IL-KUMMISSJONI EWROPEA
Brussell, 15.12.2015
COM(2015) 650 final
RAPPORT MILL-KUMMISSJONI
Rapport dwar il-perjodu addizzjonali biex jiġu ssodisfati l-impenji skont il-Protokoll ta' Kjoto (meħtieġ skont l-Artikolu 22 tar-Regolament (UE) Nru 525/2013 tal-Parlament Ewropew u tal-Kunsill tal- 21 ta' Mejju 2013 dwar mekkaniżmu għall-monitoraġġ u r-rapportar ta' emissjonijiet ta' gassijiet serra u għar-rapportar ta' informazzjoni oħra relatata mat-tibdil fil-klima fil-livelli nazzjonali u tal-Unjoni u li jħassar id-Deċiżjoni Nru 280/2004/KE u d-Deċiżjoni 13/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta' Kjoto)
{SWD(2015) 288 final}
Ir-rapport dwar il-perjodu addizzjonali għall-issodisfar tal-impenji skont il-Protokoll ta' Kjoto
Dan ir-Rapport u d-Dokumenti ta’ Ħidma tal-Persunal li jakkumpanjawh, jikkostitwixxu r-rapport tal-Unjoni dwar il-perjodu addizzjonali għall-issodisfar tal-impenji skont l-Artikolu 3(1) tal-Protokoll ta’ Kjoto għall-ewwel perjodu ta’ impenn tal-Protokoll ta’ Kjoto, kif meħtieġ skont l-Artikolu 22 tar-Regolament (UE) Nru 525/2013, skont id-Deċiżjoni 13/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta’ Kjoto. Dawn se jintbagħtu lill-UNFCCC.
L-informazzjoni li hemm fir-rapport se tiffaċilita l-valutazzjoni tal-konformità tal-Unjoni mal-impenji tagħha skont l-Artikolu 3(1) tal-Protokoll ta’ Kjoto għall-ewwel perjodu ta’ impenn. Din il-valutazzjoni se tkun ibbażata fuq it-tqabbil bejn il-kwantità tal-unitajiet validi għall-ewwel perjodu ta’ impenn irtirat sa tmiem il-perjodu addizzjonali għall-issodisfar tal-impenji bl-emissjonijiet aggregati għall-ewwel perjodu ta’ impenn.
L-Irtirar tal-Unitajiet tal-Protokoll ta’ Kjoto
Il-Protokoll ta’ Kjoto ġie rratifikat mill-Unjoni Ewropea, li f’dak iż-żmien kienet il-Komunità Ewropea, u l-Istati Membri tagħha fil-31 ta’ Mejju 2002. L-UE u l-Istati Membri tagħha għandhom jissodisfaw l-impenji tagħhom taħt l-Artikolu 3(1) tal-Protokoll b’mod konġunt, skont id-dispożizzjonijiet tal-Artikolu 4 tiegħu. Fiż-żmien tar-ratifika, il-15-il pajjiż li ġejjin kienu Stati Membri: L-Awstrija, il-Belġju, id-Danimarka, il-Ġermanja, il-Greċja, il-Finlandja, Franza, l-Irlanda, l-Italja, il-Lussemburgu, in-Netherlands, il-Portugall, Spanja, l-Iżvezja u r-Renju Unit. Dawn kienu wkoll il-15-il Stat Membru meta l-Protokoll ta’ Kjoto ġie adottat f’Diċembru 1997. F’konformità mal-Artikolu 4(4) tal-Protokoll ta’ Kjoto, l-adeżjoni tat-13-il Stat Membru wara l-addozzjoni tal-Protokoll ma taffettwax l-impenji li ttieħdu skont l-ewwel perjodu ta’ impenn.
Il-kwantità tal-unitajiet irtirati għall-UE hija kkalkulata bħala l-kwantità totali ta’ unitajiet fil-kontijiet ta’ rtirar fir-reġistri tal-15-il Stat Membru. Il-kwantità totali ta’ unitajiet irtirati għall-UE fi tmiem il-perjodu addizzjonali għall-issodisfar tal-impenji skont l-Artikolu 3(1) għall-ewwel perjodu ta’ impenn tal-Protokoll ta’ Kjoto, tammonta għal 18,843,518,768. It-tabella ta’ hawn taħt turi informazzjoni speċifika għal kull wieħed mill-15-il Stat Membru.
|
Il-kwantità totali ta’ unitajiet f’kont ta’ rtirar
|
L-Awstrija
|
414,658,054
|
Il-Belġju
|
626,316,229
|
Id-Danimarka
|
297,984,143
|
Il-Finlandja
|
338,353,531
|
Franza
|
2,538,856,531
|
Il-Ġermanja
|
4,706,574,671
|
Il-Greċja
|
598,504,091
|
L-Irlanda
|
308,508,846
|
L-Italja
|
2,479,638,840
|
Il-Lussemburgu
|
60,116,132
|
In-Netherlands
|
997,119,267
|
Il-Portugall
|
362,098,075
|
Spanja
|
1,791,980,049
|
L-Iżvezja
|
305,573,749
|
Ir-Renju Unit
|
3,017,236,560
|
Ir-Riport tal-Unitajiet ta’ Kjoto
Il-kwantità totali ta’ unitajiet ta’ ammont assenjat fil-kontijiet ta’ depożitu tar-Reġistru tal-UE mitluba li jiġu rriportati mill-UE mill-ewwel għat-tieni perjodu ta’ impenn tal-Protokoll ta’ Kjoto tammonta għal 2,124,109,368.
Il-kwantità totali ta’ unitajiet f’kontijiet ta’ depożitu tal-Istati Membri mitluba li jiġu rriportati mill-Istati Membri se jiġu rrappurtati fir-rapporti tal-Istati Membri dwar il-perjodu addizzjonali għall-issodisfar tal-impenji skont il-Protokoll ta’ Kjoto.