IL-KUMMISSJONI EWROPEA

Brussell, 30.1.2020

COM(2020) 29 final

2020/0015(NLE)

Proposta għal

DEĊIŻJONI TAL-KUNSILL

li tikkonċerna t-tiġdid tal-Ftehim għall-kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

Il-“Ftehim għall-kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja” 1 (minn hawn ’il quddiem imsejjaħ “il-Ftehim”), ġie ffirmat fit-23 ta’ Novembru 2001 f’New Delhi u daħal fis-seħħ fl-14 ta’ Ottubru 2002. L-Artikolu 11 (b) tal-Ftehim jipprevedi li “Dan il-Ftehim għandu jiġi konkluż għal perjodu ta’ ħames snin u jista’ jiġġedded bi ftehim reċiproku bejn il-Partijiet wara evalwazzjoni li ssir fl-aħħar sena tal-perjodu msemmi”. Sa issa, il-Ftehim iġġedded darbtejn; il-Kunsill approva t-tiġdid fl-2009 2 u fl-2015 3 kull darba għal perjodu ta’ ħames snin.

Il-Ftehim attwali se jiskadi fis-17 ta’ Mejju 2020.

L-evalwazzjoni li wettqet il-Kummissjoni turi biċ-ċar li l-Ftehim jipprovdi qafas importanti li jiffaċilita t-tmexxija tal-kooperazzjoni bejn l-UE u l-Indja fl-oqsma komuni xjentifiċi u teknoloġiċi ta’ prijorità li jwasslu għal benefiċċji reċiproċi. F’dawn l-aħħar snin, fil-qafas tal-Programm Orizzont 2020 4 , wara li saret sejħa konġunta għal proġetti dwar l-ilma ntgħażlu seba’ proġetti mad-Dipartiment tax-Xjenza u t-Teknoloġija (DST) u mad-Dipartiment tal-Bijoteknoloġija (DBT) li flimkien ingħataw finanzjament totali ta’ EUR 30 miljun; wara sejħa konġunta għal proġetti dwar vaċċini tal-aħħar ġenerazzjoni mad-DBT intgħażlu tliet proġetti b’total ta’ EUR 30 miljun; tnedew żewġ inizjattivi ta’ innovazzjoni: netwerk ta’ inkubaturi u pjattaforma tal-innovazzjoni li minn fost il-parteċipanti tagħhom nibdu aktar minn 20 sħubija ta’ innovazzjoni. Barra minn hekk ġie ffirmat Arranġament ta’ Implimentazzjoni bejn il-Bord tar-Riċerka fix-Xjenza u fl-Inġinerija (SERB) u l-Kummissjoni Ewropea biex jiffaċilita l-mobbiltà tar-riċerkaturi Indjani lejn it-timijiet ta’ riċerkaturi li jirċievu għotjiet mingħand il-Kunsill Ewropew tar-Riċerka. Fl-aħħar, id-DBT u l-Ministeru għax-Xjenza tad-Dinja (MoES) waqqfu żewġ mekkaniżmi kofinanzjaturi biex jiffinanzjaw il-parteċipanti Indjani li ntgħażlu wara aktar minn 50 sejħa għall-applikazzjonijiet fil-qafas tal-Orizzont 2020.

Huwa fl-interess tal-UE li ġġedded dan il-Ftehim biex tkompli tieħu sehem fil-kooperazzjoni xjentifika u teknoloġika u l-faċilitazzjoni tagħha f’oqsma ta’ interess reċiproku u li jwasslu għal progressi teknoloġiċi li jibbenefikaw lill-komunità xjentifika Ewropea u jżidu l-aċċess għas-suq mill-Indja permezz tal-kooperazzjoni konġunta.

Il-Ftehim huwa essenzjali biex nifhmu x-xenarju xjentifiku u tal-innovazzjoni ta’ xulxin u biex flimkien nistabbilixxu l-oqsma ta’ prijorità ta’ interess reċiproku għall-kooperazzjoni internazzjonali fir-riċerka u l-innovazzjoni. Huwa joffri qafas legali u amministrattiv fejn jistgħu jiġu diskussi l-modalitajiet tal-kooperazzjoni filwaqt li jiżgura l-allokazzjoni tajba u ġusta tal-finanzjament għar-riċerka u l-innovazzjoni f’oqsma li jikkoinċidu mal-interessi u l-politiki tal-UE, u li jistgħu jiġu addattati u aġġustati għall-interessi u l-bżonnijiet tal-Indja.

Joffri wkoll forum utli biex tiġi vvalutata l-kooperazzjoni tal-imgħoddi u biex jiġu ddeterminati l-azzjonijiet futuri, fost l-oħrajn f’suġġetti li jagħmlu l-kooperazzjoni effettiva, bħalma huma l-prinċipji tal-aċċess miftuħ u tal-innovazzjoni miftuħa.

Fil-laqgħa tal-Kumitat konġunt tat-Tmexxija tal-Indja u tal-UE, li ġie stabbilit bil-Ftehim li sar f’New Delhi fl-1 ta’ Marzu tal-2019, iż-żewġ partijiet innutaw l-intenzjoni tagħhom li jġeddu l-Ftehim għal ħames snin oħra mingħajr emendi wara li saret evalwazzjoni skont l-Artikolu 11 tiegħu.

Is-sustanza tal-Ftehim imġedded se tkun identika għal dik tal-Ftehim attwali, kif diskuss u miftiehem mal-kontropartijiet Indjani. Mhux se joħloq drittijiet u obbligi ġodda għall-UE, iżda minflok se jestendi r-reġim ġuridiku diġà eżistenti bejn il-Partijiet fil-qasam tal-kooperazzjoni tax-Xjenza u t-Teknoloġija.

•Konsistenza mad-dispożizzjonijiet eżistenti fil-qasam ta’ politika

•Konsistenza ma’ politiki oħra tal-Unjoni

Il-Ftehim huwa strumentali biex jintlaħqu l-objettivi tal-Istrateġija tal-UE dwar l-Indja 6 biex flimkien jiġġieldu l-isfidi globali, biex isostni l-modernizzazzjoni sostenibbli tal-Indja, biex jinfetħu l-opportunitajiet għall-kummerċ u biex jiżdiedu l-eċċellenza u l-kompetittività xjentifika 7 .

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għal kompetenza mhux esklużiva)

L-UE u l-Istati Membri tagħha għandhom kompetenzi paralleli fil-qasam tar-riċerka u tal-iżvilupp teknoloġiku skont l-Artikolu 4(3) tat-TFUE. L-objettivi tal-kooperazzjoni internazzjonali xjentifika u teknoloġika jistgħu jintlaħqu aħjar fil-livell tal-UE meta jitqiesu l-isfidi globali. Barra minn hekk, l-Unjoni hija fl-aħjar pożizzjoni biex tkun minn ta’ quddiem tippromwovi l-prinċipji komuni fit-twettiq tal-attivitajiet tar-riċerka u l-innovazzjoni internazzjonali biex jinħolqu kundizzjonijiet ekwi li bihom ir-riċerkaturi u l-innovaturi mid-dinja kollha jħossu li jistgħu jaħdmu ma’ xulxin. Għalhekk ikun aħjar jekk l-UE tieħu l-azzjoni fil-qasam tar-riċerka u l-iżvilupp teknoloġiku. Fl-istess ħin, l-attivitajiet ta’ kooperazzjoni internazzjonali tal-UE u tal-Istati Membri jridu jkunu konsistenti u jikkompementaw lil xulxin.

F’dan il-kuntest, il-Ftehim jippermetti li jkun hemm qafas biex jiġu identifikati l-oqsma fejn jista’ jkun hemm kooperazzjoni fir-riċerka u l-innovazzjoni ta’ interess reċiproku u li jkunu skont l-aġenda u l-istrateġija tal-UE għall-kooperazzjoni internazzjonali. Sa issa, il-kooperazzjoni bejn l-UE u l-Indja nstabet utli u neċessarja u għaldaqstant qegħdin infittxu li tkompli permezz tat-tiġdid tal-Ftehim. 

3.IR-RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Idoneità regolatorja u simplifikazzjoni

4.IMPLIKAZZJONIJIET GĦALL-BAĠIT

- jawtorizza lill-President tal-Kunsill jaħtar il-persuna jew il-persuni li jingħataw is-setgħa li jinnotifikaw lill-Gvern tar-Repubblika tal-Indja li l-Unjoni lestiet il-proċeduri interni meħtieġa biex jidħol fis-seħħ dan il-Ftehim imġedded

2020/0015 (NLE)

Proposta għal

DEĊIŻJONI TAL-KUNSILL

li tikkonċerna t-tiġdid tal-Ftehim għall-kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 186 flimkien mal-punt (v) tal-Artikolu 218(6)(a) tiegħu,

Wara li kkunsidra l-proposta tal-Kummissjoni Ewropea,

Wara li kkunsidra l-kunsens tal-Parlament Ewropew 8 ,

Billi:

(1)Bid-Deċiżjoni 2002/648/KE 9 , il-Kunsill approva l-konklużjoni tal-Ftehim ta’ kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja (“il-Ftehim”) 10 . Il-Ftehim ġie ffirmat f’New Delhi, fit-23 ta’ Novembru 2001 u daħal fis-seħħ fl-14 ta’ Ottubru 2002.

(2)F’konformità mal-punt (b) tal-Artikolu 11 tal-Ftehim, il-Ftehim huwa konkluż għal perjodu ta’ ħames snin u jista’ jiġġedded bi ftehim reċiproku bejn il-Partijiet wara evalwazzjoni li ssir fl-aħħar sena tal-perjodu ta’ ħames snin.

(3)Permezz tad-Deċiżjonijiet 2009/501/KE 11 , u 2015/1788/UE 12 , il-Kunsill approva li l-Ftehim kull darba jiġġedded għal perjodu addizzjonali ta’ ħames snin. Il-Ftehim attwali se jiskadi fis-17 ta’ Mejju 2020.

(4)Il-valutazzjoni li wettqu s-servizzi tal-Kummissjoni turi li l-Ftehim jipprovdi qafas importanti biex tiġi ffaċilitata l-kooperazzjoni bejn l-Unjoni u l-Indja f’oqsma tax-xjenza u t-teknoloġija ta’ prijorità komuni u li dan iwassal għal benefiċċji reċiproki. Għalhekk huwa fl-interess tal-Unjoni li l-Ftehim jiġġedded għal perjodu ieħor ta’ ħames snin.

(5) Iż-żewġ Partijiet ikkonfermaw li biħsiebhom jġeddu l-Ftehim għal perjodu addizzjonali ta’ ħames snin mingħajr ma jagħmlulu l-ebda emenda.

(6)Jenħtieġ li t-tiġdid tal-Ftehim jiġi approvat f’isem l-Unjoni,

ADOTTA DIN ID-DEĊIŻJONI:

Artikolu 1

B’dan huwa approvat f’isem l-Unjoni t-tiġdid tal-Ftehim ta’ kooperazzjoni xjentifika u teknoloġika bejn il-Komunità Ewropea u r-Repubblika tal-Indja għal perjodu addizzjonali ta’ ħames snin.

Artikolu 2

Il-President tal-Kunsill għandu jaħtar persuna jew persuni li jkollhom is-setgħa li f’isem l-Unjoni jgħarrfu lill-Gvern tar-Repubblika tal-Indja li l-Unjoni lestiet il-proċeduri interni tagħha meħtieġa biex jiġġedded il-Ftehim f’konformità mal-punt (b) tal-Artikolu 11 tal-Ftehim.

Artikolu 3

Din id-Deċiżjoni għandha tidħol fis-seħħ fil-jum tal-adozzjoni tagħha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titlu tal-proposta/tal-inizjattiva

1.2.Qasam/oqsma ta’ politika kkonċernat(i) fl-istruttura ABM/ABB

1.3.Natura tal-proposta/tal-inizjattiva

1.4.Objettiv(i)

1.5.Raġunijiet għall-proposta/għall-inizjattiva

1.6.Tul ta’ żmien u impatt finanzjarju

1.7.Mod(i) ta’ ġestjoni ppjanat(i)

2.MIŻURI TA’ ĠESTJONI

2.1.Ir-regoli għall-monitoraġġ u r-rappurtar

2.2.Sistema ta’ ġestjoni u kontroll

2.3.Miżuri għall-prevenzjoni tal-frodi u tal-irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura(i) tal-qafas finanzjarju pluriennali u l-linja(i) tan-nefqa affettwata(i) tal-baġit

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa

3.2.2.Stima tal-impatt fuq l-approprjazzjonijiet operattivi

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet minn partijiet terzi

3.3.L-impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titlu tal-proposta/tal-inizjattiva

1.2.Qasam/oqsma ta’ politika kkonċernat(i) fl-istruttura ABM/ABB 13  

1.3.Natura tal-proposta/tal-inizjattiva

◻ Il-proposta/l-inizjattiva hija marbuta ma’ azzjoni ġdida 

◻ Il-proposta/l-inizjattiva hija marbuta ma’ azzjoni ġdida wara proġett pilota/azzjoni preparatorja

☑ Il-proposta/l-inizjattiva hija marbuta mal-estensjoni ta’ azzjoni attwali 

◻Il-proposta/l-inizjattiva hi marbuta ma’ azzjoni ridiretta fuq azzjoni ġdida

1.4.Objettiv(i)

1.4.1.L-objettiv(i) strateġiku/strateġiċi pluriennali tal-Kummissjoni fil-mira tal-proposta/l-inizjattiva

1.4.2.L-objettiv(i) speċifiku/speċifiċi u l-attività/l-attivitajiet ABM/ABB ikkonċernata/i

1.4.3.Riżultat(i) u impatt mistennija

Speċifika l-effetti li għandu jkollha l-proposta/l-inizjattiva fuq il-benefiċjarji/fuq il-gruppi fil-mira.

1.4.4.Indikaturi tar-riżultati u tal-impatt

Speċifika l-indikaturi għall-monitoraġġ tal-implimentazzjoni tal-proposta/l-inizjattiva.

1.5.Raġunijiet għall-proposta/għall-inizjattiva

1.5.1.Rekwiżiti li jridu jiġu ssodisfati fi żmien qasir jew twil

1.5.2.Valur miżjud tal-involviment tal-UE

1.5.3.Tagħlimiet miksuba minn esperjenzi simili fil-passat

1.5.4.Kompatibbiltà u sinerġija possibbli ma’ strumenti xierqa oħrajn

1.6.Tul ta’ żmien u impatt finanzjarju

☑ Proposta/inizjattiva ta’ tul ta’ żmien limitat

–☑    Il-proposta/l-inizjattiva fis-seħħ mis-17 ta’ Mejju 2020 sas-16 ta’ Mejju 2025

–☑    Impatt finanzjarju mis-17/05/2020 sas-16/05/2025

◻ Proposta/inizjattiva mingħajr limitu ta’ żmien

–Implimentazzjoni b’perjodu ta’ prova minn SSSS sa SSSS,

–segwita minn tħaddim sħiħ.

1.7.Mod(i) ta’ ġestjoni ppjanat(i) 14

☑ Ġestjoni diretta mid-dipartimenti

–◻ tal-Kummissjoni, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi l-kompiti ta’ implimentazzjoni tal-baġit jiġu fdati:

–◻ lill-pajjiżi terzi jew lill-korpi li jkunu ħatru;

–◻ lil organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi msemmija fl-Artikoli 208 u 209 tar-Regolament Finanzjarju;

–◻lill-korpi rregolati bil-liġi pubblika;

–◻ lill-korpi rregolati bil-liġi privata b’missjoni ta’ servizz pubbliku sa fejn jipprovdu garanziji finanzjarji adegwati;

–◻ lill-korpi rregolati mid-dritt privat ta’ Stat Membru li huma fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE u li huma identifikati fl-att bażiku rilevanti.

–Jekk tindika iżjed minn modalità ta’ ġestjoni waħda, jekk jogħġbok agħti d-dettalji fit-taqsima “Kummenti”.

Kummenti

2.MIŻURI TA’ ĠESTJONI

2.1.Ir-regoli għall-monitoraġġ u r-rappurtar

Speċifika l-frekwenza u l-kundizzjonijiet.

2.2.Sistema ta’ ġestjoni u kontroll

2.2.1.Riskju/i identifikat(i)

2.2.2.Informazzjoni dwar is-sistema ta’ kontroll intern li ġiet stabbilita

2.2.3.Stima tal-kostijiet u tal-benefiċċji tal-kontrolli u valutazzjoni tal-livell mistenni tar-riskju li jsiru l-iżbalji

2.3.Miżuri għall-prevenzjoni tal-frodi u tal-irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti.

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura(i) tal-qafas finanzjarju pluriennali u l-linja(i) tan-nefqa affettwata(i) tal-baġit

·Linji baġitarji eżistenti 15

Fl-ordni tal-intestaturi tal-qafas finanzjarju pluriennali u l-linji baġitarji.

·Linji baġitarji ġodda mitluba

Fl-ordni tal-intestaturi tal-qafas finanzjarju pluriennali u l-linji baġitarji.

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

Miljuni ta’ EUR (sa tliet punti deċimali)

Jekk il-proposta/l-inizjattiva taffettwa iżjed minn intestatura waħda:

Miljuni ta’ EUR (sa tliet punti deċimali)

Miljuni ta’ EUR (sa tliet punti deċimali)

3.2.2.Stima tal-impatt fuq l-approprjazzjonijiet operattivi

–☑    Il-proposta/l-inizjattiva ma teħtieġx l-użu ta’ approprjazzjonijiet operazzjonali

Approprjazzjonijiet ta’impenn f’miljuni ta’ EUR (sa tliet punti deċimali)

3.2.3.Impatt stmat fuq l-approprjazzjonijiet ta’ natura amministrattiva

3.2.3.1.Sommarju

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–☑    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

Miljuni ta’ EUR (sa tliet punti deċimali)

L-approprjazzjonijiet meħtieġa għar-riżorsi umani u għal infiq ieħor ta’ natura amministrattiva se jiġu koperti b’approprjazzjonijiet mid-DĠ li diġà huma assenjati għall-ġestjoni tal-azzjoni u/jew intużaw mill-ġdid fid-DĠ, flimkien, jekk ikun meħtieġ, ma’ kull allokazzjoni addizzjonali li tista’ tingħata lid-DĠ maniġerjali skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.3.2.Stima tar-rekwiżiti tar-riżorsi umani

–◻    Il-proposta/l-inizjattiva ma teħtieġx l-użu ta’ riżorsi umani.

–☑    Il-proposta/l-inizjattiva teħtieġ l-użu tar-riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa jiġu mill-persunal tad-DĠ li diġà jkun assenjat għall-immaniġġjar tal-azzjoni u/jew ġie riallokat fid-DĠ, jekk ikun meħtieġ, flimkien ma’ kull allokazzjoni addizzjonali li tista’ tingħata lid-DĠ maniġerjali skont il-proċedura annwali ta’ allokazzjoni u fid-dawl tal-limiti baġitarji.

Deskrizzjoni tal-kompiti li jridu jitwettqu:

3.2.4.Kompatibbiltà mal-qafas finanzjarju pluriennali attwali

–☑    Il-proposta/l-inizjattiva hija kompatibbli mal-qafas finanzjarju pluriennali attwali.

3.2.5.Kontribuzzjonijiet minn partijiet terzi

–☑ Il-proposta/l-inizjattiva ma tipprevedix il-kofinanzjament minn partijiet terzi.

Approprjazzjonijiet f’miljuni ta’ EUR (sa tliet punti deċimali)

3.3.L-impatt stmat fuq id-dħul

–☑    Il-proposta/l-inizjattiva ma tħalli l-ebda impatt finanzjarju fuq id-dħul.

Miljuni ta’ EUR (sa tliet punti deċimali)

Għad-dħul mixxellanju “assenjat”, speċifika l-linja jew il-linji tan-nefqa tal-baġit li huma affettwati.

Speċifika l-metodu biex jiġi kkalkulat l-impatt fuq id-dħul.

(1)    ĠU L 213, 09.08.2002, p. 30.

(2)    Id-Deċiżjoni tal-Kunsill 2009/501/KE (ĠU L 171, 01.07.2009, p. 17).

(3)    Id-Deċiżjoni tal-Kunsill 2015/1788/UE (ĠU L 260, 07.10.2015, p. 18).

(4)    Ir-Regolament (UE) Nru 1291/2013 tal-Parlament Ewropew u tal-Kunsill tal-11 ta' Diċembru 2013 li jistabbilixxi Orizzont 2020 – il-Programm Qafas għar-Riċerka u l-Innovazzjoni (2014-2020) u li jħassar id-Deċiżjoni Nru 1982/2006/KE (ĠU L 347, 20.12.2013, p. 104).

(5)    Intejbu u niffukaw il-kooperazzjoni internazzjonali tal-UE fir-riċerka u l-innovazzjoni: approċċ strateġiku, COM(2012) 497.

(6)    Komunikazzjoni Konġunta lill-Parlament Ewropew u lill-Kunsill JOIN(2018) 28 - “Elementi għal strateġija tal-UE dwar l-Indja”.

(7)    L-Istrateġija tal-UE dwar l-Indja – Il-Konklużjonijiet tal-Kunsill 14634/18 (l-10 ta’ Diċembru 2018, p.3).

(8)    ĠU C , , p. .

(9)    Id-Deċiżjoni tal-Kunsill 2002/648/KE tal-25 ta’ Ġunju 2002 dwar il-konklużjoni tal-Ftehim ta’ kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja (ĠU L 213, 9.8.2002, p. 29).

(10)    Il-Ftehim ta’ kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja (ĠU L 213, 9.8.2002, p. 30).

(11)    Id-Deċiżjoni tal-Kunsill 2009/501/KE tad-19 ta’ Jannar 2009 dwar il-konklużjoni ta’ Ftehim li jġedded il-Ftehim għall-kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja (ĠU L 171, 1.7.2009, p. 17).

(12)    Id-Deċiżjoni tal-Kunsill 2015/1788/UE tal-1 ta’ Ottubru 2015 li tikkonċerna t-tiġdid tal-Ftehim għall-kooperazzjoni xjentifika u teknoloġika bejn il-Komunità Ewropea u l-Gvern tar-Repubblika tal-Indja (ĠU L 260, 7.10.2015, p. 18).

(13)    ABM: ġestjoni bbażata fuq l-attività; ABB: ibbaġitjar ibbażat fuq l-attività.

(14)    Id-dettalji tal-modi ta’ ġestjoni u r-referenzi għar-Regolament Finanzjarju jinstabu fis-sit BudgWeb: http://www.cc.cec/budg/man/budgmanag/budgmanag_en.html

(15)    L-approprjazzjonijiet għall-perjodu 2021-2024 (il-Qafas Finanzjarju Pluriennali 2021-2027) u l-bażi ġuridika marbuta magħhom għadhom iridu jiġu adottati mill-Parlament Ewropew u mill-Kunsill.

(16)    Diff. = Approprjazzjonijiet Differenzjati / Mhux diff. = Approprjazzjonijiet Mhux Differenzjati.

(17)    EFTA: L-Assoċjazzjoni Ewropea tal-Kummerċ Ħieles.

(18)    Pajjiżi kandidati u, fejn japplika, pajjiżi kandidati potenzjali mill-Punent tal-Balkani.

(19)    Is-sena 2020 hija dik li fiha tibda l-implimentazzjoni tal-proposta jew tal inizjattiva. L-ammonti għall-2020 u l-2025 jikkorrispondu għal seba’ xhur u ħames xhur rispettivament.

(20)    L-assistenza teknika u/jew amministrattiva u nefqa li jsostnu l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(21)    Is-sena 2020 hija s-sena li fiha tibda l-implimentazzjoni tal-proposta/l-inizjattiva. L-ammonti għall-2020 u l-2025 jikkorrispondu għal seba’ xhur u ħames xhur rispettivament.

(22)    L-outputs huma l-prodotti u s-servizzi li se jiġu fornuti jew jingħataw (pereżempju: l-għadd ta’ skambji ta’ studenti ffinanzjati, l-għadd ta’ km ta’ toroq mibnija, eċċ.).

(23)    Kif deskritt fil-punt 1.4.2. “Objettiv(i) speċifiku/speċifiċi…”

(24)    Is-sena 2020 hija s-sena li fiha tibda l-implimentazzjoni tal-proposta/l-inizjattiva. L-ammonti għall-2020 u l-2025 jikkorrispondu għal seba’ xhur u ħames xhur rispettivament.

(25)    L-assistenza teknika u/jew amministrattiva u n-nefqa li jsostnu l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), ta’ riċerka indiretta u ta’ riċerka diretta.

(26)    AC = Persunal Kuntrattwali; AL = Persunal Lokali; END = Espert Nazzjonali Sekondat; INT = persunal tal-aġenzija; JED = Esperti Żgħażagħ f’Delegazzjonijiet.

(27)    Sottolimitu massimu għall-persunal estern kopert minn approprjazzjonijiet operazzjonali (li qabel kienu l-linji “BA”).