Ez a dokumentum az EUR-Lex webhelyről származik.
Dokumentum 52016PC0784
Proposal for a COUNCIL REGULATION amending Regulation (EU) No 1388/2013 opening and providing for the management of autonomous tariff quotas of the Union for certain agricultural and industrial products
Proposta għal REGOLAMENT TAL-KUNSILL li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali
Proposta għal REGOLAMENT TAL-KUNSILL li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali
COM/2016/0784 final - 2016/0388 (NLE)
IL-KUMMISSJONI EWROPEA
Brussell, 9.12.2016
COM(2016) 784 final
2016/0388(NLE)
Proposta għal
REGOLAMENT TAL-KUNSILL
li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u għanijiet tal-proposta
Ċertu prodotti jeħtieġu kwoti tariffarji awtonomi meta l-produzzjoni tagħhom fl-Unjoni ma tkunx tlaħħaq mal-ħtiġijiet tal-industriji li jużawhom fl-Unjoni. Il-kwoti tariffarji tal-Unjoni għandhom jinfetħu b’rati ta’ dazju mnaqqsa jew ta’ żero għall-volumi x-xierqa, mingħajr ma jfixklu s-swieq ta' dawn il-prodotti.
Fis-17 ta' Diċembru 2013 il-Kunsill adotta r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali (minn hawn ’il quddiem imsejjaħ “ir-Regolament”), sabiex id-domanda tal-Unjoni għall-prodotti kkonċernati tkun tista' tintlaħaq bl-aktar kundizzjonijiet favorevoli possibbli.
Ir-Regolament jiġi emendat kull semestru bil-għan li jakkomoda l-ħtiġijiet tal-industrija tal-UE. Il-Kummissjoni, megħjuna mill-Grupp dwar il-Kwistjonijiet ta’ Ekonomija Tariffarja (l-ETQG), irrevediet it-talbiet kollha għal kwoti tariffarji awtonomi li bagħtulha l-Istati Membri.
Wara din ir-reviżjoni, il-Kummissjoni hija tal-fehma li l-ftuħ tal-kwoti tariffarji awtonomi huwa ġġustifikat għal xi prodotti ġodda li bħalissa mhumiex elenkati fl-Anness tar-Regolament. Għal xi prodotti oħrajn, irid jinbidel il-kliem tad-deskrizzjoni, għandhom jiġu assenjati kodiċijiet tat-TARIC ġodda, trid tiżdied data tat-tmiem jew jeħtieġ li jiżdied jew li jitnaqqas il-volum tal-kwota inizjali. Meta l-kwota tariffarja ta’ ċerti prodotti ma tibqax fl-interess ekonomiku tal-Unjoni, dawn il-prodotti jridu jiġu rtirati.
F'ġieħ iċ-ċarezza, ikun aħjar jekk tiġi ppublikata verżjoni kkonsolidata tal-Anness tar-Regolament tal-Kunsill (UE) Nru 1388/2013 li se tissostitwixxi għalkollox l-Anness preċedenti.
•Konsistenza mad-dispożizzjonijiet eżistenti fil-qasam ta’ politika
Din il-proposta mhix se tkun ta' żvantaġġ għall-pajjiżi li qed jibbenefikaw minn ftehim kummerċjali preferenzjali mal-Unjoni Ewropea (pereżempju l-iskema ġeneralizzata ta’ preferenzi, is-sistema tal-pajjiżi Afrikani, tal-Karibew u tal-Paċifiku (AKP), il-ftehimiet ta' kummerċ ħieles (l-FTAs), il-pajjiżi kandidati u l-pajjiżi kandidati potenzjali).
•Konsistenza ma' politiki oħra tal-Unjoni
Il-proposta tikkonforma mal-politiki tal-Unjoni fil-qasam tal-agrikoltura, tal-kummerċ, tal-intrapriżi, tal-iżvilupp u tar-relazzjonijiet esterni.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-bażi ġuridika ta’ din il-proposta huwa l-Artikolu 31 tat-Trattat dwar il-Funzjonament tal-Unjoni Ewropea (it-TFUE).
•Sussidjarjetà (għall-kompetenza mhux esklużiva)
Il-proposta taqa’ fil-kompetenza esklużiva tal-Unjoni. Għalhekk il-prinċipju tas-sussidjarjetà ma japplikax.
•Proporzjonalità
Il-proposta tikkonforma mal-prinċipju tal-proporzjonalità peress li l-miżuri previsti huma konformi mal-prinċipji għas-simplifikazzjoni tal-proċeduri għall-operaturi involuti fil-kummerċ barrani u huma skont il-Komunikazzjoni tal-Kummissjoni dwar is-sospensjonijiet u l-kwoti tariffarji awtonomi 1 . Din il-proposta ma tmurx lil hinn minn dak li hu meħtieġ sabiex jinkisbu l-għanijiet li jridu jinkisbu skont l-Artikolu 5(4) tat-Trattat dwar l-Unjoni Ewropea (it-TUE).
•Għażla tal-istrument
Bis-saħħa tal-Artikolu 31 tat-TFUE, “Id-dazji tat-Tariffi Doganali Komuni għandhom jkunu stabbiliti mill-Kunsill li jaġixxi fuq proposta mill-Kummissjoni”. Għalhekk l-istrument ix-xieraq huwa Regolament.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post/kontrolli tal-idoneità tal-leġiżlazzjoni eżistenti
L-iskema tal-kwoti tariffarji awtonomi kienet parti minn studju ta' evalwazzjoni dwar is-sospensjonijiet tariffarji awtonomi li twettaq fl-2013, peress li l-kwoti awtonomi huma miżuri simili għas-sospensjonijiet awtonomi, għajr għall-fatt li l-kwoti għandhom volum limitat ta' importazzjoni. L-evalwazzjoni kkonkludiet li r-raġuni fundamentali għall-iskema għadha valida. L-iffrankar tal-ispejjeż għan-negozji tal-UE li jimpurtaw l-oġġetti skont din l-iskema jista’ jkun sinifikanti. Min-naħa tiegħu, dan l-iffrankar jista’ jwassal għal benefiċċji usa’ (bħal kapaċitajiet ogħla ta’ kompetittività, metodi ta’ produzzjoni iktar effiċjenti, il-ħolqien jew iż-żamma tal-impjiegi fl-UE, eċċ.), skont il-prodott, il-kumpanija u s-settur ikkonċernat.
•Konsultazzjonijiet mal-partijiet ikkonċernati
Din il-proposta twettqet bl-għajnuna tal-ETQG li jiġbor flimkien delegati mill-Istati Membri kollha u mit-Turkija.
Dan il-Grupp għarbel bir-reqqa kull talba (ġdida jew emendata). Huwa u jiġi eżaminat kull każ, ingħatat attenzjoni partikolari biex tiġi evitata kwalunkwe ħsara għall-produtturi tal-UE u biex tissaħħaħ il-kompetittività tal-produzzjoni tal-UE.
Il-kwoti kollha elenkati jikkorrispondu għal ftehimiet jew kompromessi milħuqa fid-diskussjoni tal-ETQG. Ma ssemma l-ebda riskju potenzjalment serju b’konsegwenzi irreversibbli.
•Valutazzjoni tal-impatt
L-emenda proposta hija waħda teknika li tikkonċerna biss il-kopertura tal-kwoti elenkati fl-Anness tar-Regolament (UE) Nru 1388/2013. Għalhekk ma twettqet l-ebda valutazzjoni tal-impatt għal din il-proposta.
•Drittijiet fundamentali
Il-proposta ma għandha l-ebda impatt fuq id-drittijiet fundamentali.
4.IMPLIKAZZJONIJIET GĦALL-BAĠIT
Din il-proposta ma għandha l-ebda impatt finanzjarju fuq in-nefqa iżda għandha impatt finanzjarju fuq id-dħul li jwassal għal tnaqqis fid-dazji doganali mhux miġbura ta' madwar EUR 15,2-il miljun fis-sena. L-effett fuq ir-riżorsi proprji tradizzjonali tal-baġit huwa ta’ EUR 12,2-il miljun fis-sena (80 % ta’ EUR 15,2-il miljun fis-sena).
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rappurtar
Il-miżuri proposti huma ttrattati fil-qafas tat-TARIC (it-Tariffa Integrata tal-Unjoni Ewropea) u japplikawhom l-amministrazzjonijiet doganali tal-Istati Membri.
Se jitwettqu kontrolli fuq l-użu aħħari ta’ xi prodotti koperti mir-Regolament skont l-Artikolu 254 tar-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni.
2016/0388 (NLE)
Proposta għal
REGOLAMENT TAL-KUNSILL
li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 31 tiegħu,
Wara li kkunsidra l-proposta tal-Kummissjoni Ewropea,
Billi:
(1)Biex ikun żgurat il-forniment biżżejjed u bla waqfien ta' ċerti prodotti li ma jiġux immanifatturati biżżejjed fl-Unjoni u biex jiġi evitat kull tfixkil fis-suq ta' ċerti prodotti agrikoli u industrijali, infetħu kwoti tariffarji awtonomi permezz tar-Regolament tal-Kunsill (UE) Nru 1388/2013 2 . Il-prodotti li ma jaqbżux dawk il-kwoti tariffarji jistgħu jiġu importati fl-Unjoni b'rati ta' dazju mnaqqsa jew ta' żero. Għar-raġunijiet indikati, jenħtieġ li, b'effett mill-1 ta’ Jannar 2017, jinfetħu kwoti tariffarji b'rati ta' dazju ta’ żero għal volum adegwat fir-rigward ta' ħdax-il prodott ġdid.
(2)F'ċerti każijiet, il-kwoti tariffarji awtonomi eżistenti tal-Unjoni għandhom jiġu adattati. Fil-każ ta' ħdax-il prodott, għandhom jinbidlu l-kodiċijiet tat-TARIC minħabba l-bidliet fil-klassifikazzjoni tagħhom fin-Nomenklatura Magħquda 3 . Għal żewġ prodotti, jenħtieġ li tiġi emendata d-deskrizzjoni tal-prodott għal raġunijiet ta' kjarifika u biex jitqiesu l-iżviluppi l-aktar reċenti tal-prodotti. Fil-każ ta' prodott wieħed, jenħtieġ li jiżdiedu l-volumi tal-kwota fl-interess tal-operaturi ekonomiċi tal-Unjoni u f’żewġ każijiet jenħtieġ li jitnaqqas il-volum tal-kwota.
(3)Għal sitt prodotti, għandha tingħalaq il-kwota tariffarja awtonoma tal-Unjoni b'effett mill-1 ta' Jannar 2017 għax mhux fl-interess tal-Unjoni li din tibqa’ miftuħa minn dakinhar ’il quddiem.
(4)Minħabba n-numru ta' emendi li jridu jsiru fl-Anness tar-Regolament (UE) Nru 1388/2013, f’ġieħ iċ-ċarezza u r-razzjonalità dak l-Anness għandu jinbidel.
(5)Għaldaqstant, ir-Regolament (UE) Nru 1388/2013 għandu jiġi emendat skont dan.
(6)Peress li l-bidliet fil-kwoti tariffarji previsti f'dan ir-Regolament iridu jidħlu fis-seħħ mill-1 ta' Jannar 2017 ’il quddiem, dan ir-Regolament għandu japplika minn dik id-data,
ADOTTA DAN IR-REGOLAMENT:
Artikolu 1
L-Anness tar-Regolament (UE) Nru 1388/2013 qed jinbidel bit-test mogħti fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2017.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Kunsill
Il-President
DIKJARAZZJONI FINANZJARJA LEĠIŻLATTIVA
1. ISEM IL-PROPOSTA:
Ir-Regolament tal-Kunsill li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali
2. LINJI BAĠITARJI
Kapitolu u Artikolu: Il-Kapitolu 12, l-Artikolu 120
Ammont ibbaġitjat għall-2017: EUR 20 000 500 000 (B 2017)
3. IMPATT FINANZJARJU
◻ Il-proposta ma għandha l-ebda implikazzjoni finanzjarja
X Din il-proposta ma għandha l-ebda impatt finanzjarju fuq in-nefqa iżda għandha impatt finanzjarju fuq id-dħul. L-effett huwa kif ġej:
(f’miljuni ta’ EUR sa ċifra deċimali waħda)
|
Linja baġitarja |
Dħul 4 |
[Sena: 2017] |
|
Artikolu 120 |
Impatt fuq ir-riżorsi proprji |
+ 12.2 fis-sena |
Dan l-Anness fih 11-il prodott ġdid. Id-dazji mhux miġbura li jikkorrispondu għal dawn il-kwoti, ikkalkulati abbażi tat-tbassir tal-Istati Membri li qed jagħmlu t-talba għall-2017, jammontaw għal EUR 5,13 miljuni fis-sena.
Skont dan, mill-1 ta' Jannar 2017 ’il quddiem, l-impatt annwali fuq it-telf mid-dħul għall-baġit tal-UE li jirriżulta minn dan ir-Regolament huwa stmat li se jkun ta' EUR 4 106 671 fis-sena (l-ammont gross ta' EUR 5 133 339 ta’ 0,8).
Tneħħew sitt prodotti minn dan l-Anness biex tiġi riflessa l-introduzzjoni mill-ġdid tad-dazji doganali għalihom. Dan jirrappreżenta żieda annwali ta’ EUR 16 309 000 miljun fi dħul għall-baġit tal-UE, kif stmat abbażi tal-istatistika tal-2015.
Għalhekk, skont l-istimi, dan ir-Regolament se jirriżulta f’żieda annwali fid-dħul għall-baġit tal-UE li tammonta għal EUR 12 202 329 (EUR 16 309 000 – EUR 4 106 671).
4. MIŻURI KONTRA L-FRODI
Se jitwettqu kontrolli fuq l-użu aħħari ta’ xi prodotti koperti minn dan ir-Regolament tal-Kunsill skont l-Artikolu 254 tar-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni.
IL-KUMMISSJONI EWROPEA
Brussell, 9.12.2016
COM(2016) 784 final
ANNESS
tal-
Proposta għal Regolament tal-Kunsill
li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali
ANNESS
"ANNESS
|
Nru ta' l-Ordni |
Il-kodiċi tan-NM |
TARIC |
Deskrizzjoni |
Il-perjodu tal-kwota |
L-ammont tal-kwota |
Il-kwota tad-dazji (%) |
|
09.2637 |
ex 0710 40 00 ex 2005 80 00 |
20 30 |
Qamħirrum miċ-ċfaċagħ (Zea Mays Saccharata) b'dijametru ta' 10 mm jew aktar, iżda mhux aktar minn 20 mm, imfesdaq, magħżul, mirqum, maħsul, mismut, jew imberred u ffriżat malajr individwalment jew imħejji jew ippriservat b'mod ieħor għajr bil-ħall jew bl-aċidu aċetiku, mhux iffriżat biex jintuża fil-manifattura ta' prodotti tal-industrija tal-ikel għal trattament għajr għall-ippakkjar mill-ġdid sempliċi (1)(2)(3) |
1.1.-31.12. |
550 tunnellata |
0 % |
|
09.2849 |
ex 0710 80 69 |
10 |
Faqqiegħ ta’ l-ispeċi Auricularia polytricha (mhux imsajjar jew imsajjar bil-fwar jew bit-tgħollija), iffriżat, għall-produzzjoni ta’ l-ikliet ippreparati minn qabel (1)(2) |
1.1.-31.12. |
700 tunnellata |
0 % |
|
09.2664 |
ex 2008 60 39 |
30 |
Ċirasa ħelwa li fiha spirtu miżjud, b’kontenut ta’ zokkor ta' mhux aktar minn 9 % tal-piż, ta’ dijametru ta’ mhux aktar minn 19,9mm bl-għadma, għall-użu fi prodotti taċ-ċikkulata (2) |
1.1.-31.12. |
1 000 tunnellata |
10 % |
|
09.2913 |
ex 2401 10 35 ex 2401 10 70 ex 2401 10 95 ex 2401 10 95 ex 2401 10 95 ex 2401 20 35 ex 2401 20 70 ex 2401 20 95 ex 2401 20 95 ex 2401 20 95 |
91 10 11 21 91 91 10 11 21 91 |
Tabakk naturali mhux ipproċessat, kemm jekk imqatta’ għal daqs regolari, kif ukoll jekk le, b’valur doganali ta’ mhux anqas minn 450 euro kull 100 kg piż nett, għall-użu bħala binder jew imballaġġ għall-manifattura ta’ oġġetti li jaqgħu taħt is-sottointestatura 2402 10 00 (2) |
1.1.-31.12. |
6 000 tunnellata |
0 % |
|
09.2928 |
ex 2811 22 00 |
40 |
Materjal tal-mili tas-silika, f’forma ta’ granuli, b’kontenut minimu ta’ diossidu tas-silikonju ta’ 97 % |
1.1.-31.12. |
1 700 tunnellata |
0 % |
|
09.2703 |
ex 2825 30 00 |
10 |
Ossidi u idrossidi tal-vanadju esklussivament għall-użu fil-ligi |
1.1.-31.12. |
20 000 tunnellata |
0 % |
|
09.2806 |
ex 2825 90 40 |
30 |
Trijossidu tat-tangsten, inkl. ossidu tat-tangst. blu (CAS RN 1314-35-8 jew CAS RN 39318-18-8) |
1.1.-31.12. |
12 000 tunnellata |
0 % |
|
09.2929 |
2903 22 00 |
Trikloroetilen (CAS RN 79-01-6) |
1.1.-31.12. |
10 000 tunnellata |
0 % |
|
|
09.2837 |
ex 2903 79 30 |
20 |
Bromoklorometanu (CAS RN 74-97-5) |
1.1.-31.12. |
600 tunnellata |
0 % |
|
*09.2933 |
ex 2903 99 80 |
30 |
1,3-Dichlorobenzene (CAS RN 541-73-1) |
1.1.-31.12. |
2 600 tunnellata |
0 % |
|
*09.2700 |
ex 2905 12 00 |
10 |
Propan-1-ol(alkoħol propiliku) (CAS RN 71-23-8) |
1.1.-31.12. |
12 000 tunnellata |
0 % |
|
09.2830 |
ex 2906 19 00 |
40 |
Ċiklopropilmetanol (CAS RN 2516-33-8) |
1.1.-31.12. |
20 tunnellata |
0 % |
|
09.2851 |
ex 2907 12 00 |
10 |
O-Cresol (CAS RN 95-48-7) b’purezza ta’ mhux anqas minn 98.5 % tal-piż |
1.1.-31.12. |
20 000 tunnellata |
0 % |
|
*09.2704 |
ex 2909 49 80 |
20 |
2,2,2',2'- tetrakis(idrossimetil)-3,3'- ossidipropan-1-ol (CAS RN 126-58-9) |
1.1.-31.12. |
200 tunnellata |
0 % |
|
09.2624 |
2912 42 00 |
Ethylvanillin (3-ethoxy-4-hydroxybenzaldehyde) (CAS RN 121-32-4) |
1.1.-31.12. |
950 tunnellata |
0 % |
|
|
09.2683 |
ex 2914 19 90 |
50 |
Aċetilaċetonat tal-kalċju (CAS RN 19372-44-2) għall-użu fil-manifattura tas-sistemi ta' stabilizzaturi fil-forma ta' pilloli (2) |
1.1.-31.12. |
150 tunnellata |
0 % |
|
09.2852 |
ex 2914 29 00 |
60 |
Cyclopropyl methyl ketone (CAS RN 765-43-5) |
1.1.-31.12. |
300 tunnellata |
0 % |
|
*09.2691 |
ex 2914 79 00 |
45 |
1-(1-Kloroċiklopropil)etanon (CAS RN 63141-09-3) |
1.1.-31.12. |
800 tunnellata |
0 % |
|
*09.2692 |
ex 2914 79 00 |
55 |
2-Kloro-1-(1-kloroċiklopropil)etanon (CAS RN 120983-72-4) |
1.1.-31.12. |
2 400 tunnellata |
0 % |
|
09.2638 |
ex 2915 21 00 |
10 |
Aċtu aċetiku (CAS RN 64-19-7) b’purità bil-piż ta’ 99 % jew aktar |
1.1.-31.12. |
1 000 000 tunnellata |
0 % |
|
09.2972 |
2915 24 00 |
Anidride aċetiku (CAS RN 108-24-7) |
1.1.-31.12. |
50 000 tunnellata |
0 % |
|
|
*09.2679 |
2915 32 00 |
Aċetat tal-Vinil (CAS RN 108-05-4) |
1.1.-31.12. |
350 000 tunnellata |
0 % |
|
|
09.2665 |
ex 2916 19 95 |
30 |
(E,E)-Eża-2,4-dienoat tal-potassju (CAS RN 24634-61-5) |
1.1.-31.12. |
8 250 tunnellata |
0 % |
|
*09.2684 |
ex 2916 39 90 |
28 |
Klorur ta' 2,5-dimetilfenilaċetil (CAS RN 55312-97-5) |
1.1.-31.12.2017 |
250 tunnellata |
0 % |
|
09.2769 |
ex 2917 13 90 |
10 |
Dimethyl sebacate (CAS RN 106-79-6) |
1.1.-31.12. |
1 000 tunnellata |
0 % |
|
09.2680 |
ex 2917 19 80 |
25 |
Anidride n-dodeċenilsuċċiniku (CAS RN 19780-11-1)bi: għall-użu fil-manifattura ta' kisi għall-vetturi (2) |
1.1.-31.12. |
80 tunnellata |
0 % |
|
09.2634 |
ex 2917 19 80 |
40 |
Aċidu dodekanedjojku, ta’ purezza b’piż ta’ aktar minn 98,5 % (CAS RN 693-23-2) |
1.1.-31.12. |
4 600 tunnellata |
0 % |
|
09.2808 |
ex 2918 22 00 |
10 |
Aċtu o-aċetisaliċiliku (CAS RN 50-78-2) |
1.1.-31.12. |
120 tunnellata |
0 % |
|
*09.2646 |
ex 2918 29 00 |
75 |
Ottadeċil 3-(3,5-di-terz-butil-4-idrossifenil)propjonat (CAS RN 2082-79-3)
biex jintuża fil-manifattura ta' pakketti singoli ta' stabilizzaturi għall-ipproċessar tal-PVC abbażi ta' taħlitiet tat-trab (2) |
1.1.-31.12. |
380 tunnellata |
0 % |
|
*09.2647 |
ex 2918 29 00 |
80 |
Tetrakis(3-(3,5-di-terz-butil-4-idrossifenil)propjonat) tal-pentaeritritol (CAS RN 6683-19-8) biex jintuża fil-manifattura ta' pakketti ta' stabilizzatur wieħed għall-proċessar tal-PVC ibbażati fuq taħlitiet tat-trab (2) |
1.1.-31.12. |
80 tunnellata |
0 % |
|
09.2975 |
ex 2918 30 00 |
10 |
Benzophenone-3,3’,4,4’-tetracarboxylic dianhydride (CAS RN 2421-28-5) |
1.1.-31.12. |
1 000 tunnellata |
0 % |
|
*09.2688 |
ex 2920 29 00 |
70 |
Tris(2,4-di-terz-butilfenil)fosfit (CAS RN 31570-04-4) |
1.1.-31.12. |
6 000 tunnellata |
0 % |
|
09.2648 |
ex 2920 90 10 |
70 |
Sulfat tad-Dimetil (CAS RN 77-78-1) |
1.1.-31.12. |
12 000 tunnellata |
0 % |
|
09.2649 |
ex 2921 29 00 |
60 |
Bis(2-dimetilaminoetil)(metil)ammina (CAS RN 3030-47-5) |
1.1.-31.12. |
1 700 tunnellata |
0 % |
|
09.2682 |
ex 2921 41 00 |
10 |
Anilina ta' purità ta' 99 % jew aktar fil-piż (CAS RN 62-53-3) |
1.1.-31.12. |
50 000 tunnellata |
0 % |
|
09.2602 |
ex 2921 51 19 |
10 |
o-Phenylenediamine (CAS RN 95-54-5) |
1.1.-31.12. |
1 800 tunnellata |
0 % |
|
*09.2854 |
ex 2924 19 00 |
85 |
Iodoprop-3-2-inilN-butilkarbamat(CAS RN 55406-53-6) |
1.1.-31.12. |
250 tunnellata |
0 % |
|
*09.2977 |
2926 10 00 |
Akrilonitrile (CAS RN 107-13-1) |
1.1.-31.12. |
17 500 tunnellata |
0 % |
|
|
*09.2856 |
ex 2926 90 70 |
84 |
2-Nitro-4-(trifluoromethyl)benzonitrile (CAS RN 778-94-9) |
1.1.-31.12. |
900 tunnellata |
0 % |
|
09.2838 |
ex 2927 00 00 |
85 |
C,C’-Ażodi(formammid) (CAS RN 123-77-3) b': |
1.1.-31.12. |
100 tunnellata |
0 % |
|
*09.2708 |
ex 2928 00 90 |
15 |
Monometilidrażina (CAS 60-34-4) fil-forma ta' soluzzjoni milwiema b'kontenut skont il-piż tal- monometilidrażina of 40 (± 5) % |
1.1.-31.12. |
900 tunnellata |
0 % |
|
09.2685 |
ex 2929 90 00 |
30 |
Nitrogwanidina (CAS RN 556-88-7) |
1.1.-31.12. |
6 500 tunnellata |
0 % |
|
*09.2693 |
ex 2930 90 98 |
28 |
Flubendijammid (ISO) (CAS RN 272451-65-7) |
1.1.-31.12. |
200 tunnellata |
0 % |
|
09.2955 |
ex 2932 19 00 |
60 |
Flurtamone (ISO) (CAS RN 96525-23-4) |
1.1.-31.12. |
300 tunnellata |
0 % |
|
09.2696 |
ex 2932 20 90 |
25 |
Dekan-5-olid (CAS RN 705-86-2) |
1.1.-31.12. |
4 860 kg |
0 % |
|
09.2697 |
ex 2932 20 90 |
30 |
Dodekan-5-olid (CAS RN 713-95-1) |
1.1.-31.12. |
4 160 kg |
0 % |
|
09.2812 |
ex 2932 20 90 |
77 |
Hexan-6-olide (CAS RN 502-44-3) |
1.1.-31.12. |
4 000 tunnellata |
0 % |
|
09.2858 |
2932 93 00 |
Piperonal (CAS RN 120-57-0) |
1.1.-31.12. |
220 tunnellata |
0 % |
|
|
09.2673 |
ex 2933 39 99 |
43 |
2,2,6,6-tetrametilpiperidin-4-ol (CAS RN 2403-88-5) |
1.1.-31.12. |
1 000 tunnellata |
0 % |
|
09.2674 |
ex 2933 39 99 |
44 |
Klorpirifos (ISO) (CAS RN 2921-88-2) |
1.1.-31.12. |
9 000 tunnellata |
0 % |
|
09.2860 |
ex 2933 69 80 |
30 |
1,3,5-Tris[3-(dimethylamino)propyl]hexahydro-1,3,5-triazine (CAS RN 15875-13-5) |
1.1.-31.12. |
400 tunnellata |
0 % |
|
09.2658 |
ex 2933 99 80 |
73 |
5-(Acetoacetylamino)benzimidazolone (CAS RN 26576-46-5) |
1.1.-31.12. |
200 tunnellata |
0 % |
|
*09.2675 |
ex 2935 90 90 |
79 |
4-[[(2-metossibenżojl)ammino]sulfonil]-klorurtal-benżojl (CAS RN 816431-72-8) |
1.1.-31.12. |
1 000 tunnellata |
0 % |
|
*09.2710 |
ex 2935 90 90 |
91 |
2,4,4- pentantrimetiliku-2- amminju (3R,5S,E)-7-(4-(4-fluworofenil)-6-isopropil-2-(N-metilmetilsulfonammido)pirimidin-5-il)-3,5- diidrossihept-6-enoat (CAS RN 917805-85-7) |
1.1.-31.12. |
5 000 kg |
0 % |
|
09.2945 |
ex 2940 00 00 |
20 |
D-Xylose (CAS RN 58-86-6) |
1.1.-31.12. |
400 tunnellata |
0 % |
|
09.2686 |
ex 3204 11 00 |
75 |
Koloranti C.I. Disperse Yellow 54 (CAS RN 7576-65-0 ) u preparazzjonijiet ibbażati fuqhom ma’ kolorant C.I. Disperse Yellow 54 kontenut ta' 99 % or jew iktar f'piż |
1.1.-31.12. |
2 500 kg |
0 % |
|
09.2676 |
ex 3204 17 00 |
14 |
Preparazzjonijiet ibbażati fuqKoloranti C.I. Pigment Red 48:2 (CAS RN 7023-61-2) b'kontenutta'Koloranti C.I. Pigment Red 48:2 ta'60 % or jew iktar, skont il-piż |
1.1.-31.12. |
50 tunnellata |
0 % |
|
09.2698 |
ex 3204 17 00 |
30 |
Kolorant C.I. Pigment Red 4 (CAS RN 2814-77-9) u preparazzjonijiet ibbażati fuqu b'kontenut ta' 60 % tal-Kolorant C.I. Pigment Red 4 skont il-piż |
1.1.-31.12. |
150 tunnellata |
0 % |
|
*09.2712 |
ex 3204 17 00 |
47 |
Kolorant C.I. Pigment Isfar 180 (CAS RN 77804-81-0) u preparazzjonijiet ibbażati fuqu b'Kolorant C.I. Pigment Isfar 180 b'kontenut ta' 80 % jew aktar skont il-piż |
1.1.-31.12. |
100 tunnellata |
0 % |
|
*09.2714 |
ex 3204 17 00 |
49 |
Kolorant C.I. Pigment Aħmar 2 (CAS RN 6041-94-7) u preparazzjonijiet ibbażati fuqu b'Kolorant C.I. tal-Pigment Aħmar 2 b'kontenut ta' 80 % jew aktar skont il-piż |
1.1.-31.12. |
379 tunnellata |
0 % |
|
09.2666 |
ex 3204 17 00 |
55 |
Koloranti C.I. Pigment Red 169 (CAS RN 12237-63-7) u preparazzjonijiet ibbażati fuqhom ma’ kolorant C.I. Pigment Red 169 kontenut ta' 50 % or jew iktar f'piż |
1.1.-31.12. |
40 tunnellata |
0 % |
|
09.2659 |
ex 3802 90 00 |
19 |
Trab tad-dijatomi kalċinat fil-fluss tas-soda |
1.1.-31.12. |
35 000 tunnellata |
0 % |
|
09.2908 |
ex 3804 00 00 |
10 |
Linjosulfonat tas-sodju |
1.1.-31.12. |
40 000 tunnellata |
0 % |
|
09.2889 |
3805 10 90 |
Termentina tas-sulfat |
1.1.-31.12. |
25 000 tunnellata |
0 % |
|
|
09.2935 |
ex 3806 10 00 |
10 |
Resin u aċidi tar-resin miksuba minn oleoresins friski |
1.1.-31.12. |
280 000 tunnellata |
0 % |
|
09.2832 |
ex 3808 92 90 |
40 |
Taħlita li jkollha 38 % jew aktar imma mhux aktar minn 50 % bil-piż taż-żingu piritijon (INN) (CAS RN 13463-41-7) f'dispersjoni milwiema |
1.1.-31.12. |
500 tunnellata |
0 % |
|
09.2814 |
ex 3815 90 90 |
76 |
Katalizzatur magħmul mid-dijossidu tat-titanju u t-tijossidu tat-titanju |
1.1.-31.12. |
3 000 tunnellata |
0 % |
|
*09.2644 |
ex 3824 99 92 |
77 |
Preparat li jkun fih: |
1.1.-31.12. |
10 000 tunnellata |
0 % |
|
*09.2681 |
ex 3824 99 92 |
85 |
Taħlita ta' sulfuri ta' bis [3-(trietossisilil)propil] (CAS RN 211519-85-6) |
1.1.-31.12. |
9 000 tunnellata |
0 % |
|
*09.2650 |
ex 3824 99 92 |
87 |
Aċetofenon (CAS RN 98-86-2), b'purità f'piż ta' 60 % jew aktar iżda mhux aktar minn 90 % |
1.1.-31.12. |
2 000 tunnellata |
0 % |
|
*09.2829 |
ex 3824 99 93 |
43 |
Estratt solidu ta’ materjal residwu li ma jinħallx f’solventi alifatiċi miksuba matul l-estrazzjoni tar-resin mill-injam, li għandu l-karatteristiċi li ġejjin: |
1.1.-31.12. |
1 600 tunnellata |
0 % |
|
*09.2907 |
ex 3824 99 93 |
67 |
Taħlita ta’ fitosteroli, fi trab, li fihom, bil-piż: għal użu fil-manifattura tal-istanoli/steroli jew stanoli/steroli esters (2) |
1.1.-31.12. |
2 500 tunnellata |
0 % |
|
09.2639 |
3905 30 00 |
Poli(alkoħol tal-vinil), kemm jekk fihom gruppi aċetat unhydrolysed |
1.1.-31.12. |
15 000 tunnellata |
0 % |
|
|
09.2671 |
ex 3905 99 90 |
81 |
Poli(butiral tal-vinil) (CAS RN 63148-65-2): |
1.1.-31.12. |
12 000 tunnellata |
0 % |
|
09.2687 |
ex 3907 40 00 |
25 |
Taħlita ta' polimeri ta' polikarbonat u poli(metilmetakrilat) b'kontenut ta' polikarbonat ta' 98,5 % skont il-piż, f'forma ta' gerbub jew bċejjeċ żgħar, bi trażmittanza luminuża ta' mhux anqas minn 88,5 %, imkejla bl-użu ta' kampjun għall-ittestjar ta' ħxuna ta' 4 mm b'tul tal-mewġa ta' λ = 400 nm (skont ISO 13468-2) |
1.1.-31.12. |
400 tunnellata |
0 % |
|
*09.2723 |
ex 3911 90 19 |
10 |
Poly(oxy-1,4-phenylenesulfonyl-1,4-phenyleneoxy-4,4’-biphenylene) |
1.1.-31.12. |
5 500 tunnellata |
0 % |
|
09.2816 |
ex 3912 11 00 |
20 |
Frak ta’ l-aċetat taċ-ċellulożju |
1.1.-31.12. |
75 000 tunnellata |
0 % |
|
09.2864 |
ex 3913 10 00 |
10 |
Alġinat tas-sodju, estratt minnalgi kannella(CAS RN 9005-38-3) |
1.1.-31.12. |
1 000 tunnellata |
0 % |
|
09.2641 |
ex 3913 90 00 |
87 |
Ijaluronat tas-sodju, mhux sterili: |
1.1.-31.12. |
200 kg |
0 % |
|
09.2661 |
ex 3920 51 00 |
50 |
Folji ta’ polimetilmetakrilat konformi mal-istandards: |
1.1.-31.12. |
100 tunnellata |
0 % |
|
09.2645 |
ex 3921 14 00 |
20 |
Blokka ċellulari ta’ ċelluloża riġenerata, mimlija bl-ilma li jkun fih klorur tal-manjeżju u kompost tal-ammonju kwaternarju tad-daqs ta' 100 cm (± 10 cm) x 100 cm (± 10 cm) x 40 cm (± 5 cm) |
1.1.-31.12. |
1 700 tunnellata |
0 % |
|
*09.2716 |
ex 5504 10 00 |
20 |
Fibri diskontinwi ta’ rayon viskuż, ta’ 1.15 decitex jew aktar, imma ta’ mhux aktar minn 1.3 decitex u li għandhom tul tal-fibra ta’ 36 mm jew aktar, iżda mhux aktar minn 38 mm |
1.1.-30.6.2017 |
8 000 tunnellata |
0 % |
|
*09.2721 |
ex 5906 99 90 |
20 |
Drapp tat-tessut bil-lastiku minsuġ u laminat bil-karatteristiċi li ġejjin: użat għall-manifattura tas-saqaf li jitla’ u jinżel tal-vetturi bil-mutur (2) |
1.1.-31.12. |
375 000 m² |
0 % |
|
09.2818 |
ex 6902 90 00 |
10 |
Briks li jirreżistu s-sħana: |
1.1.-31.12. |
225 tunnellata |
0 % |
|
09.2628 |
ex 7019 52 00 |
10 |
Xibka tal-ħġieġ minsuġa minn fibri tal-ħġieġ miksija bil-plastik, b’piż ta’ 120 g/m²(± 10 g/m²), tat-tip li jintuża fir-rolling insect screens bil-qafas fiss |
1.1.-31.12. |
3 000 000 m² |
0 % |
|
09.2799 |
ex 7202 49 90 |
10 |
Ferro-kromju li fih 1.5 % jew aktar iżda mhux aktar minn 4 % tal-piż f’karbonju u mhux aktar minn 70 % ta’ kromju |
1.1.-31.12. |
50 000 tunnellata |
0 % |
|
09.2652 |
ex 7409 11 00 ex 7410 11 00 |
20 30 |
Fojl u strixxi tar-ram raffinat, miksijin bl-elettrolit |
1.1.-31.12. |
1 020 tunnellata |
0 % |
|
09.2662 |
ex 7410 21 00 |
55 |
Pjanċi: |
1.1.-31.12. |
45 000 m² |
0 % |
|
09.2834 |
ex 7604 29 10 |
20 |
Folji jew vireg tal-alojs ta’ aluminju-litjuta' diametru ta' 200 mm jew iktar, iżda mhux iktar minn 300 mm |
1.1.-31.12. |
2 000 tunnellata |
0 % |
|
09.2835 |
ex 7604 29 10 |
30 |
Folji jew vireg tal-alojs ta’ aluminju-litjuta' diametru ta' 300,1 mm jew iktar, iżda mhux iktar minn 533,4 mm |
1.1.-31.12. |
1 000 tunnellata |
0 % |
|
*09.2689 |
ex 7606 12 92 ex 7607 11 90 |
60 81 |
Strixxi illigati bl-aluminju u bil-manjeżju jew fojl: |
1.1.-31.12. |
1 000 tunnellata |
0 % |
|
*09.2722 |
8104 11 00 |
Manjeżju mhux maħdum, li fih talanqas 9,8 % f'piż tal-manjeżju |
1.1.-31.12. |
80 000 tunnellata |
0 % |
|
|
09.2840 |
ex 8104 30 00 |
20 |
Trab tal-manjeżju: |
1.1.-31.12. |
2 000 tunnellata |
0 % |
|
09.2629 |
ex 8302 49 00 |
91 |
Manku teleskopiku ta’ l-aluminju għall-użu fil-manifattura tal-bagalji (2) |
1.1.-31.12. |
1 000 000 biċċa |
0 % |
|
09.2690 |
ex 8483 30 80 |
20 |
Kuxxinett jiżżerżaq immewweġ għal applikazzjoni fuq l-assi, ta' azzar FeP01 (skont EN 10130-1991) b'saff jiżżerżaq ta' bronż sinterizzat poruż u poli(tetrafluworoetilen), adattat biex jiġi installat fl-unitajiet ta' sospensjoni tal-muturi |
1.1.-31.12. |
1 500 000 biċċa |
0 % |
|
09.2763 |
ex 8501 40 20 ex 8501 40 80 |
40 30 |
Mutur kommutatur elettriku AC, monofażi, b’rendiment ta’ 250 W jew aktar, input enerġetiku ta’ 700 W jew aktar imma mhux aktar minn 2 700 W, dijametru estern ta’ aktar minn 120 mm (± 0,2 mm) imma mhux aktar minn 135 mm (± 0,2 mm), b’rata ta’ veloċità ta’ aktar minn 30 000 rpm imma mhux aktar minn 50 000 rpm, mgħammar b’ventilatur għall-arja, għall-użu fil-produzzjoni tal-vacuum cleaners (2) |
1.1.-31.12. |
2 000 000 biċċa |
0 % |
|
09.2633 |
ex 8504 40 82 |
20 |
Rettifikatur tal-elettriku, b’kapaċità ta’ mhux aktar minn 1 kVA, għall-użu fil-manifattura tal-apparat li jaqa’ fl-intestaturi 8509 80 u 8510 (2) |
1.1.-31.12. |
4 500 000 biċċa |
0 % |
|
09.2643 |
ex 8504 40 82 |
30 |
Pjanċi bis-sokits għall-għoti tal-elettriku li jintuża fil-manifattura ta’ oġġetti li jaqgħu taħt l-intestatura 8521 u 8525 (2) |
1.1.-31.12. |
1 038 000 biċċa |
0 % |
|
09.2620 |
ex 8526 91 20 |
20 |
Assemblaġġ għal sistemi GPS b’funzjoni ta’ determinazzjoni tal-pożizzjoni, mingħajr display, u piż ta’ mhux aktar minn 2 500 g |
1.1.-31.12. |
3 000 000 biċċa |
0 % |
|
09.2672 |
ex 8529 90 92 ex 9405 40 39 |
75 70 |
Bord ta’ ċirkwit stampat b'diodes LED: għall-manifattura ta’ unitajiet tar-retroluminazjzoni għal oġġetti ta’ titlu 8528 (2) |
1.1.-31.12. |
115 000 000 biċċa |
0 % |
|
09.2003 |
ex 8543 70 90 |
63 |
Ġeneratur tal-frekwenzi kkontrollat bil-vultaġġ, li jikkonsisti f’elementi attivi u passivi mmuntati fuq ċirkwit stampat miżmum ġewwa qafas li d-dimensjonijiet ta’ barra tiegħu mhux aktar minn 30 mm x 30 mm |
1.1.-31.12. |
1 400 000 biċċa |
0 % |
|
09.2694 |
ex 8714 10 90 |
30 |
Klamps tal-fusijiet, ħawsings, fork bridges u aċċessorji għall-ikklampjar, magħmulin minn liga tal-aluminju tat-tip li jintuża fil-muturi |
1.1.-31.12. |
1 000 000 biċċa |
0 % |
|
09.2695 |
ex 8714 10 90 |
40 |
Pistuni tal-istabbilizzaturi tal-istering magħmulin mill-azzar sinterizzat skont l-istandard ISO P2054 tat-tip li jintuża fil-muturi |
1.1.-31.12. |
2 000 000 biċċa |
0 % |
|
09.2668 |
ex 8714 91 10 ex 8714 91 10 |
21 31 |
Qafas ta’ biċikletta, mibni mill-fibri tal-karbonju u r-reżina artifiċjali, miżbugħ, mogħti l-verniċ u/jew illostrat, biex jintuża għall-manifattura tar-roti (2) |
1.1.-31.12. |
304 000 biċċa |
0 % |
|
09.2669 |
ex 8714 91 30 ex 8714 91 30 |
21 31 |
Furketta ta’ quddiem ta’ biċikletta, magħmula mill-fibri tal-karbonju u r-reżina artifiċjali, miżbugħa, mogħtija l-verniċ u/jew illostrata, għall-użu fil-manifattura tal-biċikletti (2) |
1.1.-31.12. |
257 000 biċċa |
0 % |
|
09.2631 |
ex 9001 90 00 |
80 |
Lentijiet mhux iffrejmjati, prismi u elementi ssimentjati għall-użu fil-manifattura jew it-tiswija ta' oħħetti tal-kodiċijiet tan-NM 9002, 9005, 9013 10 u 9015 (2) |
1.1.-31.12. |
5 000 000 biċċa |
0 % |
|
09.2836 |
ex 9003 11 00 ex 9003 19 00 |
10 20 |
Frejms tan-nuċċalijiet magħmulin bil-plastik jew metall għall-użu fil-manifattura ta' nuċċalijiet tal-vista (2) |
1.1.-31.12. |
5 800 000 biċċa |
0 % |
|
(1) |
Madankollu, is-sospensjoni tat-tariffi doganali ma għandhiex tapplika meta l-ipproċessar isir minn impriżi tal-forniment tal-ikel jew li jbiegħu bl-imnut. |
|
(2) |
Is-sospensjoni tad-dazji hija soġġetta għal superviżjoni doganali tal-użu finali f’konformità mal-Artikolu 254 tar-Regolament (UE) Nru 952/2013 tal-Parlament Ewropew u tal-Kunsill tad- 9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1). |
|
(3) |
Id-dazju ad valorem biss huwa sospiż. Id-dazju speċifiku għandu jkompli japplika. |
|
* |
Miżura ġdida li għadha kif iddaħħlet jew miżura bil-kundizzjonijiet mibdulin. |
"