52017PC0125

IL-KUMMISSJONI EWROPEA

Brussell, 15.3.2017

COM(2017) 125 final

2017/0053(NLE)

Proposta għal

REGOLAMENT TAL-KUNSILL

li jemenda r-Regolament tal-Kunsill (UE) Nru 2015/2192 dwar l-allokazzjoni tal-opportunitajiet tas-sajd skont il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija fis-settur tas-Sajd bejn l-Unjoni Ewropea u r-Repubblika Iżlamika tal-Mauritania

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

Ir-Regolament tal-Kunsill (UE) 2015/2192 jalloka fost l-Istati Membri l-opportunitajiet ta’ sajd imniżżlin fil-Protokoll tal-2015-2019 għall-Ftehim ta’ Sħubija dwar is-Sajd bejn l-Unjoni Ewropea u l-Mawritanja.

Waqt il-laqgħa tiegħu f’Nouakchott fil-15 u s-16 ta’ Novembru 2016, il-Kumitat Konġunt stabbilit skont l-Artikolu 10 tal-Ftehim ta’ Sħubija ddeċieda li jagħti opportunitajiet tas-sajd ġodda għall-bastimenti tat-tkarkir tal-UE mgħammra bi friża li jimmiraw għas-sajd tal-merluzz l-iswed bħala l-ispeċi ewlenija (3 500 tunnellata) kif ukoll tal-klamari (1 450 tunnellata) u s-siċċ (600 tunnellata) bħala speċijiet fil-mira sekondarji, fil-limiti tal-eċċess disponibbli.

L-objettiv tal-proposta huwa li jallokaw dawn l-opportunitajiet il-ġodda tas-sajd lill-Istati Membri.

•Konsistenza mad-dispożizzjonijiet eżistenti fil-qasam ta’ politika

Il-proposta tirrispetta bis-sħiħ il-prinċipju ta’ sfruttar sostenibbli tar-riżorsi tas-sajd u tal-ekosistemi tal-baħar u hija konsistenti mal-Protokoll li jipprevedi li, abbażi tal-pariri xjentifiċi disponibbli, iż-żewġ partijiet jistgħu jiftehmu fil-Kumitat Konġunt dwar l-għoti ta’ opportunitajiet tas-sajd għall-bastimenti tat-tkarkir mgħammra bi friża għas-sajd għall-ispeċijiet tal-ħut tal-qiegħ li għalihom ikun ġie identifikat eċċess 1 .

Din il-proposta hija wkoll f’konformità mar-Regolament (UE) Nru 1380/2013 dwar il-Politika Komuni tas-Sajd u mal-Konklużjonijiet tal-Kunsill tad-19 ta’ Marzu 2012 dwar Komunikazzjoni tal-Kummissjoni dwar id-Dimensjoni esterna tal-Politika Komuni tas-Sajd.

•Konsistenza ma’ politiki oħra tal-Unjoni

In-negozjar ta’ opportunitajiet tas-sajd fil-qafas tal-Ftehim ta’ Sħubija dwar is-Sajd mal-Mawritanja huwa konformi mal-azzjoni esterna tal-UE lejn il-pajjiżi tal-Afrika, tal-Karibew u tal-Paċifiku (AKP).

Billi fil-livell ferm lokali, il-Ftehim ta’ Sħubija dwar is-Sajd jikkomplementa l-approċċ ta’ Qafas Ġdid ta’ Sħubija dwar il-Migrazzjoni u l-ġenerazzjoni ekonomika fis-settur tas-sajd, jikkontribwixxi sabiex jiġu indirizzati l-kawżi tal-emigrazzjoni mill-Mawritanja.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

Il-bażi ġuridika għar-Regolament hija prevista fl-Artikolu 43(3) tat-Trattat dwar il-Funzjonament tal-Unjoni Ewropea (TFUE) li jistabbilixxi l-proċedura għall-iffissar u għall-allokazzjoni ta’ opportunitajiet tas-sajd.

•Sussidjarjetà (għal kompetenza mhux esklużiva)

Mhux applikabbli, kompetenza esklużiva.

•Proporzjonalità

Il-proposta hija proporzjonali mal-objettiv.

•Għażla tal-istrument

Ara l-ispjega taħt bażi ġuridika.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontroll tal-idoneità tal-leġiżlazzjoni eżistenti

Evalwazzjoni retroattiva u prospettiva tal-Protokoll preċedenti tal-2012-2014 tlestiet f’Jannar 2014 2 .

•Konsultazzjonijiet mal-partijiet ikkonċernati

Il-partijiet interessati ġew ikkonsultati fil-qafas tal-evalwazzjoni tal-Protokoll 2012-2014. L-esperti mill-Istati Membri u r-rappreżentanti tal-industrija tal-UE ġew ikkonsultati wkoll fil-laqgħat tekniċi. Dawn il-konsultazzjonijiet wasslu għall-konklużjoni li hemm interess ċar minn bastimenti tat-tkarkir tal-Unjoni mgħammra bi friża li jistadu għall-marlozz l-iswed u għall-klamari u s-siċċ fil-Mawritanja, fil-limiti tal-eċċess disponibbli.

Waqt il-laqgħa tal-Kumitat Konġunt li sar f’Nouakchott fil-15 u s-16 ta’ Novembru 2016, il-Mawritanja kkonfermat ir-rieda tagħha li tagħti aċċess lill-UE għall-eċċess disponibbli.

•Ġbir u użu tal-kompetenzi

Il-Kumitat Xjentifiku Konġunt indipendenti stabbilit bl-Artikolu 4 tal-Protokoll u li hu magħmul minn xjenzati miż-żewġ partijiet organizza l-ħames laqgħa annwali f’Nouakchott bejn il-5 u s-7 ta’ Settembru 2016. Ir-rapport tal-laqgħa ġie ppubblikat fuq is-sit web tad-Direttorat Ġenerali għall-Affarijiet Marittimi u s-Sajd.

Il-Kumitat qies il-valutazzjonijiet xjentifiċi disponibbli, b’mod partikolari dawk tal-Kumitat tas-Sajd għall-Atlantiku Ċentrali tal-Lvant (CECAF) u l-Istitut tal-Mawritanja għar-Riċerka Oċeanografika u għas-Sajd (IMROP). Fuq din il-bażi, il-Kumitat identifika li hemm eċċess disponibbli tal-marlozz l-iswed ta’ 3 550 tunnellata, ta’ 1 450 tunnellata ta’ klamari u ta’ 600 tunnellata ta’ siċċ.

•Valutazzjoni tal-impatt

Mhux applikabbli.

•Idoneità regolatorja u simplifikazzjoni

Mhux applikabbli.

•Drittijiet fundamentali

L-Artikolu 9, il-paragrafu 1, punt (c) tal-Protokoll jipprevedi l-possibbiltà li tiġi sospiża l-implimentazzjoni tiegħu f’każ ta’ attivazzjoni tal-mekkaniżmu ta’ konsultazzjoni previst fl-Artikolu 96 tal-Ftehim ta’ Cotonou b’rabta ma’ ksur tal-elementi essenzjali u fundamentali tad-drittijiet tal-bniedem kif definiti skont l-Artikolu 9 tal-istess Ftehim.

4.IMPLIKAZZJONIJIET BAĠITARJI

Il-kontribuzzjoni finanzjarja annwali għall-kategorija ġdida ta’ sajd ġiet stabbilita għal EUR 2 500 000 fis-sena. F’dan ir-rigward, il-kontribuzzjoni finanzjarja annwali għall-aċċess kif speċifikat fl-Artikolu 2, il-paragrafu 1 tal-Protokoll tiżdied minn EUR 55 000 000 għal EUR 57 500 000.

2017/0053 (NLE)

Proposta għal

REGOLAMENT TAL-KUNSILL

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,

Wara li kkunsidra l-proposta tal-Kummissjoni Ewropea,

Billi:

(1)Fit-30 ta’ Novembru 2006, il-Kunsill adotta r-Regolament (KE) Nru 1801/2006 dwar il-konklużjoni tal-Ftehim ta’ Sħubija fis-settur tas-sajd bejn il-Komunità Ewropea u r-Repubblika Iżlamika tal-Mawritanja 3 (“il-Ftehim ta’ Sħubija”).

(2)Fl-24 ta’ Mejju 2016, il-Kunsill adotta d-Deċiżjoni (UE) 2016/870 4 dwar il-konklużjoni, f’isem l-Unjoni Ewropea, tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania għal perjodu ta’ erba’ snin li jibdew mis-16 ta’ Novembru 2015 5 (“il-Protokoll”).

(3)Ir-Regolament tal-Kunsill (UE) 2015/2192 6 jalloka fost l-Istati Membri l-opportunitajiet tas-sajd previsti skont il-Protokoll.

(4)Il-parir xjentifiku tal-Kumitat Xjentifiku Konġunt indipendenti stabbilit bl-Artikolu 4 tal-Protokoll identifika eċċess tal-marlozz iswed u ħa nota tal-parir xjentifiku tal-2014 tal-Istitut tal-Mawritanja għar-Riċerka Oċeanografika u għas-Sajd (IMROP) billi kkonferma eċċess ta’ klamari u ta’ siċċ.

(5)Skont l-Artikolu 6(1)(a) tal-Protokoll, il-Kumitat Konġunt stabbilit bl-Artikolu 10 tal-Ftehim ta’ Sħubija ddeċieda fil-laqgħa tiegħu f’Nouakchott fil-15 u s-16 ta’ Novembru 2016 li jimmodifika l-Protokoll billi jiġu introdotti opportunitajiet tas-sajd ġodda, fil-limiti tal-eċċess disponibbli, għal bastimenti tat-tkarkir mgħammra bi friża li jintużaw għas-sajd tal-merluzz l-iswed bħala speċi primarja u tal-klamari u s-siċċ bħala speċi sekondarja.

(6)Huwa xieraq li dawn l-opportunitajiet tas-sajd ġodda jiġu allokati fost l-Istati Membri għall-bqija tal-perjodu ta’ applikazzjoni tal-Protokoll.

(7)Billi l-introduzzjoni ta’ opportunitajiet tas-sajd ġodda għandha impatt fuq l-attivitajiet ekonomiċi u fuq l-ippjanar tal-istaġuni tas-sajd tal-bastimenti tal-Unjoni, jenħtieġ li dan ir-Regolament jidħol fis-seħħ immedjatament wara l-pubblikazzjoni tiegħu.

(8)Jenħtieġ li r-Regolament (UE) Nru 2015/2192 jiġi emendat skont dan,

ADOTTA DAN IR-REGOLAMENT:

Artikolu 1

Fl-Artikolu 1(1) tar-Regolament (UE) Nru 2015/2192, jiżdied il-punt (h) li ġej:

“(h) Il-kategorija 2bis – Bastimenti tat-tkarkir (mgħammra bi friża) għas-sajd tal-marlozz iswed:

Spanja Marlozz iswed 3 500 tunnellata

Klamari 1 450 tunnellata

Siċċ 600 tunnellata

F’din il-kategorija, fi kwalunkwe waqt jistgħu jintużaw massimu ta’ 6 bastimenti fl-ibħra tal-Mauritania.”

Artikolu 2

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Kunsill

Il-President

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat/i fl-istruttura ABM/ABB

1.3.Natura tal-proposta/tal-inizjattiva

1.4.Objettiv/i

1.5.Raġunijiet għall-proposta/għall-inizjattiva

1.6.Tul ta’ żmien u impatt finanzjarju

1.7.Mod/i ta’ ġestjoni ppjanat/i

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema ta’ ġestjoni u ta’ kontroll

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet operattivi

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

Proposta għal Regolament tal-Kunsill (UE) li jemenda r-Regolament (UE) Nru 2015/2192 dwar l-allokazzjoni tal-opportunitajiet tas-sajd skont il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija fis-settur tas-Sajd bejn l-Unjoni Ewropea u r-Repubblika Iżlamika tal-Mauritania

1.2.Qasam/oqsma ta’ politika kkonċernat/i fl-istruttura ABM/ABB 7

11. – Politiki dwar l-affarijiet marittimi u s-sajd

11.03 - Kontribuzzjonijiet obbligatorji għal organizzazzjonijiet reġjonali tal-ġestjoni tas-sajd (ORGP) u għal organizzazzjonijiet internazzjonali oħra u għal ftehimiet tas-sajd sostenibbli (SFAs)

1.3.Natura tal-proposta/tal-inizjattiva

◻ Il-proposta/l-inizjattiva hija dwar azzjoni ġdida

◻ Il-proposta/l-inizjattiva hija dwar azzjoni ġdida b’segwitu għal proġett pilota/azzjoni preparatorja 8

X Il-proposta/l-inizjattiva hija dwar l-estensjoni ta’ azzjoni eżistenti

◻ Il-proposta/l-inizjattiva hija dwar azzjoni diretta mill-ġdid lejn azzjoni ġdida

1.4.Objettiv/i

1.4.1.L-objettiv/i strateġiku/ċi pluriennali tal-Kummissjoni fil-mira tal-proposta/tal-inizjattiva

In-negozjar u l-konklużjoni ta’ ftehimiet dwar is-sajd sostenibbli ma’ pajjiżi terzi jilħqu l-objettiv ġenerali li jiġi awtorizzat l-aċċess tal-bastimenti tas-sajd tal-Unjoni Ewropea għaż-żoni tas-sajd li jinsabu fiż-Żona Ekonomika Esklussiva (ŻEE) ta’ pajjiżi terzi u li jiġu żviluppati sħubiji ma’ dawn il-pajjiżi bil-għan li jissaħħaħ l-użu sostenibbli tar-riżorsi tas-sajd barra l-ilmijiet tal-UE.

Il-Ftehimiet ta’ Sħubija dwar is-Sajd Sostenibbli (SFPAs) jiżguraw ukoll il-koerenza bejn il-prinċipji li jirregolaw il-Politika Komuni tas-Sajd u l-impenji meħudin skont politiki Ewropej oħrajn (l-użu sostenibbli tar-riżorsi tal-pajjiżi terzi, il-ġlieda kontra s-sajd illegali, mhux irrappurtat u mhux irregolat (is-sajd IUU), l-integrazzjoni tal-pajjiżi sħab fl-ekonomija globali u governanza politika u finanzjarja aħjar tas-sajd).

1.4.2.Objettiv/i speċifiku/ċi u attività/attivitajiet ABM/ABB ikkonċernata/i

Objettivi speċifiċi

Sabiex jingħata kontribut għas-sajd sostenibbli fl-ilmijiet li mhumiex tal-Unjoni Ewropea, sabiex tinżamm preżenza Ewropea fis-sajd fl-ilmijiet imbiegħda u sabiex jitħarsu l-interessi tas-settur tas-sajd Ewropew u tal-konsumaturi billi jiġu nnegozjati u konklużi Ftehimiet ta’ Sħubija dwar is-Sajd Sostenibbli ma’ stati kostali, b’mod li jkun konsistenti ma’ politiki Ewropej oħrajn.

Attività/attivitajiet ABM/ABB ikkonċernata/i

L-affarijiet marittimi u s-sajd, l-istabbiliment ta’ qafas ta’ governanza għall-attivitajiet tas-sajd li jsiru mill-bastimenti tas-sajd tal-Unjoni fl-ilmijiet ta’ pajjiżi terżi (SFAs) (il-linja baġitarja 11.0301).

1.4.3.Riżultat/i u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

L-allokazzjoni bejn l-Istati Membri tal-opportunitajiet tas-sajd ġodda tal-UE għal bastimenti tat-tkarkir mgħammra bi friża li jintużaw għas-sajd tal-merluzz l-iswed u ta’ xi speċijiet ta’ ċefalopodi (klamari u siċċ) skont il-Protokoll tal-2015-2019 għall-Ftehim ta’ Sħubija dwar is-Sajd mar-Repubblika Iżlamika tal-Mawritanja tgħin biex jinżammu u jiġu estiżi l-opportunitajiet tas-sajd għall-bastimenti tal-UE fiż-żona tas-sajd tal-Mawritanja.

Il-kontribuzzjoni finanzjarja annwali addizzjonali ta’ EUR 2 500 000 li għandha titħallas mill-Unjoni bi tpattija għal dawn l-opportunitajiet tas-sajd ġodda tista’ tikkontribwixxi għall-ġestjoni u l-konservazzjoni aħjar tar-riżorsi tas-sajd għaliex il-Mawritanja tista’ tiddeċiedi li tużaha għall-implimentazzjoni tal-istrateġija settorjali nazzjonali tagħha biex tiżgura l-iżvilupp sostenibbli tas-settur tas-sajd tagħha, minbarra l-kontribuzzjoni finanzjarja dedikata li tkun irċeviet skont il-Protokoll għall-iżvilupp tas-settur tas-sajd tagħha (“appoġġ settorjali”).

1.4.4.Indikaturi tar-riżultati u tal-impatt

Speċifika l-indikaturi għall-monitoraġġ tal-implimentazzjoni tal-proposta/tal-inizjattiva.

Ir-rati tal-użu tal-opportunitajiet tas-sajd (l-użu annwali tal-awtorizzazzjonijiet tas-sajd bħala persentaġġ tad-disponibbiltà offruta bil-Protokoll);

Il-ġbir u l-analiżi tad-dejta dwar il-qbid u l-valur kummerċjali tal-Ftehim;

il-kontribut għall-impjiegi u għall-valur miżjud fl-UE u għall-istabbilizzazzjoni tas-suq tal-UE (flimkien ma’ SFPAs oħrajn);

L-għadd ta’ laqgħat tekniċi u ta’ laqgħat tal-Kumitat Konġunt.

1.5.Raġunijiet għall-proposta/għall-inizjattiva

1.5.1.Rekwiżit(i) li jeħtieġ li jiġi/jiġu ssodisfat/i fuq terminu qasir jew twil

Il-Protokoll tal-2015-2019 għall-Ftehim ta’ Sħubija dwar is-Sajd mal-Mawritanja jipprovdi qafas għall-attivitajiet tas-sajd tal-flotta tal-Unjoni Ewropea fiż-żona tas-sajd tal-Mawritanja u jsaħħaħ il-kooperazzjoni mal-Mawritanja bl-għan li jippromwovi l-iżvilupp ta’ politika tas-sajd sostenibbli.

Il-Protokoll jipprevedi l-possibbiltà li, abbażi tal-pariri xjentifiċi disponibbli, iż-żewġ partijiet jistgħu jiftiehmu fil-Kumitat Konġunt dwar l-allokazzjoni ta’ opportunitajiet tas-sajd għall-bastimenti tat-tkarkir mgħammra bi friża li jintużaw għas-sajd għall-ispeċijiet demersali li għalihom ikun ġie identifikat eċċess.

Waqt il-laqgħa tiegħu f’Nouakchott fil-15 u fis-16 ta’ Novembru 2016, il-Kumitat Konġunt stabbilit skont l-Artikolu 10 tal-Ftehim iddeċieda li jagħti opportunitajiet tas-sajd ġodda għal bastimenti tat-tkarkir mgħammra bi friża li jintużaw għas-sajd tal-merluzz l-iswed bħala speċi primarja kif ukoll tal-klamari u s-siċċ bħala speċi sekondarja fl-ibħra tal-Mawritanja, fil-limiti tal-eċċess disponibbli.

Din id-deċiżjoni tippermetti dawk il-bastimenti tal-UE li ma setgħux jistadu fl-ibħra tal-Mawritanja minn mindu saret l-esklużjoni taċ-ċefalopodi mill-Protokolli tal-2012-2014 u tal-2015-2019, biex jerġgħu jibdew jistadu fil-Mawritanja.

1.5.2.Valur miżjud tal-involviment tal-UE

Sabiex tiġi żgurata s-sostenibbiltà tal-attivitajiet tas-sajd, il-klawsola tal-esklużività inkluża fil-Ftehim ta’ Sħubija dwar is-Sajd mal-Mawritanja (l-Artikolu 6) tipprevedi li l-bastimenti tal-UE ma jistgħux jistadu fil-Mawritanja (inklużi fl-ambitu ta’ ftehimiet privati) ħlief jekk ikunu fil-pussess ta’ awtorizzazzjoni tas-sajd maħruġa fil-qafas tal-Ftehim.

1.5.3.Tagħlimiet meħuda minn esperjenzi simili fl-imgħoddi

Abbażi tal-parir xjentifiku disponibbli u l-valutazzjonijiet tagħhom, iż-żewġ partijiet stabbilixxew volum ta’ qbid awtorizzat għall-kategorija tas-sajd ġdida 2bis ta’ 3 500 tunnellati ta’ marlozz iswed, ta’ 1 450 tunnellata ta’ klamari u ta’ 600 tunnellata ta’ siċċ. F’din il-kategorija, fi kwalunkwe waqt fl-ibħra tal-Mawritanja jistgħu jiġu utilizzati massimu ta’ 6 bastimenti.

1.5.4.Kompatibbiltà u sinerġija possibbli ma’ strumenti xierqa oħra

Mhux applikabbli.

1.6.Tul ta’ żmien u impatt finanzjarju

X Proposta/inizjattiva ta’ tul ta’ żmien limitat

–X Il-proposta/l-inizjattiva fis-seħħ mill-2017 sal-2019

–X Impatt finanzjarju mill-2017 sal-2019

◻ Proposta/Inizjattiva ta’ tul ta’ żmien illimitat

–Implimentazzjoni b’perjodu tal-bidu minn SSSS sa SSSSS,

–segwita b’operazzjoni fuq skala sħiħa.

1.7.Mod/i ta’ ġestjoni ppjanat/i 9

X Ġestjoni diretta min-naħa tal-Kummissjoni

–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻ mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lill-pajjiżi terzi jew lill-korpi nnominati minnhom;

–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi msemmija fl-Artikoli 208 u 209 tar-Regolament Finanzjarju;

–◻ lill-korpi tal-liġi pubblika;

–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima “Kummenti”.

Kummenti

[...]

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

Speċifika l-frekwenza u l-kundizzjonijiet ta’ dawn ir-regoli.

Il-Kummissjoni (DĠ MARE, b’kollaborazzjoni mal-espert tas-sajd tagħha bbażat fil-Mawritanja u d-Delegazzjoni tal-Unjoni Ewropea f’Nouakchott) se tiżgura l-monitoraġġ regolari tal-implimentazzjoni ta’ dan il-Protokoll, partikolarment fir-rigward tal-użu tal-opportunitajiet tas-sajd mill-operaturi u f’termini tad-dejta dwar il-qbid.

Barra minn hekk, il-Ftehim ta’ Sħubija dwar is-Sajd jipprevedi mill-inqas laqgħa waħda annwali tal-Kumitat Konġunt biex jirrevedi l-implimentazzjoni tal-Ftehim u tal-Protokoll u, jekk ikun meħtieġ, biex jaġġusta l-opportunitajiet tas-sajd u l-kontribuzzjoni finanzjarja.

2.2.Sistema ta’ ġestjoni u ta’ kontroll

2.2.1.Riskju/i identifikat/i

Mhux applikabbli.

2.2.2.Informazzjoni dwar is-sistema ta’ kontroll intern stabbilita

Mhux applikabbli.

2.2.3.Stima tal-kostijiet u tal-benefiċċji tal-kontrolli u stima tal-livell mistenni tar-riskju ta’ żball

Mhux applikabbli.

2.3.Miżuri għall-prevenzjoni ta’ frodi u ta’ irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti.

Il-Kummissjoni żżomm djalogu politiku u koordinazzjoni regolari mal-Mawritanja biex tkun żgurata l-ġestjoni tajba tal-Ftehim u tal-Protokoll. Fi kwalunkwe każ, kull pagament li jsir mill-Kummissjoni fil-qafas ta’ SFPA jsir skont ir-regoli u l-proċeduri baġitarji u finanzjarji standard tal-Kummissjoni. B’mod partikulari, b’dan ikunu jistgħu jiġu identifikati bis-sħiħ il-kontijiet bankarji tal-pajjiżi terzi fejn titħallas il-kontribuzzjoni finanzjarja. L-Artikolu 2, il-paragrafu 8 tal-Protokoll jistipula li l-kontribuzzjoni finanzjarja għal aċċess jeħtieġ li titħallas f’kont tat-Teżor Pubbliku miftuħ mal-Bank Ċentrali tal-Mawritanja.

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali

Linja baġitarja

Tip ta’
nefqa

Kontribuzzjoni

Numru
[Intestatura………………………...…………]

Diff./Mhux diff 10 .

mill-pajjiżi tal-EFTA 11

mill-pajjiżi kandidati 12

minn pajjiżi terzi

skont it-tifsira tal-Artikolu 21(2)(b) tar-Regolament Finanzjarju

11.03 01

Sabiex jiġi stabbilit qafas ta’ governanza għall-attivitajiet tas-sajd li jsiru mill-bastimenti tas-sajd tal-Unjoni Ewropea fl-ilmijiet ta’ pajjiżi terżi (SFAs)

Diff.

Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali

Linja baġitarja

Tip ta’
nefqa

Kontribuzzjoni

Numru
[…][Intestatura………………………………………]

Diff./Mhux diff.

mill-pajjiżi tal-EFTA

mill-pajjiżi kandidati

minn pajjiżi terzi

skont it-tifsira tal-Artikolu 21(2)(b) tar-Regolament Finanzjarju

[…][XX.SS.SS.SS]

IVA/LE

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

f’miljuni ta’ EUR (aġġustati ’l fuq sa tliet pożizzjonijiet deċimali)

Intestatura tal-qafas finanzjarju
pluriennali

Numru

2 - Tkabbir sostenibbli: Riżorsi Naturali

DĠ: MARE			Sena 2017	Sena 2018	Sena 2019	Sena N+3	Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)	TOTAL
• Approprjazzjonijiet operattivi
Numru tal-linja baġitarja 11.0301	Impenji	(1)	5.000	2.500				7.500
	Pagamenti	(2)	5.000	2.500				7.500
Numru tal-linja baġitarja	Impenji	(1a)
	Pagamenti	(2a)
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 13
Numru tal-linja baġitarja		(3)
TOTAL tal-approprjazzjonijiet għad-DĠ MARE	Impenji	=1+1a +3	5.000	2.500				7.500
	Pagamenti	=2+2a +3	5.000	2.500				7.500

•TOTAL tal-approprjazzjonijiet operattivi	Impenji	(4)	5.000	2.500	7.500
	Pagamenti	(5)	5.000	2.500	7.500
•TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi		(6)
TOTAL tal-approprjazzjonijiet skont l-INTESTATURA 2 tal-qafas finanzjarju pluriennali	Impenji	=4+ 6	5.000	2.500	7.500
	Pagamenti	=5+ 6	5.000	2.500	7.500

Jekk il-proposta/l-inizjattiva taffettwa iżjed minn intestatura waħda:

• TOTAL tal-approprjazzjonijiet operattivi	Impenji	(4)
	Pagamenti	(5)
•TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi		(6)
TOTAL tal-approprjazzjonijiet skont l-INTESTATURI minn 1 sa 4 tal-qafas finanzjarju pluriennali (Ammont ta’ referenza)	Impenji	=4+ 6
	Pagamenti	=5+ 6

Intestatura tal-qafas finanzjarju

pluriennali

“Nefqa amministrattiva”

f’miljuni ta’ EUR (aġġustati ’l fuq għal tliet pożizzjonijiet deċimali)

		Sena N	Sena N+1	Sena N+2	Sena N+3	Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)	TOTAL
DĠ: <…….>
• Riżorsi umani
• Nefqa amministrattiva oħra
TOTAL DĠ <…….>	Approprjazzjonijiet

TOTAL tal-approprjazzjonijiet
skont l-INTESTATURA 5
tal-qafas finanzjarju pluriennali

(Total ta’ impenji = Total ta’ pagamenti totali)

f’miljuni ta’ EUR (aġġustati ’l fuq għal tliet pożizzjonijiet deċimali)

		Sena 2017	Sena 2018	Sena 2019	Sena N+3	Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)	TOTAL
TOTAL tal-approprjazzjonijiet skont l-INTESTATURI minn 1 sa 5 tal-qafas finanzjarju pluriennali	Impenji	5.000	2.500				7.500
	Pagamenti	5.000	2.500				7.500

3.2.2.Impatt stmat fuq l-approprjazzjonijiet operattivi

–◻ Il-proposta/l-inizjattiva ma teħtieġx l-użu ta’ approprjazzjonijiet operattivi

–X Il-proposta/l-inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet ta’ impenn f’miljuni ta’ EUR (sa tliet punti deċimali)

Indika l-objettivi u l-outputs

⇩

Sena2017

Sena2018

Sena2019

SenaN+3

Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)

TOTAL

OUTPUTS

Tip 14

Kost medju

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru totali

Kost totali

OBJETTIV SPEĊIFIKU Nru 1 15 …

- Nru ta’ liċenzji ta’ bastimenti

0.417

5.000

2.500

7.500

- Output

Sottototal tal-objettiv speċifiku Nru 1

5.000

2.500

7.500

OBJETTIV SPEĊIFIKU Nru 2 ...

- Output

Sottototal tal-objettiv speċifiku Nru 2

KOST TOTALI 16

5.000

2.500

7.500

3.2.3.Impatt stmat fuq l-approprjazzjonijiet ta’ natura amministrattiva

3.2.3.1.Sommarju

–X Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–◻ Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

f’miljuni ta’ EUR (aġġustati ’l fuq għal tliet pożizzjonijiet deċimali)

Sena
N 17

Sena
N+1

Sena
N+2

Sena
N+3

Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)

TOTAL

INTESTATURA 5tal-qafas finanzjarju pluriennali
Riżorsi umani
Nefqa amministrattiva oħra
Sottototal INTESTATURA 5 tal-qafas finanzjarju pluriennali

Barra mill-INTESTATURA 5 18 tal-qafas finanzjarju pluriennali
Riżorsi umani
Nefqa oħrata’ natura amministrattiva
Sottototal barra mill-INTESTATURA 5tal-qafas finanzjarju pluriennali

TOTAL

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.3.2.Rekwiżiti stmati ta’ riżorsi umani

–X Il-proposta/l-inizjattiva ma teħtieġx l-użu ta’ riżorsi umani.

–◻ Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

		Sena N	Sena N+1	Sena N+2	Sena N+3	Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)
•Karigi tal-organigramma (uffiċjali u persunal temporanju)
XX 01 01 01 (Kwartieri ġenerali u l-Uffiċċji tar-Rappreżentanza tal-Kummissjoni)
XX 01 01 02 (Delegazzjonijiet)
XX 01 05 01 (Riċerka indiretta)
10 01 05 01 (Riċerka diretta)
•Persunal estern (f’unità Ekwivalenti għal Full Time: FTE) 19
XX 01 02 01 (AC, END, INT mill-“pakkett globali”)
XX 01 02 02 (AC, AL, END, INT u JED fid-delegazzjonijiet)
XX 01 04 ss 20	- fil-Kwartieri Ġenerali
	- fid-Delegazzjonijiet
XX 01 05 02 (AC, END, INT - Riċerka indiretta)
10 01 05 02 (AC, END, INT - Riċerka diretta)
Linji baġitarji oħra (speċifika)
TOTAL

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju
Persunal estern

3.2.4.Kompatibbiltà mal-qafas finanzjarju pluriennali attwali

–X Il-proposta/l-inizjattiva hija kompatibbli mal-qafas finanzjarju pluriennali attwali.

–◻ Il-proposta/l-inizjattiva se tkun tinvolvi riprogrammazzjoni tal-intestatura rilevanti fil-qafas finanzjarju pluriennali.

Spjega liema riprogrammazzjoni hija meħtieġa, filwaqt li tispeċifika l-linji baġitarji kkonċernati u l-ammonti korrispondenti.

[...]

–◻ Il-proposta/l-inizjattiva teħtieġ l-applikazzjoni tal-istrument ta’ flessibbiltà jew ir-reviżjoni tal-qafas finanzjarju pluriennali.

Spjega x’inhu meħtieġ, filwaqt li tispeċifika l-intestaturi u l-linji baġitarji kkonċernati u l-ammonti korrispondenti.

[…]

3.2.5.Kontribuzzjonijiet ta’ partijiet terzi

–Il-proposta/l-inizjattiva ma tipprevedix kofinanzjament minn partijiet terzi.

–Il-proposta/l-inizjattiva tipprevedi l-kofinanzjament stmat hawn taħt:

Approprjazzjonijiet f’miljuni ta’ EUR (aġġustati ’l fuq għal tliet pożizzjonijiet deċimali)

	Sena N	Sena N+1	Sena N+2	Sena N+3	Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)	Totali
Speċifika l-korp ta’ kofinanzjament
TOTAL ta’ approprjazzjonijiet kofinanzjati

3.3.Impatt stmat fuq id-dħul

–X Il-proposta/l-inizjattiva ma għandha l-ebda impatt finanzjarju fuq id-dħul.

–◻ Il-proposta/l-inizjattiva għandha l-impatt finanzjarju li ġej:

–◻ fuq ir-riżorsi proprji

–◻ fuq id-dħul mixxellanju

f’miljuni ta’ EUR (aġġustati ’l fuq għal tliet pożizzjonijiet deċimali)

Linja baġitarja tad-dħul:	Approprjazzjonijiet disponibbli għas-sena finanzjarja attwali	Impatt tal-proposta/tal-inizjattiva 21
		SenaN	SenaN+1	SenaN+2	SenaN+3	Daħħal is-snin kollha li hemm bżonn biex turi t-tul ta’ żmien tal-impatt (ara l-punt 1.6)
Artikolu ….

Għad-dħul “assenjat” mixxellanju, speċifika l-linja/i baġitarja/i tan-nefqa affettwata.

[...]

Speċifika l-metodu biex jiġi kkalkolat l-impatt fuq id-dħul.

[...]

(1) Ara t-tabella tal-kategoriji tas-sajd mehmuża mal-Protokoll (ĠU L 315, 1.12.2015, p. 13).

(2) COFREPECHE, NFDS, POSEIDON u MRAG, 2014. Évaluation rétrospective et prospective du protocole de l’accord de partenariat dans le secteur de la pêche entre l’Union européenne et la République islamique de Mauritanie (sous le Contrat cadre MARE/2011/01 - Lot 3, contrat spécifique 8). Brussell, 176 p.

(3) ĠU L 343, 8.12.2006, p. 4.

(4) Id-Deċiżjoni tal-Kunsill (UE) 2016/870 tal-24 ta’ Mejju 2016 dwar il-konklużjoni, f’isem l-Unjoni Ewropea, tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania għal perjodu ta’ erba’ snin (ĠU L 145, 2.6.2016, p. 1).

(5) ĠU L 315, 1.12.2015, p. 3.

(6) Ir-Regolament tal-Kunsill (UE) 2015/2192 tal-10 ta’ Novembru 2015 dwar l-allokazzjoni tal-opportunitajiet tas-sajd skont il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija fis-settur tas-Sajd bejn il-Komunità Ewropea u r-Repubblika Iżlamika tal-Mauritania għal perjodu ta’ erba’ snin (ĠU L 315, 1.12.2015, p. 72).

(7) ABM: ġestjoni bbażata fuq l-attività; ABB: ibbaġitjar ibbażat fuq l-attività.

(8) Kif imsemmi fl-Artikolu 54(2)(a) jew (b) tar-Regolament Finanzjarju.

(9) Id-dettalji tal-modi ta’ ġestjoni u r-referenzi għar-Regolament Finanzjarju jinsabu fis-sit BudgWeb: http://www.cc.cec/budg/man/budgmanag/budgmanag_mt.html

(10) Diff: = Approprjazzjonijiet differenzjati / Mhux diff. = Approprjazzjonijiet mhux differenzjati.

(11) L-EFTA: Assoċjazzjoni Ewropea tal-Kummerċ Ħieles.

(12) Pajjiżi kandidati u, meta jkun applikabbli, pajjiżi kandidati potenzjali mill-Balkani tal-Punent.

(13) Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(14) L-outputs huma l-prodotti u s-servizzi li jridu jiġu fornuti (pereżempju: l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ).

(15) Kif deskritt fil-punt 1.4.2. “Objettiv/i speċifiku/ċi...”

(16) Fl-2017, il-Kummissjoni se tħallas għas-snin ta’ applikazzjoni tal-Protokoll 2016/2017 u 2017/2018. Fis-sena 2018, il-Kummissjoni se tħallas għas-sena ta’ applikazzjoni 2018/2019. Dan huwa minħabba l-fatt li l-pagamenti għall-aċċess iridu jsiru sad-data tal-anniversarju tal-Protokoll li hija s-16 ta’ Novembru. Pereżempju, sas-16 ta’ Novembru 2018, il-Kummissjoni se jkollha tħallas il-pagamenti għall-aċċess għas-sena ta’ applikazzjoni 2018/2019.

(17) Is-sena N hija s-sena li fiha tibda l-implimentazzjoni tal-proposta/tal-inizjattiva.

(18) Għajnuna teknika u/jew amministrattiva u nefqa b’appoġġ għall-implimentazzjoni ta’ programmi u/jew azzjonijiet tal-UE (dawk li kienu linji “BA”), riċerka indiretta, riċerka diretta.

(19) AC = Aġenti Kuntrattwali; AL = Persunal Lokali; END = Espert Nazzjonali Sekondat; INT = Persunal tal-Aġenzija; JED = Esperti Żgħażagħ f’Delegazzjonijiet.

(20) Sottolimitu għall-persunal estern kopert mill-approprjazzjonijiet operattivi (li qabel kienu l-linji “BA”).

(21) Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 25 % tal-kostijiet tal-ġbir.

Choose the experimental features you want to try