(1)

Id-Direttiva tal-Kunsill 2006/112/KE (12) tirrikjedi li persuni taxxabbli jissottomettu d-denunzji tal-VAT iżda tippermetti flessibbiltà għall-Istati Membri biex jiddeterminaw l-informazzjoni meħtieġa. Dan iwassal għal diversi regoli u proċeduri li jirregolaw is-sottomissjoni tad-denunzji tal-VAT fl-Unjoni, kumplessità addizzjonali għan-negozji u l-obbligi tal-VAT i joħolqu ostakoli għall-kummerċ tal-Unjoni.

(1)

Id-Direttiva tal-Kunsill 2006/112/KE (12) tirrikjedi li persuni taxxabbli jissottomettu d-denunzji tal-VAT iżda tippermetti flessibbiltà għall-Istati Membri biex jiddeterminaw l-informazzjoni meħtieġa. Dan iwassal għal diversi regoli u proċeduri li jirregolaw is-sottomissjoni tad-denunzji tal-VAT fl-Unjoni, kumplessità addizzjonali għan-negozji , piż amministrattiv żejjed kemm għall-awtoritajiet tat-taxxa tal-Istati Membri kif ukoll għall-persuni taxxabbli, lakuni li jippermettu li jitwettqu frodi tal-VAT, obbligi tal-VAT li joħolqu ostakoli għall-kummerċ tal-Unjoni , u spejjeż żejda kemm għall-awtoritajiet tat-taxxa tal-Istati Membri kif ukoll għall-persuni taxxabbli .

(2)

Sabiex jitnaqqsu l-piżijiet fuq in-negozju u jittejjeb il-funzjonament tas-suq intern, denunzja standard al-VAT għandha tiġi introdotta għan-negozji kollha li għandhom rapporti kummerċjali fl-Unjoni. L-użu ta’ denunzji standardizzati għandu jiffaċilita l-kontroll tad-denunzji tal-VAT mill-Istati Membri.

(2)

Sabiex jitnaqqsu l-piżijiet minn fuq in-negozju u jittejjeb il-funzjonament tas-suq intern, denunzja standard tal-VAT għandha tiġi introdotta għan-negozji kollha li għandhom rapporti kummerċjali fl-Unjoni , u l-użu ta’ denunzji standardizzati għandu jiffaċilita kemm il-ġbir u l-ħlas tal-VAT kif ukoll il-kontroll tad-denunzji tal-VAT mill-awtoritajiet tat-taxxa tal-Istati Membri. Dan għandu jikkontribwixxi wkoll sabiex jgħin lin-negozji jikkonformaw mal-leġiżlazzjoni tal-VAT, u b'hekk titnaqqas ir-rata ta' żbalji, u, fl-aħħar nett jikkontribwixxi biex jitnaqqsu jew saħansitra jiġu eliminati l-frodi tal-VAT u d-distakk tal-VAT.

(3)

Huwa meħtieġ li l-piżijiet amministrattivi jitnaqqsu għal minimu. L-informazzjoni meħtieġa dwar id-denunzja standard tal-VAT għandha għalhekk ikollha sett limitat ta’ informazzjoni mandatorja. Barra minn hekk, fir-rigward tad-denunzja standard tal-VAT u denunzji oħrajn, l-Istati Membri m’għandhomx jiġu permessi li jirrikjedu informazzjoni oħra għajr dik stabbilita fil-Kapitolu 5 tat-Titolu XI tad-Direttiva.

(3)

Huwa meħtieġ li l-piżijiet amministrattivi jitnaqqsu għal minimu. L-informazzjoni meħtieġa dwar id-denunzja standard tal-VAT għandha għalhekk ikollha sett limitat ta’ informazzjoni mandatorja. Barra minn hekk, fir-rigward tad-denunzja standard tal-VAT u denunzji oħrajn, l-Istati Membri m’għandhomx jiġu permessi li jirrikjedu informazzjoni oħra għajr dik stabbilita fil-Kapitolu 5 tat-Titolu XI tad-Direttiva. Id-denunzja standard tal-VAT se tissodisfa l-potenzjal sħiħ tagħha biss jekk l-Istati Membri jittrasponu din id-Direttiva, b’mod f’waqtu, fil-liġijiet nazzjonali, ir-regolamenti jew id-dispożizzjonijiet amministrattivi tagħhom, mingħajr ma jitbiegħdu mill-ambitu tagħha.

(9a)

L-awtoritajiet tat-taxxa tal-Istati Membri għanhdom jipprovdu lill-uffiċjali tagħhom u lill-persuni taxxabbli b'taħriġ online dwar l-użu xieraq tal-preżentazzjoni elettronika sabiex jiġi żgurat li l-preżentazzjoni tad-denunzja standard tal-VAT issir b'mod xieraq u sikur.

(14a)

Sabiex jitnaqqsu aktar il-piż minn fuq in-negozji u jitjieb il-funzjonament tas-suq intern, ir-rekwiżiti ta' informazzjoni fid-denunzja standard tal-VAT għandhom jiġu unifikati fl-Istati Membri kollha, u l-Kummissjoni għandha, fi żmien ħames snin wara d-data tad-dħul fis-seħħ ta' din id-Direttiva, tevalwa l-implimentazzjoni ta' din id-Direttiva minn dik il-perspettiva u tressaq proposti jekk ikun xieraq.

2a.

Sa …* [ĠU jekk jogħġbok daħħal id-data: 5 snin wara d-dħul fis-seħħ ta' din id-Direttiva] il-Kummissjoni għandha teżamina mill-ġdid l-adegwatezza ta' din id-Direttiva bl-għan li tnaqqas aktar il-piż minn fuq in-negozji u ttejjeb il-funzjonament tas-suq intern. Ir-riżultati tar-rieżami għandhom jiġu kkomunikati lill-Parlament Ewropew u lill-Kunsill, akkumpanjati, fejn meħtieġ, bi proposti leġiżlattivi xierqa.