzjonijiet li ġejjin tad-Direttiva 2000/60/KE għandhom jinqraw bl-adattamenti li ġejjin:
(1) L-Artikolu 3(7) u (8) għandu jinqara kif ġej:
“7. Il-Partijiet Kontraenti għandhom jidentifikaw l-awtorità kompetenti sa [5 snin wara d-data tal-adozzjoni ta’ din id-Deċiżjoni].
8. Il-Partijiet Kontraenti għandhom jipprovdu lis-Segretarjat tal-Komunità tal-Enerġija (“is-Segretarjat”) lista tal-awtoritajiet kompetenti tagħhom u tal-awtoritajiet kompetenti tal-korpi internazzjonali kollha li jipparteċipaw fihom sa mhux aktar tard minn [5 snin u 6 xhur wara d-data tal-adozzjoni ta’ din id-Deċiżjoni]. Għal kull awtorità kompetenti għandha tiġi pprovduta l-informazzjoni stabbilita fl-Anness I.”
(2) L-iskadenza “sal-2010” stabbilita fl-Artikolu 9(1) għandha tinqara bħala “sa [12-il sena wara d-data tal-adozzjoni ta’ din id-Deċiżjoni]”.
(3) L-iskadenzi li jingħaddu “[x] snin wara d-data tad-dħul fis-seħħ ta’ din id-Direttiva” jew “[x] snin mid-data tad-dħul fis-seħħ ta’ din id-Direttiva” għandhom jinqraw bħala “[x+2] snin wara d-data tal-adozzjoni tad-Deċiżjoni 202x/xx/MC-EnC” jew “[x+2] snin mid-data tal-adozzjoni tad-Deċiżjoni 202x/xx/MC-EnC”, rispettivament.
(4) Għall-finijiet tal-identifikazzjoni tal-ekoreġjuni rilevanti, l-ekoreġjuni elenkati fil-punti 1.2.3. u 1.2.4. tal-Anness II u ppreżentati fuq il-mappa B fl-Anness XI għandhom jimtlew bil-“Baħar l-Iswed”.
(5) Il-punti 1.4.1.(vii), (viii) u (ix) tal-Anness V għandhom jinqraw kif ġej:
“(vii) Is-Segretarjat għandu jħejji abbozz ta’ reġistru tas-siti biex jifforma lin-network ta’ interkalibrazzjoni sa [5 snin wara d-data tal-adozzjoni ta’ din id-Deċiżjoni]. Ir-reġistru finali tas-siti għandu jiġi stabbilit sa [6 snin wara d-data tal-adozzjoni ta’ din id-Deċiżjoni] u għandu jiġi ppubblikat mis-Segretarjat.
(viii) Is-Segretarjat u l-Partijiet Kontraenti għandhom ilestu l-eżerċizzju ta’ interkalibrazzjoni fi żmien 18-il xahar mid-data li fiha jiġi ppubblikat ir-reġistru ffinalizzat.
(ix) Ir-riżultati tal-eżerċizzju ta’ interkalibrazzjoni u l-valuri stabbiliti għall-klassifikazzjonijiet tas-sistemi ta’ monitoraġġ tal-Partijiet Kontraenti għandhom jiġu pubblikati mis-Segretarjat fi żmien 6 xhur mit-tlestija tal-eżerċizzju ta’ interkalibrazzjoni.”
(6) L-Artikolu 8(3) u l-Artikoli 16 sa 22, 24, 25 u 26 ma għandhomx ikunu applikabbli.
Artikolu 4
Għall-finijiet tat-Titolu II tat-Trattat dwar il-Komunità tal-Enerġija, id-dispożizzjonijiet li ġejjin tad-Direttiva 2006/118/KE għandhom jinqraw bl-adattamenti li ġejjin:
(1) Is-snin ta’ referenza stipulati fl-Artikolu 2(6) għandhom ikunu s-sentejn wara l-istabbiliment ta’ programmi għall-monitoraġġ tal-istat tal-ilma implimentati skont l-Artikolu 8 tad-Direttiva 2000/60/KE.
(2) L-iskadenza “sat-22 ta’ Diċembru 2008” stabbilita fl-Artikolu 3(5) għandha tinqara bħala “sa [10 snin wara d-data tal-adozzjoni ta’ din id-Deċiżjoni]”.
(3) Il-punt 2(a)(ii) tal-Parti A tal-Anness IV għandu jinqara kif ġej:
“jippermettu l-identifikazzjoni ta’ tali tendenzi ’l fuq fi żmien suffiċjenti li jippermetti li jiġu implimentati miżuri biex jipprevjenu, jew għall-inqas jimmitigaw sa fejn huwa prattikabbli, bidliet ambjentalment sinifikanti li jikkawżaw ħsara fil-kwalità tal-ilma ta’ taħt l-art. Din l-identifikazzjoni se titwettaq għall-ewwel darba sa [11-il sena wara d-data tal-adozzjoni ta’ din id-Deċiżjoni], u mill-inqas kull 6 snin minn hemm ’il quddiem;”
(4) L-Artikolu 3(7) u l-Artikoli 7 sa 14 ma għandhomx ikunu applikabbli.
Artikolu 5
Għall-finijiet tat-Titolu II tat-Trattat dwar il-Komunità tal-Enerġija, id-dispożizzjonijiet li ġejjin tad-Direttiva 2008/105/KE għandhom jinqraw bl-adattamenti li ġejjin:
(1) L-Artikolu 5 għandu jinqara kif ġej:
“1. Abbażi tal-informazzjoni miġbura f’konformità mal-Artikoli 5 u 8 tad-Direttiva 2000/60/KE u data oħra disponibbli, il-Partijiet Kontraenti għandhom jistabbilixxu inventarju, li jinkludi mapep, jekk disponibbli, tal-emissjonijiet, tar-rilaxxi u tat-telf tas-sustanzi prijoritarji u tas-sustanzi niġġiesa kollha elenkati fil-Parti A tal-Anness I ta’ din id-Direttiva għal kull distrett ta’ baċin tax-xmara jew parti minn distrett ta’ baċin tax-xmara li jinsab fit-territorju tagħhom inklużi l-konċentrazzjonijiet tagħhom fis-sediment u fil-bijota, kif xieraq.
2. Il-perjodu ta’ referenza għall-istima tal-valuri tas-sustanzi niġġiesa li għandhom jiddaħħlu fl-inventarji msemmija fil-paragrafu 1 għandu jkun ta’ sena waħda bejn l-2034 u l-2036.
3. Il-Partijiet Kontraenti għandhom jikkomunikaw l-inventarji stabbiliti skont il-paragrafu 1 ta’ dan l-Artikolu, inklużi l-perjodi ta’ referenza rispettivi, lis-Segretarjat f’konformità mar-rekwiżiti ta’ rappurtar skont l-Artikolu 15(1) tad-Direttiva 2000/60/KE.
4. Il-Partijiet Kontraenti għandhom jaġġornaw l-inventarji tagħhom bħala parti mir-rieżamijiet tal-analiżijiet speċifikati fl-Artikolu 5(2) tad-Direttiva 2000/60/KE.
Il-perjodu ta’ referenza għall-istabbiliment tal-valuri fl-inventarji aġġornati għandu jkun is-sena qabel ma titlesta dik l-analiżi.
Il-Partijiet Kontraenti għandhom jippubblikaw l-inventarji aġġornati fil-pjanijiet aġġornati tagħhom ta’ mmaniġġjar tal-baċin tax-xmara kif stabbilit fl-Artikolu 13(7) tad-Direttiva 2000/60/KE.”
(2) L-Artikolu 3(1a), l-Artikolu 3(7), (8a) u (8b) u l-Artikoli 7 sa 15 ma għandhomx ikunu applikabbli.
Artikolu 6
Għall-finijiet tat-Titolu II tat-Trattat dwar il-Komunità tal-Enerġija, l-Artikoli 7, 8 u 9 tad-Direttiva 2009/90/KE ma għandhomx ikunu applikabbli.
Artikolu 7
1. Il-Partijiet Kontraenti għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw mad-Direttivi 2000/60/KE, 2008/105/KE, 2006/118/KE u 2009/90/KE sa [5 snin wara d-data tal-adozzjoni ta’ din id-Deċiżjoni], mingħajr preġudizzju għall-impenji li jirriżultaw mill-proċess ta’ adeżjoni mal-Unjoni u minn obbligi internazzjonali oħra. Huma għandhom jinfurmaw minnufih lis-Segretarjat b’dan.
2. Meta l-Partijiet Kontraenti jadottaw il-miżuri msemmija fil-paragrafu 1, dawn għandu jkun fihom referenzi għal din id-Deċiżjoni u d-Direttiva rilevanti trasposta minn kull miżura, jew għandhom ikunu akkumpanjati minn tali referenzi fl-okkażjoni tal-pubblikazzjoni uffiċjali tagħhom. Il-metodi biex isiru dawn ir-referenzi għandhom jiġu stabbiliti mill-Partijiet Kontraenti.
3. Il-Partijiet Kontraenti għandhom jikkomunikaw lis-Segretarjat it-test tad-dispożizzjonijiet ewlenin tad-dritt nazzjonali li huma jadottaw fil-qasam kopert minn din id-Deċiżjoni u d-Direttivi msemmija fil-paragrafu 1.
Artikolu 8
Din id-Deċiżjoni għandha tidħol fis-seħħ fid-data tal-adozzjoni tagħha mill-Kunsill Ministerjali.
Artikolu 9
Din id-Deċiżjoni hija indirizzata lill-Partijiet Kontraenti tat-Trattat dwar il-Komunità tal-Enerġija.
Magħmul fi [xxx], fi [DATA]
Għall-Kunsill Ministerjali
(Il-President)