This document is an excerpt from the EUR-Lex website
Document 52024M11384
Prior notification of a concentration (Case M.11384 – Mercedes-Benz Group/BMW/JV) – Candidate case for simplified procedure
Avviż minn qabel ta’ konċentrazzjoni (Każ M.11384 – Mercedes-Benz Group/BMW/JV) — Każ li jista’ jiġi kkunsidrat għal proċedura ssimplifikata
Avviż minn qabel ta’ konċentrazzjoni (Każ M.11384 – Mercedes-Benz Group/BMW/JV) — Każ li jista’ jiġi kkunsidrat għal proċedura ssimplifikata
PUB/2023/1874
ĠU C, C/2024/781, 11.1.2024, ELI: http://data.europa.eu/eli/C/2024/781/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Il-Ġurnal Uffiċjali |
MT Serje C |
C/2024/781 |
11.1.2024 |
Avviż minn qabel ta’ konċentrazzjoni
(Każ M.11384 – Mercedes-Benz Group/BMW/JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(C/2024/781)
1.
Fid-19 ta’ Diċembru 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Mercedes-Benz Group China Ltd. (“MBGC”, ir-Repubblika tal-Poplu taċ-Ċina), ikkontrollata minn Mercedes-Benz Group AG, |
— |
BMW Brilliance Automotive Ltd. (“BBA”, ir-Repubblika tal-Poplu taċ-Ċina) ikkontrollata minn Bayerische Motoren Werke Aktiengesellschaft. |
MBGC u BBA se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ kumpanija ġdida li tikkostitwixxi impriża konġunta.
Il-konċentrazzjoni titwettaq permezz ta’ akkwist konġunt ta’ kapital reġistrat fil-kumpanija li għadha kif inħolqot.
2.
L-attivitajiet kummerċjali tal-impriżi kkonċernati huma dawn li ġejjin:
— |
MBGC hija attiva fil-manifattura u l-bejgħ ta’ karozzi tal-passiġġieri u vannijiet, kif ukoll fil-forniment ta’ servizzi finanzjarji, servizzi ta’ mobbiltà, spare parts, u topera ċentri ta’ riċerka u żvilupp, |
— |
L-operazzjonijiet tan-negozju ta’ BBA jinkludu r-riċerka u l-iżvilupp, l-akkwist, il-produzzjoni, il-bejgħ, u s-servizzi ta’ wara l-bejgħ tal-karozzi fiċ-Ċina. |
3.
L-attivitajiet kummerċjali ta’ JV huma li ġejjin: L-iżvilupp u t-tħaddim ta’ network pubbliku tal-infrastruttura tal-iċċarġjar għall-karozzi li jaħdmu bil-batteriji fiċ-Ċina.
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament simplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn l-impriżi (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11384 – Mercedes-Benz Group/BMW/JV
Il-kummenti jistgħu jintbagħtu lill-Kummissjoni permezz tal-email jew permezz tal-posta. Uża d-dettalji ta’ kuntatt ta’ hawn taħt:
Indirizz tal-posta elettronika: COMP-MERGER-REGISTRY@ec.europa.eu
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ELI: http://data.europa.eu/eli/C/2024/781/oj
ISSN 1977-0987 (electronic edition)