2.   Il-Membri għandhom jadottaw il-prattika sistematika li jiltaqgħu biss ma’ rappreżentanti ta’ gruppi ta’ interess li jkunu rreġistrati fir- Reġistru ta’ Trasparenza stabbilit permezz tal-Ftehim bejn il-Parlament Ewropej u l-Kummissjoni Ewropea  (6).

2.   Il-Membri għandhom jadottaw il-prattika sistematika li jiltaqgħu biss ma’ rappreżentanti ta’ gruppi ta’ interess li huma rreġistrati fir- reġistru ta’ trasparenza stabbilit permezz tal-Ftehim Interistituzzjonali dwar reġistru obbligatorju ta’ trasparenza  (6).

3.   Il-Membri għandhom jippublikaw online il-laqgħat skedati kollha ma’ rappreżentanti ta’ gruppi ta’ interess li jidħlu fl-ambitu tar-Reġistru ta’ Trasparenza . Mingħajr preġudizzju għall-Artikolu 4(6) tal-Anness I, ir-rapporteurs, ix-shadow rapporteurs u l-presidenti tal-kumitati għandhom, għal kull rapport, jippubblikaw online il-laqgħat skedati kollha ma’ rappreżentanti ta’ gruppi ta’ interess li jidħlu fl-ambitu tar-reġistru ta’ Trasparenza . Il-Bureau għandhu jipprovdi l-infrastruttura meħtieġa fuq il-websajt tal-Parlament.

3.   Il-Membri għandhom jippublikaw online il-laqgħat skedati kollha ma’ rappreżentanti ta’ gruppi ta’ interess li jidħlu fl-ambitu tal-Ftehim Interistituzzjonali . Mingħajr preġudizzju għall-Artikolu 4(6) tal-Anness I, ir-rapporteurs, ix-shadow rapporteurs u l-presidenti tal-kumitati għandhom, għal kull rapport, jippubblikaw online il-laqgħat skedati kollha ma’ rappreżentanti ta’ gruppi ta’ interess li jidħlu fl-ambitu tal-Ftehim Interistituzzjonali . Il-Bureau għandu jipprovdi l-infrastruttura meħtieġa fuq il-websajt tal-Parlament.

2.   Il-kards ma għandhomx jinħarġu lil individwi f’entourage ta’ Membru li jaqgħu fil-kamp ta’ applikazzjoni tal-Ftehim bejn il-Parlament Ewropew u l-Kummissjoni Ewropea dwar ir-reġistru tat-trasparenza.

2.   Il-kards ma għandhomx jinħarġu lil individwi f’entourage ta’ Membru li jaqgħu fil-kamp ta’ applikazzjoni tal-Ftehim Interistituzzjonali dwar reġistru obbligatorju tat-trasparenza.

3.   L-entitajiet irreġistrati fir-reġistru ta’ trasparenza u r-rappreżentanti tagħhom li ngħataw kards għal aċċess fit-tul għall-Parlament Ewropew jeħtiġilhom josservaw:

3.   L-entitajiet imdaħħla fir-reġistru ta’ trasparenza u r-rappreżentanti tagħhom li ngħataw kards għal aċċess fit-tul għall-Parlament Ewropew jeħtiġilhom josservaw:

5.   Il-Bureau, fuq proposta tas-Segretarju Ġenerali, għandu jistabbilixxi l-miżuri meħtieġa sabiex jimplimenta r-reġistru ta’ trasparenza skont id-dispożizzjonijiet tal-ftehim dwar l-istabbiliment tal-imsemmi reġistru .

5.   Il-Bureau, fuq proposta tas-Segretarju Ġenerali, għandu jistabbilixxi l-miżuri meħtieġa sabiex jimplimenta r-reġistru ta’ trasparenza skont id-dispożizzjonijiet tal-Ftehim Interistituzzjonali .

1.   Jista’ jkun hemm ħin għall-mistoqsijiet lill-Kummissjoni f’kull sessjoni parzjali għal tul ta’ mhux aktar minn 90 minuta dwar tema orizzontali speċifika waħda jew aktar minn waħda deċiżi mill-Konferenza tal-Presidenti xahar qabel is-sessjoni parzjali.

1.   Jista’ jkun hemm ħin għall-mistoqsijiet lill-Kummissarji f’kull sessjoni parzjali għal tul sa madwar 90 minuta dwar tema orizzontali speċifika waħda jew aktar minn waħda deċiżi minn qabel mill-Konferenza tal-Presidenti , u mhux aktar tard mill-Ħamis qabel is-sessjoni parzjali rilevanti .

2.   Il-Kummissarji mistiedna mill-Konferenza tal-Presidenti biex jipparteċipaw għandu jkollhom portafoll relatat mat-tema jew it-temi orizzontali speċifiċi li dwarhom ikunu se jsiru mistoqsijiet. In-numru ta’ Kummissarji li għandhom jiġu mistiedna għandu jkun limitat għal tnejn għal kull sessjoni parzjali. Manakollu għandu jkun possibbli li jiġi mistieden it-tielet Kummisarju , skont it-tema jew temi orizzontali speċifiċi magħżula għall-ħin għall-mistoqsijiet.

2.   Il-Kummissarji mistiedna mill-Konferenza tal-Presidenti biex jipparteċipaw għandu jkollhom portafoll relatat mat-tema jew it-temi li dwarhom ikunu se jsiru mistoqsijiet. In-numru ta’ Kummissarji li għandhom jiġu mistiedna għandu jkun limitat għal tnejn għal kull sessjoni parzjali. Madankollu, għandu jkun possibbli li jiġi mistieden it-tielet Kummissarju , skont it-tema jew temi magħżula għall-ħin għall-mistoqsijiet.

3.    Skont il-linji gwida stabbiliti mill-Konferenza tal-Presidenti , jistgħu jiġu organizzati ħinijiet għall-mistoqsijiet speċifiċi mal-Kunsill , mal-President tal-Kummissjoni, mal-Viċi President tal-Kummissjoni/ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u mal-President tal-Grupp tal-euro.

3.    Il-Ħin għall-Mistoqsijiet jista’ jiġi organizzat ukoll , skont it-termini stipulati fil-paragrafu 1, mal-President tal-Kunsill Ewropew, mal-Presidenza tal-Kunsill , mal-President tal-Kummissjoni, mal-Viċi President tal-Kummissjoni/ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u mal-President tal-Grupp tal-euro.

4.   Il-ħin għall-mistoqsijiet ma għandux jiġi speċifikament allokat minn qabel. Il-President għandu jiżgura, sa fejn ikun possibbli, li l-Membri li jkollhom fehmiet politiċi differenti u li jkunu minn Stati Membri differenti jingħataw l-opportunità li jagħmlu mistoqsija skont kif imisshom.

4.   Il-ħin għall-mistoqsijiet ma għandux jiġi speċifikament allokat minn qabel. Il-President għandu jiżgura, sa fejn ikun possibbli, li l-Membri li jkollhom fehmiet politiċi differenti u li jkunu minn Stati Membri differenti jingħataw l-opportunità li jagħmlu mistoqsija skont kif imisshom.

5.   Il-Membru għandu jingħata minuta biex jifformula l-mistoqsija u  l-Kummissarju jingħata żewġ minuti biex iwieġeb . Dak il-Membru jista’ jagħmel mistoqsija supplimentari ta’ mhux aktar minn 30 sekonda u li jkollha relevanza diretta mal-mistoqsija prinċipali. Il-Kummissarju mbagħad għandu jingħata żewġ minuti biex jagħti tweġiba supplimentari.

5.   Il-Membru għandu jingħata minuta biex jifformula l-mistoqsija u  l-persuna mistoqsija tingħata żewġ minuti biex twieġeb . Dak il-Membru jista’ jagħmel mistoqsija supplimentari ta’ mhux aktar minn 30 sekonda u li jkollha relevanza diretta mal-mistoqsija prinċipali. Il-persuna mistoqsija mbagħad għandha tingħata żewġ minuti biex tagħti tweġiba supplimentari.

6.    Il-mistoqsijiet u l-mistoqsijiet supplimentari jridu jkunu direttament relatati mat-tema magħżula skont il-paragrafu 1. Il-President jista’ jiddeċiedi dwar l-ammissibbiltà.

2.   Ebda membru ma jista’ jitkellem ħlief meta jissejjaħ biex jagħmel dan mill-President . Il-Membri għandhom jitkellmu minn posthom u għandhom jindirizzaw lill-President . Jekk kelliema joħroġu mis-suġġett, il-President għandu jitlobhom iżommu mad-diskussjoni.

2.   Ebda kelliem ma jista’ jitkellem ħlief meta jissejjaħ biex jagħmel dan mill-President. Jekk kelliema joħroġu mis-suġġett, il-President għandu jitlobhom iżommu mad-diskussjoni.

2a.     Kelliema li l-interventi tagħhom huma previsti fuq il-lista tal-kelliema għandhom jitkellmu mir-rostru ċentrali. Kelliema b’diżabilità jistgħu jitkellmu minn posthom jekk jippreferu.

8.   Il-President jista’ jagħti l-kelma lill-Membri li juru, billi jgħollu karta blu, ix-xewqa tagħhom li jressqu mistoqsija ta’ mhux aktar minn nofs minuta lil Membru ieħor waqt id-diskors tiegħu li tkun marbuta ma’ dak li jkun qal il-Membru. Il-President jista’ jagħmel dan jekk il-kelliem jaqbel u jekk il-President ikun sodisfatt li dan ma jkun la se jfixkel id-dibattitu u lanqas, permezz ta’ mistoqsijiet suċċessivi mressqa permezz ta’ karti blu, ma jwassal għal żbilanċ drastiku fl-affinitajiet tal-grupp politiku ta’ Membri li jitkellmu f’dak id-dibattitu.

8.   Il-President jista’ jagħti l-kelma lill-Membri li juru, billi jgħollu karta blu, ix-xewqa tagħhom li jressqu mistoqsija ta’ mhux aktar minn nofs minuta lil Membru ieħor waqt id-diskors tiegħu li tkun marbuta ma’ dak li jkun qal il-Membru. Il-President jista’ jagħmel dan jekk il-kelliem jaqbel u jekk il-President ikun sodisfatt li dan ma jkun la se jfixkel id-dibattitu u lanqas, permezz ta’ mistoqsijiet suċċessivi mressqa permezz ta’ karti blu, ma jwassal għal żbilanċ drastiku fl-affinitajiet tal-grupp politiku ta’ Membri li jitkellmu f’dak id-dibattitu. Il-membru li jqajjem karta blu u l-kelliem m’għandhomx ikunu mill-istess grupp politiku, u t-tnejn li huma m’għandhomx ikunu Membri mhux affiljati. Soġġett għall-kundizzjonijiet stipulati fit-tieni sentenza, applikati mutatis mutandis, il-President jista’ jippermetti lill-Membru li jkun għamel tali mistoqsija jirreaġixxi għat-tweġiba tal-kelliem għal mhux aktar minn nofs minuta. Il-kelliem jista’ mbagħad isegwi dik ir-reazzjoni.

1.    Malli s-sessjoni ta’ votazzjoni tintemm, kwalunkwe Membru jista’ jagħti spjegazzjoni bil-fomm ta’ mhux iżjed minn minuta dwar il-votazzjoni waħdanija u/jew aħħarija dwar punt sottomess lill-Parlament. Kull Membru jista’ jagħti mhux aktar minn tliet spjegazzjonijiet tal- vot orali f’kull sessjoni parzjali.

1.   Kwalunkwe Membru jista’ jagħti spjegazzjoni bil-fomm ta’ mhux iżjed minn minuta dwar il-votazzjoni waħdanija u/jew aħħarija dwar punt sottomess lill-Parlament. Tali spjegazzjonijiet tal-vot għandhom jingħataw fi tmiem is-seduta li matulha tkun saret il-votazzjoni kkonċernata, sakemm ma titteħidx, fuq bażi eċċezzjonali, id-deċiżjoni mill-President li dawn jiġu posposti għal aktar tard fis-sessjoni parzjali. Kull Membru jista’ jagħti mhux aktar minn tliet spjegazzjonijiet tal- voti orali f’kull sessjoni parzjali.

4.   L-Artikolu 171(2) għandu japplika mutatis mutandis għall-kumitati. Madankollu, it-tieni sentenza tal-Artikolu 171(2) ma għandhiex tapplika għall-Membri li jkunu qed jattendu l-laqgħa b’mod remot.

4.   L-Artikolu 171(2) għandu japplika mutatis mutandis għall-kumitati.

2.   In-nomini jrid ikollhom l-appoġġ ta’ mhux anqas minn 38 Membru li jkollhom nazzjonalità ta’ mhux anqas minn żewġ Stati Membri.

2.   In-nomini jrid ikollhom l-appoġġ ta’ mhux anqas minn 38 Membru li jkollhom nazzjonalità ta’ mhux anqas minn żewġ Stati Membri.

3.    In-nominu għandhom jintbagħtu il-kumitat responsabbli. Lista sħiħa tal-Membri li jkunu taw l-appoġġ tagħhom lill-persuni nominati għandha titqiegħed għad-dispożizzjoni tal-pubbliku meta jkun il-waqt .

3.    In-nominazzjonijiet għandhom jintbagħtu lill-kumitat responsabbli. Lista sħiħa tal-Membri li jkunu taw l-appoġġ tagħhom lill-persuni nominati għandha titqiegħed għad-dispożizzjoni tal-pubbliku fil-jum tax-xogħol wara l-iskadenza tal-limitu ta’ żmien għall-preżentazzjoni tan-nomini stabbiliti f’konformità mal-paragrafu 1 .

3a.     Il-persuni nominati għandhom, fuq talba, tinħarġilhom badge temporanja li tagħtihom aċċess għall-bini tal-Parlament.

8.     L-Ombudsman għandu jeżerċita d-dmirijiet tiegħu sakemm is-suċċessur tiegħu jieħu l-kariga, ħlief fil-każ ta’ mewt jew tat-tneħħija mill-kariga.

1.   Il-kumitat responsabbli għandu jeżamina l-każi ta’ amministrazzjoni ħażina li bihom l-Ombudsman ikun għarfu skont l-Artikolu 3 ( 6) u (7 ) tad-Deċiżjoni 94/262/KEFA , KE, Euratom , u b’segwitu jista’ jiddeċiedi li jfassal rapport skont l-Artikolu 54.

1.   Il-kumitat responsabbli għandu jeżamina l-każi ta’ amministrazzjoni ħażina li bihom l-Ombudsman ikun għarfu skont l-Artikolu 4 ( 1 ) u ( 3 ) tar-Regolament (UE , Euratom) 2021/1163 , u b’segwitu jista’ jiddeċiedi li jfassal rapport skont l-Artikolu 54.

1a.    Il-kumitat responsabbli għandu jeżamina r-rapport imressaq mill-Ombudsman fi tmiem kull sessjoni annwali dwar ir-riżultat tal-inkjesti tiegħu, skont l-Artikolu 4 ( 5) tar-Regolament (UE, Euratom) 2021 / 1163. Il-kumitat responsabbli jista’ jippreżenta mozzjoni għal riżoluzzjoni lill-Parlament jekk iqis li l-Parlament jeħtieġlu jieħu pożizzjoni fir-rigward ta’ kwalunkwe aspett ta’ dak ir-rapport .

2.   L-Ombudsman jista’ wkoll jagħti tagħrif lill-kumitat responsabbli fuq talba ta’ dan tal-aħħar , jew jinstema’ mill-istess kumitat fuq inizjattiva tiegħu.

2.    Skont l-Artikolu 4(4) tar-Regolament (UE, Euratom) 2021/1163, l-Ombudsman jista’, fuq inizjattiva proprja jew fuq talba tal-kumitat responsabbli , jinstema’ minn dak il-kumitat jew jipprovdi informazzjoni dwar l-attivitajiet tiegħu jew tagħha .

2a.     Meta l-Ombudsman jikkonsulta lill-Parlament dwar abbozz ta’ dispożizzjonijiet ta’ implimentazzjoni għar-Regolament (UE, Euratom) 2021/1163 skont l-Artikolu 18 tiegħu, il-kumitat responsabbli għal dak ir-Regolament għandu jippreżenta rapport lill-Parlament skont l-Artikolu 51. L-Artikolu 59(1), (2), (4) u (5) għandhom japplikaw mutatis mutandis.

2.   It-talba għandha tintbagħat lill-Ombudsman u lill-kumitat responsabbli li, jekk jiddeċiedi b’maġġoranza tal-membri tiegħu li r-raġunijiet huma fondati, għandu jippreżenta rapport lill-Parlament. Jekk jitlob li jinstema’, l-Ombudsman għandu jinstema’ qabel ma jittieħed vot fuq ir-rapport. Il-Parlament għandu, wara li jsir dibattitu, jieħu deċiżjoni permezz ta’ vot sigriet.

2.   It-talba għandha tintbagħat lill-Ombudsman u lill-kumitat responsabbli li, jekk jiddeċiedi b’maġġoranza tal-membri tiegħu li r-raġunijiet huma fondati, għandu jippreżenta rapport lill-Parlament. L-Ombudsman għandu jinstema’ qabel ma jittieħed vot fuq ir-rapport. Il-Parlament għandu, wara li jsir dibattitu, jieħu deċiżjoni permezz ta’ vot sigriet.