L-ewwel rilokazzjoni effettiva ta’ persuni fi bżonn ċar ta’ protezzjoni internazzjonali

Fid-9 ta’ Ottubru 2015, telqet l-ewwel t-titjira minn Ruma li ħadet 19-il Eritrean biex jibdew ħajja ġdida fl-Iżvezja. Ħames nisa u 14-il raġel telqu mill-ajruport ta' Ciampino fil-preżenza tal-Kummissarju għall-Migrazzjoni u l-Affarijiet Interni Dimitris Avramopoulos, il-Ministru Lussemburgiż għall-Affarijiet Barranin Jean Asselborn u l-Ministru tal-Intern Taljan Angelino Alfano. Kien mument simboliku importanti li mmarka l-bidu ta’ approċċ ġdid u Ewropew fil-mod kif nittrattaw l-applikazzjonijiet għall-asil. Madankollu, apparti s-simboliżmu, issa jeħtieġ li r-rilokazzjonijiet isiru sistematiċi u normali fl-Italja u fil-Greċja.

L-ewwel titjira kienet ir-riżultat ta’ ħidma preparatorja intensiva fuq il-post mill-awtoritajiet Taljani u Żvediżi, mill-Frontex u aġenziji oħrajn tal-UE, mill-NGOs lokali, u mill-mibgħuta speċjali li skjerat il-Kummissjoni Ewropea. L-isforzi bla waqfien żguraw li s-sistema tkun operazzjonali, u li r-reġistrazzjoni u l-ipproċessar meħtieġa jkunu jistgħu jsiru f’kull stadju tal-proċess.

Il-komunikazzjoni mal-komunità Eritreana kienet kruċjali biex tiżgura s-suċċess tal-ewwel eżerċizzju. Inizjalment, il-persuni li jfittxu asil sabuha bi tqila li jiġu rreġistrati minħabba li ma kellhomx fiduċja fis-sistema. F'dawn l-aħħar ġimgħat sar sforz kbir mill-mibgħuta tal-Kummissjoni fuq il-post, li ħadmu mal-UNHCR u mal-NGOs lokali, biex jikkonvinċu lill-ewwel grupp ta’ nies li huma verament se jiġu rilokati.

Madankollu, il-fiduċja fis-sistema qed tikber, b’mod partikolari minn meta twettaq l-ewwel eżerċizzju. Issa hemm kjus ta’ nies li jixtiequ jirreġistraw f’Lampedusa u f'Villa Sikania. Hemm aktar minn 100 Eritrean li diġà ġew identifikati bħala kandidati għal rilokazzjoni.

Issa huwa kruċjali li l-eżerċizzji ta' rilokazzjoni ulterjuri jagħmlu l-istess, b’mod partikolari biex tiġi evitata “konġestjoni” ta’ kandidati għar-rilokazzjoni li jakkumulaw.

Sabiex taħdem ir-riammissjoni: kooperazzjoni prattika mal-Pakistan

L-UE għandha ftehim ta’ riammissjoni mal-Pakistan li ilu fis-seħħ mill-2012. Minħabba l-għadd kbir involut (ara l-Anness 9) – għal ħafna snin, il-Pakistan kien ir-raba’ l-akbar sors ta’ ċittadini mhux mill-UE li nstabu fl-UE b’mod irregolari – dan il-ftehim huwa ta’ importanza partikolari. Iżda huwa stmat li madwar 54 % taċ-ċittadini Pakistani li jirċievu deċiżjonijiet ta’ ritorn fl-UE biss jintbagħtu lura. L-effettività tal-implimentazzjoni tal-Ftehim tvarja b’mod sinifikanti fost l-Istati Membri. Ġie identifikat imblukkar partikolari fil-Greċja, li rriżulta minn tilwim dwar id-dokumentazzjoni. Dan ix-xahar, diskussjonijiet iddedikati għar-riammissjoni bejn il-Kummissjoni, il-Greċja u l-awtoritajiet Pakistani għandhom l-għan li jerġgħu jibdew il-proċess tar-ritorni:

Saru diskussjonijiet f'Ateni dwar l-applikazzjoni tal-ftehim ta' riammissjoni bejn l-UE u l-Pakistan bejn il-Kummissjoni u l-uffiċjali Griegi u Pakistani;

Il-kuntatti bejn id-Delegazzjoni tal-UE f’Islamabad u l-Ministeru Pakistani għall-Affarijiet Barranin saru fl-istess jum;

Il-Kummissarju Avramopoulos se jmur Islamabad fid-29 ta’ Ottubru biex jiddiskuti pjan konġunt dwar il-migrazzjoni.

Ir-riżultat għandu jkun:

Fehim konġunt dwar l-applikazzjoni tal-ftehim tal-UE ta' riammissjoni bejn il-Greċja u l-Pakistan;

F'Novembru l-Frontex se twettaq operazzjoni konġunta ta’ ritorn għall-Pakistani mill-Greċja;

Il-Kummissjoni se tippreżenta pjan ta’ azzjoni operazzjonali għal ġestjoni aħjar tal-migrazzjoni mal-Pakistan.

Il-Progress li Sar

L-ewwel “hotspot” attiva f’Lampedusa (l-Italja).

L-ewwel “hotspot” f’Lesvos (il-Greċja) għandha tkun operazzjonali fil-jiem li ġejjin.

Bdew ir-rilokazzjonijiet lejn Stati Membri oħrajn.

It-Timijiet ta’ Appoġġ għall-Ġestjoni tal-Migrazzjoni huma operazzjonali.

Saru l-ewwel risistemazzjonijiet.

Frontex tappoġġja l-missjonijiet ta' ritorn

Il-Passi li Jmiss

B'kollox, sitt “hotspots” għandhom ikunu operazzjonali fl-Italja sal-aħħar tas-sena.

B'kollox, ħames “hotspots” għandhom ikunu operazzjonali fil-Greċja sal-aħħar tas-sena.

L-Istati Membri jissodisfaw sejħiet għal esperti u tagħmir li jappoġġjaw it-Timijiet ta’ Appoġġ għall-Ġestjoni tal-Migrazzjoni sabiex it-Timijiet ta’ Appoġġ ikunu jistgħu jiġu implimentati kompletament.

L-Istati Membri jinnotifikaw kemm se jipprovdu postijiet ta' rilokazzjoni u ta’ risistemazzjoni, u jispeċifikaw il-kapaċità ta’ akkoljenza tagħhom.

Ir-ritorni lejn il-Pakistan mill-Greċja jerġgħu jibdew.

L-Istati Membri jipprovdu riżorsi xierqa għal Operazzjonijiet Konġunti tal-Frontex TRITON u POSEIDON.

Il-Progress li Sar

Adozzjoni tat-tisħiħ ta' EUR 800 miljun mill-Parlament Ewropew u mill-Kunsill għall-appoġġ tar-refuġjati u tal-linji politiċi dwar il-migrazzjoni fl-2015, kif propost mill-Kummissjoni.

Tisħiħ ulterjuri ta’ EUR 900 miljun għall-2016 issa quddiem l-awtorità tal-baġit.

Il-Passi li Jmiss

Il-Parlament Ewropew u l-Kunsill għandhom jadottaw il-bidliet fil-baġit tal-2016, kif propost mill-Kummissjoni.

Jeħtieġ li l-Istati Membri jiffinalizzaw l-impenn ta’ EUR 500 miljun b’appoġġ għal għajnuna umanitarja għar-refuġjati biex jintlaħaq il-EUR 1 biljun.

L-Istati Membri jallokaw l-istess ammont ta' finanzjament ta' EUR 500 miljun allokat mill-baġit tal-UE għall-Fond Fiduċjarju tal-UE għas-Sirja u EUR 1,8 biljun f’finanzjament mill-UE għall-Fond Fiduċjarju tal-UE għall-Afrika.

Il-progress li sar

Il-Kummissjoni qed tindirizza n-nuqqasijiet mill-Istati Membri fit-traspożizzjoni u l-implimentazzjoni sħaħ tal-liġi tal-UE.

Il-faċilitajiet ta’ akkoljenza qed jiġu estiżi u l-kundizzjonijiet għal sistema ta' asil u l-ipproċessar korretti qed jiġu attwati fil-Greċja.

Il-passi li jmiss

Il-Kummissjoni se tiżgura segwitu attiv u rapidu tal-proċedimenti kollha ta’ ksur fl-asil u fir-ritorn.

Il-Kummissjoni se tivvaluta s-sitwazzjoni li tikkonċerna t-trasferimenti ta’ Dublin lejn il-Greċja sat-30 ta' Novembru 2015.

Il-Progress li Sar

Sensiela ta’ laqgħat ta’ livell għoli mir-Rappreżentanta Għolja/Viċi President u l-Kummissarji taw tifsira partikolari lill-attakki diplomatiċi ġdid dwar il-migrazzjoni.

L-EUNAVFOR MED Operazzjoni Sophia ssodisfat l-objettivi tal-fażi 1.

Il-Passi li Jmiss

Il-finalizzazzjoni tal-Pjan ta’ Azzjoni mat-Turkija.

Id-djalogi ta’ livell għoli previsti mir-Rappreżentanta Għolja/mill-Viċi President mal-Etjopja, mal-Unjoni Afrikana u mas-Somalja fl-20-21 ta’ Ottubru.

L-EUNAVFOR MED Operazzjoni Sophia timplimenta l-fażi 2 tagħha.

L-UE tappoġġja gvern ġdid ta’ Kunsens Nazzjonali fil-Libja.

L-UE ttejjeb il-livell ta’ impenn b’appoġġ għall-isforzi internazzjonali mmexxija min-NU sabiex tinstab soluzzjoni politika għall-kunflitt fis-Sirja.

Is-Summit tal-Belt Valletta dwar il-Migrazzjoni.

Sommarju ta’ konklużjonijiet speċifiċi

L-Istati Membri għandhom jikkontribwixxu minnufih biex jissodisfaw il-ħtiġijiet ta’ valutazzjoni tal-Aġenziji tal-UE għall-implimentazzjoni tal-approċċ "hotspot".

L-Italja u l-Greċja għandhom iżidu l-kapaċitajiet ta’ akkoljenza tagħhom;

l-Istati Membri għandhom jinnotifikaw il-kapaċità ta’ akkoljenza tagħhom biex jospitaw persuni rilokati;

l-Istati Membri għandhom jipprovdu impenji ċari fir-rigward tal-għadd ta’ persuni li se jiġu rilokati minn issa sal-aħħar tas-sena;

issa l-Istati Membri għandhom jipprovdu lill-Kummissjoni informazzjoni dwar l-għadd ta’ persuni li se jiġu risistemati matul is-sitt xhur li ġejjin, u minn fejn;

l-Istati Membri għandhom jimplimentaw malajr pjan ta’ azzjoni tal-UE dwar ir-ritorn propost mill-Kummissjoni, għal sistema effettiva ta’ ritorn fil-livell tal-UE;

l-Uffiċjali ta’ Kollegament dwar il-Migrazzjoni Ewropew għandhom jiġu skjerati mill-UE fi ħdax-il pajjiż mhux tal-UE sal-aħħar tal-2015,

l-Istati Membri għandhom jappoġġjaw il-Mekkaniżmu tal-UE għall-Protezzjoni Ċivili b’kontribuzzjonijiet sostanzjali;

l-Istati Membri għandhom jagħmlu biżżejjed assi disponibbli għall-operazzjonijiet konġunti tal-Frontex TRITON u POSEIDON;

l-Istati Membri għandhom jikkontribwixxu għall-finanzjament tal-UE u jikkumplimentawh fl-isforzi li saru biex jappoġġjaw lill-UNHCR, lill-Programm Dinji tal-Ikel u organizzazzjonijiet internazzjonali oħrajn, il-Fond Fiduċjarju tal-UE għas-Sirja u l-Fond Fiduċjarju tal-UE għall-Afrika:

il-Parlament Ewropew u l-Kunsill għandhom jadottaw l-abbozz ta' baġit emendatorju tal-2016, kif propost mill-Kummissjoni.

Il-Kummissjoni se tkompli ssegwi proċeduri ta’ ksur b’mod mgħaġġel u effettiv, fejn meħtieġ, biex tiżgura konformità sħiħa mal-acquis fil-qasam tal-Asil u r-Ritorn; 

Sat-30 ta' Novembru 2015 il-Kummissjoni se tivvaluta jekk ġewx issodisfati l-kundizzjonijiet kollha biex tirrakkomanda li l-Kunsill Ewropew jikkonferma r-rikostituzzjoni tat-trasferimenti ta' Dublin lejn il-Greċja f'Diċembru 2015 jew f'Marzu 2016; 

Il-Kummissjoni se tiffinalizza l-opinjoni tagħha dwar l-estensjoni tal-kontrolli temporanji mill-Ġermanja, mill-Awstrija u mis-Slovenja fuq il-bażi tal-Kodiċi tal-Fruntieri ta’ Schengen;

Il-Kummissjoni se tiffinalizza l-Pjan ta’ Azzjoni mat-Turkija.

Azzjoni meħuda mill-Kummissjoni u mill-aġenziji tal-UE

Azzjoni li ttieħdet mill-Istati Membri

Il-Passi li Jmiss

L-implimentazzjoni tal-approċċ hotspot u d-deċiżjonijiet ta’ rilokazzjoni

-Koordinazzjoni fuq il-post:

-Laqgħat tekniċi organizzati mill-Kummissjoni bejn l-Aġenziji u l-Italja/il-Greċja).

-Koordinazzjoni ma’ organizzazzjonijiet internazzjonali attivi fuq il-post (l-IOM u l-UNHCR) mibgħuta speċjali mibgħuta mill-Kummissjoni lejn l-Italja u l-Greċja biex jikkoordinaw l-introduzzjoni tal-approċċ hotspot u t-twaqqif tar-rilokazzjoni.

-Timijiet ta’ Appoġġ għall-Ġestjoni tal-Migrazzjoni:

-l-Italja: It-Task Force Reġjonali tal-UE (EURTF), stabbilita f’Katanja, l-Operazzjoni Konġunta Triton tal-Frontex, tinkludi timijiet ta' skrinjar u ta’ rendikont fi Sqallija u Lampedusa, esperti tal-EASO stazzjonati fuq il-post biex jassistu permezz tal-forniment ta’ informazzjoni u l-proċedura ta' rilokazzjoni .

-Il-Greċja: l-istabbiliment tal-EURTF; l-Operazzjoni Konġunta tal-Frontex, Poseidon, tinkludi timijiet ta' skrinjar u rendikont fil-Gżejjer Eġej. Esperti tal-EASO dalwaqt se jiġu stazzjonati għal kompiti relatati mal-forniment ta’ informazzjoni u l-ipproċessar tal-applikazzjonijiet.

Aġenziji

-It-timijiet tal-Frontex mobilizzati għall-iskrinjar u attivitajiet ta’ rendikont iwettqu l-kompiti tagħhom bħala parti minn Operazzjoni Konġunta ospitata mill-Istat Membru fejn huwa implimentat l-approċċ hotspot.

-Fit-02/10/15 kemm il-Frontex kif ukoll l-EASO varaw sejħa għal esperti u tagħmir bil-għan li jissaħħu aktar it-Timijiet ta’ Appoġġ għall-Ġestjoni tal-Migrazzjoni, kemm fl-Italja kif ukoll fil-Greċja.

- fl-Italja, l-Eurojust jappoġġa t-Tim Reġjonali Operattiv tal-Frontex (OFRT) f’Katanja fl-iffaċilitar ta’ talbiet għal assistenza legali reċiproka u fil-koordinazzjoni bejn l-Istati Membri. Fil-Greċja, żewġ prosekuturi Griegi mill-Qorti tal-Appell ta’ Piraeus inħatru bħala Punti ta’ Kuntatt tal-Eurojust u jżommu lill-Eurojust infurmat f’ħin reali b'kull bżonn ta' segwitu ġudizzjarju u koordinazzjoni fil-livell tal-UE.

-Kuntatti mal-Istati Membri biex jissolvew il-ħtiġiet prattiċi ta' rilokazzjoni:

-Il-Kummissjoni kitbet lill-Istati Membri kollha biex ittenni l-bżonn li jinnominaw uffiċjali ta’ kollegament u biex tistieden lill-Istati Membri jindikaw għadd ta’ applikazzjonijiet għal rilokazzjoni fil-futur qrib.

-Kuntatti bilaterali qabel l-ewwel rilokazzjoni mill-Italja u mill-Greċja.

-Forum dwar ir-Rilokazzjoni u r-Risistemazzjoni tal-01/10/15:

-l-informazzjoni mogħtija lill-Istati Membri dwar l-istat attwali tal-implimentazzjoni tad-Deċiżjonijiet tal-Kunsill dwar ir-rilokazzjoni.

-l-Italja u l-Greċja ppreżentaw il-pjanijiet direzzjonali tagħhom u l-Istati Membri għamlu mistoqsijiet ta’ kjarifika.

-ftehim biex tintuża d-diagramma ta' programmazzjoni u l-konklużjonijiet operazzjonali tal-workshop tal-21/09/15 dwar ir-rilokazzjoni bħala modus operandi għall-implimentazzjoni tal-iskemi ta’ rilokazzjoni.

-Il-Kummissjoni ċċarat aspetti finanzjarji taż-żewġ skemi ta’ rilokazzjoni u ta’ risistemazzjoni.

L-ewwel rilokazzjonijiet ġew finalizzati fid-9/10/15

L-Italja

Il-pjan direzzjonali ppreżentat fl-01/10/15 fil-Forum dwar ir-Rilokazzjoni u r-Risistemazzjoni qed jiġi implimentat.

L-Ewwel Timijiet ta’ Appoġġ fil-post f’Lampedusa.

Iċ-ċentri ta’ akkoljenza fi tliet postijiet oħra fi Sqallija huma lesti u t-Timijiet ta’ Appoġġ huma mistennija li jibdew jaħdmu minn hemm dalwaqt.

Spazju għall-uffiċċji allokati f’Villa Sikania u f'Katanja.

Uffiċċji ta’ kollegament nominati fl-aġenziji tal-gvern nazzjonali u lokali rilevanti kollha.

Valutazzjoni tal-ħtiġijiet għal Timijiet ta’ Appoġġ għall-Ġestjoni tal-Migrazzjoni fir-rigward ta’ persunal ġiet ippreżentata fil-Pjan Direzzjonali

L-Italja talbet lill-Frontex biex tgħinha permezz ta' 10 esperti fit-teħid tal-marki tas-swaba’.

Il-Greċja

Il-Pjan Direzzjonali ppreżentat fl-01/10/15 fil-Forum dwar ir-Rilokazzjoni u r-Risistemazzjoni huwa operattiv.

Timijiet ta’ Appoġġ ġew stabbiliti f'Lesvos u se jiġu stabbiliti f'erba’ gżejjer oħra (Chios, Samos, Kos u Leros), bil-Frontex stabbilita fuq ħames gżejjer, filwaqt li esperti tal-EASO se jiġu stazzjonati dalwaqt.

Spazju tal-uffiċċju għall-EURTF ġie allokat f’Piraeus fl-uffiċċju ta’ Uffiċjal ta’ Kollegament tal-Frontex.

Uffiċċji ta’ kollegament ġew nominati fl-aġenziji tal-gvern nazzjonali u lokali rilevanti kollha.

Valutazzjoni tal-ħtiġijiet għat-Timijiet ta’ Appoġġ għall-Ġestjoni tal-Migrazzjoni, ġiet ippreżentata lill-SCIFA fil-5/10/15 u trażmessa lill-Kummissjoni permezz tal-Mibgħuta tal-Kummissjoni għall-Greċja.

Stati Membri oħra

Il-ħatra ta' netwerk ta’ punti ta’ kuntatt nazzjonali u l-istazzjonar ta' uffiċjali ta’ kollegament fl-Italja u l-Greċja.

Punti ta’ kuntatt inħatru minn 20 Stat Membru; S'issa 22 Stat Membru nnominaw uffiċjali ta’ kollegament fl-Italja, inkluż Stat Membru wieħed li s’issa nnomina uffiċjal ta’ kollegament kemm għall-Italja kif ukoll għall-Greċja.

Xi Stati Membri indikaw lil IT/EL/l-EASO l-għadd ta’ persuni li jistgħu jirrilokaw bla dewmien.

Ir-rispons għas-sejħiet tal-Aġenziji

Esperti Nazzjonali għal Timijiet ta’ Appoġġ għall-Ġestjoni tal-Migrazzjoni b’rispons għal sejħiet minn esperti tal-Frontex (670 sa tmiem Jannar 2016)) u l-EASO (370 espert sat-tielet kwart tal-2017):

Għad-dispożizzjoni tal-Italja; (1) Frontex – 18-il unità ta’ tagħmir tekniku (bastimenti, karozzi tal-pattulja, eċċ) u 42 uffiċjal sekondat.

Għad-dispożizzjoni tal-Greċja: (1) Frontex – 27 unità ta’ tagħmir tekniku u l-istazzjonar ta’ 53 espert (l-għadd totali tal-esperti stazzjonati fil-fruntieri tal-art u tal-baħar huwa ta’ 95 espert, inklużi l-uffiċjali Griegi)

-Rilokazzjoni: L-Istati Membri jridu jispeċifikaw minn qabel kemm se jieħdu rilokazzjonijiet sal-aħħar tas-sena.

-Reviżjoni tal-programmi nazzjonali taħt il-Fond għall-Asil, il-Migrazzjoni u l-Integrazzjoni (AMIF) biex jiġu jallokati lill-Istati Membri l-ammonti addizzjonali li jikkorrispondu ma' somma f’daqqa għal persuni rilokati titnieda ladarba l-impenji ta’ 20/07/15 jiġu uffiċjalment ikkonfermati mill-Istati Membri sat-30/10/15.

-Appoġġ lill-Greċja permezz tal-assistenza ta’ emerġenza tal-AMIF biex ikunu koperti l-ispejjeż ta’ trasport intern ta’ persuni rreġistrati mill-gżejjer tal-Lvant tal-Eġew lejn il-Greċja kontinentali (waslet biex tingħata assistenza ta’ emerġenza tal-AMIF għall-ammont ta' EUR 5, 99 miljun; il-Ftehim ta’ Għotja jinsab fi stadju ta’ tħejjija)

-Valutazzjoni tal-ħtieġa ta’ appoġġ lill-Italja biex ikunu koperti l-ispejjeż tat-trasport intern ta’ persuni rreġistrati minn Lampedusa għall-Italja kontinentali.

-L-Istati Membri jaġġornaw b’mod regolari l-informazzjoni dwar l-għadd ta’ persuni biex ikun hemm rilokazzjoni rapida. 

-L-Istati Membri jiffinalizzaw il-proċess ta’ ħatra ta' Punti ta’ Kuntatt Nazzjonali u tal-Uffiċjali ta’ Kollegament.

-Is-sejħa għal esperti tal-Frontex u l-EASO:

it-tweġibiet tal-Istati Membri għas-sejħa tal-Frontex huma mistennija sa mhux aktar tard mis-16/10/15.

Appoġġ għal Operazzjoni Konġunta tal-Frontex, TRITON u POSEIDON

-L-Operazzjonijiet Konġunti Triton u Poseidon issaħħew gradwalment (flimkien mal-implimentazzjoni tal-approċċ hotspot fl-Italja u fil-Greċja.

-Operazzjoni Konġunta Triton: l-għadd ta’ għases tal-pattulja żdied kif ukoll l-għadd ta’ timijiet ta' skrinjar u rendikont (18-il unità ta’ tagħmir tekniku (bastimenti, karozzi tal-pattulja eċċ) u 42 uffiċjal sekondat)

-Operazzjoni Konġunta Poseidon Sea: Frontex żiedet l-għadd ta’ assi u ta’ esperti u interpreti ta' rendikont u skrinjar (27 unità ta’ tagħmir tekniku u 53 esperti) assenjati. Il-Frontex offriet li timmobilizza 104 uffiċjali sekondati addizzjonali u li tikkofinanzja 31 kap ta’ timijiet mill-Pulizija Ellenika.

-Fit-02/10/15 Frontex nediet sejħa għal kontribuzzjonijiet addizzjonali li jkopru wkoll il-ħtiġijiet tal-Operazzjonijiet Konġunti Triton u Poseidon.

-It-tisħiħ tal-appoġġ operazzjonali għall-Italja u l-Greċja fil-qafas tal-Operazzjonijiet Konġunti Triton u Poseidon Sea, speċjalment l-intensifikar tal-attivitajiet ta’ skrinjar u rendikont saru possibbli billi l-Istati Membri poġġew għad-dispożizzjoni r-riżorsi tagħhom.

-Operazzjoni Konġunta Triton: qed jipparteċipaw 26 Stat Membr u l-Istati Assoċjati ma’ Schengen: l-Awstrija, il-Belġju, il-Kroazja, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Iżlanda, l-Irlanda, il-Latvja, il-Litwanja, il-Lussemburgu, Malta, in-Netherlands, in-Norveġja, il-Polonja, il-Portugall, ir-Rumanija, l-Iżvezja, l-Iżvizzera, is-Slovenja, Spanja, ir-Renju Unit. Bħalissa 17 minnhom poġġew għad-dispożizzjoni assi u/jew uffiċjali sekondati: MT, PT, NL, FR, NO, ES, EL, PL, RO, UK, DE, DK, CZ, BG, LV,

-Operazzjoni Konġunta Poseidon: qed jipparteċipaw 25-il Stat Membru (l-Awstrija, il-Belġju, il-Bulgarija, il-Kroazja, id-Danimarka, l-Estonja, il-Finlandja, Franza, il-Ġermanja, l-Iżlanda, l-Italja, il-Latvja, il-Litwanja, il-Lussemburgu, Malta, in-Netherlands, in-Norveġja, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja, ir-Renju Unit) Bħalissa 18 minnhom poġġew għad-dispożizzjoni assi u/jew uffiċjali sekondati (DK, CZ, NO, SE, PT, PL, LV, DE, HR, NL, FI, IT, FR, ES, BE, UK, BG, RO)

-

-L-Istati Membri jimpenjaw ruħhom li jżommu jew iżidu l-livell ta’ appoġġ għal operazzjonijiet konġunti li jinsabu għaddejjin taħt il-patroċinju tal-Italja u l-Greċja. Għaldaqstant l-Istati Membri kollha għandhom iwieġbu b’mod pożittiv għas-sejħa imnedija minn Frontex fit-02/10/15.

-Il-Frontex u l-Greċja jridu jimplimentaw il-mobilizzazzjoni addizzjonali ta’ uffiċjali sekondati.

Il-kapaċità ta’ akkoljenza u l-kundizzjonijiet

-Il-monitoraġġ u, jekk ikun meħtieġ, il-proċeduri ta’ ksur tal-kondizzjonijiet ta’ akkoljenza u ta’ kapaċitajiet.

-IT u EL qed jagħmlu sforzi biex iżidu l-kapaċità ta’ akkoljenza. IT tinsab għaddejja b'ritmu tajjeb lejn l-ewwel kapaċità ta’ akkoljenza ta’ 2 500 sa tmiem is-sena, il-Greċja wkoll qed iżżid il-kapaċità tagħha ta' 2 000 post.

-Gwida ulterjuri biex jitjiebu l-istandards tal-kundizzjonijiet ta’ akkoljenza (EASO)

-L-Istati Membri kollha li huma affettwati mill-kriżi, b’mod partikolari, il-Greċja: jibdew jużaw finanzjament sostanzjali mill-Fondi Strutturali u ta’ Investiment Ewropej/Il-Fond Ewropew għall-Iżvilupp Reġjonali u l-Bank Ewropew tal-Investiment biex iżidu l-kapaċitajiet ta’ akkoljenza.

Ritorn

-L-ewwel ripatrijazzjonijiet taħt il-patroċinju tat-Tim ta’ Appoġġ għall-Ġestjoni tal-Migrazzjoni, seħħew fl-10/10/15.

-L-evalwazzjoni tas-Sistema ta’ Informazzjoni ta’ Schengen sabiex tinkludi kull deċiżjoni ta’ ritorn u projbizzjonijiet ta’ dħul fis-SIS tnediet fil-5/10/15;

-Uffiċjali ta’ Kollegament Ewropej dwar il-Migrazzjoni Ewropej (EMLO): kunċett ippreżentat fil-15/09/15 kien jinkludi funzjonijiet speċifiċi relatati mar-ritorn.

-L-istabbiliment ta’ sistema ta’ ġestjoni integrata tar-ritorn: il-proċess imniedi bejn il-Kummissjoni, l-Aġenziji (Frontex u l-EASO) u n-netwerks rilevanti, fil-15/09/15.

-Evalwazzjonijiet ta’ Schengen dwar is-sistemi ta’ ritorn ta’ AT, BE, DE, NL fl-2015, kif ukoll evalwazzjoni waħda bbażata fuq kwestjonarju (LI).

-Ir-reazzjoni minn Stati Membri kkonfermat l-importanza tar-ritorn

-L-Istati Membri (u l-Istati Assoċjati) li mhumiex parti minn netwerks eżistenti ġew mistiedna jikkunsidraw li jipparteċipaw jew ikunu assoċjati.

-Ir-reklutaġġ u l-mobilizzazzjoni tal-ewwel Uffiċjali ta’ Kollegament dwar il-Migrazzjoni Ewropej sa tmiem l-2015.

-Laqgħa ta’ segwitu operazzjonali organizzat mill-Frontx fit-28/10/15.

-Sistemi ta’ ritorn ta’ sitt Stati Membri għandhom jiġu evalwati fl-2016 (IT, EL, LU, FR, MT, HR).

Risistemazzjoni

Il-Forum ta’ Risistemazzjoni u Rilokazzjoni tal-01/10/15:

-L-UNHCR ippreżenta x-xejriet u l-prijoritajiet tar-risistemazzjoni għall-2016 u indika l-oqsma ta’ kooperazzjoni mal-Istati ta’ risistemazzjoni.

-L-IOM ippreżentat oqsma ta’ speċjalizzazzjoni fil-proċess ta’ risistemazzjoni u l-appoġġ li tista' tipprovdi lill-Istati ta' risistemazzjoni.

-Il-Kummissjoni ppreżentat nota ta’ gwida dwar is-sostenn finanzjarju.

Workshop tal-EASO fit-02/10/15 dwar ir-risistemazzjoni:

-L-UNHCR ippreżenta stadji differenti fil-proċess ta’ risistemazzjoni taħt l-awspiċi tiegħu

-IT, NL, SE ppreżentaw aspetti differenti tal-programmi ta’ risistemazzjoni tagħhom bil-għan li jikkondividu l-prassi tajba

-Preżentazzjoni tal-proġett ta' risistemazzjoni EU-FRANK biex jiġu ffaċilitati r-risistemazzjoni u l-ammissjoni tar-refuġjati permezz tal-qsim ta’ għarfien

-Preżentazzjoni mill-ICMC dwar prattiki ta’ integrazzjoni

-L-immappjar ta’ ħtiġijiet operattivi tal-Istati Membri fil-qasam tar-risistemazzjoni u l-identifikazzjoni ta' miżuri operattivi ta’ appoġġ biex jissodisfaw dawk il-ħtiġijiet

-

-Il-Forum ta’ Risistemazzjoni u Rilokazzjoni tal-01/10/15:

-L-Istati Membri kollha kkonfermaw l-impenji tagħhom tal-20/07/15, b'ħafna minnhom jindikaw speċifikament kooperazzjoni mill-qrib mal-UNHCR u l-IOM fil-proċess.

-L-Istati kollha kkonfermaw li jirrispettaw il-prijoritajiet miftehema fir-rigward tar-reġjuni għar-risistemazzjoni. Il-biċċa l-kbira se jiffokaw fuq ir-rifuġjati Sirjani ospitati fil-Libanu, l-Ġordan u t-Turkija. Xi wħud indikaw ukoll li ser jirrisistemaw minn reġjuni oħra, bħal pereżempju l-Qarn tal-Afrika (is-Sudan) jew l-Afrika ta’ Fuq (l-Eġittu).

-Xi Stati Membri diġà bdew risistemazzjoni limitata taħt l-iskema (IT, CZ) filwaqt li l-Liechtenstein indika li diġà ssodisfa l-impenn tiegħu billi rrisistema 20 pesuna Sirjana mit-Turkija.

-Xi Stati Membri indikaw l-għadd ta’ persuni mill-impenn totali tagħhom li qed jippjanaw li jirrisistemaw fl-2016 u fl-2017 rispettivament

-Sat-30/10/15, l-Istati Membri għandhom jikkonfermaw uffiċjalment lill-Kummissjoni l-għadd ta’ persuni li għandhom jiġu risistemati f’konformità mal-għadd imwiegħed skont l-iskema ta’ risistemazzjoni tal-20/07/15.

-Fuq din il-bażi l-Kummissjoni għandha tirrevedi l-programmi nazzjonali tal-Istati Membri taħt AMIF

-L-Istati Membri f'kooperazzjoni mal-UNHCR għandhom jidentifikaw il-persuni għar-risistemazzjoni.

Faċilitazzjoni ta' dħul klandestin ta' persuni

-L-implimentazzjoni ta’ JOT MARE bħala fulkru ewlieni ta’ informazzjoni dwar il-faċilitazzjoni ta' dħul klandestin ta' persuni, bħall-appoġġ lill-Istati Membri fl-investigazzjonijiet u l-prosekuzzjoni ta’ traffikanti tal-migranti

-Appoġġ għal XX investigazzjoni u XX operazzjoni konġunti kontra l-faċilitazzjoni ta' dħul klandestin ta' persuni fi XX Stat Membru

-Il-mobilizzazzjoni ta’ XX minn XX Stati Membri għal JOT MARE

-Aktar tisħiħ tal-kooperazzjoni bejn l-aġenziji dwar il-faċilitazzjoni ta' dħul klandestin ta' persuni

-Aktar użu ta’ Skwadri ta’ Investigazzjoni Konġunta u Operazzjonijiet Konġunti fil-qasam tal-faċilitazzjoni ta' dħul klandestin ta' persuni

Protezzjoni Ċivili

-Il-Kummissjoni kitbet lill-Istati Membri kollha fl-24/09/15 u talbithom jispeċifikaw l-assi li jkunu jistgħu jagħmlu disponibbli, jekk jiġi attivat il-mekkaniżmu matul il-kriżi tar-refuġjati.

-L-aħħar laqgħa ta’ koordinazzjoni fit-8/10/15

-S’issa 19-il Stat Membru wieġbu għall-ittra, 8 minnhom b’mod pożittiv (BE, CY, FI, LT, SE, SK, CZ, LV). Erbgħa oħra (AT, BG, SI, UK) jistgħu jirrispondu għal kull każ individwali.

-L-Ungerija attivat il-mekkaniżmu ta’ protezzjoni ċivili fit-18/06/15 u fil-11/09/15

-Is-Serbja attivat il-mekkaniżmu ta’ protezzjoni ċivili fil-21/09/15

-L-Istati Membri li għandhom bżonn jistgħu jattivaw il-mekkaniżmu.

-L-ippjanar ta’ kontinġenza tal-Istati Membri għal kwalunkwe għajnuna tal-protezzjoni ċivili li tista’ tkun meħtieġa f’xenarji differenti; u liema assi jistgħu jiġu pprovduti.

Timijiet ta’ Intervent Rapidu fil-Fruntieri (RABIT)

-Il-Frontex bagħtet ittra lill-Bord ta’ Ġestjoni tal-Aġenzija fit-18/09/15, fejn enfasizzat ir-rieda tagħha biex twieġeb għal kwalunkwe talba ta' intervent rapidu ippreżentata minn Stat Membru li jkun qed jiffaċċa pressjoni partikolari u għal għarrieda ta’ immigrazzjoni irregolari fil-fruntieri esterni u li jitlob appoġġ għal kwalunkwe tali intervent kif ukoll għall-implimentazzjoni ta’ operazzjonijiet konġunti msaħħa li għaddejin bħalissa.

-Il-Kummissjoni fil-Komunikazzjoni tagħha dwar il-Ġestjoni tal-kriżi tar-refuġjati ġibdet l-attenzjoni li l-possibbiltà li tattiva l-mekkaniżmu RABIT.

-13-il Stat Membru wieġbu għal din l-ittra tad-Direttur Eżekuttiv.

-Sa issa l-ebda Stat Membru ma nnotifika lill-Frontex dwar ir-rieda tiegħu li jitlob intervent rapidu (sas-07/10/15)

-6 Stati Membri indikaw ir-rieda tagħhom li jimmobilizzaw riżorsi umani jew tekniċi li jistgħu għadhom jistgħu jiġu mobilizzati din is-sena [jekk issir talba].

-

-Kwalunkwe Stat Membru li jiffaċċa sitwazzjoni ta’ pressjoni urġenti u eċċezzjonali minħabba għadd kbir ta’ migranti li jippruvaw jidħlu fit-territorju illegalment, li taqbeż il-kapaċità tal-Istat Membru kkonċernat jista' jattiva intervent rapidu kkoordinat mill-Frontex.

-Il-Frontex għandha tissorvelja b’mod kostanti f’kooperazzjoni mal-Istati Membri l-iżvilupp tas-sitwazzjoni fil-fruntieri esterni tal-UE speċjalment għal dawk l-Istati Membri li jiffaċċjaw pressjonijiet speċifiċi u sproporzjonati.

-

Azzjoni tal-UE

Azzjoni li ttieħdet mill-Istati Membri

Il-Passi li Jmiss

Appoġġ finanzjarju msaħħaħ għall-ġestjoni tal-migrazzjoni: kontrolli fil-fruntieri, sistemi ta' asil, akkoljenza, ritorn (kif inklużi fil-baġit emendatorju 7 2015 u l-ittra ta’ emenda 2 2016).

- Ammont addizzjonali ta’ EUR 100 miljun iżjed għal assistenza ta’ emerġenza taħt l-AMIF u l-FSI fl-2015, f’emenda proposta mill-Kummissjoni u pproċessata b'mod rapidu mill-awtorità baġitarja

-L-impatt baġitarju tat-tieni rilokazzjoni proposta għal 120 000 refuġjat (inkluż l-ispejjeż tat-trasferiment) li jammonta għal total ta’ EUR 780 miljun għall-2016, inkluż fl-ittra ta’ emenda 2 li għandha tiġi adottata mill-Kummissjoni fl-14/10/15;

-Proposta oħra tal-Kummissjoni għal total ta’ EUR 600 miljun ta’ finanzjament addizzjonali għall-2016 inkluż ukoll fl-ittra ta’ emenda 2, li tinkludi:

-EUR 310 miljun għal aktar azzjonijiet strutturali fuq terminu ta’ żmien medju u l-ewwel attivitajiet fl-Istati Membri l-aktar affettwati;

-EUR 94 miljun ta’ assistenza ta’ emerġenza addizzjonali;

-EUR 110 miljun għall-allinjament baġitarju tal-ewwel pakkett ta' rilokazzjoni (40 000 refuġjat) mat-tieni;

-riżorsi addizzjonali għall-aġenziji (ara hawn taħt).

Assistenza ta’ emerġenza li tinsab għaddejja:

-Skont l-AMIF, fil-5/10 l-Awstrija ingħatat EUR 6,3 miljun bħala assistenza ta’ emerġenza, filwaqt li l-applikazzjonijiet mill-Ungerija, il-Greċja, il-Ġermanja u l-Kroazja għal total ta’ aktar minn EUR 60 miljun għadhom pendenti

-Taħt il-Fond għas-Sigurtà Interna-Fruntieri EUR 10,7 miljun ingħataw lill-Greċja filwaqt li Franza rċeviet EUR 1,7  miljun kmieni f’Ottubru. Talbiet għal finanzjament addizzjonali, għal total ta’ aktar minn EUR 8 miljun għall-Greċja u l-Kroazja għadhom pendenti

-L-Istati Membri (flimkien ma’ 3 Pajjiżi Assoċjati ma’ Schengen) ħatru l-Awtoritajiet Responsabbli.

-75% tal-Istati Membri stabbilixxew l-istruttura ta' implimentazzjoni u bdew jimplimentaw il-programmi nazzjonali.

-Allokazzjoni għall-programmi nazzjonali tal-Italja fl-ambitu tal- l-AMIF u l-FSI tammonta għal madwar EUR 560 miljun għall-perjodu 2014-2020. L-ewwel ħlasijiet ta’ prefinanzjament ta’ bejn wieħed u ieħor EUR 39 miljun saru f’Awwissu 2015. Barra minn hekk, EUR 19,12 miljun ingħataw lill-Italja fl-2015 bħala assistenza ta’ emerġenza.

L-allokazzjoni għall-programmi nazzjonali tal-Greċja fl-ambitu tal-AMIF u l-FSI tammonta għal madwar EUR 474 miljun għall-perjodu 2014-2020. L-ewwel ħlasijiet ta’ prefinanzjament ta’ bejn wieħed u ieħor EUR 33 miljun saru f’nofs Settembru 2015. Barra minn hekk, EUR 19,5 miljun (inklużi l-għotjiet lill-UNHCR) ingħataw lill-Greċja fl-2015 bħala assistenza ta’ emerġenza.

-L-Istati Membri għandhom jużaw il-fondi disponibbli pprovduti permezz ta’ programmi nazzjonali fl-ambitu tal-AMIF u l-FSI. Biex isir dan, xi Stati Membri għad iridu jaħtru l-awtoritajiet responsabbli tagħhom.

-Il-Kummissjoni għandha tivvaluta l-ħtiġijiet għar-reviżjoni tal-programmazzjoni tal-Istati Membri fl-ambitu tal-AMIF u l-FSI-Fruntieri biex tivverifika li dan huwa konformi mas-sitwazzjoni attwali f’oqsma bħall-kapaċità ta’ akkoljenza.

-Il-Kummissjoni għandha żżomm kuntatt mill-qrib mal-Istati Membri li jinsabu l-aktar taħt pressjoni biex tiffinalizza l-valutazzjoni tal-ħtiġijiet u tiżgura approċċ strutturat (attivitajiet, iż-żmien) biex jiġu indirizzati l-emerġenzi attwali tagħhom permezz ta’ programmi nazzjonali u assistenza ta’ emerġenza.

-Id-disa’ programmi nazzjonali pendenti li għadhom ma ġewx approvati għandhom jiġu adottati sal-aħħar ta’ Novembru.

-Laqgħa tal-Bord tal-Bank Ewropew tal-Investiment f’Novembru għandha tiddiskuti termini speċjali għal proġetti relatati mar-rifuġjati; stima tal-ħtiġijiet sal-aħħar ta’ Novembru

Appoġġ lil aġenziji tal-UE

-It-tisħiħ tar-riżorsi umani tal-aġenziji għall-2015 u 2016

-60 post għall-Frontex,

-30 għall-EASO,

-30 għall-Europol.

-EUR 50 miljun bħala sostenn għall-attivitajiet tal-Frontex għall-2016 fil-qasam tar-ritorn u EUR 20 miljun għat-tisħiħ tal-operazzjonijiet hotspot tagħhom].

-

-Appoġġ tal-Istati Membri lill-operazzjonijiet tal-FRONTEX u tal-EASO

-Appoġġ propost għall-baġit tal-2016

Azzjoni tal-UE

Azzjoni li ttieħdet mill-Istati Membri

Il-Passi li Jmiss

Offensiva diplomatika dwar il-migrazzjoni

-Konferenza ta’ Livell Għoli dwar ir-Rotta tal-Mediterran tal-Lvant/il-Balkani tal-Punent, il-Lussemburgu, it-8/10/15. Ħames oqsma ewlenin ta' azzjoni identifikati (f'Dikjarazzjoni): (1) appoġġ lill-Ġordan, lill-Libanuu lit-Turkija; (2) appoġġ lill-pajjiżi ta' tranżitu; (3) ġlieda kontra l-kriminalità organizzata/il-faċilitazzjoni ta' dħul klandestin ta' persuni; (4) l-indirizzar tal-kawżi bażi; (5) l-involviment tal-pajjiżi ta’ oriġini tal-migranti irregolari

-It-Turkija – Pjan ta’ Azzjoni dwar il-Migrazzjoni bejn l-UE u t-Turkija ġie ppreżentat, inklużi miżuri ta' appoġġ lit-Turkija fil-kriżi tar-refuġjati u biex jonqsu l-partenzi irregolari.

-.

-Il-Ġermanja ħabbret it-twaqqif ta’ djalogu ta’ livell għoli mat-Turkija dwar il-migrazzjoni.

Konferenza ta’ livell għoli

- L-użu ta’ oqfsa bilaterali u reġjonali eżistenti għad-djalogu u l-kooperazzjoni;

- Qbil dwar pjanijiet ta’ azzjoni għall-implimentazzjoni;

- Koperazzjoni man-NU u organizzazzjonijiet internazzjonali oħra;

- Forum Ministerjali ĠAI tal-UE-Balkani tal-Punent. (sa tmiem l-2015););

Monitoraġġ: Laqgħa ta’ uffiċjali għolja (SOM) kmieni fl-2016 - dwar l-implimentazzjoni tad-Dikjarazzjoni tal-Konferenza.

Is-Summit tal-Belt Valletta 11-12/11/15

-Dikjarazzjoni Politika u l-Pjan ta’ Azzjoni

-Segwitu għall-azzjonijiet f’termini ta’ għajnuna mmirata, il-migrazzjoni legali, il-ġlieda kontra l-kuntrabandu u progress tanġibbli rigward ritorn/riammissjoni

-L-Istati Membri jikkontribwixxu għall-Fond Fiduċjarju ta’ Emerġenza għall-istabbiltà u jindirizzaw il-kawżi tal-migrazzjoni irregolari u l-persuni spostati fl-Afrika

 UE – Afrika:

- Ir-RGħ/VP iżżur l-Etjopja u fi żmien il-Kummissjoni tal-Unjoni Afrikana (20/10/15) sabiex tniedi Djalogu ta’ Livell Għoli dwar il-Migrazzjoni. Dan ikun jinkludi l-impenn biex titnieda Aġenda Komuni dwar il-Migrazzjoni u l-Mobilità, attivitajiet ta’ migrazzjoni speċifiċi għall-Etjopja u kooperazzjoni msaħħa dwar ir-ritorn.

-Ir-RGħ/VP tattendi l-laqgħa Ministerjali li jmiss tal-pajjiżi tas-Saħel

-L-implimentazzjoni tal-pilastru li jirrigwarda l-migrazzjoni fil-Pjan ta’ Azzjoni Reġjonali tal-UE għas-Saħel 2015-2020.

It-Turkija:

-Pjan ta’ Azzjoni – għandu jiġi finalizzat.

Riammissjoni lejn pajjiżi terzi

-It-twaqqif ta’ Faċilità għall-Bini tal-Kapaċità ta’ Riammissjoni (fl-ambitu tal-Programm ta’ Ħidma Annwali 2015 tal-AMIF)

-

-L-Istati Membri jipproponu proġetti għal finanzjament possibbli fl-ambitu tal-faċilità, kif ukoll jiddedikaw riżorsi għal ritorn volontarju assistit

-L-identifikazzjoni ta’ proġetti speċifiċi biex tissaħħaħ il-kooperazzjoni dwar ir-riammissjoni ma’ sħab ewlenin. Tiġi żgurata d-disponibbiltà ta’ appoġġ finanzjarju suffiċjenti għal azzjoni ta’ reintegrazzjoni u ritorn f’pajjiżi terzi

-Fi Brussell sar workshop dwar ir-riammissjoni mal-pajjiżi tal-AKP (28-29/09/15).

-L-Istati Membri ħadu sehem fil-workshop.

-It-twaqqif ta’ punti ta’ kuntatt nazzjonali dwar ir-riammissjoni fil-pajjiżi UE-AKP

-Il-ħatra ta’ Uffiċjali ta’ Kollegament tal-UE dwar il-Migrazzjoni (EMLO).

-Ftehim ġenerali dwar it-Termini ta' Referenza tal-Uffiċjali ta’ Kollegament Ewropej dwar il-Migrazzjoni li waslu biex jintbagħtu f'delegazzjonijiet tal-UE f’pajjiżi kruċjali

-Tħejjijiet biex potenzjalment jintbagħtu Uffiċjali ta’ Kollegament Ewropej dwar il-Migrazzjoni fl-Eġittu, il-Libanu, in-Niġer, in-Niġerja, is-Senegal, il-Pakistan, is-Serbja, l-Etjopja, it-Tuneżija, is-Sudan, it-Turkija u l-Ġordan (tħejjija ta’ avviżi ta’ postijiet battala, proċedura tal-għażla,

il-mobilizzazzjoni effettiva).

-Laqgħat bilaterali dwar ir-riammissjoni mal-Afrika Sub-Saħarjana u/jew pajjiżi ta’ oriġini

-G5 Saħel – 17/06/15

-Laqgħat mal-Ministri tal-Affarijiet Barranin tal-Burkina Faso, il-Mali, il-Mauritanja, in-Niġer u ċ-Chad

-Żjara mir-RGħ/VP fl-Alġerija fis-17/09/15, wara l-laqgħa ta’ informazzjoni tal-Kummissjoni fl-Alġier fid-9-10/09/15

-Żjara mir-RGħ/VP fin-Niġer fit-18/09/15

-L-Italja – tmexxi konsorzju tal-Programm ta’ Żvilupp u Protezzjoni Reġjonali fl-Afrika ta' Fuq. huwa meħtieġ aktar appoġġ mill-KUMM fid-djalogu mal-awtoritajiet Alġerini.

-Jeħtieġ isiru djalogi ta’ livell għoli. Laqgħat ippjanati:

-is-Senegal - 19-21/10/15.

-l-Etjopja – 20/10/15.

- Segwitu għaż-żjara tar-RGħ/VP fin-Niġer: in-Niġer se tippreżenta sett ta’ miżuri fis-Summit tal-Belt Valletta;

-Joħolqu pakketti speċifiċi ta’ “ingranaġġi u inċentivi” biex jintużaw vis-à-vis pajjiżi terzi rilevanti li ma jikkooperawx għal kollox fir-rigward tar-riammissjoni;

-Segwitu għat-tnedija mill-ġdid tan-negozjati biex jiġu konklużi ftehimiet ta’ riammissjoni ma’ pajjiżi tal-Afrika ta’ Fuq;

-Possibbilment jinbdew negozjati ġodda ma’ pajjiżi oħra.

- Il-Pakistan: Laqgħa dwar ir-riammissjoni bejn il-Greċja, il-Pakistan u l-Kummissjoni. Tliet Kumitati Konġunti ta’ Riammissjoni li saru fl-2014 u l-2015 kienu jinkludu pjan ta’ azzjoni biex jgħin lill-Pakistan jissodisfa l-impenji tiegħu qabel Ġunju 2015

-Laqgħat speċifiċi f’Ateni 08/10/15 ma' awtoritajiet Griegi u l-ambaxxata tal-Pakistan identifikaw problemi speċifiċi u intlaħaq ftehim biex tissolva l-problema.

-

- Il-Pakistan: Segwitu tal-laqgħat - Jiġu implimentati impenji ulterjuri taħt Kumitati Konġunti ta’ Riammissjoni tal-2014 u l-2015. il-possibbiltà ta' Pjan ta’ Azzjoni UE-Pakistan dwar il-Migrazzjoni li jkun ikopri r-riammissjoni, il-ġlieda kontra l-kuntrabandu tal-migranti, is-sostenn jiġi diskuss matul iż-żjara tal-Kummissarju Avramopoulos fid-29 ta’ Ottubru

-Il-Kumitat Konġunt tar-Riammissjoni li jmiss fl-ewwel nofs tal-2016 fi Brussell.

Il-finanzjament umanitarju

-L-impenn tal-Kunsill Ewropew biex jipprovdi mill-inqas EUR 1 biljun addizzjonali minn baġits nazzjonali u tal-UE bħala rispons għall-ħtiġijiet urġenti tar-refuġjati billi jingħata appoġġ lill-UNHCR, lill-Programm Dinji tal-Ikel u lil organizzazzjonijiet umanitarji oħra.

-Din is-sena l-Kummissjoni diġà pproponiet li tipprovdi EUR 200 miljun għal għajnuna umanitarja għar-refuġjati; kif ukoll somma spplementari ta’ EUR 300 miljun għal għajnuna umanitarja fl-2016.

-L-awtorità tal-baġit: il-Parlament Ewropew u l-Kunsill ipproċessaw b'mod rapidu

-Ġew iffirmati kuntratti li jiswew EUR 50 miljun ma’ aġenziji tan-NU u organizzazzjonijiet umanitarji oħra (eż. il-KISA, eċċ.) li jippermettu għal prefinanzjament.

-Kważi EUR 275 miljun ġew imwegħda mit-23 ta’ Settembru 'l hawn

-l-Istati Membri għandhom jallokaw l-istess ammont ta' finanzjament daqs l-UE għall-għajnuna umanitarja

-Kuntratti li jkopru EUR 200 miljun f’għajnuna umanitarja għandhom jiġu nnegozjati sal-aħħar ta’ Novembru

Fondi Fiduċjarji

Fond Fiduċjarju ta' Emerġenza għall-Afrika:

-Proposta tal-Kummissjoni li tipprovdi EUR 1,8 biljun mill-finanzjament tal-UE (l-istrumenti baġitarji tal-UE + FEŻ) għall-promozzjoni tal-istabbiltà u biex jiġu indirizzati l-kawżi fundamentali tal-migrazzjoni irregolari u l-persuni spostati fl-Afrika. Il-kopertura ġeografika hija ta' disa’ pajjiżi fir-reġjun tas-Saħel u ż-żona tal-Lag Chad; disa’ pajjiżi fil-Qarn tal-Afrika: u ħames pajjiżi fl-Afrika ta' Fuq.

- Attwalment, tliet Stati Membri wiegħdu li jagħtu total ta’ EUR9 miljun (ES, DE u LU). Stati Membri oħrajn indikaw ir-rieda tagħhom li jikkontribwixxu, kif għamlu NO u CH.

- Opinjoni pożittiva mill-Kumitat FEŻ

-Id-Deċiżjonijiet tal-Kummissjoni dwar il-Fond Fiduċjarju li għandu jiġi adottat qabel is-Summit tal-Belt Valletta.

-Jiġi ggarantit li jsiru kontribuzzjonijiet sostantivi u konsistenti għall-Fond li jkunu daqs il-finanzjament tal-UE mill-Istati Membri tal-UE , u minn sħab internazzjonali oħra

Fond Fiduċjarju Reġjonali tal-UE b’reazzjoni għall-kriżi Sirjana:

-EUR 500 miljun mill-baġit tal-UE

- Żewġ Stati Membri wiegħdu total ta’ EUR 8 miljun f’sostenn addizzjonali (IT EUR 3 miljun u DE EUR 5 miljun).

Tisħiħ tal-kapaċitajiet

-It-Turkija – pjan ta’ azzjoni (ara hawn fuq)

-Is-Serbja/l-Eks-Repubblika Jugoslava tal-Maċedonja: miżura speċjali ta’ EUR 10 miljun. Sostenn għall-bini tal-kapaċità fiż-żewġ pajjiżi (inkluż it-tagħmir) u assistenza umanitarja lir-refuġjati

-Qed jitħejja programm ta’ EUR 8 miljun mill-programm reġjonali tal-IPA (Strument għall-Assistenza ta’ Qabel l-Adeżjoni). L-għan huwa li jittejbu l-kapaċitajiet (inkluża r-reġistrazzjoni tar-refuġjati) fil-Balkani tal-Punent.

- Afrika – in-Niġer: qed jitħejja tisħiħ permezz taċ-ċentru “b’użi multipli” f’Agadez, biex jagħti assistenza diretta u informazzjoni lill-migranti u fejn dawn ikunu jistgħu jirreġistraw, kif ukoll jingħataw opportunitajiet ta' ritorn sikur u volontarju u reintegrazzjoni b’kooperazzjoni mal-pajjiżi ta’ oriġini. Dan jinkludi appoġġ lill-komunitajiet lokali (l-ewwel fażi ffinanzjata mill-Istrument li jikkontribwixxi għall-istabbiltà u l-paċi – EUR 1,5 miljun)

-

-It-tnedija ta’ Skwadra ta’ Investigazzjoni Konġunta fin-Niġer (iffinanzjata mill-UE, implimentata minn Spanja u Franza) biex issaħħaħ il-kapaċitajiet tan-Niġer fil-ġlieda kontra l-migrazzjoni irregolari

-It-Turkija – pjan ta’ azzjoni (ara hawn fuq)

-.

-Is-Serbja/l-Eks-Repubblika Jugoslava tal-Maċedonja: It-tħejjija ta’ kuntratti tinsab għaddejja, kif ukoll l-iżborż u l-implimentazzjoni fil-ġimgħat li ġejjin.

-It-tnedija ta’ proġetti biex jissaħħu l-kapaċitajiet ta’ pajjiżi tal-Afrika tal-Lvant fil-ġlieda kontra t-traffikar tal-bnedmin u l-iffaċilitar tad-dħul klandestin tal-migranti – mistennija tibda f'Jannar 2016

-Tħejjija ta’ Programm ta’ Żvilupp u Protezzjoni Reġjonali tal-UE fil-Qarn tal-Afrika biex jissaħħu l-kapaċitajiet tal-Kenja, tal-Etjopja u tas-Sudan fil-qasam tal-protezzjoni tar-refuġjati u l-kapaċitajiet ta’ akkoljenza

-It-tnedija ta’ proġett biex jissaħħu l-kapaċitajiet tal-gvernijiet għar-ritorn u r-reintegrazzjoni sostenibbli tul kurituri ewlenin ta’ migrazzjoni (b’attenzjoni fuq l-Afrika) – mistenni jibda f’Jannar 2016

-It-tnedija ta’ proġett ta’ sostenn għad-Djalogu dwar il-Migrazzjoni u l-Mobbiltà UA-UE, għall-proċess ta’ Rabat u għall-proċess ta’ Khartoum – mistenni li jibda f'Diċembru 2015.

-Jiġi ppreżentat l-abbozz tad-dikjarazzjoni tas-Sħubija għall-Mobilità biex iniedi djalogu mal-Libanu. Approċċ aktar proattiv mill-Istati Membri sabiex tkun żgurata l-implimentazzjoni tas-Sħubija għall-Mobilità bejn l-UE u l-Ġordan eżistenti u l-Ftehim futur bejn l-UE u l-Libanu.

-Jitfasslu u jiġu implimentati RDPPs ġodda fl-Afrika ta’ Fuq u fil-Qarn tal-Afrika kmieni fl-2016.

Strument

Azzjoni tal-UE

Azzjoni li ttieħdet mill-Istati Membri

Il-Passi li Jmiss

Id-Direttiva dwar il-Proċeduri tal-Asil 2013/32/UE

-18-il każ ta’ ksur miftuħa għal nuqqas jew nuqqas parzjali ta’ komunikazzjoni tal-miżuri ta’ traspożizzjoni; L-Istati Membri kienu indirizzati b’ittri ta’ avviż formali;

-6 każijiet miftuħa ta’ ksur għal nuqqas ta’ konformità u applikazzjoni ħażina fi Stadju ta' Avviż ta' Tqegħid fil-Mora

-Ittra amministrattiva mibgħuta lill-Istati Membri li tqajjem tħassib dwar il-konformità ta’ leġiżlazzjoni riċenti mad-dispożizzjonijiet ta’ dan l-istrument

Stat Membru wieħed innotifika t-traspożizzjoni sħiħa tad-Direttiva. In-notifika qed tiġi vvalutata (FR)

-Jekk l-Istati Membri ma jittrasponux kompletament id-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja.

-Jekk l-Istati Membri ma jkunux konformi mad-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja.

Id-Direttiva dwar il-Kondizzjonijiet tal-Akkoljenza 2013/33/UE

-19-il każ ta’ ksur miftuħa għal nuqqas jew nuqqas parzjali ta’ komunikazzjoni tal-miżuri ta’ traspożizzjoni; L-Istati Membri kienu indirizzati b’avviż ta' tqegħid fil-mora;

-8 każi miftuħa ta’ ksur għal nuqqas ta’ konformità/ applikazzjoni ħażina fi stadju ta' Avviż ta' Tqegħid fil-Mora

-Ittra amministrattiva mibgħuta lill-Istati Membri li tqajjem tħassib dwar il-konformità ta’ leġiżlazzjoni riċenti mad-dispożizzjonijiet ta’ dan l-istrument

Żewġ Stati Membri nnotifikaw it-traspożizzjoni sħiħa tad-Direttiva. In-notifiki qed jiġu vvalutati (FR/ES)

-Jekk l-Istati Membri ma jittrasponux kompletament id-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja.

-Jekk l-Istati Membri ma jkunux konformi mad-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja

Id-Direttiva dwar il-Kwalifiki 2011/95/UE

-13-il każ ta’ ksur miftuħa għal nuqqas jew nuqqas parzjali ta’ komunikazzjoni tal-miżuri ta’ traspożizzjoni;

-Ħdax-il Stat Membru kienu indirizzati b’avviż ta' tqegħid fil-mora;

-Żewġ Stati Membri kienu indirizzati b'opinjoinjiet motivati;

-Infetaħ każ ta’ ksur għal nuqqas ta’ konformità/applikazzjoni ħażina

-Jekk l-Istati Membri ma jittrasponux kompletament id-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja.

-Jekk l-Istati Membri ma jkunux konformi mad-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja.

Ir-Regolament ta' Dublin UE/604/2013

-Infetaħ każ ta’ ksur għal nuqqas ta’ konformità; l-Istat Membru kien indirizzat b'avviż ta' tqegħid fil-mora;

-Jekk l-Istat Membr ma jkunx konformi mad-Direttiva, tista' ssegwi opinjoni motivata u mbagħad tressiq quddiem il-Qorti tal-Ġustizzja.

Ir-Regolament Eurodac UE/603/2013

Intbagħtu ħames ittri amministrattivi lill-Istati Membri fejn intalbu jagħmlu kjarifika dwar il-konformità mar-regoli dwar it-trażmissjoni tal-marki tas-swaba’;

L-Istati Membri wieġbu l-ittri amministrattivi

-Skont ir-riżultati tal-valutazzjoni tat-tweġibiet għall-ittri amministrattivi, jistgħu jinbdew proċeduri ta’ ksur formali.

Id-Direttiva dwar Residenza għal Żmien Twil 2011/51/UE

-7-il każ ta’ ksur miftuħa għal nuqqas jew nuqqas parzjali ta’ komunikazzjoni tal-miżuri ta’ traspożizzjoni; L-Istati Membri kienu indirizzati b’avviż ta' tqegħid fil-mora;

-Jekk l-Istati Membri ma jittrasponux kompletament id-Direttiva, jistgħu jsegwu opinjonijiet motivati u mbagħad tressiq quddiem il-Qorti tal-Ġustizzja.

Id-Direttiva dwar ir-Ritorn 2008/115/KE

-4 każijiet ta’ ksur miftuħa għal nuqqas ta’ konformità; l-Istati Membri ġew indirizzati b'ittri ta’ avviż formali; tliet ittri amministrattivi intbagħtu lill-Istati Membri fejn intalbu jagħtu kjarifika dwar il-ħruġ ta’ deċiżjonijiet ta’ ritorn lil ċittadini ta’ pajjiżi terzi li jkunu qegħdin fil-pajjiż illegalment;

-7 ittri amministrattivi ntbagħtu lill-Istati Membri fejn intalbu jagħtu kjarifika dwar l-infurzar ta’ deċiżjonijiet ta’ ritorn maħruġa lil ċittadini minn pajjiżi terzi li jkunu qegħdin fil-pajjiż illegalment, ittra amministrattiva ntbagħtet lill-Istati Membri li tqajjem tħassib dwar il-konformità ta’ leġiżlazzjoni riċenti mad-dispożizzjonijiet ta’ dan l-istrument

-

-Jekk l-Istati Membri ma jkunux konformi mad-Direttiva, l-avviż ta' tqegħid fil-mora jista’ jiġi segwit b’opinjoni motivata u tressiq quddiem il-Qorti tal-Ġustizzja;

-Skont ir-riżultati tal-valutazzjoni tat-tweġibiet għall-ittri amministrattivi, jistgħu jinbdew proċeduri ta’ ksur formali.

Il-Kodiċi tal-Fruntieri ta’ Schengen - ir-Regolament (KE) Nru 562/2006

-ittra amministrattiva mibgħuta lill-Istati Membri li tqajjem tħassib dwar il-konformità ta’ leġiżlazzjoni riċenti mad-dispożizzjonijiet ta’ dan l-istrument

-

-Skont ir-riżultati tal-valutazzjoni tat-tweġibiet għall-ittra amministrattiva, jistgħu jinbdew proċeduri ta’ ksur formali.