IL-KUMMISSJONI EWROPEA

Brussell, 13.6.2018

COM(2018) 478 final

2017/0351(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istabbiliment ta’ qafas għall-interoperabbiltà bejn is-sistemi ta’ informazzjoni tal-UE (fruntieri u viża) u li jemenda id-Deċiżjoni tal-Kunsill 2004/512/KE, ir-Regolament (KE) Nru 767/2008, id-Deċiżjoni tal-Kunsill 2008/633/ĠAI, ir-Regolament (UE) 2016/399, ir-Regolament (UE) 2017/2226, ir-Regolament (UE) 2018/XX [ir-Regolament dwar l-ETIAS], ir-Regolament (UE) 2018/XX [ir-Regolament dwar is-SIS fil-qasam tal-kontrolli fil-fruntiera] u r-Regolament (UE) Nru 2018/XX [ir-Regolament eu-LISA]

{SWD(2017) 473 final}
{SWD(2017) 474 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Sfond tal-proposta

Fl-aħħar tliet snin, l-UE esperjenzat żieda fil-qsim mhux awtorizzat tal-fruntieri fl-UE, u theddida kontinwa li qed tevolvi għas-sigurtà interna kif muri minn sensiela ta’ attakki terroristiċi. Iċ-ċittadini tal-UE jistennew li l-kontrolli fil-fruntieri esterni fuq il-persuni, u l-verifiki fi ħdan iż-żona Schengen, ikunu effettivi, għall-ġestjoni effettiva tal-migrazzjoni u biex dawn jikkontribwixxu għas-sigurtà interna. Dawn l-isfidi xeħtu enfasi akbar fuq il-ħtieġa urġenti li jingħaqdu u jissaħħu b’mod komprensiv l-għodod ta’ informazzjoni tal-UE għall-ġestjoni tal-fruntieri, għall-migrazzjoni u għas-sigurtà.

Il-ġestjoni tal-informazzjoni fl-UE tista’ u trid issir aktar effettiva u effiċjenti, bir-rispett sħiħ tad-drittijiet fundamentali inkluż, b’mod partikolari, id-dritt għall-protezzjoni ta’ data personali, biex ikunu protetti aħjar il-fruntieri esterni tal-UE, tittejjeb il-ġestjoni tal-migrazzjoni u tissaħħaħ is-sigurtà interna għall-benefiċċju taċ-ċittadini kollha. Diġà hemm numru ta’ sistemi ta’ informazzjoni fil-livell tal-UE, u qed jiġu żviluppati aktar sistemi, biex il-gwardji tal-fruntiera, l-uffiċjali tal-immigrazzjoni u l-uffiċjali ta’ infurzar tal-liġi jiġu pprovduti b’informazzjoni relevanti dwar il-persuni. Biex dan l-appoġġ ikun effettiv, l-informazzjoni pprovduta mis-sistemi ta’ informazzjoni trid tkun kompluta, preċiża u affidabbli. Madankollu, hemm nuqqasijiet strutturali fl-arkitettura tal-UE tal-ġestjoni tal-informazzjoni. L-awtoritajiet nazzjonali jaffaċċjaw xenarju kumpless ta’ sistemi ta’ informazzjoni ġestiti b’mod differenti minn xulxin. Barra minn hekk, l-arkitettura tal-ġestjoni tad-data għall-fruntieri u għas-sigurtà hi frammentata, peress li l-informazzjoni tinħażen b’mod separat f’sistemi mhux konnessi. Dan joħloq lakuni. Konsegwentement, id-diversi sistemi ta’ informazzjoni fil-livell tal-UE bħalissa mhumiex interoperabbli — jiġifieri, mhumiex kapaċi jiskambjaw data u jaqsmu informazzjoni biex l-awtoritajiet u l-uffiċjali kompetenti jkollhom l-informazzjoni li jeħtieġu, meta u fejn jeħtiġuha. L-interoperabbiltà tas-sistemi ta’ informazzjoni fil-livell tal-UE tista’ tikkontribwixxi b’mod sinifikanti biex jiġu eliminati l-lakuni kurrenti li bihom il-persuni, inklużi dawk li possibilment ikunu involuti f’attivitajiet terroristiċi, ikunu jistgħu jiġu rreġistrati f’bażijiet ta’ data mhux konnessi bi psewdonimi differenti.

F’April 2016, il-Kummissjoni ppreżentat Komunikazzjoni Sistemi ta’ Informazzjoni aktar b’saħħithom u aktar intelliġenti għall-Fruntieri u s-Sigurtà 2 biex tindirizza numru ta’ nuqqasijiet strutturali relatati mas-sistemi ta’ informazzjoni 3 . L-għan tal-Komunikazzjoni ta’ April 2016 kien li tniedi diskussjoni dwar kif is-sistemi ta’ informazzjoni fl-Unjoni Ewropea jistgħu jtejbu l-ġestjoni tal-fruntieri u tal-migrazzjoni u s-sigurtà interna. Il-Kunsill, min-naħa tiegħu, irrikonoxxa b’mod simili l-ħtieġa urġenti għal azzjoni f’dan il-qasam. F’Ġunju 2016, dan approva pjan direzzjonali għat-tisħiħ tal-iskambju ta’ informazzjoni u għall-ġestjoni tal-informazzjoni inklużi soluzzjonijiet ta’ interoperabbiltà fil-qasam tal-Ġustizzja u l-Affarijiet Interni 4 . L-iskop tal-pjan direzzjonali kien li jappoġġja l-investigazzjonijiet operazzjonali u li jipprovdi minnufih lill-prattikanti li jeħtiġuha l-aktar — bħal uffiċjali tal-pulizija, gwardji tal-fruntiera, prosekuturi pubbliċi, uffiċjali tal-immigrazzjoni u oħrajn — informazzjoni komprensiva, relevanti u ta’ kwalità għolja biex jikkooperaw u jaġixxu b’mod effettiv. Il-Parlament Ewropew ukoll talab azzjoni urġenti f’dan il-qasam. Fir-Riżoluzzjoni tiegħu ta’ Lulju tal-2016 5 dwar il-programm ta’ ħidma tal-Kummissjoni għall-2017, il-Parlament Ewropew sejjaħ għal “proposti għat-titjib u l-iżvilupp tas-sistemi ta’ informazzjoni eżistenti, tindirizza l-lakuni ta’ informazzjoni u timxi lejn l-interoperabbiltà, kif ukoll proposti għall-kondiviżjoni obbligatorja ta’ informazzjoni fil-livell tal-UE, flimkien ma’ salvagwardji neċessarji għall-ħarsien tal-informazzjoni”. Id-diskors tal-President Juncker dwar l-Istat tal-Unjoni f’Settembru 2016 6 u l-konklużjonijiet tal-Kunsill Ewropew ta’ Diċembru 2016 7 enfasizzaw l-importanza li jingħelbu n-nuqqasijiet attwali fil-ġestjoni tad-data u li tittejjeb l-interoperabbiltà tas-sistemi ta’ informazzjoni eżistenti.

F’Ġunju 2016, bħala segwitu għall-Komunikazzjoni ta’ April 2016, il-Kummissjoni waqqfet grupp ta’ esperti ta’ livell għoli dwar is-sistemi ta’ informazzjoni u l-interoperabbiltà 8 biex dan jindirizza l-isfidi legali, tekniċi u operazzjonali tat-tisħiħ tal-interoperabbiltà bejn is-sistemi ċentrali tal-UE għall-fruntieri u għas-sigurtà, inklużi n-neċessità, il-fattibbiltà teknika, il-proporzjonalità u l-implikazzjonijiet għall-protezzjoni tad-data ta’ dawn. Ir-rapport finali tal-grupp ta’ esperti ta’ livell għoli ġie ppubblikat f’Mejju 2017 9 . Dan stabbilixxa medda ta’ rakkomandazzjonijiet biex jissaħħu u jiġu żviluppati s-sistemi ta’ informazzjoni tal-UE u l-interoperabbiltà tagħhom. L-Aġenzija tal-UE għad-Drittijiet Fundamentali, il-Kontrollur Ewropew għall-Protezzjoni tad-Data u l-Koordinatur tal-UE għall-Ġlieda Kontra t-Terroriżmu lkoll ħadu sehem b’mod attiv fil-ħidma tal-grupp ta’ esperti. Dawn ilkoll issottomettew dikjarazzjonijiet ta’ sostenn, filwaqt li għarfu li biex isir progress hemm bżonn li jiġu indirizzati kwistjonijiet usa’ dwar id-drittijiet fundamentali u l-protezzjoni tad-data. Ir-rappreżentanti tas-Segretarjat tal-Kumitat tal-Parlament Ewropew għal-Libertajiet Ċivili, il-Ġustizzja u l-Affarijiet Interni u tas-Segretarjat Ġenerali tal-Kunsill attendew bħala osservaturi. Il-grupp ta’ esperti ta’ livell għoli kkonkluda li l-ħidma favur soluzzjonijiet prattiċi għall-interoperabbiltà hi neċessarja u teknikament fattibbli u li, fil-prinċipju, hu possibbli li dawn jiksbu kemm titjib operazzjonali filwaqt li fl-istess ħin ikunu konformi mar-rekwiżiti relatati mal-protezzjoni tad-data.

Filwaqt li bniet fuq ir-rapport u r-rakkomandazzjonijiet tal-grupp ta’ esperti, fis-Seba’ rapport ta’ progress lejn Unjoni ta’ Sigurtà effettiva u ġenwina, 10 il-Kummissjoni stabbilixxiet approċċ ġdid għall-ġestjoni tad-data għall-ġestjoni tal-fruntieri, tas-sigurtà u tal-migrazzjoni fejn is-sistemi ta’ informazzjoni ċċentralizzati kollha tal-UE għall-ġestjoni tas-sigurtà, tal-fruntieri u tal-migrazzjoni jkunu interoperabbli filwaqt li jirrispettaw bis-sħiħ id-drittijiet fundamentali. Il-Kummissjoni ħabbret l-intenzjoni tagħha li tkompli taħdem lejn il-ħolqien ta’ portal Ewropew tat-tfittxija li kapaċi jsib informazzjoni fl-istess ħin mis-sistemi relevanti kollha tal-UE fl-oqsma tal-ġestjoni tas-sigurtà, tal-fruntieri u tal-migrazzjoni, possibbilment b’regoli aktar issimplifikati għall-aċċess għall-infurzar tal-liġi, u biex għal dawn is-sistemi jiġu żviluppati servizz kondiviż ta’ tqabbil bijometriku (possibilment b’funzjonalità ta’ indikazzjoni tal-hits 11 ) u repożitorju komuni ta’ informazzjoni dwar l-identità għal dawn is-sistemi. Hi ħabbret l-intenzjoni tagħha li tippreżenta, mill-aktar fis possibbli, proposta leġiżlattiva dwar l-interoperabbiltà.

Il-konklużjonijiet tal-Kunsill Ewropew ta’ Ġunju 2017 12 tennew il-ħtieġa li tittieħed azzjoni. Filwaqt li bena fuq il-konklużjonijiet ta’ Ġunju 2017 13 tal-Kunsill Ġustizzja u Affarijiet Interni, il-Kunsill Ewropew stieden lill-Kummissjoni biex din tħejji, mill-aktar fis possibbli, abbozz ta’ leġiżlazzjoni li tippromulga r-rakkomandazzjonijiet magħmula mill-grupp ta’ esperti ta’ livell għoli. Din l-inizjattiva twieġeb ukoll għas-sejħa tal-Kunsill għal qafas komprensiv għall-aċċess għall-infurzar tal-liġi għad-diversi bażijiet ta’ data fil-qasam tal-ġustizzja u tal-affarijiet interni, bl-għan li jinkisbu simplifikazzjoni, konsistenza, effikaċja u attenzjoni akbar għall-ħtiġijiet operazzjonali 14 . Biex jissaħħu l-isforzi biex l-Unjoni Ewropea ssir soċjetà aktar sikura, b’rispett sħiħ tad-drittijiet fundamentali, il-Kummissjoni, fil-kuntest tal-Programm ta’ Ħidma tal-2018 15 tagħha, ħabbret proposta dwar l-interoperabbiltà tas-sistemi ta’ informazzjoni li għandha tiġi ppreżentata sa tmiem l-2017.

•Objettivi tal-proposta

L-objettivi ġenerali ta’ din l-inizjattiva jirriżultaw mill-għanijiet ibbażati fuq it-Trattati ta’ titjib tal-ġestjoni tal-fruntieri esterni ta’ Schengen u ta’ kontribuzzjoni għas-sigurtà interna tal-Unjoni Ewropea. Dawn jirriżultaw ukoll mid-deċiżjonijiet relatati mal-politika tal-Kummissjoni u mill-Konklużjonijiet relevanti tal-Kunsill (Ewropew). Dawn l-objettivi huma elaborati b’mod ulterjuri fl-Aġenda Ewropea dwar il-Migrazzjoni u fil-komunikazzjonijiet sussegwenti, inklużi l-Komunikazzjoni dwar l-ippreservar u t-tisħiħ ta’ Schengen 16 , l-Aġenda Ewropea dwar is-Sigurtà 17 u r-rapporti ta’ ħidma u ta’ progress tal-Kummissjoni biex titwitta t-triq lejn Unjoni ta’ Sigurtà effettiva u ġenwina 18 .

Filwaqt li jibnu b’mod partikolari fuq il-Komunikazzjoni ta’ April 2016 u fuq is-sejbiet tal-grupp ta’ esperti ta’ livell għoli, l-objettivi ta’ din il-proposta huma marbuta mill-qrib ma’ dawn imsemmija hawn fuq.

L-objettivi speċifiċi ta’ din il-proposta huma li:

(1)tiżgura li l-utenti finali, b’mod partikolari l-gwardji tal-fruntiera, l-uffiċjali tal-infurzar tal-liġi, l-uffiċjali tal-immigrazzjoni u l-awtoritajiet ġudizzjarji jkollhom aċċess veloċi, mingħajr intoppi, sistematiku u kkontrollat għall-informazzjoni li jeħtieġu biex iwettqu l-kompiti tagħhom;

(2)tipprovdi soluzzjoni għad-detezzjoni ta’ identitajiet multipli marbuta mal-istess sett ta’ data bijometrika, bl-iskop doppju ta’ żgurar tal-identifikazzjoni korretta ta’ persuni in bona fede u tal-ġlieda kontra l-frodi tal-identità;

(3)tiffaċilita l-verifiki tal-identità ta’ ċittadini ta’ pajjiżi terzi, fit-territorju ta’ Stat Membru, mill-awtoritajiet tal-pulizija; kif ukoll

(4)tiffaċilita u tirrazzjonalizza l-aċċess mill-awtoritajiet tal-infurzar tal-liġi għal sistemi ta’ informazzjoni mhux ta’ infurzar tal-liġi fil-livell tal-UE, fejn dan ikun meħtieġ għall-prevenzjoni, għall-investigazzjoni, għad-detezzjoni jew għall-prosekuzzjoni ta’ kriminalità serja u ta’ terroriżmu.

Minbarra dawn l-objettivi operazzjonali primarji, din il-proposta se tikkontribwixxi wkoll biex:

·tiffaċilita l-implimentazzjoni teknika u operazzjonali mill-Istati Membri tas-sistemi ta’ informazzjoni eżistenti u dawk ġodda fil-ġejjieni;

·issaħħaħ u tissimplifika l-kundizzjonijiet relatati mas-sigurtà tad-data u mal-protezzjoni tad-data li jirregolaw is-sistemi rispettivi; kif ukoll

·ittejjeb u tarmonizza r-rekwiżiti relatati mal-kwalità tad-data tas-sistemi rispettivi.

Finalment, din il-proposta tinkludi dispożizzjonijiet għall-istabbiliment u għall-governanza tal-Format Universali ta’ Messaġġ (UMF Universal Message Format) bħala standard tal-UE għall-iżvilupp ta’ sistemi ta’ informazzjoni fil-qasam tal-ġustizzja u tal-affarijiet interni, u għall-istabbiliment ta’ repożitorju ċentrali għar-rapportar u għall-istatistiki.

•Kamp ta’ applikazzjoni tal-proposta

Flimkien mal-proposta assoċjata tagħha ppreżentata fl-istess jum, din il-proposta dwar l-interoperabbiltà tiffoka fuq is-sistemi ta’ informazzjoni tal-UE għall-ġestjoni tas-sigurtà, tal-fruntieri u tal-migrazzjoni li huma operati fil-livell ċentrali, li tlieta minnhom diġà huma eżistenti, waħda daqt se tibda tiġi żviluppata, u tnejn oħra fl-istadju ta’ proposti li qed jiġu diskussi bejn il-koleġiżlaturi. Kull sistema għandha l-objettivi, l-iskopijiet, il-bażijiet ġuridiċi, ir-regoli, il-gruppi ta’ utenti u l-kuntest istituzzjonali tagħha.

It-tliet sistemi ta’ informazzjoni ċċentralizzati eżistenti s’issa huma:

·is-Sistema ta’ Informazzjoni ta’ Schengen (SIS – Schengen Information System) bi spettru wiesa’ ta’ allerti dwar il-persuni (rifjuti ta’ dħul jew ta’ soġġorn, mandat ta’ arrest Ewropew, persuni niqsin, assistenza għall-proċedura ġudizzjarja, kontrolli diskreti u speċifiċi) u l-oġġetti (inklużi identità jew dokumenti tal-ivvjaġġar mitlufin, misruqin u invalidati) 19 ;

·is-sistema Eurodac b’data dattiloskopika tal-applikanti għall-ażil u ta’ ċittadini ta’ pajjiżi terzi li jkunu qasmu l-fruntieri esterni b’mod mhux awtorizzat jew li qed joqogħdu fi Stat Membru b’mod illegali; kif ukoll

·is-Sistema ta’ Informazzjoni dwar il-Viża (VIS – Visa Information System) b’data dwar viżi għal żmien qasir.

Minbarra dawn is-sistemi eżistenti, fl-2016-2017 il-Kummissjoni pproponiet tliet sistemi ta’ informazzjoni ċċentralizzati ġodda tal-UE:

·is-Sistema ta’ Dħul/Ħruġ (EES – Entry/Exit system), li għaliha għadha kif ġiet miftiehma l-bażi ġuridika, li se tieħu post is-sistema kurrenti ta’ ttimbrar manwali tal-passaporti u se tirreġistra b’mod elettroniku l-isem, it-tip ta’ dokument tal-ivvjaġġar, il-bijometrija u d-data u l-post tad-dħul u tal-ħruġ ta’ ċittadini ta’ pajjiżi terzi li jżuru ż-żona Schengen għal żmien qasir;

·is-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS - European Travel Information and Authorisation System) li ġiet proposta u li, ladarba tiġi adottata, tkun sistema primarjament awtomatizzata li tkun tiġbor u tivverifika l-informazzjoni sottomessa minn ċittadini ta’ pajjiżi terzi eżentati mill-viża qabel ma jivvjaġġaw lejn iż-żona Schengen; kif ukoll

·is-Sistema Ewropea ta’ Informazzjoni ta’ Rekords Kriminali għal ċittadini ta’ pajjiżi terzi (sistema ECRIS-TCN - European Criminal Record Information System for third-country nationals) li ġiet proposta u li tkun sistema elettronika għall-iskambju ta’ informazzjoni dwar il-kundanni preċedenti kontra ċittadini ta’ pajjiżi terzi maħruġa minn qrati kriminali fl-UE.

Dawn is-sitt sistemi huma kumplimentari u — bl-eċċezzjoni tas-Sistema ta’ Informazzjoni ta’ Schengen (SIS) — huma ffokati b’mod esklużiv fuq ċittadini ta’ pajjiżi terzi. Is-sistemi jappoġġjaw lill-awtoritajiet nazzjonali fil-ġestjoni tal-fruntieri, tal-migrazzjoni, tal-ipproċessar tal-viżi u tal-ażil, u fil-ġlieda kontra l-kriminalità u t-terroriżmu. Din tal-aħħar tapplika b’mod partikolari għas-SIS, li hi l-aktar strument użat spiss illum għall-qsim ta’ informazzjoni għall-infurzar tal-liġi.

Minbarra dawn is-sistemi ta’ informazzjoni, li huma mmaniġġjati b’mod ċentrali fil-livell tal-UE, il-kamp ta’ applikazzjoni ta’ din il-proposta jinkludi wkoll il-bażi ta’ data tal-Interpol ta’ Dokumenti tal-Ivvjaġġar Misruqin u Mitlufin (SLTD (Stolen and Lost Travel Documents)), li skont id-dispożizzjonijiet tal-Kodiċi tal-Fruntieri ta’ Schengen titfittex b’mod sistematiku fil-fruntieri esterni tal-UE, u l-bażi ta’ data tal-Interpol ta’ Dokumenti tal-Ivvjaġġar Assoċjati ma’ Avviżi (TDAWN (Travel Documents Associated with Notices)). Din tkopri wkoll id-data tal-Europol, sa fejn din tkun relevanti għall-funzjonament tas-sistema proposta tal-ETIAS u għall-assistenza lill-Istati Membri meta jfittxu data dwar reati serji u terroriżmu.

Sistemi ta’ informazzjoni nazzjonali u sistemi ta’ informazzjoni deċentralizzati tal-UE jaqgħu barra mill-kamp ta’ applikazzjoni ta’ din l-inizjativa. Dment li tintwera n-neċessità, sistemi deċentralizzati bħal dawk operati skont il-qafas ta’ Prüm 20 , id-Direttiva dwar ir-Reġistru tal-Ismijiet tal-Passiġġieri (PNR – Passenger Name Record) 21 u d-Direttiva dwar l-Informazzjoni Antiċipata dwar il-Passiġġieri 22 jistgħu jiġu llinkjati fi stadju aktar tard ma’ komponent wieħed jew aktar minn fost dawk proposti f’din l-inizjattiva 23 .

Biex tirrispetta d-distinzjoni bejn il-kwistjonijiet li jikkostitwixxu żvilupp tal-acquis ta’ Schengen rigward il-fruntieri u l-viża, minn naħa, u sistemi oħra li jikkonċernaw l-acquis ta’ Schengen dwar il-kooperazzjoni tal-pulizija jew li mhumiex relatati mal-acquis ta’ Schengen, min-naħa l-oħra, din il-proposta tindirizza l-aċċess għas-Sistema ta’ Informazzjoni dwar il-Viża, is-Sistema ta’ Informazzjoni ta’ Schengen kif irregolata bħalissa mir-Regolament (KE) Nru 1987/2006, is-Sistema ta’ Dħul u Ħruġ u s-Sistema Ewropea ta’ Informazzjoni u ta’ Awtorizzazzjoni għall-Ivvjaġġar.

•Il-komponenti tekniċi neċessarji biex tinkiseb l-interoperabbiltà

Biex jinkisbu l-objettivi ta’ din il-proposta, iridu jiġu stabbiliti erba’ komponenti tal-interoperabbiltà:

·Portal Ewropew tat-tfittxija — ESP (European Search Portal)

·Servizz kondiviż ta’ tqabbil bijometriku — BMS (Biometric matching service) kondiviż

·Repożitorju komuni ta’ informazzjoni dwar l-identità — CIR (Common identity repository)

·Detettur ta’ identitajiet multipli — MID (Multiple-identity detector)

Kull wieħed minn dawn il-komponenti hu deskritt f’dettall fid-Dokument ta’ Ħidma tal-Persunal tal-Kummissjoni dwar il-valutazzjoni tal-impatt li jakkumpanja din il-proposta.

L-erba’ komponenti flimkien iwasslu għas-soluzzjoni li ġejja għall-interoperabbiltà:

L-objettivi u l-funzjonament ta’ dawn l-erba’ komponenti jistgħu jinġabru fil-qosor kif ġej:

(1)    Il-portal Ewropew tat-tfittxija (ESP) hu l-komponent li jkun jippermetti t-tfittix simultanju f’diversi sistemi (SIS Ċentrali, Eurodac, VIS, l-EES futura, u s-sistemi proposti tal-ETIAS u tal-ECRIS-TCN, kif ukoll is-sistemi relevanti tal-Interpol u d-data tal-Europol) billi tintuża data tal-identità (kemm bijografika kif ukoll bijometrika). Dan ikun jiżgura li l-utenti tas-sistemi ta’ informazzjoni tal-UE jkollhom aċċess veloċi, mingħajr intoppi, effiċjenti, sistematiku u kkontrollat għall-informazzjoni kollha li jeħtieġu biex iwettqu xogħolhom.

Tfittxija permezz tal-portal Ewropew tat-tfittxija dlonk, f’temp ta’ sekondi, tagħti informazzjoni mid-diversi sistemi li għalihom l-utent ikollu aċċess legali. Skont l-iskop tat-tfittxija, u d-drittijiet tal-aċċess korrispondenti, l-ESP ikun ipprovdut f’konfigurazzjonijiet speċifiċi.

L-ESP ma jipproċessax xi data ġdida, u ma jaħżen ebda data; ikun jaġixxi bħala punt uniku jew “intermedjarju tal-messaġġi” għal diversi sistemi ċentrali u jsib l-informazzjoni neċessarja mingħajr intoppi, u jkun jagħmel dan b’rispett sħiħ tar-rekwiżiti relatati mal-kontroll tal-aċċess u mal-protezzjoni tad-data tas-sistemi sottostanti. L-ESP ikun jiffaċilita l-użu korrett u awtorizzat ta’ kull waħda mis-sistemi ta’ informazzjoni eżistenti tal-UE, u jkun jagħmilha eħfef u orħos biex l-Istati Membri jikkonsultaw u jużaw is-sistemi, f’konformità mal-istrumenti legali li jirregolaw dawn is-sistemi.

(2)    Is-servizz kondiviż ta’ tqabbil bijometriku (BMS kondiviż) ikun jippermetti li jsiru domandi u paraguni tad-data bijometrika (marki tas-swaba’ u immaġnijiet tal-wiċċ) minn diversi sistemi ċentrali (b’mod partikolari s-SIS, il-Eurodac, il-VIS, l-EES futura u s-sistema proposta tal-ECRIS-TCN). L-ETIAS proposta mhux se jkun fiha data bijometrika u, għalhekk, ma tkunx illinkjata mal-BMS kondiviż.

Meta kull sistema ċentrali eżistenti (SIS, Eurodac, VIS) bħalissa jkollha magna tat-tiftix iddedikata u proprjetarja għad-data bijometrika 24 , servizz kondiviż ta’ tqabbil bijometriku jkun jipprovdi pjattaforma komuni fejn id-data titfittex u titqabbel b’mod simultanju. Il-BMS kondiviż ikun jiġġenera benefiċċji sostanzjali f’termini ta’ sigurtà, ta’ kost, ta’ manutenzjoni u ta’ tħaddim billi jibbaża fuq komponent teknoloġiku uniku minflok ħamsa differenti. Id-data bijometrika (marki tas-swaba’ u immaġnijiet tal-wiċċ) jinżammu b’mod esklużiv mis-sistemi sottostanti. Il-BMS kondiviż ikun joħloq u jżomm rappreżentazzjoni matematika tal-kampjuni bijometriċi (mudell) iżda jarmi d-data propja, li b’hekk tibqa’ maħżuna f’post wieħed, darba biss.

Il-BMS kondiviż ikun għodda importanti li tgħin fid-detezzjoni ta’ konnessjonijiet bejn settijiet ta’ data u identitajiet differenti assunti mill-istess persuna f’sistemi ċentrali differenti. Mingħajr BMS standard, l-ebda wieħed mit-tliet komponenti l-oħra ma jkun jista’ jaħdem.

(3) Ir-repożitorju komuni ta’ informazzjoni dwar l-identità (CIR) ikun il-komponent kondiviż għall-ħżin ta’ data tal-identità bijografika 25 u bijometrika ta’ ċittadini ta’ pajjiżi terzi rreġistrata fil-Eurodac, fil-VIS, fl-EES futura, fl-ETIAS proposta u fis-sistema proposta tal-ECRIS-TCN. Kull waħda minn dawn il-ħames sistemi ċentrali tirreġistra jew se tirreġistra data bijografika dwar persuni speċifiċi għal raġunijiet speċifiċi. Dan ma jinbidilx. Id-data tal-identità relevanti tkun maħżuna fis-CIR iżda tkompli “tappartjeni” għas-sistemi sottostanti rispettivi li jkunu rreġistraw din id-data.

Is-CIR ma jkunx fih data tas-SIS. L-arkitettura teknika kumplessa tas-SIS li jkun fiha kopji nazzjonali, kopji nazzjonali parzjali u sistemi nazzjonali possibbli ta’ tqabbil bijometriku tirrendi s-CIR tassew kumpless tant li jaf ma jibqax teknikament u finanzjarjament fattibbli aktar.

L-għan ewlieni tas-CIR hu li jiffaċilita din l-identifikazzjoni bijografika ta’ ċittadin ta’ pajjiż terz. Ikun joffri veloċità akbar għall-operazzjonijiet, effiċjenza mtejba u ekonomiji ta’ skala. L-istabbiliment tas-CIR hu neċessarju biex ikunu jistgħu jsiru kontrolli tal-identità effettivi fuq ċittadini ta’ pajjiżi terzi, inkluż fit-territorju ta’ Stat Membru. Barra minn hekk, billi tiżdied “funzjonalità ta’ indikazzjoni ta’ hit” fis-CIR, ikun possibbli li tiġi vverifikata l-preżenza (jew in-nuqqas ta’ eżistenza) ta’ data fi kwalunkwe waħda mis-sistemi koperti mis-CIR permezz ta’ sempliċi notifika ta’ hit/no-hit. B’dan il-mod, is-CIR ikun qed jgħin ukoll fis-simplifikazzjoni tal-aċċess mill-awtoritajiet tal-infurzar tal-liġi għal sistemi ta’ informazzjoni mhux tal-infurzar tal-liġi, filwaqt li jżomm salvagwardja għolja ta’ protezzjoni tad-data (ara t-taqsima dwar l-approċċ imqassam fuq żewġ stadji għall-aċċess għall-infurzar tal-liġi, aktar ’l isfel).

Mill-ħames sistemi li għandhom ikunu koperti mis-CIR, l-EES futura, l-ETIAS proposta u s-sistema proposta tal-ECRIS-TCN huma sistemi ġodda li għad iridu jiġu żviluppati. Il-Eurodac kurrenti ma fihiex data bijografika; din l-estensjoni se tiġi żviluppata ladarba tiġi adottata bażi ġuridika ġdida għall-Eurodac. Il-VIS kurrenti ma fihiex data bijografika, iżda l-interazzjonijiet neċessarji bejn il-VIS u l-EES futura se jkunu jeħtieġu aġġornament tal-VIS eżistenti. Għaldaqstant, il-ħolqien tas-CIR iseħħ fil-mument xieraq. Bl-ebda mod ma jkun jinvolvi duplikazzjoni tad-data eżistenti. Teknikament, is-CIR jiġi żviluppat fuq il-bażi tal-pjattaforma tal-EES/ETIAS.

(4) Id-detettur ta’ identitajiet multipli (MID) ikun jikkontrolla jekk id-data tal-identità mfittxija teżistix f’aktar minn waħda mis-sistemi mqabbda miegħu. L-MID ikopri s-sistemi li jaħżnu data tal-identità fis-CIR (il-Eurodac, il-VIS, l-EES futura, l-ETIAS proposta u s-sistema proposta tal-ECRIS-TCN) kif ukoll is-SIS. L-MID ikun jippermetti d-detezzjoni ta’ diversi identitajiet marbuta mal-istess sett ta’ data bijometrika, bl-iskop doppju ta’ żgurar tal-identifikazzjoni korretta ta’ persuni in bona fede u tal-ġlieda kontra l-frodi tal-identità.

L-MID ikun jippermetti li jiġi stabbilit meta ismijiet differenti jkunu jappartjenu għall-istess identità. Hu innovazzjoni neċessarja biex jiġi indirizzat b’mod effettiv l-użu frodulenti tal-identitajiet, li hu ksur serju ta’ sigurtà. L-MID ikun juri biss dawk ir-rekords tal-identità bijografika li jkollhom link f’sistemi ċentrali differenti. Dawn il-links jiġu identifikati billi jintuża s-servizz kondiviż ta’ tqabbil bijometriku fuq il-bażi tad-data bijometrika u jkunu jeħtieġu konferma jew ċaħda mill-awtorità li tkun irreġistrat id data fis-sistema ta’ informazzjoni li wasslet għall-ħolqien tal-link. Biex tassisti lill-utenti awtorizzati tal-MID f’dan il-kompitu, is-sistema jkollha bżonn timmarka l-links identifikati f’erba’ kategoriji:

·Link safra -    identitajiet bijografiċi li potenzjalment ivarjaw dwar l-istess persuna

·Link bajda - konferma li l-identitajiet bijografiċi differenti jappartjenu għall-istess persuna in bona fede.

·Link ħadra - konferma li persuni in bona fede differenti nzertaw jaqsmu l-istess identità bijografika

· Link ħamra - suspett li identitajiet bijografiċi differenti jintużaw b’mod illegali mill-istess persuna.

Din il-proposta tiddeskrivi l-proċeduri li jkunu implimentati biex jittrattaw dawn il-kategoriji differenti. L-identità tal-persuni in bona fede affettwati jenħtieġ li tiġi ċċarata mill-aktar fis possibbli, billi l-link safra tinbidel f’link ħadra jew bajda kkonfermata, biex jiġi żgurat li jiġu evitati l-inkonvenjenżi żejda. Meta, min-naħa l-oħra, il-valutazzjoni twassal għall-konferma ta’ link ħamra, jew tibdil minn link safra għal ħamra, ikollha tittieħed azzjoni xierqa.

•    L-approċċ imqassam fuq żewġ stadji għall-aċċess għall-infurzar tal-liġi kif previst mir-repożitorju komuni ta’ informazzjoni dwar l-identità

L-infurzar tal-liġi hu ddefinit bħala għan sekondarju jew anċillari tal-Eurodac, tal-VIS, tal-EES futura u tal-ETIAS proposta. Għalhekk, il-possibbiltà li tiġi aċċessata data maħżuna f’dawn is-sistemi għall-fini tal-infurzar tal-liġi hi ristretta. L-awtoritajiet tal-infurzar tal-liġi jistgħu jikkonsultaw direttament lil dawn is-sistemi ta’ informazzjoni mhux tal-infurzar tal-liġi għall-fini ta’ prevenzjoni, ta’ investigazzjoni, ta’ detezzjoni jew ta’ prosekuzzjoni ta’ terroriżmu u ta’ reati kriminali serji oħra. Barra minn hekk, is-sistemi rispettivi huma rregolati minn kundizzjonijiet u minn salvagwardji differenti tal-aċċess u wħud minn dawk ir-regoli kurrenti jistgħu jxekklu l-veloċità tal-użu leġittimu tas-sistemi minn dawn l-awtoritajiet. B’mod aktar ġenerali, il-prinċipju ta’ tfittxija preċedenti jillimita l-possibbiltà li l-awtoritajiet tal-Istati Membri jikkonsultaw sistemi għal skopijiet iġġustifikati ta’ infurzar tal-liġi u, b’hekk, jista’ jwassal għal opportunitajiet mitlufa biex tiġi żvelata informazzjoni neċessarja.

Fil-Komunikazzjoni tagħha ta’ April 2016, il-Kummissjoni għarfet il-ħtieġa li jiġu ottimizzati l-għodod eżistenti għall-finijiet ta’ infurzar tal-liġi, filwaqt li jiġu rrispettati r-rekwiżiti tal-protezzjoni tad-data. Din in-neċessità ġiet ikkonfermata u mtennija mill-Istati Membri u mill-aġenziji relevanti fil-qafas tal-grupp ta’ esperti ta’ livell għoli. 

Fid-dawl ta’ dan li ntqal hawn fuq, billi toħloq is-CIR bl-hekk imsejħa “funzjonalità ta’ indikazzjoni ta’ hit”, din il-proposta tintroduċi l-possibbiltà li l-EES, il-VIS, l-ETIAS u l-Eurodac jiġu aċċessati bl-użu ta’ approċċ ta’ konsultazzjoni tad-data mqassam fuq żewġ stadji. Dan l-approċċ imqassam fuq żewġ stadji ma jkunx ibiddel il-fatt li l-infurzar tal-liġi hu objettiv strettament anċillari ta’ dawn is-sistemi u li, għalhekk, irid isegwi r-regoli stretti għall-aċċess.

Fl-ewwel stadju, uffiċċjal tal-infurzar tal-liġi jniedi tfittxija fuq persuna speċifika billi juża d-data dwar l-identità, id-dokument tal-ivvjaġġar jew id-data bijometrika tal-persuna biex jivverifika jekk l-informazzjoni dwar il-persuna mfittxija hix maħżuna fis-CIR. Meta t-tali data tkun preżenti, l-uffiċjal jirċievi tweġiba li tindika liema sistema/i ta’ informazzjoni tal-UE fiha/fihom id-data dwar din il-persuna (l-indikatur hit). L-uffiċjal ma jkollux aċċess propju għal xi data f’xi waħda mis-sistemi sottostanti.

Fit-tieni stadju, l-uffiċjal jista’ jitlob aċċess b’mod individwali għal kull sistema li tkun ġiet indikata bħala waħda li fiha d-data, biex jikseb il-fajl sħiħ dwar il-persuna mfittxija, f’konformità mar-regoli u mal-proċeduri eżistenti stabbiliti minn kull sistema kkonċernata. F’dan it-tieni stadju, l-aċċess jibqa’ soġġett għal awtorizzazzjoni minn qabel minn awtorità maħtura u jibqa’ jeħtieġ ID u lloggjar tal-utent speċifiċi.

Dan l-approċċ il-ġdid ikun iġib miegħu wkoll valur miżjud għall-awtoritajiet tal-infurzar tal-liġi bis-saħħa tal-eżistenza ta’ links potenzjali fl-MID. L-MID ikun jgħin lis-CIR fl-identifikazzjoni tal-links eżistenti, li jagħmel it-tfittxija saħansitra aktar preċiża. L-MID ikun jista’ jindika jekk il-persuna hix magħrufa b’identitajiet differenti f’sistemi ta’ informazzjoni differenti.

L-approċċ ta’ konsultazzjoni tad-data mqassam fuq żewġ stadji hu partikolarment siewi f’każijiet li fihom il-persuna suspettata, l-awtur jew il-vittma ssuspettata ta’ reat terroristiku jew ta’ reat kriminali serju ieħor ma jkunux magħrufa. Tabilħaqq, f’dawk il-każijiet, is-CIR ikun jippermetti l-identifikazzjoni tas-sistema ta’ informazzjoni li tkun taf il-persuna fi tfittxija waħda. B’dan il-mod, il-kundizzjonijiet eżistenti ta’ tfittxijiet preċedenti f’bażijiet ta’ data nazzjonali u ta’ tfittxija preċedenti fis-sistema awtomatizzata għall-identifikazzjoni tal-marki tas-swaba’ ta’ Stati Membri oħra skont id-Deċiżjoni 2008/615/ĠAI (“kontroll ta’ Prüm”) ma jibqgħux meħtieġa.

L-approċċ ta’ konsultazzjoni l-ġdid imqassam fuq żewġ stadji jidħol fis-seħħ biss ladarba l-komponenti neċessarji tal-interoperabbiltà jkunu qed joperaw bis-sħiħ.   

•Elementi addizzjonali ta’ din il-proposta b’appoġġ tal-komponenti tal-interoperabbiltà

(1)    Minbarra l-komponenti msemmija hawn fuq, dan l-abbozz tar-Regolament jinkludi wkoll il-proposta biex jiġi stabbilit repożitorju ċentrali għar-rapportar u għall-istatistika (CRRS (Central repository for reporting and statistics)). Dan ir-repożitorju hu neċessarju biex ikunu jistgħu jinħolqu u jiġu kondiviżi r-rapporti b’data statistika (anonima) għall-finijiet ta’ politika, għall-finijiet operazzjonali u għall-finijiet ta’ kwalità tad-data. Il-prattika kurrenti ta’ ġbir ta’ data statistika biss dwar is-sistemi ta’ informazzjoni individwali hi detrimentali għas-sigurtà tad-data u għall-eżekuzzjoni u ma tippermettix il-korrelazzjoni tad-data bejn is-sistemi.

Is-CRRS ikun jipprovdi repożitorju separat iddedikat għal statistiki anonimi estratti mis-SIS, mill-VIS, mill-Eurodac, mill-EES futura, mill-ETIAS proposta, mis-sistema proposta tal-ECRIS-TCN, mir-repożitorju komuni ta’ informazzjoni dwar l-identità, mid-detettur ta’ identitajiet multipli u mis-servizz kondiviż ta’ tqabbil bijometriku. Ir-repożitorju jkun jipprovdi għall-possibbiltà ta’ kondiviżjoni sigura tar-rapporti (kif irregolat mill-istrumenti legali rispettivi) lill-Istati Membri, lill-Kummissjoni (inkluż il-Eurostat) u lill-aġenziji tal-UE.

L-iżvilupp ta’ repożitorju ċentrali wieħed minflok ta’ repożitorji separati għal kull sistema jkun iwassal għal anqas kost u għal anqas sforzi għall-istabbiliment, għall-operazzjonijiet u għall-manutenzjoni tiegħu. Ikun iġib miegħu wkoll livell ogħla ta’ sigurtà tad-data peress li d-data tinħażen u l-kontroll tal-aċċess jiġi mmaniġġjat f’repożitorju wieħed.

(2)    Dan l-abbozz tar-Regolament jipproponi wkoll li jiġi stabbilit il-Format Universali ta’ Messaġġ (UMF - Universal Message Format) bħala l-istandard li jkun jintuża fil-livell tal-UE biex jiġu orkestrati interazzjonijiet bejn diversi sistemi b’mod interoperabbli, inklużi s-sistemi żviluppati u mmaniġġjati mill-eu-LISA. L-użu tal-istandard mill-Europol u mill-Interpol ikun imħeġġeġ ukoll.

L-istandard tal-UMF jintroduċi lingwa teknika komuni u unitifikata biex jiġu deskritti u jintrabtu elementi ta’ data, b’mod partikolari l-elementi relatati ma’ persuni u ma’ dokumenti (tal-ivvjaġġar). L-użu tal-UMF meta jiġu żviluppati sistemi ta’ informazzjoni ġodda jiggarantixxi integrazzjoni u interoperabbiltà eħfef ma’ sistemi oħra, b’mod partikolari għal Stati Membri li jeħtieġu li jibnu interfaċċi biex jikkomunikaw ma’ dawn is-sistemi l-ġodda. F’dan ir-rigward, l-użu obbligatorju tal-UMF meta jiġu żviluppati sistemi ġodda jista’ jiġi kkunsidrat bħala prekundizzjoni neċessarja għall-introduzzjoni tal-komponenti tal-interoperabbiltà proposti f’dan ir-Regolament.

Biex tiġi żgurata t-tnedija kompluta madwar l-UE tal-istandard tal-UMF, hi proposta struttura ta’ governanza xierqa. Il-Kummissjoni tkun responsabbli għall-istabbiliment u għall-iżvilupp tal-istandard tal-UMF, fil-qafas ta’ proċedura ta’ eżami mal-Istati Membri. L-istati assoċjati ma’ Schengen, l-aġenziji tal-UE u l-korpi internazzjonali li jieħdu sehem fil-proġetti tal-UMF (bħall-eu-LISA, il-Europol u l-Interpol) se jkunu involuti wkoll. L-istruttura proposta ta’ governanza hi vitali għall-UMF biex jiġi estiż u espandut l-istandard filwaqt li jiġu ggarantiti utilizzabbiltà u applikabbiltà massimi.

(3)    Barra minn hekk, dan l-abbozz tar-Regolament jintroduċi l-kunċetti ta’ mekkaniżmi awtomatizzati għall-kontroll tal-kwalità tad-data u ta’ indikaturi komuni tal-kwalità, u l-ħtieġa li l-Istati Membri jiżguraw l-ogħla livell ta’ kwalità tad-data meta jalimentaw u jużaw is-sistemi. Jekk id-data ma tkunx tal-ogħla kwalità, jista’ jkun hemm konsegwenzi mhux biss b’tali mod li ma jiġux identifikati persuni mfittxija, iżda anki billi jiġu affettwati d-drittijiet fundamentali ta’ nies innoċenti. Biex jingħelbu l-problemi li jistgħu jirriżultaw mit-tidħil ta’ data minn operaturi umani, regoli dwar il-validazzjoni awtomatika jistgħu jipprevjenu milli l-operaturi jagħmlu żbalji. L-għan ikun l-identifikazzjoni awtomatika ta’ data apparentement skorretta jew inkonsistenti biex l-Istat Membru ta’ oriġini jkun jista’ jivverifika d-data u jieħu kwalunkwe azzjoni korrettiva meħtieġa. Dan ikun issupplimentat minn rapporti regolari dwar il-kwalità tad-data li għandha tkun prodotta mill-eu-LISA.

•Konsegwenzi għal strumenti legali oħra

Flimkien mal-proposta relatata miegħu, dan l-abbozz ta’ Regolament jintroduċi innovazzjonijiet li se jkunu jeħtieġu emendi ta’ strumenti legali oħra:

·Ir-Regolament (UE) Nru 2016/399 (il-Kodiċi tal-Fruntieri ta’ Schengen)

·Ir-Regolament (UE) Nru 2017/2226 (ir-Regolament dwar l-EES)

·Ir-Regolament (KE) Nru 767/2008 (ir-Regolament dwar il-VIS)

·Id-Deċiżjoni tal-Kunsill 2004/512/KE (id-Deċiżjoni dwar il-VIS)

·Id-Deċiżjoni tal-Kunsill 2008/633/ĠAI (id-Deċiżjoni dwar il-VIS/l-aċċess għall-infurzar tal-liġi)

·[ir-Regolament dwar l-ETIAS]

·[ir-Regolament Eurodac]

·[ir-Regolament dwar is-SIS]

·[ir-Regolament dwar l-ECRIS-TCN, inklużi d-dispożizzjonijiet korrispondenti tar-Regolament (UE) 2016/1624 (ir-Regolament dwar il-Gwardja Ewropea tal-Fruntiera u tal-Kosta)]

· [ir-Regolament dwar l-eu-LISA]

Din il-proposta attwali u l-proposta relatata magħha jinkludu dispożizzjonijiet dettaljati għat-tibdiliet neċessarji fl-istrumenti legali li bħalissa huma testi stabbli kif adottati mill-koleġiżlaturi: il-Kodiċi tal-Fruntieri ta’ Schengen, ir-Regolament dwar l-EES, ir-Regolament dwar il-VIS, id-Deċiżjoni tal-Kunsill 2008/633/ĠAI u d-Deċiżjoni tal-Kunsill 2004/512/KE. 

L-istrumenti elenkati l-oħra (ir-Regolamenti dwar l-ETIAS, il-Eurodac, is-SIS, l-ECRIS-TCN, l-eu-LISA) bħalissa qed jiġu nnegozjati fil-Parlament Ewropew u fil-Kunsill. Għaldaqstant, għal dawn l-istrumenti mhuwiex possibbli li jiġu stabbiliti l-emendi neċessarji f’dan l-istadju. Il-Kummissjoni se tippreżenta t-tali emendi għal kull wieħed minn dawn l-istrumenti fi żmien ġimagħtejn minn meta jintlaħaq ftehim politiku dwar l-abbozz rispettiv tar-Regolament.

F’dawk il-każijiet fejn l-istrumenti kienu għadhom ma ġewx adottati formalment mill-koleġiżlaturi l-bidliet meħtieġa huma proposti jew għat-testi li għalihom kien approvat ftehim politiku mill-COREPER u mill-Kumitat LIBE (dan huwa l-każ għal ETIAS), jew għat-test li dwaru ntlaħaq ftehim politiku fit-trilogi (SIS u eu-LISA).

Rigward iż-żewġ każijiet fejn in-negozjati għadhom għaddejjin, il-bidliet meħtieġa huma proposti għat-test kif inhu fil-31 ta’ Mejju 2018 għal ECRIS-TCN.

Madankollu, iż-żewġ proposti emendatorji dwar l-interoperabbiltà ma jinkludux l-emendi li jirrigwardaw l-Eurodac, il-bażi tad-data tal-UE dwar l-ażil u l-migrazzjoni irregolari, minħabba li d-diskussjonijiet għadhom ma ġewx konklużi dwar il-proposta leġiżlattiva ta’ Mejju 2016 26 biex jissaħħaħ l-Eurodac. L-arkitettura attwali tas-sistema Eurodac eżistenti mhix teknikament adattata biex issir parti mill-interoperabbiltà tas-sistemi ta’ informazzjoni peress li taħżen biss data bijometrika u numru ta’ referenza, iżda l-ebda data personali oħra (eż. l-isem (ismijiet), l-età, id-data tat-twelid) li tippermetti l-identifikazzjoni ta’ identitajiet multipli relatati mal-istess sett ta’ data bijometrika. Il-proposta leġiżlattiva ta’ Mejju 2016 tfittex li testendi l-iskop tal-Eurodac għall-identifikazzjoni ta’ ċittadini ta’ pajjiżi terzi li jissoġġornaw illegalment u dawk li jkunu daħlu fl-UE b’mod irregolari. B’mod partikolari, hija tipprovdi għall-ħażna ta’ data personali bħalma huma l-isem (ismijiet), l-età, id-data tat-twelid, in-nazzjonalità, u d-dokumenti tal-identità. Din id-data ta’ identifikazzjoni hija essenzjali biex jiġi żgurat li l-Eurodac se tkun tista’ tikkontribwixxi għall-objettivi ta’ interoperabbiltà u tiffunzjona fil-qafas tekniku tagħha.

Din in-neċessità tenfasizza l-ħtieġa li l-koleġiżlaturi jilħqu ftehim b’mod urġenti dwar il-proposta leġiżlattiva. Sakemm jintlaħaq qbil dwar il-proposta leġiżlattiva biex tissaħħaħ il-Eurodac, id-data ta’ ċittadini minn pajjiżi terzi li jissoġġornaw illegalment u dawk li jkunu daħlu fl-UE b’mod irregolari ma tistax tkun parti mill-interoperabbiltà tas-sistemi ta’ informazzjoni tal-UE. Ladarba l-koleġiżlaturi jilħqu ftehim dwar il-proposta leġiżlattiva biex tissaħħaħ il-Eurodac, jew jiksbu progress suffiċjenti, il-Kummissjoni se tippreżenta l-emendi relatati mal-interoperabbiltà proposti fi żmien ġimagħtejn.

•Konsistenza mad-dispożizzjonijiet ta’ politika eżistenti fil-qasam ta’ politika

•Konsistenza ma’ politiki oħra tal-Unjoni fil-qasam tal-Ġustizzja u tal-Affarijiet Interni

Din il-proposta, flimkien mal-proposta relatata magħha, tirrispetta u hi konformi mal-Aġenda Ewropea dwar il-Migrazzjoni u mal-komunikazzjonijiet sussegwenti, inkluża l-Komunikazzjoni dwar l-ippreservar u t-tisħiħ ta’ Schengen 32 , kif ukoll mal-Aġenda Ewropea dwar is-Sigurtà 33 u mar-rapporti dwar il-ħidma u l-progress tal-Kummissjoni lejn Unjoni ta’ Sigurtà 34 effettiva u ġenwina. Hi konsistenti ma’ politiki oħra tal-Unjoni, b’mod partikolari dawn li ġejjin:

·Is-sigurtà interna: l-Aġenda Ewropea dwar is-Sigurtà tiddikjara li standards komuni għoljin ta’ ġestjoni tal-fruntieri huma essenzjali biex jiġu evitati l-kriminalità transnazzjonali u t-terroriżmu. Din il-proposta tikkontribwixxi wkoll għall-kisba ta’ livell għoli ta’ sigurtà interna billi toffri l-mezzi għall-awtoritajiet biex ikollhom aċċess veloċi, mingħajr intoppi, sistematiku u kkontrollat għall-informazzjoni li jeħtieġu.

·Ażil: il-proposta tinkludi l-Eurodac bħala waħda mis-sistemi ċentrali tal-UE li għandha tiġi koperta mill-interoperabbiltà.

·Il-ġestjoni tal-fruntieri esterni u s-sigurtà: din il-proposta ssaħħaħ is-sistemi SIS u VIS, li jikkontribwixxu għall-kontroll effiċjenti tal-fruntieri esterni tal-Unjoni, kif ukoll l-EES futura u l-ETIAS proposta u s-sistema ECRIS-TCN.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà

•Proporzjonalità

•Għażla tal-istrument

3.RIŻULTATI TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjoni pubblika

·ta’ għajnuna għall-persunal fil-prattika biex jaċċessa l-informazzjoni li jeħtieġ;

·jevitaw id-duplikazzjoni tad-data, inaqqsu t-trikkib u jixħtu dawl fuq id-diskrepanzi fid-data;

·jidentifikaw lin-nies b’mod aktar affidabbli — inklużi nies b’diversi identitajiet — u jnaqqsu l-frodi tal-identità.

•Stħarriġ tal-Ewrobarometru

F’Ġunju 2017, sar stħarriġ tal-Ewrobarometru Speċjali 36 li wera li l-istrateġija tal-UE ta’ kondiviżjoni tal-informazzjoni fil-livell tal-UE għall-ġlieda kontra l-kriminalità u t-terroriżmu kellha appoġġ pubbliku qawwi. kważi r-rispondenti kollha (92 %) jaqblu li l-awtoritajiet nazzjonali jenħtieġ li jaqsmu informazzjoni mal-awtoritajiet ta’ Stati Membri oħra biex jiġġieldu aħjar il-kriminalità u t-terroriżmu. 

Maġġoranza ċara (69 %) tar-rispondenti esprimew il-fehma li l-pulizija u l-awtoritajiet nazzjonali l-oħra tal-infurzar tal-liġi jenħtieġ li jikkondividu l-informazzjoni ma’ pajjiżi oħra tal-UE fuq bażi sistematika. Fl-Istati Membri kollha, maġġoranza tar-rispondenti taħseb li jenħtieġ li l-informazzjoni tiġi kondiviża f’kull każ.

•Grupp ta’ esperti ta’ livell għoli dwar is-sistemi ta’ informazzjoni u l-interoperabbiltà

Dan l-abbozz tar-Regolament iwieġeb ukoll għar-rakkomandazzjonijiet tal-grupp ta’ esperti ta’ livell għoli dwar il-kwalità tad-data, il-Format Universali ta’ Messaġġ (UMF) u l-istabbiliment ta’ maħżen virtwali tad-data (hawn ippreżentat bħala r-repożitorju ċentrali għar-rapportar u għall-istatistiki (CRRS)).

Ir-raba’ komponent tal-interoperabbiltà propost f’dan l-abbozz tar-Regolament (id-detettur ta’ identitajiet multipli) ma kienx identifikat mill-grupp ta’ esperti ta’ livell għoli, iżda tqajjem matul l-analiżi teknika addizzjonali u l-valutazzjoni tal-proporzjonalità mwettqa mill-Kummissjoni.

•Studji tekniċi

•Valutazzjoni tal-impatt

Il-valutazzjoni tal-impatt evalwat jekk u kif kull wieħed mill-objettivi identifikati jista’ jinkiseb billi jintużaw komponent tekniku wieħed jew aktar minn fost il-komponenti tekniċi identifikati mill-grupp ta’ esperti ta’ livell għoli u permezz tal-analiżi sussegwenti. Fejn kien hemm bżonn, din ħarset ukoll lejn is-subgħażliet neċessarji biex jintlaħqu dawn l-objettivi, filwaqt li jiġi rrispettat il-qafas tal-protezzjoni tad-data. Il-valutazzjoni tal-impatt ikkonkludiet li:

·Biex jintlaħaq l-objettiv ta’ forniment lill-utenti awtorizzati ta’ aċċess veloċi, mingħajr xkiel, sistematiku u kkontrollat għas-sistemi ta’ informazzjoni relevanti, jenħtieġ li jinħoloq portal Ewropew tat-tfittxija (ESP), mibni fuq servizz kondiviż ta’ tqabbil bijometriku (BMS kondiviż) biex jindirizza l-bażijiet tad-data kollha.

·Biex jintlaħaq l-objettiv ta’ ffaċilitar tal-kontrolli tal-identità ta’ ċittadini ta’ pajjiżi terzi, fit-territorju ta’ Stat Membru, minn uffiċjali awtorizzati, jenħtieġ li jinħoloq repożitorju komuni ta’ informazzjoni dwar l-identità (CIR), li jkun fih is-sett minimu ta’ data tal-identifikazzjoni, u mibni fuq l-istess servizz kondiviż ta’ tqabbil bijometriku (BMS).

·Biex jintlaħaq l-objettiv ta’ detezzjoni ta’ identitajiet multipli illinkjati mal-istess sett ta’ data bijometrika, bl-iskop doppju ta’ ffaċilitar tal-kontrolli tal-identità għal vjaġġaturi in bona fede u ta’ ġlieda kontra l-frodi tal-identità, jenħtieġ li jinbena detettur ta’ identitajiet multipli (MID), li jkun fih links bejn identitajiet multipli fost is-sistemi kollha.

·Biex jintlaħaq l-għan ta’ ffaċilitar u ta’ simplifikazzjoni tal-aċċess mill-awtoritajiet tal-infurzar tal-liġi għal sistemi ta’ informazzjoni mhux tal-infurzar tal-liġi, għall-fini ta’ prevenzjoni, ta’ investigazzjoni, ta’ detezzjoni jew ta’ prosekuzzjoni ta’ reati serji u ta’ terroriżmu, jenħtieġ li fis-CIR tiġi inkluża funzjonalità ta’ “indikazzjoni ta’ hit”.

Peress li jridu jintlaħqu l-objettivi kollha, is-soluzzjoni kompluta hi t-taħlita tal-ESP, tas-CIR (bl-indikazzjoni tal-hits) u tal-MID, ilkoll imsejsa fuq il-BMS kondiviż.

L-impatt pożittiv il-kbir se jkun it-titjib tal-ġestjoni tal-fruntieri u sigurtà interna akbar fi ħdan l-Unjoni Ewropea. Il-komponenti l-ġodda se jissimplifikaw u jħaffu l-aċċess mill-awtoritajiet nazzjonali għall-informazzjoni neċessarja u l-identifikazzjoni ta’ ċittadini ta’ pajjiżi terzi. Dawn se jippermettu biex l-awtoritajiet jagħmlu links inkroċjati ma’ informazzjoni neċessarja diġà eżistenti fuq l-individwi matul il-verifiki fil-fruntieri, għal applikazzjonijiet għal viża u għall-ażil, u għax-xogħol tal-pulizija. B’hekk se jingħata aċċess għal informazzjoni li tista’ ssostni t-teħid ta’ deċiżjonijiet affidabbli, kemm jekk b’rabta mal-investigazzjonijiet dwar reati serji u terroriżmu kif ukoll jekk b’rabta ma’ deċiżjonijiet fil-qasam tal-migrazzjoni u tal-ażil. Filwaqt li ma jaffettwawx b’mod dirett liċ-ċittadini tal-UE (il-miżuri proposti huma primarjament iffokati fuq ċittadini ta’ pajjiżi terzi li d-data tagħhom tiġi rreġistrata f’sistema ta’ informazzjoni ċċentralizzata tal-UE), il-proposti huma mistennija jiġġeneraw żieda fil-fiduċja pubblika billi jiżguraw li d-disinn u l-użu tagħhom iżidu s-sigurtà taċ-ċittadini tal-UE.

•Drittijiet fundamentali

•Protezzjoni ta’ data personali

Fid-dawl ta’ data personali involuta, l-interoperabbiltà se jkollha impatt b’mod partikolari fuq id-dritt għall-protezzjoni ta’ data personali. Dan id-dritt hu stabbilit mill-Artikolu 8 tal-Karta u mill-Artikolu 16 tat-Trattat dwar il-Funzjonament tal-Unjoni Ewropea, u fl-Artikolu 8 tal-Konvenzjoni Ewropea dwar id-Drittijiet tal-Bniedem. Kif enfasizzat mill-Qorti tal-Ġustizzja tal-UE 41 , id-dritt għall-protezzjoni ta’ data personali mhuwiex dritt assolut, iżda jrid jiġi kkunsidrat f’relazzjoni mal-funzjoni tiegħu fis-soċjetà 42 . Il-protezzjoni tad-data hi marbuta mill-qrib mar-rispett tal-ħajja privata u tal-familja kif protett mill-Artikolu 7 tal-Karta.

Skont ir-Regolament Ġenerali dwar il-Protezzjoni tad-Data 43 , il-moviment liberu tad-data fi ħdan l-UE ma għandux ikun ristrett għal raġunijiet ta’ protezzjoni ta’ data. Madankollu, trid tiġi ssodisfata sensiela ta’ prinċipji. Tabilħaqq, biex tkun legali, kull limitazzjoni fuq l-eżerċizzju tad-drittijiet fundamentali protetti mill-Karta trid tkun konformi mal-kriterji li ġejjin, stabbiliti fl-Artikolu 52(1) tagħha:

·trid tkun prevista bil-liġi;

·trid tirrispetta l-essenza tad-drittijiet;

·trid tissodisfa ġenwinament l-objettivi ta’ interess ġenerali rikonoxxuti mill-Unjoni jew il-ħtieġa li jiġu mħarsa d-drittijiet u l-libertajiet ta’ ħaddieħor;

·trid tkun neċessarja; kif ukoll

·trid tkun proporzjonata.

Din il-proposta kurrenti tinkorpora dawn ir-regoli kollha dwar il-protezzjoni tad-data, kif stabbilit f’dettall sħiħ fil-valutazzjoni tal-impatt li takkumpanja dan ir-Regolament propost. Il-proposta hi bbażata fuq il-prinċipji ta’ protezzjoni tad-data mid-disinn u b’mod prestabbilit. Tinkludi d-dispożizzjonijiet xierqa kollha li jillimitaw l-ipproċessar ta’ data għal dak li hu neċessarju għall-iskop speċifiku u li jagħtu aċċess għad-data biss lil dawk l-entitajiet li “għandhom bżonn li jkunu jafu”. Il-perjodi ta’ żamma ta’ data (fejn relevanti) huma xierqa u limitati. L-aċċess għad-data hu rriżervat b’mod esklużiv għal persunal awtorizzat kif xieraq tal-awtoritajiet tal-Istati Membri jew tal-korpi tal-UE li huma kompetenti għall-finijiet speċifiċi ta’ kull sistema ta’ informazzjoni u limitat sa fejn id-data tkun meħtieġa għall-eżekuzzjoni tal-kompiti f’konformità ma’ dawn l-iskopijiet.

4.IMPLIKAZZJONIJIET BAĠITARJI

L-implikazzjonijiet baġitarji huma inklużi fid-dikjarazzjoni finanzjarja mehmuża li tissostitwixxi dik annessa fil-proposta preċedenti. Din ikopri l-perjodu li jifdal tal-qafas finanzjarju pluriennali kurrenti (sal-2020) u s-seba’ snin tal-perjodu ta’ wara (2021-2027). Il-baġit propost għas-snin 2021 sa 2027 huwa kopert kompatibbli mal-proposta tal-Kummissjoni għall-minn qafas finanzjarju pluriennali li jmiss tat-2 ta’ Mejju 2018. Il-baġit propost għas-snin 2021 u lil hinn hu inkluż għal finijiet ta’ wiri u ma jippreġudikax il-qafas finanzjarju pluriennali li jmiss.

(1)L-iżvilupp u l-integrazzjoni mill-eu-LISA tal-erba’ komponenti tal-interoperabbiltà, u r-repożitorju ċentrali għar-rapportar u għall-istatistiki, u l-manutenzjoni u l-operazzjonijiet sussegwenti tagħhom.

(2)Il-migrazzjoni tad-data għas-servizz kondiviż ta’ tqabbil bijometriku (BMS kondiviż) u għar-repożitorju komuni ta’ informazzjoni dwar l-identità (CIR). Fil-każ tal-BMS kondiviż, il-mudelli bijometriċi tad-data korrispondenti mat-tliet sistemi li bħalissa jużaw il-bijometrija (SIS, VIS u Eurodac) iridu jinħolqu mill-ġdid fuq il-BMS kondiviż. Fil-każ tas-CIR, l-elementi tad-data personali mill-VIS iridu jiġu migrati fis-CIR, u l-links possibbli misjuba bejn l-identitjaiet fis-SIS, fil-VIS u fil-Eurodac iridu jiġu vvalidati. Dan l-aħħar proċess, b’mod partikolari, jirrekjedi ħafna riżorsi.

(3)L-aġġornament mill-eu-LISA tal-interfaċċa uniformi nazzjonali (NUI – National Uniform Interface) diġà inkluża fir-Regolament dwar l-EES biex isir komponent ġeneriku li jippermetti l-iskambju ta’ messaġġi bejn l-Istati Membri u s-sistema/i ċentrali.

(4)L-integrazzjoni tas-sistemi nazzjonali tal-Istati Membri man-NUI li se tgħaddi l-messaġġi skambjati mas-CIR/ mad-detettur ta’ identitajiet multipli permezz tal-portal Ewropew tat-tfittxija.

(5)It-taħriġ dwar l-użu tal-komponenti tal-interoperabbiltà mill-utenti finali, inkluż permezz tal-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL).

Il-baġit totali meħtieġ tul disa’ snin (2019-2027) jammonta għal EUR 424,7 461.0 miljun, u jkopri l-partiti li ġejjin:

(1)Baġit ta’ EUR 225 261.3 miljun għall-eu-LISA li jkopri l-kost totali għall-iżvilupp tal-programm li jforni l-ħames komponenti tal-interoperabbiltà (EUR 68,3 miljun), il-kost tal-manutenzjoni mill-mument li fih il-komponenti jiġu pprovduti sal-2027 (EUR 56,1 miljun), baġit speċifiku ta’ EUR 25,0 miljun għall-migrazzjoni tad-data mis-sistemi eżistenti għall-BMS kondiviż u l-kostijiet addizzjonali għall-aġġornament tal-NUI, għan-netwerk, għat-taħriġ u għal-laqgħat. Baġit speċifiku ta’ EUR 18,7 miljun ikopri l-kost tal-aġġornament u tal-operar tal-ECRIS-TCN f’modalità ta’ disponibbiltà kbira mill-2022. Baġit speċifiku ta’ EUR 36.3 miljun jinkludi l-kost għall-aġġornament tan-netwerk u tas-SIS ċentrali (Sistema ta’ Informazzjoni ta’ Schengen) għaż-żieda stmata ta’ tiftix li x’aktarx li sseħħ bħala riżultat tal-interoperabbiltà.

(2)Baġit ta’ EUR 136,3 miljun għall-Istati Membri biex dawn ikopru t-tibdiliet fis-sistemi nazzjonali tagħhom bl-għan li jużaw il-komponenti tal-interoperabbiltà, l-NUI fornita mill-eu-LISA u baġit għat-taħriġ tal-komunità sostanzjali ta’ utenti finali.

(3)Baġit ta’ EUR 48,9 miljun għall-Europol biex ikopri l-aġġornament tas-sistemi tal-IT tal-Europol għall-volum ta’ messaġġi li għandhom jiġu mmaniġġjati u l-livelli akbar ta’ prestazzjoni. Il-komponenti tal-interoperabbiltà se jintużaw mill-ETIAS biex tikkonsulta d-data tal-Europol.

(4)Baġit ta’ EUR 4,8 miljun għall-Aġenzija Ewropea għall-Gwardja tal-Fruntiera u tal-Kosta biex tospita tim ta’ speċjalisti li matul sena se jivvalida l-links bejn l-identitajiet fil-mument li fih jiġi attivat id-detettur ta’ identitajiet multipli.

(5)Baġit ta’ EUR 2,0 miljun għall-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) biex tkopri t-tħejjija u l-għoti tat-taħriġ lill-persunal operazzjonali.

(6)Provvediment ta’ EUR 7,7 miljun għad-DĠ HOME biex ikopri żieda limitata fil-kostijiet tal-persunal u relatati matul il-perjodu ta’ żvilupp tal-komponenti differenti, peress li l-Kummissjoni se jkollha twettaq ukoll kompiti addizzjonali matul dak il-perjodu u tieħu r-responsabbiltà għall-kumitat li jaħdem fuq il-Format Universali ta’ Messaġġ.

Ir-Regolament tal-Fruntieri tal-Fond għas-Sigurtà Interna (ISF - (Internal Security Fund)) hu l-istrument finanzjarju fil-QFP 2014-2020 fejn ġie inkluż il-baġit għall-implimentazzjoni tal-inizjattiva dwar l-interoperabbiltà. Fl-Artikolu 5(b) huwa previst li EUR 791 miljun għandhom jiġu implimentati permezz ta’ programm għall-iżvilupp ta’ sistemi tal-IT fuq il-bażi ta’ sistemi tal-IT eżistenti u/jew ġodda, b’appoġġ tal-ġestjoni tal-flussi migratorji bejn il-fruntieri esterni soġġetti għall-adozzjoni tal-atti leġiżlattivi relevanti tal-Unjoni u bil-kundizzjonijiet stabbiliti fl-Artikolu 15(5). Minn dawn is-EUR 791 miljun, EUR 480,2 miljun huma rriżervati għall-iżvilupp tal-EES, EUR 210 miljun għall-ETIAS u EUR 67,9 miljun għar-reviżjoni tas-SIS. Il-bqija (EUR 32,9 miljun) għandu jerġa’ jiġi allokat billi jintużaw mekkaniżmi tal-ISF-B. Il-proposta kurrenti teħtieġ EUR 32,1 miljun għall-perjodu tal-qafas finanzjarju pluriennali kurrenti (2019/20) li, għaldaqstant, jaqbel mal-baġit li jifdal.

5.INFORMAZZJONI ADDIZZJONALI

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta

Il-Kapitolu I jistabbilixxi d-dispożizzjonijiet ġenerali għal dan ir-Regolament. Dan jispejga: il-prinċipji sottostanti għar-Regolament; il-komponenti stabbiliti fih; l-objettivi li l-interoperabbiltà għandha l-għan li tindirizza; il-kamp ta’ applikazzjoni ta’ dan ir-Regolament; id-definizzjonijiet tat-termini użati f’dan ir-Regolament; u l-prinċipju ta’ nondiskriminazzjoni rigward l-ipproċessar ta’ data skont dan ir-Regolament.

Il-Kapitolu II jistabbilixxi d-dispożizzjonijiet għall-portal Ewropew tat-tfittxija (ESP). Dan il-kapitolu jipprevdi l-istabbiliment tal-ESP u ta l-arkitettura teknika tiegħu, li għandha tiġi żviluppata mill-eu-LISA. Dan jispeċifika l-iskop tal-ESP u jidentifika dawk li jistgħu jużaw l-ESP u kif għandhom jużawh f’konformità mad-drittijiet eżistenti dwar l-aċċess għal kull waħda mis-sistemi ċentrali. Hemm dispożizzjoni biex l-eu-LISA toħloq profili tal-utenti għal kull kategorija ta’ utent. Dan il-kapitolu jistabbilixxi kif l-ESP se jfittex f’sistemi ċentrali u jipprovdi għall-kotenut u għall-format tat-tweġibiet lill-utenti. Il-Kapitolu II jipprevedi wkoll li l-eu-LISA se żżomm logs tal-operazzjonijiet kollha ta’ proċessar, u jipprevedi proċedura ta’ sostituzzjoni f’każ li l-ESP ma jkunx jista’ jaċċessa waħda jew aktar mis-sistemi ċentrali.

Il-Kapitolu III jistabbilixxi d-dispożizzjonijiet għas-servizz kondiviż ta’ tqabbil bijometriku (BMS kondiviż). Dan il-kapitolu jipprovdi għall-istabbiliment tal-BMS kondiviż u tal-arkitettura teknika tiegħu, li għandha tiġi żviluppata mill-eu-LISA. Dan jispeċifika l-iskop tal-BMS kondiviż u jistabbilixxi x’data jaħżen. Jispjega l-link bejn il-BMS kondiviż u l-komponenti l-oħra. Il-Kapitolu III jipprevedi wkoll li l-BMS kondiviż mhux se jkompli jaħżen data ladarba d-data ma tibqax fis-sistema ċentrali rispettiva u jipprevedi li l-eu-LISA se żżomm logs tal-operazzjonijiet kollha ta’ proċessar.

Il-Kapitolu IV jistabbilixxi d-dispożizzjonijiet għar-repożitorju komuni ta’ informazzjoni dwar l-identità (CIR). Dan il-kapitolu jipprevedi l-istabbiliment tas-CIR u tal-arkitettura teknika tiegħu, li għandha tiġi żviluppata mill-eu-LISA. Jistabbilixxi l-iskop tas-CIR u jiċċara liema data se tinħażen, u kif, inklużi dispożizzjonijiet għall-iżgurar tal-kwalità tad-data maħżuna. Dan il-kapitolu jipprovdi li s-CIR se joħloq fajls individwali fuq il-bażi tad-data miżmuma fis-sistemi ċentrali, u li l-fajls individwali jiġu aġġornati f’konformità mat-tibdiliet fis-sistemi ċentrali individwali. Il-Kapitolu IV jispeċifika wkoll kif is-CIR se jopera b’rabta mad-detettur ta’ identitajiet multipli. Dan il-kapitolu jidentifika lil dawk li jista’ jkollhom aċċess għas-CIR u kif dawn jistgħu jaċċessaw id-data f’konformità mad-drittijiet tal-aċċess, u dispożizzjonijiet aktar speċifiċi skont jekk l-aċċess ikunx għall-finijiet ta’ identifikazzjoni jew, bħala l-ewwel pass tal-approċċ imqassam fuq żewġ stadji, għall-aċċessar tal-EES, tal-VIS, tal-ETIAS u tal-Eurodac permezz tas-CIR għall-finijiet tal-infurzar tal-liġi. Il-Kapitolu IV jipprevedi wkoll li l-eu-LISA żżomm logs tal-operazzjonijiet ta’ proċessar kollha li jikkonċernaw is-CIR.

Il-Kapitolu V jistabbilixxi d-dispożizzjonijiet għad-detettur ta’ identitajiet multipli (MID). Dan il-kapitolu jipprevedi l-istabbiliment tal-MID u tal-arkitettura teknika tiegħu, li għandha tiġi żviluppata mill-eu-LISA. Jispjega l-għan tal-MID u jirregola l-użu tal-MID f’konformità mad-drittijiet ta’ aċċess għal kull waħda mis-sistemi ċentrali. Il-Kapitolu V jistabbilixxi meta u kif l-MID se jniedi tfittxijiet biex isib identitajiet multipli, u kif ir-riżultati jiġu forniti u jingħataw segwitu, inkluż meta jkun hemm bżonn permezz ta’ verifika manwali. Il-Kapitolu V jistabbilixxi klassifikazzjoni tat-tipi ta’ link li jistgħu jirriżultaw mit-tfittxija skont jekk ir-riżultat jurix data dwar identità waħda, identitajiet multipli jew identità kondiviża. Dan il-kapitolu jipprevedi li l-MID jaħżen data llinkjata fis-sistemi ċentrali filwaqt li d-data tibqa’ f’żewġ sistemi ċentrali individwali jew aktar. Il-Kapitolu V jipprevedi wkoll li l-eu-LISA żżomm logs tal-operazzjonijiet ta’ proċessar kollha li jikkonċernaw l-MID.

Il-Kapitolu VI jistabbilixxi l-miżuri li jappoġġjaw l-interoperabbiltà. Jipprevedi t-titjib tal-kwalità tad-data, filwaqt li jistabbilixxi l-Format Universali ta’ Messaġġ bħala l-istandard komuni għall-iskambju ta’ informazzjoni b’appoġġ tal-interoperabbiltà, u joħloq repożitorju ċentrali għar-rapportar u għall-istatistiki.

Il-Kapitolu VII hu relatat mal-protezzjoni tad-data. Dan il-kapitolu jagħmel dispożizzjonijiet li jiżguraw li d-data pproċessata skont dan ir-Regolament tiġi pproċessata skont il-liġi u kif xieraq, f’konformità mad-dispożizzjonijiet tar-Regolament Nru 45/2001. Jispjega min se jkun il-proċessur tad-data għal kull waħda mill-miżuri tal-interoperabbiltà proposti f’dan ir-Regolament, jistabbilixxi l-miżuri meħtieġa mill-eu-LISA u mill-awtoritajiet tal-Istati Membri biex jiżguraw is-sigurtà tal-ipproċessar ta’ data, il-kunfidenzjalità tad-data, l-immaniġġjar xieraq tal-inċidenti tas-sigurtà u l-monitoraġġ xieraq tal-konformità mal-miżuri f’dan ir-Regolament. Il-kapitolu fih ukoll dispożizzjonijiet rigward id-drittijiet ta’ suġġetti tad-data, inkluż id-dritt li jiġu informati li data li tirrigwardahom inħażnet u ġiet proċessata skont dan ir-Regolament, u d-dritt ta’ aċċess, ta’ korrezzjoni u ta’ tħassir ta’ data personali li nħażnet u ġiet proċessata skont dan ir-Regolament. Dan il-kapitolu jistabbilixxi wkoll il-prinċipju li d-data pproċessata skont dan ir-Regolament ma tistax tiġi ttrasferita jew titqiegħed għad-dispożizzjoni ta’ xi pajjiż terz, organizzazzjoni internazzjonali jew parti privata, bl-eċċezzjoni tal-Interpol għal xi skopijiet speċifiċi, u d-data riċevuta mingħand il-Europol permezz tal-portal Ewropew tat-tfittxija fejn ikunu japplikaw ir-regoli tar-Regolament 2016/794 dwar l-ipproċessar sussegwenti ta’ data. Finalment, il-kapitolu jistabbilixxi d-dispożizzjonijiet relatati mas-superviżjoni u mal-awditjar b’rabta mal-protezzjoni tad-data.

Il-Kapitolu VIII jistabbilixxi r-responsabbiltajiet tal-eu-LISA qabel u wara d-dħul fis-seħħ tal-miżuri f’din il-proposta, u għall-Istati Membri, għall-Europol u għall-unità ċentrali tal-ETIAS.

Il-Kapitolu IX jikkonċerna l-emendi lil strumenti oħra tal-Unjoni. Dan il-kapitolu jintroduċi t-tibdiliet fi strumenti legali oħra li huma neċessarji għall-implimentazzjoni sħiħa ta’ din il-proposta dwar l-interoperabbiltà. Din il-proposta tinkludi dispożizzjonijiet dettaljati għat-tibdiliet neċessarji fl-istrumenti legali li bħalissa huma testi stabbli kif adottati mill-koleġiżlaturi: il-Kodiċi tal-Fruntieri ta’ Schengen, ir-Regolament dwar l-EES, ir-Regolament dwar il-VIS (KE), id-Deċiżjoni tal-Kunsill 2004/512/KE (id-Deċiżjoni dwar il-VIS) u d-Deċiżjoni tal-Kunsill 2008/633/ĠAI (id-Deċiżjoni dwar il-VIS/l-aċċess għall-infurzar tal-liġi). Din il-proposta tinkludi wkoll dispożizzjonijiet dettaljati għat-tibdiliet neċessarji fl-abbozz tal-istrumenti legali li bħalissa huma testi stabbli kif maqbula proviżjonament mill-koleġiżlaturi: ir-Regolament propost dwar l-ETIAS, dwar is-SIS fil-qasam tal-kontrolli fil-fruntiera, u dwar eu-LISA.

Il-Kapitolu X jistabbilixxi dettalji relatati ma’: l-obbligi statistiċi u ta’ rapportar relatati mad-data pproċessata skont dan ir-Regolament; il-miżuri ta’ tranżizzjoni li se jkunu meħtieġa; l-arranġamenti relatati mal-kostijiet li jirriżultaw minn dan ir-Regolament; ir-rekwiżiti relatati man-notifiki; il-proċess għall-bidu tal-operazzjonijiet tal-miżuri proposti f’dan ir-Regolament; l-arranġamenti ta’ governanza inkluża l-formazzjoni ta’ kumitat ta’ grupp konsultattiv, ir-responsabbiltà tal-eu-LISA b’rabta mat-taħriġ, u manwal prattiku li jappoġġa l-implimentazzjoni u l-ġestjoni tal-komponenti tal-interoperabbiltà; il-proċeduri relatati mal-monitoraġġ u mal-evalwazzjoni tal-miżuri proposti f’dan ir-Regolament; u dispożizzjoni għad-dħul fis-seħħ ta’ dan ir-Regolament.

2017/0351 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istabbiliment ta’ qafas għall-interoperabbiltà bejn is-sistemi ta’ informazzjoni tal-UE (fruntieri u viża) u li jemenda id-Deċiżjoni tal-Kunsill 2004/512/KE, ir-Regolament (KE) Nru 767/2008, id-Deċiżjoni tal-Kunsill 2008/633/ĠAI, ir-Regolament (UE) 2016/399, ir-Regolament (UE) 2017/2226, ir-Regolament (UE) 2018/XX [ir-Regolament dwar l-ETIAS], ir-Regolament (UE) 2018/XX [ir-Regolament dwar is-SIS fil-qasam tal-kontrolli fil-fruntiera] u r-Regolament (UE) Nru 2018/XX [ir-Regolament eu-LISA]

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 16(2), l-Artikolu 74 u l-Artikolu 77(2)(a), (b), (d) u (e) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara konsultazzjoni mal-Kontrollur Ewropew għall-Protezzjoni tad-Data;

Wara li kkunsidraw l-opinjoni tal-Kumitat Ekonomiku u Soċjali Ewropew, 44  

Wara li kkunsidraw l-opinjoni tal-Kumitat tar-Reġjuni, 45  

Filwaqt li jaġixxu skont il-proċedura leġiżlattiva ordinarja

Billi:

(1)Fil-Komunikazzjoni tagħha tas-6 ta’ April 2016 intitolata Sistemi ta’ Informazzjoni aktar b’saħħithom u aktar intelliġenti għall-Fruntieri u s-Sigurtà 46 , il-Kummissjoni saħqet fuq il-ħtieġa li tittejjeb l-arkitettura tal-ġestjoni tad-data tal-Unjoni għall-ġestjoni tal-fruntieri u għas-sigurtà. Il-Kummissjoni nediet proċess favur il-kisba tal-interoperabbiltà bejn is-sistemi ta’ informazzjoni tal-UE għall-ġestjoni tas-sigurtà, tal-fruntieri u tal-migrazzjoni, bl-għan li tindirizza n-nuqqasijiet strutturali relatati ma’ dawn is-sistemi li jxekklu l-ħidma tal-awtoritajiet nazzjonali u biex jiġi żgurat li l-gwardji tal-fruntiera, l-awtoritajiet doganali, l-uffiċjali tal-pulizija u l-awtoritajiet ġudizzjarji jkollhom l-informazzjoni neċessarja għad-dispożizzjoni tagħhom.

(2)Fil-Pjan Direzzjonali għat-titjib tal-iskambju tal-informazzjoni u l-ġestjoni tal-informazzjoni inklużi soluzzjonijiet ta’ interoperabbiltà fil-qasam tal-Ġustizzja u l-Affarijiet Interni tas-6 ta’ Ġunju 2016 47 , il-Kunsill identifika diversi sfidi legali, tekniċi u operazzjonali fl-interoperabbiltà tas-sistemi ta’ informazzjoni tal-UE u sejjaħ għas-sejbien ta’ soluzzjonijiet.

(3)Fir-Riżoluzzjoni tiegħu tas-6 ta’ Lulju 2016 dwar il-prijoritajiet strateġiċi għall-Programm ta’ Ħidma 2017 tal-Kummissjoni 48 , il-Parlament Ewropew sejjaħ għal proposti għat-titjib u għall-iżvilupp tas-sistemi ta’ informazzjoni eżistenti tal-UE, għall-indirizzar tal-lakuni fl-informazzjoni u għall-mixja lejn l-interoperabbiltà ta’ dawn, kif ukoll għal proposti għall-kondiviżjoni obbligatorja ta’ informazzjoni fil-livell tal-UE, flimkien mas-salvagwardji neċessarji għall-protezzjoni tad-data.

(4)Il-Kunsill Ewropew tal-15 ta’ Diċembru 2016 49 sejjaħ biex tkompli l-ksiba tal-interoperabbiltà tas-sistemi ta’ informazzjoni u tal-bażijiet ta’ data tal-UE.

(5)Fir-rapport finali tiegħu tal-11 ta’ Mejju 2017 50 , il-grupp ta’ esperti ta’ livell għoli dwar is-sistemi ta’ informazzjoni u l-interoperabbiltà kkonkluda li l-ħidma favur soluzzjonijiet prattiċi għall-interoperabbiltà hi neċessarja u teknikament fattibbli u li, fil-prinċipju, hu possibbli li dawn kemm jiksbu titjib operazzjonali u jkunu stabbiliti f’konformità mar-rekwiżiti relatati mal-protezzjoni tad-data.

(6)Fil-Komunikazzjoni tagħha tas-16 ta’ Mejju 2017 intitolata Seventh progress report towards an effective and genuine Security Union 51 , il-Kummissjoni stabbilixxiet, f’konformità mal-Komunikazzjoni tagħha tas-6 ta’ April 2016 u kif ikkonfermat mis-sejbiet u mir-rakkomandazzjonijiet tal-grupp ta’ esperti ta’ livell għoli dwar is-sistemi ta’ informazzjoni u l-interoperabbiltà, approċċ ġdid għall-ġestjoni tad-data għall-fruntieri, għas-sigurtà u għall-migrazzjoni fejn is-sistemi ta’ informazzjoni kollha tal-UE għall-ġestjoni tas-sigurtà, tal-fruntieri u tal-migrazzjoni jkunu interoperabbli b’rispett sħiħ tad-drittijiet fundamentali.

(7)Fil-Konklużjonijiet tiegħu tad-9 ta’ Ġunju 2017 52 dwar il-mod ’il quddiem biex jittejjeb l-iskambju ta’ informazzjoni u tiġi żgurata l-interoperabbiltà tas-sistemi ta’ informazzjoni tal-UE, il-Kunsill stieden lill-Kummissjoni tfittex is-soluzzjonijiet għall-interoperabbiltà kif proposti mill-grupp ta’ esperti ta’ livell għoli.

(8)Il-Kunsill Ewropew tat-23 ta’ Ġunju 2017 53 saħaq fuq il-ħtieġa li tittejjeb l-interoperabbiltà bejn il-bażijiet ta’ data u stieden lill-Kummissjoni biex tħejji, mill-aktar fis possibbli, abbozz ta’ leġiżlazzjoni li tapprova l-proposti magħmula mill-grupp ta’ esperti ta’ livell għoli dwar is-sistemi ta’ informazzjoni u l-interoperabbiltà.

(9)Bl-għan li titjieb il-ġestjoni tal-fruntieri esterni, biex jiġi kkontribwit għall-prevenzjoni u għall-ġlieda kontra l-migrazzjoni irregolari u biex jiġi kkontribwit għal livell għoli ta’ sigurtà fi ħdan l-ispazju ta’ libertà, sigurtà u ġustizzja tal-Unjoni, inkluża ż-żamma tas-sigurtà pubblika u tal-ordni pubbliku u tiġi ssalvagwardjata s-sigurtà fit-territorji tal-Istati Membri, jenħtieġ li tiġi stabbilita l-interoperabbiltà bejn is-sistemi ta’ informazzjoni tal-UE, jiġifieri [is-Sistema ta’ Dħul/Ħruġ (EES)], is-Sistema ta’ Informazzjoni dwar il-Viża (VIS), [is-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS)], il-Eurodac, is-Sistema ta’ Informazzjoni ta’ Schengen (SIS) u s-[Sistema Ewropea ta’ Informazzjoni ta’ Rekords Kriminali għal ċittadini ta’ pajjiżi terzi (ECRIS-TCN)] biex dawn is-sistemi ta’ informazzjoni tal-UE u d-data tagħhom jissupplimentaw lil xulxin. Biex jinkiseb dan, jenħtieġ li jiġu stabbiliti portal Ewropew tat-tfittxija (ESP), servizz kondiviż ta’ tqabbil bijometriku (BMS kondiviż), repożitorju komuni ta’ informazzjoni dwar l-identità (CIR) u detettur ta’ identitajiet multipli (MID) bħala komponenti tal-interoperabbiltà.

(10)Jenħtieġ li l-interoperabbiltà bejn is-sistemi ta’ informazzjoni tal-UE tippermetti lit-tali sistemi jissupplimentaw lil xulxin biex tiġi ffaċilitata l-identifikazzjoni korretta tan-nies, jiġi kkontribwit għall-ġlieda kontra l-frodi tal-identità, jitjiebu u jiġu armonizzati r-rekwiżiti relatati mal-kwalità tad-data tas-sistemi ta’ informazzjoni rispettivi tal-UE, tiġi ffaċilitata l-implimentazzjoni teknika u operazzjonali mill-Istati Membri tas-sistemi ta’ informazzjoni eżistenti u futuri tal-UE, jissaħħu u jiġu ssimplifikati s-salvagwardji tas-sigurtà tad-data u tal-protezzjoni tad-data li jirregolaw is-sistemi ta’ informazzjoni rispettivi tal-UE, jiġi ssimplifikat l-aċċess għall-infurzar tal-liġi għall-EES, għall-VIS, għall-[ETIAS] u għall-Eurodac, u jiġu appoġġjati l-iskopijiet tal-EES, tal-VIS, tal-[ETIAS], tal-Eurodac, tas-SIS u tas-[sistema ECRIS-TCN].

(11)Jenħtieġ li l-komponenti tal-interoperabbiltà jkopru l-EES, il-VIS, l-[ETIAS], il-Eurodac, is-SIS u s-[sistema ECRIS-TCN]. Jenħtieġ li dawn ikopru wkoll id-data tal-Europol b’tali mod li din tkun tista’ titfittex b’mod simultanju ma’ dawn is-sistemi ta’ informazzjoni tal-UE.

(12)Jenħtieġ li l-komponenti tal-interoperabbiltà jikkonċernaw lil persuni li fir-rigward tagħhom tista’ tiġi pproċessata data personali fis-sistemi ta’ informazzjoni tal-UE u mill-Europol, jiġifieri ċittadini ta’ pajjiżi terzi li d-data personali tagħhom tiġi pproċessata fis-sistemi ta’ informazzjoni tal-UE u mill-Europol, u lil ċittadini tal-UE li d-data personali tagħhom tiġi pproċessata fis-SIS u mill-Europol.

(13)Jenħtieġ li l-portal Ewropew tat-tfittxija (ESP) jiġi stabbilit biex jiffaċilita teknikament il-ħila tal-awtoritajiet tal-Istati Membri u tal-korpi tal-UE biex ikollhom aċċess veloċi, mingħajr xkiel, effiċjenti, sistematiku u kkontrollat għas-sistemi ta’ informazzjoni tal-UE, għad-data tal-Europol u għall-bażijiet ta’ data tal-Interpol li huma meħtieġa biex iwettqu l-kompiti tagħhom, f’konformità mad-drittijiet ta’ aċċess tagħhom, u biex jappoġġja l-objettivi tal-EES, tal-VIS, tal-[ETIAS], tal-Eurodac, tas-SIS, tas-[sistema ECRIS-TCN] u tad-data tal-Europol. Filwaqt li jippermetti li ssir tfittxija simultanja tas-sistemi ta’ informazzjoni relevanti kollha tal-UE b’mod parallel, kif ukoll tad-data tal-Europol u tal-bażijiet ta’ data tal-Interpol, jenħtieġ li l-ESP jaġixxi bħala punt uniku ta’ servizz jew ta’ “intermedjarju tal-messaġġi” biex jitfittxu diversi sistemi ċentrali u tinstab l-informazzjoni neċessarja mingħajr dewmien u bir-rispett sħiħ tar-rekwiżiti dwar il-kontroll tal-aċċess u tal-protezzjoni tad-data tas-sistemi sottostanti.

(14)Il-bażi ta’ data ta’ Dokumenti tal-Ivvjaġġar Misruqin u Mitlufin (SLTD) tal-Organizzazzjoni Internazzjonali ta’ Pulizija Kriminali (Interpol) tippermetti lill-entitajiet tal-infurzar tal-liġi fl-Istati Membri, inklużi l-uffiċjali tal-immigrazzjoni u ta’ kontroll fil-fruntieri, biex jistabbilixxu l-validità ta’ dokument tal-ivvjaġġar. L-[ETIAS] tfittex fl-SLTD u fil-bażi ta’ data tad-Dokumenti tal-Ivvjaġġar Assoċjati ma’ Avviżi (TDAWN) tal-Interpol bl-għan li jiġi vvalutat jekk persuna li tapplika għal awtorizzazzjoni tal-ivvjaġġar ikollhiex probabbiltà li pereżempju ssir migrant irregolari jew tistax tkun ta’ theddida għas-sigurtà. Jenħtieġ li l-portal Ewropew iċċentralizzat tat-tfittxija (ESP) jippermetti li ssir tfittxija fil-bażijiet ta’ data SLTD u TDAWN billi tintuża d-data tal-identità ta’ individwu. Meta data personali tiġi ttrasferita mill-Unjoni lill-Interpol permezz tal-ESP, jenħtieġ li japplikaw id-dispożizzjonijiet dwar it-trasferimenti internazzjonali fil-Kapitolu V tar-Regolament (UE) 2016/679 tal-Parlament Ewropew u tal-Kunsill 54 , jew id-dispożizzjonijiet nazzjonali li jittrasponu l-Kapitolu V tad-Direttiva (UE) 2016/680 tal-Parlament Ewropew u tal-Kunsill 55 . Dan jenħtieġ li jkun mingħajr ħsara għar-regoli speċifiċi stabbiliti fil-Pożizzjoni Komuni tal-Kunsill 2005/69/ĠAI 56 u fid-Deċiżjoni tal-Kunsill 2007/533/ĠAI 57 .

(15)Jenħtieġ li l-portal Ewropew tat-tfittxija (ESP) jiġi żviluppat u kkonfigurat b’tali mod li ma jippermettix l-użu ta’ attributi ta’ data għat-tfittxija li ma jkunux relatati ma’ persuni jew ma’ dokumenti tal-ivvjaġġar jew li ma jkunux preżenti f’sistema ta’ informazzjoni tal-UE, fid-data tal-Europol jew fil-bażi ta’ data tal-Interpol.

(16)Biex jiġi żgurat użu veloċi u sistematiku tas-sistemi ta’ informazzjoni kollha tal-UE, jenħtieġ li l-portal Ewropew tat-tfittxija (ESP) jintuża biex isiru tfittxijiet fir-repożitorju komuni ta’ informazzjoni dwar l-identità, fl-EES, fil-VIS, fl-[ETIAS], fil-Eurodac u fis-[sistema ECRIS-TCN]. Madankollu, jenħtieġ li l-konnessjoni nazzjonali għas-sistemi ta’ informazzjoni differenti tal-UE tibqa’ biex tipprovdi rikors tekniku. Jenħtieġ li l-ESP jintuża wkoll mill-korpi tal-Unjoni biex dawn ifittxu fis-SIS Ċentrali f’konformità mad-drittijiet ta’ aċċess tagħhom u biex iwettqu l-kompiti tagħhom. Jenħtieġ li l-ESP ikun mezz addizzjonali biex isiru tfittxijiet fis-SIS Ċentrali, fid-data tal-Europol u fis-sistemi tal-Interpol, filwaqt li jiġu kkomplimentati l-interfaċċi ddedikati eżistenti.

(17)Data bijometrika, bħal marki tas-swaba’ u immaġnijiet tal-wiċċ, huma uniċi u, għalhekk ferm aktar affidabbli minn data alfanumerika għall-identifikazzjoni ta’ persuna. Jenħtieġ li s-servizz kondiviż ta’ tqabbil bijometriku (BMS kondiviż) ikun għodda teknika biex tissaħħaħ u tiġi ffaċilitata l-ħidma tas-sistemi ta’ informazzjoni relevanti tal-UE u tal-komponenti tal-interoperabbiltà l-oħra. Jenħtieġ li l-iskop prinċipali tal-BMS kondiviż ikun li jiffaċilita l-identifikazzjoni ta’ individwu li jista’ jkun irreġistrat f’bażijiet ta’ data differenti, billi jqabbel id-data bijometrika tiegħu f’sistemi differenti u billi jibbaża fuq komponent teknoloġiku uniku wieħed minflok ħamsa differenti f’kull waħda mis-sistemi sottostanti. Jenħtieġ li l-BMS kondiviż jikkontribwixxi għas-sigurtà, kif ukoll għall-benefiċċji finanzjarji, tal-manutenzjoni u operazzjonali billi jibbaża fuq komponent teknoloġiku uniku wieħed minflok ħafna differenti f’kull waħda mis-sistemi sottostanti. Is-sistemi awtomatizzati kollha għall-identifikazzjoni tal-marki tas-swaba’, inklużi dawk użati bħalissa għall-Eurodac, għall-VIS u għas-SIS, jużaw mudelli bijometriċi msawra minn data miksuba minn estrazzjoni tal-karatteristiċi ta’ kampjuni bijometriċi propji. Jenħtieġ li l-BMS kondiviż jiġbor fi grupp u jaħżen dawn il-mudelli bijometriċi kollha f’post uniku wieħed, biex b’hekk jiffaċilita t-tqabbil bejn is-sistemi billi tintuża data bijometrika u jippermetti l-ekonomiji ta’ skala fl-iżvilupp u fil-manutenzjoni tas-sistemi ċentrali tal-UE.

(18)Id-data bijometrika tikkostitwixxi data personali sensittiva. Jenħtieġ li dan ir-regolament jistabbilixxi l-bażi u s-salvagwardji għall-ipproċessar ta’ tali data għall-fini ta’ identifikazzjoni tal-persuni kkonċernati biss.

(19)Is-sistemi stabbiliti permezz tar-Regolament (UE) 2017/2226 tal-Parlament Ewropew u tal-Kunsill 58 , tar-Regolament (KE) Nru 767/2008 tal-Parlament Ewropew u tal-Kunsill 59 , tar-[Regolament dwar l-ETIAS] għall-ġestjoni tal-fruntieri tal-Unjoni, is-sistema stabbilita mir-[Regolament Eurodac] biex jiġu identifikati l-applikanti għal protezzjoni internazzjonali u għall-ġlieda kontra l-migrazzjoni irregolari, u s-sistema stabbilita permezz tar-[Regolament dwar is-sistema ECRIS-TCN] jeħtieġu li, biex ikunu effettivi, jibbażaw fuq l-identifikazzjoni preċiża ta’ ċittadini ta’ pajjiżi terzi li d-data personali tagħhom tkun maħżuna fihom.

(20)Jenħtieġ li, għalhekk, ir-repożitorju komuni ta’ informazzjoni dwar l-identità (CIR) jiffaċilita u jassisti fl-identifikazzjoni korretta tal-persuni rreġistrati fl-EES, fil-VIS, fl-[ETIAS], fil-Eurodac u fis-[sistema ECRIS-TCN].

(21)Data personali maħżuna f’dawn is-sistemi ta’ informazzjoni tal-UE tista’ tkun relatata mal-istess persuni iżda taħt identitajiet differenti jew mhux kompluti. L-Istati Membri jħaddmu mezzi effiċjenti biex jidentifikaw liċ-ċittadini tagħhom jew lir-residenti permanenti rreġistrati fit-territorju tagħhom, iżda dan mhuwiex minnu għal ċittadini ta’ pajjiżi terzi. Jenħtieġ li l-interoperabbiltà bejn is-sistemi ta’ informazzjoni kollha tal-UE tikkontribwixxi għall-identifikazzjoni korretta ta’ ċittadini ta’ pajjiżi terzi. Jenħtieġ li r-repożitorju komuni ta’ informazzjoni dwar l-identità (CIR) jaħżen id-data personali li tikkonċerna liċ-ċittadini ta’ pajjiżi terzi preżenti fis-sistemi li tkun neċessarja biex issir l-identifikazzjoni aktar preċiża ta’ dawk l-individwi, u għalhekk jinkludi l-identità, id-dokument tal-ivvjaġġar u d-data bijometrika tagħhom, irrispettivament mis-sistema li fiha oriġinarjament inġabret id-data. Id-data personali neċessarja biex isir kontroll tal-identità biss jenħtieġ li tinħażen fis-CIR. Id-data personali rreġistrata fis-CIR jenħtieġ li tinżamm għal mhux aktar minn dak li jkun strettament neċessarju għall-finijiet tas-sistemi sottostanti u jenħtieġ li titħassar b’mod awtomatiku malli d-data titħassar fis-sistemi sottostanti f’konformità mas-separazzjoni loġika tagħhom.

(22)L-operazzjoni l-ġdida ta’ proċessar li tikkonsisti fil-ħżin tat-tali data fir-repożitorju komuni ta’ informazzjoni dwar l-identità (CIR) minflok fil-ħżin f’kull waħda mis-sistemi separati hi neċessarja biex tiżdied l-akkuratezza tal-identifikazzjoni li ssir possibbli bis-saħħa tat-tqabbil u tat-tlaqqigħ awtomatizzat tat-tali data. Il-fatt li d-data tal-identità u bijometrika ta’ ċittadini ta’ pajjiżi terzi tinħażen fis-CIR jenħtieġ li ma jxekkilx b’xi mod l-ipproċessar ta’ data għall-finijiet tar-Regolamenti dwar l-EES, il-VIS, l-ETIAS, il-Eurodac jew is-sistema ECRIS-TCN, peress li jenħtieġ li s-CIR ikun komponent kondiviż ġdid ta’ dawk is-sistemi sottostanti.

(23)B’rabta ma’ dan, il-ħolqien ta’ fajl individwali fir-repożitorju komuni ta’ informazzjoni dwar l-identità (CIR) għal kull persuna li tiġi rreġistrata fl-EES, fil-VIS, fl-ETIAS, fil-Eurodac jew fis-sistema ECRIS-TCN hu neċessarju biex jintlaħaq l-iskop ta’ identifikazzjoni korretta ta’ ċittadini ta’ pajjiżi terzi fi ħdan iż-żona Schengen, u biex jiġi appoġġjat id-detettur ta’ identitajiet multipli għall-iskop doppju ta’ ffaċilitar tal-kontrolli tal-identità għal vjaġġatur in bona fede u tal-ġlieda kontra l-frodi tal-identità. Jenħtieġ li l-fajl individwali jaħżen f’post wieħed u jagħmel aċċessibbli għall-utenti finali awtorizzati kif xieraq l-identitajiet possibbli kollha llinkjati ma’ persuna.

(24)B’hekk, jenħtieġ li r-repożitorju komuni ta’ informazzjoni dwar l-identità (CIR) jappoġġja l-funzjonament tad-detettur ta’ identitajiet multipli u jiffaċilita u jissimplifika l-aċċess mill-awtoritajiet tal-infurzar tal-liġi għas-sistemi ta’ informazzjoni tal-UE li mhumiex stabbiliti b’mod esklużiv għall-finijiet ta’ prevenzjoni, ta’ investigazzjoni, ta’ detezzjoni jew ta’ prosekuzzjoni ta’ reat serju.

(25)Jenħtieġ li r-repożitorju komuni ta’ informazzjoni dwar l-identità (CIR) jipprovdi għal repożitorju kondiviż għad-data tal-identità u bijometrika ta’ ċittadini ta’ pajjiżi terzi rreġistrati fl-EES, fil-VIS, fl-[ETIAS], fil-Eurodac u fis-[sistema ECRIS-TCN], b’tali mod li jservi bħala l-komponent kondiviż bejn dawn is-sistemi għall-ħin ta’ din id-data, biex tkun tista’ titfittex.

(26)Ir-rekords kollha fir-repożitorju komuni ta’ informazzjoni dwar l-identità (CIR) jenħtieġ li jkunu sseparati loġikament bl-itteggjar awtomatiku ta’ kull rekord mas-sistema sottostanti li hi proprjetarja ta’ dak ir-rekord. Jenħtieġ li l-kontroll tal-aċċess tas-CIR juża dawn it-tags biex jippermetti l-aċċessibbiltà jew in-nuqqas ta’ aċċessibbiltà għar-rekord.

(27)Biex tiġi żgurata l-identifikazzjoni korretta ta’ persuna, l-awtoritajiet tal-Istati Membri kompetenti għall-prevenzjoni u għall-ġlieda kontra l-migrazzjoni irregolari u l-awtoritajiet kompetenti skont it-tifsira tal-Artikolu 3(7) tad-Direttiva 2016/680 jenħtieġ li jkunu awtorizzati jfittxu fir-repożitorju komuni ta’ informazzjoni dwar l-identità (CIR) permezz tad-data bijometrika ta’ dik il-persuna meħuda matul kontroll tal-identità.

(28)Meta d-data bijometrika tal-persuna ma tkunx tista’ tintuża jew jekk it-tfittxija b’din id-data ma tirnexxix, jenħtieġ li t-tfittxija ssir bid-data tal-identità ta’ dik il-persuna flimkien mad-data tad-dokument tal-ivvjaġġar. Meta t-tfittxija tindika li d-data dwar dik il-persuna tkun maħżuna fir-repożitorju komuni ta’ informazzjoni dwar l-identità (CIR), jenħtieġ li l-awtoritajiet tal-Istati Membri jkollhom aċċess biex jikkonsultaw id-data tal-identità ta’ dik il-persuna li tkun maħżuna fis-CIR, bla ma tiġi pprovduta ebda indikazzjoni dwar għal liema sistema ta’ informazzjoni tal-UE tappartjeni d-data.

(29)Jenħtieġ li l-Istati Membri jadottaw miżuri leġiżlattivi nazzjonali li jaħtru l-awtoritajiet kompetenti biex iwettqu kontrolli tal-identità bl-użu tar-repożitorju komuni ta’ informazzjoni dwar l-identità (CIR) u li jistabbilixxu l-proċeduri, il-kundizzjonijiet u l-kriterji tat-tali kontrolli f’konformità mal-prinċipju tal-proporzjonalità. B’mod partikolari, jenħtieġ li l-miżuri leġiżlattivi nazzjonali jipprevedu s-setgħa li tinġabar data bijometrika matul kontroll tal-identità ta’ persuna preżenti quddiem il-membru ta’ dawk l-awtoritajiet.

(30)Jenħtieġ li dan ir-Regolament jintroduċi wkoll possibbiltà ġdida għal aċċess issimplifikat għad-data lil hinn mid-data tal-identità preżenti fl-EES, fil-VIS, fl-[ETIAS] jew fil-Eurodac mill-awtoritajiet tal-infurzar tal-liġi maħtura tal-Istati Membri u mill-Europol. Id-data, inkluża data oħra apparti data tal-identità li tinsab f’dawk is-sistemi, tista’ tkun neċessarja għall-prevenzjoni, għad-detezzjoni, għall-investigazzjoni u għall-prosekuzzjoni ta’ reati terroristiċi jew ta’ reati kriminali serji f’każ speċifiku.

(31)L-aċċess sħiħ għad-data neċessarja li tinsab fis-sistemi ta’ informazzjoni tal-UE neċessarji għall-finijiet ta’ prevenzjoni, ta’ detezzjoni u ta’ investigazzjoni ta’ reati terroristiċi jew ta’ reati kriminali serji oħra, lil hinn mid-data tal-identità relevanti koperta fir-repożitorju komuni ta’ informazzjoni dwar l-identità (CIR) miksuba bl-użu tad-data bijometrika ta’ dik il-persuna meħuda matul kontroll tal-identità, jenħtieġ li jibqa’ jiġi rregolat mid-dispożizzjonijiet fl-istrumenti legali rispettivi. L-awtoritajiet tal-infurzar tal-liġi maħtura u l-Europol ma jkunux jafu minn qabel liema mis-sistemi ta’ informazzjoni tal-UE fiha d-data tal-persuni li jkunu qed ifittxu dwarhom. Dan jirriżulta f’dewmien u f’ineffiċjenzi fit-twettiq tal-kompiti tagħhom. Għaldaqstant, jenħtieġ li l-utent finali awtorizzat mill-awtorità maħtura jitħalla jara f’liema mis-sistemi ta’ informazzjoni tal-UE tiġi rreġistrata d-data li tikkorrispondi għat-tfittxija introdotta. B’hekk, is-sistema kkonċernata tiġi mmarkata wara l-verifika awtomatizzata tal-preżenza ta’ hit fis-sistema (l-hekk imsejħa funzjonalità ta’ indikazzjoni ta’ hit).

(32)Il-logs tat-tfittxijiet fir-repożitorju komuni ta’ informazzjoni dwar l-identità jenħtieġ li jindikaw l-iskop tat-tfittxija. Meta tali tfittxija tkun saret bl-użu tal-approċċ ta’ konsultazzjoni tad-data mqassam fuq żewġ stadji, jenħtieġ li l-logs jinkludu referenza għall-fajl nazzjonali tal-investigazzjoni jew tal-każ, u għalhekk jindikaw li t-tali tfittxija tnediet għall-finijiet ta’ prevenzjoni, ta’ detezzjoni u ta’ investigazzjoni ta’ reati terroristiċi jew ta’ reati kriminali serji oħra.

(33)It-tfittxija fir-repożitorju komuni ta’ informazzjoni dwar l-identità (CIR) mill-awtoritajiet maħtura tal-Istati Membri u mill-Europol biex jinkiseb tip ta’ rispons ta’ indikazzjoni ta’ hit li jindika li d-data hi rreġistrata fl-EES, fil-VIS, fl-[ETIAS] jew fil-Eurodac teħtieġ l-ipproċessar awtomatizzat ta’ data personali. Indikazzjoni ta’ hit ma tkunx tikxef id-data personali tal-individwu kkonċernat apparti indikazzjoni li parti mid-data tiegħu jew kollha kemm hi tkun maħżuna f’waħda mis-sistemi. Jenħtieġ li l-utent finali awtorizzat ma jieħu ebda deċiżjoni avversa għall-individwu kkonċernat esklużivament fuq il-bażi tas-sempliċi okkorrenza ta’ indikazzjoni ta’ hit. Għaldaqstant, l-aċċess mill-utent finali ta’ indikazzjoni ta’ hit ikollu interferenza limitata ħafna mad-dritt għall-protezzjoni tad-data personali tal-individwu kkonċernat, filwaqt li jkun neċessarju biex l-awtorità maħtura u l-Europol jitħallew jindirizzaw it-talba tiegħu għal aċċess għad-data personali b’mod aktar effettiv direttament għas-sistema li tkun ġiet indikata bħala dik li taħżinha.

(34)L-approċċ ta’ konsultazzjoni tad-data mqassam fuq żewġ stadji hu partikolarment siewi f’każijiet li fihom is-suspettat, l-awtur jew il-vittma ssuspettata ta’ reat terroristiku jew ta’ reat kriminali serju ieħor ma jkunx magħruf. Jenħtieġ li f’dawk il-każijiet ir-repożitorju komuni ta’ informazzjoni dwar l-identità (CIR) jippermetti l-identifikazzjoni tas-sistema ta’ informazzjoni li tkun taf il-persuna fi tfittxija waħda. Billi joħloq l-obbligu li jintuża dan l-approċċ il-ġdid ta’ aċċess għall-infurzar tal-liġi f’dawn il-każijiet, l-aċċess għad-data personali maħżuna fl-EES, fil-VIS, fl-[ETIAS] u fil-Eurodac jenħtieġ li jseħħ mingħajr ir-rekwiżiti ta’ tfittxija preċedenti f’bażijiet ta’ data nazzjonali u t-tnedija ta’ tfittxija preċedenti fis-sistema awtomatizzata għall-identifikazzjoni tal-marki tas-swaba’ ta’ Stati Membri oħra skont id-Deċiżjoni 2008/615/ĠAI. Il-prinċipju ta’ tfittxija preċedenti jillimita b’mod effettiv il-possibbiltà li l-awtoritajiet tal-Istati Membri jikkonsultaw sistemi għal skopijiet iġġustifikati ta’ infurzar tal-liġi u, b’hekk, jista’ jwassal għal opportunitajiet mitlufa biex tiġi żvelata informazzjoni neċessarja. Ir-rekwiżiti ta’ tfittxija preċedenti fil-bażijiet ta’ data nazzjonali u t-tnedija ta’ tfittxija preċedenti fis-sistema awtomatizzata għall-identifikazzjoni tal-marki tas-swaba’ ta’ Stati Membri oħra skont id-Deċiżjoni 2008/615/ĠAI jenħtieġ li jieqfu japplikaw biss ladarba ssir operazzjonali s-salvagwardja alternattiva tal-approċċ imqassam fuq żewġ stadji għall-aċċess għall-infurzar tal-liġi permezz tas-CIR.

(35)Jenħtieġ li jiġi stabbilit id-detettur ta’ identitajiet multipli (MID) biex jappoġġja l-funzjonament tar-repożitorju komuni ta’ informazzjoni dwar l-identità u biex jappoġġja l-objettivi tal-EES, tal-VIS, tal-[ETIAS], tal-Eurodac, tas-SIS u tas-[sistema ECRIS-TCN]. Biex ikunu effettivi fl-issodisfar tal-objettivi rispettivi tagħhom, dawn is-sistemi ta’ informazzjoni kollha tal-UE jeħtieġu l-identifikazzjoni preċiża tal-persuni li d-data personali tagħhom tkun maħżuna fihom.

(36)Il-possibbiltà li jinkisbu l-objettivi tas-sistemi ta’ informazzjoni tal-UE hi mxekkla mill-inabbiltà li l-awtoritajiet li jużaw dawn is-sistemi jwettqu verifiki affidabbli biżżejjed tal-identitajiet taċ-ċittadini ta’ pajjiżi terzi li d-data tagħhom tkun maħżuna f’sistemi differenti. Din l-inabbiltà hija ddeterminata mill-fatt li s-sett ta’ data tal-identità maħżun f’sistema individwali partikolari jista’ jkun frodulenti, żbaljat, jew inkomplut, u li bħalissa ma hemm l-ebda possibbiltà ta’ detezzjoni ta’ data tal-identità frodulenti, żbaljata jew inkompluta bħal din permezz ta’ tqabbil mad-data maħżuna f’sistema oħra. Biex tiġi rrimedjata din is-sitwazzjoni, hemm bżonn li jkun hemm strument tekniku fil-livell tal-Unjoni li jippermetti l-identifikazzjoni preċiża taċ-ċittadini ta’ pajjiżi terzi għal dawn l-iskopijiet.

(37)Jenħtieġ li d-detettur ta’ identitajiet multipli (MID) joħloq u jaħżen links bejn id-data fis-sistemi ta’ informazzjoni differenti tal-UE għad-detezzjoni ta’ identitajiet multipli, bl-iskop doppju ta’ ffaċilitar tal-kontrolli tal-identità għal vjaġġatur in bona fede u ta’ ġlieda kontra l-frodi tal-identità. Jenħtieġ li l-MID ikun fih biss il-links bejn l-individwi preżenti f’aktar minn sistema ta’ informazzjoni waħda tal-UE, strettament limitat għad-data neċessarja biex jiġi vverifikat li persuna tkun irreġistrata b’mod legali jew illegali taħt identitajiet bijografiċi differenti f’sistemi differenti, jew biex jiġi ċċarat li żewġ persuni li jkollhom data bijografika simili jaf ma jkunux l-istess persuna. L-ipproċessar ta’ data permezz tal-portal Ewropew tat-tfittxija (ESP) u s-servizz kondiviż ta’ tqabbil bijometriku (BMS kondiviż) biex jiġu kkollegati fajls individwali fost sistemi individwali jenħtieġ li jinżamm għal minimu assolut u, għalhekk, hu limitat għal detezzjoni ta’ identitajiet multipli malli tiddaħħal data ġdida f’waħda mis-sistemi ta’ informazzjoni inklużi fir-repożitorju komuni ta’ informazzjoni dwar l-identità u fis-SIS. Jenħtieġ li l-MID jinkludi salvagwardji kontra diskriminazzjoni jew deċiżjonijiet mhux favorevoli potenzjali għal persuni b’diversi identitajiet legali.

(38)Dan ir-Regolament jipprevedi operazzjonijiet ġodda ta’ proċessar tad-data mmirati lejn l-identifikazzjoni tal-persuni kkonċernati b’mod korrett. Dan jikkostitwixxi interferenza mad-drittijiet fundamentali tagħhom kif protetti mill-Artikoli 7 u 8 tal-Karta tad-Drittijiet Fundamentali. Peress li l-implimentazzjoni effettiva tas-sistemi ta’ informazzjoni tal-UE tiddependi mill-identifikazzjoni korretta tal-individwi kkonċernati, it-tali interferenza hi ġġustifikata mill-istess objettivi li għalihom ġiet stabbilita kull waħda minn dawk is-sistemi, il-ġestjoni effettiva tal-fruntieri tal-Unjoni, is-sigurtà interna tal-Unjoni, l-implimentazzjoni effettiva tal-politiki tal-Unjoni dwar l-ażil u l-viża u l-ġlieda kontra l-migrazzjoni irregolari.

(39)Jenħtieġ li l-portal Ewropew tat-tfittxija (ESP) u s-servizz kondiviż ta’ tqabbil bijometriku (BMS kondiviż) iqabblu d-data fir-repożitorju komuni ta’ informazzjoni dwar l-identità (CIR) u fis-SIS dwar il-persuni meta awtorità nazzjonali jew korp tal-UE joħolqu rekords ġodda. Jenħtieġ li t-tali tqabbil ikun awtomatizzat. Jenħtieġ li s-CIR u s-SIS jużaw il-BMS kondiviż għad-detezzjoni ta’ links possibbli fuq il-bażi ta’ data bijometrika. Jenħtieġ li s-CIR u s-SIS jużaw l-ESP għad-detezzjoni ta’ links possibbli fuq il-bażi ta’ data alfanumerika. Jenħtieġ li s-CIR u s-SIS ikunu kapaċi jidentifikaw data identika jew simili fuq iċ-ċittadin ta’ pajjiż terz maħżuna f’diversi sistemi. Meta dan ikun il-każ, jenħtieġ li tiġi stabbilita link li tindika li din tkun l-istess persuna. Jenħtieġ li s-CIR u s-SIS jiġu kkonfigurati b’tali mod li transliterazzjoni ħafifa jew żbalji ortografiċi żgħar jiġu individwati b’tali mod li ma joħloq ebda xkiel mhux iġġustifikat għaċ-ċittadin ta’ pajjiż terz ikkonċernat.

(40)L-awtorità nazzjonali jew il-korp tal-UE li rreġistraw id-data fis-sistema ta’ informazzjoni rispettiva tal-UE jenħtieġ li jikkonfermaw jew ibiddlu dawn il-links. Din l-awtorità jenħtieġ li jkollha aċċess għad-data maħżuna fir-repożitorju komuni ta’ informazzjoni dwar l-identità (CIR) jew fis-SIS) u fid-detettur ta’ identitajiet multipli (MID) għall-fini tal-verifika manwali tal-identità.

(41)L-aċċess għad-detettur ta’ identitajiet multipli (MID) mill-awtoritajiet tal-Istati Membri u mill-korpi tal-UE li jkollhom aċċess għal tal-anqas sistema ta’ informazzjoni waħda tal-UE inkluża fir-repożitorju komuni ta’ informazzjoni dwar l-identità (CIR) jew fis-SIS jenħtieġ li jkun limitat għall-hekk imsejħa links ħomor fejn id-data llinkjata jkollha l-istess data bijometrika iżda data tal-identità differenti u l-awtorità responsabbli għall-verifika tal-identitajiet differenti tkun ikkonkludiet li din tirreferi għall-istess persuna, jew fejn id-data llinkjata jkollha data tal-identità simili u l-awtorità responsabbli għall-verifika ta’ identitajiet differenti tkun ikkonkludiet li din tirreferi b’mod illegali għall-istess persuna. Meta d-data tal-identità llinkjata ma tkunx simili, jenħtieġ li tiġi stabbilita link safra u jenħtieġ li ssir verifika manwali biex tiġi kkonfermata l-link jew inkella għandu jitbiddel il-kulur tagħha kif xieraq.

(42)Il-verifika manwali ta’ diversi identitajiet jenħtieġ li tiġi żgurata mill-awtorità li toħloq jew taġġorna d-data li wasslet għal hit li rriżultat f’link mad-data diġà maħżuna f’sistema ta’ informazzjoni oħra tal-UE. Jenħtieġ li l-awtorità responsabbli għall-verifika ta’ identitajiet multipli tivvaluta jekk hemmx identitajiet multipli legali jew illegali. It-tali valutazzjoni jenħtieġ li ssir fejn possibbli fil-preżenza taċ-ċittadin ta’ pajjiż terz u fejn neċessarju billi jintalbu kjarifiki jew informazzjoni addizzjonali. Jenħtieġ li t-tali valutazzjoni ssir mingħajr dewmien, f’konformità mar-rekwiżiti legali għall-preċiżjoni tal-informazzjoni skont id-dritt tal-Unjoni u nazzjonali.

(43)Għal-links miksuba b’rabta mas-Sistema ta’ Informazzjoni ta’ Schengen (SIS) marbuta mal-allerti fir-rigward ta’ persuni mfittxija għal arrest jew għal skopijiet ta’ konsenja jew ta’ estradizzjoni, dwar persuni neqsin jew vulnerabbli, dwar persuni mfittxija biex jassistu fi proċedura ġudizzjarja, dwar persuni għal kontrolli diskreti jew għal kontrolli speċifiċi jew dwar persuni mfittxija mhux magħrufa, jenħtieġ li l-awtorità responsabbli għall-verifika tal-identitajiet multipli tkun l-Uffiċċju SIRENE tal-Istat Membru li jkun ħoloq it-twissija. Tabilħaqq, dawk il-kategoriji ta’ allerti tas-SIS huma selettivi u ma għandhomx neċessarjament jiġu kondiviżi mal-awtoritajiet li joħolqu jew jaġġornaw id-data f’waħda mis-sistemi ta’ informazzjoni l-oħra tal-UE. Il-ħolqien ta’ link mad-data tas-SIS jenħtieġ li jkun mingħajr ħsara għall-azzjonijiet li għandhom jittieħdu f’konformità mar-[Regolament dwar is-SIS].

(44)Jenħtieġ li l-eu-LISA tistabbilixxi mekkaniżmi awtomatizzati għall-kontroll tal-kwalità tad-data u indikaturi komuni tal-kwalità tad-data. L-eu-LISA jenħtieġ li tkun responsabbli biex tiżviluppa kapaċità ta’ monitoraġġ ċentrali għall-kwalità tad-data u biex tipproduċi rapporti regolari ta’ analiżi tad-data biex ittejjeb il-kontroll tal-implimentazzjoni u tal-applikazzjoni mill-Istati Membri tas-sistemi ta’ informazzjoni tal-UE. Jenħtieġ li l-indikaturi komuni tal-kwalità jinkludu l-istandards minimi tal-kwalità għall-ħżin tad-data fis-sistemi ta’ informazzjoni tal-UE jew fil-komponenti tal-interoperabbiltà. L-iskop ta’ tali standards dwar il-kwalità tad-data jenħtieġ li jkun li s-sistemi ta’ informazzjoni tal-UE u l-komponenti tal-interoperabbiltà jidentifikaw b’mod awtomatiku s-sottomissjonijiet tad-data apparentement skorretti jew inkonsistenti biex l-Istat Membru ta’ oriġini jkun jista’ jivverifika d-data u jwettaq kull azzjoni korrettiva meħtieġa.

(45)Jenħtieġ li l-Kummissjoni tevalwa r-rapporti tal-eu-LISA dwar il-kwalità u li toħroġ rakkomandazzjonijiet għall-Istati Membri fejn xieraq. L-Istati Membri jenħtieġ li jkunu responsabbli biex iħejju pjan ta’ azzjoni li jiddeskrivi l-azzjonijiet għar-rimedjar ta’ kull nuqqas fil-kwalità tad-data u jenħtieġ li dawn jirrapportaw dwar il-progress tiegħu b’mod regolari.

(46)Jenħtieġ li l-Format Universali ta’ Messaġġ (UMF) jistabbilixxi standard għall-iskambju strutturat u transfruntier ta’ informazzjoni bejn is-sistemi ta’ informazzjoni, l-awtoritajiet u/jew l-organizzazzjonijiet fil-qasam tal-Ġustizzja u l-Affarijiet interni. L-UMF jenħtieġ li jiddefinixxi vokabolarju u strutturi loġiċi komuni għal informazzjoni skambjata ta’ spiss bl-għan li jiffaċilita l-interoperabbiltà billi jippermetti l-ħolqien u l-qari tal-kontenut tal-iskambju b’mod konsistenti u sematikament ekwivalenti.

(47)Jenħtieġ li jiġi stabbilit repożitorju ċentrali għar-rapportar u għall-istatistika (CRRS) biex tiġi ġġenerata data statistika u rapportar analitiku bejn is-sistemi għall-finijiet ta’ politika, operazzjonali u ta’ kwalità tad-data. L-eu-LISA jenħtieġ li tistabbilixxi, timplementa u tospita s-CRRS fis-siti tekniċi tagħha li jkun fihom data statistika anonima mis-sistemi msemmija aktar ’il fuq, ir-repożitorju komuni ta’ informazzjoni dwar l-identità, id-detettur ta’ identitajiet multipli u s-servizz kondiviż ta’ tqabbil bijometriku. Id-data li tinsab fis-CRRS jenħtieġ li ma tkunx tippermetti li l-individwi jiġu identifikati. Jenħtieġ li l-eu-LISA trendi d-data anonima u jenħtieġ li tirreġistra t-tali data anonima fis-CRRS. Jenħtieġ li l-proċess biex id-data ssir anonima jiġi awtomatizzat u jenħtieġ li ma jingħata ebda aċċess dirett lill-persunal tal-eu-LISA għal ebda data personali maħżuna fis-sistemi ta’ informazzjoni tal-UE jew fil-komponenti tal-interoperabbiltà.

(48)Jenħtieġ li r-Regolament (UE) 2016/679 japplika għall-ipproċessar ta’ data personali skont dan ir-Regolament mill-awtoritajiet nazzjonali, sakemm tali proċessar ma jitwettaqx mill-awtoritajiet maħtura jew mill-punti ta’ aċċess ċentrali tal-Istati Membri għall-finijiet ta’ prevenzjoni, ta’ detezzjoni jew ta’ investigazzjoni ta’ reati terroristiċi jew ta’ reati kriminali serji oħra, meta jenħtieġ li tapplika d-Direttiva (UE) 2016/680 tal-Parlament Ewropew u tal-Kunsill.

(49)Id-dispożizzjonijiet speċifiċi dwar il-protezzjoni tad-data tar-[Regolament dwar l-EES], tar-Regolament (KE) Nru 767/2008, tar-[Regolament dwar l-ETIAS] u tar-[Regolament dwar is-SIS fil-qasam tal-kontrolli fil-fruntieri] jenħtieġ li japplikaw għall-ipproċessar ta’ data personali f’dawn is-sistemi rispettivi.

(50)Ir-Regolament (KE) Nru 45/2001 tal-Parlament Ewropew u tal-Kunsill 60 jenħtieġ li japplika għall-ipproċessar ta’ data personali mill-eu-LISA u minn istituzzjonijiet u minn korpi oħra tal-Unjoni meta jwettqu r-responsabbiltajiet tagħhom skont dan ir-Regolament, mingħajr ħsara għar-Regolament (UE) 2016/794, li jenħtieġ li japplika għall-ipproċessar ta’ data personali mill-Europol.

(51)Jenħtieġ li l-awtoritajiet ta’ sorveljanza nazzjonali stabbiliti f’konformità mar-[Regolament (UE) 2016/679] jimmonitorjaw il-legalità tal-ipproċessar ta’ data personali mill-Istati Membri, filwaqt li jenħtieġ li l-Kontrollur Ewropew għall-Protezzjoni tad-Data kif stabbilit bir-Regolament (KE) Nru 45/2001 jissorvelja l-attivitajiet tal-istituzzjonijiet u tal-korpi tal-Unjoni fir-rigward tal-ipproċessar ta’ data personali. Jenħtieġ li l-Kontrollur Ewropew għall-Protezzjoni tad-Data, u l-awtoritajiet superviżorji jikkooperaw ma’ xulxin fil-monitoraġġ tal-ipproċessar ta’ data personali mill-komponenti tal-interoperabbiltà.

(52)“(...) Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 28(2) tar-Regolament (KE) Nru 45/2001 u ta l-opinjoni tiegħu fi ... “

(53)Fir-rigward tal-kunfidenzjalità, id-dispożizzjonijiet relevanti tar-Regolamenti tal-Persunal għall-uffiċjali u l-Kundizzjonijiet tal-Impjieg applikabbli għall-aġenti l-oħra tal-Unjoni Ewropea għandhom japplikaw għal uffiċjali jew għal impjegati oħra li jkunu impjegati u li jkunu qed jaħdmu b’rabta mas-SIS.

(54)Jenħtieġ li kemm l-Istati Membri kif ukoll l-eu-LISA jżommu pjanijiet ta’ sigurtà biex jiffaċilitaw l-implimentazzjoni tal-obbligi ta’ sigurtà u jenħtieġ li dawn jikkooperaw ma’ xulxin biex jindirizzaw kwistjonijiet relatati mas-sigurtà. L-eu-LISA jenħtieġ li tiżgura li jsir użu kontinwu mill-aħħar żviluppi teknoloġiċi biex tiġi żgurata l-integrità tad-data rigward l-iżvilupp, id-disinn u l-ġestjoni tal-komponenti tal-interoperabbiltà.

(55)L-implimentazzjoni tal-komponenti tal-interoperabbiltà previsti fir-Regolament se jkollha impatt fuq il-mod li bih isiru l-verifiki fil-punti ta’ qsim tal-fruntiera. Dawn l-impatti se jirriżultaw minn applikazzjoni kkombinata tar-regoli eżistenti tar-Regolament (UE) 2016/399 tal-Parlament Ewropew u tal-Kunsill 61 u tar-regoli dwar l-interoperabbiltà stabbiliti f’dan ir-Regolament.

(56)Bħala konsegwenza ta’ din l-applikazzjoni kkombinata tar-regoli, jenħtieġ li l-portal Ewropew tat-tfittxija (ESP) jikkostitwixxi l-punt ta’ aċċess ewlieni għall-konsultazzjoni sistematika obbligatorja tal-bażijiet ta’ data għal ċittadini ta’ pajjiżi terzi fil-punti ta’ qsim tal-fruntiera stabbiliti mill-Kodiċi tal-Fruntieri ta’ Schengen. Barra minn hekk, jenħtieġ li d-data tal-identità li twassal għall-klassifikazzjoni ta’ link fid-detettur ta’ identitajiet multipli (MID) bħala link ħamra tiġi kkunsidrata mill-gwardji tal-fruntiera għall-valutazzjoni ta’ jekk il-persuna tissodisfax il-kundizzjonijiet tad-dħul definiti fil-Kodiċi tal-Fruntieri ta’ Schengen. Madankollu, jenħtieġ li l-preżenza ta’ link ħamra ma tikkostitwixxix minnha nfisha motivazzjoni għar-rifjut tad-dħul u għaldaqstant jenħtieġ li l-motivazzjonijiet eżistenti għar-rifjut tad-dħul elenkati fil-Kodiċi tal-Fruntieri ta’ Schengen ma jiġux emendati.

(57)Ikun xieraq li jiġi aġġornat il-Manwal Prattiku għall-Gwardji tal-Fruntiera biex dawn il-kjarifiki jsiru espliċiti.

(58)Madankollu, emenda tar-Regolament (UE) 2016/399 tkun meħtieġa biex jiżdied l-obbligu għall-gwardja tal-fruntiera li jirreferi lil ċittadin ta’ pajjiż terz għal kontroll tat-tieni linja f’każ li l-konsultazzjoni tad-detettur ta’ identitajiet multipli (MID) permezz tal-portal Ewropew tat-tfittxija (ESP) ikun jindika l-eżistenza ta’ link safra jew ta’ link ħamra, bl-għan li ma jtawwalx iż-żmien ta’ stennija fil-kontrolli tal-ewwel linja.

(59)Jekk it-tfittxija tad-detettur ta’ identitajiet multipli (MID) permezz tal-portal Ewropew tat-tfittxija (ESP) tirriżulta f’link safra jew issib link ħamra, jenħtieġ li l-gwardja tal-fruntiera fit-tieni linja jikkonsulta r-repożitorju komuni ta’ informazzjoni dwar l-identità jew is-Sistema ta’ Informazzjoni ta’ Schengen jew it-tnejn li huma biex jivvaluta l-informazzjoni dwar il-persuna li tiġi vverifikata, biex jivverifika manwalment l-identità differenti tagħha u jadatta l-kulur tal-link jekk ikun hemm bżonn.

(60)B’appoġġ tal-finijiet ta’ statistiki u ta’ rapportar, hemm bżonn li jingħata aċċess lill-persunal awtorizzat tal-awtoritajiet, tal-istituzzjonijiet u tal-korpi kompetenti identifikati f’dan ir-Regolament biex jikkonsulta ċerta data relatata ma’ ċerti komponenti tal-interoperabbiltà bla ma tkun tista’ ssir identifikazzjoni individwali.

(61)Biex l-awtoritajiet kompetenti u l-korpi tal-UE jkunu jistgħu jadattaw għar-rekwiżiti l-ġodda dwar l-użu tal-portal Ewropew tat-tfittxija (ESP), hemm bżonn li jiġi previst perjodu tranżitorju. B’mod simili, biex ikun hemm funzjonament koerenti u ottimali tad-detettur ta’ identitajiet multipli (MID), jenħtieġ li jiġu stabbiliti miżuri ta’ tranżizzjoni għall-bidu tal-operazzjonijiet tiegħu.

(62)Il-kostijiet għall-iżvilupp tal-komponenti tal-interoperabbiltà maħsuba skont il-Qafas Finanzjarju Pluriennali kurrenti huma anqas mill-ammont li fadal fil-baġit allokat għal Fruntieri Intelliġenti fir-Regolament (UE) 515/2014 tal-Parlament Ewropew u tal-Kunsill 62 . Għaldaqstant, dan ir-Regolament, skont l-Artikolu 5(5)(b) tar-Regolament (UE) Nru 515/2014, jenħtieġ li jalloka mill-ġdid l-ammont attwalment attribwit għall-iżvilupp ta’ sistemi tal-IT b’appoġġ tal-ġestjoni tal-flussi migratorji bejn il-fruntieri esterni.

(63)Biex jiġu ssupplimentati ċerti aspetti tekniċi dettaljati ta’ dan ir-Regolament, is-setgħa li tadotta l-atti f’konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-profili għall-utenti tal-portal Ewropew tat-tfittxija (ESP) u tal-kontenut u l-format tat-tweġibiet tal-ESP. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, anke fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016 63 . B’mod partikolari biex tkun żgurata l-parteċipazzjoni indaqs waqt it-tħejjija tal-atti delegati, jenħtieġ li l-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u jenħtieġ li l-esperti tagħhom ikollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija tal-atti delegati.

(64)Biex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tadotta regoli dettaljati dwar: il-mekkaniżmi, il-proċeduri u l-indikaturi awtomatizzati għall-kontroll tal-kwalità tad-data; l-iżvilupp tal-istandard tal-UMF; il-proċeduri għad-determinazzjoni tal-każijiet ta’ similarità tal-identitajiet; it-tħaddim tar-repożitorju ċentrali għar-rapportar u għall-istatistiki; u l-proċedura ta’ kooperazzjoni fil-każ ta’ inċidenti li jaffettwaw is-sigurtà. Jenħtieġ li dawn is-setgħat jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill 64 .

(65)Ir-Regolament 2016/794 għandu japplika għal kull proċessar ta’ data mill-Europol għall-finijiet ta’ dan ir-Regolament.

(66)Dan ir-Regolament huwa mingħajr preġudizzju għall-applikazzjoni tad-Direttiva 2004/38/KE.

(67)Dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen. 

(68)F’konformità mal-Artikoli 1 u 2 tal-Protokoll Nru 22 dwar il-Pożizzjoni tad-Danimarka, mehmuż mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhix qed tieħu sehem fl-adozzjoni ta’ dan ir-Regolament u la hi marbuta bih u lanqas ma hi soġġetta għall-applikazzjoni tiegħu. Peress li dan ir-Regolament jibni fuq l-acquis ta’ Schengen, id-Danimarka, f’konformità mal-Artikolu 4 ta’ dan il-Protokoll, għandha tiddeċiedi jekk hix se timplimentah fid-dritt nazzjonali tagħha fi żmien sitt xhur wara l-adozzjoni ta’ dan ir-Regolament.

(69)Dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen li r-Renju Unit ma jipparteċipax fih, f’konformità mad-Deċiżjoni tal-Kunsill 2000/365/KE 65 ; għaldaqstant, ir-Renju Unit mhuwiex qed jieħu sehem fl-adozzjoni ta’ dan ir-Regolament u mhuwiex marbut bih u lanqas ma hu soġġett għall-applikazzjoni tiegħu.

(70)Dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen li l-Irlanda ma tipparteċipax fih, skont id-Deċiżjoni tal-Kunsill 2002/192/KE 66 ; Għaldaqstant l-Irlanda mhix qed tieħu sehem fl-adozzjoni ta’ dan ir-Regolament u mhix marbuta bih u lanqas ma hi soġġetta għall-applikazzjoni tiegħu.

(71)Rigward l-Iżlanda u n-Norveġja, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen skont it-tifsira tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawn iż-żewġ Stati mal-implimentazzjoni, mal-applikazzjoni u mal-iżvilupp tal-acquis ta’ Schengen 67 , li jaqgħu taħt il-qasam imsemmi fl-Artikolu 1(A), (B) u (G) tad-Deċiżjoni tal-Kunsill 1999/437/KE tas-17 ta’ Mejju 1999 dwar ċerti arranġamenti għall-applikazzjoni ta’ dan il-Ftehim 68 .

(72)Fir-rigward tal-Iżvizzera, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen skont it-tifsira tal-Ftehim konkluż bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimetazzjoni, mal-applikazzjoni u mal-iżvilupp tal-acquis ta’ Schengen 69 li jaqgħu taħt il-qasam imsemmi fl-Artikolu 1(A), (B) u (G) tad-Deċiżjoni 1999/437/KE li jinqraw flimkien mal-Artikolu 3 tad-Deċiżjoni tal-Kunsill 2008/146/KE 70 .

(73)Fir-rigward tal-Liechtenstein, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen skont it-tifsira tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein għall-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, mal-applikazzjoni u mal-iżvilupp tal-acquis 71 ta’ Schengen li jaqgħu taħt il-qasam imsemmi fl-Artikolu 1(A), (B) u (G) tad-Deċiżjoni tal-Kunsill 1999/437/KE li jinqraw flimkien mal-Artikolu 3 tad-Deċiżjoni tal-Kunsill 2011/350/UE 72 .

(74)Fir-rigward ta’ Ċipru, id-dispożizzjonijiet relatati mas-SIS u mal-VIS jikkostitwixxu dispożizzjonijiet li jibnu fuq, jew inkella li huma relatati mal-acquis ta’ Schengen skont it-tifsira tal-Artikolu 3(2) tal-Att tal-Adeżjoni tal-2003.

(75)Fir-rigward tal-Bulgarija u tar-Rumanija, id-dispożizzjonijiet relatati mas-SIS u mal-VIS jikkostitwixxu dispożizzjonijiet li jibnu fuq l-acquis ta’ Schengen, jew li huma b’xi mod ieħor marbuta miegħu, skont it-tifsira tal-Artikolu 4(2) tal-Att tal-Adeżjoni tal-2005 li jinqara flimkien mad-Deċiżjoni tal-Kunsill 2010/365/UE 73 u mad-Deċiżjoni tal-Kunsill (UE) 2017/1908 74 .

(76)Fir-rigward tal-Kroazja, id-dispożizzjonijiet relatati mas-SIS u mal-VIS jikkostitwixxu dispożizzjonijiet li jibnu fuq l-acquis ta’ Schengen, jew li huma b’xi mod ieħor marbuta miegħu, skont it-tifsira tal-Artikolu 4(2) tal-Att tal-Adeżjoni tal-2011 li jinqara flimkien mad-Deċiżjoni tal-Kunsill (UE) 2017/733 75 .

(77)Dan ir-Regolament jirrispetta d-drittijiet fundamentali u josserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea u għandu jiġi implimentat f’konformità ma’ dawn id-drittijiet u l-prinċipji.

(78)Biex dan ir-Regolament ikun jaqbel fil-qafas legali eżistenti, jenħtieġ li r-Regolament (UE) 2016/399, ir-Regolament (UE) 2017/2226, id-Deċiżjoni tal-Kunsill 2008/633/ĠAI, ir-Regolament (KE) 767/2008 u d-Deċiżjoni tal-Kunsill 2004/512/KE jiġu emendati kif xieraq,

ADOTTAW DAN IR-REGOLAMENT:

KAPITOLU I
Dispożizzjonijiet ġenerali

Artikolu 1

Suġġett

1.Dan ir-Regolament, flimkien mar-[Regolament 2018/xx dwar l-interoperabbiltà,il-kooperazzjoni tal-pulizija u dik ġudizzjarja, l-ażil u l-migrazzjoni], jistabbilixxi qafas għall-iżgurar tal-interoperabbiltà bejn is-Sistema ta’ Dħul/Ħruġ (EES), is-Sistema ta’ Informazzjoni dwar il-Viża (VIS), [is-sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS)], il-Eurodac, is-Sistema ta’ Informazzjoni ta’ Schengen (SIS), u [s-Sistema Ewropea ta’ Informazzjoni ta’ Rekords Kriminali għal ċittadini ta’ pajjiżi terzi (ECRIS-TCN)] biex dawn is-sistemi u d-data jissupplimentaw lil xulxin.

2.Il-qafas għandu jinkludi l-komponenti tal-interoperabbiltà li ġejjin:

(a)portal Ewropew tat-tfittxija (ESP);

(b)servizz kondiviż ta’ tqabbil bijometriku (BMS kondiviż);

(c)repożitorju komuni ta’ informazzjoni dwar l-identità (CIR);

(d)detettur ta’ identitajiet multipli (MID).

3.Dan ir-Regolament jistabbilixxi wkoll dispożizzjonijiet dwar ir-rekwiżiti tal-kwalità tad-data, dwar Format Universali ta’ Messaġġ (UMF), dwar repożitorju ċentrali għar-rapportar u għall-istatistiki (CRRS) u jistabbilixxi r-responsabbiltajiet tal-Istati Membri u tal-Aġenzija Ewropea għat-tmexxija operattiva tas-sistemi tal-IT fuq skala kbira fl-ispazju ta’ libertà, sigurtà u ġustizzja (eu-LISA), fir-rigward tad-disinn u tal-operat tal-komponenti tal-interoperabbiltà.

4.Dan ir-Regolament jadatta wkoll il-proċeduri u l-kundizzjonijiet għall-aċċess mill-awtoritajiet tal-infurzar tal-liġi tal-Istati Membri u mill-Aġenzija tal-Unjoni Ewropea għall-Kooperazzjoni fl-Infurzar tal-Liġi u t-Taħriġ (Europol) għas-Sistema ta’ Dħul/Ħruġ (EES), għas-Sistema ta’ Informazzjoni dwar il-Viża (VIS), għas-[Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS),] u għall-Eurodac għall-finijiet tal-prevenzjoni, tad-detezzjoni u tal-investigazzjoni ta’ reati terroristiċi jew ta’ reati kriminali serji oħra li jaqgħu taħt il-kompetenza tagħhom.

Artikolu 2
Objettivi ta’ interoperabbiltà

1.Billi jiżgura l-interoperabbiltà, dan ir-Regolament għandu jkollu l-objettivi li ġejjin:

(a)li jtejjeb il-ġestjoni tal-fruntieri esterni;

(b)li jikkontribwixxi għall-prevenzjoni u għall-ġlieda kontra l-migrazzjoni irregolari;

(c)li jikkontribwixxi għal livell għoli ta’ sigurtà fi ħdan l-ispazju ta’ libertà, sigurtà u ġustizzja tal-Unjoni inklużi ż-żamma tas-sigurtà pubblika u tal-ordni pubbliku u s-salvagwardja tas-sigurtà fit-territorji tal-Istati Membri;

(d)li jtejjeb l-implimentazzjoni tal-politika komuni dwar il-viżi; kif ukoll

(e)li jassisti fl-eżaminazzjoni tal-applikazzjonijiet għal protezzjoni internazzjonali.

2.L-objettivi ta’ żgurar tal-interoperabbiltà għandhom jintlaħqu billi:

(a)tiġi żgurata l-identifikazzjoni korretta tal-persuni;

(b)jingħata kontribut għall-ġlieda kontra l-frodi tal-identità;

(c)jittejbu u jiġu armonizzati r-rekwiżiti relatati mal-kwalità tad-data tas-sistemi ta’ informazzjoni rispettivi tal-UE;

(d)tiġi ffaċilitata l-implimentazzjoni teknika u operazzjonali mill-Istati Membri tas-sistemi ta’ informazzjoni eżistenti u futuri tal-UE;

(e)jissaħħu u jiġu ssimplifikati u jiġu allinjati aħjar il-kundizzjonijiet relatati mas-sigurtà tad-data u mal-protezzjoni tad-data li jirregolaw is-sistemi ta’ informazzjoni rispettivi tal-UE;

(f)jiġu ssimplifikati l-kundizzjonijiet għall-aċċess għall-infurzar tal-liġi għall-EES, għall-VIS, għall-[ETIAS] u għall-Eurodac;

(g)jingħata appoġġ għall-finijiet tal-EES, tal-VIS, tal-[ETIAS], tal-Eurodac, tas-SIS u tas-[sistema ECRIS-TCN].

Artikolu 3

Kamp ta’ applikazzjoni

1.Dan ir-Regolament japplika għas-[Sistema ta’ Dħul/Ħruġ (EES)], għas-Sistema ta’ Informazzjoni dwar il-Viża (VIS), [għas-Sistema Ewropea ta’ Informazzjoni u ta’ Awtorizzazzjoni għall-Ivvjaġġar (ETIAS)] u għas-Sistema ta’ Informazzjoni ta’ Schengen (SIS).

2.Dan ir-Regolament japplika għal persuni li fir-rigward tagħhom tista’ tiġi pproċessata data personali fis-sistemi ta’ informazzjoni tal-UE msemmija fil-paragrafu 1.

Artikolu 4Definizzjonijiet

Għall-finijiet ta’ dan ir-Regolament japplikaw id-definizzjonijiet li ġejjin:

(1)“fruntieri esterni” tfisser fruntieri esterni kif definiti fl-Artikolu 2(2) tar-Regolament (UE) 2016/399;

(2)“verifiki fil-fruntieri” tfisser verifiki fil-fruntiera kif definit fl-Artikolu 2(11) tar-Regolament (UE) 2016/399;

(3)“awtorità tal-fruntiera” tfisser il-gwardja tal-fruntiera bil-kariga skont il-liġi nazzjonali biex twettaq verifiki fil-fruntieri;

(4)“awtoritajiet superviżorji” tfisser l-awtorità superviżorja stabbilita f’konformità mal-Artikolu 51(1) tar-Regolament (UE) 2016/679 u l-awtorità superviżorja stabbilita skont l-Artikolu 41(1) tad-Direttiva (UE) 2016/680;

(5)“verifika” tfisser il-proċess ta’ tqabbil ta’ settijiet ta’ data biex tiġi stabbilita l-validità tal-identità ddikjarata (verifika one-to-one);

(6)“identifikazzjoni” tfisser il-proċess biex tiġi ddeterminata l-identità ta’ persuna permezz ta’ tfittxija f’bażi tad-data ma’ settijiet multipli ta’ data (verifika one-to-many);

(7)“ċittadin ta’ pajjiż terz” tfisser persuna li mhix ċittadin tal-Unjoni skont it-tifsira tal-Artikolu 20(1) tat-Trattat, jew persuna apolida jew persuna li n-nazzjonalità tagħha ma tkunx magħrufa;

(8)“data alfanumerika“ tfisser data rrappreżentata minn ittri, ċifri, karattri speċjali, spazji u marki tal-punteġġjatura;

(9)“data tal-identità” tfisser id-data msemmija fl-Artikolu 27(3)(a) sa (h);

(10)“data dattiloskopika” tfisser id-data relatata mal-marki tas-swaba’ ta’ individwu;

(11)“immaġni tal-wiċċ” tfisser immaġnijiet diġitali tal-wiċċ;

(12)“data bijometrika” tfisser data tal-marki tas-swaba’ u/jew tal-immaġni tal-wiċċ;

(13)“mudell bijometriku” tfisser rappreżentazzjoni matematika miksuba b’estrazzjoni tal-karatteristiċi mid-data bijometrika limitata għall-karatteristiċi neċessarji biex isiru identifikazzjonijiet u verifiki;

(14)“dokument tal-ivvjaġġar” tfisser passaport jew dokument ieħor ekwivalenti li jintitola lid-detentur li jaqsam il-fruntieri esterni u li miegħu tista’ titwaħħal viża;

(15)“data tad-dokument tal-ivvjaġġar” tfisser it-tip, in-numru u l-pajjiż tal-ħruġ tad-dokument tal-ivvjaġġar, id-data tal-iskadenza tal-validità tad-dokument tal-ivvjaġġar u l-kodiċi bi tliet ittri tal-pajjiż li joħroġ id-dokument tal-ivvjaġġar;

(16)“awtorizzazzjoni tal-ivvjaġġar” tfisser awtorizzazzjoni tal-ivvjaġġar kif definita fl-Artikolu 3 tar-[Regolament dwar l-ETIAS];

(17)“viża għal żmien qasir” tfisser viża kif definita fl-Artikolu 2(2)(a) tar-Regolament (KE) Nru 810/2009;

(18)“sistemi ta’ informazzjoni tal-UE” tfisser is-sistemi tal-IT fuq skala kbira mmaniġġjati mill-eu-LISA;

(19)“data tal-Europol” tfisser data personali pprovduta lill-Europol għall-fini msemmi fl-Artikolu 18(2)(a) tar-Regolament (UE) Nru 2016/794.

(20)“bażijiet ta’ data tal-Interpol” tfisser il-bażi ta’ data ta’ Dokumenti tal-Ivvjaġġar Misruqin u Mitlufin (SLTD) tal-Interpol u l-bażi ta’ data ta’ Dokumenti tal-Ivvjaġġar Assoċjati ma’ Avviżi (Interpol TDAWN) tal-Interpol.

(21)“pariġġ” tfisser l-eżistenza ta’ korrispondenza stabbilita bit-tqabbil ta’ żewġ okkorrenzi jew aktar ta’ data personali rreġistrati jew li qed jiġu rreġistrati f’sistema ta’ informazzjoni jew f’bażi ta’ data;

(22)“hit” tfisser il-konferma ta’ pariġġ wieħed jew ta’ diversi;

(23)“awtorità tal-pulizija” tfisser “awtorità kompetenti” kif definita fl-Artikolu 3(7) tad-Direttiva 2016/680;

(24)“awtoritajiet maħtura” tfisser l-awtoritajiet maħtura tal-Istati Membri msemmija fl-Artikolu 29(1) tar-Regolament (UE) 2017/2226, fl-Artikolu 3(1) tad-Deċiżjoni tal-Kunsill 2008/633/ĠAI, [fl-Artikolu 43 tar-Regolament dwar l-ETIAS] u [fl-Artikolu 6 tar-Regolament Eurodac];

(25)“reat terroristiku” tfisser reat skont il-liġi nazzjonali li jikkorrispondi jew li hu ekwivalenti għal wieħed mir-reati msemmija fid-Direttiva (UE) 2017/541;

(26)“reat kriminali serju” tfisser reat li jikkorrispondi jew li huwa ekwivalenti għal wieħed mir-reati msemmija fl-Artikolu 2(2) tad-Deċiżjoni Qafas 2002/584/ĠAI, jekk dan ikun punibbli skont il-liġi nazzjonali b’sentenza ta’ priġunerija jew b’ordni ta’ detenzjoni għal perjodu massimu ta’ mill-inqas tliet snin;

(27)“EES” tfisser is-Sistema ta’ Dħul/Ħruġ kif imsemmija fir-Regolament (UE) 2017/2226;

(28)“VIS” tfisser is-Sistema ta’ Informazzjoni dwar il-Viża kif imsemmija fir-Regolament (KE) Nru 767/2008;

(29)[“ETIAS” tfisser is-Sistema Ewropea ta’ Informazzjoni u ta’ Awtorizzazzjoni għall-Ivvjaġġar kif imsemmija fir-Regolament dwar l-ETIAS];

(30)“Eurodac” tfisser il-Eurodac kif imsemmija fir-[Regolament Eurodac];

(31)“SIS” tfisser is-Sistema ta’ Informazzjoni ta’ Schengen kif imsemmija [fir-Regolament dwar is-SIS fil-qasam tal-verifiki fil-fruntieri, fir-Regolament dwar is-SIS fil-qasam tal-infurzar tal-liġi u fir-Regolament dwar is-SIS fil-qasam tar-ritorn illegali];

(32)[“Sistema ECRIS-TCN” tfisser is-Sistema Ewropea ta’ Informazzjoni ta’ Rekords Kriminali li fiha informazzjoni dwar ċittadini ta’ pajjiżi terzi u persuni apolidi kif imsemmija fir-Regolament dwar is-Sistema ECRIS-TCN];

(33)“ESP” tfisser il-portal Ewropew tat-tfittxija kif imsemmi fl-Artikolu 6;

(34)“BMS kondiviż” tfisser is-servizz kondiviż ta’ tqabbil bijometriku kif imsemmi fl-Artikolu 15;

(35)“CIR” tfisser ir-repożitorju komuni ta’ informazzjoni dwar l-identità kif imsemmi fl-Artikolu 17;

(36)“MID” tfisser id-detettur ta’ identitajiet multipli kif imsemmi fl-Artikolu 25;

(37)“CRRS” tfisser ir-repożitorju ċentrali għar-rapportar u għall-istatistiki kif imsemmi fl-Artikolu 39.

Artikolu 5
Nondiskriminazzjoni

L-ipproċessar ta’ data personali għall-finijiet ta’ dan ir-Regolament m’għandu għall-ebda raġuni jirriżulta f’diskriminazzjoni kontra persuni bħas-sess, ir-razza jew l-oriġini etnika, ir-reliġjon jew it-twemmin, diżabbiltà, l-età jew l-orjentazzjoni sesswali. Dan għandu jirrispetta bis-sħiħ id-dinjità u l-integrità tal-bniedem. Għandha tingħata attenzjoni partikolari lit-tfal, lill-anzjani u lill-persuni b’diżabilità.

KAPITOLU II
Il-Portal Ewropew tat-Tfittxija

Artikolu 6

Il-portal Ewropew tat-tfittxija

1.Hu stabbilit portal Ewropew tat-tfittxija (ESP) għall-finijiet ta’ żgurar li l-awtoritajiet tal-Istati Membri u tal-korpi tal-UE jkollhom aċċess veloċi, mingħajr xkiel, effiċjenti, sistematiku u kkontrollat għas-sistemi ta’ informazzjoni tal-UE, għad-data tal-Europol u għall-bażijiet ta’ data tal-Interpol li huma jeħtieġu biex iwettqu l-kompiti tagħhom f’konformità mad-drittijiet ta’ aċċess tagħhom, u għall-għoti ta’ appoġġ għall-objettivi tal-EES, tal-VIS, tal-[ETIAS], tal-Eurodac, tas-SIS, tas-[sistema ECRIS-TCN] u tad-data tal-Europol.

2.L-ESP għandu jkun magħmul minn:

(a)infrastruttura ċentrali, inkluż portal tat-tfittxija li jippermetti t-tfittix simultanju fl-EES, fil-VIS, fl-[ETIAS], fil-Eurodac, fis-SIS, fis-[sistema ECRIS-TCN] kif ukoll fid-data tal-Europol u fil-bażijiet ta’ data tal-Interpol;

(b)kanal ta’ komunikazzjoni sigur bejn l-ESP, l-Istati Membri u l-korpi tal-UE li huma intitolati jużaw l-ESP f’konformità mad-dritt tal-Unjoni;

(c)infrastruttura tal-komunikazzjoni sigura bejn l-ESP u l-EES, il-VIS, [l-ETIAS], il-Eurodac, is-SIS Ċentrali, [is-sistema ECRIS-TCN], id-data tal-Europol u l-bażijiet ta’ data tal-Interpol kif ukoll bejn l-ESP u l-infrastrutturi ċentrali tar-repożitorju komuni ta’ informazzjoni dwar l-identità (CIR) u d-detettur ta’ identitajiet multipli.

3.L-eu-LISA għandha tiżviluppa l-ESP u tiżgura l-ġestjoni teknika ta’ dan.

Artikolu 7

Użu tal-portal Ewropew tat-tfittxija

1.L-użu tal-ESP għandu jkun irriżervat għall-awtoritajiet tal-Istati Membri u għall-korpi tal-UE li jkollhom aċċess għall-EES, għall-[ETIAS], għall-VIS, għas-SIS, għall-Eurodac u għas-[sistema ECRIS-TCN], għas-CIR u għad-detettur ta’ identitajiet multipli kif ukoll għad-data tal-Europol u għall-bażijiet ta’ data tal-Interpol f’konformità mad-dritt tal-Unjoni jew nazzjonali li jirregola t-tali aċċess.

2.L-awtoritajiet imsemmija fil-paragrafu 1 għadhom jużaw l-ESP biex ifittxu data relatata ma’ persuni jew mad-dokumenti tal-ivvjaġġar tagħhom fis-sistemi ċentrali tal-EES, tal-VIS u tal-[ETIAS] f’konformità mad-drittijiet ta’ aċċess tagħhom skont id-dritt tal-Unjoni u nazzjonali. Dawn għandhom jużaw ukoll l-ESP biex ifittxu fis-CIR f’konformità mad-drittijiet ta’ aċċess tagħhom skont dan ir-Regolament għall-finijiet imsemmija fl-Artikoli 20, 21 u 22.

3.L-awtoritajiet tal-Istati Membri msemmija fil-paragrafu 1 jistgħu jużaw l-ESP biex ifittxu data relatata ma’ persuni jew mad-dokumenti tal-ivvjaġġar tagħhom fis-SIS Ċentrali msemmija fir-[Regolament dwar is-SIS fil-qasam tal-verifiki fil-fruntieri u fir-Regolament dwar is-SIS fil-qasam tal-infurzar tal-liġi]. L-aċċess għas-SIS Ċentrali permezz tal-ESP għandu jiġi stabbilit permezz tas-sistema nazzjonali (N.SIS) ta’ kull Stat Membru f’konformità mal-[Artikolu 4(2) tar-Regolament dwar is-SIS fil-qasam tal-verifiki fil-fruntieri u tar-Regolament dwar is-SIS fil-qasam tal-infurzar tal-liġi].

4.Il-korpi tal-UE għandhom jużaw l-ESP biex ifittxu data relatata ma’ persuni jew mad-dokumenti tal-ivvjaġġar ta’ dawn fis-SIS Ċentrali.

5.L-awtoritajiet imsemmija fil-paragrafu 1 jistgħu jużaw l-ESP biex ifittxu data relatata ma’ persuni jew mad-dokumenti tal-ivvjaġġar tagħhom fil-bażijiet ta’ data tal-Interpol f’konformità mad-drittijiet ta’ aċċess tagħhom skont id-dritt tal-Unjoni u nazzjonali.

Artikolu 8

Profili għall-utenti tal-portal Ewropew tat-tfittxija

1.Biex ikun jista’ jsir użu mill-ESP, l-eu-LISA għandha toħloq profil għal kull kategorija ta’ utent tal-ESP f’konformità mad-dettalji tekniċi u mad-drittijiet ta’ aċċess imsemmija fil-paragrafu 2, inkluż f’konformità mad-dritt tal-Unjoni u nazzjonali:

(a)l-attributi tad-data li għandhom jintużaw għat-tfittxijiet;

(b)is-sistemi ta’ informazzjoni tal-UE, id-data tal-Europol u l-bażijiet ta’ data tal-Interpol li għandhom jiġu kkonsultati u li għandhom jipprovdu tweġiba lill-utent; kif ukoll

(c)id-data pprovduta f’kull tweġiba.

2.Il-Kummissjoni għandha tadotta atti delegati f’konformità mal-Artikolu 63 biex tispeċifika d-dettalji tekniċi tal-profili msemmija fil-paragrafu 1 għall-utenti tal-ESP imsemmija fl-Artikolu 7(1) f’konformità mad-drittijiet ta’ aċċess tagħhom.

Artikolu 9

Tfittxijiet

1.L-utenti tal-ESP għandhom iniedu tfittxija billi jintroduċu data fl-ESP f’konformità mal-profil tal-utent u mad-drittijiet ta’ aċċess tagħhom. Meta titnieda tfittxija, l-ESP għandu jfittex b’mod simultanju, bid-data introdotta mill-utent tal-ESP, fl-EES, [fl-ETIAS], fil-VIS, fis-SIS, fil-Eurodac, [fis-sistema ECRIS-TCN] u fis-CIR kif ukoll fid-data tal-Europol u fil-bażijiet ta’ data tal-Interpol.

2.L-attributi tad-data użati għat-tnedija ta’ tfittxija permezz tal-ESP għandhom jikkorrispondu għall-attributi tad-data relatati ma’ persuni jew ma’ dokumenti tal-ivvjaġġar li jistgħu jintużaw biex isiru tfittxijiet fid-diversi sistemi ta’ informazzjoni tal-UE, fid-data tal-Europol u fil-bażijiet ta’ data tal-Interpol f’konformità mal-istrumenti legali li jirregolawhom.

3.L-eu-LISA għandha timplimenta dokument ta’ kontroll tal-interfaċċa (ICD) ibbażat fuq il-UMF imsemmi fl-Artikolu 38 għall-ESP.

4.L-EES, [l-ETIAS], il-VIS, is-SIS, il-Eurodac, [is-sistema ECRIS-TCN], is-CIR u d-detettur ta’ identitajiet multipli, kif ukoll id-data tal-Europol u l-bażijiet ta’ data tal-Interpol, għandhom jipprovdu d-data li jkun fihom li tirriżulta mit-tfittxija tal-ESP.

5.Meta jsiru tfittxijiet fil-bażijiet ta’ data tal-Interpol, id-disinn tal-ESP għandu jiżgura li d-data użata mill-utent tal-ESP li jniedi tfittxija ma tinqasamx mas-sidien tad-data tal-Interpol.

6.It-tweġiba lill-utent tal-ESP għandha tkun unika u għandu jkun fiha d-data kollha li għaliha l-utent ikollu aċċess skont id-dritt tal-Unjoni. Meta jkun hemm bżonn, it-tweġiba pprovduta mill-ESP għandha tindika għal liema sistema ta’ informazzjoni jew bażi ta’ data tappartjeni d-data.

7.Il-Kummissjoni għandha tadotta att delegat f’konformità mal-Artikolu 63 biex tispeċifika l-kontenut u l-format tat-tweġibiet tal-ESP.

Artikolu 10

Żamma tal-logs

1.Mingħajr ħsara għall-[Artikolu 46 tar-Regolament dwar l-EES], għall-Artikolu 34 tar-Regolament (KE) Nru 767/2008, għall-[Artikolu 59 tal-proposta dwar l-ETIAS] u għall-Artikoli 12 u 18 tar-Regolament dwar is-SIS fil-qasam tal-verifiki fil-fruntieri, l-eu-LISA għandha żżomm logs tal-operazzjonijiet kollha ta’ proċessar tad-data fi ħdan l-ESP. Dawk il-logs għandhom jinkludu, b’mod partikolari, dawn li ġejjin:

(a)l-awtorità tal-Istat Membru u l-utent individwali tal-ESP, inkluż il-profil tal-ESP użat kif imsemmi fl-Artikolu 8;

(b)id-data u l-ħin tat-tfittxija;

(c)is-sistemi ta’ informazzjoni tal-UE u l-bażijiet ta’ data tal-Interpol imfittxija;

(d)f’konformità mar-regoli nazzjonali jew, fejn applikabbli, mar-Regolament (UE) 45/2001, il-marka ta’ identifikazzjoni tal-persuna li wettqet it-tfittxija.

2.Il-logs jistgħu jintużaw biss għall-monitoraġġ tal-protezzjoni tad-data, inkluża l-verifika tal-ammissibbiltà ta’ tfittxija u tal-legalità tal-ipproċessar ta’ data, u għall-iżgurar tas-sigurtà tad-data skont l-Artikolu 42. Dawn il-logs għandhom ikunu protetti permezz ta’ miżuri xierqa kontra aċċess mhux awtorizzat u għandhom jitħassru sena wara li jinħolqu, sakemm ma jkunux meħtieġa għal proċeduri ta’ monitoraġġ li jkunu diġà bdew.

Artikolu 11

Proċeduri ta’ riżerva f’każ ta’ impossibbiltà teknika li jintuża l-portal Ewropew tat-tfittxija

1.Meta jkun teknikament impossibbli li jintuża l-ESP biex issir tftixxija f’sistema ta’ informazzjoni waħda jew aktar tal-UE minn fost dawk imsemmija fl-Artikolu 9(1) jew fis-CIR, minħabba ħsara fl-ESP, l-utenti tal-ESP għandhom jiġu nnotifikati mill-eu-LISA.

2.Meta jkun teknikament impossibbli li jintuża l-ESP biex issir tftixxija f’sistema ta’ informazzjoni waħda jew aktar tal-UE minn fost dawk imsemmija fl-Artikolu 9(1) jew fis-CIR, minħabba ħsara fl-infrastruttura nazzjonali fi Stat Membru, l-awtorità kompetenti ta’ dak l-Istat Membru għandha tinnotifika lill-eu-LISA u lill-Kummissjoni.

3.Fiż-żewġ xenarji, u sakemm tiġi indirizzata l-ħsara teknika, l-obbligu msemmi fl-Artikolu 7(2) u (4) m’għandux ikun japplika u l-Istati Membri jistgħu jaċċessaw is-sistemi ta’ informazzjoni msemmija fl-Artikolu 9(1) jew is-CIR direttament billi jużaw l-interfaċċi uniformi nazzjonali rispettivi jew l-infrastrutturi tal-komunikazzjoni nazzjonali tagħhom.

KAPITOLU III
Servizz Kondiviż ta’ Tqabbil Bijometriku

Artikolu 12

Servizz kondiviż ta’ tqabbil bijometriku

1.Servizz kondiviż ta’ tqabbil bijometriku (BMS kondiviż) li jaħżen mudelli bijometriċi u li jippermetti li jsiru tfittxijiet b’data bijometrika f’diversi sistemi ta’ informazzjoni tal-UE hu stabbilit għall-finijiet ta’ għoti ta’ appoġġ għas-CIR u għad-detettur ta’ identitajiet multipli u għall-objettivi tal-EES, tal-VIS, tal-Eurodac, tas-SIS u tas-[sistema ECRIS-TCN].

2.Il-BMS kondiviż għandu jkun magħmul minn:

(a)infrastruttura ċentrali, inkluża magna tat-tiftix u l-ħżin tad-data msemmija fl-Artikolu 13;

(b)infrastruttura tal-komunikazzjoni sigura bejn il-BMS kondiviż, is-SIS Ċentrali u s-CIR.

3.L-eu-LISA għandha tiżviluppa l-BMS kondiviż u tiżgura l-ġestjoni teknika ta’ dan.

Artikolu 13

Data maħżuna fis-servizz kondiviż ta’ tqabbil bijometriku

1.Il-BMS kondiviż għandu jaħżen il-mudelli bijometriċi li għandu jikseb mid-data bijometrika li ġejja:

(a)id-data msemmija fl-Artikolu 16(1)(d) u fl-Artikolu 17(1)(b) u (c) tar-Regolament (UE) 2017/2226;

(b)id-data msemmija fl-Artikolu 9(6) tar-Regolament (UE) 767/2008;

(c)[id-data msemmija fl-Artikolu 20(2)(w) u (x) tar-Regolament dwar is-SIS fil-qasam tal-verifiki fil-fruntieri;

(d)id-data msemmija fl-Artikolu 20(3)(w) u (x) tar-Regolament dwar is-SIS fil-qasam tal-infurzar tal-liġi;

(e)id-data msemmija fl-Artikolu 4(3)(t) u (u) tar-Regolament dwar is-SIS fil-qasam tar-ritorn illegali];

(f)[id-data msemmija fl-Artikolu 13(a) tar-Regolament Eurodac;]

(g)[id-data msemmija fl-Artikolu 5(1)(b) u fl-Artikolu 5(2) tar-Regolament dwar l-ECRIS-TCN.]

2.Il-BMS kondiviż għandu jinkludi f’kull mudell bijometriku referenza għas-sistemi ta’ informazzjoni li fihom tkun maħżuna d-data bijometrika korrispondenti.

3.Il-mudelli bijometriċi għandhom jiddaħħlu fil-BMS kondiviż biss wara verifika awtomatizzata tal-kwalità tad-data bijometrika miżjuda f’waħda mis-sistemi ta’ informazzjoni mwettqa mill-BMS kondiviż biex jiġi żgurat l-issodisfar ta’ standard minimu tal-kwalità tad-data.

4.Il-ħżin tad-data msemmija fil-paragrafu 1 għandu jissodisfa l-istandards tal-kwalità msemmija fl-Artikolu 37(2).

Artikolu 14

It-tfittix tad-data bijometrika bis-servizz kondiviż ta’ tqabbil bijometriku

Biex titfittex id-data bijometrika maħżuna fi ħdan is-CIR u s-SIS, is-CIR u s-SIS għandhom jużaw il-mudelli bijometriċi maħżuna fil-BMS kondiviż. It-tfittxijiet bid-data bijometrika għandhom isiru f’konformità mal-finijiet stabbiliti f’dan ir-Regolament u fir-Regolament dwar l-EES, fir-Regolament dwar il-VIS, fir-Regolament Eurodac, fir-[Regolamenti dwar is-SIS] u fir-[Regolament dwar l-ECRIS-TCN].

Artikolu 15

Żamma ta’ data fis-servizz kondiviż ta’ tqabbil bijometriku

Id-data msemmija fl-Artikolu 13 għandha tinħażen fil-BMS kondiviż sakemm id-data bijometrika tibqa’ maħżuna fis-CIR jew fis-SIS.

Artikolu 16

Żamma tal-logs

1.Mingħajr ħsara għall-[Artikolu 46 tar-Regolament dwar l-EES], għall-Artikolu 34 tar-Regolament (KE) Nru 767/2008 u għall-[Artikoli 12 u 18 tar-Regolament dwar is-SIS fil-qasam tal-infurzar tal-liġi], l-eu-LISA għandha żżomm logs tal-operazzjonijiet kollha ta’ proċessar tad-data fi ħdan il-BMS kondiviż. Dawk il-logs għandhom jinkludu, b’mod partikolari dawn li ġejjin:

(a)l-istorja relatata mal-ħolqien u mal-ħżin tal-mudelli bijometriċi;

(b)referenza għas-sistemi ta’ informazzjoni tal-UE mfittxija bil-mudelli bijometriċi maħżuna fil-BMS kondiviż;

(c)id-data u l-ħin tat-tfittxija;

(d)it-tip ta’ data bijometrika użata għat-tnedija tat-tfittxija;

(e)it-tul tat-tfittxija;

(f)ir-riżultati tat-tfittxija u d-data u l-ħin tar-riżultat;

(g)f’konformità mar-regoli nazzjonali jew, fejn applikabbli, mar-Regolament (UE) 45/2001, il-marka ta’ identifikazzjoni tal-persuna li għamlet it-tfittxija.

2.Il-logs jistgħu jintużaw biss għall-monitoraġġ tal-protezzjoni tad-data, inkluża l-verifika tal-ammissibbiltà ta’ tfittxija u tal-legalità tal-ipproċessar ta’ data, u għall-iżgurar tas-sigurtà tad-data skont l-Artikolu 42. Dawn il-logs għandhom ikunu protetti permezz ta’ miżuri xierqa kontra aċċess mhux awtorizzat u għandhom jitħassru sena wara li jinħolqu, sakemm ma jkunux meħtieġa għal proċeduri ta’ monitoraġġ li jkunu diġà bdew. Il-logs imsemmija fil-paragrafu 1(a) għandhom jitħassru ladarba titħassar id-data.

KAPITOLU IV
Repożitorju komuni ta’ informazzjoni dwar l-identità

Artikolu 17

Repożitorju komuni ta’ informazzjoni dwar l-identità

1.Hu stabbilit repożitorju komuni ta’ informazzjoni dwar l-identità (CIR), li joħloq fajl individwali għal kull persuna li tiġi rreġistrata fl-EES, fil-VIS, fl-[ETIAS], fil-Eurodac jew fis-[sistema ECRIS-TCN] li fih id-data msemmija fl-Artikolu 18, għall-fini ta’ ffaċilitar u ta’ assistenza tal-identifikazzjoni korretta tal-persuni rreġistrati fl-EES, fil-VIS, fl-[ETIAS], fil-Eurodac u fis-[sistema ECRIS-TCN], ta’ appoġġar tal-funzjonament tad-detettur ta’ identitajiet multipli u ta’ faċilitazzjoni u ta’ ssimplifikar tal-aċċess mill-awtoritajiet tal-infurzar tal-liġi għal sistemi ta’ informazzjoni mhux tal-infurzar tal-liġi fil-livell tal-UE, fejn dan ikun meħtieġ għall-prevenzjoni, għall-investigazzjoni, għad-detezzjoni jew għall-prosekuzzjoni ta’ reat serju.

2.Is-CIR għandu jkun magħmul minn:

(a)infrastruttura ċentrali li għandha tieħu post is-sistemi ċentrali tal-EES, tal-VIS, tal-[ETIAS], tal-Eurodac u tas-[sistema ECRIS-TCN] rispettivament biex tinħażen fiha d-data msemmija fl-Artikolu 18;

(b)kanal ta’ komunikazzjoni sigur bejn is-CIR, l-Istati Membri u l-korpi tal-UE li huma intitolati jużaw il-portal Ewropew tat-tfittxija (ESP) f’konformità mad-dritt tal-Unjoni;

(c)infrastruttura ta’ komunikazzjoni sigura bejn is-CIR u l-EES, [l-ETIAS], il-VIS, il-Eurodac u s-[sistema ECRIS-TCN] kif ukoll mal-infrastrutturi ċentrali tal-ESP, tal-BMS kondiviż u tad-detettur ta’ identitajiet multipli.

3.L-eu-LISA għandha tiżviluppa s-CIR u tiżgura l-ġestjoni teknika ta’ dan.

Artikolu 18

Id-data tar-repożitorju komuni ta’ informazzjoni dwar l-identità

1.Is-CIR għandu jaħżen id-data li ġejja – loġikament separata – skont is-sistema ta’ informazzjoni li minnha oriġinat id-data:

(a)id-data msemmija fl-[Artikolu 16(1)(a) sa (d) u l-Artikolu 17(1)(a) sa (c) tar-Regolament dwar l-EES];

(b)id-data msemmija fl-Artikolu 9(4)(a) sa (c), (5) u (6) tar-Regolament (KE) Nru 767/2008;

(c)[id-data msemmija fl-Artikolu 15(2)(a) sa (e) tar-[Regolament dwar l-ETIAS;]

(d)– (Mhux applikabbli)

(e)– (Mhux applikabbli)

2.Għal kull sett ta’ data msemmi fil-paragrafu 1, is-CIR għandu jinkludi referenza għas-sistemi ta’ informazzjoni li għalihom tappartjeni d-data.

3.Il-ħżin tad-data msemmija fil-paragrafu 1 għandu jissodisfa l-istandards tal-kwalità msemmija fl-Artikolu 37(2).

Artikolu 19

Iż-żieda, l-emendar u t-tħassir ta’ data fir-repożitorju komuni ta’ informazzjoni dwar l-identità

1.Meta tiżdied, tiġi emendata jew titħassar data fl-EES, fil-VIS u fl-[ETIAS], id-data msemmija fl-Artikolu 18 maħżuna fil-fajl individwali tas-CIR għandha tiġi indirizzata, emendata jew titħassar kif xieraq b’mod awtomatizzat.

2.Meta d-detettur ta’ identitajiet multipli joħloq link bajda jew ħamra f’konformità mal-Artikoli 32 u 33 bejn id-data ta’ żewġ sistemi ta’ informazzjoni tal-UE jew aktar li jikkostitwixxu s-CIR, minflok ma joħloq fajl individwali ġdid, is-CIR għandu jżid id-data l-ġdida mal-fajl individwali tad-data llinkjata.

       Artikolu 20

Aċċess għar-repożitorju komuni ta’ informazzjoni dwar l-identità għall-identifikazzjoni

1.Meta l-awtorità tal-pulizija ta’ Stat Membru tkun ingħatat it-tali setgħa permezz tal-miżuri leġiżlattivi nazzjonali msemmija fil-paragrafu 2, din tista’, esklużivament għall-fini ta’ identifikazzjoni ta’ persuna, tfittex fis-CIR bid-data bijometrika ta’ dik il-persuna meħuda matul kontroll tal-identità.

Meta t-tfittxija tindika li d-data dwar il-persuna tkun maħżuna fis-CIR, l-awtorità tal-Istati Membri għandu jkollha aċċess biex tikkonsulta d-data msemmija fl-Artikolu 18(1).

Meta d-data bijometrika tal-persuna ma tkunx tista’ tintuża jew meta t-tfittxija b’dik id-data ma tirnexxix, it-tfittxija għandha ssir bid-data tal-identità tal-persuna flimkien mad-data tad-dokument tal-ivvjaġġar, jew mad-data tal-identità pprovduta minn dik il-persuna.

2.L-Istati Membri li jixtiequ jużaw il-possibbiltà pprovduta f’dan l-Artikolu għandhom jadottaw miżuri leġiżlattivi nazzjonali. It-tali miżuri leġiżlattivi għandhom jispeċifikaw l-iskopijiet preċiżi tal-kontrolli tal-identità fi ħdan l-iskopijiet imsemmija fl-Artikolu 2(1)(b) u (c). Dawn għandhom jaħtru l-awtoritajiet tal-pulizija kompetenti u jistabbilixxu l-proċeduri, il-kundizzjonijiet u l-kriterji ta’ tali verifiki.

Artikolu 21

Aċċess għar-repożitorju komuni ta’ informazzjoni dwar l-identità għad-detezzjoni ta’ identitajiet multipli

1.Meta tfittxija tas-CIR tirriżulta f’link safra f’konformità mal-Artikolu 28(4), l-awtorità responsabbli għall-verifika tal-identitajiet differenti ddeterminati f’konformità mal-Artikolu 29 għandu jkollha aċċess, esklużivament għall-fini ta’ din il-verifika, għad-data tal-identità maħżuna fis-CIR li tappartjeni għad-diversi sistemi ta’ informazzjoni konnessi ma’ link safra.

2.Meta tfittxija tas-CIR tirriżulta f’link ħamra f’konformità mal-Artikolu 32, l-awtoritajiet imsemmija fl-Artikolu 26(2) għandu jkollhom aċċess, esklużivament għall-finijiet tal-ġlieda kontra l-frodi tal-identità, għad-data tal-identità maħżuna fis-CIR li tappartjeni għad-diversi sistemi ta’ informazzjoni konnessi ma’ link ħamra.

Artikolu 22

Tfittxija fir-repożitorju komuni ta’ informazzjoni dwar l-identità għal finijiet ta’ infurzar tal-liġi

1.Għall-finijiet ta’ prevenzjoni, ta’ detezzjoni u ta’ investigazzjoni ta’ reati terroristiċi jew ta’ reati kriminali serji oħra f’każ speċifiku u biex tinkiseb informazzjoni dwar jekk hemmx data dwar persuna speċifika preżenti fl-EES, fil-VIS u fl-[ETIAS], l-awtoritajiet maħtura tal-Istati Membri u l-Europol jistgħu jikkonsultaw is-CIR.

2.L-awtoritajiet maħtura tal-Istati Membri u l-Europol m’għandhomx ikunu intitolati li jikkonsultaw data li tappartjeni għall-[ECRIS-TCN] meta jikkonsultaw is-CIR għall-finijiet elenkati fil-paragrafu 1.

3.Meta, bi tweġiba għal tfittxija s-CIR jindika li hemm data dwar dik il-persuna fl-EES, fil-VIS u fl-[ETIAS], is-CIR għandu jipprovdi lill-awtoritajiet maħtura tal-Istati Membri u lill-Europol bi tweġiba fil-forma ta’ referenza li tindika liema mis-sistemi ta’ informazzjoni fiha d-data pariġġ imsemmija fl-Artikolu 18(2). Is-CIR għandu jwieġeb b’tali mod li s-sigurtà tad-data ma tiġix kompromessa.

4.L-aċċess sħiħ għad-data li tinsab fis-sistemi ta’ informazzjoni tal-UE għall-finijiet ta’ prevenzjoni, ta’ detezzjoni u ta’ investigazzjoni ta’ reati terroristiċi jew ta’ reati kriminali serji oħra jibqa’ soġġett għall-kundizzjonijiet u għall-proċeduri stabbiliti fl-istrumenti leġiżlattivi rispettivi li jirregolaw it-tali aċċess.

Artikolu 23

Żamma ta’ data fir-repożitorju komuni ta’ informazzjoni dwar l-identità

1.Id-data msemmija fl-Artikolu 18(1) u (2) għandha titħassar mis-CIR f’konformità mad-dispożizzjonijiet dwar iż-żamma ta’ data tar-[Regolament dwar l-EES], ir-Regolament dwar il-VIS u r-[Regolament dwar l-ETIAS] rispettivament.

2.Il-fajl individwali għandu jkun maħżun fis-CIR sakemm id-data korrispondenti tkun maħżuna f’tal-anqas waħda mis-sistemi ta’ informazzjoni li d-data tagħha tkun tinsab fis-CIR. Il-ħolqien ta’ link m’għandux jaffettwa l-perjodu ta’ żamma ta’ kull attribut tad-data llinkjata.

Artikolu 24

Żamma tal-logs

1.Mingħajr ħsara għall-[Artikolu 46 tar-Regolament dwar l-EES], għall-Artikolu 34 tar-Regolament (KE) Nru 767/2008 u għall-[Artikolu 59 tal-proposta dwar l-ETIAS], l-eu-LISA għandha żżomm logs tal-operazzjonijiet kollha ta’ proċessar tad-data fi ħdan is-CIR f’konformità mal-paragrafi 2, 3 u 4.

2.Rigward kull aċċess għas-CIR skont l-Artikolu 20, l-eu-LISA għandha żżomm logs tal-operazzjonijiet kollha ta’ proċessar tad-data fis-CIR. Dawk il-logs għandhom jinkludu, b’mod partikolari dawn li ġejjin:

(a)l-iskop tal-aċċess tal-utent li jfittex permezz tas-CIR;

(b)id-data u l-ħin tat-tfittxija;

(c)it-tip ta’ data użata għat-tnedija tat-tfittxija;

(d)ir-riżultati tat-tfittxija;

(e)f’konformità mar-regoli nazzjonali jew mar-Regolament (UE) 2016/794 jew, fejn applikabbli, mar-Regolament (UE) 45/2001, il-marka ta’ identifikazzjoni tal-persuna li għamlet it-tfittxija.

3.Rigward kull aċċess għas-CIR skont l-Artikolu 21, l-eu-LISA għandha żżomm logs tal-operazzjonijiet kollha ta’ proċessar tad-data fi ħdan is-CIR. Dawk il-logs għandhom jinkludu, b’mod partikolari dawn li ġejjin:

(a)l-iskop tal-aċċess tal-utent li jfittex permezz tas-CIR;

(b)id-data u l-ħin tat-tfittxija;

(c)fejn relevanti, id-data użata għat-tnedija tat-tfittxija;

(d)fejn relevanti, ir-riżultati tat-tfittxija;

(e)f’konformità mar-regoli nazzjonali jew mar-Regolament (UE) 2016/794 jew, fejn applikabbli, mar-Regolament (UE) 45/2001, il-marka ta’ identifikazzjoni tal-persuna li għamlet it-tfittxija.

4.Rigward kull aċċess għas-CIR skont l-Artikolu 22, l-eu-LISA għandha żżomm logs tal-operazzjonijiet kollha ta’ proċessar tad-data fis-CIR. Dawk il-logs għandhom jinkludu, b’mod partikolari dawn li ġejjin:

(a)ir-referenza tal-fajl nazzjonali;

(b)id-data u l-ħin tat-tfittxija;

(c)it-tip ta’ data użata għat-tnedija tat-tfittxija;

(d)ir-riżultati tat-tfittxija;

(e)l-isem tal-awtorità li tikkonsulta s-CIR;

(f)f’konformità mar-regoli nazzjonali jew mar-Regolament (UE) 2016/794 jew, fejn applikabbli, mar-Regolament (UE) 45/2001, il-marka ta’ identifikazzjoni tal-uffiċjal li għamel it-tfittxija u tal-uffiċjal li ordna t-tfittxija.

Il-logs tat-tali aċċess għandhom jiġu vverifikati b’mod regolari mill-awtorità superviżorja kompetenti stabbilita f’konformità mal-Artikolu 51 tar-Regolament (UE) 2016/679 jew f’konformità mal-Artikolu 41 tad-Direttiva 2016/680, f’intervalli li ma jaqbżux is-sitt xhur, biex jiġi vverifikat jekk il-proċeduri u l-kundizzjonijiet stabbiliti fl-Artikolu 22 minn (1) sa (3) ġewx issodisfati.

5.Kull Stat Membru għandu jżomm logs tat-tfittxijiet tal-persunal awtorizzat kif xieraq biex juża s-CIR skont l-Artikoli 20, 21 u 22.

6.Il-logs imsemmija fil-paragrafi 1 u 5 jistgħu jintużaw biss għall-monitoraġġ tal-protezzjoni tad-data, inkluża l-verifika tal-ammissibbiltà ta’ tfittxija u tal-legalità tal-ipproċessar ta’ data, u għall-iżgurar tas-sigurtà tad-data skont l-Artikolu 42. Dawn għandhom ikunu protetti permezz ta’ miżuri xierqa kontra aċċess mhux awtorizzat u għandhom jitħassru sena wara li jinħolqu, sakemm ma jkunux meħtieġa għal proċeduri ta’ monitoraġġ li jkunu diġà bdew.

7.L-eu-LISA għandha żżomm il-logs relatati mal-istorja tad-data maħżuna fil-fajl individwali, għall-finijiet definiti fil-paragrafu 6. Il-logs relatati mal-istorja tad-data maħżuna għandhom jitħassru ladarba titħassar id-data.

KAPITOLU V
Id-Detettur ta’ Identitajiet Multipli

Artikolu 25

Id-detettur ta’ identitajiet multipli

1.Detettur ta’ identitajiet multipli (MID) li joħloq u jaħżen links bejn id-data fis-sistemi ta’ informazzjoni tal-UE inklużi fir-repożitorju komuni ta’ informazzjoni dwar l-identità (CIR) u fis-SIS u li, bħala konsegwenza, jidentifika identitajiet multipli, bl-iskop doppju li jiffaċilita l-kontrolli tal-identità u jiġġieled il-frodi tal-identità, hu stabbilit biex jappoġġja l-funzjoni tas-CIR u l-objettivi tal-EES, tal-VIS, tal-ETIAS], tal-Eurodac, tas-SIS u tas-[sistema ECRIS-TCN].

2.L-MID għandu jkun magħmul minn:

(a)infrastruttura ċentrali, li taħżen links u referenzi għas-sistemi ta’ informazzjoni;

(b)infrastruttura tal-komunikazzjoni sigura li tqabbad l-MID mas-SIS u mal-infrastrutturi ċentrali tal-portal Ewropew tat-tfittxija u tas-CIR.

3.L-eu-LISA għandha tiżviluppa l-MID u tiżgura l-ġestjoni teknika ta’ dan.

Artikolu 26

Aċċess għad-detettur ta’ identitajiet multipli

1.Għall-finijiet tal-verifika manwali tal-identità msemmija fl-Artikolu 29, l-aċċess għad-data msemmija fl-Artikolu 34 maħżuna fl-MID għandu jingħata lil:

(a)l-awtoritajiet tal-fruntiera meta joħolqu jew jaġġornaw fajl individwali kif previst fl-Artikolu 14 tar-[Regolament dwar l-EES];

(b)l-awtoritajiet kompetenti msemmija fl-Artikolu 6(1) u (2) tar-Regolament 767/2008 meta joħolqu jew jaġġornaw fajl ta’ applikazzjoni fil-VIS f’konformità mal-Artikolu 8 tar-Regolament (KE) Nru 767/2008;

(c)[l-Unità Ċentrali tal-ETIAS u l-Unitajiet Nazzjonali tal-ETIAS meta jwettqu l-valutazzjoni msemmija fl-Artikoli 20 u 22 tar-Regolament dwar l-ETIAS;]

(d)– (mhux applikabbli);

(e)l-Uffiċċji SIRENE tal-Istat Membru li joħloq [Allert tas-SIS f’konformità mar-Regolament dwar is-SIS fil-qasam tal-verifiki fil-fruntieri];

(f)– (mhux applikabbli).

2.L-awtoritajiet tal-Istati Membri u l-korpi tal-UE li jkollhom aċċess għal tal-anqas sistema ta’ informazzjoni waħda tal-UE inkluża fir-repożitorju komuni ta’ informazzjoni dwar l-identità jew għas-SIS għandu jkollhom aċċess għad-data msemmija fl-Artikolu 34(a) u (b) rigward kull link ħamra kif imsemmi fl-Artikolu 32.

Artikolu 27

Detezzjoni ta’ identitajiet multipli

1.Detezzjoni ta’ identitajiet multipli fir-repożitorju komuni ta’ informazzjoni dwar l-identità u fis-SIS għandha titnieda meta:

(a)jinħoloq jew jiġi aġġornat fajl individwali fl-[EES f’konformità mal-Artikolu 14 tar-Regolament dwar l-EES];

(b)jinħoloq jew jiġi aġġornat fajl ta’ applikazzjoni fil-VIS f’konformità mal-Artikolu 8 tar-Regolament (KE) Nru 767/2008;

(c)[jinħoloq jew jiġi aġġornat fajl ta’ applikazzjoni fl-ETIAS f’konformità mal-Artikolu 17 tar-Regolament dwar l-ETIAS;]

(d)– (mhux applikabbli);

(e)[jinħoloq jew jiġi aġġornat allert dwar persuna fis-SIS f’konformità mal-Kapitolu V tar-Regolament dwar is-SIS fil-qasam tal-verifiki fil-fruntieri];

(f)– (mhux applikabbli).

2.Meta d-data li tinsab fi ħdan sistema ta’ informazzjoni kif imsemmija fil-paragrafu 1 ikun fiha data bijometrika, ir-repożitorju komuni ta’ informazzjoni dwar l-identità (CIR) u s-SIS Ċentrali għandhom jużaw is-servizz kondiviż ta’ tqabbil bijometriku (BMS kondiviż) biex iwettqu d-detezzjoni ta’ identitajiet multipli. Il-BMS kondiviż għandu jqabbel il-mudelli bijometriċi miksuba minn kwalunkwe data bijometrika ġdida mal-mudelli bijometriċi li diġà jinsabu fil-BMS kondiviż biex jivverifika jekk id-data li tappartjeni għall-istess ċittadin ta’ pajjiż terz hix diġà maħżuna fis-CIR jew fis-SIS Ċentrali.

3.Minbarra l-proċess imsemmi fil-paragrafu 2, is-CIR u s-SIS Ċentrali għandhom jużaw il-portal Ewropew tat-tfittxija biex ifittxu d-data maħżuna fis-CIR u fis-SIS Ċentrali billi jużaw id-data li ġejja:

(a)il-kunjom (isem tal-familja); l-isem/ismijiet (isem/ismijiet mogħti(ja)) id-data tat-twelid, is-sess u n-nazzjonalità(jiet) kif imsemmija fl-Artikolu 16(1)(a) tar-[Regolament dwar l-EES];

(b)il-kunjom (isem tal-familja); l-isem/ismijiet (isem/ismijiet mogħti(ja)) id-data tat-twelid, is-sess u n-nazzjonalità(jiet) kif imsemmija fl-Artikolu 9(4)(a) tar-Regolament (KE) Nru 767/2008;

(c)[il-kunjom (isem tal-familja); l-isem/ismijiet (isem/ismijiet mogħti(ja)) il-kunjom tat-twelid; id-data tat-twelid, il-post tat-twelid, is-sess u n-nazzjonalità(jiet) kif imsemmija fl-Artikolu 15(2) tar-Regolament dwar l-ETIAS;]

(d)– (mhux applikabbli);

(e)[kunjomi(jiet); l-isem/ismijiet; l-isem/ismijiet tat-twelid, l-ismijiet użati fl-antik u l-psewdonimi; id-data tat-twelid, il-post tat-twelid, in-nazzjonalità(jiet) u s-sess kif imsemmija fl-Artikolu 20(2) tar-Regolament dwar is-SIS fil-qasam tal-verifiki fil-fruntieri; ]

(f)– (mhux applikabbli);

(g)– (mhux applikabbli);

(h)– (mhux applikabbli).

4.Id-detezzjoni ta’ identitajiet multipli għandha titnieda biex titqabbel id-data disponibbli f’sistema ta’ informazzjoni waħda ma’ data disponibbli f’sistemi ta’ informazzjoni oħra.

Artikolu 28
Riżultati tad-detezzjoni ta’ identitajiet multipli

1.Meta t-tfittxijiet imsemmija fl-Artikolu 27(2) u (3) ma jirrapportaw ebda hit, il-proċedura msemmija fl-Artikolu 27(1) għandha tkompli f’konformità mar-Regolamenti rispettivi li jirregolawhom.

2.Meta t-tfittxija stabbilita fl-Artikolu 27(2) u (3) tirrapporta hit waħda jew aktar, ir-repożitorju komuni ta’ informazzjoni dwar l-identità u, fejn relevanti, is-SIS għandha toħloq link bejn id-data użata għat-tnedija tat-tfittxija u d-data li twassal għall-hit.

Meta jiġu rrapportati diversi hits, għandha tinħoloq link bejn id-data kollha li twassal għall-hit. Meta d-data diġà tkun illinkjata, il-link eżistenti għandha tiġi estiża għad-data użata għat-tnedija tat-tfittxija.

3.Meta t-tfittxija msemmija fl-Artikolu 27(2) jew (3) tirrapporta hit waħda jew aktar u d-data tal-identità tal-fajls illinkjati tkun identika jew simili, għandha tinħoloq link bajda f’konformità mal-Artikolu 33.

4.Meta t-tfittxija msemmija fl-Artikolu 27(2) jew (3) tirrapporta hit waħda jew aktar u d-data tal-identità tal-fajls illinkjati ma tkunx tista’ titqies bħala simili, għandha tinħoloq link safra f’konformità mal-Artikolu 30 u għandha tkun tapplika l-proċedura msemmija fl-Artikolu 29.

5.Il-Kummissjoni għandha tistabbilixxi l-proċeduri biex tiddetermina l-każijiet li fihom id-data tal-identità tkun tista’ titqies bħala identika jew simili fl-atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 64(2).

6.Il-links għandhom jinħażnu fil-fajl ta’ konferma tal-identità msemmi fl-Artikolu 34

Il-Kummissjoni għandha tistabbilixxi r-regoli tekniċi għall-illinkjar tad-data minn sistemi ta’ informazzjoni differenti permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 64(2).

Artikolu 29
Verifika manwali ta’ identitajiet differenti

1.Mingħajr ħsara għall-paragrafu 2, l-awtorità responsabbli għall-verifika ta’ identitajiet differenti għandha tkun:

(a)l-awtorità tal-fruntiera għal hits li jkunu seħħew meta jinħoloq jew jiġi aġġornat individwu fl-[EES f’konformità mal-Artikolu 14 tar-Regolament dwar l-EES];

(b)l-awtoritajiet kompetenti msemmija fl-Artikolu 6(1) u (2) tar-Regolament 767/2008 għal hits li jkunu seħħew matul il-ħolqien jew l-aġġornament ta’ fajl ta’ applikazzjoni fil-VIS f’konformità mal-Artikolu 8 tar-Regolament (KE) Nru 767/2008;

(c)[l-Unità Ċentrali tal-ETIAS u l-Unitajiet Nazzjonali tal-ETIAS għal hits li jkunu seħħew f’konformità mal-Artikoli 18, 20 u 22 tar-Regolament dwar l-ETIAS;]

(d)– (mhux applikabbli);

(e)l-Uffiċċji SIRENE tal-Istat Membru għal hits li jkunu seħħew matul il-ħolqien ta’ allert tas-SIS f’konformità mar-[Regolamenti dwar is-SIS fil-qasam tal-verifiki fil-fruntieri];

(f)– (mhux applikabbli).

Id-detettur ta’ identitajiet multipli għandu jindika l-awtorità responsabbli għall-verifika ta’ identitajiet differenti fil-fajl ta’ verifika tal-identità.

2.L-awtorità responsabbli għall-verifika ta’ identitajiet differenti fil-fajl ta’ konferma tal-identità għandha tkun l-Uffiċċju SIRENE tal-Istat Membru li ħoloq l-allert fejn tinħoloq link għad-data inkluża:

(a)f’allert fir-rigward ta’ persuni mfittxija għal arrest jew għal finijiet ta’ konsenja jew ta’ estradizzjoni kif imsemmija fl-Artikolu 26 tar-[Regolament dwar is-SIS fil-qasam tal-infurzar tal-liġi];

(b)f’allert dwar persuni neqsin jew vulnerabbli kif imsemmija fl-Artikolu 32 tar-[Regolament dwar is-SIS fil-qasam tal-infurzar tal-liġi];

(c)f’allert dwar persuni mfittxija biex jassistu fi proċedura ġudizzjarja kif imsemmija fl-Artikolu 34 tar-[Regolament dwar is-SIS fil-qasam tal-infurzar tal-liġi];

(d)[f’allert dwar ritorn f’konformità mar-Regolament dwar is-SIS fil-qasam tar-ritorn illegali];

(e)f’allert dwar persuni għal verifiki diskreti, għal verifiki ta’ inkjesta jew għal verifiki speċifiċi kif imsemmija fl-Artikolu 36 tar-[Regolament dwar is-SIS fil-qasam tal-infurzar tal-liġi];

(f)f’allert dwar persuni mfittxija mhux magħrufa għall-identifikazzjoni skont id-dritt nazzjonali u għat-tfittxija b’data bijometrika kif imsemmi fl-Artikolu 40 tar-[Regolament dwar is-SIS fil-qasam tal-infurzar tal-liġi];

3.Mingħajr ħsara għall-paragrafu 4, l-awtorità responsabbli għall-verifika ta’ identitajiet differenti għandu jkollha aċċess għad-data llinkjata li tinsab fil-fajl relevanti ta’ konferma tal-identità u għad-data tal-identità llinkjata fir-repożitorju komuni ta’ informazzjoni dwar l-identità u, fejn relevanti, fis-SIS, u għandha tivvaluta l-identitajiet differenti u għandha taġġorna l-link f’konformità mal-Artikoli 31, 32 u 33 u żżidha fil-fajl ta’ konferma tal-identità mingħajr dewmien.

4.Meta l-awtorità responsabbli għall-verifika tal-identitajiet differenti fil-fajl ta’ konferma tal-identità tkun l-awtorità tal-fruntiera li toħloq jew taġġorna fajl individwali fl-EES f’konformità mal-Artikolu 14 tar-Regolament dwar l-EES, u fejn tinkiseb link safra, l-awtorità tal-fruntiera għandha tagħmel verifiki addizzjonali bħala parti mill-verifika tat-tieni linja. Matul il-verifika tat-tieni linja, l-awtoritajiet tal-fruntiera għandu jkollhom aċċess għad-data relatata li tinsab fil-fajl relevanti ta’ konferma tal-identità u għandhom jivvalutaw l-identitajiet differenti u għandhom jaġġornaw il-link f’konformità mal-Artikoli minn 31 sa 33 u jżiduha mal-fajl ta’ konferma tal-identità mingħajr dewmien.

5.Meta tinkiseb aktar minn link waħda, l-awtorità responsabbli għall-verifika ta’ identitajiet differenti għandha tivvaluta kull link b’mod separat.

6.Meta d-data li tirrapporta hit diġà tkun ġiet illinkjata, l-awtorità responsabbli għall-verifika ta’ identitajiet differenti għandha tqis il-links eżistenti meta tivvaluta l-ħolqien ta’ links ġodda.

Artikolu 30

Link safra

1.Link bejn id-data minn żewġ sistemi ta’ informazzjoni jew aktar għadha tiġi kklassifikata bħala safra f’kull wieħed mill-każijiet li ġejjin:

(a)id-data llinkjata jkollha l-istess data bijometrika iżda d-data tal-identità tkun differenti u ma tkun saret ebda verifika manwali tal-identità differenti;

(b)id-data llinkjata jkollha data tal-identità differenti u ma tkun saret ebda verifika manwali tal-identità differenti.

2.Meta link tiġi kklassifikata bħala safra f’konformità mal-paragrafu 1, tapplika l-proċedura stabbilita fl-Artikolu 29.

Artikolu 31

Link ħadra

1.Link bejn data minn żewġ sistemi ta’ informazzjoni jew aktar għandha tiġi kklassifikata bħala ħadra meta d-data llinkjata ma jkollhiex l-istess data bijometrika iżda jkollha data tal-identità simili u l-awtorità responsabbli għall-verifika ta’ identitajiet differenti tkun ikkonkludiet li din tirreferi għal żewġ persuni differenti.

2.Meta ssir tfittxija fir-repożitorju komuni ta’ informazzjoni dwar l-identità (CIR) jew fis-SIS u meta tkun teżisti link ħadra bejn żewġ sistemi ta’ informazzjoni jew aktar li jikkostitwixxu s-CIR jew mas-SIS, id-detettur ta’ identitajiet multipli għandu jindika li d-data tal-identità tad-data llinkjata ma tikkorrispondix għall-istess persuna. Is-sistema ta’ informazzjoni li fiha ssir it-tfittxija għandha twieġeb billi tindika biss id-data tal-persuna li d-data tagħha tkun intużat għat-tfittxija, mingħajr ma titla’ hit mad-data li tkun soġġetta għal-link ħadra.

Artikolu 32

Link ħamra

1.Link bejn id-data minn żewġ sistemi ta’ informazzjoni jew aktar għadha tiġi kklassifikata bħala ħamra f’kull wieħed mill-każijiet li ġejjin:

(a)id-data llinkjata jkollha l-istess data bijometrika iżda data tal-identità differenti u l-awtorità responsabbli għall-verifika tal-identitajiet differenti tkun ikkonkludiet li din tirreferi b’mod illegali għall-istess persuna;

(b)id-data llinkjata jkollha data tal-identità simili u l-awtorità responsabbli għall-verifika tal-identitajiet differenti tkun ikkonkludiet li din tirreferi b’mod illegali għall-istess persuna.

2.Meta ssir tfittxija fis-CIR jew fis-SIS u meta tkun teżisti link ħamra bejn żewġ sistemi ta’ informazzjoni jew aktar li jikkostitwixxu s-CIR jew mas-SIS, id-detettur ta’ identitajiet multipli għandu jwieġeb billi jindika d-data msemmija fl-Artikolu 34. Is-segwitu għal link ħamra għandu jsir f’konformità mad-dritt tal-Unjoni u nazzjonali.

3.Meta tinħoloq link ħamra bejn id-data mill-EES, mill-VIS, [mill-ETIAS], mill-Eurodac jew mis-[Sistema ECRIS-TCN], il-fajl individwali maħżun fis-CIR għandu jiġi aġġornat f’konformità mal-Artikolu 19(1).

4.Mingħajr ħsara għad-dispożizzjonijiet relatati mal-immaniġġjar tal-allerti fis-SIS imsemmija fir-[Regolamenti dwar is-SIS fil-qasam tal-verifiki fil-fruntieri, dwar is-SIS fil-qasam tal-infurzar tal-liġi u dwar is-SIS fil-qasam tar-ritorn illegali], u mingħajr ħsara għal-limitazzjonijiet neċessarji għall-protezzjoni tas-sigurtà u tal-ordni pubbliku, għall-prevenzjoni tal-kriminalità u għall-garanzija li ebda investigazzjoni nazzjonali ma tiġix imxekkla, fejn tinħoloq link ħamra, l-awtorità responsabbli għall-verifika ta’ identitajiet differenti għandha tinforma lill-persuna dwar il-preżenza ta’ identitajiet illegali multipli.

5.Meta tinħoloq link ħamra, l-awtorità responsabbli għall-verifika ta’ identitajiet differenti għandha tipprovdi referenza għall-awtoritajiet responsabbli għad-data llinkjata.

Artikolu 33

Link bajda

1.Link bejn id-data minn żewġ sistemi ta’ informazzjoni jew aktar għadha tiġi kklassifikata bħala bajda f’kull wieħed mill-każijiet li ġejjin:

(a)id-data llinkjata jkollha l-istess data bijometrika jew l-istess data tal-identità jew data tal-identità simili;

(b)id-data llinkjata jkollha l-istess data tal-identità jew data tal-identità simili u tal-anqas waħda mis-sistemi ta’ informazzjoni ma jkollhiex data bijometrika dwar il-persuna;

(c)id-data llinkjata jkollha l-istess data bijometrika iżda data tal-identità differenti u l-awtorità responsabbli għall-verifika tal-identitajiet differenti tkun ikkonkludiet li din tirreferi għall-istess persuna li jkollha data tal-identità differenti b’mod legali;

2.Meta ssir tfittxija fis-CIR jew fis-SIS u meta tkun teżisti link bajda bejn sistema ta’ informazzjoni waħda jew aktar li jikkostitwixxu s-CIR jew mas-SIS, id-detettur ta’ identitajiet multipli għandu jindika li d-data tal-identità tad-data llinkjata tikkorrispondi għall-istess persuna. Is-sistemi ta’ informazzjoni li fihom issir it-tfittxija għandhom iwieġbu billi jindikaw, fejn relevanti, id-data llinkjata kollha dwar il-persuna, u b’hekk itellgħu hit mad-data li tkun soġġetta għal-link bajda, jekk l-awtorità li tniedi t-tfittxija jkollha aċċess għad-data llinkjata skont id-dritt tal-Unjoni jew nazzjonali.

3.Meta tinħoloq link bajda bejn id-data mill-EES, mill-VIS, [mill-ETIAS], mill-Eurodac jew mis-[sistema ECRIS-TCN], il-fajl individwali maħżun fis-CIR għandu jiġi aġġornat f’konformità mal-Artikolu 19(1).

4.Mingħajr ħsara għad-dispożizzjonijiet relatati mal-immaniġġjar tal-allerti fis-SIS imsemmija fir-[Regolamenti dwar is-SIS fil-qasam tal-verifiki fil-fruntieri, dwar is-SIS fil-qasam tal-infurzar tal-liġi u dwar is-SIS fil-qasam tar-ritorn illegali], fejn tinħoloq link bajda wara verifika manwali ta’ identitajiet multipli, l-awtorità responsabbli għall-verifika ta’ identitajiet differenti għandha tinforma lill-persuna bil-preżenza ta’ diskrepanzi bejn id-data personali tagħha bejn is-sistemi u għandha tipprovdi referenza għall-awtoritajiet responsabbli għad-data llinkjata.

Artikolu 34

Fajl ta’ konferma tal-identità

Il-fajl ta’ konferma tal-identità għandu jkun fih id-data li ġejja:

(a)il-links, inkluża d-deskrizzjoni ta’ dawn fil-forma ta’ kuluri, kif imsemmija fl-Artikoli minn 30 sa 33;

(b)referenza għas-sistemi ta’ informazzjoni li d-data tagħhom hi llinkjata;

(c)numru uniku ta’ identifikazzjoni li jippermetti li tinstab id-data mis-sistemi ta’ informazzjoni tal-fajls illinkjati korrispondenti;

(d)fejn relevanti, l-awtorità responsabbli għall-verifika ta’ identitajiet differenti;

Artikolu 35

Żamma ta’ data fid-detettur ta’ identitajiet multipli

Il-fajls ta’ konferma tal-identità u d-data tagħhom, inklużi l-links, għandhom jinħażnu fid-detettur ta’ identitajiet multipli (MID) biss sakemm id-data llinkjata tibqa’ maħżuna f’żewġ sistemi ta’ informazzjoni tal-UE jew aktar.

Artikolu 36

Żamma tal-logs

1.L-eu-LISA għandha żżomm logs tal-operazzjoni kollha ta’ proċessar tad-data fl-MID. Dawk il-logs għandhom jinkludu, b’mod partikolari dawn li ġejjin:

(a)l-iskop tal-aċċess tal-utent u d-drittijiet ta’ aċċess tiegħu;

(b)id-data u l-ħin tat-tfittxija;

(c)it-tip ta’ data użata għat-tnedija tat-tfittxija jew tat-tfittxijiet;

(d)ir-referenza għad-data llinkjata;

(e)l-istorja tal-fajl ta’ konferma tal-identità;

(f)il-marka ta’ identifikazzjoni tal-persuna li għamlet it-tfittxija.

2.Kull Stat Membru għandu jżomm logs tal-persunal debitament awtorizzat li juża l-MID.

3.Il-logs jistgħu jintużaw biss għall-monitoraġġ tal-protezzjoni tad-data, inkluża l-verifika tal-ammissibbiltà ta’ talba u tal-legalità tal-ipproċessar ta’ data, u għall-iżgurar tas-sigurtà tad-data skont l-Artikolu 42. Il-logs għandhom ikunu protetti permezz ta’ miżuri xierqa kontra aċċess mhux awtorizzat u għandhom jitħassru sena wara li jinħolqu, sakemm ma jkunux meħtieġa għal proċeduri ta’ monitoraġġ li jkunu diġà bdew. Il-logs relatati mal-istorja tal-fajl ta’ konferma tal-identità għandhom jitħassru ladarba titħassar id-data fil-fajl ta’ konferma tal-identità.

KAPITOLU VI
Il-miżuri li jappoġġjaw l-interoperabbiltà

Artikolu 37

Il-kwalità tad-data

1.L-eu-LISA għandha tistabbilixxi mekkaniżmi u proċeduri awtomatizzati għall-kontroll tal-kwalità tad-data fuq id-data maħżuna fl-EES, fl-[ETIAS], fil-VIS, fis-SIS, fis-servizz kondiviż ta’ tqabbil bijometriku (BMS kondiviż), fir-repożitorju komuni ta’ informazzjoni dwar l-identità (CIR) u fid-detettur ta’ identitajiet multipli (MID).

2.L-eu-LISA għandha tistabbilixxi indikaturi komuni tal-kwalità tad-data u l-istandards minimi tal-kwalità biex tinħażen id-data fl-EES, fl-[ETIAS], fil-VIS, fis-SIS, fil-BMS kondiviż, fis-CIR u fl-MID.

3.L-eu-LISA għandha tipprovdi rapporti regolari dwar il-mekkaniżmi u l-proċeduri awtomatizzati għall-kontroll tal-kwalità tad-data u l-indikaturi komuni tal-kwalità tad-data lill-Istati Membri. L-eu-LISA għandha tipprovdi wkoll rapport regolari lill-Kummissjoni li jkopri l-intoppi affaċċjati u l-Istati Membri kkonċernati.

4.Id-dettalji dwar il-mekkaniżmi u l-proċeduri awtomatizzati għall-kontroll tal-kwalità tad-data u l-indikaturi komuni tal-kwalità tad-data u l-istandards minimi tal-kwalità għall-ħżin tad-data fl-EES, fl-[ETIAS], fil-VIS, fis-SIS, fil-BMS kondiviż, fis-CIR u fl-MID b’mod partikolari rigward id-data bijometrika, għandhom jiġu stabbiliti fl-atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 64(2).

5.Sena wara li jiġu stabbiliti l-mekkaniżmi u l-proċeduri awtomatizzati għall-kontroll tal-kwalità tad-data u l-indikaturi komuni tal-kwalità tad-data u kull sena wara dan, il-Kummissjoni għandha tevalwa l-implimentazzjoni mill-Istati Membri tal-kwalità tad-data u għandha tagħmel kull rakkomandazzjoni neċessarja. L-Istati Membri għandhom jipprovdu lill-Kummissjoni bi pjan ta’ azzjoni biex tirrimedja għal kull nuqqas identifikat fir-rapport ta’ evalwazzjoni u għandha tirrapporta dwar kull progress fl-isfond ta’ dan il-pjan ta’ azzjoni sakemm jiġi implimentat bis-sħiħ. Il-Kummissjoni għandha tibgħat ir-rapport ta’ evalwazzjoni lill-Parlament Ewropew, lill-Kunsill, lill-Kontrollur Ewropew għall-Protezzjoni tad-Data u lill-Aġenzija tal-Unjoni Ewropea għad-Drittijiet Fundamentali stabbilita permezz tar-Regolament tal-Kunsill (KE) Nru 168/2007 76 .

Artikolu 38

Format Universali ta’ Messaġġ

1.B’dan hu stabbilit l-istandard tal-Format Universali ta’ Messaġġ (UMF). L-UMF jiddefinixxi standards għal ċerti elementi tal-kontenut tal-iskambju transfruntier ta’ informazzjoni bejn is-sistemi ta’ informazzjoni, l-awtoritajiet u/jew l-organizzazzjonijiet fil-qasam tal-Ġustizzja u tal-Affarijiet interni

2.L-istandard tal-UMF għandu jintuża fl-iżvilupp tal-EES, tal-[ETIAS], tal-portal Ewropew tat-tfittxija, tas-CIR, tal-MID u, jekk xieraq, fl-iżvilupp mill-eu-LISA jew minn kull korp ieħor tal-UE ta’ mudelli ġodda ta’ skambju ta’ informazzjoni u ta’ sistemi ta’ informazzjoni fil-qasam tal-Ġustizzja u l-Affarijiet Interni.

3.L-implimentazzjoni tal-istandard tal-UFM jista’ jiġi kkunsidrat fil-VIS, fis-SIS u f’kull mudell ta’ skambju transfruntier ta’ informazzjoni u sistemi ta’ informazzjoni eżistenti jew ġodda fil-qasam tal-Ġustizzja u tal-Affarijiet Interni, żviluppati mill-Istati Membri jew mill-pajjiżi assoċjati.

4.Il-Kummissjoni għandha tadotta att ta’ implimentazzjoni biex tistabbilixxi u tiżviluppa l-istandard tal-UMF imsemmi fil-paragrafu 1. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 64(2).

Artikolu 39

Repożitorju ċentrali għar-rapportar u għall-istatistiki

1.Repożitorju ċentrali għar-rapportar u għall-istatistiki (CRRS) hu stabbilit għall-finijiet ta’ għoti ta’ appoġġ għall-objettivi tal-EES, tal-VIS, tal-[ETIAS] u tas-SIS u biex tiġi ġġenerata data statistika bejn is-sistemi u rapportar analitiku għall-finijiet ta’ politika, operazzjonali u ta’ kwalità tad-data.

2.L-eu-LISA għandha tistabbilixxi, timplimenta u tospita s-CRRS fis-siti tekniċi tagħha li fihom id-data msemmija fl-[Artikolu 63 tar-Regolament dwar l-EES], fl-Artikolu 17 tar-Regolament (KE) Nru 767/2008, fl-[Artikolu 73 tar-Regolament dwar l-ETIAS] u fl-[Artikolu 54 tar-Regolamenti dwar is-SIS fil-qasam tal-verifiki fil-fruntieri], isseparati loġikament. Id-data li tinsab fis-CRRS m’għandhiex tippermetti li jiġu identifikati l-individwi. L-aċċess għar-repożitorju għandu jingħata b’aċċess sigur permezz tas-servizz tan-netwerk Servizzi Trans-Ewropej tat-Telematika bejn l-Amministrazzjonijiet (TESTA) b’kontroll tal-aċċess u bi profili tal-utenti speċifiċi, esklużivament għall-fini ta’ rapportar u ta’ statistiki, lill-awtoritajiet imsemmija fl-[Artikolu 63 tar-Regolament dwar l-EES], fl-Artikolu 17 tar-Regolament (KE) Nru 767/2008, fl-[Artikolu 73 tar-Regolament dwar l-ETIAS] u fl-[Artikolu 54 tar-Regolament dwar is-SIS fil-qasam tal-verifiki fil-fruntieri].

3.L-eu-LISA għandha trendi d-data anonima u għandha tirreġistra t-tali data anonima fis-CRRS. Il-proċess biex trendi d-data anonima għandu jiġi awtomatizzat.

4.Is-CRRS għandu jkun magħmul minn:

(a)infrastruttura ċentrali, li tikkonsisti f’repożitorju tad-data li tippermetti li d-data tiġi anonimizzata;

(b)infrastruttura ta’ komunikazzjoni sigura biex issir konnessjoni bejn is-CRRS u l-EES, [l-ETIAS], il-VIS u s-SIS, kif ukoll l-infrastrutturi ċentrali tal-BMS kondiviż, is-CIR u l-MID.

5.Il-Kummissjoni għandha tistabbilixxi regoli dettaljati dwar l-operat tas-CRRS, inklużi salvagwardji speċifiċi għall-ipproċessar ta’ data personali msemmija fil-paragrafi 2 u 3 u r-regoli dwar is-sigurtà applikabbli għar-repożitorju permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 64(2).

KAPITOLU VII
Protezzjoni tad-data

Artikolu 40
Il-kontrollur tad-data

1.B’rabta mal-ipproċessar ta’ data fis-servizz kondiviż ta’ tqabbil bijometriku (BMS kondiviż), l-awtoritajiet tal-Istati Membri li huma kontrolluri għall-VIS, għall-EES u għas-SIS rispettivament, għandhom jiġu kkunsidrati bħala kontrolluri wkoll f’konformità mal-Artikolu 4(7) tar-Regolament (UE) 2016/679 b’rabta mal-mudelli bijometriċi miksuba mid-data msemmija fl-Artikolu 13 li huma jdaħħlu fis-sistemi rispettivi u għandu jkollhom ir-responsabbiltà għall-ipproċessar tal-mudelli bijometriċi fil-BMS kondiviż.

2.B’rabta mal-ipproċessar ta’ data fir-repożitorju komuni ta’ informazzjoni dwar l-identità (CIR), l-awtoritajiet tal-Istati Membri li huma kontrolluri għall-VIS, għall-EES u għall-[ETIAS], rispettivament, għandhom jiġu kkunsidrati bħala kontrolluri wkoll f’konformità mal-Artikolu 4(7) tar-Regolament (UE) 2016/679 b’rabta mad-data msemmija fl-Artikolu 13 li huma jdaħħlu fis-sistemi rispettivi u għandu jkollhom ir-responsabbiltà għall-ipproċessar ta’ dik id-data personali fis-CIR.

3.B’rabta mal-ipproċessar ta’ data fid-detettur ta’ identitajiet multipli:

(a)l-Aġenzija Ewropea għall-Gwardja tal-Fruntiera u tal-Kosta għandha titqies bħala kontrollur tad-data f’konformità mal-Artikolu 2(b) tar-Regolament Nru 45/2001 b’rabta mal-ipproċessar ta’ data personali fl-Unità Ċentrali tal-ETIAS;

(b)l-awtoritajiet tal-Istati Membri li jżidu jew jimmodifikaw id-data fil-fajl ta’ konferma tal-identità wkoll għandhom jitqiesu li huma kontrolluri f’konformità mal-Artikolu 4(7) tar-Regolament (UE) 2016/679 u għandu jkollhom ir-responsabbiltà għall-ipproċessar ta’ data personali fid-detettur ta’ identitajiet multipli;

Artikolu 41
Il-proċessur tad-data

B’rabta mal-ipproċessar ta’ data personali fis-CIR, l-eu-LISA għandha titqies bħala l-proċessur tad-data f’konformitàa mal-Artikolu 2(e) tar-Regolament (KE) Nru 45/2001.

Artikolu 42
Is-sigurtà tal-ipproċessar

1.Kemm l-eu-LISA kif ukoll l-awtoritajiet tal-Istati Membri għandhom jiżguraw is-sigurtà tal-ipproċessar ta’ data personali li jseħħ skont l-applikazzjoni ta’ dan ir-Regolament. L-eu-LISA, [l-Unità Ċentrali tal-ETIAS] u l-awtoritajiet tal-Istati Membri għandhom jikkooperaw dwar kompiti relatati mas-sigurtà.

2.Mingħajr ħsara għall-Artikolu 22 tar-Regolament (KE) Nru 45/2001, l-eu-LISA għandha tieħu l-miżuri neċessarji biex tiżgura s-sigurtà tal-komponenti tal-interoperabbiltà u l-infrastruttura tal-komunikazzjoni relatata tagħhom.

3.B’mod partikolari, l-eu-LISA għandha tadotta l-miżuri neċessarji, inklużi pjan għas-sigurtà, pjan tal-kontinwità tan-negozju u pjan ta’ rkupru minn diżastru, biex:

(a)tipproteġi fiżikament id-data, inkluż billi tagħmel pjani ta’ kontinġenza għall-protezzjoni ta’ infrastruttura kritika;

(b)timpedixxi l-qari, l-ikkupjar, il-modifika jew it-tneħħija tal-mezzi tad-data minn persuni mhux awtorizzati;

(c)timpedixxi t-tidħil mhux awtorizzat ta’ data u l-ispezzjoni, il-modifika jew it-tħassir mhux awtorizzati ta’ data personali rreġistrata;

(d)timpedixxi l-ipproċessar mhux awtorizzat ta’ data u kull ikkupjar, modifika jew tħassir mhux awtorizzati ta’ data;

(e)tiżgura li persuni awtorizzati biex jaċċessaw il-komponenti tal-interoperabbiltà jkollhom aċċess biss għad-data koperta mill-awtorizzazzjoni tal-aċċess tagħhom, permezz ta’ identitajiet tal-utenti individwali u permezz ta’ modalitajiet ta’ aċċess kunfidenzjali biss;

(f)tiżgura li jkun possibbli li jiġi vverifikat u stabbilit lil liema korpi tista’ tintbagħat data personali bl-użu ta’ tagħmir għall-komunikazzjoni tad-data;

(g)tiżgura li jkun possibbli li jiġi vverifikat u stabbilit liema data tkun ġiet proċessata fil-komponenti tal-interoperabbiltà, meta, minn min u għal liema skop;

(h)timpedixxi l-qari, l-ikkuppjar, il-modifika jew it-tħassir mhux awtorizzati ta’ data personali matul it-trażmissjoni ta’ data personali lejn jew mill-komponenti tal-interoperabbiltà jew matul it-trasport tal-mezzi tad-data, b’mod partikolari permezz ta’ tekniki xierqa ta’ kriptaġġ;

(i)timonotorja l-effettività tal-miżuri tas-sigurtà msemmija f’dan il-paragrafu u tieħu l-miżuri organizzazzjonali meħtieġa marbuta mal-monitoraġġ intern biex tiżgura l-konformità ma’ dan ir-Regolament.

4.L-Istati Membri għandhom jieħdu miżuri ekwivalenti għal dawk imsemmija fil-paragrafu 3 fir-rigward tas-sigurtà b’rabta mal-ipproċessar ta’ data personali mill-awtoritajiet li jkollhom dritt li jaċċessaw kwalunkwe wieħed mill-komponenti tal-interoperabbiltà.

Artikolu 43

Kunfidenzjalità tad-data tas-SIS

1.Kull Stat Membru għandu japplika r-regoli tiegħu ta’ segretezza professjonali jew dmirijiet ekwivalenti oħra tal-kunfidenzjalità lill-persuni u lill-korpi kollha li jkunu meħtieġa jaħdmu bid-data tas-SIS aċessata permezz ta’ kwalunkwe wieħed mill-komponenti tal-interoperabbiltà f’konformità mad-dritt nazzjonali tiegħu. Dan l-obbligu għandu japplika wkoll wara li dawn il-persuni jħallu l-kariga jew l-impjieg jew wara t-tmiem tal-attivitajiet ta’ dawn il-korpi.

2.Mingħajr ħsara għall-Artikolu 17 tar-Regolamenti tal-Persunal għall-uffiċjali u l-Kondizzjonijiet tal-Impjieg applikabbli għall-aġenti l-oħra tal-Unjoni, l-eu-LISA għandha tapplika regoli adatti ta’ segretezza professjonali jew dmirijiet ekwivalenti oħra tal-kunfidenzjalità ta’ standards komparabbli għal dawk stabbiliti fil-paragrafu 1 għall-persunal kollu tagħha li hu meħtieġ jaħdem bid-data tas-SIS. Dan l-obbligu għandu japplika wkoll wara li dawk il-persuni jħallu l-kariga jew l-impjieg tagħhom jew wara t-tmiem tal-attivitajiet tagħhom.

Artikolu 44
Inċidenti marbuta mas-sigurtà

1.Kull avveniment li għandu jew li jista’ jkollu impatt fuq is-sigurtà tal-komponenti tal-interoperabbiltà u li jista’ jikkawża dannu jew telf ta’ data maħżuna fihom għandu jitqies li hu inċident marbut mas-sigurtà, b’mod partikolari meta jista’ jkun li kien hemm aċċess mhux awtorizzat għad-data jew meta d-disponibbiltà, l-integrità u l-kunfidenzjalità tad-data ġew kompromessi jew setgħu ġew kompromessi.

2.L-inċidenti marbuta mas-sigurtà għandhom jiġu mmaniġġati biex jiġi żgurat rispons rapidu, effettiv u xieraq.

3.Mingħajr ħsara għan-notifika u għall-komunikazzjoni ta’ ksur tad-data personali skont l-Artikolu 33 tar-Regolament (UE) 2016/679, l-Artikolu 30 tad-Direttiva (UE) 2016/680, jew it-tnejn, l-Istati Membri għandhom jagħtu notifika lill-Kummissjoni, lill-eu-LISA u lill-Kontrollur Ewropew għall-Protezzjoni tad-Data dwar inċidenti marbuta mas-sigurtà. Fil-każ ta’ inċident marbut mas-sigurtà fir-rigward tal-infrastruttura ċentrali tal-komponenti tal-interoperabbiltà, l-eu-LISA għandha tagħti notifika lill-Kummissjoni u lill-Kontrollur Ewropew għall-Protezzjoni tad-Data.

4.L-informazzjoni dwar inċident marbut mas-sigurtà li jkollu jew jista’ jkollu impatt fuq l-operat tal-komponenti tal-interoperabbiltà jew fuq id-disponibbiltà, l-integrità u l-kunfidenzjalità tad-data għandha tingħata lill-Istat Membru u tiġi rrapportata f’konformità mal-pjan ta’ ġestjoni tal-inċidenti li għandu jiġi pprovdut mill-eu-LISA.

5.L-Istati Membri kkonċernati u l-eu-LISA għandhom jikkooperaw fil-każ ta’ inċident marbut mas-sigurtà. Il-Kummissjoni għandha tistabbilixxi l-ispeċifikazzjoni ta’ din il-proċedura ta’ kooperazzjoni permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 64(2).

Artikolu 45
Awtomonitoraġġ

L-Istati Membri u l-korpi relevanti tal-UE għandhom jiżguraw li kull awtorità intitolata għall-aċċess tal-komponenti tal-interoperabbiltà tieħu l-miżuri meħtieġa biex timmonitorja l-konformità tagħha ma’ dan ir-Regolament u tikkoopera, fejn meħtieġ, mal-awtoritajiet superviżorji.

Il-kontrolluri tad-data kif imsemmija fl-Artikolu 40 għandhom jieħdu l-miżuri neċessarji biex jimmonitorjaw il-konformità tal-ipproċessar tad-data skont dan ir-Regolament, inkluża verifika spissa tal-logs, u jikkooperaw, fejn ikun hemm bżonn, mal-awtoritajiet superviżorji msemmija fl-Artikoli 49 u 50.

Artikolu 46
Id-dritt għall-informazzjoni

1.Mingħajr ħsara għad-dritt għall-informazzjoni msemmi fl-Artikoli 11 u 12 tar-Regolament (KE) 45/2001 u fl-Artikoli 13 u 14 tar-Regolament (UE) 2016/679, persuni li d-data tagħhom hi maħżuna fis-servizz kondiviż ta’ tqabbil bijometriku, fir-repożitorju komuni ta’ informazzjoni dwar l-identità jew fid-detettur ta’ identitajiet multipli għandhom jiġu informati mill-awtorità li tiġbor id-data tagħhom, fil-ħin li fih tinġabar id-data tagħhom, dwar l-ipproċessar ta’ data personali għall-finijiet ta’ dan ir-Regolament, inkluż dwar l-identità u d-dettalji ta’ kuntatt tal-kontrolluri tad-data rispettivi, u dwar il-proċeduri għall-eżerċizzju tad-drittijiet tagħhom ta’ aċċess, ta’ rettifika u għal tħassir, kif ukoll dwar id-dettalji ta’ kuntatt tal-Kontrollur Ewropew għall-Protezzjoni tad-Data u tal-awtorità superviżorja nazzjonali tal-Istat Membru responsabbli għall-ġbir tad-data.

2.Persuni li d-data tagħhom hi rreġistrata fl-EES, fil-VIS jew fl-[ETIAS] għandhom jiġu informati dwar l-ipproċessar ta’ data għall-finijiet ta’ dan ir-Regolament f’konformità mal-paragrafu 1 meta:

(a)[jinħoloq jew jiġi aġġornat fajl individwali fl-EES f’konformità mal-Artikolu 14 tar-Regolament dwar l-EES];

(b)jinħoloq jew jiġi aġġornat fajl ta’ applikazzjoni fil-VIS f’konformità mal-Artikolu 8 tar-Regolament (KE) Nru 767/2008;

(c)[jinħoloq jew jiġi aġġornat fajl ta’ applikazzjoni fl-ETIAS f’konformità mal-Artikolu 17 tar-Regolament dwar l-ETIAS;]

(d)– (mhux applikabbli);

(e)– (mhux applikabbli).

Artikolu 47
Dritt ta’ aċċess, ta’ korrezzjoni u għal tħassir

1.Biex jeżerċitaw id-drittijiet tagħhom skont l-Artikoli 13, 14, 15 u 16 tar-Regolament (KE) Nru 45/2001 u l-Artikoli 15, 16, 17 u 18 tar-Regolament (UE) Nru 2016/679, kull persuna għandu jkollha d-dritt li tindirizza hi stess lill-Istat Membru responsabbli għall-verifika manwali ta’ identitajiet differenti jew ta’ kwalunwke Stat Membru, li għandu jeżamina din it-talba u jwieġeb għaliha.

2.L-Istat Membru responsabbli għall-verifika manwali ta’ identitajiet differenti kif imsemmi fl-Artikolu 29 jew l-Istat Membru li lilu tkun saret it-talba għandu jwieġeb għal dawn it-talbiet fi żmien 45 jum minn meta jirċievi t-talba.

3.Jekk talba għal korrezzjoni jew għal tħassir ta’ data personali ssir lil Stat Membru li mhuwiex l-Istat Membru responsabbli, l-Istat Membru li lilu ssir it-talba għandu jikkuntattja lill-awtoritajiet tal-Istat Membru responsabbl fi żmien sebat ijiem u l-Istat Membru responsabbli għandu jivverifika l-preċiżjoni tad-data u l-legalità tal-ipproċessar tad-data fi żmien 30 jum mit-tali kuntatt.

4.Meta, wara eżaminazzjoni, jinstab li d-data maħżuna fid-detettur ta’ identitajiet multipli (MID) ma tkunx fattwalment preċiża jew tkun ġiet irreġistrata b’mod illegali, l-Istat Membru responsabbli jew, fejn applikabbli, l-Istat Membru li lilu tkun saret it-talba għandu jikkoreġi jew iħassar dik id-data.

5.Meta d-data fl-MID tiġi emendata mill-Istat Membru responsabbli matul il-perjodu ta’ validità tagħha, l-Istat Membru responsabbli għandu jwettaq l-ipproċessar stabbilit fl-Artikolu 27 u, fejn relevanti, fl-Artikolu 29 biex jiddetermina jekk id-data emendata għandhiex tiġi llinkjata. Meta l-ipproċessar ma jirrapporta ebda hit, l-Istat Membru responsabbli jew, fejn applikabbli, l-Istat Membru li lilu tkun saret it-talba għandu jħassar id-data mill-fajl ta’ konferma tal-identità. Meta l-ipproċessar awtomatizzat jirrapporta hit waħda jew aktar, l-Istat Membru responsabbli għandu joħloq jew jaġġorna l-link relevanti f’konformità mad-dispożizzjonijiet relevanti ta’ dan ir-Regolament.

6.Meta l-Istat Membru responsabbli jew, fejn applikabbli, l-Istat Membru li lilu tkun saret it-talba ma jaqbilx li d-data maħżuna fl-MID mhijiex fattwalment preċiża jew tkun ġiet reġistrata b’mod illegali, dak l-Istat Membru għandu jadotta deċiżjoni amministrattiva fejn mingħajr dewmien jispjega bil-miktub lill-persuna kkonċernata r-raġuni għaliex mhux lest li jikkoreġi jew iħassar id-data relatata magħha.

7.Din id-deċiżjoni għandha tipprovdi wkoll lill-persuna kkonċernata bl-informazzjoni li tispjega l-possibbiltà li tikkontesta d-deċiżjoni li ttieħdet fir-rigward tat-talba msemmija fil-paragrafu 3 u fejn relevanti, informazzjoni dwar kif għandha tinġieb azzjoni jew isir ilment quddiem l-awtoritajiet kompetenti jew il-qrati u kull assistenza, inkluża dik mill-awtoritajiet superviżorji nazzjonali kompetenti.

8.Kull talba li ssir skont il-paragrafu 3 għandu jkun fiha l-informazzjoni neċessarja biex tiġi identifikata l-persuna kkonċernata. Din l-informazzjoni għandha tintuża esklużivament biex tippermetti l-eżerċizzju tad-drittijiet imsemmija fil-paragrafu 3 u għandha titħassar immedjatament wara.

9.L-Istat Membru responsabbli jew, fejn applikabbli, l-Istat Membru li lilu tkun saret it-talba għandu jżomm rekord fil-forma ta’ dokument bil-miktub li saret talba kif imsemmija fil-paragrafu 3 u kif din ġiet indirizzata, u għandu jagħmel dan id-dokument disponibbli għall-awtoritajiet superviżorji nazzjonali kompetenti għall-protezzjoni tad-data mingħajr dewmien.

Artikolu 48
Komunikazzjoni tad-data personali lil pajjiżi terzi, lil organizzazzjonijiet internazzjonali u lil partijiet privati

Data personali maħżuna f’komponenti tal-interoperabbiltà jew aċċessibbli minn dawn ma għandha tiġi ttrasferita jew titqiegħed għad-dispożizzjoni ta’ ebda pajjiż terz, ebda organizzazzjoni internazzjonali jew parti privata, bl-eċċezzjoni ta’ trasferimenti lill-Interpol għall-fini ta’ twettiq tal-ipproċessar awtomatizzat imsemmi fl-[Artikolu 18(2)(b) u (m) tar-Regolament dwar l-ETIAS] jew għall-finijiet tal-Artikolu 8(2) tar-Regolament (UE) 2016/399. It-tali trasferimenti ta’ data lill-Interpol għandhom ikunu konformi mad-dispożizzjonijiet tal-Artikolu 9 tar-Regolament (KE) Nru 45/2001 u mal-Kapitolu V tar-Regolament (UE) 2016/679.

Artikolu 49
Superviżjoni mill-awtoritajiet ta’ superviżjoni nazzjonali

1.L-awtorità superviżorja jew l-awtoritajiet maħtura skont l-Artikolu 49 tar-Regolament (UE) 2016/679 għandhom jiżguraw li jsir awditjar tal-operazzjonijiet tal-ipproċessar tad-data mill-awtoritajiet nazzjonali responsabbli skont l-istandards internazzjonali tal-awditjar relevanti tal-anqas kull erba’ snin.

2.L-Istati Membri għandhom jiżguraw li l-awtorità ta’ superviżjoni tagħhom jkollha biżżejjed riżorsi biex twettaq il-kompiti mogħtija lilha skont dan ir-Regolament.

Artikolu 50
Superviżjoni mill-Kontrollur Ewropew għall-Protezzjoni tad-Data

Il-Kontrollur Ewropew għall-Protezzjoni tad-Data għandu jiżgura li jsir awditjar tal-attivitajiet ta’ proċessar ta’ data personali tal-eu-LISA f’konformità mal-istandards internazzjonali tal-awditjar relevanti mill-inqas kull erba’ snin. Rapport ta’ dak l-awditjar għandu jintbagħat lill-Parlament Ewropew, lill-Kunsill, lill-eu-LISA, lill-Kummissjoni u lill-Istati Membri. L-eu-LISA għandha tingħata opportunità li tikkummenta qabel jiġu adottati r-rapporti.

Artikolu 51
Kooperazzjoni bejn l-awtoritajiet ta’ superviżjoni nazzjonali u l-Kontrollur Ewropew għall-Protezzjoni tad-Data

1.Il-Kontrollur Ewropew għall-Protezzjoni tad-Data għandu jaġixxi f’kooperazzjoni mill-qrib mal-awtoritajiet superviżorji nazzjonali fir-rigward ta’ kwistjonijiet speċifiċi li jkunu jeħtieġu l-involviment nazzjonali, b’mod partikolari jekk il-Kontrollur Ewropew għall-Protezzjoni tad-Data jew awtorità superviżorja nazzjonali jsibu diskrepanzi kbar bejn prattiki tal-Istati Membri jew isibu trasferimenti potenzjalment illegali fl-użu tal-kanali ta’ komunikazzjoni tal-komponenti tal-interoperabbiltà, jew fil-kuntest ta’ mistoqsijiet imqajma minn xi awtorità superviżorja nazzjonali waħda jew aktar dwar l-implimentazzjoni u l-interpretazzjoni ta’ dan ir-Regolament.

2.Fl-każijiet imsemmija fil-paragrafu 1, is-superviżjoni koordinata għandha tiġi żgurata f’konformità mal-Artikolu 62 tar-Regolament (UE) XXXX/2018 [ir-Regolament 45/2001 rivedut].

KAPITOLU VIII
Responsabbiltajiet

Artikolu 52
Responsabilitajiet tal-eu-Lisa matul il-fażijiet tat-tfassil u tal-iżvilupp

1.L-eu-LISA għandha tiżgura li l-infrastrutturi ċentrali tal-komponenti tal-interoperabbiltà jiġu operati f’konformità ma’ dan ir-Regolament.

2.Il-komponenti tal-interoperabbiltà għandhom ikunu ospitati mill-eu-LISA fis-siti tekniċi tagħha u għandhom jipprovdu l-funzjonalitajiet stabbiliti f’dan ir-Regolament f’konformità mal-kundizzjonijiet tas-sigurtà, tad-disponibbiltà, tal-kwalità u tal-veloċità msemmija fl-Artikolu 53(1).

3.L-eu-LISA għandha tkun responsabbli għall-iżvilupp tal-komponenti tal-interoperabbiltà, għal kull adattament meħtieġ għall-istabbiliment tal-interoperabbiltà bejn is-sistemi ċentrali tal-EES, tal-VIS, tal-[ETIAS], tas-SIS u tal-Eurodac, u tas-[sistema ECRIS-TCN], u l-portal Ewropew tat-tfittxija, is-servizz kondiviż ta’ tqabbil bijometriku, ir-repożitorju ta’ identitajiet komuni u d-detettur ta’ identitajiet multipli.

L-eu-LISA għandha tiddefinixxi d-disinn tal-arkitettura fiżika tal-komponenti tal-interoperabbiltà inklużi l-infrastrutturi tal-komunikazzjoni u l-ispeċifikazzjonijiet tekniċi tagħhom u l-evoluzzjoni tagħhom fir-rigward tal-infrastrututra ċentrali u tal-infrastruttura ta’ komunikazzjoni sigura, li għandu jiġi adottat mill-Bord Amministrattiv, soġġett għal opinjoni favorevoli tal-Kummissjoni. L-eu-LISA għandha timplimenta wkoll kwalunkwe adattament neċessarju għall-EES, għall-[ETIAS], għas-SIS jew għall-VIS li jirriżulta mill-istabbiliment tal-interoperabbiltà u previst minn dan ir-Regolament.

L-eu-LISA għandha tiżviluppa u timplimenta l-komponenti tal-interoperabbiltà mill-aktar fis possibbli wara d-dħul fis-seħħ ta’ dan ir-Regolament u l-adozzjoni mill-Kummissjoni tal-miżuri previsti fl-Artikoli 8(2), 9(7), 28(5) u (6), 37(4), 38(4), 39(5) u 44(5).

L-iżvilupp għandu jikkonsisti mill-elaborazzjoni u l-implimentazzjoni tal-ispeċifikazzjonijiet tekniċi, l-ittestjar u l-koordinazzjoni ġenerali tal-proġett.

4.Matul il-fażi tad-disinn u tal-iżvilupp, għandu jitwaqqaf Bord Amministrattiv tal-Programm li jkun magħmul minn massimu ta’ 10 membri. Dan għandu jkun magħmul minn seba’ membri maħtura mill-Bord Amministrattiv tal-eu-LISA minn fost il-membri jew il-membri supplenti tagħha, il-President tal-Grupp Konsultattiv dwar l-Interoperabbiltà msemmi fl-Artikolu 65, membru li jirrappreżenta lill-eu-LISA maħtur mid-Direttur Eżekuttiv tagħha, u membru wieħed maħtur mill-Kummissjoni. Il-membri maħtura mill-Bord Amministrattiv tal-eu-LISA għandhom jiġu eletti biss minn dawk l-Istati Membri li huma marbuta b’mod sħiħ skont id-dritt tal-Unjoni bl-istrumenti leġiżlattivi li jirregolaw l-iżvilupp, it-twaqqif, it-tħaddim u l-użu tas-sistemi kollha tal-IT fuq skala kbira ġestiti mill-eu-LISA u li se jipparteċipaw fil-komponenti tal-interoperabbiltà.

5.Il-Bord Amministrattiv tal-Programm għandu jiltaqa’ regolarment u tal-anqas tliet darbiet kull trimestru. Dan għandu jiżgura l-maniġment adegwat tal-fażi tad-disinn u tal-iżvilupp tal-komponenti tal-interoperabbiltà.

Il-Bord Amministrattiv tal-Programm għandu jissottometti ta’ kull xahar lill-Bord Amministrattiv rapporti bil-miktub dwar il-progress tal-proġett. Il-Bord Amministrattiv tal-Programm ma għandu jkollu l-ebda setgħa li jieħu deċiżjonijiet u lanqas mandat biex jirrappreżenta lill-membri tal-Bord Amministrattiv tal-eu-LISA.

6.Il-Bord Amministrattiv tal-eu-LISA għandu jistabbilixxi r-regoli ta’ proċedura tal-Bord Amministrattiv tal-Programm li b’mod partikolari għandhom jinkludu regoli dwar:

(a)il-presidenza;

(b)il-postijiet tal-laqgħat;

(c)it-tħejjija tal-laqgħat;

(d)l-ammissjoni ta’ esperti għal-laqgħat;

(e)pjanijiet ta’ komunikazzjoni biex tiġi żgurata informazzjoni kompluta lill-Membri mhux parteċipanti tal-Bord Amministrattiv.

Il-presidenza għandha tkun f’idejn Stat Membru li jkun marbut b’mod sħiħ bid-dritt tal-Unjoni permezz tal-istrumenti leġislattivi li jirregolaw l-iżvilupp, l-istabbiliment, it-tħaddim u l-użu tas-sistemi kollha tal-IT fuq skala kbira ġestiti mill-eu-LISA.

L-ispejjeż kollha tal-ivvjaġġar u tas-sussistenza mġarrba mill-membri tal-Bord Amministrattiv tal-Programm għandhom jitħallsu mill-Aġenzija u l-Artikolu 10 tar-Regoli ta’ Proċedura tal-eu-LISA għandu japplika mutatis mutandis. L-eu-LISA għandha tipprovdi segretarjat lill-Bord Amministrattiv tal-Programm.

Il-Grupp ta’ Konsulenza dwar l-Interoperabbiltà msemmi fl-Artikolu 65 għandu jiltaqa’ b’mod regolari sakemm jibdew l-operazzjonijiet tal-komponenti tal-interoperabbiltà. Wara kull laqgħa għandu jirrapporta lill-Bord Amministrattiv tal-Programm. Dan għandu jipprovdi l-għarfien espert tekniku b’appoġġ għall-kompiti tal-Bord Amministrattiv tal-Programm u għandu jsegwi l-istat ta’ tħejjija tal-Istati Membri.

Artikolu 53
Responsabilitajiet tal-eu-Lisa wara l-bidu tal-operat

1.Wara l-bidu tal-operat ta’ kull komponent tal-interoperabbiltà, l-eu-LISA għandha tkun responsabbli għall-ġestjoni teknika tal-infrastruttura ċentrali u għall-interfaċċi nazzjonali uniformi. F’kooperazzjoni mal-Istati Membri, din għandha tiżgura f’kull ħin l-aħjar teknoloġija disponibbli, soġġetta għal analiżi tal-kost-benefiċċji. L-eu-LISA għandha tkun responsabbli wkoll għall-ġestjoni teknika tal-infrastruttura ta’ komunikazzjoni msemmija fl-Artikoli 6, 12, 17, 25 u 39.

Il-ġestjoni teknika tal-komponenti tal-interoperabbiltà għandha tikkonsisti fil-kompiti kollha neċessarji biex il-komponenti tal-interoperabbiltà jiffunzjonaw 24 siegħa kuljum, 7 ijiem fil-ġimgħa skont dan ir-Regolament, b’mod partikolari x-xogħol ta’ manutenzjoni u l-iżviluppi tekniċi neċessarji biex ikun żgurat li l-komponenti jiffunzjonaw f’livell sodisfaċenti ta’ kwalità teknika, b’mod partikulari fir-rigward tal-ħin tar-rispons għall-interrogazzjoni tal-infrastrutturi ċentrali skont l-ispeċifikazzjonijiet tekniċi.

2.Mingħajr ħsara għall-Artikolu 17 tar-Regolamenti tal-Persunal għall-Uffiċjali tal-Unjoni Ewropea, l-eu-LISA għandha tapplika regoli adatti ta’ segretezza professjonali jew dmirijiet oħra ekwivalenti tal-kunfidenzjalità għall-persunal kollu tagħha li hu meħtieġ jaħdem bid-data maħżuna fil-komponenti tal-interoperabbiltà. Dan l-obbligu għandu japplika wkoll wara li dan il-persunal ikun ħalla l-uffiċċju jew l-impjieg jew wara t-tmiem tal-attivitajiet tiegħu.

3.L-eu-LISA għandha tiżviluppa u tmantni mekkaniżmi u proċeduri għat-twettiq tal-verifiki tal-kwalità fuq id-data maħżuna fis-servizz kondiviż ta’ tqabbil bijometriku u fir-repożitorju komuni ta’ informazzjoni dwar l-identità f’konformità mal-Artikolu 37.

4.L-eu-LISA għandha twettaq ukoll il-kompiti relatati mal-provvista ta’ taħriġ dwar l-użu tekniku tal-komponenti tal-interoperabbiltà.

Artikolu 54
Ir-responsabbiltajiet tal-Istati Membri

1.Kull Stat Membru għandu jkun responsabbli għal:

(a)il-konnessjoni mal-infrastruttura ta’ komunikazzjoni tal-portal Ewropew tat-tfittxija (ESP) u tar-repożitorju komuni ta’ informazzjoni dwar l-identità (CIR);

(b)l-integrazzjoni tas-sistemi u tal-infrastrutturi nazzjonali eżistenti mal-ESP, mas-servizz kondiviż ta’ tqabbil bijometriku, mas-CIR u mad-detettur ta’ identitajiet multipli;

(c)l-organizzazzjoni, il-ġestjoni, it-tħaddim u l-manutenzjoni tal-infrastruttura nazzjonali eżistenti u tal-konnessjoni tagħha mal-komponenti tal-interoperabbiltà;

(d)il-ġestjoni tal-aċċess u l-arranġamenti għall-aċċess għall-persunal debitament awtorizzat, u mill-persunal mogħti s-setgħa debitament, tal-awtoritajiet nazzjonali kompetenti għall-ESP, għas-CIR u għad-detettur ta’ identitajiet multipli f’konformità ma’ dan ir-Regolament u l-ħolqien u l-aġġornament regolari ta’ lista ta’ dawk il-membri tal-persunal u l-profili tagħhom;

(e)l-adozzjoni tal-miżuri leġiżlattivi msemmija fl-Artikolu 20(3) biex jiġi aċċessat is-CIR għall-finijiet ta’ identifikazzjoni;

(f) għall-verifika manwali ta’ identitajiet differenti msemmija fl-Artikolu 29;

(g)l-implimentazzjoni ta’ rekwiżiti dwar il-kwalità tad-data fis-sistemi ta’ informazzjoni tal-UE u fil-komponenti tal-interoperabbiltà;

(h)ir-rimedjar ta’ kull nuqqas identifikat fir-rapport ta’ evalwazzjoni tal-Kummissjoni rigward il-kwalità tad-data msemmija fl-Artikolu 37(5).

2.Kull Stat Membru għandu jipprevedi kollegament lill-awtoritajiet maħtura tiegħu imsemmija fl-Artikolu 4(24) tas-CIR.

Artikolu 55
Responsabbiltajiet tal-Unità Ċentrali tal-ETIAS

L-Unità Nazzjonali tal-ETIAS għandha tkun responsabbli:

(a)għall-verifika manwali ta’ identitajiet differenti msemmija fl-Artikolu 29;

(b)għat-twettiq ta’ detezzjoni ta’ identitajiet multipli bejn id-data maħżuna fil-VIS, fil-Eurodac u fis-SIS imsemmija fl-Artikolu 59.

KAPITOLU IX
Emendi għal strumenti oħra tal-Unjoni

Artikolu 55a

Emendi għar-Regolament (UE) 2016/399

Ir-Regolament (UE) 2016/399 huwa emendat kif ġej:

Fl-Artikolu 8 tar-Regolament (UE) 2016/399, jiżdied il-paragrafu 4a li ġej:

“4a. Meta mad-dħul jew mal-ħruġ, il-konsultazzjoni tal-bażijiet ta’ data relevanti inkluż id-detettur ta’ identitajiet multipli permezz tal-portal Ewropew tat-tfittxija msemmija rispettivament fl-[Artikolu 4(36) u (33) tar-Regolament 2018/XX dwar l-interoperabbiltà] tirriżulta f’link safra jew tidentifika link ħamra, il-persuna li tiġi vverifikata għandha tiġi riferita għall-kontroll tat-tieni linja.

Il-gwardja tal-fruntiera fit-tieni linja għandu jikkonsulta d-detettur ta’ identitajiet multipli flimkien mar-repożitorju komuni ta’ informazzjoni dwar l-identità msemmija fl-[Artikolu 4(35) tar-Regolament 2018/XX dwar l-interoperabbiltà] jew is-Sistema ta’ Informazzjoni ta’ Schengen jew it-tnejn li huma biex jivvaluta d-differenzi fl-identitajiet illinkjati u għandu jagħmel kwalunkwe verifika addizzjonali meħtieġa biex jieħu deċiżjoni dwar l-istatus u l-kulur tal-link kif ukoll biex jieħu deċiżjoni dwar id-dħul jew ir-rifjut ta’ dħul tal-persuna kkonċernata.

F’konformità mal-[Artikolu 59(1) tar-Regolament 2018/XX], dan il-paragrafu għandu japplika biss malli jibda jopera d-detettur ta’ identitajiet multipli.”

Artikolu 55b

Emendi għar-Regolament (UE) 2017/2226

Ir-Regolament (UE) 2017/2226 huwa emendat kif ġej:

1)    Fl-Artikolu 1, jiżdied il-paragrafu li ġej:

   “1 a. Billi taħżen data tal-identità, tad-dokument tal-ivvjaġġaru bijometrika fir-repożitorju komuni ta’ informazzjoni dwar l-identità (CIR) stabbilit bl-[Artikolu 17 tar-Regolament 2018/XX dwar l-interoperabbiltà], l-EES tikkontribwixxi għall-iffaċilitar u għall-assistenza fl-identifikazzjoni korretta tal-persuni rreġistrati fl-EES bil-kundizzjonijiet u għall-objettivi finali msemmija fl-[Artikolu 20 ta’ dan ir-Regolament.”

2)    Fl-Artikolu 3, jiżdied il-punt (21a) li ġej:

   “CIR” tfisser ir-repożitorju komuni ta’ informazzjoni dwar l-identità kif definit fl-[Artikolu 4(35) tar-Regolament 2018/XX dwar l-interoperabbiltà]

3)    L-Artikolu 3(1)(22) għandu jiġi sostitwit b’dan li ġej:

   “(22) “data tal-EES” tfisser id-data kollha maħżuna fis-Sistema Ċentrali tal-EES u fis-CIR f’konformità mal-Artikolu 14 u mal-Artikoli minn 16 sa 20.

4)    Fl-Artikolu 3, jiżdied il-punt (22a) ġdid:

“(22a) “data tal-identità” tfisser id-data msemmija fl-Artikolu 16(1)(a);

5)    fl-Artikolu 6(1), jiddaħħal il-punt li ġej:

“(j) tiżgura l-identifikazzjoni korretta tal-persuni.”

6)    L-Artikolu 7(1)(a) hu sostitwit b’dan li ġej:

   “(a) ir-repożitorju komuni ta’ informazzjoni dwar l-identità (CIR) kif imsemmi fl-[Artikolu 17(2)(a) tar-Regolament 2018/XX dwar l-interoperabbiltà];

(aa) Sistema Ċentrali (Sistema Ċentrali tal-EES);”

7)    Fl-Artikolu 7(1), il-punt (f) ikun sostitwit b’dan li ġej:

“(f) infrastruttura ta’ komunikazzjoni sigura bejn is-Sistema Ċentrali tal-EES u l-infrastrutturi Ċentrali tal-portal Ewropew tat-tfittxija stabbilit mill-[Artikolu 6 tar-Regolament 2018/XX dwar l-interoperabbiltà], is-servizz kondiviż ta’ tqabbil bijometriku stabbilit mill-[Artikolu 12 tar-Regolament 2018/XX dwar l-interoperabbiltà], ir-repożitorju komuni ta’ informazzjoni dwar l-identità stabbilit mill-[Artikolu 17 tar-Regolament 2018/XX dwar l-interoperabbiltà] u d-detettur ta’ identitajiet multipli stabbilit mill-[Artikolu 25 tar-Regolament 2018/XX dwar l-interoperabbiltà]”.

8)    Fl-Artikolu 7, jiżdied il-paragrafu li ġej:

   “1 a. Is-CIR għandu jkun fih id-data msemmija fl-Artikolu 16(1) minn (a) sa (d) u fl-Artikolu 17(1)minn (a) sa (c), bid-data li jifdal tal-EES li għandha tinħażen fis-Sistema Ċentrali tal-EES.

9)    Fl-Artikolu 9, jiżdied il-paragrafu li ġej:

“3. L-aċċess għall-konsultazzjoni tad-data tal-EES maħżuna fis-CIR għandu jiġi rriżervat b’mod esklużiv għall-persunal debitament awtorizzat tal-awtoritajiet nazzjonali ta’ kull Stat Membru u għall-persunal debitament awtorizzat tal-korpi tal-UE li jkun kompetenti għall-finijiet stabbiliti fl-[Artikolu 20 u fl-Artikolu 21 tar-Regolament 2018/XX dwar l-interoperabbiltà]. Dak l-aċċess għandu jkun limitat sal-punt neċessarju għat-twettiq tal-kompiti ta’ dawk l-awtoritajiet nazzjonali u l-korpi tal-UE f’konformità ma’ dawk il-finijiet u għandu jkun proporzjonat għall-objettivi li jridu jintlaħqu.”

10)    Fl-Artikolu 21(1), il-kliem “Sistema Ċentrali tal-EES” hu ssostitwit, id-darbtejn li jidher, bil-kliem “Sistema Ċentrali tal-EES jew is-CIR”.

11)    Fl-Artikolu 21(2), il-kliem “kemm fis-Sistema Ċentrali tal-EES kif ukoll fl-NUI” jiġi sostitwit bil-kliem “kemm fis-Sistema Ċentrali tal-EES kif ukoll fis-CIR, minn naħa, u fl-NUI, min-naħa l-oħra,”.

12)    Fl-Artikolu 21(2), il-kliem “għandha tiddaħħal fis-Sistema Ċentrali tal-EES” jiġi sostitwit bil-kliem “għandha tiddaħħal fis-Sistema Ċentrali tal-EES u fis-CIR”.

13)    Fl-Artikolu 32, jiddaħħal paragrafu (1a) ġdid:

“1 a. Fil-każijiet li fihom l-awtoritajiet maħtura jniedu tfittxija fis-CIR f’konformità mal-[Artikolu 22 tar-Regolament 2018/XX dwar l-interoperabbiltà], dawn ikunu jistgħu jaċċessaw l-EES għal konsultazzjoni meta t-tweġiba riċevuta kif imsemmija fil-paragrafu 3 tal-[Artikolu 22 tar-Regolament 2018/XX dwar l-interoperabbiltà] tiddikjara li d-data tkun maħżuna fl-EES.”

14)    L-Artikolu 32(2) jiġi sostitwit b’dan li ġej:

   “2. L-aċċess għall-EES bħala għodda biex jiġu identifikati persuna suspettata, awtur jew vittma suspettata mhux magħrufa ta’ reat terroristiku jew ta’ kull reat kriminali serju ieħor għandu jkun permess biss meta tfittxija fis-CIR tkun tnediet f’konformità mal-[Artikolu 22 tar-Regolament 2018/XX dwar l-interoperabbiltà] u jkunu ssodisfati l-kundizzjonijiet kollha elenkati fil-paragrafu 1 u fil-paragrafu 1a.

Madankollu, din il-kundizzjoni addizzjonali m’għandhiex tapplika f’każ ta’ urġenza fejn ikun hemm il-bżonn li jiġi evitat periklu imminenti għall-ħajja ta’ persuna assoċjata ma’ reat terroristiku jew ma’ reat kriminali serju ieħor. Dawk ir-raġunijiet raġonevoli għandhom jiġu inklużi fit-talba elettronika jew bil-miktub mibgħuta mill-unità operatorja tal-awtorità maħtura lill-punt ta’ aċċess ċentrali.”

15)    L-Artikolu 32(4) huwa mħassar;

16)    Fl-Artikolu 33, jiddaħħal paragrafu (1a) ġdid:

“1 a. Fil-każijiet li fihom il-Europol tniedi tfittxija fis-CIR f’konformità mal-[Artikolu 22 tar-Regolament 2018/XX dwar l-interoperabbiltà], din tkun tista’ taċċessa l-EES għal konsultazzjoni meta t-tweġiba riċevuta kif imsemmija fil-paragrafu 3 tal-[Artikolu 22 tar-Regolament 2018/XX dwar l-interoperabbiltà] tiddikjara li d-data tkun maħżuna fl-EES.”

17)    Fl-Artikolu 33, il-paragrafu 3 jiġi sostitwit b’dan li ġej:

   “Il-kundizzjonijiet stabbiliti fl-Artikolu 32(3) u (5) għandhom japplikaw kif xieraq”

18)    Fl-Artikolu 34(1) u (2), il-kliem “fis-Sistema Ċentrali tal-EES” għandu jiġi sostitwit bil-kliem “fis-CIR u fis-Sistema Ċentrali tal-EES rispettivament”.

19)    Fl-Artikolu 34(5), il-kliem “mis-Sistema Ċentrali tal-EES” għandu jiġi sostitwit bil-kliem “mis-Sistema Ċentrali tal-EES u mis-CIR”.

20)    Fl-Artikolu 35, il-paragrafu 7 jiġi sostitwit b’dan li ġej:

   “Is-Sistema Ċentrali tal-EES u s-CIR għandhom jinformaw minnufih lill-Istati Membri kollha bit-tħassir tad-data tal-EES jew tas-CIR u fejn applikabbli ineħħuhom mil-lista ta’ persuni identifikati msemmija fl-Artikolu 12(3).”

21)    Fl-Artikolu 36, il-kliem “tas-Sistema Ċentrali l-EES” għandu jiġi sostitwit bil-kliem “tas-Sistema Ċentrali tal-EES u tas-CIR”.

22)    Fl-Artikolu 37(1), il-kliem “għall-iżvilupp tas-Sistema Ċentrali tal-EES” għandu jiġi sostitwit bil-kliem “għall-iżvilupp tas-Sistema Ċentrali tal-EES u tas-CIR”.

23)    Fl-ewwel subparagrafu tal-Artikolu 37(3), il-kliem “tas-Sistema Ċentrali tal-EES” u “għas-Sistema Ċentrali tal-EES” għandu jinbidel bil-kliem “tas-Sistema Ċentrali tal-EES u tas-CIR” u “għas-Sistema Ċentrali tal-EES u għas-CIR”, rispettivament.

24)    Fl-Artikolu 46(1), jiddaħħal il-punt (f) li ġej:

   “(f) fejn relevanti, referenza għall-użu tal-portal Ewropew tat-tfittxija għat-tfittxija fl-EES kif imsemmi fl-[Artikolu 7(2) tar-Regolament 2018/XX dwar l-interoperabbiltà].”

25)    L-Artikolu 63(2) jiġi sostitwit b’dan li ġej:

“2. Għall-fini tal-paragrafu 1 ta’ dan l-Artikolu, l-eu-LISA għandha taħżen id-data msemmija fil-paragrafu 1 fir-repożitorju ċentrali għar-rapportar u għall-istatistiki msemmija fl-[Artikolu 39 tar-Regolament 2018/XX dwar l-interoperabbiltà].”

26) Fl-Artikolu 63(4), jiżdied subparagrafu ġdid:

   “L-istatistiki ta’ kuljum għandhom jinħażnu fir-repożitorju ċentrali għar-rapportar u għall-istatistiki.”

Artikolu 55c

Emendi għad-Deċiżjoni tal-Kunsill 2004/512/KE

Id-Deċiżjoni tal-Kunsill 2004/512/KE li tistabbilixxi s-Sistema ta’ Informazzjoni dwar il-Viża (VIS) hi emendata kif ġej:

L-Artikolu 1(2) hu emendat kif ġej:

“2. Is-Sistema ta’ Informazzjoni dwar il-Viża għandha tkun ibbażata fuq arkitettura ċċentralizzata u tikkonsisti:

a) fir-repożitorju komuni ta’ informazzjoni dwar l-identità kif imsemmi fl-[Artikolu 17(2)(a) tar-Regolament 2018/XX dwar l-interoperabbiltà],

b) f’sistema ta’ informazzjoni ċentrali, minn hawn ’il quddiem imsejħa s-“Sistema Ċentrali ta’ Informazzjoni dwar il-Viża” (CS-VIS),

c) f’interfaċċa f’kull Stat Membru, minn hawn ’il quddiem imsejħa “l-Interfaċċa Nazzjonali” (NI-VIS) li għandha tipprovdi l-konnessjoni mal-awtorità ċentrali nazzjonali relevanti tal-Istat Membru rispettiv;

d) f’infrastruttura ta’ komunikazzjoni bejn is-Sistema Ċentrali ta’ Informazzjoni dwar il-Viża u l-Interfaċċi Nazzjonali;

e) f’Kanal ta’ Komunikazzjoni Sigura bejn is-Sistema Ċentrali tal-EES u s-CS-VIS;

f) f’infrastruttura ta’ komunikazzjoni sigura bejn is-Sistema Ċentrali tal-VIS u l-infrastrutturi Ċentrali tal-portal Ewropew tat-tfittxija stabbilit mill-[Artikolu 6 tar-Regolament 2018/XX dwar l-interoperabbiltà], is-servizz kondiviż ta’ tqabbil bijometriku stabbilit mill-[Artikolu 12 tar-Regolament 2018/XX dwar l-interoperabbiltà], ir-repożitorju komuni ta’ informazzjoni dwar l-identità u d-detettur ta’ identitajiet multipli (MID) stabbilit mill-[Artikolu 25 tar-Regolament 2018/XX dwar l-interoperabbiltà]”.

Artikolu 55d

Emendi għar-Regolament (KE) 767/2008

1)    Fl-Artikolu 1, jiżdied il-paragrafu li ġej:

“2. Billi taħżen data tal-identità, tad-dokumenti tal-ivvjaġġar u data bijometrika fir-repożitorju komuni ta’ informazzjoni dwar l-identità (CIR) stabbilit bl-[Artikolu 17 tar-Regolament 2018/XX dwar l-interoperabbiltà], il-VIS tikkontribwixxi għall-iffaċilitar u għall-assistenza fl-identifikazzjoni korretta tal-persuni rreġistrati fil-VIS bil-kundizzjonijiet u għall-għanijiet finali stabbiliti fil-paragrafu 1 ta’ dan l-Artikolu.”

2)    Fl-Artikolu 4 jiżdiedu l-punti li ġejjin:

“(12) “data tal-VIS” tfisser id-data kollha maħżuna fis-Sistema Ċentrali tal-VIS u fis-CIR f’konformità mal-Artikoli minn 9 sa 14.

“(13) “data tal-identità” tfisser id-data msemmija fl-Artikolu 9(4)(a) sa aa);

(14)“data dwar il-marki tas-swaba” tfisser id-data marbuta mal-ħames marki tas-swaba,’ tal-werrej, tas-saba’ tan-nofs, tas-saba’ taċ-ċurkett, tas-saba’ ż-żgħir u tas-saba’ l-kbir mill-id tal-lemin, fejn preżenti, jew mill-id tax-xellug;

(15)“immaġni tal-wiċċ” tfisser immaġnijiet diġitali tal-wiċċ;

(16)“data bijometrika” tfisser data dwar il-marki tas-swaba’ u dwar l-immaġni tal-wiċċ;”

3)    Fl-Artikolu 5, jiżdied il-paragrafu li ġej:

“1a). Is-CIR għandu jkun fih id-data msemmija fl-Artikolu 9(4)(a) sa (cc), 9(5) u 9(6), bid-data li jifdal tal-VIS li għandha tinħażen fis-Sistema Ċentrali tal-VIS.”

4)    l-Artikolu 6(2) huwa emendat kif ġej:

“2. L-aċċess għall-VIS għall-konsultazzjoni tad-data għandu jiġi rriżervat b’mod esklużiv għall-persunal awtorizzat debitament tal-awtoritajiet nazzjonali ta’ kull Stat Membru li hu kompetenti għall-finijiet stabbiliti fl-Artikoli minn 15 sa 22, u għall-persunal awtorizzat debitament tal-awtoritajiet nazzjonali ta’ kull Stat Membru u tal-korpi tal-UE li hu kompetenti għall-finijiet stabbiliti fl-[Artikolu 20 u fl-Artikolu 21 tar-Regolament 2018/XX dwar l-interoperabbiltà], limitat sa fejn id-data tkun meħtieġa għat-twettiq tal-kompiti tiegħu f’konformità ma’ dawk il-finijiet, u b’mod proporzjonat għall-għanijiet imfittxija.”

5)    L-Artikolu 9(4)(a) sa (c) hu emendat kif ġej:

“(a)il-kunjom (isem tal-familja); l-isem/ismijiet (ismijiet mogħtija); id-data tat-twelid; in-nazzjonalità jew in-nazzjonalitajiet; is-sess;

(aa) il-kunjom tat-twelid (kunjom(ijiet) ta’ qabel); il-post u l-pajjiż tat-twelid; in-nazzjonalità fit-twelid;

(b)it-tip u n-numru tad-dokument jew id-dokumenti tal-ivvjaġġar u l-kodiċi bi tliet ittri tal-pajjiż li jkun ħareġ id-dokument jew id-dokumenti tal-ivvjaġġar;

(c)id-data tal-iskadenza tal-validità tad-dokument jew dokumenti tal-ivvjaġġar;

(cc)l-awtorità li ħarġet id-dokument tal-ivvjaġġar u d-data tal-ħruġ ta’ dan;

6) L-Artikolu 9(5) jiġi sostitwit b’dan li ġej:

“immaġni tal-wiċċ” kif definita fl-Artikolu 4(15)”.

7)    Fl-Artikolu 29(2)(a), il-kelma “VIS” hi sostitwita bil-kliem “VIS jew CIR”

Artikolu 55e

Emendi għad-Deċiżjoni tal-Kunsill 2008/633/ĠAI

1) Fl-Artikolu 5 jiddaħħal paragrafu (1a) ġdid:

“1 a. F’każijiet li fihom l-awtoritajiet maħtura jniedu tfittxija fis-CIR f’konformità mal-[Artikolu 22 tar-Regolament 2018/XX dwar l-interoperabbiltà], dawn ikunu jistgħu jaċċessaw il-VIS għal konsultazzjoni meta t-tweġiba riċevuta kif imsemmija fil-paragrafu 3 tal-[Artikolu 22 tar-Regolament 2018/XX dwar l-interoperabbiltà] tiddikjara li d-data tkun maħżuna fil-VIS.”

2) Fl-Artikolu 7 jiżdied punt (1a) ġdid:

“1 a. Fil-każijiet li fihom il-Europol tniedi tfittxija fis-CIR f’konformità mal-[Artikolu 22 tar-Regolament 2018/XX dwar l-interoperabbiltà], din tkun tista’ taċċessa l-VIS għal konsultazzjoni meta t-tweġiba riċevuta kif imsemmija fil-paragrafu 3 tal-[Artikolu 22 tar-Regolament 2018/XX dwar l-interoperabbiltà] tiddikjara li d-data tkun maħżuna fil-VIS.”

Artikolu 55f
Emendi għar-Regolament (UE) Nru 2018/XX [ir-Regolament dwar l-ETIAS]

Ir-Regolament (UE) 2018/XXX (ir-Regolament ETIAS) huwa emendat kif ġej:

1.Fl-Artikolu 1, jiddaħħal il-paragrafu li ġej:

“1 a. Billi taħżen id-data tal-identità u tad-dokument tal-ivvjaġġar fir-repożitorju komuni ta’ informazzjoni dwar l-identità (CIR) stabbilit bl-[Artikolu 17 tar-Regolament 2018/XX dwar l-interoperabbiltà], l-ETIAS tikkontribwixxi għall-iffaċilitar u għall-assistenza fl-identifikazzjoni korretta tal-persuni rreġistrati fl-ETIAS bil-kundizzjonijiet u għall-objettivi finali msemmija fl-[Artikolu 20 ta’ dan ir-Regolament.”

2.Fl-Artikolu 3(1) għandhom jiżdiedu l-punti li ġejjin:

“(pa)    “CIR” tfisser ir-repożitorju komuni ta’ informazzjoni dwar l-identità kif definit fil-[punt 35, tal-Artikolu 4 tar-Regolament 2018/XX dwar l-interoperabbiltà];

(pb)    “Sistema Ċentrali ETIAS” tfisser is-Sistema Ċentrali msemmija fl-Artikolu 6(2)(ab) flimkien mas-CIR sal-punt li is-CIR jinkludi d-data msemmija fl-Artikolu 6 (2a);

(pc)    “data tal-identità” tfisser id-data msemmija fl-Artikolu 17(2)(a);

(pd)    “data tad-dokument tal-ivvjaġġar” tfisser id-data msemmija fl-Artikolu 17(2)(d) u (e) u l-kodiċi bi tliet ittri tal-pajjiż li jkun ħareġ id-dokument tal-ivvjaġġar kif imsemmi fl-Artikolu 19(3)(c);”

3.Fl-Artikolu 4 jiżdied dan il-punt:

“(g)    tikkontribwixxi għall-identifikazzjoni korretta tal-persuni;”

4.Fl-Artikolu 6(2), il-punt (a) huwa sostitwit b’dan li ġej:

“(a)    ir-repożitorju komuni ta’ informazzjoni dwar l-identità (CIR) kif imsemmi fl-[Artikolu 17(2)(a) tar-Regolament 2018/XX dwar l-interoperabbiltà];”

5.Fl-Artikolu 6(2), jiddaħħal il-punt (ab) li ġej:

“(ab)    Sistema Ċentrali, inkluż lista ta’ sorveljanza;”

6.Fl-Artikolu 6(2), il-punt (n) huwa sostitwit b’dan li ġej:

“(n)    f’infrastruttura ta’ komunikazzjoni sigura bejn is-Sistema Ċentrali ETIAS u l-infrastrutturi ċentrali tal-portal Ewropew tat-tfittxija stabbilit mill-[Artikolu 6 tar-Regolament 2018/XX dwar l-interoperabbiltà], ir-repożitorju komuni ta’ informazzjoni dwar l-identità stabbilit mill-[Artikolu 17 tar-Regolament 2018/XX dwar l-interoperabbiltà] u d-detettur ta’ identitajiet multipli (MID) stabbilit mill-[Artikolu 25 tar-Regolament 2018/XX dwar l-interoperabbiltà];”

7.Fl-Artikolu 6, jiddaħħal il-paragrafu li ġej:

“2 a. Is-CIR għandha tinkludi l-identità u d-data tad-dokument tal-ivvjaġġar imsemmija fl-Artikolu 17(2)(a) u (b) sa (e) kif ukoll il-kodiċi bi tliet ittri tal-pajjiż li jkun ħareġ id-dokument tal-ivvjaġġar kif imsemmi fl-Artikolu 19(3)(c), id-data li jifdal għandha tinħażen fis-Sistema Ċentrali ETIAS.”

8.L-Artikolu 13 huwa emendat kif ġej:

(a) il-paragrafu 5 huwa sostitwit b’dan li ġej:

“5. L-aċċess għall-konsultazzjoni tad-data ETIAS tal-identità u tad-dokument tal-ivvjaġġar maħżuna fis-CIR għandu jiġi rriżervat b’mod esklużiv għall-persunal debitament awtorizzat tal-awtoritajiet nazzjonali ta’ kull Stat Membru u għall-persunal debitament awtorizzat tal-korpi tal-UE li jkun kompetenti għall-finijiet stabbiliti fl-[Artikolu 20 u fl-Artikolu 21 tar-Regolament 2018/XX dwar l-interoperabbiltà]. Dak l-aċċess għandu jkun limitat sal-punt neċessarju għat-twettiq tal-kompiti ta’ dawk l-awtoritajiet nazzjonali u l-korpi tal-Unjoni f’konformità ma’ dawk il-finijiet u għandu jkun proporzjonat għall-objettivi li jridu jintlaħqu.”

6. Kull Stat Membru għandu jaħtar l-awtoritajiet nazzjonali kompetenti msemmija fil-paragrafi 1, 2, 4 u 5 ta’ dan l-Artikolu u għandu jibgħat lista ta’ dawn l-awtoritajiet lil eu-LISA mingħajr dewmien, f’konformità mal-Artikolu 87(2). Dik il-lista għandha tispeċifika għal liema skop il-persunal awtorizzat b’mod xieraq ta’ kull awtorità għandu jkollu aċċess għad-data fis-Sistema ta’ Informazzjoni ETIAS skont il-paragrafi 1, 2 4 u 5 ta’ dan l-Artikolu.”;

9. Fl-Artikolu 17(2), il-punt (a) huwa sostitwit b’dan li ġej:

“(a)    il-kunjom (isem il-familja), l-ewwel isem/ismijiet (l-isem/ismijiet mogħti(ja), il-kunjom mat-twelid; id-data tat-twelid, il-post tat-twelid, is-sess, in-nazzjonalità attwali;

(ab)    il-pajjiż tat-twelid, l-ewwel isem/ismijiet tal-ġenituri tal-applikant;”    

10.Fl-Artikolu 19(4), il-kliem “Artikolu 17(2)(a)” jiġu sostitwiti bil-kliem “Artikolu 17 (2)(a) u (ab)”;

11.L-Artikolu 20 huwa emendat kif ġej:

(a) fil-paragrafu 2, l-ewwel subparagrafu huwa sostitwit b’dan li ġej:

“2. Is-Sistema Ċentrali ETIAS għandha tvara domanda billi tuża l-Portal Ewropew tat-Tfittxija definit fl-[Artikolu 6(1) tar-Regolament dwar l-Interoperabbiltà] biex tqabbel id-data relevanti msemmija fl-Artikolu 17(2)(a), (ab), (b), (c), (d),(f),(g), (j), (k), (m) u (8) mad-data preżenti fir-rekord, fajl jew allert ireġistrati f’fajl tal-applikazzjoni maħżun fis-Sistema Ċentrali ETIAS, SIS, l-EES, il-VIS, l-Eurodac, id-data tal-Europol u l-bażijiet tad-data tal-Interpol SLTD u TDAWN.”

(b) Fil-paragrafu 4 il-kliem “l-Artikolu 17(2)(a), (b), (c), (d), (f), (g), (j), (k), (m) u (8)” huma sostitwiti bil-kliem “l-Artikolu 17(2)(a), (ab), (b), (c), (d), (f), (g), (j), (k), (m) u (8)”.

(c) Fil-paragrafu 5 il-kliem “l-Artikolu 17(2)(a), (b), (c), (d), (f), (g), (j), (k), (m) u (8)” huma sostitwiti bil-kliem “l-Artikolu 17(2)(a), (ab), (b), (c), (d), (f), (g), (j), (k), (m) u (8)”.

12.L-Artikolu 23(1) huwa sostitwit b’dan li ġej:

“1. Is-Sistema Ċentrali ETIAS għandha tvara domanda billi tuża l-Portal Ewropew tat-Tfittxija definit fl-[Artikolu 6(1) tar-Regolament dwar l-Interoperabbiltà] biex tqabbel id-data relevanti msemmija fl-Artikolu 17(2)(a), (ab), (b)u (d) mad-data preżenti fis-SIS sabiex ikun determinat jekk l-applikant ikun is-suġġett ta’ wieħed mill-allerti segwenti:

(a)    allert dwar persuni neqsin

(b)    allert dwar persuni mfittxijin sabiex jassistu fi proċedura ġudizzjarja

(c)    allert dwar persuni għal verifiki diskreti jew kontrolli speċifiċi.”

13.Fil-paragrafu 1 fl-Artikolu 49 il-kliem “l-Artikolu 17(2)(a), (b), (c), (d) u (e)” huma sostitwiti bil-kliem “l-Artikolu 17(2)(a), (ab), (b), (c), (d) u (e)”.

14.Fl-Artikolu 52, jiddaħħal il-paragrafu li ġej:

“1 a. F’każijiet li fihom l-awtoritajiet maħtura jniedu tfittxija fis-CIR f’konformità mal-[Artikolu 22 tar-Regolament 2018/XX dwar l-interoperabbiltà], dawn ikunu jistgħu jaċċessaw il-fajls ta’ applikazzjoni maħżuna fis-Sistema Ċentrali ETIAS f’konformità ma’ dan l-Artikolu għall-konsultazzjoni meta t-tweġiba riċevuta kif imsemmija fil-paragrafu 3 tal-[Artikolu 22 tar-Regolament 2018/XX dwar l-interoperabbiltà] tiddikjara li d-data tkun maħżuna fil-fajls ta’ applikazzjoni maħżuna fis-Sistema Ċentrali ETIAS.”

15.Fl-Artikolu 53, jiddaħħal il-paragrafu li ġej:

“1 a. F’każijiet li fihom l-Europal varat tfittxija fis-CIR f’konformità mal-[Artikolu 22 tar-Regolament 2018/XX dwar l-interoperabbiltà], dawn ikunu jistgħu jaċċessaw il-fajls ta’ applikazzjoni maħżuna fis-Sistema Ċentrali ETIAS f’konformità ma’ dan l-Artikolu għall-konsultazzjoni meta t-tweġiba riċevuta kif imsemmija fil-paragrafu 3 tal-[Artikolu 22 tar-Regolament 2018/XX dwar l-interoperabbiltà] tiddikjara li d-data tkun maħżuna fil-fajls ta’ applikazzjoni maħżuna fis-Sistema Ċentrali ETIAS.”

16.Fl-Artikolu 65(3), il-ħames subparagrafu, il-kliem “l-Artikolu 17(2)(a), (b), (d), (e) u (f)” huma sostitwiti bil-kliem “l-Artikolu 17(2)(a), (ab), (b), (d), (e) u (f)”.

17.Fl-Artikolu 69(1), jiddaħħal il-punt li ġej:

“(ca)    “fejn relevanti, referenza għall-użu tal-portal Ewropew tat-tfittxija għat-tfittxija fis-Sistema Ċentrali ETIAS kif imsemmi fl-[Artikolu 7(2) tar-Regolament 2018/XX dwar l-interoperabbiltà],”

18.Fl-Artikolu 73(2), il-kliem “repożitorju ċentrali tad-data” huma sostitwiti bil-kliem “ir-repożitorju ċentrali għar-rapportar u għall-istatistika msemmi fl-[Artikolu 39 tar-Regolament 2018/XX dwar l-interoperabbiltà], sal-punt li fiha data miksuba mis-Sistema Ċentrali tal-ETIAS skont l-Artikolu 84”.

19.Fl-Artikolu 74(1), il-kliem “u r-repożitorju ċentrali tad-data, kif imsemmi fl-Artikolu 6” huma mħassra.

20.Fl-Artikolu 84(2), l-ewwel subparagrafu jkun sostitwit b’dan li ġej:

“2. Għall-fini tal-paragrafu 1 ta’ dan l-Artikolu, l-eu-LISA għandha taħżen id-data msemmija fil-paragrafu 1 fir-repożitorju ċentrali għar-rapportar u għall-istatistiki msemmija fl-[Artikolu 39 tar-Regolament 2018/XX dwar l-interoperabbiltà]. Skont [l-Artikolu 39(1) tar-Regolament 2018/XX dwar l-interoperabbiltà], data statistika trasversali u rapportar analitiku jippermettu li l-awtoritajiet elenkati fil-paragrafu 1 jiksbu rapporti u statistika li jistgħu jiġu adattati, sabiex jappoġġaw l-implimentazzjoni tar-regoli tal-iskrinjar tal-ETIAS imsemmija fl-Artikolu 33, biex itejbu l-valutazzjoni ta’ sigurtà, l-immigrazzjoni illegali u r-riskji għoljin tal-epidemija, biex itejbu l-effiċjenza tal-verifiki fuq il-fruntiera u biex jgħinu lill-Unità Ċentrali tal-ETIAS u l-Unitajiet Nazzjonali tal-ETIAS jipproċessaw l-applikazzjonijiet għall-awtorizzazzjoni għall-ivvjaġġar.”

21.Fl-Artikolu 84(4), jiżdied subparagrafu ġdid:

“L-istatistiki ta’ kuljum għandhom jinħażnu fir-repożitorju ċentrali għar-rapportar u għall-istatistiki.”

Artikolu 55g
Emendi għar-Regolament (UE) 2018/XX [ir-Regolament dwar is-SIS fil-qasam tal-verifiki fil-fruntieri]

Ir-Regolament (UE) 2018/XX huwa emendat kif ġej:

1.Fl-Artikolu 3(1) jiżdiedu l-punti li ġejjin:

(t) “ESP” tfisser il-Portal Ewropew tat-Tfittxija kif definit fl-[Artikolu 6 tar-Regolament 2018/XX dwar l-interoperabbiltà]

(u) “il-BMS kondiviż” tfisser is-servizz kondiviż ta’ tqabbil bijometriku kif definit fl- [Artikolu 12 tar-Regolament 2018/XX dwar l-interoperabbiltà].

(v) “CIR” tfisser ir-repożitorju komuni ta’ informazzjoni dwar l-identità kif definit fl-[Artikolu 17 tar-Regolament 2018/XX dwar l-interoperabbiltà]

(w) “MID” tfisser id-detettur ta’ identitajiet multipli kif definit fl-[Artikolu 25 tar-Regolament 2018/XX dwar l-interoperabbiltà]

2.L-Artikolu 4 huwa emendat kif ġej:

(a) fil-paragrafu 3, jiżdied il-punt (d) li ġej:

“d) sistema sigura ta’ komunikazzjoni bejn is-CS-SIS u l-infrastrutturi ċentrali tal-ESP, tal-BMS kondiviż u l-MID”.

(b) jiddaħħlu l-paragrafi li ġejjin:

“5. Mingħajr preġudizzju għall-paragrafi (1) sa (4) ta’ dan l-Artikolu, id-data fis-SIS tista’ titfittex ukoll permezz tal-ESP.

6. Mingħajr preġudizzju għall-paragrafi (1) sa (4) ta’ dan l-Artikolu, id-data fis-SIS tista’ wkoll tiġi trażmessa permezz ta’ infrastruttura sigura tal-komunikazzjoni definit fil-paragrafu (3)(d) ta’ dan l-Artikolu. Dawn it-trażmissjonijiet għandhom jiġu limitati sal-punt li d-data hija meħtieġa għall-funzjonalitajiet imsemmija fir-[Regolament 2018/XX dwar l-interoperabbiltà].”

3.Fl-Artikolu 7, jiżdied il-paragrafu 2a li ġej:

“2 a. L-Uffiċċji SIRENE għandhom jiżguraw ukoll il-verifika ta’ identitajiet differenti skont [l-Artikolu 29 tar-Regolament 2018/XX dwar l-interoperabbiltà]. Sa fejn ikun meħtieġ biex iwettaqu dan il-kompitu, l-Uffiċċji SIRENE għandu jkollhom aċċess biex jikkonsultaw id-data maħżuna fis-CIR għall-finijiet stabbiliti fl-[Artikolu 21 tar-Regolament 2018/XX dwar l-interoperabbiltà].”

4.fl-Artikolu 8, għandu jitħassar il-paragrafu 4.

5.fl-Artikolu 12, il-paragrafu 1 huwa sostitwit b’dan li ġej:

“1. L-Istati Membri għandhom jiżguraw li kull aċċess għal u kull skambju ta’ data personali mas-CS-SIS jiġu illoġġjati fl-N.SIS II tagħhom għall-finijiet ta’ verifika jekk it-tfittxija tkunx skont il-liġi jew le, għall-fini ta’ monitoraġġ tal-legalità tal-ipproċessar tad-data, għall-awtomonitoraġġ u sabiex ikun żgurat il-funzjonament tajjeb tal-N.SIS, l-integrità u s-sigurtà tad-data. Dan ma japplikax għall-proċessi awtomatiċi msemmija fl-Artikolu 4(4) (a), (b) u (c). L-Istati Membri għandhom jiżguraw li kull aċċess għal data personali permezz tal-ESP ikun irreġistrat għall-finijiet li jkun verifikat jekk it-tfittxija tkunx skont il-liġi jew le, waqt li jsir monitoraġġ tal-legalità tal-ipproċessar tad-data, l-awtomonitoraġġ, u l-integrità u s-sigurtà tad-data.”

6.Fl-Artikolu 29(1), jiżdied il-punt (g) li ġej:

“(g) l-ivverifikar ta’ identitajiet differenti u l-ġlieda kontra l-frodi tal-identità skont [il-Kapitolu V tar-Regolament 2018/XX dwar l-interoperabbiltà].”

7.fl-Artikolu 54, il-paragrafu 6 huwa sostitwit b’dan li ġej:

“Għall-fini tal-paragrafi 3, 4 u 5 ta’ dan l-Artikolu u tal-Artikolu 15(5), l-Aġenzija għandha taħżen id-data msemmija fil-paragrafu 3 ta’ dan l-Artikolu u tal-Artikolu 15(5) li ma għandux jippermetti l-identifikazzjoni ta’ individwi fir-repożitorju ċentrali għar-rapportar u għall-istatistika msemmija fl-[Artikolu 39 tar-Regolament 2018/XX dwar l-interoperabbiltà].

L-Aġenzija għandha tippermetti li l-Kummissjoni u l-aġenziji msemmija fil-paragrafu 5 jiksbu rapporti u statistika personalizzati. Fuq talba, l-Aġenzija għandha tagħti aċċess għar-repożitorju ċentrali lill-Istati Membri, lill-Kummissjoni, lill-Europol u lill-Aġenzija Ewropea għall-Gwardja tal-Fruntiera u tal-Kosta skont [l-Artikolu 39 tar-Regolament 2018/XX dwar l-interoperabbiltà].”

Artikolu 55h

Emendi għar-Regolament (UE) 2018/XX [ir-Regolament dwar eu-LISA]

Ir-Regolament (UE) 2018/XX huwa emendat kif ġej:

1.L-Artikolu 8 ikun sostitwit b’dan li ġej:

““L-Artikolu 8
Il-kwalità tad-data

1.Għas-sistemi kollha taħt ir-responsabbiltà operazzjonali tal-Aġenzija, eu-LISA għandha tistabbilixxi mekkaniżmi awtomatizzati għall-kontroll tal-kwalità tad-data u indikaturi komuni tal-kwalità tad-data u proċeduri u standards minimi ta’ kwalità dwar il-ħżin tad-data, skont id-dispożizzjonijiet relevanti tal-istrumenti tas-sistemi u ta’ [l-Artikolu 37 tar-Regolament 2018/XX dwar l-interoperabbiltà].

2. eu-LISA għandha tistabbilixxi repożitorju ċentrali għar-rapportar u l-istatistika skont [l-Artikolu 39 tar-Regolament 2018/XX dwar l-interoperabbiltà].”

2.L-Artikolu 9 ikun sostitwit b’dan li ġej:

““L-Artikolu 9
Interoperabbiltà

Fejn l-interoperabbiltà tas-sistemi tal-IT fuq skala kbira ġiet stipulata fi strument leġiżlattiv relevanti, l-Aġenzija għandha tiżviluppa l-azzjonijiet meħtieġa mogħtija lilha minn dawn l-istrumenti leġiżlattivi li jippermettu dik l-interoperabbiltà.”

3.L-Artikolu 15 huwa emendat kif ġej:

(a) il-paragrafu (1) huwa emendat kif ġej:

(i) jiddaħħal il-punt (eea) li ġej:

“(eea) Ikunu adottati rapporti dwar l-istat attwali tal-iżvilupp tal-interoperabbiltà tal-komponenti skont [l-Artikolu 68(2) tar-Regolament 2018/XX dwar l-interoperabbiltà].”

(ii) il-punt (ff) ikun sostitwit b’dan li ġej:

“(ff) ikunu adottati r-rapporti dwar il-funzjonament tekniku tas-SIS II skont l-Artikolu 50(4) tar-Regolament (KE) Nru 1987/2006 u l-Artikolu 66(4) tad-Deċiżjoni 2007/533/ĠAI rispettivament [jew l-Artikolu 54(7) tar-Regolament 2018/XX tal-Parlament Ewropew u tal-Kunsill dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-kontrolli fil-fruntieri, li jemenda r-Regolament (UE) Nru 515/2014 u li jħassar ir-Regolament (KE) Nru 1987/2006 u l-Artikolu 71(7) tar-Regolament 2018/XX tal-Parlament Ewropew u tal-Kunsill dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-kooperazzjoni tal-pulizija u l-kooperazzjoni ġudizzjarja f’materji kriminali, li jemenda r-Regolament (UE) Nru 515/2014 u li jħassar ir-Regolament (KE) Nru 1986/2006, id-Deċiżjoni tal-Kunsill 2007/533/ĠAI u d-Deċiżjoni tal-Kummissjoni 2010/261/UE], u tal-VIS skont l-Artikolu 50(3) tar-Regolament (KE) Nru 767/2008 u l-Artikolu 17(3) tad-Deċiżjoni 2008/633/ĠAI, tal-EES skont l-Artikolu 72(4) tar-Regolament (UE) 2017/2226, tal-ETIAS skont l-Artikolu 81(4) tar-Regolament (UE) 2018/XX dwar is-sistema ECRIS-TCN u implimentazzjoni ta’ referenza ECRIS skont l-Artikolu 34(4) tar-Regolament (UE) 2018/XX] u tal-komponenti ta’ interoperabbiltà skont [l-Artikolu 68(4) tar-Regolament 2018/XX dwar l-interoperabbiltà];”

(iii) il-punt (hh) huwa sostitwit b’dan li ġej:

“(hh) ikunu adottati kummenti formali dwar ir-rapporti tal-Kontrollur Ewropew għall-Protezzjoni tad-Data dwar l-awditi skont l-Artikolu 45(2) tar-Regolament (KE) Nru 1987/2006, l-Artikolu 42(2) tar-Regolament (KE) Nru 767/2008 u l-Artikolu 31(2) tar-Regolament Nru 603/2013, l-Artikolu 56(2) tar-Regolament (UE) 2017/2226 u [l-Artikolu 57 tar-Regolament (UE) 2018/XX (li jistabbilixxi l-ETIAS)] u [l-Artikolu 27(2) tar-Regolament (UE) 2018/XX (li jistabbilixxi s-sistema ECRIS-TCN)] u [l-Artikolu 50 tar-Regolament (UE) 2018/XX dwar l-interoperabbiltà] u jiżgura li jsir segwitu xieraq ta’ dawk l-awditi;”

4.Fl-Artikolu 19, il-paragrafu 4 huwa sostitwit b’dan li ġej:

“4. L-Europol u l-Eurojust jistgħu jattendu l-laqgħat tal-Bord Amministrattiv bħala osservaturi, meta fuq l-aġenda jkun hemm kwistjoni li tikkonċerna s-SIS II fir-rigward tal-applikazzjoni tad-Deċiżjoni 2007/533/ĠAI. [L-Aġenzija tal-Gwardja Ewropea tal-Fruntiera u tal-Kosta tista’ tattendi l-laqgħat tal-Bord Amministrattiv bħala osservatur meta jkun hemm mistoqsija dwar is-SIS, fir-rigward tal-applikazzjoni tar-Regolament (UE) 2016/1624 fuq l-aġenda]. L-Europol jista’ jattendi wkoll il-laqgħat tal-Bord tat-Tmexxija bħala osservatur meta jkun hemm mistoqsija dwar il-VIS, fir-rigward tal-applikazzjoni tad-Deċiżjoni 2008/633/ĠAI, jew meta jkun hemm mistoqsija li tikkonċerna l-Eurodac, fir-rigward tal-applikazzjoni tar-Regolament (UE) Nru 603/2013, fuq l-aġenda. L-Europol jista’ jattendi wkoll il-laqgħat tal-Bord Amministrattiv bħala osservatur meta fuq l-aġenda jkun hemm mistoqsija li tikkonċerna lill-EES fir-rigward tal-applikazzjoni tar-Regolament (UE) 2017/2226 jew meta fuq l-aġenda jkun hemm mistoqsija dwar l-ETIAS b’rabta mar-Regolament 2018/XX (li jistabbilixxi l-ETIAS). Il-Gwardja Ewropea tal-Fruntiera u tal-Kosta tista’ tattendi wkoll il-laqgħat tal-Bord Amministrattiv bħala osservatur meta jkun hemm mistoqsija dwar l-ETIAS fir-rigward tal-applikazzjoni tar-Regolament (UE) 2018/XX (li jistabbilixxi l-ETIAS), fuq l-aġenda]. L-EASO jista’ jattendi wkoll il-laqgħat tal-Bord Amministrattiv bħala osservatur meta fuq l-aġenda jkun hemm mistoqsija li tikkonċerna is-sistema awtomatizzata għar-reġistrazzjoni, għall-monitoraġġ u l-mekkaniżmu ta’ allokazzjoni għal applikazzjonijiet għall-protezzjoni internazzjonali msemmija fl-Artikolu 44 tar-Regolament (UE) li jistabbilixxi l-kriterji u l-mekkaniżmi biex tkun determinata r-responsabilità tal-Istat Membru biex jeżamina applikazzjoni għall-protezzjoni internazzjonali ppreżentata f’wieħed mill-Istati Membri minn Ċittadin ta’ pajjiż terz jew persuna apolida(riformulazzjoni) COM(2016) 270 finali-2016/0133(COD).] [Eurojust, Europol [l-Uffiċċju tal-Prosekutur Pubbliku Ewropew] jistgħu wkoll jattendu l-laqgħat tal-Bord Amministrattiv bħala osservaturi meta fuq l-aġenda jkun hemm mistoqsija dwar ir-Regolament 2018/XX (li jistabbilixxi sistema ċentralizzata għall-identifikazzjoni tal-Istati Membri li għandhom informazzjoni dwar kundanna penali ta’ ċittadin ta’ pajjiż terz jew persuni apolidi (TCN) biex tissupplimenta u issostni is-Sistema Ewropea ta’ Informazzjoni ta’ Rekords Kriminali (ECRIS), u li temenda r-regolament (UE) Nru 1077/2011 (sistema ECRIS-TCN).] L-Europol, l-Eurojust u l-Aġenzija tal-Gwardja Ewropea tal-Fruntiera u tal-Kosta tista’ tattendi wkoll il-laqgħat tal-Bord Amministrattiv bħala osservaturi meta jkun hemm mistoqsija dwar ir-[Regolament (UE) 2018/XX dwar l-interoperabbiltà] fuq l-aġenda. Il-Bord Amministrattiv jista’ jistieden lil kwalunkwe persuna oħra, li l-opinjoni tagħha tista’ tkun ta’ interess, sabiex tattendi l-laqgħat tiegħu bħala osservatur.”

5.Fl-Artikolu 21(3), il-punt (o) huwa sostitwit b’dan li ġej:

“(o) mingħajr preġudizzju għall-Artikolu 17 tar-Regolamenti tal-Persunal, l-istabbiliment ta’ rekwiżiti tal-kunfidenzjalità għall-fini ta’ konformità mal-Artikolu 17 tar-Regolament (KE) Nru 1987/2006, mal-Artikolu 17 tad-Deċiżjoni 2007/533/ĠAI, mal-Artikolu 26(9) tar-Regolament (KE) Nru 767/2008 u mal-Artikolu 4(4) tar-Regolament (UE) Nru 603/2013; L-Artikolu 37(4) tar-Regolament 2017/2226, [l-Artikolu 64(2) tar-Regolament 2018/XX (li jistabbilixxi l-ETIAS)], [l-Artikolu 11(16) tar-Regolament 2018/XX (li jistabbilixxi s-sistema ECRIS-TCN)] u [l-Artikolu 53(2) tar-Regolament 2018/XX dwar l-interoperabbiltà];”

6.L-Artikolu 23 huwa emendat kif ġej:

(a) Fil-paragrafu 1 jiddaħħal il-punt li ġej:

“(ea) Il-Grupp Konsultattiv dwar l-Interoperabbiltà;”

(b) Il-paragrafu 3 huwa sostitwit b’dan li ġej:

“3. L-Europol u l-Eurojust u l-Gwardja Ewropea tal-Fruntiera u tal-Kosta jistgħu jaħtru rappreżentant kull wieħed fil-Grupp Konsultattiv tas-SIS II. L-Europol jista’ jaħtar ukoll rappreżentant fil-Gruppi Konsultattivi tal-VIS u tal-Eurodac u tal-EES/ETIAS. L-Aġenzija tal-Gwardja Ewropea tal-Fruntiera u tal-Kosta tista’ wkoll taħtar rappreżentant fil-Grupp Konsultattiv tal-EES[-ETIAS]. [Eurojust, Europol, u l-Uffiċċju tal-Prosekutur Pubbliku Ewropew] jistgħu jaħtru rappreżentant fil-Grupp Konsultattiv tas-sistema ECRIS-TCN.] L-Europol, l-Eurojust u l-Gwardja Ewropea tal-Fruntiera u tal-Kosta jistgħu jaħtru rappreżentant kull wieħed fil-Grupp Konsultattiv dwar l-Interoperabbiltà.

KAPITOLU X
Dispożizzjonijiet finali

Artikolu 56

Rapportar u statistiki

1.Il-persunal debitament awtorizzat tal-awtoritajiet kompetenti tal-Istati Membri, tal-Kummissjoni u tal-eu-LISA għandu jkollu aċċess biex jikkonsulta d-data li ġejja relatata mal-portal Ewropew tat-tfittxija (ESP), esklużivament għall-finijiet tar-rapportar u tal-istatistiki mingħajr ma jkunu jistgħu jiġu identifikati individwi:

(a)in-numru ta’ tfittxijiet għal kull utent tal-profil tal-ESP;

(b)in-numru ta’ tfittxijiet f’kull bażi ta’ data tal-Interpol.

2.Il-persunal debitament awtorizzat tal-awtoritajiet kompetenti tal-Istati Membri, tal-Kummissjoni u tal-eu-LISA għandu jkollu aċċess biex jikkonsulta d-data li ġejja relatata mar-repożitorju komuni ta’ informazzjoni dwar l-identità, esklużivament għall-finijiet tar-rapportar u tal-istatistiki mingħajr ma jkun jista’ jidentifika l-individwi:

(a)in-numru ta’ tfittxijiet għall-finijiet tal-Artikoli 20, 21 u 22;    

(b)in-nazzjonalità, is-sess u s-sena tat-twelid tal-persuna;

(c)it-tip ta’ dokument tal-ivvjaġġar u l-kodiċi bi tliet ittri tal-pajjiż emittenti;

(d)in-numru ta’ tfittxijiet magħmula b’data bijometrika u mingħajrha.

3.Il-persunal debitament awtorizzat tal-awtoritajiet kompetenti tal-Istati Membri, tal-Kummissjoni u tal-eu-LISA għandu jkollu aċċess biex jikkonsulta d-data li ġejja relatata mad-detettur ta’ identitajiet multipli, esklużivament għall-finijiet tar-rapportar u tal-istatistiki mingħajr ma jkunu jistgħu jiġu identifikati individwi:

(a)    in-nazzjonalità, is-sess u s-sena tat-twelid tal-persuna;

(a)it-tip ta’ dokument tal-ivvjaġġar u l-kodiċi bi tliet ittri tal-pajjiż emittenti;

(b)in-numru ta’ tfittxijiet magħmula b’data bijometrika u mingħajr;

(c)in-numru ta’ kull tip ta’ link.

4.Il-persunal debitament awtorizzat tal-Aġenzija Ewropea għall-Gwardja tal-Fruntiera u tal-Kosta stabbilit bir-Regolament (UE) 2016/1624 tal-Parlament Ewropew u tal-Kunsill 77 għandu jkollu aċċess biex jikkonsulta d-data msemmija fil-paragrafi 1, 2 u 3 għall-finijiet ta’ twettiq ta’ analiżijiet tar-riskju u ta’ valutazzjonijiet tal-vulnerabbiltà kif imsemmija fl-Artikoli 11 u 13 ta’ dak ir-Regolament.

5.Għall-fini tal-paragrafu 1 ta’ dan l-Artikolu, l-eu-LISA għandha taħżen id-data msemmija fil-paragrafu 1 ta’ dan l-Artikolu fir-repożitorju ċentrali għar-rapportar u għall-istatistiki msemmija fil-Kapitolu VII ta’ dan ir-Regolament. Id-data inkluża fir-repożitorju m’għandhiex tippermetti li jiġu identifikati individwi, iżda għandha tippermetti lill-awtoritajiet elenkati fil-paragrafu 1 ta’ dan l-Artikolu jiksbu rapporti u statistiki personalizzabbli biex isaħħu l-effiċjenza tal-verifiki fil-fruntieri, biex jgħinu lill-awtoritajiet fl-ipproċessar ta’ applikazzjonijiet għal viża u biex jappoġġjaw it-tfassil tal-politiki fuq il-bażi tal-evidenza dwar il-migrazzjoni u s-sigurtà fl-Unjoni.

Artikolu 57
Perjodu tranżitorju għall-użu tal-portal Ewropew tat-tfittxija

Għal perjodu ta’ sentejn mid-data li fiha jibda jopera l-ESP, l-obbligi msemmija fl-Artikolu 7(2) u (4) m’għandhomx japplikaw u l-użu tal-ESP għandu jkun fakultattiv.

Artikolu 58

Perjodu tranżizzjonali applikabbli għad-dispożizzjonijiet dwar l-aċċess għar-repożitorju komuni ta’ informazzjoni dwar l-identità għall-finijiet tal-infurzar tal-liġi

L-Artikolu 22, il-punti 13, 14, 15 u 16 tal-Artikolu 55b u l-Artikolu 55e għandhom japplikaw mid-data tal-bidu tal-operazzjonijiet imsemmija fl-Artikolu 62(1).

Artikolu 59
Perjodu tranżitorju għad-detezzjoni ta’ identitajiet multipli

1.Għal perjodu ta’ sena wara n-notifika mill-eu-LISA tat-tlestija tat-test imsemmi fl-Artikolu 62(1)(b) rigward id-detettur ta’ identitajiet multipli (MID) u qabel ma jibda jopera l-MID, l-Unità Ċentrali tal-ETIAS kif imsemmija fl-[Artikolu 33(a) tar-Regolament (UE) 2016/1624] għandha tkun responsabbli għat-twettiq ta’ detezzjoni ta’ identitajiet multipli bejn id-data maħżuna fil-VIS, fil-Eurodac u fis-SIS. Id-detezzjonijiet ta’ identitajiet multipli għandhom jitwettqu billi tintuża biss data bijometrika f’konformità mal-Artikolu 27(2) ta’ dan ir-Regolament.

2.Meta t-tfittxija tirrapporta hit waħda jew aktar u d-data tal-identità tal-fajls illinkjati tkun identika jew simili, għandha tinħoloq link bajda f’konformità mal-Artikolu 33.

Meta t-tfittxija tirrapporta hit waħda jew aktar u d-data tal-identità tal-fajls illinkjati ma tkunx tista’ titqies bħala simili, għandha tinħoloq link safra f’konformità mal-Artikolu 30 u għandha tkun tapplika l-proċedura msemmija fl-Artikolu 29.

Meta jiġu rrapportati diversi hits, għandha tinħoloq link għal kull biċċa data li twassal għall-hit.

3.Meta tinħoloq link safra, l-MID għandu jagħti aċċess għad-data tal-identità preżenti fis-sistemi ta’ informazzjoni differenti lill-Unità Ċentrali tal-ETIAS.

4.Meta tinħoloq link għal twissija fis-SIS, għajr allert ta’ rifjut ta’ dħul jew allert fuq dokument tal-ivvjaġġar irrapportat mitluf, misruq jew invalidat f’konformità mal-Artikolu 24 tar-Regolament dwar is-SIS fil-qasam tal-verifiki fil-fruntieri u mal-Artikolu 38 tar-Regolament dwar is-SIS fil-qasam tal-infurzar tal-liġi rispettivament, l-MID għandu jagħti aċċess għad-data tal-identità preżenti fis-sistemi ta’ informazzjoni differenti lill-Uffiċċju SIRENE tal-Istat Membru li ħoloq l-allert.

5.L-Unità Ċentrali tal-ETIAS jew l-Uffiċċju SIRENE tal-Istat Membru li ħolqu l-allert għandu jkollhom aċċess għad-data li tinsab fil-fajl ta’ konferma tal-identità u għandhom jivvalutaw l-identitajiet differenti u għandhom jaġġornaw il-link f’konformità mal-Artikoli 31, 32 u 33 u jżiduha mal-fajl ta’ konferma tal-identità.

6.L-eu-LISA għandha tassisti fejn ikun hemm bżonn lill-Unità Ċentrali tal-ETIAS fit-twettiq tad-detezzjoni ta’ identitajiet multipli msemmija f’dan l-Artikolu.

Artikolu 60
Kostijiet

1.Il-kostijiet imġarrba b’rabta mal-istabbiliment u mat-tħaddim tal-ESP, tas-servizz kondiviż ta’ tqabbil bijometriku, tar-repożitorju komuni ta’ informazzjoni dwar l-identità (CIR) u tal-MID għandhom jiġġarrbu mill-baġit ġenerali tal-Unjoni.

2.Il-kostijiet imġarrba b’rabta mal-integrazzjoni tal-infrastrutturi nazzjonali eżistenti u mal-konnessjoni tagħhom mal-interfaċċi uniformi nazzjonali kif ukoll b’rabta mall-ospitar tal-interfaċċi uniformi nazzjonali għandhom jiġġarrbu mill-baġit ġenerali tal-Unjoni.

Il-kostijiet li ġejjin għandhom ikunu esklużi:

(a)l-uffiċċju tal-Istati Membri għall-ġestjoni tal-proġetti (laqgħat, missjonijiet, uffiċċji);

(b)l-ospitar ta’ sistemi tal-IT nazzjonali (spazju, implimentazzjoni, elettriku, tkessiħ);

(c)l-operazzjoni ta’ sistemi tal-IT nazzjonali (kuntratti tal-operaturi u ta’ appoġġ);

(d)id-disinn, l-iżvilupp, l-implimentazzjoni, it-tħaddim u l-manutenzjoni ta’ netwerks nazzjonali ta’ komunikazzjoni;

3.Il-kostijiet imġarrba mill-awtoritajiet maħtura kif imsemmija fl-Artikolu 4(24) għandhom jiġġarrbu, rispettivament, minn kull Stat Membru u mill-Europol, rispettivament. Il-kostijiet għall-konnessjoni tal-awtoritajiet maħtura mas-CIR għandhom jiġġarrbu minn kull Stat Membru u mill-Europol, rispettivament.

Artikolu 61
Notifiki

1.L-Istati Membri għandhom jinnotifikaw lill-eu-LISA dwar l-awtoritajiet imsemmija fl-Artikoli 7, 20, 21 u 26 li jistgħu jużaw jew ikollhom aċċess għall-ESP, għas-CIR u għall-MID rispettivament.

Lista konsolidata ta’ dawn l-awtoritajiet għandha tkun ippubblikata f’Il-Ġurnal Uffiċjali tal-Unjoni Ewropea fi żmien tliet xhur mid-data li fiha kull komponent tal-interoperabbiltà jkun beda bl-operat tiegħu f’konformità mal-Artikolu 62. Jekk ikun hemm emendi għal-lista, l-eu-LISA għandha tippubblika lista konsolidata aġġornata darba fis-sena.

2.L-eu-LISA għandha tinnotifika lill-Kummissjoni dwar it-tlestija b’suċċess tat-test imsemmi fl-Artikolu 62(1)(b).

3.L-Unità Ċentrali tal-ETIAS għandha tinnotifika lill-Kummissjoni dwar it-tlestija b’suċċess tal-miżura tranżizzjonali msemmija fl-Artikolu 59.

4.Il-Kummissjoni għandha tqiegħed għad-dispożizzjoni tal-Istati Membri u tal-pubbliku, billi taġġorna b’mod kostanti s-sit web pubbliku, l-informazzjoni nnotifikata skont il-paragrafu 1.

Artikolu 62
Bidu tal-operazzjonijiet

1.Il-Kummissjoni għandha tiddeċiedi d-data minn meta kull komponenti tal-interoperabbiltà għandu jibda jitħaddem, wara li jiġu ssodisfati l-kundizzjonijiet li ġejjin:

(a)ikunu ġew adottati l-miżuri msemmija fl-Artikoli 8(2), 9(7), 28(5) u (6), 37(4), 38(4), 39(5) u 44(5);

(b)eu-LISA iddikjarat it-tlestija b’suċċess ta’ test komprensiv tal-komponenti tal-interoperabbiltà relevanti, li għandu jsir mill-eu-LISA f’kooperazzjoni mal-Istati Membri;

(c)l-eu-LISA tkun ivvalidat l-arranġamenti tekniċi u legali biex tiġbor u tibgħat id-data msemmija fl-Artikoli 8(1), 13, 19, 34 u 39 u tkun innotifikathom lill-Kummissjoni;

(d)l-Istati Membri jkunu nnotifikaw lill-Kummissjoni kif imsemmi fl-Artikolu 61(1);

(e)għad-detettur ta’ identitajiet multipli, l-Unità Ċentrali tal-ETIAS tkun innotifikat lill-Kummissjoni kif imsemmi fl-Artikolu 61(3).

2.Il-Kummissjoni għandha tinforma lill-Parlament Ewropew u lill-Kunsill bir-riżultati tat-test imwettaq skont il-paragrafu 1(b).

3.Id-deċiżjoni tal-Kummissjoni msemmija fil-paragrafu 1 għandha tiġi ppubblikata f’Il-Ġurnal Uffiċjali tal-Unjoni Ewropea.

4.L-Istati Membri u l-Europol għandhom jibdew jużaw il-komponenti tal-interoperabbiltà mid-data ddeterminata mill-Kummissjoni f’konformità mal-paragrafu 1.

Artikolu 63
Eżerċitar tad-delega

1.Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti f’dan l- Artikolu.

2.Is-setgħa li tadotta atti delegati msemmija fl-Artikoli 8(2) u 9(7) għandha tiġi mogħtija lill-Kummissjoni għal perjodu ta’ żmien indeterminat minn [data tad-dħul fis-seħħ ta’ dan ir-Regolament].

3.Id-delegazzjoni tas-setgħa msemmija fl-Artikoli 8(2) u 9(7) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ kwalunkwe att delegat li jkun diġà fis-seħħ.

4.Qabel ma’ tadotta att delegat, il-Kummissjoni għandha tikkonsulta esperti innominati minn kull Stat Membru skont il- prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.Att delegat adottat skont l-Artikoli 8(2) u 9(7) għandu jidħol fis-seħħ biss jekk ma tkun ġiet espressa l-ebda oġġezzjoni la mill-Parlament Ewropew u lanqas mill-Kunsill fi żmien [xahrejn] min-notifika ta’ dak l-att lill-Parlament Ewropew u lill-Kunsill jew jekk, qabel jiskadi dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhumiex se joġġezzjonaw. Dak il-perjodu għandu jiġi estiż b’ [xahrejn] fuq inizjattiva tal-Parlament Ewropew jew tal-Kunsill.

Artikolu 64
Proċedura ta’ kumitat

1.Il-Kummissjoni għandha tkun assistita minn kumitat. Dak il-Kumitat għandu jkun kumitat skont it-tifsira tar-Regolament (UE) Nru 182/2011.

2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 65
Grupp konsultattiv

Għandu jiġi stabbilit Grupp Konsultattiv mill-eu-LISA biex jipprovdilha l-għarfien espert relatat mal-interoperabbiltà b’mod partikolari fil-kuntest tat-tħejjija tal-programm ta’ ħidma annwali tagħha u tar-rapport annwali tal-attività tagħha. Matul il-fażi tad-disinn u tal-iżvilupp tal-istrumenti tal-interoperabbiltà, għandu jkun japplika l-Artikolu 52 minn (4) sa (6).

Artikolu 66
Taħriġ

eu-LISA għandha twettaq il-kompiti relatati mal-provvista ta’ taħriġ dwar l-użu tekniku tal-komponenti tal-interoperabbiltà f’konformità mar-Regolament (UE) Nru 1077/2011.

Artikolu 67
Manwal prattiku

Il-Kummissjoni, f’kooperazzjoni mill-qrib mal-Istati Membri, mal-eu-LISA u ma’ aġenziji relevanti oħra, għandha tqiegħed għad-dispożizzjoni manwal prattiku għall-implimentazzjoni u għall-ġestjoni tal-komponenti tal-interoperabbiltà. Il-manwal prattiku għandu jipprovdi linji gwida tekniċi u operazzjonali, rakkomandazzjonijiet u l-aħjar prattiki. Il-Kummissjoni għandha tadotta l-manwal prattiku fil-forma ta’ rakkomandazzjoni.

Artikolu 68
Monitoraġġ u evalwazzjoni

1.eu-LISA għandha tiżgura li jkun hemm proċeduri fis-seħħ biex jiġi mmonitorjat l-iżvilupp tal-komponenti tal-interoperabbiltà fid-dawl tal-objettivi relatati mal-ippjanar u mal-kostijiet u li jiġi mmonitorjat il-funzjonament tal-komponenti tal-interoperabbiltà fid-dawl tal-objettivi relatati mar-rendiment tekniku, mal-kosteffettività, mas-sigurtà u mal-kwalità tas-servizz.

2.Sa [Sitt xhur wara d-dħul fis-seħħ ta’ dan ir-Regolament — OPOCE, jekk jogħġbok issostitwixxi bid-data attwali] u kull sitt xhur wara dan matul il-fażi tal-iżvilupp tal-komponenti tal-interoperabbiltà, l-eu-LISA għandha tippreżenta rapport lill-Parlament Ewropew u lill-Kunsill dwar is-sitwazzjoni attwali tal-iżvilupp tal-komponenti tal-interoperabbiltà. Ladarba jiġi finalizzat l-iżvilupp, għandu jiġi ppreżentat rapport lill-Parlament Ewropew u lill-Kunsill li jispjega fid-dettall kif ikunu intlaħqu l-objettivi, b’mod partikolari dawk marbuta mal-ippjanar u mal-kostijiet, kif ukoll ġustifikazzjoni għal kull diverġenza.

3.Għall-finijiet tal-manutenzjoni teknika, l-eu-LISA għandu jkollha aċċess għall-informazzjoni neċessarja relatata mal-operazzjonijiet ta’ proċessar ta’ data mwettqa fil-komponenti tal-interoperabbiltà.

4.Erba’ snin wara li kull komponent tal-interoperabbiltà jkun beda jopera u kull erba’ snin minn hemm ’il quddiem, l-eu-LISA għandha tippreżenta lill-Parlament Ewropew, lill-Kunsill u lill-Kummissjoni rapport dwar il-funzjonament tekniku tal-komponenti tal-interoperabbiltà, inkluża s-sigurtà tagħhom.

5.Barra minn hekk, sena wara kull rapport mill-eu-LISA, il-Kummissjoni għandha tipproduċi evalwazzjoni ġenerali tal-komponenti, inklużi:

(a)valutazzjoni tal-applikazzjoni ta’ dan ir-Regolament;

(b)eżami tar-riżultati miksuba meta mqabbla mal-objettivi u l-impatt fuq id-drittijiet fundamentali;

(c)valutazzjoni tal-validità kontinwa tar-raġunament li fuqu huma msejsa l-komponenti tal-interoperabbiltà;

(d)valutazzjoni tas-sigurtà tal-komponenti tal-interoperabbiltà;

(e)valutazzjoni ta’ kwalunkwe implikazzjoni, inkluż kwalunkwe impatt sproporzjonat fuq il-fluss tat-traffiku f’punti ta’ qsim tal-fruntieri u dawk l-implikazzjonijiet b’impatt baġitarju fuq il-baġit tal-Unjoni.

L-evalwazzjonijiet għandhom jinkludu kwalunkwe rakkomandazzjoni meħtieġa. Il-Kummissjoni għandha tibgħat ir-rapport ta’ evalwazzjoni lill-Parlament Ewropew, lill-Kunsill, lill-Kontrollur Ewropew għall-Protezzjoni tad-Data u lill-Aġenzija tal-Unjoni Ewropea għad-Drittijiet Fundamentali stabbilita permezz tar-Regolament tal-Kunsill (KE) Nru 168/2007 78 .

6.L-Istati Membri u l-Europol għandhom jipprovdu lill-eu-LISA u lill-Kummissjoni bl-informazzjoni neċessarja biex jabbozzaw ir-rapporti msemmijin fil-paragrafi 4 u 5. Din l-informazzjoni ma għandhiex tippreġudika l-metodi ta’ ħidma u lanqas tinkludi informazzjoni li tiżvela s-sorsi, il-membri tal-persunal jew investigazzjonijiet tal-awtoritajiet maħtura.

7.eu-LISA għandha tipprovdi lill-Kummissjoni bl-informazzjoni meħtieġa biex tipproduċi l-evalwazzjonijiet imsemmija fil-paragrafu 5.

8.Filwaqt li jirrispettaw id-dispożizzjonijiet tad-dritt nazzjonali dwar il-pubblikazzjoni ta’ informazzjoni sensittiva, kull Stat Membru u l-Europol għandhom iħejju rapporti annwali dwar l-effettività tal-aċċess għad-data maħżuna fir-repożitorju komuni ta’ informazzjoni dwar l-identità għall-finijiet tal-infurzar tal-liġi, li jkun fiha informazzjoni u statistiki dwar:

(a)l-iskop preċiż tal-konsultazzjoni inkluż it-tip ta’ reat terroristiku jew ta’ reat kriminali serju;

(b)il-motivazzjonijiet raġonevoli mogħtija għas-suspett sostanzjat li l-persuna suspettata, l-awtur jew il-vittma jkunu koperti mir-[Regolament dwar l-EES], mir-Regolament dwar il-VIS jew mir-[Regolament dwar l-ETIAS];

(c)in-numru ta’ talbiet għall-aċċess għar-repożitorju komuni ta’ informazzjoni dwar l-identità għall-finijiet tal-infurzar tal-liġi;

(d)in-numru u t-tip ta’ każijiet li rriżultaw f’identifikazzjonijiet pożittivi;

(e)il-ħtieġa u l-użu magħmul mill-każ eċċezzjonali ta’ urġenza inklużi dawk il-każijiet li fihom dik l-urġenza ma ġietx aċċettata mill-verifika ex post magħmula mill-punt ta’ aċċess ċentrali.

Ir-rapporti annwali tal-Istati Membri u tal-Europol għandhom jiġu trażmessi lill-Kummissjoni sat-30 ta’ Ġunju tas-sena ta’ wara.

Artikolu 69
Id-dħul fis-seħħ u l-applikabbiltà

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u għandu japplika direttament fl-Istati Membri skont it-Trattati.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva 

1.2.Qasam/oqsma ta’ politika kkonċernat/i

1.3.Natura tal-proposta/inizjattiva

1.4.Għan(ijiet)

1.5.Raġunijiet għall-proposta/inizjattiva

1.6.Durata u impatt finanzjarju

1.7.Mod/i ta’ ġestjoni ppjanat/i

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar

2.2.Sistema ta’ ġestjoni u ta’ kontroll

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitraji tan-nefqa affettwata/i:

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet operazzjonali

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva 

1.2.Qasam/oqsma ta’ politika kkonċernat/i 

1.3.Natura tal-proposta/inizjattiva 

X Il-proposta/l-inizjattiva hija dwar azzjoni ġdida 

◻ Il-proposta/l-inizjattiva hija dwar azzjoni ġdida b’segwitu għal proġett pilota/azzjoni preparatorja 79  

◻ Il-proposta/l-inizjattiva hija dwar l-estensjoni ta’ azzjoni eżistenti 

◻ Il-proposta/l-inizjattiva hija dwar azzjoni diretta mill-ġdid lejn azzjoni ġdida 

1.4.Objettiv(i)

1.4.1.L-objettiv(i) strateġiku/ strateġiċi pluriennali tal-Kummissjoni fil-mira tal-proposta/tal-inizjattiva 

1.4.2.Objettivi speċifiċi u Objettiv speċifiku Nru [ ] 

(a)li jtejjeb il-ġestjoni tal-fruntieri esterni;

(b)li jikkontribwixxi għall-prevenzjoni u għall-ġlieda kontra l-migrazzjoni irregolari; kif ukoll

(c)li jikkontribwixxi għal livell għoli ta’ sigurtà fi ħdan l-ispazju ta’ libertà, sigurtà u ġustizzja tal-Unjoni inklużi ż-żamma tas-sigurtà pubblika u tal-ordni pubbliku u s-salvagwardja tas-sigurtà fit-territorji tal-Istati Membri.

1.4.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ tħalli fuq il-benefiċjarji/il-gruppi fil-mira.

1.4.4.Indikaturi tar-riżultati u tal-impatt 

Speċifika l-indikaturi għall-monitoraġġ tal-implimentazzjoni tal-proposta/tal-inizjattiva.

Kull waħda mill-miżuri proposti teħtieġ l-iżvilupp, segwit mill-manutenzjoni u mill-operazzjonijiet, ta’ dak il-komponent.

Matul l-iżvilupp

L-iżvilupp ta’ kull komponent se jsir ladarba jiġu ssodisfati l-prerekwiżiti, jiġifieri l-proposta legali tiġi adottata mill-koleġiżlaturi u l-prerekwiżiti tekniċi jiġu ssodisfati, peress li wħud mill-komponenti jistgħu jinbnew biss ladarba jkun hemm ieħor disponibbli.

Objettiv speċifiku: lest għall-operazzjonijiet sad-data ta’ maturità fil-mira

Sa tmiem l-2017, il-proposta tintbagħat lill-koleġiżlaturi għall-adozzjoni minnhom. Qed issir is-suppożizzjoni li l-proċess ta’ adozzjoni se jitlesta sal-2018 b’analoġija għaż-żmien meħud għal proposti oħra.

Skont din is-suppożizzjoni, il-bidu tal-perjodu ta’ żvilupp hu stabbilit għall-bidu tal-2019 (= T0) biex ikun hemm punt ta’ referenza li minnu jingħaddu d-durati u mhux dati assoluti. Jekk l-adozzjoni mill-koleġiżlaturi ssir f’data aktar tard, l-iskeda sħiħa timxi magħha. Min-naħa l-oħra, il-BMS kondiviż irid ikun disponibbli qabel ma jkunu jistgħu jitlestew is-CIR u l-MID. Id-durati tal-iżvilupp huma indikati fuq iċ-ċart hawn taħt:

(Il-blokka bl-isfar hi relatata ma’ kompitu speċifiku relatat mal-Eurodac.)

- Repożitorju ċentrali għar-rapportar u għall-istatistika (CRRS): data ta’ maturità: T0 + 12-il xahar (2019-2020)

- Portal Ewropew tat-Tfittxija (ESP): data ta’ maturità: T0+36 xahar (2019-2021)

- Is-servizz kondiviż ta’ tqabbil bijometriku (BMS kondiviż) jinħoloq għall-ewwel biex titlesta s-Sistema ta’ Dħul/Ħruġ (EES). Meta jintlaħaq dan l-istadju importanti, l-applikazzjonijiet li se jużaw il-BMS kondiviż iridu jiġu aġġornati u d-data li tinsab fis-sistema awtomatizzata għall-identifikazzjoni tal-marki tas-swaba’ (AFIS) tas-SIS, fl-AFIS tal-Eurodac u d-data tal-ECRIS-TCN iridu jiġu migrati fil-BMS kondiviż. Id-data ta’ maturità għat-tlestija hi tmiem l-2023.

- Ir-repożitorju komuni ta’ informazzjoni dwar l-identità (CIR) għall-ewwel jinħoloq matul l-implimentazzjoni tal-EES. Meta titlesta l-EES, id-data mill-Eurodac u mill-ECRIS tiġi inkorporata fis-CIR. Id-data ta’ maturità għat-tlestija hi tmiem l-2022 (disponibbiltà tal-BMS kondiviż + 12-il xahar).

- Id-detettur ta’ identitajiet multipli (MID) jinħoloq wara li jibda jopera s-CIR. Id-data ta’ maturità għat-tlestija hi tmiem l-2022 (disponibbiltà tal-BMS kondiviż + 24 xahar) iżda hemm perjodu li jirrekjedi ħafna riżorsi li fih issir il-validazzjoni tal-links bejn l-identitajiet li huma proposti mill-MID. Kull waħda mil-links stmati trid tiġi vvalidata manwalment. Din se tieħu sa tmiem l-2023.

Il-perjodu tal-operazzjonijiet jibda ladarba jitlesta l-perjodu ta’ żvilupp indikat hawn fuq.

Operazzjonijiet

L-indikaturi relatati ma’ kull objettiv speċifiku msemmi taħt 1.4.3 huma kif ġej:

1. Objettiv speċifiku: Aċċess veloċi, mingħajr intoppi u sistematiku għal sorsi tad-data awtorizzati

1.5.Raġunijiet għall-proposta/inizjattiva 

1.5.1.Rekwiżit(i) li għandu/hom jiġi/u ssodisfat(i) fi żmien qasir jew twil 

1.5.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann fil-koordinazzjoni, iċ-ċertezza tad-dritt, effikaċja akbar jew il-kumplementarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” hu l-valur li jirriżulta mill-intervent tal-Unjoni li hu addizzjonali għall-valur li kieku kien jinħoloq mill-Istati Membri weħidhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà u sinerġija possibbli ma’ strumenti xierqa oħra

1.6.Durata u impatt finanzjarju 

◻ Proposta/inizjattiva ta’ durata limitata

–◻    Proposta/inizjattiva fis-seħħ minn [JJ/XX]SSSS sa [JJ/XX]SSSS

–◻    Impatt finanzjarju minn SSSS sa SSSS

⌧ Proposta/inizjattiva ta’ durata mhux limitata

–Il-perjodu ta’ żvilupp mill-2019 sal-2023, b’din is-sena inkluża, segwit minn operazzjonijiet fuq skala sħiħa.

–Għalhekk, id-durata tal-impatt finanzjarju hi pprovduta għall-2019 sal-2027.

1.7.Mod/i ta’ ġestjoni ppjanat/i 84  

⌧ Ġestjoni diretta mill-Kummissjoni

–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

⌧ Ġestjoni kondiviża mal-Istati Membri

⌧ Ġestjoni indiretta billi jiġu fdati kompiti ta’ implimentazzjoni baġitarja:

–◻ lill-pajjiżi terzi jew lill-korpi nnominati minnhom;

–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–⌧ lill-korpi msemmija fl-Artikoli 208 u 209 tar-Regolament Finanzjarju;

–◻ lill-korpi tal-liġi pubblika;

–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku relevanti.

–Jekk jiġi indikat iżjed minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.

Kummenti

(1) Ma hemm ebda ammont għall-fażi tal-operazzjonijiet inkluż f’dan l-istrument.

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Speċifika l-frekwenza u l-kundizzjonijiet.

2.2.Sistema ta’ ġestjoni u ta’ kontroll 

2.2.1.Riskju/i identifikat(i) 

2.2.2.Tagħrif fuq it-twaqqif tas-sistema ta’ kontroll intern

2.2.3.Stima tal-kostijiet u tal-benefiċċji tal-kontrolli u valutazzjoni tal-livell mistenni ta’ riskju ta’ errur 

2.3.Miżuri għall-prevenzjoni ta’ frodi u ta’ irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti.

3.IMPATT FINANZJARJU STMAT TAL-PROPOSTA/TAL-INIZJATTIVA 

Din id-dikjarazzjoni finanzjarja leġiżlattiva ta’ din il-proposta leġiżlattiva emendata tieħu post dik preċedenti. Il-proposti leġiżlattivi COM(2017) 793 (fruntieri u viża) u COM(2017) 794 (pulizija u kooperazzjoni ġudizzjarja, ażil u migrazzjoni) kienu jinkludu l-istess dikjarazzjoni finanzjarja leġiżlattiva. Minħabba li l-ammonti allokati fil-baġit ma jistgħux jinqasmu fuq żewġ proposti, l-ammonti huma validi għaż-żewġ proposti flimkien. L-ammonti kollha għandhom għalhekk jingħaddu darba biss. L-istess japplika għal proposti emendati.

L-impatt stmat fuq in-nefqa u fuq il-persunal għas-snin 2021 u lil hinn f’din id-dikjarazzjoni finanzjarja leġiżlattiva hu kopert kompatibbli mal-qafas finanzjarju pluriennali tal-kummissjoni tat-2 ta’ Mejju 2018.

Il-proposti leġiżlattivi COM(2017) 793 (fruntieri u viża) u COM(2017) 794 (pulizija u kooperazzjoni ġudizzjarja, ażil u migrazzjoni) kienet tinkludi l-istess dikjarazzjoni finanzjarja leġiżlattiva. Minħabba li l-ammonti allokati fil-baġit ma jistgħux jinqasmu fuq żewġ proposti, l-ammonti huma validi għaż-żewġ proposti flimkien. L-ammonti kollha għandhom għalhekk jingħaddu darba biss. L-istess japplika għal proposti emendati.

3.1.Intestatura/i tal-qafas finanzjarju pluriennali u l-linja/i baġitraji tan-nefqa affettwata/i: 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

L-intestatura 3 taħt il-QFP attwali ssir l-intestatura 4 fil-qafas finanzjarju pluriennali l-ġdid (mill-2021’il quddiem).

3.2.Impatt stmat fuq in-nefqa 

[Din it-taqsima jenħtieġ timtela bl- ispreadsheet dwar id-data baġitarja ta’ natura amministrattiva (it-tieni dokument fl-Anness ta’ din id-dikjarazzjoni finanzjarja) u tittella’ fid-DECIDE għal finijiet ta’ konsultazzjoni bejn is-servizzi.]

3.2.1.Sommarju tal-impatt stmat fuq in-nefqa 

miljuni ta’ EUR (aġġustati għal tliet pożizzjonijiet deċimali)**

L-intestatura 3 taħt il-QFP attwali ssir l-intestatura 4 fil-qafas finanzjarju pluriennali l-ġdid (mill-2021’il quddiem).

In-nefqiet se jkopru kostijiet relatati ma’:

–Il-kost għall-adattament tal-NUI (interfaċċa uniformi nazzjonali) li l-iżvilupp tagħha hu ffinanzjat mill-proposta dwar l-EES, ammont ibbaġitjat għat-tibdiliet fis-sistemi fl-Istati Membri biex jiġu kkunsidrati l-modifiki tas-sistemi ċentrali u ammont ibbaġitjat għat-taħriġ tal-utenti finali.