This document is an excerpt from the EUR-Lex website
Document 52012JC0015
Joint Proposal for a COUNCIL REGULATION amending Council Regulation (EC) No 174/2005 imposing restrictions on the supply of assistance related to military activities to Côte d’Ivoire
Proposta Konġunta għal REGOLAMENT TAL-KUNSILL li jemenda r-Regolament tal-Kunsill (KE) Nru 174/2005 li jimponi restrizzjonijiet fuq il-fornitura ta' assistenza relatata mal-attivitajiet militari fil-Côte d'Ivoire
Proposta Konġunta għal REGOLAMENT TAL-KUNSILL li jemenda r-Regolament tal-Kunsill (KE) Nru 174/2005 li jimponi restrizzjonijiet fuq il-fornitura ta' assistenza relatata mal-attivitajiet militari fil-Côte d'Ivoire
/* JOIN/2012/015 final - 2012/0128 (NLE) */
Proposta Konġunta għal REGOLAMENT TAL-KUNSILL li jemenda r-Regolament tal-Kunsill (KE) Nru 174/2005 li jimponi restrizzjonijiet fuq il-fornitura ta' assistenza relatata mal-attivitajiet militari fil-Côte d'Ivoire /* JOIN/2012/015 final - 2012/0128 (NLE) */
MEMORANDUM TA' SPJEGAZZJONI (1)
Fuq il-bażi
tal-Pożizzjoni Komuni 2004/852/PESK, ir-Regolament
tal-Kunsill Nru 174/2005, kif emendat, introduċa projbizzjoni
tal-għoti ta’ assistenza teknika u finanzjarja fir-rigward
tal-attivitajiet militari fil-Côte d’Ivoire, sabiex tiġi implimentata
r-Riżoluzzjoni tal-Kunsill tas-Sigurtà tan-Nazzjonijiet
Uniti 1572 (2004). Ir-Regolament ipprovda wkoll għal
projbizzjoni tal-esportazzjoni ta’ apparat għar-ripressjoni interna lejn
il-Côte d’Ivoire, kif ukoll tal-assistenza teknika u finanzjarja relatata. Minn
dak iż-żmien 'l hawn,
il-Pożizzjoni Komuni 2004/852/PESK ġiet sostitwita
mid-Deċiżjoni tal-Kunsill 2010/656/PESK. (2)
Id-Deċiżjoni tal-Kunsill 2012/[…]/PESK
ta’ […] temenda d-Deċiżjoni tal-Kunsill 2010/656/PESK rigward il-kamp
tal-applikazzjoni tal-embargo tal-armi fid-dawl ta' UNSCR 2045 (2012). (3)
Ir-Rappreżentant Għoli tal-UE
għall-Affarijiet Barranin u l-Politika tas-Sigurtà u l-Kummissjoni
jipproponu li jingħata effett lil dawn il-miżuri permezz ta'
Regolament ibbażat fuq l-Artikolu 215 tat-Trattat dwar
il-Funzjonament tal-Unjoni Ewropea (TFUE). 2012/0128 (NLE) Proposta Konġunta għal REGOLAMENT TAL-KUNSILL li jemenda r-Regolament tal-Kunsill (KE) Nru 174/2005
li jimponi restrizzjonijiet fuq il-fornitura ta' assistenza relatata
mal-attivitajiet militari fil-Côte d'Ivoire IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-Artikolu 215
tiegħu, Wara li kkunsidra d-Deċiżjoni
tal-Kunsill 2012/…/PESK ta’ […] li temenda d-Deċiżjoni
tal-Kunsill 2010/656/PESK u ġġedded il-miżuri restrittivi kontra
l-Côte d’Ivoire[1], Wara li kkunsidra l-proposta konġunta
mir-Rappreżentant Għoli tal-Unjoni għall-Affarijiet Barranin u
l-Politika tas-Sigurtà u l-Kummissjoni, Billi: (1) Fid-29 ta’ Ottubru 2010,
il-Kunsill adotta d-Deċiżjoni 2010/656/PESK[2] li ġġedded il-miżuri
restrittivi kontra l- u li tħassar il-Pożizzjoni Komuni 2004/852/PESK[3]. Ir-Regolament (KE) Nru 174/2005[4], adottat biex jagħti effett
lill-Pożizzjoni Komuni 2004/852/PESK, jagħti effett
lid-Deċiżjoni 2010/656/PESK fil-livell tal-Unjoni billi jimponi
restrizzjonijiet fuq l-għoti ta’ assistenza relatata mal-attivtajiet
militari lill-Côte d'Ivoire. (2) Id-Deċiżjoni
2012/[…]/PESK ta’ […] temenda l-kamp tal-applikazzjoni tad-Deċiżjoni
2010/656/PESK fid-dawl tar-Riżoluzzjoni tal-Kunsill tas-Sigurtà
tan-Nazzjonijiet Uniti 2045 (2012) billi tneħħi r-restrizzjonijiet
fuq l-għoti ta' assistenza teknika u finanzjarja relatata ma’ attivitajiet
militari. Tneħħi wkoll ir-restrizzjonijiet fuq l-għoti ta’
assistenza teknika u finanzjarja relatata ma’ apparat li jista’ jintuża
għar-repressjoni interna. (3) Dawn il-miżuri
jaqgħu fil-kamp tal-applikazzjoni tat-Trattat dwar il-Funzjonament
tal-Unjoni Ewropea u, għalhekk, notevolment bil-ħsieb li tiġi
żgurata l-applikazzjoni uniformi tagħhom mill-operaturi
ekonomiċi fl-Istati Membri kollha, hija meħtieġa azzjoni
regolatorja fil-livell tal-Unjoni sabiex jiġu implimentati. (4) Ir-Regolament (KE) Nru
174/2005 għandu għalhekk jiġi emendat kif xieraq, ADOTTAT DAN IR-REGOLAMENT: Artikolu 1 Ir-Regolament (KE) Nru 174/2005 huwa
emendat kif ġej: (1)
L-Artikolu 1 jinbidel b'dan li ġej: “Għall-finijiet ta’ dan ir-Regolament,
‘Kumitat tas-Sanzjonijiet’ tfisser il-Kumitat tal-Kunsill tas-Sigurtà
tan-Nazzjonijiet Uniti li ġie stabbilit skont il-paragrafu 14
tar-Riżoluzzjoni tal-Kunsill tas-Sigurtà tan-NU (UNSCR) 1572 (2004).” (2)
L-Artikolu 2 jitħassar. (3)
L-Artikolu 3 jinbidel b'dan li ġej: “Ikun ipprojbit: (a) il-bejgħ, il-forniment, it-trasferiment
jew l-esportazzjoni, b'mod dirett jew b'mod indirett, ta' tagħmir li
jista' jintuża għar-ripressjoni interna kif elenkat fl-Anness I, kemm
jekk ikun joriġina fl-Unjoni kif ukoll jekk le, lil kwalunkwe persuna,
entità jew korp fil-Côte d'Ivoire, jew biex jintuża f’dak il-pajjiż; (b) li wieħed jipparteċipa, b’mod li
jkun jaf x’qed jagħmel u bil-ħsieb, f'attivitajiet li l-iskop jew
effett tagħhom ikun, direttament jew indirettament, li ssir promozzjoni
tat-tranżazzjonijiet msemmijin fil-punt (a) ta’ dan l-artikolu.” (4)
L-Artikolu 4 jitħassar. (5)
l-Artikolu 4a, il-paragrafi 1 u 2, jiġi
sostitwit b’dan li ġej: "1. B’deroga mill-Artikolu 3, l-awtorità
kompetenti, kif elenkata fl-Anness II, tal-Istat membru fejn ikun stabbilit
l-esportatur jew il-fornitur tas-servizz, tista’ tawtorizza,
bil-kundizzjonijiet li jidhrilha xerqin, il-bejgħ, il-provvista,
it-trasferiment jew l-esportazzjoni tat-tagħmir li ma joqtolx elenkat
fl-Anness I, wara li tkun iddeterminat li l-apparat li ma joqtolx inkwistjoni
jkun maħsub biss biex jippermetti lill-forzi tas-sigurtà tal-Côte d’Ivoire
jużaw biss forza xierqa u proporzjonata biex iżommu l-ordni pubbliku.
2. B’deroga mill-Artikolu 3, l-awtorità
kompetenti, kif elenkat fl-Anness II, tal-Istat membru fejn ikun stabbilit
l-esportatur jew il-fornitur tas-servizz, tista’ tawtorizza,
bil-kundizzjonijiet li jidhrilha xerqin, il-bejgħ, il-provvista,
it-trasferiment jew l-esportazzjoni ta' tagħmir li jista’ jintuża
għar-repressjoni interna kif elenkat fl-Anness I, li huwa maħsub biss
biex jiġi sostnut il-proċess tar-riforma tas-settur tas-sigurtà fil-Côte
d’Ivoire.” Artikolu 2 Dan ir-Regolament jidħol
fis-seħħ fit-tielet jum wara dak tal-pubblikazzjoni tiegħu f'Il-Ġurnal
Uffiċjali tal-Unjoni Ewropea. Dan ir-Regolament jorbot fl-intier
tiegħu u japplika direttament fl-Istati Membri kollha. Magħmul fi Brussell, […] Għall-Kunsill Il-President [1] ĠU L [2] ĠU L 285, 30.10.2010, p. 28. [3] ĠU L 368, 15.12.2004, p. 50; ĠU L 153M,
7.6.2006, p. 264–267 (MT). [4] ĠU L 29, 2.2.2005, p. 5;
ĠU L 333M, 11.12.2008, p. 1019–1043 (MT).