IL-KUMMISSJONI EWROPEA
Brussell, 27.5.2020
COM(2020) 440 final
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI
Programm ta' Ħidma Aġġustat tal-Kummissjoni 2020
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 52020DC0440
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS Adjusted Commission Work Programme 2020
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Programm ta' Ħidma Aġġustat tal-Kummissjoni 2020
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Programm ta' Ħidma Aġġustat tal-Kummissjoni 2020
COM/2020/440 final
Language
HTML
DOC
PDF
1.kuntest ġdid li qiegħed jevolvi
Fid-29 ta’ Jannar, il-Kummissjoni Ewropea adottat il-Programm ta’ Ħidma tagħha għall-2020. Dan stabbilixxa l-aktar inizjattivi importanti għal din l-ewwel sena tal-Kummissjoni fil-kariga u ta l-ħajja lis-sitt ambizzjonijiet ewlenin li ġew imfissra fil-Linji Gwida Politiċi tal-President von der Leyen, kif ukoll il-prijoritajiet ewlenin għall-Parlament Ewropew u dawk fl-Aġenda Strateġika tal-Kunsill Ewropew għall-2019-2024.
Il-Programm ta’ Ħidma tal-Kummissjoni ġie adottat qabel ma bdiet taħkem fuq l-Ewropa l-kriżi tas-COVID-19. Dik li bdiet bħala każijiet iżolati malajr inbidlet fi kriżi tas-saħħa pubblika, xokk ekonomiku ta’ skala mingħajr preċedent u pandemija ta’ proporzjonijiet globali u traġiċi. Fi żmien ftit ġimgħat, l-Ewropa kellha tiffaċċja sfida immedjata u unika li affettwat f’livelli differenti lil kull pajjiż, reġjun u persuna. Is-sistemi tal-kura tas-saħħa kellhom jiġġebbdu sa kemm setgħu jifilħu u l-ħaddiema tagħhom, li huma dawk li jinsabu fuq quddiem fil-ġlieda kontra l-virus, intalbu jwettqu kompiti erojċi. Ittieħdu miżuri bla preċedent li poġġew f’lockdown lis-soċjetajiet u l-ekonomiji tagħna u biex jitrażżan it-tixrid tal-virus. L-azzjonijiet komprensivi u li ttieħdu malajr, fil-livell tal-UE, kienu ta’ għajnuna biex id-daqqa setgħet tittaffa.
Matul dan il-perjodu, l-attenzjoni soda tal-Kummissjoni Ewropea kienet fuq il-protezzjoni tal-ħajjiet u l-għajxien. Milli tagħmel disponibbli l-fondi kollha li jifdal mill-baġit tal-UE, għall-istabbiliment ta’ riżerva ta’ tagħmir mediku. Hija użat aktar minn qatt qabel il-flessibbiltà tar-regoli dwar il-baġit u l-għajnuna mill-Istat u pproponiet il-ħolqien ta’ SURE, strument ġdid tal-UE biex jittaffew ir-riskji tal-qgħad u biex jingħata appoġġ lill-ħaddiema. Hija ħadet deċiżjonijiet dwar kwistjonijiet bħall-importazzjonijiet bla dazju ta’ oġġetti essenzjali u għamlet proposti dwar it-trasport, il-kummerċ, l-appoġġ għall-pajjiżi sħab u ħafna aktar minn hekk. Hija pprovdiet serje ta’ linji gwida dwar kull ħaġa, mill-ġestjoni tal-fruntieri sad-drittijiet tal-passiġġieri u ressqet pjan direzzjonali biex tiżgura li t-tneħħija tal-miżuri ta’ trażżin tkun sikura u gradwali.
Sal-lum, il-Kummissjoni adottat 291 deċiżjoni u atti oħra sa mill-bidu tal-kriżi . Kważi dawn kollha la kienu ppjanati u lanqas ma kienu jissemmew fil-Programm ta’ Ħidma tal-Kummissjoni għall-2020. Dan jirrifletti l-urġenza u n-natura drammatika tas-sitwazzjoni, kif ukoll il-ħeffa li biha l-Kummissjoni kellha taġġusta mill-ġdid il-ħidma tagħha minn fuq it-twettaq tal-objettivi tagħha għat-tul lejn il-ġestjoni immedjata tal-kriżijiet.
Bis-saħħa tal-isforzi kollettivi, li saru l-ewwel u qabel kollox miċ-ċittadini, biex it-tendenza titreġġa’ lura, l-imxija tal-virus madwar l-Ewropa battiet u naqset. Kull irkupru se jkun jiddependi fuq il-ġestjoni u l-kisba ta’ konvivenza mal-virus għall-futur prevedibbli. Iżda se jkun meħtieġ ukoll li jkun hemm appoġġ u investiment malajr u flessibbli fejn dan ikun l-aktar meħtieġ. Dan huwa dak li l-Kummissjoni qiegħda twassal illum permezz tal-Pjan ta’ Rkupru Ewropew 1 , li jinkludi Strument ta’ Rkupru ġdid f'Qafas Finanzjarju Pluriennali mġedded.
Bħala parti mill-pakkett tal-lum, il-Kummissjoni qiegħda taġġusta wkoll il-Programm ta’ Ħidma tagħha għall-2020. Dan huwa bbażat fuq żewġ prinċipji. L-ewwel nett, il-Kummissjoni hija determinata li twettaq l-impenji li saru fil-Programm ta’ Ħidma tagħha. It-tieni, minħabba n-natura u l-ambitu ta’ din il-kriżi u l-enfasi neċessarja fuq il-ġestjoni tal-kriżijiet, iż-żmien tat-twettiq ta’ xi wħud mill-azzjonijiet proposti jeħtieġ li jiġi rivedut. L-Anness I tal-Programm ta’ Ħidma għall-2020 ġie aġġornat skont dan.
Fl-istess ħin, l-irkupru se jkun jeħtieġ direzzjoni ta’ politika b’saħħitha, kif ukoll investiment. Dan huwa spjegat f’aktar dettall fil-Komunikazzjoni dwar il-Pjan ta’ Rkupru Ewropew. Se jkun rifless ulterjorment bi proposti ġodda msemmija fl-Ittra ta’ Intenzjoni indirizzata mill-Kummissjoni lill-Parlament Ewropew u lill-Kunsill f’Settembru fl-okkażjoni tal-indirizz tal-President von der Leyen dwar l-Istat tal-Unjoni. Dawn imbagħad se jidhru bħala parti minn Programm ta’ Ħidma komplut tal-Kummissjoni għall-2021, li għandu jiġi adottat f’Ottubru ta’ din is-sena.
2.it-twettiq tal-programm ta’ ħidma tal-Kummissjoni: skedar, ambizzjonijiet imsaħħa
Il-prijoritajiet stabbiliti fil-Linji Gwida Politiċi tal-President von der Leyen u l-Programm ta’ Ħidma tal-Kummissjoni għall-2020 huma aktar importanti minn qatt qabel minħabba l-ħtieġa li l-Ewropa toħroġ mill-kriżi. Il-ħtieġa li jiġu aċċellerati ż-żewġ tranżizzjonijiet marbuta ma’ xulxin: dik ekoloġika u dik diġitali, sabiex tkun tista’ tissawwar Ewropa aktar ġusta b’ekonomija li tikseb riżultati għan-nies, biex jissaħħu s-Suq Uniku u l-awtonomija strateġika tagħna, biex ninġabru madwar il-valuri tagħna, biex inrawmu d-demokrazija tagħna u biex nassumu r-responsabbiltajiet dinjija kollha tagħna bħala attur ġeopolitiku dejjem aktar importanti. Dan se jixpruna l-irkupru tal-Ewropa u jsawwar Ewropa aktar reżiljenti, sostenibbli u ġusta.
Din hija r-raġuni għaliex il-Kummissjoni hija impenjata bis-sħiħ li twettaq l-inizjattivi ewlenin kollha tagħha kif espressi fis-sitt ambizzjonijiet ewlenin tagħha. Il-ftit dewmien previst fil-każ ta’ għadd ta’ inizjattivi jirrifletti l-ħtieġa li wieħed jitgħallem u jintegra l-lezzjonijiet mill-kriżi, sabiex ikun hemm ħin għal konsultazzjoni xierqa jew biex jiġi żgurat li jiġu rispettati l-prinċipji ta’ regolamentazzjoni aħjar. Huwa jħalli wkoll żmien biex il-proposti jiġu diskussi bir-reqqa mal-partijiet interessati rilevanti, adottati malajr mill-koleġiżlaturi u implimentati kif xieraq mill-awtoritajiet nazzjonali – dan kollu fi żmien meta għadna għaddejjin minn kriżi tas-saħħa pubblika.
Inizjattivi li huma essenzjali jew li jappoġġaw l-irkupru immedjat se jiġu adottati kif inizjalment ippjanat fil-Programm ta’ Ħidma tal-Kummissjoni. Dawn jinkludu l-Istrateġija għall-Integrazzjoni Intelliġenti tas-Setturi, l-Istrateġija tal-Mewġa ta’ Rinnovazzjoni, l-istrateġija għal Mobilità Sostenibbli u Intelliġenti, l-Att dwar is-Servizzi Diġitali, it-Tisħiħ tal-Garanzija għaż-Żgħażagħ, jew il-White Paper dwar Strument għas-Sussidji Barranin.
Għadd ta’ inizjattivi ewlenin urġenti, li ddewmu minħabba l-pandemija, se jiġu adottati malajr kemm jista’ jkun, b’mod partikolari l-Patt Ġdid dwar il-Migrazzjoni jew l-Aġenda għall-Ħiliet Aġġornata għall-Ewropa. Oħrajn se jiddewmu sa aktar tard fis-sena jew kmieni s-sena d-dieħla sabiex ikunu jistgħu jitħejjew tajjeb u ssir konsultazzjoni kif jixraq dwarhom.
Il-pożizzjoni ta’ xi inizjattiva fl-annessi aġġustati ma tibdilx ir-responsabbiltajiet kif stabbiliti fl-Ittri ta’ Missjoni mibgħuta lil kull Membru tal-Kulleġġ mill-President von der Leyen.
Il-Kummissjoni se tkompli taħdem mill-qrib mal-Parlament Ewropew u l-Kunsill dwar l-inizjattivi li diġà tnedew din is-sena. Il-Kummissjoni se tkompli wkoll tinvolvi ruħha mar-reġjuni, il-bliet, is-sħab soċjali, is-soċjetà ċivili u ċ-ċittadini dwar inizjattivi proposti jew futuri.
3.Regolamentazzjoni aħjar u tbassir strateġiku
Il-kriżi wriet kemm huwa vitali għal dawk li jfasslu l-politika li jkunu jistgħu jieħdu deċiżjonijiet infurmati, ibbażati fuq evidenza robusta u valutazzjoni tal-għażliet kollha disponibbli u l-impatti probabbli tagħhom. Din hija r-raġuni għaliex il-prinċipji tar-Regolamentazzjoni Aħjar iridu jibqgħu fil-qalba tat-tfassil tal-liġijiet tagħna. Il-Kummissjoni se tippreżenta l-Komunikazzjoni dwar Regolamentazzjoni Aħjar tagħha aktar tard din is-sena.
Il-kriżi ssaħħaħ ukoll il-ħtieġa li jittaffa l-piż regolatorju mhux meħtieġa fi żmien meta l-Ewropa qiegħda tipprepara biex tagħti spinta lill-ekonomija tagħha. F’dan l-ispirtu, il-Kummissjoni qiegħda tistabbilixxi Pjattaforma Fit-for-Future fil-ġimgħat li ġejjin, biex tinvolvi lill-partijiet interessati u l-livelli kollha tal-gvern fis-simplifikazzjoni u l-immodernizzar tal-leġiżlazzjoni tal-UE.
L-ewwel Rapport ta’ Prospettiva Strateġija Annwali se jqis l-impatt tal-kriżi tas-saħħa pubblika fuq ix-xejriet ewlenin u t-tweġibiet politiċi. F’konformità mal-pjan ta’ rkupru tal-Ewropa, ir-rapport se jagħti attenzjoni speċjali lill-ħtieġa li l-UE u l-Istati Membri tagħha jibnu r-reżiljenza tagħhom għal xokkijiet sistemiċi attwali u futuri, bħalma kienet il-kriżi tal-COVID-19.
Il-fehmiet taċ-ċittadini, tan-negozji u tal-partijiet ikkonċernati huma wkoll kruċjali għall-kwalità tal-proposti tagħna. Madankollu, il-kriżi għamlitha aktar diffiċli għan-nies li jgħidu tagħhom. Din hija r-raġuni għaliex il-Kummissjoni se tespandi l-konsultazzjonijiet pubbliċi u l-opportunitajiet ta’ feedback lejn inizjattivi li għandhom jiġu ppreżentati fl-2020 jew kmieni s-sena d-dieħla. Fejn ikun possibbli, il-perjodu ta’ konsultazzjoni se jiġi estiż b’sitt ġimgħat addizzjonali. Fil-każ ta’ inizjattivi skedati mill-ġdid għal żmien aktar tard, il-konsultazzjonijiet pubbliċi mhux se jiġu mnedija f’dan l-istadju, sakemm ma jkunux debitament ġustifikati.
4.Konklużjoni
Dan il-Programm ta’ Ħidma aġġustat tal-Kummissjoni għall-2020 juri li l-Ewropa hija determinata li twettaq l-impenji tagħha kif ukoll li b’mod kollettiv titgħallem u tintegra t-tagħlimiet minn din il-kriżi.
Barra minn hekk, permezz tal-proposti li saru llum fil-Pjan ta’ Rkupru tal-Ewropa, kif ukoll permezz tal-inizjattivi li se jiġu proposti aktar tard din is-sena fl-Ittra ta’ Intenzjoni u fil-Programm ta’ Ħidma tal-Kummissjoni għall-2021, l-Ewropa qiegħda turi li lesta tfassal triq biex għada jkun aħjar.
Il-Kummissjoni hija impenjata bis-sħiħ li taħdem fi sħubija kemm mal-Parlament Ewropew kif ukoll mal-Kunsill biex timplimenta l-Programm ta’ Ħidma tal-Kummissjoni. B’hekk, il-Kummissjoni se tiffoka fuq li tintegra fil-ħidma tagħha l-opinjonijiet taċ-ċittadini u li tipproduċi riżultati tanġibbli fil-konkret sabiex tissawwar Ewropa aktar reżiljenti, sostenibbli u ġusta.
- (1) Il-mument tal-Ewropa — Tiswija u tħejjija għall-Ġenerazzjoni li Jmiss, COM(2020) 456.
IL-KUMMISSJONI EWROPEA
Brussell, 27.5.2020
COM(2020) 440 final
ANNESSI
tal-
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW, U LILL-KUMITAT TAR-REĠJUNI
Programm ta' Ħidma Aġġustat tal-Kummissjoni 2020
Anness I: Inizjattivi ġodda 1
|
Nru |
Objettiv ta’ politika |
Inizjattivi |
Status / Bidla 2 |
|
Patt Ekoloġiku Ewropew |
|||
|
1. |
Il-Patt Ekoloġiku Ewropew |
Komunikazzjoni dwar il-Patt Ekoloġiku Ewropew (mhux leġiżlazzjoni, Q4 2019);
|
adottat adottat Q4 2020 |
|
2. |
Finanzjament tat-tranżizzjoni sostenibbli |
Pjan ta’ Investiment għal Ewropa Sostenibbli (mhux leġiżlazzjoni, Q1 2020);
Rieżami tad-Direttiva dwar ir-Rapportar Mhux Finanzjarju (leġiżlazzjoni, inkluż il-valutazzjoni tal-impatt, Artikolu 114 TFUE, Q4 2020) |
adottat adottat Q4 2020 Q1 2021 |
|
3. |
Kontribuzzjoni tal-Kummissjoni għall-COP26 fi Glasgow |
Pjan ta’ Mira dwar il-Klima 2030 (mhux leġiżlazzjoni, inkluża l-valutazzjoni tal-impatt, Q3 2020);
Strateġija Ġdida tal-UE għall-Foresti (mhux leġiżlazzjoni, Q4 2020) |
Q3 2020 Q1 2021 Q1 2021 |
|
4. |
Sostenibbiltà tas-sistemi tal-ikel |
Strateġija “Mill-Għalqa sal-Platt” (mhux leġiżlazzjoni, Q1 2020) |
adottat |
|
5. |
Dekarbonizzazzjoni tal-enerġija |
Strateġija għal integrazzjoni tas-settur intelliġenti (mhux leġiżlazzjoni, Q2 2020); Mewġa ta’ Rinnovazzjoni (mhux leġiżlazzjoni, Q3 2020); Enerġija rinnovabbli lil hinn mill-kosta (mhux leġiżlazzjoni, Q4 2020) |
Q2 2020 Q3 2020 Q4 2020 |
|
6. |
Produzzjoni u konsum sostenibbli |
Pjan ta’ Azzjoni Ġdid għal Ekonomija Ċirkolari (mhux leġiżlazzjoni, Q1 2020); Nagħtu s-setgħa lill-konsumatur għat-tranżizzjoni ekoloġika (leġiżlazzjoni, inkluż il-valutazzjoni tal-impatt, l-Artikolu 114 TFUE, Q4 2020) |
adottat Q2 2021 |
|
7. |
Ħarsien tal-ambjent tagħna |
Strateġija tal-UE dwar il-Bijodiversità għall-2030 (mhux leġiżlazzjoni, Q1 2020);
It-Tmien Programm ta' Azzjoni Ambjentali (leġiżlazzjoni, l-Artikolu 192(3) TFUE, Q2 2020);
|
adottat Q4 2020 Q3 2020 |
|
8. |
Mobbiltà sostenibbli u intelliġenti |
Strateġija għal mobbiltà sostenibbli u intelliġenti (mhux leġiżlazzjoni, Q4 2020); ReFuelEU Avjazzjoni - Fjuwils tal-Avjazzjoni Sostenibbli (leġiżlazzjoni, inkluża l-valutazzjoni tal-impatt, l-Artikolu 100(2) TFUE u/jew l-Artikolu 192(1) TFUE, Q4 2020); FuelEU Marittimu - Spazju Marittimu Ekoloġiku Ewropew (leġiżlazzjoni, inkluża l-valutazzjoni tal-impatt, l-Artikolu 100(2) TFUE u/jew l-Artikolu 192(1) TFUE, Q4 2020) |
Q4 2020 Q4 2020 Q4 2020 |
|
Ewropa Adattata għall-Era Diġitali |
|||
|
9.. |
Ewropa Adattata għall-era diġitali |
Strateġija għall-Ewropa - Lesta għall-Era Diġitali (mhux leġiżlazzjoni, Q1 2020), flimkien ma’ għodda ta’ kompetizzjoni ex ante (leġiżlazzjoni, inkl. evalwazzjoni tal-impatt, Artikoli 103 u 1114 tat-TFUE, Q4 2020); Pjan ta’ Azzjoni għall-Edukazzjoni Diġitali (aġġornament) (mhux leġiżlazzjoni, Q2 2020) |
adottat, Q4 2020 Q3 2020 |
|
10. |
Approċċ Ewropew għall-Intelliġenza Artifiċjali |
White Paper dwar l-Intelliġenza Artifiċjali (mhux leġiżlazzjoni, Q1 2020); Strateġija Ewropea għad-Data (mhux leġiżlazzjoni, Q1 2020); Segwitu għall-White Paper dwar l-Intelliġenza Artifiċjali, inkluż is-sikurezza, ir-responsabbiltà, id-drittijiet fundamentali u d-data (leġiżlazzjoni, inkluż il-valutazzjoni tal-impatt, l-Artikolu 114 TFUE, Q4 2020) |
adottat adottat Q1 2021 |
|
11. |
Servizzi Diġitali |
Att dwar is-Servizzi Diġitali (leġiżlazzjoni, inkluż il-valutazzjoni tal-impatt, l-Artikolu 114 TFUE, Q4 2020) |
Q4 2020 |
|
12. |
Inżidu ċ-ċibersigurtà |
Rieżami tad-Direttiva dwar is-sigurtà tan-netwerks u tas-sistemi tal-informazzjoni (id-Direttiva dwar iċ-Ċibersigurtà) (leġiżlazzjoni, inkluż il-valutazzjoni tal-impatt, l-Artikolu 114 TFUE, Q4 2020) |
Q4 2020 |
|
13. |
Prodotti u servizzi diġitali għall-konsumaturi |
Ċarġers komuni għat-telefowns ċellulari u apparat simili (leġiżlazzjoni, inkluż il-valutazzjoni tal-impatt, l-Artikolu 114 TFUE, Q3 2020); Rieżami tar-Regolament dwar ir-Roaming (leġiżlazzjoni, inkluż il-valutazzjoni tal-impatt, l-Artikolu 114 TFUE, Q4 2020) |
Q1 2021 Q1 2021 |
|
14.. |
Strateġija industrijali ġdida għall-Ewropa |
Strateġija Industrijali (mhux leġiżlazzjoni, Q1 2020); Rapport dwar l-Ostakoli għas-Suq Uniku (mhux leġiżlazzjoni, Q1 2020); Pjan ta’ Azzjoni għall-Infurzar tas-Suq Uniku (mhux leġiżlazzjoni, Q1 2020); Strateġija għall-SMEs (mhux leġiżlazzjoni, Q1 2020); White Paper dwar Strument dwar is-Sussidji Barranin (mhux leġiżlazzjoni, Q2 2020) |
adottat adottat adottat adottat Q2 2020 |
|
15. |
Pakkett dwar is-servizzi tal-avjazzjoni |
Reviżjoni tal-imposti tal-ajruporti (leġiżlazzjoni, inkluż il-valutazzjoni tal-impatt, l-Artikolu 100(2) TFUE, Q4 2020); Reviżjoni tal-għoti tas-servizzi tal-ajru (leġiżlazzjoni, inkluż il-valutazzjoni tal-impatt, l-Artikolu 100(2) TFUE, Q4 2020) |
Q4 2020 Q4 2020 |
|
16. |
Lejn Żona Ewropea tar-Riċerka |
Komunikazzjoni dwar il-Futur tar-Riċerka u l-Innovazzjoni u ż-Żona Ewropea tar-Riċerka (mhux leġiżlazzjoni, Q2 2020); Komunikazzjoni dwar il-missjonijiet ta’ riċerka u innovazzjoni ta’ Orizzont Ewropa (mhux leġiżlazzjoni, Q4 2020) |
Q3 2020 Q4 2020 |
|
17. |
Finanzi diġitali |
Pjan ta’ Azzjoni dwar il-FinTech inkluż Strateġija dwar Suq Integrat tal-Pagamenti tal-UE (mhux leġiżlazzjoni, Q3 2020);
Att dwar is-servizzi finanzjarji transsettorjali dwar ir-reżiljenza operazzjonali u ċibernetika (leġiżlazzjoni, inkluż il-valutazzjoni tal-impatt, l-Artikolu 114 TFUE, Q3 2020) |
Q3 2020 Q3 2020 Q3 2020 |
|
Ekonomija għas-Servizz tan-Nies |
|||
|
18. |
Ewropa Soċjali |
Ewropa Soċjali b’Saħħitha għal Tranżizzjonijiet Ġusti (mhux leġiżlazzjoni, Q1 2020);
|
adottat Q1/Q4 2020 Q2 2020 strument temporanju adottat |
|
19. |
Governanza Ekonomika |
Rieżami tal-Qafas ta’ Governanza Ekonomika (mhux leġiżlazzjoni, Q1 2020) |
adottat |
|
20. |
Approfondiment tal-Unjoni tas-Swieq Kapitali |
Pjan ta’ Azzjoni dwar l-Unjoni tas-Swieq Kapitali (mhux leġiżlazzjoni, Q3 2020); Rieżami tal-qafas regolatorju għad-ditti tal-investiment u għall-operaturi tas-suq (MiFIDII u MiFIR), (leġiżlazzjoni inkluż il-valutazzjoni tal-impatt, l-Artikoli 53(1) u 114(1) TFUE, Q3 2020); Rieżami tar-Regolament dwar il-Parametri Referenzjarji (leġiżlazzjoni, inkluż il-valutazzjoni tal-impatt, l-Artikolu 114(1) TFUE, Q3 2020) |
Q4 2020 Q3 2020 Q3 2020 |
|
21. |
Tlestija tal-Unjoni Bankarja |
Pjan ta’ Azzjoni dwar il-Ġlieda kontra l-Ħasil tal-Flus (mhux leġiżlazzjoni, Q1 2020); Rieżami tal-leġiżlazzjoni dwar ir-Rekwiżiti ta’ Kapital (leġiżlazzjoni, inkluż il-valutazzjoni tal-impatt, l-Artikoli 114 TFUE (CRR) u 53 TFUE (CRD), Q2 2020) |
adottat Q4 2020 |
|
22. |
Tassazzjoni effettiva |
Tassazzjoni tal-Intrapriżi għas-seklu 21 (mhux leġiżlazzjoni, Q2 2020); Pjan ta’ Azzjoni għall-ġlieda kontra l-evażjoni tat-taxxa u biex it-tassazzjoni ssir sempliċi u faċli (leġiżlazzjoni u mhux leġiżlazzjoni, inkluża l-valutazzjoni tal-impatt, l-Artikoli 113 u 115 tat-TFUE, Q2 2020), inclużi il-governanza tajba tat-taxxa fl-UE u lil hinn minnha (mhux leġiżlazzjoni, Q3 2020) u reviżjoni tad-Direttiva dwar l-iskambju awtomatiku tal-informazzjoni (leġiżlazzjoni, Artikoli 113 and 115 TFEU, Q3 2020) |
Q4 2020 Q3 2020 |
|
23. |
Pakkett dwar l-Unjoni Doganali |
Pjan ta’ Azzjoni dwar l-Unjoni Doganali (mhux leġiżlazzjoni, Q2 2020); Proposta dwar it-Tieqa Unika Doganali (leġiżlazzjoni, inkluż il-valutazzjoni tal-impatt, l-Artikoli 33 u 114 TFUE, Q3 2020) |
Q3 2020 Q4 2020 |
|
Ewropa Aktar b’Saħħitha fid-Dinja |
|||
|
24. |
Kooperazzjoni internazzjonali |
Firma u konklużjoni tal-Ftehim bejn l-UE u l-pajjiżi tal-Afrika, il-Karibew u l-Paċifiku (leġiżlazzjoni, l-Artikolu 217 u 218 TFUE, Q3 2020) |
Q3 2020 |
|
25. |
Sovranità finanzjarja |
Tisħiħ tas-Sovranità Ekonomika u Finanzjarja tal-Ewropa (mhux leġiżlazzjoni, Q3 2020) |
Q4 2020 |
|
26. |
Strateġija għall-Afrika |
Lejn Strateġija komprensiva mal-Afrika (mhux leġiżlazzjoni, Q1 2020) |
adottat |
|
27. |
Tkabbir |
Tisħiħ tal-proċess ta’ adeżjoni – Perspettiva kredibbli tal-UE għall-Balkani tal-Punent (mhux leġiżlazzjoni, Q1 2020); Żieda fl-interazzjoni tagħna mal-Balkani tal-Punent – Il-kontribut tal-Kummissjoni għas-Summit UE-Balkani tal-Punent (mhux leġiżlazzjoni, Q2 2020) |
adottat adottat / Q4 2020 |
|
28. |
Sħubija tal-Lvant |
Sħubija tal-Lvant wara l-2020 (mhux leġiżlazzjoni, Q1 2020) |
adottat |
|
29. |
Drittijiet tal-Bniedem, Demokrazija u Ugwaljanza bejn il-Ġeneri |
Pjan ta’ Azzjoni dwar id-Drittijiet tal-Bniedem u d-Demokrazija (2020-2024) (leġiżlazzjoni u mhux leġiżlazzjoni, Q1 2020);
|
adottat Q4 2020 |
|
30. |
Politika tal-kummerċ |
Rieżami tal-politika tal-kummerċ, inkluża l-inizjattiva ta’ riforma tad-WTO(mhux leġiżlazzjoni, Q4 2020) |
Q4 2020 |
|
Promozzjoni tal-Istil ta’ Ħajja Ewropew tagħna |
|||
|
31. |
Trawwim tal-ħiliet, l-edukazzjoni u l-inklużjoni |
Aġenda aġġornata tal-Ħiliet għall-Ewropa (mhux leġiżlazzjoni, Q1 2020);
Pjan ta’ Azzjoni dwar l-Integrazzjoni u l-Inklużjoni (mhux leġiżlazzjoni, Q4 2020) |
Q3 2020 Q3 2020 Q4 2020 |
|
32. |
Patt Ġdid dwar il-Migrazzjoni u l-Ażil |
Patt Ġdid dwar il-Migrazzjoni u l-Ażil u l-proposti legali li jakkumpanjawh (mhux leġiżlazzjoni u leġiżlazzjoni, l-Artikolu 78 u 79 TFUE, Q1 2020) |
Q2 2020 |
|
33. |
Trawwim tas-sigurtà tal-Ewropa |
Strateġija ġdida għall-Unjoni tas-Sigurtà (mhux leġiżlazzjoni, Q2 2020);
Tisħiħ tal-mandat tal-Europol (leġiżlazzjoni, l-Artikolu 88 TFUE, Q4 2020);
Strateġija ġdida tal-UE għall-Eradikazzjoni tat-Traffikar tal-Bnedmin (mhux leġiżlazzjoni, Q4 2020); Strateġija tal-UE għal ġlieda aktar effettiva kontra l-abbuż sesswali tat-tfal (mhux leġiżlazzjoni, Q2 2020) |
Q3 2020 Q4 2020 Q4 2020 Q1 2021 Q3 2020 |
|
34. |
Protezzjoni tas-saħħa |
Pjan Ewropew għall-Ġlieda kontra l-Kanċer (mhux leġiżlazzjoni, Q4 2020);
|
Q4 2020 Q4 2020 |
|
Spinta ġdida għad-Demokrazija Ewropea |
|||
|
35. |
Aġenda tal-Konsumaturi |
Aġenda ġdida tal-Konsumaturi (mhux leġiżlazzjoni, Q4 2020) |
Q4 2020 |
|
36. |
Indirizzar tal-impatt tat-tibdil demografiku |
Rapport dwar l-Impatt tat-Tibdil Demografiku (mhux leġiżlazzjoni, Q1 2020);
|
Q2 2020 2021 |
|
37. |
Inizjattivi dwar l-ugwaljanza u n-nondiskriminazzjoni |
Strateġija Ewropea għall-Ugwaljanza bejn il-Ġeneri (mhux leġiżlazzjoni, Q1 2020), segwita minn miżuri ta’ trasparenza fil-pagi vinkolanti (leġiżlazzjoni, inkluż valutazzjoni tal-impatt, l-Artikolu 157 tat-TFUE, Q4 2020);
|
adottat, Q4 2020 Q4 2020 Q4 2020 |
|
38. |
Demokrazija |
Id-Diżinformazzjoni – isiru magħrufa l-affarijiet sew/ Pjan ta’ Azzjoni Ewropew dwar id-Demokrazija (leġiżlazzjoni u mhux leġiżlazzjoni, inkluża l-valutazzjoni tal-impatt; l-Artikoli 224 u 114 TFUE, Q4 2020) |
Q2/Q4 2020 |
|
39. |
Ġejjieni tal-Ewropa |
Tfassil tal-Konferenza dwar il-Ġejjieni tal-Ewropa (mhux leġiżlazzjoni, Q1 2020) |
adottat |
|
40. |
Stat tad-Dritt |
Rapport Annwali tal-2020 dwar l-Istat tad-Dritt (mhux leġiżlazzjoni, Q3 2020) |
Q3 2020 |
|
41. |
Drittijiet fundamentali |
Strateġija Ġdida għall-Implimentazzjoni tal-Karta tad-Drittijiet Fundamentali (mhux leġiżlazzjoni, Q4 2020);
Rapport dwar l-applikazzjoni tar-Regolament Ġenerali dwar il-Protezzjoni tad-Data (GDPR) (mhux leġiżlazzjoni, Q2 2020);
|
Q4 2020 Q2 2020 Q2 2020 Q2 2020 |
|
42. |
Tfassil Aħjar tal-Liġijiet |
Komunikazzjoni dwar it-Tfassil Aħjar tal-Liġijiet (mhux leġiżlazzjoni, Q2 2020) |
Q4 2020 |
|
43. |
Prospettiva |
Rapport Annwali tal-2020 ta’ Prospettiva (mhux leġiżlazzjoni, Q2 2020) |
Q3 2020 |
Anness II: Inizjattivi REFIT 3
|
Nru |
Titolu |
Objettiv/potenzjal tas-simplifikazzjoni (spjegazzjoni qasira tal-objettiv REFIT tar-reviżjonijiet, u potenzjal ta’ simplifikazzjoni għall-evalwazzjonijiet u l-kontrolli tal-idoneità) |
|
Patt Ekoloġiku Ewropew |
||
|
1. |
Evalwazzjoni tal-istandards tal-kummerċjalizzazzjoni (li jinsab fir-Regolament uniku tal-Organizzazzjoni Komuni tas-Swieq (OKS), id-“Direttivi Breakfast” u l-leġiżlazzjoni sekondarja tal-OKS) |
L-evalwazzjoni tal-istandards tal-kummerċjalizzazzjoni se tgħin biex tiġi vvalutata l-koerenza bejn id-diversi biċċiet ta’ leġiżlazzjoni kif ukoll biex jiġi identifikat il-potenzjal għas-simplifikazzjoni. Ir-riżultati tal-evalwazzjoni jistgħu jservu bħala bażi għar-riflessjoni dwar il-ħtieġa għall-bidliet regolatorji relatati mal-istandards tal-kummerċjalizzazzjoni. |
|
2. |
Evalwazzjoni tal-Indikazzjonijiet Ġeografiċi u l-Ispeċjalitajiet Tradizzjonali Garantiti protetti fl-UE |
L-evalwazzjoni tal-indikazzjonijiet ġeografiċi u tal-ispeċjalitajiet tradizzjonali garantiti se tgħin biex tiġi vvalutata l-koerenza bejn id-diversi biċċiet tal-qafas legali għall-iskemi ta’ kwalità tal-UE u se tagħti l-opportunità li titqies il-ħtieġa għat-titjib tagħha (modernizzazzjoni, simplifikazzjoni u standardizzar). Ir-riżultati tagħha jistgħu jservu bħala bażi għar-riflessjoni dwar il-ħtieġa għall-bidliet regolatorji relatati mal-iskemi ta’ kwalità tal-UE. |
|
3. |
Reviżjoni tal-Linji Gwida dwar ċerti miżuri ta’ għajnuna mill-Istat fil-kuntest tal-iskema għall-iskambju ta’ kwoti ta’ emissjonijiet ta’ gassijiet serra wara l-2020 |
L-Istati Membri jistgħu jikkumpensaw lil xi utenti elettrointensivi għal parti mill-ispejjeż ogħla tal-elettriku li jirriżultaw mill-Iskema tal-UE ta’ Skambju ta’ Kwoti tal-Emissjonijiet. L-objettiv ta’ dan il-kumpens huwa li jiġi minimizzat ir-riskju tar-rilokazzjoni tal-emissjonijiet tal-karbonju, li jimmaterjalizza ruħu meta l-ispejjeż tal-emissjonijiet jikkawżaw rilokazzjoni mill-UE lejn pajjiżi terzi mingħajr restrizzjonijiet paragunabbli. Ir-regoli eżistenti li jippermettu l-kumpens se jiġu riveduti biex jiġi żgurat li dawn ikunu adattati għall-Iskema l-ġdida ta’ Skambju ta’ Kwoti tal-Emissjonijiet għall-perjodu mill-2021 sal-2030. (mhux leġiżlazzjoni, inkluża l-valutazzjoni tal-impatt, Q4 2020) |
|
4. |
Reviżjoni tar-Regolament tan-Netwerks Trans-Ewropej tal-Enerġija (TEN-E) |
Din l-inizjattiva se tiżgura li r-Regolament TEN-E jkun kompletament konformi mal-Patt Ekoloġiku Ewropew u mal-objettivi fit-tul tad-dekarbonizzazzjoni tal-Unjoni filwaqt li jikkontribwixxi għall-integrazzjoni tas-settur u tas-suq, għas-sigurtà tal-provvista u għall-kompetizzjoni. (leġiżlazzjoni, inkluż il-valutazzjoni tal-impatt, l-Artikoli 170-171 TFUE, Q4 2020) |
|
5. |
Evoluzzjoni tad-Direttiva 2011/65/KE dwar ir-restrizzjoni tal-użu ta’ ċerti sustanzi perikolużi fit-tagħmir elettriku u elettroniku (ROHS) |
L-evalwazzjoni tad-Direttiva ROHS se tivvaluta l-effettività u l-effiċjenza tagħha f’dak li jirrigwarda l-proċedura għall-adozzjoni ta’ restrizzjonijiet għas-sustanzi u l-għoti ta’ eżenzjonijiet mir-restrizzjonijiet. Se tivvaluta wkoll il-koerenza tagħha ma’ leġiżlazzjoni oħra tal-UE u r-rilevanza tagħha għaliha, b’mod partikolari, fid-dawl tal-evalwazzjonijiet tar-REACH u tad-Direttiva dwar l-Ekodisinn. |
|
6. |
Evalwazzjoni tad-Direttiva 2000/53/UE dwar vetturi li m’għadhomx jintużaw (ELV) |
L-evalwazzjoni tad-Direttiva ELV se tivvaluta l-effettività, l-effiċjenza, u l-koerenza tagħha ma’ leġiżlazzjoni oħra u r-rilevanza tagħha fid-dawl tal-objettivi usa’ ta’ politika dwar l-ekonomija ċirkulari, il-plastik, l-effiċjenza fir-riżorsi, il-materja prima, eċċ. |
|
7. |
Evalwazzjoni tad-Direttiva 2010/75/UE dwar l-emissjonijiet industrijali (IED) |
L-evalwazzjoni tad-Direttiva IED se tivvaluta l-effettività, l-effiċjenza, il-valur miżjud tal-UE, il-koerenza ma’ leġiżlazzjoni oħra u r-rilevanza tagħha biex tindirizza sorsi (agro)industrijali importanti ta’ tniġġis tal-arja, tal-ilma u tal-ħamrija. |
|
8. |
Kontroll tal-idoneità tar-regoli tal-UE kontra qtugħ illegali tas-siġar għall-injam (ir-Regolament tal-UE dwar l-Injam, ir-Regolament (UE) Nru 995/2010 u r-Regolament FLEGT tal-UE (KE) Nru 2173/2005) |
Il-kontroll tal-idoneità se jivvaluta l-effettività, l-effiċjenza, il-koerenza, ir-rilevanza u l-valur miżjud tal-UE taż-żewġ regolamenti għall-kontribuzzjoni għall-ġlieda kontra l-qtugħ illegali ta’ siġar madwar id-dinja. It-tagħlimiet meħuda mill-injam se jkunu utli għall-valutazzjoni ta’ miżuri min-naħa tad-domanda għal komoditajiet oħra. |
|
9. |
Reviżjoni tad-Direttiva tal-UE dwar il-Batteriji |
Kif ġie konkluż mill-evalwazzjoni/mir-rapporti ta’ implimentazzjoni tad-Direttiva dwar il-Batteriji, jenħtieġ li r-reviżjoni jkollha l-għan li tqis aħjar iċ-ċirkolarità, ittejjeb is-sostenibbiltà u żżomm il-pass mal-iżviluppi teknoloġiċi. Dan huwa previst ukoll fil-Pjan ta’ Azzjoni Strateġika għall-Batteriji. Wara l-konklużjonijiet tar-rapporti dwar id-Direttiva, l-inizjattiva se timmodifika d-Direttiva jew se titħejja proposta għal Regolament ġdid li jħassar id-Direttiva, biex tinkludi notevolment ir-rekwiżiti ta’ tmiem il-ħajja u ta’ sostenibbiltà. (leġiżlazzjoni, inkluż il-valutazzjoni tal-impatt; Q4 2020) |
|
10. |
Kontroll tal-Idoneità dwar il-leġiżlazzjoni rilevanti tal-UE dwar l-interferenti endokrinali |
L-interferenti endokrinali huma sustanzi li jbiddlu l-funzjonament tas-sistema endokrinali (ormonali) u jaffettwaw ħażin is-saħħa tal-bnedmin jew tal-annimali. Diversi miżuri tal-UE jirregolaw dawn is-sustanzi. Il-kontroll tal-idoneità se jivvaluta jekk dawn il-miżuri jiksbux l-objettiv ġenerali li jħarsu s-saħħa tal-bniedem u tal-ambjent. Se jivvaluta l-koerenza, l-effettività, l-effiċjenza, ir-rilevanza u l-valur miżjud tal-UE tal-leġiżlazzjoni tal-UE, b’enfasi fuq il-koerenza fi ħdan l-acquis dwar is-sustanzi kimiċi. |
|
11. |
Reviżjoni tar-Regolament dwar l-Istandards tal-kummerċjalizzazzjoni applikabbli għas-sajd u għall-prodotti tal-akkwakultura fl-UE |
Din ir-reviżjoni se tissimplifika l-istruttura legali: Regolament (UE) wieħed se jissostitwixxi tliet regolamenti li bħalissa jkopru wkoll il-prodotti tal-akkwakultura, it-trasparenza u l-informazzjoni lill-konsumaturi. (leġiżlazzjoni, inkluż il-valutazzjoni tal-impatt, l-Artikolu 43 TFUE, Politika Komuni tas-Sajd, Q1 2021) |
|
12. |
Evalwazzjoni tar-Regolament 913/2010 dwar netwerk ferrovjarju Ewropew għat-trasport ta’ merkanzija kompetittiv
|
Iż-żieda fit-trasport tal-merkanzija bil-ferrovija hija element ewlieni tal-politika tal-UE biex jitnaqqsu l-emissjonijiet tad-CO2 mit-trasport, iżda din qed tiffaċċja diffikultajiet. Ir-Regolament dwar il-kurituri ferrovjarji tal-merkanzija għandu l-għan li jtejjeb il-kooperazzjoni u l-kordinazzjoni fost għadd ta’ kurituri b’potenzjal partikolari għall-iżvilupp tat-trasport ferrovjarju internazzjonali.
|
|
13. |
Evalwazzjoni tad-Direttiva 2009/128/KE dwar l-Użu Sostenibbli tal-Pestiċidi |
Din l-evalwazzjoni se tħares, fost affarijiet oħra, lejn il-progress li kisbet id-Direttiva fit-tnaqqis tad-dipendenza fuq il-pestiċidi u biex tistimola l-adozzjoni ta’ alternattivi b’riskju baxx u mhux kimiċi għall-pestiċidi. Se jitqies ukoll il-potenzjal ta’ simplifikazzjoni, pereżempju dwar ir-regoli għall-ispezzjoni ta’ tagħmir għall-applikazzjoni ta’ pestiċidi u regoli ġodda dwar il-kontroll uffiċjali. |
|
14. |
Evalwazzjoni tal-Istrateġija tal-UE għall-Benessri tal-Annimali (2012-2015) |
Din l-evalwazzjoni se tħares lejn il-punt sa fejn l-Istrateġija tal-UE għall-Benessri tal-Annimali kkontribwiet biex jiġi ssimplifikat il-qafas tal-UE għall-benessri tal-annimali u lejn il-lok li fadal għal simplifikazzjoni, fir-rigward tal-evoluzzjoni tal-ħtiġijiet f’dan il-qasam. |
|
15. |
Evalwazzjoni tal-awtorizzazzjoni ta’ prodotti għall-protezzjoni tal-pjanti u l-livelli massimi ta’ residwu għall-pestiċidi 4 |
Din l-evalwazzjoni tkopri l-implimentazzjoni u l-funzjonament tar-Regolament 1107/2009 dwar il-prodott għall-protezzjoni tal-pjanti u r-Regolament 396/2005 dwar il-livelli massimi ta’ residwu fl-Istati Membri kollha mill-applikazzjoni tagħhom f'Ġunju 2011 u f’Settembru 2008, rispettivament. Tipproponi modi possibbli biex tittejjeb l-implimentazzjoni tar-Regolament sabiex jiġi ssimplifikat jew jissaħħaħ il-qafas regolatorju attwali, pereżempju biex jiġi indirizzat dewmien u tiżdied it-trasparenza, tittejjeb is-sistema żonali għall-awtorizzazzjoni u r-rikonoxximent reċiproku tal-awtorizzazzjonijiet, tiġi promossa l-protezzjoni sostenibbli tal-pjanti, is-soluzzjonijiet b’riskju baxx u l-mitigazzjoni effiċjenti tar-riskju, kif ukoll biex tiżdied il-koerenza u l-konsistenza bejn ir-Regolament u leġiżlazzjoni oħra tal-UE. L-evalwazzjoni tħares ukoll lejn il-kwistjonijiet li qamu fl-Opinjoni XI.10.a tal-Pjattaforma REFIT dwar sustanzi b’użu multiplu/b’sors multiplu – il-Klorat li ġiet adottata fis-7/6/2017 u fl- Opinjoni XI.22.a tal-Pjattaforma REFIT dwar ir-reġistrazzjoni tal-prodotti għall-protezzjoni tal-pjanti – li ġiet adottata fl-14/03/2019. |
|
16. |
Evalwazzjoni tar-Regolament (KE) Nru 1924/2006 dwar indikazzjonijiet dwar in-nutrizzjoni u s-saħħa mogħtija fuq l-ikel fir-rigward ta’ profili nutrittivi u stqarrijiet dwar is-saħħa għall-pjanti u preparati tagħhom u tal-qafas regolatorju ġenerali għall-użu tagħhom fl-ikel4 |
Din l-evalwazzjoni tħares lejn il-kwistjoni mqajma mill- Opinjoni XI.11.a-b tal-Pjattaforma REFIT dwar it-twaqqif ta’ profili nutrittivi. L-evalwazzjoni vvalutat l-impatti tas-sitwazzjoni attwali (fejn ma jeżistu l-ebda profili nutrittivi fil-livell tal-UE). Tħares lejn jekk il-profili nutrittivi għadhomx adatti għall-iskop tagħhom, meħtieġa u adegwati biex jiżguraw l-objettivi tar-Regolament dwar it-Talbiet. Ir-riżultati ta’ din l-evalwazzjoni huma mistennija wkoll li jindirizzaw il-kwistjonijiet imqajma fuq id-Direttiva dwar il-Prodotti Mediċinali Erbali Tradizzjonali min-negozji, kif inkluż fl- Opinjoni Xi.6.a-b tal-Pjattaforma REFIT . |
|
17. |
Evalwazzjoni tal-Materjali li jiġi f’Kuntatt mal-Ikel |
Din l-evalwazzjoni tiskrutinizza l-aspetti kollha tal-leġiżlazzjoni attwali tal-UE dwar il-materjal li jiġi f'kuntatt mal-ikel, inkluż l-effettività tad-dikjarazzjoni ta’ konformità, li attwalment hija meħtieġa għal miżuri speċifiċi fil-livell tal-UE. Abbażi ta’ din l-evalwazzjoni, il-Kummissjoni se tqis jekk humiex meħtieġa aktar miżuri fil-livell tal-UE, inkluż kunsiderazzjoni ta’ kwistjonijiet differenti bħal dik imqajma mill-Opinjoni XI.1a tal-Pjattaforma REFIT , li tirrakkomanda rekwiżit Ewropew komuni għal dikjarazzjoni ta’ konformità għat-tipi kollha ta’ materjali li jiġu f’kuntatt mal-ikel. |
|
18. |
L-evalwazzjoni tad-Direttiva 2005/44/KE dwar is-Servizzi Armonizzati ta’ Informazzjoni tax-Xmajjar (RIS) f’passaġġi fuq l-ilma interni fil-Komunità |
Is-Servizzi ta’ Informazzjoni tax-Xmajjar (RIS) jagħmlu użu mit-teknoloġija tal-informazzjoni u l-komunikazzjoni (ICT) biex jappoġġjaw is-sikurezza, l-effiċjenza u l-ħarsien ambjentali tat-trasport minn passaġġi fuq l-ilma interni. Id-Direttiva RIS tipprovdi qafas għar-rekwiżiti minimi u l-ispeċifikazzjonijiet tekniċi għall-forniment u l-implimentazzjoni tar-RIS biex jiġu żgurati l-armonizzazzjoni, l-interoperabbiltà u l-kompatibbiltà transfruntieri tas-sistemi tar-RIS tal-Istati Membri għall-passaġġi fuq l-ilma tal-klassi IV jew ogħla. L-evalwazzjoni tagħti ħarsa lejn l-implimentazzjoni tad-Direttiva u lejn l-iżviluppi organizzattivi u teknoloġiċi riċenti tas-settur, b’mod partikolari tat-teknoloġiji diġitali. Tivvaluta wkoll l-oqsma potenzjali għas-simplifikazzjoni fil-proċess li permezz tiegħu l-aġġornamenti tal-ispeċifikazzjonijiet tekniċi skont id-Direttiva qed jiġu konċepiti. |
|
Ewropa Lesta għall-Era Diġitali |
||
|
19. |
Rapport tal-Kummissjoni lill-Parlament Ewropew u lill-Kunsill dwar l-Applikazzjoni tar-Regolament (UE) Nru 910/2014 dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern (ir-Regolament eIDAS) |
Il-Kummissjoni għandha tirrapporta dwar l-applikazzjoni tar-Regolament (UE) Nru 910/2014 lill-Parlament Ewropew u lill-Kunsill sal-1 ta’ Lulju 2020, kif mitlub mill-Artikolu 49 tar-Regolament. Ir-rapport se jivvaluta l-punt sa fejn il-qafas eIDAS għadu adattat għall-iskop tiegħu li jikseb l-eżiti, ir-riżultati u l-impatti maħsuba u jista’ jidentifika azzjonijiet ulterjuri possibbli biex tittejjeb il-prestazzjoni regolatorja. Il-Kummissjoni se twettaq evalwazzjoni f’konformità mal-linji gwida għal Tfassil Aħjar tal-Liġijiet, li se tinvolvi wkoll konsultazzjoni mal-partijiet ikkonċernati pubblika u mmirata. |
|
20. |
Rieżami tad-Direttiva dwar it-Tnaqqis tal-Ispiża tal-Broadband (id-Direttiva 2014/61/UE) |
Ir-rieżami għandu l-għan li jnaqqas piż amministrattiv mhux meħtieġ u għali, li jista’ jiskoraġġixxi u jdewwem b’mod sinifikanti l-installazzjoni tan-netwerks. Għandu l-għan li jkomplu jtejjeb il-miżura attwali billi jissimplifika l-permessi u l-proċeduri jew billi jagħmel ix-xogħol tal-inġinerija aktar flessibbli billi jtejjeb il-koordinazzjoni ma’ infrastrutturi oħrajn (it-toroq, l-enerġija, eċċ.). Dan jista’ jirrappreżenta opportunità importanti għal leġiżlazzjoni ġdida biex jitnaqqsu l-piżijiet amministrattivi ġenerali fis-settur. |
|
21. |
Rieżami tar-Regolament dwar is-suq intern u l-kummerċ elettroniku transfruntier (Imblukkar Ġeografiku) |
Il-Kummissjoni se tirrapporta dwar l-evalwazzjoni ta’ dan ir-Regolament lill-Parlament Ewropew, lill-Kunsill u lill-Kumitat Ekonomiku u Soċjali Ewropew. Il-Kummissjoni se qis l-impatt ġenerali tar-Regolament fuq is-suq intern u l-kummerċ elettroniku transfruntier, inkluż, b’mod partikolari, il-piż amministrattiv u finanzjarju addizzjonali potenzjali għan-negozjanti li jirriżulta mill-eżistenza ta’ reġimi legali regolatorji differenti applikabbli għall-kuntratti konklużi mill-konsumaturi. |
|
22. |
Reviżjoni tar-Rakkomandazzjoni dwar id-diġitizzazzjoni u l-aċċessibbiltà fuq l-internet ta’ materjal kulturali u l-konservazzjoni diġitali (2011/711/UE) * |
L-evalwazzjoni li għaddejja tivvaluta wieħed mill-istrumenti ta’ politika ewlenin dwar id-diġitizzazzjoni, l-aċċess fuq l-internet u l-konservazzjoni diġitali ta’ materjal ta’ wirt kulturali bl-objettiv li jinġabru l-fehmiet tal-partijiet ikkonċernati dwar aġġornament possibbli biex jirrifletti aħjar il-ħtiġijiet pubbliċi tal-lum f’dan il-qasam, u jiżdied il-potenzjal tal-wirt kulturali tal-Ewropa għall-benefiċċju taċ-ċittadini.
|
|
23. |
Kontroll tal-idoneità tal-pakkett ta’ modernizzazzjoni tal-għajnuna mill-Istat tal-2012, il-linji gwida ferrovjarji u l-assigurazzjoni ta' kreditu għall-esportazzjoni |
Minħabba l-modernizzazzjoni tal-għajnuna mill-Istat, illum, 96 % tal-miżuri ta’ għajnuna implimentati ġodda jinsabu f’idejn l-awtoritajiet nazzjonali. Dan jippermetti implimentazzjoni aktar rapida mill-Istati Membri u l-enfasi tal-kontroll tal-għajnuna mill-Istat ikun aktar “kbir fuq l-affarijiet il-kbar u żgħir fuq l-affarijiet iż-żgħar”. Il-kontroll tal-idoneità li għaddej ifittex, fost affarijiet oħra, li jivvaluta l-punt sa fejn ir-reġim attwali kkontribwixxa biex ikun hemm tnaqqis fil-piż amministrattiv u jekk hemmx potenzjal ulterjuri ta’ standardizzar u simplifikazzjoni tar-regoli dwar l-għajnuna mill-Istat. |
|
24. |
Evalwazzjoni tar-Regolament ta’ Eżenzjoni ta’ Kategorija Vertikali |
L-evalwazzjoni li għaddejja tar-Regolament dwar l-Eżenzjoni ta’ Kategorija Vertikali u l-Linji Gwida dwar ir-Restrizzjonijiet Vertikali tfittex li tivvaluta notevolment il-punt sa fejn ir-reġim attwali laħaq l-objettiv tiegħu li jipprovdi sfera ta’ sikurezza għal ftehimiet vertikali li b’mod ġenerali jtejbu l-effiċjenza, u b’hekk joħolqu ċertezza tad-dritt u tnaqqis fil-kostijiet tal-konformità għall-partijiet ikkonċernati. Dan jinkludi l-identifikazzjoni ta’ oqsma li fihom ir-reġim attwali jista’ ma jirriflettix b’mod xieraq żviluppi tas-suq ġodda kif ukoll nuqqasijiet possibbli, li jistgħu jkunu riżultat ta’ inċertezza tad-dritt, inkonsistenzi fl-infurzar tar-regoli vertikali fi Stati Membri differenti tal-UE u għaldaqstant żieda fil-kostijiet tal-konformità għall-partijiet ikkonċernati. |
|
25. |
Evalwazzjoni tal-aspetti proċedurali u ġuriżdizzjonali tal-kontroll tal-fużjonijiet tal-UE |
L-evalwazzjoni li għaddejja tiffoka fuq is-simplifikazzjoni u t-tnaqqis tal-burokrazija żejda fejn dan ikun xieraq, l-istandardizzar tas-sistema ta’ riferiment u titjib ieħor ta’ natura teknika. Barra minn hekk, fid-dawl tad-dibattitu riċenti dwar l-effettività tal-limiti ġuriżdizzjonali tar-Regolament tal-UE dwar l-Għaqdiet ibbażati purament fuq il-fatturat, l-evalwazzjoni tfittex ukoll li tivvaluta jekk dawn jippermettux li jinqabdu t-tranżazzjonijiet kollha, li jista’ jkollu impatt fis-suq intern. |
|
26. |
Modifikazzjoni mmirata tar-Regolament għall-Eżenzjoni Ġenerali Sħiħa fir-rigward tal-programmi ta’ finanzjament tal-UE |
Il-Kummissjoni għandha l-għan li timmodifika r-Regolament għall-Eżenzjoni Ġenerali Sħiħa b’mod immirat li jakkumpanja l-Qafas Finanzjarju Pluriennali li jmiss. Il-proposta se tiżgura li l-finanzjament nazzjonali, mill-fondi tal-Istati Membri jew mill-Fondi SIE ġestiti fil-livell nazzjonali, u l-fondi tal-UE ġestiti ċentralment jistgħu jintużaw flimkien bla xkiel f’dawn l-oqsma: fi prodotti finanzjarji appoġġjati mill-Fond InvestEU; fi proġetti RŻI b’Siġill ta’ Eċċellenza taħt Orizzont 2020 jew Orizzont Ewropa, kif ukoll proġetti kofinanzjati u azzjonijiet ta’ timijiet taħt Orizzont 2020 jew Orizzont Ewropa; u fi proġetti ta’ Kooperazzjoni Territorjali Ewropea. (Q3 2020) |
|
27. |
Regolament ta’ Eżenzjoni ta’ Kategorija għall-Konsorzji (eżenzjoni mill-Artikolu 101 TFUE għal ċerti tipi ta’ ftehimiet ta’ kooperazzjoni fost l-operaturi ta’ kontejners marittimi) 5 |
L-estensjoni tar-Regolament ta’ Eżenzjoni ta’ Kategorija għall-Konsorzji attwali għal erba’ snin oħra se tkompli tissimplifika l-analiżi tal-konformità tal-konsorzji mar-regoli tal-kompetizzjoni, tillimita d-dipendenza fuq pariri esterni u tnaqqas il-kostijiet legali. |
|
28. |
Evalwazzjoni tad-Direttiva 2014/35/UE dwar il-Voltaġġ Baxx |
Id-Direttiva dwar il-Voltaġġ Baxx (LVD) tiżgura li t-tagħmir elettriku f’ċerti limiti tal-voltaġġ jipprovdi livell għoli ta’ protezzjoni liċ-ċittadini Ewropej, u jibbenefika bis-sħiħ mis-suq uniku. Din ilha applikabbli mill-20 ta’ April 2016. L-iskop ta’ din l-evalwazzjoni huwa li tivvaluta jekk id-Direttiva hijiex adatta għall-iskop tagħha f’termini ta’ effettività, effiċjenza, rilevanza, koerenza u valur miżjud tal-UE. Abbażi tal-konklużjonijiet dwar il-prestazzjoni tad-Direttiva, il-Kummissjoni se tevalwa liema jistgħu jkunu l-passi meħtieġa li jmiss biex tittejjeb il-prestazzjoni tad-Direttiva. |
|
29. |
Evalwazzjoni tad-Direttiva 97/67/KE dwar is-Servizzi Postali* |
Is-settur postali għaddej minn tibdil sostanzjali minħabba d-diġitalizzazzjoni. Id-Direttiva dwar is-Servizzi Postali (97/67/KE) tmur lura għall-1997 u ġiet riveduta fl-2002 u fl-2008. Ir-rapport dwar l-applikazzjoni tad-Direttiva se jkun akkumpanjat minn evalwazzjoni biex jiġi vvalutat jekk id-Direttiva għadhiex adattata għall-iskop tagħha u għall-futur. |
|
30. |
Evalwazzjoni tad-“Definizzjoni ta’ SME” |
L-ambitu ta’ din l-inizjattiva huwa r-Rakkomandazzjoni tal-Kummissjoni dwar id-definizzjoni ta’ intrapriżi mikro, żgħar u ta’ daqs medju (2003/361/KE). Tistabbilixxi l-kriterji biex tiddetermina jekk intrapriża hijiex SME (jiġifieri n-numru tal-persunal, il-fatturat/it-total tal-karta tal-bilanċ u l-indipendenza) u ilha tiġi applikata mill-01/01/2005 meta ssostitwiet ir-Rakkomandazzjoni 96/280/KE. Billi r-Rakkomandazzjoni ssir referenza għaliha f’aktar minn 100 att legali tal-UE li jkopru firxa wiesgħa ta’ politiki tal-UE bħall-għajnuna mill-Istat, is-sostitut tagħha jrid jindirizza wkoll dawk ir-referenzi. |
|
31. |
Reviżjoni tad-Direttiva 2006/42/KE dwar il-Makkinarju * |
L-inizjattiva għandha l-għan li:
|
|
32. |
Evalwazzjoni tal-leġiżlazzjoni tal-UE dwar il-protezzjoni tad-disinn |
L-iskop tal-evalwazzjoni huwa li jiġi analizzat il-punt sa fejn il-leġiżlazzjoni attwali tal-UE dwar il-protezzjoni tad-disinn laħqet l-objettivi tagħha f’termini ta’ effiċjenza, effettività, rilevanza, koerenza u valur miżjud tal-UE, u għandha tagħti indikazzjonijiet ċari tal-livell sa fejn dik il-leġiżlazzjoni għadha titqies bħala adatta għall-iskop tagħha. L-evalwazzjoni għandha tidentifika l-opportunitajiet għall-istandardizzar tal-proċeduri ta’ reġistrazzjoni bil-ħsieb li tiġi ffaċilitata l-adozzjoni sempliċi tal-protezzjoni tad-disinn fl-UE bi tnaqqis potenzjali tal-kostijiet u tal-piżijiet amministrattivi għall-benefiċċju tan-negozji, tad-disinjaturi u tal-SMEs. |
|
33. |
Evalwazzjoni tad-Direttiva 2006/126/KE dwar il-Liċenzji tas-Sewqan * |
L-evalwazzjoni ex post se tivvaluta l-prestazzjoni tad-Direttiva għat-titjib tas-sikurezza fit-toroq, il-faċilitazzjoni tal-moviment liberu u t-tnaqqis tal-possibbiltà ta’ frodi. Se teżamina wkoll il-progress tekniku, pereżempju fir-rigward tal-vetturi u d-diġitalizzazzjoni (il-liċenzji diġitali). |
|
Ekonomija li Taħdem għan-Nies |
||
|
34. |
Proposta għal regoli uniformi ta’ arrotondament (Segwitu tar-Rapport dwar l-iżviluppi riċenti rigward il-muniti tal-euro COM (2018) 787 final/2) * |
Evalwazzjoni tal-użu ta’ muniti ta’ ċenteżmu wieħed u żewġ ċenteżmi tal-euro u tal-possibbiltà li jiġu introdotti regoli komuni ta’ arrotondament. Proposta possibbli tintroduċi regoli komuni ta’ arrotondament biex jiġu indirizzati l-isfidi relatati mal-użu ta’ muniti ta’ ċenteżmu wieħed u żewġ ċenteżmi tal-euro (leġiżlazzjoni, inkluża l-valutazzjoni tal-impatt; l-Artikolu 133 TFUE, Q4 2021) |
|
35. |
Kontroll tal-Idoneità fuq ir-Rapportar Korporattiv Pubbliku mill-kumpaniji |
L-għan ta’ dan il-kontroll tal-idoneità huwa li jivvaluta jekk il-leġiżlazzjoni tal-UE dwar ir-rapportar regolari u pubbliku mill-kumpaniji għadux jissodisfa l-ħtieġa tal-partijiet ikkonċernati għal informazzjoni dwar l-attivitajiet, il-prestazzjoni, ir-riskji u l-impatti tal-kumpaniji. |
|
36. |
Evalwazzjoni tal-leġiżlazzjoni dwar il-kummerċ tal-prekursuri tad-droga |
Ir-Regolament (KE) Nru 273/2004 u r-Regolament (KE) Nru 111/2005 dwar il-prekursuri tad-droga se jiġu evalwati fid-dawl tal-objettiv tagħhom, li huwa li titwaqqaf sistema ta’ monitoraġġ u kontroll tal-kummerċ tal-prekursuri tad-droga biex tiġi evitata d-devjazzjoni tagħhom mill-katina tal-provvista legali għall-produzzjoni tad-droga illeċita. Apparti dawn iż-żewġ Regolamenti, l-evalwazzjoni se tkopri l-atti assoċjati tagħhom, ir-Regolament Delegat 2015/1011 u r-Regolament ta’ Implimentazzjoni 2015/1013. |
|
37. |
Evalwazzjoni tar-Regolament Nru 515/97 dwar għajnuna reċiproka f’materji doganali * |
Ir-Regolament Nru 515/97 jiżgura l-applikazzjoni korretta tal-leġiżlazzjoni doganali tal-UE. Mir-reviżjoni tar-Regolament Nru 515/97 tal-2015, ġew irreġistrati żviluppi ġodda (bħar-reġim ġdid ta’ protezzjoni tad-data, riskji ġodda ta' frodi). L-evalwazzjoni se tivvaluta l-funzjonament ġenerali tar-Regolament Nru 515/97 billi tagħmel użu wkoll minn konsultazzjoni mmirata. |
|
Ewropa aktar b’Saħħitha fid-Dinja |
||
|
38. |
Evalwazzjoni tal-pilastru kummerċjali ta’ sitt Ftehimiet ta’ Assoċjazzjoni tal-UE mal-pajjiżi EUROMED (it-Tuneżija, il-Marokk, l-Eġittu, il-Ġordan, l-Alġerija u l-Libanu) * |
Din l-evalwazzjoni tista’ tidentifika opportunitajiet biex jiġu standardizzati proċeduri bi tnaqqis potenzjali tal-kostijiet u tal-piż amministrattiv u simplifikazzjoni tal-proċessi. Barra minn hekk, dawn il-benefiċċji potenzjali jistgħu jintużaw fi kwalunkwe negozjar mill-ġdid ta’ dan il-ftehim fil-futur jew fin-negozjar tal-ftehimiet ma’ pajjiżi oħrajn. |
|
39. |
Evalwazzjoni tal-implimentazzjoni tal-Ftehim ta’ Sħubija Ekonomika UE-CARIFORUM * |
Din l-evalwazzjoni tista’ tidentifika opportunitajiet biex jiġu standardizzati proċeduri bi tnaqqis potenzjali tal-kostijiet u tal-piż amministrattiv u simplifikazzjoni tal-proċessi. Barra minn hekk, dawn il-benefiċċji potenzjali jistgħu jintużaw fi kwalunkwe negozjar mill-ġdid ta’ dan il-ftehim fil-futur jew fin-negozjar tal-ftehimiet ma’ pajjiżi oħrajn. |
|
40. |
Kummerċ Liberu mit-Torturi |
Rieżami tar-Regolament (KE) 2019/125(“Regolament kontra t-Tortura”) dwar il-kummerċ ta’ ċerti oġġetti li jistgħu jintużaw għall-piena kapitali, it-tortura jew trattament jew pieni krudili, inumani jew degradanti oħra.
|
|
Promozzjoni tal-Istil ta’ Ħajja Ewropew Tagħna |
||
|
41. |
Evalwazzjoni tar-Regolament (KE) Nru 1901/2006 dwar il-Pedjatrija u tar-Regolament (KE) Nru 141/2000 dwar il-Prodotti Mediċinali Orfni |
Din l-evalwazzjoni se tikkontribwixxi b’mod sinifikanti għall-istrateġija farmaċewtika futura tal-UE. Abbażi tal-evidenza disponibbli, l-evalwazzjoni tivvaluta l-punti b’saħħithom u d-dgħufijiet tar-Regolamenti dwar il-Prodotti Mediċinali Orfni u l-Użu Pedjatriku, kemm separatament kif ukoll flimkien. L-evalwazzjoni tiffoka, fost affarijiet oħra, fuq prodotti li jipprovdu għall-ħtiġijiet mediċi mhux issodisfati u fuq kif intużaw l-inċentivi pprovduti fil-leġiżlazzjoni attwali. |
|
Spinta Ġdida għad-demokrazija Ewropea |
||
|
42. |
Proposta tal-Kummissjoni għal rieżami tad-Direttiva 2008/48/KE dwar ftehim ta’ kreditu għall-konsumaturi * |
L-evalwazzjoni li għaddejja tad-Direttiva se tiffoka fuq il-progress li sar, il-kostijiet u l-benefiċċji tagħha. Se tiffoka wkoll fuq jekk l-objettivi u l-għodod oriġinali tad-Direttiva jikkorrispondux għall-ħtiġijiet attwali, fuq monitoraġġ ta’ kif id-Direttiva taħdem flimkien ma’ biċċiet oħra ta’ leġiżlazzjoni u jekk l-intervent tal-UE wassalx għal benefiċċju. Abbażi tal-eżitu tal-evalwazzjoni, ir-rieżami se jiżgura informazzjoni għall-konsumatur u fehim aħjar tal-krediti għall-konsumaturi, u jqis id-diġitalizzazzjoni fil-provvediment ta’ dawn il-prodotti. Għandu l-għan li jipprovdi protezzjoni aħjar għall-konsumaturi minn prattiki ta’ self irresponsabbli, partikolarment dawk mifruxa fuq l-internet. (leġiżlazzjoni, inkluż il-valutazzjoni tal-impatt, l-Artikolu 114 TFUE, Q2 2021) |
|
43. |
Proposta tal-Kummissjoni għal rieżami tad-Direttiva 2002/65/KE dwar it-tqegħid fis-suq b’distanza ta’ servizzi finanzjarji ta’ konsumaturi * |
L-evalwazzjoni li għaddejja se tivvaluta jekk intlaħqux l-objettivi oriġinali, kif qed tiffunzjona d-Direttiva minn perspettivi ta’ kostijiet/benefiċċji, tnaqqis tal-piż u simplifikazzjoni, u kif id-Direttiva taħdem flimkien ma’ leġiżlazzjoni oħra fil-qasam tas-servizzi finanzjarji għall-konsumatur, il-protezzjoni tal-konsumatur u l-protezzjoni tad-data. L-analiżi se tivvaluta jekk l-għodod tad-Direttiva jikkorrispondux għall-ħtiġijiet oriġinali u attwali u għall-valur miżjud tal-UE tagħha. Abbażi tal-eżitu tal-evalwazzjoni, ir-rieżami se jiżgura fehim aħjar tal-prodotti finanzjarji għall-konsumaturi u jqis id-diġitalizzazzjoni fil-provvediment ta’ dawn il-prodotti. Għandu l-għan li jipprovdi protezzjoni aħjar għall-konsumaturi minn prattiki ta’ self irresponsabbli, partikolarment dawk mifruxa fuq l-internet. (leġiżlazzjoni, inkluż il-valutazzjoni tal-impatt, l-Artikolu 114 TFUE, Q4 2021) |
|
44. |
Reviżjoni tad-Direttiva 2001/95/KE dwar is-Sigurtà Ġenerali tal-Prodotti
|
L-inizjattiva se tindirizza l-kwistjonijiet ta’ sigurtà tal-prodotti li jirriżultaw minn teknoloġiji ġodda; tindirizza l-ħtieġa għal aktar azzjonijiet konkreti dwar il-bejgħ online; taġġorna l-qafas legali ġenerali dwar is-sigurtà tal-prodotti; u fid-dawl tar-Regolament (UE) 2019/1020 il-ġdid dwar is-sorveljanza tas-suq u l-konformità tal-prodotti, timla l-lakuna eżistenti bejn il-prodotti armonizzati u dawk mhux armonizzati fir-rigward tas-sorveljanza tas-suq. Ir-reviżjoni ttejjeb ukoll l-effettività tas-sejħa lura ta’ prodotti mis-suq u l-kopertura ta’ riskji ġodda għas-sigurtà tal-prodotti. Għandha ssaħħaħ is-setgħat ta’ infurzar tal-Istati Membri, b’mod partikolari fir-rigward tal-kontrolli tal-importazzjoni. (leġiżlazzjoni, inkluż il-valutazzjoni tal-impatt, l-Artikolu 114 TFUE, Q2 2021) |
- (1) F’dan l-Anness il-Kummissjoni tipprovdi aktar informazzjoni, sakemm din tkun disponibbli, dwar l-inizjattivi inklużi fil-Programm ta’ Ħidma tagħha, f’konformità mal-Ftehim Interistituzzjonali dwar it-Tfassil Aħjar tal-Liġijiet. Din l-informazzjoni, li hija pprovduta f’parentesi taħt id-deskrizzjoni ta’ kull inizjattiva, hija biss indikattiva u soġġetta għal tibdil matul il-proċess ta’ tħejjija, b’mod partikolari bil-ħsieb tal-eżitu ta’ proċess ta’ valutazzjoni tal-impatt.
- (2) Filwaqt li l-kolonna “inizjattivi” fiha d-dati tal-adozzjoni ppjanati inizjali inklużi fil-Programm ta’ Ħidma tal-Kummissjoni tal-2020 kif adottat fid-29 ta’ Jannar 2020, din il-kolonna fiha l-ippjanar attwali, potenzjalment rivedut. Iż-żmien bil-korsiv jindika bidla, dak mhux bil-korsiv jindika li ż-żmien oriġinali ma nbidilx.
- (3) Dan l-anness jistabbilixxi r-reviżjonijiet, l-evalwazzjonijiet u l-Kontrolli tal-Idoneità l-aktar sinifikanti li se twettaq il-Kummissjoni, inkluż ix-xogħol ta’ evalwazzjoni biex isegwi l-Opinjonijiet tal-Pjattaforma REFIT. Dawn se jiġu finalizzati sa tmiem l-2020, għajr dawk l-inizjattivi mmarkati b’asterisk, li se jiġu finalizzati fi stadju aktar tard.
- (4) L-evalwazzjoni ġiet ippubblikata fl-20 ta’ Mejju 2020.
- (5) L-inizjattiva ġiet adottata fit-24 ta’ Marzu 2020.