This document is an excerpt from the EUR-Lex website
Document 52015PC0023
Proposal for a COUNCIL DECISION on the position to be adopted on behalf of the European Union within the EU-Turkey Association Council as regards the replacement of Protocol 3 to Decision No 1/98 of the EC-Turkey Association Council on the trade regime for agricultural products, concerning the definition of the concept of ‘originating products’ and methods of administrative cooperation, by a new protocol which, as regards the rules of origin, refers to the Regional Convention on pan-Euro-Mediterranean preferential rules of origin
Proposta għal DEĊIŻJONI TAL-KUNSILL dwar il-pożizzjoni li għandha tiġi adottata mill-Unjoni Ewropea fil-Kunsill ta' Assoċjazzjoni UE-Turkija dwar is-sostituzzjoni tal-Protokoll 3 tad-Deċiżjoni Nru 1/98 tal-Kunsill ta' Assoċjazzjoni KE-Turkija fir-rigward tad-definizzjoni tal-kunċett ta' “prodotti oriġinarji” u metodi ta' kooperazzjoni amministrattiva bi protokoll ġdid li, f'dak li għandu x'jaqsam mar-regoli tal-oriġini, jirreferi għall-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji
Proposta għal DEĊIŻJONI TAL-KUNSILL dwar il-pożizzjoni li għandha tiġi adottata mill-Unjoni Ewropea fil-Kunsill ta' Assoċjazzjoni UE-Turkija dwar is-sostituzzjoni tal-Protokoll 3 tad-Deċiżjoni Nru 1/98 tal-Kunsill ta' Assoċjazzjoni KE-Turkija fir-rigward tad-definizzjoni tal-kunċett ta' “prodotti oriġinarji” u metodi ta' kooperazzjoni amministrattiva bi protokoll ġdid li, f'dak li għandu x'jaqsam mar-regoli tal-oriġini, jirreferi għall-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji
/* COM/2015/023 final - 2015/0015 (NLE) */
Proposta għal DEĊIŻJONI TAL-KUNSILL dwar il-pożizzjoni li għandha tiġi adottata mill-Unjoni Ewropea fil-Kunsill ta' Assoċjazzjoni UE-Turkija dwar is-sostituzzjoni tal-Protokoll 3 tad-Deċiżjoni Nru 1/98 tal-Kunsill ta' Assoċjazzjoni KE-Turkija fir-rigward tad-definizzjoni tal-kunċett ta' “prodotti oriġinarji” u metodi ta' kooperazzjoni amministrattiva bi protokoll ġdid li, f'dak li għandu x'jaqsam mar-regoli tal-oriġini, jirreferi għall-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji /* COM/2015/023 final - 2015/0015 (NLE) */
MEMORANDUM TA’ SPJEGAZZJONI 1. IL-KUNTEST TAL-PROPOSTA Il-Konvenzjoni Reġjonali dwar ir-regoli
preferenzjali tal-oriġini pan-Ewro-Mediterranji[1] tistabbilixxi
dispożizzjonijiet dwar l-oriġini ta' prodotti kkummerċjati skont
il-Ftehimiet rilevanti konklużi bejn il-Partijiet Kontraenti. L-UE u
t-Turkija ffirmaw il-Konvenzjoni fil-15 ta' Ġunju 2011 u fl-4 ta' Novembru
2011 rispettivament. L-UE u t-Turkija ddepożitaw l-istrumenti
tagħhom ta' aċċettazzjoni għand id-depożitarju
tal-Konvenzjoni fis-26 ta' Marzu 2012 u fl-4 ta' Diċembru 2013,
rispettivament. Minħabba f'hekk, bl-applikazzjoni tal-Artikolu 10(3)
tagħha, il-Konvenzjoni daħlet fis-seħħ kemm fl-UE u kif
ukoll fit-Turkija u fl-1 ta' Mejju 2012 u
fl-1 ta' Frar 2014 rispettivament. L-Artikolu 6 tal-Konvenzjoni jistipula li
kull Parti Kontraenti tieħu miżuri xierqa biex tiżgura li
l-Konvenzjoni tiġi applikata b'mod effettiv. Għal dak l-għan,
il-Kunsill ta’ Assoċjazzjoni UE-Turkija għandu jadotta
Deċiżjoni li tisosstitwixxi l-Protokoll 3 tad-Deċiżjoni Nru
1/98 tal-Kunsill ta’ Assoċjazzjoni KE-Turkija dwar ir-reġim
tal-kummerċ għall-prodotti agrikoli[2],
rigward id-definizzjoni tal-kunċett ta’ ‘prodotti ta’ oriġini’ u
metodi ta’ kooperazzjoni amministrattiva, bi Protokoll ġdid li, rigward
ir-regoli ta’ oriġini, jirreferi għall-Konvenzjoni.
Il-pożizzjoni li għandha tittieħed mill-UE fil-Kunsill ta'
Assoċjazzjoni għandha tiġi stabbilita mill-Kunsill. 2. RIŻULTATI
TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET
TAL-IMPATT L-Istati Membri tal-UE ġew infurmati dwar
l-abbozz ta' Deċiżjoni tal-Kunsill fit-Taqsima tal-Oriġini
tal-Kumitat tal-Kodiċi Doganali tat-13 ta' Mejju 2013. Il-Partijiet
Kontraenti għall-Konvenzjoni ġew ikkonsultati l-aħħar waqt
il-laqgħa tal-grupp ta' ħidma Pan-Ewro-Mediterranju tat-22 u t-23 ta'
Ottubru 2014. Ma kienx hemm bżonn ta' għarfien
espert estern. Barra minn hekk, ma kienx hemm bżonn li ssir valutazzjoni
tal-impatt billi l-adattamenti proposti huma ta' natura teknika u ma jolqtux
is-sustanza tal-protokoll dwar ir-regoli tal-oriġini li jinsab
fis-seħħ bħalissa. 3. ELEMENTI LEGALI TAL-PROPOSTA Il-bażi ġuridika għal din
id-Deċiżjoni tal-Kunsill hija l-ewwel subparagrafu
tal-Artikolu 207(4), flimkien mal-Artikolu 218(9) tat-Trattat dwar
il-Funzjonament tal-Unjoni Ewropea. Il-proposta taqa' taħt il-kompetenza
esklussiva tal-Unjoni. Għalhekk il-prinċipju tas-sussidjarjetà ma
japplikax. L-istrument li qed jiġi propost:
Deċiżjoni tal-Kunsill. 2015/0015 (NLE) Proposta għal DEĊIŻJONI TAL-KUNSILL dwar il-pożizzjoni li għandha
tiġi adottata mill-Unjoni Ewropea fil-Kunsill ta' Assoċjazzjoni
UE-Turkija dwar is-sostituzzjoni tal-Protokoll 3 tad-Deċiżjoni
Nru 1/98 tal-Kunsill ta' Assoċjazzjoni KE-Turkija fir-rigward
tad-definizzjoni tal-kunċett ta' “prodotti oriġinarji” u metodi ta'
kooperazzjoni amministrattiva bi protokoll ġdid li, f'dak li għandu
x'jaqsam mar-regoli tal-oriġini, jirreferi għall-Konvenzjoni
Reġjonali dwar ir-regoli preferenzjali tal-oriġini
pan-Ewro-Mediterranji IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b'mod partikolari l-ewwel subparagrafu
tal-Artikolu 207(4) flimkien mal-Artikolu 218(9) tiegħu, Wara li kkunsidra l-proposta tal-Kummissjoni
Ewropea, Billi: (1) Il-Protokoll 3
tad-Deċiżjoni Nru 1/98 tal-Kunsill ta’ Assoċjazzjoni KE-Turkija
dwar ir-reġim tal-kummerċ għall-prodotti agrikoli[3], jikkonċerna
d-definizzjoni tal-kunċett ta’ “prodotti oriġinarji” u metodi ta’
kooperazzjoni amministrattiva (“il-Protokoll 3”). (2) Il-Konvenzjoni Reġjonali
dwar ir-regoli preferenzjali tal-oriġini pan-Ewro-Mediterranji[4]
("il-Konvenzjoni") tistabbilixxi dispożizzjonijiet dwar
l-oriġini ta' prodotti kkummerċjati skont il-Ftehimiet rilevanti
konklużi bejn il-Partijiet Kontraenti. (3) L-Unjoni u t-Turkija ffirmaw
il-Konvenzjoni fil-15 ta' Ġunju 2011 u fl-4 ta' Novembru 2011
rispettivament. (4) L-Unjoni u t-Turkija
ddepożitaw l-istrumenti tagħhom ta' aċċettazzjoni
għand id-depożitarju tal-Konvenzjoni fis-26 ta' Marzu 2012 u l-4 ta'
Diċembru 2013 rispettivament. Minħabba f'hekk, bl-applikazzjoni
tal-Artikolu 10(3) tagħha, il-Konvenzjoni daħlet
fis-seħħ kemm fl-Unjoni u kif ukoll fit-Turkija fl-1 ta' Mejju
2012 u fl-1 ta' Ottubru 2014 rispettivament. (5) L-Artikolu 6
tal-Konvenzjoni jistipula li kull Parti Kontraenti tieħu miżuri xierqa
biex tiżgura li l-Konvenzjoni tiġi applikata b'mod effettiv.
Għal dak il-għan, il-Kunsill ta' Assoċjazzjoni UE-Turkija
għandu jadotta deċiżjoni li tissostitwixxi l-Protokoll 3 bi
Protokoll ġdid li, fir-rigward tar-regoli tal-oriġini, jirreferi
għall-Konvenzjoni. (6) Il-pożizzjoni tal-Unjoni
fil-Kunsill ta’ Assoċjazzjoni UE-Turkija għandha għaldaqstant
tkun ibbażata fuq l-abbozz ta’ deċiżjoni mehmuż, ADOTTA DIN ID-DEĊIŻJONI: Artikolu 1 Il-pożizzjoni li għandha tiġi
adottata f'isem l-Unjoni Ewropea fil-Kunsill ta' Assoċjazzjoni UE-Turkija
fir-rigward tas-sostituzzjoni tal-Protokoll 3 tad-Deċiżjoni Nru 1/98
tal-Kunsill ta' Assoċjazzjoni KE-Turkija dwar ir-reġim
tal-kummerċ għall-prodotti agrikoli, f'dak li għandu x'jaqsam
mad-definizzjoni tal-kunċett ta' “prodotti oriġinarji” u metodi ta'
kooperazzjoni amministrattiva, bi protokoll ġdid li, fir-rigward
tar-regoli tal-oriġini, jirreferi għall-Konvenzjoni Reġjonali
dwar ir-regoli preferenzjali tal-oriġini pan-Ewro-Mediterranji, għandha
tkun ibbażata fuq l-abbozz tad-deċiżjoni tal-Kunsill ta'
Assoċjazzjoni UE-Turkija mehmuż ma' din id-Deċiżjoni. Ir-rappreżentanti tal-Unjoni fil-Kunsill
ta' Assoċjazzjoni jistgħu jaqblu dwar tibdil minuri fl-abbozz
tad-deċiżjoni tal-Kunsill ta' Assoċjazzjoni, mingħajr
deċiżjoni ulterjuri tal-Kunsill. Artikolu 2 Id-Deċiżjoni tal-Kunsill ta'
Assoċjazzjoni UE-Turkija tiġi ippubblikata f’Il-Ġurnal
Uffiċjali tal-Unjoni Ewropea. Artikolu 3 Din id-Deċiżjoni tidħol
fis-seħħ fid-data tal-adozzjoni tagħha. Magħmul fi Brussell, Għall-Kunsill Il-President [1] ĠU L 54, 26.2.2013, p. 4. [2] ĠU L 86, 20.3.1998, p. 1. [3] ĠU L 86, 20.3.1998, p. 1. [4] ĠU L 54, 26.2.2013, p. 4. Abbozz
DEĊIŻJONI Nru …/… TAL-KUNSILL TA’ ASSOĊJAZZJONI UE-TURKIJA ta' li tissostitwixxi l-Protokoll 3 tad-Deċiżjoni Nru 1/98
tal-Kunsill ta’ Assoċjazzjoni KE-Turkija dwar ir-reġim
tal-kummerċ għall-prodotti agrikoli, rigward id-definizzjoni
tal-kunċett ta’ "prodotti oriġinarji" u metodi ta’
kooperazzjoni amministrattiva Il-KUNSILL TA’ ASSOĊJAZZJONI
UE-Turkija, Wara li kkunsidra d-Deċiżjoni Nru
1/98 tal-Kunsill ta’ Assoċjazzjoni KE-Turkija dwar ir-reġim
tal-kummerċ għall-prodotti agrikoli[1],
u b’mod partikolari l-Artikolu 4 tiegħu, Wara li kkunsidra l-Protokoll 3
tad-Deċiżjoni Nru 1/98 tal-Kunsill ta’ Assoċjazzjoni KE-Turkija
dwar ir-reġim tal-kummerċ għall-prodotti agrikoli, rigward
id-definizzjoni tal-kunċett ta’ "prodotti oriġinarji" u
metodi ta’ kooperazzjoni amministrattiva, Billi: (1)
L-Artikolu 4 tad-Deċiżjoni Nru 1/98
tal-Kunsill ta’ Assoċjazzjoni KE-Turkija dwar ir-reġim
tal-kummerċ għall-prodotti agrikoli (“id-Deċiżjoni”)
jirreferi għall-Protokoll 3 tad-Deċiżjoni (“il-Protokoll
3”) li jistabbilixxi r-regoli tal-oriġini u jipprovdi għal
akkumulazzjoni ta’ oriġini bejn l-Unjoni Ewropea, it-Turkija u partijiet
kontraenti oħrajn għall-Konvenzjoni. (2)
L-Artikolu 39 tal-Protokoll 3 jipprovdi li
l-Kunsill ta' Assoċjazzjoni UE-Turkija jista' jiddeċiedi li jemenda
d-dispożizzjonijiet ta' dan il-Protokoll. (3)
Il-Konvenzjoni Reġjonali dwar ir-regoli
preferenzjali tal-oriġini pan-Ewro-Mediterranji[2] (“il-Konvenzjoni”)
għandha l-għan li b'att legali wieħed, tissostitwixxi
l-protokolli dwar ir-regoli tal-oriġini li jinsabu fis-seħħ
bħalissa fost il-pajjiżi taż-żona pan-Ewro-Mediterranja. (4)
L-Unjoni Ewropea u t-Turkija ffirmaw il-Konvenzjoni
fil-15 ta' Ġunju 2011 u fl-4 ta' Novembru 2011 rispettivament. (5)
L-Unjoni Ewropea u t-Turkija ddepożitaw
l-istrumenti tagħhom ta' aċċettazzjoni għand
id-depożitarju tal-Konvenzjoni fis-26 ta' Marzu 2012 u fl-4 ta'
Diċembru 2013 rispettivament. Il-Konvenzjoni daħlet
fis-seħħ kemm fl-Unjoni Ewropea kif ukoll fit-Turkija fl-1 ta' Mejju
2012 u fl-1 ta' Frar 2014 ripettivament, b'riżultat tal-applikazzjoni
tal-Artikolu 10(3) tal-Konvenzjoni. (6)
Il-Konvenzjoni inkludiet il-parteċipanti
fil-Proċess ta’ Stabbilizzazzjoni u ta’ Assoċjazzjoni
fiż-żona Pan-Ewro-Mediterranja tal-akkumulazzjoni tal-oriġini. (7)
Il-Protokoll 3 għandu għalhekk jiġi
sostitwit bi protokoll ġdid li jagħmel referenza
għall-Konvenzjoni. ADOTTA DIN ID-DEĊIŻJONI: Artikolu 1 Il-Protokoll 3 tad-Deċiżjoni Nru
1/98 tal-Kunsill ta’ Assoċjazzjoni KE-Turkija dwar ir-reġim
tal-kummerċ għall-prodotti agrikoli, rigward id-definizzjoni
tal-kunċett ta’ "prodotti oriġinarji" u metodi ta’
kooperazzjoni amministrattiva jinbidel bit-test stabbilit fl-Anness ta' din
id-Deċiżjoni. Artikolu 2 Din id-Deċiżjoni tidħol
fis-seħħ fid-data tal-adozzjoni tagħha. Tibda tapplika minn … Magħmul fi Għall-Kunsill
ta’ Assoċjazzjoni UE-Turkija Il-President Anness Protokoll 3 dwar
id-definizzjoni tal-kunċett ta' "prodotti oriġinarji" u
dwar metodi ta' kooperazzjoni amministrattiva Artikolu 1 Ir-regoli
ta’ oriġini applikabbli 1. Għall-fini
tal-implimentazzjoni ta’ dan il-Ftehim, l-Appendiċi I u
d-dispożizzjonijiet rilevanti tal-Appendiċi II tal-Konvenzjoni
Reġjonali dwar ir-regoli preferenzjali tal-oriġini
pan-Ewro-Mediterranji,[3]
(il-Konvenzjoni), japplikaw. 2. Ir-referenzi kollha għal
“ftehim rilevanti” f’Appendiċi I u fid-dispożizzjonijiet rilevanti
tal-Appendiċi II tal-Konvenzjoni Reġjonali dwar ir-regoli
preferenzjali ta’ oriġini Pan-Ewro-Mediterranji jiġu interpretati
bħala li jfissru dan il-Ftehim. Artikolu 2 Soluzzjoni
tat-tilwim 1. Meta b'rabta mal-proċeduri ta'
verifikai tal-Artikolu 32 tal-Appendiċi I tal-Konvenzjoni
jinqala' xi tilwim li ma jkunx jista' jissolva bejn l-awtoritajiet doganali li
jkunu qed jitolbu l-verifika u l-awtoritajiet doganali li jkunu responsabbli
għat-twettiq ta' din il-verifika, it-tilwim għandu jitressaq quddiem
il-Kunsill ta' Assoċjazzjoni UE-Turkija. 2. Fil-każijiet kollha
s-soluzzjoni tat-tilwim bejn l-importatur u l-awtoritajiet doganali
tal-pajjiż importatur isseħħ skont il-leġiżlazzjoni ta'
dak il-pajjiż. Artikolu 3 Emendi
għall-Protokoll Il-Kumitat ta' Assoċjazzjoni UE-Turkija
jista' jiddeċiedi li jemenda d-dispożizzjonijiet ta' dan
il-Protokoll. Artikolu 4 L-irtirar
mill-Konvenzjoni 1. Jekk jingħata avviż
bil-miktub jew mill-Unjoni Ewropea jew mit-Turkija lid-depożitarju
tal-Konvenzjoni dwar l-intenzjoni tagħhom li jirtiraw mill-Konvenzjoni
skont l-Artikolu 9 tagħha, l-Unjoni Ewropea u t-Turkija immedjatament
jidħlu f'negozjati dwar ir-regoli tal-oriġini għall-iskop
tal-implimentazzjoni ta' dan il-Ftehim. 2. Dawn ir-regoli tal-oriġini li
jinsabu fl-Appendiċi I u, fejn xieraq, id-dispożizzjonijiet rilevanti
tal-Appendiċi II tal-Konvenzjoni, applikabbli fil-mument ta’ rtirar,
jibqgħu japplikaw għal dan il-Ftehim sakemm ma jidħlu
fis-seħħ ir-regoli ta’ oriġini appena nnegozjati. Ir-regoli
tal-oriġini li jinsabu fl-Appendiċi I u, fejn xieraq,
id-dispożizzjonijiet rilevanti tal-Appendiċi II tal-Konvenzjoni,
madankollu, mill-mument tal-irtirar, għandhom jiġu interpretati b'mod
li jippermetti akkumulazzjoni bilaterali bejn l-Unjoni Ewropea u t-Turkija
biss. Artikolu 5 Dispożizzjonijiet
tranżitorji – akkumulazzjoni Minkejja l-Artikoli 16(5) u 21(3)
tal-Appendiċi I tal-Konvenzjoni, fejn l-akkumulazzjoni tinvolvi biss
l-Istati tal-EFTA, il-Gżejjer Faeroe, l-Unjoni Ewropea, it-Turkija u
l-parteċipanti fil-Proċess ta' Stabilizzazzjoni u ta'
Assoċjazzjoni, il-prova tal-oriġini tista' tkun ċertifikat
tal-moviment EUR.1 jew dikjarazzjoni tal-oriġini. [1] ĠU L 86, 20.3.1998, p. 1. [2] ĠU L 54, 26.2.2013, p. 4. [3] ĠU L 54, 26.2.2013, p. 4.