This document is an excerpt from the EUR-Lex website
Document 52012DC0633
REPORT FROM THE COMMISSION 23rd ANNUAL REPORT ON IMPLEMENTATION OF THE STRUCTURAL FUNDS (2011)
RAPPORT MILL-KUMMISSJONI IT-23 RAPPORT ANNWALI DWAR L-IMPLIMENTAZZJONI TAL- FONDI STRUTTURALI (2011)
RAPPORT MILL-KUMMISSJONI IT-23 RAPPORT ANNWALI DWAR L-IMPLIMENTAZZJONI TAL- FONDI STRUTTURALI (2011)
/* COM/2012/0633 final */
RAPPORT MILL-KUMMISSJONI IT-23 RAPPORT ANNWALI DWAR L-IMPLIMENTAZZJONI TAL- FONDI STRUTTURALI (2011) /* COM/2012/0633 final */
RAPPORT MILL-KUMMISSJONI IT-23 RAPPORT ANNWALI DWAR
L-IMPLIMENTAZZJONI TAL-
FONDI
STRUTTURALI (2011) Dan ir-rapport huwa ppreżentat b’konformità
mal-Artikolu 45(2) tar-Regolament (KE) Nru 1260/1999 li jistabbilixxi
d-dispożizzjonijiet ġenerali dwar il-Fondi Strutturali. Dan jkopri l-attivitajiet marbuta
mal-għajnuna tal-Fondi Strutturali tal-2000-2006 matul l-2011. 1. Introduzzjoni L-2011 kienet it-12-il sena li fiha l-programmi u
l-proġetti tal-Fondi Strutturali għall-perjodu ta' programmazzjoni 2000-2006
kienu implimentati. L-eżekuzzjoni
sħiħa tal-baġit tal-2011 intlaħqet. F’termini ta' approprjazzjonijiet ta’ pagamenti, 100.0 %
tar-riżorsi tal-Fond Ewropew għall-Iżvilupp Reġjonali
(FEŻR) intużaw. Barra mill-implimentazzjoni tal-programmi u
l-proġetti tal-Fondi Strutturali 2000-2006 u t-tħejjija
tal-għeluq tagħhom, il-Kummissjoni kienet ukoll involuta
fl-implimentazzjoni ta’ 434 programm (317 tal-Fond Ewropew
għall-Iżvilupp Reġjonali (FEŻR) u, 117 tal-Fond Soċjali
Ewropew (FSE)[1]
li jirrigwardaw il-perjodu ta’ programmazzjoni 2007-2013. Ġie promoss il-qsim tal-esperjenza,
notevolment permezz ta’ netwerks inter-reġjonali u urbani u l-konferenza
"Reġjuni għall-Bidla Ekonomika: It-trawwim ta’ Tkabbir Intelliġenti u Sostenibbli fl-Ibliet u
r-Reġjuni” fit-23-24 ta' Ġunju 2011. Matul din il-konferenza, tħabbru l-ħames (5) rebbieħa
tal-iskema “RegioStars” tal-2011, wara għażla minn fost 66
applikazzjoni. L-għan
tal-Premjijiet RegioStars huwa li jidentifika l-aħjar prassi
fl-iżvilupp reġjonali u biex ikunu enfasizzati proġetti
oriġinali u innovattivi li jistgħu jkunu attraenti u li jispiraw
reġjuni oħra. It-disa’ (9) edizzjoni tal-ĠRANET
MIFTUĦA GĦALL-PUBBLIKU “Ġimgħa Ewropea tar-reġjuni u
l-ibliet”, organizzata mill-Kummissjoni flimkien mal-Kumitat tar-Reġjuni,
saret bejn l-4 u t-13 ta’ Ottubru 2011. Ġabet flimkien 5 700 persuna li jieħdu
deċiżjonijiet lokali, reġjonali, nazzjonali u fuq livell Ewropew
u esperti fil-qasam tal-iżvilupp reġjonali u lokali. L-avveniment hu opportunità ta’ kooperazzjoni u
networking, ta’ qsim ta’ għarfien u esperjenza, u joffri possibbiltà
lir-reġjuni u lill-ibliet biex juru l-kisbiet tagħhom. Dan joffri wkoll l-opportunità ideali biex
jiġu evidenzjati s-sinerġiji bejn il-politika ta’ koeżjoni u
politiki oħra tal-UE. Il-Presidenza Pollakka organizzat konferenza ta’
jumejn (19-20 ta’ Ottubru 2011) dwar “Riformi katalisti – L-appoġġ
tal-FSE għal governanza aħjar”. L-appoġġ għal tmexxija tajba nbeda fis-snin finanzjarji
għall-perjodu 2000-2006; għan
prijoritarju għall-perjodu finanzjarju 2007-2013 kien li din
tisssaħħaħ u tkun implimentata. Fis-17 ta’ Novembru 2011 ‘il fuq minn 200
mistieden minn 20 pajjiż Ewropew ipparteċipaw fil-medda
tal-avvenimenti dwar il-Premju Ewropew għas-Settur Pubbliku (EPSA) 2011
organizzati f’Maastricht taħt l-awspiċi tal-Presidenza Pollakka. Kien hemm 274 applikazzjoni li ġejjin minn
32 pajjiż Ewropew u sebgħa (7) mill-istituzzjonijiet tal-UE. Fost dawn l-applikazzjonijiet, l-EIPA
setgħet tidentifika bosta prattiki ta’ żvilupp ta’ kapaċità
amministrattiva tajba, għadd minnhom jiġu kofinanzjati mill-azzjoni
ta’ appoġġ ta’ FSE. L-EPSA
tfittex li toħloq forum fejn l-istituzzjonijiet tas-settur pubbliku
tal-Ewropa jistgħu jeċċellaw u jsiru eżempju lill-bqija
tad-dinja. 2. Analiżi tal-Implimentazzjoni 2.1. L-Implimentazzjoni
tal-Baġit 2.1.1. FEŻR L-eżekuzzjoni baġitarja L-eżekuzzjoni baġitarja kienet iffukata
fuq l-għeluq tal-programmi tal-2000-2006 fl-2011. L-aħħar dokumenti tal-għeluq waslu riċevuti f’Marzu
minn dawk l-Istati Membri b'estensjoni tal-iskadenza għall-eliġibilità
tagħhom. Ir-rata ġenerali
tal-assorbiment laħqet 100 % jew EUR 1,457 miljun
(inkluża assistenza teknika) rimborsati lill-programmi. Il-Kummissjoni qiegħda tmexxi l-perjodi
tal-programmazzjoni preċedenti u attwali b’mod parallel. Wara l-bidu kajman tal-programmi tal-2007-2013,
is-sottomissjoni tat-talbiet għall-ħlas aċċellerat matul
l-2011. Din ix-xejra flimkien
mal-fatt li ħafna mill-programmi 2000-2006 kienu laħqu l-livell
massimu ta’ 95 % għall-ħlasijiet interim wasslet għal
trasferiment ta’ approporjazzjonijiet mill-perjodu 2000-2006 għall-perjodu
2007-2013. Dan ippermetta 100.0%
tal-eżekuzzjoni tal-approprjazzjonijiet ta’ ħlas għall-Programmi
tal-FEŻR ffinanzjati skont iż-żewġ perjodi ta'
programmazzjoni. Il-ħlasijiet lill-għanijiet kollha kienu
aktar baxxi milli oriġinarjament previsti, prinċipalment
minħabba trasferiment tal-approprjazzjonijiet matul it-trasferiment
globali biex isaħħu l-approprjazzjonijiet tal-2007-2013. Għall-Objettiv 1, tħallsu
EUR 1,205 miljuni minflok EUR 1,838 miljun, għall-Objettiv 2,
EUR 221 miljun minflok EUR 410 miljuni u għal Interreg EUR 16-il miljun minflok EUR 108 miljuni. Ħlasijiet fl-2011 għall-programmi
tal-2000-2006: || FAEGG || FEŻR || FSE || SFGS || Somma: AT || || 14,394,959.85 || || || 14,394,959.85 BE || 5,254,566.66 || 1,014,831.52 || 14,544,488.07 || || 20,813,886.25 CB || || 15,403,515.36 || || || 15,403,515.36 CE || || 164,048.95 || || || 164,048.95 CY || || 1,401,140.35 || 1,186,299.92 || 170,953.65 || 2,758,393.92 CZ || 4,094,783.06 || || 21,148,761.57 || || 25,243,544.63 DE || 122,789,589.18 || 17,297,754.06 || 57,477,900.89 || || 197,565,244.13 DK || || || 3,541,889.88 || || 3,541,889.88 EE || 2,295,555.74 || || || || 2,295,555.74 ES || 73,787,602.49 || 172,807.37 || 77,731,182.47 || || 151,691,592.33 FI || 3,420,450.33 || 45,415,642.08 || || || 48,836,092.41 FR || 18,412,572.56 || 95,433,002.76 || 8,362,550.00 || || 122,208,125.32 GB || || 21,362,083.49 || 32,151,662.89 || 172,858.60 || 53,686,604.98 GR || 25,084,599.31 || 581,662,512.98 || || || 606,747,112.29 HU || || 60,190,178.63 || 9,650,823.51 || || 69,841,002.14 IE || 9,978,215.00 || || 44,856,572.31 || || 54,834,787.31 IT || 124,807,942.01 || 269,384,078.88 || 112,654,464.59 || 23,936.25 || 506,870,421.73 LT || 5,850,767.25 || || 24,481.07 || || 5,875,248.32 LV || 4,592,410.00 || || 6,367,098.00 || || 10,959,508.00 MT || 210,000.00 || 2,334,881.95 || 493,763.85 || 119,535.31 || 3,158,181.11 NL || 3,351,245.76 || 22,921,011.32 || 1,072,052.50 || || 27,344,309.58 PL || 55,988,004.63 || 643,191.12 || 28,620,387.05 || || 85,251,582.80 PT || 39,271,043.25 || 297,752,430.98 || 11,474,395.22 || || 348,497,869.45 RG || || 978,970.08 || || || 978,970.08 SE || || 9,619,354.82 || 2,922,846.29 || || 12,542,201.11 SI || 633,009.35 || || 2,760,201.06 || 89,052.00 || 3,482,262.41 SK || || 777,989.89 || || 91,453.25 || 869,443.14 Somma: || 499,822,356.58 || 1,458,324,386.44 || 437,041,821.14 || 667,789.06 || 2,395,856,353.22 Għeluq Fl-2011, il-proċess tal-eżami kompla
għad-dokumenti tal-għeluq li waslu fl-2010. Il-bqija tad-dokumenti tal-għeluq ġew ippreżentati
mill-Istati Membri f’Marzu 2011. Dan
kien minħabba l-estensjoni ta’ 12-il xahar mogħtija mill-Kummissjoni
għad-data finali ta' eliġibilità tan-nefqa għal xi programmi
Griegi u l-programmi Transkonfinali. Mit-379 programm, total ta’ 152 talba
għall-pagament finali tħallsu fi tmiem l-2011 għall-valur ta’
EUR 1,457 miljun. Fuq dan kollu, 138
dikjarazzjoni ta’ għeluq (wuds)
u 40 rapport finali kienu analizzati fl-2011. Intbagħtet proposta għall-għeluq
lill-Istati Membri għal 33 programm filwaqt li, sal-31 ta’ Diċembru
2011, intbagħtu 42 ittra tal-għeluq u ntlaħaq ftehim
dwarhom. Ix-xogħol
preparatorju mwettaq fl-2011 ħoloq bażi solida għal proċess
effettiv tal-għeluq fl-2012, meta l-bqija tal-programmi jingħalqu. Fir-rigward tal-perjodu 2000-2006 kollu,
tħallsu EUR 124,308 miljuni lill-Istati Membri sal-31 ta’ Diċembru
2011. Dan jirrappreżenta rata
medja ta’ assorbiment ta’ 96 % għall-Istati Membri kollha
tal-allokazzjoni ġenerali ta’ EUR 129,584 miljun. Il-pagamenti li fadal jikkonċernaw il-ħlas tal-bilanċi
għall-għeluq tal-programmi. RAL Fi tmiem l-2011, l-impenji mis-snin
preċedenti li ma sarux pagamenti tagħhom (RAL "reste à
liquider") ammontaw għal EUR 4,856 miljun għall-FEŻR,
imqabbla ma’ EUR 6,719 miljun fi tmiem l-2010. Dan jirrappreżenta 3.9 % tal-ammont totali impenjat
għall-FEŻR. Hu ppjanat
aktar tnaqqis tar-RAL bil-ħlas ta’ bilanċi finali fl-2012 u l-2013. 2.1.2. FSE Għall-perjodu 2000-2006, hemm 239 programm
operattiv tal-FSE biex jingħalqu. Dokumenti tal-għeluq għal 239 programm kollha tressqu
fil-ħin dovut u huma ammissibbli. Sa issa, 212 wuds u 214
rapport finali ġew aċċettati. Tlestew 84 fajl tal-għeluq li jirrappreżentaw ammont totali
ta’ EUR 445 miljun. Il-konsum tal-payment-credits matul l-2011
laħaq EUR 437 miljun. It-total tal-impenji pendenti (RAL) fit-tmiem
tal-2011 kien ta’ EUR 2,367 miljun (imqabbel ma’
EUR 3,004 miljuni fl-2010). Dan jirrappreżenta 3.46 % tal-impenji totali għall-perjodu
2000-2006. Fi tmiem l-2011 tħallsu EUR 64,492 miljun
għall-perjodu kollu lill-Istati Membri. Dan jirrappreżenta rata medja ta’ assorbiment ta’ 94.09 %
għall-Istati Membri kollha tal-allokazzjoni ġenerali ta’ EUR 68,600 miljun. Abbażi tar-riżultati tal-proċess
tal-analiżi tal-għeluq, fl-2011 twettqu verifiki tal-għeluq
immirati fuq wuds tal-programmi
b’riskju għoli, sabiex tkun provduta assigurazzjoni addizzjonali biex
ir-riskji li jifdal ma jaqbżux il-livell ta' materjalità. 2.1.3. FAEGG L-ammont totali mħallas fl-2011
għall-programmi ta’ Gwida tal-FAEGG kien ta’ EUR 499.68 miljun, li minnhom
EUR 8.8 miljun tħallsu minn dħul assenjat. Fl-aħħarnett, 90.2 % tal-approprjazzjonijiet disponibbli
għall-2011 ġew użati għall-ħlasijiet. L-implimentazzjoni tal-programmi 2000-2006
twettqet qabel l-2011. Fl-2011,
il-Kummissjoni rċeviet d-dokumenti tal-għeluq għal sitt
programmi li kien fadal (id-dokumenti tal-għeluq għal 148 minn 152
programm tal-RD kienu diġà intlaqgħu fl-2010) u ħadmet bla heda
fuq l-għeluq tal-programmi. Minbarra
19-il programm diġà magħluqa fl-2010, il-Kummissjoni għalqet 75
programm oħra fl-2011. Barra
minn hekk, ġie propost il-bilanċ finali għal 88 programm, li
minnhom tħallas il-bilanċ parzjali għal 13-il programm. L-impenji pendenti (RAL) tal-Gwida tal-FAEGG fi
tmiem l-2011 ammontaw għal EUR 632.3 miljun, ekwivalenti
għal 2.9 % tal-allokazzjoni totali 2000-2006. Dan l-ammont huwa EUR 551 miljun iktar baxx
mill-EUR 1,183.3 miljun RAL fi tmiem l-2010. 2.1.4. SFGS Ir-rata ġenerali tal-assorbiment
għall-ħlasijiet kienet ta’ 29.03 %, b’EUR 0.7 miljun li
tħallsu lill-Istati Membri. Fir-rigward tal-livell tal-eżekuzzjoni
tal-approprjazzjonijiet tal-ħlasijiet, tħallsu EUR 0.5 miljun
taħt l-Objettiv 1 u tħallsu EUR 0.2 fir-rigward ta’ oqsma oħra,
barra l-Objettiv 1. L-RAL totali għall-SFGS fi tmiem l-2011
laħqu l-EUR 295.7 miljun (meta mqabbel
mal-EUR 296.44 miljun fl-2010). Dan jirrappreżenta 7.4 % tal-impenji totali għall-perjodu
2000-2006. Għall-perjodu kollu, tħallsu
EUR 3,640 miljun lill-Istati Membri sa tmiem l-2011. Dan jirrappreżenta rata medja ta’
assorbiment ta’ 92.5 % għall-Istati Membri kollha tal-allokazzjoni
ġenerali ta’ EUR 3,935 miljun. 3. Konsistenza u Koordinazzjoni 3.1. Konsistenza ma’ politiki
oħrajn tal-UE Ir-rapporti preċedenti iddeskrivew
żviluppi rilevanti fir-rigward tal-iżgurar tal-konsistenza bejn
il-politika ta' koeżjoni u prijoritajiet politiċi oħra tal-UE
bħalma huma l-għanijiet tal-politika ta’ kompetizzjoni, tas-suq
intern, tal-ambjent, tat-trasport u tal-ugwaljanza bejn is-sessi. Ma kienx hemm tibdiliet speċifiċi
fir-rekwiżiti jew fl-aspettattivi dwar l-awtoritajiet tal-ġestjoni
peress li l-programmi tal-2000-2006 daħlu fil-fażi ta’ għeluq. 3.2. Koordinazzjoni tal-istrumenti 3.2.1. Il-Fondi Strutturali u l-Fond
ta’ Koeżjoni Fl-2000-2006, il-25 Stat Membru kollha
bbenefikaw mill-appoġġ tal-Fondi Strutturali, filwaqt li 13-il Stat
Membru bbenefikaw ukoll mill-Fond ta’ Koeżjoni li jgħin
lill-pajjiżi inqas għonja. Il-programmazzjoni
u l-implimentazzjoni tal-Fondi Strutturali (b’mod partikolari l-FEŻR)
ġew ikkoordinati bir-reqqa, kif ukoll fir-rigward tal-Fond ta’
Koeżjoni, biex tiġi evitata d-dupplikazzjoni fil-proġetti
appoġġati. 3.2.2. Il-Fondi Strutturali u l-Bank
Ewropew tal-investiment (BEI)/il-Fond Ewropew għall-Investiment (FEI)
Matul il-perjodu 2000-2006 il-Kummissjoni u l-BEI
u l-FEI saħħew il-kooperazzjoni tagħhom billi stabilixxew
it-tliet inizjattivi JASPERS, JEREMIE u JESSICA. Dettalji dwar din il-kooperazzjoni ngħataw fir-rapporti
preċedenti. Mindu l-perjodu ta’
implimentazzjoni għall-2000-2006 daħal fil-fażi ta’ għeluq
fl-2010, ma hemm xejn partikolari x’jiġi rrappurtat. 4. Evalwazzjonijiet Fl-2011, il-Kummissjoni kompliet twettaq
evalwazzjonijiet biex tappoġġa t-teħid tad-deċiżjonijiet
dwar kwistjonijiet tal-Fondi Strutturali. Iżda ħafna mill-evalwazzjonijiet tal-perjodu 2000-2006
tlestew fl-2010. FEŻR L-evalwazzjonijiet
mnedija fl-2011 u li bħalissa jinsabu għaddejjin: - Studju li jevalwa l-attivitajiet ta’ innovazzjoni, biex jiddetermina
l-kwalità
tal-evalwazzjoni tal-innovazzjoni fl-Istati Membri,
janalizza
il-vantaġġi u l-limitazzjonijiet
tal-metodoloġiji disponibbli għall-valutazzjoni
ta’ tipi differenti ta’ attivitajiet ta’
innovazzjoni, imexxi serje ta’ studji skont il-każ
dwar l-evalwazzjonijiet ta’ kwalità tajba, u abbozz
ta’ gwida
għall-awtoritajiet li jiġġestixxu biex
jappoġġaw l-attivitajiet tal-evalwazzjoni tagħhom. Il-provvediment
ta’ gwida metodoloġika lill-Istati Membri jibqa’ kompitu importanti
għall-Kummissjoni. F’dan
ir-rigward, ir-riżors onlajn u interattiv għall-evalwazzjoni
tal-iżvilupp soċjo-ekonomiku EVALSED se jibqa’ jiġi
aġġornat kontinwament, b’taqsima ġdida dwar l-evalwazzjoni
bbażata fuq it-teorija li għaddejja bħalissa. FSE Żewġ evalwazzjonijiet, li kienu
diġà għaddejjin fl-2011, tlestew fl-2012. L-ewwel evalwat jekk il-kriżi ekonomika kellhiex impatt fuq
l-infiq tal-FSE. It-tieni analizzat
l-effikaċja u l-effiċjenza tan-nefqa tal-ESF fuq attivitajiet ta’
Tagħlim tul il-Ħajja. Iżda
ż-żewġ evalwazzjonijiet ma jittrattawx il-perjodu 2000-2006. FAEGG L-evalwazzjoni ex-post tal-programmi ta’
żvilupp rurali tal-2000-2006 baqgħet għadejja matul l-2011 u
tlestiet matul l-ewwel kwart tal-2012. L-evalwazzjoni kkonkludiet li l-flessibbiltà ta’ adattament
għall-varjetà tas-sitwazzjonijiet fl-Unjoni kollha, flimkien ma’ objettivi
ddefiniti b’mod ċar u eliġibbiltà xierqa u kriterji
tal-għażla biex tinżamm l-enfasi fuq l-għanijiet, huma
kruċjali għas-suċċess tal-politika ta’ żvilup rurali. Fokus deliberu fuq is-sinerġija u
l-kumplimentarjetà bejn il-miżuri tejbu l-effettività tal-politika. B’mod ġenerali, il-politika
iġġenerat u/jew żammet l-impjiegi fiż-żoni rurali,
appoġġjat id-dħul rurali, ikkontribwixxiet
għaż-żamma u t-titjib tal-ambjent rurali u l-bijodiversità, u
kkontribwixxiet għal titjib tal-kwalità tal-ħajja u s-sostenibbiltà
tal-komunitajiet rurali. 5. Kontrolli Informazzjoni ddettaljata dwar ir-riżultati
tal-kontrolli hi disponibbli fir-Rapporti Annwali tal-Attività tad-Direttorati
Ġenerali rispettivi[2]. 5.1. FEŻR Matul is-snin nbniet gradwalment l-assigurazzjoni
fir-rigward tal-programmi tal-FEŻR tal-2000-2006. F’termini ta' kopertura, il-programmi verifikati mill-Awdituri
tad-DĠ għall-Politika Reġjonali jirrappreżentaw 43 %
tal-programmi nazzjonali u reġjonali f’termini ta’ numri u 76 %
tal-kontribuzzjoni ppjanata tal-FEŻR. Fir-rigward tal-INTERREG, fl-2009-2010 ġiet konkluża inkjesta
ta’ verifika separata li tnediet fl-2006 għal 23 programm eżaminati,
li jirrappreżentaw 54 % tal-ammont impenjat. Bi tħejjija għall-għeluq, twettqet
inkjesta preparatorja estensiva mill-2007 'l quddiem sabiex tirrevedi
l-entitajiet tal-għeluq (wubs). L-għan kien li tkun verifikata
ċ-ċertezza li tista’ tintrabat max-xogħol tal-għeluq
tagħhom li jsostnu d-wuds; Fi kliem ieħor, biex ikunu vverifikati
t-tħejjijiet tal-Istati Membri għall-għeluq u biex ikunu
identifikati u jittaffu r-riskji relatati. L-għan kien li jiġi deċiż jekk ix-xogħol
tal-verifika tal-korpi nazzjonali jistax ikun afdat bħala sors
prinċipali ta’ assigurazzjoni għall-kumplament tal-perjodu ta’
programmazzjoni u jekk id-wud hux
se jkun ibbażat fuq ix-xogħol tal-verifika adegwat, biex b’hekk isir
sors affidabbli ta' assigurazzjoni fl-għeluq tal-programm. It-42 verifika mwettqa f’din l-inkjesta, flimkien
ma’ missjonijiet tal-verifika mwettqa fuq il-WUB bħala parti mill-verifiki
regolari tas-sistemi mibdija fl-2004, għamluha possibbli li jkunu koperti
il-WUBs inkarigati minn madwar 85 % tal-ammont maqbul tal-programmi
tal-2000-2006 fi tmiem l-2010. Minħabba l-ammont sinifikanti tax-xogħol
tal-verifika mwettaq mid-DĠ għall-Politika Reġjonali
fil-programmi tal-2000-2006 matul is-snin ta’ qabel, u l-livell għoli ta'
kopertura miksub minn dan ix-xogħol tal-verifika, il-ħidma
tad-DĠ iffokat fuq żewġ xogħlijiet tal-verifika
fl-għeluq: 1) kontrolli fuq il-post ta’ kampjun ta’ programmi
permezz ta' inkjesta konġunta mad-DĠ għall-Impjiegi,
l-Affarijiet Soċjali u l-Inklużjoni, id-DĠ
għall-Agrikultura u l-Iżvilupp Rurali u d-DĠ
għall-Affarijiet Marittimi u s-Sajd għall-għeluq
tal-għajnuna mill-Fond Strutturali tal-2000-2006 fl-UE 25. Il-Memorandum tal-Pjanifikazzjoni tal-Inkjesta
(EPM), żviluppat fl-2009, ikopri żewġ azzjonijiet: i) xogħol tal-verifika fuq il-post biex
jirrevedi l-aspetti kwalitattivi u kwantitattivi tal-attivitajiet nazzjonali
tal-verifika li jsostnu d-WUDs maħruġa mid-WUBs, inkluż wkoll
ir-rendiment mill-ġdid ta’ kampjun ta' 8-10 fajls, u ii) ix-xogħol tal-verifika biex jivvaluta
l-aċċettabbiltà tad-dikjarazzjoni u tar-rapport mehmuż
magħha (bħal t’hawn fuq). Matul l-2010 u l-2011 id-DĠ
għall-Politika Reġjonali wettaq 21 missjoni ta’ verifika fuq il-post
skont "L-għeluq tal-EPM tal-Għajunua tal-2000-2006
fl-UE 25” f’seba’ Stati Membri (CZ, DE, ES, IT, IE UK, SK) inklużi xi
programmi INTERREG li jkopru kompletament jew parzjalment, 39 programm. Dawn il-missjonijiet tal-verifika tal-għeluq
ippermettew lid-DĠ tal-Politika Reġjonali li jindirizza r-riskji
partikolari fl-għeluq (bħalma huma proġetti retrospettivi,
l-akkwist pubbliku, it-trattament tal-irregolaritajiet, il-kalkolu tar-rata
tal-iżball), u li jkun kapaċi jikkonkludi l-analiżi tad-WUDs,
f’xi każijiet billi jipproponi korrezzjonijiet finanzjarji biex
jagħmlu tajjeb għal nuqqasijiet fis-sistema mhux indirizzati
biżżejjed jew rati tal-iżbalji mhux affidabbli rrappurtati
fid-WUDs. 2) Analiżi tad-WUDs: Id-Direttorat tal-Verifika tad-DĠ għall-Politika
Reġjonali eżamina t-379 WUD kollha sottomessi fl-għeluq
tal-programm f’konformità mal-proċeduri interni adottati mid-DĠ
għall-Politika Reġjonali fl-2009 sabiex tkun iddeterminata l-validità
tat-talba għall-pagament finali. Din il-ħidma kienet ikkonċentrata b’mod partikolari fit-tieni
nofs tal-2010 u l-2011 u sa nofs April l-2012 t-379 wuds kollha kienu evalwati. B’kollox, 336 (89 %) WUDs ġew aċċettati. Fir-rigward tal-43 (11 %) WUDs li fadal,
id-DĠ għall-Politika Reġjonali lesta l-analiżi inizjali
tiegħu u talab xogħol ta’ verifika addizzjonali jew aktar
informazzjoni mill-Istati Membri in kwistjoni.
It-336 WUD aċċettati jikkonċernaw 15-il
Stat Membru (AT, DK, EL, FI, FR, HU, CY, LV, LX, MT, NL, PL, SE, SK, SL). It-43 WUD li għadhom pendenti
jikkonċernaw 11-il programm Taljan, tmienja (8) Spanjoli, ħamsa (5)
Irlandiżi, erba’ (4) Ċeki, tlieta (3) Portugiżi, tlieta (3)
Belġjani, ħames (5) programmi INTERREG, u programm kull wieħed
għall-Estonja, il-Ġermanja, il-Litwanja u r-Renju Unit. Il-WUBs kklassifikaw l-opinjonijiet tal-verifika
tagħhom skont il-linji gwida dwar l-għeluq bħala: mhux ikkwalifikati (84 % tal-każijiet),
ikkwalifikati (16 % tal-każijiet li jkopru 4 % tal-pagamenti
intermedji), u l-ebda opinjoni fi tliet (3) każijiet.
Ma ġew espressi l-ebda opinjonijiet negattivi jew
ċaħdiet ta’ responsabilità għal xi programm. Bħala riżultat tal-eżami tad-WUDs
mid-DĠ għall-Politika Reġjonali, id-DĠ ppropona
korrezzjonijiet finanzjarji li jammontaw għal aktar minn EUR 1.3
biljun fil-konklużjonijiet tiegħu ta’ 147 WUD. Barra minn hekk, huwa probabbli li se jiġu proposti aktar
korrezzjonijiet finanzjarji f’xi każijiet fejn xogħol ta’ verifika
addizzjonali jew investigazzjonijiet għadhom għaddejjin. 5.2. FSE Fl-2011, l-awdituri komplew l-eżami tal-WUDs
mibgħuta fl-għeluq tal-programmi għal dawk il-programmi li
għalihom l-iskadenza għas-sottomissjoni tad-dokumenti ta’ għeluq
ġiet estiża għal 2011. Dan inkluda wkoll is-segwitu tat-talbiet għal informazzjoni
addizzjonali. Abbażi tar-riżultati tal-proċess
tal-analiżi tal-għeluq, twettqu sitt (6) verifiki tal-għeluq
fil-mira fl-2011, u tmienja (8) huma ppjanati fl-2012, dwar id-WUDs għal
programmi b’riskju għoli, sabiex ikunu jistgħu jipprovdu
assigurazzjoni addizzjonali li r-riskju li fadal ma jaqbiżx il-livell ta'
materjalità. Fi ftit każijiet,
din il-proċedura wasslet għad-determinazzjoni tal-korrezzjonijiet
finanzjarji riveduti. Fil-każijiet
kollha osservati, inbdew proċeduri korrettivi. Għall-perjodu 2000-2006, fl-2011 ġew
deċiżi korrezzjonijiet finanzjarji għall-ammont ta’ EUR 8.6
miljun, li minnhom EUR 8.1 miljuni diġà ġew implimentati. Barra minn hekk, EUR 10.9 miljuni
deċiżi fis-snin preċedenti kienu implimentati fl-2011. 5.3. FAEGG Fi tmiem l-2011, total ta’ 110 mill-152 programm
kienu suġġetti għall-verifika (72.4 %), li jkopru
EUR 21.8 biljun (96.9 %) tat-total tal-approprijazzjonijiet ta’
impenn. Total ta’ 46 programm
ġew soġġetti għal verifika ta’ segwitu. Sal-31 ta’ Diċembru 2011, ġie
iffinalizzat l-eżami tad-WUDs sottomessi mill-Istati Membri fir-rigward
ta’ 146 programm, li jirrappreżentaw 96.1 % tan-numru totali ta'
programmi. 5.4. SFGS L-FIFG huwa fil-proċess tal-għeluq u ma
kien hemm l-ebda verifiki ġodda tal-SFGS imwettqa fl-2011. Sa mill-bidu tal-perjodu tal-programmazzjoni
tal-2000-2006, id-DĠ għall-Affarijiet Marittimi u s-Sajd, wettaq
total ta’ 58 missjoni ta’ verifika li jkopru l-programmi kollha tiegħu
minn fond wieħed (18-il programm li jirrappreżentaw kontribuzzjoni
tal-baġit inizjali ta’ EUR 3 608.73 miljun - 87.4 %
tal-baġit totali tal-2000-2006) kif ukoll 18-il programm minn fondi
differenti li jirrappreżentaw kontribuzzjoni ta’ EUR 374.58 miljun
- 9.2 % tat-total tal-baġit inizjali tal-2000-2006. B’kollox, is-sistemi ta’ verifika tad-DĠ għall-Affarijiet
Marittimi u s-Sajd koprew programmi li jirrappreżentaw 96.6 %
tal-kontribuzzjoni inizjali totali tal-iSFGS għall-2000-2006. Għall-programmi li għad fadal,
l-assigurazzjoni tinkiseb minn xogħol ta’ verifika u/jew verifiki
nazzjonali oħra tad-DĠ tal-Fondi Strutturali. Għal 47 WUD, l-ewwel analiżi tlestiet; Għat-13 li fadal, l-analiżi għadha
għaddejja. Mis-47 każ
analizzat, ġew aċċettati 16-il dikjarazzjoni. L-Istati Membri ntalbu li jipprovdu kjarifiki
addizzjonali għall-kumplament tal-31 WUD li kienu “interrotti”: Id-DĠ għall-Affarijiet Marittimi u
s-Sajd s’issa rċeva 27 tweġiba u analizza 14 minnhom. Għalhekk hemm 27 WUD (14 fl-ewwel stadju
tal-analiżi, 13 fl-istadju ta’ wara l-interruzzjoni) li għadhom qed
jiġu eżaminati. 5.5. OLAF Fl-2010, l-OLAF wettaq 29 missjoni fl-Istati
Membri marbuta ma’ miżuri kofinanzjati mill-Fondi Strutturali. Matul dawn il-missjonijiet twettqu kontrolli fuq
il-post[3]
fuq 57 operatur ekonomiku u twettqu 18-il tip ta' missjoni oħra biex
jiġbru t-tagħrif jew biex jgħinu lill-amministrazzjoni
nazzjonali jew lill-awtoritajiet ġudizzjarji. L-istess kien il-każ fi snin preċedenti, problemi tipiċi
identifikati mill-OLAF matul l-2011 kienu jinkludu dikjarazzjonijiet foloz,
kontijiet foloz u nuqqas ta’ osservazzjoni tar-regoli ta’ akkwist pubbliku kif
ukoll każijiet speċifikati ta’ konflitt ta’ interess f’ċerti
proċeduri ta’ offerti. Fl-2011, l-Istati Membri infurmaw lill-Kummissjoni,
f’konformità mar-Regolament (KE) Nru 1681/94[4] 2 kif emendat[5] u r-Regolament
(KE) Nru 1828/2006[6]
kif emendat[7],
b’madwar 3 816[8]
notifika ta’ irregolaritajiet li jinvolvu EUR 1 177 biljun li
jaffettwaw miżuri kofinanzjati tal-perjodi ta’ programmazzjoni
tal-1994-1999, l-2000-2006 u l-2007-2013[9].
6. Kumitati li Jgħinu lill-Kummissjoni 6.1. Il-Kumitatat ta’
Koordinazzjoni tal-Fondi (COCOF) L-unika attività tal-COCOF fl-2011 dwar
l-implimentazzjoni tal-perjodu 2000-2006 kienet il-preżentazzjoni ta’
analiżi tal-proċess tal-għeluq rigward il-programmi
tal-2000-2006. 6.2. Il-Kumitat tal-FSE Fl-2011 kien hemm tliet Sessjonijiet Plenarji u
ħames laqgħat tal-Grupp ta’ Ħidma Teknika. Il-Grupp ta’ Ħidma Teknika rreveda l-progress tal-proċess
tal-għeluq tal-perjodu 2000-2006 fil-laqgħat kollha tiegħu
fl-2011, u kien hemm preżentazzjoni dettaljata dwar it-tagħlimiet
sottratti mill-proċess tal-għeluq. 6.3. Il-Kumitat dwar l-Istrutturi
Agrikoli u l-Iżvilupp Rurali (STAR) DĠ AGRI Il-Kumitat tal-iSTAR iltaqa’ darbtejn fl-2011 biex
jinforma dwar it-trattament finanzjarju li għandu jiġi applikat
fin-nefqa ffinanzjata mit-Taqsima tal-Gwida tal-EAGGF f’ċerti
każijiet ta' irregolarità. L-opinjoni
tal-Kumitat ma kinitx meħtieġa. 6.4. Il-Kumitat dwar l-Istrutturi
għas-Sajd u l-Akkwakultura (CSFA) DĠ MARE Il-Kumitat dwar
l-Istrutturi għas-Sajd u l-Akkwakultura (CSFA) iltaqa’ darbtejn fl-2011. Il-punt prinċipali diskuss fil-laqgħat
kien l-għeluq tal-SFGS. 7. Lista
ta’ Proġetti Ewlenin li għalihom il-Fondi kkontribwew (il-perjodu
2000-2006) CCI_MP || TITLE 1999NL053PR001 || Megabanenmarkt Amsterdam 2001ES161PR001 || Circumvalación de Las Palmas - Fase II et Fase III 2001ES161PR002 || Autovía: Albacete-Murcia-Tramo: Albacete-Venta del Olivo 2001ES161PR003 || Proyecto de la presa de la Brena II 2001ES161PR004 || Desaladora de Aqua Marina de Carbonera 2001ES161PR005 || Autovía A-49: Sevilla-Frontera portuguesa. Tramo: San Juan del Puerto-Enlace de Lepe 2001FR162PR001 || Port 2000 Le Havre 2001FR162PR002 || Route Nationale 106 (Languedoc-Roussillon) 2001FR162PR003 || Grand Projet ATMEL 2001PT161PR001 || Terminal de Regasificação de Gás Natural Liquefeito 2001PT161PR002 || Armazenagem subterrânea de gás natural no Carriço-Pombal 2001PT161PR003 || Linha do Douro - Remodelação do troço Cête-Caíde 2001PT161PR004 || IC 10 - Ponte sobre o Tejo em Santarém e acessos imediatos 2002DE161PR002 || Ausbau der Schienenstrecke Berlin - Frankfurt/Oder - Grenze Deutschland/Polen 2002DE161PR003 || Neubau der Bundesautobahn A 17 von Dresden (B 173) - Tschechische Republik 2002DE161PR004 || Neu- und Ausbau der A 113, B 96 und B 96a 2002DE161PR005 || Neubau der Bundesstrasse B 6n in den Abschnitten Wernigerode-Blankenburg und Quedlinburg-Bernburg 2002DE161PR006 || Neubau der Bundesautobahn A71 AD Oberrolingen (A 38) - AS Erfurt-Bindersleben 2002DE162PR001 || Design und Kulturstandort Zollverein 2002DE162PR002 || Propylen Pipeline 2002ES161PR001 || Gran Telescopio de Canarias 2002ES161PR002 || Ampliación de la Darsena de Escombreras en Cartagena 2002ES161PR003 || Ampliación del Puerto de Castellon 2002ES161PR004 || Autovía Ruta de la plata. CN-630-Construccion del tramo del Enlace de Gerena-Enlace de Camas 2002ES161PR005 || Autovía Ciudad Real-Atalaya de Canavate- Tramo: Enlace de Miguelturra - Enlace de Daimiel 2002ES161PR006 || Autovía de Castilla-La Mancha - Tramo: Abia de la Obispalia y Cuenca 2002ES161PR007 || Ampliación del Puerto de Ferrol (Puerto exterior) 2002ES161PR008 || Autovía A-381: Tramo: Jerez - Los Barrios, Provincia de Cadiz 2002ES161PR009 || Autovía de la Plata CN-630 de Gijón a Sevilla. Tramo: Plasencia (Sur) - Canaveral (Este) 2002ES161PR010 || Presa del Arenoso 2002ES161PR011 || Autovía A-92 Sur, Guadix-Almeria. Tramo: Hueneja-Interseccion N-340 2002ES161PR012 || Línea de alta velocidad entre Córdoba y Málaga 2002ES161PR013 || Autovía de Castilla. Tramo Martin de Yeltes-Ciudad Rodrigo 2002ES161PR014 || Planta de regasificación de gas natural licuado en la Isla de Gran Canaria 2002ES161PR015 || Impulsión de la IDAM de Carboneras 2002ES161PR016 || Glapilk, A.I.E. 2002ES161PR018 || Asturiana de Zinc, S.A. 2002ES161PR019 || Conexión Almanzora-Poniente Almenriense. Fase I: Tramo venta del podre Nijar en Almería 2002ES161PR020 || Autopista Santiago de Compostela-Ourense. Tramo: Santiago-Alto de Santo Domingo 2002ES161PR021 || Autovía del Cantábrico - Carretera Nacional 632, de Ribadesella a Luarca. Tramo: Grases (Villaviciosa) - Infanzón (Gijon) 2002ES161PR022 || Delphi Automotive System España, S.A. 2002ES161PR023 || Construcción del nuevo Hospital General Universitario de Murcia 2002ES161PR024 || Autovía del Cantábrico. Carretra Nacional 632, de Ribadesella a Luarca. Tramo: Soto del Barco-Muros de Naon 2002ES161PR025 || Conducción Jucar-Vinalopo 2002ES161PR026 || Autovía Alacant-Alcoit y Villena Ibi. Tramo: Rambla de Rambuchar-Catalla) 2002ES161PR027 || Maspalomas Resort S.L. 2002ES161PR028 || Dupont Ibérica, S.L. 2002ES161PR029 || Autovía de la Plata. Tramo: Valverde de la Virgen-Ardon 2002FR161PR001 || Déviation de Sainte-Marie (Ile de la Réunion) 2002FR162PR001 || Cap 'Découverte 2002FR162PR002 || Grande Halle d'Auvergne 2002FR162PR003 || ATMEL ROUSSET (Bouches du Rhône) Phase 3 2002FR162PR004 || Pikington-Glass France à Seingbouse 2002FR162PR005 || Tunnel du Lioran 2002IE161PR001 || Purchase of diesel railcars 2002IE161PR003 || N 8 Watergrasshill by-pass 2002IE161PR004 || N11 Rathnew-Ashford by-pass 2002IE161PR005 || N18 Hurlers cross by-pass 2002IE161PR006 || N22 Ballincollig by-pass 2003DE161PR002 || AMD Piesteritz 2003ES161PR001 || Nueva carretera de acceso al Puerto de Castellón 2003ES161PR002 || Fibras del Noreste S.A. 2003ES161PR003 || Biotenol Galicia S.A. 2003ES161PR004 || Autovía del Mediterráneo CN-240. Tramo: Nerja-Almuñécar 2003ES161PR005 || Autovía del Cantábrico. Carretera Nacional 632, de Ribadesella a Luarca. Tramo: Vegarrozadas-Soto del Barco 2003FR161PR001 || SEVELNORD 2003FR162PR001 || Lenglet 2003FR162PR002 || Éléctrification des lignes vosgiennes 2003FR162PR003 || Plate-forme multimodale Dourges 2ème phase 2003FR162PR004 || RCEA Limousin 2004IT161PR002 || IVECO-Ristrutturazione stabilimento di Foggia e nuovo Lab. di Ricerca 2005ES161PR007 || FIBRAS DEL NOROESTE [1] Ara l-Komunikazzjoni dwar
ir-riżultati tan-negozjati dwar l-istrateġiji u l-programmi
għall-perjodu ta’ programmazzzjoni 2007-2013. [2] Published at
http://ec.europa.eu/atwork/synthesis/aar/index_en.htm [3] Ir-Regolament (KE) Nru
2185/1996, ĠU L 292, 15.10.1996, p. 2. [4] ĠU L 178, 12.07.1994,
p. 43 [5] Ir-Regolament (KE)
Nru 2035/2005, ĠU L 328, 15.12.2005, p. 8. [6] ĠU L 371, 27.12.2006,
p. 1. [7] Ir-Regolament (KE)
Nru 846/2009, ĠU L 250, 23.09.2009, p.1. [8] 2010: In-numru ta'
każijiet ikkomunikati 6,910; l-ammont totali relatat
mal-komunikazzjonijiet EUR 1 1546 billion. [9] Ara r-Rapport
tal-Kummissjoni dwar il-protezzjoni tal-interessi finanzjarji tal-UE (COM
(2012) 408 finali)