This document is an excerpt from the EUR-Lex website
Document 52014DC0061
COMMUNICATION FROM THE COMMISSION TO THE EUROPEAN PARLIAMENT AND THE COUNCIL on the application of Regulation (EU) No 472/2013
KOMUNIKAZZJONI TAL-KUMMISSJONI LILL-PARLAMENT EWROPEW U LILL-KUNSILL dwar l-applikazzjoni tar-Regolament (UE) Nru 472/2013
KOMUNIKAZZJONI TAL-KUMMISSJONI LILL-PARLAMENT EWROPEW U LILL-KUNSILL dwar l-applikazzjoni tar-Regolament (UE) Nru 472/2013
/* COM/2014/061 final */
KOMUNIKAZZJONI TAL-KUMMISSJONI LILL-PARLAMENT EWROPEW U LILL-KUNSILL dwar l-applikazzjoni tar-Regolament (UE) Nru 472/2013 /* COM/2014/061 final */
KOMUNIKAZZJONI
MILL-KUMMISSJONI LILL-PARLAMENT EWROPEW U LILL-KUNSILL dwar
l-applikazzjoni tar-Regolament (UE) Nru 472/2013 1.
INTRODUZZJONI Il-kriżi
ekonomika u finanzjarja żvelat għadd ta’ nuqqasijiet fil-governanza
ekonomika u s-sorveljanza tal-UE. Il-parti l-kbira tan-nuqqasijiet
fis-sorveljanza kienu indirizzati b’mod effettiv mal-ħolqien tas-Semestru
Ewropew għall-koordinazzjoni tal-politika ekonomika u sitt
biċċiet ta’ leġiżlazzjoni komunement magħrufa bħala
“Six Pack”. Minħabba l-potenzjal ogħla li politiki ekonomiċi u
baġitarji fiż-żona tal-munita unika jistgħu
jirriżultaw f’effetti sekondarji sostantivi, madankollu, xorta waħda
kien hemm ħtieġa għal mekkaniżmi aktar
b’saħħithom biex jiddaħħlu fis-seħħ. Għal
dawn l-għanijiet, ir-Regolamenti (UE) Nru 472/2013 u (UE)
Nru 473/2013[1]
ġew adottati mil-leġiżlatur. Ir-Regolament (UE)
Nru 472/2013 jistabbilixxi proċessi speċifiċi relatati ma’
sorveljanza msaħħa tal-programmi u ta’ wara l-programm
għall-Istati Membri taż-żona tal-euro, il-formalizzazzjoni tal-approċċi
li preċedentement kienu ad hoc u li ssir r-rabta bejn l-assistenza
finanzjarja u l-qafas tat-Trattat marbutin mal-koordinazzjoni tal-politiki
ekonomiċi tal-Istati Membri. Dawn l-hekk imsejħa Regolamenti “Two
Pack” daħlu fis-seħħ fit-30 ta’ Mejju 2013. Ir-Regolament
(UE) Nru 472/2013 (minn hawn’ il quddiem “ir-Regolament”) jistabbilixxi
regoli għal sorveljanza msaħħa, programmi ta’
aġġustament makroekonomiku u sorveljanza ta’ wara l-programm li
taħthom il-Kummissjoni u l-Kunsill jistgħu jeżerċitaw grad
ta’ sorveljanza xiereq għall-każ trattat, u li jikkomplementa
proċessi ta’ sorveljanza multilaterali eżistenti oħra. B’hekk,
huma jistgħu jikkonkludu li Stat Membru għandu jieħu aktar
miżuri biex jindirizza r-riskji speċifiċi li joriġinaw minn
dak l-Istat Membru għal l-istabbiltà finanzjarja taż-żona euro;
dawn il-miżuri jimmiraw biex jistabbilixxu mill-ġdid is-sitwazzjoni
ekonomika u finanzjarja tajba u, jekk rilevanti, tiġi restawrata
l-kapaċità tal-Istat Membru li jiffinanzja lilu nnifsu kompletament
fis-swieq finanzjarji. Ir-Regolament
ġie stabbilit sabiex jallinja l-prattika attwali użata
fl-implimentazzjoni ta’ programmi ta’ għajnuna finanzjarja fl-Istati
Membri taż-żona tal-euro mal-qafas istituzzjonali tat-Trattat u li,
għalhekk, fl-istess ħin jiżgura applikazzjoni mtejba tal-istess
prinċipji fl-Istati Membri kollha. Il-grad ta’ kemm ikunu intrużivi
l-monitoraġġ u s-sorveljanza se jiddependi fuq il-gravità
tas-sitwazzjoni finanzjarja tal-Istat Membru kkonċernat. Ir-Regolament
jippermetti wkoll is-simplifikazzjoni ta’ obbligi doppji ta’
rappurtaġġ għal każijiet speċifiċi fejn Stat
Membru huwa taħt l-assistenza finanzjarja. Skont
l-Artikolu 19 tar-Regolament, sa Jannar 2014, u kull ħames snin wara,
il-Kummissjoni għandha tippreżenta lill-Parlament Ewropew u
lill-Kunsill rapport dwar l-applikazzjoni ta’ dan ir-Regolament, flimkien ma',
jekk ikun xieraq, proposta biex jiġi emendat dan ir-Regolament. Ir-rapport
għandu jevalwa, inter alia: (a) l-effikaċja ta' dan ir-Regolament;
(b) il-progress fl-iżgurar ta’ koordinazzjoni eqreb tal-politiki
ekonomiċi u l-konverġenza kontinwa fil-prestazzjoni ekonomika
tal-Istati Membri skont it-TFUE; (c) il-kontribut ta' dan ir-Regolament
għall-kisba tal-istrateġija tal-Unjoni għat-tkabbir u
l-impjiegi. Ta’ min
jinnota li r-reviżjoni tar-Regolament għandha l-għan li
tipprovdi ħarsa ġenerali dwar l-implimentazzjoni tiegħu
mid-dħul fis-seħħ tiegħu. Il-kontenut ipprovdut, bħala
parti minn din ir-reviżjoni, fuq il-progress ekonomiku li sar mill-Istati
Membri taħt il-programm mhux maħsub li jiddupplika jew jinkorpora
r-reviżjonijiet regolari tal-missjoni imwettqa taħt dawn
il-programmi. Ir-Regolament
ilu fis-seħħ biss għal żmien qasir ħafna, li jimplika
limitazzjonijiet severi kemm dwar dak li jista’ jiġi evalwat, kif ukoll sa
liema dettall, f’dan il-mument. Ir-reviżjoni tal-leġiżlazzjoni
“Six” jew “Two Pack” ta’ leġiżlazzjoni fi tmiem is-sena 2014
għandha, b’kuntrast, tippermetti li ssir valutazzjoni aktar komprensiva u
fil-fond dwar l-effettività tar-Regolament. 2. L-APPLIKAZZJONI
TAR-REGOLAMENT (UE) NRU 472/2013 2.1.
Implimentazzjoni tar-Regolament L-Artikolu
2(5) u l-Artikolu 7(12) tar-Regolament jobbligaw lill-Kummissjoni biex
tippubblika, għall-finijiet ta’ tagħrif, żewġ listi ta’
strumenti ta’ assistenza finanzjarja: (i) dawk l-istrumenti li huma ta’ natura
prekawzjonarja u, separatament, (ii) dawk l-istrumenti li għalihom
ir-regoli skont il-Mekkaniżmu Ewropew ta’ Stabbiltà (MES) ma jipprovdux
għal programm ta’ aġġustament makroekonomiku. F'Ottubru tal-2013
il-Kummissjoni adottat il-Komunikazzjoni msemmija[2].
Sa
mid-dħul fis-seħħ tar-Regolament, l-ebda Stat Membru
taż-żona tal-euro ma kien soġġett għal sorveljanza
msaħħa skont l-Artikolu 2 u l-ebda Stat Membru
taż-żona tal-euro għadu ma kkonkluda programm ta’
aġġustament makroekonomiku ġdid. Madankollu,
skont l-Artikolu 16 tar-Regolament, l-Istati Membri li jirċievu
assistenza finanzjarja mid-data tad-dħul fis-seħħ huma
suġġetti għar-regoli tar-Regolament. Għalhekk, huwa
japplika għal dawk l-Istati Membri taż-żona tal-euro li kienu
taħt strument ta’ għajnuna finanzjarja fit-30 ta’ Mejju 2013. Fil-mument
tad-dħul fis-seħħ tar-Regolament, il-Greċja, l-Irlanda,
il-Portugall, Spanja u Ċipru kienu benefiċjarji ta’ assistenza
finanzjarja minn wieħed jew aktar mill-Istati Membri l-oħra, il-MESF,
il-FESF, il-MES, jew istituzzjoni finanzjarja internazzjonali rilevanti
oħra, bħall-FMI. Deċiżjonijiet ġodda li
jaġġustaw programmi ta’ aġġustament makroekonomiku
eżistenti ġew adottati skont dan ir-Regolament. Erba’
Stati Membri qed jirċievu assistenza finanzjarja marbuta ma’ programm ta’
aġġustament makroekonomiku, u b’hekk iwasslu għall-applikazzjoni
tal-Artikolu 7 tar-Regolament: Il-Greċja Il-Greċja
kkonkludiet żewġ programmi ta’ aġġustament ekonomiku.
L-ewwel wieħed ġie deskritt fid-dettall bid-Deċiżjoni
tal-Kunsill 2010/320/UE fis-26 ta’ Mejju 2010 u ġie emendat diversi drabi
sussegwentement. It-tieni programm għall-aġġustament ekonomiku
ġie implimentat bid-Deċiżjoni tal-Kunsill 2011/734/UE tat-12 ta’
Lulju 2011 li ġiet l-aħħar emendata bid-Deċiżjoni
tal-Kunsill 2013/6/UE[3].
L-Irlanda Il-programm
ta’ aġġustament ekonomiku tal-Irlanda kien implimentat
bid-Deċiżjoni tal-Kunsill 2011/77/UE fi Frar 2011.
L-aġġornamenti fil-programm ta’ aġġustament makroekonomiku
ġew adottati skont l-Artikolu 7(5) tar-Regolament skont kif
aġġornat fid-9 ta' Lulju 2013 permezz tad-Deċiżjoni ta'
Implimentazzjoni tal-Kunsill 2013/373/UE[4]. Il-Portugall Il-programm
ta’ aġġustament ekonomiku tal-Portugall kien implimentat
bid-Deċiżjoni tal-Kunsill 2011/344/UE fl-20 ta' Mejju 2011.
L-aġġornamenti fil-programm ta’ aġġustament makroekonomiku
ġew adottati skont l-Artikolu 7(5) tar-Regolament skont kif
aġġornat fid-9 ta' Lulju 2013 permezz tad-Deċiżjoni ta' Implimentazzjoni
tal-Kunsill 2013/375/UE[5]. Ċipru Il-programm
ta’ aġġustament ekonomiku Ċiprijott ġie implimentat
bid-Deċiżjoni tal-Kunsill 2013/236/UE tat-23 ta’ April 2013, ftit
qabel id-dħul fis-seħħ tar-Regolament. Għal raġunijiet
ta’ ċarezza u ċertezza legali, il-programm ta’ aġġustament
makroekonomiku minn dakinhar ġie approvat skont l-Artikolu 7(2)
tar-Regolament permezz tad-Deċiżjoni tal-Kunsill 2013/463/UE tat-13
ta’ Settembru 2013[6].
Spanja
kienet suġġetta għal assistenza finanzjarja
għar-rikapitalizzazzjoni tal-istituzzjonijiet finanzjarji. Dan ifisser li
d-dispożizzjonijiet tal-programm ta’ aġġustament makroekonomiku
tar-Regolament ma japplikawx għal Spanja. Spanja, madankollu, se tkun
suġġetta għal sorveljanza ta’ wara l-programm skont
l-Artikolu 14 tar-Regolament malli jintemm il-programm ta’ assistenza
finanzjarja attwali. 2.2.
L-Effettività tar-Regolament L-għan
ewlieni ta’ dan ir-Regolament huwa li jsaħħaħ
il-monitoraġġ u s-sorveljanza għall-Istati Membri mhedda bih,
jew li qed jesperjenzaw, diffikultajiet serji fir-rigward tal-istabbiltà finanzjarja
tagħhom. Huwa jimmira li jistabbilixxi proċessi ta' sorveljanza
trasparenti, effiċjenti, simplifikati u prevedibbli għall-Istati
Membri taħt sorveljanza msaħħa, taħt il-programm ta’
aġġustament makroekonomiku u sorveljanza ta’ wara l-programm. Ir-Regolament
ilu fis-seħħ mit-30 ta’ Mejju 2013. Żmien qasir bħal dan
jagħmilha aktar diffiċli li tiġi evalwata l-effettività
tar-Regolament, peress li jipprovdi evidenza limitata li fuqha tista’ tiġi
bbażata din l-evalwazzjoni. B’mod
partikolari, ħafna dispożizzjonijiet tar-Regolament huma rilevanti
għal dak il-perjodu li fih jiġu żviluppati u nnegozjati
l-programmi. Fil-programmi eżistenti, dawn il-perjodi seħħu
qabel ma daħal fis-seħħ ir-Regolament. L-effettività
tar-Regolament skont l-Artikolu 19 għalhekk ma tistax tiġi
evalwata fir-rigward ta’ dawn il-fażijiet preċedenti. Barra
minn hekk, mhuwiex possibbli li ssir valutazzjoni tal-effettività
tar-Regolament fir-rigward tas-sorveljanza msaħħa minħabba li
ebda Stat Membru taż-Żona tal-euro għadu ma tqiegħed
taħt sorveljanza msaħħa. Għal dawn l-istess
raġunijiet, l-effettività tar-Regolament għadha ma tistax tiġi
vvalutata fir-rigward tal-applikazzjoni ta’ sorveljanza ta’ wara l-programm. Matul
dan iż-żmien, l-effettività tista' tiġi evalwata biss
fir-rigward ta' programmi ta' aġġustament makroekonomiku
eżistenti. Dawn il-miżuri jimmiraw biex jistabbilixxu mill-ġdid
is-sitwazzjoni ekonomika u finanzjarja tajba u, biex tiġi restawrata
l-kapaċità tal-Istat Membru li jiffinanzja lilu nnifsu kompletament
fis-swieq finanzjarji. S’issa, programmi ta’ aġġustament
makroekonomiku eżistenti laħqu l-għanijiet tar-Regolament. Madankollu,
l-implimentazzjoni kontinwa tal-programmi Griegi, Portugiżi u
Ċiprijotti se tipprovdi parametri importanti u xhieda dwar kif tista'
tiġi analizzata l-effikaċja tal-eżerċizzju ta’
reviżjoni li jmiss. Bl-istess mod, il-ħruġ dalwaqt tal-Irlanda u
Spanja mill-programmi ta’ assistenza finanzjarja tagħhom se jipprovdi
evidenza ġdida biex titwettaq valutazzjoni aktar dettaljata
tal-effettività tas-sorveljanza ta’ wara l-programm fi stadju aktar tard. Il-monitoraġġ
mill-qrib tal-Istati Membri kollha taż-żona tal-euro se jservi biex
tiġi indirizzata immedjatament kwalunkwe fraġilità potenzjali li
tista' toħroġ u li jiġi evitat il-kontaġju fl-EMU jew
l-Unjoni b’mod aktar wiesa’. 2.3. Il-progress
fl-iżgurar ta’ koordinazzjoni eqreb tal-politiki ekonomiċi u
l-konverġenza kontinwa fil-prestazzjonijiet ekonomiċi tal-Istati
Membri skont it-TFUE Ir-Regolament
(UE) Nru 473/2013 u l-leġiżlazzjoni “Six Pack” se jiġu
evalwati fl-2014 permezz ta’ eżerċizzju ta' reviżjoni. Huwa
mistenni li din ir-reviżjoni se tagħti ħarsa aktar komprensiva
lejn il-progress li sar fir-rigward tal-koordinazzjoni u l-konverġenza. Ir-Regolament
(UE) Nru 472/2013 jistabbilixxi qafas għat-tisħiħ
tas-sorveljanza ekonomika u baġitarja tal-Istati Membri taż-żona
tal-euro li qed jesperjenzaw jew huma mhedda b’diffikultajiet serji. Fost
aspetti oħra, huwa jipprovdi għal koordinazzjoni aktar mill-qrib
għal dawk l-Istati Membri taħt il-programmi ta’ aġġustament
makroekonomiku u jistabbilixxi l-qafas ġenerali għas-sorveljanza ta’
wara l-programm. Barra
minn hekk, ir-Regolament jipprovdi għal sorveljanza ekonomika
msaħħa bil-ħsieb li tiġi żgurata l-koerenza
fil-politiki ekonomiċi – b’mod partikolari bejn il-qafas ta’ sorveljanza
multilaterali tal-Unjoni kif stabbilit mit-TFUE u l-kundizzjonijiet ta’
politika possibbli marbuta ma’ għajnuna finanzjarja – u li tiġi
evitata d-duplikazzjoni tal-obbligi ta’ rapportar. Għal dak l-għan
ir-Regolament fih klawsoli ta' konsistenza mal-Patt ta' Tkabbir u Stabbiltà,
mar-Regolament (UE) Nru 1176/2011[7]
u ma' xi dispożizzjonijiet tar-Regolament (UE) Nru 473/2013[8]8.
L-Istati Membri taż-żona tal-euro, soġġetti
għar-Regolament, ġew eżentati minn ċerti obbligi biex
jevitaw preċiżament din id-duplikazzjoni tal-obbligi ta’ rapportar. Dan
ir-Regolament ma fihx dispożizzjonijiet tranżitorji għall-Istati
Membri li joħorġu mill-programm u lanqas għajnuna finanzjarja
rispettiva (eż. l-Irlanda) matul iċ-ċikli annwali ta'
sorveljanza makroekonomika. Bil-għan ta’ twittija ta' riintegrazzjoni
sħiħa ta’ dawk l-Istati Membri fil-mekkaniżmi ta’ koordinazzjoni
ekonomika, il-Kummissjoni se tapplika l-għodod standard tas-sorveljanza
fil-pront għall-Istati Membri li implimentaw b’suċċess programmi
ta’ aġġustament ekonomiku. 3.
VALUTAZZJONI TAL-PROGRESS FIR-RIGWARD TAL-KONDIZZJONIJIET EKONOMIĊI Peress
li r-Regolament (UE) Nru 472/2013 daħal fis-seħħ biss
reċentament, huwa kmieni wisq biex jiġi vvalutat l-impatt
tal-implimentazzjoni tiegħu fuq il-kondizzjonijiet ekonomiċi. L-Istati
Membri kollha li għalihom il-kontenut tar-Regolament japplika wettqu
riformi strutturali sabiex jindirizzaw is-sorsi ta’ vulnerabbiltà u instabbiltà
finanzjarja. Il-problemi tal-Irlanda u Ċipru kienu prinċipalment
bażati fis-settur bankarju. Għaldaqstant, l-Irlanda organizzat
mill-ġdid is-settur, irrikapitalizzat il-banek vijabbli u dawk mhux vijabbli
stralċjathom, u qed tagħmel valutazzjoni tal-istress rigoruża
biex tevalwa tajjeb il-portafolli tal-assi. Ir-ristrutturar u
r-riżoluzzjoni tal-banek saru wkoll f’Ċipru, kif ukoll
diżingranar malajr u bil-quddiem. Barra minn hekk, iż-żewġ
pajjiżi qegħdin u se jkomplu jwettqu riformi tas-suq tax-xogħol
u tal-prodotti. Tal-ewwel tinkludi l-implimentazzjoni tal-Pjan ta’ Azzjoni
għall-Impjiegi u riforma tal-programmi ta’ edukazzjoni u taħriġ
fl-Irlanda, u sospensjoni ta’ indiċjar tal-pagi fis-settur privat sal-2014
f’Ċipru. Din tal-aħħar tirreferi fost l-oħrajn
għall-programmi ta' privatizzazzjoni f’diversi setturi tal-enerġija u
tat-trasport u infurzar tal-liġi tal-kompetizzjoni (l-Irlanda). Barra minn
hekk, iż-żewġ pajjiżi impenjaw ruħhom u għadhom
qed iwettqu riformi sabiex jikkonsolidaw il-finanzi pubbliċi tagħhom
u jnaqqsu l-pressjoni finanzjarja. Il-Greċja
implimentat konsolidazzjoni fiskali impressjonanti u wettqet riformi kbar
fis-suq tax-xogħol u tal-prodotti, fosthom iffaċilitat
il-formalitajiet biex jinfetaħ negozju ġdid u l-kumplessità
tal-proċeduri ta’ liċenzjar, kif ukoll riformi tal-pensjoni, fil-kura
tas-saħħa u s-sistemi ta’ tassazzjoni, biex trawwem
aġġustament, kompetittività u tkabbir. Dejn pubbliku għoli,
riġiditajiet strutturali u arranġamenti istituzzjonali diffiċli
jibqgħu preokkupanti. Fl-aħħar
nett, il-Portugall esperjenza riġiditajiet strutturali u livelli
għolja ta’ dejn pubbliku. Biex jiġu indirizzati dawn is-sorsi
tal-instabbiltà, diversi pakketti ta’ riforma ġew implimentati.
Pereżempju, ir-rati ta’ benefiċċju tal-qgħad tnaqqsu,
il-programmi ta' privatizzazzjoni ġew imwettqa, il-kompetizzjoni
fil-kummerċ bl-imnut żdiedet u l-ostakli għad-dħul
fis-servizzi professjonali ġew imnaqqsa. Barra minn hekk, il-bażi
tal-VAT twessgħat u għadd ta’ tnaqqis fit-taxxa fuq id-dħul
ġew eliminati. Valutazzjoni
dettaljata u bir-reqqa tas-sitwazzjoni tal-pajjiżi tal-programm tinsab
fir-riżultati ta’ missjonijiet ta’ analiżi, ippubblikata
fil-“European Economy” u disponibbli fuq il-websajt tal-Kummissjoni Ewropea
fl-indirizz li ġej: http://ec.europa.eu/economy_finance/assistance_eu_ms/index_en.htm. 4.
KONKLUŻJONI Din
il-Komunikazzjoni tiddeskrivi xi aspetti essenzjali tat-“Two Pack”,
ir-Regolament (UE) Nru 472/2013. Konsolidament fiskali ambizzjuż
flimkien ma’ riformi strutturali mifruxa u tiswija finanzjarja, sostnuti minn
assistenza finanzjarja esterna – l-aktar permezz ta’ programmi ta’ aġġustament
makroekonomiku – għenu biex itaffu t-taqlib fis-suq finanzjarju u
jiġu stabbilizzati s-swieq sussegwentement. Kontra
dan l-isfond, il-Kummissjoni hija tal-opinjoni li r-Regolament (UE)
Nru 472/2013 s’issa serva ta' qafas adegwat għal monitoraġġ
u sorveljanza msaħħa tal-Istati Membri taż-żona tal-euro li
qed jesperjenzaw jew huma mhedda b’diffikultajiet serji fejn tidħol
l-istabbiltà finanzjarja tagħhom. Id-dispożizzjonijiet
fdati fit-"Two Pack” u n-normi proċedurali promulgati fihom jidhru li
jippermettu trattament aktar koordinat madwar l-Istati Membri
taż-żona euro. Madankollu, kif spjegat f’din il-Komunikazzjoni,
il-perjodu qasir ta’ żmien li matulu dan ir-Regolament ilu
fis-seħħ jipprovdi evidenza limitata li fuqha tista’ tiġi bbażata
din l-evalwazzjoni. Sorveljanza msaħħa, pereżempju, għad
trid tiġi ttestjata, imma dan ir-Regolament jistabbilixxi qafas li
għandu jippermetti monitoraġġ iktar mill-qrib tal-Istati Membri
taż-żona tal-euro jew li qegħdin jesperjenzaw jew li jkunu
mhedda minn, diffikultajiet finanzjarji. Is-sorveljanza ta’ wara l-programm
għad trid tiġi ttestjata. Valutazzjoni
sistematika u bir-reqqa, li tibni fuq l-esperjenza miksuba, se ssir
fl-okkażjoni tar-reviżjoni li jmiss ta’ dan ir-Regolament, li ser
titwettaq b’mod parallel mar-reviżjoni tar-Regolament (UE)
Nru 473/2013 u l-leġiżlazzjoni “Six Pack”. [1] ĠU L 140,
27.5.2013. [2] ĠU C 300,
16.10.2013. [3] ĠU L 48, 21.2.2013. [4] ĠU L 191,
12.7.2013. [5] ĠU L 192,
13.7.2013. [6] ĠU L 250,
20.9.2013. [7] Ir-Regolament (UE)
Nru 1176/2011 tal-Parlament Ewropew u tal-Kunsill tas-16 ta' Novembru 2011
dwar il-prevenzjoni u l-korrezzjoni ta' żbilanċi makroekonomiċi
(ĠU L 306, 23.11.2011, p. 25) 8 Madankollu, l-Artikoli 1
sa 5 u 13 sa 18 tar-Regolament (UE) Nru 473/2013 ma għandhomx
japplikaw.