This document is an excerpt from the EUR-Lex website
Document 52015PC0060
Proposal for a COUNCIL DECISION on the conclusion, on behalf of the European Union and its Member States, of a Protocol amending the Common Aviation Area Agreement between the European Union and its Member States and the Republic of Moldova, to take account of the accession to the European Union of the Republic of Croatia
Proposta għal DEĊIŻJONI TAL-KUNSILL dwar il-konklużjoni, f’isem l-Unjoni Ewropea u l-Istati Membri tagħha, ta' Protokoll li jemenda l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova, biex titqies l-adeżjoni tar-Repubblika tal-Kroazja mal-Unjoni Ewropea
Proposta għal DEĊIŻJONI TAL-KUNSILL dwar il-konklużjoni, f’isem l-Unjoni Ewropea u l-Istati Membri tagħha, ta' Protokoll li jemenda l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova, biex titqies l-adeżjoni tar-Repubblika tal-Kroazja mal-Unjoni Ewropea
/* COM/2015/060 final - 2015/0035 (NLE) */
Proposta għal DEĊIŻJONI TAL-KUNSILL dwar il-konklużjoni, f’isem l-Unjoni Ewropea u l-Istati Membri tagħha, ta' Protokoll li jemenda l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova, biex titqies l-adeżjoni tar-Repubblika tal-Kroazja mal-Unjoni Ewropea /* COM/2015/060 final - 2015/0035 (NLE) */
MEMORANDUM TA’ SPJEGAZZJONI 1) Kuntest tal-proposta 110 || · Raġunijiet għall-proposta u l-għanijiet tagħha / kuntest ġenerali Il-Ftehim dwar l-Ispazju Komuni tal-Avjazzjoni bejn l-Unjoni Ewropea, l-Istati Membri tagħha u r-Repubblika tal-Moldova ġie negozjat abbażi tad-Deċiżjoni tal-Kunsill tas-16 ta' Ġunju 2011 li tawtorizza l-ftuħ tan-negozjati. Il-Ftehim ġie ffirmat fis-26 ta’ Ġunju 2012. 120 || Ir-Repubblika tal-Kroazja ngħaqdet mal-Unjoni Ewropea fl-1 ta' Lulju 2013. Skont l-Artikolu 6(2) tal-Att dwar il-Kundizzjonijiet tal-Adeżjoni, il-Kroazja ntrabtet li taderixxi mal-ftehimiet konklużi jew iffirmati mill-Istati Membri u l-Unjoni ma’ pajjiż terz wieħed jew aktar jew ma’ organizzazzjoni internazzjonali. Ġie negozjat Protokoll, li fih l-adattamenti lingwistiċi meħtieġa tal-Ftehim li jirriżultaw mill-adeżjoni tal-Kroazja. Skont l-Artikolu 6(2) imsemmi hawn fuq kif ukoll l-Artikoli 100(2) u 218(5) tat-Trattat dwar il-Funzjonament tal-Unjoni Ewropea, l-iffirmar tal-Protokoll ġie approvat permezz tad-Deċiżjoni ta' […], u l-Protokoll ġie ffirmat fi [….] Il-Protokoll issa għandu jkun approvat, abbażi tal-Artikoli 100(2) u 218(6)(a) tat-Trattat dwar il-Funzjonament tal-Unjoni Ewropea, flimkien mal-Artikolu 6(2) tal-Att ta’ Adeżjoni. 130 || · Dispożizzjonijiet eżistenti fil-qasam kopert mill-proposta Id-dispożizzjonijiet tal-Protokoll jieħdu post jew jikkumplimentaw id-dispożizzjonijiet fil-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova. 140 || · Konsistenza ma’ politiki u għanijiet oħra tal-Unjoni Il-Ftehim mal-Moldova jifforma parti mill-qafas tal-politika esterna tal-avjazzjoni tal-Unjoni stabbilit permezz tal-Kommunikazzjoni tal-Kummissjoni COM(2005)79: “Developing the agenda for the Community’s external aviation policy” u reċentament riveduta permezz tal-Kommunikazzjoni tal-Kummissjoni COM(2012)556: “Il-Politika Esterna tal-UE dwar l-Avjazzjoni - Nindirizzaw l-Isfidi tal-Futur" u l-Konklużjonijiet tal-Kunsill korrispondenti. 2) Konsultazzjoni mal-partijiet interessati u valutazzjoni tal-impatt · || · Konsultazzjoni mal-partijiet interessati 211 || Metodi ta' konsultazzjoni, is-setturi ewlenin fil-mira u l-profil ġenerali ta' dawk li wieġbu Mhux applikabbli 212 || Sommarju tar-risposti u kif dawn ġew ikkunsidrati Mhux applikabbli 3) ELEMENTI LEGALI TAL-PROPOSTA 305 || · Sommarju tal-miżuri proposti Il-Protokoll jiżgura li ssir l-emenda meħtieġa li għandha ssir fil-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova wara l-adeżjoni tal-Kroazja mal-UE fl-1 ta’ Lulju 2013. 310 || · Bażi legali L-Artikolu 100(2) u l-Artikolu 218(6)(a) tat-Trattat dwar il-Funzjonament tal-Unjoni Ewropea, flimkien mal-Artikolu 6(2) tal-Att ta’ Adeżjoni. 4) Implikazzjonijiet tal-baġit 409 || Il-proposta ma għandhiex implikazzjonijiet għall-baġit tal-Unjoni. 5) INFORMAZZJONI ADDIZZJONALI 570 || · Spjegazzjoni dettaljata tal-proposta Il-Kunsill huwa mitlub japprova l-iffirmar tal-Protokoll li jemenda l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati Membri tagħha u r-Repubblika tal-Moldova. 2015/0035 (NLE) Proposta għal DEĊIŻJONI TAL-KUNSILL dwar il-konklużjoni, f’isem l-Unjoni
Ewropea u l-Istati Membri tagħha, ta' Protokoll li jemenda l-Ftehim dwar
l-Ispazju Komuni tal-Avjazzjoni bejn l-Unjoni Ewropea u l-Istati Membri
tagħha u r-Repubblika tal-Moldova, biex titqies l-adeżjoni
tar-Repubblika tal-Kroazja mal-Unjoni Ewropea IL-KUNSILL TAL-UNJONI EWROPEA, Wara li kkunsidra
t-Trattat dwar il-Funzjonament tal-Unjoni Ewropea, u b’mod partikolari
l-Artikoli 100(2) u 218(6)(a) tiegħu, Wara li kkunsidra
l-Att tal-Adeżjoni tal-Kroazja, u b’mod partikolari t-tieni sottoparagrafu
tal-Artikolu 6(2) tiegħu, Wara li kkunsidra
l-proposta mill-Kummissjoni Ewropea, Wara li kkunsidra l-kunsens tal-Parlament
Ewropew[1],
Billi: (1) Skont id-Deċiżjoni
tal-Kunsill 2014/ …/UE[2],
il-Protokoll li jemenda l-Ftehim dwar l-Ispazju Komuni tal-Avjazzjoni bejn
l-Unjoni Ewropea u l-Istati Membri tagħha u r-Repubblika tal-Moldova[3], biex titqies
l-adeżjoni tar-Repubblika tal-Kroazja mal-Unjoni Ewropea
("il-Protokoll") ġie ffirmat, suġġett
għall-konklużjoni tiegħu. (2) Il-Protokoll għandu jkun
approvat. ADOTTA DIN ID-DEĊIŻJONI: Artikolu 1 Il-Protokoll li jemenda l-Ftehim dwar
l-Ispazju Komuni tal-Avjazzjoni bejn l-Unjoni Ewropea u l-Istati Membri
tagħha u r-Repubblika tal-Moldova, biex titqies l-adeżjoni
tar-Repubblika tal-Kroazja mal-Unjoni Ewropea huwa b’dan awtorizzat f’isem
l-Unjoni u l-Istati Membri tagħha[4].
Artikolu 2 Il-President tal-Kunsill huwa b'dan awtorizzat
jinnomina l-persuna/i bis-setgħa li tiddepożita/jiddepożitaw,
f'isem l-Unjoni u l-Istati Membri tagħha, l-istrument tal-approvazzjoni
previst fl-Artikolu 3 tal-Protokoll. Artikolu 3 Din id-Deċiżjoni għandha
tidħol fis-seħħ fid-data tal-adozzjoni tagħha. Magħmul fi Brussell, Għall-Kunsill Il-President [1] ĠU C
, , p. . [2] ĠU L
[…], […], p. […]. [3] It-test
tal-Ftehim huwa ppubblikat fil-ĠU L 292, 20.10.2012, p. 3. [4] It-test
tal-Protokoll ġie ppubblikat f'Il-Ġurnal Uffiċjali tal-Unjoni
Ewropea ĠU L ................, flimkien mad-Deċiżjoni dwar
l-iffirmar tiegħu. ANNESS Protokoll li jemenda l-Ftehim dwar l-Ispazju
Komuni tal-Avjazzjoni bejn l-Unjoni Ewropea u l-Istati Membri tagħha u
r-Repubblika tal-Moldova, biex titqies l-adeżjoni tar-Repubblika
tal-Kroazja mal-Unjoni Ewropea tal- Proposta għal Deċiżjoni
tal-Kunsill dwar il-konklużjoni, f'isem
l-Unjoni Ewropea u l-Istati Membri tagħha, ta' Protokoll li jemenda
l-Ftehim dwar l-Ispazju Komuni tal-Avjazzjoni bejn l-Unjoni Ewropea u l-Istati
Membri tagħha u r-Repubblika tal-Moldova, biex titqies l-adeżjoni
tar-Repubblika tal-Kroazja mal-Unjoni Ewropea PROTOKOLL Li jemenda l-Ftehim dwar l-Ispazju
Komuni tal-Avjazzjoni bejn l-Unjoni Ewropea u l-Istati Membri tagħha u
r-Repubblika tal-Moldova, biex titqies l-adeżjoni tar-Repubblika
tal-Kroazja mal-Unjoni Ewropea IR-REPUBBLIKA TAL-AWSTRIJA, IR-RENJU TAL-BELĠJU, IR-REPUBBLIKA TAL-BULGARIJA, IR-REPUBBLIKA TAL-KROAZJA, IR-REPUBBLIKA TA' ĊIPRU, IR-REPUBBLIKA ĊEKA, IR-RENJU TAD-DANIMARKA, IR-REPUBBLIKA TAL-ESTONJA, IR-REPUBBLIKA TAL-FINLANDJA, IR-REPUBBLIKA FRANĊIŻA, IR-REPUBBLIKA FEDERALI TAL-ĠERMANJA, IR-REPUBBLIKA ELLENIKA, L-UNGERIJA, L-IRLANDA, IR-REPUBBLIKA TALJANA, IR-REPUBBLIKA TAL-LATVJA, IR-REPUBBLIKA TAL-LITWANJA, IL-GRAN DUKAT TAL-LUSSEMBURGU, IR-REPUBBLIKA TA' MALTA, IR-RENJU TAL-PAJJIŻI L-BAXXI, IR-REPUBBLIKA TAL-POLONJA, IR-REPUBBLIKA PORTUGIŻA, IR-RUMANIJA, IR-REPUBBLIKA SLOVAKKA, IR-REPUBBLIKA TAS-SLOVENJA, IR-RENJU TA' SPANJA, IR-RENJU TAL-ISVEZJA, IR-RENJU UNIT TAL-GRAN BRITTANJA U L-IRLANDA
TA' FUQ, li huma partijiet għat-Trattat tal-Unjoni
Ewropea u t-Trattat dwar il-Funzjonament tal-Unjoni Ewropea u li huma Stati
Membri tal-Unjoni Ewropea (minn hawn 'il quddiem 'l-Istati Membri'), u L-UNJONI EWROPEA, fuq naħa waħda, u IR-REPUBBLIKA TAL-MOLDOVA, fuq in-naħa l-oħra; Wara li kkunsidraw l-adeżjoni
tar-Repubblika tal-Kroazja mal-Unjoni Ewropea fl-1 ta' Lulju 2013, QABLU KIF ĠEJ: Artikolu
1 Ir-Repubblika tal-Kroazja hija Parti
għall-Ftehim dwar l-Ispazju Komuni tal-Avjazzjoni ffirmat mill-Unjoni
Ewropea u l-Istati Membri tagħha u r-Repubblika tal-Moldova fis-26 ta'
Ġunju 2012 (minn hawn 'il quddiem 'il-Ftehim'). Artikolu
2 It-test tal-Ftehim fil-lingwa Kroata, li huwa
anness ma' dan il-Protokoll, għandu jsir awtentiku taħt l-istess
kundizzjonijiet bħall-verżjonijiet tal-lingwi l-oħrajn. Artikolu
3 1. Dan il-Protokoll għandu
jiġi approvat mill-Partijiet skont il-proċeduri tagħhom stess.
Għandu jidħol fis-seħħ fid-data tad-dħul
fis-seħħ tal-Ftehim. Madankollu, jekk dan il-Protokoll jiġi
approvat mill-Partijiet wara d-data tad-dħul fis-seħħ
tal-Ftehim, f'dak il-każ jidħol fis-seħħ, skont l-Artikolu
29(1) tal-Ftehim, xahar wara d-data tan-nota l-iktar tard fi skambju ta' noti
diplomatiċi bejn il-Partijiet li jikkonfermaw it-tlestija tal-proċeduri
kollha neċessarji għad-dħul fis-seħħ ta' dan
il-Protokoll. 2. Dan il-Protokoll għandu
jiġi applikat fuq bażi proviżorja mill-iffirmar tiegħu
mill-Partijiet. Artikolu
4 Magħmul fi ................., duplikat,
fi ................. 2014, f'kull lingwa uffiċjali tal-Partijiet, fejn
kull test huwa ugwalment awtentiku. GĦALL-ISTATI MEMBRI GĦAR-REPUBBLIKA
TAL-MOLDOVA GĦALL-UNJONI EWROPEA