MEMORANDUM TA’ SPJEGAZZJONI

1.           KUNTEST TAL-PROPOSTA

Il-proposta tal-Kummissjoni għal Qafas Finanzjarju Multiannwali (QFM) għall-2014-2020 (il-proposta għal QFM)[1] tistabbilixxi l-qafas baġitarju u l-orjentazzjonijiet prinċipali għall-Politika Agrikola Komuni (PAK). Abbażi ta’ dan, il-Kummissjoni tippreżenta sett ta’ regolamenti li jistabbilixxu l-qafas leġiżlattiv tal-PAK għall-perjodu 2014-2020, flimkien ma' valutazzjoni tal-impatt ta' xenarji oħra possibbli għall-evoluzzjoni tal-politika.

Il-proposti attwali ta’ riforma huma bbażati fuq il-Komunikazzjoni dwar il-PAK fid-dawl tas-sena 2020[2] li ddeskriviet alternattivi ta’ politika ġenerali biex jiġu indirizzati l-isfidi futuri għall-agrikoltura u ż-żoni rurali u biex jintlaħqu l-għanijiet iffissati għall-PAK, jiġifieri 1) il-produzzjoni vijabbli tal-ikel; 2) il-ġestjoni sostenibbli tar-riżorsi naturali u azzjonijiet relatati mal-klima, u 3) l-iżvilupp territorjali bbilanċjat. Minn dak iż-żmien, l-orjentazzjonijiet tar-riforma msemmija fil-Komunikazzjoni ġew appoġġjati b’mod ġenerali kemm fid-dibattitu interistituzzjonali [3] kif ukoll fil-konsultazzjoni mal-partijiet interessati li saru fil-qafas tal-valutazzjoni tal-impatt.

Tema komuni li ħarġet f’dan il-proċess hija l-ħtieġa ta’ promozzjoni tal-użu effikaċi tar-riżorsi fir-rigward tat-tkabbir b’mod intelliġenti, sostenibbli u inklużiv għall-agrikoltura u għaż-żoni rurali tal-UE konformi mal-istrateġija Ewropa 2020, fejn l-istruttura tal-PAK tinżamm madwar żewġ pilastri li jużaw strumenti kumplimentari biex jinkisbu l-istess għanijiet. Il-Pilastru I ikopri pagamenti diretti u miżuri tas-suq li jipprovdu appoġġ bażiku annwali għad-dħul tal-bdiewa tal-UE u appoġġ fil-każ ta' tfixkil tas-suq speċifiku, filwaqt li l-Pilastru II ikopri l-iżvilupp rurali fil-każ fejn l-Istati Membri jfasslu u jikkofinanzjaw programmi multiannwali taħt qafas komuni[4].

Permezz ta’ riformi suċċessivi, il-PAK żiedet l-orjentazzjoni tal-agrikoltura lejn is-suq filwaqt li pprovdiet appoġġ għad-dħul tal-produtturi, tejbet l-integrazzjoni tar-rekwiżiti ambjentali u saħħet l-appoġġ għall-iżvilupp rurali bħala politika integrata għall-iżvilupp taż-żoni rurali fl-UE kollha. Madankollu, l-istess proċess ta’ riforma wassal għal ħtieġa akbar ta’ tqassim aħjar tal-appoġġ fl-Istati Membri u bejniethom, kif ukoll għal appelli biex il-miżuri jkollhom l-għan li jindirizzaw aħjar l-isfidi ambjentali u l-volatilità tas-suq.

Fl-imgħoddi, ir-riformi kienu jindirizzaw l-aktar l-isfidi endoġeni; minn ħafna produzzjoni ta’ ikel żejjed sa kriżijiet ta’ sikurezza tal-ikel; dawn ir-riformi kienu utli għall-UE, kemm fuq il-front domestiku kif ukoll fuq dak internazzjonali. Iżda madankollu, il-biċċa l-kbira tal-isfidi tal-lum huma riżultat ta’ fatturi li huma esterni għall-agrikoltura, u għalhekk, jeħtieġu rispons ta’ politika aktar ġenerali.

Il-pressjoni fuq id-dħul agrikolu mistennija tissokta peress li l-bdiewa qed jiffaċċjaw aktar riskji, tnaqqis fil-produttività u pressjoni fuq il-marġini tal-qligħ minħabba żieda fil-prezzijiet tal-mezzi ta' produzzjoni; għalhekk, hemm il-ħtieġa li l-appoġġ għad-dħul ikompli jingħata u li jissaħħu l-istrumenti li jippermettu titjib fil-ġestjoni tar-riskji u fir-rispons għal sitwazzjonijiet ta’ kriżi. L-agrikoltura b’saħħitha hija vitali għall-industrija tal-ikel tal-UE u għas-sigurtà globali tal-ikel.

Fl-istess ħin, l-agrikoltura u ż-żoni rurali qed jiġu mitluba jsaħħu l-isforzi tagħhom biex jilħqu l-miri ambizzjużi fir-rigward tal-klima u tal-enerġija u biex jimplimentaw l-istrateġija għall-bijodiversità li huma parti mill-aġenda Ewropa 2020. Il-bdiewa, li flimkien ma’ dawk li jieħdu ħsieb il-foresti huma l-aktar nies li jużaw l-art, se jkollhom bżonn tal-appoġġ biex ikunu jistgħu jadottaw u jżommu sistemi u prattiki tal-biedja li jkunu partikolarment favorevoli biex jintlaħqu l-miri ambjentali u dawk klimatiċi, għaliex il-prezzijiet tas-suq ma jirriflettux il-forniment ta’ dawn il-beni pubbliċi.. Se jkun ukoll essenzjali li l-potenzjal divers taż-żoni rurali jiġi utilizzat bl-aħjar mod u b’hekk jingħata kontribut għat-tkabbir inklużiv u għall-koeżjoni.

Għalhekk, fil-futur, il-PAK mhux se tkun politika li taħseb biss għal parti żgħira, anke jekk essenzjali, tal-ekonomija tal-UE, iżda se tkun ukoll politika ta’ importanza strateġika għas-sigurtà tal-ikel, għall-ambjent u għall-bilanċ territorjali. Huwa f’dan li jinsab il-valur miżjud tal-UE minn politika verament komuni li tagħmel l-aktar użu effiċjenti mir-riżorsi baġitarji limitati għaż-żamma ta’ agrikoltura sostenibbli fl-UE kollha, li tindirizza kwistjonijiet transkonfinali importanti bħat-tibdil fil-klima u t-tisħiħ tas-solidarjetà fost l-Istati Membri, filwaqt li tippermetti wkoll il-flessibilità fl-implimentazzjoni biex jitqiesu l-esiġenzi lokali.

Il-qafas stabbilit fil-proposta għal QFM jipprevedi li l-PAK għandha żżomm l-istruttura ta’ żewġ pilastri tagħha, fejn il-baġit għal kull pilastru jinżamm fil-livell nominali tiegħu tal-2013 u b’enfasi ċara li jinkisbu riżultati fir-rigward tal-prijoritajiet ewlenin tal-UE. Il-pagamenti diretti għandhom jippromwovu l-produzzjoni sostenibbli billi 30% tal-ammont baġitarju tagħhom jiġi assenjat għal miżuri obbligatorji li huma ta’ benefiċċju għall-klima u l-ambjent. Il-livelli tal-ħlasijiet għandhom jikkonverġu b’mod gradwali u l-ħlasijiet lil benefiċjarji kbar għandhom ikunu suġġetti għal iffissar progressiv tal-limitu massimu. L-iżvilupp rurali għandu jiġi inkluż f’Qafas Strateġiku Komuni flimkien ma’ fondi oħra tal-UE ta’ ġestjoni komuni, b’approċċ imsaħħaħ favur il-ksib ta’ riżultati, u suġġett għall-applikazzjoni ta’ kundizzjonijiet ex-ante mtejba u aktar ċari. Fl-aħħarnett, għall-miżuri tas-suq, il-finanzjament tal-PAK għandu jiġi msaħħaħ permezz ta’ żewġ strumenti li mhumiex tal-QFM: 1) riżerva ta’ emerġenza b’rispons għal sitwazzjonijiet ta’ kriżi; u 2) l-estensjoni tal-ambitu tal-Fond Ewropew ta' Aġġustament għall-Globalizzazzjoni.

Abbażi ta’ dan, l-elementi ewlenin tal-qafas leġiżlattiv għall-PAK fil-perjodu 2014-2020 huma stabbiliti fir-Regolamenti li ġejjin:

– Proposta għal Regolament tal-Parlament Ewropew u tal-Kunsill li jistabbilixxi regoli għal pagamenti diretti lill-bdiewa skont skemi ta' appoġġ fil-qafas tal-Politika Agrikola Komuni ('ir-Regolament dwar il-pagamenti diretti');

– Proposta għal Regolament tal-Parlament Ewropew u tal-Kunsill li jistabbilixxi organizzazzjoni komuni tas-swieq fi prodotti agrikoli ('ir-Regolament dwar l-OKS Unika');

– Proposta għal Regolament tal-Parlament Ewropew u tal-Kunsill dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) ('ir-Regolament dwar l-iżvilupp rurali');

– Proposta għal Regolament tal-Parlament Ewropew u tal-Kunsill dwar il-finanzjament, l-immaniġġjar u l-monitoraġġ tal-politika agrikola komuni ('ir-Regolament orizzontali').

– Proposta għal Regolament tal-Kunsill li jistabbilixxi miżuri dwar l-iffissar ta’ ċerti għajnuniet u rifużjonijiet relatati mal-organizzazzjoni tas-swieq fi prodotti agrikoli;

– Proposta għal Regolament tal-Parlament Ewropew u tal-Kunsill li jemenda r-Regolament (KE) Nru 73/2009 fir-rigward tal-applikazzjoni tal-pagmenti diretti lill-bdiewa fir-rigward tas-sena 2013;

– Proposta għal Regolament tal-Parlament Ewropew u tal-Kunsilli li jemenda r-Regolament tal-Kunsill (EC) Nru 1234/2007 fir-rigward tar-reġim tal-iskema tal-paagment uniku u l-appoġġ lil min ikabbar id-dwieli.

Ir-regolament dwar l-iżvilupp rurali huwa msejjes fuq il-proposta ppreżentata mill-Kummissjoni fis-6 ta' Ottubru 2011 li tistipula regoli komuni għall-fondi kollha li joperaw taħt Qafas Strateġiku Komuni[5] Dan għandu jiġi seġwit b’Regolament dwar l-iskema għall-persuni l-aktar fil-bżonn, li attwalment, il-finanzjament għalihom jingħata taħt intestatura differenti tal-QFM.

Barra minn hekk, qed jiġu mfassla regoli ġodda dwar il-pubblikazzjoni ta’ informazzjoni dwar il-benefiċjarji, b’qies għall-oġġezzjonijiet espressi mill-Qorti tal-Ġustizzja tal-Unjoni Ewropea, bil-ħsieb li jinstab l-aktar mod xieraq kif id-dritt tal-benefiċjarji għall-protezzjoni ta’ dejta personali jiġi rrikonċiljat mal-prinċipju tat-trasparenza.

2.           RIŻULTATI TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONI TAL-IMPATT

Abbażi tal-evalwazzjoni tal-qafas ta' politika attwali u ta’ analiżi tal-isfidi u l-esiġenzi futuri, il-valutazzjoni tal-Impatt tevalwa u tqabbel l-impatt ta’ tliet xenarji possibbli. Dan huwa r-riżultat ta’ proċess twil li beda f'April 2010 u li tmexxa minn grupp bejn is-servizzi li ġabar analiżi kwantitattiva u kwalitattiva estensiva, u li jinkludi l-iffissar ta’ sitwazzjoni bażi fil-forma ta’ projjezzjonijiet fuq terminu medju ta’ żmien għas-swieq agrikoli u d-dħul tagħhom sal-2020 u l-immudellar tal-impatt ta' xenarji differenti ta’ politika fuq l-ekonomija tas-settur.

It-tliet xenarji li ġew elaborati fl-evalwazzjoni tal-impatt huma: 1) xenarju ta’ aġġustament li jżomm il-qafas tal-politika attwali filwaqt li jindirizza n-nuqqasijiet l-aktar importanti tiegħu, bħad-distribuzzjoni tal-pagamenti diretti; 2) xenarju ta’ integrazzjoni li jinvolvi tibdil kbir fil-politika fil-forma ta’ pagamenti diretti li jkunu mmirati aħjar u li jkunu aktar ekoloġiċi, flimkien mat-tisħiħ tal-miri strateġiċi għall-politika tal-iżvilupp rurali b’koordinazzjoni aħjar ma’ politiki oħra tal-UE, kif ukoll l-estensjoni tal-bażi legali biex jiżdiedu l-possibbiltajiet ta’ kooperazzjoni bejn il-produtturi; u 3) xenarju ta’ ffukar mill-ġdid li jagħti orjentazzjoni ġdida lill-politika, esklussivament favur l-ambjent, fejn il-pagamenti diretti jitneħħew b' mod gradwali progressiv, bl-ipoteżi li l-kapaċità produttiva tista’ tibqa’ l-istess mingħajr appoġġ u li l-esiġenzi soċjoekonomiċi taż-żoni rurali jkunu jistgħu jiġu ssodisfati permezz ta’ politiki oħra.

Fl-isfond tal-kriżi ekonomika u l-pressjoni fuq il-finanzi pubbliċi, li l-UE wieġbet għalihom bl-istrateġija Ewropa 2020 u bil-proposta għal QFM, it-tliet xenarji jagħtu piż differenti lil kull wieħed mit-tliet għanijiet ta’ politika tal-PAK li timmira għal agrikoltura aktar kompetittiva u sostenibbli f'żoni rurali dinamiċi. Bil-ħsieb li jittejjeb l-allinjament mal-istrateġija Ewropa 2020, notevolment f’termini tal-użu effiċjenti tar-riżorsi, se jkun dejjem aktar essenzjali li l-produttività agrikola tittejjeb permezz tar-riċerka, tat-trasferiment tal-għarfien u tal-promozzjoni tal-koperazzjoni u l-innovazzjoni (inkluż permezz tas-Sħubija Ewropea għall-Innovazzjoni għall-produttività u sostenibbiltà agrikola). Billi l-politika agrikola tal-UE ma għadhiex tiffunzjona aktar f’ambjent politiku kkaratterizzat mit-tfixkil tal-kummerċ, hija mistennija pressjoni addizzjonali fuq is-settur minħabba ż-żieda fil-liberalizzazzjoni, notevolment fil-qafas tal-Aġenda ta' Doha għall-Iżvilupp (DDA) jew tal-Ftehim ta’ Kummerċ Ħieles (FTA) ma’ Mercosur.

Fit-tfassil tat-tliet xenarji ta’ politika tqiesu l-preferenzi espressi waqt il-konsultazzjoni li saret fil-kuntest tal-valutazzjoni tal-impatt. Il-partijiet interessati ġew mistiedna jagħtu l-kontribut tagħhom bejn it-23.11.2010 u l-25.1.2011 u fit-12.1.2011 ġie organizzat kumitat konsultattiv. Dawn huma l-punti ewlenin, fil-qosor [6]:

– Jeżisti qbil ġenerali bejn il-partijiet interessati dwar il-ħtieġa ta’ PAK, b’saħħitha bbażata fuq struttura ta’ żewġ pilastri, biex jiġu indirizzati l-isfidi tas-sikurezza tal-ikel, il-ġestjoni sostenibbli tar-riżorsi naturali u l-iżvilupp territorjali.

– Il-biċċa l-kbira ta’ dawk li wieġbu jaħsbu li l-PAK għandha taqdi rwol fl-istabilizzazzjoni tas-swieq u tal-prezzijiet.

– Il-partijiet interessati għandhom opinjonijiet differenti dwar l-immirar tal-appoġġ (speċjalment dwar ir-ridistribuzzjoni tal-għajnuna diretta u dwar l-iffissar tal-limitu massimu tal-pagamenti).

– Jeżisti qbil li ż-żewġ pilastri jistgħu jaqdu rwol importanti biex tiżdied l-azzjoni favur il-klima u biex tittejjeb il-prestazzjoni ambjentali fl-interess tas-soċjetà tal-UE Filwaqt li bosta bdiewa jemmnu li dan l-approċċ diġà qiegħed jiġi implimentat, il-pubbliku ġenerali huwa tal-fehma li l-pagamenti tal-Pilastru I jistgħu jintużaw b’mod aktar effiċjenti.

– Dawk li wieġbu jixtiequ li l-partijiet kollha tal-UE, inkluż iż-żoni anqas vantaġġati, ikunu jagħmlu parti mit-tkabbir u l-iżvilupp futuri.

– L-integrazzjoni tal-PAK ma’ politiki oħra, bħal dawk ambjentali, tas-saħħa, tal-kummerċ u tal-iżvilupp, ġiet enfasizzata minn għadd kbir ta’ dawk li wieġbu.

– L-innovazzjoni, l-iżvilupp ta’ impriżi kompetittivi u l-provvista ta’ beni pubbliċi liċ-ċittadini tal-UE huma meqjusa bħala modi kif il-PAK tista’ tiġi allinjata mal-istrateġija Ewropa 2020.

Għalhekk, il-valutazzjoni tal-impatt ipparagunat it-tliet xenarji ta’ politika possibbli:

Ix-xenarju ta’ ffukar mill-ġdid għandu jaċċellera l-aġġustament strutturali fis-settur agrikolu, billi jisposta l-produzzjoni lejn iż-żoni l-aktar kosteffikaċi u lejn is-setturi li jħallu l-aktar qligħ. Filwaqt li dan għandu jżid il-finanzjament favur l-ambjent b’mod sinifikanti, minħabba l-ambitu limitat tal-intervent fis-suq, jista’ wkoll jesponi lis-settur għal riskji akbar. Barra minn hekk, dan ix-xenarju jġib miegħu kost soċjali u ambjentali sinifikanti, minħabba li ż-żoni inqas kompetittivi jkollhom jiffaċċjaw telf fid-dħul u degradazzjoni ambjentali konsiderevoli, peress li l-politika titlef l-ingranaġġ tal-pagamenti diretti assoċjat mar-rekwiżiti ta’ kundizzjonalità.

Fuq in-naħa l-oħra tal-ispektrum, ix-xenarju ta’ aġġustament għandu jkun l-aktar wieħed adatt biex tiġi żgurata l-kontinwità politika, b’titjib limitat iżda tanġibbli kemm mil-lat tal-kompetittività agrikola kif ukoll minn dak tal-prestazzjoni ambjentali. Madankollu hemm dubji serji dwar jekk dan ix-xenarju jistax jindirizza b’mod adegwat l-isfidi kbar tal-futur għas-setturi tal-klima u tal-ambjent, liema setturi jsaħħu s-sostenibbiltà fit-tul tal-agrikoltura.

Ix-xenarju ta’ integrazzjoni jintroduċi elementi innovattivi permezz ta’ pagamenti diretti li jkunu mmirati aħjar u li jkunu aktar ekoloġiċi. L-analiżi turi li l-pagamenti diretti aktar ekoloġiċi jistgħu jsiru b’kost raġonevoli għall-bdiewa, għalkemm ċertu ammont ta’ piż amministrattiv ma jistax jiġi evitat. Bl-istess mod, jista’ jingħata impetu ġdid fl-iżvilupp rurali, dejjem jekk il-possibbiltajiet il-ġodda jintużaw b’mod effiċjenti mill-Istati Membri u r-reġjuni u jekk il-qafas strateġiku komuni mal-fondi l-oħra tal-UE ma jeliminax is-sinerġiji mal-Pilastru I jew idgħajjef il-punti tajbin li jikkaratterizzaw l-iżvilupp rurali. Jekk jintlaħaq il-bilanċ ġust, dan ix-xenarju għandu jkun l-aktar wieħed adatt biex tiġi indirizzata s-sostenibbiltà fit-tul tal-agrikoltura u taż-żoni rurali.

Abbażi ta’ dan, il-valutazzjoni tal-impatt tikkonkludi li x-xenarju ta’ integrazzjoni huwa l-aktar wieħed ibbilanċjat li jista' jintuża biex il-PAK tiġi allinjata b’mod progressiv mal-għanijiet strateġiċi tal-UE, liema bilanċ jista’ jinkiseb ukoll bl-implimentazzjoni tad-diversi elementi inklużi fil-proposti leġiżlattivi. Se jkun essenzjali wkoll li jiġi żviluppat qafas ta’ evalwazzjoni biex titkejjel il-prestazzjoni tal-PAK permezz ta’ sett ta’ indikaturi komuni marbuta mal-għanijiet tal-politika.

Is-simplifikazzjoni kienet wieħed mill-aspetti importanti meqjusa matul il-proċess, u din għandha tiġi msaħħa b'diversi modi, pereżempju bir-razzjonalizzazzjoni tal-kundizzjonalità u tal-istrumenti tas-suq, jew bit-tfassil tal-iskema tal-bdiewa ż-żgħar. Barra minn hekk, il-pagamenti diretti aktar ekoloġiċi għandhom jitfasslu b’tali mod li jimminimizzaw il-piż amministrattiv, inkluż l-ispejjeż tal-kontrolli.

3.           ELEMENTI LEGALI TAL-PROPOSTA

Huwa propost li tinżamm l-istruttura attwali tal-PAK f’żewġ pilastri b’miżuri obbligatorji annwali ta’ applikazzjoni ġenerali għall-Pilastru I kumplimentati b’miżuri voluntarji mfassla aħjar għall-ispeċifiċitajiet nazzjonali u reġjonali fl-ambitu ta’ approċċ ta’ programmar multiannwali għall-Pilastru II. Madankollu, it-tfassil il-ġdid tal-pagamenti diretti jipprova jisfrutta aħjar is-sinerġiji mal-Pilastru II, li min-naħa tiegħu qiegħed inkluż f’Qafas Strateġiku Komuni biex ikun hemm koordinazzjoni aħjar ma’ fondi oħra ta’ ġestjoni komuni tal-UE.

Abbażi ta’ dan, tinżamm ukoll l-istruttura attwali ta’ erba’ strumenti legali ta’ bażi, għalkemm l-ambitu tar-regolament finanzjarju jitwessa' biex jiġbor u jlaqqa' dispożizzjonijiet komuni f’dak li issa huwa msejjaħ ir-Regolament orizzontali.

Il-proposti jikkonformaw mal-prinċipju tas-sussidjarjetà. Il-PAK hija tassew politika komuni:: hija settur ta’ kompetenza kondiviża bejn l-UE u l-Istati Membri li qed tiġi trattata fil-livell tal-UE bil-għan li tinżamm agrikoltura sostenibbli u diversa fl-UE kollha, li jiġu indirizzati kwistjonijiet transkonfinali importanti bħat-tibdil fil-klima u t-tisħiħ tas-solidarjetà fost l-Istati Membri. Fid-dawl tal-importanza tal-isfidi futuri għas-sigurtà tal-ikel, għall-ambjent u għall-bilanċ territorjali, il-PAK tibqa' politika ta’ importanza strateġika biex jiġu żgurati l-aktar risposta effikaċi għall-isfidi politiċi u l-aktar użu effiċjenti tar-riżorsi baġitarji. Barra minn hekk, huwa propost li tinżamm l-istruttura attwali ta’ strumenti f’żewġ pilastri fejn l-Istati Membri jkollhom aktar libertà biex ifasslu soluzzjonijiet adattati għall-ispeċifiċitajiet lokali tagħhom u biex jikkofinanzjaw il-Pilastru II. Is-Sħubija Ewropea għall-Innovazzjoni l-ġdida u s-sett ta' strumenti għall-ġestjoni tar-riskju huma inklużi wkoll fil-Pilastru II. Fl-istess ħin, il-politika se tiġi allinjata aħjar mal-istrateġija Ewropa 2020 (flimkien ma’ qafas komuni ma’ fondi oħra tal-UE) u jistgħu jiddaħħlu għadd ta' titjib u elementi ta’ simplifikazzjoni. Fl-aħħarnett, l-analiżi mwettqa fil-qafas tal-valutazzjoni tal-impatt turi b’mod ċar il-kost li jirriżulta jekk ma tittieħed ebda azzjoni, f’termini ta’ konsegwenzi ekonomiċi, ambjentali u soċjali negattivi.

Minbarra dispożizzjonijiet dwar finanzjament, ir-regolament orizzontali jġib flimkien regoli rilevanti għall-istrumenti kollha, bħal dispożizzjonijiet dwar kundizzjonalità, verifiki u penali. Konsegwentement, ir-regolament issa jistabbilixxi regoli dwar il-finanzjament, is-sistema ta’ konsulenza għall-farms, is-sistemi ta’ mmaniġġjar u kontroll, il-kundizzjonalità u l-approvazzjoni ta’ kontijiet.

L-għan huwa li r-regoli dwar finanzjament ikunu aġġustati abbażi tal-esperjenza miksuba s’issa, biex il-kundizzjonalità tiġi razzjonalizzata u mtejba u biex tissaħħaħ is-sistema ta’ konsulenza għall-farms.

Fir-rigward tal-kundizzjonalità b’mod partikolari, ir-regoli viġenti kienu rriveduti bil-għan li jiġu ssimplifikati, li tissaħħaħ id-dimensjoni tat-tibdil fil-klima fil-KAAT u li tiġi żgurata l-konsistenza mad-dispożizzjonijiet ta’ miżuri ekoloġiċi u ta’ miżuri ambjentali rilevanti offruti għall-iżvilupp rurali.

Fl-aħħar nett, ir-regolament jipprovdi l-bażi għal qafas komuni ta’ monitoraġġ u ta’ evalwazzjoni biex titkejjel il-prestazzjoni tal-PAK matul il-perjodu li jmiss.

Dan ir-regolament jinkludi diversi elementi ta’ simplifikazzjoni. Qabel xejn, huwa jiġbor flimkien ir-regoli kollha tal-kundizzjonalità f’att leġiżlattiv wieħed u b’hekk ikunu jistgħu jinqraw aħjar.

Barra minn hekk, jipprevedi it-tnaqqis fl-għadd ta’ aġenziji tal-pagamenti u t-tisħiħ tal-irwol tal-korp ta’ koordinazzjoni. Dan għandu jagħmel is-sistema aktar trasparenti u ta’ anqas piż kemm għal amministrazzjonijiet nazzjonali kif ukoll għas-servizzi tal-Kummissjoni. Se jkun hemm anqas akkreditazzjonijiet u dikjarazzjonijiet ta’ assigurazzjoni meħtieġa fil-livell tal-Istati Membri u l-għadd ta’ verifiki mill-Kummissjoni jkun jista’ jitnaqqas.

Ir-regoli dwar l-immaniġġjar u l-kontrolli se jiġu allinjati, kemm jista’ jkun, għaż-żewġ pilastri tal-PAK biex iwasslu għal aktar ċarezza legali u għal proċeduri armonizzati. Barra minn hekk, ir-regolament jipprevedi li l-Kummissjoni jkollha s-setgħa li tippermetti t-tnaqqis tal-għadd ta’ verifiki fuq il-post għal Stati Membri b’sistemi ta’ verifiki li jaħdmu tajjeb u b’rati baxxi ta’ żbalji. Dan jista’ jnaqqas il-piżijiet amministrattivi kemm għall-bdiewa kif ukoll għall-amministrazzjonijiet nazzjonali.

4.           IMPLIKAZZJONI BAĠITARJA

Il-proposta għal QFM tipprovdi li parti sinifikanti tal-baġit tal-UE għandha tibqa’ tiġi ddedikata għall-agrikoltura, li hija politika komuni ta’ importanza strateġika. Għalhekk, bi prezzijiet kurrenti, huwa propost li l-PAK għandha tiffoka fuq l-attivitajiet essenzjali tagħha, billi fil-perjodu 2014-2020 talloka EUR 317.2 biljun għall-Pilastru I u EUR 101.2 biljun għall-Pilastru II.

Il-finanzjament tal-Pilastru I u tal-Pilastru II huwa kkumplimentat minn finanzjament addizzjonali ta’ EUR 17.1 biljun, li huwa magħmul minn EUR 5.1 biljun għar-riċerka u l-innovazzjoni, EUR 2.5 biljun għas-sikurezza tal-ikel u EUR 2.8 biljun għall-appoġġ ta’ ikel lill-persuni l-aktar fil-bżonn fl-Unjoni f’intestaturi oħra tal-QFM, kif ukoll ta' EUR 3.9 biljun għal riżerva ġdida għal kriżijiet fis-settur agrikolu u sa EUR 2.8 biljun fil-Fond Ewropew ta' Aġġustament għall-Globalizzazzjoni li ma jagħmlux parti mill-QFM; li jwassal għal baġit totali ta’ EUR 435.6 biljun għall-perijodu 2014-2020.

Fir-rigward tad-distribuzzjoni tal-appoġġ fost l-Istati Membri, huwa propost għall-Istati Membri kollha li l-ħlasijiet diretti tagħhom huma taħt id-90% tal-medja tal-UE, terz minn din id-differenza jitnaqqas. Il-limiti massimi nazzjonali indikati fir-Regolament tal-pagamenti diretti huma kkalkolati abbażi ta’ dan.

Id-distribuzzjoni tal-appoġġ għall-iżvilupp rurali hija bbażata fuq kriterji oġġettivi marbuta mal-għanijiet tal-politika, filwaqt li titqies id-distribuzzjoni attwali. Ir-reġjuni inqas żviluppati, kif ukoll ċerti miżuri bħat-trasferiment tal-għarfien, il-gruppi tal-produtturi, l-attivitajiet ta’ kooperazzjoni u l-Leader għandhom jibqgħu jibbenefikaw minn rati ta’ kofinanzjament ogħla bħal ma jagħmlu llum.

Qed tiddaħħal xi flessibbiltà għat-trasferimenti bejn il-pilastri (sa 5% tal-pagamenti diretti): mill-Pilastru I għall-Pilastru II sabiex l-Istati Membri jkunu jistgħu jsaħħu l-politika tagħhom ta' żvilupp rurali, u mill-Pilastru II għall-Pilastru I għal dawk l-Istati Membri fejn il-livell tal-pagamenti diretti jibqa' taħt 90% tal-medja tal-UE.

Id-dettalji dwar l-impatt finanzjarju tar-riforma tal-PAK proposti huma stipulati fl-istqarrija finanzjarja li takkumpanja l-proposti.

2011/0288 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar il-finanzjament, l-immaniġġjar u l-monitoraġġ tal-politika agrikola komuni

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u partikolarment Artikolu 43(2) tiegħu,

Wara li kkunsidraw il-proposta mill-Kummissjoni Ewropea[7],

Wara t-trażmissjoni tal-abboz tal-att leġiżlattiv lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew [8],

Wara li kkonsultaw il-Kontrollur Ewropew għall-Protezzjoni tad-Data[9]

Filwaqt li jaġixxu skont il-proċedura leġiżlattiva ordinarja,

Billi:

(1) Il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar "Il-PAK fid-dawl tas-sena 2020: Nindirizzaw l-isfidi tal-futur fl-ambitu tal-ikel, tar-riżorsi naturali u dak territorjali"[10] tistabbilixxi sfidi, objettivi u orjentazzjonijiet potenzjali għall-Politika Agrikola Komuni (PAK) wara l-2013. Fid-dawl tad-dibattitu dwar dik il-Komunikazzjoni, il-PAK għandha tiġi rriformata b’effett mill-1 ta’ Jannar 2014. Dik ir-riforma għandha tkopri l-istrumenti ewlenin kollha tal-PAK, inkluż ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-politika agrikola komuni[11] kif emendat mir-Regolament tal-Parlament Ewropew u tal-Kunsill [COM (2010)…(l-allinjament ta’ Liżbona)][12]. L-esperjenza miksuba mill-implimentazzjoni ta’ dak ir-Regolament turi li ċerti elementi tal-mekkaniżmu ta’ finanzjament u monitoraġġ jeħtiġilhom jiġu aġġustati. Minħabba l-kamp ta’ applikazzjoni tar-riforma, ikun xieraq li jitħassar ir-Regolament (KE) Nru 1290/2005 u jiġi sostitwit b’test ġdid. Ir-riforma għandha wkoll, kemm jista’ jkun possibbli, tarmonizza, tirrazzjonalizza u tissimplifika dispożizzjonijiet.

(2) Minħabba li l-objettivi ta’ dan ir-Regolament ma jistgħux jinkisbu b’mod suffiċjenti mill-Istati Membri minħabba r-rabtiet bejnu u l-istrumenti l-oħra tal-PAK u l-limitazzjonijiet fuq ir-riżorsi finanzjarji tal-Istati Membri f’Unjoni mkabbra, u li, għalhekk, l-objettivi jkunu jistgħu jinkisbu aħjar f’livell tal-Unjoni permezz tal-garanzija multiannwali ta’ finanzjament mill-Unjoni u ta’ konċentrazzjoni fuq il-prijoritajiet tiegħu, l-Unjoni tista’ tadotta miżuri, skont il-prinċipju tas-sussidjarjetà kif stabbilit fl-Artikolu 5(3) tat-Trattat dwar Unjoni Ewropea. Skont il-prinċipju tal-proporzjonalità kif stabbilit fl-Artikolu 5(4) ta’ dak it-Trattat, dan ir-Regolament ma jmurx lil hinn minn dak li huwa meħtieġ biex jinkisbu dawk l-objettivi.

(3) Biex jiġu ssupplimentati jew emendati ċerti elementi mhux essenzjali ta’ dan ir-Regolament, is-setgħa li jkunu adottati atti delegati skont l-Artikolu 290 tat-Trattat għandha tkun iddelegata lill-Kummissjoni fir-rigward tal-akkreditazzjoni tal-aġenziji tal-pagamenti u tal-korpi ta’ koordinazzjoni, tal-kontenut tas-Sistema Konsultattiva għall-farms, tal-miżuri li għandhom jiġu ffinanzjati mill-baġit tal-Unjoni b’intervent pubbliku u l-valutazzjoni tal-operazzjonijiet marbuta mal-intervent pubbliku, ir-riduzzjonijiet u s-sospensjoni tar-rimborżi lill-Istati Membri, tal-kumpens bejn l-infiq u d-dħul skont il-Fondi, tal-irkupru ta’ djun, tal-penali applikati lil benefiċjarji fil-każ ta' nuqqas ta' konformità mal-kundizzjonijiet tal-eliġibbiltà, fir-rigward tar-regoli dwar it-titoli, il-funzjonament tas-sistema tal-amminstrazzjoni u l-kontroll integrati, tal-miżuri esklużi mill-iskrutinju ta’ tranżazzjonijiet, il-penali applikati skont il-kundizzjonalità, ir-regoli dwar iż-żamma tal-mergħat, ir-regoli dwar l-avveniment operattiv u r-rata tal-kambju li għandha tintuża mill-Istati Membri li ma jużawx l-ewro u fir-rigward tal-kontenut tal-qafas komuni ta’ evalwazzjoni tal-miżuri adottati skont il-PAK. Huwa ta’ importanza partikolari li l-Kummissjoni żżomm konsultazzjonijiet xierqa matul ix-xogħol tagħha ta’ tħejjija, inkluż f’livell espert. Il-Kummissjoni, meta tkun qed tħejji u tfassal atti delegati, għandha tiżgura trażmissjoni simultanja, f’waqtha u xierqa ta’ dokumenti rilevanti lill-Parlament Ewropew u lill-Kunsill.

(4) Il-PAK hija magħmula minn serje ta’ miżuri, li xi wħud minnhom għandhom rabta mal-żvilupp rurali. Huwa importanti li jiġi pprovdut finanzjament għal dawk il-miżuri biex jingħata kontribut għall-kisba tal-objettivi tal-PAK. Minħabba li l-miżuri għandhom ċerti elementi komuni bejniethom iżda huma wkoll differenti f’għadd ta’ aspetti, il-finanzjament tagħhom għandu jsir flimkien ma’ sett ta’ dispożizzjonijiet li jippermetti trattament differenti fejn ikun meħtieġ. Ir-Regolament (KE) Nru 1290/2005 ħoloq żewġ fondi agrikoli Ewropej, jiġifieri l-Fond Agrikolu Ewropew ta’ Garanzija (minn hawn ’il quddiem imsejjaħ ‘FAEG’), u l-Fond Agrikolu Ewropew għall-Iżvilupp Rurali (minn hawn ’il quddiem imsejjaħ ‘FAEŻR’). Dawk iż-żewġ Fondi għandhom jinżammu.

(5) Ir-Regolament (UE) Nru [FR]/xxx tal-Parlament Ewropew u tal-Kunsill ta' […] dwar ir-regoli finanzjarji applikabbli għall-baġit annwali tal-Unjoni[13] u d-dispożizzjonijiet adottati in segwitu għalih għandhom japplikaw għall-miżuri stipulati f'dan ir-Regolament. B'mod partikolari ir-Regolament jistipula dispożizzjonijiet marbuta mal-ġestjoni konġunta mal-Istati Membri bbażata fuq il-prinċipji tal-ġestjoni finanzjarja soda, it-trasparenza u n-non diskriminazzjoni, kif ukoll dispożizzjonijiet dwar il-funzjoni tal-korpi akkreditati, il-prinċipji baġitarji, u d-dispożizzjonijiet li għandhom jiġu osservati fil-qafas ta' dan ir-Regolament.

(6) Il-baġit tal-Unjoni għandu jiffinanzja l-infiq tal-PAK, inkluż dak għall-iżvilupp rurali, permezz taż-żewġ Fondi jew direttament jew fil-kuntest ta’ mmaniġġjar komuni mal-Istati Membri. It-tipi ta’ miżuri li jistgħu jiġu ffinanzjati billi jintużaw dawk il-Fondi għandhom jiġu speċifikati.

(7) Għandu jkun hemm provvediment għall-akkreditazzjoni ta’ aġenziji tal-pagamenti mill-Istati Membri, biex jiġu stabbiliti proċeduri għall-kisba tad-dikjarazzjonijiet ta’ mmaniġġjar meħtieġa ta’ assigurazzjoni, u ċ-ċertifikazzjoni ta’ sistemi ta’ mmaniġġjar u monitoraġġ, kif ukoll iċ-ċertifikazzjoni ta’ kontijiet annwali minn korpi indipendenti. Barra minn dan, biex tiġi żgurata t-trasparenza tal-kontrolli nazzjonali, partikolarment fir-rigward ta’ proċeduri ta’ awtorizzazzjoni, validazzjoni u pagament, biex jitnaqqas il-piż amministrattiv u ta’ awditjar għas-servizzi tal-Kummissjoni, kif ukoll għall-Istati Membri fejn tkun meħtieġa akkreditazzjoni għal kull aġenzija tal-pagamenti individwali, l-għadd ta’ awtoritajiet u korpi li lilhom jiġu ddelegati dawk ir-responsabbiltajiet għandu jkun ristrett meqjusin l-arranġamenti kostituzzjonali ta’ kull Stat Membru.

(8) Fejn Stat Membru jakkredita aktar minn aġenzija tal-pagamenti waħda, huwa importanti li jinnomina korp ta’ koordinazzjoni uniku biex tiġi żgurata l-konsistenza fl-immaniġġjar tal-fondi, biex jiġi pprovdut kollegament bejn il-Kummissjoni u d-diversi aġenziji tal-pagamenti akkreditati u biex jiġi żgurat li l-informazzjoni mitluba mill-Kummissjoni dwar l-operazzjonijiet ta’ diversi aġenziji tal-pagamenti tkun tista’ tinkiseb malajr. Il-korp ta’ koordinazzjoni għandu wkoll ikun responsabbli li jiżgura li tittieħed azzjoni rimedjali u li l-Kummissjoni tinżamm mgħarrfa dwar x’ikun ġara wara u għandu jiżgura l-applikazzjoni omoġenja ta’ regoli u standards komuni.

(9) L-aġenziji tal-pagamenti akkreditati mill-Istati Membri biss joffru assigurazzjoni raġjonevoli li jkunu saru l-kontrolli meħtieġa qabel ma tingħata l-għajnuna mill-Unjoni lil benefiċjarji. Għandu, għalhekk, jiġi stipulat b’mod espliċitu li l-infiq magħmul minn aġenziji tal-pagamenti akkreditati biss jista’ jiġi rimborżat mill-baġit tal-Unjoni.

(10) Biex il-benefiċjarji jkunu megħjunin isiru jafu aktar dwar ir-rabta bejn il-prattiki agrikoli u l-immaniġġjar ta’ farms min-naħa l-waħda, u l-istandards relatati mal-ambjent, it-tibdil fil-klima, il-kundizzjonijiet agrikoli tajba tal-art, is-sigurtà fl-ikel, is-saħħa pubblika, is-saħħa tal-annimali, is-saħħa tal-pjanti u t-trattament xieraq tal-annimali min-naħa l-oħra, huwa meħtieġ li l-Istati Membri jistabbilixxu sistema konsultattiva komprensiva għall-farms li toffri pariri lil benefiċjarji. Dik is-sistema konsultattiva għall-farms m’għandha bl-ebda mod taffettwa l-obbligu u r-responsabbiltà ta’ benefiċjarji li jħarsu dawk l-istandards. L-Istati Membri għandhom jiżguraw ukoll separazzjoni ċara bejn pariri u kontrolli.

(11) Is-sistema konsultattiva għall-farms għandha tkopri mill-anqas ir-rekwiżiti u l-istandards li jifformaw il-kamp ta’ applikazzjoni tal-kundizzjonalità. Dik is-sistema għandha tkopri wkoll ir-rekwiżiti li għandhom jitħarsu b’rabta mal-prattiki agrikoli ta’ ġid għall-klima u l-ambjent għal pagamenti diretti, kif ukoll iż-żamma tal-żona agrikola skont ir-Regolament (UE) Nru DP/xxx tal-Parlament Ewropew u tal-Kunsill ta’ xxx li jistabbilixxi regoli għal skemi ta’ pagament dirett lill-bdiewa skont skemi ta' appoġġ fil-qafas tal-politika agrikola komuni[14]. Dik is-sistema għandha fl-aħħar nett tkopri ċerti elementi relatati ma’ mitigazzjoni u adattament għal tibdil fil-klima, il-bijodiversità, il-ħarsien tal-ilma, notifika u innovazzjoni.ta’ mard tal-annimali u tal-pjanti, kif ukoll l-iżvilupp sostenibbli tal-attività ekonomika tal-farms iż-żgħar.

(12) Id-dħul fis-sistema konsultattiva għall-farms għandu jkun fuq bażi volontarja għal benefiċjarji. Il-benefiċjarji kollha, anke jekk ma jirċevux għajnuna skont il-PAK, għandhom jitħallew jipparteċipaw fis-sistema. Madankollu, l-Istati Membri jistgħu jistabbilixxu kriterji ta’ prijorità. Minħabba n-natura tas-sistema, ikun xieraq li l-informazzjoni miksuba matul l-attività ta’ konsulenza tiġi ttrattata bħala kunfidenzjali, ħlief f’każ ta’ ksur gravi tad-dritt nazzjonali jew tal-Unjoni. Biex tiġi żgurata l-effiċjenza tas-sistema, il-konsulenti għandhom ikunu kwalifikati kif xieraq u jirċievu taħriġ regolarment.

(13) Ir-riżorsi finanzjarji meħtieġa biex ikopru l-infiq magħmul mill-aġenziji tal-pagamenti akkreditati fir-rigward tal-FAEG, għandhom isiru disponibbli għall-Istati Membri mill-Kummissjoni fl-għamla ta’ rimborżi biex ikun irriżervat l-infiq magħmul minn dawk l-aġenziji. Sakemm dawn ir-rimborżi, fl-għamla ta’ pagamenti kull xahar, ikunu tħallsu, għandhom jiġu mmobilizzati riżorsi finanzjarji mill-Istati Membri skont il-ħtiġijiet tal-aġenziji tal-pagamenti akkreditati tagħhom. L-ispejjeż tal-persunal u l-ispejjeż amministrattivi tal-Istati Membri u tal-benefiċjarji involuti fl-eżekuzzjoni tal-PAK għandhom jitħallsu minnhom infushom.

(14) L-użu tas-sistema agrometeoroloġika u tal-akkwist u t-titjib ta’ immaġni bis-satellita għandu jipprovdi lill-Kummissjoni bil-mezzi għall-ġestjoni tas-swieq u biex jiġu ffaċilitati l-monitoraġġ u l-kontroll tal-infiq agrikolu.

(15) Fil-kuntest tal-ħarsien tad-dixxiplina baġitarja, huwa meħtieġ li jiġi ddefinit il-limitu massimu annwali għall-infiq iffinanzjat mill-FAEG billi jitqiesu l-ammonti massimi stabbiliti għal dak il-Fond skont il-qafas finanzjarju multiannwali msemmi fir-Regolament tal-Kunsill (UE) Nru xxx/xxx ta' […] li jistipula l-qafas finanzjarju multiannwali għas-snin 2014-2020[15] [QFM].

(16) Id-dixxiplina baġitarja tesiġi wkoll li l-limitu massimu annwali għal infiq iffinanzjat mill-FAEG jiġi mħares fiċ-ċirkostanzi kollha u fl-istadji kollha tal-proċedura tal-baġit u tal-eżekuzzjoni tal-baġit. Dan jesiġi li l-limitu massimu nazzjonali għall-pagamenti diretti għal kull Stat Membru stipulat fir-Regolament (UE) Nru xxx/xxx[DP] jitqies bħala l-limitu massimu finanzjarju għal pagamenti diretti tali għall-Istat Membru konċernat u li r-rimborż ta’ dawk il-pagamenti jibqa’ f’dan il-limitu massimu finanzjarju. Barra dan, id-dixxiplina baġitarja tesiġi li l-atti kollha proposti mill-Kummissjoni jew adottati mil-leġiżlatur jew mill-Kummissjoni skont il-PAK u ffinanzjati mill-FAEG ikunu konformi mal-limitu massimu annwali għall-infiq iffinanzjat minn dak il-fond.

(17) Bil-għan li jkun żgurat li l-ammonti għall-finanzjament tal-PAK ikunu konformi mal-limiti massimi annwali, għandu jinżamm il-mekkaniżmu finanzjarju msemmi fir-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta' appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta' appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003[16] li bih jiġi aġġustat il-livell ta’ għajnuna diretta . Fl-istess kuntest, huwa meħtieġ li l-Kummissjoni tkun awtorizzata tistabbilixxi dawk l-aġġustamenti fejn ilKunsill ma jistabbillixxuhomx qabel it-30 ta’ Ġunju tas-sena kalendarja li għaliha jkunu japplikaw.

(18) Il-miżuri meħuda biex tiġi ddeterminata l-kontribuzzjoni finanzjarja mill-FAEG u mill-FAEŻR fir-rigward tal-kalkolu tal-limiti massimi finanzjarji ma jaffettwawx is-setgħat tal-awtorità baġitarja maħtura mit-Trattat. Dawk il-miżuri għandhom, għalhekk, ikunu bbażati fuq l-ammonti ta’ referenza ffissati skont il- Ftehim Interistituzzjonali ta’ […] bejn il-Parlament Ewropew, il-Kunsill u l-Kummissjoni dwar il-kooperazzjoni fi kwistjonijiet baġitarji u dawk ta' mmaniġġjar finanzjarju sod [17] u r-Regolament (UE) Nru xxx/xxx [MFF].

(19) Id-dixxiplina baġitarja titlob ukoll eżami kontinwu tas-sitwazzjoni baġitarja għal żmien medju. Il-Kummissjoni, meta tissottometti l-abbozz tal-baġit għal-sena partikolari, għandha, għalhekk, tippreżenta l-previżjonijiet u l-analiżi tagħha lill-Parlament Ewropew u lill-Kunsill u tipproponi, jekk ikun meħtieġ, miżuri xierqa lill-leġiżlatur. Barra dan, il-Kummissjoni għandha tagħmel użu sħiħ mis-setgħat tagħha ta’ mmaniġġjar f’kull żmien biex tiżgura konformità mal-limitu massimu annwali u, jekk ikun meħtieġ, tipproponi miżuri xierqa lill-Parlament Ewropew u lill-Kunsill jew lill-Kunsill biex tiġi rrimedjata s-sitwazzjoni baġitarja. Jekk, fi tmiem is-sena tal-baġit, ma jkunx jista’ jkun hemm konformità mal-limitu massimu annwali bħala riżultat tar-rimborżi mitluba mill-Istati Membri, il-Kummissjoni għandha tkun tista’ tieħu miżuri li jippermettu distribuzzjoni provviżorja tal-baġit disponibbli fost l-Istati Membri proporzjonatament għat-talbiet tagħhom għal rimborż li ma jkunx għadu tħallas, kif ukoll konformità mal-limitu massimu ffissat għas-sena konċernata. Pagamenti għal dik is-sena għandhom jiġu addebitati għas-sena tal-baġit ta’ wara u l-ammont totali ta’ finanzjament mill-Unjoni għal kull Stat Membru għandu jiġi stabbilit definittivament, bħalma għandu jkun il-kumpens bejn l-Istati Membri biex ikun hemm konformità mal-ammont stabbilit.

(20) Meta timplimenta l-baġit, il-Kummissjoni għandha topera kull xahar sistema ta’ twissija bikrija u monitoraġġ għall-infiq agrikolu, biex, jekk ikun hemm riskju li l-limitu massimu annwali jinqabeż, il-Kummissjoni tkun tista’ mal-ewwel opportunità tieħu l-miżuri xierqa skont is-setgħat ta’ mmaniġġjar għad-dispożizzjoni tagħha u tipproponi miżuri oħra jekk dawk il-miżuri jkunu jidhru li jkunu insuffiċjenti. Rapport perjodiku mill-Kummissjoni lill-Parlament Ewropew u lill-Kunsill għandu jqabbel l-evoluzzjoni tal-infiq magħmul b’rabta mal-profili sa ċertu żmien u jagħmel valutazzjoni tal-implimentazzjoni li tista’ tkun prevista għall-bqija tas-sena tal-baġit.

(21) Ir-rata tal-kambju użata mill-Kummissjoni fit-tfassil tad-dokumenti tal-baġit għandha, waqt li jsiru konċessjonijiet għaż-żmien li jkun għadda bejn l-abbozzar u s-sottomissjoni, tirrifletti l-aktar informazzjoni disponibbli reċenti.

(22) Ir-Regolament (UU) No CR/xxx tal-Parlament Ewropew u tal-Kunsill […] li jiffissa dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew kopert mill-Qafas Strateġiku Komuni u li jiffissa dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni, u li jħassar ir-Regolament (KE) Nru 1083/2006[18] jipprovdi regoli li japplikaw għall-appoġġ finanzjarju mill-Fondi koperti minn dak ir-Regolament, inkluż il-FAEŻR. Dawk id-dispożizzjonijiet jinkludu wkoll ċerti regoli dwar l-eliġibbiltà tan-nefqa, dwar il-ġestjoni finanzjarja kif ukoll dwar is-sistemi tal-maniġment u tal-kontroll. Fir-rigward tal-ġestjoni finanzjarja tal-FAEŻR, f'ġieħ iċ-ċarezza ġuridika u l-koerenza bejn il-Fondi agrikoli, għandha ssir referenza għad-dispożizzjonijiet rilevanti dwar l-impenji baġitarji, l-iskadenzi għall-ħlas u d-diżimpenn tar-Regolament (UE) Nru CR/xxx.

(23) Il-programmi ta’ żvilupp rurali huma ffinanzjati mill-baġit tal-Unjoni abbażi ta’ impenji f’pagamenti akkont annwali. L-Istati Membri għandhom ikunu jistgħu jiġbdu mill-fondi tal-Unjoni pprovduti malli huma jibdew il-programmi. Hija, għalhekk, meħtieġa sistema ta’ prefinanzjament, ristretta kif xieraq, li tiżgura li fondi jgħaddu kontinwament biex il-pagamenti lil benefiċjarji skont il-programmi jsiru f’waqthom.

(24) Minbarra l-prefinanzjament, għandha ssir distinzjoni bejn pagamenti mill-Kummissjoni lill-aġenziji tal-pagamenti akkreditati. Għandhom jiġu stabbiliti pagamenti interim u pagament ta’ bilanċi, u regoli dwar il-ħlas tagħhom. Id-diżimpenn awtomatiku għandu jgħin biex l-eżekuzzjoni ta’ programmi ssir malajr u tikkontribwixxi għal immaniġġjar finanzjarju sod.

(25) L-għajnuna mill-Unjoni għandha titħallas lill-benefiċjarji f’waqtha biex huma jkunu jistgħu jużawha b’mod effiċjenti. Nuqqas mill-Istati Membri li jkunu konformi mad-dati ta’ skadenza għal pagamenti stabbiliti fil-leġiżlazzjoni tal-Unjoni jista’ joħloq diffikultajiet serji għall-benefiċjarji u jista’ jqiegħed f’periklu l-ibbaġitjar annwali tal-Unjoni. Għalhekk l-infiq magħmul mingħajr ma jitħarsu d-dati ta’ skadenza għal pagamenti għandu jkun eskluż mill-finanzjament mill-Unjoni. Biex il-prinċipju tal-proporzjonalità jitħares, il-Kummissjoni għandha tkun tista tipprovdi għal eċċezzjonijiet għal din ir-regola ġenerali. Dan il-prinċipju, stabbilit fir-Regolament (KE) Nru 1290/2005 għandu jinżamm u jkun applikat kemm għall-FAEG kif ukoll għall-FAEŻR. Jekk l-Istati Membri jħallsu tard, huma għandhom iżidu l-imgħaxijiet mal-ammont prinċipali bi spejjeż tagħhom infushom biex jikkumpensaw lill-benefiċjarji. Dispożizzjoni bħal din tista’ toħloq inċentiv għall-Istati Membri biex iħarsu aħjar dati ta’ skadenza għal pagamenti, u tagħti aktar assigurazzjoni lill-benefiċjarji li jitħallsu f’waqtu, jew mill-anqas li jkunu kkumpensati f’każ ta’ pagament tardiv.

(26) Ir-Regolament (KE) Nru 1290/2005 jipprovdi għal riduzzjonijiet u sospensjonijiet ta’ pagamenti kull xahar jew interim fir-rigward tal-FAEG u l-FAEŻR. Minkejja li l-mod kif huma miktubin dawk id-dispożizzjonijiet huwa x’aktarx ġenerali, huwa nnutat li fil-prattika dawk id-dispożizzjonijiet jintużaw essenzjalment biex jitnaqqsu pagamenti għal nuqqas ta’ tħaris ta’ dati ta’ skadenza għal pagamenti, limiti massimi u "kwistjonijiet ta’ kontabilità" simili li jistgħu faċilment jinkixfu fid-dikjarazzjonijiet ta’ nfiq. Dawk id-dispożizzjonijiet jippermettu wkoll riduzzjonijiet u sospensjonijiet f’każ ta’ defiċjenzi serji u persistenti f’sistemi nazzjonali ta’ kontroll, iżda jinkludu kundizzjonijiet sostantivi x’aktarx restrittivi talli jagħmlu hekk u jipprovdu biex tkun segwita proċedura speċjali ta’ żewġ stadji. L-awtorità baġitarja kemm-il darba talbet lill-Kummissjoni biex tissospendi pagamenti lil Stati Membri mhux konformi. F’dan l-isfond, huwa meħtieġ li tiġi ċċarata s-sistema msemmija fir-Regolament (KE) Nru 1290/2005 u li r-regoli dwar riduzzjonijiet u sospensjonijiet kemm fir-rigward tal-FAEG kif ukoll tal-FAEŻR jiġu inkorporati f’Artikolu wieħed. Is-sistema ta’ riduzzjonijiet għal "kwistjonijiet ta’ kontabilità" għandha tinżamm b’mod li tkun miktuba b’mod aktar ċar skont il-prattika amministrattiva eżistenti. Il-possibbiltà ta’ riduzzjoni jew sospensjoni ta’ pagamenti f’każ ta’ defiċjenzi sinifikanti u persistenti f’sistemi nazzjonali ta’ kontroll għandha tiġi estiża billi tkun inkluża n-negliġenza fl-irkupru ta’ pagamenti irregolari, waqt li tinżamm il-proċedura taż-żewġ stadji għal riduzzjonijiet jew sospensjonijiet tali.

(27) Il-leġiżlazzjoni agrikola settorjali tesiġi li l-Istati Membri jibagħtu informazzjoni dwar l-għadd ta’ kontrolli mwettqa u r-riżultati tagħhom sa dati ta’ skadenza speċifiċi. Dik l-istatistika ta’ kontroll tintuża biex jiġi ddeterminat il-grad ta’ żball f’livell ta’ Stat Membru u, b’mod aktar ġenerali, biex ikun ikkontrollat l-immaniġġjar tal-FAEG u tal-FAEŻR. Hija sors importanti għall-Kummissjoni għas-sodisfazzjon tagħha stess dwar l-immaniġġjar sewwa ta’ fondi u hija element essenzjali għad-dikjarazzjoni annwali ta’ assigurazzjoni. Minħabba n-natura vitali ta’ din l-informazzjoni ta’ statistika u biex jiġi żgurat li l-Istati Membri jħarsu l-obbligu tagħhom li jibagħtuha f’waqtha, huwa meħtieġ li jkun hemm deterrent għal meta d-dejta meħtieġa tiġi pprovduta tard b’mod li d-deterrent ikun proporzjonat man-nuqqas ta’ dejta. Għalhekk, għandu jkun hemm dispożizzjonijiet fejn il-Kummissjoni tkun tista’ tissospendi parti mill-pagamenti kull xahar jew interim li dwarhom ma tkunx intbagħtet f’waqtha l-informazzjoni rilevanti ta’ statistka.

(28) Biex ikunu jistgħu jintużaw mill-ġdid fondi mill-FAEG u mill-FAEŻR, jeħtieġ li jkun hemm regoli dwar l-assenjazzjoni ta’ somom speċifiċi. Il-lista li hemm fir-Regolament (KE) Nru 1290/2005 għandha titlesta bis-somom relatati ma’ pagamenti tardivi u mal-approvazzjoni ta’ kontijiet fir-rigward ta’ nfiq mill-FAEG. Ir-Regolament tal-Kunsill (KEE) Nru 352/78 tal-20 ta’ Frar 1978 dwar l-akkreditazzjoni ta’ sigurtajiet, depożiti u garanziji mogħtija taħt il-politika agrikola komuni u sussegwentement sekwestrati[19] stabbilixxa regoli dwar fejn għandhom imorru s-somom li jirriżultaw minn garanziji li l-jedd għalihom ikun intilef. Dawk id-dispożizzjonijiet għandhom jiġu armonizzati u kkonsolidati mad-dispożizzjonijiet eżistenti dwar dħul assenjat. Ir-Regolament (KEE) Nru 352/78 għandu, għalhekk, jitħassar.

(29) Ir-Regolament tal-Kunsill (KE) Nru 814/2000 tas-17 ta’ April 2000 dwar il-miżuri ta' tagħrif li għandhom x'jaqsmu mal-politika komuni agrikola[20] u r-regoli ta’ implimentazzjoni tiegħu jiddefinixxu l-miżuri ta’ informazzjoni relatati mal-PAK li jistgħu jiġu ffinanzjati skont il-punt (c) tal-Artikolu 5 tar-Regolament (KE) Nru 1290/2005. Ir-Regolament (KE) Nru 814/2000 għandu lista ta’ dawk il-miżuri u l-objettivi tagħhom u jiffissa r-regoli għall-finanzjament tagħhom u l-implimentazzjoni tal-proġetti korrispondenti. Minn meta kien adottat dak ir-Regolament, ġew adottati regoli bir-Regolament (UE) Nru xxx/xxx[FR] fir-rigward ta’ għotjiet u akkwist. Dawk ir-regoli għandhom japplikaw ukoll għall-miżuri ta’ informazzjoni skont il-PAK. Għal raġunijiet ta’ simplifikazzjoni u koerenza, ir-Regolament (KE) Nru 814/2000 għandu jitħassar waqt li jibqgħu jinżammu d-dispożizzjonijiet speċifiċi relatati mal-objettivi u t-tipi ta’ miżuri li għandhom jiġu ffinanzjati. Dawk il-miżuri għandhom iqisu wkoll il-ħtieġa li tiġi żgurata aktar effiċjenza fil-komunikazzjoni lill-pubbliku in ġenerali u li jkun hemm sinerġiji akbar bejn l-attitvitajiet ta' komunikazzjoni meħudin fuq inizjattiva tal-Kummissjoni u sabiex jiġi żgurat li l-prijoritajiet politiċi tal-Unjoni huma kkomunikati b'mod effikaċi. Għaldaqstant għandhom ikopru miżuri ta' informazzjoni rilevanti għall-PAK fil-qafas tal-komunikazzjoni korporattiva kif imsemmi fil-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u l-Kumitat tar-Reġjuni: Baġit għall-Ewropa 2020 – Parti II Skedi ta' Politika[21].

(30) Il-finanzjament ta’ miżuri u operazzjonijiet skont il-PAK għandu parzjalment jinvolvi l-immaniġġjar komuni. Biex jiġi żgurat li l-fondi tal-Unjoni jiġu mmaniġġjati tajjeb, il-Kummissjoni għandha tagħmel kontrolli fuq l-immaniġġjar tal-fondi mill-awtoritajiet tal-Istat Membru responsabbli li jagħmlu l-pagamanti. Ikun xieraq li tiġi ddefinita n-natura tal-kontrolli li għandhom isiru mill-Kummissjoni, li jiġu speċifikati t-termini tar-responsabbiltajiet tagħha biex jiġi implimentat il-baġit u li jiġu ċċarati l-obbligi ta’ kooperazzjoni tal-Istati Membri.

(31) Biex il-Kummissjoni tkun tista’ twettaq l-obbligu tagħha li tara li s-sistemi ta’ mmaniġġjar u spezzjoni għal infiq tal-Unjoni fl-Istati Membri jkunu jeżistu u jkunu qed jaħdmu tajjeb, għandu jkun hemm provvediment, irrispettivament mill-ispezzjoni magħmula mill-Istati Membri nfushom, għal kontrolli minn persuni delegati mill-Kummissjoni li jkunu jistgħu jitolbu assistenza mill-Istati Membri fix-xogħol tagħhom.

(32) Jeħtieġ li t-teknoloġija tal-informatika tintuża kemm jista’ jkun biex tiġi prodotta l-informazzjoni li għandha tintbagħat lill-Kummissjoni. Meta tagħmel kontrolli, il-Kummissjoni għandu jkollha aċċess sħiħ u immedjat għal informazzjoni dwar infiq reġistrata bil-miktub u f’fajls elettroniċi.

(33) Biex tistabbilixxi r-rabta finanzjarja bejn l-aġenziji tal-pagamenti akkreditati u l-baġit tal-Unjoni, il-Kummissjoni għandha tapprova kull sena l-kontijiet ta’ dawn l-aġenziji tal-pagamenti. Id-deċiżjoni ta’ approvazzjoni ta’ kontijiet għandha tkopri l-kompletezza, l-eżattezza u l-veraċità tal-kontijiet iżda mhux il-konformità tal-infiq mal-leġiżlazzjoni tal-Unjoni.

(34) Il-Kummissjoni, li hija responsabbli mill-applikazzjoni sewwa tad-dritt tal-Unjoni skont l-Artikolu 17 tat-Trattat dwar l-Unjoni Ewropea, għandha tiddeċiedi jekk l-infiq magħmul mill-Istati Membri jkunx konformi mal-leġiżlazzjoni tal-Unjoni. L-Istati Membri għandhom jingħataw id-dritt li jiġġustifikaw id-deċiżjonijiet tagħhom li jagħmlu pagamenti u għandhom jirrikorru għall-konċiljazzjoni fejn ma jkunx hemm ftehim komuni bejnhom u l-Kummissjoni. Biex l-Istati Membri jingħataw assigurazzjonijiet legali u finanzjarji dwar infiq magħmul fl-imgħoddi, għandu jiġi stabbilit perjodu massimu għall-Kummissjoni biex tiddeċiedi liema konsegwenzi finanzjarji għandhom isegwu minħabba nuqqas ta’ konformità. Il-proċedura ta' approvazzjoni ta' konformità trid, fir-rigward tal-FAEŻR, tkun konformi mad-dispożizzjonijiet li jikkonċernaw il-korrezzjonijiet finanzjarji mill-Kummissjoni kif stipulat fil-Parti 2 tar-Regolament (UE) tal-Parlament Ewropew u tal-Kunsill Nru CR/xxx .

(35) Fir-rigward tal-FAEG, is-somom irkuprati għandhom jintraddu lura lil dak il-Fond meta l-infiq ma jkunx konformi mal-leġiżlazzjoni tal-Unjoni u fejn ma jkun eżista ebda dritt. Għandu jkun hemm provvediment għal sistema ta’ responsabbiltà finanzjarja għal irregolaritajiet fin-nuqqas ta’ rkupru totali. F’dan ir-rigward għandha tiġi stabbilita proċedura li tippermetti lill-Kummissjoni tħares l-interessi tal-baġit tal-Unjoni billi tiddeċiedi li taddebita lill-Istat Membru konċernat is-somom mitlufin bħala riżultat ta’ irregolaritajiet u li ma jkunux ġew irkuprati f’dati ta’ skadenza raġonevoli. Ir-regoli għandhom japplikaw għas-somom kollha mhux irkuprati sa żmien id-dħul fis-seħħ tar-Regolament. F’ċerti każijiet ta’ negliġenza min-naħa tal-Istat Membru, ikun ukoll ġustifikat li tiġi addebitata s-somma sħiħa lill-Istat Membru konċernat. L-istess regoli għandhom japplikaw għall-FAEŻR, waqt li tinżamm, madankollu, l-ispeċifiċità li somom irkuprati jew ikkanċellati bħala riżultat ta’ irregolaritajiet għandhom jibqgħu disponibbli għall-programmi ta’ żvilupp rurali approvati tal-Istat Membru konċernat minħabba li dawk is-somom ikunu ġew allokati lil dak l-Istat Membru. Għandhom jiġu wkoll stipulati dispożizzjonijiet dwar l-obbligu tar-rappurtar għall-Istati Membri.

(36) Il-proċeduri ta’ rkupru użati mill-Istati Membri jista’ jkollhom l-effett li jdewmu l-irkupru għal għadd ta’ snin, b’ebda garanzija li r-riżultat ikun fil-fatt wieħed ta’ suċċess. L-ispiża għall-implimentazzjoni ta’ dawk il-proċeduri tista’ wkoll ma tkunx proporzjonata mal-ammonti li jinġabru jew li jkunu jistgħu jinġabru. Konsegwentement, l-Istati Membri għandhom jitħallew li f’ċerti każijiet iwaqqfu milli jissoktaw proċeduri ta’ rkupru.

(37) Biex jitħarsu l-interessi finanzjarji tal-baġit tal-Unjoni, għandhom jittieħdu miżuri mill-Istati Membri biex huma stess ikunu sodisfatti li tranżazzjonijiet iffinanzjati mill-FAEG u mill-FAEŻR jitwettqu verament u jiġu esegwiti b’mod sewwa. L-Istati Membri għandhom ukoll ma jħallu ssir ebda irregolarità u ma jħallu ebda nuqqas ta’ konformità ma’ obbligi mwettqin minn benefiċjarji, u għandhom jikxfuhom u jittrattawhom b’mod effettiv. Għal dan il-għan, għandu japplika r-Regolament tal-Kunsill (KE, Euratom) Nru 2988/95 tat-18 Diċembru 1995 dwar il-protezzjoni tal-interessi finanzjarji tal-Komunità Ewropea[22] .

(38) F’diversi regolamenti agrikoli settorjali jeżistu dispożizzjonijiet relatati ma’ prinċipji ġenerali dwar kontrolli, rtirar, riduzzjonijiet jew esklużjonijiet minn pagamenti u ma’ impożizzjoni ta’ penali. Dawk ir-regoli għandhom jinġabru fl-istess qafas legali f’livell orizzontali. Għandhom ikopru l-obbligi tal-Istati Membri fir-rigward ta’ verifiki amministrattivi u fuq il-post, ir-regoli dwar l-irkupru, ir-riduzzjoni u l-esklużjonijiet ta’ għajnuna. Għandhom jiġu stabbiliti regoli dwar il-verifiki ta’ obbligi li ma jkunux neċessarjament marbutin mal-pagament ta’ għajnuna.

(39) Diversi dispożizzjonijiet tal-leġiżlazzjoni agrikola settorjali jesiġu li tkun iddepożitata garanzija biex jipi żgurat il-pagament ta’ somma dovuta fkaż li ma jitħarisx obbligu. Għal dawk id-dispożizzjonijiet kollha għandha tapplika regola orizzontali unika biex jissaħħaħ il-qafas għal garanziji.

(40) Stat Membru għandu jħaddem sistema integrata ta’ amministrazzjoni u kontroll għal ċerti pagamenti msemmija fir-Regolament (UE) Nru xxx/xxx [DP] u fir-Regolament (UE) Nru RD tal-Parlament Ewropew u tal-Kunsill ta’ Xxx [titolu sħiħ] dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR)[23]. Biex jitjiebu l-effikaċja u l-monitoraġġ tal-għajnuna mill-Unjoni, l-Istati Membri għandhom ikunu awtorizzati jagħmlu użu minn dik is-sistema integrata anke għal skemi oħra ta’ għajnuna mill-Unjoni.

(41) L-elementi ewlenin ta’ dik is-sistema integrata u, partikolarment, id-dispożizzjonijiet dwar id-database kompjuterizzata, sistema ta’ identifikazzjoni għall-pakketti agrikoli, applikazzjonijiet għall-għajnuna jew talbiet għall-pagamenti u sistema għall-identifikazzjoni u r-reġistrazzjoni ta’ drittijiet għall-pagamenti għandhom jinżammu.

(42) Pagamenti msemmija fi skemi ta’ għajnuna mill-Unjoni koperti mis-sistema integrata għandhom isiru b’mod sħiħ mill-awtoritajiet nazzjonali kompetenti lill-benefiċjarji, suġġetti għal kwalunkwe riduzzjoni msemmija f’dan ir-Regolament, u f’perjodi preskritti. Biex l-immaniġġjar ta’ pagamenti diretti jsir aktar flessibbli, l-Istati Membri għandhom jitħallew jagħmlu pagamenti koperti mis-sistema integrata sa żewġ pagamenti akkont kull sena.

(43) L-iskrutinju tad-dokumenti kummerċjali ta’ impriżi li jirċievu jew jagħmlu pagamenti jista’ jkun mezz effikaċi ħafna ta’ sorveljanza ta’ tranżazzjonijiet li jiffurmaw parti mis-sistema ta’ finanzjament mill-FAEG. Id-dispożizzjonijiet dwar l-iskrutinju tad-dokumenti kummerċjali huma stabbiliti fir-Regolament tal-Kunsill (KE) Nru 485/2008 tas-26 ta’ Mejju 2008 dwar l-iskrutinju mill-Istati Membri fuq transazzjonijiet li jiffurmaw parti mis-sistema ta’ finanzjament tal-Fond Agrikolu Ewropew ta’ Garanzija[24]. Dak l-iskrutinju jissupplimenta kontrolli oħra magħmulin diġà mill-Istati Membri. Barra minn hekk, id-dispożizzjonijiet nazzjonali relatati ma’ skrutinju li huma aktar estensivi minn dawk imsemmija f’dak ir-Regolament mhumiex milqutin minnu.

(44) Skont dak ir-Regolament (KE) Nru 485/2008, l-Istati Membri għandhom jieħdu l-miżuri meħtieġa biex jiżguraw ħarsien effettiv tal-interessi finanzjarji tal-baġit tal-Unjoni, u partikolarment biex jaraw jekk l-operazzjonijiet iffinanzjati mill-FAEG ikunux ġenwini u konformi. Fl-interessi taċ-ċarezza u r-razzjonalità, id-dispożizzjonijiet rilevanti għandhom jiġu integrati fl-istess att. Ir-Regolament (KE) Nru 485/2008 għandu, għalhekk, jitħassar.

(45) Id-dokumenti użati bħala bażi għal dan l-iskrutinju għandhom jiġu ddeterminati b’mod li jkun jista’ jsir skrutinju sħiħ. L-impriżi li jkollu jsirilhom skrutinju għandhom jintgħażlu abbażi tan-natura tat-tranżazzjonijiet li jkunu saru bir-responsabbiltà tagħhom u tad-dejta disaggregata għal kull settur tal-impriżi li jirċievu jew jagħmlu pagamenti skont l-importanza finanzjarja tagħhom fis-sistema ta’ finanzjament mill-FAEG.

(46) Għandhom jiġu ddefiniti s-setgħat tal-uffiċjali responsabbli mill-iskrutinju u l-obbligi ta’ impriżi li dokumenti kummerċjali jagħmluhom disponibbli għal tali uffiċjali għal perjodu speċifikat u li jipprovdu tali informazzjoni skont kif tista’ tintalab minnhom. Għandu jkun hemm provvediment biex f’ċerti każijiet jitħallew jinqabdu dokumenti kummerċjali.

(47) Waqt li titqies l-istruttura internazzjonali tal-kummerċ agrikolu u fl-interess tal-funzjonament tas-suq intern, huwa meħtieġ li tkun organizzata l-kooperazzjoni fost l-Istati Membri. Huwa meħtieġ ukoll li tiġi stabbilita sistema ta’ dokumentazzjoni ċentralizzata f’livell tal-Unjoni dwar impriżi li jirċievu jew jagħmlu pagamenti u li jkunu stabbiliti f’pajjiżi terzi.

(48) Filwaqt li hija r-responsabbiltà tal-Istati Membri li jadottaw il-programmi ta’ skrutinju tagħhom, huwa meħtieġ li dawk il-programmi jiġu kkomunikati lill-Kummissjoni biex hija tkun tista’ tassumi l-irwol tagħha ta’ superviżjoni u koordinazzjoni, biex jiġi żgurat li l-programmi jkunu adottati abbażi ta’ kriterji xierqa, u biex ikun iggarantit li l-iskrutinju jkun ikkonċentrat fuq setturi jew impriżi fejn ir-riskju ta’ frodi jkun għoli.

(49) Huwa essenzjali li kull Stat Membru jkollu dipartiment speċjali responsabbli mill-monitoraġġ tal-iskrutinju ta’ dokumenti kummerċjali msemmija f’dan ir-Regolament jew mill-koordinazzjoni ta’ dak l-iskrutinju. Dawk id-dipartimenti speċjali għandhom jiġu organizzati indipendentement mid-dipartimenti li jagħmlu l-iskrutinju ta’ qabel pagament. Informazzjoni miġbura tul dak l-iskrutinju għandha tkun protetta b’segretezza professjonali.

(50) Ir-Regolament tal-Kunsill (KE) Nru 1782/2003 tad-29 ta’ Settembru 2003 li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa u li jemenda r-Regolamenti (KEE) Nru 2019/93, (KE) Nru 1452/2001, (KE) Nru 1453/2001, (KE) Nru 1454/2001, (KE) Nru 1868/94, (KE) Nru 1251/1999, (KE) Nru 1254/1999, (KE) Nru 1673/2000, (KE) Nru 2358/71 u (KE) Nru 2529/2001[25], li kien issostitwit mir-Regolament (KE) Nru 73/2009, stabbilixxa l-prinċipju li l-pagament sħiħ lil benefiċjarji ta’ xi għajnuniet skont il-PAK għandu jkollu rabta ma’ konformità ma’ regoli relatati mal-immaniġġjar ta’ artijiet, ma’ produzzjoni agrikola u ma’ attività agrikola. Dak il-prinċipju wara kien rifless fir-Regolament tal-Kunsill (KE) Nru 1698/2005 tal-20 ta’ Settembru 2005 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR)[26] u fir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS)[27]. Skont din l-hekk imsejħa sistema ta’ 'kundizzjonalità' l-Istati Membri għandhom jimponu penali fl-għamla ta’ riduzzjoni jew esklużjoni ta’ għajnuna riċevuta skont il-PAK, fl-intier jew parzjalment.

(51) Is-sistema ta’ kundizzjonalità tinkorpora fil-PAK standards bażiċi għall-ambjent, tibdil fil-klima, kundizzjoni agrikola u ambjentali tajba tal-art, saħħa pubblika, saħħa tal-annimali, saħħa tal-pjanti u trattament xieraq tal-annimali. Din ir-rabta għandha l-għan li tikkontribwixxi għall-iżvilupp ta’ agrikoltura sostenibbli b’għarfien aħjar min-naħa ta’ benefiċjarji dwar il-ħtieġa li dawk l-istandards bażiċi jitħarsu. Għandha l-għan ukoll li tikkontribwixxi biex il-PAK issir aktar kompatibbli ma’ dak li s-soċjetà tistenna permezz ta’ konsistenza aħjar ta’ dik il-politika mal-politiki dwar l-ambjent, saħħa pubblika, saħħa tal-annimali, saħħa tal-pjanti u trattament xieraq tal-annimali.

(52) Is-sistema ta’ kundizzjonalità tagħmel parti integrali mill-PAK u għandha, għalhekk, tinżamm. Madankollu, il-kamp ta’ applikazzjoni tagħha, li s’issa kien magħmul minn listi separati ta’ rekwiżiti statutorji ta’ mmaniġġjar u ta’ standards ta’ kundizzjoni agrikola u ambjentali tajba ta’ art, għandu jiġi razzjonalizzat biex tiġi żgurata l-konsistenza tiegħu u jsir aktar viżibbli. Għal dan il-għan ir-rekwiżiti u l-istandards għandhom jiġu organizzati f’lista waħda u mqegħdin fi gruppi skont żoni u materji. L-esperjenza wriet ukoll li għadd tar-rekwiżiti fil-kamp ta’ applikazzjoni tal-kundizzjonalità mhuwiex rilevanti biżżejjed għal attività ta’ biedja jew għaż-żona tal-azjenda, jew jikkonċerna awtoritajiet nazzjonali milli benefiċjarji. Għalhekk, ikun xieraq li dan il-kamp ta’ applikazzjoni jiġi aġġustat f’dan ir-rigward. Għandu jkun hemm ukoll dispożizzjoni għaż-żamma tal-mergħat permanenti fl-2014 u l-2015.

(53) Jeħtieġ li rekwiżiti statutorji ta’ mmaniġġjar jiġu implimentati b’mod sħiħ mill-Istati Membri biex isiru funzjonali f’livell ta’ farm u jiżguraw it-trattament ugwali neċessarju bejn il-bdiewa.

(54) Fir-rigward tad-Direttiva 2000/60/KE tal-Parlament Ewropew u tal-Kunsill tat-23 ta' Ottubru 2000 li tistabilixxi qafas għal azzjoni Komunitarja fil-qasam tal-politika tal-ilma[28], id-dispożizzjonijiet se jkunu biss operazzjonali taħt kundizzjonalità meta l-Istati Membri kollha jkunu implimentawhom bis-sħiħ, b'mod partikolari, billi jimponu obbligi ċari għall-bdiewa. Skont id-Direttiva, ir-rekwiżiti fuq livell ta' farm se jkunu applikat sa mhux aktar tard mill-1 ta' Jannar 2013.

(55) Fir-rigward tad-Direttiva 2009/128/KE tal-Parlament Ewropew u tal-Kunsill tal-21 ta’ Ottubru 2009 li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi[29] id-dispożizzjonijiet se jkunu biss operazzjonali taħt kundizzjonalità meta l-Istati Membri kollha jkunu implimentawhom bis-sħiħ, b'mod partikolari, billi jimponu obbligi ċari għall-bdiewa. Skont id-Direttiva, ir-rekwiżiti fuq livell ta' farm se jkunu applikati b'mod progressiv skont skeda taż-żmien u, b'mod partikolari, il-prinċipji ġenerali tal-ġestjoni integrata ta’ organiżmi ta’ ħsara, li se jiġu applikati sa mhux aktar tard mill-1 ta' Jannar 2014.

(56) Skont l-Artikolu 22 tad-Direttiva 2000/60/KE, id-Direttiva tal-Kunsill 80/68/KEE tas-17 ta' Diċembru 1979 dwar il-ħarsien ta’ ilma ta’ taħt l-art kontra tniġġis ikkawżat minn ċerti sustanzi[30] għandha titħassar fit-23 ta' Diċembru 2013. Sabiex jinżammu r-regoli taħt kundizzjonalità relatata mal-ilma ta' taħt l-art, huwa xieraq, sakemm tiġi inkluża d-Direttiva 2000/60/KE fil-kundizzjonalità, li jiġi aġġustat l-kamp ta' applikazzjoni tal-kundizzjonalità u jiġi ddefinit standard ta' kundizzjoni agrikola u ambjentali tajba li jinkludi r-rekwiżiti tal-Artikoli 4 u 5 tad-Direttiva 80/68/KEE.

(57) Is-sistema ta’ kundizzjonalità timplika ċerti limitazzjonijiet amministrattivi kemm għal benefiċjarji kif ukoll għal amministrazzjonijiet nazzjonali minħabba li għandha tiġi żgurata ż-żamma ta’ reġistrazzjonijiet, għandhom isiru kontrolli u għandhom jiġu applikati penali fejn ikun meħtieġ. Dawn il-penali għandhom ikunu proporzjonati, effettivi u disswassivi. Tali penali għandhom ikunu mingħajr preġudizzju għal penali oħra stabbiliti b’dispożizzjonijiet oħra tad-dritt nazzjonali jew tal-Unjoni. F’ġieħ il-konsistenza, ikun xieraq li d-dispożizzjonijiet rilevanti tal-Unjoni jkunu kkonsolidati fi strument legali wieħed. Għal bdiewa li jipparteċipaw fl-iskema għal bdiewa żgħar imsemmija fil-Titolu V tar-Regolament (UE) Nru xxx/xxx[DP], l-isforzi li għandhom isiru skont is-sistema ta’ kundizzjonalità jistgħu jitqiesu li jeċċedu l-benefiċċju li dawk il-bdiewa jinżammu f’dik is-sistema. Għal raġunijiet ta’ simplifikazzjoni, dawk il-bdiewa għandhom, għalhekk, ikunu eżenti mill-kundizzjonalità u partikolarment mis-sistema tagħha ta’ kontrolli u mir-riskju ta’ penali tal-kundizzjonalità. Madankollu, dik l-eżenzjoni għandha tkun mingħajr preġudizzju għall-obbligu li jitħarsu d-dispożizzjonijiet applikabbli tal-leġiżlazzjoni settorjali u għall-possibbiltà ta’ kontrolli u ta’ impożizzjoni ta’ penali skont dik il-leġiżlazzjoni.

(58) Ir-Regolament (KE) Nru 1782/2003 stabbilixxa qafas ta’ standards ta’ kundizzjoni agrikola u ambjentali tajba ta’ art li għaliha l-Istati Membri għandhom jadottaw standards nazzjonali, meqjusin il-karatteristiċi speċifiċi taż-żoni konċernati, inklużi kundizzjonijiet tal-ħamrija u tal-klima u sistemi eżistenti ta’ biedja (użu ta’ artijiet, tinwib, prattiki ta’ biedja) u strutturi ta’ farms. Dawk l-istandards ta’ kundizzjoni agrikola u ambjentali tajba ta’ art għandhom l-għan li jikkontribwixxu biex ma jitħalliex ikun hemm erożjoni tal-ħamrija, jinżammu l-materjal organiku tal-ħamrija u l-istruttura tal-ħamrija, jiġi żgurat livell minimu ta’ manutenzjoni, tiġi evitata d-degradazzjoni ta’ ħabitats u jitħares u għall-ġestjoni tal-ilma. Il-kamp ta’ applikazzjoni usa’ tas-sistema ta’ kundizzjonalità kif stabbilita f’dan ir-Regolament għandu, għahekk, jinkludi qafas li fih l-Istati Membri għandhom jadottaw standards nazzjonali ta’ kundizzjoni agrikola u ambjentali tajba. Il-qafas tal-Unjoni għandu jinkludi wkoll regoli biex jiġu indirizzati wkoll l-ilma, il-ħamrija, il-ħażna ta’ karbonju, il-bijodiversità u materji ta’ pajsaġġ, kif ukoll livell minimu ta’ manutenzjoni tal-art.

(59) Il-benefiċjarji għandhom ikunu jafu b’mod ċar dwar dak li għandhom ikunu konformi miegħu fir-rigward tar-regoli dwar il-kundizzjonalità. Għal dak il-għan, ir-rekwiżiti u l-istandards kollha li jagħmlu parti minn dawk ir-regoli għandhom jiġu kkomunikati mill-Istati Membri b’mod eżawrjenti, li jinftiehem u spjegattiv, inkluż, fejn ikun possibbli, b’mezzi elettroniċi.

(60) Implimentazzjoni effikaċi tal-kundizzjonalità teħtieġ verifika fil-livell tal-benefiċjarji li l-obbligi jitħarsu. Fejn Stat Membru jiddeċiedi li jagħmel użu mill-għażla li ma japplikax riduzzjoni jew esklużjoni fejn l-ammont konċernat ikun anqas minn EUR 100, l-awtorità tal-kontroll kompetenti għandha, għal kampjun ta’ benefiċjarji fis-sena ta’ wara, tivverifika li s-sejbiet ta’ nuqqas ta’ konformità konċernata jkunu ġew irrimedjati.

(61) Biex tiġi żgurata kooperazzjoni armonjuża bejn il-Kummissjoni u l-Istati Membri fir-rigward tal-finanzjament ta’ nfiq mill-PAK u, b’mod aktar partikolari, biex il-Kummissjoni tkun tista’ tagħmel monitoraġġ tal-immaniġġjar finanzjarju mill-Istati Membri u tapprova l-kontijiet tal-aġenziji tal-pagamenti akkreditati, ċerta informazzjoni għandha tiġi kkomunikata mill-Istati Membri jew għandha tinżamm disponibbli għall-Kummissjoni.

(62) Għall-finijiet ta’ kumpilazzjoni tad-dejta li jkollha tintbagħat lill-Kummissjoni, u biex il-Kummissjoni jkollha aċċess immedjat u sħiħ għal dejta ta’ nfiq kemm bil-miktub kif ukoll f’forma elettronika, jeħtieġ li jiġu stabbiliti regoli adatti dwar il-preżentazzjoni u t-trażmissjoni ta’ dejta, inklużi regoli dwar limiti ta’ żmien.

(63) Minħabba li fl-applikazzjoni tas-sistemi nazzjonali ta’ kontroll u l-approvazzjoni ta’ konformità jistgħu jkunu involuti dejta personali jew sigrieti kummerċjali, l-Istati Membri u l-Kummissjoni għandhom jiggarantixxu l-kunfidenzjalità tal-informazzjoni riċevuta f’dak il-kuntest.

(64) Fl-interess ta’ mmaniġġjar finanzjarju sod tal-baġit tal-Unjoni u l-imparzjalità ta’ trattament kemm f’livell ta’ Stat Membru kif ukoll f’dak ta' benefiċjarju, għandhom jiġu stabbiliti regoli dwar l-użu tal-ewro.

(65) Ir-rata tal-kambju tal-ewro f’valuta nazzjonali tista’ tvarja fil-perjodu li matulu ssir operazzjoni. Għalhekk, ir-rata applikabbli għall-ammonti konċernati għandha tiġi ddeterminata billi jitqies l-avveniment li permezz tiegħu l-objettiv ekonomiku tal-operazzjoni jkun inkiseb. Ir-rata tal-kambju applikata għandha tkun dik tad-data li fiha dan l-avveniment iseħħ. Huwa meħtieġ li dan l-avveniment operattiv jiġi speċifikat jew li tiġi rrinunzjata l-applikazzjoni tiegħu, waqt li jkunu osservati ċerti kriterji u partikolarment il-ħeffa li biha jgħaddi ċaqliq ta’ valuti. Dawk ir-regoli huma stabbiliti fir-Regolament tal-Kunsill (KE) Nru 2799/98 tal-15 ta’ Diċembru 1998 li jistabbilixxi arranġamenti agromonetarji għall-ewro[31] u jikkompletaw dispożizzjonijiet simili tar-Regolament (KE) Nru 1290/2005. Fl-interess taċ-ċarezza u r-razzjonalità, id-dispożizzjonijiet rilevanti għandhom jiġu integrati fl-istess att. Ir-Regolament (KE) Nru 2799/98 għandu, għalhekk, jitħassar.

(66) Għandhom jiġu stabbiliti regoli speċjali biex jiġu ttrattati sitwazzjonijiet monetarji eċċezzjonali li jinqalgħu jew fl-Unjoni jew fis-suq dinji u li jkun jeħtiġilhom azzjoni immedjata biex jiġi żgurat li l-arranġamenti stabbiliti skont il-PAK joperaw b’mod effikaċi.

(67) L-Istati Membri li ma jkunux adottaw l-ewro għandu jkollhom l-għażla li jagħmlu pagamenti għal infiq li jirriżulta mil-leġiżlazzjoni tal-PAK fl-ewro u mhux f’valuta nazzjonali. Jeħtieġ ikun hemm regoli speċifiċi biex jiġi żgurat li din l-għażla ma twassalx għal xi vantaġġ mhux ġustifikat għal partijiet li jagħmlu jew li jirċievu pagament.

(68) Kull miżura tal-PAK għandha tkun suġġetta għal monitoraġġ u evalwazzjoni biex titjieb il-kwalità tagħha u jintwera dak li tista’ twettaq. F'dan il-kuntest għandha tiġi ddeterminata lista ta' indikaturi u l-impatt tal-politika tal-PAK jiġi vvalutat mill-Kummissjoni b'rabta mal-objettivi politiċi. Il-Kummissjoni għandha twaqqaf qafas għal monitoraġġ u evalwazzjoni komuni li jiżgura fost affarijiet oħra li dejta rilevanti, inkluż informazzjoni mill-Istati Membri, tkun disponibbli b’mod f’waqtu. Meta tagħmel dan għandha tqis il-ħtiġijiet ta' dejta u s-singerġiji bejn sorsi potenzjali tad-dejta. Barra minn hekk, il-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni: Baġit għall-Ewropa 2020 - Parti II iddikjarat li n-nefqa relatata mal-klima fil-baġit kumplessiv tal-Unjoni għandha tiżdied għal mill-inqas 20%, b' kontribuzzjoni minn politiki differenti. Il-Kummissjoni għandha għalhekk tkun kapaċi tevalwa l-impatt tal-appoġġ tal-Unjoni fil-qafas tal-PAK għall-objettivi tal-klima..

(69) Leġiżlazzjoni tal-Unjoni li tikkonċerna l-ħarsien tal-individwi fir-rigward tal-ipproċessar tad-dejta personali u tal-moviment liberu ta' tali dejta, b'mod partikolari, huma applikabbli d-Direttiva tal-Parlament Ewropew u tal-Kunsill 95/46/KE tal-24 ta’ Ottubru, 1995 dwar il-protezzjoni ta’ individwi fir-rigward tal-ipproċessar ta’ data [dejta] personali u dwar il-moviment liberu ta’ dik id-data [dejta] [32] u r-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-movement liberu ta' dak id-data [dejta][33] .

(70) Fis-sentenza tagħha fil-Kawżi Magħquda C-92/09 u 93/09[34] il-Qorti tal-Ġustizzja tal-Unjoni Ewropea ddikjarat invalidi d-dispożizzjonijiet rilevanti tar-Regolament (KE) Nru 1290/2005 dwar l-obbligu tal-Istati Membri li jippubblikaw informazzjoni dwar persuni fiżiċi li jibbenefikaw mill-fondi agrikoli Ewropej. Minħabba li jkun fl-interess ta’ persuni fiżiċi li d-dejta personali tagħhom tkun protetta, u bil-għan li jiġu rrikonċiljati l-objettivi differenti li jaqgħu taħt l-obbligu li tiġi ppubblikata informazzjoni dwar il-benefiċjarji ta’ fondi, kif imsemmi fir-Regolament tal-Kummissjoni (KE) Nru 259/2008 li jistipula regoli dettaljati għall-applikazzjoni tar-Regolament tal-Kunsill (KE) Nru 1290/2005 rigward il-pubblikazzjoni ta’ tagħrif dwar il-benefiċjarji tal-fondi ġejjin mill-Fond Agrikolu Ewropew ta’ Garanzija (FAEG) u tal-Fond Agrikolu Ewropew għall-Iżvilupp Rurali (FAEŻR)[35], dak ir-Regolament kien emendat biex jiġi stabbilit espliċitament li dan l-obbligu ma japplikax għal persuni fiżiċi. L-adozzjoni mill-Parlament Ewropew u mill-Kunsill ta’ regoli ġodda li jqisu l-oġġezzjonijiet espressi mill-Qorti għandha tkun preċeduta minn analiżi u valutazzjoni fil-fond biex jinstab il-mod l-aktar xieraq li jirrikonċilja d-dritt għall-protezzjoni ta’ dejta personali tal-benefiċjarji mal-ħtieġa għat-trasparenza. Sakemm dawk l-analiżi u l-valutazzjoni jsiru, id-dispożizzjonijiet kurrenti dwar il-pubblikazzjoni ta’ informazzjoni dwar benefiċjarji tal-fondi agrikoli Ewropej għandhom jinżammu.

(71) Biex jiġu żgurati kundizzjonijiet uniformi għall-implimentazzjoni ta’ dan ir-Regolament, għandhom ikunu konferiti setgħat ta’ implimentazzjoni lill-Kummissjoni. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni[36].

(72) Għandha tintuża l-proċedura konsultattiva għall-adozzjoni ta’ ċerti atti ta’ implimentazzjoni. Fir-rigward ta’ atti ta’ implimentazzjoni li jinvolvu l-kalkoli ta’ ammonti mill-Kummissjoni, il-proċedura konsultattiva tgħin lill-Kummissjoni biex tieħu għalkollox fir-responsabbiltà tagħha l-immaniġġjar tal-baġit u għandha l-għan li jiżdiedu l-effiċjenza, il-prevedibbiltà u l-ħeffa, billi jitqiesu l-limiti ta’ żmien u l-proċeduri tal-baġit. Fir-rigward tal-atti ta’ implimentazzjoni fil-qafas tal-pagamenti magħmula lill-Istati Membri u tal-operazzjoni tal-proċedura ta’ approvazzjoni ta’ kontijiet, il-proċedura konsultattiva tgħin lill-Kummissjoni biex tieħu għalkollox fir-responsabbiltà tagħha l-immaniġġjar tal-baġit u l-verika tal-kontijiet annwali tal-aġenziji tal-pagamenti nazzjonali bil-għan li taċċetta tali kontijiet jew, fil-każ ta’ nfiq mhux affettwat b’konformità ma’ regoli tal-Unjoni, li teskludi tali nfiq minn finanzjament mill-Unjoni. F’każijiet oħra, il-proċedura tal-eżami għandha tintuża għall-adozzjoni tal-atti ta' implimentazzjoni.

(73) Il-Kummissjoni għandha tingħata setgħat ulterjui biex twettaq ċerti kompiti amministrattivi u mmaniġġjar, b'mod partikolari dawk li jikkonċernaw l-iffissar tal-bilanċ nett disponibbli għall-infiq tal-FAEG. Ir-Regolament (UE) Nru 182/2011 ma għandux japplika għal dawk is-setgħat.

(74) It-tranżizzjoni mid-dispożizzjonijiet tar-Regolamenti mħassra minn dan ir-Regolament għal dawk f'dan ir-Regolament li jistgħu jwasslu għal diffikultajiet prattiċi u speċifiċi. Sabiex jiġu indirizzati dawk id-diffikultajiet possibbli, għandha tiġi prevista l-adozzjoni, min-naħa tal-Kummissjoni, ta' miżuri meħtieġa u ġġustifikati b'mod xieraq.

(75) Peress li l-perjodu ta' programmazzjoni għall-programmi ta' żvilupp rurali ffinanzjati abbażi ta' dan ir-Regolament jibda mill-1 ta' Jannar 2014, dan ir-Regolament għandu jkun applikabbli minn dik id-data. Madankollu, ċerti dispożizzjonijiet relatati, b'mod partikolari, mal-ġestjoni finanzjarja tal-fondi għandhom japplikaw minn data aktar bikrija li tikkorrispondi għall-bidu tas-sena finanzjarja.

ADOTTAW DAN IR-REGOLAMENT:

WERREJ

MEMORANDUM TA’ SPJEGAZZJONI.................................................................................... 2

1........... KUNTEST TAL-PROPOSTA...................................................................................... 2

2........... RIŻULTATI TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONI TAL-IMPATT............................................................................................................... 4

3........... ELEMENTI LEGALI TAL-PROPOSTA....................................................................... 6

4........... IMPLIKAZZJONI BAĠITARJA................................................................................... 8

REGOLAMENT TAL-PARLAMENT EWROPEW U TAL-KUNSILL dwar il-finanzjament, l-immaniġġjar u l-monitoraġġ tal-politika agrikola komuni........................................................................................................... 9

TITOLU I KAMP TA’ APPLIKAZZJONI U DEFINIZZJONIJIET.......................................... 27

TITOLU II DISPOŻIZZJONIJIET ĠENERALI DWAR FONDI AGRIKOLI........................... 28

Kapitolu I Fondi agrikoli............................................................................................................. 28

Kapitolu II Aġenziji tal-pagamenti u korpi oħra............................................................................ 30

TITOLU III SISTEMA KONSULTATTIVA GĦALL-FARMS................................................ 33

TITOLU IV IMMANIĠĠJAR FINANZJARJU TAL-FONDI................................................... 35

Kapitolu I FAEG........................................................................................................................ 35

Taqsima 1 Finanzjament ta’ Nfiq................................................................................................. 35

Taqsima 2 Dixxiplina baġitarja..................................................................................................... 38

Kapitolu II FAEŻR..................................................................................................................... 41

Taqsima 1 Dispożizzjonijiet ġenerali għall-FAEŻR........................................................................ 41

Taqsima 2 Finanzjament tal-programmi ta' żvilupp rurali............................................................... 41

Taqsima 3 Kontribuzzjoni finanzjarja għal programmi ta’ żvilupp rurali.......................................... 42

Taqsima 4 Finanzjament tal-Premju għal kooperazzjoni innovattiva u lokali................................... 45

Kapitolu III Dispożizzjonijiet komuni........................................................................................... 46

Kapitolu IV Approvazzjoni ta’ kontijiet....................................................................................... 52

Taqsima I Dispożizzjonijiet ġenerali.............................................................................................. 52

Taqsima II Approvazzjoni........................................................................................................... 54

Taqsima III Irregolaritajiet........................................................................................................... 56

TITOLU V SISTEMI TA’ KONTROLL U PENALI................................................................. 58

Kapitolu I Regoli ġenerali............................................................................................................ 58

Kapitolu II Sistema integrata ta’ amministrazzjoni u kontroll.......................................................... 63

Kapitolu III Skrutinju ta’ tranżazzjonijiet...................................................................................... 69

Kapitolu IV Dispożizzjonijiet oħra ta’ verifika.............................................................................. 75

TITOLU VI KUNDIZZJONALITÀ........................................................................................... 77

Kapitolu I Kamp ta’ applikazzjoni............................................................................................... 77

Kapitolu II Sistema ta' u penali relatati mal-kundizzjonalità........................................................... 79

TITOLU VII DISPOŻIZZJONIJIET KOMUNI........................................................................ 83

Kapitolu I Komunikazzjoni.......................................................................................................... 83

KAPITOLU II Użu tal-ewro....................................................................................................... 85

KAPITOLU III Rapport u evalwazzjoni...................................................................................... 88

TITOLU VIII DISPOŻIZZJONIJIET FINALI........................................................................... 90

ANNESS I................................................................................................................................. 92

ANNESS II............................................................................................................................... 95

ANNESS III.............................................................................................................................. 98

DIKJARAZZJONI FINANZJARJA LEĠIŻLATTIVA............................................................ 103

TITOLU I KAMP TA’ APPLIKAZZJONI U DEFINIZZJONIJIET

Artikolu 1 Kamp ta’ applikazzjoni

Dan ir-Regolament jistabbilixxi r-regoli dwar:

(a)          il-finanzjament ta’ nfiq skont il-politika agrikola komuni, inkluż infiq għal żvilupp rurali;

(b)          is-sistema konsultattiva għall-farms;

(c)          is-sistemi ta’ mmaniġġjar u kontroll li l-Istati Membri għandu jkollhom;

(d)          is-sistema tal-kundizzjonalità;

(e)          approvazzjoni ta’ kontijiet.

Artikolu 2 Termini użati f’dan ir-Regolament

1.           Id-definizzjonijiet ta’ "bidwi", "attività agrikola", "żona agrikola", "impriża" stabbiliti fl-Artikolu 4 tar-Regolament (UE) xxx/xxx[DP] għandhom japplikaw għall-finijiet ta’ dan ir-Regolament, ħlief kif ipprovdut mod ieħor f'dan ir-Regolament.

It-termini "pagamenti diretti" msemmija fl-Artikolu 1 tar-Regolament (UE) xxx/xxx[DP] għandhom japplikaw għall-finijiet ta' dan ir-Regolament

2.           Force majeure u ċirkostanzi eċċezzjonali kif użati f’dan ir-Regolament b’rabta mar-Regolament (UE) xxx/xxx[DP], ir-Regolament (UE) xxx/xxx[sCMO] u mar-Regolament (UE) xxx/xxx[RD] jistgħu b’mod partikolari jkunu rikonoxxuti f’każijiet bħal:

(a)     il-mewt tal-benefiċjarju;

(b)     inkapaċità professjonali fit-tul tal-benefiċjarju;

(c)     diżastru naturali kbir li jolqot serjament l-azjenda;

(d)     il-qerda aċċidentali ta’ bini tal-bhejjem fl-azjenda;

(e)     epiżootiku li jolqot il-bhejjem kollha jew parti minnhom tal-benefiċjarju.

(f)      esproprjazzjoni ta' parti kbira ta' impriża jekk dik ma setgħetx tiġi antiċipata fil-ġurnata li ġiet imressqa l-applikazzjoni.

TITOLU II DISPOŻIZZJONIJIET ĠENERALI DWAR FONDI AGRIKOLI

Kapitolu I Fondi agrikoli

Artikolu 3 Fondi li jiffinanzjaw infiq agrikolu

1.           Biex jinkisbu l-objettivi tal-politika agrikola komuni ddefiniti fit-Trattat, il-finanzjament tad-diversi miżuri jaqgħu taħtha, inkluż l-iżvilupp rurali għandu jsir:

(a)     mill-Fond Agrikolu Ewropew ta’ Garanzija, minn hawn ’il quddiem imsejjaħ ‘il-FAEG’;

(b)     il-Fond Agrikolu Ewropew għall-Iżvilipp Rurali, minn hawn ’il quddiem imsejjah ‘il-FAEŻR’.

2.           Il-FAEG u l-FAEŻR għandhom jaqgħu taħt il-baġit ġenerali tal-Unjoni Ewropea.

Artikolu 4 Infiq tal-FAEG

1.           Il-FAEG għandu jiġi implimentat b'immaniġġjar komuni bejn l-Istati Membri u l-Unjoni u għandu jiffinanzja l-infiq li ġej, li għandu jsir skont il-leġiżlazzjoni tal-Unjoni:

(a)     miżuri li jirregolaw jew jgħinu swieq agrikoli;

(b)     pagamenti diretti lil bdiewa skont il-politika agrikola komuni;

(c)   il-kontribuzzjoni finanzjarja tal-Unjoni għal informazzjoni u miżuri ta’ promozzjoni għal prodotti agrikoli fis-suq intern tal-Unjoni u f’pajjiżi terzi, li jitwettqu mill-Istati Membri abbażi ta’ programmi minbarra dawk imsemmija fl-Artikolu 5 u magħżulin mill-Kummissjoni;

(d)     il-kontribuzzjoni finanzjarja tal-Unjoni għall-Iskema tal-Unjoni ta’ Frott għall-Iskejjel u għall-miżuri b’rabta ma’ mard tal-annimali u t-telf tal-fiduċja tal-konsumatur imsemmija fl-Artikoli 21 u 155 tar-Regolament (UE) Nru xxx/xxx [sCMO] rispettivament.

2.           Il-FAEG għandu jiffinanzja l-infiq li ġej b’mod dirett u skont il-leġiżlazzjoni tal-Unjoni:

(a)     promozzjoni ta’ prodotti agrikoli, li ssir jew direttament mill-Kummissjoni jew permezz ta’ organizzazzjonijiet internazzjonali;

(b)     miżuri, li jittieħdu skont il-leġiżlazzjoni tal-Unjoni, biex jiġu żgurati l-konservazzjoni, il-karatterizzazzjoni, il-ġbir u l-utilizzazzjoni ta’ riżorsi ġenetiċi fl-agrikoltura;

(c)     twaqqif u manutenzjoni ta’ sistemi ta’ informazzjoni dwar kontabilità agrikola;

(d)     sistemi ta’ stħarriġ agrikolu, inkluż stħarriġ dwar l-istruttura ta’ azjendi agrikoli.

Artikolu 5 Infiq tal-FAEŻR

Il-FAEŻR għandu jiġi implimentat b 'immaniġġjar komuni bejn l-Istati Membri u l-Unjoni u jiffinanzja l-kontribuzzjoni finanzjarja tal-Unjoni għal programmi ta’ żvilupp rurali implimentati skont il-leġiżlazzjoni tal-Unjoni dwar għajnuna għal żvilupp rurali, kif ukoll in-nefqa marbuta mal-Premju għall-kooperazzjoni innovattiva u lokali msemmi fil-Kapitolu IV tat-Titolu III tar-Regolament (UE) Nru RD/xxx.

Artikolu 6 Infiq ieħor, inkluż l-assistenza teknika

Il-FAEG u l-FAEŻR jistgħu, kull wieħed minnhom rispettivament, jiffinanzjaw b’mod dirett, b’inizjattiva tal-Kummissjoni u/jew f’isimha, l-għajnuna ta’ tħejjija, monitoraġġ, amministrazzjoni u teknika, kif ukoll il-miżuri ta’ evalwazzjoni, awditjar u spezzjoni meħtieġa għall-implimentazzjoni tal-politika agrikola komuni. Dawk il-miżuri għandhom jinkludu partikolarment:

(a) miżuri meħtieġa għall-analiżi, l-immaniġġjar, il-monitoraġġ, l-iskambju ta’ informazzjoni u l-implimentazzjoni tal-politika agrikola komuni, kif ukoll miżuri relatati mal-implimentazzjoni ta’ sistemi ta’ kontroll u assistenza teknika u amministrattiva;

(b) l-akkwist mill-Kummissjoni tal-immaġni bis-satellita meħtieġa għall-kontrolli skont l-Artikolu 21;

(c) il-miżuri meħuda mill-Kummissjoni permezz ta’ applikazzjonijiet ta’ telerilevament użati għall-monitoraġġ ta’ riżorsi agrikoli skont l-Artikolu 22;

(d) miżuri meħtieġa biex jinżammu u jiġu żviluppati metodi u mezzi tekniċi ta’ informazzjoni, interkonnessjoni, monitoraġġ u kontroll tal-immaniġġjar finanzjarju tal-fondi użati għall-finanzjament tal-politika agrikola komuni;

(e) provvediment ta’ informazzjoni dwar il-politika agrikola komuni skont l-Artikolu 47;

(f) studji dwar il-politika agrikola komuni u evalwazzjoni ta’ miżuri ffinanzjati mill-FAEG u mill-FAEŻR, inkluż titjib ta’ metodi ta’ evalwazzjoni u skambju ta’ informazzjoni dwar prattiki;

(g) fejn ikun rilevanti, l-aġenziji eżekuttivi stabbiliti skont ir-Regolament tal-Kunsill (KE) Nru 58/2003[37], li jaġixxu b’rabta mal-politika agrikola komuni;

(h) miżuri relatati ma’ tixrid ta' informazzjoni, aktar għarfien, promozzjoni ta’ kooperazzjoni u skambju ta’ esperjenza f’livell tal-Unjoni, li jittieħdu fil-kuntest tal-iżvilupp rurali, inkluż in-netwerking tal-partijiet konċernati;

(i) miżuri meħtieġa għall-iżvilupp, reġistrazzjoni u protezzjoni ta’ logos fil-qafas tal-politiki tal-kwalità tal-Unjoni u għall-protezzjoni ta’ drittijiet tal-proprjetà intellettwali relatati magħhom, kif ukoll l-iżviluppi meħtieġa fit-teknoloġija tal-informatika (IT).

Kapitolu II Aġenziji tal-pagamenti u korpi oħra

Artikolu 7 Akkreditazzjoni u rtirar ta’ akkreditazzjoni ta’ aġenziji tal-pagamenti u ta’ korpi ta’ koordinazzjoni

1.           L-aġenziji tal-pagamenti għandhom ikunu dipartimenti jew korpi apposta tal-Istati Membri responsabbli mill-immaniġġjar u l-kontroll ta’ nfiq imsemmi fl-Artikolu 4(1) u fl-Artikolu 5.

Bl-eċċezzjoni ta’ pagament, l-eżekuzzjoni ta’ dawk l-kompiti tista’ tiġi ddelegata.

2.           L-Istati Membri għandhom jakkreditaw bħala aġenziji tal-pagamenti dipartimenti jew korpi li jħarsu l-kriterji ta’ akkreditazzjoni li għandhom jiġu stabbiliti mill-Kummissjoni skont l-Artikolu 8(a).

Kull Stat Membru għandu, waqt li jqis id-dispożizzjonijiet kostituzzjonali tiegħu, jillimita l-għadd ta’ aġenziji tal-pagamenti akkreditati tiegħu għal waħda għal kull Stat Membru jew għal waħda għal kull reġjun, fejn ikun japplika. Iżda, fejn aġenziji tal-pagamenti jkunu stabbiliti f’livell reġjonali, l-Istati Membri għandhom, b’żieda ma’ dan, jakkreditaw aġenzija tal-pagamenti f’livell nazzjonali għal skemi ta’ għajnuna li, min-natura tagħhom, ikollhom jiġu mmaniġġjati f’livell nazzjonali.

3.           Sal-[1 ta’ Frar] tas-sena wara s-sena finanzjarja konċernata, il-persuna responsabbli mill-aġenzija tal-pagamenti akkreditata għandha tagħmel:

(a)     il-kontijiet annwali tal-infiq magħmul fl-eżekuzzjoni tal-kompiti fdati lill-aġenzija tal-pagamenti akkreditata tagħha, flimkien mal-informazzjoni meħtieġa għall-approvazzjoni tagħhom skont l-Artikolu 53;

(b)     dikjarazzjoni ta’ assigurazzjoni ta’ mmaniġġjar dwar il-kompletezza, l-eżattezza u l-veraċità tal-kontijiet, il-funzjonament sewwa tas-sistemi interni ta’ kontroll, kif ukoll dwar il-legalità u r-regolarità tat-tranżazzjonijiet bażiċi u u r-rispett għall-prinċipju tal-immaniġġjar finanzjarju sod;

(c)     sommarju tar-riżultati tal-verifiki u kontrolli disponibbli kollha li ġew imwettqa, inkluża analiżi ta' dgħufijiet sistematiċi jew rikorrenti kif ukoll ta' azzjonijiet korrettivi mwettqa jew ippjanati.

4.           Fejn ikunu akkreditati aktar minn aġenzija tal-pagamenti waħda, l-Istat Membru għandu jaħtar korp, minn hawn ’il quddiem imsejjaħ "korp ta’ koordinazzjoni", li lilu jassenja l-kompiti li ġejjin:

(a)     li jiġbor l-informazzjoni li għandha tkun disponibbli għall-Kummissjoni u li jibgħat dik l-informazzjoni lill-Kummissjoni;

(b)     li jagħmel rapport ta’ sinteżi li jagħti deskrizzjoni ġenerali f’livell nazzjonali tad-dikjarazzjonijiet kollha ta’ mmaniġġjar ta’ assigurazzjoni msemmija fil-punt (b) tal-paragrafu 3 u tal-opinjonijiet ta’ awditjar dwarhom imsemmija f’dan ir-rigward fl-Artikolu 9;

(c)     li jiżgura li tittieħed azzjoni rimedjali għal kwalunkwe defiċjenza ta’ natura komuni u li l-Kummissjoni tinżamm mgħarrfa b’dak li jkun sar wara;

(d)     li jippromwovi u jiżgura l-applikazzjoni armonizzata tar-Regoli tal-Unjoni.

Il-korp ta’ koordinazzjoni għandu jkun suġġett għal akkreditazzjoni speċifika mill-Istati Membri fir-rigward tal-ipproċessar tal-informazzjoni finanzjarja msemmija fil-punt (a) tal-ewwel subparagrafu.

5.           Fejn aġenzija tal-pagamenti akkreditata ma tħarisx jew ma tkunx għadha tħares wieħed jew aktar mill-kriterji ta’ akkreditazzjoni msemmija fil-paragrafu 2, l-Istat Membru għandu jirtira l-akkreditazzjoni tiegħu sakemm l-aġenzija tal-pagamenti tagħmel it-tibdiliet meħtieġa fil-perjodu li għandu jkun iddeterminat skont kemm tkun severa l-problema.

6.           L-aġenziji tal-pagamenti għandhom jimmaniġġjaw u jiżguraw kontroll tal-operazzjonijiet konnessi ma’ intervent pubbliku li għalih ikunu responsabbli u għandhom iżommu r-responsabbiltà globali f’dak il-qasam.

Artikolu 8 Setgħat tal-Kummissjoni

1.           Biex tiżgura l-operazzjoni fis-sod tas-sistema msemmija fl-Artikolu 7, il-Kummissjoni għandu jkollha s-setgħa li tadotta atti delegati skont l-Artikolu 111 dwar:

(a)     kundizzjonijiet minimi għall-akkreditazzjoni ta’ aġenziji tal-pagamenti fir-rigward tal-ambjent intern, attivitajiet ta’ kontroll, informazzjoni u komunikazzjoni, u monitoraġġ, kif ukoll regoli dwar il-proċedura għal ħruġ u rtirar ta’ akkreditazzjoni;

(b)     regoli relatati ma’ superviżjoni u l-proċedura għal eżami mill-ġdid ta’ akkreditazzjoni ta’ aġenziji tal-pagamenti;

(c)     kundizzjonijiet minimi għall-akkreditazzjoni ta’ korpi ta’ koordinazzjoni, kif ukoll regoli dwar il-proċedura għal ħruġ u rtirar ta’ akkreditazzjoni.

2            Il-Kummissjoni għandha tistabbilixxi, permezz ta’ atti ta’ implimentazzjoni, regoli dwar:

(a)     l-obbligi tal-aġenziji tal-pagamenti fir-rigward ta’ intervent pubbliku, kif ukoll dwar il-kontenut tal-immaniġġjar u r-responsabbiltajiet ta’ kontroll tagħhom.

(b)     il-funzjonament tal-korp ta’ koordinazzjoni u n-notifika ta’ informazzjoni lill-Kummissjoni kif imsemmi fl-Artikolu 7(4).

L-atti ta’ implimentazzjoni previsti fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3).

Artikolu 9 Korpi ta’ ċertifikazzjoni

1.           Il-korp ta’ ċertifikazzjoni għandu jkun korp ta’ verifika pubbliku jew privat maħtur mill-Istat Membru li għandu jagħti opinjoni dwar id-dikjarazzjoni tal-maniġment dwar il-garanzija tal-kompletezza, l-eżattezza u l-veraċità tal-kontijiet annwali tal-aġenzija tal-pagamenti, il-funzjonament xieraq tas-sistema ta’ kontrolli interni tagħha, il-legalità u r-regolarità tat-tranżazzjonijiet bażiċi, kif ukoll l-osservanza tal-prinċipju tal-ġestjoni finanzjarja soda.

Huwa għandu jkun indipendenti mil-lat ta’ operazzjonijiet kemm mill-aġenzija tal-pagamenti konċernata, kif ukoll mill-awtorità li tkun akkreditat dik l-aġenzija.

2.           Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar l-istatus tal-korpi ta’ ċertifikazzjoni, il-kompiti speċifiċi, inklużi l-kontrolli, li huma jkollhom jesegwixxu, kif ukoll iċ-ċertifikati u r-rapporti, flimkien mad-dokumenti li jkun hemm magħhom, li għandhom isiru minn dawk il-korpi. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

Artikolu 10 Ammissibbiltà ta’ pagamenti magħmula mill-aġenziji tal-pagamenti

L-infiq imsemmi fl-Artikolu 4(1) u fl-Artikolu 5 jista’ jiġi kopert minn finanzjament mill-Unjoni biss jekk ikun sar minn aġenziji tal-pagamenti akkreditati.

Artikolu 11 Pagament sħiħ lil benefiċjarji

Ħlief fejn espliċitament ipprovdut xort’oħra fil-leġiżlazzjoni tal-Unjoni, pagamenti relatati mal-finanzjament imsemmi f’dan ir-Regolament għandhom jiġu rimborżati b’mod sħiħ lill-benefiċjarji.

TITOLU III SISTEMA KONSULTATTIVA GĦALL-FARMS

Artikolu 12 Prinċipju u kamp ta’ applikazzjoni

1.           L-Istati Membri għandhom jistabbilixxu sistema ta’ konsulenza għal benefiċjarji dwar l-immaniġġjar ta’ artijiet u farms (minn hawn ’il quddiem imsejħa ‘Sistema Konsultattiva għall-farms’) imħaddma minn korp wieħed maħtur jew aktar. Il-korpi maħtura jistgħu jkunu pubbliċi jew privati.

2.           Is-sistema konsultattiva għall-farms għandha tkopri mill-anqas:

(a)     ir-rekwiżiti statutorji ta’ mmaniġġjar u l-istandards għal kundizzjoni agrikola u ambjentali tajba ta’ art kif stabbiliti fil-Kapitolu I tat-Titolu VI;

(b) il-prattiki agrikoli ta’ ġid għall-klima u l-ambjent kif stabbiliti fil-Kapitolu 2 tat-Titolu III tar-Regolament (UE) Nru xxx/xxx [DP] u ż-żamma taż-żona agrikola kif imsemmi fl-Artikolu 4(1)(c) tar-Regolament (UE) Nru xxx/xxx [DP];

(c) ir-rekwiżiti jew l-azzjonijiet relatati mal-mitigazzjoni tat-tibdil fil-klima u l-adattament għalih, il-bijodiversità, il-ħarsien tal-ilma, in-notifika ta’ mard tal-annimali u tal-pjanti u l-innovazzjoni mill-anqas kif stabbilit fl-Anness I għal dan ir-Regolament;

(d)     l-iżvilupp sostenibbli tal-attività ekonomika tal-farms żgħar kif iddefinit mill-Istati Membri u, tal-anqas, tal-farms li jipparteċipaw fl-Iskema tal-bdiewa żgħar imsemmija fit-Titolu V tar-Regolament (UE) Nru xxx/xxx[DP].

3.           Is-sistema konsultattiva għall-farms tista’ wkoll tkopri partikolarment:

(a)     l-iżvilupp sostenibbli tal-attività ekonomika ta' azjendi għajr dawk imsemmija fil-paragrafu (2)(d);

(b)     ir-rekwiżiti minimi stabbiliti minn leġiżlazzjoni nazzjonali, kif imsemmi fl-Artikolu 29(3) u 30(2) tar-Regolament (UE) Nru xxx/xxx [RD] eferenza għad-dispożizzjoni rilevanti ta’ eliġibbiltà għal miżuri agroambjentali].

Artikolu 13 Rekwiżiti speċifiċi relatati mas-sistema konsultattiva għall-farms

1.           L-Istati Membri għandhom jiżguraw li l-konsulenti tas-sistema konsultattiva għall-farms ikunu kwalifikati kif xieraq u mħarrġin regolarment.

2.           L-Istati Membri għandhom jiżguraw is-separazzjoni bejn il-konsulenza u l-kontroll. F’dan ir-rigward u mingħajr preġudizzju għall-leġiżlazzjoni nazzjonali dwar aċċess pubbliku għal dokumenti, l-Istati Membri għandhom jiżguraw li l-korpi maħtura msemmija fl-Artikolu 12 ma jiżvelawx informazzjoni dwar persuni u individwi u dejta li huma jiksbu fl-attività tagħhom ta’ konsulenza lil persuni minbarra lil benefiċjarju li jmexxi l-azjenda konċernata, bl-eċċezzjoni ta’ kwalunkwe irregolarità jew ksur misjuba matul l-attività tagħhom li jkunu koperti minn obbligu stabbilit fid-dritt nazzjonali jew tal-Unjoni li jsiru magħrufa lil awtorità pubblika, partikolarment fil-każ ta’ offiżi kriminali.

3.           L-awtorità nazzjonali kompetenti għandha tipprovdi lill-benefiċjarju, fejn ikun xieraq bl-użu ta’ mezzi elettroniċi, bil-listi adatti ta’ korpi maħturin.

Artikolu 14 Aċċess għas-sistema konsultattiva għall-farms

Il-benefiċjarji, kemm jekk jirċievu għajnuna skont il-politika agrikola komuni jew le, inkluż l-iżvilupp rurali, jistgħu jużaw fis-sistema konsultattiva għall-farms fuq bażi volontarja.

Madankollu, l-Istati Membri jistgħu jiddeterminaw, skont kriterji oġġettivi, il-kategoriji ta’ benefiċjarji li jkollhom aċċess ta’ prijorità għas-sistema konsultattiva għall-farms. L-Istati Membri, madankollu, għandhom jiżguraw li tingħata prijorità lil bdiewa li l- aċċess tagħhom għal servizz ta’ konsulenza minbarra s-sistema konsultattiva għall-farms huwa l-aktar limitat.

Is-sistema konsultattiva għall-farms għandha tiżgura li benefiċjarji jkollhom aċċess għall-konsulenza li tirrifletti l-qagħda speċifika tal-azjenda tagħhom.

Artikolu 15 Setgħat tal-Kummissjoni

1.           Biex tiggarantixxi l-funzjonament sewwa tas-sistema konsultattiva għall-farms, il-Kummissjoni għandu jkollha s-setgħa li tadotta atti delegati skont l-Artikolu 111 dwar dispożizzjonijiet li jkollhom l-għan li jagħmlu dik is-sistema operazzjonali b’mod sħiħ. Dawk id-dispożizzjonijiet jistgħu jkollhom x’jaqsmu, fost affarijiet oħra, mal-kriterji ta’ aċċessibbiltà għal bdiewa.

2.           Il-Kummissjoni tista’, permezz ta’ atti ta’ implimentazzjoni, tadotta regoli għall-implimentazzjoni uniformi tas-sistema konsultattiva għall-farms. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

TITOLU IV IMMANIĠĠJAR FINANZJARJU TAL-FONDI

Kapitolu I FAEG

Taqsima 1 Finanzjament ta’ Nfiq

Artikolu 16 Limitu massimu tal-baġit

1.           Il-limitu massimu annwali għal infiq mill-FAEG għandu jkun ikkostitwit mill-ammonti massimi ffissati skont ir-Regolament (UE) Nru xxx/xxx [QFM].

2.           Fil-każ li l-leġiżlazzjoni tal-Unjoni tipprovdi għal somom li jkollhom jitnaqqsu mill-ammont imsemmi fil-paragrafu 1, il-Kummissjoni għandha, permezz ta’ atti ta’ implimentazzjoni, tistabbilixxi l-bilanċ nett li jkun hemm għal infiq mill-FAEG abbażi tad-dejta msemmija f’dik il-leġiżlazzjoni.

Artikolu 17 Pagamenti kull xahar

1.           L-approprjazzjonijiet meħtieġa biex jiġi ffinanzjat l-infiq imsemmi fl-Artikolu 4(1) għandhom isiru disponibbli għall-Istati Membri mill-Kummissjoni fl-għamla ta’ pagamenti kull xahar, abbażi tal-infiq magħmul mill-aġenziji tal-pagamenti akkreditati matul il-perjodu ta’ referenza.

2.           Sakemm isir it-trasferiment tal-pagamenti kull xahar mill-Kummissjoni, ir-riżorsi meħtieġa biex isir infiq għandhom jiġu mmobilizzati mill-Istati Membri skont il-ħtiġijiet tal-aġenziji tal-pagamenti akkreditati tagħhom.

Artikolu 18 Proċedura għal pagamenti kull xahar

1.           Il-pagamenti kull xahar għandhom isiru mill-Kummissjoni, mingħajr preġudizzju għall-atti ta’ implimentazzjoni msemmija fl-Artikoli 53 u 54, għal infiq magħmul mill-aġenziji tal-pagamenti akkreditati matul ix-xahar ta’ referenza.

2.           Il-pagamenti kull xahar għandhom isiru lil kull Stat Membru mhux aktar tard mit-tielet jum tax-xogħol tat-tieni xahar wara dak li fih isir l-infiq.

L-infiq magħmul mill-Istati Membri bejn l-1 u l-15 ta’ Ottubru għandu jitqies li jkun sar fix-xahar ta’ Ottubru. L-infiq magħmul bejn is-16 u l-31 ta’ Ottubru għandu jitqies li jkun sar fix-xahar ta’ Novembru.

3.           Il-Kummissjoni għandha, permezz ta’ atti ta’ implimentazzjoni, tiddetermina l-pagamenti kull xahar li hija tagħmel, abbażi ta’ dikjarazzjoni ta’ nfiq mill-Istati Membri u tal-informazzjoni mogħtija skont l-Artikolu 102(1), billi tqis riduzzjonijiet jew sospensjonijiet applikati skont l-Artikolu 43 jew kwalunkwe korrezzjoni oħra. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 112(2).

4.           Il-Kummissjoni tista’, permezz ta’ atti ta’ implimentazzjoni, tiddeċiedi li tagħmel pagamenti supplimentari jew tnaqqis. F’każijiet tali, il-Kumitat msemmi fl-Artikolu 112(1) għandu jkun mgħarraf fil-laqgħa tiegħu li jkun imiss.

Artikolu 19 Spejjeż amministrattivi u tal-persunal

L-infiq relatat ma’ spejjeż amministrattivi u tal-persunal magħmul mill-Istati Membri u minn benefiċjarji ta’ għajnuna mill-FAEG m’għandux jagħmel tajjeb għalihom il-Fond.

Artikolu 20 Infiq b’intervent pubbliku

1.           Fejn, fil-qafas tal-organizzazzjoni komuni tas-swieq, ma tkunx iddeterminata somma għal kull unità fir-rigward ta’ intervent pubbliku, il-FAEG għandu jiffinanzja l-miżura konċernata abbażi ta’ ammonti standard uniformi mal-Unjoni kollha, partikolarment għal fondi li joriġinaw fl-Istati Membri użati għal xiri sfurzat ta’ prodotti, għal operazzjonijiet materjali li jkun hemm minħabba ħżin u, fejn ikun xieraq, għal ipproċessar ta’ prodotti ta’ intervent.

2.           Biex jiġi żgurat li jkun hemm l-iffinanzjar mill-FAEG tal-infiq b’intervent pubbliku l-Kummissjoni għandu jkollha s-setgħa li tadotta atti delegati skont l-Artikolu 111 dwar:

(a)     it-tip ta’ miżuri eliġibbli għal finanzjament mill-Unjoni u l-kundizzjonijiet għal rimborż;

(b)     il-kundizzjonijiet ta’ eliġibbiltà u l-metodi ta’ kalkulazzjoni abbażi tal-informazzjoni attwalment osservata mill-aġenziji tal-pagamenti jew abbażi ta’ rati fissi ddeterminati mill-Kummissjoni, jew abbażi ta’ ammonti b’rata fissa jew b’rata mhux fissa msemmija fil-leġiżlazzjoni agrikola settorjali.

3.           L-ammonti msemmija fil-paragrafu 1 għandhom jiġu stabbiliti mill-Kummissjoni permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 112(2).

Artikolu 21 Akkwist ta’ immaġni bis-satellita

Il-lista tal-immaġni bis-satellita meħtieġa għal kontrolli għandu jkollha l-qbil tal-Kummissjoni u tal-Istati Membri skont l-ispeċifikazzjoni mħejjija minn kull Stat Membru.

Il-Kummissjoni għandha tipprovdi dawk l-immaġni bis-satellita mingħajr ħlas lill-korpi ta’ kontroll jew lil fornituri ta’ servizzi awtorizzati minn dawk il-korpi biex jirrappreżentawhom.

Il-Kummissjoni għandha tibqa’ s-sid tal-immaġni u għandha teħodhom lura malli x-xogħol jitlesta. Hija tista’ wkoll tipprovdi li jsir xogħol fuq tekniki ta’ titjib u metodi ta’ xogħol relatati mal-ispezzjoni ta’ żoni agrikoli b’telerilevament.

Artikolu 22 Monitoraġġ ta’ riżorsi agrikoli

Il-miżuri ffinanzjati skont il-punt (c) tal-Artikolu 6 għandu jkollhom l-għan li jagħtu lill-Kummissjoni l-mezzi biex timmaniġġja s-swieq agrikoli tal-Unjoni f’kuntest globali, biex jiġi żgurat il-monitoraġġ agroekonomiku tal-art agrikola u tal-kundizzjoni ta’ għelejjel, biex ikunu jistgħu jsiru stimi, partikolarment fir-rigward ta’ rendimenti u produzzjoni agrikola, biex l-aċċess għal dawn l-istimi jinqasam f’kuntest internazzjonali, bħal inizjattivi kkoordinati minn organizzazzjonijiet tan-Nazzjonijiet Uniti jew minn aġenziji internazzjonali oħra, biex jikkontribwixxu għat-trasparenza ta’ swieq dinjin, u biex jiġi żgurat segwitu teknoloġiku tas-sistema agrometeoroloġika.

Il-miżuri ffinanzjati skont il-punt (c) tal-Artikolu 6 huma dwar il-ġbir jew ix-xiri ta’ dejta meħtieġa għall-implimentazzjoni u l-monitoraġġ tal-politika agrikola komuni, inkluża dejta mis-satellita u dejta meteoroloġika, il-ħolqien ta’ infrastruttura ta’ dejta spazjali u websajt, studji speċifiċi li għandhom isiru dwar kundizzjonijiet klimatiċi u l-aġġornament ta’ mudelli agrometeoroloġiċi u ekonometriċi. Fejn ikun meħtieġ, dawk il-miżuri għandhom jitwettqu b’kollaborazzjoni ma’ laboratorji u korpi nazzjonali.

Artikolu 23 Setgħat ta’ implimentazzjoni

Il-Kummissjoni tista’, permezz ta’ atti ta’ implimentazzjoni, tadotta regoli relatati mal-finanzjament in segwitu għall-punti (b) u (c) tal-Artikolu 6, il-proċedura li biha l-miżuri msemmija fl-Artikoli 21 u 22 għandhom jitwettqu biex jitħarsu l-objettivi assenjati, il-qafas li jirregola l-akkwist, biex jitjiebu u jiġu utilizzati immaġni bis-satellita u dejta meteoroloġika, u biex jitħarsu d-dati ta’ skadenza applikabbli. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

Taqsima 2 Dixxiplina baġitarja

Artikolu 24 Konformità mal-limitu massimu

1.           Tul il-proċedura kollha tal-baġit u l-implimentazzjoni tal-baġit, l-approprjazzjonijiet relatati ma’ nfiq mill-FAEG m’għandhomx ikunu aktar mill-ammont imsemmi fl-Artikolu 16.

L-istrumenti leġiżlattivi kollha proposti mill-Kummissjoni u adottati mill-Parlament Ewropew u mill-Kunsill, mill-Kunsill jew mill-Kummissjoni u li għandhom influwenza fuq il-baġit tal-FAEG għandhom ikunu konformi mal-ammont imsemmi fl-Artikolu 16.

2.           Fejn il-leġiżlazzjoni tal-Unjoni tipprovdi għal limitu massimu finanzjarju fl-ewro għal infiq agrikolu fir-rigward ta’ Stat Membru, infiq tali għandu jkun rimborżat suġġett għal dak il-limitu stabbilit fl-ewro, bi kwalunkwe aġġustament meħtieġ isir jekk ikun japplika l-Artikolu 43.

3.           Il-limiti massimi nazzjonali għal pagamenti diretti msemmija fl-Artikolu 7 tar-Regolament (UE) Nru xxx/xxx[DP], korretti bl-aġġustamenti stabbiliti fl-Artikolu 25 ta’ dan ir-Regolament, għandhom jitqiesu bħala limiti massimi finanzjarji fl-ewro.

Artikolu 25 Dixxiplina finanzjarja

1.           Bil-għan li jiġi żgurat li jitħarsu l-limiti massimi annwali stabbiliti fir-Regolament (UE) Nru xxx/xxx [QFM] għall-finanzjament tal-infiq relatat mas-suq u għal pagamenti diretti, għandha tiġi ddeterminata rata ta’ aġġustament tal-pagamenti diretti meta l-previżjonijiet għall-finanzjament tal-miżuri ffinanzjati skont dak is-sublimitu massimu għal sena finanzjarja partikolari jindikaw li l-limiti massimi annwali applikabbli jkunu ser jinqabżu.

2.           Il-Kunsill, waqt li jaġixxu fuq proposta mill-Kummissjoni ppreżentata mhux aktar tard mill-31 ta’ Marzu tas-sena kalendarja li għaliha jkun japplika l-aġġustament imsemmi fil-paragrafu 1, għandhom jiddeterminaw l-aġġustament mhux aktar tard mit-30 ta’ Ġunju tal-istess sena kalendarja.

3.           Jekk sat-30 ta’ Ġunju ta’ kwalunkwe sena r-rata ta’ aġġustament ma tkunx stabbilita, il-Kummissjoni għandha tistabbilieha permezz ta’ att ta’ implimentazzjoni u għandha tgħarraf lill-Kunsill immedjatament. Att ta’ implimentazzjoni tali għandu jiġi adottat skont il-proċedura konsultattiva msemmija fl-Artikolu 112(2).

4.           Sal-1 ta’ Diċembru, fuq proposta mill-Kummissjoni, abbażi ta’ informazzjoni ġdida fil-pussess tiegħu, il-Kunsill jista’ jadotta r-rata ta’ aġġustament għal pagamenti diretti stabbiliti skont il-paragrafi 2 jew 3.

5.           Il-Kummissjoni tista’ tadotta b’att ta’ implimentazzjoni it-termini u l-kundizzjonijiet applikabbli għal approprjazzjonijiet esegwiti skont l-Artikolu 149(3) tar-Regolament Nru FR/xxx biex tiffinanzja l-infiq imsemmi skont l-Artikolu 4(1)(b) ta’ dan ir-Regolament. Dawk l-atti ta' implimentazzjoni għandhom jiġu adottati skont il-proċedura konsultattiva msemmija fl-Artkolu 112(2).

6.           Qabel ma jiġi applikat dan l-Artikolu, għandha l-ewwel titqies il-possibbiltà li l-ammont awtorizzat mill-awtorità baġitarja għar-Riżerva għal kriżijiet fis-settur agrikolu msemmija fil-punt 14 tal-Ftehim Interistituzzjonali bejn il-Parlament Ewropew, il-Kunsill u l-Kummissjoni dwar kooperazzjoni f’materji baġitarji u dwar immaniġġjar finanzjarju sod.

Artikolu 26 Proċedura ta’ dixxiplina baġitarja

1.           Il-Kummissjoni għandha tippreżenta lill-Parlament Ewropew u lill-Kunsill, fl-istess waqt bħal tal-abbozz tal-baġit għas-sena finanzjarja N, il-previżjonijiet tagħha għas-snin finanzjarji N - 1, N u N + 1.

2.           Jekk, meta jkun qed isir l-abbozz tal-baġit għas-sena finanzjarja N, ikun jidher li hemm riskju li l-ammont imsemmi fl-Artikolu 16 għas-sena finanzjarja N ikun ser jinqabeż, il-Kummissjoni għandha tipproponi lill-Parlament Ewropew u lill-Kunsill jew lill-Kunsill il-miżuri meħtieġa biex tkun żgurata l-konformità ma’ dak l-ammont.

3.           Fi kwalunkwe ħin, jekk il-Kummissjoni tqis li jkun hemm riskju li l-ammont imsemmi fl-Artikolu 16 ikun ser jinqabeż u li hija ma tkunx tista’ tieħu miżuri adegwati biex tirrimedja s-sitwazzjoni bis-setgħat tagħha, hija għandha tipproponi miżuri oħra biex tiżgura l-konformità ma’ dak l-ammont. Dawn il-miżuri għandhom jiġu adottati mill-Kunsill abbażi tal-Artikolu 43(3) tat-Trattat jew mill-Parlament Ewropew u mill-Kunsill abbażi tal-Artikolu 43(2) tat-Trattat.

4.           Jekk, fi tmiem is-sena finanzjarja N, talbiet għal rimborż mill-Istati Membri jkunu aktar jew aktarx li jkunu aktar mill-ammont imsemmi fl-Artikolu 16, il-Kummissjoni għandha:

(a)     tqis it-talbiet ippreżentati mill-Istati Membri pro rata u fil-limitu tal-baġit disponibbli, u għandha, permezz ta’ atti ta’ implimentazzjoni, tistabbilixxi provviżorjament l-ammont tal-pagamenti għax-xahar konċernat;

(b)     tiddetermina, għall-Istati Membri kollha, mhux aktar tard mit-28 ta’ Frar tas-sena ta’ wara, il-qagħda tagħhom fir-rigward ta’ finanzjament mill-Unjoni għas-sena finanzjarja ta’ qabel;

(c)     tistabbilixxi, permezz ta’ att ta’ implimentazzjoni, l-ammont totali ta’ finanzjament mill-Unjoni maqsum għal kull Stat Membru, abbażi ta’ rata unika ta’ finanzjament mill-Unjoni, fil-limitu tal-baġit li kien disponibbli għall-pagamenti kull xahar;

(d)     tagħti, mill-anqas meta l-pagamenti kull xahar isiru għal Marzu tas-sena N+1, kwalunkwe kumpens li jkollu jingħata fir-rigward tal-Istati Membri.

L-atti ta’ implimentazzjoni msemmija fil-punti (a) u (c) tal-ewwel subparagrafu għandhom jiġu adottati skont il-proċedura konsultattiva msemmija fl-Artikolu 112(2);

Artikolu 27 Sistema ta’ twissija bikrija

Biex jiġi żgurat li l-limitu massimu tal-baġit imsemmi fl-Artikolu 16 ma jinqabiżx, il-Kummissjoni għandha timplimenta sistema ta’ twissija bikrija u monitoraġġ kull xahar fir-rigward ta’ nfiq mill-FAEG.

Qabel il-bidu ta’ kull sena finanzjarja, il-Kummissjoni għandha tiddetermina għal dak il-fini profili ta’ nfiq kull xahar abbażi, fejn ikun xieraq, ta’ nfiq medju kull xahar matul it-tliet snin ta’ qabel.

Il-Kummissjoni għandha tippreżenta perjodikament lill-Parlament Ewropew u lill-Kunsill rapport li jeżamina l-iżvilupp ta’ nfiq magħmul b’rabta mal-profili u li jkollu valutazzjoni tal-implimentazzjoni prevedibbli għas-sena finanzjarja kurrenti.

Artikolu 28 Rati tal-kambju ta’ referenza

1.           Meta tkun qed tadotta l-abbozz tal-baġit, jew ittra ta’ emenda għall-abbozz tal-baġit li jkollha x’taqsam ma’ nfiq agrikolu, il-Kummissjoni għandha tuża għal stimi tal-baġit tal-FAEG il-medja tar-rata tal-kambju għall-ewro/dollaru Amerikan reġistrata fis-suq matul l-aħħar erba’ xhur li jagħlqu mill-anqas 20 jum qabel l-adozzjoni tad-dokument tal-baġit mill-Kummissjoni.

2.           Meta tkun qed tadotta abbozz li jemenda baġit supplimentari jew ittra ta’ emenda għalih, sa kemm dawk id-dokumenti jkollhom x’jaqsmu ma’ approprjazzjonijiet relatati ma’ miżuri msemmija fl-Artikolu 4(1)(a), il-Kummissjoni għandha tuża:

(a)     l-ewwel, il-medja tar-rata tal-kambju għall-ewro/dollaru Amerikan attwalment reġistrata fis-suq mill-1 ta’ Awwissu tas-sena finanzjarja ta’ qabel sa tmiem l-aħħar erba’ xhur li jagħlqu mill-anqas 20 jum qabel l-adozzjoni tad-dokument tal-baġit mill-Kummissjoni u sa mhux aktar tard mill-31 ta’ Lulju tas-sena finanzjarja kurrenti, u

(b)     it-tieni, bħala previżjoni għall-bqija tas-sena finanzjarja, il-medja tar-rata tal-kambju attwalment reġistrata matul l-aħħar erba’ xhur li jintemmu mill-anqas 20 jum qabel l-adozzjoni tad-dokument tal-baġit mill-Kummissjoni.

Kapitolu II FAEŻR

Taqsima 1 Dispożizzjonijiet ġenerali għall-FAEŻR

Artikolu 29 L-ebda finanzjament doppju

Mingħajr preġudizzju għall-eliġibbiltà tal-appoġġ skont l-Artikolu 30(2) tar-Regolament (UE) Nru RD/xxx, in-nefqa ffinanzjata fl-ambitu tal-FAEŻR mhux se tkun soġġetta għall-ebda finanzjament ieħor fl-ambitu tal-baġit tal-UE.

Artikolu 30 Dispożizzjonijiet applikabbli għall-pagamenti kollha

1.           Skont l-Artikolu 67(1) tar-Regolament (UE) Nru CR/xxx, pagamenti, mill-Kummissjoni, ta' kontribuzzjoni FAEŻR kif imsemmi fl-Artikolu 5 ma għandhomx jaqbżu l-impenji tal-baġit.

Dawn għandhom jiġu assenjati lill-impenn tal-baġit miftuħ l-aktar bikri.

2.           Għandu japplika l-Artikolu [81] tar-Regolament (UE) Nru FR/xxx.

Taqsima 2 Finanzjament tal-programmi ta' żvilupp rurali

Artikolu 31 Kontribuzzjoni finanzjarja mill-FAEŻR

Il-kontribuzzjoni finanzjarja mill-FAEŻR għal infiq għal programmi ta’ żvilupp rurali għandha tiġi ddeterminata għal kull programm, fil-limiti massimi stabbiliti mil-leġiżlazzjoni tal-Unjoni dwar għajnuna għal żvilupp rurali mill-FAEŻR.

Artikolu 32 Impenji tal-baġit

Fir-rigward tal-impenji tal-baġit tal-Unjoni għal programmi ta’ żvilupp rurali, għandu japplika l-Artikolu 66 tar-Regolament (EU) Nru CR/xxx .

Taqsima 3 Kontribuzzjoni finanzjarja għal programmi ta’ żvilupp rurali

Artikolu 33 Dispożizzjonijiet li japplikaw għall-pagamenti għall-programmi ta' żvilupp rurali

1.           L-approprjazzjonijiet meħtieġa biex jiġi ffinanzjat l-infiq imsemmi fl-Artikolu 5 għandhom isiru disponibbli għall-Istati Membri fl-għamla ta’ prefinanzjament, pagamenti interim u l-pagament ta’ bilanċ, kif deskritt f’din it-Taqsima.

2.           It-total konġunt ta’ prefinanzjament u ta’ pagamenti interim m’għandux ikun aktar minn 95 % tal-kontribuzzjoni mill-FAEŻR għal kull programm ta’ żvilupp rurali.

Konformi mal-Artikolu 70(2) tar-Regolament UE Nru CR/xxx, meta jintlaħaq il-limitu ta' 95 %, l-Istati Membri għandhom ikomplu jibagħtu t-talbiet għall–pagamenti lill-Kummissjoni.

Artikolu 34 Arranġamenti għal prefinanzjament

1.           Wara d-deċiżjoni tal-Kummissjoni li tapprova l-programm, ammont inizjali ta’ prefinanzjament għall-perjodu sħiħ ta' programmazzjoni għandu jitħallas lill-Kummissjoni. Dan l-ammont inizjali ta' prefinanzjament Dan għandu jirrappreżenta 4% tal-kontribuzzjoni mill-FAEŻR lill-programm konċernat. Dan jista’ jinqasam fuq massimu ta' tliet pagamenti skont id-disponibbiltà baġitarja. L-ewwel pagament għandu jirrappreżenta 2% tal-kontribuzzjoni tal-FAEŻR lill-programm ikkonċernat.

2.           L-ammont totali mħallas bħala prefinanzjament għandu jkun rimborżat lill-Kummissjoni jekk ma jkunx sar infiq u ma tkunx intbagħtet dikjarazzjoni ta’ nfiq għall-programm ta’ żvilupp rurali fi żmien 24 xahar mid-data li fiha l-Kummissjoni tkun ħallset l-ewwel pagament akkont tal-ammont ta’ prefinanzjament.

3.           L-imgħaxijiet li jirriżultaw fuq il-prefinanzjament għandhom jiġu indirizzati lill-programm ta’ żvilupp rurali konċernat u mnaqqsin mill-ammont ta’ nfiq pubbliku indikat fid-dikjarazzjoni finali ta’ nfiq.

4.           L-ammont totali ta’ prefinanzjament għandu jiġi approvat skont il-proċedura msemmija fl-Artikolu 53 qabel ma jingħalaq il-programm ta’ żvilupp rurali.

Artikolu 35 Pagamenti interim

1.           Il-pagamenti interim għandhom isiru għal kull programm ta’ żvilupp rurali. Għandhom jiġu kkalkulati billi r-rata ta’ kofinanzjament għal kull miżura tiġi applikata għall-infiq pubbliku ċertifikat imġarrab minnha.

2.           Suġġett għad-disponibbiltà ta’ riżorsi, il-Kummissjoni għandha tagħmel pagamenti interim biex tirrimborża l-infiq magħmul minn aġenziji tal-pagamenti akkreditati fl-implimentazzjoni tal-programmi.

3.           Kull pagament intermedju għandu jsir suġġett għall-konformità mar-rekwiżiti li ġejjin:

(a)     it-trażmissjoni lill-Kummissjoni tad-dikjarazzjoni ta’ nfiq iffirmata mill-aġenzija tal-pagamenti akkreditata, skont l-Artikolu 102(1)(c);

(b)     li ma jinqabiżx it-total tal-kontribuzzjoni mill-FAEŻR għal kull miżura għall-perjodu kollu kopert mill-programm konċernat;

(c)     it-trażmissjoni lill-Kummissjoni tal-aħħar rapport ta’ progress annwali dwar l-implimentazzjoni tal-programm ta’ żvilupp rurali.

4.           Jekk wieħed mir-rekwiżiti stabbiliti fil-paragrafu 3 ma jitħarisx, il-Kummissjoni għandha tgħarraf minnufih lill-aġenzija tal-pagamenti akkreditata jew lill-korp ta’ koordinazzjoni, fejn ikun inħatar wieħed. Jekk wieħed mir-rekwiżiti stabbiliti fil-punt (a) jew (c) tal-paragrafu 3 ma jitħarisx, id-dikjarazzjoni ta’ nfiq għandha tkun inammissibbli.

5.           Il-Kummissjoni għandha tagħmel pagamenti interim fi żmien 45 jum mir-reġistrazzjoni ta’ dikjarazzjoni ta’ nfiq li għalihom ir-rekwiżiti stabbiliti fil-paragrafu 3 ta’ dan l-Artikolu jkunu tħarsu, mingħajr preġudizzju għall-Artikolu 39 u għall-atti ta’ implimentazzjoni msemmija fl-Artikoli 53 u 54.

6.           L-aġenziji tal-pagamenti akkreditati għandhom jagħmlu u jibagħtu lill-Kummissjoni, jew direttament jew permezz tal-korp ta’ koordinazzjoni bħala intermedjarju, fejn ikun inħatar wieħed, dikjarazzjonijiet interim ta’ nfiq relatati ma’ programmi ta’ żvilupp rurali, f’perjodi stabbiliti mill-Kummissjoni permezz ta’ atti ta’ implimentazzjoni adottati skont il-proċedura ta’ eżami msemmija fl-Artikolu 112(3).

Dikjarazzjonijiet ta’ nfiq għandhom ikopru l-infiq li l-aġenziji tal-pagamenti jkunu għamlu matul kull wieħed mill-perjodi konċernati. Madankollu, f’każijiet fejn l-infiq imsemmi fl-Artikolu 55(7) tar-Regolament (UE) Nru CR/xxx ma jkunx jista’ jiġi ddikjarat lill-Kummissjoni fil-perjodu konċernat minħabba approvazzjoni pendenti tal-modifika tal-programm mill-Kummissjoni, huwa jista’ jiġi ddikjarat f’perjodi sussegwenti.

Id-dikjarazzjonijiet interim ta’ nfiq fir-rigward ta’ nfiq magħmul mis-16 ta’ Ottubru ’l quddiem għandhom jiġu rriżervati għall-baġit tas-sena ta’ wara.

7.           Għandu japplika l-Artikolu 74 tar-Regolament (UE) Nru CR/xxx.

Artikolu 36 Pagament tal-bilanċ u għeluq tal-programm

1.           Wara li tirċievi l-aħħar rapport ta’ progress annwali dwar l-implimentazzjoni ta’ programm ta’ żvilupp rurali, il-Kummissjoni għandha tħallas il-bilanċ, suġġett għad-disponibbiltà ta’ riżorsi, abbażi tal-pjan finanzjarju fis-seħħ, tal-kontijiet annwali għall-aħħar sena ta’ eżekuzzjoni għall-programm ta’ żvilupp rurali rilevanti u tad-deċiżjoni ta’ approvazzjoni korrispondenti. Dawk il-kontijiet għandhom jiġu ppreżentati lill-Kummissjoni mhux aktar tard minn 6 xhur wara d-data finali ta’ eliġibbiltà ta’ nfiq kif imsemmi fl-Artikolu 55(2) tar-Regolament (UE) Nru xxx/xxx[CR] u għandhom ikopru l-infiq magħmul mill-aġenzija tal-pagamenti sal-aħħar data ta’ eliġibbiltà ta’ nfiq.

2.                Il-bilanċ għandu jitħallas mhux aktar tard minn sitt xhur wara li l-informazzjoni u d-dokumenti msemmija fil-paragrafu 1 ta’ dan l-Artikolu jitqiesu riċevibbli mill-Kummissjoni u l-aħħar kont annwali jkun ġie approvat. L-ammonti li jkunu għadhom impenjati wara li jkun tħallas il-bilanċ għandhom jiġu diżimpenjati mill-Kummissjoni fi żmien sitt xhur, mingħajr preġudizzju għall-Artikolu 37(5).

3.           Jekk sal-limitu ta’ żmien stabbilit fil-paragrafu 1 il-Kummissjoni ma jkunux intbagħtulha l-aħħar rapport ta’ progress annwali u d-dokumenti meħtieġa għall-approvazzjoni tal-kontijiet tal-aħħar sena ta’ eżekuzzjoni tal-programm il-bilanċ għandu jiġi diżimpenjat awtomatikament skont l-Artikolu 37.

Artikolu 37 Diżimpenn awtomatiku għall-progrannm ta' żvilupp rurali

1.           Il-Kummissjoni għandha tiddiżimpenja awtomatikament kwalunkwe porzjon ta’ impenn ta’ baġit għal programm ta’ żvilupp rurali li ma jkunx intuża għall-fini ta’ prefinanzjament jew biex isiru pagamenti interim jew li dwaru ma tkunx ġiet ippreżentata lilha dikjarazzjoni ta’ nfiq li jissodisfa r-rekwiżiti stabbiliti fl-Artikolu 35(3) b’rabta ma’ nfiq magħmul sal-31 ta’ Diċembru tat-tieni sena wara dik tal-impenn tal-baġit.

2.           Dik il-parti ta’ impenji ta’ baġit li tkun għadha miftuħa fl-aħħar data ta’ eliġibbiltà ta’ nfiq kif imsemmi fl-Artikolu 55(2) tar-Regolament (UE) Nru xxx/xxx[CR] li dwarha ma tkunx saret dikjarazzjoni ta’ nfiq fi żmien 6 xhur wara dik id-data għandha tiġi diżimpenjata awtomatikament.

3.           Fil-każ ta’ kwalunkwe proċediment legali jew appell amministrattiv li jkollu effett ta’ sospensjoni, il-perjodu għal diżimpenn awtomatiku msemmi fil-paragrafu 1 jew fil-paragrafu 2 għandu jiġi interrott, fir-rigward tal-ammont relatat mal-operazzjonijiet konċernati, għal kemm idum għaddej dak il-proċediment jew dak l-appell amministrattiv, bil-kundizzjoni li l-Kummissjoni tirċievi notifikazzjoni motivata mill-Istat Membru sal-31 ta’ Diċembru tas-sena N + 2.

4.            Dan li ġej m’għandhux jitqies fil-kalkulazzjoni tad-diżimpenn awtomatiku:

(a)     dik il-parti tal-impenji tal-baġit li dwarha tkun saret dikjarazzjoni ta’ nfiq iżda li r-rimborż tagħha jkun tnaqqas jew ġie sospiż mill-Kummissjoni fil-31 ta’ Diċembru tas-sena N + 2;

(b)     dik il-parti tal-impenji tal-baġit li aġenzija tal-pagamenti ma kinitx tista’ tiżborża għal raġunijiet ta’ force majeure li tkun laqtet serjament l-implimentazzjoni tal-programm ta’ żvilupp rurali. Awtoritajiet nazzjonali li jgħidu li jkun hemm force majeure għandhom juru l-konsegwenzi diretti fuq l-implimentazzjoni tal-programm kollu jew ta’ parti minnu.

L-Istat Membru għandu jibgħat lill-Kummissjoni l-informazzjoni dwar l-eċċezzjonijiet imsemmija fl-ewwel subparagrafu sal-31 ta' Jannar għall-ammont li għandu jiġi ddikjarat sal-aħħar tas-sena ta' qabel.

5.           Il-Kummissjoni għandha tgħarraf lill-Istati Membri f’waqtu jekk ikunx hemm riskju ta’ diżimpenn awtomatiku. Għandha tgħarrafhom bl-ammont involut kif indikat mill-informazzjoni fil-pussess tagħha. L-Istati Membri għandu jkollhom xahrejn żmien minn meta jirċievu din l-informazzjoni biex jaqblu mal-ammont inkwistjoni jew biex jippreżentaw osservazzjonijiet. Il-Kummissjoni għandha tesegwixxi d-diżimpenn awtomatiku mhux aktar tard minn disa’ xhur wara l-aħħar limitu ta’ żmien li jirriżulta mill-applikazzjoni tal-paragrafi 1 sa 3.

6.           Fil-każ ta’ diżimpenn awtomatiku, il-kontribuzzjoni mill-FAEŻR għall-programm ta’ żvilupp rurali konċernat għandha titnaqqas, għas-sena inkwistjoni, bl-ammont awtomatiku diżimpenjat. L-Istat Membru għandu jipproduċi pjan ta’ finanzjament rivedut li jaqsam ir-riduzzjoni tal-għajnuna bejn il-miżuri għall-approvazzjoni mill-Kummissjoni. Jekk ma jagħmilx hekk, il-Kummissjoni għandha tnaqqas l-ammonti allokati għal kull miżura pro rata.

Taqsima 4 Finanzjament tal-Premju għal kooperazzjoni innovattiva u lokali

Artikolu 38 Impenji tal-baġit

Id-Deċiżjoni tal-Kummissjoni li tadotta l-lista tal-proġetti li għalihom jingħata l-Premju għall-kooperazzjoni innovattiva u lokali msemmija fl-Artikolu 58(4) tar-Regolament (UE) Nru RD/xxx għandha tikkostitwixxi deċiżjoni ta’ finanzjament skont it-tifsira tal-Artikolu [75(2)] tar-Regolament (UE) Nru FR/xxx.

Wara l-adozzjoni tad-Deċiżjoni msemmija fl-ewwel paragrafu l-Kummissjoni għandha tesegwixxi l-impenji tal-baġit skont l-Istat Membru għall-ammont totali tal-premjijiet mogħtija lil proġetti f’dak l-Istat Membru fil-limitu msemmi fl-Artikolu 51(2) tar-Regolament (UE) Nru RD/xxx.

Artikolu 39 Pagamenti lill-Istati Membri

1.           Fil-qafas tal-pagamenti interim imsemmija fl-Artikolu 35, il-Kummissjoni għandha tagħmel pagamenti biex tirrimborża l-infiq magħmul minn aġenziji tal-pagamenti akkreditati biex jagħtu l-Premjijiet imsemmija f’din it-Taqsima fil-limiti tal-impenji baġitarji disponibbli għall-Istati Membri kkonċernati.

2.           Kull pagament għandu jkun suġġett għat-trażmissjoni lill-Kummissjoni ta’ dikjarazzjoni ta’ nfiq iffirmata mill-aġenzija tal-pagamenti akkreditata, skont l-Artikolu 102(1)(c).

3.           L-aġenziji tal-pagamenti akkreditati għandhom jistabbilixxu u jibagħtu lill-Kummissjoni, jew direttament jew permezz tal-korp ta’ koordinazzjoni bħala intermedjarju, fejn ikun inħatar wieħed, dikjarazzjonijiet ta’ nfiq relatat mal-Premju għal kooperazzjoni innovattiva u lokali, fil-perjodi stabbiliti mill-Kummissjoni permezz ta’ atti ta’ implimentazzjoni adottati skont il-proċedura ta’ eżami msemmija fl-Artikolu 112(3).

Id-dikjarazzjonijiet ta’ nfiq għandhom ikopru nfiq li l-aġenziji tal-pagamenti jkunu għamlu matul kull wieħed mill-perjodi konċernati.

Artikolu 40 Diżimpenn awtomatiku għall-Premju għall-koperazzjoni innovattiva u lokali

Il-Kummissjoni għandha tiddiżimpenja awtomatikament l-ammonti msemmija fit-tieni subparagrafu tal-Artikolu 38, li ma jkunux intużaw biex jiġu rrimborżati l-Istati Membri kif stabbilit fl-Artikolu 39 jew li dwarhom ma tkunx ġiet ippreżentata lilha dikjarazzjoni ta’ nfiq li jissodisfa l-kundizzjonijiet stabbiliti f’dak l-Artikolu b’rabta ma’ nfiq magħmul sal-31 ta’ Diċembru tat-tieni sena wara dik tal-impenn tal-baġit.

L-Artikoli 37(3), (4) u (5) għandhom japplikaw mutatis mutandis.

Kapitolu III Dispożizzjonijiet komuni

Artikolu 41 Sena finanzjarja agrikola

Mingħajr preġudizzju għad-dispożizzjonijiet speċjali tad-dikjarazzjonijiet dwar in-nefqa u d-dħul relatati mal-intervent pubbliku stipulati mill-Kummissjoni skont l-Artikolu 48(7)(a), is-sena finanzjarja agrikola għanda tkopri nfiq imħallas u dħul riċevut u mdaħħal fil-kontijiet tal-baġit tal-FAEG u l-FAEŻR mill-aġenziji ta' pagament fir-rigward tas-sena finanzjarja «N» li tibda fis-16 ta' Ottubru tas-sena «N-1» u li tintemm fil-15 ta' Ottubru tas-sena «N».

Artikolu 42 Konformità ma’ dati ta’ skadenza għal pagamenti

1.           Fejn jiġu stabbiliti dati ta’ skadenza għal pagamenti bil-leġiżlazzjoni tal-Unjoni, kwalunkwe pagament, magħmul mill-aġenziji tal-pagamenti lill-benefiċjarji qabel l-aktar data bikrija ta’ pagament possibbli u wara l-aktar data tard ta’ pagament possibbli, għandu jagħmel il-pagamenti ineliġibbli għal finanzjament mill-Unjoni, ħlief fil-każijiet, fil-kundizzjonijiet u fil-limiti li għandhom jiġu ddeterminati b’qies għall-prinċipju tal-proporzjonalità.

Biex tagħmel l-impatt finanzjarju proporzjonat għad-dewmien osservat għall-pagament, il-Kummissjoni għandu jkollha s-setgħa li tadotta atti delegati skont l-Artikolu 111 għal regoli dwar ir-riduzzjoni ta’ pagamenti b’rabta man-nuqqas ta’ tħaris tal-perjodu tal-pagamenti.

2.           Fejn l-aktar data tard ta’ pagament possibbli ma titħarisx mill-Istati Membri, huma għandhom iħallsu lill-benefiċjarji mgħaxijiet ta’ inadempjenza, sostnuti mill-baġit nazzjonali.

Artikolu 43 Riduzzjoni u sospensjoni ta’ pagamenti kull xahar u interim

1.           Fejn id-dikjarazzjonijiet ta’ nfiq jew l-informazzjoni msemmija fl-Artikolu 102 jgħinu lill-Kummissjoni biex tistabbilixxi li jkun sar infiq minn korpi li ma jkunux aġenziji tal-pagamenti akkreditati, li perjodi ta’ pagamenti jew limiti massimi finanzjarji stabbiliti bil-leġiżlazzjoni tal-Unjoni ma jkunux tħarsu jew li l-infiq xort’oħra ma jkunx sar skont regoli tal-Unjoni, il-Kummissjoni tista’ tnaqqas jew tissospendi l-pagamenti kull xahar jew interim lill-Istat Membru konċernat skont id-deċiżjoni dwar pagamenti kull xahar imsemmija fl-Artikolu 18(3) jew skont il-qafas tal-pagamenti interim msemmija fl-Artikolu 35, wara li tagħti lill-Istat Membru opportunità biex jibgħat il-kummenti tiegħu.

Fejn id-dikjarazzjonijiet ta’ nfiq jew l-informazzjoni msemmija fl-Artikolu 102 ma jgħinux lill-Kummissjoni biex tistabbilixxi li l-infiq ikun sar skont regoli tal-Unjoni, il-Kummissjoni għandha titlob lill-Istat Membru konċernat jipprovdi informazzjoni ulterjuri u jibgħat il-kummenti tiegħu f’perjodu li ma jistax ikun anqas minn 30 jum. Jekk l-Istat Membru jonqos milli jwieġeb għat-talba tal-Kummissjoni fil-perjodu determinat jew jekk it-tweġiba titqies bħala mhux sodisfaċenti jew turi li l-infiq ma jkunx sar skont regoli tal-Unjoni, il-Kummissjoni tista’ tnaqqas jew tissospendi l-pagamenti kull xahar jew interim lill-Istat Membru konċernat skont id-deċiżjoni dwar pagamenti kull xahar msemmija fl-Artikolu 18(3) jew fil-qafas tal-pagamenti interim msemmija fl-Artikolu 35.

2.           Il-Kummissjoni tista’, permezz ta’ atti ta’ implimentazzjoni, tnaqqas jew tissospendi l-pagamenti kull xahar jew interim lil Stat Membru jekk iseħħu dawn il-kundizzjonijiet kollha:

(a)     wieħed jew aktar mill-komponenti ewlenin tas-sistema nazzjonali ta’ kontroll inkwistjoni ma jkunux jeżistu jew ma jkunux effikaċi minħabba l-gravità jew il-persistenza tad-defiċjenzi misjuba, jew li ma jkunux qed jiġu rkuprati pagamenti rregolari bid-diliġenza meħtieġa;

(b)     id-defiċjenzi msemmija fil-punt (a) ikunu ta’ natura kontinwa u kienu r-raġuni għal mill-anqas żewġ atti ta’ implimentazzjoni skont l-Artikolu 54, biex jiġi eskluż minn finanzjament mill-Unjoni l-infiq mill-Istat Membru konċernat; u

(c)     il-Kummissjoni tikkonkludi li l-Istat Membru konċernat ma jkunx f’qagħda li jimplimenta l-miżuri meħtieġa biex jirrimedja s-sitwazzjoni fil-futur immedjat.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura konsultattiva msemmija fl-Artikolu 112(2).

Ir-riduzzjoni jew is-sospensjoni għandhom jiġu applikati għall-infiq rilevanti magħmul mill-aġenzija tal-pagamenti fejn id-defiċjenzi jkunu jeżistu għal perjodu li għandu jkun iddeterminat fl-atti ta’ implimentazzjoni msemmija fl-ewwel subparagrafu, li m’għandux ikun ta’ aktar minn tnax-il xahar iżda li jista’ jittawwal għal perjodi ulterjuri ta’ mhux aktar minn tnax-il xahar jekk il-kundizzjonijiet għar-riduzzjoni jew għas-sospensjoni jibqgħu jiġu ssodisfati. M’għandux jitkompla jekk dawk il-kundizzjonijiet ma jibqgħux jiġu ssodisfati.

Qabel ma tadotta l-atti ta’ implimentazzjoni msemmija fl-ewwel subparagrafu, il-Kummissjoni għandha tgħarraf lill-Istat Membru konċernat dwar l-intenzjoni tagħha u għandha titolbu jirreaġixxi f’perjodu li ma jistax ikun anqas minn 30 jum.

Id-deċiżjonijiet dwar il-pagamenti kull xahar imsemmija fl-Artikolu 18(3) jew dwar il-pagamenti interim msemmija fl-Artikolu 35 għandhom iqisu l-atti ta’ implimentazzjoni adottati skont dan il-paragrafu.

3.           Ir-riduzzjonijiet u s-sospensjonijiet skont dan l-Artikolu għandhom jiġu applikati skont il-prinċipju tal-proporzjonalità u jkunu mingħajr preġudizzju għall-atti ta’ implimentazzjoni msemmija fl-Artikoli 53 u 54.

4.           Tnaqqis u sospensjonijiet fl-ambitu ta' dan l-Artikolu għandhom ikun mingħajr preġudizzju għall-Artikoli 17, 20 u 21 tar-Regolament (UE) Nru CR/xxx.

Is-sospensjonijiet imsemmijin fl-Artikoli 17 u 20 tar-Regolament (UE) Nru CR/xxx għandhom jiġu applikati wara l-proċedura stipulata fil-paragrafu 2 ta' dan l-Artikolu.

Artikolu 44 Sospensjoni ta’ pagamenti f’każ ta’ sottomissjoni tardiva

Meta l-leġiżlazzjoni agrikola settorjali jkun jeħtiġilha li l-Istati Membri jissottomettu, f’perjodu speċifiku ta’ żmien, informazzjoni dwar l-għadd ta’ kontrolli esegwiti u r-riżultati tagħhom u l-Istati Membri jaqbżu dak il-perjodu, il-Kummissjoni tista’ tissospendi l-pagamenti kull xahar imsemmija fl-Artikolu 18 jew il-pagamenti interim msemmija fl-Artikolu 35 li dwarhom l-informazzjoni ta’ statistka ma tkunx intbagħtet f’waqtha.

Artikolu 45 Assenjazzjoni ta’ dħul

1.           Dan li ġej għandu jitqies bħala dħul assenjat skont it-tifsira tal-Artikolu 18 tar-Regolament (UE) Nru FR/xxx:

(a)     somom li, skont l-Artikoli 42, Artikolu 53 fir-rigward ta’ nfiq skont il-FAEG, 54 u 56 għandhom jitħallsu lill-Baġit tal-Unjoni, inkluż l-mgħaxijiet fuqhom;

(b)     somom li jinġabru jew jiġu rkuprati skont il-Kapitolu III tat-Titolu I tal-Parti II tar-Regolament (UE) Nru sCMO align/xxx of tal-Parlament Ewropew u tal-Kunsill[38];

(c)     somom li jkunu nġabru bħala konsegwenza ta’ penali skont ir-regoli speċifiċi stabbiliti fil-leġiżlazzjoni agrikola settorjali, ħlief jekk dik il-leġiżlazzjoni espliċitament tipprovdi li dawk l-ammonti jistgħu jinżammu mill-Istati Membri;

(d)     ammonti li jikkorrispondu ma’ penali applikati skont ir-regoli dwar il-kundizzjonalità stabbiliti fil-Kapitolu II tat-Titolu VI, fir-rigward in-nefqa taħt il-FAEG;

(e)     kull garanzija, depożitu jew garanzija pprovduti skont il-leġiżlazzjoni tal-Unjoni adottati fil-qafas tal-Politika Agrikola Komuni, eskluż l-iżvilupp rurali, li l-jedd għalihom ikun intilef. Madankollu, garanziji li l-jedd għalihom ikun intilef, depożitati meta jkunu nħarġu liċenzji ta’ esportazzjoni jew importazzjoni jew skont proċedura ta’ offerti għall-fini biss li tkun żgurata s-sottomissjoni minn offerenti ta’ offerti ġenwini, għandhom jinżammu mill-Istati Membri.

2.            Is-somom imsemmija fil-paragrafu 1 għandhom jitħallsu lill-baġit tal-Unjoni u, fil-każ ta’ użu mill-ġdid, għandhom jintużaw esklussivament biex jiffinanzjaw infiq mill-FAEG jew mill-FAEŻR.

3.           Dan ir-Regolament għandu japplikaw mutatis mutandis għal dħul assenjat imsemmi fil-paragrafu 1.

4.           Fir-rigward tal-FAEG, l-Artikoli 150 u 151 tar-Regolament (UE) Nru FR/xxx għandhom japplikaw mutatis mutandis għaż-żamma tal-kontijiet għal dħul assenjat imsemmi f’dan ir-Regolament.

Artikolu 46 Żamma ta’ kontijiet separati

Kull aġenzija tal-pagamenti għandha żżomm sett ta’ kontijiet separati għall-approprjazzjonijiet imdaħħlin fil-baġit tal-Unjoni għall-FAEG u l-FAEŻR.

Artikolu 47 Finanzjament ta' miżuri ta' informazzjoni

1.           Il-provvediment ta’ informazzjoni ffinanzjat skont il-punt (e) tal-Artikolu 6 għandu jkollu l-għan, b’mod partikolari, li jgħin fit-tifsir, l-implimentazzjoni u l-iżvilupp tal-politika agrikola komuni u li jżid l-għarfien tal-pubbliku dwar il-kontenut u l-objettivi ta’ dik il-politika, jerġa' jrawwem il-fiduċja tal-konsumaturi wara l-kriżijiet permezz ta' kampanji ta' informazzjoni, jinforma lil bdiewa u lil partijiet oħra attivi f’żoni rurali u jippromwovi l-mudell Ewropew ta’ agrikoltura u jgħin lin-nies jifhmuh.

Għandu jipprovdi informazzjoni koerenti, oġġettiva u komprensiva, kemm barra mill-Unjoni kif ukoll fiha, biex jagħti stampa globali ta’ dik il-politika.

2.           Il-miżuri msemmija fil-paragrafu 1 jistgħu jkunu:

(a)     programmi ta’ xogħol annwali jew miżuri oħra speċifiċi ppreżentati minn partijiet terzi;

(b)     attivitajiet implimentati b’inizjattiva tal-Kummissjoni.

Il-miżuri li jkunu meħtieġa skont il-liġi jew il-miżuri li jkunu diġà qed jirċievu finanzjament skont azzjoni oħra tal-Unjoni għandhom ikunu esklużi.

Biex timplimenta attivitajiet kif msemmi fil-punt (b), il-Kummissjoni tista’ tkun assistita minn esperti barranin.

Il-miżuri msemmija fl-ewwel subparagrafu għandhom ukoll jikkontribwixxu biex tiġi koperta l-komunikazzjoni koroporattiva tal-prijoritajiet politiċi tal-Unjoni sakemm dawn ikun relatati mal-għanijiet ġenerali tar-Regolament.

3.           Il-Kummissjoni għandha tippubblika, sal-31 ta’ Ottubru ta’ kull sena, sejħa għal proposta fir-rigward tal-kundizzjonijiet stabbiliti fir-Regolament (UE) Nru FR/xxx.

4.           Il-Kumitat msemmi fl-Artikolu 112(1) għandu jiġi nnotifikat bil-miżuri prospettati u meħuda skont dan l-Artikolu.

5.           Il-Kummissjoni għandha tippreżenta rapport dwar l-implimentazzjoni ta’ dan l-Artikolu lill-Parlament Ewropew u lill-Kunsill kull sentejn.

Artikolu 48 Setgħat tal-Kummissjoni

1.           Sabiex jitqies id-dħul miġbur mill-aġenziji ta' pagament għall-baġit tal-Unjoni meta jwettqu pagamenti abbażi tad-dikjarazzjonijiet tan-nefqa ippreżentati mill-Istati Membri, il-Kummissjoni għandha tingħata s-setgħa li tadotta att delegat skont l-Artikolu 111 li jikkonċerna l-kundizzjonijiet li skont dawn għandhom jiġu kkumpensati ċerti tipi ta' nfiq u dħul fl-ambitu tal-FAEG u l-FAEŻR.

2.           Sabiex jitqies l-immaniġġjar xieraq tal-approprjazzjonijiet imdaħħla fil-baġit tal-Unjoni għall-FAEG u l-FAEŻR, il-Kummissjoni għandha tingħata s-setgħa li tadotta atti delegati skont l-Artikolu 111 li jinkludi regoli li jikkonċernaw il-valwazzjoni tal-operazzjonijiet marbuta mal-intervent pubbliku u d-determinazzjoni tal-ammonti li għandhom jiġu ffinanzjati.

3.           Sabiex tkun tista' ssir id-distribuzzjoni ġusta tal-approprjazzjonijiet disponibbli bejn l-Istati Membri, jekk il-baġit tal-Unjoni ma jkunx ġie adottat sal-bidu tas-sena finanzjarja jew jekk l-ammont totali tal-impenji skedati jaqbeż il-limitu stipulat fl-Artikolu [150(3)] tar-Regolament (UE) Nru FR/xxx, il-Kummissjoni għandha tingħata s-setgħa li tadotta att delegat skont l-Artikolu 111 ta' dan ir-Regolament dwar id-dispożizzjonijiet għall-metodu applikabbli għall-impenji u l-pagament tal-ammonti.

4.           Sabiex tiġi vverifikata l-konsistenza tad-dejta nnotifikata mill-Istati Membri fir-rigward tan-nefqa jew ta' informazzjoni oħra prevista f'dan ir-Regolament, u sabiex tiġi żgurata l-konformità mal-obbligu ta' notifika skont l-Artikolu 102, il-Kummissjoni għanda tingħata s-setgħa li tadotta atti delegati skont l-Artikolu 111 dwar il-kundizzjonijiet li jirregolaw it-tnaqqis u s-sospensjoni ta' pagament lill-Istati Membri, fir-rigward tan-nefqa fl-ambitu tal-FAEG u l-FAEŻR rispettivament.

5.           Sabiex jiġi żgurat ir-rispett tal-prinċipju ta' proporzjonalità meta jiġi applikat l-Artikolu 44, il-Kummissjoni għandha tingħata s-setgħa li tadotta atti delegati skont l-Artikolu 111 relatati mar-regoli dwar:

(a)     il-lista ta' miżuri koperti mill-Artikolu 44;

(b)     ir-rata u l-perjodu ta' sospensjoni ta' pagamenti msemmija f'dak l-Artikolu

(c)     il-kundizzjonijiet biex titneħħa s-sospensjoni.

6.           Il-Kummissjoni, permezz ta' atti ta' implimentazzjoni, tista' tistipula dettalji ulterjuri dwar l-obbligu stipulat fl-Artikolu 46 kif ukoll il-kundizzjonijiet speċifiċi applikabbli għall-informazzjoni li għandha tiddaħħal fil-kontijiet miżmuma mill-aġenziji ta' pagament. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 112(3).

7.           Il-Kummissjoni, permezz ta' atti ta' implimentazzjoni, tista' tadotta regoli li jikkonċernaw:

(a)     regoli dwar il-finanzjament u l-kontabbiltà ta' miżuri ta' intervent fl-għamla ta' ħżin pubbliku, jew infiq ieħor iffinanzjat mill-FAEG u l-FAEŻR;

(b)     it-termini u l-kundizzjonijiet li jirregolaw l-implimentazzjoni ta' proċedura awtomatika ta' diżimpenn;

(c)     regoli dwar il-pagament mill-Istati Membri ta' imgħaxijiet għal nuqqas ta' ħlas lill-benefiċjarji kif stipulat fl-Artikolu 42(2).

L-atti ta' implimentazzjoni previsti fl-ewwel subparagrafu għandhom jiġu adottati skont il-proċedura ta' eżami msemmija fl-Artikolu 112(3).

Kapitolu IV Approvazzjoni ta’ kontijiet

Taqsima I Dispożizzjonijiet ġenerali

Artikolu 49 Verifiki fuq il-post mill-Kummissjoni

1.               Mingħajr preġudizzju għall-kontrolli magħmula mill-Istati Membri skont liġijiet nazzjonali, regolamenti u dispożizzjonijiet amministrattivi jew l-Artikolu 287 tat-Trattat, jew kwalunkwe kontroll organizzat skont l-Artikolu 322 tat-Trattat jew ibbażat fuq ir-Regolament tal-Kunsill (KE) Nru 2185/96[39],, il-Kummissjoni tista’ torganizza verifiki fuq il-post fl-Istati Membri biex tivverifika b’mod partikolari:

(a)     il-konformità ta’ prattiki amministrattivi ma’ regoli tal-Unjoni;

(b)     l-eżistenza tad-dokumenti ta’ prova meħtieġa u l-korrelazzjoni tagħhom mal-operazzjonijiet iffinanzjati mill-FAEG jew mill-FAEŻR;

(c)     it-termini li abbażi tagħhom l-operazzjonijiet iffinanzjati mill-FAEG jew mill-FAEŻR kienu ttieħdu u kienu kkontrollati.

Persuni ddelegati mill-Kummissjoni biex jagħmlu verifiki fuq il-post jew aġenti tal-Kummissjoni li jaġixxu fl-ambitu tas-setgħat konferiti lilhom għandu jkollhom aċċess għall-kotba u dokumenti oħra kollha, inklużi dokumenti u metadejta magħmula jew riċevuta fuq midjum elettroniku, relatati ma’ nfiq iffinanzjat mill-FAEG jew mill-FAEŻR.

Is-setgħat li jsiru verifiki fuq il-post m’għandhomx jaffettwaw l-applikazzjoni ta’ dispożizzjonijiet nazzjonali li jirriżervaw ċerti atti għal aġenti maħtura speċifikatament mil-leġiżlazzjoni nazzjonali. Mingħajr preġudizzju għad-dispożizzjonijiet speċifiċi tar-Regolamenti (KE) Nru 1073/1999[40] u (KE) Nru 2185/96,, persuni ddelegati mill-Kummissjoni m’għandhomx jieħdu sehem, inter alia, fi żjajjar fi djar jew jagħmlu mistoqsijiet b’mod formali lil persuni abbażi tal-leġiżlazzjoni tal-Istat Membru konċernat. Madankollu, huma għandu jkollhom aċċess għall-informazzjoni miksuba b’dak il-mod.

2.           Il-Kummissjoni għandha tagħti avviż minn qabel biżżejjed ta’ verifika fuq il-post lill-Istat Membru konċernat jew lill-Istat Membru li fit-territorju tiegħu l-kontroll ikun ser isir. Agenti mill-Istat Membru konċernat jistgħu jieħdu sehem f’dawn il-kontrolli.

B’talba tal-Kummissjoni u bil-qbil tal-Istat Membru, għandhom isiru kontrolli jew inkjesti fl-operazzjonijiet koperti minn dan ir-Regolament mill-korpi kompetenti ta’ dak l-Istat Membru. Aġenti tal-Kummissjoni jew persuni ddelegati mill-Kummissjoni jistgħu jieħdu sehem f’dawn il-kontrolli.

Biex ittejjeb il-kontrolli, il-Kummissjoni tista’, bil-qbil tal-Istati Membri konċernati, titlob l-assistenza tal-awtoritajiet ta’ dawk l-Istati Membri għal ċerti kontrolli jew inkjesti.

Artikolu 50 Aċċess għal informazzjoni

1.           L-Istati Membri għandhom jagħmlu disponibbli lill-Kummissjoni l-informazzjoni kollha meħtieġa għall-operazzjoni mingħajr diffikultajiet tal-FAEG u tal-FAEŻR u għandhom jieħdu l-miżuri kollha xierqa biex jiffaċilitaw il-kontrolli li l-Kummissjoni tqies adatti b’rabta mal-immaniġġjar ta’ finanzjament mill-Unjoni, inklużi verifiki fuq il-post.

2.           L-Istati Membri għandhom jikkomunikaw lill-Kummissjoni, meta titlobhom, il-liġijiet, ir-regolamenti u d-dispożizzjonijiet amministrattivi li huma jkunu adottaw għall-implimentazzjoni tal-atti tal-Unjoni relatati mal-politika agrikola komuni, fejn dawk l-atti jkollhom impatt finanzjarju fuq il-FAEG jew il-FAEŻR.

3.           L-Istati Membri għandhom jagħmlu disponibbli lill-Kummissjoni l-informazzjoni kollha dwar irregolaritajieti u każijiet issuspettati ta' frodi mikxufa, u dwar il-passi meħuda biex jiġu rkuprati pagamenti mhux dovuti b’rabta ma’ dawk l-irregolaritajiet u frodi skont it-Taqsima III ta’ dan il-Kapitolu.

Artikolu 51 Aċċess għal dokumenti

L-aġenziji tal-pagamenti akkreditati għandhom iżommu dokumenti ta’ prova relatati ma’ pagamenti magħmula u dokumenti relatati mat-twettiq tal-verifiki amministrattivi u fiżiċi meħtieġa mil-leġiżlazzjoni tal-Unjoni, u għandhom jagħmlu d-dokumenti u l-informazzjoni disponibbli għall-Kummissjoni.

Fejn dawk id-dokumenti jinżammu minn awtorità li taġixxi b’delega minn aġenzija tal-pagamenti u tkun responsabbli għal awtorizzazzjoni ta’ nfiq, dik l-awtorità għandha tibgħat rapporti lill-aġenzija tal-pagamenti akkreditata dwar l-għadd ta’ kontrolli maghħmula, il-kontenut tagħhom u l-miżuri meħudin fid-dawl tar-riżultati tagħhom.

Artikolu 52 Setgħat ta’ implimentazzjoni

Il-Kummissjoni tista’, permezz ta’ atti ta’ implimentazzjoni, tistabbilixxi regoli fir-rigward ta’:

(a)          l-obbligi speċifiċi li l-Istati Membri għandhom iħarsu b’rabta mal-kontrolli msemmija f’dan il-Kapitolu;

(b)          l-obbligi ta’ kooperazzjoni li għandhom jitħarsu mill-Istati Membri għall-implimentazzjoni tal-Artikoli 49 u 50;

(c)          il-modalitajiet għall-obbligu ta' rappurtar imsemmija fl-Artikolu 50(3).

L-atti ta’ implimentazzjoni pprovduti fl-ewwel paragrafu għandhom jiġu adottati skont il-proċedura ta’ eżami msemmija fl-Artikolu 112(3).

Taqsima II Approvazzjoni

Artikolu 53 Approvazzjoni ta’ kontijiet

1.           Qabel it-30 ta’ April tas-sena wara s-sena tal-baġit inkwistjoni u abbażi tal-informazzjoni trażmessa skont l-Artikolu 102(1)(c), il-Kummissjoni għandha, permezz ta’ atti ta’ implimentazzjoni, tiddeċiedi dwar l-approvazzjoni tal-kontijiet tal-aġenziji tal-pagamenti akkreditati. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 112(2).

2.           Id-deċiżjoni ta’ approvazzjoni msemmija fil-paragrafu 1 għandha tkopri l-kompletezza, l-eżattezza u l-veraċità tal-kontijiet annwali sottomessi. Id-deċiżjoni għandha tiġi adottata mingħajr preġudizzju għal deċiżjonijiet adottati wara skont l-Artikolu 54.

Artikolu 54 Approvazzjoni ta’ konformità

1.           Il-Kummissjoni għandha, permezz ta’ atti ta’ implimentazzjoni, tiddeċiedi dwar l-ammonti li għandhom jiġu esklużi mill-finanzjament mill-Unjoni meta ssib li l-infiq kif indikat fl-Artikolu 4(1) u fl-Artikolu 5 ma jkunx sar b’konformità mal-leġiżlazzjoni tal-Unjoni u, għall-FAEŻR, mal-liġi applikabbli nazzjonali u tal-Unjoni msemmija fl-Artikolu 77 tar-Regolament (UE) Nru CR/xxx. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 112(2).

2.           Il-Kummissjoni għandha tevalwa l-ammonti li għandhom jiġu esklużi abbażi tal-gravità tan-nuqqas ta’ konformità reġistrat. Hija għandha tqis kif xieraq in-natura u l-gravità tal-ksur u tal-ħsara finanzjarja kkawżata lill-Unjoni.

3.           Qabel l-adozzjoni ta’ kwalunkwe deċiżjoni għal rifjut ta’ finanzjament, is-sejbiet mill-ispezzjoni tal-Kummissjoni u t-tweġibiet tal-Istat Membru għandhom jiġu nnotifikati bil-miktub, u wara dan iż-żewġ partijiet għandhom jippruvaw jilħqu ftehim dwar l-azzjoni li jkollha tittieħed.

Jekk ma jintlaħaqx ftehim, l-Istat Membru jista’ jitlob li tinfetaħ proċedura bil-għan li l-pożizzjoni ta’ kull parti tiġi rrikonċiljata fi żmien erba’ xhur. Rapport dwar ir-riżultat tal-proċedura għandu jingħata lill-Kummissjoni, li għandha teżaminah qabel ma tiddeċiedi kwalunkwe rifjut għal finanzjament.

4.           Finanzjament jista’ ma jkunx irrifjutat għal:

(a)     infiq kif indikat fl-Artikolu 4(1) li jsir aktar minn 24 xahar qabel ma l-Kummissjoni tinnotifika lill-Istat Membru bil-miktub bis-sejbiet tal-ispezzjoni tagħha;

(b)     infiq għal miżuri multiannwali li jaqgħu fl-ambitu tal-Artikolu 4(1) jew fl-ambitu tal-programmi kif indikat fl-Artikolu 5, fejn l-obbligu finali tar-riċevitur iseħħ aktar minn 24 xahar qabel ma l-Kummissjoni tinnotifika lill-Istat Membru bil-miktub bis-sejbiet tal-ispezzjoni tagħha;

(c)     infiq għal miżuri fi programmi, kif indikat fl-Artikolu 5, minbarra dawk imsemmija fil-punt (b) ta’ dan il-paragrafu, li għalihom il-pagament jew, skont il-każ, il-pagament finali, mill-aġenzija tal-pagamenti, jsir aktar minn 24 xahar qabel ma l-Kummissjoni tinnotifika lill-Istat Membru bil-miktub bis-sejbiet tal-ispezzjoni tagħha.

5.           Il-paragrafu 4 m’għandux japplika fil-każ ta’:

(a)     irregolaritajiet koperti mit-Taqsima III ta’ dan il-Kapitolu;

(b)     għajnuniet nazzjonali jew ksur li dwarhom tkun inbdiet il-proċedura stabbilita fl-Artikolu 108 jew fl-Artikolu 258 tat-Trattat rispettivament;

(c)     ksur mill-Istati Membri tal-obbligi tagħhom skont il-Kapitolu III tat-Titolu V ta’ dan ir-Regolament, bil-kundizzjoni li l-Kummissjoni tinnotifika lill-Istat Membru bil-miktub bis-sebiet tal-ispezzjoni tagħha fi żmien 12-il xahar wara li tirċievi r-rapport tal-Istat Membru dwar ir-riżultati tal-kontrolli tiegħu tal-infiq konċernat.

Artikolu 55 Setgħat ta’ implimentazzjoni

L-Kummissjoni għandha, permezz ta’ atti ta’ implimentazzjoni, tistabbilixxi regoli għall-implimentazzjoni ta’:

(a)          l-approvazzjoni tal-kontijiet imsemmija fl-Artikolu 53 fir-rigward tal-miżuri li jkollhom jittieħdu b’rabta mal-adozzjoni tad-deċiżjoni u l-implimentazzjoni tagħha, inklużi l-iskambju ta’ informazzjoni bejn il-Kummissjoni u l-Istati Membri u d-dati ta’ skadenza li jkollhom jitħarsu;

(b)          l-approvazzjoni tal-konformità msemmija fl-Artikolu 54 fir-rigward tal-miżuri li jkollhom jittieħdu b’rabta mal-adozzjoni tad-deċiżjoni u l-implimentazzjoni tagħha, inklużi l-iskambju ta’ informazzjoni bejn il-Kummissjoni u l-Istati Membri u d-dati ta’ skadenza li jkollhom jitħarsu, kif ukoll il-proċedura ta’ konċiljazzjoni msemmija f’dak l-Artikolu, inklużi t-twaqqif, il-kompiti, il-kompożizzjoni u l-arranġamenti tax-xogħol tal-korp ta’ konċiljazzjoni.

L-atti ta’ implimentazzjoni pprovduti fl-ewwel paragrafu għandhom jiġu adottati skont il-proċedura ta’ eżami msemmija fl-Artikolu 112(3).

Taqsima III Irregolaritajiet

Artikolu 56 Dispożizzjonijiet komuni

1.           Għal kwalunkwe pagament mhux dovut wara li sseħħ xi irregolarità jew negliġenza, l-Istati Membri għandhom jitolbu rkupru mingħand il-benefiċjarju fi żmien sena mill-ewwel indikazzjoni li tkun seħħet dik l-irregolarità u għandhom jirreġistraw l-ammonti korrispondenti fil-ktieb tad-debituri tal-aġenzija tal-pagamenti.

2.           Jekk ma jsirx irkupru fi żmien erba’ snin mid-data tat-talba għal irkupru, jew fi żmien tmien snin fejn l-irkupru jinkiseb permezz tal-qrati nazzjonali, il-konsegwenzi finanzjarji ta’ nuqqas ta’ rkupru għandu jkun responsabbli għalihom l-Istat Membru konċernat, mingħajr preġudizzju għar-rekwiżit li l-Istat Membru konċernat għandu jsegwi proċeduri ta’ rkupru b’konformità mal-Artikolu 60.

Fejn, fil-kuntest tal-proċedura ta’ rkupru, in-nuqqas ta’ kwalunkwe irregolarità jiġi rreġistrat permezz ta’ strument amministrattiv jew legali ta’ natura definittiva, l-Istat Membru konċernat għandu jiddikjara bħala nfiq dovut lill-FAEG u lill-FAEŻR il-piż finanzjarju li huwa jkollu jagħmel tajjeb għalih skont l-ewwel subparagrafu.

3.           Għal raġunijiet ġustifikati kif xieraq, l-Istati Membri jistgħu jiddeċiedu li ma jsegwux irkupru. Id-deċiżjoni biex isir hekk tista’ tittieħed biss fil-każijiet li ġejjin:

(a)     jekk l-ispejjeż diġà magħmula jew li x’aktarx ikunu magħmula jkunu jlaħħqu aktar mill-ammont li jkollu jiġi rkuprat, jew

(b)     jekk l-irkupru jirriżulta li jkun impossibbli minħabba l-insolvenza, reġistrata u rikonoxxuta skont id-dritt nazzjonali, tad-debitur jew tal-persuni responsabbli legalment għall-irregolarità.

Fejn id-deċiżjoni msemmija fl-ewwel subparagrafu ta’ dan il-paragrafu tittieħed qabel ma l-ammont dovut ikun ġie suġġett għar-regoli msemmija fil-paragrafu 2, il-konsegwenza finanzjarja ta’ nuqqas ta’ rkupru jagħmel tajjeb għaliha l-baġit tal-Unjoni.

4.           L-Istati Membri għandhom idaħħlu fil-kontijiet annwali li għandhom jintbagħtu lill-Kummissjoni skont l-Artikolu 102(1)(c)(iv) l-ammonti li jkollhom jagħmlu tajjeb għalihom huma skont il-paragrafu 2 ta’ dan l-Artikolu. Il-Kummissjoni għandha tara li dan ikun sar u tagħmel kwalunkwe aġġustament meħtieġ bħala parti mill-att ta’ implimentazzjoni speċifikat fl-Artikolu 53(1).

5.           Il-Kummissjoni tista’, permezz ta’ atti ta’ implimentazzjoni, tiddeċiedi li teskludi minn finanzjament mill-Unjoni somom tal-baġit tal-Unjoni fil-każijiet li ġejjin:

(a)     jekk l-Istat Membru ma jkunx ħares il-limiti ta’ żmien imsemmija fil-paragrafu 1;

(b)     jekk tqis li d-deċiżjoni li ma jkunx segwit irkupru meħuda mill-Istat Membru skont il-paragrafu 3 ma tkunx ġustifikata;

(c)     jekk tqis li l-irregolarità jew in-nuqqas ta’ rkupru jkunu r-riżultat ta’ irregolarità jew negliġenza attribwibbli lill-awtoritajiet amministrattivi jew lil korp uffiċjali ieħor tal-Istat Membru.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura konsultattiva msemmija fl-Artikolu 112(2). Qabel l-adozzjoni ta’ atti ta’ dawn l-implimentazzjoni, għandha tapplika l-proċedura stabbilita fl-Artikolu 54(3).

Artikolu 57 Dispożizzjonijiet speċifiċi għall-FAEG

Is-somom irkuprati wara li tkun seħħet irregolarità jew negliġenza u l-imgħaxijiet fuqhom għandhom jgħaddu lill-aġenzija tal-pagamenti u jiġu rriżervati minnha bħala dħul assenjat lill-FAEG fix-xahar li fih il-flus ikunu attwalment riċevuti.

Meta l-baġit tal-Unjoni jkun akkreditat kif imsemmi fl-ewwel paragrafu, l-Istat Membru jista’ jżomm 10 % tal-ammonti korrispondenti bħala spejjeż ta’ rkupru b’rata fissa, ħlief f’każijiet ta’ irregolarità jew negliġenza attribwibbli lill-awtoritajiet amministrattivi tiegħu jew lil korpi uffiċjali oħra.

Artikolu 58 Dispożizzjonijiet speċifiċi għall-FAEŻR

L-Istati Membri għandhom jagħmlu aġġustamenti finanzjarji fejn jinkixfu irregolaritajiet jew negliġenza f’operazzjonijiet jew fi programmi ta’ żvilupp rurali billi jikkanċellaw għalkollox jew parzjalment il-finanzjament mill-Unjoni konċernat. L-Istati Membri għandhom iqisu n-natura u l-gravità tal-irregolaritajiet mikxufa u l-livell tat-telf finanzjarju għall-FAEŻR.

Ammonti ta’ finanzjament mill-Unjoni mill-FAEŻR li jkunu kkanċellati u ammonti rkuprati, kif ukoll l-imgħaxijiet fuqhom, għandhom jiġu riallokati għall-programm konċernat. Madankollu, il-fondi tal-Unjoni kanċellati jew irkuprati jistgħu jintużaw mill-ġdid mill-Istati Membri biss għal operazzjoni skont l-istess programm ta’ żvilupp rurali u bil-kundizzjoni li ma jiġux riallokati għal operazzjonijiet li kienu s-suġġett ta’ aġġustament finanzjarju. Wara l-għeluq ta’ programm ta’ żvilupp rurali, l-Istat Membru għandu jirrifondi s-somom irkuprati lill-baġit tal-Unjoni.

Artikolu 59 Setgħat delegati

Biex tkun żgurata applikazzjoni korretta u effiċjenti tad-dispożizzjonijiet relatati ma’ rkupru stabbiliti f’din it-Taqsima, il-Kummissjoni għandu jkollha s-setgħa li tadotta atti delegati skont l-Artikolu 111 dwar obbligi speċifiċi li l-Istati Membri għandhom ikunu konformi magħhom.

TITOLU V SISTEMI TA’ KONTROLL U PENALI

Kapitolu I Regoli ġenerali

Artikolu 60 Protezzjoni tal-interessi finanzjarji tal-Unjoni

1.           L-Istati Membri għandhom, fil-qafas tal-politika agrikola komuni, jadottaw id-dispożizzjonijiet leġiżlattivi, regolatorji u amministrattivi kollha u jieħdu kwalunkwe miżura oħra neċessarja biex jiżguraw protezzjoni effikaċi tal-interessi finanzjarji tal-Unjoni u partikolarment biex:

(a)     jivverifikaw il-legalità u r-regolarità ta’ operazzjonijiet iffinanzjati mill-FAEG u l-FAEŻR;

(b)     joffru prevenzjoni effikaċi kontra l-frodi, l-aktar fir-rigward tal-oqsma b’livell ogħla ta’ riskju, u li għandha sservi ta’ deterrent, waqt li jqisu l-ispejjeż u l-benefiċċji, kif ukoll il-proporzjonalità tal-miżuri;

(c)     ma jħallux ikun hemm, jikxfu u jikkoreġu irregolaritajiet u frodi;

(d) jimponu penali li jkunu effikaċi, dissważivi u proporzjonati skont il-leġiżlazzjoni tal-Unjoni, jew fin-nuqqas ta’ din, skont id-dritt nazzjonali, iressqu l-proċedimenti legali meħtieġa, għal dak il-għan;

(e)     jirkupraw pagamenti mhux dovuti flimkien mal-imgħaxijiet, u jressqu proċediment legali meħtieġa għal dak il-għan.

2.           L-Istati Membri għandhom jistabbilixxu mmaniġġjar effiċjenti u sistemi ta’ kontroll biex tiġi żgurata l-konformità mal-leġiżlazzjoni li tirregola skemi ta’ għajnuna mill-Unjoni.

3.           L-Istati Membri għandhom jgħarrfu lill-Kummissjoni dwar id-dispożizzjonijiet adottati u l-miżuri meħuda skont il-paragrafi 1 u 2.

Kwalunkwe kundizzjoni li l-Istati Membri jistabbilixxu biex jissupplimentaw il-kundizzjonijiet stabbiliti b’regoli tal-Unjoni għal riċeviment ta’ għajnuna ffinanzjata mill-FAEG jew mill-FAEŻR għandha tkun verifikabbli.

4.           Il-Kummissjoni tista', permezz ta' atti ta' implimentazzjoni, tadotta regoli li jimminraw li jilħqu applikazzjoni uniformi tal-paragrafi 1 u 2 ta' dan l-Artikolu.

Dawk l-atti ta' implimentazzjoni għandhom jiġu adottati skont il-proċedura tal-eżeami msemmija fl-Artikolu 112(3).

Artikolu 61 Prinċipji ġenerali ta’ kontroll

1.           Is-sistema stabbilita mill-Istati Membri skont l-Artikolu 60(2) għandhom jinkludu, ħlief fejn ikun ipprovdut xort’oħra, verifiki amministrattivi sistematiċi tal-applikazzjonijiet kollha għal għajnuna u għandhom jiġu ssupplimentati minn verifiki fuq il-post.

2.           Fir-rigward tal-verifiki fuq il-post, l-awtorità responsabbli għandha tagħmel il-kampjun ta’ kontroll tagħha mill-popolazzjoni kollha tal-applikanti, li jkun jikkomprendi, fejn ikun xieraq, parti aleatorja u parti abbażi tar-riskju sabiex tinkiseb rata ta' żbalji rappreżentattiva, filwaqt li jkunu wkoll fil-mira l-ogħla żbalji.

3.           L-awtorità responsabbli għandha taghmel rapport għal kull verifika fuq il-post.

4.           Fejn ikun xieraq, il-verifiki kollha fuq il-post imsemmija fir-regoli tal-Unjoni fir-rigward ta’ sussidji agrikoli u għajnuna għal żvilupp rurali għandhom jiġu esegwiti fl-istess waqt.

Artikolu 62 Klawżola kontra l-elużjoni

Mingħajr preġudizzju għal dispożizzjonijiet speċifiċi, ebda vantaġġ imsemmi fil-leġiżlazzjoni agrikola settorjali m’għandu jingħata favur persuna fiżika jew ġuridika li dwarha jkun ġiestabbilit li l-kundizzjonijiet meħtieġa għall-kisba ta’ vantaġġi bħal dawn inħolqu artifiċjalment, kuntrarju għall-objettivi ta’ dik il-leġiżlazzjoni.

Artikolu 63 Kompatibbiltà ta’ skemi ta’ għajnuna għall-finijiet ta’ kontrolli

Għall-finijiet tal-applikazzjonijiet tal-iskemi ta’ għajnuna fis-settur tal-inbid kif imsemmi fir-Regolament (UE) Nru xxx/xxx[sCMO], l-Istati Membri għandhom jiżguraw li l-proċeduri ta’ amministrazzjoni u kontroll applikati għal dawk l-iskemi jkunu kompatibbli mas-sistema integrata msemmija fil-Kapitolu II ta’ dan it-Titolu fir-rigward tal-elementi li ġejjin:

(a)          id-database kompjuterizzata;

(b)          is-sistemi ta’ identifikazzjoni għal pakketti agrikoli;

(c)          il-verifiki amministrattivi.

Il-proċeduri għandhom jippermettu il-funzjonament komuni jew l-iskambju ta’ dejta mas-sistema integrata.

Artikolu 64 Setgħat tal-Kummissjoni fir-rigward ta’ kontrolli

1.           Biex tiġi żgurata applikazzjoni korretta u effiċjenti tal-kontrolli u li l-verifika tal-kundizzjonijiet ta’ eliġibbiltà ssir b’mod effiċjenti, koerenti u mhux diskriminatorju, li jħares l-interessi finanzjarji tal-Unjoni, il-Kummissjoni għandu jkollha s-setgħa li tadotta atti delegati skont l-Artikolu 111 dwar sitwazzjonijiet fejn benefiċjarji jew rappreżentanti tagħhom ma jħallux li jsiru kontrolli.

2.           Il-Kummissjoni għandha, permezz ta’ atti ta’ implimentazzjoni, tadotta r-regoli meħtieġa bil-għan li tinkiseb l-applikazzjoni uniformi ta’ dan il-Kapitolu fl-Unjoni. Dawk ir-regoli jistgħu, b’mod partikolari, jkunu relatati ma’ li ġej:

(a)     ir-regoli dwar verifiki amministrattivi u fuq il-post li għandhom isiru mill-Istati Membri fir-rigward tat-tħaris ta’ obbligi, impenji u kriterji ta’ eliġibbiltà li jirriżultaw mill-applikazzjoni tal-leġiżlazzjoni tal-Unjoni;

(b)     ir-regoli dwar il-livell minimu ta’ verifiki fuq il-post meħtieġa għal immaniġġjar effikaċi tar-riskji, kif ukoll il-kundizzjonijiet li bihom l-Istati Membri jkollhom iżidu dawn il-kontrolli, jew jistgħu jnaqqsuhom fejn is-sistemi ta’ mmaniġġjar u kontroll jiffunzjonaw tajjeb u r-rati ta’ żball ikunu f’livell aċċettabbli;

(c)     ir-regoli u l-metodi dwar ir-rapportar tal-kontrolli u tal-verifika magħmula u r-riżultati tagħhom;

(d)     l-awtoritajiet responsabbli biex iwettqu l-kontrolli għall-konformità, kif ukoll għall-kontenut, il-frekwenza u l-istadju ta’ kummerċjalizzazzjoni li għalihom dawk il-kontrolli għandhom japplikaw;

(e)     fejn il-ħtiġijiet speċifiċi għal immaniġġjar sewwa tas-sistema hekk jesiġu, regoli li jintroduċu rekwiżiti addizzjonali fir-rigward ta’ proċeduri doganali, partikolarment kif stabbiliti fir-Regolament (KE) Nru 450/2008 tal-Parlament Ewropew u tal-Kunsill[41];

(f)      fir-rigward ta’ qanneb kif imsemmi fl-Artikolu 38 tar-Regolament (UE) Nru xxx/xxx [DP], regoli dwar il-miżuri speċifiċi ta’ kontroll u l-metodi biex jiġu ddeterminati l-livelli ta’ tetraidrokannabinol;

(g)     fir-rigward ta’ qoton kif imsemmi fl-Artikolu 42 tar-Regolament (UE) Nru xxx/xxx [DP], sistema ta’ kontrolli għall-organizzazzjonijiet interprofessjonali approvati;

(h)     fir-rigward tal-inbid kif imsemmi fir-Regolament (UE) Nru sCMO/xxx, regoli dwar il-kejl tal-erjas, kif ukoll verifiki u regoli li jirregolaw il-proċeduri finanzjarji speċifiċi għat-titjib tal-verifiki;

(i)      it-testijiet u l-metodi li għandhom jiġu applikati biex tiġi stabbilita l-eliġibbiltà ta’ prodotti għal intervent pubbliku u ħżin privat, kif ukoll l-użu ta’ proċeduri ta’ offerti, kemm għal intervent pubbliku, kif ukoll għal ħżin privat.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3) jew fl-Artikolu korrispondenti tar-Regolament (UE) Nru xxx/xxx[DP], ir-Regolament (UE) Nru xxx/xxx[RD] jew ir-Regolament (UE) Nru xxx/xxx[sCMO] rispettivament.

Artikolu 65 Irtirar, riduzzjonijiet u esklużjonijiet ta’ għajnuna

1.           Fejn jinstab li benefiċjarju ma jkunx konformi mal-kriterji ta’ eliġibbiltà jew mal-impenji relatati mal-kundizzjonijiet għall-għoti tal-għajnuna kif imsemmi fil-leġiżlazzjoni agrikola settorjali, l-għajnuna għandha tiġi rtirata kollha jew parzjalment

2.           Fejn tipprovdi hekk il-liġi tal-Unjoni, l-Istati Membri jistgħu wkoll jimponu penali permezz ta' riduzzjonijiet jew esklużjonijiet tal-pagament jew ta’ parti mill-pagament mogħti jew li jkollu jingħata li fir-rigward tiegħu l-kriterji ta’ eliġibbiltà jew l-impenji jkunu tħarsu.

L-ammont tar-riduzzjoni ta’ għajnuna għandu jkun gradwat skont is-severità, id-daqs, it-tul u r-riokkorrenza tan-nuqqas ta’ konformita misjub u jista’ jisfa wkoll eskluż totalment minn skema waħda jew minn diversi skemi ta’ għajnuna jew miżuri ta’ appoġġ għal sena kalendarja waħda jew aktar.

3.           L-ammonti kkonċernati mill-irtirar imsemmi fil-paragrafu 1 u mill-penali msemmija fil-paragrafu 2 għandhom jiġu rkuprati bis-sħiħ.

Artikolu 66 Setgħat tal-Kummissjoni fir-rigward ta’ penali

1.           Biex ikun hemm bilanċ bejn l-effett ta’ deterrent ta’ ħlasijiet u l-penali li għandhom jiġu imposti għal nuqqas ta’ konformità ma’ kwalunkwe obbligu li jirriżulta mill-applikazzjoni tal-leġiżlazzjoni agrikola settorjali min-naħa l-waħda, u applikazzjoni flessibbli tas-sistema min-naħa l-oħra, il-Kummissjoni għandu jkollha s-setgħa li tadotta atti delegati skont l-Artikolu 111 dwar ir-regoli u l-kundizzjonijiet relatati ma’ dan li ġej:

(a)     is-sospensjoni tad-dritt għal parteċipazzjoni fi skema ta’ għajnuna, l-esklużjoni u s-sospensjoni ta’ pagament jew ta’ rata ta’ riduzzjoni ta’ għajnuniet, pagamenti jew rifużjonijiet jew kwalunkwe penali oħra, partikolarment f’każ li l-limiti ta’ żmien ma jkunux tħarsu, il-prodott, id-daqs jew il-kwantità ma jkunux f’konformità mal-applikazzjoni, l-evalwazzjoni ta’ skema jew in-notifika ta’ informazzjoni ma jkunux seħħew, ma jkunux korretti jew ma jkunux ġew innotifikati f’waqthom;

(b)     ir-riduzzjoni tal-pagament lill-Istati Membri għall-infiq agrikolu tagħhom f’każ li l-limiti ta’ żmien stabbiliti għall-irkupru tal-kontribuzzjoni għal pagament ta’ imposta fuq is-surplus ma jkunux tħarsu, jew sospensjoni ta’ pagamenti kull xahar f’każ li l-Istati Membri jonqsu li jibagħtu informazzjoni jew li ma jibagħtuhiex f’waqtha, jew jibagħtuha mhux korretta lill-Kummissjoni;

(c)     l-ammont żejjed, ħlasijiet addizzjonali jew ir-rati ta’ mgħax li għandhom jiġu applikati f’każ ta’ frodi, irregolarità, nuqqas ta’ prova li obbligu jkun tħares jew dikjarazzjonijiet skaduti;

(d)     il-kundizzjonijiet għal depożitu, rilaxx u telf tal-jedd għal garanziji, kif ukoll ir-rata ta’ riduzzjoni li għandha tiġi applikata mar-rilaxx ta’ garanziji għal rifużjonijiet, liċenzji, offerti, offerti wara sejħa għalihom jew applikazzjonijiet speċifiċi meta obbligu kopert minn dik il-garanzija ma jkunx tħares għalkollox jew parzjalment;

(e)     iż-żamma mill-Istati Membri tal-ammonti rkuprati bħala penali;

(f)      l-esklużjoni ta’ operatur jew ta’ applikant minn intervent pubbliku u ħżin privat, mis-sistema ta’ applikazzjoni għal liċenzji jew mis-sistemi ta’ kwoti ta’ tariffi f’każ ta’ frodi jew sottomissjoni ta’ informazzjoni mhux korretta;

(g)     l-irtirar jew is-sospensjoni ta’ approvazzjoni jew ta’ rikonoxximent, partikolarment meta operatur, organizzazzjoni ta’ produtturi, assoċjazzjoni ta’ organizzazzjonijiet ta’ produtturi, grupp ta’ produtturi jew organizzazzjoni interprofessjonali jonqsu li jħarsu jew ma jissodisfawx il-kundizzjonijiet meħtieġa, inkluż in-nuqqas li jsiru notifikazzjonijiet;

(h)     l-applikazzjoni ta’ penali nazzjonali xierqa għal operaturi involuti fil-produzzjoni b’eċċess ta’ kwoti;

(i)      żbalji ovvji, force majeure u ċirkostanzi eċċezzjonali.

2.           Il-Kummissjoni għandha, permezz ta’ atti ta’ implimentazzjoni, tadotta dan li ġej:

(a)     il-proċeduri u l-kriterji tekniċi relatati mal-miżuri u l-penali imsemmija fil-paragrafu 1 fejn jinstab nuqqas ta’ konformità ma’ kwalunkwe obbligu li jirriżulta mill-applikazzjoni tal-leġiżlazzjoni rilevanti;

(b)     ir-regoli u l-proċeduri fir-rigward tal-irkupru ta’ pagamenti mhux dovuti li jirriżultaw mill-applikazzjoni tal-leġiżlazzjoni rilevanti.

Dawk l-atti ta’ implimentazzjoni pprovduti fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3) jew fl-Artikolu korrispondenti tar-Regolament (UE) Nru xxx/xxx[DP], ir-Regolament (UE) Nru xxx/xxx[RD] jew ir-Regolament (UE) Nru xxx/xxx[sCMO] rispettivament.

Artikolu 67 Garanziji

1.           L-Istati Membri għandhom, meta l-leġiżlazzjoni settorjali agrikola tippermetti hekk, jitolbu d-depożitu ta’ garanzija li tiżgura li jitħares obbligu skont il-leġiżlazzjoni agrikola settorjali.

2.           Ħlief f’każijiet ta’ force majeure, il-jedd għall-garanzija għandu jintilef għalkollox jew parzjalment fejn xi obbligu partikolari ma jitwettaqx, jew jitwettaq parzjalment.

3.           Biex jiġu żgurati trattament mhux diskriminatorju, l-ekwità u l-ħarsien tal-proporzjonalità waqt id-depożitu ta’ garanzija, il-Kummissjoni għandu jkollha s-setgħa li tadotta atti delegati skont l-Artikolu 111 fir-rigward ta’ regoli dwar:

(a)     it-tifsira ta’ termini għall-applikazzjoni tal-ewwel u tat-tieni paragrafi;

(b)     il-parti responsabbli jekk obbligu ma jitħarisx;

(c)     sitwazzjonijiet speċifiċi meta l-awtorità kompetenti tista’ tirrinunzja għar-rekwiżit ta’ garanzija;

(d)     il-kundizzjonijiet li japplikaw għall-garanzija li għandha tiġi ddepożitata u għall-garanti;

(e)     kundizzjonijiet speċifiċi relatati mal-garanzija depożitata fil-qafas ta’ pagamenti bil-quddiem;

(f)      ir-rekwiżiti primarji, sekondarji jew subordinati b’rabta ma’ garanziji, kif ukoll il-konsegwenzi f’każ ta’ ksur ta’ dawk ir-rekwiżiti;

4.           Il-Kummissjoni tista’ tadotta, permezz ta’ atti ta’ implimentazzjoni, regoli dwar:

(a)     l-għamla tal-garanzija li għandha tiġi ddepożitata u l-proċedura għad-depożitu tal-garanzija, għall-aċċettazzjoni tagħha u għas-sostituzzjoni tal-garanzija oriġinali;

(b)     il-proċeduri għar-rilaxx ta’ garanzija;

(c)     in-notifikazzjonijiet li għandhom isiru mill-Istati Membri u mill-Kummissjoni.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3) jew fl-Artikolu korrispondenti tar-Regolament (UE) Nru xxx/xxx[DP], ir-Regolament (UE) Nru xxx/xxx[RD] jew ir-Regolament (UE) Nru xxx/xxx[sCMO] rispettivament.

Kapitolu II Sistema integrata ta’ amministrazzjoni u kontroll

Artikolu 68 Kamp ta’ applikazzjoni

1.           Kull Stat Membru għandu jistabbilixxi u jopera sistema integrata ta’ amministrazzjoni u kontroll (minn hawn ’il quddiem imsejħa ‘is-sistema integrata’).

2.           Is-sistema integrata għandha tapplika għall-iskemi ta’ għajnuna elenkati fl-Anness I tar-Regolament (UE) Nru xxx/xxx [DP] għall-għajnuna mogħtija skont l-Artikoli 22(1)(a) u (b), 29 sa 32, 34 u 35 tar-Regolament xxx/xxx [RD] u fejn applikabbli lArtikolu 28(1)(b) tar-Regolament (EU) CR/xxx..

Madankollu, dan il-Kapitolu m’għandux japplika għal miżuri msemmija fl-Artikolu 29(9) tar-Regolament (UE) Nru xxx/xxx[RD], kif ukoll għal miżuri skont l-Artikolu (22(1)(a) u(b) ta’ dak ir-Regolament sa fejn ikollha x’taqsam l-ispiża għal stabbiliment.

3.           Sa kemm ikun meħtieġ, is-sistema integrata għandha tapplika wkoll għall-verifika tal-kundizzjonalità kif stabbilit fit-Titolu VI.

Artikolu 69 Elementi tas-sistema integrata

1.           Is-sistema integrata għandha tikkomprendi l-elementi li ġejjin:

(a)     database kompjuterizzata;

(b)     sistema ta’ identifikazzjoni għal pakketti agrikoli;

(c)     sistema għall-identifikazzjoni u r-registrazzjoni ta’ drittijiet għal pagamenti;

(d)     applikazzjonijiet għal għajnuna;

(e)     sistema integrata ta’ kontroll;

(f)      sistema unika għar-reġistrazzjoni tal-identità ta’ kull benefiċjarju tal-għajnuna msemmija fl-Artikolu 68(2) li jissottometti applikazzjoni għal għajnuna jew talba għal pagament.

2.           Fejn japplika, is-sistema integrata għandha tinkorpora sistema għall-identifikazzjoni u r-reġistrazzjoni ta’ annimali stabbilita skont ir-Regolamenti (KE) Nru 1760/2000 tal-Parlament Ewropew u l-Kunsill[42] u r-Regolament tal-Kunsill (KE) Nru 21/2004[43]..

3.           Mingħajr preġudizzju għar-responsabbiltajiet tal-Istati Membri għall-implimentazzjoni u l-applikazzjoni tas-sistema integrata, il-Kummissjoni tista’ titlob l-assistenza ta’ korpi jew ta’ persuni speċjalizzati biex tiffaċilita t-twaqqif, il-monitoraġġ u l-utilizzazzjoni tas-sistema integrata, partikolarment biex tipprovdi lill-awtoritajiet kompetenti tal-Istati Membri b’konsulenza teknika, jekk jitolbuha.

Artikolu 70 Database kompjuterizzata

1.           Id-database kompjuterizzata għandha tirreġistra, għal kull benefiċjarju tal-għajnuna msemmija fl-Artikolu 68(2), id-dejta miksuba minn applikazzjonijiet għal għajnuna u minn talbiet għal pagamenti.

Din id-database għandha b’mod partikolari tippermetti konsultazzjoni permezz tal-awtorità kompetenti tal-Istat Membru, tad-dejta relatata mas-snin kalendarji u/jew ta’ kummerċjalizzazzjoni, li tibda minn l-2000. Għandha tippermetti wkoll konsultazzjoni diretta u immedjata tad-dejta relatata ma’ mill-anqas il-ħames snin kalendarji konsekuttivi preċedenti.

2.           L-Istati Membri jistgħu jistabbilixxu databases deċentralizzati bil-kundizzjoni li dawn, u l-proċeduri amministrattivi għal reġistrazzjoni ta’ dejta u aċċess għaliha, ikunu mfasslin b’mod omeġenju mat-territorju kollu tal-Istat Membru u jkunu kompatibbli ma’ xulxin biex jippermettu kontroverifiki.

Artikolu 71 Sistema ta’ identifikazzjoni għal pakketti agrikoli

Is-sistema ta’ identifikazzjoni għal pakketti agrikoli għandha tiġi stabbilita abbażi ta’ mapep jew dokumenti ta’ reġistri ta’ artijiet jew referenzi kartografiċi oħra. Għandhom jintużaw tekniki kompjuterizzati ta’ sistemi ta’ informazzjoni ġeografika, inklużi ortoimmaġni, bi standard omoġenju li jiggrantixxu eżattezza mill-anqas ekwivalenti għall-kartografija fi skala ta’ 1:5000.

Artikolu 72 Sistema għall-identifikazzjoni u r-registrazzjoni ta’ drittijiet għal pagamenti

1.           Is-sistema għall-identifikazzjoni u r-registrazzjoni ta’ drittijiet għal pagamenti għandha tippermetti għall-verifika tad-drittijiet u għall-kontroverifiki tal-applikazzjonijiet għal għajnuna u tas-sistema ta’ identifikazzjoni għal pakketti agrikoli.

2.           Is-sistema msemmija fil-paragrafu 1 għandha tippermetti konsultazzjoni diretta u immedjata, permezz tal-awtorità kompetenti tal-Istat Membru, tad-dejta relatata ma’ mill-anqas l-erba’ snin kalendarji konsekuttivi preċedenti.

Artikolu 73 Applikazzjonijiet għal għajnuna u talbiet għal pagamenti

1.           Kull sena, benefiċjarju tal-għajnuna msemmija fl-Artikolu 68(2) għandu jissottometti applikazzjoni għal pagamenti diretti jew talba għal pagament rispettivament għaż-żona rilevanti u għall-miżuri ta’ żvilupp rurali relatati mal-annimali, li jindikaw, fejn japplika:

(a)     il-pakketti agrikoli kollha tal-azjenda, kif ukoll iż-żona mhux agrikola imsemmija fl-Artikolu 68(2) li għaliha tintalab għajnuna;

(b)     id-drittijiet għal pagamenti ddikjarati għal attivazzjoni;

(c)     kwalunkwe informazzjoni oħra msemmija f’dan ir-Regolament jew meħtieġa għall-implimentazzjoni tal-leġiżlazzjoni agrikola settorjali rilevanti jew mill-Istat Membru konċernat.

Fir-rigward tal-pagament abbażi ta’ żona, kull Stat Membru għandu jiddetermina d-daqs minimu ta’ pakketti agrikoli li għalihom tista’ ssir applikazzjoni. Madankollu, id-daqs minimu ma jistax ikun aktar minn 0,3 ha.

Permezz ta’ deroga mill-punt (a) tal-ewwel subparagrafu, l-Istati Membri jistgħu jiddeċiedu li bidwi li ma japplika għal ebda pagament dirett abbażi ta’ żona ma jkollux għalfejn jiddikjara l-pakketti agrikoli tiegħu fil-każ fejn iż-żona totali ma tkunx aktar minn ettaru wieħed. Madankollu, il-bidwi għandu, jindika fl-applikazzjoni tiegħu li huwa jkollu pakketti agrikoli għad-dispożizzjoni tiegħu u għandu, meta jintalab mill-awtoritajiet kompetenti, jindika l-post fejn ikunu jinsabu.

2.           L-Istati Membri għandhom jipprovdu, inter alia bl-użu ta’ mezzi elettroniċi, formoli stabbiliti minn qabel ibbażati fuq iż-żoni ddeterminati fis-sena ta’ qabel, kif ukoll materjal grafiku li jindika l-post fejn ikunu jinsabu dawk iż-żoni. Stat Membru jista’ jiddeċiedi li l-applikazzjoni għal għajnuna jkun jeħtiġilha tinkludi biss it-tibdiliet fir-rigward tal-applikazzjoni għal għajnuna mibgħuta s-sena ta’ qabel. Madankollu, fir-rigward tal-iskema għal bdiewa żgħar kif imsemmi fit-Titolu V tar-Regolament (UE) Nru DP/xxx, din il-possibbiltà għandha tingħata lill-bdiewa kollha konċernati.

3.           Stat Membru jista’ jiddeċiedi li applikazzjoni waħda titqies li tkopri diversi skemi jew l-iskemi u l-miżuri kollha ta’ għajnuna msemmija fl-Artikolu 68 jew skemi oħra ta’ għajnuna.

Artikolu 74 Sistema għall-identifikazzjoni ta’ benefiċjarji

Is-sistema unika għar-reġistrazzjoni tal-identità ta’ kull benefiċjarju ta’ għajnuna msemmija fl-Artikolu 68(2) għandha tiggarantixxi li l-applikazzjonijiet kollha għal għajnuna u talbiet għal pagamenti sottomessi mill-istess benefiċjarju jkunu jistgħu jiġu identifikati bħala tali.

Artikolu 75 Verifika ta’ kundizzjonijiet ta’ eliġibbiltà u riduzzjonijiet

1.           Skont l-Artikolu 61, l-Istati Membri, permezz tal-aġenziji tal-pagamenti jew tal-korpi ddelegati minnhom, għandhom jagħmlu verifiki amministrattivi dwar l-applikazzjoni għal għajnuna biex jivverifikaw il-kundizzjonijiet ta’ eliġibbiltà għall-għajnuna. Dawk il-verifiki għandhom ikunu ssupplimentati b’verifiki fuq il-post.

2.           Għall-fini ta’ verifiki fuq il-post l-Istati Membri għandhom jagħmlu pjan ta’ teħid ta’ kampjuni ta’ azjendi agrikoli u/jew ta’ benefiċjarji.

3.           L-Istati Membri jistgħu jużaw telerilevament u tekniki tas-Sistema Globali ta’ Navigazzjoni bis-Satellita (GNSS) bħala mezzi biex jagħmlu verifiki fuq il-post fuq pakketti agrikoli.

4.           F’każ ta’ nuqqas ta’ konformità mal-kundizzjonijiet ta’ eliġibbiltà għandu japplika -Artikolu 65.

Artikolu 76 Pagament lil benefiċjarji

1.           Il-pagamenti skont l-iskemi ta’ għajnuna u miżuri msemmija fl-Artikolu 68(2) għandhom isiru fil-perjodu ta’ bejn l-1 ta’ Diċembru u t-30 ta’ Ġunju tas-sena kalendarja ta' wara.

Il-pagamenti għandhom isiru f’sa żewġ pagamenti akkont f’dak il-perjodu.

Madankollu, l-Istati Membri jistgħu jħallsu bil-quddiem sa 50 % fir-rigward ta' pagamenti diretti u 75 % għall-appoġġ mogħti fl-ambitu tal-iżvilupp rurali kif imsemmi fl-Artikolu 68(2) qabel l-1 ta’ Diċembru u mhux qabel is-16 ta’ Ottubru.

2.           Il-pagamenti msemmija fil-paragrafu 1 m’għandhomx isiru qabel ma l-verifika ta’ kundizzjonijiet ta’ eliġibbiltà, li għandha ssir mill-Istati Membri skont l-Artikolu 75, tkun ġiet iffinalizzata

Artikolu 77 Setgħat delegati

1.           Biex jiġi żgurat li s-sistema integrata msemmija f’dan il-Kapitolu tkun implimentata b’mod effiċjenti, koerenti u mhux diskriminatorju, li jħares l-interessi finanzjarji tal-Unjoni, il-Kummissjoni għandu jkollha s-setgħa li tadotta atti delegati skont l-Artikolu 111 dwar:

(a)     definizzjonijiet speċifiċi meħtieġa biex tkun żgurata implimentazzjoni armonjuża tas-sistema integrata;

(b)     regoli dwar miżuri ulterjuri li għandhom jittieħdu mill-Istati Membri għall-applikazzjoni sewwa ta’ dan il-Kapitolu, kif ukoll arranġamenti għal kwalunkwe assistenza reċiproka meħtieġa bejn Stati Membri.

2.           Biex tiġi żgurata distribuzzjoni korretta tal-fondi li jirriżultaw mill-applikazzjonijiet għall-għajnuna msemmija fl-Artikolu 73 lill-benefiċjarji intitolati u biex titħalla ssir verifika li jitwettqu minnhom l-obbligi relatati magħhom, il-Kummissjoni għandha, permezz ta’ atti delegati skont l-Artikolu 111, tistabbilixxi dan li ġej:

(a)     regoli dwar id-daqs minimu tal-ħbula tal-art agrikola li għandhom jiġu ddikjarati sabiex jitnaqqas il-piż amministrattiv għall-benefiċjarji u l-awtoritajiet;

(b)     dispożizzjonijiet meħtieġa għal definizzjoni armonizzata tal-bażi għal kalkolu ta’ għajnuna, inklużi regoli dwar kif jiġu ttrattati ċerti każijiet fejn żoni eliġibbli jkun fihom karatteristiċi ta’ pajsaġġ jew siġar;

(c)     deroga mir-Regolament (KEE, Euratom) Nru 1182/71 tal-Kunsill [tat-3 ta’ Ġunju 1971 li jiddetermina r-regoli applikabbli għal perjodi, dati u limiti ta’ żmien][44] biex jitħarsu d-drittijiet tal-benefiċjarji għal pagamenti fejn l-aħħar data għal sottomissjoni ta’ applikazzjonijiet jew emendi tkun btala pubblika, Sibt jew Ħadd;

(d)     fil-każ ta’ applikazzjoni tardiva għal pagament jew għal allokazzjoni ta’ drittijiet, id-dewmien u r-riduzzjonijiet massimi f’każ ta’ dewmien bħal dan.

3.           Biex jiġi żgurat li l-kalkolu u l-applikazzjoni ta’ rifjut, riduzzjonijiet, esklużjonijiet u rkupri jitwettqu skont il-prinċipju stabbilit fl-Artikolu 65 u b’mod effiċjenti, koerenti u mhux diskriminatorju, li jħares l-interessi finanzjarji tal-Unjoni, il-Kummissjoni għandu jkollha s-setgħa li tadotta atti delegati skont l-Artikolu 111 dwar:

(a) dispożizzjonijiet dwar rifjut, riduzzjonijiet, esklużjonijiet b’rabta mal-korrettezza u l-kompletezza tal-informazzjoni fl-applikazzjoni bħal dikjarazzjonijiet esaġerati dwar żoni jew annimali jew dikjarazzjoni mhux kompleti dwar żoni, kif ukoll b’rabta ma’ nuqqas ta’ tħaris tal-kriterji ta’ eliġibbiltà jew tal-impenji relatati mal-kundizzjonijiet għall-għoti tal-għajnuna;

(a) dispożizzjonijiet biex jiġi żgurat trattament armonizzat u proporzjonat ta’ irregolaritajiet intenzjonati, sitwazzjonijiet ta’ żbalji żgħar, kumulu ta’ riduzzjonijiet u applikazzjoni simultanja ta’ riduzzjonijiet differenti;

(b) regoli li jipprovdu għan-nuqqas ta’ applikazzjoni ta’ rifjut, riduzzjonijiet, esklużjonijiet f’ċerti każijiet, biex tiġi żgurata l-proporzjonalità fl-applikazzjoni ta’ riduzzjonijiet;

(c) regoli dwar l-irkupru ta’ ammonti ta’ għajnuna mħallsa indebitament u drittijiet għal pagamenti allokati mhux kif xieraq

Artikolu 78 Setgħat ta’ implimentazzjoni

Il-Kummissjoni għandha, permezz ta’ atti ta’ implimentazzjoni, tistabbilixxi dan li ġej:

(a)          il-karatteristiċi bażiċi, id-definizzjonijiet u r-rekwiżiti tal-kwalità għad-database kompjuterizzata msemmija fl-Artikolu 70;

(b)          il-karatteristiċi bażiċi, id-definizzjonijiet u rekwiżiti tal-kwalità għas-sistema ta’ identifikazzjoni għal pakketti agrikoli msemmija fl-Artikolu 71 u għall-identifikazzjoni tal-benefiċjarji kif imsemmi fl-Artikolu 74;

(c)          il-karatteristiċi bażiċi, id-definizzjonijiet u r-rekwiżiti tal-kwalità għas-sistema tal-identifikazzjoni u r-registrazzjoni ta’ drittijiet għal pagamenti msemmija fl-Artikolu 72;

(d)          regoli dwar l-applikazzjoni għal għajnuna u talbiet għal pagamenti msemmija fl-Artikolu 73, u l-applikazzjoni għal drittijiet għal pagamenti, inkluża l-aħħar data għal sottomissjoni ta’ applikazzjonijiet, ir-rekwiżiti dwar l-ammont minimu ta’ informazzjoni li għandha tkun inkluża fl-applikazzjoni, dispożizzjonijiet għal emendi għal applikazzjonijiet għal għajnuna jew għal irtirar tagħhom, eżenzjoni mir-rekwiżit ta’ sottomissjoni ta’ applikazzjoni għal għajnuna u dispożizzjonijiet li jippermettu lill-Istati Membri japplikaw proċeduri simplifikati jew jikkoreġu żbalji ovvji;

(e)          regoli dwar l-eżekuzzjoni ta’ kontrolli għall-verifika tal-konformità ma’ obbligi, u l-korrettezza u l-kompletezza tal-informazzjoni pprovduta fl-applikazzjoni għal għajnuna;

(f)           definizzjonijiet tekniċi meħtieġa għall-fini tal-implimentazzjoni uniformi ta’ dan il-Kapitolu;

(g)          regoli dwar sitwazzjonijiet ta’ trasferiment ta’ azjendi akkumpanjat bit-trasferiment ta’ kwalunkwe obbligu dwar eliġibbiltà fir-rigward tal-għajnuna inkwistjoni li jkun għad jonqsu jitħares.

(h)          regoli dwar il-ħlas bil-quddiem imsemmija fl-Artikolu 76.

L-atti ta’ implimentazzjoni msemmija fl-ewwel paragrafu għandhom jiġu adottati skont il-proċedura ta’ eżami msemmija fl-Artikolu 112(3) jew fl-Artikolu korrispondenti tar-Regolament (UE) Nru xxx/xxx[DP] jew ir-Regolament (UE) Nru xxx/xxx[sRD] rispettivament.

Kapitolu III Skrutinju ta’ tranżazzjonijiet

Artikolu 79 Kamp ta’ applikazzjoni u definizzjonijiet

1.           Dan il-Kapitolu jistabbilixxi regoli speċifiċi dwar l-iskrutinju tad-dokumenti kummerċjali ta’ dawk l-entitajiet li jirċievu jew jagħmlu pagamenti relatati direttament jew indirettament mas-sistema ta’ finanzjament mill-FAEG, jew tar-rappreżentanti tagħhom, minn hawn ’il quddiem imsejħin ‘impriżi’, biex jiġi aċċertat jekk tranżazzjonijiet li jagħmlu parti mis-sistema ta’ finanzjament mill-FAEG ikunux fil-fatt twettqu u ġew esegwiti b’mod korrett.

2.           Dan il-Kapitolu m’għandux japplika għal miżuri koperti mis-sistema integrata msemmija fil-Kapitolu II ta’ dan it-Titolu.

3.           Għall-finijiet ta’ dan il-Kapitolu għandhom japplikaw id-definizzjonijiet li ġejjin:

(a)     'dokumenti kummerċjali’ tfisser il-kotba kollha, reġistri, kupuni u dokumenti ta’ prova, kontijiet, reġistrazzjonijiet ta’ produzzjoni u kwalità, u korrispondenza relatata mal-attività tan-negozju tal-impriża, kif ukoll dejta kummerċjali, fi kwalunkwe għamla li tista’ tieħu, inkluża dejta maħżuna elettronikament, sa kemm dawn id-dokumenti jew dejta jkunu relatati direttament jew indirettament mat-tranżazzjonijiet imsemmija fil-paragrafu 1;

(b)     'parti terza’ tfisser kwalunkwe persuna fiżika jew ġuridika direttament jew indirettament konnessa ma’ tranżazzjonijiet esegwiti skont is-sistema ta’ finanzjament mill-FAEG.

Artikolu 80 Skrutinju mill-Istati Membri

1.           L-Istati Membri għandhom jagħmlu skrutinju sistematiku tad-dokumenti kummerċjali ta’ impriżi, waqt li jqisu n-natura tat-tranżazzjonijiet li jkollu jsirilhom skrutinju. L-Istati Membri għandhom jiżguraw li l-għażla ta’ impriżi għal skrutinju tagħti l-aħjar assigurazzjoni possibbli tal-effikaċja tal-miżuri għall-prevenzjoni u biex jinkixfu irregolaritajiet. L-għażla għandha tqis,fost l-oħrajn, l-importanza finanzjarja tal-impriżi f’dik is-sistema u fatturi oħra ta’ riskju.

2.           F’każijiet adatti, l-iskrutinju msemmi fil-paragrafu 1 għandu jiġi estiż għal persuni fiżiċi u ġuridiċi li magħhom ikunu assoċjati impriżi, u għal persuni fiżiċi jew ġuridiċi oħra bħalhom li jistgħu jkunu rilevanti biex jiġu segwiti l-objettivi stabbiliti fl-Artikolu 81.

3.           L-iskrutinju magħmul skont dan il-Kapitolu m’għandux ikun ta’ preġudizzju għall-kontrolli li jitwettqu skont l-Artikoli 49 u 50.

Artikolu 81 Objettivi tal-iskrutinju

1.           L-eżattezza ta’ dejta primarja taħt skrutinju għandha tkun ivverifikata b’għadd ta’ kontroverifiki, inklużi, fejn ikun meħtieġ, id-dokumenti kummerċjali ta’ partijiet terzi, adatti sal-grad tar-riskju ppreżentat, inklużi::

(a)     tqabbil mad-dokumenti kummerċjali ta’ fornituri, klijenti, trasportaturi u partijiet terzi oħra;

(b)     kontrolli fiżiċi, fejn ikun xieraq, fuq il-kwantità u n-natura tal-istokkijiet;

(c)     tqabbil mar-reġistrazzjonijiet ta’ flussi finanzjarji li jwasslu għat-tranżazzjonijiet esegwiti skont is-sistema ta’ finanzjament mill-FAEG; u

(d)     kontrolli, b’rabta ma’ zamma tal-kotba, jew reġistrazzjonijiet ta’ movimenti finanzjarji li juru, fil-waqt tal-iskrutinju, li d-dokumenti miżmuma mill-aġenzija tal-pagamenti bħala ġustifikazzjoni għall-pagament ta’ għajnuna lill-benefiċjarju jkunu eżatti.

2.           B’mod partikolari, fejn impriżi jkun jeħtiġilhom iżommu reġistrazzjonijiet ta’ kotba partikolari ta’ stokkijiet skont dispożizzjonijiet tal-Unjoni jew nazzjonali, l-iskrutinju ta’ dawk ir-reġistrazzjonijiet għandu, skont il-każijiet, jinkludi t-tqabbil mad-dokumenti kummerċjali u, fejn ikun xieraq, mal-kwantitajiet attwali fl-istokk.

3.           Fl-għażla ta’ tranżazzjonijiet li għandhom jiġu vverifikati, għandu jitqies b’mod sħiħ il-grad tar-riskju ppreżentat.

Artikolu 82 Aċċess għal dokumenti kummerċjali

1.           Il-persuni responsabbli mill-impriża, jew parti terza, għandhom jiżguraw li d-dokumenti kummerċjali kollha u informazzjoni addizzjonali jingħataw lill-uffiċjali responsabbli mill-iskrutinju jew lill-persuni li jkollhom is-setgħa għal dak il-fini. Dejta maħżuna elettronikament għandha tingħata f’midjum adatt ta’ appoġġ ta’ dejta.

2.           L-uffiċjali responsabbli mill-iskrutinju jew il-persuni li jkollhom is-setgħa għal dak il-fini jistgħu jesiġu li jingħataw estratti jew kopji tad-dokumenti msemmija fil-paragrafu 1.

3.           Fejn, waqt l-iskrutinju magħmul skont dan il-Kapitolu, id-dokumenti kummerċjali miżmuma mill-impriża jitqiesu bħala inadegwati għall-finijiet ta’ skrutinju, l-impriża għandha tiġi mitluba żżomm tali reġistrazzjonijiet fil-ġejjieni li jkunu meħtieġa mill-Istat Membru responsabbli mill-iskrutinju, mingħajr preġudizzju għal obbligi stabbiliti f’Regolamenti oħra relatati mas-settur konċernat.

L-Istati Membri għandhom jiddeterminaw id-data li minnha għandhom jiġu stabbiliti dawn ir-reġistrazzjonijiet.

Fejn id-dokumenti kummerċjali kollha jew parti minnhom li jkun jeħtieġ isirilhom skrutinju skont dan il-Kapitolu ikunu jinsabu fil-post ta’ impriża tal-istess grupp, sħubija jew assoċjazzjoni kummerċjali ta’ impriżi mmexxija fuq bażi unifikata bħall-impriża taħt skrutinju, kemm jekk tkun tinsab fit-territorju tal-Unjoni jew barra minnu, l-impriża għandha tagħmel dawk id-dokumenti kummerċjali disponibbli lil uffiċjali responsabbli mill-iskrutinju, f’post u żmien li għandhom jiġu ddeterminati mill-Istati Membri responsabbli biex jagħmlu l-iskrutinju.

4.           L-Istati Membri għandhom jiżguraw li uffiċjali responsabbli mill-iskrutinju jkunu intitolati li jaqbdu dokumenti kummerċjali, jew li jaraw li dawn jinqabdu. Dan il-jedd għandu jiġi eżerċitat b’qies għad-dispożizzjonijiet rilevanti nazzjonali u m’għandux jaffettwa l-applikazzjoni ta’ regoli li bihom jitmexxew proċedimenti f’materji kriminali dwar il-qbid ta’ dokumenti.

Artikolu 83 Assistenza reċiproka

1.           L-Istati Membri għandhom jassistu lil xulxin biex isir l-iskrutinju msemmi f’dan il-Kapitolu fil-każijiet li ġejjin:

(a)     fejn impriża jew parti terza jkunu stabbiliti fi Stat Membru minbarra dak li fih il-pagament tal-ammont inkwistjoni kien jew messu sar jew kien jew messu kien riċevut;

(b)     fejn impriża jew parti terza jkunu stabbiliti fi Stat Membru minbarra dak li fih id-dokumenti u l-informazzjoni meħtieġa jkunu jinsabu.

Il-Kummissjoni tista’ tikkoordina azzjonijiet konġunti li jkunu jinvolvu assistenza reċiproka bejn żewġ Stati Membri jew aktar.

2.           Matul l-ewwel tliet xhur wara s-sena finanzjarja ta’ pagament mill-FAEG, l-Istati Membri għandhom jibagħtu lill-Kummissjoni lista ta’ impriżi stabbiliti f’pajjiż terz li għalihom kien jew messu sar jew kien jew messu kien riċevut pagament tal-ammont inkwistjoni f’dak l-Istat Membru.

4.           Jekk informazzjoni addizzjonali tkun meħtieġa fi Stat Membru ieħor bħala parti mill-iskrutinju ta’ impriża skont l-Artikolu 80, u partikolarment kontroverifiki skont l-Artikolu 81, jistgħu jsiru talbiet għal skrutinju speċifiku li jindikaw ir-raġunijiet għat-talba. Deskrizzjoni ġenerali ta’ talbiet speċifiċi tali għandha tintbagħat lill-Kummissjoni abbażi ta’ kull tliet xhur fi żmien xahar mit-tmien ta’ kull tliet xhur. Il-Kummissjoni tista’ titlob li tingħata kopja ta’ kull talba individwali.

It-talba għal skrutinju għandha tintlaqa’ mhux aktar tard minn sitt xhur mill-wasla tagħha; ir-riżultati tal-iskrutinju għandhom jiġu kkomunikati mingħajr dewmien lill-Istat Membru li jkun għamel it-talba u lill-Kummissjoni. Il-komunikazzjoni lill-Kummissjoni għandha ssir abbażi ta’ kull tliet xhur u fi żmien xahar mit-tmiem ta’ kull perjodu ta’ tliet xhur.

Artikolu 84 Programmar

1.           L-Istati Membri għandhom ifasslu programmi biex l-iskrutinji jiġu esegwiti skont l-Artikolu 80 matul il-perjodu ta’ skrutinju sussegwenti.

2.           Kull sena, qabel il-15 ta’ April, l-Istati Membri għandhom jibagħtu lill-Kummissjoni l-programm tagħhom kif imsemmi fil-paragrafu 1 u għandhom jispeċifikaw:

(a)     l-għadd ta’ impriżi li jkollu jsirulhom skrutinju u d-disaggregazzjoni tagħhom skont is-settur abbażi tal-ammonti relatati magħhom;

(b)     il-kriterji adottati għat-tfassil tal-programm.

3.           Il-programmi stabbiliti mill-Istati Membri u mibgħuta lill-Kummissjoni għandhom jiġu implimentati mill-Istati Membri, jekk, fi żmien tmien ġimgħat, il-Kummissjoni ma tkunx għamlet magħrufa l-kummenti tagħha.

4.           Il-paragrafu 3 għandu japplika mutatis mutandis għall-emendi lill-programm li jsiru mill-Istati Membri.

5.           Fi kwalunkwe stadju, il-Kummissjoni tista’ titlob li tiddaħħal kategorija partikolari ta’ impriża fil-programm tal-Istati Membri .

6.           Impriżi li għalihom is-somma ta’ rċevuti jew pagamenti kienet tammonta għal anqas minn EUR 40000 għandu jsirilhom skrutinju skont dan il-Kapitolu għal raġunijiet speċifiċi biss li għandhom jiġu indikati mill-Istati Membri fil-programm annwali tagħhom imsemmi fil-paragrafu 1 jew mill-Kummissjoni fi kwalunkwe emenda proposta għal dak il-programm.

Artikolu 85 Dipartimenti speċjali

1.           F’kull Stat Membru, dipartiment speċjali għandu jkun responsabbli għall-monitoraġġ tal-applikazzjoni ta’ dan il-Kapitolu. Dawk id-dipartimenti għandhom b’mod partikolari jkunu responsabbli għal:

(a)     it-twettiq tal-iskrutinju msemmi f’dan il-Kapitolu minn uffiċjali impjegati direttament minn dak id-dipartiment speċjali; jew

(b)     il-koordinazzjoni u s-sorveljanza ġenerali tal-iskrutinju esegwit minn uffiċjali li jappartienu lil dipartimenti oħra.

L-Istati Membri jistgħu jipprovdu wkoll li skrutinju li jkun esegwit skont dan il-Kapitolu jiġi allokat bejn id-dipartimenti speċjali u dipartimenti nazzjonali oħra, bil-kundizzjoni li dawn tal-ewwel ikunu responsabbli għall-koordinazzjoni tagħhom.

2.           Id-dipartiment jew dipartimenti responsabbli għall-applikazzjoni ta’ dan il-Kapitolu għandhom ikunu organizzati b’mod li jkunu indipendenti mid-dipartimenti jew fergħat ta’ dipartimenti responsabbli għall-pagamenti u mill-iskrutinju esegwit qabel pagament.

3.           Biex jiġi żgurat li dan il-Kapitolu jiġi applikat sewwa, id-dipartiment speċjali msemmi fil-paragrafu 1 għandu jieħu l-miżuri kollha meħtieġa u għandu jkun fdat mill-Istat Membru konċernat bis-setgħat kollha meħtieġa biex iwettaq il-kompiti msemmija f’dan il-Kapitolu.

4.           L-Istati Membri għandhom jadottaw miżuri xierqa biex jippenalizzaw persuni fiżiċi jew ġuridiċi li jonqsu li jħarsu l-obbligi tagħhom skont dan il-Kapitolu.

Artikolu 86 Rapporti

1.           Qabel l-1 ta’ Jannar wara l-perjodu ta’ skrutinju l-Istati Membri għandhom jibagħtu lill-Kummissjoni rapport dettaljat dwar l-applikazzjoni ta’ dan il-Kapitolu.

2.           L-Istati Membri u l-Kummissjoni għandhom iżommu skambji regolari ta’ fehmiet dwar l-applikazzjoni ta’ dan il-Kapitolu.

Artikolu 87 Aċċess għal informazzjoni u verifiki fuq il-post mill-Kummissjoni

1.           Skont il-liġijiet nazzjonali rilevanti, uffiċjali tal-Kummissjoni għandu jkollhom aċċess għad-dokumenti kollha mħejjija jew għall-iskrutinju organizzat skont dan il-Kapitolu jew wara l-iskrutinju, u għad-dejta miżmuma, inkluża dik maħżuna fis-sistemi ta’ pproċessar ta’ dejta. Dik id-dejta għandha tingħata meta tintalab f’midjum adattat ta’ appoġġ ta’ dejta.

2.           L-iskrutinji msemmija fl-Artikolu 80 għandhom jiġu esegwiti mill-uffiċjali tal-Istati Membri. Uffiċjali tal-Kummissjoni jistgħu jipparteċipaw f’dawk l-iskrutinji. Ma jistgax ikollhom il-kapaċità li jeżerċitaw huma nfushom is-setgħat ta’ skrutinju mogħtija lil uffiċjali nazzjonali. Madankollu, huma għandu jkollhom aċċess għall-istess postijiet u għall-istess dokumenti bħall-uffiċjali tal-Istati Membri.

3.           Fil-każ ta’ skrutinji esegwiti skont l-Artikolu 83, uffiċjali tal-Istat Membru li jagħmel it-talba jistgħu jkunu preżenti, bi qbil mal-Istat Membru mitlub, waqt l-iskrutinju fl-Istat Membru mitlub u jkollhom aċċess għall-istess postijiet u għall-istess dokumenti bħall-uffiċjali ta’ dak l-Istat Membru.

Uffiċjali tal-Istat Membru li jagħmel it-talba preżenti waqt skrutinji fl-Istat Membru mitlub għandhom f’kull żmien ikunu jistgħu jġibu prova tal-kapaċità uffiċjali tagħhom. L-iskrutinji għandhom f’kull żmien jiġu esegwiti minn uffiċjali tal-Istat Membru mitlub.

4.           Mingħajr preġudizzju għad-dispożizzjonijiet tar-Regolamenti (KE) Nru 1073/99 u (KE) Nru 2185/96, fejn dispożizzjonijiet nazzjonali dwar proċedura kriminali jirriżervaw ċerti atti għal uffiċjali speċifikatament maħtura mil-liġi nazzjonali, la l-uffiċjali tal-Kummissjoni, u lanqas l-uffiċjali tal-Istat Membru msemmija fil-paragrafu 3, m’għandhom jieħdu parti f’dawn l-atti. Fi kwalunkwe każ, huma m’għandhomx jieħdu parti, b’mod partikolari, fi żjajjar fid-dar jew fl-interrogazzjoni formali ta’ persuni fil-kuntest tal-liġi krimimali tal-Istat Membru. Madankollu, huma għandu jkollhom aċċess għal informazzjoni miksuba b’dan il-mod.

Artikolu 88 Setgħat tal-Kummissjoni

1.           Sabiex jiġu esklużi mill-applikazzjoni ta' dan il-Kapitolu dawk il-miżuri li, fin-natura tagħhom, mhumiex adegwati għal verifiki ex-post permezz ta' skrutinju ta' dokumenti kummerċjali, il-Kummissjoni għandha tingħata s-setgħa li tadotta atti delegati skont l-Artikolu 111 li jistabbilixxi lista ta' miżuri oħra li għalihom ma japplikax dan il-Kapitolu, u li jimmodifika l-limitu ta' EUR 40000 imsemmi fl-Artikolu 84(6).

2.           Il-Kummissjoni għandha, fejn ikun meħtieġ, permezz ta’ atti ta’ implimentazzjoni tadotta d-dispożizzjonijiet li jkollhom l-għan li tinkiseb applikazzjoni uniformi ta’ dan ir-Regolament fl-Unjoni, partikolarment fir-rigward ta’ dan li ġej:

(a)     it-twettiq tal-iskrutinju msemmi fl-Artikolu 80 fir-rigward tal-għażla ta’ impriżi, ir-rata u l-kalendarju tal-iskrutinju;

(b)     il-konservazzjoni ta’ dokumenti kummerċjali u t-tipi ta’ dokumenti li għandhom jinżammu jew dejta li għandha tiġi irreġistrata;

(c)     it-twettiq u l-koordinazzjoni ta’ azzjonijiet konġunti msemmija fl-Artikolu 83(1);

(d)     dettalji u speċifikazzjonijiet fir-rigward tal-kontenut, l-għamla u l-mod ta’ sottomissjoni ta’ talbiet, il-kontenut, l-għamla u l-mod ta’ notifikazzjoni, is-sottomissjoni u l-iskambju ta’ informazzjoni meħtieġa fil-qafas ta’ dan il-Kapitolu;

(e)     kundizzjonijiet u mezzi ta’ pubblikazzjoni jew regoli speċifiċi u kundizzjonijiet għat-tixrid tal-informazzjoni meħtieġa jew li din issir disponibbli mill-Kummissjoni lill-awtoritajiet kompetenti tal-Istati Membri fil-qafas ta’ dan ir-Regolament;

(f)      ir-responsabbiltajiet tad-dipartiment speċjali msemmi fl-Artikolu 85;

(g)     il-kontenut ta’ rapporti msemmija fl-Artikolu 86.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3).

Kapitolu IV Dispożizzjonijiet oħra ta’ verifika

Artikolu 89 Verifiki oħra marbuta ma' miżuri tas-suq

1.           L-Istati Membri għandhom jieħdu miżuri biex jiżguraw li l-prodotti msemmija fl-Anness I għar-Regolament (UE) xxx/xxx [sCMO] li ma jkollhomx tikketta konformi mad-dispożizzjonijiet ta’ dak ir-Regolament ma jitqegħdux fis-suq, jew li jiġu rtirati minnu.

2.           Mingħajr preġudizzju għal ebda dispożizzjoni speċifika li tista’ tiġi adottata mill-Kummissjoni, importazzjonijiet għall-Unjoni tal-prodotti speċifikati fil-paragrafu 1(a) u (b) tal-Artikolu 129 tar-Regolament (UE) Nru xxx/xxx [sCMO] għandhom ikunu soġġetti għal kontrolli biex jiġi ddeterminat jekk il-kundizzjonijiet imsemmija fil-paragrafu 1 ta’ dak l-Artikolu jkunux qed jitħarsu.

3.           L-Istati Membri għandhom iwettqu verifiki, imsejsa fuq analiżi tar-riskji, biex jivverifikaw jekk il-prodotti msemmija fl-Anness I għar-Regolament (UE) xxx/xxx [sCMO] humiex konformi mar-regoli stipulati fit-Taqsima I tal-Kapitolu I tat-Titolu II tal-Parti II tar-Regolament (UE) Nru xxx/xxx[sCMO] u għandhom japplikaw penali amministrattivi kif xieraq.

4.           Sabiex jitħarsu l-fondi tal-UE u l-identità, provenjenza u l-kwalità tal-inbid tal-Unjoni, il-Kummissjoni għandha tingħata s-setgħa li tadotta atti delegati skont l-Artikolu 111 li jikkonċerna:

(a)     l-istabbiliment ta' bank tad-dejta tad-dejta isotopika li tgħin fis-sejba ta' frodi li għandu jinbena abbażi ta' kampjuni miġbura mill-Istati Membri u l-istabbiliment ta' regoli dwar il-banek tad-dejta proprji tal-Istati Membri;

(b)     regoli dwar il-korpi ta' kontroll u l-assistenza reċiproka bejniethom;

(c)     regoli dwar l-użu komuni tas-sejbiet tal-Istati Membri;

(d)     regoli dwar l-applikazzjoni tal-penali f'każ ta' ċirkostanzi eċċezzjonali.

Artikolu 90 Kontrolli relatati ma’ denominazzjoni ta’ oriġini u indikazzjonijiet ġeografiċi

1.           L-Istati Membri għandhom jieħdu l-passi meħtieġa biex iwaqqfu l-użu illegali ta’ denominazzjonijiet protetti ta’ oriġini u indikazzjoni ġeografika protetta msemmija fir-Regolament (UE) Nru xxx/xxx[sCMO].

2.           L-Istati Membri għandhom jaħtru l-awtorità kompetenti responsabbli mill-kontrolli fir-rigward tal-obbligi stabbiliti fit-Taqsima II tal-Kapitolu […] tat-Titolu II tal-Parti 2 tar-Regolament (UE) Nru xxx/xxx[sCMO] skont il-kriterji stabbiliti fl-Artikolu 4 tar-Regolament (KE) Nru 882/2004 tal-Parlament Ewropew u tal-Kunsill[45] u għandhom jiżguraw li kull operatur li jkun konformi ma’ dawk l-obbligi jkun intitolat li jkun kopert b’sistema ta’ kontrolli.

3.           Fl-Unjoni, verifika annwali tal-konformità mal-ispeċifikazzjoni tal-prodott, matul il-produzzjoni u matul jew wara l-kundizzjonament tal-inbid, għandha tkun żgurata mill-awtorità kompetenti msemmija fil-paragrafu 2 jew minn korp ta’ kontroll wieħed jew aktar, skont it-tifsira tal-punt 5 tat-tieni subparagrafu tal-Artikolu 2 tar-Regolament (KE) Nru 882/2004, li joperaw bħala korp ta’ ċertifikazzjoni ta’ prodotti skont il-kriterji stabbiliti fl-Artikolu 5 ta’ dak ir-Regolament.

4.           Il-Kummissjoni għandha, permezz ta’ atti ta’ implimentazzjoni, tadotta dan li ġej:

(a)     il-komunikazzjonijiet li għandhom isiru mill-Istati Membri lill-Kummissjoni;

(b)     regoli dwar l-awtorità responsabbli għall-verifika tal-konformità mal-ispeċifikazzjoni ta’ prodott, inkluż fejn iż-żona ġeografika tkun f’pajjiż terz;

(c)     l-azzjonijiet li għandhom jiġu implimentati mill-Istati Membri għall-prevenzjoni tal-użu illegali ta’ denominazzjonijiet protetti ta’ oriġini u ta’ indikazzjonijiet ġeografiċi protetti;

(d)     kontrolli u verifika li għandhom isiru mill-Istati Membri, inkluż ittestjar.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3) jew fl-Artikolu korrispondenti tar-Regolament (UE) Nru xxx/xxx[sCMO].

TITOLU VI KUNDIZZJONALITÀ

Kapitolu I Kamp ta’ applikazzjoni

Artikolu 91 Prinċipju ġenerali

1.           Meta benefiċjarju msemmi fl-Artikolu 92 ma jkunx konformi, fl-azjenda, mar-regoli dwar il-kundizzjonalità kif stabbilit fl-Artikolu 93 għandha tiġi applikata penali lil dak il-benefiċjarju.

2.           Il-penali msemmija fil-paragrafu 1 għandha tapplika biss sakemm

(a)     in-nuqqas ta’ konformità jkun ir-riżultat ta’ att jew omissjoni direttament attribwibbli lill-benefiċjarju konċernat;

(b)     in-nuqqas ta’ konformità jkun relatat mal-attività agrikola tal-benefiċjarju; u

(c)     tkun konċernata ż-żona tal-azjenda tal-benefiċjarju.

Madankollu, għal żoni ta’ foresti din il-penali m’għandhiex tapplika sakemm ma tintalab ebda għajnuna għaż-żoni konċernati skont l-Artikoli 22(1)(a), 31 u 35 tar-Regolament (UE) Nru xxx/xxx[RD].

3.           Għall-fini ta’ dan it-Titolu 'azjenda' tfisser l-unitajiet u ż-żoni kollha tal-produzzjoni mmaniġġjati mill-benefiċjarju msemmi fl-Artikolu 92 li jkunu jinsabu fit-territorju tal-istess Stat Membru.

Artikolu 92 Benefiċjarji kkonċernati

L-Artikolu 91 għandu japplika għal benefiċjarji li jirċievu pagamenti diretti skont ir-Regolament (UE) Nru xxx/xxx[DP], pagamenti skont l-Artikoli 44 u 45 tar-Regolament (UE) Nru xxx/xxx[sCMO] u l-primjums annwali skont l-Artikoi 22(1)a u (b), 29 sa 32, 34 u 35 tar-Regolament (UE) Nru xxx/xxx[RD].

Madankollu, l-Artikolu 91 m’għandux japplika għal benefiċjarji li jipparteċipaw fl-iskema għal bdiewa żgħar imsemmija fit-Titolu V tar-Regolament (UE) Nru xxx/xxx[DP] u għall-benefiċjarji li jirċievu għajnuna skont l-Artikolu 29(9) tar-Regolament (UE) Nru RD/xxx.

Artikolu 93 Regoli dwar il-kundizzjonalità

Ir-regoli dwar il-kundizzjonalità għandhom ikunu r-rekwiżiti statutorji ta’ mmaniġġjar skont il-leġiżlazzjoni tal-Unjoni u l-istandards għal kundizzjoni agrikola u ambjentali tajba ta’ art stabbiliti f’livell nazzjonali kif elenkati fl-Anness II, relatati mal-oqsma li ġejjin:

(a)          l-ambjent, it-tibdil fil-klima u l-kundizzjoni agrikola tajba ta’ art;

(b)          is-saħħa pubblika, tal-annimali u tal-pjanti;

(c)          it-trattament xieraq tal-annimali.

L-atti msemmija fl-Anness II b’rabta mar-rekwiżiti statutorji ta’ mmaniġġjar għandhom japplikaw kif fis-seħħ u, f’każ ta’ Direttivi, kif implimentati mill-Istati Membri.

Id-Direttiva 2000/60/KE tal-Parlament Ewropew u tal-Kunsill tat-23 ta' Ottubru 2000 li tistabilixxi qafas għal azzjoni Komunitarja fil-qasam tal-politika tal-ilma se titqies bħala parti mill-Anness II ladarba din id-Direttiva tiġi implimentata mill-Istati Membri kollha u jkunu ġew identifikati l-obbligi direttament applikabbli għall-bdiewa. Sabiex jitqiesu dawk l-elementi, il-Kummissjoni għanda tingħata s-setgħa li tadotta atti delegati skont l-Artikolu 111 għall-fini li jiġi emendati l-Anness II fi żmien 12 -il xahar li jibda mill-mument li l-aħħar Stat Membru jkun innotifika lill-Kummissjoni dwar l-implimentazzjoni tad-Direttiva.

Direttiva 2009/128/KE tal-Parlament Ewropew u tal-Kunsill tal- 21 ta’ Ottubru 2009 li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi se titqies bħala parti mill-Anness II ladarba din id-Direttiva tiġi implimentata mill-Istati Membri kollha u jkunu ġew identifikati l-obbligi direttament applikabbli għall-bdiewa. Sabiex jitqiesu dawk l-elementi, il-Kummissjoni għanda tingħata s-setgħa li tadotta atti delegati skont l-Artikolu 111 għall-fini li jiġi emendati l-Anness II fi żmien 12-il xahar li jibda mill-mument li l-aħħar Stat Membru jkun innotifika lill-Kummissjoni dwar l-implimentazzjoni tad-Direttiva, inklużi l-obbligi relatati mal-ġestjoni integrata ta’ organiżmi ta’ ħsara.

Barra minn hekk, fir-rigward tas-snin 2014 u 2015, ir-regoli dwar il-kundizzjonalità għandhom jinkludu wkoll l-manutenzjoni tal- mergħat permanenti. L-Istati Membri li kienu membru tal-Unjoni fl-1 ta' Jannar 2004 għandhom jiżguraw illi l-art li kienet taħt mergħa permanenti fid-data mniżżla fl-applikazzjonijiet għall-għajnuna għall-erja tal-2003 tinżamm taħt mergħa permanenti fi ħdan limiti definiti. L-Istati Membri li saru Membru tal-Unjoni fl-2004 għandhom jiżguraw illi l-art li kienet taħt mergħa permanenti fl-1 ta' Mejju 2004 tinżamm taħt mergħa permanenti fi ħdan limiti definiti. I-Bulgarija u r-Rumanija għandhom jiżguraw illi l-art li kienet taħt mergħa permanenti fl-1 ta' Jannar 2007 tinżamm bħala mergħa permanenti fi ħdan limiti definiti.

Is-subparagrafu preċedenti ma japplikax għal art taħt mergħa permanenti li ser tingħata għat-tisġir, jekk tali tisġir hu kompatibbli mal-ambjent u bl-esklużjoni ta' msaġar tas-siġar tal-Milied u speċiijiet li jikbru malajr ikkultivati għal perjodu qasir.

Sabiex jitqiesu l-elementi fiż-żewġ paragrafi preċedenti, il-Kummissjoni għandha tingħata s-setgħa li tadotta atti delegati skont l-Artikolu 111 li fih ir-regoli dwar il-manutenzjoni ta' mergħat permanenti, b'mod partikolari biex jiżguraw li jittieħdu miżuri biex iżommu art taħt mergħa permanenti fil-livell ta' bdiewa individwali, inklużi l-obbligi li għandhom ikunu rispettati bħall-obbligu tar-rikonverżjoni ta' żoni f' mergħat permanenti fejn huwa stabbilit li l-proporzjon ta'art taħt mergħa permanenti qed jonqos.

Barra minn hekk, il-Kummissjoni għandha, permezz ta’ atti implimentattivi, tadotta l-metodi għad-determinazzjoni tal-proporzjon tal-mergħa permanenti u l-art agrikola li għandhom jinżammu. Dawk l-atti ta' implimentazzjoni għandhom jiġu adottati skont il-proċedura tal-eżami msemmija fl-Artikolu 112 (3).

Artikolu 94 Obbligi ta’ Stati Membri relatati ma’ kundizzjoni agrikola u ambjentali tajba

L-Istati Membri għandhom jiżguraw li ż-żona agrikola kollha, inkluża art li ma tkunx għadha tintuża għal finijiet ta’ produzzjoni, tinżamm f’kundizzjoni agrikola u ambjentali tajba. L-Istati Membri għandhom jiddefinixxu, f’livell nazzjonali jew reġjonali, standards minimi għal benefiċjarji għal kundizzjoni agrikola u ambjentali tajba ta’ art abbażi fl-Anness II, billi jqisu l-karatteristiċi speċifiċi taż-żoni konċernati, inklużi l-ħamrija u l-kundizzjoni klimatika, sistemi eżistenti ta’ biedja, użu ta’ artijiet, tinwib, prattiki ta’ biedja, u strutturi ta’ farms. L-Istati Membri m’għandhomx jiddefinixxu rekwiżiti minimi li ma mhumiex stabbiliti fl-Anness II.

Artikolu 95 Informazzjoni lil benefiċjarji

L-awtorità nazzjonali kompetenti għandha tipprovdi lill-benefiċjarji konċernati, fejn ikun xieraq bl-użu ta’ mezzi elettroniċi, bil-lista tar-regoli dwar il-kundizzjonalità li għandha titħares u b’informazzjoni dwarhom.

Kapitolu II Sistema ta' u penali relatati mal-kundizzjonalità

Artikolu 96 Verifiki ta’ kundizzjonalità

1.           L-Istati Membri għandhom jagħmlu użu, fejn xieraq, tas-sistema integrata stipulata fil-Kapitolu II tat-Titolu V u, b'mod partikulari, tal-elementi msemmija fl-Artikolu 69(1), punti (a), (b), (d), (e) u (f).

L-Istati Membri jistgħu jużaw is-sistemi ta’ amministrazzjoni u kontroll eżistenti tagħhom biex jiżguraw konformità mar-regoli dwar il-kundizzjonalità.

Dawk is-sistemi, u b’mod notevoli s-sistema għall-identifikazzjoni u r-reġistrazzjoni ta’ annimali stabbilita skont id-Direttiva tal-Kunsill 2008/71/KE tal-15 ta’ Lulju 2008 dwar l-identifikazzjoni u r-reġistrazzjoni tal-ħnieżer[46] u r-Regolamenti (KE) Nru 1760/2000 u (KE) Nru 21/2004, għandhom ikunu kompatibbli mas-sistema integrata msemmija fil-Kapitolu II tat-Titolu V ta’ dan ir-Regolament.

2.           Skont x’ikunu r-rekwiżiti, l-istandards, l-atti jew l-oqsma ta’ kundizzjonalità inkwistjoni, l-Istati Membri jistgħu jiddeċiedu li jagħmlu verifiki amministrattivi, partikolarment dawk diġà msemmija fis-sistemi ta’ kontroll applikabbli għar-rekwiżit, l-istandard, l-att jew il-qasam rispettivi ta’ kundizzjonalità.

3.           L-Istati Membri għandhom jagħmlu verifiki fuq il-post biex jaraw jekk benefiċjarju jkunx konformi mal-obbligi stipulati f’dan it-Titolu.

4.           Il-Kummissjoni għandha, permezz ta’ atti ta’ implimentazzjoni, tadotta regoli dwar kif isiru kontrolli għall-verifika tal-konformità mal-obbligi msemmija f’dan it-Titolu.

Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

Artikolu 97 Applikazzjoni tal-penali

1.           Il-penali pprovduta fl-Artikolu 91 għandha tkun applikata meta r-regoli dwar il-kundizzjonalità ma jitħarsux f’xi waqt f’sena kalendarja partikolari (minn hawn ’il quddiem imsejħa ‘is-sena kalendarja konċernata’), u n-nuqqas ta’ konformità inkwistjoni jkun attribwibbli lill-benefiċjarju li jkun bagħat l-applikazzjoni għal għajnuna jew it-talba għal pagament fis-sena kalendarja konċernata.

L-ewwel subparagrafu għandu japplika mutatis mutandis għal benefiċjarji li jinstabu li ma jkunux ħarsu r-regoli dwar il-kundizzjonalità, f’xi waqt matul it-tliet snin mill-1 ta’ Jannar tas-sena wara s-sena kalendarja li fiha jkun ingħata l-ewwel pagament skont il-programmi ta’ għajnuna għal ristrutturar u konverżjoni jew f’xi waqt matul sena waħda mill-1 ta’ Jannar tas-sena wara s-sena kalendarja li fiha jkun ingħata l-pagament skont il-programmi ta’ għajnuna għal ħsad ekoloġiku msemmi fir-Regolament (UE) Nru [sCMO] (minn hawn ’il quddiem imsejħin ‘is-snin ikkonċernati’).

2.           F’każ fejn l-art tkun ittrasferita matul is-sena kalendarja konċernata jew matul is-snin konċernati, il-paragrafu 1 għandu japplika wkoll fejn in-nuqqas ta’ konformità inkwistjoni jkun ir-riżultat ta’ att jew ta’ omissjoni direttament attribwibbli lill-persuna li lilha jew li mingħandha l-art agrikola kienet ittrasferita. Permezz ta’ deroga, fejn il-persuna li lilha l-att jew l-omissjoni jkunu direttament attribwibbli tkun bagħtet applikazzjoni għal għajnuna jew talba għal pagament fis-sena kalendarja konċernata jew fis-snin konċernati, il-penali għandha tkun applikata abbażi tal-ammonti totali tal-pagamenti msemmija fl-Artikolu 92 mogħtija jew li jkollhom jingħataw lil dik il-persuna.

Għal fini ta’ dan il-paragrafu, ‘trasferiment’ għandha tfisser kwalunkwe tip ta’ tranżazzjoni li biha l-art agrikola ma tibqax għad-dispożizzjoni tat-trasferitur.

3.           Minkejja l-paragrafu 1, l-Istati Membri jistgħu jiddeċiedu li ma japplikawx penali li għal kull benefiċjarju u għal kull sena kalendarja meta l-ammont tal-penali huwa ta' EUR 100 jew inqas, soġġett għar-regoli li għandhom jiġu adottati in segwitu għall-Artikolu 101.

[Meta Stat Membru jiddeċiedi li jagħmel użu mill-għażla msemmija fl-ewwel subparagrafu, l-awtorità kompetenti għandha, għal kampjun ta’ benefiċjarji, tieħu fis-sena ta’ wara l-azzjonijiet meħtieġa biex tivverifika li l-benefiċjarju jkun irrimedja s-sejbiet ta’ nuqqas ta’ konformità konċernata. Is-sejba u l-obbligu li tittieħed azzjoni rimedjali għandhom jiġu nnotifikati lill-benefiċjarju.]

4.           Il-penali ma taffettwax il-legalità u r-regolarità tal-pagamenti li għalihom tapplika r-riduzzjoni jew l-esklużjoni.

Artikolu 98 Applikazzjoni tal-penali fil-Bulgarija u fir-Rumanija

Għall-Bulgarija u r-Rumanija, il-penali msemmija fl-Artikolu 91 għandhom jiġu applikati mhux aktar tard mill-1 ta’ Jannar 2016 fir-rigward tar-rekwiżiti statutorji ta’ mmaniġġjar fil-qasam tat-trattament xieraq tal-annimali msemmi fl-Anness II.

Artikolu 99 Kalkolu tal-penali

1.           Il-penali pprovduta fl-Artikolu 91 għandha tkun applikata permezz ta’ riduzzjoni jew esklużjoni tal-ammont totali tal-pagamenti elenkati fl-Artikolu 92 mogħti jew li jkollu jingħata lil dak il-benefiċjarju relatat mas-sena kalendarja konċernata jew mas-snin konċernati.

Għall-kalkolu ta’ dawk ir-riduzzjonijiet u esklużjonijiet għandhom jitqiesu s-severità, il-grad, il-permanenza u l-okkorrenza tan-nuqqas ta’ konformità misjub, kif ukoll tal-kriterji stabbiliti fil-paragrafi 2, 3 u 4.

2.           Fil-każ ta’ nuqqas ta' konformità minħabba negliġenza, il-perċentwali ta’ riduzzjoni m’għandux ikun aktar minn 5 % u, fil-każ ta’ nuqqas ripetut ta’ konformità, 15 %.

Fil-każijiet ġustifikati kif xieraq l-Istati Membri jistgħu jiddeċiedu li m’għandha tiġi applikata ebda riduzzjoni fejn, minħabba s-severità, il-grad u t-tul tiegħu, każ ta’ nuqqas ta’ konformità għandu jitqies minuri. Madankollu, il-każijiet ta’ nuqqas ta’ konformità li jikkostitwixxu riskju dirett għas-saħħa pubblika jew tal-annimali m’għandhomx jitqiesu bħala minuri. Is-sejba u l-obbligu li tittieħed azzjoni rimedjali għandhom jiġu nnotifikati lill-benefiċjarju.

3.           Fil-każ ta’ nuqqas intenzjonali ta’ konformità, il-perċentwali ta’ riduzzjoni fil-prinċipju ma għandux ikun anqas minn 20 % u jista’ jwassal saħansitra għal esklużjoni totali minn skema waħda jew aktar ta’ għajnuna u jkun japplika għal sena kalendarja waħda jew aktar.

4.           Fi kwalunkwe każ, l-ammont totali ta’ riduzzjonijiet u esklużjonijiet għal sena kalendarja waħda m’għandux ikun aktar mill-ammont totali msemmi fl-ewwel subparagrafu tal-paragrafu 1.

Artikolu 100 Ammonti li jirriżultaw mill-kundizzjonalità

L-Istati Membri jistgħu jżommu 10% tal-ammonti li jirriżultaw mill-applikazzjoni tar-riduzzjonijiet u l-esklużjonijiet imsemmija fl-Artikolu 99.

Artikolu 101 Setgħat delegati

1.           Biex tiġi żgurata distribuzzjoni korretta tal-fondi lill-benefiċjarji intitolati, il-Kummissjoni għandu jkollha s-setgħa li tadotta atti delegati skont l-Artikolu 111 biex jistabbilixxi bażi armonizzata għall-kalkolu ta’ penali minħabba l-kundizzjonalità billi tqis riduzzjonijiet minħabba dixxiplina finanzjarja.

2.           Biex jiġi żgurat li l-kundizzjonalità ssir b’mod effiċjenti, koerenti u mhux diskriminatorju, il-Kummissjoni għandu jkollha s-setgħa li tadotta atti delegati skont l-Artikolu 111 dwar il-kalkolu u l-applikazzjoni tal-penali.

TITOLU VII DISPOŻIZZJONIJIET KOMUNI

Kapitolu I Komunikazzjoni

Artikolu 102 Komunikazzjoni ta’ informazzjoni

1.           B’żieda mad-dispożizzjonijiet stabbiliti fir-Regolamenti settorjali, l-Istati Membri għandhom jibagħtu lill-Kummissjoni l-informazzjoni, id-dikjarazzjonijiet u d-dokumenti li ġejjin:

(a)     għal aġenziji tal-pagamenti akkreditati u korpi ta’ koordinazzjoni akkreditati:

i)        id-dokument ta’ akkreditazzjoni tagħhom;

ii)       il-funzjoni tagħhom (aġenzija tal-pagamenti akkreditata jew korp ta’ koordinazzjoni akkreditat);

iii)      fejn ikun rilevanti, l-irtirar tal-akkreditazzjoni tagħhom,

(b)     għal korpi ta’ ċertifikazzjoni:

i)        isimhom;

ii)       dettalji tal-indirizzi tagħhom,

(c)     għal miżuri relatati ma’ operazzjonijiet iffinanzjati mill-FAEG u l-FAEŻR:

i)        dikjarazzjonijiet ta’ nfiq, li jservu wkoll bħala talbiet għal pagamenti, iffirmati mill-aġenzija tal-pagamenti akkreditata jew mill-korp ta’ koordinazzjoni akkreditat u akkumpanjati mill-informazzjoni meħtieġa;

ii)       stimi tal-ħtiġijiet finanzjarji tagħhom, fir-rigward tal-FAEG u, fir-rigward tal-FAEŻR, aġġornament ta’ dikjarazzjonijiet ta’ stimi ta’ nfiq li jintbagħtu matul is-sena u dikjarazzjonijiet ta’ stimi ta’ nfiq fir-rigward tas-sena finanzjarja ta’ wara;

iii)      sal-15 ta’ Frar tas-sena wara s-sena finanzjarja konċernata, meta Stat Membru jkun akkredita aktar minn aġenzija tal-pagamenti waħda, rapport ta’ sinteżi li jkun jikkonsisti minn deskrizzjoni ġenerali f’livell nazzjonali tad-dikjarazzjonijiet kollha ta’ mmaniġġjar ta’ assigurazzjonijiet u l-opinjonijiet ta’ awditjar dwarhom mill-korpi ta’ ċertifikazzjoni;

iv)      id-dikjarazzjoni ta’ mmaniġġjar ta’ assigurazzjoni u il-kontijiet annwali tal-aġenziji tal-pagamenti akkreditati;

v)       sommarju tar-riżultati tal-verifiki u tal-kontrolli kollha disponibbli magħmula skont l-iskeda u dispożizzjonijiet dettaljati stabbiliti fir-regoli speċifi għas-settur.

Il-kontijiet annwali ta’ aġenziji tal-pagamenti akkreditati relatati ma’ nfiq mill-FAEŻR għandhom jiġu sottomessi fil-livell ta’ kull programm.

2.           L-Istati Membri għandhom jgħarrfu lill-Kummissjoni fid-dettal bil-miżuri li jittieħdu għall-implimentazzjoni tal-kundizzjoni agrikola u ambjentali tajba msemmija fl-Artikolu 94 u bid-dettalji tas-sistema konsultattiva għall-farms msemmija fit-Titolu III.

3.           L-Istati Membri għandhom jgħarrfu lill-Kummissjoni regolarment dwar l-applikazzjoni tas-sistema integrata msemmija fil-Kapitolu II tat-TitoluV. Il-Kummissjoni għandha torganizza skambji ta’ fehmiet dwar dan is-suġġett mal-Istati Membri.

Artikolu 103 Kunfidenzjalità

1.               L-Istati Membri u l-Kummissjoni għandhom jieħdu l-passi kollha meħtieġa biex jiżguraw il-kunfidenzjalità tal-informazzjoni kkomunikata jew miksuba minn miżuri ta’ spezzjoni u minn approvazzjoni ta’ kontijiet implimentati skont ir-Regolament.

Ir-regoli stipulati fl-Artikolu 8 tar-Regolament tal-Kunsill (Euratom, KE) Nru 2185/96[47] għandhom japplikaw għal dik l-informazzjoni.

2.           Mingħajr preġudizzju għad-dispożizzjonijiet nazzjonali relatati ma’ proċedimenti legali, l-informazzjoni miġbura matul skrutinju kif imsemmi fil-Kapitolu III tat-Titolu V għandha tkun protetta b’segretezza professjonali. Ma tista’ tkun ikkomunikata lil ebda persuna minbarra dawk li, minħabba d-dmirijiet tagħhom fl-Istati Membri jew fl-istituzzjonijiet tal-Unjoni, ikun jeħtiġilhom ikollhom tagħrif dwarha għall-finijiet tal-qadi ta’ dawk id-dmirijiet.

Artikolu 104 Setgħat tal-Kummissjoni

Il-Kummissjoni tista’, permezz ta’ atti ta’ implimentazzjoni, tadotta regoli li jappartienu lil:

(a)          l-għamla, il-kontenut, l-intervalli, id-dati ta’ skadenza u l-arranġamenti biex jiġu trażmessi jew isiru disponibbli lill-Kummissjoni:

(i)      dikjarazzjonijiet ta’ nfiq u stimi ta’ nfiq u l-aġġornamenti tagħhom, inkluż dħul assenjat;

(ii)     dikjarazzjoni ta’ mmaniġġjar ta’ assigurazzjoni u ta’ kontijiet annwali tal-aġenziji tal-pagamenti, kif ukoll r-riżultati tal-verifiki u kontrolli disponibbli kollha li ġew imwettqa;

(iii)     ir-rapporti ta’ ċertifikazzjoni ta’ kontijiet;

(iv)    l-ismijiet u l-partikularitajiet ta’ aġenziji tal-pagamenti akkreditati, korpi ta’ koordinazzjoni akkreditati u korpi ta’ ċertifikazzjoni;

(v)     arranġamenti biex jitqies u jitħallas infiq iffinanzjat mill-FAEG u mill-FAEŻR;

(vi)    notifikazzjonijiet ta’ aġġustamenti finanzjarji magħmula mill-Istati Membri b’rabta ma’ operazzjonijiet jew programmi ta’ żvilupp rurali, u rapporti fil-qosor dwar il-proċeduri ta’ rkupru li jitwettqu mill-Istati Membri bi tweġiba għal irregolaritajiet;

(vii)    informazzjoni dwar il-miżuri li jittieħdu skont l-Artikolu 60.

(b)          l-arranġamenti li jirregolaw skambji ta’ informazzjoni u dokumenti bejn il-Kummissjoni u l-Istati Membri, u l-implimentazzjoni ta’ sistemi ta’ informazzjoni, inklużi t-tip, il-format u l-kontenut ta’ dejta li jkollha tiġi pproċessata minn dawn is-sistemi u r-regoli korrispondenti dwar ħżin ta’ dejta;

(c)          in-notifikazzjoni lill-Kummissjoni, mill-Istati Membri, dwar informazzjoni, dokumenti, statistika u rapporti, kif ukoll skadenzi u metodi għan-notifikazzjoni tagħhom.

L-atti ta’ implimentazzjoni msemmija fl-ewwel subparagrafu għandhom jiġu adottati skont il-proċedura ta’ eżami msemmija fl-Artikolu 112(3).

KAPITOLU II Użu tal-ewro

Artikolu 105 Prinċipji ġenerali

1.           L-ammonti mogħtija fid-deċiżjonijiet tal-Kummissjoni li jadottaw programmi ta’ żvilupp rurali, l-ammonti tal-impenji u tal-pagamenti mill-Kummissjoni u l-ammonti tal-infiq ikkonfermati jew iċċertifikati u l-ammonti f’dikjarazzjonijiet ta’ nfiq mill-Istati Membri għandhom ikunu espressi u mħallsin bl-ewro.

2.           Il-prezzijiet u l-ammonti ffissati fil-leġiżlazzjoni agrikola settorjali għandhom ikunu espressi fl-ewro.

Huma għandhom jingħataw jew jinġabru fl-ewro fl-Istati Membri li jkunu adottaw l-ewro u fil-munita nazzjonali fl-Istati Membri li m’għamlux hekk.

Artikolu 106 Rata tal-kambju u avveniment operattiv

1.           Il-prezzijiet u l-ammonti msemmija fl-Artikolu 105(2) għandhom jiġu kkonvertiti fl-Istati Membri li m’adottawx l-ewro bħala munita nazzjonali, permezz ta’ rata tal-kambju.

2.           L-avveniment operattiv għar-rata tal-kambju għandu jkun:

(a)     it-tlestija ta’ formalitajiet doganali ta’ importazzjoni u esportazzjoni fil-każ ta’ ammonti miġbura jew mogħtija fil-kummerċ ma’ pajjiżi terzi;

(b)     l-avveniment li bih l-objettiv ekonomiku tal-operazzjoni jinkiseb fil-każijiet l-oħra kollha.

3.           Fejn pagament dirett, kif ipprovdut fir-Regolament (UE) Nru DP/xxx, jitwettaq lill-benefiċjarju f'munita għajr dik tal-ewro, l-Istati Membri għandhom jikkonvertu l-ammont ta' għajnuna espressa f'ewro fil-munita nazzjonali abbażi tar-rata ta' kambju l-aktar riċenti li ġiet stabbilita mill-Bank Ċentrali Ewropew qabel l-1 ta' Ottubru tas-sena li tingħata l-għajnuna.

4.           Fir-rigward tal-FAEG, meta jiġu mfassla d-dikjarazzjonijiet ta' nefqa tal-Istati Membri, dawn tal-aħħar li ma jkunux adottaw l-ewro għandhom japplikaw l-istess rata ta' kambju bħal dik li jkunu użaw biex iwettqu l-pagamenti lill-benefiċjarji jew biex jiċievu d-dħul, skont id-dispożizzjonijiet ta' dan il-Kapitolu.

5.           Biex tispeċifika l-avveniment operattiv imsemmi fil-paragrafu 2 jew biex tiffissah għal raġunijiet partikolari għall-organizzazzjoni tas-suq jew għall-ammont inkwistjoni, il-Kummissjoni għandu jkollha s-setgħa li tadotta atti delegati skont l-Artikolu 111 li jkollhom regoli dwar dawk l-avvenimenti u r-rata tal-kambju li għandha tintuża. L-avveniment operattiv speċifiku għandu jiġi ddeterminat billi jitqiesu l-kriterji li ġejjin:

(a)     l-applikabbiltà attwali malajr kemm jista’ jkun ta’ aġġustamenti għar-rata tal-kambju;

(b)     is-similarità tal-avvenimenti operattivi għal operazzjonijiet analogi esegwiti skont l-organizzazzjoni tas-suq;

(c)     il-koerenza fl-avvenimenti operattivi għall-prezzijiet u l-ammonti varji relatati mal-organizzazzjoni tas-suq.

(d)     il-prattikabbiltà u l-effikaċja ta’ kontrolli dwar l-applikazzjoni ta’ rati tal-kambju adatti.

6.           Biex tiġi evitata l-applikazzjoni, mill-Istati Membri li ma adottawx l-ewro, ta’ rati tal-kambju differenti f’kontijiet ta’ dħul riċevuti jew f’għajnuna mħallsa lil benefiċjarji f’munita li mhix l-ewro, min-naħa l-waħda, u fl-istabbiliment tad-dikjarazzjoni ta’ nfiq magħmula mill-aġenzija tal-pagamenti, min-naħa l-oħra, il-Kummissjoni għandu jkollha s-setgħa li tadotta atti delegati skont l-Artikolu 111 li jkollhom regoli dwar ir-rata tal-kambju applikabbli meta jsiru dikjarazzjonijiet ta’ nfiq u jiġu rreġistrati operazzjonijiet ta’ ħżin pubbliku fil-kontijiet tal-aġenzija tal-pagamenti.

Artikolu 107 Miżuri ta’ salvagwardja u derogi

1.           Il-Kummissjoni tista’, permezz ta’ atti ta’ implimentazzjoni, tadotta miżuri biex tissalvagwardja l-applikazzjoni tal-leġiżlazzjoni tal-Unjoni jekk din x’aktarx tkun ipperikolata minn prattiki monetarji eċċezzjonali relatati mal-munita nazzjonali. Dawk il-miżuri jistgħu, fejn ikun meħtieġ, jidderogaw mir-regoli eżistenti.

Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

Il-Parlament Ewropew u l-Kunsill u l-Istati Membri għandhom jiġu nnotifikati minnufih bil-miżuri msemmija fl-ewwel subparagrafu.

2.           Fejn prattiki monetarji eċċezzjonali dwar valuta nazzjonali x’aktarx ikunu jistgħu jipperikolaw l-applikazzjoni tal-leġiżlazzjoni tal-Unjoni, il-Kummissjoni għandu jkollha s-setgħa li tadotta atti delegati skont l-Artikolu 111 li jidderogaw minn din it-Taqsima, partikolarment fil-każijiet li ġejjin:

(a)     fejn pajjiż juża tekniki anormali ta’ kambju bħal rati tal-kambju multipli jew jopera ftehimiet ta’ tpartit;

(b)     fejn pajjiżi jkollhom valuti li ma jkunux ikkwotati fi swieq uffiċjali tal-kambju jew fejn ix-xejra f’valuti bħal dawn x’aktarx toħloq distorsjoni fil-kummerċ.

Artikolu 108 Użu tal-ewro minn Stati Membri li m’għandhomx l-ewro

1.           Jekk Stat Membru li ma jkunx adotta l-ewro jiddeċiedi li jħallas l-infiq li jirriżulta mill-leġiżlazzjoni agrikola settorjali fl-ewro minflok fil-munita nazzjonali tiegħu, l-Istat Membru għandu jieħu miżuri biex jiżgura li l-użu tal-ewro ma joħloqx vantaġġ sistematiku meta mqabbel mal-użu tal-munita nazzjonali.

2.           L-Istat Membru għandu jinnotifika lill-Kummissjoni bil-miżuri ppjanati qabel ma dawn jidħlu fis-seħħ. Il-miżuri ma jistgħux jidħlu fis-seħħ qabel ma l-Kummissjoni tkun innotifikat il-qbil tagħha dwar dan.

KAPITOLU III Rapport u evalwazzjoni

Artikolu 109 Rapport finanzjarju annwali

Sal-aħħar ta’ Settembru ta’ kull sena wara s-sena tal-baġit, il-Kummissjoni għandha tagħmel rapport finanzjarju dwar l-amministrazzjoni tal-FAEG u tal-FAEŻR matul is-sena finanzjarja ta’ qabel u għandha tibagħtu lill-Parlament Ewropew u lill-Kunsill.

Artikolu 110 Monitoraġġ u evalwazzjoni tal-politika agrikola komuni

1.           Għandu jiġi stabbilit qafas komuni ta’ evalwazzjoni u monitoraġġ biex titkejjel il-prestazzjoni tal-politika agrikola komuni. Dan il-qafas għandu jinkludi l-istrumenti kollha relatati mal-monitoraġġ u l-evalwazzjoni ta’ miżuri politiċi tal-Politika Agrikola Komuni u partikolarment il-pagamenti diretti pprovdutu fir-Regolament (UE) Nru DP/xxx, il-miżuri tas-suq pprovduti fir-Regolament (UE) Nru CMO/xxx, il-miżuri ta’ żvilupp rurali pprovduti fir-Regolament (UE) Nru RD/xxx u l-applikazzjoni tal-kundizzjonalità pprovduti f’dan ir-Regolament.

Biex jiġi żgurat kejl effikaċi tal-prestazzjoni, il-Kummissjoni għandu jkollha s-setgħa li tadotta atti delegati skont l-Artikolu 111 fir-rigward tal-kontenut u l-kostruzzjoni ta’ dak il-qafas.

2.           L-impatt tal-miżuri tal-Politika Agrikola Komuni msemmija fl-ewwel paragrafu 1 għandu jitkejjel b’rabta mal-objettivi li ġejjin:

(a)     il-produzzjoni vijabbli ta’ ikel, b’fokus fuq dħul agrikolu, produttività agrikola u stabilità fil-prezzijiet;

(b)     l-immaniġġjar sostenibbli ta’ riżorsi naturali u ta’ azzjoni għall-klima, b’fokus fuq emissjonijiet ta’ gass b’effett ta’ serra, bijodiversità, ħamrija u ilma;

(c)     l-iżvilupp territorjali bilanċjat, b’fokus fuq impjiegi rurali, tkabbir u faqar f’żoni rurali.

Il-Kummissjoni għandha tiddefinixxi, permezz ta’ atti ta’ implimentazzjoni, is-sett ta’ indikaturi speċifiċi għall-objettivi msemmija fl-ewwel subparagrafu. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

3.           L-Istati Membri għandhom jagħtu lill-Kummissjoni l-informazzjoni kollha meħtieġa li tippermetti l-evalwazzjoni u l-monitoraġġ tal-miżuri konċernati.

Il-Kummissjoni għandha tqis il-ħtiġijiet ta' dejta u s-sinerġiji bejn is-sorsi ta' dejta potenzjali, partikolarment l-użu tagħhom għal raġunijiet ta' statistika meta xieraq.

Il-Kummissjoni għandha tadotta, permezz ta’ atti ta’ implimentazzjoni, regoli dwar l-informazzjoni li għandha tintbagħat mill-Istati Membri, kif ukoll dwar il-ħtiġijiet ta' dejta u s-sinerġiji bejn is-sorsi ta' dejta potenzjali. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 112(3).

4.           Il-Kummissjoni għandha tippreżenta rapport dwar l-implimentazzjoni ta' dan l-Artikolu lill-Parlament Ewropew u lill-Kunsill kull erba' snin. L-ewwel rapport għandhu jiġi ppreżentat sa mhux aktar tard mill-31 ta' Diċembru 2017.

TITOLU VIII DISPOŻIZZJONIJIET FINALI

Artikolu 111 Eżerċitar tad-delega

1.           Is-setgħa li jiġu adottati atti delegati hija kkonferita lill-Kummissjoni suġġetta għall-kundizzjonijiet stabbiliti f’dan l-Artikolu.

2.           Id-delega ta’ setgħa msemmija f’dan ir-Regolament għandha tkun ikkonferita lill-Kummissjoni għal perjodu indeterminat ta’ żmien mid-dħul fis-seħħ ta’ dan ir-Regolament.

3.           Id-delega ta’ setgħat imsemmija f’dan ir-Regolament tista’ tiġi rrevokata fi kwalunkwe żmien mill-Parlament Ewropew jew mill-Kunsill. Deċiżjoni ta’ revoka għandha ttemm id-delega tas-setgħa speċifikata f’dik id-deċiżjoni. Hija għandha tidħol fis-seħħ fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata hemmhekk. Hija ma għandha taffettwa l-validità ta’ ebda att delegat diġà fis-seħħ.

4.           Malli tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

5.           Att delegat adottat skont dan ir-Regolament għandu jidħol fis-seħħ biss jekk ma tkun ġiet espressa ebda oġġezzjoni jew mill-Parlament Ewropew jew mill-Kunsill f’perjodu ta’ xahrejn minn notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perjodu, il-Parlament Ewropew u l-Kunsill ikunu t-tnejn għarrfu lill-Kummissjoni li huma ma jkunux ser joġġezzjonaw. Dak il-perjodu għandu jiġi estiż b’xahrejn b’inizjattiva tal-Parlament Ewropew jew tal-Kunsill.

Artikolu 112 Proċedura ta’ kumitat

1.           Il-Kummissjoni għandha tkun assistita minn Kumitat imsejjaħ "Kumitat dwar il-Fondi Agrikoli". Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.           Meta ssir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

3.           Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 113 Revoka

1.           Ir-Regolamenti (KEE) Nru 352/78, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 huma rrevokati.

Madankollu, l-Artikolu 44a tar-Regolament (KE) Nru 1290/2005 għandu jkompli japplika.

2.           Referenzi għar-Regolamenti revokati għandhom jitqiesu bħala referenzi għal dan ir-Regolament u għandhom jinqraw skont it-tabella ta’ korrelazzjoni li tinsab fl-Anness III.

Artikolu 114 Miżuri tranżizzjonali

Biex tiġi żgurata t-tranżizzjoni mingħajr diffikultà mill-arranġamenti msemmija fir-Regolamenti revokati msemmija fl-Artikolu 113 għal dawk stabbiliti f’dan ir-Regolament, il-Kummissjoni għandu jkollha s-setgħa li tadotta atti delegati skont l-Artikolu 111.

Artikolu 115 Dħul fis-seħħ u applikazzjoni

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’ Il-Ġurnal Uffiċjali tal-Unjoni Ewropea.

Huwa għandu japplika mill-1 Jannar 2014.

Madankollu, id-dispożizzjonijiet li ġejjin għandhom japplikaw minn 16 ta' Ottubru 2013:

(a)          l-Artikoli 7, 8 u 9;

(b)          l-Artikoli 18, 42, 43 u 45 fir-rigward ta' nefqa imġarrba mis-16 ta' Ottubru 2013.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew                           Għall-Kunsill

Il-President                                                    Il-President

ANNESS I

Kamp ta’ applikazzjoni minimu tas-sistema konsultattiva għall-farms fil-kuntest tal-mitigazzjoni tat-tibdil fil-klima u l-adattament għalih, il-bijodiversità, il-ħarsien tal-ilma, in-notifika ta’ mard tal-annimali u tal-pjanti u l-innovazzjoni, kif stabbilit fl-Artikolu 12(2)(c)

Rekwiżiti jew azzjonijiet u pariri fil-livell ta’ benefiċjarji kif iddefiniti mill-Istati Membri fejn ikun xieraq għal dawn l-ambiti:

Mitigazzjoni tat-tibdil fil-klima u adattament għalih:

– Informazzjoni dwar impatti possibbli ta’ tibdil fil-klima fir-reġjuni rilevanti, ikkawżati minn emissjonijiet ta’ gass b’effett ta’ serra tal-prattiki rilevanti tal-biedja u dwar il-kontribuzzjoni tas-settur agrikolu lejn il-mitigazzjoni permezz ta' prattiki tal-biedja u tal-agroforestrija mtejba u permezz ta' proġetti ta' enerġija rinovabbli fuq il-farm u t-titjib tal-effiċjenza enerġetika fil-farm.

– Investimenti f’assi fiżiċi kif imsemmi fl-Artikolu 18(1)(c) tar-Regolament (UE) Nru xx/xxx [RD].

– Restawr ta’ tal-potenzjal tal-produzzjoni agrikola u introduzzjoni ta’ azzjoni preventiva xierqa kif imsemmi fl-Artikolu 19 tar-Regolament (UE) Nru xx/xxx [RD].

– Afforestazzjoni u ħolqien ta’ msaġar kif imsemmi fl-Artikolu 22(1)(a) tar-Regolament (UE) Nru xx/xxx [RD].

– Twaqqif ta’ sistemi agroforestali kif imsemmi fl-Artikolu 22(1)(b)tar-Regolament (UE) Nru xx/xxx [RD].

– Prevenzjoni u restawr ta’ ħsara lil foresti minn nirien fil-foresti u diżastri naturali kif imsemmi fl-Artikolu 22(1)(c) tar-Regolament (UE) Nru xx/xxx [RD].

– Investimenti li jtejbu r-reżiljenza u l-valur ambjentali ta’ ekosistemi ta’ foresti kif imsemmi fl-Artikolu 22(1)(d) tar-Regolament (UE) Nru xx/xxx [RD].

– Investimenti f’teknoloġiji ġodda tal-forestrija u fl-ipproċessar u l-kummerċjalizzazzjoni ta’ prodotti tal-foresta kif imsemmi fl-Artikolu 22(1)(d) tar-Regolament (UE) Nru xx/xxx [RD].

– Operazzjonijiet agroambjentali li jindirizzaw il-mitigazzjoni tat-tibdil fil-klima u l-adattament għalih kif imsemmi fl-Artikolu 29 tar-Regolament (UE) Nru xx/xxx [RD].

– Biedja organika li tindirizza l-mitigazzjoni tat-tibdil fil-klima u l-adattament għalih kif imsemmi fl-Artikolu 30 tar-Regolament (UE) Nru xx/xxx [RD].

– Servizzi ambjentali minn foresti u konservazzjoni tal-foresti li jindirizzaw il-mitigazzjoni tat-tibdil fil-klima u l-adattament għalih kif imsemmi fl-Artikolu 35 tar-Regolament (UE) Nru xx/xxx [RD].

Bijodiversità:

– Id-Direttiva tal-Kunsill 2009/147/KE tal-Parlament Ewropew u tal-Kunsill dwar il-konservazzjoni tal-għasafar selvaġġi.

– Id-Direttiva tal-Kunsill 92/43/KEE dwar il-konservazzjoni tal-habitat naturali u tal-fawna u flora selvaġġa.

– Investimenti f’assi fiżiċi kif imsemmi fl-Artikolu 18(1)(d) tar-Regolament (UE) Nru xx/xxx [RD].

– Twaqqif ta’ sistemi ta’ agroforestrija kif imsemmi fl-Artikolu 22(1)(b) tar-Regolament (UE) Nru xx/xxx [RD].

– Investimenti li jtejbu r-reżiljenza u l-valur ambjentali ta’ ekosistemi ta’ foresti kif imsemmi fl-Artikolu 22(1)(d) tar-Regolament (UE) Nru xx/xxx [RD].

– Operazzjonijiet agroambjentali li jindirizzaw il-bijodiversità kif imsemmi fl-Artikolu 29 tar-Regolament (UE) Nru xx/xxx [RD].

– Biedja organika li tindirizza l-bijodiversità kif imsemmi fl-Artikolu 30 tar-Regolament (UE) Nru xx/xxx [RD].

– Servizzi ambjentali minn foresti u minn konservazzjoni ta’ foresti li jindirizzaw il-bijodiversità kif imsemmi fl-Artikolu 35 tar-Regolament (UE) Nru xx/xxx [RD].

Il-ħarsien tal-ilma:

– L-Artikolu 11(3) tad-Direttiva 2000/60/KE li tistabilixxi qafas għal azzjoni Komunitarja fil-qasam tal-politika tal-ilma.

– Użu sewwa tal-prodotti għall-protezzjoni tal-pjanti kif stabbilit fl-Artikolu 55 tar-Regolament (KE) Nru1107/2009, partikolarment il-konformità mal-prinċipji ġenerali ta’ mmaniġġjar integrat ta’ organiżmi ta’ ħsara kif imsemmi fl-Artikolu 14 tad-Direttiva 2009/128/KE li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi.

– Investimenti f’assi fiżiċi għall-immaniġġjar tal-ilma kif imsemmi fl-Artikolu 18(1)(c) tar-Regolament (UE) Nru xx/xxx [RD].

– Operazzjonijiet agroambjentali li jindirizzaw l-immaniġġjar tal-ilma kif imsemmi fl-Artikolu 29 tar-Regolament (UE) Nru xx/xxx [RD].

– Biedja organika li tindirizza l-immaniġġjar tal-ilma kif imsemmi fl-Artikolu 30 tar-Regolament (UE) Nru xx/xxx [RD].

Notifikazzjoni ta’ mard tal-annimal u tal-pjantii:

– Id-Direttiva tal-Kunsill 2003/85/KE tad-29 ta' Settembru 2003 dwar miżuri tal-Komunità fuq il-kontroll tal-marda tal-ilsien u d-dwiefer.

– Id-Direttiva tal-Kunsill 92/119/KEE tas-17 ta’ Diċembru 1992 li tintroduċi miżuri ġenerali Komunitarji għall-kontroll ta’ ċertu mard tal-annimali u l-miżuri speċifiċi li għandhom x'jaqsmu mal-marda vexxikolari tal-ħnieżer.

– Id-Direttiva tal-Kunsill 2000/75/KE tal-20 ta’ Novembru 2000 li tistabbilixxi dispożizzjonijiet speċifiċi għall-kontroll u l-eradikazzjoni tal-bluetongue.

– Id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità..

Innovazzjoni:

– Informazzjoni dwar azzjonijiet immirati lejn l-innovazzjoni.

– Tixrid tal-attivitajiet fil-qafas tan-Netwerk tas--Sħubija Ewropea għal Innovazzjoni] imsemmi fl-Artikolu 53 tar-Regolament (UE) Nru xx/xxx [RD].

– Kooperazzjoni kif imsemmi fl-Artikolu 36 tar-Regolament (UE) Nru xx/xxx [RD].

ANNESS II

Regoli dwar il-kundizzjonalità skont l-Artikolu 93

RMS:      Rekwiżit ta’ mmaniġġjar statutorju

KAAT:   Standards għal kundizzjoni agrikola u ambjentali tajba ta’ art

Qasam || Kwistjoni ewlenija || Rekwiżiti u standards

Ambjent, tibdil fil-klima, kundizzjoni agrikola tajba ta’ art || Ilma || RMS 1 || Direttiva tal-Kunsill 91/676/KEE tat-12 ta’ Diċembru 1991 dwar il-protezzjoni tal-ilma kontra t-tniġġis ikkawżat min-nitrati minn sorsi agrikoli (ĠU L 375, 31.12.1991, p. 1) || Artikoli 4 u 5

KAAT 1 || L-istabbiliment ta' strixxi ta' lqugħ tul il-mogħdijiet tal-ilma[48] ||

KAAT 2 || Fejn l-użu tal-ilma għat-tisqija huwa soġġett għal awtorizzazzjoni, konformità mal-proċeduri ta' awtorizzazzjoni ||

KAAT 3 || Protezzjoni tal-ilma ta' taħt l-art kontra t-tniġġis: projbizzjoni ta' rimi dirett fl-ilma ta' taħt l-art u miżuri li jipprevjenu t-tniġġis indirett tal-ilma ta' taħt l-art permezz ta' rimi fuq l-art u t-tnixxija, permezz tal-ħamrija, ta' sustanzi perikolużi kif elenkati fl-Anness għad-Direttiva 80/68/KEE ||

Ħamrija u ħażna ta’ karbonju || KAAT 4 || Kopertura minima ta’ ħamrija ||

KAAT 5 || Immaniġġjar minimu ta’ artijiet li jirrifletti kundizzjonijiet speċifiċi għal siti għal-limitazzjoni tal-erożjoni ||

KAAT 6 || Manutenzjoni ta’ livell ta’ materja organika għall-ħamrija inkluża projbizzjoni ta’ ħruq tal-qasbija fir-raba’ tal-ħrit ||

KAAT 7 || Protezzjoni ta’ art mistagħdra u ta’ ħamrija li jkollha ħafna karbonju inkluża projbizzjoni tal-ewwel ħrit[49] ||

Bijodiversità || RMS 2 || Id-Direttiva 2009/147/KE tal-Parlament Ewropew u tal-Kunsill tat-30 ta’ Novembru 2009 dwar il-konservazzjoni tal-għasafar selvaġġi (ĠU L 20, 26.1.2010, p. 7) || Artikolu 3(1), Artikolu 3(2)(b), Artikolu 4 (1), (2) u (4)

RMS 3 || Id-Direttiva tal-Kunsill 92/43/KEE tal-21 ta’ Mejju 1992 dwar il-konservazzjoni tal-habitat naturali u tal-fawna u l-flora selvaġġa (ĠU L 206, 22.7.1992, p. 7) || Artikolu 6 (1) u (2)

Pajsaġġ, livell minimu ta’ manutenzjoni, || KAAT 8 || Żamma ta’ karatteristiċi ta’ pajsaġġ, inkluż fejn ikun xieraq, ħitan tal-ħaxix, għadajjar, fossijiet, siġar f’linji dritti, flimkien jew iżolati, mqasam ta’ għelieqi u inkluż projbizzjoni fuq il-qtugħ ta' ħitan tal-ħaxix u siġar waqt l-istaġun ta' tgħammir u trobbija tal-għasafar u miżuri jekk jista’ jkun biex ikunu evitati speċijiet u organiżmi ta’ ħsara invażivi. ||

Saħħa pubblika, saħħa tal-annimali u saħħa tal-pjanti || Sigurtà fl-ikel || RMS 4 || Ir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta' sigurtà tal-ikel (ĠU L 31, 1.2.2002, p. 1) || Artikoli 14 u 15, Artikolu 17(1) [50] u Artikoli 18, 19 u 20

RMS 5 || Direttiva tal-Kunsill 96/22/KE tad-29 ta’ April 1996 li tikkonċerna l-projbizzjoni tal-użu fl-istockfarming ta’ ċerti sustanzi li jkollhom azzjoni ormonika u tyrostatika u ta’ beta-agonists (ĠU L125, 23.5.1996, p.3) || Artikolu 3(a), (b), (d) u (e) u Artikoli 4, 5 u 7

Identifikazzjoni u reġistrazzjoni ta’ annimali || RMS 6 || Id-Direttiva tal-Kunsill 2008/71/KE tal-15 ta’ Lulju 2008 dwar l-identifikazzjoni u r-reġistrazzjoni tal-ħnieżer (ĠU L 213, 8.8.2005, p. 31) || Artikoli 3, 4 u 5

RMS 7 || Ir-Regolament (KE) Nru 1760/2000 tal-Parlament Ewropew u tal-Kunsill tas-17 ta’ Lulju 2000 li jistabbilixxi sistema għall-identifikazzjoni u r-reġistrazzjoni tal-bhejjem tal-fart u dwar it-tikkettjar tal-laħam taċ-ċanga u tal-prodotti tal-laħam taċ-ċanga (ĠU L 204, 11.8.2000, p. 1) || Artikoli 4 u 7

RMS8 || Ir-Regolament tal-Kunsill (KE) Nru 21/2004 tas-17 ta’ Diċembru 2003 li jistabbilixxi sistema għall-identifikazzjoni u r-reġistrazzjoni tal-annimali ovini u kaprini (ĠU L 5, 9.1.2004, p. 8) || Artikoli 3, 4 u 5

Mard tal-annimali || RMS 9 || Ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabbilixxi regoli għall-prevenzjoni, kontroll u eradikazzjoni ta' ċertu enċefalopatija sponġiformi li tinxtered (ĠU L 147, 31.5.2001, p. 1) || Artikoli 7, 11, 12, 13 u 15

Prodotti għall-protezzjoni tal-pjanti || RMS 10 || Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1) || Artikolu 55, l-ewwel u t-tieni sentenza

Trattament xieraq tal-annimali || Trattament xieraq tal-annimali || RMS 11 || Id-Direttiva tal-Kunsill 2008/119/KE tat-18 ta’ Diċembru 2008 li tipprovdi l-livelli minimi għall-protezzjoni tal-għoġġiela (ĠU L 10, 15.1.2009, p.7). || Artikoli 3 u 4

RMS 12 || Id-Direttiva tal-Kunsill 2008/120/KEE tad-18 ta’ Diċembru 2008 li tniżżel il-livelli minimi għall-protezzjoni tal-ħnieżer (ĠU L 47, 18.2.2009, p. 5) || Artikolu 3 u Artikolu 4

RMS 13 || Id-Direttiva tal-Kunsill 98/58/KE tal-20 ta’ Lulju 1998 dwar il-ħarsien ta’ annimali miżmuma għal skopijiet ta’ biedja (ĠU L 221, 8.8.1998, p. 23) || Artikolu 4

ANNESS III

TABELLA TA’ KORRELAZZJONI

1. Regolament (KEE) Nru 352/78

Regolament (KEE) Nru 352/78 || Dan ir-Regolament

Artikolu 1 || Artikolu 45(1)(e)

Artikolu 2 || Artikolu 45(2)

Artikolu 3 || Artikolu 48(1)

Artikolu 4 || -

Artikolu 5 || -

Artikolu 6 || -

2. Regolament (KE) Nru 2799/98

Regolament (KE) Nru 2799/98 || Dan ir-Regolament

Artikolu 1 || -

Artikolu 2 || Artikoli 105(2) u 106

Artikolu 3 || Artikolu 106

Artikolu 4 || -

Artikolu 5 || -

Artikolu 6 || -

Artikolu 7 || Artikolu 107

Artikolu 8 || Artikolu 108

Artikolu 9 || -

Artikolu 10 || -

Artikolu 11 || -

3. Regolament (KE) 814/2000

Regolament (KE) 814/2000 || Dan ir-Regolament

Artikolu 1 || Artikolu 47(1)

Artikolu 2 || Artikolu 47(2)

Artikolu 3 || -

Artikolu 4 || -

Artikolu 5 || -

Artikolu 6 || -

Artikolu 7 || -

Artikolu 8 || Artikolu 47(5)

Artikolu 9 || -

Artikolu 10 || Artikoli 47(4) u 112

Artikolu 11 || -

4. Regolament (KE) Nru 1290/2005

Regolament (KE) Nru 1290/2005 || Dan ir-Regolament

Artikolu 1 || Artikolu 1

Artikolu 2 || Artikolu 3

Artikolu 3 || Artikolu 4

Artikolu 4 || Artikolu5

Artikolu 5 || Artikolu 6

Artikolu 6 || Artikolu 7

Artikolu 7 || Artikolu 9

Artikolu 8 || Artikolu 102

Artikolu 9 || Artikolu 60

Artikolu 10 || Artikolu 10

Artikolu 11 || Artikolu 11

Artikolu 12 || Artikolu 16

Artikolu 13 || Artikolu 19

Artikolu 14 || Artikolu 17

Artikolu 15 || Artikolu 18

Artikolu 16 || Artikolu 42

Artikolu 17 || Artikolu 43(1)

Artikolu 17a || Artikolu 43(2)

Artikolu 18 || Artikolu 24

Artikolu 19 || Artikolu 26

Artikolu 20 || Artikolu 27

Artikolu 21 || Artikolu 28

Artikolu 22 || Artikolu 31

Artikolu 23 || Artikolu 32

Artikolu 24 || Artikolu 33

Artikolu 25 || Artikolu 34

Artikolu 26 || Artikolu 35

Artikolu 27 || Artikolu 43(1)

Artikolu 27a || Artikolu 43(2)

Artikolu 28 || Artikolu 36

Artikolu 29 || Artikolu 37

Artikolu 30 || Artikolu 53

Artikolu 31 || Artikolu 54

Artikolu 32 || Artikolu 56 u 57

Artikolu 33 || Artikolu 56 u 58

Artikolu 34 || Artikolu 45

Artikolu 35 || -

Artikolu 36 || Artikolu 50

Artikolu 37 || Artikolu 49

Artikolu 38 || -

Artikolu 39 || -

Artikolu 40 || -

Artikolu 41 || Artikolu 112

Artikolu 42 || -

Artikolu 43 || Artikolu 109

Artikolu 44 || Artikolu 103

Artikolu 44a || Artikolu 113(1)

Artikolu 45 || Artikolu 105(1) u 106(3) u (4)

Artikolu 46 || -

Artikolu 47 || Artikolu 113

Artikolu 48 || Artikolu 114

Artikolu 49 || Artikolu 115

5. Regolament (KE) Nru 485/2008

Regolament (KE) Nru 485/2008 || Dan ir-Regolament

Artikolu 1 || Artikolu 79

Artikolu 2 || Artikolu 80

Artikolu 3 || Artikolu 81

Artikolu 4 || -

Artikolu 5 || Artikolu 82(1), (2) u (3)

Artikolu 6 || Artikolu 82(4)

Artikolu 7 || Artikolu 83

Artikolu 8 || Artikolu 103(2)

Artikolu 9 || Artikolu 86

Artikolu 10 || Artikolu 84

Artikolu 11 || Artikolu 85

Artikolu 12 || Artikolu 106(3)

Artikolu 13 || -

Artikolu 14 || -

Artikolu 15 || Artikolu 87

Artikolu 16 || -

Artikolu 17 || -

DIKJARAZZJONI FINANZJARJA LEĠIŻLATTIVA

1. QAFAS TAL-PROPOSTA/INIZJATTIVA 1.1. Titlu tal-proposta/inizjattiva

-        Proposta għal Regolament tal-Parlament Ewropew u tal-Kunsill li jistabbilixxi regoli għall-pagamenti diretti lill-bdiewa fil-kuntest tal-iskemi ta' appoġġ fil-qafas tal-Politika Agrikola Komuni;

-        Proposta għal Regolament tal-Parlament Ewropew u tal-Kunsill li jistabbilixxi organizzazzjoni komuni tas-swieq ta' prodotti agrikoli (Regolament dwar l-OKS Unika);

-        Proposta għal Regolament tal-Parlament Ewropew u tal-Kunsill dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR);

-        Proposta għal Regolament tal-Parlament Ewropew u tal-Kunsill dwar il-finanzjament, il-ġestjoni u l-monitoraġġ tal-Politika Agrikola Komuni;

-        Proposta għal Regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 73/2009 dwar l-applikazzjoni tal-pagamenti diretti lill-bdiewa għas-sena 2013;

-        Proposta għal Regolament tal-Kunsill li tistabbilixxi miżuri dwar l-iffissar ta' ċerti għajnuniet u rimborżi relatati mal-organizzazzjoni komuni tas-swieq tal-prodotti agrikoli;

-        Proposta għal Regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1234/2007 fir-rigward tar-reġim tal-iskema ta' pagament uniku u l-appoġġ għal min ikabbar id-dwieli.

1.2. Il-qasam/l-oqsma tal-politika kkonċernata/i fl-istruttura tal-ABM/ABB[51]

Titolu tal-Qasam ta' Politika 05 tal-Intestatura 2

1.3. Natura tal-proposta/inizjattiva (Qafas leġiżlattiv għall-PAK wara l-2013)

x Il-proposta/inizjattiva hija relatata ma' azzjoni ġdida

¨ Il-proposta/inizjattiva hija relatata ma' azzjoni ġdida li ssegwi proġett pilota/azzjoni preparatorja[52]

x Il-proposta/inizjattiva hija relatata ma' estensjoni ta’ azzjoni eżistenti

x Il-proposta/inizjattiva hija relatata ma' azzjoni diretta mill-ġdid lejn azzjoni ġdida

1.4. Objettivi 1.4.1. L-objettiv/i strateġiku/ċi multiannwali tal-Kummissjoni fil-mira tal-proposta/inizjattiva

Sabiex jitħeġġeġ l-użu effiċjenti tar-riżorsi bil-għan li jkun hemm tkabbir intelliġenti, sostenibbli u inklużiv għall-iżvilupp agrikolu u rurali tal-UE skont l-Istrateġija Ewropa 2020, l-objettivi tal-PAK huma:

- Produzzjoni vijabbli tal-ikel;

- Ġestjoni sostenibbli tar-riżorsi naturali u azzjoni klimatika;

- Żvilupp territorjali bbilanċjat.

1.4.2. L-objettiv/i speċifiku/ċi u l-attività(jiet) tal-ABM/ABB ikkonċernati

Objettivi speċifiċi għall-Qasam ta' Politika 05:

Objettiv speċifiku Nru 1:

Li jkunu pprovduti beni pubbliċi ambjentali

Objettiv speċifiku Nru 2:

Li jkun hemm kumpens għad-diffikultajiet fil-produzzjoni f'żoni b'limitazzjonijiet naturali speċifiċi

Objettiv speċifiku Nru 3:

Li jitkomplew il-mitigazzjoni tat-tibdil fil-klima u l-azzjonijiet ta' adattament

Objettiv speċifiku Nru 4:

Li l-baġit tal-UE (PAK) ikun ġestit skont standards għoljin ta' ġestjoni finanzjarja

Objettiv speċifiku għall-ABB 05 02 – Intervenzjonijiet fis-swieq agrikoli:

Objettiv speċifiku Nru 5:

Li titjieb il-kompetittività tal-qasam agrikolu u jissaħħaħ is-sehem tal-valur tagħha fil-katina alimentari

Objettiv speċifiku għall-ABB 05 03 – Għajnuniet diretti:

Objettiv speċifiku Nru 6:

Li jkun hemm kontribuzzjoni għall-introjtu agrikolu u tkun limitata l-varjabbiltà tiegħu

Objettiv speċifiku għall-ABB 05 04 – Żvilupp Rurali:

Objettiv speċifiku Nru 7

Li jitrawwem it-tkabbir ekoloġiku permezz tal-innovazzjoni

Objettiv speċifiku Nru 8:

Li jkun appoġġjat l-impjegar rurali u li tinżamm il-fibra soċjali taż-żoni rurali

Objettiv speċifiku Nru 9

Li tittejjeb l-ekonomija rurali u tkun imħeġġa d-diversifikazzjoni

Objettiv speċifiku Nru 10

Li jkun hemm lok għal diversità strutturali fis-sistemi tal-biedja

1.4.3. Riżultat(i) u impatt mistennija

F'dan l-istadju mhuwiex possibbli li jiġu stabbiliti miri kwantititattivi għall-indikaturi tal-impatt. Għalkemm il-politika tista' timxi f'ċerta direzzjoni, l-eżiti ekonomiċi, ambjentali u soċjali kumplessivi mkejla minn indikaturi bħal dawn, fl-aħħar mill-aħħar jiddependu wkoll fuq l-impatt ta' firxa ta' fatturi esterni, li hekk kif turi esperjenza riċenti, dawn saru sinifikanti u mhux prevedibbli. Għada qed issir analiżi ulterjuri, li għandha tkun lesta fil-perjodu wara l-2013.

Fir-rigward tal-pagamenti diretti, l-Istati Membri se jkollhom il-possibbiltà li jiddeċiedu, sa ċertu punt, dwar l-implimentazzjoni ta' ċerti komponenti tal-iskemi ta' pagamenti diretti.

Fir-rigward tal-iżvilupp rurali, ir-riżultati u l-impatt mistennija se jiddependu fuq il-programmi ta' żvilupp rurali li l-Istati Membri se jressqu lill-Kummissjoni. L-Istati Membri se jkunu mitluba jistabbilixxu miri fil-programmi tagħhom.

1.4.4. Indikaturi tar-riżultati u l-impatti

Il-proposti jipprovdu għat-twaqqif ta' qafas komuni ta' monitoraġġ u evalwazzjoni bl-għan li jitkejlu r-riżultati tal-Politika Agrikola Komuni. Dak il-qafas għandu jinkludi l-istrumenti kollha marbuta mal-monitoraġġ u l-evalwazzjoni tal-miżuri tal-PAK u b'mod partikolari tal-pagamenti diretti, tal-miżuri tas-suq, tal-miżuri tal-iżvilupp rurali kif ukoll tal-applikazzjoni tal-kundizzjonalità.

L-impatt ta' dawn il-miżuri tal-PAK għandhom jitkejlu b'rabta mal-objettivi li ġejjin:

(a)      produzzjoni vijabbli tal-ikel, b'enfasi fuq l-introjtu agrikolu, il-produttività agrikola u l-istabbiltà tal-prezz;

(b)     ġestjoni sostenibbli tar-riżorsi naturali u l-azzjoni klimatika, b'enfasi fuq l-emissjonijiet tal-gassijiet serra, il-bijodiversità, il-ħamrija u l-ilma;

(c)      żvilupp territorjali bbilanċjat, b'enfasi fuq l-impjieg rurali, it-tkabbir u l-faqar fiż-żoni rurali.

Permezz tal-atti ta' implimentazzjoni, il-Kummissjoni għandha tiddefinixxi s-sett ta' indikaturi li huma speċifiċi għal dawn l-objettivi u l-oqsma.

Barra minn hekk, fir-rigward tal-iżvilupp rurali, qed tiġi proposta sistema ta' monitoraġġ u evalwazzjoni komuni msaħħa. Dik is-sistema għandha l-għan (a) li turi l-progress u l-kisbiet tal-politika tal-iżvilupp rurali u tivvaluta l-impatt, l-effettività, l-effiċjenza u r-relevanza tal-interventi tal-politika tal-iżvilupp rurali, (b)       li tikkontribwixxi biex ikun hemm appoġġ immirat aħjar lejn l-iżvilupp rurali, u (c) li tappoġġja proċess komuni ta' tagħlim marbut mal-monitoraġġ u l-evalwazzjoni. Il-Kummissjoni se tistabbilixxi, permezz ta' att ta' implimentazzjoni, lista ta' indikaturi komuni marbuta mal-prijoritajiet tal-politika

1.5. Bażi għall-proposta/inizjattiva 1.5.1. Rekwiżit(i) li jrid(u) jiġi/u sodisfatt(i) fuq medda qasira jew twila ta’ żmien

Sabiex jintlaħqu l-objettivi strateġiċi multiannwali tal-PAK li huma l-istess bħal dak li hemm imniżżel fl-istrateġija Ewropa 2020 għaż-żoni rurali Ewropej u li jissodisfaw ir-rekwiżiti rilevanti tat-Trattat, il-proposti għandhom l-għan li jistabbilixxu l-qafas leġiżlattiv tal-Politika Agrikola Komuni għall-perjodu wara l-2013.

1.5.2. Valur miżjud tal-involviment tal-UE

Il-PAK futura mhux biss se tkun politika li taħseb għal parti żgħira, iżda essenzjali tal-ekonomija tal-UE, iżda wkoll politika ta' importanza strateġika għas-sigurtà tal-provvista tal-ikel, l-ambjent u l-bilanċ territorjali. Għaldaqstant il-PAK, bħala politika tassew komuni, tuża bl-aktar mod effiċjenti r-riżorsi limitati tal-baġit billi żżomm agrikoltura sostenibbli fl-UE kollha, tindirizza kwistjonijiet transkonfinali importanti bħat-tibdil fil-klima u ssaħħaħ is-solidarjetà fost l-Istati Membri.

Kif hemm imsemmi fil-Komunikazzjoni tal-Kummissjoni "Baġit għall-Ewropa 2020"[53], il-PAK hija politika ġenwinament Ewropea. Minflok iħaddmu 27 politika u baġit agrikoli differenti, l-Istati Membri jikkondividu r-riżorsi sabiex joperaw politika Ewropea unika b'baġit Ewropew uniku. Naturalment dan ifisser li proporzjon sinifikanti mill-baġit tal-UE jiġi allokat għall-PAK. Madankollu, dan l-approċċ huwa kemm aktar effiċjenti kif ukoll aktar ekonomiku minn approċċ nazzjonali mhux ikkoordinat.

1.5.3. Tagħlimiet miksuba minn esperjenzi simili fl-imgħoddi

Abbażi tal-evalwazzjoni tal-qafas politiku attwali, ta' konsultazzjoni estensiva mal-partijiet interessati kif ukoll ta' analiżi tal-isfidi u l-ħtiġijiet futuri, twettqet valutazzjoni komprensiva tal-impatt. Aktar dettalji jinstabu fil-valutazzjoni tal-impatt u fil-memorandum ta' spjegazzjoni li jakkumpanjaw il-proposti legali.

1.5.4. Koerenza u sinerġija possibbli ma’ strumenti rilevanti oħrajn

Il-proposti leġiżlattivi kkonċernati minn din id-dikjarazzjoni finanzjarja għandhom ikunu kkunsidrati fil-kuntest l-aktar wiesa' tal-proposta għal regolament ta' qafas uniku b'regoli komuni għall-fondi tal-qafas strateġiku komuni (il-FAEŻR, il-FEŻR, l-FSE, il-Fond ta' Koeżjoni u l-EMFF). Dak ir-regolament qafas se jagħti kontribut importanti sabiex jitnaqqas il-piż amministrattiv, sabiex il-fondi tal-UE jintefqu b'mod effettiv u sabiex isseħħ is-simplifikazzjoni fil-prattika. Dan isostni wkoll il-kunċetti ġodda tal-qafas strateġiku komuni għal dawn il-fondi kollha u l-Kuntratti ta' Sħubija li ġejjin li wkoll se jkopru dawn il-fondi.

Il-qafas strateġiku komuni, li se jkun stabbilit, se jsarraf l-objettivi u l-prijoritajiet tal-Istrateġija Ewropa 2020 fi prijoritajiet għall-FAEŻR flimkien mal-FEŻR, l-FSE, il-Fond ta' Koeżjoni u l-EMFF, hekk kif għandhom jiżguraw l-użu integrat tal-fondi li jwassal għal għanijiet komuni.

Il-qafas strateġiku komuni se jistabbilixxi wkoll mekkaniżmi ta' koordinazzjoni mal-politiki u l-instrumenti l-oħra relevanti tal-Unjoni.

Barra minn dan, fir-rigward tal-PAK, permezz tal-armonizzazzjoni u l-konformità tar-regoli ta' ġestjoni u kontroll għall-ewwel (FAEG) u t-tieni (FAEŻR) pilastru tal-PAK għandhom jinkisbu sinerġiji sinifikanti u effetti ta' simplifikazzjoni. Ir-rabta qawwija bejn l-FAEG u l-FAEŻR għandha tinżamm u l-istrutturi diġà stabbiliti fl-Istati Membri għandhom ikunu sostnuti.

1.6. It-tul taż-żmien u l-impatt finanzjarju

x Proposta/inizjattiva ta' tul ta' żmien limitat (għal abbozzi ta' regolamenti dwar skemi ta' pagamenti diretti, żvilupp rurali u regolamenti tranżizzjonali)

– x   Proposta/inizjattiva fis-seħħ mill-01/01/2014 sal-31/12/2020

– x   Impatt finanzjarju għall–perjodu tal-qafas finanzjarju multiannwali li jmiss. Għall-iżvilupp rurali, impatt fuq il-pagamenti sal-2023.

x Proposta/inizjattiva ta' tul ta' żmien mhux limitat (għall-abbozz ta' regolament dwar l-OKS Unika u r-regolament orizzontali)

– Implimentazzjoni mill-2014.

1.7. Metodu(i) ta' ġestjoni previst(i)[54]

x Ġestjoni ċentralizzata diretta mill-Kummissjoni

¨ Ġestjoni ċentralizzata indiretta b’delegazzjoni tal-kompiti ta’ implimentazzjoni lil:

– ¨  aġenziji eżekuttivi

– ¨  korpi stabbiliti mill-Komunitajiet[55]

– ¨  korpi mis-settur pubbliku nazzjonali/korpi b’missjoni ta’ servizz pubbliku

– ¨  persuni fdati bl-implimentazzjoni ta' azzjonijiet speċifiċi skont it-Titolu V tat-Trattat dwar l-Unjoni Ewropea u identifikati fl-att bażiku rilevanti skont it-tifsira tal-Artikolu 49 tar-Regolament Finanzjarju

x Ġestjoni flimkien mal-Istati Membri

¨ Ġestjoni deċentralizzata ma’ pajjiżi terzi

¨ Ġestjoni konġunta ma’ organizzazzjonijiet internazzjonali (li għandhom jiġu speċifikati)

Kummenti

Mhemmx tibdil sostantiv meta mqabbel mas-sitwazzjoni preżenti, jiġifieri l-maġġoranza tan-nefqa kkonċernata mill-proposti leġiżlattivi dwar ir-riforma tal-PAK se tkun ġestita mill-ġestjoni flimkien mal-Istati Membri. Madankollu, parti ferm żgħira se tkompli taqa' taħt il-ġestjoni ċentralizzata diretta mill-Kummissjoni.

2. MIŻURI TA’ ĠESTJONI 2.1. Regoli tal-monitoraġġ u r-rappurtar

F'termini ta' monitoraġġ u evalwazzjoni tal-PAK, il-Kummissjoni se tippreżenta rapport lill-Parlament Ewropew u lill-Kunsill kull 4 snin. Il-preżentazzjoni tal-ewwel rapport għandha ssir mhux aktar tard minn tmiem l-2017.

Dan huwa kkumplimentat minn dispożizzjonijiet speċifiċi fl-oqsma kollha tal-PAK, b'diversi rekwiżiti ta' rappurtar u notifikazzjonijiet komprensivi li għandhom ikunu speċifikati fir-regoli ta' implimentazzjoni.

Fir-rigward tal-iżvilupp rurali, hemm ukoll ipprovduti regoli għall-monitoraġġ fuq il-livell tal-programm, li se jkun konformi mal-fondi l-oħrajn u abbinat mal-evalwazzjonijiet ex ante, dawk kontinwi u l-evalwazzjonijiet ex post.

2.2. Sistema ta’ ġestjoni u ta’ kontroll 2.2.1. Riskju(i) identifikat(i)

Hemm aktar minn seba' miljun benefiċjarju tal-PAK, li jirċievu appoġġ fil-kuntest ta' varjetà kbira ta' skemi ta' għajnuna differenti, li kull waħda minnhom ikollha kriterji ta' eliġibbiltà ddettaljati u xi drabi kumplessi.

It-tnaqqis fir-rata ta' żbalji fil-qasam tal-politika agrikola komuni diġà jista' jitqies bħala xejra. Għaldaqstant, dan l-aħħar, rata ta' żball li tqarreb it-2 % tikkonferma l-valutazzjoni kumplessivament pożittiva għas-snin ta' qabel. L-intenzjoni hija li l-isforzi jissuktaw sabiex tinkiseb rata ta' żball taħt it-2 %.

2.2.2. Metodu(i) ta’ kontroll previst(i)

Il-pakkett leġiżlattiv, b'mod partikolari l-proposta għar-regolament dwar il-finanzjament, il-ġestjoni u l-monitoraġġ tal-politika agrikola komuni, għandha l-għan li żżomm u ssaħħaħ is-sistema attwali stabbilita bir-Regolament (KE) Nru 1290/2005. Jipprovdi għal struttura amministrattiva obbligatorja fil-livell tal-Istat Membru, iffukat madwar l-aġenziji tal-pagamenti akkreditati, li huma responsabbli għat-twettiq tal-kontrolli fil-livell tal-benefiċjarju finali skont il-prinċipji stabbiliti fil-punt 2.3. Kull sena, il-kap ta' kull aġenzija tal-pagamenti huwa mitlub jipprovdi dikjarazzjoni ta' assigurazzjoni li tkopri l-kompletezza, il-preċiżjoni u l-veraċità tal-kontijiet, il-funzjonament xieraq tas-sistemi interni ta' kontroll u l-legalità u r-regolarità tat-tranżazzjonijiet sottostanti. Huwa meħtieġ korp ta' awditjar indipendenti sabiex jipprovdi opinjoni dwar dawn it-tliet elementi.

Il-Kummissjoni se tkompli tagħmel awditjar tan-nefqa agrikola, billi tuża approċċ ibbażat fuq ir-riskju sabiex tiżgura li l-eżerċizzji tal-awditjar huma mmirati lejn dawk l-oqsma bl-akbar riskju. Fejn dawn l-eżerċizzji tal-awditjar juru li n-nefqa tkun saret bi ksur tar-regoli tal-Unjoni, il-Kummissjoni se teskludi l-ammonti kkonċernati mill-finanzjament tal-Unjoni skont is-sistema ta' approvazzjoni tal-konformità.

Fir-rigward tal-ispiża tal-kontrolli, qed tkun ipprovduta analiżi ddettaljata fl-Anness 8 għall-valutazzjoni ta' impatt li takkumpanja l-proposti leġiżlattivi.

2.3. Miżuri għall-prevenzjoni tal-frodi u ta' irregolaritajiet

Il-pakkett leġiżlattiv, b'mod partikolari l-proposta għar-regolament dwar il-finanzjament, il-ġestjoni u l-monitoraġġ tal-Politika Agrikola Komuni, għandu l-għan li jżomm u jsaħħaħ is-sistemi dettaljati attwali għall-kontrolli u penalitajiet li għandhom jiġu applikati mill-aġenziji ta' pagamenti, b'karatteristiċi bażiċi komuni u regoli speċjali magħmula apposta għall-ispeċifikazzjonijiet ta' kull sistema ta' għajnuna. Ġeneralment, is-sistemi jipprovdu għal kontrolli amministrattivi eżawrjenti ta' 100 % tal-applikazzjonijiet tal-għajnuna, kontrolli reċiproċi ma' bażijiet ta' dejta oħra fejn dan huwa meqjus xieraq kif ukoll verifiki fuq il-post ta' ħlas minn qabel ta' għadd minimu ta' tranżazzjonijiet, li jiddependu fuq ir-riskju marbut mas-sistema inkwistjoni. Jekk dawn il-verifiki fuq il-post jiżvelaw għadd kbir ta' irregolaritajiet, għandhom jitwettqu verifiki addizzjonali. F'dan il-kuntest, l-aktar sistema importanti hija s-Sistema Integrata ta' Amministrazzjoni u Kontroll (SIAK), li fis-sena finanzjarja 2010 kienet tkopri madwar 80 % tan-nefqa totali fil-kuntest tal-FAEG u l-FAEŻR. Għall-Istati Membri b'sistemi ta' kontroll li jiffunzjonaw kif xieraq u rati baxxi ta' żbalji, il-Kummissjoni se jkollha s-setgħa li tippermetti tnaqqis fin-numru ta' verifiki fuq il-post.

Il-pakkett għandu wkoll l-għan li l-Istati Membri jipprevjenu, jidentifikaw u jikkoreġu l-irregolaritajiet u l-frodi, li jimponu penalitajiet effettivi, dissważivi u proporzjonati kif stabbilit fil-leġiżlazzjoni tal-Unjoni jew fil-liġi nazzjonali, u li jirkupraw kwalunkwe pagamenti irregolari flimkien mal-interessi. Jinkludi mekkaniżmu awtomatiku ta' approvazzjoni għall-każijiet ta' irregolarità, li jipprovdi li jekk l-irkupru ma jkunx seħħ fi żmien erba' snin mid-data tat-talba tal-irkupru, jew fi żmien tmien snin f'każ ta' proċedimenti legali, l-ammonti li ma jiġux irkuprati għandhom jitħallsu mill-Istat Membru kkonċernat. Il-mekkaniżmu se jkun inċentiv b'saħħtu għall-Istati Membri biex dawn jirkupraw pagamenti rregolari malajr kemm jista' jkun.

3. STIMA TAL-IMPATT FINANZJARJU TAL-PROPOSTA/INIZJATTIVA

L-ammonti indikati f'din id-dikjarazzjoni finanzjarja huma espressi fi prezzijiet kurrenti u f'impenji.

Barra minn dan, it-tibdiliet li jirriżultaw mill-proposti leġiżlattivi kif elenkati fit-tabelli mehmużin hawn taħt, il-proposti leġiżlattivi jimplikaw aktar tibdiliet li ma jkollhomx impatt finanzjarju.

F'dan l-istadju, għal kwalunkwe sena mill-perjodu ta' snin bejn l-2014 u l-2020, ma tistax tkun eskluża l-applikazzjoni tad-dixxiplina finanzjarja. Madankollu, dan mhux se jiddependi mill-proposti ta' riforma minnhom infushom, iżda minn fatturi oħra, bħall-użu tal-għajnuniet diretti jew żviluppi futuri fis-swieq agrikoli.

Fir-rigward tal-għajnuniet diretti, il-limiti massimi netti estiżi għall-2014 (sena kalendarja 2013) inklużi fil-proposta dwar it-tranżizzjoni huma ogħla mill-ammonti allokati għall-għajnuniet diretti indikati fit-tabelli mehmużin. L-għan ta' din l-estensjoni huwa li tkun żgurata kontinwazzjoni tal-leġiżlazzjoni eżistenti f'xenarju li fih l-elementi l-oħra kollha jibqgħu ma jinbidlux, mingħajr preġudizzju għall-ħtieġa possibbli li jiġi applikat il-mekkaniżmu finanzjarju ta' dixxiplina.

Il-proposti ta' riforma jinkludu dispożizzjonijiet li jagħtu lill-Istati Membri grad stabbilit ta' flessibbiltà fir-rigward tal-allokazzjoni tagħhom tal-għajnuniet diretti għall-iżvilupp rurali. F'każ li l-Istati Membri jiddeċiedu li jużaw dik il-flessibbiltà, dan għandu jħalli konsegwenzi finanzjarji fil-limiti tal-ammonti finanzjarji pprovduti, li f'dan l-istadju ma jistgħux ikunu kwantifikati.

Din id-dikjarazzjoni finanzjarja ma tikkunsidrax l-użu possibbli tar-riżerva għall-kriżijiet. Għandu jkun enfasizzat li l-ammonti kkunsidrati għan-nefqa marbuta mas-suq huma bbażati fuq nuqqas ta' xiri sfurzat b'intervent pubbliku u miżuri oħra marbuta mas-sitwazzjoni ta' kriżi fi kwalunkwe settur.

3.1. Intestatura/i tal-qafas finanzjarju multiannwali u l-linja/i tal-baġit tan-nefqa affettwata/i

Tabella 1: Ammonti għall-PAK li jinkludu ammonti kumplimentari previsti fil-proposti tal-QFM u l-proposti ta' riforma tal-PAK

F'miljun EUR (prezzijiet kurrenti)

Sena tal-baġit || 2013 || 2013 aġġustat (1) || 2014 || 2015 || 2016 || 2017 || 2018 || 2019 || 2020 || TOTAL 2014-2020

|| || || || || || || || || ||

Fil-QFM || || || || || || || || || ||

Intestatura 2 || || || || || || || || || ||

Għajnuniet diretti u nefqa marbuta mas-suq (2) (3) (4) || 44 939 || 45 304 || 44 830 || 45 054 || 45 299 || 45 519 || 45 508 || 45 497 || 45 485 || 317 193

Dħul allokat stmat || 672 || 672 || 672 || 672 || 672 || 672 || 672 || 672 || 672 || 4 704

P1 Għajnuniet diretti u nefqa marbuta mas-suq (bi dħul allokat) || 45 611 || 45 976 || 45 502 || 45 726 || 45 971 || 46 191 || 46 180 || 46 169 || 46 157 || 321 897

P2 Żvilupp Rurali (4) || 14 817 || 14 451 || 14 451 || 14 451 || 14 451 || 14 451 || 14 451 || 14 451 || 14 451 || 101 157

Total || 60 428 || 60 428 || 59 953 || 60 177 || 60 423 || 60 642 || 60 631 || 60 620 || 60 608 || 423 054

Intestatura 1 || || || || || || || || || ||

Riċerka u Innovazzjoni Agrikola tal-QKA || Mhux applikabbli || Mhux applikabbli || 682 || 696 || 710 || 724 || 738 || 753 || 768 || 5 072

Persuni l-aktar fil-bżonn || Mhux applikabbli || Mhux applikabbli || 379 || 387 || 394 || 402 || 410 || 418 || 427 || 2 818

Total || Mhux applikabbli || Mhux applikabbli || 1 061 || 1 082 || 1 104 || 1 126 || 1 149 || 1 172 || 1 195 || 7 889

Intestatura 3 || || || || || || || || || ||

Sikurezza tal-ikel || Mhux applikabbli || Mhux applikabbli || 350 || 350 || 350 || 350 || 350 || 350 || 350 || 2 450

|| || || || || || || || || ||

Barra mill-QFM || || || || || || || || || ||

Riserva għall-kriżijiet agrikoli || Mhux applikabbli || Mhux applikabbli || 531 || 541 || 552 || 563 || 574 || 586 || 598 || 3 945

Fond Ewropew ta’ Aġġustament għall-Globalizzazzjoni (FEG) || || || || || || || || || ||

Li l-massimu tiegħu huwa disponibbli għall-agrikoltura: (5) || Mhux applikabbli || Mhux applikabbli || 379 || 387 || 394 || 402 || 410 || 418 || 427 || 2 818

|| || || || || || || || || ||

TOTAL || || || || || || || || || ||

TOTAL Proposti tal-Kummissjoni (QFM + barra mill-QFM) + dħul allokat || 60 428 || 60 428 || 62 274 || 62 537 || 62 823 || 63 084 || 63 114 || 63 146 || 63 177 || 440 156

TOTAL Proposti tal-QFM (jiġifieri li jeskludu r-Riserva u l-FEG) + dħul allokat || 60 428 || 60 428 || 61 364 || 61 609 || 61 877 || 62 119 || 62 130 || 62 141 || 62 153 || 433 393

Noti:

(1)           Filwaqt li jiġu kkunsidrati l-bidliet leġiżlattivi diġà mifthiema, jiġifieri modulazzjoni volontarja għar-Renju Unit u l-Artikolu 136, l-"ammonti li ma jintefqux" mhux se jkomplu japplikaw sal-aħħar tal-2013.

(2)           L-ammonti marbuta mal-limitu annwali propost għall-ewwel pilastru. Madankollu, wieħed għandu jikkunsidra li qed jiġi propost li n-nefqa negattiva titneħħa mill-approvazzjoni tal-kontijiet (li bħalissa tinsab taħt il-partita tal-baġit 05 07 01 06) u titqiegħed fid-dħul allokat (taħt il-partita 67 03). Għad-dettalji, ara t-tabella dwar id-dħul stmat fil-paġna ta' hawn taħt.

(3)           Iċ-ċifri tal-2013 jinkludu l-ammonti għall-miżuri veterinarji u fitosanitarji kif ukoll il-miżuri tas-suq għas-settur tas-sajd.

(4)           L-ammonti fit-tabella ta' hawn fuq huma konformi ma' dawk li jinsabu fil-komunikazzjoni tal-Kummissjoni "Baġit għall-Ewropa 2020" (COM(2011)500 finali tad-29 ta' Ġunju 2011). Madankollu, għadu jrid ikun deċiż jekk il-QFM huwiex se jirrifletti t-trasferiment li qed ikun propost għall-pakkett ta' Stat Membru wieħed tal-Programm Nazzjonali ta' Ristrutturar tal-qoton lejn l-iżvilupp rurali mill-2014, li jimplika aġġustament (EUR 4 miljun kull sena) tal-ammonti għal-limitu sekondarju tal-FAEG u l-pilastru 2 rispettivament. Fit-tabelli li jinsabu fit-taqsimiet aktar 'l isfel, l-ammonti ġew ittrasferiti, irrispettivament mill-fatt li qed ikunu riflessi fil-QFM.

(5)           Skont il-komunikazzjoni tal-Kummissjoni "Baġit għall-Ewropa 2020" (COM(2011)500 finali), ammont totali ta' EUR 2.5 biljun fil-prezzijiet tal-2011 se jkunu disponibbli fil-kuntest tal-Fond Ewropew ta' Aġġustament għall-Globalizzazzjoni biex jipprovdi appoġġ addizzjonali lill-bdiewa li qed isofru mill-effetti tal-globalizzazzjoni. Fit-tabella ta' hawn fuq, it-tqassim skont is-sena tal-prezzijiet kurrenti huwa biss indikattiv. Il-proposta għall-ftehim interinstituzzjonali bejn il-Parlament Ewropew, il-Kunsill u l-Kummissjoni dwar il-kooperazzjoni fi kwistjonijiet baġitarji u dwar ġestjoni finanzjarja b'saħħitha (COM(2011)403 finali tad-29 ta' Ġunju 2011) tistabbilixxi, għall-FAG, massimu annwali kumplessiv li jammonta għal EUR 429 miljun fil-prezzijiet għall-2011.

3.2. Impatt stmat fuq in-nefqa 3.2.1. Sinteżi tal-impatt stmat fuq in-nefqa

Tabella 2: Dħul stmat kif ukoll nefqa għall-Qasam ta' Politika 05 fl-Intestatura 2

F'miljun EUR (prezzijiet kurrenti)

Sena tal-baġit || 2013 || 2013 aġġustat || 2014 || 2015 || 2016 || 2017 || 2018 || 2019 || 2020 || TOTAL 2014-2020

DĦUL || || || || || || || || || ||

123 –Tariffa fuq il-produzzjoni taz-zokkor (riżorsi proprji) || 123 || 123 || 123 || 123 || || || || || || 246

|| || || || || || || || || ||

67 03 – Dħul allokat || 672 || 672 || 741 || 741 || 741 || 741 || 741 || 741 || 741 || 5 187

li minnu: ex 05 07 01 06 – Approvazzjoni tal-kontijiet || 0 || 0 || 69 || 69 || 69 || 69 || 69 || 69 || 69 || 483

Total || 795 || 795 || 864 || 864 || 741 || 741 || 741 || 741 || 741 || 5 433

NEFQA || || || || || || || || || ||

05 02 – Swieq (1) || 3 311 || 3 311 || 2 622 || 2 641 || 2 670 || 2 699 || 2 722 || 2 710 || 2 699 || 18 764

05 03 - Għajnuniet diretti (qabel il-limiti massimi) (2) || 42 170 || 42 535 || 42 876 || 43 081 || 43 297 || 43 488 || 43 454 || 43 454 || 43 454 || 303 105

05 03 - Għajnuniet diretti (wara l-limiti massimi) || 42 170 || 42 535 || 42 876 || 42 917 || 43 125 || 43 303 || 43 269 || 43 269 || 43 269 || 302 027

|| || || || || || || || || ||

05 04 – Żvilupp rurali (qabel il-limiti massimi) || 14 817 || 14 451 || 14 455 || 14 455 || 14 455 || 14 455 || 14 455 || 14 455 || 14 455 || 101 185

05 04 – Żvilupp rurali (wara l-limiti massimi) || 14 817 || 14 451 || 14 455 || 14 619 || 14 627 || 14 640 || 14 641 || 14 641 || 14 641 || 102 263

|| || || || || || || || || ||

05 07 01 06 – Approvazzjoni tal-kontijiet || -69 || -69 || 0 || 0 || 0 || 0 || 0 || 0 || 0 || 0

Total || 60 229 || 60 229 || 59 953 || 60 177 || 60 423 || 60 642 || 60 631 || 60 620 || 60 608 || 423 054

BAĠIT NETT wara d-dħul allokat || || || 59 212 || 59 436 || 59 682 || 59 901 || 59 890 || 59 879 || 59 867 || 417 867

Noti:

(1)           Għall-2013, l-istima preliminari bbażata fuq l-Abbozz tal-Baġit 2012 li tikkunsidra l-aġġustamenti legali li diġà sar qbil dwarhom għall-2013 (eż. limitu massimu għall-inbid, it-tneħħija tal-primjum għal-lamtu tal-patata, għalf imnixxef) kif ukoll xi żviluppi previsti. Għas-snin kollha, l-istimi jassumu li mhux se jkun hemm bżonn ta' finanzjament addizzjonali għall-miżuri ta' appoġġ minħabba xkiel fis-suq jew kriżijiet.

(2)           L-ammont tal-2013 jinkludi stima tat-tqaċċit tad-dwieli tal-inbid fl-2012.

Tabella 3: Kalkolu tal-impatt finanzjarju permezz tal-kapitolu tal-baġit tal-proposti għal riforma tal-PAK fir-rigward tad-dħul u n-nefqa tal-PAK

F'miljun EUR (prezzijiet kurrenti)

Sena tal-baġit || 2013 || 2013 aġġustat || || TOTAL 2014-2020

|| || 2014 || 2015 || 2016 || 2017 || 2018 || 2019 || 2020 ||

DĦUL || || || || || || || || || ||

123 –Tariffa fuq il-produzzjoni taz-zokkor (riżorsi proprji) || 123 || 123 || 0 || 0 || 0 || 0 || 0 || 0 || 0 || 0

|| || || || || || || || || ||

67 03 – Dħul allokat || 672 || 672 || 69 || 69 || 69 || 69 || 69 || 69 || 69 || 483

li minnu: ex 05 07 01 06 – Approvazzjoni tal-kontijiet || 0 || 0 || 69 || 69 || 69 || 69 || 69 || 69 || 69 || 483

Total || 795 || 795 || 69 || 69 || 69 || 69 || 69 || 69 || 69 || 483

NEFQA || || || || || || || || || ||

05 02 – Swieq (1) || 3 311 || 3 311 || -689 || -670 || -641 || -612 || -589 || -601 || -612 || -4 413

05 03 - Għajnuniet diretti (qabel il-limiti massimi) (2) || 42 170 || 42 535 || -460 || -492 || -534 || -577 || -617 || -617 || -617 || -3 913

05 03 – Għajnuniet diretti – Prodott stmat tal-limitu massimu li għandu jkun ittrasferit lejn żvilupp rurali || || || 0 || -164 || -172 || -185 || -186 || -186 || -186 || -1 078

05 04 – Żvilupp rurali (qabel il-limiti massimi) || 14 817 || 14 451 || 4 || 4 || 4 || 4 || 4 || 4 || 4 || 28

05 04 – Żvilupp rurali – Prodott stmat tal-limitu massimu li għandu jkun ittrasferit mill-għajnuniet diretti || || || 0 || 164 || 172 || 185 || 186 || 186 || 186 || 1 078

05 07 01 06 – Approvazzjoni tal-kontijiet || -69 || -69 || 69 || 69 || 69 || 69 || 69 || 69 || 69 || 483

Total || 60 229 || 60 229 || -1 076 || -1 089 || -1 102 || -1 115 || -1 133 || -1 144 || -1 156 || -7 815

BAĠIT NETT wara d-dħul allokat || || || -1 145 || -1 158 || -1 171 || -1 184 || -1 202 || -1 213 || -1 225 || -8 298

Noti:

(1)           Għall-2013, l-istima preliminari bbażata fuq l-Abbozz tal-Baġit 2012 li tikkunsidra l-aġġustamenti legali li diġà sar qbil dwarhom għall-2013 (eż. limitu massimu għall-inbid, it-tneħħija tal-primjum għal-lamtu tal-patata, għalf imnixxef) kif ukoll xi żviluppi previsti. Għas-snin kollha, l-istimi jassumu li mhux se jkun hemm bżonn ta' finanzjament addizzjonali għall-miżuri ta' appoġġ minħabba xkiel fis-suq jew kriżijiet.

(2)           L-ammont tal-2013 jinkludi stima tat-tqaċċit tad-dwieli tal-inbid fl-2012.

Tabella 4: Kalkolu tal-impatt finanzjarju tal-proposti ta' riforma tal-PAK bħala nefqa relatata mas-swieq tal-PAK

F'miljun EUR (prezzijiet kurrenti)

SENA TAL-BAĠIT || || Bażi legali || Ħtiġijiet stmati || Tibdil mill-2013 ||

|| || || 2013 (1) || 2014 || 2015 || 2016 || 2017 || 2018 || 2019 || 2020 || TOTAL 2014-2020

Miżuri eċċezzjonali: Kamp ta’ applikazzjoni tal-bażi legali simplifikat u estiż || || Artikoli 154, 155, 156 || pm || pm || pm || pm || pm || pm || pm || pm || pm

Tneħħija tal-intervent għall-qamħ durum u s-sorgu || || ex Artikolu 10 || pm || - || - || - || - || - || - || - || -

Programmi tal-ikel għall-persuni neqsin mill-bżonnijiet essenzjali || (2) || Ex-Artikolu 27 tar-Regolament 1234/2007 || 500.0 || -500.0 || -500.0 || -500.0 || -500.0 || -500.0 || -500.0 || -500.0 || -3 500.0

Ħażna privata (Kittien tal-fibri) || || Artikolu 16 || Mhux applikabbli || pm || pm || pm || pm || pm || pm || pm || Pm

Għajnuna għall-qoton - Ristrutturar || (3) || ex Artikolu 5 tar-Regolament 637/2008 || 10.0 || -4.0 || -4.0 || -4.0 || -4.0 || -4.0 || -4.0 || -4.0 || -28.0

Għajnuna għat-twaqqif ta’ gruppi ta’ produtturi tal-frott u l-ħaxix || || ex Artikolu 117 || 30.0 || 0.0 || 0.0 || 0.0 || -15.0 || -15.0 || -30.0 || -30.0 || -90.0

Skema ta' frott għall-iskejjel || || Artikolu 21 || 90.0 || 60.0 || 60.0 || 60.0 || 60.0 || 60.0 || 60.0 || 60.0 || 420.0

Abolizzjoni tal-Organizzazzjoni tal-Produtturi tal-Hops || || ex Artikolu 111 || 2.3 || -2.3 || -2.3 || -2.3 || -2.3 || -2.3 || -2.3 || -2.3 || -15.9

Ħżin privat mhux obbligatorju għat-trab tal-ħalib xkumat || || Artikolu 16 || Mhux applikabbli || pm || pm || pm || pm || pm || pm || pm || pm

Għajnuna għall-abolizzjoni tal-użu tal-ħalib xkumat/Trab tal-Ħalib Xkumat bħala għalf/kaseina u l-użu tal-kaseina || || ex Artikoli 101, 102 || pm || - || - || - || - || - || - || - || -

Ħżin privat mhux obbligatorju għall-butir || (4) || Artikolu 16 || 14.0 || [-1.0] || [-14.0] || [-14.0] || [-14.0] || [-14.0] || [-14.0] || [-14.0] || [-85.0]

Abolizzjoni tal-levy promozzjonali tal-ħalib || || ex Artikolu 309 || pm || - || - || - || - || - || - || - || -

TOTAL 05 02 || || || || || || || || || || ||

Effett Nett tal-proposti ta' riforma (5) || || || || -446.3 || -446.3 || -446.3 || -461.3 || -461.3 || -476.3 || -476.3 || -3 213.9

Noti:

(1)           Il-ħtiġijiet tal-2013 huma stmati abbażi tal-Abbozz tal-Baġit tal-Kummissjoni għall-2012, ħlief għal (a) l-oqsma tal-frott u l-ħaxix fejn il-bżonnijiet huma bbażati fuq id-dikjarazzjoni finanzjarja tar-riformi rispettivi u (b) kwalunkwe tibdil legali diġà miftiehem.

(2)           L-ammont tal-2013 jikkorrispondi għall-proposta tal-Kummissjoni COM(2010)486. Mill-2014, il-miżura se tkun iffinanzjata fil-limitu tal-Intestatura 1.

(3)           Il-pakkett għall-programm ta' ristrutturar tal-qoton għall-Greċja (EUR 4 miljun/fis-sena) se jkun ittrasferit lejn l-iżvilupp rurali mill-2014. Il-pakkett għal Spanja (EUR 6.1 miljun/fis-sena) se jgħaddi għall-Iskema ta' Pagament Uniku mill-2018 (diġà deċiż).

(4)           L-effett stmat f'każ ta' nuqqas ta' applikazzjoni tal-miżura.

(5)           Minbarra n-nefqa fil-limiti tal-kapitoli 05 02 u 05 03, qed ikun antiċipat li n-nefqa diretta fil-limiti tal-kapitoli 05 01, 05 07 u 05 08 se tkun iffinanzjata mid-dħul li għandu jiġu allokat lill-FAEG.

Tabella 5: Kalkolu tal-impatt finanzjarju tal-proposti ta' riforma tal-PAK fir-rigward tal-għajnuniet diretti

F'miljun EUR (prezzijiet kurrenti)

SENA TAL-BAĠIT || || Bażi legali || Ħtiġijiet stmati || Tibdil mill-2013 ||

|| || 2013 (1) || 2013 aġġustat (2) || 2014 || 2015 || 2016 || 2017 || 2018 || 2019 || 2020 || TOTAL 2014-2020

|| || || || || || || || || || || ||

Għajnuniet diretti || || || 42 169.9 || 42 535.4 || 341.0 || 381.1 || 589.6 || 768.0 || 733.2 || 733.2 || 733.2 || 4 279.3

- Tibdiliet diġà deċiżi || || || || || || || || || || || ||

Introduzzjoni progressiva fl-UE 12 || || || || || 875.0 || 1 133.9 || 1 392.8 || 1 651.6 || 1 651.6 || 1 651.6 || 1 651.6 || 10 008.1

Ristrutturar tal-qoton || || || || || 0.0 || 0.0 || 0.0 || 0.0 || 6.1 || 6.1 || 6.1 || 18.4

Verifika tas-Saħħa || || || || || -64.3 || -64.3 || -64.3 || -90.0 || -90.0 || -90.0 || -90.0 || -552.8

Riformi preċedenti || || || || || -9.9 || -32.4 || -32.4 || -32.4 || -32.4 || -32.4 || -32.4 || -204.2

|| || || || || || || || || || || ||

- Tibdiliet minħabba l-proposti l-ġodda tar-riforma tal-PAK || || || -459.8 || -656.1 || -706.5 || -761.3 || -802.2 || -802.2 || -802.2 || -4 990.3

Li minnhom: limitu massimu || || || || || 0.0 || -164.1 || -172.1 || -184.7 || -185.6 || -185.6 || -185.6 || -1 077.7

|| || || || || || || || || || || ||

TOTAL 05 03 || || || || || || || || || || || ||

Effett Nett tal-proposti ta' riforma || || || || || -459.8 || -656.1 || -706.5 || -761.3 || -802.2 || -802.2 || -802.2 || -4 990.3

NEFQA TOTALI || || || 42 169.9 || 42 535.4 || 42 876.4 || 42 916.5 || 43 125.0 || 43 303.4 || 43 268.7 || 43 268.7 || 43 268.7 || 302 027.3

Noti:

(1)           L-ammont tal-2013 jinkludi stima tat-tqaċċit tad-dwieli tal-inbid fl-2012.

(2)           Filwaqt li jiġu kkunsidrati l-bidliet leġiżlattivi diġà mifthiema, jiġifieri modulazzjoni volontarja għar-Renju Unit u l-Artikolu 136, l-"ammonti li ma jintefqux" mhux se jkomplu japplikaw sal-aħħar tal-2013.

Tabella 6: Komponenti tal-għajnuniet diretti

F'miljun EUR (prezzijiet kurrenti)

SENA TAL-BAĠIT || || || || || 2015 || 2016 || 2017 || 2018 || 2019 || 2020 || TOTAL 2014-2020

Anness II || || || || || 42 407.2 || 42 623.4 || 42 814.2 || 42 780.3 || 42 780.3 || 42 780.3 || 256 185.7

Pagament għall-prattiki agrikoli li huma ta' benefiċċju għall-klima u l-ambjent (30 %) || || || || || 12 866.5 || 12 855.3 || 12 844.3 || 12 834.1 || 12 834.1 || 12 834.1 || 77 068.4

Massimu li jista' jkun allokat għall-Pagamenti lill-bdiewa żgħażagħ (2 %) || || || || || 857.8 || 857.0 || 856.3 || 855.6 || 855.6 || 855.6 || 5 137.9

Skema Bażika ta' Pagament, Pagament għall-oqsma b'Limitazzjonijiet Naturali, Appoġġ Akkoppjat ta' natura Volontarja || || || || || 28 682.9 || 28 911.1 || 29 113.6 || 29 090.6 || 29 090.6 || 29 090.6 || 173 979.4

Massimu li jista' jittieħed mil-linji ta' hawn fuq sabiex tiġi ffinanzjata l-Iskema għall-Bdiewa ż-Żgħar (10 %) || || || || || 4 288.8 || 4 285.1 || 4 281.4 || 4 278.0 || 4 278.0 || 4 278.0 || 25 689.3

Trasferimenti tal-inbid inklużi fl-Anness II[56] || || || || || 159.9 || 159.9 || 159.9 || 159.9 || 159.9 || 159.9 || 959.1

Limitu massimu || || || || || -164.1 || -172.1 || -184.7 || -185.6 || -185.6 || -185.6 || -1 077.7

Qoton || || || || || 256.0 || 256.3 || 256.5 || 256.6 || 256.6 || 256.6 || 1 538.6

POSEI/Gżejjer Żgħar tal-Eġew || || || || || 417.4 || 417.4 || 417.4 || 417.4 || 417.4 || 417.4 || 2 504.4

Tabella 7: Kalkolu tal-impatt finanzjarju tal-proposti ta' riforma tal-PAK fir-rigward tal-miżuri tranżizzjonali għall-għoti tal-għajnuniet diretti fl-2014

F'miljun EUR (prezzijiet kurrenti)

SENA TAL-BAĠIT || || Bażi legali || Ħtiġijiet stmati || Tibdil mill-2013

|| || || 2013 (1) || 2013 aġġustat || 2014 (2)

Anness IV għar-Regolament tal-Kunsill (KE) Nru 73/2009. || || || 40 165.0 || 40 530.5 || 541.9

Introduzzjoni progressiva fl-UE 10 || || || || || 616.1

Verifika tas-Saħħa || || || || || -64.3

Riformi preċedenti || || || || || -9.9

TOTAL 05 03 || || || || ||

NEFQA TOTALI || || || 40 165.0 || 40 530.5 || 41 072.4

Noti:

(1)           L-ammont tal-2013 jinkludi stima tat-tqaċċit tad-dwieli tal-inbid fl-2012.

(2)           Il-limiti massimi netti estiżi jinkludu stima tat-trasferimenti tal-inbid lejn SPU ibbażati fuq id-deċiżjonijiet li ttieħdu mill-Istati Membri għall-2013.

Tabella 8: Kalkolu tal-impatt finanzjarju tal-proposti ta' riforma tal-PAK fir-rigward tal-iżvilupp rurali

F'miljun EUR (prezzijiet kurrenti)

SENA TAL-BAĠIT || || Bażi legali || Allokazzjoni għall-iżvilupp rurali || Tibdil mill-2013 ||

|| || || 2013 || 2013 aġġustat (1) || 2014 || 2015 || 2016 || 2017 || 2018 || 2019 || 2020 || TOTAL 2014-2020

Programmi għall-iżvilupp rurali || || || 14 788.9 || 14 423.4 || || || || || || || ||

Għajnuna għall-qoton - Ristrutturar || (2) || || || || 4.0 || 4.0 || 4.0 || 4.0 || 4.0 || 4.0 || 4.0 || 28.0

Prodott tal-limitu massimu tal-għajnuniet diretti || || || || || || 164.1 || 172.1 || 184.7 || 185.6 || 185.6 || 185.6 || 1 077.7

Pakkett tar-Riċerka u Żvilupp li jeskludi l-assistenza teknika || (3) || || || || -8.5 || -8.5 || -8.5 || -8.5 || -8.5 || -8.5 || -8.5 || -59.4

Assistenza teknika || (3) || || 27.6 || 27.6 || 8.5 || 3.5 || 3.5 || 3.5 || 3.5 || 3.5 || 3.5 || 29.4

Premju għall-proġetti ta' kooperazzjoni lokali innovattivi || (4) || || Mhux applikabbli || Mhux applikabbli || 0.0 || 5.0 || 5.0 || 5.0 || 5.0 || 5.0 || 5.0 || 30.0

TOTAL 05 04 || || || || || || || || || || || ||

Effett Nett tal-proposti ta' riforma || || || || || 4.0 || 168.1 || 176.1 || 188.7 || 189.6 || 189.6 || 189.6 || 1 105.7

NEFQA TOTALI (qabel il-limitu massimu) || || || 14 816.6 || 14 451.1 || 14 455.1 || 14 455.1 || 14 455.1 || 14 455.1 || 14 455.1 || 14 455.1 || 14 455.1 || 101 185.5

NEFQA TOTALI (wara l-limitu massimu) || || || 14 816.6 || 14 451.1 || 14 455.1 || 14 619.2 || 14 627.2 || 14 639.8 || 14 640.7 || 14 640.7 || 14 640.7 || 102 263.2

Noti:

(1)           Aġġustamenti skont il-leġiżlazzjoni eżistenti huma applikabbli biss sal-aħħar tas-sena finanzjarja 2013.

(2)           L-ammonti fit-tabella 1 (taqsima 3.1) huma konformi ma' dawk li jinsabu fil-komunikazzjoni tal-Kummissjoni "Baġit għall-Ewropa 2020" (COM(2011)500 finali). Madankollu, għadu jrid ikun deċiż jekk il-QFM huwiex se jirrifletti t-trasferiment li qed ikun propost għall-pakkett ta' Stat Membru wieħed tal-Programm Nazzjonali ta' Ristrutturar tal-qoton lejn l-iżvilupp rurali mill-2014, li jimplika aġġustament (EUR 4 miljun kull sena) tal-ammonti għal-limitu sekondarju tal-FAEG u l-pilastru 2 rispettivament. F'tabella 8 aktar 'il fuq, l-ammonti ġew ittrasferiti, irrispettivament mill-fatt li qed ikunu riflessi fil-QFM.

(3)           L-ammont għall-2013 għall-assistenza teknika kien stabbilit abbażi tal-pakkett inizjali ta' żvilupp rurali (trasferimenti mill-pilastru 1 mhumiex inklużi).

L-assistenza teknika għall-2014-2020 hija stabbilita għal 0.25 % tal-pakkett ta' żvilupp rurali totali.

(4)           Kopert mill-ammont disponibbli għall-assistenza teknika.

Intestatura tal-qafas finanzjarju multiannwali: || 5 || " Nefqa amministrattiva "

EUR miljuni (sa 3 punti deċimali)

Nota:     Huwa stmat li l-proposti leġiżlattivi mhux se jkollhom impatt fuq l-approprjazzjonijiet ta' natura amministrattiva, jiġifieri l-ħsieb huwa li l-qafas leġiżlattiv jista' jkun implimentat bil-livell preżenti ta' riżorsi umani u ta' nefqa amministrattiva.

|| || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

DĠ: AGRI ||

Ÿ Riżorsi umani || 136.998 || 136.998 || 136.998 || 136.998 || 136.998 || 136.998 || 136.998 || 958.986

Ÿ Nefqa amministrattiva oħra || 9.704 || 9.704 || 9.704 || 9.704 || 9.704 || 9.704 || 9.704 || 67.928

TOTAL DĠ AGRI || Approprjazzjonijiet || 146.702 || 146.702 || 146.702 || 146.702 || 146.702 || 146.702 || 146.702 || 1 026.914

TOTAL ta' approprjazzjonijiet taħt l-INTESTATURA 5 tal-qafas finanzjarju multiannwali || (Impenji totali = Pagamenti totali) || 146.702 || 146.702 || 146.702 || 146.702 || 146.702 || 146.702 || 146.702 || 1 026.914

EUR miljuni (sa 3 punti deċimali)

|| || || Sena N[57] || Sena N+1 || Sena N+2 || Sena N+3 || daħħal l-ammont ta’ snin kemm meħtieġ biex turi t-tul ta' żmien tal-impatt (ara l-punt 1.6) || TOTAL

TOTAL ta' approprjazzjonijiet taħt INTESTATURI 1 sa 5 tal-qafas finanzjarju multiannwali || Impenji || || || || || || || ||

Pagamenti || || || || || || || ||

3.2.2. Impatt stmat fuq approprjazzjonijiet operattivi

– ¨  Il-proposta/inizjattiva ma teħtiġx l-użu ta’ approprjazzjonijiet operattivi

– x   Il-proposta/inizjattiva teħtieġ l-użu ta’ approprjazzjonijiet operattivi, kif spjegat hawn taħt:

L-approprjazzjonijiet għall-impenji f’miljuni ta’ EUR (sa 3 punti deċimali)

Indika l-objettivi u l-eżiti ò || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

EŻITI

Tip ta’ eżiti || Spiża medja tal-eżitu || Numru ta’ eżiti || Spiża || Numru ta’ eżiti || Spiża || Numru ta’ eżiti || Spiża || Numru ta’ eżiti || Spiża || Numru ta’ eżiti || Spiża || Numru ta’ eżiti || Spiża || Numru ta’ eżiti || Spiża || Numru totali ta' eżiti || Total Spiża

OBJETTIV SPEĊIFIKU Nru 5: Li titjieb il-kompetittività tal-qasam agrikolu u jissaħħaħ is-sehem tal-valur tagħha fil-katina alimentari || || || || || || || || || || || || || || || ||

- Frott u ħaxix: Kummerċjalizzazzjoni permezz tal-organizzazzjonijiet tal-produtturi (OP)[58] || Proporzjon tal-valur tal-produzzjoni kkumerċjalizzat permezz tal-organizzazzjonijiet tal-produtturi skont il-produzzjoni totali || || || 830.0 || || 830.0 || || 830.0 || || 830.0 || || 830.0 || || 830.0 || || 830.0 || || 5 810.0

- Nbid: Pakkett Nazzjonali - Ristrutturar58 || Għadd ta’ Ettari || || 54 326 || 475.1 || 54 326 || 475.1 || 54 326 || 475.1 || 54 326 || 475.1 || 54 326 || 475.1 || 54 326 || 475.1 || 54 326 || 475.1 || || 3 326.0

- Nbid: Pakkett Nazzjonali - Investimenti58 || || || 1 147 || 178.9 || 1 147 || 178.9 || 1 147 || 178.9 || 1 147 || 178.9 || 1 147 || 178.9 || 1 147 || 178.9 || 1 147 || 178.9 || || 1 252.6

- Nbid: Pakkett Nazzjonali – Distillazzjoni prodotti sekondarji58 || Ettolitri || || 700 000 || 98.1 || 700 000 || 98.1 || 700 000 || 98.1 || 700 000 || 98.1 || 700 000 || 98.1 || 700 000 || 98.1 || 700 000 || 98.1 || || 686.4

- Nbid: Pakkett Nazzjonali – Alkoħol potabbli58 || Għadd ta’ Ettari || || 32 754 || 14.2 || 32 754 || 14.2 || 32 754 || 14.2 || 32 754 || 14.2 || 32 754 || 14.2 || 32 754 || 14.2 || 32 754 || 14.2 || || 14.2

- Nbid: Pakkett Nazzjonali – Użu ta’ most ikkonċentrat58 || Ettolitri || || 9 || 37.4 || 9 || 37.4 || 9 || 37.4 || 9 || 37.4 || 9 || 37.4 || 9 || 37.4 || 9 || 37.4 || || 261.8

- Nbid: Pakkett Nazzjonali - Promozzjoni58 || || || || 267.9 || || 267.9 || || 267.9 || || 267.9 || || 267.9 || || 267.9 || || 267.9 || || 1 875.3

-Oħrajn || || || || 720.2 || || 739.6 || || 768.7 || || 797.7 || || 820.3 || || 808.8 || || 797.1 || || 5 452.3

Subtotal għall-objettiv speċifiku Nru 5 || || 2 621.8 || || 2 641.2 || || 2 670.3 || || 2 699.3 || || 2 721.9 || || 2 710.4 || || 2 698.7 || || 18 763.5

OBJETTIV SPEĊIFIKU Nru 6: Li jkun hemm kontribuzzjoni għall-introjtu agrikolu u tkun limitata l-varjabbiltà tiegħu || || || || || || || || || || || || || || || ||

-Appoġġ għall-introjtu dirett[59] || Għadd ta’ Ettari mħallsa (f'miljuni) || || 161.014 || 42 876.4 || 161.014 || 43 080.6 || 161.014 || 43 297.1 || 161.014 || 43 488.1 || 161.014 || 43 454.3 || 161.014 || 43 454.3 || 161.014 || 43 454.3 || 161.014 || 303 105.0

Subtotal għall-objettiv speċifiku Nru 6 || || 42 876.4 || || 43 080.6 || || 43 297.1 || || 43 488.1 || || 43 454.3 || || 43 454.3 || || 43 454.3 || || 303 105.0

SPIŻA TOTALI || || || || || || || || || || || || || || || ||

Nota: Għall-objettivi speċifiċi 1 sa 4 u 7 sa 10, l-eżiti għadhom iridu jkunu determinati (ara taqsima 1.4.2 aktar 'il fuq).

3.2.3. Impatt stmat fuq approprjazzjonijiet ta’ natura amministrattiva 3.2.3.1. Sinteżi

– ¨  Il-proposta/inizjattiva ma teħtiġx l-użu ta’ approprjazzjonijiet amministrattivi

– x   Il-proposta/inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

EUR miljuni (sa 3 punti deċimali)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL

INTESTATURA 5 tal-qafas finanzjarju multiannwali || || || || || || || ||

Riżorsi umani[60] || 136.998 || 136.998 || 136.998 || 136.998 || 136.998 || 136.998 || 136.998 || 958.986

Nefqa amministrattiva oħra || 9.704 || 9.704 || 9.704 || 9.704 || 9.704 || 9.704 || 9.704 || 67.928

Subtotal tal-INTESTATURA 5 tal-qafas finanzjarju multiannwali || || || || || || || ||

Barra mill-INTESTATURA 5 tal-qafas finanzjarju multiannwali || || || || || || || ||

Riżorsi umani || || || || || || || ||

Nefqa oħra ta’ natura amministrattiva || || || || || || || ||

Subtotal parzjali barra mill-INTESTATURA 5 tal-qafas finanzjarju multiannwali || || || || || || || ||

TOTAL || 146.702 || 146.702 || 146.702 || 146.702 || 146.702 || 146.702 || 146.702 || 1 026.914

3.2.3.2.  Ħtiġijiet stmati ta’ riżorsi umani

– ¨  Il-proposta/inizjattiva ma teħtiġx l-użu ta’ riżorsi umani

– x   Il-proposta/inizjattiva teħtieġ l-użu ta’ riżorsi umani, kif spjegat hawn taħt:

Nota: Huwa stmat li l-proposti leġiżlattivi mhux se jkollhom impatt fuq l-approprjazzjonijiet ta' natura amministrattiva, jiġifieri l-ħsieb huwa li l-qafas leġiżlattiv jista' jkun implimentat bil-livell preżenti ta' riżorsi umani u ta' nefqa amministrattiva. Iċ-ċifri għall-perjodu ta' żmien bejn l-2014 u l-2020 huma bbażati fuq is-sitwazzjoni tal-2011.

L-istima għandha tiġi espressa f’ammonti sħaħ (jew l-aktar sa punt deċimali wieħed)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020

Ÿ Karigi fil-pjan ta’ stabiliment (uffiċjali u aġenti temporanji) ||

XX 01 01 01 (Kwartieri Ġenerali u l-Uffiċċji tar-Rappreżentanza tal-Kummissjoni) || 1 034 || 1 034 || 1 034 || 1 034 || 1 034 || 1 034 || 1 034

XX 01 01 02 (Delegazzjonijiet) || 3 || 3 || 3 || 3 || 3 || 3 || 3

XX 01 05 01 (Riċerka indiretta) || || || || || || ||

10 01 05 01 (Riċerka diretta) || || || || || || ||

Ÿ Persunal estern (f’unità Ekwivalenti Full-Time : FTE)[61] ||

XX 01 02 01 (CA, INT, SNE mill-"pakkett globali") || 78 || 78 || 78 || 78 || 78 || 78 || 78

XX 01 02 02 (CA, INT, JED, LA u SNE fid-delegazzjonijiet) || || || || || || ||

XX 01 04 yy || fil-Kwartieri Ġenerali || || || || || || ||

- f’delegazzjonijiet || || || || || || ||

XX 01 05 02 (CA, INT, SNE - Riċerka indiretta) || || || || || || ||

10 01 05 02 (CA, INT, SNE - Riċerka diretta) || || || || || || ||

Linji tal-baġit oħrajn (speċifika) || || || || || || ||

TOTAL[62] || 1 115 || 1 115 || 1 115 || 1 115 || 1 115 || 1 115 || 1 115

XX huwa l-qasam ta' politika jew it-titolu tal-baġit ikkonċernat.

Ir-riżorsi umani meħtieġa se jkunu mill-persunal tad-DĠ li diġà huma assenjati bil-ġestjoni tal-azzjoni u/jew ġew allokati mill-ġdid fi ħdan id-DĠ, flimkien ma', jekk ikun meħtieġ, kwalunkwe allokazzjoni addizzjonali li tista’ tingħata lid-DĠ ta' ġestjoni taħt il-proċedura ta’ allokazzjoni annwali u fid-dawl tal-limiti baġitarji.

Deskrizzjoni tal-kompiti li jridu jitwettqu:

Uffiċjali u aġenti temporanji ||

Persunal estern ||

3.2.4. Kompatibbiltà mal-qafas finanzjarju multiannwali kurrenti

– x   Il-proposta/inizjattiva hija kompatibbli mal-PROPOSTI għall-qafas finanzjarju multiannwali 2014-2020.

– ¨  Il-proposta/inizjattiva se tinvolvi l-ipprogrammar mill-ġdid tal-intestatura rilevanti fil-qafas finanzjarju multiannwali.

– ¨  Il-proposta teħtieġ l-applikazzjoni tal-istrument tal-flessibilità jew ir-reviżjoni tal-qafas finanzjarju multiannwali.

3.2.5. Kontribuzzjonijiet minn partijiet terzi

– Il-proposta/inizjattiva ma tipprovdix għal kofinanzjament minn partijiet terzi

– X  Il-proposta dwar l-iżvilupp rurali (FAEŻR) tipprovdi għall-kofinanzjament stimat hawn taħt:

Approprjazzjonijiet f’miljuni ta’ EUR (sa 3 punti deċimali)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Total

Speċifika l-entità ta' kofinanzjament || SM || SM || SM || SM || SM || SM || SM || SM

Approprjazzjonijiet TOTALI kofinanzjati[63] || Għadhom mhux stabbiliti || Għadhom mhux stabbiliti || Għadhom mhux stabbiliti || Għadhom mhux stabbiliti || Għadhom mhux stabbiliti || Għadhom mhux stabbiliti || Għadhom mhux stabbiliti || Għadhom mhux stabbiliti

3.3. L-impatt stmat fuq id-dħul

– x   Il-proposta/inizjattiva ma għandhiex impatt finanzjarju fuq id-dħul.

– ¨  Il-proposta/inizjattiva għandha l-impatt finanzjarju li ġej:

– x   fuq ir-riżorsi proprji

– x   fuq dħul mixxellanju

EUR miljuni (sa 3 punti deċimali)

Linja tad-dħul tal-baġit: || Approprazzjonijiet disponibbli għas-sena baġitarja li għaddejja bħalissa || Impatt tal-proposta/inizjattiva[64]

Sena N || Sena N+1 || Sena N+2 || Sena N+3 || … daħħal kemm ikunu meħtieġa kolonni biex turi t-tul taż-żmien tal-impatt (ara l-punt 1.6)

|| || || || || || || ||

Għal dħul mixxellanju assenjat, speċifika l-linja/i tan-nefqa tal-baġit affettwat(i).

Ara Tabelli 2 u 3 fit-taqsima 3.2.1.

[1]               Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni Baġit għall-Ewropa 2020, COM(2011)500 finali, 29.6.2011.

[2]               Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni Il-PAK fid-dawl tas-sena 2020: Nindirizzaw l-isfidi tal-futur fl-ambitu tal-ikel, tar-riżorsi naturali u dak territorjali, COM(2010)672 finali, 18.11.2010.

[3]               Ara b’mod partikolari r-riżoluzzjoni tal-Parlament Ewropew tat-23 ta’ Ġunju 2011, 2011/2015(INI), u l-konklużjonijiet tal-Presidenza tat-18.3.2011.

[4]               Il-qafas leġiżlattiv kurrenti jikkomprendi r-Regolament tal-Kunsill (KE) Nru 73/2009 (pagamenti diretti), ir-Regolament tal-Kunsill (KE) Nru 1234/2007 (strumenti tas-suq), ir-Regolament tal-Kunsill (KE) Nru 1698/2005 (żvilupp rurali) u r-Regolament tal-Kunsill (KE) Nru 1290/2005 (finanzjament).

[5]               Proposta għal Regolament tal-Parlament Ewropew u tal-Kunsill li jiffissa dispożizzjonijiet komuni għall-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew kopert mill-Qafas Strateġiku Komuni u li jiffissa dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni, u li jħassar ir-Regolament (KE) Nru 1083/2006, COM(2011)615 ta' 6.10.2011.

[6]               Ara l-Anness 9 tal-valutazzjoni tal-impatt għal deskrizzjoni qasira tal-517-il kontribuzzjoni riċevuti.

[7]               ĠU C , , p. .

[8]               ĠU C , , p. .

[9]               ĠU C , , p. .

[10]             COM(2010) 672 finali, 18.11.2010.

[11]             ĠU L 209, 11.8.2005, p. 1.

[12]             ĠU L, , p.

[13]             ĠU L , P. .

[14]             ĠU L , , p. .

[15]             ĠU L , , p. .

[16]             ĠU L 30, 31.1.2009, p. 16

[17]             ĠU L , , p. .

[18]             ĠU L, , p. .

[19]             ĠU L 50, 22.2.1978, p. 1.

[20]             ĠU L 100, 20.04.2000, p. 7.

[21]             COM(2011) 500 finali, p. 7.

[22]             ĠU L 312, 23.12.1995, p.1.

[23]             ĠU L , , p. .

[24]             ĠU L 143, 3.6.2008, p. 1.

[25]             ĠU L 270, 21.10.2003, p. 1.

[26]             ĠU L 277, 21.10.2005, p. 1.

[27]             ĠU L 299, 16.11.2007, p. 1.

[28]             ĠU L 327, 22.12.2000, p. 1.

[29]             ĠU L 309, 24.11.2009, p. 71.

[30]             ĠU L 20, 26.1.1980, p. 43.

[31]             ĠU L 349, 24.12.1998, p. 1.

[32]             ĠU L 281, 23.11.1995, p. 31.

[33]             ĠU L 8, 12.1.2001, p. 1.

[34]             Sentenza fil-kawżi konġunti C-92/09 u C-93/09, Volker und Markus Schecke GbR u Hartmut Eifert/Land Hessen, [2010] Ġabra I-0000

[35]             ĠU L 76, 19.3.2008, p. 28.

[36]             ĠU L 55, 28.2.2011, p. 13.

[37]             ĠU L 11, 16.1.2003, p. 1.

[38]             ĠU L […], […], p. […].

[39]             ĠU L 292, 15.11.1996, p. 2.

[40]             ĠU L 136, 31.5.1999, p. 1.

[41]             ĠU L 145, 4.6.2008, p. 1.

[42]             ĠU L 204, 11.8.2000, p. 1.

[43]             ĠU L 5, 9.1.2004, p. 8.

[44]             ĠU L 124, 8.6.1971, p. 1.

[45]             ĠU L 165, 30.4.2004, p.1.

[46]             ĠU L 213, 8.8.2008, p. 31.

[47]             ĠU L 292, 15.11.1996, p.2.

[48]             L-istrixxi ta' lqugħ KAAT għandhom jirrispettaw, kemm ġewwa kif ukoll barra iż-żoni vulnerabbli ddeżinjati skont l-Artikolu 3(2) tad-Direttiva 91/676/KEE, tal-inqas ir-rekwiżiti relatati mal-kundizzjonijiet għall-applikazzjoni fuq l-art ta' fertilizzanti ħdejn mogħdijiet tal-ilma, imsemmija fil-punt A.4 tal-Anness II għad-Direttiva 91/676/KEE, li għandhom jiġu applikati skont il-programmi ta' azzjoni tal-Istati Membri stabbiliti skont l-Artikolu 5(4) tad-Direttiva 91/676/KEE.

[49]             Il-ħrit tal-art mistgħadra u tal-art b'ħafna karbonju li ġiet iddefinita sa mhux aktar tard mill-2011 bħala raba' li jinħarat skont l-Artikolu 2 punt (a) tar-Regolament (KE) Nru 1120/2009 u li tikkonforma mad-definizzjoni ta' raba' li jinħarat kif stipulat fl-Artikolu 4 punt (f) tar-Regolament (UE) Nru DP/xxx m'għandux jitqies bħala l-ewwel ħrit.

[50]             Kif implimentati b’mod partikolari minn:

— Ir-Regolament (KEE) Nru 2377/90: Artikoli 2, 4 u 5,

— Ir-Regolament (KE) Nru 852/2004: Artikolu 4(1) u Anness I parti A (II 4 (g, h, j), 5 (f, h), 6; III 8 (a, b, d, e), 9 (a, c)),

— Ir-Regolament (KE) Nru 853/2004: Artikolu 3(1) u Anness III Taqsima IX Kapitolu 1 (I-1 b, c, d, e; I-2 a (i, ii, iii), b (i, ii), c; I-3; I-4; I-5; II-A 1, 2, 3, 4; II-B 1(a, d), 2, 4 (a, b)), Anness III Taqsima X Kapitolu 1(1),

— Ir-Regolament (KE) Nru 183/2005: Artikolu 5(1) u Anness I, parti A (I-4 e, g; II-2 a, b, e), Artikolu 5(5) u Anness III (1, 2), Artikolu 5(6), u

— Ir-Regolament (KE) Nru 396/2005: Artikolu 18.

[51]             ABM: Ġestjoni Bbażata fuq l-Attività (Activity-Based Management)–ABB: Baġit Ibbażat fuq l-Attività (Activity-Based Budgeting).

[52]             Kif imsemmi fl-Artikolu 49(6)(a) jew (b) tar-Regolament Finanzjarju.

[53]             COM(2011)500 finali tad-29 ta’ Ġunju 2011.

[54]             Id-dettalji dwar il-metodi ta’ ġestjoni u r-referenzi għar-Regolament Finanzjarju jinstabu fuq is-sit tal-BudgWeb: http://www.cc.cec/budg/man/budgmanag/budgmanag_en.html

[55]             Kif imsemmi fl-Artikolu 185 tar-Regolament Finanzjarju.

[56]             Għajnuniet diretti għall-perjodu 2014-2020 jinkludu stima tat-trasferimenti tal-inbid lejn SPU ibbażati fuq id-deċiżjonijiet li ttieħdu mill-Istati Membri għall-2013.

[57]             Is-sena N hija s-sena li fiha tibda l-implimentazzjoni tal-proposta/inizjattiva.

[58]             Ibbażata fuq l-eżekuzzjoni u l-estimi tal-passat fl-Abbozz tal-Baġit għall-2012. Għall-organizzazzjonijiet tal-produtturi fil-qasam tal-frott u l-ħaxix, l-ammonti f'konformità mar-riforma ta' dak is-settur u, kif diġà indikat fid-dikjarazzjonijiet tal-attività tal-Abbozz tal-Baġit għall-2012, l-eżiti se jkunu magħrufa biss lejn tmiem l-2011.

[59]             Ibbażat fuq iż-żoni potenzjalment eliġibbli għall-2009.

[60]             Ibbażat fuq l-ispiża medja ta' EUR 127 000 għall-karigi ta' uffiċjali u aġenti temporanji fil-pjan ta' stabbiliment.

[61]             AK= Aġent Kuntrattwali; INT= persunal tal-aġenzija ("Intérimaire"); JED= "Jeune Expert en Délégation" (Esperti Żgħażagħ fid-Delegazzjoni); LA= Aġent Lokali; SNE= Espert Nazzjonali Sekondat;

[62]             Dan ma jinkludix il-limiti sekondarju tal-intestatura tal-baġit 05.010404.

[63]             Dan se jkun stabbilit fil-programmi għall-iżvilupp rurali li għandhom jitressqu mill-Istati Membri.

[64]             Fir-rigward tar-riżorsi proprji tradizzjonali (dazji doganali, levies fuq iz-zokkor), l-ammonti indikati għandhom ikunu ammonti netti, jiġifieri ammonti grossi wara t-tnaqqis ta’ 25 % għall-ispejjeż tal-ġbir.