52011PC0423

2009/0006 (COD)

OPINJONI TAL-KUMMISSJONI skont l-Artikolu 294(7)(ċ) tat-Trattat dwar il-Funzjonament tal-Unjoni Ewropea,_dwar l-emenda[i] tal-Parlament Ewropew_lill-pożizzjoni tal-Kunsill fir-rigward tal-proposta għal

REGOLAMENT TAL-PARLAMENT EWROPEW U TAL-KUNSILL dwar ismijiet ta' tessuti u l-ittikkettjar relatat tal-prodotti tat-tessuti

(Test b’relevanza għaż-ŻEE)

1.           Introduzzjoni

L-Artikolu 294(7)(c) tat-Trattat dwar il-Funzjonament tal-Unjoni Ewropea jistipula li l-Kummissjoni għandha tagħti opinjoni dwar l-emendi proposti mill-Parlament Ewropew fit-tieni qari. Il-Kummissjoni tistabbilixxi l-opinjoni tagħha hawn taħt rigward l-emendi proposti mill-Parlament.

2.           Sfond

Data li fiha ntbagħtet il-proposta lill-Parlament u lill-Kunsill:                       it-30 ta' Jannar 2009

Data tal-ewwel qari tal-opinjoni tal-Parlament:                                         it-18 ta' Mejju 2010

Opinjoni tal-Kumitat Ekonomiku u Soċjali:                                               is-16 ta' Diċembru 2009

Data tal-adozzjoni tal-pożizzjoni tal-Kunsill:                                             is-6 ta' Diċembru 2010

Data tal-ftehim tal-COREPER dwar il-kompromess fit-tieni qari:              l-20 ta' April 2011

Data tal-opinjoni tal-Parlament fit-tieni qari:                                              il-11 ta' Mejju 2011

3.           l-għan tal-proposta mill-Kummissjoni

Il-proposta mill-Kummissjoni ġiet adottata fil-kuntest tal-inizjattiva għal Regolamentazzjoni Aħjar. L-għan tal-proposta huwa biex il-qafas regolatorju eżistenti għall-ittikkettjar ta' prodotti tat-tessuti jiġi simplifikat u mtejjeb biex b'hekk jinkoraġġixxi l-iżvilupp tal-użu ta' fibri ġodda kif ukoll l-innovazzjoni fis-settur tat-tessuti u tal-ħwejjeġ. Biex jintlaħaq dan l-għan ġenerali, il-proposta għandha l-għan li:

· Tiffaċilita l-proċess leġislattiv biex jaddatta l-leġislazzjoni għall-progress tekniku billi jittrasforma t-tliet Direttivi eżistenti f'Regolament wieħed, biex b'hekk tiġi evitata t-traspożizzjoni tal-aġġornamenti tekniċi;

· It-tqassir taż-żmien bejn is-sottomissjoni ta' applikazzjoni u l-adozzjoni ta' isem ġdid għall-fibra.

4.           Opinjoni tal-Kummissjoni dwar l-emendi mill-Parlament Ewropew

L-opinjoni tal-Parlament Ewropew fit-tieni qari tal-11 ta' Mejju 2011 hija kompromess bilanċjat li jagħmel għadd limitat ta' emendi lill-pożizzjoni tal-Kunsill sabiex jagħmel disponibbli aktar tagħrif għall-konsumaturi fir-rigward tal-preżenza ta' partijiet mhux magħmula minntessuti u li joriġinaw mill-annimali u l-kompożizzjoni sħiħa tal-prodotti magħmula mittessuti. Klawżola ta' reviżjoni komprensiva tistieden lill-Kummissjoni biex teżamina l-armonizzazzjoni ulterjuri tal-ittikkettjar tal-prodotti tat-tessuti, flimkien ma' skema ta' ittikkettjar dwar l-oriġini. Dan it-test ta' kompromess huwa konformi mal-għan ġenerali tal-proposta

Il-pożizzjoni tal-Parlament hija riżultat ta’ kompromess miksub fi trijalogu li sar fit-12 ta’ April 2011 u li ġie approvat fl-20 ta’ April 2011 fil-Kunsill.

5.           Konklużjoni

Il-Kummissjoni taċċetta l-emendi vvutati mill-Parlament Ewropew fit-tieni qari skont it-test ta' kompromess deskritt hawn fuq tal-Kunsill u tal-Parlament Ewropew.