This document is an excerpt from the EUR-Lex website
Document 52015TA1209(19)
Report on the annual accounts of the European Institute for Gender Equality for the financial year 2014, together with the Institute’s reply
Rapport dwar il-kontijiet annwali tal-Istitut Ewropew għall-Ugwaljanza bejn is-Sessi għas-sena finanzjarja 2014 flimkien mar-risposta tal-Istitut
Rapport dwar il-kontijiet annwali tal-Istitut Ewropew għall-Ugwaljanza bejn is-Sessi għas-sena finanzjarja 2014 flimkien mar-risposta tal-Istitut
ĠU C 409, 9.12.2015, p. 168–174
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
9.12.2015 |
MT |
Il-Ġurnal Uffiċjali tal-Unjoni Ewropea |
C 409/168 |
RAPPORT
dwar il-kontijiet annwali tal-Istitut Ewropew għall-Ugwaljanza bejn is-Sessi għas-sena finanzjarja 2014 flimkien mar-risposta tal-Istitut
(2015/C 409/19)
INTRODUZZJONI
1. |
L-Istitut Ewropew għall-Ugwaljanza bejn is-Sessi (minn hawn ’il quddiem “l-Istitut”, magħruf ukoll bħala l-“EIGE”), li jinsab f’Vilnius, ġie stabbilit bir-Regolament (KE) Nru 1922/2006 tal-Parlament Ewropew u tal-Kunsill (1). Il-kompitu tal-Istitut huwa li jiġbor, janalizza u jxerred informazzjoni dwar l-ugwaljanza bejn is-sessi u li jiżviluppa, janalizza, jevalwa u jxerred għodod ta’ metodoloġija sabiex jappoġġa l-integrazzjoni tal-ugwaljanza bejn is-sessi fil-politika kollha tal-Unjoni u l-politika nazzjonali li tirriżulta (2). |
INFORMAZZJONI LI TAPPOĠĠA D-DIKJARAZZJONI TA' ASSIGURAZZJONI
2. |
L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ superviżjoni u kontroll tal-Istitut. Dan huwa ssupplimentat b’evidenza pprovduta mix-xogħol ta’ awdituri oħrajn u analiżi tar-rappreżentazzjonijiet tal-maniġment. |
DIKJARAZZJONI TA' ASSIGURAZZJONI
Ir-responsabbiltà tal-maniġment
Ir-responsabbiltà tal-awditur
Opinjoni dwar l-affidabbiltà tal-kontijiet
Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet
|
10. |
Il-kummenti li ġejjin ma jixħtux dubju fuq l-opinjonijiet tal-Qorti. |
KUMMENTI DWAR IL-ĠESTJONI BAĠITARJA
11. |
Il-livell ta' riporti għal approprjazzjonijiet impenjati kien għoli għat-Titolu III (nefqa operazzjonali) f’livell ta’ EUR 1,8 miljun, jiġifieri 54 % (2013: EUR 2,0 miljun, jiġifieri 56 %). Ir-raġunijiet prinċipali kienu akkwisti, ta' stħarriġiet u studji, li ddewmu, u studji li għadhom għaddejjin u li huma mistennija jiġu ffinalizzati kif ippjanat fl-2015. |
SEGWITU GĦALL-KUMMENTI MIS-SNIN PREĊEDENTI
12. |
Ħarsa ġenerali lejn l-azzjonijiet korrettivi li ttieħdu b’rispons għall-kummenti tal-Qorti mis-snin preċedenti tingħata fl-Anness I. |
Dan ir-Rapport ġie adottat mill-Awla IV, immexxija mis-Sur Milan Martin CVIKL, Membru tal-Qorti tal-Awdituri, fil-Lussemburgu fil-laqgħa tagħha tat-8 ta' Settembru 2015.
Għall-Qorti tal-Awdituri
Vítor Manuel da SILVA CALDEIRA
President
(1) ĠU L 403, 30.12.2006, p. 9.
(2) L-Anness II jagħti sommarju tal-kompetenzi u l-attivitajiet tal-Istitut. Huwa ppreżentat għal skopijiet ta' informazzjoni.
(3) Dawn jinkludu l-karta tal-bilanċ u r-rapport tal-prestazzjoni finanzjarja, it-tabella tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(4) Dawn jinkludu l-kont tar-riżultat baġitarju u l-anness għall-kont tar-riżultat baġitarju.
(5) L-Artikoli 39 u 50 tar-Regolament ta' Delega tal-Kummissjoni (UE) Nru 1271/2013 (ĠU L 328, 7.12.2013, p. 42).
(6) Ir-regoli kontabilistiċi adottati mill-uffiċjal tal-kontabbiltà tal-Kummissjoni huma dderivati mill-Istandards Internazzjonali tal-Kontabbiltà għas-Settur Pubbliku (IPSAS) maħruġa mill-Federazzjoni Internazzjonali tal-Kontabilisti jew, fejn rilevanti, l-Istandards Internazzjonali tal-Kontabbiltà (IAS)/l-Istandards Internazzjonali tar-Rappurtar Finanzjarju (IFRS) maħruġa mill-Bord dwar l-Istandards Internazzjonali tal-Kontabbiltà.
(7) L-Artikolu 107 tar-Regolament (UE) Nru 1271/2013.
(8) Ir-Regolament (UE, Euratom) Nru 966/2012 tal-Parlament Ewropew u tal-Kunsill (ĠU L 298, 26.10.2012, p. 1).
ANNESS I
Segwitu għall-kummenti mis-snin preċedenti
Sena |
Kumment tal-Qorti |
Status tal-azzjoni korrettiva (Ikkompletata/Għadha għaddejja/Pendenti/M/A) |
2011 |
Is-Servizz tal-Awditjar Intern tal-Kummissjoni Ewropea wettaq “Analiżi limitata tal-implimentazzjoni tal-Istandards ta' Kontroll Intern” fl-Istitut f’Diċembru 2011. L-Istitut aċċetta r-rakkomandazzjonijiet biex jiffinalizza l-proċedura għall-implimentazzjoni tal-Istandards ta' Kontroll Intern, u l-maniġment adotta pjan ta’ azzjoni li għandu jiġi implimentat fl-2012. |
Ikkompletata |
2012 |
Il-Qorti identifikat nuqqasijiet fid-dokumentazzjoni tal-proċeduri ta' reklutaġġ. Ma hemm ebda evidenza li l-mistoqsijiet għat-testijiet bil-miktub u l-intervisti, kif ukoll il-ponderazzjonijiet rispettivi tagħhom tħejjew qabel ma ġew eżaminati l-applikazzjonijiet. |
Ikkompletata |
2013 |
Fl-2013 il-livell kumplessiv ta' approprjazzjonijiet impenjati kien ta' 99 %, li jindika li l-impenji saru b'mod f'waqthom. L-Istitut kompla jnaqqas il-livell kumplessiv ta’ riporti ta' approprjazzjonijiet impenjati minn EUR 2,5 miljun (32 %) fl-2012 għal EUR 2,2 miljun (29 %) fl-2013. Dawn ir-riporti huma prinċipalment relatati għat-Titolu III (nefqa operazzjonali) b'EUR 2,0 miljun, li jirrappreżentaw 56 % tal-approprjazzjonijiet impenjati korrispondenti. Huma jikkonċernaw prinċipalment proċeduri ta' akkwist li ġew konklużi tard fis-sena minħabba raġunijiet li fil-biċċa l-kbira kienu barra mill-kontroll tal-Istitut, bħal komunikazzjoni tardiva mill-Presidenza tal-Kunsill tal-UE fir-rigward ta' studju li kellu jitwettaq (EUR 1,1 miljun) u proġetti kumplessi relatati mal-IT li l-akkwist tagħhom ħa ħafna żmien (EUR 0,6 miljun). |
M/A |
ANNESS II
L-Istitut Ewropew għall-Ugwaljanza bejn is-Sessi (Vilnius)
Kompetenzi u attivitajiet
Oqsma ta' kompetenza tal-Unjoni li jidderivaw mit-Trattat (L-Artikoli 2 u 3 tat-Trattat dwar l-Unjoni Ewropea) |
L-Unjoni hija bbażata fuq il-valuri tar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, inklużi d-drittijiet ta' persuni li jagħmlu parti minn minoranzi. Dawn il-valuri huma komuni għall-Istati Membri f'soċjetà fejn jipprevalu l-pluraliżmu, in-nondiskriminazzjoni, it-tolleranza, il-ġustizzja, is-solidarjetà u l-ugwaljanza bejn in-nisa u l-irġiel. Hija għandha tiġġieled kontra l-esklużjoni soċjali u d-diskriminazzjoni, u tippromwovi l-ġustizzja u l-protezzjoni soċjali, l-ugwaljanza bejn in-nisa u l-irġiel, is-solidarjetà bejn il-ġenerazzjonijiet u l-protezzjoni tad-drittijiet tat-tfal. |
||||||||||||||||||||||||
Kompetenzi tal-Istitut (Ir-Regolament (KE) Nru 1922/2006 tal-Parlament Ewropew u tal-Kunsill) |
Għanijiet Li jikkontribwixxi għal u jsaħħaħ il-promozzjoni tal-ugwaljanza bejn is-sessi, inkluża l-integrazzjoni tas-sessi fil-politika kollha tal-Unjoni u l-politika nazzjonali li tirriżulta, u l-ġlieda kontra d-diskriminazzjoni abbażi tas-sess, u li jżid l-għarfien taċ-ċittadini tal-UE dwar l-ugwaljanza bejn is-sessi. Kompiti
|
||||||||||||||||||||||||
Governanza |
Bord ta’ Tmexxija Kompożizzjoni Tmintax-il rappreżentant maħtur mill-Kunsill, abbażi ta' proposta minn kull wieħed mill-Istati Membri kkonċernati u membru wieħed li jirrappreżenta lill-Kummissjoni, maħtur mill-Kummissjoni. Il-membri jinħatru abbażi tal-ogħla standards ta' kompetenza u medda wiesgħa ta' kompetenza rilevanti u transdixxiplinarja fil-qasam tal-ugwaljanza bejn is-sessi. Il-Kunsill u l-Kummissjoni għandhom jimmiraw li jiksbu rappreżentanza bilanċjata bejn l-irġiel u n-nisa fuq il-Bord ta' Tmexxija. Il-membri maħtura mill-Kunsill għandhom jirrappreżentaw 18-il Stat Membru fl-ordni tar-rotazzjoni tal-Presidenzi. Dmirijiet
Forum ta’ Esperti Kompożizzjoni Membri mill-korpi kompetenti speċjalizzati fil-kwistjonijiet tal-ugwaljanza bejn is-sessi, rappreżentant wieħed maħtur minn kull Stat Membru, żewġ membri li jirrappreżentaw organizzazzjonijiet rilevanti oħra speċjalizzati fi kwistjonijiet ta' ugwaljanza bejn is-sessi maħtura mill-Parlament Ewropew, tliet membri maħtura mill-Kummissjoni. Dmirijiet Jappoġġa lid-Direttur fl-iżgurar tal-eċċellenza u l-indipendenza tal-attivitajiet tal-Istitut, jikkostitwixxi mekkaniżmu għal skambju ta’ informazzjoni fir-rigward ta' kwistjonijiet ta' ugwaljanza bejn is-sessi u l-ġbir kollettiv ta’ għarfien, u jiżgura kooperazzjoni mill-qrib bejn l-Istitut u l-korpi kompetenti fl-Istati Membri. Id-Direttur huwa maħtur mill-Bord ta’ Tmexxija abbażi ta’ lista ta’ kandidati proposti mill-Kummissjoni wara kompetizzjoni miftuħa. Dmirijiet Responsabbli għat-twettiq tal-kompiti msemmijin fir-Regolament (KE) Nru 1922/2006, it-tħejjija u l-implimentazzjoni tal-programmi ta’ attivitajiet annwali u ta’ terminu medju tal-Istitut; it-tħejjija tal-laqgħat tal-Bord ta’ Tmexxija u tal-Forum ta’ Esperti; it-tħejjija u l-pubblikazzjoni tar-rapport annwali; il-kwistjonijiet kollha relatati mal-persunal: kwistjonijiet ta’ amministrazzjoni ta’ kuljum; l-implimentazzjoni ta’ monitoraġġ effettiv u proċeduri ta’ evalwazzjoni relatati mal-prestazzjoni tal-Istitut. Awditu estern Il-Qorti Ewropea tal-Awdituri. Awditu intern Is-Servizz tal-Awditjar Intern tal-Kummissjoni Ewropea (IAS). Awtorità ta' kwittanza Il-Parlament Ewropew fuq rakkomandazzjoni mill-Kunsill. |
||||||||||||||||||||||||
Riżorsi disponibbli għall-Istitut fl-2014 (2013) |
Baġit Finali EUR 7,4(7,5) miljun li minnhom is-sussidju tal-Unjoni huwa 98,5 % (100 %) Persunal fil-31 ta’ Diċembru 2014 29 (30) post previst fit-tabella tal-persunal, li minnhom okkupati: 29 (30); 11 (16)-il membru ieħor tal-persunal (persunal kuntrattwali, esperti nazzjonali sekondati). Total tal-persunal fil-31 ta’ Diċembru 2014 40 (46), li jwettqu l-kompiti li ġejjin:
|
||||||||||||||||||||||||
Prodotti u servizzi fl-2014 (2013) |
Oqsma Fokali Data u indikaturi paragunabbli u affidabbli dwar l-ugwaljanza bejn is-sessi; implimentazzjoni tal-ugwaljanza bejn is-sessi u l-integrazzjoni tas-sessi; ċentru ta’ riżorsi u dokumentazzjoni (RDC); żieda fl-għarfien, netwerking u komunikazzjoni. Għadd ta’ studji mnedija: 8 (14) Għadd ta’ kontributi lill-pajjiżi li jkollhom il-Presidenza: 2 (2) Għadd ta’ laqgħat tal-esperti u tal-gruppi ta’ ħidma: 26 (13) Konferenzi internazzjonali: 1 (2) Għadd ta’ rapporti ta’ riċerka: 2 (2) Rapporti annwali: 1 (1) |
||||||||||||||||||||||||
Sors: Anness ipprovdut mill-Istitut. |
IT-TWEĠIBA TAL-ISTITUT
11. |
L-Istitut jaqbel. Mill-bidu tal-operazzjoni tiegħu l-EIGE għamel l-isforzi kollha biex inaqqas l-ammont ta' riporti fil-baġit operazzjonali. L-EIGE jsegwi, fuq parir, livelli aċċettabli skont it-Titolu (TITOLU 1: MASS 10 %, TITOLU II: MASS 20 %, TITOLU III: MASS 30 %). Madankollu, skont l-approprjazzjonijiet operazzjonali, id-dewmien qiegħed iseħħ minħabba ċirkostanzi li l-EIGE m'għandux kontroll fuqhom, jiġifieri, deċiżjoni tardiva mill-Presidenza tal-Kunsill tal-UE dwar suġġett tal-istudju. |