IL-KUMMISSJONI EWROPEA

Strasburgu, 1.4.2025

COM(2025) 164 final

2025/0085(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2021/1057 li jistabbilixxi l-Fond Soċjali Ewropew Plus (FSE+) fir-rigward ta’ miżuri speċifiċi biex jiġu indirizzati sfidi strateġiċi

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Ir-rieżami ta’ nofs it-terminu tal-politika ta’ koeżjoni jippreżenta opportunità għall-Istati Membri biex jidderieġu mill-ġdid ir-riżorsi għall-2021–2027 lejn investiment fil-kapaċitajiet ta’ difiża, għall-kompetittività, it-tħejjija u l-awtonomija strateġika tal-UE u fi prijoritajiet emerġenti oħra, inkluż l-objettivi tal-Patt għal Industrija Nadifa billi jressqu emendi korrispondenti tal-programm lill-Kummissjoni. Sabiex dawn id-dimensjonijiet jissaħħu jeħtieġ ikun hemm persuni bil-ħiliet it-tajba. Fil-kuntest demografiku attwali, iż-żieda fin-nuqqas ta’ ħiliet u ta’ ħaddiema hija impediment ewlieni għat-tkabbir u l-aġġustament ekonomiku. L-investiment fl-iżvilupp tal-ħiliet u l-mobbiltà tal-forza tax-xogħol huwa prijorità ewlenija.

Il-qafas għall-investimenti tal-politika ta’ koeżjoni fin-nies stabbilit fir-Regolament dwar il-Fond Soċjali Ewropew Plus (FSE+) mhuwiex allinjat biżżejjed ma’ dawn il-prijoritajiet il-ġodda. L-isfidi eċċezzjonali li qed tiffaċċja l-Unjoni jeħtieġu fokus addizzjonali, flessibbiltà u tisħiħ tal-inċentivi. L-aġġustamenti proposti se jgħinu jidderieġu r-riprogrammazzjoni lejn prijoritajiet emerġenti u se jappoġġjaw it-tħaffif tal-implimentazzjoni. Din il-proposta tistabbilixxi aġġustamenti għar-regolament FSE+ biex jintlaħqu dawn l-objettivi.

Allinjament tal-investimenti tal-politika ta’ koeżjoni ma’ prijoritajiet ġodda

F’dawn l-aħħar snin, id-dinamika ġeopolitika kienet ikkaratterizzata minn inċertezza profonda, li teħtieġ rievalwazzjoni fundamentali tal-awtonomija strateġika tal-UE. Dawn il-bidliet qed jiżviluppaw flimkien mat-tranżizzjoni ekoloġika, ma’ dik soċjali u ma’ dik teknoloġika, li b’mod rapidu qed isawru mill-ġdid id-dinja ta’ madwarna. L-isfidi ppreżentati minn dawn it-trasformazzjonijiet simultanji ġew analizzati b’mod komprensiv fir-rapport dwar il-futur tal-kompetittività Ewropea, ippubblikat f’Settembru 2024. Ir-rapport jenfasizza l-ħtieġa urġenti li tiġi eliminata d-diskrepanza fl-innovazzjoni, li jiġu allinjati l-isforzi tad-dekarbonizzazzjoni mal-kompetittività ekonomika, u li jitnaqqsu d-dipendenzi esterni billi jiġu ddiversifikati l-ktajjen tal-provvista u jsir investiment f’setturi kritiċi.

B’reazzjoni għal dan, diġà tnedew diversi inizjattivi ewlenin biex jissaħħu r-reżiljenza ekonomika u l-awtonomija strateġika tal-UE. Dawn jinkludu l-“Pjattaforma tat-Teknoloġiji Strateġiċi għall-Ewropa” (STEP, Strategic Technologies for Europe Platform), li għandha l-għan li ssaħħaħ il-pożizzjoni fuq quddiem tal-Ewropa fit-teknoloġija; “REPowerEU”, imfassal biex inaqqas id-dipendenza fuq sorsi esterni tal-enerġija u jaċċellera t-tranżizzjoni ekoloġika; biex jitlestew l-interventi li diġà għaddejjin permezz tal-programmi tal-politika ta’ koeżjoni u l-“Faċilità għall-Irkupru u r-Reżiljenza” (RRF, Recovery and Resilience Facility), biex jiġu appoġġjati l-bidliet strutturali fl-Istati Membri u r-reġjuni, kif ukoll biex tissaħħaħ ir-reżiljenza tagħhom.

Bħala l-istrument ewlieni ta’ investiment tal-UE fi ħdan il-Qafas Finanzjarju Pluriennali (QFP), il-politika ta’ koeżjoni għandha rwol kruċjali fl-appoġġ ta’ dawn il-prijoritajiet. Din tixpruna investimenti mmirati li jikkontribwixxu għall-koeżjoni ekonomika, soċjali u territorjali filwaqt li fl-istess ħin tindirizza l-isfidi emerġenti. Tikkontribwixxi għat-trasformazzjoni ekonomika tal-Ewropa, inkluż permezz tal-innovazzjoni, u t-tisħiħ tal-kompetittività. Madankollu, il-qafas regolatorju li jirregola l-fondi tal-politika ta’ koeżjoni tal-2021–2027 ġie abbozzat, innegozjat u adottat qabel is-sensiela ta’ avvenimenti ġeopolitiċi u ekonomiċi kbar li minn dak iż-żmien ’l hawn fasslu mill-ġdid xi wħud mill-prijoritajiet politiċi strateġiċi tal-UE.

Bl-istess mod, il-Ftehimiet ta’ Sħubija u l-programmi nazzjonali u reġjonali tal-politika ta’ koeżjoni ġew żviluppati u approvati fl-istess perjodu ta’ żmien, u b’hekk jirriflettu l-prijoritajiet stabbiliti dak iż-żmien. Minħabba l-kuntest globali u reġjonali li qed jevolvi, ir-rieżami ta’ nofs it-terminu tal-2025 jippreżenta opportunità kritika biex tiġi vvalutata l-implimentazzjoni tagħhom u l-effettività tal-kontribut tagħhom għall-prijoritajiet li qed jevolvu. Dan ir-rieżami se jgħin biex jiġi ddeterminat sa liema punt il-programmi tal-politika ta’ koeżjoni jistgħu jirrispondu b’mod dirett u malajr għar-realtajiet politiċi, ekonomiċi u soċjali li qed jinbidlu b’mod rapidu.

Fl-istess ħin, sar evidenti li l-implimentazzjoni bikrija tal-programmi tal-politika ta’ koeżjoni tal-2021–2027 ffaċċjat sfidi li ma wasslux għal adozzjoni rapida u żborż rapidu tal-fondi, u dan wassal għal dewmien fl-implimentazzjoni tagħhom meta mqabbla mal-perjodi ta’ programmazzjoni preċedenti. Dan id-dewmien qed iseħħ fi żmien meta investiment b’saħħtu u aċċellerat huwa essenzjali biex jappoġġja r-reżiljenza u l-kompetittività ekonomiċi.

F’dan il-kuntest, il-Kummissjoni qed tipproponi emendi mmirati għar-Regolament (UE) 2021/1057. Dawn il-bidliet għandhom l-għan li jaġġustaw il-prijoritajiet ta’ investiment mal-kuntest ekonomiku, soċjetali, ambjentali u ġeopolitiku li qed jevolvi, filwaqt li fl-istess ħin jintroduċu flessibbiltà u inċentivi akbar biex jiffaċilitaw u jinkoraġġixxu l-użu rapidu tar-riżorsi tant meħtieġa. Billi tirfina l-qafas tal-politika ta’ koeżjoni tal-2021–2027, l-UE tista’ tiżgura li l-mekkaniżmi ta’ investiment tagħha jibqgħu aġli u reattivi, u dan jippermetti rispons aktar effettiv għall-isfidi attwali u futuri.

Sabiex l-Istati Membri jagħmlu użu effettiv mill-possibbiltajiet previsti f’din il-proposta, qed jiġi propost li jitħallew iressqu mill-ġdid il-proposta tagħhom għar-rieżami ta’ nofs it-terminu sa xahrejn wara d-dħul fis-seħħ tal-proposta attwali għal emenda tar-Regolament (UE) 2021/1057. Kwalunkwe emenda tal-programm li titwettaq skont il-prijoritajiet u l-flessibbiltajiet il-ġodda, għandha tkun mingħajr preġudizzju għall-applikazzjoni ta’ kwalunkwe miżura adottata skont ir-Regolament 2020/2092 u għall-konformità mill-programmi rilevanti mal-prijoritajiet fl-Artikolu 15 tar-Regolament 2021/1060. F’dan il-kuntest, il-Kummissjoni se ssegwi mill-qrib il-konformità tal-programmi mar-rekwiżiti tad-dritt rilevanti tal-UE.

Is-saħħa kompetittiva tal-Ewropa tinsab fil-poplu tagħha. Il-kapital uman tagħna huwa kruċjali għall-prosperità tal-UE, għar-reżiljenza ekonomika tagħha biex iżżid it-tkabbir tal-produttività tagħna, u għat-trawwim tal-koeżjoni. Il-forza tax-xogħol tal-UE jrid ikollha l-ħiliet meħtieġa biex tappoġġja l-industrija tad-difiża li qed tikber, biex b’hekk tissaħħaħ it-tħejjija u s-sigurtà tal-Ewropa, kif ukoll it-tranżizzjoni lejn ekonomija b’livell baxx ta’ emissjonijiet ta’ karbonju, inkluż il-ħiliet fit-teknoloġiji nodfa, id-diġitalizzazzjoni u l-intraprenditorija. Il-Patt għal Industrija Nadifa 1 jiddeskrivi azzjonijiet konkreti biex id-dekarbonizzazzjoni tinbidel f’mutur tat-tkabbir għall-industriji Ewropej.

Fid-dawl ta’ instabbiltà ġeopolitika bla preċedent, l-Unjoni Ewropea issa trid tieħu deċiżjonijiet kruċjali biex tiżgura s-sigurtà tagħha. Biex tiggarantixxi d-deterrenza tad-difiża u s-sigurtà tagħha stess, l-Ewropa trid tkun lesta li tidħol f’era ġdida billi żżid b’mod sinifikanti l-appoġġ tagħha għall-iżvilupp tal-kapaċitajiet tad-difiża u l-kompetittività tal-industrija tad-difiża tal-UE. Dan l-isforz se jippermetti lill-Unjoni tindirizza l-urġenza fl-immedjat li tappoġġja lill-Ukrajna filwaqt li tiżgura l-istabbiltà fit-tul tal-kontinent.

Il-Kummissjoni pproponiet pjan ta’ rispons immedjat, ReArm Europe, lill-Kunsill Ewropew li jammonta għal EUR 800 biljun, billi tattiva l-lievi finanzjarji kollha disponibbli biex tappoġġja b’mod rapidu u sinifikanti l-investiment fil-kapaċitajiet tad-difiża Ewropej. Fost dawn il-lievi, il-baġit tal-Unjoni jista’ jikkontribwixxi aktar għal dan l-isforz kollettiv permezz ta’ strument ta’ difiża ddedikat ġdid u għat-tisħiħ tal-Programm għall-Industrija tad-Difiża Ewropea (EDIP, European Defence Industry Programme).

Biex jikkomplementa dawn l-għodod u jinċentiva aktar lill-Istati Membri biex jappoġġjaw b’mod dirett l-investimenti fid-difiża, huwa essenzjali li l-finanzjament tal-politika ta’ koeżjoni jkun jista’ jiġi mmobilizzat malajr. Dawn l-investimenti se jsaħħu r-reżiljenza u l-kompetittività tal-UE filwaqt li jippromwovu l-iżvilupp u t-tkabbir reġjonali. Se jindirizzaw ukoll l-isfida doppja li jiffaċċjaw ir-reġjuni tal-Unjoni li jmissu mar-Russja, il-Belarussja u l-Ukrajna: it-tisħiħ tas-sigurtà filwaqt li tingħata ħajja ġdida lill-ekonomiji tagħhom.

Ir-reġjuni tal-fruntiera tal-Lvant

Minħabba l-isfidi tar-reġjuni tal-fruntiera tal-Lvant mill-aggressjoni Russa kontra l-Ukrajna, il-programmi fil-mira tal-Investiment għall-impjiegi u t-tkabbir mar-reġjuni NUTS 2 li għandhom fruntieri mar-Russja, il-Belarussja jew l-Ukrajna, għandhom jibbenefikaw mill-possibbiltà ta’ prefinanzjament ta’ darba ta’ 9,5 % tal-allokazzjoni tal-programm fl-2026 u finanzjament tal-Unjoni ta’ 100 %.

Flessibbiltà u simplifikazzjoni akbar għall-aċċellerazzjoni tal-investimenti

F’nofs il-perjodu ta’ programmazzjoni tal-2021–2027, il-livell ta’ pagamenti mitluba mill-Istati Membri lill-Kummissjoni huwa baxx minħabba taħlita ta’ fatturi: l-adozzjoni tardiva tar-Regolamenti li jirregolaw il-politika; il-ħtieġa li jiġu ffaċċjati kriżijiet suċċessivi mill-pandemija tal-COVID-19 sal-gwerra kontra l-Ukrajna, u għall-kriżi tal-enerġija; il-pressjoni biex jingħalaq il-perjodu ta’ programmazzjoni preċedenti; u l-prijorità mogħtija biex jiġu implimentati l-istrumenti ta’ Next Generation EU, minħabba l-perjodu ta’ żmien iqsar għall-implimentazzjoni tagħhom. Dan kollu, min-naħa tiegħu, poġġa pressjoni fuq il-kapaċitajiet amministrattivi tal-awtoritajiet tal-Istati Membri biex ifasslu u jwettqu malajr l-investimenti. Minkejja aċċellerazzjoni rapida esperjenzata matul is-sena li għaddiet b’għażla ta’ proġetti ftit aktar minn 40 % tal-allokazzjonijiet, l-implimentazzjoni tal-politika ta’ koeżjoni għandha tħaffef il-pass f’kuntest fejn l-Unjoni qed tiffaċċja firxa ta’ sfidi ġodda li jeħtieġu rispons rapidu. Il-Kummissjoni għalhekk tipproponi sett ta’ miżuri li għandhom l-għan li jkomplu jsaħħu l-flessibbiltà u s-simplifikazzjoni tal-użu tal-appoġġ tal-politika ta’ koeżjoni għall-aċċellerazzjoni tal-investimenti:

–Biex jiġi evitat li l-implimentazzjoni tal-programm tiġi ttardjata minħabba restrizzjonijiet baġitarji nazzjonali, u biex tiġi estiża l-kapaċità finanzjarja tal-Istati Membri biex jindirizzaw l-isfidi emerġenti ġodda, il-Kummissjoni tipproponi li tipprovdi prefinanzjament ta’ darba ta’ 4,5 % pprovdut mill-FSE+ fl-2026 għall-programmi kollha li jirriallokaw mill-inqas 15 % tar-riżorsi tagħhom għall-prijoritajiet il-ġodda u għall-STEP fil-kuntest tal-proċess ta’ rieżami ta’ nofs it-terminu.

–Il-perċentwal ta’ prefinanzjament huwa propost li jiżdied għal 9,5 % fl-2026 għal programmi li jkopru reġjun wieħed jew aktar ta’ NUTS2 li jmissu mar-Russja, il-Belarussja jew l-Ukrajna filwaqt li jiġu rikonoxxuti l-isfidi speċifiċi li dawn ir-reġjuni ilhom jiffaċċjaw mill-aggressjoni Russa fl-Ukrajna.

–Biex jiġi evitat li r-riskju ta’ dewmien u telf korrispondenti ta’ fondi jnaqqas ir-rieda li jsiru emendi tal-programm u li tiġi żgurata l-implimentazzjoni xierqa tal-operazzjonijiet ikkonċernati, il-Kummissjoni tipproponi li testendi l-limitu ta’ żmien għall-użu tar-riżorsi tal-FSE+ u testendi d-data tat-tmiem għall-eliġibbiltà b’sena addizzjonali. Din il-flessibbiltà hija proposta li ssir disponibbli biss għall-programmi li pproponew emendi li jirriżultaw f’riallokazzjoni ta’ mill-inqas 15 % tar-riżorsi għall-prijoritajiet il-ġodda u għall-STEP fil-kuntest tal-eżerċizzju ta’ rieżami ta’ nofs it-terminu, ladarba jiġu approvati.

•Konsistenza mad-dispożizzjonijiet eżistenti fil-qasam ta’ politika kkonċernat

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

•Dokumenti ta’ spjegazzjoni (għad-direttivi)

•Spjegazzjoni fid-dettall tad-dispożizzjonijiet speċifiċi tal-proposta

2025/0085 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2021/1057 li jistabbilixxi l-Fond Soċjali Ewropew Plus (FSE+) fir-rigward ta’ miżuri speċifiċi biex jiġu indirizzati sfidi strateġiċi

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 164, 175, 177 u 322 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 3 ,

Wara li kkunsidraw l-opinjoni tal-Kumitat tar-Reġjuni 4 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Minħabba l-avvenimenti ġeopolitiċi u ekonomiċi ewlenin li fasslu mill-ġdid xi wħud mill-prijoritajiet politiċi strateġiċi tal-Unjoni, jeħtieġ jiġu previsti possibbiltajiet għall-Istati Membri biex jindirizzaw dawk l-isfidi strateġiċi u jiffokaw mill-ġdid ir-riżorsi tagħhom fuq prijoritajiet li għadhom kif ħarġu fid-dieher.

(2)Il-White Paper Konġunta għall-Prontezza tad-Difiża Ewropea 2030 5 twitti t-triq għal unjoni Ewropea tad-difiża vera, inkluż billi tissuġġerixxi lill-Istati Membri jinvestu ħafna fid-difiża u fl-industrija tad-difiża. F’dak ir-rigward, il-Komunikazzjoni tal-Kummissjoni – l-Unjoni tal-Ħiliet tal-5 ta’ Marzu 2025 6 (“il-Komunikazzjoni dwar l-Unjoni tal-Ħiliet”) tistabbilixxi azzjonijiet biex jiġu indirizzati d-diskrepanzi u n-nuqqasijiet fil-ħiliet fl-Unjoni, anke permezz tal-Inizjattiva Patt għall-Ħiliet imsemmija f’dik il-Komunikazzjoni, u s-sħubijiet fuq skala kbira tagħha, inkluż waħda dwar l-ekosistema tad-difiża. Għalhekk, jixraq li jiġu inklużi inċentivi għall-FSE + stabbilit bir-Regolament (UE) 2021/1057 tal-Parlament Ewropew u tal-Kunsill 7 biex jiġi ffaċilitat l-iżvilupp tal-ħiliet fl-industrija tad-difiża.

(3)Diġà huwa possibbli li jiġi appoġġjat l-adattament tal-ħaddiema, l-intraprendituri u l-intrapriżi għall-bidla fl-ambitu tal-FSE+. Skont il-miżuri ta’ dekarbonizzazzjoni proposti mill-Komunikazzjoni tal-Kummissjoni – il-Patt għal Industrija Nadifa: Pjan direzzjonali konġunt għall-kompetittività u d-dekarbonizzazzjoni tas-26 ta’ Frar 2025 8 u biex jiġi ffaċilitat aktar l-aġġustament industrijali marbut mad-dekarbonizzazzjoni tal-proċessi u l-prodotti tal-produzzjoni, fil-kuntest tal-objettiv li jiġu pprovduti opportunitajiet tul il-ħajja għat-titjib tal-ħiliet u t-taħriġ mill-ġdid b’mod regolari tan-nies, kif stabbilit fil-Komunikazzjoni dwar l-Unjoni tal-Ħiliet, inkluż permezz ta’ Garanzija tal-Ħiliet li għadha kif ġiet proposta, jenħtieġ li l-FSE+ jiffaċilita l-għoti tal-ħiliet, iż-żamma tal-impjiegi u l-ħolqien tal-impjiegi matul il-proċess ta’ dekarbonizzazzjoni billi jipprovdi flessibbiltajiet għall-implimentazzjoni.

(4)Permezz tal-FSE+, diġà huwa possibbli li jiġu appoġġjati investimenti li jikkontribwixxu għall-objettivi tal-“Pjattaforma tat-Teknoloġiji Strateġiċi għall-Ewropa” (STEP, Strategic Technologies for Europe Platform) stabbilita bir-Regolament (UE) 2024/795 tal-Parlament Ewropew u tal-Kunsill 9 li għandha l-għan li ssaħħaħ it-tmexxija teknoloġika tal-Unjoni. Sabiex jiġu inċentivati aktar investimenti mill-FSE+ f’dawk l-oqsma kritiċi, jenħtieġ li tiġi estiża l-possibbiltà li l-Istati Membri jirċievu prefinanzjament ogħla għall-emendi tal-programm relatati.

(5)Sabiex l-Istati Membri jkunu jistgħu jwettqu riprogrammazzjoni sinifikanti u jiffukaw ir-riżorsi fuq il-prijoritajiet strateġiċi tal-Unjoni stabbiliti fil-premessi 2, 3 u 4 mingħajr ma jikkawżaw aktar dewmien fl-implimentazzjoni, jixraq li jiġu previsti aktar flessibbiltajiet. Ir-rieżami ta’ nofs it-terminu jenħtieġ li jservi bħala opportunità biex jiġu indirizzati sfidi strateġiċi emerġenti u prijoritajiet ġodda, għalhekk jenħtieġ li l-Istati Membri jibbenefikaw minn żmien addizzjonali biex ilestu l-valutazzjoni tal-eżitu tar-rieżami ta’ nofs it-terminu u l-preżentazzjoni tal-emendi tal-programm relatati.

(6)Sabiex tiġi aċċellerata l-implimentazzjoni tal-programmi tal-politika ta’ koeżjoni u tittaffa l-pressjoni fuq il-baġits nazzjonali u biex tiddaħħal il-likwidità meħtieġa għall-implimentazzjoni ta’ investimenti ewlenin, jenħtieġ li jitħallas prefinanzjament addizzjonali ta’ darba għall-programmi mill-FSE+. Minħabba l-impatt negattiv tal-aggressjoni Russa fl-Ukrajna, jenħtieġ li l-perċentwal ta’ prefinanzjament jiżdied aktar għal ċerti programmi li jkopru reġjun wieħed jew aktar ta’ NUTS2 li jmissu mar-Russja, il-Belarussja jew l-Ukrajna. Sabiex tiġi inċentivata r-riprogrammazzjoni lejn prijoritajiet ewlenin fil-kuntest tar-rieżami ta’ nofs it-terminu, il-prefinanzjament addizzjonali jenħtieġ li jkun disponibbli biss meta jintlaħaq ċertu livell limitu għar-riallokazzjoni ta’ riżorsi finanzjarji għal prijoritajiet kruċjali speċifiċi.

(7)Barra minn hekk, biex jitqies iż-żmien meħtieġ biex l-investimenti jiġu ffukati mill-ġdid u biex ikun jista’ jsir l-aħjar użu tar-riżorsi disponibbli, l-iskadenzi għall-eliġibbiltà tan-nefqa u r-regoli tad-diżimpenn jenħtieġ li jiġu aġġustati għal programmi li jwettqu riallokazzjoni tar-riżorsi għal prijoritajiet strateġiċi.

(8)Jenħtieġ li jkun possibbli wkoll li tiġi applikata rata massima ta’ kofinanzjament sa 100 % għall-prijoritajiet fi programmi li jkopru reġjun wieħed jew aktar ta’ NUTS2 li jmissu mar-Russja, il-Belarussja jew l-Ukrajna, minħabba l-impatt negattiv tal-aggressjoni Russa fuq dawk ir-reġjuni.

(9)Peress li l-objettivi ta’ dan ir-Regolament, jiġifieri li jiġu indirizzati l-isfidi strateġiċi, li l-investimenti jiġu ffukati mill-ġdid fuq prijoritajiet kritiċi ġodda u li jiġi ssimplifikat u aċċellerat it-twettiq tal-politika, ma jistgħux jinkisbu b’mod suffiċjenti mill-Istati Membri iżda jistgħu pjuttost jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jikseb dak l-objettiv.

(10)Għalhekk, jenħtieġ li r-Regolament (UE) 2021/1057 jiġi emendat kif xieraq.

(11)[Minħabba l-ħtieġa urġenti li jkunu jistgħu jsiru investimenti kruċjali fil-ħiliet fl-industrija tad-difiża kif ukoll fl-adattament għall-bidla marbuta mad-dekarbonizzazzjoni fil-kuntest ta’ sfidi ġeopolitiċi strateġiċi urġenti, jenħtieġ li dan ir-Regolament jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,]

ADOTTAW DAN IR-REGOLAMENT:

Artikolu 1

Ir-Regolament (UE) 2021/1057 huwa emendat kif ġej:

(1)jiddaħħal l-Artikolu 5a li ġej:

“Artikolu 5a

Dispożizzjonijiet speċifiċi marbuta mal-implimentazzjoni tal-fergħa tal-FSE+ taħt ġestjoni kondiviża

(1)Fl-2026, il-Kummissjoni għandha tħallas 4,5 % tal-appoġġ totali mill-FSE+ kif stabbilit fid-deċiżjoni li tapprova l-emenda tal-programm bħala prefinanzjament addizzjonali ta’ darba. Il-perċentwal ta’ prefinanzjament ta’ darba fl-2026 għandu jiżdied għal 9,5 % għal programmi li jkopru reġjun wieħed jew aktar ta’ NUTS2 li jmissu mar-Russja, il-Belarussja jew l-Ukrajna, dment li l-programm ma jkoprix it-territorju kollu tal-Istat Membru. Meta, fi Stat Membru, ir-reġjuni NUTS 2 li jmissu mar-Russja, il-Belarussja jew l-Ukrajna jiġu inklużi b’mod esklużiv fi programmi li jkopru t-territorju kollu ta’ dak l-Istat Membru, il-prefinanzjament akbar stabbilit f’dan il-paragrafu għandu japplika għal dawk il-programmi.

Il-prefinanzjament addizzjonali msemmi fl-ewwel subparagrafu ta’ dan il-paragrafu għandu japplika biss meta jkunu ġew approvati r-riallokazzjonijiet ta’ mill-inqas 15 % tar-riżorsi finanzjarji tal-programm għal prijorità ddedikata waħda jew aktar stabbiliti f’konformità mal-Artikoli 12a, 12c u 12d; dment li t-talba għal emenda tal-programm titressaq sal-31 ta’ Diċembru 2025.

Il-prefinanzjament dovut lill-Istat Membru li jirriżulta mill-emendi tal-programm skont ir-riallokazzjoni għall-prijoritajiet imsemmija fit-tieni subparagrafu ta’ dan il-paragrafu għandu jingħadd bħala pagamenti li saru fl-2025 għall-finijiet tal-kalkolu tal-ammonti li għandhom jiġu diżimpenjati f’konformità mal-Artikolu 105 tar-Regolament (UE) 2021/1060, dment li t-talba għal emenda tal-programm tkun tressqet fl-2025.

(2)B’deroga mill-Artikolu 63(2) u mill-Artikolu 105(2) tar-Regolament (UE) 2021/1060, l-iskadenza għall-eliġibbiltà tan-nefqa, għar-rimborż tal-ispejjeż kif ukoll għad-diżimpenn għandha tkun il-31 ta’ Diċembru 2030. Dik id-deroga għandha tapplika biss meta jkunu ġew approvati l-emendi tal-programm li jirriallokaw mill-inqas 15 % tar-riżorsi finanzjarji tal-programm għal prijorità ddedikata waħda jew aktar stabbiliti f’konformità mal-Artikoli 12a, 12c u 12d ta’ dan ir-Regolament fil-kuntest tar-rieżami ta’ nofs it-terminu.

(3)B’deroga mill-Artikolu 112 tar-Regolament (UE) 2021/1060, ir-rata massima ta’ kofinanzjament għal prijoritajiet fi programmi li jkopru reġjun wieħed jew aktar ta’ NUTS2 li jmissu mar-Russja, il-Belarussja jew l-Ukrajna għandha tkun ta’ 100 %. Ir-rata ogħla ta’ kofinanzjament ma għandhiex tapplika għal programmi li jkopru t-territorju kollu tal-Istat Membru kkonċernat, sakemm dawk ir-reġjuni ma jkunux inklużi biss fi programmi li jkopru t-territorju kollu ta’ dak l-Istat Membru. Id-deroga għandha tapplika biss fejn ikunu ġew approvati r-riallokazzjonijiet ta’ mill-inqas 15 % tar-riżorsi finanzjarji tal-programm għal prijorità ddedikata waħda jew aktar stabbiliti f’konformità mal-Artikoli 12a, 12c u 12d ta’ dan ir-Regolament fil-kuntest tar-rieżami ta’ nofs it-terminu, dment li l-emenda tal-programm tiġi ppreżentata sal-31 ta’ Diċembru 2025.

(4)Minbarra l-valutazzjoni għal kull programm dwar l-eżitu tar-rieżami ta’ nofs it-terminu li għandu jiġi ppreżentat f’konformità mal-Artikolu 18(2) tar-Regolament (UE) 2021/1060, l-Istati Membri jistgħu jressqu mill-ġdid valutazzjoni kumplementari kif ukoll talbiet relatati għal emendi tal-programm, filwaqt li jqisu l-possibbiltà għal prijoritajiet iddedikati f’konformità mal-Artikoli 12a, 12c u 12d fi żmien xahrejn mid-dħul fis-seħħ tar-Regolament (UE) XXXX/XXXX [dan ir-Regolament]. Għandhom japplikaw l-iskadenzi stabbiliti fl-Artikolu 18(3) tar-Regolament (UE) 2021/1060.

(2)fl-Artikolu 12a(2), l-ewwel subparagrafu huwa sostitwit b’dan li ġej:

“Minbarra l-prefinanzjament għall-programm previst fl-Artikolu 90(1) u (2) tar-Regolament (UE) 2021/1060, meta l-Kummissjoni tapprova emenda ta’ programm li tinkludi prijorità waħda jew aktar iddedikati għall-operazzjonijiet appoġġjati mill-FSE+ li jikkontribwixxu għall-objettivi tal-STEP imsemmija fl-Artikolu 2 tar-Regolament (UE) 2024/795, hija għandha tagħmel prefinanzjament eċċezzjonali ta’ 30 % abbażi tal-allokazzjoni għal dawk il-prijoritajiet, dment li l-emenda tal-programm tiġi ppreżentata lill-Kummissjoni sal-31 ta’ Diċembru 2025. Dak il-prefinanzjament eċċezzjonali għandu jitħallas fi żmien 60 jum mill-adozzjoni tad-deċiżjoni tal-Kummissjoni li tapprova l-emenda tal-programm.”;

(3)jiddaħħlu l-Artikoli 12c u 12d li ġejjin:

“Artikolu 12c

Appoġġ għall-industrija tad-difiża

(1)L-Istati Membri jistgħu jiddeċiedu li jipprogrammaw l-appoġġ għall-iżvilupp tal-ħiliet fl-industrija tad-difiża fl-ambitu ta’ prijoritajiet iddedikati. Tali prijoritajiet iddedikati jistgħu jappoġġjaw kwalunkwe wieħed mill-objettivi speċifiċi stabbiliti fl-Artikolu 4(1), il-punti (a) sa (l).

(2)Ir-riżorsi allokati għall-prijorità ddedikata kif imsemmi fil-paragrafu 1 ma għandhomx jitqiesu meta tiġi żgurata l-konformità mar-rekwiżiti ta’ konċentrazzjoni tematika kif stabbilit fl-Artikolu 7 ta’ dan ir-Regolament.

(3)Minbarra l-prefinanzjament annwali għall-programm previst fl-Artikolu 90(1) u (2) tar-Regolament (UE) 2021/1060, il-Kummissjoni għandha tħallas 30 % tal-allokazzjoni għall-prijoritajiet iddedikati msemmija fil-paragrafu 1 ta’ dan l-Artikolu kif stabbilit fid-deċiżjoni li tapprova l-emenda tal-programm bħala prefinanzjament eċċezzjonali ta’ darba.

Dak il-prefinanzjament eċċezzjonali għandu jitħallas fi żmien 60 jum mill-adozzjoni tad-deċiżjoni tal-Kummissjoni li tapprova l-emenda tal-programm f’konformità mal-Artikolu 24 tar-Regolament (UE) 2021/1060.

(4)F’konformità mal-Artikolu 90(5) tar-Regolament (UE) 2021/1060, l-ammont imħallas bħala prefinanzjament eċċezzjonali għandu jiġi kklerjat mill-kontijiet tal-Kummissjoni sa mhux aktar tard mis-sena kontabilistika finali.

F’konformità mal-Artikolu 90(6) tar-Regolament (UE) 2021/1060, kwalunkwe mgħax iġġenerat mill-prefinanzjament eċċezzjonali għandu jintuża għall-programm ikkonċernat bl-istess mod bħall-FSE+ u għandu jiġi inkluż fil-kontijiet għas-sena kontabilistika finali.

F’konformità mal-Artikolu 97(1) tar-Regolament (UE) 2021/1060, il-prefinanzjament eċċezzjonali ma għandux jiġi sospiż.

F’konformità mal-Artikolu 105(1) tar-Regolament (UE) 2021/1060, il-prefinanzjament li għandu jitqies għall-finijiet tal-kalkolu tal-ammonti li għandhom jiġu diżimpenjati għandu jinkludi l-prefinanzjament eċċezzjonali mħallas.

(5)B’deroga mill-Artikolu 112 tar-Regolament (UE) 2021/1060, ir-rata massima ta’ kofinanzjament għall-prijoritajiet iddedikati msemmija fil-paragrafu 1 ta’ dan l-Artikolu għandha tkun ta’ 100 %.

Artikolu 12d

Appoġġ għall-adattament marbut mad-dekarbonizzazzjoni

(1)L-Istati Membri jistgħu jiddeċiedu li jipprogrammaw l-appoġġ immirat lejn l-għoti tal-ħiliet, it-titjib tal-ħiliet u t-taħriġ mill-ġdid bil-ħsieb tal-adattament tal-ħaddiema, l-intrapriżi u l-intraprendituri għall-bidla li jikkontribwixxi għad-dekarbonizzazzjoni tal-kapaċitajiet tal-produzzjoni fl-ambitu ta’ prijoritajiet iddedikati. Tali prijoritajiet iddedikati jistgħu jappoġġjaw kwalunkwe wieħed mill-objettivi speċifiċi stabbiliti fl-Artikolu 4(1), il-punti (a) sa (l).

(2)Għall-finijiet tal-paragrafu 1 ta’ dan l-Artikolu, l-Istat Membru għandu jippreżenta talba għal emenda f’konformità mal-Artikolu 24 tar-Regolament (UE) 2021/1060. Meta Stat Membru diġà jkollu programmi li jinkludu prijorità waħda jew aktar li jissodisfaw il-kundizzjonijiet stabbiliti fil-paragrafu 1 ta’ dan l-Artikolu, l-Istat Membru għandu jippreżenta talba lill-Kummissjoni biex tikkunsidra l-prijoritajiet ikkonċernati bħala prijoritajiet iddedikati għall-finijiet tal-paragrafu 1 ta’ dan l-Artikolu.

(3)Minbarra l-prefinanzjament annwali għall-programm previst fl-Artikolu 90(1) u (2) tar-Regolament (UE) 2021/1060, il-Kummissjoni għandha tħallas 30 % tal-allokazzjoni għall-prijoritajiet iddedikati msemmija fil-paragrafu 1 ta’ dan l-Artikolu kif stabbilit fid-deċiżjoni li tapprova l-emenda tal-programm bħala prefinanzjament eċċezzjonali ta’ darba.

   Dak il-prefinanzjament eċċezzjonali għandu jitħallas fi żmien 60 jum mill-adozzjoni tad-deċiżjoni tal-Kummissjoni li tapprova l-emenda tal-programm f’konformità mal-paragrafu 2 ta’ dan l-Artikolu.

(4)F’konformità mal-Artikolu 90(5) tar-Regolament (UE) 2021/1060, l-ammont imħallas bħala prefinanzjament eċċezzjonali għandu jiġi kklerjat mill-kontijiet tal-Kummissjoni sa mhux aktar tard mis-sena kontabilistika finali.

   F’konformità mal-Artikolu 90(6) tar-Regolament (UE) 2021/1060, kwalunkwe mgħax iġġenerat mill-prefinanzjament eċċezzjonali għandu jintuża għall-programm ikkonċernat bl-istess mod bħall-FSE+ u għandu jiġi inkluż fil-kontijiet għas-sena kontabilistika finali.

   F’konformità mal-Artikolu 97(1) tar-Regolament (UE) 2021/1060, il-prefinanzjament eċċezzjonali ma għandux jiġi sospiż.

   F’konformità mal-Artikolu 105(1) tar-Regolament (UE) 2021/1060, il-prefinanzjament li għandu jitqies għall-finijiet tal-kalkolu tal-ammonti li għandhom jiġu diżimpenjati għandu jinkludi l-prefinanzjament eċċezzjonali mħallas.

(5)B’deroga mill-Artikolu 112 tar-Regolament (UE) 2021/1060, ir-rata massima ta’ kofinanzjament għall-prijoritajiet iddedikati msemmija fil-paragrafu 1 ta’ dan l-Artikolu għandha tkun ta’ 100 %.”.

Artikolu 2

Dan ir-Regolament għandu jidħol fis-seħħ fi [jum] wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu,

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Objettiv(i)3

1.3.1.Objettiv(i) ġenerali3

1.3.2.Objettiv(i) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni3

1.4.Il-proposta/L-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi4

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha6

1.7.Metodu/i tal-implimentazzjoni tal-baġit ippjanat(i)6

2.MIŻURI TA’ ĠESTJONI8

2.1.Regoli ta’ monitoraġġ u ta’ rapportar8

2.2.Sistema/i ta’ ġestjoni u ta’ kontroll8

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta8

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom8

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet9

3.IMPATT FINANZJARJU STMAT TAL-PROPOSTA/TAL-INIZJATTIVA10

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i10

3.2.Impatt finanzjarju stmat tal-proposta fuq l-approprjazzjonijiet12

3.2.1.Sommarju tal-impatt stmat fuq l-approprjazzjonijiet operazzjonali12

3.2.1.1.Approprjazzjonijiet mill-baġit ivvutat12

3.2.1.2.Approprjazzjonijiet minn dħul assenjat estern17

3.2.2.Output stmat iffinanzjat minn approprjazzjonijiet operazzjonali22

3.2.3.Sommarju tal-impatt stmat fuq l-approprjazzjonijiet amministrattivi24

3.2.3.1. Approprjazzjonijiet mill-baġit ivvutat24

3.2.3.2.Approprjazzjonijiet minn dħul assenjat estern24

3.2.3.3.Total tal-approprjazzjonijiet24

3.2.4.Rekwiżiti stmati ta’ riżorsi umani25

3.2.4.1.Iffinanzjati mill-baġit ivvutat25

3.2.4.2.Iffinanzjati minn dħul assenjat estern26

3.2.4.3.Rekwiżiti totali ta’ riżorsi umani26

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali28

3.2.6.Kompatibbiltà mal-qafas finanzjarju pluriennali attwali28

3.2.7.Kontribuzzjonijiet ta’ partijiet terzi28

3.3.Impatt stmat fuq id-dħul29

4.Dimensjonijiet diġitali29

4.1.Rekwiżiti ta’ rilevanza diġitali30

4.2.Data30

4.3.Soluzzjonijiet diġitali31

4.4.Valutazzjoni tal-interoperabbiltà31

4.5.Miżuri li jappoġġaw l-implimentazzjoni diġitali32

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’: 

 azzjoni ġdida 

X azzjoni ġdida wara proġett pilota/azzjoni preparatorja 10  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

X durata limitata

–    impatt finanzjarju mill-2026 sal-2029 għall-approprjazzjonijiet ta’ pagament. L-ebda impatt fuq l-approprjazzjonijiet ta’ impenn.

1.7.Metodu/i ta’ implimentazzjoni tal-baġit ippjanat(i) 11   

– 

Ġestjoni kondiviża mal-Istati Membri

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

miljuni ta’ EUR (sa tliet pożizzjonijiet deċimali)

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

Considering the overall strained situation in Heading 7, in terms of both staffing and the level of appropriations, the human resources required will be met by staff from the DG who are already assigned to the management of the action and/or have been redeployed within the DG or other Commission services.

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 19

3.2.4.3.Rekwiżiti totali ta’ riżorsi umani

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu minn:

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

L-adattament tal-front office tal-SFC2021 jista’ jkun meħtieġ sabiex tiġi ttrattata ż-żieda tal-informazzjoni settorjali. L-istimi tal-isforz biex tiġi adattata s-soluzzjoni diġitali huma fil-medda ta’ 20 jum tax-xogħol sa 40 jum tax-xogħol. Madankollu, ma jeħtieġ l-ebda baġit biex tiġi implimentata l-bidla: dan se jkun kopert mill-baġit 2021 tal-front office tal-SFC2025 li jkopri l-kostijiet evoluttivi tal-manutenzjoni.

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    tirrikjedi l-użu tal-marġni mhux allokat skont l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–ma tipprevedix il-kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika jekk id-dħul huwiex assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

(1)    COM(2025) 85 final

(2)    https://pact-for-skills.ec.europa.eu/about/industrial-ecosystems-and-partnerships/aerospace-and-defence_en

(3)    ĠU C , , p. .

(4)    ĠU C , , p. .

(5)    White Paper Konġunta għall-Prontezza tad-Difiża Ewropea 2030, JOIN(2025) 120 final, 19.3.2025.

(6)    COM (2025) 90 final

(7)    Ir-Regolament (UE) 2021/1057 tal-Parlament Ewropew u tal-Kunsill tal-24 ta’ Ġunju 2021 li jistabbilixxi l-Fond Soċjali Ewropew Plus (FSE+) u li jħassar ir-Regolament (UE) Nru 1296/2013 (ĠU L 231, 30.6.2021, p. 21, ELI:  http://data.europa.eu/eli/reg/2021/1057/oj ).

(8)    COM (2025) 85 final

(9)    Ir-Regolament (UE) 2024/795 tal-Parlament Ewropew u tal-Kunsill tad-29 ta’ Frar 2024 li jistabbilixxi l-Pjattaforma tat-Teknoloġiji Strateġiċi għall-Ewropa (“STEP”), u li jemenda d-Direttiva 2003/87/KE u r-Regolamenti (UE) 2021/1058, (UE) 2021/1056, (UE) 2021/1057, (UE) Nru 1303/2013, (UE) Nru 223/2014, (UE) 2021/1060, (UE) 2021/523, (UE) 2021/695, (UE) 2021/697 u (UE) 2021/241 (ĠU L, 2024/795, 29.2.2024, ELI:  http://data.europa.eu/eli/reg/2024/795/oj )

(10)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(11)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(12)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(13)    EFTA: Assoċjazzjoni Ewropea tal-Kummerċ Ħieles.

(14)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(15)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(16)    Sabiex jiġu ddeterminati l-approprjazzjonijiet meħtieġa għandhom jintużaw iċ-ċifri relatati mal-kostijiet medji annwali, disponibbli fuq il-paġna web rilevanti tal-BUDGpedia.

(17)    L-outputs huma l-prodotti u s-servizzi li għandhom jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(18)    Kif deskritt fit-Taqsima 1.3.2. “Objettiv(i) speċifiku/speċifiċi”

(19)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.

(20)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.