Skont it-Trattat dwar il-Funzjonament tal-Unjoni Ewropea (“TFUE”), li fih il-Kummissjoni tirreferi Stat Membru lill-Qorti tal-Ġustizzja tal-Unjoni Ewropea (“il-Qorti”) talli jkun naqas milli jissodisfa obbligu skont it-Trattati, hija tista’ tipproponi lill-Qorti timponi sanzjonijiet finanzjarji fuq dak l-Istat Membru f’żewġ sitwazzjonijiet:

Fiż-żewġ każijiet, is-sanzjoni imposta mill-Qorti tista’ tkun magħmula minn ħlas ta’ somma f’daqqa, bħala konsegwenza tal-kontinwazzjoni tal-ksur sal-għoti tas-sentenza tagħha jew il-konformità sħiħa, jekk tintlaħaq qabel, u ħlas ta’ penali ta’ kuljum, biex l-Istat Membru kkonċernat jiġi mħeġġeġ itemm il-ksur mill-aktar fis possibbli wara l-għoti tas-sentenza. Il-Kummissjoni tipproponi l-ammonti għas-sanzjonijiet finanzjarji lill-Qorti, iżda huwa f’idejn il-Qorti, fl-eżerċizzju tad-diskrezzjoni tagħha (2), li tiddetermina l-ammonti li hija tqis xierqa għaċ-ċirkostanzi u proporzjonati kemm għall-ksur li jkun ġie stabbilit kif ukoll għall-kapaċità ta’ ħlas tal-Istat Membru kkonċernat.

Il-prinċipji u l-metodu użati mill-Kummissjoni biex tikkalkula s-sanzjonijiet finanzjarji li tipproponi lill-Qorti huma stabbiliti fil-Komunikazzjoni tagħha “Sanzjonijiet finanzjarji fi proċedimenti ta’ ksur”  (3) (minn hawn ’il quddiem “il-Komunikazzjoni tal-2022”).

Dan l-aġġornament huwa bbażat fuq l-iżviluppi fl-inflazzjoni, il-popolazzjoni u l-prodott domestiku gross (PDG) ta’ kull Stat Membru. L-istatistika rilevanti relatata mar-rata tal-inflazzjoni, il-popolazzjoni u l-PDG li għandha tintuża hija dik stabbilita sentejn qabel l-aġġornament (“ir-regola t-2”), jiġifieri l-2022.

Il-fatturi n, is-somma f’daqqa minima u l-ammonti b’rata fissa aġġornati huma stabbiliti fl-Anness ta’ din il-Komunikazzjoni.

Il-Kummissjoni se tapplika ċ-ċifri aġġornati għad-deċiżjonijiet li tieħu biex tressaq każ quddiem il-Qorti tal-Ġustizzja skont l-Artikolu 260 tat-TFUE minn meta tiġi ppubblikata din il-Komunikazzjoni fil-Ġurnal Uffiċjali.

(1)  Jew meta l-Istat Membru ma jkunx ħa l-miżuri meħtieġa biex jikkonforma ma’ sentenza li ssib ksur ta’ deċiżjoni dwar l-għajnuna mill-Istat skont l-Artikolu 108(2) tat-TFUE

(2)  Din id-diskrezzjoni hija limitata fil-każ tal-kawżi tal-Artikolu 260(3) tat-TFUE, fejn il-Qorti ma tistax tmur lil hinn mill-ammont speċifikat mill-Kummissjoni.

(3)  Il-Komunikazzjoni tal-Kummissjoni “ ‘Sanzjonijiet finanzjarji fi proċedimenti ta’ ksur’ ” C/2022/9973 (ĠU C 2, 4.1.2023, p. 1).