IL-KUMMISSJONI EWROPEA

Brussell, 30.1.2019

COM(2019) 65 final

2019/0030(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jistipula d-dispożizzjonijiet għat-tkomplija tal-attivitajiet tal-mobbiltà għat-tagħlim li huma għaddejjin taħt il-programm Erasmus+ fil-kuntest tal-ħruġ tar-Renju Unit tal-Gran Brittanja u l-Irlanda ta’ Fuq (“ir-Renju Unit”) mill-Unjoni Ewropea

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Fid-29 ta’ Marzu 2017, ir-Renju Unit tal-Gran Brittanja u l-Irlanda ta’ Fuq (“ir-Renju Unit”) issottometta n-notifika tal-intenzjoni tiegħu li joħroġ mill-Unjoni skont l-Artikolu 50 tat-Trattat dwar l-Unjoni Ewropea. Dan ifisser li, jekk il-Ftehim dwar il-Ħruġ ma jiġix ratifikat, il-liġi primarja u sekondarja tal-Unjoni se tieqaf tapplika għar-Renju Unit mit-30 ta’ Marzu 2019 (“id-data tal-ħruġ”). Ir-Renju Unit imbagħad isir pajjiż terz.

Fit-13 ta’ Diċembru 2018, il-Kunsill Ewropew (l-Artikolu 50) tenna t-talba tiegħu biex tiġi intensifikata l-ħidma ta’ tħejjija fil-livelli kollha dwar il-konsegwenzi tal-ħruġ tar-Renju Unit, filwaqt li jitqiesu l-eżiti possibbli kollha. Dan l-att huwa parti minn pakkett ta’ miżuri li qed tadotta l-Kummissjoni bħala reazzjoni għal din it-talba.

Il-programm Erasmus+ huwa inizjattiva ewlenija tal-UE, probabbilment wieħed mill-aktar programmi ta’ suċċess tal-Unjoni Ewropea. Minn mindu beda 30 sena ilu, aktar minn disa’ miljuni żgħażagħ Ewropej setgħu jgħixu esperjenza ta’ mobbiltà għat-tagħlim barra minn pajjiżhom. Ħoloq ġenerazzjoni sħiħa ta’ nies li jidentifikaw ruħhom mal-Ewropa. Ġenerazzjoni ta’ nies b’moħħhom miftuħ, kunfidenti u b’setgħa, li jikkondividu l-valuri komuni tal-Ewropa u li qed jikkontribwixxu għall-bini tal-bażi tal-għarfien u tar-reżiljenza tal-ekonomija u tas-soċjetà tal-Ewropa.

Erasmus+ qed jappoġġa azzjonijiet fl-oqsma tal-edukazzjoni u t-taħriġ, taż-żgħażagħ u tal-isport. Jgħin lill-pajjiżi Ewropej biex jimmodernizzaw u jtejbu s-sistemi tal-edukazzjoni u tat-taħriġ tagħhom kif ukoll il-politiki dwar iż-żgħażagħ u l-isport tagħhom, filwaqt li jsaħħaħ ir-rwol tagħhom bħala motivaturi għat-tkabbir, l-impjieg, il-kompetittività, l-innovazzjoni u l-koeżjoni soċjali. Kull sena, il-programm jipprovdi opportunità lil kważi 800 000 ruħ biex jibbenefikaw mit-tagħlim jew mit-taħriġ barra minn pajjiżhom. L-attivitajiet tal-mobbiltà jistgħu jdumu sa 12-il xahar.

Il-programm huwa strument ewlieni għall-ħidma lejn Żona Ewropea tal-Edukazzjoni sal-2025, fejn iż-żgħażagħ jirċievu l-aħjar edukazzjoni u taħriġ, fejn it-tagħlim, l-istudju u r-riċerka ma jiġux imfixkla mill-fruntieri u fejn li tqatta’ ż-żmien fi Stat Membru ieħor - biex tistudja, biex titgħallem, jew biex taħdem - saret xi ħaġa normali. In-nies fiż-Żona Ewropea tal-Edukazzjoni għandhom sens qawwi tal-identità tagħhom bħala Ewropej, tal-wirt kulturali Ewropew u d-diversità tiegħu.

Meta r-Renju Unit tal-Gran Brittanja u l-Irlanda ta’ Fuq joħroġ mill-Unjoni Ewropea, se jkun hemm kważi 14 000 persuna li qed titgħallem mill-EU-27 (studenti u trainees fl-edukazzjoni għolja u fl-edukazzjoni u t-taħriġ vokazzjonali, studenti żgħażagħ, persunal edukattiv) fir-Renju Unit, u madwar 7 000 persuna li qed titgħallem mir-Renju Unit fl-EU-27.

Jekk il-Ftehim dwar il-Ħruġ ma jiġix ratifikat, il-parteċipanti attwali fl-Erasmus+ tal-EU-27 u tar-Renju Unit se jkollhom jinterrompu l-attivitajiet tagħhom tal-mobbiltà għat-tagħlim. Bosta studenti se jitilfu l-krediti akkademiċi tagħhom u forsi jkollhom jirrepetu s-semestru jew is-sena akkademika tagħhom. Dan se jkun impatt ta’ tfixkil sinifikanti għall-istudenti nnifishom kif ukoll għall-istituzzjonijiet li jibagħtu lill-istudenti u dawk li jospitawhom.

Din il-proposta għandha l-għan li tistabbilixxi miżuri ta’ kontinġenza biex jiġi evitat it-tfixkil tal-attivitajiet tal-mobbiltà għat-tagħlim tal-Erasmus+ li jinvolvu lir-Renju Unit meta dan tal-aħħar joħroġ mill-Unjoni Ewropea. Dawn il-miżuri se jiġu applikati lill-attivitajiet tal-mobbiltà għat-tagħlim tal-Erasmus+ li huma għaddejjin u li jkunu bdew qabel id-data li fiha t-Trattati jieqfu japplikaw għar-Renju Unit u fir-Renju Unit.

•Konsistenza mad-dispożizzjonijiet eżistenti fil-qasam ta’ politika

•Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Proporzjonalità

Il-proposta titqies proporzjonata minħabba li tipprevedi l-bidla legali meħtieġa u fl-istess ħin ma tmurx lil hinn minn dak li huwa meħtieġ biex tinkiseb it-tkomplija ordnata tal-azzjonijiet tal-mobbiltà li huma għaddejjin u li diġà kienu ngħataw fil-qafas tal-programm Erasmus+.

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

•Valutazzjoni tal-impatt

4.IMPLIKAZZJONI BAĠITITARJA

Jekk il-Ftehim dwar il-Ħruġ ma jiġix ratifikat, din il-proposta għandha l-għan li tiżgura t-tkomplija tal-attivitajiet tal-mobbiltà għat-tagħlim tal-Erasmus+ li huma għaddejjin u li jinvolvu lir-Renju Unit, mingħajr ma jiġu modifikati l-ammonti allokati lilhom u l-finanzjament tagħhom.

2019/0030 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jistipula d-dispożizzjonijiet għat-tkomplija tal-attivitajiet tal-mobbiltà għat-tagħlim li huma għaddejjin taħt il-programm Erasmus+ fil-kuntest tal-ħruġ tar-Renju Unit tal-Gran Brittanja u l-Irlanda ta’ Fuq (“ir-Renju Unit”) mill-Unjoni Ewropea

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 165(4) u 166(4) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 1 ,

Wara li kkunsidraw l-opinjoni tal-Kumitat tar-Reġjuni 2 ,

Filwaqt li jaġixxu skont il-proċedura leġiżlattiva ordinarja,

Billi:

(1)Fid-29 ta’ Marzu 2017, ir-Renju Unit issottometta n-notifika tal-intenzjoni tiegħu li joħroġ mill-Unjoni skont l-Artikolu 50 tat-Trattat dwar l-Unjoni Ewropea. It-Trattati se jieqfu japplikaw għar-Renju Unit mid-data tad-dħul fis-seħħ ta’ ftehim dwar il-ħruġ jew jekk dan ma jintlaħaqx, sentejn wara dik in-notifika, jiġifieri mit-30 ta’ Marzu 2019, sakemm il-Kunsill Ewropew, bi ftehim mar-Renju Unit, jiddeċiedi b’mod unanimu li jestendi dak il-perjodu.

(2)Il-ħruġ iseħħ matul il-perjodu ta’ programmazzjoni 2014-2020 tal-programm Erasmus+ li fih qed jipparteċipa r-Renju Unit.

(3)Ir-Regolament (UE) Nru 1288/2013 tal-Parlament Ewropew u tal-Kunsill 3 jirregola l-programm Erasmus+. Dan ir-Regolament jenħtieġ li jistipula r-regoli biex ikunu jistgħu jitkomplew l-impenji legali li diġà ttieħdu fir-rigward tal-attivitajiet tal-mobbiltà għat-tagħlim li huma għaddejjin u li jinvolvu lir-Renju Unit, wara l-ħruġ tiegħu mill-Unjoni skont ir-Regolament (UE) Nru 1288/2013.

(4)Mid-data li fiha jieqfu japplikaw it-Trattati, ir-Renju Unit jieqaf ikun parti mill-“parti taż-żona tal-programm marbuta mal-Unjoni” skont it-tifsira tal-Artikolu 24(1)(a) tar-Regolament (UE) Nru 1288/2013. Sabiex jiġi evitat li l-parteċipanti attwali tal-Erasmus+ ikollhom jinterrompu l-attivitajiet tagħhom tal-mobbiltà għat-tagħlim li huma għaddejjin, jenħtieġ li jiġu adattati r-regoli dwar l-eliġibbiltà tal-attivitajiet tal-mobbiltà għat-tagħlim li huma għaddejjin taħt il-programm l-Erasmus+.

(5)Għall-finijiet tat-tkomplija tal-finanzjament tal-attivitajiet tal-mobbiltà għat-tagħlim li huma għaddejjin mill-baġit tal-Unjoni, il-Kummissjoni u r-Renju Unit jenħtieġ li jiftiehmu biex jippermettu l-eżerċizzju tal-kontrolli u tal-awditjar tal-attivitajiet rispettivi. Jekk ma jkunux jistgħu jitwettqu l-kontrolli u l-awditjar meħtieġa, dan jenħtieġ li jitqies bħala defiċjenza serja fis-sistema ta’ ġestjoni u ta’ kontroll.

(6)Dan ir-Regolament jenħtieġ li jidħol fis-seħħ bħala kwistjoni ta’ urġenza u jenħtieġ li japplika mid-data wara dik li fiha jieqfu japplikaw it-Trattati għar-Renju Unit u fir-Renju Unit sakemm ma jkunx daħal fis-seħħ ftehim dwar il-ħruġ konkluż mar-Renju Unit sa dik id-data.

ADOTTAW DAN IR-REGOLAMENT:

Artikolu 1
Suġġett u kamp ta’ applikazzjoni

Dan ir-Regolament jistipula d-dispożizzjonijiet għat-tkomplija tal-attivitajiet tal-mobbiltà għat-tagħlim imsemmija fl-Artikoli 7 u 13 tar-Regolament (UE) Nru 1288/2013 li bdew l-aktar tard fid-data li fiha jieqfu japplikaw it-Trattati għar-Renju Unit u fir-Renju Unit.

Artikolu 2
Eliġibbiltà

1.L-attivitajiet imsemmija fl-Artikolu 1, li jitwettqu fir-Renju Unit jew li jinvolvu l-entitajiet jew il-parteċipanti mir-Renju Unit għandhom ikomplu jkunu eliġibbli.

2.Għall-iskop tal-applikazzjoni ta’ kwalunkwe dispożizzjoni oħra tar-Regolament (UE) Nru 1288/2013 u l-atti li jimplimentaw dak ir-Regolament meħtieġa biex jagħtu effett lill-paragrafu 1, ir-Renju Unit għandu jiġi trattat bħala Stat Membru, soġġett għad-dispożizzjonijiet ta’ dan ir-Regolament.

Madankollu, ir-rappreżentanti tar-Renju Unit ma għandhomx jipparteċipaw fil-kumitat imsemmi fl-Artikolu 36 tar-Regolament (UE) Nru 1288/2013.

Artikolu 3
Kontrolli u awditjar

L-applikazzjoni tar-regoli dwar il-kontrolli u l-awditjar tal-attivitajiet tal-mobbiltà għat-tagħlim imsemmijin fl-Artikolu 1 għandhom jiġu miftiehma bejn il-Kummissjoni u l-awtoritajiet tar-Renju Unit. Il-kontrolli u l-awditjar għandhom ikopru l-perjodu kollu tal-attivitajiet tal-mobbiltà għat-tagħlim u s-segwitu relatat.

Jekk il-kontrolli u l-awditjar tal-programm meħtieġa ma jkunux jistgħu jitwettqu fir-Renju Unit, dan għandu jikkostitwixxi defiċjenza serja fil-konformità mal-obbligi ewlenin fl-implimentazzjoni tal-impenn legali bejn il-Kummissjoni u l-aġenzija nazzjonali tar-Renju Unit.

Artikolu 4
Dħul fis-seħħ u applikazzjoni

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mid-data wara dik li fiha jieqfu japplikaw it-Trattati għar-Renju Unit u fir-Renju Unit skont l-Artikolu 50(3) tat-Trattat dwar l-Unjoni Ewropea.

Dan ir-Regolament għandu jorbot fl-intier tiegħu u għandu japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat(i)

1.3.Raġunijiet għall-proposta/għall-inizjattiva

1.3.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluż skeda ta’ żmien dettaljata għat-tnedija tal-implimentazzjoni tal-inizjattiva

1.3.2.Valur miżjud tal-involviment tal-Unjoni (jista’ jirriżulta minn fatturi differenti, eż. qligħ mill-koordinazzjoni, ċertezza tad-dritt, effettività akbar jew komplimentarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li kieku jkun ġie maħluq mill-Istati Membri waħedhom.

1.3.3.Tagħlimiet meħuda minn esperjenzi simili fl-imgħoddi

1.3.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.3.5.Valutazzjoni tal-opzjonijiet ta’ finanzjament differenti disponibbli, inkluż l-ambitu għar-riallokazzjoni

1.4.Durata u impatt finanzjarju tal-proposta/tal-inizjattiva

–X l-ebda impatt finanzjarju

1.5.Mod(i) ta’ ġestjoni ppjanat(i) 4

 Ġestjoni diretta mill-Kummissjoni

––  mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

––  mill-aġenziji eżekuttivi.

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni baġitarja:

– lill-pajjiżi terzi jew lill-korpi nnominati minnhom;

– lill-organizzazzjonijiet internazzjonali u lill-aġenziji tagħhom (iridu jiġu speċifikati);

– lill-BEI u lill-Fond Ewropew tal-Investiment;

– lill-korpi msemmija fl-Artikoli 70 u 71 tar-Regolament Finanzjarju;

– lill-korpi tal-liġi pubblika;

– lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

– lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

– lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima "Kummenti".

Kummenti:

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

Speċifika l-frekwenza u l-kundizzjonijiet.

2.2.Sistema/sistemi ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, il-mekkaniżmu/mekkaniżmi għall-implimentazzjoni tal-finanzjament, il-modalitajiet ta’ ħlas u l-istrateġija ta’ kontroll proposti

2.2.2.Informazzjoni dwar ir-riskji identifikati u s-sistema/sistemii ta’ kontroll intern stabbilita/stabbiliti għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/intestaturi tal-qafas finanzjarju pluriennali u linja/linji baġitarjabaġitarji tan-nefqa affettwati

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta dwar l-approprjazzjonijiet

3.2.1Sommarju tal-impatt stmat fuq l-approprjazzjonijiet operazzjonali 

–◻    Dan ir-Regolament ma għandu l-ebda impatt finanzjarju.

–◻    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

 Jekk il-proposta/l-inizjattiva taffettwata iżjed minn intestatura operazzjonali waħda, irrepeti t-taqsima ta’ hawn fuq: 

Din it-taqsima għandha timtela bl-użu tad-“data baġitarja ta’ natura amministrattiva” li qabel kollox trid tiġi introdotta fl- Anness tad-Dikjarazzjoni   Finanzjarja Leġiżlattiva   (l-Anness V tar-regoli interni), li jittella’ fid-DECIDE għal finijiet ta’ konsultazzjoni bejn is-servizzi.

miljuni ta’ EUR (aġġustati ’l fuq għal tliet pożizzjonijiet deċimali)

miljuni ta’ EUR (aġġustati ’l fuq għal tliet pożizzjonijiet deċimali)

3.2.2Output stmat iffinanzjat b’approprjazzjonijiet operazzjonali

Approprjazzjonijiet ta’ impenn f’miljuni ta’ EUR (aġġustati ’l fuq għal tliet pożizzjonijiet deċimali)

3.2.3Sommarju tal-impatt stmat fuq l-approprjazzjonijiet amministrattivi

– Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

– Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (aġġustati ’l fuq għal tliet pożizzjonijiet deċimali)

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.3.1. Rekwiżiti stmati ta’ riżorsi umani

– Il-proposta/l-inizjattiva ma teħtieġx l-użu ta’ riżorsi umani.

– Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

3.2.4. Kompatibbiltà mal-qafas finanzjarju pluriennali attwali

Il-proposta/l-inizjattiva:

X tista’ tiġi ffinanzjata bis-sħiħ fi ħdan l-intestatura rilevanti tal-Qafas Finanzjarju Pluriennali (QFP).

 tirrikjedi l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP.

 tirrikjedi reviżjoni tal-QFP.

3.2.5. Kontribuzzjonijiet ta’ partijiet terzi

Il-proposta/l-inizjattiva:

X ma tipprevedix kofinanzjament minn partijiet terzi

tipprevedi kofinanzjament minn partijiet terzi stmat hawn taħt:

Approprjazzjonijiet f’EUR

3.3. Impatt stmat fuq id-dħul

–X Il-proposta/l-inizjattiva ma għandha l-ebda impatt finanzjarju fuq id-dħul.

–◻Il-proposta/l-inizjattiva għandha l-impatt finanzjarju li ġej:

–     fuq ir-riżorsi proprji

–     fuq dħul ieħor

–jekk jogħġbok indika, jekk id-dħul huwa assenjat għal-linji tan-nefqa X

EUR

Għad-dħul assenjat, speċifika il-linja/linji baġitarja/baġitarji tan-nefqa affettwata/affettwati.

Rimarki oħra (eż. il-metodu/il-formula li ntużaw għall-kalkolu tal-impatt fuq id-dħul jew kalunkwe informazzjoni oħra).

(1)    […]

(2)    […]

(3)    Ir-Regolament (UE) Nru 1288/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi ‘Erasmus+’: il-programm tal-Unjoni għall-edukazzjoni, taħriġ, żgħażagħ u sport u li jħassar id-Deċiżjonijiet Nru 1719/2006/KE, Nru 1720/2006/KE u Nru 1298/2008/KE (ĠU L 347, 20.12.2013, p. 50).

(4)

Id-dettalji tal-modi ta’ ġestjoni u r-referenzi għar-Regolament Finanzjarju jistgħu jinsabu fuq is-sit BudgWeb: https://myintracomm.ec.europa.eu/budgweb/EN/man/budgmanag/Pages/budgmanag.aspx  

(5)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.    

(6)    EFTA: Assoċjazzjoni Ewropea tal-Kummerċ Ħieles.

(7)    Pajjiżi kandidati u, meta jkun applikabbli, pajjiżi kandidati potenzjali mill-Balkani tal-Punent.

(8)

 Is-Sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħġbok issostitwixxi “N” bl-ewwel sena ta’ implimentazzjoni mistennija (pereżempju: 2021). L-istess għas-snin sussegwenti.

(9)

L-outputs huma l-prodotti u s-servizzi li jridu jiġu fornuti (pereż.: l-għadd ta’ skambji ta’ studenti ffinanzjati, l-għadd ta’ km ta’ toroq mibnija, eċċ.).

(10)

Kif deskritt fil-punt 1.4.2. “Objettiv(i) speċifiku/speċifiċi…”

(11)

 Is-Sena N hija s-sena li fiha tibda l-implimentazzjoni tal-proposta/tal-inizjattiva. Jekk jogħġbok issostitwixxi “N” bl-ewwel sena ta’ implimentazzjoni mistennija (pereżempju: 2021). L-istess għas-snin sussegwenti.

(12)  Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(13)

AC = Aġenti Kuntrattwali; AL = Persunal Lokali; END= Espert Nazzjonali Sekondat; INT = persunal tal-aġenziji; JED = Espert Żagħżugħ fid-Delegazzjonijiet.

(14)

Sottolimitu għall-persunal estern kopert minn approprjazzjonijiet operazzjonali (li qabel kienu l-linji “BA”).