This document is an excerpt from the EUR-Lex website
Document 52012PC0219
COMMUNICATION FROM THE COMMISSION TO THE EUROPEAN PARLIAMENT pursuant to Article 294(6) of the Treaty on the Functioning of the European Union concerning the position of the Council at first reading on the adoption of a Decision of the European Parliament and of the Council providing further macro-financial assistance to Georgia
KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill fl-ewwel qari dwar l-adozzjoni ta' Deċiżjoni tal-Parlament Ewropew u tal-Kunsill li tipprovdi aktar assistenza makrofinanzjarja lill-Ġeorġja
KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill fl-ewwel qari dwar l-adozzjoni ta' Deċiżjoni tal-Parlament Ewropew u tal-Kunsill li tipprovdi aktar assistenza makrofinanzjarja lill-Ġeorġja
/* COM/2012/0219 final - 2010/0390 (COD) */
KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill fl-ewwel qari dwar l-adozzjoni ta' Deċiżjoni tal-Parlament Ewropew u tal-Kunsill li tipprovdi aktar assistenza makrofinanzjarja lill-Ġeorġja /* COM/2012/0219 final - 2010/0390 (COD) */
2010/0390 (COD) KOMUNIKAZZJONI TAL-KUMMISSJONI
LILL-PARLAMENT EWROPEW
skont l-Artikolu 294(6) tat-Trattat dwar il-Funzjonament tal-Unjoni Ewropea
dwar il-pożizzjoni tal-Kunsill fl-ewwel qari
dwar l-adozzjoni ta' Deċiżjoni tal-Parlament Ewropew u tal-Kunsill li
tipprovdi aktar assistenza makrofinanzjarja lill-Ġeorġja 1. Kuntest Data tat-trażmissjoni tal-proposta lill-Parlament Ewropew u lill-Kunsill (id-dokument COM(2010) 804 finali – 2010/0390 COD): || It-13 ta' Jannar 2011 Data tal-opinjoni tal-Kumitat tar-Reġjuni: || mhux applikabbli Data tal-pożizzjoni tal-Parlament Ewropew, l-ewwel qari: || L-10 ta' Mejju 2011 Data tat-trażmissjoni tal-proposta emendata: || mhux applikabbli Data tal-adozzjoni tal-pożizzjoni komuni tal-Kunsill || L-10 ta’ Mejju 2012 2. Għan
tal-proposta mill-Kummissjoni Il-proposta kienet parti mir-riżultati
tanġibbli potenzjali tal-UE mħabbra fil-konferenza tad-donaturi
fl-2008. L-għanijiet tal-Assistenza Makrofinanzjarja (MFA) proposta huma
biex: ·
Tikkontribwixxi biex tkopri l-ħtiġijiet
finanzjarji esterni tal-Ġeorġja u biex ittaffi l-ħtiġijiet
finanzjarji baġitarji. ·
Tappoġġa l-isforz ta' konsolidazzjoni
fiskali u l-istabilizzazzjoni esterna fil-kuntest tal-programm tal-Fond
Monetarju Internazzjonali. ·
Tappoġġa l-isforzi tar-riforma strutturali
mmirati li jżidu t-tkabbir sostenibbli u jiżdidu t-trasparenza u
l-effiċjenza tal-ġestjoni tal-fondi pubbliċi. ·
Tiffaċilita u tinkoraġġixxi
l-isforzi mill-awtoritajiet tal-Ġeorġja biex jimplimentaw miżuri
identifikati taħt il-Pjan ta' Azzjoni PEV tal-UE-Ġeorġja u
s-Sħubija tal-Lvant sabiex jippromwovu integrazzjoni ekonomika u
finanzjarja aktar mill-qrib mal-UE, ukoll skont il-pjan biex jikkonkludu
"Żona ta' Kummerċ Ħieles Approfondita u Komprensiva"
bejn iż-żewġ partijiet. 3. Kummenti
dwar il-pożizzjoni tal-Kunsill 3.1. Kummenti ġenerali dwar
il-pożizzjoni tal-Kunsill fl-ewwel qari Il-pakkett komprensiv tal-UE sa massimu ta'
EUR 500 miljun biex jappoġġa l-irkupru ekonomiku
tal-Ġeorġja, mirhun f'Ottubru tal-2008 fil-Konferenza Internazzjonali
tad-Donaturi fi Brussell, fil-konsegwenzi tal-kunflitt mar-Russja f’Awwissu
tal-2008, kien jinkludi żewġ operazzjonijiet potenzjali ta'
Assistenza Makrofinanzjarja, li kull waħda tammonta għal EUR 46
miljun. L-ewwel parti kienet implimentata b'suċċess matul l-2009-10.
Għat-tieni parti, il-Kummissjoni adottat proposta għal aktar MFA
għall-Ġeorġja fit-13 ta' Jannar 2011. Il-plenarja tal-Parlament Ewropew ivvotat fuq
il-proposta fl-10 ta' Mejju 2011 u adottat reżoluzzjoni
leġiżlattiva mal-emendi li kienu aċċettati bis-sħiħ
mill-Kummissjoni u inkorporati fit-test. Dawn l-emendi huma l-aktar immirati
biex jirriflettu d-dħul fis-seħħ tar-regolament il-ġdid
tal-Komitoloġija f'Marzu tal-2011[1].
Il-Kummissjoni tirrikonoxxi li kienu meħtieġa emendi
għall-proposta inizjali minħabba r-regolament il-ġdid
tal-komitoloġija, u tappoġġa l-opinjoni tal-Parlament Ewropew li
l-adozzjoni tal-Memorandum ta' Ftehim (MOU) għall-programm tal-MFA
għandha tiġi rregolata mill-proċedura konsultattiva, minflok
mill-proċedura ta' eżami kif kien issuġġerit mill-Kunsill. Fil-15 ta' Diċembru 2011,
il-COREPER laħaq ftehim b'maġġoranza kkwalifikata biex jadotta
pożizzjoni komuni, li tinsisti dwar l-użu tal-proċedura ta'
eżami għall-adozzjoni tal-Memorandum ta' Ftehim tal-MFA. Dan ġie
kkonfermat mill-ftehim politiku adottat mill-Kunsill
fit-23 ta 'Jannar 2012. Matul id-diskussjonijiet preċedenti
fil-Grupp ta' Ħidma tal-Kunsillieri Finanzjarji, il-Kummissjoni argumentat
favur l-użu tal-proċedura konsultattiva għall-adozzjoni tal-MOU,
u appoġġat is-soluzzjoni ta' kompromess proposta mill-Presidenza. Din
is-soluzzjoni kienet se tistabbilixxi bħala regola l-proċedura ta'
eżami, iżda kienet se tippermetti l-proċedura konsultattiva,
f’dan il-każ abbażi tal-Artikolu 2.3, it-tieni sentenza,
tar-regolament tal-komitoloġija, li jipprevedi li, taħt każijiet
iġġustifikati kif xieraq, il-proċedura konsultattiva tista'
tapplika għall-adozzjoni ta' atti ta' implimentazzjoni f'każijiet
fejn il-proċedura ta' eżami hija fil-prinċipju applikabbli.
It-test tal-kompromess propost argumenta li ladarba l-MFA proposta kienet (i)
segwitu għall-operazzjoni approvata fl-2009 u (ii) kellha biss ammont
massimu modest (ta' EUR 46 miljun), kien hemm każ biex tiġi
applikata l-proċedura konsultattiva. Madanakollu, il-Presidenza ma
setgħetx tilħaq kunsens u s-soluzzjoni ta' kompromess tagħha ma
ġietx adottata. Il-Kummissjoni hija mħassba dwar
id-dewmien li t-tieni qari se jimplika għall-assistenza proposta: huwa
importanti li l-MFA proposta għall-Ġeorġja tiġi approvata
mill-aktar fis possibbli. Għaddiet madwar sena minn meta l-Kummissjoni
adottat il-proposta f'Jannar tal-2011 u l-Kummissjoni tqis li huwa ta'
dispjaċir li qed iseħħ dan id-dewmien minkejja l-fatt li
ż-żewġ koleġiżlaturi jaqblu fuq is-sustanza
tal-proposta, li, kif ġie nnutat, ġejja minn wegħda
magħmula fl-2008. Il-Kummissjoni temmen li hija kruċjali li
tinstab soluzzjoni malajr dwar jekk għandhiex tiġi applikata
proċedura konsultattiva jew ta' eżami għall-adozzjoni tal-MOU.
Għandu jiġi nnutat ukoll li jekk il-każ tal-proposta għall-Ġeorġja
ma jissolviex, din il-kwistjoni tirriskja li tiblokka kwalunkwe proposta
tal-MFA li għad trid issir, xenarju li għandu jiġi evitat, mhux
l-inqas billi l-ambjent finanzjarju globali qiegħed imur
għall-agħar u l-impatt ekonomiku u finanzjarju tar-Rebbiegħa
Għarbija fil-Viċinat tan-Nofsinhar tal-UE jista' jirriżulta
f'talbiet ġodda għall-appoġġ komplimentari tal-MFA mill-UE. 3.2. Ftehim fl-istadju
tal-pożizzjoni tal-Kunsill Minn mindu l-Parlament Ewropew adotta
l-pożizzjoni tiegħu fl-ewwel qari, id-diskussjonijiet
interistituzzjonali bejn il-Kunsill u l-Parlament ma kienux ta'
suċċess. Il-Parlament jippreferi ħafna l-użu
tal-proċedura konsultattiva għall-adozzjoni tal-Memorandum ta'
Ftehim, filwaqt li l-Kunsill jemmen li, skont ir-regolament il-ġdid
tal-Komitoloġija, għandha tiġi użata l-proċedura ta'
eżami. Laqgħat
informali ma wasslux għal kompromess dwar din il-kwistjoni. 4. Konklużjoni Il-Kummissjoni tiffavorixxi l-applikazzjoni
tal-proċedura konsultattiva għall-adozzjoni tal-MOU. Għalhekk,
ma taqbilx mal-pożizzjoni komuni tal-Kunsill kif adottata fl-10 ta' Mejju 2012.
Madanakollu, kif indikat hawn fuq, il-Kummissjoni temmen li huwa kruċjali
li tinstab soluzzjoni malajr u hija lesta biex tikkontribwixxi sabiex jinstab
kompromess bikri dwar din il-kwistjoni bejn iż-żewġ koleġiżlaturi. [1] Ir-Regolament (KE) Nru 182/2011
tal-Parlament Ewropew u tal-Kunsill tas-16 ta' Frar 2011.