19.1.2018   

MT

Il-Ġurnal Uffiċjali tal-Unjoni Ewropea

C 19/18

1.

Fl-10 ta’ Jannar 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

ABG u Koç jakkwistaw, fis-sens tal-Artikolu 3(1)(b) tar-Regolament tal-Għaqdiet il-kontroll konġunt ta’ OCTE kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   ABG: Il-forniment ta’ karozzi tal-kiri b’mod partikolari permezz tal-marki Avis u Budget. ABG tħaddem ukoll network ta’ car sharing permezz tal-marka tagħha Zipcar,

—   Koç: kumpanija azzjonarja dinjija ta’ investiment, attiva f’firxa ta’ setturi, fosthom l-enerġija, oġġetti għall-konsum li jservu fit-tul, il-karozzi u l-finanzi,

—   OCTE: il-forniment ta’ servizzi tal-kiri tal-karozzi fil-Greċja. OCTE tikkummerċja bħala Avis Hellas u, sa mill-2010, kienet maħtura bħala l-franchisee tal-ABG fil-Greċja għall-marki Avis u Budget.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet taħt ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8756 — Avis Budget Group/Koç Holding/Olympic Commercial and Tourist Enterprises

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: