This document is an excerpt from the EUR-Lex website
Document 52012DC0386
COMMUNICATION FROM THE COMMISSION TO THE COUNCIL Financial information on the European Development Fund
KOMUNIKAZZJONI TAL-KUMMISSJONI LILL-KUNSILL Informazzjoni finanzjarja dwar il-Fondi Ewropej għall-Iżvilupp
KOMUNIKAZZJONI TAL-KUMMISSJONI LILL-KUNSILL Informazzjoni finanzjarja dwar il-Fondi Ewropej għall-Iżvilupp
/* COM/2012/0386 final */
KOMUNIKAZZJONI TAL-KUMMISSJONI LILL-KUNSILL Informazzjoni finanzjarja dwar il-Fondi Ewropej għall-Iżvilupp /* COM/2012/0386 final */
KOMUNIKAZZJONI TAL-KUMMISSJONI
LILL-KUNSILL Informazzjoni finanzjarja dwar il-Fondi
Ewropej għall-Iżvilupp 1. Daħla Skont l-Artikolu 7(3) tal-Ftehim Intern[1], u l-Artikoli 57(3) u (4)
tal-għaxar (10) Regolament Finanzjarju FEŻ[2], il-Kummissjoni f'dan id-dokument
qed tippreżenta l-istimi tal-impenji, tal-ħlasijiet u
tal-kontribuzzjonijiet għall-perjodu 2012 sal-2013, filwaqt li tqis
il-previżjonijiet tal-Bank Ewropew għall-Investiment (BEI)
fir-rigward tal-Faċilità ta' Investiment. Dan id-dokument ifassal l-implimentazzjoni
finanzjarja tal-FEŻ (it-8 wieħed sal-10 wieħed) għall-2011
u l-previżjonijiet tal-implimentazzjoni għall-2012 sal-2014. L-Istati Membri jikkontribwixxu fondi direttament
lill-Bank Ewropew għall-Investiment għall-istrumenti li jamministra taħt
id-9 u l-10 FEŻ (il-Faċilità tal-Investiment u s-sussidji tar-rati
tal-imgħax). Kontribuzzjonijiet għal strumenti l-oħra,
inklużi kontribuzzjonijiet għall-istrumenti l-qodma amministrati
mill-BEI (kapital ta' riskju u sussidji tal-imgħax), jitħallsu lill-Kummissjoni. 2. Introduzzjoni Il-Kummissjoni u l-BEI aġġornaw
il-previżjonijiet tagħhom għall-impenji u l-ħlasijiet
għall-2012 u l-2013 għal kull pajjiż tal-AKP[3] u għall-OCTs[4]. B'mod partikolari,
il-previżjonijiet għall-ħlasijiet ġew imfassla
bil-għan li tingħata għajnuna lill-Istati Membri sabiex dawn
jevalwaw bl-aktar mod eżatt possibbli l-ammonti li jridu jirriżervaw
mill-baġits nazzjonali tagħhom filwaqt li jiżguraw li jkun hemm
riżorsi finanzjarji biżżejjed disponibbli għall-FEŻ
sabiex jiġu evitati problemi ta' likwidità. F’konformità mal-Artikolu 7 tal-Ftehim Intern
dwar l-10 FEŻ[5],
u l-Artikolu 57(5) tar-Regolament Finanzjarju[6],
l-istimi pprovduti f’dan id-dokument se jkunu aġġornati
fil-Komunikazzjoni ta' Ottubru 2012. It-tabella li ġejja turi t-tendenza
ġenerali fl-impenji u l-ħlasijiet, inklużi l-projezzjonijiet
għall-2012 - 2013 (il-Kummissjoni u l-BEI). Impenji u ħlasijiet grossi: xejra
tal-1998-2013 (Miljuni ta’ EURO)[7] 3. L-implimentazzjoni tal-Fondi Ewropej
għall-Iżvilupp fil-31 ta' Diċembru 2011 (impenji, ħlasijiet
u sitwazzjoni finanzjarja) L-annessi 1, 2 u 3 juru rispettivament l-impenji,
il-ħlasijiet u s-sitwazzjoni finanzjarja attwali rreġistrati fl-2011
meta mqabbla mal-previżjonijiet li saru f'Ottubru 2011[8] u l-projezzjonijiet li saru
għall-2012 u l-2013. Fi tmiem is-sena 2011, 63% tal-10 FEŻ kien
ġie impenjat, fit-triq it-tajba biex nilħqu l-mira tagħna li
l-10 FEŻ ikun impenjat sa tmiem l-2013. 4. Tbassir finanzjarju għall-2012 -
2014[9] It-tabella li ġejja tipprovdi
aġġornament ibbażat fuq l-aktar previżjonijiet
reċenti. 5. Il-previżjonijiet
tal-implimentazzjoni finanzjarja għas-snin 2012 u 2013 Il-previżjonijiet il-ġodda huma
ppreżentati fl-Annessi 1 sa 3. Il-kontribuzzjonijiet tal-Istati Membri
għall-FEŻ għall-2012 kienu deċiżi mill-Kunsill
f'Ottubru tal-2011[10],
għal EUR 3 600 miljun għall-Kummissjoni u
EUR 280 miljun għall-BEI. Il-previżjonijiet il-ġodda
tal-2012 jikkonfermaw il-ħtiġijiet tat-teżor ta' EUR 280 miljun.
Minħabba pagamenti inqas milli mbassar fl-2011 u l-fatt li bilanċ
konsiderevoli tal-likwidità ġie riportat mill-2010, il-Kummissjoni temmen
li huwa ġġustifikat li tnaqqas it-talba tagħha għal EUR
2 600 miljun. Il-limitu massimu l-ġdid propost għall-kontribuzzjonijiet
tal-Istati Membri fl-2013 jammonta għal EUR 3 300 miljun
għall-Kummissjoni u EUR 250 miljun għall-BEI[11]. Ta' min wieħed jenfasizza li
ċ-ċifri mhumiex ħlief previżjoni preliminari li jridu
jiġu ttrattati b’kawtela. Wara s-sajf il-Kummissjoni u l-BEI se
jagħmlu previżjonijiet ġodda li jkunu aktar affidabbli. Dawn se
jiġu ppreżentati fil-komunikazzjoni ta' Ottubru. Anness 4. Il-kontribuzzjonijiet ta' kull Stat Membru
għall-FEŻ għall-2012 (EUR) [1] Ftehim intern bejn ir-Rappreżentanti tal-Gvernijiet
tal-Istati Membri, imlaqqa’ fi ħdan il-Kunsill, dwar il-Finanzjament
tal-Għajnuna Komunitarja taħt il-qafas finanzjarju multiannwali
għall-perjodu 2008-2013 skont il-Ftehim ta’ Sħubija AKP-KE u dwar
l-allokazzjoni ta’ assistenza finanzjarja għall-Pajjiżi u
t-Territorji Barranin li għalihom tapplika l-Parti Erbgħa tat-Trattat
tal-KE, ĠU L 247 tad-9.9.2006, p. 32. [2] Regolament tal-Kunsill (KE) Nru 215/2008
tat-18 ta' Frar 2008 dwar ir-Regolament Finanzjarju applikabbli
għall-10 Fond Ewropew għall-Iżvilupp [3] L-Istati tal-Afrika, il-Karibew u l-Paċifiku. [4] Pajjiżi u Territorji extra-Ewropej. [5] ĠU L 247, 9.9.2006, p. 32. [6] Regolament tal-Kunsill (KE) Nru 215/2008
tat-18 ta' Frar 2008 dwar ir-Regolament Finanzjarju applikabbli
għall-10 Fond Ewropew għall-Iżvilupp [7] Għall-2012-2013, ammonti mbassra [8] COM(2011) 692 finali, 26.10.2011. [9] Minħabba li l-qafas finanzjarju għall-perjodu
wara l-2013 għadu ma ġiex miftiehem u huwa mistenni li jkollu impatt
materjali fuq iċ-ċifri tal-implimentazzjoni, l-ammonti
għall-2014 huma mogħtija p.m. u ma huma mogħtija l-ebda
previżjonijiet għas-sena 2015. [10] Id-Deċiżjoni tal-Kunsill tat-18 ta’Novembru 2011
– dokument tal-Kunsill 16965/11. [11] Id-Deċiżjoni tal-Kunsill tat-18 ta’Novembru 2011
– dokument tal-Kunsill 16965/11.