EUR-Lex Access to European Union law
This document is an excerpt from the EUR-Lex website
Document 52023PC0495
Proposal for a COUNCIL REGULATION amending Regulation (EU) 2023/194 fixing for 2023 the fishing opportunities for certain fish stocks, applicable in Union waters and, for Union fishing vessels, in certain non-Union waters, as well as fixing for 2023 and 2024 such fishing opportunities for certain deep-sea fish stocks
Proposta għal REGOLAMENT TAL-KUNSILL li jemenda r-Regolament tal-Kunsill (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond
Proposta għal REGOLAMENT TAL-KUNSILL li jemenda r-Regolament tal-Kunsill (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond
COM/2023/495 final
IL-KUMMISSJONI EWROPEA
Brussell, 25.8.2023
COM(2023) 495 final
2023/0304(NLE)
Proposta għal
REGOLAMENT TAL-KUNSILL
li jemenda r-Regolament tal-Kunsill (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Ir-Regolament tal-Kunsill (UE) 2023/194 1 jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-UE u, għal bastimenti tas-sajd tal-UE, f’ċerti ilmijiet mhux tal-UE, kif ukoll jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond. Dawk l-opportunitajiet tas-sajd jiġu emendati diversi drabi matul il-perjodu li fih japplikaw biex jitqiesu l-aħħar pariri u żviluppi xjentifiċi.
•Konsistenza mad-dispożizzjonijiet eżistenti fil-qasam ta’ politika
Il-miżuri proposti huma konsistenti mal-objettivi tal-Politika Komuni tas-Sajd (“PKS”).
•Konsistenza ma’ politiki oħra tal-Unjoni
Il-miżuri proposti huma konsistenti ma’ politiki oħra tal-UE, b’mod partikolari mal-politiki fil-qasam tal-ambjent.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-bażi ġuridika ta’ din il-proposta hija l-Artikolu 43(3) tat-Trattat dwar il-Funzjonament tal-Unjoni Ewropea (“TFUE”).
•Sussidjarjetà
Il-proposta taqa’ taħt il-kompetenza esklużiva tal-UE kif imsemmi fl-Artikolu 3(1)(d) tat-TFUE. Għalhekk, il-prinċipju tas-sussidjarjetà ma japplikax.
•Proporzjonalità
Il-proposta talloka opportunitajiet tas-sajd lill-Istati Membri skont l-objettivi tar-Regolament (UE) Nru 1380/2013 tal-Parlament Ewropew u tal-Kunsill dwar il-Politika Komuni tas-Sajd 2 . Skont l-Artikoli 16 u 17 tar-Regolament (UE) Nru 1380/2013, huma l-Istati Membri li għandhom jiddeċiedu kif l-opportunitajiet tas-sajd disponibbli għalihom jistgħu jiġu allokati lill-bastimenti li jtajru l-bandiera tagħhom, f’konformità ma’ ċerti kriterji għall-allokazzjoni tal-opportunitajiet tas-sajd. Għalhekk, l-Istati Membri jkollhom il-marġini ta’ diskrezzjoni meħtieġa meta jqassmu l-qabdiet totali permissibbli (“TACs”) allokati, f’konformità mal-mudell soċjali/ekonomiku tal-għażla tagħhom biex jisfruttaw l-opportunitajiet tas-sajd disponibbli għalihom.
•Għażla tal-istrument
Regolament.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post/kontrolli tal-idoneità tal-leġiżlazzjoni eżistenti
Mhux applikabbli.
•Konsultazzjonijiet mal-partijiet ikkonċernati
Il-Kummissjoni kkonsultat mal-partijiet ikkonċernati, b’mod partikolari permezz tal-Kunsilli Konsultattivi, u mal-Istati Membri dwar l-approċċ tagħha għall-proposti diversi tagħha dwar l-opportunitajiet tas-sajd annwali abbażi tal-Komunikazzjoni annwali tagħha “Lejn sajd aktar sostenibbli fl-UE: is-sitwazzjoni attwali u l-orjentazzjonijiet għall-2023” (COM(2022) 253 final).
Ir-rispons tal-partijiet ikkonċernati għal dik il-Komunikazzjoni annwali wrew il-fehmiet tagħhom dwar l-evalwazzjoni tal-Kummissjoni tal-qagħda tar-riżorsi u dwar ir-rispons xieraq tal-ġestjoni. Il-Kummissjoni qieset it-tweġibiet meta fasslet din il-proposta.
•Ġbir u użu tal-għarfien espert
Il-Kummissjoni kkonsultat mal-Kunsill Internazzjonali għall-Esplorazzjoni tal-Baħar (“ICES”) dwar il-metodoloġija li għandha tintuża. Il-parir xjentifiku tal-ICES huwa bbażat fuq qafas żviluppat mill-gruppi ta’ esperti tiegħu u mill-korpi tat-teħid tad-deċiżjonijiet, u jinħareġ f’konformità mal-ftehim qafas tas-sħubija tiegħu mal-Kummissjoni.
•Valutazzjoni tal-impatt
L-Artikolu 43(3) tat-TFUE jillimita l-kamp ta’ applikazzjoni ta’ din il-proposta.
L-għan ta’ din il-proposta hija li tevita approċċi għal żmien qasir favur is-sostenibbiltà fit-tul. Għalhekk tqis l-inizjattivi tal-partijiet ikkonċernati u tal-Kunsilli Konsultattivi jekk ikunu ġew rieżaminati b’mod pożittiv mill-ICES u/jew mill-Kumitat Xjentifiku, Tekniku u Ekonomiku għas-Sajd (“STECF”). Il-proposta ta’ riforma tal-PKS tal-Kummissjoni kienet ibbażata fuq valutazzjoni tal-impatt (SEC(2011) 891) skont liema tqies li għalkemm il-kisba tal-objettiv tar-rendiment massimu sostenibbli (MSY) kienet kundizzjoni meħtieġa għas-sostenibbiltà ambjentali, ekonomika u soċjali, dawk it-tliet objettivi ma jistgħux jinkisbu iżolati minn xulxin.
•Idoneità regolatorja u simplifikazzjoni
Mhux applikabbli.
•Drittijiet fundamentali
Il-proposta tirrispetta d-drittijiet fundamentali u b’mod partikolari dawk rikonoxxuti mill-Karta tad-Drittijiet Fundamentali tal-Unjoni Ewropea.
4.IMPLIKAZZJONIJIET BAĠITARJI
Il-miżuri proposti ma huma se jkollhom l-ebda implikazzjoni baġitarja.
5.ELEMENTI OĦRA
• Spjegazzjoni fid-dettall tad-dispożizzjonijiet speċifiċi tal-proposta
L-għan ta’ din il-proposta hija li timmodifika r-Regolament (UE) 2023/194 kif deskritt hawn taħt.
Ir-Regolament (UE) 2023/194, kif emendat bir-Regolament tal-Kunsill (UE) 2023/1324 3 , jistabbilixxi b’mod proviżorju t-TAC għall-inċova (Engraulis encrasicolus) fis-subżoni 9 u 10 tal-ICES (l-ilmijiet Iberiċi u l-ilmijiet madwar l-Azores) u fl-ilmijiet tal-UE tad-diviżjoni 34.1.1 tal-Kumitat għas-Sajd fl-Atlantiku Ċentrali tal-Lvant (“CECAF”) (fil-Lvant ta’ Madeira u tal-Gżejjer Kanarji) għall-perjodu mill-1 ta’ Lulju sat-30 ta’ Settembru 2023, sakemm l-ICES jippubblika l-parir xjentifiku tiegħu għall-perjodu mill-1 ta’ Lulju 2023 sat-30 ta’ Ġunju 2024, u jippermetti li jitkompla s-sajd għal dak l-istokk.
Wara l-pubblikazzjoni ta’ dak il-parir 4 fil-21 ta’ Ġunju 2023, jenħtieġ li tiġi stabbilita t-TAC definittiva għall-perjodu mill-1 ta’ Lulju 2023 sat-30 ta’ Ġunju 2024. It-TAC jenħtieġ li jiġi stabbilit fil-livell ta’ 20 555 tunnellata, f’konformità ma’ dak il-parir.
2023/0304 (NLE)
Proposta għal
REGOLAMENT TAL-KUNSILL
li jemenda r-Regolament tal-Kunsill (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta tal-Kummissjoni Ewropea,
Billi:
(1)Ir-Regolament tal-Kunsill (UE) 2023/194 5 jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għall-bastimenti tas-sajd tal-Unjoni, f’ċerti ilmijiet mhux tal-Unjoni.
(2)Ir-Regolament (UE) 2023/194, kif emendat bir-Regolament tal-Kunsill (UE) 2023/1324 6 , jistabbilixxi qabda totali permissibbli (“TAC”) proviżorja għall-inċova fis-subżoni 9 u 10 tal-Kunsill Internazzjonali għall-Esplorazzjoni tal-Baħar (“ICES”) u fid-diviżjoni 34.1 tal-ilmijiet tal-Unjoni tal-Kumitat tas-Sajd għall-Atlantiku Ċentrali tal-Lvant (“CECAF”).1 għall-perjodu mill-1 ta’ Lulju sat-30 ta’ Settembru 2023, sakemm jinħareġ il-parir xjentifiku tal-ICES għall-perjodu mill-1 ta’ Lulju 2023 sat-30 ta’ Ġunju 2024, u jippermetti li s-sajd għal dak l-istokk ikompli. Wara l-pubblikazzjoni ta’ dak il-parir 7 fil-21 ta’ Ġunju 2023, jenħtieġ li t-TAC definittiva għall-perijodu mill-1 ta’ Lulju 2023 sat-30 ta’ Ġunju 2024 tiġi stabbilita fil-livell ta’ 20 555 tunnellata, f’konformità ma’ dak il-parir.
(3)Għalhekk, jenħtieġ li r-Regolament (UE) 2023/194 jiġi emendat skont dan.
(4)Minħabba l-urġenza biex tiġi evitata l-interruzzjoni fl-attivitajiet tas-sajd, dan ir-Regolament jenħtieġ li jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
(5)It-TAC għall-inċova fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF jenħtieġ li japplika mill-1 ta’ Lulju 2023. Tali applikazzjoni retroattiva ma taffettwax il-prinċipji taċ-ċertezza legali u tal-protezzjoni tal-aspettattivi leġittimi, billi l-opportunitajiet tas-sajd inkwistjoni jiżdiedu bl-emenda.
ADOTTA DAN IR-REGOLAMENT:
Artikolu 1
Emenda għar-Regolament tal-Kunsill (UE) 2023/194
L-Anness IA tar-Regolament (UE) 2023/194 huwa emendat f’konformità mal-Anness għal dan ir-Regolament.
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Lulju 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Kunsill
Il-President
IL-KUMMISSJONI EWROPEA
Brussell, 25.8.2023
COM(2023) 495 final
ANNESS
tal-
Proposta għal
REGOLAMENT TAL-KUNSILL
li jemenda r-Regolament tal-Kunsill (UE) 2023/194 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond
ANNESS
Fil-Parti A tal-Anness IA, it-tieni tabella rilevanti hija sostitwita b’dan li ġej:
“
|
Speċi: |
Inċova |
|
|
Żona: |
9 u 10; L-ilmijiet tal-Unjoni ta’ CECAF 34.1.1 |
||
|
|
Engraulis encrasicolus |
|
|
(ANE/9/3411) |
|
||
|
Spanja |
|
9 831 |
(1) |
TAC prekawzjonarja |
|
|
|
|
Il-Portugall |
10 724 |
(1) |
|||||
|
Unjoni |
20 555 |
(1) |
|||||
|
TAC |
|
20 555 |
(1) |
|
|
|
|
|
(1) |
Din il-kwota tista’ tinqabad biss mill-1 ta’ Lulju 2023 sat-30 ta’ Ġunju 2024. |
||||||
”.
