IL-KUMMISSJONI EWROPEA

Brussell, 6.9.2016

COM(2016) 552 final

2011/0103(NLE)

Proposta emendata għal

DEĊIŻJONI TAL-KUNSILL

dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti; kif ukoll
dwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha bħala l-ewwel parti, l-Iżlanda bħala t-tieni parti, u r-Renju tan-Norveġja bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti

MEMORANDUM TA’ SPJEGAZZJONI

1.    Kuntest tal-propostaRaġunijiet għall-proposta u l-objettivi tagħha

Il-Ftehim dwar it-Trasport bl-Ajru bejn il-Komunità Ewropea u l-Istati Membri tagħha min-naħa l-waħda, u l-Istati Uniti tal-Amerika min-naħa l-oħra (“il-Ftehim dwar it-Trasport bl-Ajru bejn l-UE u l-US”) ġie ffirmat fil-25 u fit-30 ta’ April 2007 1 u ġie emendat bi Protokoll fl-24 ta’ Ġunju 2010 2 . Il-Ftehim dwar it-Trasport bl-Ajru bejn l-UE u l-US ġie applikat b'mod provviżorju mit-30 ta’ Marzu 2008. Il-Protokoll ta' Emenda ġie applikat b'mod provviżorju mill-24 ta’ Ġunju 2010.

L-Artikolu 18 (5) tal-Ftehim dwar it-Trasport bl-Ajru bejn l-UE u l-US jikkonferma l-għan taż-żewġ Partijiet li “jimmassimizzaw il-benefiċċji għall-konsumaturi, il-linji tal-ajru, il-ħaddiema u l-komunitajiet fuq iż-żewġ naħat tal-Atlantiku billi jestendu dan il-Ftehim sabiex jinkludi partijiet terzi”. L-Artikolu 18 (5) tal-Ftehim dwar it-Trasport bl-Ajru bejn l-UE u l-US jitlob ukoll lill-Kumitat Konġunt stabbilit skont l-Artikolu 18 (1) tal-Ftehim dwar it-Trasport bl-Ajru bejn l-UE u l-US biex “jiżviluppa proposta dwar il-kondizzjonijiet u l-proċeduri...li tkun meħtieġa għal pajjiżi terzi sabiex jaderixxu ma' dan il-Ftehim”. In-Norveġja u l-Iżlanda talbu formalment li jissieħbu fil-Ftehim dwar it-Trasport bl-Ajru bejn l-UE u l-US fl-2007. Skont l-Artikolu 18 (5) tal-Ftehim dwar it-Trasport bl-Ajru bejn l-UE u l-US, il-Kumitat Konġunt fil-laqgħa tiegħu tas-16 ta’ Novembru 2010 żviluppa proposta għall-adeżjoni tal-Iżlanda u n-Norveġja fil-Ftehim dwar it-Trasport Pubbliku bejn l-UE u l-US. B’konsegwenza ta’ dan, ġew elaborati ftehim ta’ adeżjoni (“il-Ftehim ta' Adeżjoni”) u ftehim anċillari għall-ftehimiet interni bejn l-Unjoni, in-Norveġja u l-Iżlanda (“il-Ftehim Anċillari”). Id-dispożizzjonijiet tal-Ftehim ta' Adeżjoni jestendu l-kamp ta' applikazzjoni tal-Ftehim dwar it-Trasport bl-Ajru bejn l-UE u l-US mutatis mutandis għan-Norveġja u l-Iżlanda. Billi n-Norveġja u l-Iżlanda huma parti integrali mill-Ispazju Komuni Ewropew għall-Avjazzjoni, dawn il-Ftehimiet se jiżguraw qafas regolatorju konsistenti għat-titjiriet bejn l-US u s-suq uniku tal-avjazzjoni fl-UE – fosthom l-Iżlanda u n-Norveġja. Dan il-ftehim huwa intiż li joħloq benefiċċji kummerċjali għal-linji tal-ajru u l-konsumaturi fl-UE u biex jiżgura l-konsistenza tal-Ftehim dwar it-Trasport bl-Ajru bejn l-UE u l-US mal-politika Skandinava komuni dwar it-trasport bl-ajru. Fl-istess ħin, il-proposta tiżgura li jinżamm il-karattru bilaterali tal-Ftehim dwar it-Trasport bl-Ajru bejn l-UE u l-US.

Fir-rigward tal-Ftehim ta’ Adeżjoni u tal-Ftehim Anċillari, il-Kummissjoni adottat proposta għal Deċiżjoni tal-Kunsill dwar il-firma u l-applikazzjoni provviżorja fit-2 ta’ Mejju 2011 (KUMM(2011)239 finali).

Il-Kunsill adotta d-Deċiżjoni tiegħu dwar l-iffirmar u l-applikazzjoni provviżorja tal-Ftehim ta’ Adeżjoni u tal-Ftehim Anċillari, f’isem l-Unjoni, f’att wieħed, flimkien mal-Istati Membri li jiltaqgħu fi ħdan il-Kunsill, fis-16 ta’ Ġunju 2011 (id-Deċiżjoni 2011/708/UE) 3 . L-Artikolu 3 tagħha jistipula l-applikazzjoni provviżorja kemm tal-Ftehim ta’ Adeżjoni u kemm tal-Ftehim Anċillari mid-data tal-firma, li seħħet fl-21 ta’ Ġunju 2011. Dawn iż-żewġ ftehimiet ġew applikati b'mod provviżorju u b’mod sħiħ sa minn dik id-data.

Fis-sentenza tagħha tat-28 ta’ April 2015 fil-kawża C-28/12, Il-Kummissjoni vs Il-Kunsill 4 , il-Qorti tal-Ġustizzja tal-Unjoni Ewropea annullat id-Deċiżjoni 2011/708/UE iżda żammet l-effetti tagħha “sad-dħul fis-seħħ, fi żmien raġonevoli mid-data tal-għoti tas-sentenza preżenti, ta’ deċiżjoni ġdida li għandha tiġi adottata mill-Kunsill tal-Unjoni Ewropea skont l-Artikolu 218(5) u (8) TFUE". Il-Qorti ddikjarat li d-deċiżjoni kkontestata ġiet adottata fil-kuntest ta’ proċedura li kienet tinkludi, b’mod indistint, elementi li jagħmlu parti mill-proċess tat-teħid ta' deċiżjonijiet tal-Kunsill u elementi ta’ natura intergovernattiva (il-paragrafu 51). Hija kkonkludiet li, għal din ir-raġuni, id-deċiżjoni kkontestata ma kinetx kompatibbli mal-Artikolu 218(2), (5), u (8) tat-TFUE, u għaldaqstant mal-Artikolu 13(2) tat-TUE (il-paragrafu 53).

Filwaqt li l-proposta oriġinali tal-Kummissjoni (KUMM(2011)239finali) ġiet adottata għalkollox f'konformità mal-Artikoli 218 (2), (5) u (8) tat-TFUE, il-Kummissjoni tqis li huwa espedjenti li taġġorna l-proposta tagħha.Kuntest ġenerali

Il-Ftehim dwar it-Trasport bl-Ajru bejn l-UE u l-US neħħa l-ostakoli kummerċjali kollha għat-titjiriet bejn kwalunkwe punt fl-UE u kwalunkwe punt fl-US. Barra minn hekk, l-US tat l-hekk imsejħa seba’ drittijiet ta’ libertà lil-linji tal-ajru tal-UE biex joperaw bejn l-US u pajjiżi tal-Ispazju Komuni Ewropew għall-Avjazzjoni (ECAA) li mhumiex fl-UE, bħan-Norveġja u l-Iżlanda. Madankollu, l-ECAA ma għandha l-ebda dimensjoni esterna. Għalhekk, il-linji tal-ajru tal-UE fil-preżent ma għandhomx id-dritt li joperaw titjiriet bejn in-Norveġja u l-Iżlanda u pajjiżi terzi. Bl-istess mod, il-linji tal-ajru Norveġiżi u Iżlandiżi fil-preżent ma għandhomx id-dritt li joperaw bejn l-UE u l-US.

Il-Ftehim dwar it-Trasport bl-Ajru bejn l-UE u l-US ħoloq kundizzjonijiet uniformi ta’ aċċess għas-suq għal-linji tal-ajru kollha tal-Unjoni, u stabbilixxa arranġamenti ġodda għall-kooperazzjoni regolatorja bejn l-Unjoni Ewropea u l-US f’oqsma essenzjali għat-tħaddim mingħajr periklu, sigur u effiċjenti ta’ servizzi tal-ajru transatlantiċi. In-Norveġja u l-Iżlanda adottaw l-acquis kollu tal-UE fil-politika tal-avjazzjoni. Għalhekk, l-inklużjoni taż-żewġ pajjiżi fil-kamp ta' applikazzjoni tal-Ftehim dwar it-Trasport bl-Ajru bejn l-UE u l-US għandha tiżgura li l-linji tal-ajru Ewropej kollha li japplikaw l-acquis tal-UE joperaw is-servizzi tal-ajru transatlantiċi f’qafas armonizzat.

L-adeżjoni tal-Iżlanda u n-Norveġja fil-Ftehim dwar it-Trasport bl-Ajru bejn l-UE u l-US tista’ tkun preċedent għall-adeżjoni tal-Iżlanda u n-Norveġja fi ftehimiet oħra tal-Unjoni dwar l-avjazzjoni (eż. il-Ftehim Ewro-Mediterranju dwar l-Avjazzjoni mal-Marokk).

Konsistenza mal-politiki u l-objettivi l-oħra tal-Unjoni

L-objettiv li l-Ftehim dwar it-Trasport bl-Ajru bejn l-UE u l-US jiġi estiż għal pajjiżi terzi huwa previst b’mod espliċitu fil-Ftehim dwar it-Trasport bl-Ajru bejn l-UE u l-US. Dan ma jistabbilixxix dimensjoni esterna għall-Ftehim dwar iż-Żona Ekonomika Ewropea. Huwa konsistenti mal-politika ġenerali tal-UE fir-rigward tal-Iżlanda u n-Norveġja.

Spjegazzjonijiet addizzjonali

Din il-proposta emendata ma tindirizzax l-elementi relatati ma’ i) il-Konsultazzjonijiet mal-partijiet interessati u l-valutazzjoni tal-impatt ii) l-elementi ġuridiċi, iii) l-Implikazzjonijiet baġitarji li diġà kienu pprovduti fid-dettall fil-proposta oriġinali tal-Kummissjoni (KUMM(2011)239 finali).

2011/0103 (NLE)

Proposta emendata għal

DEĊIŻJONI TAL-KUNSILL

dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti; kif ukoll
dwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha bħala l-ewwel parti, l-Iżlanda bħala t-tieni parti, u r-Renju tan-Norveġja bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 100(2) flimkien mal-Artikolu 218(5) u l-ewwel subparagrafu tal-Artikolu 218(8) tiegħu,

Wara li kkunsidra l-proposta tal-Kummissjoni Ewropea,

Billi:

(1)Il-Ftehim dwar it-Trasport bl-Ajru bejn il-Komunità Ewropea u l-Istati Membri tagħha min-naħa l-waħda, u l-Istati Uniti tal-Amerika min-naħa l-oħra (“il-Ftehim dwar it-Trasport bl-Ajru bejn l-UE u l-US”) ġie ffirmat fil-25 u fit-30 ta’ April 2007 5 u ġie emendat bi Protokoll fl-24 ta’ Ġunju 2010 6 . Huwa jistipula b’mod espliċitu l-adeżjoni ta’ pajjiżi terzi fil-Ftehim dwar it-Trasport bl-Ajru.

(2)L-Iżlanda u n-Norveġja huma membri kompletament integrati tas-Suq uniku Ewropew tal-Avjazzjoni permezz tal-Ftehim dwar iż-Żona Ekonomika Ewropea. Huma talbu formalment li jissieħbu fil-Ftehim dwar it-Trasport bl-Ajru bejn l-UE u l-US fl-2007. F'konformità mal-Artikolu 18(5) tal-Ftehim dwar it-Trasport bl-Ajru bejn l-UE u l-US, fil-laqgħa tiegħu tas-16 ta’ Novembru 2010 il-Kumitat Konġunt ippropona Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti, (minn hawn ’il quddiem, “il-Ftehim ta' Adeżjoni”).

(3)Il-Kummissjoni nnegozjat Ftehim Anċillari bejn l-Unjoni Ewropea u l-Istati Membri tagħha bħala l-ewwel parti, l-Iżlanda bħala t-tieni parti, u r-Renju tan-Norveġja bħala t-tielet parti, dwar l-arranġamenti interni għall-applikazzjoni tal-Ftehim ta’ Adeżjoni (minn hawn ’il quddiem, “il-Ftehim Anċillari”).

(4)Fit-2 ta' Mejju 2011 7 , il-Kummissjoni adottat proposta għal Deċiżjoni tal-Kunsill dwar l-iffirmar u l-applikazzjoni provviżorja fir-rigward tal-Ftehim ta’ Adeżjoni u tal-Ftehim Anċillari tiegħu, f’isem l-Unjoni Ewropea.

(5)Fis-16 ta’ Ġunju 2011, il-Kunsill u r-Rappreżentanti tal-Gvernijiet tal-Istati Membri tal-Unjoni Ewropea, imlaqqgħin fil-Kunsill, adottaw Deċiżjoni dwar l-iffirmar u l-applikazzjoni provviżorja, f’isem l-Unjoni, tal-Ftehim ta’ Adeżjoni u tal-Ftehim Anċillari (id-Deċiżjoni 2011/708/UE) 8 . L-Artikolu 3 tagħha jistipula għall-applikazzjoni provviżorja kemm tal-Ftehim ta’ Adeżjoni u kemm tal-Ftehim Anċillari mid-data tal-firma, li seħħet fl-21 ta’ Ġunju 2011. Minn dik id-data, dawn iż-żewġ ftehimiet ġew applikati b’mod provviżorju u bis-sħiħ.

(6)Fis-sentenza tagħha tat-28 ta’ April 2015 fil-kawża C-28/12, Il-Kummissjoni vs Il-Kunsill 9 , il-Qorti tal-Ġustizzja tal-Unjoni Ewropea annullat id-deċiżjoni li biha l-Kunsill flimkien mar-rappreżentanti tal-Gvernijiet tal-Istati Membri, imlaqqgħin fil-Kunsill, awtorizza f’att wieħed l-iffirmar u l-applikazzjoni provviżorja tal-Ftehim ta’ Adeżjoni u tal-Ftehim Anċillari. Hija żammet l-effetti tad-Deċiżjoni 2011/708/UE “sad-dħul fis-seħħ, fi żmien raġonevoli mid-data tal-għoti tas-sentenza preżenti, ta’ deċiżjoni ġdida li għandha tiġi adottata mill-Kunsill tal-Unjoni Ewropea skont l-Artikolu 218(5) u (8) TFUE".

(7)Fid-dawl ta’ dawn iċ-ċirkostanzi, il-Kunsill għandu jadotta din id-Deċiżjoni dwar l-iffirmar u l-applikazzjoni provviżorja tal-Ftehim ta’ Adeżjoni u tal-Ftehim Anċillari, soġġetta għall-konklużjoni tagħhom f’data aktar tard.

ADOTTA DIN ID-DEĊIŻJONI:

Artikolu 1

Il-President tal-Kunsill huwa b'dan awtorizzat li jaħtar persuna (persuni) bis-setgħa li tiffirma (jiffirmaw) f'isem l-Unjoni, il-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda, bħala t-tielet parti, u r-Renju tan-Norveġja bħala r-raba’ parti, u l-Ftehim Anċillari bejn l-Unjoni Ewropea u l-Istati Membri tagħha bħala l-ewwel parti, l-Iżlanda bħala t-tieni parti, u r-Renju tan-Norveġja bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti.

Artikolu 2

It-testi tal-Ftehim ta' Adeżjoni u tal-Ftehim Anċillari huma annessi ma' din id-Deċiżjoni.

Artikolu 3

Il-Ftehim ta' Adeżjoni u l-Ftehim Anċillari għandhom jiġu applikati b'mod provviżorju mid-data tal-iffirmar sakemm jidħlu fis-seħħ.

Artikolu 4

Din id-Deċiżjoni għandha tidħol fis-seħħ fid-data tal-adozzjoni tagħha. Hija għandha tiġi ppubblikata f'Il-Ġurnal Uffiċjali tal-Unjoni Ewropea.

Magħmul fi Brussell,

(1) Id-Deċiżjoni tal-Kunsill u tar-rappreżentanti tal-gvernijiet tal-Istati Membri ta' l-Unjoni Ewropea, imlaqqgħin fil-Kunsill, tal-25 ta' April 2007 dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn il-Komunità Ewropea u l-Istati Membri tagħha, minn naħa waħda, u l-Istati Uniti ta' l-Amerika, min-naħa l-oħra (2007/339/EC), ĠU L 134, 25.5.2007, p.4.

(2) ĠU L 223, 25.8.2010, p.3.

(3) ĠU L 283, 29.10.2011, p. 1.

(4) ECLI:UE:C:2015:282.

(5) Id-Deċiżjoni tal-Kunsill tal-25 ta’ April 2007 dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn il-Komunità Ewropea u l-Istati Membri tagħha, minn naħa waħda, u l-Istati Uniti tal-Amerika, min-naħa l-oħra (2007/339/EC), ĠU L 134, 25.5.2007, p.4.

(6) ĠU L 223, 25.8.2010, p.3.

(7) KUMM(2011)239 finali.

(8) ĠU L 283, 29.10.2011, p. 1.

(9) ECLI:UE:C:2015:282.

IL-KUMMISSJONI EWROPEA

Brussell, 6.9.2016

COM(2016) 552 final

ANNESS

tal-Proposta emendata

għal Deċiżjoni tal-Kunsill

dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti; kif ukoll
dwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha bħala l-ewwel parti, l-Iżlanda bħala t-tieni parti, u r-Renju tan-Norveġja bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti

ANNESS

tal-Proposta emendata

għal Deċiżjoni tal-Kunsill

dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti; kif ukoll
dwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha bħala l-ewwel parti, l-Iżlanda bħala t-tieni parti, u r-Renju tan-Norveġja bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Iżlanda bħala t-tielet parti, u r-Renju tan-Norveġja bħala r-raba’ parti

APPENDIĊI 1

Ftehim dwar it-Trasport bl-Ajru

L-ISTATI UNITI TAL-AMERIKA (minn hawn ’il quddiem, l-"Istati Uniti"),

   bħala l-ewwel parti;

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA' SPANJA,

IR-REPUBBLIKA FRANĊIŻA,

IR-REPUBBLIKA TALJANA,

IR-REPUBBLIKA TA' ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

IR-REPUBBLIKA TAL-UNGERIJA,

IR-REPUBBLIKA TA' MALTA,

IR-RENJU TAN-NETHERLANDS,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA SLOVAKKA,

IR-REPUBBLIKA TAL-FINLANDJA,

IR-RENJU TAL-IŻVEZJA,

IR-RENJU UNIT TAL-GRAN BRITTANJA U L-IRLANDA TA’ FUQ,

billi huma partijiet għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea u billi huma Stati Membri tal-Unjoni Ewropea (minn hawn ’il quddiem, l-"Istati Membri"),

kif ukoll

L-UNJONI EWROPEA,

   bħala t-tieni parti;

l-Iżlanda,

   bħala t-tielet parti; kif ukoll

Ir-Renju tan-Norveġja (minn hawn ’il quddiem, “in-Norveġja”),

   bħala r-raba’ parti;

Xewqana li jippromwovu sistema tal-avjazzjoni internazzjonali bbażata fuq il-kompetizzjoni bejn il-linji tal-ajru fis-suq b’interferenza u regolazzjoni minimi mill-gvern;

Xewqana li jiffaċilitaw l-espansjoni tal-opportunitajiet għat-trasport internazzjonali bl-ajru, fosthom permezz tal-iżvilupp ta’ netwerks ta’ trasport bl-ajru li jaqdu l-ħtiġijiet tal-passiġġieri u t-trasportaturi għal servizzi komdi ta’ trasport bl-ajru;

Xewqana li jagħmluha possibbli għal-linji tal-ajru li lill-pubbliku li jivvjaġġa u li jibgħat l-merkanzija joffrulu prezzijiet u servizzi kompetittivi fis-swieq miftuħa;

Xewqana li s-setturi kollha tal-industrija tat-trasport bl-ajru, inklużi l-ħaddiema tal-linji tal-ajru, jibbenefikaw fi ftehim liberalizzat;

Xewqana li jiżguraw l-ogħla livell ta’ sikurezza u sigurtà fit-trasport internazzjonali bl-ajru u filwaqt li jaffermaw mill-ġdid it-tħassib gravi tagħhom dwar l-atti jew it-theddidiet kontra s-sigurtà tal-inġenji tal-ajru, li jipperikolaw is-sikurezza tal-persuni jew tal-proprjetà, jaffettwaw ħażin l-operat tat-trasport bl-ajru, u jimminaw il-fiduċja tal-pubbliku fis-sikurezza tal-avjazzjoni ċivili;

Filwaqt li jinnotaw il-Konvenzjoni dwar l-Avjazzjoni Ċivili Internazzjonali, li nfetħet għall-iffirmar f’Chicago fis-7 ta’ Diċembru 1944;

Filwaqt li jirrikonoxxu li s-sussidji tal-gvern jistgħu jaffettwaw ħażin il-kompetizzjoni bejn il-linji tal-ajru u jistgħu jipperikolaw l-objettivi bażiċi ta’ dan il-Ftehim;

Filwaqt li jaffermaw l-importanza tal-ħarsien tal-ambjent fl-iżvilupp u fl-implimentazzjoni tal-politika dwar l-avjazzjoni internazzjonali;

Filwaqt li jinnotaw l-importanza li jitħarsu l-konsumaturi, inklużi l-protezzjonijiet mogħtija mill-Konvenzjoni għall-Unifikazzjoni ta’ Ċerti Regoli tat-Trasport Internazzjonali bl-Ajru, li saret f’Montreal fit-28 ta’ Mejju 1999;

Bil-ħsieb li jibnu fuq il-qafas tal-ftehimiet eżistenti bil-għan li jiftħu l-aċċess għas-swieq u jimmassimizzaw il-benefiċċji għall-konsumaturi, il-linji tal-ajru, il-ħaddiema, u l-komunitajiet fuq iż-żewġ naħat tal-Atlantiku;

Filwaqt li jirrikonoxxu l-importanza li jittejjeb l-aċċess tal-linji tal-ajru tagħhom għas-swieq kapitali globali bil-għan li tissaħħaħ il-kompetizzjoni u jiġu promossi l-objettivi ta’ dan il-Ftehim;

Bil-ħsieb li jistabbilixxu preċedent ta’ importanza globali biex jippromwovu l-benefiċċji tal-liberalizzazzjoni f’dan is-settur ekonomiku kruċjali;

FILWAQT LI JIRRIKONOXXU li l-Unjoni Ewropea ħadet post u ssuċċediet il-Komunità Ewropea bħala konsegwenza tad-dħul fis-seħħ fl-1 ta’ Diċembru 2009, tat-Trattat ta’ Lisbona li jemenda t-Trattat dwar l-Unjoni Ewropea u t-Trattat li jistabbilixxi l-Komunità Ewropea, u li minn dik id-data, id-drittijiet u l-obbligi kollha tal-Komunità Ewropea u r-referenzi kollha għalija fil-Ftehim dwar it-Trasport bl-Ajru ffirmat mill-Komunità Ewropea u l-Istati Membri tagħha u l-Istati Uniti tal-Amerika fil-25 u 30 ta’ April 2007, japplikaw għall-Unjoni Ewropea;

Ftiehmu kif ġej:

Artikolu 1

Definizzjoni

“Parti” tfisser l-Istati Uniti, l-Unjoni Ewropea u l-Istati Membri tagħha, l-Iżlanda, jew in-Norveġja.

Artikolu 2

Applikazzjoni tal-Ftehim dwar it-Trasport bl-Ajru kif emendat mill-Protokoll

u l-Anness ta' dan il-Ftehim

Id-dispożizzjonijiet tal-Ftehim dwar it-Trasport bl-Ajru ffirmat mill-Komunità Ewropea u l-Istati Membri tagħha u l-Istati Uniti tal-Amerika fil-25 u 30 ta’ April 2007 (minn hawn ’il quddiem, “il-Ftehim dwar it-Trasport bl-Ajru”), kif emendat mill-Protokoll li jemenda l-Ftehim dwar it-Trasport bl-Ajru li ġie ffirmat mill-Istati Uniti tal-Amerika u l-Unjoni Ewropea fl-24 ta’ Ġunju 2010 (minn hawn ’il quddiem, “il-Protokoll”), li qed jiġu inkorporati b’referenza, għandhom japplikaw għall-Partijiet kollha f’dan il-Ftehim, suġġetti għall-Anness ta' dan il-Ftehim. Id-dispożizzjonijiet tal-Ftehim dwar it-Trasport bl-Ajru, kif emendat mill-Protokoll, għandhom japplikaw għall-Iżlanda u n-Norveġja daqslikieku kienu Stati Membri tal-Unjoni Ewropea, biex l-Iżlanda u n-Norveġja jkollhom id-drittijiet u l-obbligi kollha tal-Istati Membri skont dak il-ftehim. Id-dispożizzjonijiet tal-Anness ta' dan il-Ftehim jiffurmaw parti integrali minn dan il-Ftehim.

ARTIKOLU 3

Terminazzjoni

1.    L-Istati Uniti jew l-Unjoni Ewropea u l-Istati Membri tagħha, jistgħu, fi kwalunkwe ħin, jagħtu avviż bil-miktub permezz ta’ kanali diplomatiċi lit-tliet Partijiet l-oħra, tad-deċiżjoni tagħhom li jtemmu dan il-Ftehim jew li jwaqqfu l-applikazzjoni provviżorja ta’ dan l-Ftehim skont l-Artikolu 5.

Kopja tal-avviż għandha tintbagħat fl-istess ħin lill-Organizzazzjoni tal-Avjazzjoni Ċivili Internazzjonali (ICAO). Dan il-Ftehim għandu jintemm, jew l-applikazzjoni provviżorja ta’ dan il-Ftehim għandha tieqaf, f’nofsillejl GMT fl-aħħar tal-istaġun tat-traffiku tal-Assoċjazzjoni Internazzjonali tat-Trasport bl-Ajru (IATA) li jkun fis-seħħ sena wara d-data tan-notifika bil-miktub, sakemm l-avviż ma jiġix irtirat qabel it-tmiem ta’ dan il-perjodu bi qbil bejn il-Partijiet kollha.

2.    L-Iżlanda jew in-Norveġja jistgħu, fi kwalunkwe ħin, jagħtu avviż bil-miktub lill-Partijiet l-oħra, permezz ta’ kanali diplomatiċi, tad-deċiżjoni tagħhom li jirtiraw minn dan il-Ftehim jew li jtemmu l-applikazzjoni provviżorja tiegħu skont l-Artikolu 5. Kopja tal-avviż għandha tintbagħat fl-istess ħin lill-ICAO. Tali rtirar jew waqfien tal-applikazzjoni provviżorja għandu jkun effettiv f’nofsillejl GMT fl-aħħar tal-istaġun tat-traffiku tal-IATA li jkun fis-seħħ sena wara d-data tan-notifika bil-miktub, sakemm l-avviż ma jiġix irtirat qabel it-tmiem ta’ dan il-perjodu bi qbil bejn il-Parti li tagħti l-avviż bil-miktub, l-Istati Uniti, u l-Unjoni Ewropea u l-Istati Membri tagħha.

3.    L-Istati Uniti jew l-Unjoni Ewropea u l-Istati Membri tagħha jistgħu, fi kwalunkwe ħin, jagħtu avviż bil-miktub permezz ta’ kanali diplomatiċi, lill-Iżlanda jew lin-Norveġja, tad-deċiżjoni tagħhom li jtemmu dan il-Ftehim jew li jwaqqfu l-applikazzjoni provviżorja tiegħu, fir-rigward tal-Iżlanda jew in-Norveġja. Kopji tal-avviż għandhom jintbagħtu fl-istess ħin liż-żewġ Partijiet l-oħra għal dan il-Ftehim u lill-ICAO. It-terminazzjoni jew il-waqfien tal-applikazzjoni provviżorja fir-rigward tal-Iżlanda jew tan-Norveġja għandu jkun effettiv f’nofsillejl GMT fl-aħħar tal-istaġun tat-traffiku tal-IATA li jkun fis-seħħ sena wara d-data tan-notifika bil-miktub, sakemm l-avviż ma jiġix irtirat qabel it-tmiem ta’ dan il-perjodu bi qbil bejn l-Istati Uniti, l-Unjoni Ewropea u l-Istati Membri tagħha, u l-Parti li tirċievi l-avviż.

4.    Għall-finijiet tan-noti diplomatiċi kkontemplati minn dan l-Artikolu, in-noti diplomatiċi lill-Unjoni Ewropea u l-Istati Membri tagħha jew mingħandhom għandhom jintbagħtu lill-Unjoni Ewropea jew minnha skont kif ikun il-każ.

5.    Minkejja kull dispożizzjoni oħra ta’ dan l-Artikolu, jekk il-Ftehim dwar it-Trasport bl-Ajru, kif emendat mill-Protokoll, jiġi tterminat, dan il-Ftehim għandu jintemm fl-istess ħin.

ARTIKOLU 4

Reġistrazzjoni mal-ICAO

Dan il-Ftehim u l-emendi kollha li jsiru fih għandhom jiġu rreġistrati mal-ICAO mis-Segretarjat Ġenerali tal-Kunsill tal-Unjoni Ewropea.

ARTIKOLU 5

Applikazzjoni Provviżorja

Sakemm jidħol fis-seħħ, il-Partijiet jaqblu li japplikaw dan il-Ftehim b’mod provviżorju, sa fejn permess skont il-liġi domestika applikabbli, mid-data tal-firma. Jekk il-Ftehim dwar it-Trasport bl-Ajru, kif emendat mill-Protokoll, jiġi tterminat skont l-Artikolu 23 tiegħu, jew l-applikazzjoni provviżorja tiegħu titwaqqaf skont l-Artikolu 25 ta’ dak il-Ftehim, jew l-applikazzjoni provviżorja tal-Protokoll titwaqqaf skont l-Artikolu 9 tal-Protokoll, l-applikazzjoni provviżorja ta’ dan il-Ftehim għandha tieqaf fl-istess ħin.

ARTIKOLU 6

Dħul fis-seħħ

Dan il-Ftehim għandu jidħol fis-seħħ fl-aktar waħda tard minn dawn li ġejjin:

1.    id-data tad-dħul fis-seħħ tal-Ftehim dwar it-Trasport bl-Ajru,

2.    id-data tad-dħul fis-seħħ tal-Protokoll, u

3.    xahar wara d-data tal-aħħar nota tal-iskambji tan-noti diplomatiċi bejn il-Partijiet li jikkonfermaw li tlestew il-proċeduri neċessarji kollha għad-dħul fis-seħħ ta’ dan il-Ftehim.

Għall-finijiet ta’ dan l-iskambju ta’ noti diplomatiċi, in-noti diplomatiċi lill-Unjoni Ewropea u l-Istati Membri tagħha jew mingħandhom għandhom jintbagħtu lill-Unjoni Ewropea jew minnha, skont kif ikun il-każ. In-nota jew noti diplomatiċi mill-Unjoni Ewropea u l-Istati Membri tagħha għandhom jinkludu komunikazzjonijiet minn kull Stat Membru li jikkonferma li jkunu tlestew il-proċeduri neċessarji tiegħu għad-dħul fis-seħħ ta’ dan il-Ftehim.

B’XHIEDA TA’ DAN il-firmatarji, debitament awtorizzati, iffirmaw dan il-Ftehim.

MAGĦMUL fi ………., f’erba’ kopji, illum ………. jum ta’ …………….

GĦALL-ISTATI UNITI TAL-AMERIKA    GĦAR-RENJU TAL-BELĠJU

GĦAR-REPUBBLIKA TAL-BULGARIJA

GĦAR-REPUBBLIKA ĊEKA

GĦAR-RENJU TAD-DANIMARKA

GĦAR-REPUBBLIKA FEDERALI TAL-ĠERMANJA

GĦAR-REPUBBLIKA TAL-ESTONJA

GĦALL-IRLANDA

GĦAR-REPUBBLIKA ELLENIKA

GĦAR-RENJU TA’ SPANJA

GĦAR-REPUBBLIKA FRANĊIŻA

GĦAR-REPUBBLIKA TALJANA

GĦAR-REPUBBLIKA TA’ ĊIPRU

GĦAR-REPUBBLIKA TAL-LATVJA

GĦAR-REPUBBLIKA TAL-LITWANJA

GĦALL-GRAN DUKAT TAL-LUSSEMBURGU

GĦAR-REPUBBLIKA TAL-UNGERIJA

GĦAR-REPUBBLIKA TA’ MALTA

GĦAR-RENJU TAN-NETHERLANDS

GĦAR-REPUBBLIKA TAL-AWSTRIJA

GĦAR-REPUBBLIKA TAL-POLONJA

GĦAR-REPUBBLIKA PORTUGIŻA

GĦAR-RUMANIJA

GĦAR-REPUBBLIKA TAS-SLOVENJA

GĦAR-REPUBBLIKA SLOVAKKA

GĦAR-REPUBBLIKA TAL-FINLANDJA

GĦAR-RENJU TAL-IŻVEZJA

GĦAR-RENJU UNIT TAL-GRAN BRITTANJA U L-IRLANDA TA’ FUQ

GĦALL-UNJONI EWROPEA

Għall-Iżlanda

Għar-Renju tan-Norveġja:

ANNESS

Dispożizzjonijiet speċifiċi fir-Rigward tal-Iżlanda u n-Norveġja

Id-dispożizzjonijiet tal-Ftehim dwar it-Trasport bl-Ajru, kif emendat mill-Protokoll, u modifikati kif ġej, għandhom japplikaw għall-Partijiet kollha f’dan il-Ftehim. Id-dispożizzjonijiet tal-Ftehim dwar it-Trasport bl-Ajru, kif emendat mill-Protokoll, għandhom japplikaw għall-Iżlanda u n-Norveġja daqslikieku kienu Stati Membri tal-Unjoni Ewropea, biex l-Iżlanda u n-Norveġja jkollhom id-drittijiet u l-obbligi kollha tal-Istati Membri skont dak il-ftehim:

1.    Il-paragrafu 9 tal-Artikolu 1 tal-Ftehim dwar it-Trasport bl-Ajru, kif emendat mill-Protokoll, għandu jaqra kif ġej:

“Territorju” tfisser, għall-Istati Uniti, iż-żoni tal-art (l-art prinċipali u l-gżejjer), l-ilmijiet interni u l-baħar territorjali taħt is-sovranità jew il-ġurisdizzjoni tiegħu, u, għall-Unjoni Ewropea u l-Istati Membri tagħha, iż-żoni tal-art (l-art prinċipali u l-gżejjer), l-ilmijiet interni u l-baħar territorjali li fihom jiġi applikat il-Ftehim dwar iż-Żona Ekonomika Ewropea u bil-kundizzjonijiet stipulati f’dak il-ftehim u kwalunkwe strument suċċessur, bl-eċċezzjoni taż-żoni tal-art u l-ilmijiet interni taħt is-sovranità jew il-ġurisdizzjoni tal-Prinċipat tal-Liechtenstein; l-applikazzjoni ta’ dan il-Ftehim għall-ajruport ta’ Ġibiltà hija mifhuma li tkun mingħajr ħsara għall-pożizzjonijiet legali rispettivi tar-Renju ta’ Spanja u tar-Renju Unit fir-rigward tat-tilwima dwar is-sovranità fuq it-territorju li fih jinsab l-ajruport, u għat-tkomplija tas-sospensjoni tal-Ajruport ta’ Ġibiltà mill-miżuri tal-avjazzjoni tal-Unjoni Ewropea li jeżistu mit-18 ta’ Settembru 2006 bejn l-Istati Membri, skont l-istqarrija Ministerjali dwar l-Ajruport ta’ Ġibiltà li ġiet miftiehma f’Córdoba fit-18 ta’ Settembru 2006; kif ukoll

2.    L-Artikoli 23 sa 26 tal-Ftehim dwar it-Trasport bl-Ajru, kif emendat mill-Protokoll, ma għandhomx japplikaw għall-Iżlanda u n-Norveġja.

3.    L-Artikoli 9 u 10 tal-Protokoll ma għandhomx japplikaw għall-Iżlanda u n-Norveġja.

4.    Dan li ġej għandu jiżdied mat-Taqsima 1 tal-Anness 1 tal-Ftehim dwar it-Trasport bl-Ajru, kif emendat mill-Protokoll:

w.    L-Iżlanda: Il-Ftehim dwar it-Trasport bl-Ajru, iffirmat f’Washington fl-14 ta’ Ġunju, 1995; emendat fl-1 ta’ Marzu 2002 bi skambju ta’ noti; emendat fl-14 ta’ Awwissu 2006 u fid-9 ta’ Marzu 2007 bi skambju ta’ noti.

x.    Ir-Renju tan-Norveġja: Il-Ftehim dwar is-Servizzi tat-Trasport bl-Ajru affettwat bl-iskambji ta’ noti f’Washington, fis-6 ta’ Ottubru 1945; emendat fis-6 ta’ Awwissu 1954 bi skambju ta’ noti; emendat fis-16 ta’ Ġunju 1995 bi skambju ta’ noti.

5.    It-test tat-Taqsima 2 tal-Anness 1 tal-Ftehim dwar it-Trasport bl-Ajru, kif emendat mill-Protokoll, għandu jinqara kif ġej:

Minkejja t-Taqsima 1 ta’ dan l-Anness, għaż-żoni li mhumiex inkorporati fid-definizzjoni ta’ “territorju” fl-Artikolu 1 ta’ dan il-Ftehim, il-ftehimiet fil-paragrafi (e) (id-Danimarka-l-Istati Uniti), (g) (Franza-l-Istati Uniti), (v) (ir-Renju Unit-l-Istati Uniti), u (x) (in-Norveġja-l-Istati Uniti) ta’ dik it-taqsima għandhom ikomplu japplikaw, skont it-termini tagħhom.

6.    It-test tat-Taqsima 3 tal-Anness 1 tal-Ftehim dwar it-Trasport bl-Ajru, kif emendat mill-Protokoll, għandu jinqara kif ġej:

   Minkejja l-Artikolu 3 ta’ dan il-Ftehim, il-linji tal-ajru tal-US mhux se jkollhom id-dritt li jipprovdu servizzi ta’ merkanzija biss, li ma jkunux parti minn servizz li jaqdi lill-Istati Uniti, lejn jew minn punti fl-Istati Membri, ħlief lejn jew minn punti fir-Repubblika Ċeka, ir-Repubblika Franċiża, ir-Repubblika Federali tal-Ġermanja, il-Gran Dukat tal-Lussemburgu, ir-Repubblika ta’ Malta, ir-Repubblika tal-Polonja, ir-Repubblika Portugiża, ir-Repubblika Slovakka, l-Iżlanda, u r-Renju tan-Norveġja.

7.    Is-sentenza li ġejja għandha tiżdied fit-tmiem tal-Artikolu 3 tal-Anness 2 tal-Ftehim dwar it-Trasport bl-Ajru, kif emendat mill-Protokoll:

   Għall-Iżlanda u għan-Norveġja, dan jinkludi, iżda mhuwiex limitat għal, l-Artikoli 53, 54, u 55 tal-Ftehim dwar iż-Żona Ekonomika Ewropea u r-Regolamenti tal-UE li jimplimentaw l-Artikoli 101, 102 u 105 tat-Trattat dwar il-Funzjonament tal-Unjoni Ewropea kif inkorporati fil-Ftehim dwar iż-Żona Ekonomika Ewropea, kif ukoll kwalunkwe emendi li jsiru fihom.

8.    Il-paragrafu 4 tal-Artikolu 21 tal-Ftehim dwar it-Trasport bl-Ajru kif emendat mill-Protokoll għandu japplika għall-Iżlanda u għan-Norveġja sa fejn il-liġijiet u r-regolamenti rilevanti tal-Unjoni Ewropea jiġu inkorporati fil-Ftehim dwar iż-Żona Ekonomika Ewropea, f'konformità ma’ kwalunkwe addattament li jkun stipulat fih.

Dikjarazzjoni Konġunta

Ir-rappreżentanti tal-Istati Uniti tal-Amerika, l-Unjoni Ewropea u l-Istati Membri tagħha, l-Iżlanda, u r-Renju tan-Norveġja kkonfermaw li t-test tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Iżlanda, bħala t-tielet parti, u r-Renju tan-Norveġja, bħala r-raba’ parti (il-”Ftehim”), għandu jiġi awtentikat f’lingwi oħra, kif previst, qabel l-iffirmar tal-Ftehim, bi Skambji ta’ Ittri bejn l-Istati Uniti tal-Amerika, il-Kummissjoni Ewropea f’isem l-Unjoni Ewropea u l-Istati Membri tagħha, l-Iżlanda, u r-Renju tan-Norveġja jew, wara l-iffirmar tal-Ftehim, b’deċiżjoni tal-Kumitat Konġunt.

Din id-Dikjarazzjoni Konġunta hija parti integrali tal-Ftehim.