This document is an excerpt from the EUR-Lex website
Document 52014PC0269
Proposal for a COUNCIL DECISION on the position to be taken by the European Union within the Stabilisation and Association Council established by the Stabilisation and Association Agreement between the European Communities and their Member States, of the one part, and the former Yugoslav Republic of Macedonia, of the other part, as regards the replacement of Protocol 4 to that Agreement, concerning the definition of the concept of 'originating products' and methods of administrative cooperation, by a new Protocol which, as regards the rules of origin, refers to the Regional Convention on pan-Euro-Mediterranean preferential rules of origin
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fi ħdan il-Kunsill ta' Stabbilizzazzjoni u Assoċjazzjoni stabbilit mill-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u dik li kienet ir-Repubblika Jugoslava tal-Maċedonja, fuq in-naħa l-oħra, rigward is-sostituzzjoni tal-Protokoll 4 ta' dak il-Ftehim, fir-rigward tad-definizzjoni tal-kunċett ta' "prodotti oriġinarji" u l-metodi ta' kooperazzjoni amministrattiva, bi Protokoll ġdid li, rigward ir-regoli ta' oriġini, jirreferi għall-Konvenzjoni reġjonali dwar ir-regoli preferenzjali tal-oriġini pan-Ewro-Mediterranji
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fi ħdan il-Kunsill ta' Stabbilizzazzjoni u Assoċjazzjoni stabbilit mill-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u dik li kienet ir-Repubblika Jugoslava tal-Maċedonja, fuq in-naħa l-oħra, rigward is-sostituzzjoni tal-Protokoll 4 ta' dak il-Ftehim, fir-rigward tad-definizzjoni tal-kunċett ta' "prodotti oriġinarji" u l-metodi ta' kooperazzjoni amministrattiva, bi Protokoll ġdid li, rigward ir-regoli ta' oriġini, jirreferi għall-Konvenzjoni reġjonali dwar ir-regoli preferenzjali tal-oriġini pan-Ewro-Mediterranji
/* COM/2014/0269 final - 2014/0142 (NLE) */
Proposta għal DEĊIŻJONI TAL-KUNSILL dwar il-pożizzjoni li għandha tittieħed mill-Unjoni Ewropea fi ħdan il-Kunsill ta' Stabbilizzazzjoni u Assoċjazzjoni stabbilit mill-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u dik li kienet ir-Repubblika Jugoslava tal-Maċedonja, fuq in-naħa l-oħra, rigward is-sostituzzjoni tal-Protokoll 4 ta' dak il-Ftehim, fir-rigward tad-definizzjoni tal-kunċett ta' "prodotti oriġinarji" u l-metodi ta' kooperazzjoni amministrattiva, bi Protokoll ġdid li, rigward ir-regoli ta' oriġini, jirreferi għall-Konvenzjoni reġjonali dwar ir-regoli preferenzjali tal-oriġini pan-Ewro-Mediterranji /* COM/2014/0269 final - 2014/0142 (NLE) */
MEMORANDUM TA' SPJEGAZZJONI 1. KUNTEST TAL-PROPOSTA Il-Konvenzjoni Reġjonali dwar ir-regoli
preferenzjali tal-oriġini pan-Ewro-Mediterranji[1] (minn hawn 'il quddiem
"il-Konvenzjoni") tistabbilixxi dispożizzjonijiet dwar
l-oriġini ta' prodotti kkummerċjati skont il-Ftehimiet rilevanti
konklużi bejn il-Partijiet Kontraenti. Kemm l-UE kif ukoll dik li kienet
ir-Repubblika Jugoslava tal-Maċedonja ffirmaw il-Konvenzjoni fil-15 ta'
Ġunju 2011. L-UE u dik li kienet ir-Repubblika Jugoslava
tal-Maċedonja ddepożitaw l-istrumenti tagħhom ta'
aċċettazzjoni għand id-depożitarju tal-Konvenzjoni fis-26
ta' Marzu 2012 u fl-14 ta' Ġunju 2012, rispettivament. Bħala
konsegwenza, f'applikazzjoni tal-Artikolu 10(3) tagħha, il-Konvenzjoni
daħlet fis-seħħ fir-rigward tal-UE u dik li kienet ir-Repubblika
Jugoslava tal-Maċedonja fl-1 ta' Mejju 2012 u fl-1 ta' Awwissu 2012,
rispettivament. L-Artikolu 6 tal-Konvenzjoni jipprovdi li
kull Parti Kontraenti għandha tieħu miżuri xierqa biex
tiżgura li l-Konvenzjoni tiġi applikata b'mod effettiv. Għal dan
l-għan, il-Kunsill ta' Stabilizzazzjoni u Assoċjazzjoni stabbilit
mill-Ftehim ta' Stabbilizzazzjoni u Assoċjazzjoni bejn il-Komunitajiet
Ewropej u l-Istati Membri tagħhom, fuq naħa waħda, u dik li
kienet ir-Repubblika Jugoslava tal-Maċedonja, fuq in-naħa l-oħra[2], għandhom jadottaw
deċiżjoni li tissostitwixxi l-Protokoll 4 li jikkonċerna
d-definizzjoni tal-kunċett ta' "prodotti oriġinarji" u
metodi ta' kooperazzjoni amministrattiva, bi protokoll ġdid li, rigward
ir-regoli ta' oriġini, jirreferi għall-Konvenzjoni.
Il-pożizzjoni li għandha tittieħed mill-UE fi ħdan
il-Kunsill ta' Stabbilizzazzjoni u Assoċjazzjoni għandha tiġi
stabbilita mill-Kunsill. 2. IR-RIŻULTATI
TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET TAL-IMPATT L-Istati Membri tal-UE ġew ikkonsultati
dwar l-abbozz ta' Deċiżjoni tal-Kunsill fit-Taqsima tal-Oriġini
tal-Kumitat tal-Kodiċi Doganali tat-13 ta' Mejju 2013. Il-Partijiet
Kontraenti għall-Konvenzjoni ġew ikkonsultati waqt il-laqgħa
tal-grupp ta' ħidma Pan-Ewro-Mediterranju tal-14 u l-15 ta' Mejju 2013. Ma kienx meħtieġ li wieħed
jirrikorri għal għarfien espert estern. Minbarra dan, ma kienx
meħtieġ li ssir valutazzjoni tal-impatt billi l-adattamenti proposti
huma ta' natura teknika u ma jolqtux is-sustanza tal-protokoll fuq ir-regoli
dwar l-oriġini li jinsab fis-seħħ bħalissa. 3. L-ELEMENTI
ĠURIDIĊI TAL-PROPOSTA Il-bażi ġuridika għal din
id-Deċiżjoni tal-Kunsill hija l-ewwel subparagrafu
tal-Artikolu 207(4), flimkien mal-Artikolu 218(9) tat-Trattat dwar il-Funzjonament
tal-Unjoni Ewropea. Il-proposta taqa' fil-kompetenza esklussiva
tal-Unjoni. Għalhekk il-prinċipju tas-sussidjarjetà ma japplikax. L-istrument li qed jiġi propost:
Deċiżjoni tal-Kunsill. 2014/0142 (NLE) Proposta għal DEĊIŻJONI TAL-KUNSILL dwar il-pożizzjoni li għandha
tittieħed mill-Unjoni Ewropea fi ħdan il-Kunsill ta'
Stabbilizzazzjoni u Assoċjazzjoni stabbilit mill-Ftehim ta'
Stabbilizzazzjoni u Assoċjazzjoni bejn il-Komunitajiet Ewropej u l-Istati
Membri tagħhom, fuq naħa waħda, u dik li kienet ir-Repubblika
Jugoslava tal-Maċedonja, fuq in-naħa l-oħra, rigward
is-sostituzzjoni tal-Protokoll 4 ta' dak il-Ftehim, fir-rigward
tad-definizzjoni tal-kunċett ta' "prodotti oriġinarji" u
l-metodi ta' kooperazzjoni amministrattiva, bi Protokoll ġdid li, rigward
ir-regoli ta' oriġini, jirreferi għall-Konvenzjoni reġjonali
dwar ir-regoli preferenzjali tal-oriġini pan-Ewro-Mediterranji IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b'mod partikolari l-ewwel subparagrafu
tal-Artikolu 207(4) flimkien mal-Artikolu 218(9) tiegħu, Wara li kkunsidra l-proposta mill-Kummissjoni
Ewropea, Billi: (1) Il-Protokoll 4 tal-Ftehim ta'
Stabbilizzazzjoni u Assoċjazzjoni bejn il-Komunitajiet Ewropej u l-Istati
Membri tagħhom fuq naħa, u dik li kienet ir-Repubblika Jugoslava
tal-Maċedonja, fuq in-naħa l-oħra[3],
minn hawn 'il quddiem "il-Ftehim", jirrigwarda d-definizzjoni
tal-kunċett ta' "prodotti oriġinarji" u l-metodi ta'
kooperazzjoni amministrattiva, minn hawn 'il quddiem il-"Protokoll
4". (2) Il-Konvenzjoni Reġjonali
dwar ir-regoli preferenzjali tal-oriġini pan-Ewro-Mediterranji[4] minn hawn 'il quddiem
"il-Konvenzjoni" tistabbilixxi dispożizzjonijiet dwar
l-oriġini ta' prodotti kkummerċjati skont il-Ftehimiet rilevanti
konklużi bejn il-Partijiet Kontraenti. Dik li kienet ir-Repubblika
Jugoslava tal-Maċedonja u l-parteċipanti l-oħra fil-proċess
ta' Stabbilizzazzjoni u Assoċjazzjoni fil-Balkani tal-Punent ġew
mistiedna jingħaqdu mas-sistema pan-Ewropea tal-akkumulazzjoni djagonali
ta' oriġini fl-aġenda ta' Tessaloniki, approvata mill-Kunsill Ewropew
ta' Ġunju 2003. Huma ġew mistiedna jissieħbu mal-Konvenzjoni b'deċiżjoni
tal-Konferenza Ministerjali Ewro-Mediterranja ta' Ottubru 2007. (3) L-UE kif ukoll dik li kienet
ir-Repubblika Jugoslava tal-Maċedonja ffirmaw il-Konvenzjoni fil-15 ta'
Ġunju 2011. (4) L-UE u dik li kienet
ir-Repubblika Jugoslava tal-Maċedonja ddepożitaw l-istrumenti
tagħhom ta' aċċettazzjoni għand id-depożitarju
tal-Konvenzjoni fis-26 ta' Marzu 2012 u fl-14 ta' Ġunju 2012,
rispettivament. Bħala konsegwenza, f'applikazzjoni tal-Artikolu 10(3)
tagħha, il-Konvenzjoni daħlet fis-seħħ fir-rigward tal-UE u
dik li kienet ir-Repubblika Jugoslava tal-Maċedonja fl-1 ta' Mejju 2012 u
fl-1 ta' Awwissu 2012, rispettivament. (5) L-Artikolu 6
tal-Konvenzjoni jipprovdi li kull Parti Kontraenti tieħu miżuri
xierqa biex tiżgura li l-Konvenzjoni tiġi applikata b'mod effettiv.
Għal dak il-għan, il-Kunsill ta' Stabbilizzazzjoni u
Assoċjazzjoni stabbilit mill-Ftehim għandu jadotta
Deċiżjoni li tissostitwixxi l-Protokoll 4 bi Protokoll ġdid li,
fir-rigward tar-regoli tal-oriġini, jirreferi għall-Konvenzjoni. (6) L-Unjoni Ewropea għandha
għalhekk tadotta l-pożizzjoni definita fl-abbozz ta'
Deċiżjoni hawn mehmuż, fil-Kunsill ta' Stabbilizzazzjoni u
Assoċjazzjoni, ADOTTA DIN ID-DEĊIŻJONI: Artikolu 1 Il-pożizzjoni li għandha
tittieħed mill-Unjoni Ewropea fil-Kunsill ta' Stabbilizzazzjoni u
Assoċjazzjoni stabbilit mill-Ftehim ta' Stabbilizzazzjoni u
Assoċjazzjoni bejn il-Komunitajiet Ewropej u l-Istati Membri tagħhom,
fuq naħa waħda, u dik li kienet ir-Repubblika Jugoslava
tal-Maċedonja, fuq in-naħa l-oħra, rigward is-sostituzzjoni
tal-Protokoll 4 ta' dak il-Ftehim, fir-rigward tad-definizzjoni
tal-kunċett ta' "prodotti oriġinarji" u l-metodi ta'
kooperazzjoni amministrattiva, bi Protokoll ġdid li, rigward ir-regoli ta'
oriġini, jirreferi għall-Konvenzjoni reġjonali dwar ir-regoli
preferenzjali tal-oriġini pan-Ewro-Mediterranji, hija stabbilita fl-abbozz
ta' Deċiżjoni tal-Kunsill ta' Stabbilizzazzjoni u Assoċjazzjoni,
hawn mehmuż. Jista' jintlaħaq qbil dwar xi tibdil
żgħir fl-abbozz tad-Deċiżjoni mir-rappreżentanti
tal-Unjoni fil-Kunsill ta' Stabbilizzazzjoni u Assoċjazzjoni, minħajr
deċiżjoni ulterjuri mill-Kunsill. Artikolu 2 Id-Deċiżjoni tal-Kunsill ta'
Stabbilizzazzjoni u Assoċjazzjoni tiġi ppubblikata f'Il-Ġurnal
Uffiċjali tal-Unjoni Ewropea. Artikolu 3 Din id-Deċiżjoni tidħol
fis-seħħ fil-jum tal-adozzjoni tagħha. Magħmul fi Brussell, Għall-Kunsill Il-President [1] ĠU L 54, 26.2.2013, p. 4. [2] ĠU L 84, 20.3.2004, p. 13. [3] ĠU L 84, 20.3.2004, p. 13. [4] ĠU L 54, 26.2.2013, p. 4. ANNESS Abbozz ta'
DEĊIŻJONI TAL-KUNSILL TA' STABBILIAZZJONI U ASSOĊJAZZJONI
TAL-UE-dik li kienet ir-Repubblika
Jugoslava tal-Maċedonja Nru […] ta' […] li temenda
l-Protokoll 4 tal-Ftehim ta' Stabbilizzazzjoni u Assoċjazzjoni bejn
il-Komunitajiet Ewropej u l-Istati Membri tagħhom fuq naħa, u dik li
kienet ir-Repubblika Jugoslava tal-Maċedonja, fuq in-naħa
l-oħra, dwar id-definizzjoni tal-kunċett ta' "prodotti
oriġinarji" u l-metodi ta' kooperazzjoni amministrattiva Il-Kunsill ta' Stabbilizzazzjoni u Assoċjazzjoni, Wara li kkunsidra l-Ftehim ta'
Stabbilizzazzjoni u Assoċjazzjoni bejn il-Komunitajiet Ewropej u l-Istati
Membri tagħhom, fuq naħa waħda, u dik li kienet ir-Repubblika
Jugoslava tal-Maċedonja, fuq in-naħa l-oħra[1], minn hawn 'il quddiem
imsejjaħ "il-Ftehim", u b'mod partikolari l-Artikolu 40
tiegħu, Wara li kkunsidra l-Protokoll 4 tal-Ftehim
dwar id-definizzjoni tal-kunċett ta' "prodotti oriġinarji"
u l-metodi ta' kooperazzjoni amministrattiva, minn hawn' il quddiem
imsejjaħ "il-Protokoll 4", Billi: (1)
L-Artikolu 40 tal-Ftehim jirreferi
għall-Protokoll 4 li jistabbilixxi r-regoli tal-oriġini u jipprovdi
għal akkumulazzjoni ta' oriġini bejn l-UE, dik li kienet
ir-Repubblika Jugoslava tal-Maċedonja, it-Turkija u kwalunkwe pajjiż
jew territorju li jipparteċipa fil-proċess ta' Stabbilizzazzjoni u
Assoċjazzjoni tal-Unjoni Ewropea. (2)
L-Artikolu 39 tal-Protokoll 4 jipprovdi li
l-Kunsill ta' Stabbilizzazzjoni u Assoċjazzjoni stipulat
fl-Artikolu 108 tal-Ftehim jista' jiddeċiedi li jemenda
d-dispożizzjonijiet ta' dan il-Protokoll. (3)
Il-Konvenzjoni reġjonali dwar ir-regoli
preferenzjali tal-oriġini pan-Ewro-Mediterranji[2], minn hawn 'il quddiem
"il-Konvenzjoni", għandha l-għan li tissostitwixxi
l-protokolli dwar ir-regoli tal-oriġini li jinsabu fis-seħħ
bħalissa fost il-pajjiżi taż-żona Pan-Ewro-Mediterranja
b'att legali wieħed. Dik li kienet ir-Repubblika Jugoslava
tal-Maċedonja u l-parteċipanti l-oħra fil-proċess ta'
Stabbilizzazzjoni u Assoċjazzjoni fil-Balkani tal-Punent ġew
mistiedna jingħaqdu mas-sistema pan-Ewropea tal-akkumulazzjoni djagonali
ta' oriġini fl-aġenda ta' Tessaloniki, approvata mill-Kunsill Ewropew
ta' Ġunju 2003. Huma ġew mistiedna jissieħbu mal-Konvenzjoni
b'deċiżjoni tal-Konferenza Ministerjali Ewro-Mediterranja ta' Ottubru
2007. (4)
L-UE kif ukoll dik li kienet ir-Repubblika
Jugoslava tal-Maċedonja ffirmaw il-Konvenzjoni fil-15 ta' Ġunju 2011. (5)
L-UE u dik li kienet ir-Repubblika Jugoslava
tal-Maċedonja ddepożitaw l-istrumenti tagħhom ta'
aċċettazzjoni għand id-depożitarju ta' din il-Konvenzjoni
fis-26 ta' Marzu 2012 u l-14 ta' Ġunju 2012, rispettivament. Bħala
konsegwenza, f'applikazzjoni tal-Artikolu 10(3) tagħha,
il-Konvenzjoni daħlet fis-seħħ fir-rigward tal-UE u dik li
kienet ir-Repubblika Jugoslava tal-Maċedonja fl-1 ta' Mejju 2012 u fl-1
ta' Awwissu 2012, rispettivament. (6)
Fejn it-tranżizzjoni lejn il-Konvenzjoni ma
tkunx simultanja għall-Partijiet Kontraenti kollha fi ħdan
iż-żona ta' akkumulazzjoni, ma għandhiex twassal għal
sitwazzjoni anqas favorevoli minn qabel skont il-Protokoll. (7)
Il-Protokoll 4 tal-Ftehim għandu għalhekk
jiġi emendat sabiex jagħmel referenza għall-Konvenzjoni. IDDEĊIEDA
KIF ĠEJ: Artikolu 1 Il-Protokoll 4 tal-Ftehim, rigward
id-definizzjoni tal-kunċett ta' "prodotti oriġinarji" u
metodi ta' kooperazzjoni amministrattiva, jiġi sostitwit bit-test
stabbilit fl-Anness għal din id-Deċiżjoni. Artikolu 2 Din id-Deċiżjoni tidħol
fis-seħħ fil-jum tal-adozzjoni tagħha. Hija tapplika mill-[1 ta' Settembru 2014]. Magħmul fi Għall-Kunsill
ta' Stabbilizzazzjoni u Assoċjazzjoni Il-President Anness Protokoll 4 dwar
id-definizzjoni tal-kunċett ta' "prodotti oriġinarji" u
metodi ta' kooperazzjoni amministrattiva Artikolu 1 Ir-regoli
ta' oriġini applikabbli Għall-fini tal-implimentazzjoni ta' dan
il-Ftehim, japplikaw l-Appendiċi I u d-dispożizzjonijiet rilevanti
tal-Appendiċi II tal-Konvenzjoni Reġjonali dwar ir-regoli
preferenzjali tal-oriġini pan-Ewro-Mediterranji[3], minn hawn' il quddiem
"il-Konvenzjoni". Ir-referenzi kollha għall-"ftehim
rilevanti" f'Appendiċi I u fid-dispożizzjonijiet rilevanti
tal-Appendiċi II tal-Konvenzjoni Reġjonali dwar ir-regoli
preferenzjali ta' oriġini Pan-Ewro-Mediterranji jinftiehmu bħala li
jirreferu għal dan il-Ftehim. Artikolu 2 Soluzzjoni
tat-tilwim Fejn iqumu tilwimiet b'rabta mal-proċeduri
ta' verifikazzjoni tal-Artikolu 32 tal-Appendiċi I tal-Konvenzjoni li ma
jkunux jistgħu jissolvew bejn l-awtoritajiet doganali li jkunu qed jitolbu
l-verifikazzjoni u l-awtoritajiet doganali li jkunu responsabbli milli jwettqu
din il-verifikazzjoni, dawn jitressqu quddiem il-Kunsill ta' Stabbilizzazzjoni
u Assoċjazzjoni. Fil-każijiet kollha s-soluzzjoni
tat-tilwim bejn l-importatur u l-awtoritajiet doganali tal-pajjiż
tal-importazzjoni sseħħ skont il-leġiżlazzjoni ta' dak
il-pajjiż. Artikolu 3 Emendi
għall-Protokoll Il-Kunsill ta' Stabilizzazzjoni u
Assoċjazzjoni jista' jiddeċiedi li jemenda d-dispożizzjonijiet
ta' dan il-Protokoll. Artikolu 4 Irtirar
mill-Konvenzjoni 1. Jekk l-UE jew dik li kienet ir-Repubblika
Jugoslava tal-Maċedonja jagħtu avviż bil-miktub
lid-depożitarju tal-Konvenzjoni dwar l-intenzjoni tagħhom li jirtiraw
mill-Konvenzjoni skont l-Artikolu 9 tagħha, l-UE u dik li kienet
ir-Repubblika Jugoslava tal-Maċedonja sejrin immedjatament jidħlu
f'negozjati dwar ir-regoli tal-oriġini għall-iskop
tal-implimentazzjoni ta' dan il-Ftehim. 2. Sad-dħul fis-seħħ ta' dawn
ir-regoli ta' oriġini ġodda nnegozjati, ir-regoli tal-oriġini li
jinsabu f'Appendiċi I u, fejn xieraq, id-dispożizzjonijiet rilevanti
ta' Appendiċi II tal-Konvenzjoni, applikabbli fil-mument tal-irtirar,
jibqgħu japplikaw għal dan il-Ftehim. Madankollu, mill-mument
tal-irtirar, ir-regoli tal-oriġini li jinsabu fl-Appendiċi I u, fejn
xieraq, id-dispożizzjonijiet rilevanti tal-Appendiċi II
tal-Konvenzjoni jiġu interpretati fis-sens li jippermettu akkumulazzjoni
bilaterali bejn l-UE u dik li kienet ir-Repubblika Jugoslava tal-Maċedonja
biss. Artikolu 5 Dispożizzjonijiet
ta' tranżizzjoni – akkumulazzjoni 1. Minkejja l-Artikolu 3
tal-Appendiċi I tal-Konvenzjoni, ir-regoli dwar l-akkumulazzjoni previsti
fl-Artikoli 3 u 4 tal-Protokoll 4 tal-Ftehim, kif emendati permezz
tal-Protokoll tal-Ftehim ta' Stabbilizzazzjoni u Assoċjazzjoni bejn
il-Komunitajiet Ewropej u l-Istati Membri tagħhom, fuq naħa
waħda, u dik li kienet ir-Repubblika Jugoslava tal-Maċedonja, fuq
in-naħa l-oħra, sabiex iqisu l-adeżjoni tar-Repubblika
tal-Bulgarija u r-Rumanija mal-Unjoni Ewropea[4],
ikomplu japplikaw bejn l-UE u dik li kienet ir-Repubblika Jugoslava
tal-Maċedonja sa meta l-Konvenzjoni tkun daħlet fis-seħħ
fir-rigward tal-Partijiet Kontraenti kollha elenkati f'dawn l-Artikoli 3 u 4. 2. Minkejja l-Artikoli 16(5) u 21(3)
tal-Appendiċi I tal-Konvenzjoni, fejn l-akkumulazzjoni tinvolvi biss
l-Istati tal-EFTA, il-Gżejjer Faeroe, l-UE, it-Turkija u
l-parteċipanti fil-Proċess ta' Stabbilizzazzjoni u ta'
Assoċjazzjoni, il-prova tal-oriġini tista' tkun ċertifikat ta'
moviment EUR.1 jew dikjarazzjoni tal-oriġini. [1] ĠU L 84, 20.3.2004, p. 13. [2] ĠU L 54, 26.2.2013, p. 4. [3] ĠU L 54, 26.2.2013, p. 4. [4] ĠU L99, 10.4.2008, p. 2.