EUR-Lex Access to European Union law
This document is an excerpt from the EUR-Lex website
Document 52011PC0370
Proposal for a DIRECTIVE OF THE EUROPEAN PARLIAMENT AND OF THE COUNCIL on energy efficiency and repealing Directives 2004/8/EC and 2006/32/EC
Proposta għal DIRETTIVA UE TAL-PARLAMENT EWROPEW U TAL-KUNSILL dwar l-effiċjenza enerġetika u li tirrevoka d-Direttivi 2004/8/KE u 2006/32/KE
Proposta għal DIRETTIVA UE TAL-PARLAMENT EWROPEW U TAL-KUNSILL dwar l-effiċjenza enerġetika u li tirrevoka d-Direttivi 2004/8/KE u 2006/32/KE
/* KUMM/2011/0370 finali - 2011/0172 (COD) */
Proposta għal DIRETTIVA UE TAL-PARLAMENT EWROPEW U TAL-KUNSILL dwar l-effiċjenza enerġetika u li tirrevoka d-Direttivi 2004/8/KE u 2006/32/KE /* KUMM/2011/0370 finali - 2011/0172 (COD) */
MEMORANDUM TA’ SPJEGAZZJONI
1.
IL-KUNTEST TAL-PROPOSTA
1.1.
Ir-raġunijiet
għall-proposta u l-għanijiet tagħha
L-Unjoni Ewropea
stabbilixxiet għaliha nnfisha l-għan li fl-2020 tiffranka 20 %[1] tal-enerġija primarja u
għamlet dan l-għan wieħed mill-ħames miri ewlenin
tal-Istrateġija Ewropa 2020 għal tkabbir intelliġenti,
sostenibbli u inklużiv[2].
L-iktar
stimi reċenti tal-Kummissjoni, li jikkunsidraw il-miri nazzjonali
għall-effiċjenza enerġetika għall-2020 li l-Istati Membri
stabbilixxew fil-kuntest tal-Istrateġija Ewropa 2020,
jissuġġerixxu li l-UE se tilħaq biss nofs il-mira
ta' 20 % fl-2020[3].
Il-Kunsill Ewropew[4]
u l-Parlament Ewropew[5]
ħeġġew lill-Kummissjoni sabiex tadotta strateġija
ambizzjuża ġdida dwar l-effiċjenza enerġetika għal
azzjoni determinata sabiex jiġi sfruttat il-potenzjal konsiderevoli. Sabiex
l-effiċjenza enerġetika terġa' tkun xprunata,
fit-8 ta’ Marzu 2011, il-Kummissjoni ressqet Pjan
għall-Effiċjenza Enerġetika (Energy Efficiency Plan (EEP))
ġdid li jistabbilixxi l-miżuri biex jinkiseb iktar iffrankar
fil-provvista u fl-użu tal-enerġija. Din
il-proposta leġiżlattiva tittrasforma ċerti aspetti tal-EEP
f’miżuri vinkolanti. L-għan ewlieni tal-proposta huwa li
jingħata kontribut sinifikanti sabiex tintlaħaq il-mira
għall-effiċjenza enerġetika tal-UE għall-2020. Sabiex
il-proposta tirnexxi, għandha tkun adottata u implimentata minnufih
fl-Istati Membri. Il-proposta
tħares ukoll lil hinn mill-mira tal-20 % u tipprova tistabbilixxi
qafas komuni sabiex tkun promossa l-effiċjenza enerġetika fl-Unjoni
wara l-2020. Il-proposta hija prijorità strateġika fil-Programm ta’
Ħidma tal-Kummissjoni għall-2011.
1.2.
Il-kuntest ġenerali
Fi
sfond ta’ żieda fl-importazzjonijiet tal-UE tal-enerġija bi
prezzijiet dejjem ogħla, l-aċċess għal riżorsi
tal-enerġija tul perjodu ta’ żmien medju se jkollu rwol dejjem iktar
importanti bil-potenzjal li jkun hemm riskju li t-tkabbir ekonomiku tal-UE
jiġi kompromess serjament. Dan jispjega għaliex l-effiċjenza
enerġetika hija waħda mill-aspetti ewlenin tal-inizjattiva ewlenija
tal-Ewropa 2020 għal Ewropa li tuża r-riżorsi
b’effiċjenza[6].
L-effiċjenza enerġetika hija l-iktar mod kosteffettiv u veloċi
sabiex tiżdied is-sigurtà tal-provvista, u hija mod effettiv sabiex
jitnaqqsu l-emissjonijiet tal-gassijiet serra li huma responsabbli għat-tibdil
fil-klima. Kif ġie deskritt fil-Komunikazzjoni mill-Kummissjoni “Pjan
direzzjonali għal ekonomija kompetittiva b’livell baxx ta’ emissjonijiet
tal-karbonju fl-2050” [7], l-effiċjenza
enerġetika tista’ tgħin sabiex l-UE tilħaq u saħansitra
tegħleb il-mira għat-tnaqqis fl-emissjonijiet tal-gassijiet serra
tagħha. Jekk
l-ekonomija tal-UE ssir iktar effiċjenti fl-użu tal-enerġija,
dan se jkollu wkoll impatti pożittivi f’termini ta’ tkabbir ekonomiku u
ta’ ħolqien ta’ impiegi. L-iffrankar tal-enerġija jagħmel
disponibbli riżorsi finanzjarji li jistgħu jerġgħu
jiġu investiti x’imkien ieħor fl-ekonomija u jista’ jgħin sabiex
jitnaqqsu l-baġits pubbliċi li jinsabu taħt pressjoni.
Għall-individwi, l-effiċjenza enerġetika tfisser li l-kontijiet
tal-enerġija tagħhom ikunu irħas. Il-faqar fl-enerġija
jista’ jiġi indirizzat b’mod strateġiku billi jittieħdu
miżuri għal titjib tal-effiċjenza enerġetika.
Fl-aħħar nett, produzzjoni ikbar b’inqas enerġija għandha
ttejjeb il-kompetittività tal-industriji tal-UE u tagħtihom vantaġġ
fis-swieq globali għat-teknoloġiji tal-effiċjenza
enerġetika. L-effiċjenza enerġetika u l-iffrankar
tal-enerġija huma ta’ benefiċċju għall-ekonomija tal-UE
kollha, għas-settur pubbliku, għan-negozji u għall-individwi
privati. Għal dawn ir-raġunijiet, l-Istrateġija Ewropea
għall-Enerġija għall-2020 identifikat l-effiċjenza
enerġetika bħala waħda mill-prijoritajiet ewlenin tal-politika
dwar l-enerġija tal-UE għas-snin li ġejjin.
1.3.
Dispożizzjonijiet eżistenti
L-ambitu
taż-żewġ direttivi: id-Direttiva dwar il-Koġenerazzjoni
(2004/8/KE, id-Direttiva dwar is-CHP) u d-Direttiva dwar is-Servizzi ta’
Enerġija (2006/32/KE, ESD) [8] – jikkoinċidi ma’ din
il-Proposta. It-tnejn naqsu milli jisfruttaw b’mod sħiħ il-potenzjal
tal-ffrankar tal-enerġija. Għalhekk, qed jiġi propost li meta
d-Direttiva l-ġdida tidħol fis-seħħ, dawn
iż-żewġ Direttivi jiġu rrevokati, ħlief
għall-Artikolu 4(1) sa (4) u għall-Annessi I, III
u IV għall-ESD. Dawn id-dispożizzjonijiet jikkonċernaw
is-suċċess sal-2017 tal-mira indikattiva tal-iffrankar
tal-enerġija ta' 9 % tal-konsum finali tal-enerġija ta' kull
Stat Membru fil-5 snin qabel l-implimentazzjoni tal-ESD. Din il-mira,
għalkemm differenti fl-ambitu u fil-livell ta' ambizzjoni, tikkontribwixxi
għat-twettiq tal-mira tal-effiċjenza enerġetika ta' 20 %
tal-UE sal-2020, u għandha għalhekk tibqa' applikabbli sal-2017. Dispożizzjonijiet
oħrajn li jikkoinċidu mad-dispożizzjonijiet tad-Direttiva
l-ġdida huma l-Artikolu 9(1) u (2) tad-Direttiva 2010/30/UE
dwar it-tikkettar tal-enerġija[9],
li se jiġu rrevokati meta d-Direttiva l-ġdida tidħol
fis-seħħ.
1.4.
Il-konsistenza ma’ politiki u ma’ għanijiet
oħrajn tal-UE
Din
il-proposta hija ankrata fl-Istrateġija Ewropa 2020 għal tkabbir
intelliġenti, sostenibbli u inklussiv[10],
hekk kif il-mira tal-UE għal effiċjenza enerġetika ta’ 20 %
hija waħda mill-ħames miri ewlenin taħt din l-Istrateġija.
Hija waħda mill-proposti ppjanati għall-2011 sabiex titwettaq
waħda mis-seba’ inizjattivi ewlenin tal-Istrateġija, l-inizjattiva
ewlenija tal-Ewropa 2020 għal Ewropa li tuża r-riżorsi b’mod
effiċjenti. Hija konsistenti mal-politika tal-UE dwar il-klima u
komplementari għaliha. It-tnaqqis
fil-konsum tal-enerġija li huwa l-għan ta’ din il-proposta
għandu jgħin ukoll lill-Istati Membri sabiex jilħqu l-miri
tagħhom dwar is-sehem tal-enerġija minn riżorsi rinnovabbli
ffissati mid-Direttiva 2009/28/KE dwar il-promozzjoni tal-użu
tal-enerġija minn sorsi rinnovabbli[11].
2.
Il-konsultazzjoni mal-partijiet interessati u l-valutazzjoni
tal-impatt
2.1.
Il-konsultazzjoni, il-ġbir tad-dejta u l-użu
ta’ għarfien espert
Il-proposta
kienet żviluppata fuq il-bażi ta’ firxa wiesgħa ta’ kontributi
mill-Istati Membri u mill-partijiet interessati pprovduti f’diversi
okkażjonijiet, inkluża konsultazzjoni pubblika ġenerali onlajn[12]. Eżerċizzju
ieħor ta’ konsultazzjoni mifruxa tnieda f’Jannar 2011 mill-gruppi ta’
ħidma tal-forum ta’ Bukarest dwar l-enerġija sostenibbli (li jinkludi
lir-rappreżentanti tal-Istati Membri u lill-partijiet interessati) [13].
Twettqet analiżi komprensiva tal-impatt tal-għażliet proposti
billi ntużaw ir-riżultati ta’ tliet mudelli u għadd ta’ studji.
L-analiżi studjat l-impatt ekonomiku, soċjali u ambjentali
tal-għażliet, b'kunsiderazzjoni għall-prinċipji ta’
sussidjarjetà u ta’ proporzjonalità.
2.2.
Il-valutazzjoni tal-impatt
Il-valutazzjoni
tal-impatt (IA) tesplora għadd ta’ għażliet maqsuma fi tliet
livelli: - L-għażliet ta’ politika
tal-ewwel livell janalizzaw modi biex jittejjeb
il-qafas tal-politika kurrenti. Din l-analiżi tiffoka primarjament fuq
kwistjonijiet dwar jekk l-approċċ kurrenti tal-ESD
għall-istabbiliment tal-miri għandux jiġi estiż sal-2020,
dwar jekk għandhomx jiġu miżjuda l-miri nazzjonali
għall-iffrankar tal-enerġija sabiex tintlaħaq il-mira tal-UE ta’
20 %, u jekk iva, jekk dawn għandhomx ikunu vinkolanti jew
sempliċement indikattivi. L-analiżi tikkonkludi li l-miri tal-ESD
għandhom jinżammu għas-setturi ta’ użu finali sakemm
jiskadu fl-2016, iżda biex tintlaħaq il-mira
għall-effiċjenza enerġetika ta’ 20 %, dawn
jeħtieġ li jkunu kkomplementati b’miri għall-iffrankar tal-enerġija
iktar ambizzjużi taħt il-proċess tal-Ewropa 2020. L-analiżi
tindika li dawn il-miri għalissa ma hemmx għalfejn ikunu vinkolanti u
li miżuri vinkolanti jistgħu jiksbu l-istess riżultati jew riżultati
aħjar. Dawn il-miżuri vinkolanti, flimkien mal-qafas ta’ politika
kurrenti, għandhom ikunu biżżejjed sabiex tintlaħaq il-mira
tal-UE ta’ 20 % fl-2020. Madankollu, jeħtieġ li l-progress ikun
segwit u li tittieħed azzjoni korrettiva xierqa kmieni biżżejjed
sabiex ikun żgurat li fl-2020 tintlaħaq il-mira ta’ 20 % jekk
il-progress, minkejja kollox, ma jkunx adegwat. -
L-għażliet ta’ politika tat-tieni livell jesploraw miżuri
differenti sabiex ikun indirizzat il-potenzjal ekonomiku rimanenti fuq
in-naħa tad-domanda u fuq in-naħa tal-provvista. L-IA
tħares lejn l-iskemi ta' obbligu għall-iffrankar tal-enerġija
bħala għażla possibbli sabiex ikun hemm iffrankar
tal-enerġija fis-setturi ta’ użu aħħari. Hija tikkonkludi
li l-obbligi tal-iffrankar tal-enerġija għandhom l-għan li
jiksbu ffrankar sinifikanti iżda li d-dispożizzjonijiet
eżistenti fl-ESD (fejn tali obbligi huma biss waħda
mill-għażliet ipprovduti lill-Istati Membri sabiex ikun żgurat
li l-utilitajiet tal-enerġija jiksbu ffrankar fis-setturi ta’ użu
aħħari) għandhom jissaħħu. Il-kwistjonijiet li tqajmu huma
l-livell tal-iffrankar tal-enerġija meħtieġ mill-utilitajiet
tal-enerġija u jekk id-disinn ta’ skemi ta’ obbligi ta’ din ix-xorta
għandux jitħalla kompletament f’idejn l-Istati Membri jew jekk
għandux ikun hemm xi armonizzazzjoni tal-karatteristiċi ewlenin
tad-disinn. L-IA tissuġġerixxi li jiġu introdotti skemi
nazzjonali ta’ obbligi ta’ effiċjenza enerġetika fl-Istati Membri
kollha bil-għan li jkun hemm tnaqqis annwali fl-enerġija finali ta’
1.5 %. Filwaqt li ċerti karatteristiċi ewlenin jeħtieġ
li jiġu armonizzati fuq il-livell tal-UE (is-setturi fil-mira, il-livell
ta’ ambizzjoni u l-metodi tal-għadd), l-Istati Membri għandu jkollhom
il-possibbiltà li jaġġustaw l-iskema skont iċ-ċirkustanzi
nazzjonali tagħhom jew li jżommu l-iskemi kurrenti tagħhom, fil-parti
l-kbira. Kienet ikkunsidrata wkoll l-għażla li tiġi introdotta
sistema Ewropea ta’ ċertifikati bojod li jistgħu jiġu nnegozjati
imma din ġiet rifjutata għall-istess raġunijiet
tal-għażla li l-karatteristiċi kollha tal-iskema jiġu
kompletament armonizzati. Sett
ieħor ta’ għażliet ta’ politika jeżamina l-miżuri li
jinvolvu lis-settur pubbliku. L-analiżi tikkonkludi li żewġ
miżuri jistgħu jkunu ta’ benefiċċju. L-ewwel nett, 3 %
tal-bini li huwa proprjetà ta’ korpi pubbliċi għandu jiġi
rrinovat kull sena għal livelli kostottimali, id-doppju tar-rata kurrenti
ta’ rinnovazzjoni. It-tieni nett, il-korpi pubbliċi għandhom jintalbu
jixtru prodotti u bini bi prestazzjoni għolja tal-enerġija
bbażati fuq it-tikketti u ċ-ċertifikati tal-enerġija
disponibbli. Għażliet
oħrajn b’impatt pożittiv konsiderevoli meta ppargunati
mal-ispejjeż tagħhom huma dawk li għandhom l-għan li
jippromwovu s-suq tas-servizzi ta’ enerġija, jipprovdu informazzjoni
mtejba u iktar frekwenti lill-familji u lill-kumpaniji dwar il-konsum effettiv
tal-enerġija tagħhom permezz ta’ kontijiet u ta’ miters
intelliġenti, u awditi mandatorji tal-enerġija għal kumpaniji
kbar. L-IA turi li dawn il-miżuri kollha huma siewja sabiex jitnaqqas
id-distakk ta’ informazzjoni li huwa wieħed mill-ostakli għall-effiċjenza
u jista’ jwassal għal iffrankar kbir ta’ enerġija. Għażliet
oħrajn sabiex tkun promossa l-effiċjenza enerġetika permezz ta’
miżuri volontarji ġew ivvalutati bħala li mhumiex biżżejjed
sabiex jiġi sfruttat il-potenzjal kollu disponibbli għall-iffrankar. L-IA
tanalizza wkoll liema miżuri jistgħu jgħinu sabiex jiġi
sfruttat il-potenzjal tal-effiċjenza enerġetika fit-trasformazzjoni u
d-distribuzzjoni tal-enerġija. Hija tirrifjuta l-għażliet li
jinvolvu kontinwazzjoni tad-dispożizzjonijiet tad-Direttiva dwar is-CHP
kurrenti, peress li ma jippromwovux l-effiċjenza enerġetika
fis-settur kollu tal-provvista tal-enerġija, imma biss b’relazzjoni
għall-koġenerazzjoni u mingħajr ma jiżguraw użu
effettiv tas-CHP (l-Istati Membri huma mitluba biss jiġbru informazzjoni u
jirrapportaw lill-Kummissjoni). L-analiżi tissuġġerixxi li jekk
jiġu stabbiliti rekwiżiti minimi tal-prestazzjoni
għall-ġenerazzjoni tal-enerġija (inkluż dwar rekwiżiti
mandatorji ta’ CHP u ta’ tisħin/tkessiħ distrettwali
għall-installazzjonijiet ġodda ta’ ġenerazzjoni tal-elettriku u
konnessjoni obbligatorja mal-grilja tal-elettriku ta' koġenerazzjoni
b’effiċjenza għolja u aċċess prijoritarju għaliha),
dawn għandhom itejbu b’mod sinifikanti l-effiċjenza enerġetika
fil-ġenerazzjoni. L-istabbiliment ta’ obbligi ta’ effiċjenza
enerġetika għall-awtoritajiet regolatorji tal-enerġija
għandu jkun siewi wkoll sabiex tittejjeb l-effiċjenza
fit-trażmissjoni u d-distribuzzjoni tal-enerġija. L-IA
teżamina l-għażliet għar-rapportaġġ u
għall-monitoraġġ nazzjonali tal-implimentazzjoni. Sabiex ikun
limitat il-piż amminisrattiv filwaqt li jkun żgurat
monitoraġġ xieraq tal-progress, hija tissuġġerixxi forma
ħafifa ta’ rapportaġġ annwali bbażat fuq għażla
ta’ indikaturi tal-effiċjenza enerġetika u tal-iffrankar tal-enerġija,
li jistgħu jiġu inklużi fil-Programmi Nazzjonali ta’ Riforma.
Dan għandu jkun issupplimentat b’informazzjoni iktar dettaljata dwar
il-miżuri u l-programmi ta’ effiċjenza enerġetika li tkun
mitluba biss mingħand l-Istati Membri kull tliet snin. -
L-għażliet ta’ politika tat-tielet livell jivvalutaw il-forma legali
tal-miżuri magħżula tal-ewwel u tat-tieni livelli. L-IA
tikkonkludi li, sabiex jintlaħaq il-livell ta’ ambizzjoni tal-mira tal-UE
għal effiċjenza enerġetika ta’ 20 %, il-politiki tal-UE
jeħtieġ li jaħsdu l-potenzjal tal-iffrankar tal-enerġija
f’kull settur, inkluż f’dawk is-setturi esklużi mill-ambitu tal-ESD.
Din hija r-raġuni għaliex qed jiġi propost li tiġi adottata
proposta leġiżlattiva ġdida li tkopri l-ambitu
taż-żewġ Direttivi u li tiġi estiża għas-setturi
kollha b’potenzjal ta’ ffrankar tal-enerġija. L-amalgamazzjoni
taż-żewġ Direttivi f’test leġiżlattiv wieħed kien
ikkunsidrat bħala l-aħjar għażla sabiex il-qafas legali
eżistenti jkun issimplifikat u jipprovdi koerenza aħjar. Il-forma
legali tal-analiżi ma kinitx daqstant konklużiva. Madankollu, hekk
kif id-dispożizzjonijiet speċifiċi tal-proposta
leġiżlattiva ġew elaborati iktar fid-dettall, deher ċar li
l-kontenut u l-ħtieġa li jkunu adottati iktar miżuri ta'
implimentazzjoni fuq livell nazzjonali, id-Direttiva hija l-iktar forma legali
xierqa. L-eżerċizzju
ta’ mmudellar sabiex ikun evalwat l-impatt kumplessiv tal-fakultajiet
politiċi magħżula juri li għall-UE27, l-effett nett
tal-miżuri proposti jilħaq l-għan ta’ ffrankar ta’ enerġija
primarja ta’ 20 %. L-IA turi wkoll li l-ispiża addizzjonali sabiex
tintlaħaq il-mira kumplessiva ta’ 20 % permezz tas-sett ta’
miżuri magħżula hija modesta meta pparagunata
mal-benefiċċji. L-impatti ekonomiċi, soċjali u ambjentali
kumplessivi ta’ dawn il-miżuri se jagħtu kontribut pożittiv
b’saħħtu għall-politiki tal-UE u se jsostnu l-Istrateġija
Ewropa 2020. L-effiċjenza enerġetika hija
waħda mill-muturi ewlenin biex jintlaħqu l-objettivi tal-Pjan
Direzzjonali għal Ekonomija b'Livelli Baxxi ta' Karbonju tal-2050 Il-prezz
tal-allowances tal-ETS huwa inċentiv importanti biex jitnaqqsu
l-emissjonijiet tal-gass b'effett serra. Filwaqt li l-eżerċizzji
tal-mudellar mwettqa bi tħejjija għal din il-proposta wrew li
l-miżuri tagħha ċertament se jwasslu għal tnaqqis
addizzjonali tal-emissjonijiet tal-gass b'effett serra, huma ma kinux
konklussivi fir-rigward tal-impatti possibbli fuq il-prezz tal-allowances
tal-ETS. Fl-implimentazzjoni tal-mira ta' 20% effiċjenza fl-enerġija,
il-Kummissjoni ser ikollha timmonitorja l-impatt tal-miżuri l-ġodda
fuq id-Direttiva 2003/87/KE li tistabbilixxi skema għall-iskambju ta’
kwoti ta’ emissjonijiet, id-direttiva (ETS), sabiex iżżomm
l-inċentivi fis-sistema tal-iskambju tal-kwoti tal-emissjonijiet li
jippremjaw l-investimenti b'livelli ta' karbonju baxxi u tipprepara lis-setturi
tal-ETS għall-innovazzjonijiet meħtieġa fil-futur. F'dan
ir-rigward, jeħtieġ li jitqiesu miżuri xierqa, fosthom
il-kalibrazzjoni mill-ġdid tas-sistema tal-iskambji tal-kwoti
tal-emissjonijiet billi jitwarrab għadd korrispondenti ta'
allokazzjonijiet mill-parti rkantata matul il-perjodu 2013 sal-2020, jekk
tittieħed deċiżjoni politika korrispondenti
3.
L-elementi legali tal-proposta
3.1.
Sommarju tal-azzjoni proposta
Id-Direttiva
proposta tistabbilixxi qafas komuni sabiex tkun promossa l-effiċjenza
enerġetika fl-Unjoni ħalli jkun żgurat li sal-2020
tintlaħaq il-mira tal-iffrankar tal-enerġija primarja ta’ 20 % u
sabiex titwitta t-triq għal iktar effiċjenza enerġetika wara.
Hija tistabbilixxi regoli mfassla sabiex ineħħu l-ostakli u
jegħlbu wħud min-nuqqasijiet tas-suq li jimpedixxu l-effiċjenza
fil-provvista u fl-użu tal-enerġija. Għas-setturi
ta’ użu finali, id-Direttiva proposta tiffoka fuq miżuri li
jistabbilixxu rekwiżiti għas-settur pubbliku, kemm fir-rigward
tar-rinnovazzjoni tal-bini li jkunu proprjetà tiegħu kif ukoll
għall-applikazzjoni ta’ standards għoljin tal-effiċjenza
enerġetika għax-xiri ta’ bini, prodotti u servizzi. Il-proposta
tirrikjedi li l-Istati Membri jistabbilixxu skemi nazzjonali ta’ obbligi ta’
effiċjenza enerġetika. Hija tirrikjedi awditi regolari obbligatorji
tal-enerġija li jitwettqu għall-kumpaniji l-kbar u tistabbilixxi
sensiela ta' rekwiżiti għall-kumpaniji tal-enerġija fir-rigward
tal-kejl bil-miters u l-kontijiet. Għas-settur
tal-forniment tal-enerġija, il-proposta tirrikjedi li l-Istati Membri
jadottaw pjanijiet nazzjonali għat-tisħin/tkessiħ biex
jiżviluppaw il-potenzjal tal-ġenerazzjoni b'effiċjenza
għolja u tisħin/tkessiħ sistrettwali effiċjenti u biex
jiżguraw li r-regoli dwar l-ippjanar tal-ispazju huma konformi ma' dawk
ippjanati. L-Istati Membri jridu jadottaw kriterji ta’ awtorizzazzjoni li
jiżguraw li l-installazzjonijiet ikunu jinsabu f’siti qrib il-punti ta’
domanda għas-sħana u li l-installazzjonijiet il-ġodda kollha
tal-ġenerazzjoni tal-elettriku u l-installazzjonijiet eżistenti li
jiġu sostanzjalment rinnovati, ikunu mgħammra b’unitajiet tas-CHP
b’effiċjenza għolja. Madankollu, l-Istati Membri għandhom ikunu
jistgħu jistabbilixxu kundizzjonijiet għal eżenzjoni minn dan
l-obbligu meta jintlaħqu ċertu kundizzjonijiet. Il-proposta
tirrikjedi wkoll li l-Istati Membri jistabbilixxu inventarju tad-dejta
tal-effiċjenza enerġetika għal installazzjonijiet
tal-kombustjoni tal-fjuwils jew għar-raffineriji taż-żejt
minerali u l-gass u tistabbilixxi rekwiżiti għal aċċess
prijoritarju/garantit għall-grilja, għal rilaxx bi prijorità
tal-elettriku mill-koġenerazzjoni b'effiċjenza għolja u
l-konnessjoni ta' impjnati industrijali ġodda li jipproduċu
sħana mormija għan-netwerks distrettwali jew ta' tkessiħ. Miżuri
oħrajn proposti jinkludu rekwiżiti ta’ effiċjenza
għall-awtoritajiet regolatorji nazzjonali tal-enerġija, informazzjoni
u azzjonijiet ta' sensibilizzazzjoni, rekwiżiti dwar id-disponibbiltà ta’
skemi ta’ ċertifikazzjoni, azzjoni sabiex ikun promoss l-iżvilupp
tas-servizzi tal-enerġija u obbligu fuq l-Istati Membri sabiex
ineħħu l-ostakli għall-effiċjenza enerġetika, b’mod
partikolari l-qsim tal-inċentivi bejn is-sid u l-kerrej ta’ bini jew fost
is-sidien tal-bini. Fl-aħħar
nett, il-proposta tipprovdi biex ikunu stabbiliti miri nazzjonali
għall-effiċjenza enerġetika għall-2020 u titlob li fl-2014
il-Kummissjoni tivvaluta jekk l-Unjoni tistax tilħaq il-mira tagħha
għal iffrankar tal-enerġija primarja ta’ 20 % sal-2020.
Il-Kummissjoni għandha tressaq il-valutazzjoni tagħha quddiem
il-Parlament Ewropea u l-Kunsill, flimkien ma’ proposta leġiżlattiva
li tistabbilixxi miri nazzjonali obbligatorji, jekk dan ikun meħtieġ.
3.2.
Il-bażi legali
Il-proposta
hija bbażata fuq l-Artikolu 194(2) tat-Trattat dwar il-Funzjonament
tal-Unjoni Ewropea. Skont l-Artikolu 194(1), “[f]il-kuntest ta’
l-istabbiliment u l-funzjonament tas-suq intern u b’ kont meħud
tal-ħtieġa ta’ preservazzjoni u titjib ta’ l-ambjent, il-politika ta’
l-Unjoni fil-qasam ta’ l-enerġija għandha timmira li, fi spirtu ta’
solidarjetà bejn l-Istati Membri […] ċ) tippromwovi l-effiċjenza
fl-enerġija u l-iffrankar fl-użu ta’ l-enerġija kif ukoll
l-iżvilupp ta’ forom ta’ enerġija ġodda u rinnovabbli”.
L-għan tal-proposta huwa eżattament dak li jkun stabbilit qafas
komuni sabiex tkun promossa l-effiċjenza fl-enerġija fl-Unjoni.
3.3.
Il-prinċipju tas-sussidjarjetà
Il-prinċipju
tas-sussidjarjetà japplika għal din il-proposta sa fejn il-politika dwar
l-enerġija ma taqax taħt il-kompetenza esklużiva tal-Unjoni. L-UE
stabbilixxiet għaliha nnfisha l-mira li fl-2020 tiffranka 20 %
tal-enerġija primarja u għamlitha waħda mill-ħames miri
ewlenin tal-Istrateġija Ewropa 2020. Il-qafas kurrenti tal-effiċjenza
enerġetika, b’mod partikolari d-Direttivi ESD u CHP, ma rnexxilux
jisfrutta l-potenzjal eżistenti tal-iffrankar tal-enerġija.
Il-miżuri li ġew attwalment adottati fuq il-livell tal-Istati Membri
lanqas ma huma biżżejjed sabiex ikunu megħluba l-ostakli li
baqa' għas-swieq u dawk regolatorji. L-isfidi
f’termini ta’ enerġija indirizzati minn din il-proposta (is-sigurtà
tal-provvista tal-enerġija, is-sostenibbiltà u t-tibdil fil-klima, kif
ukoll il-kompetittività tal-UE) huma kwistjonijiet li jqanqlu tħassib li
huwa kondiviż mill-UE kollha. Hija meħtieġa reazzjoni kollettiva
fuq il-livell tal-UE sabiex ikun żgurat li l-azzjoni tkun ikkoordinata u
l-għanijiet komuni jintlaħqu b’mod iktar effettiv. Il-miżuri
proposti mid-Direttiva l-ġdida se jikkontribwixxu biex jiġi
żgurat li l-Istati Membri kollha jagħtu kontribut xieraq
għall-isforzi meħtieġa ħalli tintlaħaq il-mira ta’
20 % u biex ikun hemm kundizzjonijiet ekwi għall-atturi kollha
tas-suq, b’mod partikolari billi jkunu stabbiliti rekwiżiti minimi
tal-prestazzjoni tal-enerġija (pereżempju, dwar l-aċċess
għas-swieq pubbliċi, l-obbligi tal-awditi tal-enerġija fuq
il-kumpaniji, l-obbligi tal-iffrankar tal-enerġija mill-utilitajiet
tal-enerġija u l-aċċess għall-grilja għall-produtturi
tal-koġenerazzjoni). Il-proposta tagħti lill-investituri
ċertezza fir-rigward tal-kisba tal-mira tal-UE u appoġġ
għal miżuri li jtejbu l-effiċjenza enerġetika
bħall-koġenerazzjoni u t-tisħin u t-tkessiħ distrettwali
b’effiċjenza għolja.
3.4.
Il-prinċipju tal- proporzjonalità u
l-għażla tal-istrument legali
Il-proposta
ma tmurx lil hinn minn dak li huwa meħtieġ sabiex tintlaħaq
il-mira għall-effiċjenza enerġetika. Hija tistabbilixxi
rekwiżiti stretti ta’ effiċjenza enerġetika f’għadd ta’
oqsma, imma l-Istati Membri jżommu grad għoli ta’ diskrezzjoni sabiex
jiffavorixxu l-miżuri għal titjib tal-effiċjenza enerġetika
bil-mod li l-iktar li jkun adattat għaċ-ċirkustanzi nazzjonali
tagħhom. L-istrument
magħżul huwa Direttiva li l-Istati Membri għandhom jittrasponuha
fil-liġi nazzjonali. Direttiva tiddefinixxi r-riżultat finali li
għandu jintlaħaq kif ukoll ir-rekwiżiti ġenerali, filwaqt
li tħalli biżżejjed flessibbiltà lill-Istati Membri sabiex
jadattaw l-implimentazzjoni għall-ispeċifiċitajiet nazzjonali
tagħhom. F’dan il-każ partikolari, Direttiva hija biżżejjed
sabiex jintlaħqu l-għanijiet tal-proposta. Il-livell ta’ restrizzjoni
b’hekk huwa proporzjonat għall-għan.
4.
L-implikazzjoni baġitarja
Kif speċifikat fir-rapport finanzjarju li
jakkumpanja din id-Direttiva, id-Direttiva se tkun implimentatata bl-użu
tal-baġit eżistenti u mhux se jkollha impatt fuq il-qafas finanzjarju
multiannwali.
5.
Informazzjoni addizzjonali
5.1.
Is-simplifikazzjoni tal-“acquis”
Il-proposta
tikkontribwixxi għas-simplifikazzjoni tal-“acquis”, għalkemm mhijiex
inkluża fil-lista tal-miżuri tal-pjan ta’ ħidma
tas-simplifikazzjoni. Minħabba l-adozzjoni ta’ din il-proposta,
id-Direttivi dwar l-ESD u s-CHP se jiġu sostitwiti b’Direttiva unika, li
tagħti approċċ iktar integrat għall-effiċjenza
enerġetika u għall-iffrankar tal-enerġija. Mill-ħtieġa
li tiġi trasposta Direttiva waħda minflok tnejn, għandha
tirriżulta wkoll xi simplifikazzjoni amministrattiva. Bħalissa,
hemm stabbiliti obbligi ta’ rapportaġġ fiż-żewġ
Direttivi. Dawn se jiġu sostitwiti b’sett wieħed ta’ rapporti annwali
(fid-dettall kull tliet snin), imsejsa fuq il-proċess ta’ rapportaġġ
taħt l-istrateġija Ewropa 2020. Barra
minn hekk, din il-proposta tissimplifika r-rekwżiti tal-kejl tal-iffrankar
tal-enerġija inklużi fl-ESD eżistenti. F’dan is-sens, dan
għandu jgħin sabiex jinkiseb tnaqqis sinifikanti fil-piż
amministrattiv li bħalissa qed jiffaċċjaw l-Istati Membri.
5.2.
Ir-revoka tal-leġiżlazzjoni
eżistenti
L-adozzjoni
tal-proposta se twassal biex il-leġiżlazzjoni eżistenti
tiġi rrevokata. Dan jikkonċerna lill-Artikolu 9(1) u (2)
tad-Direttiva 2010/30/UE; lid-Direttiva 2004/8/KE u
lid-Direttiva 2006/32/KE. L-Artikolu 4(1) sa (4) u
l-Annessi I, III u IV għad-Direttiva 2006/32/KE
għandhom jiġu rrevokati b’seħħ mill-1 ta’
Jannar 2017.
5.3.
Klawżola ta’
eżami/reviżjoni/estinzjoni
Il-proposta
tinkludi diversi klawżoli ta’ eżami.
5.4.
Riformulazzjoni
Il-proposta
ma tinvolvix riformulazzjoni.
5.5.
Tabella ta’ korrelazzjoni
L-Istati
Membri huma mitluba jikkomunikaw lill-Kummissjoni t-test
tad-dispożizzjonijiet nazzjonali li jittrasponu d-Direttiva kif ukoll
tabella ta’ korrelazzjoni bejn dawk id-dispożizzjonijiet u d-Direttiva.
5.6.
Iż-Żona Ekonomika Ewropea (ŻEE)
Il-Proposta
tikkonċerna kwistjoni taż-ŻEE ui għalhekk għandha tkun
applikabbli għaliha. 2011/0172 (COD) Proposta għal DIRETTIVA UE TAL-PARLAMENT EWROPEW U
TAL-KUNSILL dwar l-effiċjenza enerġetika u li
tirrevoka d-Direttivi 2004/8/KE u 2006/32/KE IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari l-Artikolu 194(2)
tiegħu, Wara li kkunsidra l-proposta mill-Kummissjoni
Ewropea[14], Wara t-trażmissjoni tal-abbozz tal-att
leġiżlattiv lill-parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[15], Wara li kkunsidraw l-opinjoni tal-Kumitat
tar-Reġjuni[16], Filwaqt li jaġixxu skont il-proċedura
leġiżlattiva ordinarja, Billi: (1)
L-Unjoni qed tiffaċċja sfidi bla
preċedent li jirriżultaw minn żieda fid-dipendenza fuq
importazzjonijiet ta’ enerġija u riżorsi skarsi tal-enerġija,
kif ukoll il-ħtieġa li jiġi limitat it-tibdil fil-klima u li
tingħeleb il-kriżi ekonomika. L-effiċjenza enerġetika hija
mezz siewi sabiex ikunu indirizzati dawn l-isfidi. Hija ttejjeb is-sigurtà
tal-provvista tal-Unjoni billi tnaqqas kemm il-konsum tal-enerġija
primarja kif ukoll l-importazzjonijiet tal-enerġija. Hija tgħin
sabiex jitnaqqsu l-emissjonijiet tal-gassijiet serra b’mod li huwa kosteffettiv
u b’hekk jittaffa t-tibdil fil-klima. Il-bidla lejn ekonomija iktar
effiċjenti fl-enerġija għandha wkoll taċċellera
l-firxa ta’ soluzzjonijiet teknoloġiċi innovattivi u ttejjeb
il-kompetittività tal-industrija fl-Unjoni, fejn jiġi xprunat it-tkabbir
ekonomiku u jinħolqu impjiegi ta’ kwalità għolja f’diversi setturi
relatati mal-effiċjenza enerġetika. (2)
Il-Konklużjonijiet tal-Presidenza tal-Kunsill
Ewropew tat-8 u tad-9 ta’ Marzu 2007 enfasizzaw il-ħtieġa
li tiżdied l-effiċjenza enerġetika fl-Unjoni ħalli
jintlaħaq l-għan li sal-2020 jiġi ffrankat 20 % mill-konsum
tal-enerġija primarja tal-Unjoni meta pparagunat mal-projezzjonijiet. Dan
jammonta għal tnaqqis fil-konsum tal-enerġija primarja tal-Unjoni ta’
368 Mtoe fl-2020[17].
(3)
Il-Konklużjonijiet tal-Presidenza tal-Kunsill
Ewropew tas-17 ta’ Ġunju 2010 ikkonfermaw il-mira
għall-effiċjenza enerġetika bħala waħda mill-miri
ewlenin tal-istrateġija l-ġdida tal-Unjoni għal impjiegi u tkabbir
intelliġenti, sostenibbli u inklussiv (l-Istrateġija Ewropa 2020).
Skont dan il-proċess u sabiex ikun implimentat dan l-għan fuq
il-livell nazzjonali, l-Istati Membri huma mitluba jiffissaw miri nazzjonali bi
djalogu mill-qrib mal-Kummissjoni u jindikaw, fil-Programmi Nazzjonali ta’
Riforma tagħhom, kif biħsiebhom jilħquhom. (4)
Il-Komunikazzjoni mill-Kummissjoni dwar
Enerġija 2020[18]
tqiegħed lill-effiċjenza enerġetika fiċ-ċentru
tal-istrateġija għall-enerġija tal-UE għall-2020 u
tiddeskrivi fil-qosor il-ħtieġa għal strateġija ġdida
għall-effiċjenza enerġetika li se tagħti l-possibbiltà
lill-Istati Membri kollha li jiddiżakkoppjaw l-użu tal-enerġija
mit-tkabbir ekonomiku. (5)
Fir-Riżoluzzjoni tiegħu tal-15 ta’
Diċembru 2010 dwar ir-Reviżjoni tal-Pjan ta’ Azzjoni
għall-Effiċjenza fl-Użu tal-Enerġija[19], il-Parlament Ewropew stieden
lill-Kummissjoni sabiex fil-Pjan ta’ Azzjoni għall-Effiċjenza
Enerġetika rivedut tagħha tinkludi miżuri ħalli
jingħalaq id-distakk sabiex jintlaħaq l-għan kumplessiv tal-effiċjenza
enerġetika tal-UE fl-2020. (6)
Waħda mill-inizjattivi ewlenin
tal-Istrateġija Ewropa 2020 hija l-inizjattiva ewlenija ta’ Ewropa li
tuża r-riżorsi b’effiċjenza li ġiet adottata
mill-Kummissjoni fis-26 ta’ Jannar 2011[20]. Din tidentifika
l-effiċjenza enerġetika bħala element ewlieni sabiex tkun
żgurata s-sostenibbiltà tal-użu tar-riżorsi tal-enerġija. (7)
Il-Konklużjonijiet tal-Presidenza tal-Kunsill
Ewropew tal-4 ta’ Frar 2011 irrikonoxxew li l-mira
għall-effiċjenza enerġetika tal-UE mhijiex fit-triq it-tajba u
li hija meħtieġa azzjoni ddeterminata sabiex jiġi sfruttat
il-potenzjal konsiderevoli għal iktar iffrankar tal-enerġija
fil-bini, fit-trasport, fil-prodotti u fil-proċessi. (8)
Fit-8 ta’ Marzu 2011, il-Kummissjoni
adottat il-Pjan Ewropew għall-Effiċjenza Enerġetika 2011[21]. Dan ikkonferma li l-Unjoni
mhijiex fit-triq it-tajba sabiex tilħaq il-mira tagħha
għall-effiċjenza enerġetika. Biex issib rimedju għal dan,
hija ċċarat għadd ta’ politiki u ta’ miżuri dwar
l-effiċjenza enerġetika li jkopru l-katina sħiħa
tal-enerġija, inklużi l-ġenerazzjoni, it-trażmissjoni u
d-distribuzzjoni tal-enerġija; ir-rwol ewlieni tas-settur pubbliku
fl-effiċjenza enerġetika; il-bini u l-appliances; l-industrija; u
l-ħtieġa sabiex il-klijenti finali jingħataw is-setgħa
ħalli jiġġestixxu l-konsum tal-enerġija tagħhom.
L-effiċjenza enerġetika fis-settur tat-trasport kienet ikkunsidrata
b’mod parallel fil-White Paper dwar it-Trasport li kienet adottata
fit-28 ta’ Marzu 2011[22].
B’mod partikolari, l-Inizjattiva 26 tal-White Paper titlob li jiġu
stabbiliti standards xierqa għall-emissjonijiet tas-CO2 tal-vetturi
fil-mezzi kollha ta’ trasport, u fejn dan ikun meħtieġ, għandhom
jiġu ssupplimentati b’rekwiżiti dwar l-effiċjenza
enerġetika biex jiġu indirizzati t-tipi kollha ta’ sistemi ta’
propulsjoni. (9)
Fit-8 ta’ Marzu 2011, il-Kummissjoni
adottat ukoll Pjan direzzjonali għal ekonomija kompetittiva b’livell baxx
ta’ emissjonijiet tal-karbonju fl-2050[23],
fejn identifikat il-ħtieġa minn din il-perspettiva għal fokus
ikbar fuq l-effiċjenza enerġetika. (10)
F’dan il-kuntest, jeħtieġ li l-qafas
legali tal-Unjoni għall-effiċjenza enerġetika jiġi
aġġornat b’Direttiva li jkollha l-għan kumplessiv tal-mira
għall-effiċjenza enerġetika li jiġi ffrankat 20 %
mill-konsum tal-enerġija primarja tal-Unjoni sal-2020, u li jsir iktar
titjib fl-effiċjenza enerġetika wara l-2020. Għal dan
il-għan, hija għandha tistabbilixxi qafas komuni sabiex tkun promossa
l-effiċjenza enerġetika fi ħdan l-Unjoni u għandha
tistabbilixxi azzjonijiet speċifiċi ħalli jiġu implimentati
wħud mill-proposti inklużi fil-Pjan għall-Effiċjenza
Enerġetika 2011 u jintlaħqu l-potenzjali sinifikanti mhux
imwettqa ta’ ffrankar tal-enerġija li tidentifika. (11)
Id-Deċiżjoni dwar il-Kondiviżjoni
tal-Isforzi (Nru 406/2009/KE) [24] tirrikjedi li sal-2012,
il-Kummissjoni tivvaluta u tirrapporta dwar il-progress tal-Komunità u
tal-Istati Membri tagħha sabiex sal-2020 jintlaħaq l-għan li
jitnaqqas il-konsum tal-enerġija b’20 % meta pparagunat
mal-projezzjonijiet. Hija tiddikjara wkoll li, sabiex l-Istati Membri jiġu
mgħejjuna jissodisfaw l-impenji ta’ tnaqqis tal-emissjonijiet
tal-gassijiet serra tal-Komunità, sal-31 ta’ Diċembru 2012,
il-Kummissjoni għandha tipproponi miżuri msaħħa jew
ġodda sabiex jiġi aċċellerat it-titjib fl-effiċjenza
enerġetika. Din id-Direttiva hija reazzjoni għal dan
ir-rekwiżit. Hija tagħti wkoll kontribut sabiex jintlaħqu l-miri
stabbiliti fil-Pjan direzzjonali għal ekonomija kompetittiva b’livell baxx
ta’ emissjonijiet tal-karbonju fl-2050, b’mod partikolari billi jitnaqqsu l-emissjonijiet
tal-gassijiet serra mis-settur tal-enerġija, u sabiex tinkiseb produzzjoni
tal-elettriku b’żero emissjonijiet sal-2050. (12)
Għandu jittieħed approċċ
integrat sabiex jiġi sfruttat il-potenzjal kollu eżistenti
tal-iffrankar tal-enerġija, li jinkludi l-iffrankar fis-setturi tal-provvista
tal-enerġija u tal-użu aħħari. Fl-istess ħin,
għandhom jissaħħu d-dispożizzjonijiet
tad-Direttiva 2004/8/KE fuq il-promozzjoni ta’ kogenerazzjoni bbażata
fuq id-domanda għal sħana utli fis-suq intern tal-enerġija[25] u
tad-Direttiva 2006/32/KE dwar effiċjenza fl-użu finali
tal-enerġija u dwar servizzi ta’ enerġija[26]. (13)
Ikun aħjar jekk il-mira
għall-effiċjenza enerġetika ta’ 20 % tintlaħaq
bħala riżultat ta’ implimentazzjoni kumulattiva ta’ miżuri
nazzjonali u Ewropej speċifiċi li jippromwovu l-effiċjenza
enerġetika f’oqsma differenti. Jekk, madankollu, dak l-approċċ
ma jirnexxix, ikun hemm il-ħtieġa li jissaħħaħ
il-qafas tal-politika billi tiġi miżjuda sistema ta’ miri vinkolanti.
Fl-ewwel fażi, għalhekk, l-Istati Membri għandhom ikunu mitluba
jiffissaw miri, skemi u programmi nazzjonali għall-effiċjenza
enerġetika. Għandhom ikunu huma li jiddeċiedu jekk dawn il-miri
għandhomx ikunu vinkolanti jew indikattivi fit-territorju tagħhom.
Fit-tieni fażi, dawn il-miri u l-isforzi individwali ta’ kull Stat Membru
għandhom jiġu evalwati mill-Kummissjoni, flimkien ma’ dejta dwar
il-progress li jkun sar, sabiex tkun ivvalutati l-probabbiltà li tintlaħaq
il-mira kumplessiva tal-Unjoni u l-limitu li għalih l-isforzi individwali
huma biżżejjed sabiex tintlaħaq il-mira komuni. Il-Kummissjoni
għalhekk għandha timmonitorja mill-qrib l-implimentazzjoni
tal-programmi nazzjonali tal-effiċjenza enerġetika permezz tal-qafas
leġiżlattiv rivedut tagħha u fi ħdan il-proċess
tal-Ewropa 2020. Jekk din il-valutazzjoni turi li ma tantx huwa probabbli li
l-mira kumplessiva tal-Unjoni tintlaħaq, il-Kummissjoni għandha
tipproponi miri nazzjonali obbligatorji għall-2020b'kunsiderazzjoni
għall-punti ta’ tluq individwali tal-Istati Membri, il-prestazzjoni
ekonomika tagħhom u l-azzjoni bikrija meħuda. (14)
Il-volum totali tal-infiq pubbliku huwa ekwivalenti
għal 19 % tal-prodott domestiku gross tal-Unjoni. Għal din
ir-raġuni, is-settur pubbliku jikkostitwixxi xprun importanti sabiex
jingħata stimolu lit-trasformazzjoni tas-swieq lejn prodotti, bini u
servizzi iktar effiċjenti kif ukoll biex jingħata bidu għal
bidliet fl-imġiba fil-konsum tal-enerġija miċ-ċittadini u
mill-impriżi. Barra minn hekk, it-tnaqqis fil-konsum tal-enerġija
permezz ta’ miżuri għal titjib tal-effiċjenza enerġetika,
jistgħu jagħmlu disponibbli riżorsi pubbliċi għal
finijiet oħrajn. Korpi pubbliċi fil-livell nazzjonali, reġjonali
u lokali għandhom jaqdu rwol eżemplari fir-rigward
tal-effiċjenza enerġetika. (15)
Ir-rata ta’ rinnovazzjoni tal-bini
jeħtieġ li tiġi miżjuda, peress li l-istokk tal-bini
eżistenti jirrappreżenta l-ikbar settur potenzjal waħdieni
għall-iffrankar tal-enerġija. Barra minn hekk, il-bini huwa
kruċjali sabiex jintlaħaq l-għan tal-UE li jitnaqqsu
l-emissjonijiet tal-gassijiet serra bi 80-95 % sal-2050 meta pparagunati
mal-1990. Il-bini li jkun il-proprjetà ta’ korpi pubbliċi jammonta
għal sehem konsiderevoli mill-istokk tal-bini u għandu
viżibbiltà kbira fil-ħajja pubblika. Għalhekk huwa xieraq li
tiġi ffissata rata annwali ta’ rinnovazzjoni tal-bini kollu li jkun il-proprjetà
ta’ korpi pubbliċi billi tiġi aġġornata l-prestazzjoni
tal-enerġija tiegħu. Din ir-rata ta’ rinnovazzjoni għandha tkun
mingħajr preġudizzju għall-obbligi fir-rigward tal-bini
b’użu ta’ kważi żero enerġija ffissati
fid-Direttiva 2010/31/UE tal-Parlament Ewropew u tal-Kunsill
tad-19 ta’ Mejju 2010 dwar ir-rendiment tal-bini fl-użu
tal-enerġija[27].
L-obbligu li l-bini pubbliku jiġi rinnovat jikkomplementa
d-dispożizzjonijiet ta’ dik id-Direttiva, li teżiġi li l-Istati
Membri jiżguraw li meta l-bini eżistenti jiġi rinnovat
drastikament,l-prestazzjoni tal-enerġija tiegħu tiġi
aġġornata sabiex tissodisfa r-rekwiżiti minimi tal-prestazzjoni
tal-enerġija. (16)
Għadd ta’ muniċipalitajiet u ta’ korpi
pubbliċi oħrajn fl-Istati Membri diġà stabbilixxew
approċċi integrati għall-iffrankar tal-enerġija u
għall-provvista tal-enerġija, pereżempju permezz ta’ pjanijiet
ta’ azzjoni għall-enerġija sostenibbli, bħal dawk li ġew
żviluppati taħt l-inizjattiva tal-Patt tas-Sindki, u
approċċi urbani integrati li jmorru lil hinn minn interventi
individwali fil-bini jew fil-mezzi ta’ trasport. L-Istati Membri għandhom
jinkoraġġixxu lill-muniċipalitajiet u lil korpi pubbliċi
oħrajn sabiex jadottaw pjanijiet integrati u sostenibbli għall-effiċjenza
enerġetika b’għanijiet ċari, sabiex jinvolvu
liċ-ċittadini fl-iżvilupp u l-implimentazzjoni tagħhom u
sabiex jinformawhom b’mod adegwat dwar il-kontenut u l-progress tagħhom
biex jintlaħqu l-għanijiet. Dawn il-pjanijiet jistgħu
jipproduċu ffrankar konsiderevoli ta’ enerġija, speċjalment jekk
jiġu implimentati permezz ta’ sistemi ta’ ġestjoni tal-enerġija
li jippermettu li l-korpi pubbliċi kkonċernati jiġġestixxu
aħjar il-konsum tal-enerġija tagħhom. L-iskambju tal-esperjenzi
bejn il-bliet u korpi pubbliċi oħrajn għandu jkun
inkoraġġit b’relazzjoni għal esperjenzi iktar innovattivi. (17)
Fir-rigward tax-xiri ta’ ċerti prodotti u
servizzi u fir-rigward tax-xiri u l-kiri tal-bini, il-korpi pubbliċi li
jikkonkludu kuntratti ta’ xogħlijiet pubbliċi, ta’ provvista jew ta’
servizz għandhom imexxu bl-eżempju u jieħdu
deċiżjonijiet ta’ xiri effiċjenti fl-enerġija.
Id-dispożizzjonijiet tad-direttivi tal-UE dwar l-akkwist pubbliku
madankollu ma għandhomx ikunu affettwati. (18)
Valutazzjoni tal-possibbiltà li tkun stabbilita
skema ta’ “ċertifikati bojod” fuq il-livell tal-Unjoni wriet li,
fis-sitwazzjoni kurrenti, sistema ta’ din ix-xorta toħloq spejjeż
amministrattivi eċċessivi u li hemm riskju li l-iffrankar
tal-enerġija jkun ikkonċentrat f’għadd ta’ Stati Membri u ma
jiġix introdott fl-Unjoni kollha. L-għan tal-aħħar jista’
jintlaħaq aħjar, għall-inqas f’dan l-istadju, permezz ta’ skemi
nazzjonali ta’ obbligi ta’ effiċjenza enerġetika, jew miżuri
alternattivi oħra li jilħqu l-istess ammont ta' ffrankar ta'
enerġija. Il-Kummissjoni, madankollu, għandha tiddefinixxi, b’att
iddelegat, il-kundizzjonijiet li fihom Stat Membru fil-ġejjieni jista'
jirrikonoxxi l-iffrankar tal-enerġija miksub fi Stat Membru ieħor.
Huwa xieraq għal-livell ta’ ambizzjoni ta’ skemi ta’ din ix-xorta li dawn
ikunu stabbiliti f’qafas komuni fuq il-livell tal-Unjoni filwaqt li tkun
ipprovduta flessibbiltà sinifikanti lill-Istati Membri sabiex tkun ikkunsidrata
b'mod sħiħ l-organizzazzjoni nazzjonali tal-atturi tas-suq,
il-kuntest speċifiku tas-settur tal-enerġija u d-drawwiet
tal-klijenti finali. Il-qafas komuni għandu jagħti lill-utilitajiet
tal-enerġija l-għażla li s-servizzi ta’ enerġija jiġu
offruti lill-klijenti aħħarin kollha, mhux biss lil dawk li huma
jbigħulhom l-enerġija. Dan iżid il-kompetizzjoni fis-suq
tal-enerġija għaliex l-utilitajiet tal-enerġija jistgħu
jiddifferenzjaw il-prodott tagħhom billi jipprovdu servizzi ta’
enerġija komplementari. Il-qafas komuni għandu jippermetti wkoll li
l-Istati Membri, jinkludu fl-iskema nazzjonali tagħhom, rekwiżiti li
jkollhom għan soċjali, b’mod partikolari sabiex ikun żgurat li
l-klijenti vulnerabbli jkollhom aċċess
għall-benefiċċji ta’ effiċjenza enerġetika ogħla.
Il-qafas għandu jippermetti wkoll lill-Istati Membri biex jeżentaw
kumpaniji żgħar mill-obbligu tal-effiċjenza enerġetika.
Il-Komunikazzjoni tal-Kummissjoni "Att dwar in-Negozji
ż-Żgħar"[28],
tistabbilixxi prinċipji li għandhom ikunu kkunsidrati mill-Istati
Membri li jiddeċiedu li jastjenu milli japplikaw din il-possibbiltà. (19)
Sabiex jiġi sfruttat il-potenzjal ta’ ffrankar
tal-enerġija f’ċerti segmenti tas-suq fejn l-awditi tal-enerġija
ġeneralment ma jiġux offruti b’mod kummerċjali (bħad-djar
jew l-intrapriżi ż-żgħar u ta’ daqs medju), l-Istati Membri
għandhom jiżguraw li l-awditi tal-enerġija jkunu disponibbli.
L-awditi tal-enerġija għandhom ikunu obbligatorji u regolari
għall-intrapriżi l-kbar, peress li l-iffrankar tal-enerġija
jista’ jkun sinifikanti. (20)
Dawn l-awditi għandhom jitwettqu b'mod
indipendenti u kosteffikaċi. Ir-rekwiżit tal-indipendenza jippermetti
li l-awditi jsiru minn esperti interni, sakemm dawn ikunu kkwalifikati jew
akkreditati, li mhumiex involuti direttament fl-attività li qed tiġi
awditjata, u li l-Istati Membri jkunu stabbilixxew skema biex jiżguraw u
jivverifikaw il-kwalità tagħhom u jimpomu sanzjonijiet fejn
meħtieġ. (21)
Meta jitfasslu miżuri għal titjib
tal-effiċjenza enerġetika, għandhom ikunu kkunsidrati
ż-żidiet fl-effiċjenza u l-iffrankar miksuba permezz ta’
applikazzjoni mifruxa ta’ innovazzjonijiet teknoloġiċi kosteffettivi
bħall-miters intelliġenti. Sabiex ikunu massimizzati
l-benefiċċji tal-iffrankar ta’ dawn l-innovazzjonijiet, il-klijenti
aħħarin għandhom ikunu jistgħu jivviżwalizzaw
l-indikaturi tal-ispejjeż u tal-konsum u jkollhom kontijiet individwali
regolari bbażati fuq il-konsum effettiv. (22)
Meta jfasslu miżuri għat-titjib
tal-effiċjenza enerġetika, l-Istati Membri għandhom iqisu
l-ħtieġa li jiżguraw il-funzjonament korrett tas-suq intern u
l-implimentazzjoni koerenti tal-acquis, skont id-dispożizzjonijiet
fit-Trattat dwar il-Funzjonament tal-Unjoni Ewropea. (23)
Koġenerazzjoni b’effiċjenza għolja
(CHP) kif ukoll ta’ tisħin u tkessiħ distrettwali għandha
potenzjal sinifikanti biex tiffranka l-enerġija primarja li fil-parti
l-kbira mhuwiex sfruttat fl-Unjoni. L-Istati Membri għandhom ifasslu
pjanijiet nazzjonali sabiex jiżviluppaw CHP kif ukoll tisħin u
tkessiħ distrettwali b’effiċjenza għolja. Dawn il-pjanijiet
għandhom ikopru perjodu twil biżżejjed sabiex l-investituri
jkunu pprovduti b’informazzjoni dwar il-pjanijiet ta’ żvilupp nazzjonali u
jingħata kontribut sabiex jissawwar ambjent għal investimenti stabbli
u ta' appoġġ. L-installazzjonijiet il-ġodda
tal-ġenerazzjoni tal-elettriku u l-installazzjonijiet eżistenti li
huma sostanzjalment rinnovati jew li l-permess jew il-liċenzja
tagħhom ġew aġġornati, għandhom ikunu mgħammra
b’unitajiet ta’ CHP b’effiċjenza għolja sabiex tiġi rkuprata
s-sħana mormija li ġejja mill-produzzjoni tal-elettriku. Din
is-sħana mormija mbagħad tista’ tiġi ttrasportata fejn tkun
meħtieġa permezz ta’ netwerks ta’ tisħin distrettwali. Għal
dan l-għan, l-Istati Membri għandhom jadaottaw kriterji ta'
awtorizzazzjoni biex jiżguraw il-lokalizzazzjoni ta' installazzjonijiet
f'siti qrib il-punti ta' domanda għas-sħana. Madankollu, l-Istati
Membri għandhom ikunu jistgħu jistabbilixxu kundizzjonijiet għall-eżenzjoni
minn dawn l-obbligi fejn jiġu sodisfatti ċerti kundizzjonijiet. (24)
Il-koġenerazzjoni b’effiċjenza
għolja għandha tkun iddefinita permezz tal-iffrankar
tal-enerġija miksub minn produzzjoni kkombinata minflok minn produzzjoni
separata ta’ sħana u ta’ elettriku. Id-definizzjonijiet ta’
koġenerazzjoni u ta’ koġenerazzjoni b’effiċjenza għolja
użati fil-leġiżlazzjoni tal-Unjoni ma għandhomx
jippreġudikaw l-użu ta’ definizzjonijiet differenti fil-leġiżlazzjoni
nazzjonali għal finijiet oħrajn għajr dawk
tal-leġiżlazzjoni tal-Unjoni. Sabiex ikun massimizzat l-iffrankar
tal-enerġija u jkun evitat li jintilfu opportunitajiet
għall-iffrankar tal-enerġija, l-ikbar attenzjoni għandha
tingħata lill-kundizzjonijiet operativi tal-unitajiet ta’
koġenerazzjoni. (25)
Sabiex tiżdied it-trasparenza
għall-klijent aħħari sabiex ikun jista’ jagħżel bejn
elettriku minn koġenerazzjoni u elettriku prodott b’tekniki oħrajn,
l-oriġini tal-koġenerazzjoni b’effiċjenza għolja
għandha tkun iggarantita fuq il-bażi ta’ valuri ta’ referenza
għall-effiċjenza armonizzati. L-iskemi tal-garanziji tal-oriġini
minnhom infushom ma jimplikawx dritt li wieħed jibbenefika minn
mekkaniżmi ta’ appoġġ nazzjonali. Huwa importanti li l-forom
kollha ta’ elettriku prodotti minn koġenerazzjoni b’effiċjenza
għolja jkunu jistgħu jiġu koperti b’garanziji tal-oriġini.
Għandha ssir distinzjoni bejn garanziji tal-oriġini u
ċertifikati li jistgħu jiġu skambjati. (26)
L-istruttura speċifika tas-setturi
tal-koġenerazzjoni u tat-tisħin u tat-tkessiħ distrettwali, li
tinkludi bosta produtturi żgħar u ta’ daqs medju, għandha tkun
ikkunsidrata speċjalment meta jiġu eżaminati l-proċeduri
amministrattivi sabiex jinkiseb permess ħalli tinbena kapaċità ta’
koġenerazzjoni jew netwerks assoċjati, b’applikazzjoni
tal-prinċipju “L-Ewwel Aħseb fiż-Żgħir”. (27)
Il-parti l-kbira tan-negozji tal-UE huma
impriżi żgħar u ta’ daqs medju (SMEs). Huma jirrappreżentaw
potenzjal enormi ta’ ffrankar tal-enerġija għall-UE. Sabiex ikunu
mgħejjuna jadottaw miżuri għall-effiċjenza enerġetika,
l-Istati Membri għandhom jistabbilixxu qafas favorevoli bil-għan li
l-SMEs ikunu pprovduti b’assistenza teknika u b’informazzjoni mmirata. (28)
Id-Direttiva 2010/75/UE tal-Parlament Ewropew
u tal-Kunsill tal-24 ta’ Novembru 2010 dwar l-emissjonijiet
industrijali[29]
(il-prevenzjoni u l-kontroll integrati tat-tniġġis) tinkludi
l-effiċjenza fl-enerġija fost il-kriterji sabiex ikunu ddeterminati
l-Aħjar Tekniki Disponibbli li għandhom iservu ta’ referenza sabiex
jiġu stabbiliti l-kundizzjonijiet tal-permessi għall-installazzjonijiet
li jaqgħu fl-ambitu tagħha, inklużi l-installazzjonijiet ta’
kombustjoni b’input termali kklassifikat totali ta’ 50 MW jew iktar.
Madankollu, dik id-Direttiva tagħti lill-Istati Membri l-għażla
li ma jimponux rekwiżiti relatati mal-effiċjenza fl-enerġija fuq
unitajiet ta’ kombustjoni jew unitajiet oħrajn li jemettu d-dijossidu
tal-karbonju fis-sit, għall-attivitajiet elenkati fl-Anness I
għad-Direttiva 2003/87/KE tal-Parlament Ewropew u tal-Kunsill
tat-13 ta’ Ottubru 2003 li tistabbilixxi skema għall-iskambju
ta’ kwoti ta’ emissjonijiet ta’ gassijiet serra ġewwa l-Komunità[30]. Sabiex ikun żgurat li
jinkiseb titjib sinifikanti fl-effiċjenza enerġetika
fl-installazzjonijiet ta’ ġenerazzjoni tal-elettriku u tas-sħana,
il-livelli effettivi tal-effiċjenza enerġetika għandhom
jiġu mmonitorjati u pparagunati mal-livelli rilevanti tal-effiċjenza
enerġetika assoċjati mal-applikazzjoni tal-Aħjar Tekniki
Disponibli. Il-Kummissjoni għandha tipparaguna l-livelli tal-effiċjenza
enerġetika u tikkunsidra li tipproponi miżuri addizzjonali jekk
jeżistu diskrepanzi sinifikanti bejn il-livelli effettivi
tal-effiċjenza enerġetika u l-livelli assoċjati
mal-applikazzjoni tal-Aħjar Tekniki Disponibbli. L-informazzjoni
miġbura dwar il-valuri effettivi tal-effiċjenza enerġetika
għandha tintuża wkoll sabiex ikunu eżaminati l-valuri
armonizzati ta’ referenza għall-effiċjenza għal produzzjoni
separata ta’ elettriċità [elettriku] u ta’ sħana stabbiliti
fid-Deċiżjoni tal-Kummissjoni [2007/74/KE] tal-21 ta’
Diċembru 2006[31].
(29)
L-Istati Membri għandhom jistabbilixxu, fuq
il-bażi ta’ kriterji oġġettivi, trasparenti u mhux
diskriminatorji, regoli li jikkontrollaw is-sostenn u l-kondiviżjoni
tal-ispejjeż tal-konnessjonijiet mal-grilja u tat-tisħiħ tal-grilja
kif ukoll għall-adattamenti tekniċi meħtieġa
għall-integrazzjoni tal-produtturi l-ġodda tal-elettriku prodott minn
koġenerazzjoni b’effiċjenza għolja, b'kunsiderazzjoni
għal-linji gwida u l-kodiċijiet żviluppati skont ir-Regolament
(KE) [Nru] 714/2009 tal-Parlament Ewropew u tal-Kunsill tat-13 ta’
Lulju 2009 dwar kondizzjonijiet għall-aċċess
għan-networks għall-bdil bejn il-fruntieri fl-elettriku u li
jħassar ir-Regolament (KE) Nru 1228/2003[32] u r-Regolament (KE)
[Nru] 715/2009 tal-Parlament Ewropew u tal-Kunsill tat-13 ta’
Lulju 2009 dwar il-kondizzjonijiet għall-aċċess
għan-networks ta’ trażmissjoni tal-gass naturali u li jħassar
ir-Regolament (KE) Nru 1775/2005[33].
Il-produtturi tal-elettriku ġġenerat minn koġenerazzjoni
b’effiċjenza għolja għandhom jitħallew joħorġu
sejħa għall-offerti għax-xogħol tal-konnessjoni.
L-aċċess għas-sistema tal-grilja għal elettriku prodott
minn koġenerazzjoni b’effiċjenza għolja, speċjalment
għal unitajiet ta’ skala żgħira u ta’ mikrokoġenerazzjoni,
għandu jkun iffaċilitat. (30)
Għandu jkun disponibbli għadd
suffiċjenti ta’ professjonisti affidabbli li jkunu kompetenti fil-qasam
tal-effiċjenza fl-enerġija sabiex tkun żgurata
l-implimentazzjoni effettiva u f’waqtha ta’ din id-Direttiva, pereżempju
fir-rigward tal-konformità mar-rekwiżiti dwar l-awditi tal-enerġija u
l-implimentazzjoni tal-iskemi tal-obbligi tal-effiċjenza enerġetika.
Għaldaqstant, l-Istati Membri għandhom jistabbilixxu skemi ta’
ċertifikazzjoni għall-fornituri tas-servizzi ta’ enerġija,
għall-awditi tal-enerġija u għal miżuri oħrajn
għat-titjib tal-effiċjenza enerġetika. (31)
Jeħtieġ li jitkompla l-iżvilupp
tas-suq għas-servizzi ta’ enerġija sabiex tkun żgurata
d-disponibbiltà kemm tad-domanda kif ukoll tal-provvista tas-servizzi ta’
enerġija. It-trasparenza, pereżempju, permezz ta’ listi ta’ fornituri
ta’ servizzi ta’ enerġija, tista’ tikkontribwixxi għal dan.
Il-kuntratti mudell u l-linji gwida, b’mod partikolari għall-kuntratti
għall-prestazzjoni tal-enerġija, jistgħu wkoll jgħinu
sabiex jingħata stimolu lid-domanda. L-istess bħal f’forom
oħrajn ta’ arranġamenti ta’ finanzjament ma’ partijiet terzi,
f’kuntratt għall-prestazzjoni tal-enerġija, il-benefiċjarju
tas-servizz ta’ enerġija għandu jevita l-ispejjeż ta’
investiment billi juża parti mill-valur finanzjarju tal-iffrankar
tal-enerġija biex iħallas lura l-investiment li tkun għamlet
totalment jew parzjalment parti terza. (32)
Hemm ħtieġa li jiġu identifikati u
mneħħija l-ostakli regolatorji u mhux regolatorji għall-użu
tal-ikkuntrattar għall-prestazzjoni tal-enerġija u ta’
arranġamenti ta’ finanzjament ma’ partijiet terzi għall-iffrankar
tal-enerġija oħrajn. Dawn jinkludu regoli u prattiki tal-kontabbiltà
li ma jippermettux li l-investimenti kapitali u l-iffrankar finanzjarju annwali
li jirriżulta minn miżuri għal titjib tal-effiċjenza
enerġetika jkunu riflessi b’mod adegwat fil-kontabbiltà għall-perjodu
ta’ żmien kollu tal-investiment. L-ostakli għar-rinnovazzjoni
tal-istokk tal-bini eżistenti bbażati fuq qsim tal-inċentivi
bejn l-atturi differenti kkonċernati, għandhom ukoll ikunu
indirizzati fuq il-livell nazzjonali. (33)
L-Istati Membri u r-reġjuni għandhom
ikunu inkoraġġiti jagħmlu użu sħiħ mill-Fondi
Strutturali u mill-Fond ta’ Koeżjoni sabiex jagħtu lok għal
investimenti f’miżuri għal titjib tal-effiċjenza
enerġetika. L-investiment fl-effiċjenza enerġetika għandu
l-potenzjal li jagħti kontribut għat-tkabbir ekonomiku,
għall-impjiegi, għall-innovazzjoni u għat-tnaqqis tal-faqar
tal-fjuwil fid-djar, u b’hekk għandu kontribut pożittiv
għall-koeżjoni ekonomika, soċjali u territorjali. L-oqsma
potenzjali għal finanzjament jinkludu l-miżuri
għall-effiċjenza enerġetika fil-bini u fl-akkomodazzjoni
pubbliċi, u li jkunu pprovduti ħiliet ġodda sabiex ikunu
promossi l-impjiegi fis-settur tal-effiċjenza enerġetika. (34)
Fl-implimentazzjoni tal-mira ta'
20% effiċjenza fl-enerġija, il-Kummissjoni ser ikollha timmonitorja
l-impatt tal-miżuri l-ġodda fuq id-Direttiva 2003/87/KE li
tistabbilixxi d-direttiva tal-UE tal-iskambju tal-emissjonjiet (ETS) sabiex
iżżomm l-inċentivi fis-sistema tal-iskambju tal-kwoti tal-emissjonijiet li jippremjaw l-investimenti
b'livelli ta' karbonju baxxi u tipprepara lis-setturi tal-ETS
għall-innovazzjonijiet meħtieġa fil-futur. (35)
Id-Direttiva 2006/32/KE teżiġi li
l-Istati Membri jadottaw u jkollhom l-għan li jilħqu mira indikattiva
nazzjonali totali ta’ ffrankar tal-enerġija ta’ 9 % sal-2016, li
għandha tintlaħaq billi jintużaw is-servizzi ta’ enerġija u
miżuri oħrajn għal titjib tal-effiċjenza enerġetika.
Dik id-Direttiva tgħid li t-tieni Pjan għall-Effiċjenza
Enerġetika adottat mill-Istati Membri għandu jkun segwit, kif ikun
xieraq u fejn ikun meħtieġ, minn proposti tal-Kummissjoni għal
miżuri addizzjonali, inkluża l-estensjoni tal-perjodu ta’
applikazzjoni tal-miri. Jekk rapport jikkonkludi li ma sarx biżżejjed
progress sabiex jintlaħqu l-miri indikattivi nazzjonali stabbiliti minn
dik id-Direttiva, dawn il-proposti għandhom jindirizzaw il-livell u
n-natura tal-miri. Il-valutazzjoni tal-impatt li takkumpanja lil din
id-Direttiva tgħid li l-Istati Membri qegħdin fit-triq it-tajba
sabiex jilħqu l-mira ta’ 9 %, li hija sostanzjalment inqas
ambizzjuża mill-mira għall-iffrankar tal-enerġija ta’ 20 %
sal-2020 li ġiet adottata sussegwentement, u għalhekk ma hemmx
għalfejn jiġi indirizzat il-livell tal-miri. (36)
Għalkemm din id-Direttiva tirrevoka
d-Direttiva 2006/32/KE, l-Artikolu 4 tad-Direttiva 2006/32/KE
għandu jkompli japplika sal-iskadenza sabiex tintlaħaq il-mira ta’
9 %. (37)
Peress li l-għan ta’ din id-Direttiva, li huwa
li sal-2020 tintlaħaq il-mira għall-effiċjenza enerġetika
tal-Unjoni ta’ ffrankar tal-enerġija primarja ta’ 20 % u titwitta
t-triq lejn iktar titjib fl-effiċjenza enerġetika lil hinn mill-2020,
ma jidhirx li jista' realistikament jintlaħaq mill-Istati Membri
mingħajr ma jieħdu miżuri addizzjonali ta’ effiċjenza
enerġetika, u jista’ jintlaħaq aħjar fuq il-livell tal-Unjoni,
l-Unjoni tista’ tadotta miżuri, skont il-prinċipju ta’ sussidjarjetà
kif inhu stabbilit fl-Artikolu 5 tat-Trattat dwar l-Unjoni Ewropea. Skont
il-prinċipju ta’ proporzjonalità, kif inhu stabbilit f’dak l-Artikolu,
id-Direttiva ma tmurx lil hinn minn dak li huwa meħtieġ sabiex
tilħaq dak l-għan. (38)
Sabiex ikun jista’ jkun hemm adattament
għall-progress tekniku u għall-bidliet fid-distribuzzjoni tas-sorsi
tal-enerġija, is-setgħa li jkunu adottati atti skont
l-Artikolu 290 tat-Trattat dwar il-Funzjonament tal-Unjoni Ewropea
għandha tkun iddelegata lill-Kummissjoni b’relazzjoni ma' ċerti
kwistjonijiet. Se jkun ta’ importanza partikolari li l-Kummissjoni twettaq
konsultazzjonijiet waqt il-ħidma preparatorja tagħha, inkluż fuq
il-livell tal-esperti. (39)
Id-dispożizzjonijiet sostantivi kollha
tad-Direttiva 2004/8/KE u tad-Direttiva 2006/32/KE, ħlief
fir-rigward tal-Artikolu 4(1) sa (4) u l-Annessi I, III u IV
tad-direttiva tal-aħħar, għandhom jiġu rrevokati
immedjatament. L-Artikoli 9(1) u (2) tad-Direttiva 2010/30/UE
tal-Parlament Ewropew u tal-Kunsill tad-19 ta’ Mejju 2010 dwar
l-indikazzjoni permezz ta’ ttikkettar u l-informazzjoni standard tal-prodott
dwar il-konsum tal-enerġija u riżorsi oħra minn prodotti marbutin
mal-enerġija[34],
li jipprevedu obbligu għall-Istati Membri biss li jagħmlu
ħilithom biex jakkwistaw prodotti li jkunu jappartjenu
għall-ogħla klassi ta’ effiċjenza enerġetika, għandu
jiġi rrevokat ukoll. (40)
L-obbligu li din id-Direttiva tiġi trasposta
fil-liġi nazzjonali għandu jkun limitat għal dawk
id-dispożizzjonjiet li jirrappreżentaw bidla sostantiva meta
pparagunati mad-Direttivi 2004/8/KE u 2006/32/KE. L-obbligu li
jiġu trasposti d-dispożizzjonijiet li ma nbidlux jirriżulta
taħt dawk id-Direttivi. (41)
Din id-Direttiva għandha tkun mingħajr
preġudizzju għall-obbligi tal-Istati Membri relatati mal-limiti ta’
żmien għat-traspożizzjoni fil-liġi nazzjonali u
mal-applikazzjoni tad-Direttivi 2004/8/KE u 2006/32/KE. ADOTTAW DIN ID-DIRETTIVA: KAPITOLU I
Is-suġġett, l-ambitu, id-definizzjonijiet u
l-miri għall-effiċjenza fl-enerġija Artikolu 1
Is-suġġett u l-ambitu 1. Din id-Direttiva tistabbilixxi qafas
komuni għall-promozzjoni tal-effiċjenza enerġetika fi ħdan
l-Unjoni sabiex ikun żgurat li sal-2020 tintlaħaq il-mira tal-Unjoni
għal iffrankar tal-enerġija primarja ta’ 20 % u sabiex titwitta
t-triq għal iktar titjib fl-effiċjenza enerġetika lil hinn minn
dik id-data. Hija tistabbilixxi regoli mfassla
sabiex ineħħu l-ostakli fis-suq tal-enerġija u sabiex
jegħlbu n-nuqqasijiet tas-swieq li jimpedixxu l-effiċjenza
fil-provvista u fl-użu tal-enerġija, u tipprovdi sabiex ikunu
stabbiliti miri nazzjonali għall-effiċjenza enerġetika
għall-2020. 2. Ir-rekwiżiti stabbiliti f’din
id-Direttiva huma rekwiżiti minimi u ma għandhom jipprevjenu
lill-ebda Stat Membru milli jżomm jew jintroduċi miżuri iktar
stretti. Tali miżuri għandhom ikunu kompatibbli
mal-leġiżlazzjoni tal-Unjoni. Leġiżlazzjoni nazzjonali li
tipprevedi miżuri iktar stretti għandha tkun innotifikata
lill-Kummissjoni. Artikolu 2
Definizzjonijiet Għall-finijiet ta’ din id-Direttiva,
għandhom japplikaw id-definizzjonijiet li ġejjin: 1. 'enerġija' tfisser il-forom
kollha tal-prodotti tal-enerġija, kif iddefiniti fir-Regolament (KE)
Nru 1099/2008[35]; 2. 'konsum ta’ enerġija primarja'
tfisser il-konsum intern gross, esklużi l-użi mhux tal-enerġija; 3. 'servizz tal-enerġija' tfisser
il-benefiċċju fiżiku, l-utilità jew il-vantaġġ li
jirriżulta minn kombinazzjoni ta’ enerġija ma’ teknoloġija jew
azzjoni effiċjenti fl-użu tal-enerġija li tista’ tinkludi l-operazzjonijiet,
il-manutenzjoni u l-kontroll meħtieġ biex jitwassal is-servizz, li
jkun imwassal fuq il-bażi ta’ kuntratt u li f’ċirkustanzi normali
wera li jwassal għal titjib fl-effiċjenza enerġetika u/jew
għal iffrankar ta’ enerġija primarja li jista’ jiġi vverifikat u
mkejjel jew stmat; 4. 'korpi pubbliċi' tfisser kull
awtorità kontraenti, kif iddefinit fid-Direttiva 2004/18/KE; 5. 'sistema ta’ ġestjoni
tal-enerġija' tfisser sett ta’ elementi interrelatati jew interattivi ta’
pjan li jistabbilixxi għan ta’ effiċjenza enerġetika u
strateġija sabiex jintlaħaq dak il-għan; 6. 'partijiet obbligati' tfisser
id-distributuri jew il-kumpanniji tal-bejgħ tal-enerġija fil-livell
tal-konsum li huma marbuta bl-iskema nazzjonali ta’ obbligi tal-effiċjenza
enerġetika msemmija fl-Artikolu 6; 7. 'distributur tal-enerġija'
tfisser persuna fiżika jew ġuridika, inkluż operatur tas-sistema
ta' distribuzzjoni li hija responsabbli għall-kunsinna tal-enerġija,
bil-għan li titwassal lil konsumaturi aħħarin jew lil
stazzjonijiet ta' distribuzzjoni li jbigħu l-enerġija lil konsumaturi
aħħarin. 8. 'operatur tas-sistema ta'
distribuzzjoni' tfisser 'operatur tas-sistema ta' distribuzzjoni' kif definit
fid-Direttiva 2009/72/KE u d-Direttiva 2009/73/KE; 9. “kumpanija tal-bejgħ
tal-enerġija fil-livell tal-konsum” tfisser persuna fiżika jew
ġuridika li tbigħ l-enerġija lil klijenti aħħarin; 10. 'klijent aħħari' tfisser
persuna fiżika jew ġuridika li tixtri l-enerġija
għall-użu aħħari tagħha stess; 11. 'fornitur ta’ servizz
tal-enerġija' tfisser persuna fiżika jew ġuridika li twassal
servizzi ta’ enerġija jew miżuri oħrajn għal titjib
tal-effiċjenza enerġetika f’faċilità jew f’bini ta’ klijent
aħħari; 12. 'awditu tal-enerġija' tfisser
proċedura sistematika sabiex jinkiseb għarfien adegwat tal-profil
eżistenti tal-konsum tal-enerġija ta’ bini jew ta’ grupp ta’ bini,
ta’ operazzjoni jew ta’ installazzjoni industrijali jew kummerċjali jew
ta’ servizz privat jew pubbliku, li jidentifika u jikkwantifika opportunitajiet
kosteffettivi għall-iffrankar tal-enerġija, u jirrapporta s-sejbiet; 13. 'kuntratt għall-prestazzjoni
tal-enerġija' tfisser arranġament kuntrattwali bejn
il-benefiċjarju u l-fornitur ta’ miżura għal titjib
tal-effiċjenza enerġetika, fejn il-ħlas għall-investimenti
li sar mill-fornitur ikun b’relazzjoni għal-livell ta’ titjib
tal-effiċjenza enerġetika miftiehem kuntrattwalment jew għal
kriterju ieħor miftiehem ta’ prestazzjoni tal-enerġija, bħal
iffrankar finanzjarju; 14. 'operatur tas-sistema ta'
trażmissjoni' tfisser 'operatur tas-sistema ta' trażmissjoni' kif
definit fid-Direttiva 2009/72/KE[36]
u d-Direttiva 2009/73/KE[37]; 15. 'koġenerazzjoni' tfisser
il-ġenerazzjoni simultanja fi proċess wieħed ta’ enerġija
termali u ta’ enerġija elettrika jew mekkanika; 16. 'domanda ekonomikament ġustifikabbli'
tfisser domanda li ma taqbiżx il-ħtiġijiet għas-sħana
jew għat-tkessiħ u li kieku tiġi sodisfatta f’kundizzjonijiet
tas-suq minn proċessi ta’ ġenerazzjoni tal-enerġija għajr
il-koġenerazzjoni; 17. 'sħana utli' tfisser sħana
prodotta fi proċess ta’ koġenerazzjoni biex tissodisfa domanda
ekonomikament ġustifikabbli għal tisħin jew għal
tkessiħ; 18. 'elettriku minn koġenerazzjoni'
tfisser elettriku ġġenerat fi proċess marbut mal-produzzjoni ta’
sħana utli u kkalkolat skont il-metodoloġija stabbilità
fl-Anness I; 19. 'koġenerazzjoni
b’effiċjenza għolja' tfisser koġenerazzjoni li tissodisfa
l-kriterji stabbiliti fl-Anness II; 20. 'effiċjenza kumplessiva' tfisser
is-somma annwali tal-produzzjoni tal-elettriku u tal-enerġija mekkanika u
tal-output ta’ sħana utli diviża bl-input ta’ fjuwil użat
għas-sħana prodotta fi proċess ta’ koġenerazzjoni u
bil-produzzjoni grossa tal-elettriku u tal-enerġija mekkanika; 21. 'proporzjon tal-enerġija
għas-sħana' tfisser il-proporzjon bejn l-elettriku
mill-koġenerazzjoni u s-sħana utli meta t-tagħmir jopera
f’modalità ta’ koġenerazzjoni kompluta fejn tintuża d-dejta
operattiva tal-unità speċifika; 22. 'unità ta’ koġenerazzjoni'
tfisser unità li tista’ topera f’modalità ta’ koġenerazzjoni; 23. 'unità ta’ koġenerazzjoni ta’
skala żgħira' tfisser unità ta’ koġenerazzjoni b’ kapaċità
installata taħt il-1 MWe; 24. 'unità ta’ mikrokoġenerazzjoni'
tfisser unità ta’ koġenerazzjoni b’kapaċità massima taħt
il-50 kWe; 25. 'proporzjon ta’ biċċa art'
tfisser il-proporzjon bejn l-erja tal-art u l-erja tal-qiegħa tal-art
għtall-bini f'territorju speċifikat; 26. 'tisħin u tkessiħ
distrettwali effiċjenti' tfisser sistema ta’ tisħin jew ta’
tkessiħ distrettwali li tuża mill-inqas 50 % ta’ sħana
rinnovabbli, mormija jew koġenerata jew kombinazzjoni ta’ dawn, u li
għandha fattur tal-enerġija primarja, kif imsemmi
fid-Direttiva 2010/31/UE, ta’ mill-inqas 0.8; 27. 'rinnovazzjoni sostanzjal'” tfisser
rinnovazzjoni li l-ispiża tagħha taqbeż il-50 % tal-kost
tal-investiment għal unità paragunabbli ġdida skont
id-Deċiżjoni 2007/74/KE jew li teżiġi
l-aġġornament tal-permess mogħti taħt
id-Direttiva 2010/75/UE. Artikolu 3
Il-miri għall-effiċjenza enerġetika 1. L-Istati Membri għandhom
jiffissaw mira nazzjonali għall-effiċjenza enerġetika espressa
bħala livell assolut ta’ konsum tal-enerġija primarja fl-2020. Meta
jistabbilixxu dawn il-miri, huma għandhom jikkunsidraw il-mira tal-Unjoni
għal iffrankar tal-enerġija ta’ 20 %, il-miżuri pprovduti
f’din id-Direttiva, il-miżuri adottati sabiex jintlaħqu l-miri
nazzjonali għall-iffrankar tal-enerġija li ġew adottati skont
l-Artikolu 4(1) tad-Direttiva 2006/32/KE u miżuri oħrajn
sabiex tkun promossa l-effiċjenza enerġetika fi ħdan l-Istati
Membri u fuq il-livell tal-Unjoni. 2. Sat-30 ta’
Ġunju 2014, il-Kummissjoni għandha tivvaluta jekk huwiex
probabbli li l-Unjoni se tilħaq il-mira tagħha għal iffrankar
tal-enerġija primarja ta’ 20 % sal-2020, jiġifieri tnaqqis
fil-konsum tal-enerġija primarja tal-UE ta’ 368 Mtoe fl-2020, filwaqt
li tikkunsidra s-somma tal-miri nazzjonali msemmija fil-paragrafu 1 u
l-evalwazzjoni msemmija fl-Artikolu 19(4). KAPITOLU II
L-effiċjenza fl-użu tal-enerġija Artikolu 4
Il-korpi pubbliċi 1. Mingħajr preġudizzju
għall-Artikolu 7 tad-Direttiva 2010/31/UE, l-Istati Membri
għandhom jiżguraw li, mill-1 ta’ Jannar 2014, tiġi
rrinovata kull sena 3 % mill-erja totali tal-art li tkun il-proprjetà
tal-korpi pubbliċi tagħhom sabiex ikunu ssodisfati mill-inqas
ir-rekwiżiti minimi tal-prestazzjoni tal-enerġija stabbiliti
mill-Istat Membru kkonċernat b’applikazzjoni tal-Artikolu 4
tad-Direttiva 2010/31/UE. Ir-rata ta’ 3 % għandha tkun
ikkalkolata fuq l-erja totali tal-art tal-bini li jkollu erja totali ta' iktar
minn 250 m2 ta' art utilizzabbli li tkun il-proprjetà tal-korpi
pubbliċi tal-Istat Membru kkonċernat li, fl-1 ta’ Jannar ta’
kull sena, ma tissodisfax ir-rekwiżiti minimi nazzjonali tal-prestazzjoni
tal-enerġija stabbiliti b’applikazzjoni tal-Artikolu 4
tad-Direttiva 2010/31/UE. 2. L-Istati Membri jistgħu
jippermettu lill-korpi pubbliċi tagħhom biex jgħoddu mar-rata
annwali tar-rinnovazzjoni tagħhom l-eċċess tal-erja tal-art
tal-bini rrinovat f'sena speċifika bħal li kieku minflok kienet
rinnovata f'waħda mis-sentejn preċedenti jew fis-snin ta' qabel. 3. Għall-finijiet
tal-paragrafu 1, sal-1 ta’ Jannar 2014, l-Istati Membri
għandhom jistabbilixxu u jagħmlu pubblikament disponibbli inventarju
tal-bini li jkun proprjetà tal-korpi pubbliċi tagħhom fejn jindikaw: (a) l-erja tal-art f’ m2; u (b) il-prestazzjoni tal-enerġija ta’
kull bini. 4. L-Istati Membri għandhom
jinkoraġġixxu lill-korpi pubbliċi sabiex: (a) jadottaw pjan għall-effiċjenza
enerġetika, awtonomu jew bħala parti minn pjan klimatiku jew
ambjentali iktar ġenerali, li jinkludi għanijiet speċifiċi
għall-iffrankar tal-enerġija, sabiex l-effiċjenza
enerġetika tal-korp tittejjeb kontinwament; (b) jistabbilixxu sistema ta’ ġestjoni
tal-enerġija bħala parti mill-implimentazzjoni tal-pjan tagħhom. Artikolu 5
Ix-xiri mill-korpi pubbliċi L-Istati Membri għandhom jiżguraw li
l-korpi pubbliċi jixtru biss prodotti, servizzi u bini bi prestazzjoni għolja
fl-effiċjenza enerġetika, kif imsemmi fl-Anness III. Artikolu 6
L-iskemi tal-obbligi tal-effiċjenza enerġetika 1. Kull Stat Membru għandu
jistabbilixxi skema waħda ta’ obbligi ta’ effiċjenza enerġetika.
Din l-iskema għandha tiżgura jew li d-distributuri tal-enerġija
kollha jew il-kumpanniji kollha tal-bejgħ tal-enerġija fil-livell
tal-konsumatur li joperaw fit-territorju ta' Stat Membru kull sena jiffrankaw
enerġija ekwivalenti għal 1.5 % tal-bejgħ tal-enerġija
tagħhom, bil-volum, fis-sena preċedenti f'dak l-Istat Membru minbarra
l-enerġija użata għat-trasport. Dan l-ammont ta’ ffrankar
tal-enerġija għandu jinkiseb mill-partijiet obbligati, fost
il-klijenti finali fl-Istat Membru kkonċernat. 2. L-Istati Membri għandhom
jesprimu l-ammont ta’ ffrankar tal-enerġija meħtieġ minn kull
parti obbligata f’termini jew ta’ konsum tal-enerġija finali jew ta’
konsum tal-enerġija primarja. Il-metodu magħżul biex ikun
espress l-ammont mitlub ta’ ffrankar tal-enerġija għandu jintuża
wkoll sabiex ikun ikkalkolat l-iffrankar sostnut mill-partijiet obbligati.
Għandhom japplikaw il-fatturi ta’ konverżjoni fl-Anness IV. 3. Il-miżuri li għandhom
fil-mira tagħhom l-iffrankar tul perjodu qasir ta’ żmien, kif
ġie ddefinit fl-Anness V(1), ma għandhomx jammontaw għal
iktar minn 10 % tal-ammont ta’ ffrankar tal-enerġija mitlub minn kull
parti obbligata u għandhom ikunu eliġibbli sabiex jgħoddu biss
għall-obbligu stabbilit fil-paragrafu 1 jekk ikunu kkombinati ma’
miżuri li ġie attribwit lilhom iffrankar għal perjodu itwal ta’
żmien. 4. L-Istati Membri għandhom jiżguraw
li l-iffrankar sostnut mill-partijiet obbligati jiġi kkalkolat skont
l-Anness V(2). Huma għandhom jistabbilixxu sistemi ta’ kontroll, fejn
mill-inqas jiġi vverifikat proporzjon statistikament sinifikanti
tal-miżuri għal titjib tal-effiċjenza enerġetika stabbiliti
mill-partijiet obbligati. 5. Fi ħdan l-iskema ta’ obbligi
ta’ effiċjenza enerġetika, l-Istati Membri jistgħu: (a) jinkludu rekwiżiti b’għan
soċjali fl-obbligi ta’ ffrankar li jimponu huma, inkluż billi
jeżiġu li proporzjon tal-miżuri jiġu implimentati fi djar
affettwati mill-faqar fl-enerġija jew fl-akkomodazzjoni soċjali; (b) jippermettu lill-partijiet obbligati biex
jgħoddu mal-obbligi tagħhom iffrankar iċċertifikat
tal-enerġija li jkunu għamlu l-fornituri tas-servizzi
tal-enerġija u partijiet terzi oħra; f’dan il-każ, huma
għandhom jistabbilixxu proċess ta’ akkreditazzjoni li jkun ċar,
trasparenti u miftuħ għall-atturi kollha tas-suq, u jkollu
l-għan li jimminimizza l-ispejjeż taċ-ċertifikazzjoni; (c) jippermettu li l-partijiet obbligati
jgħoddu l-iffrankar miksub f’sena partikolari bħallikieku inkiseb fi
kwalunkwe waħda mis-sentejn preċedenti jew mis-sentejn sussegwenti. 6. L-Istati Membri għandhom
jippubblikaw l-iffrankar tal-enerġija li tkun għamlet kull parti
obbligata u d-dejta dwar it-tendenza annwali tal-iffrankar tal-enerġija
taħt l-iskema. Għall-finijiet tal-pubblikazzjoni u tal-verifika
tal-iffrankar tal-enerġija li jkun sar, l-Istati Membri għandhom
jeżiġu li l-partijiet obbligati jressqu quddiemhom mill-inqas
id-dejta li ġejja: a) l-iffrankar tal-enerġija li jkun
sar; b) l-informazzjoni statistika aggregata dwar
il-klijenti aħħarin tagħhom (fejn jiġu identifikati
l-bidliet sinifikanti fl-informazzjoni li tkun tressqet qabel); u c) l-informazzjoni kurrenti dwar il-konsum
tal-klijenti aħħarin, inkluż, fejn dan ikun applikabbli,
il-profili tat-tagħbijiet (load profiles), is-segmentazzjoni tal-klijenti
u l-lokalità ġeografika tal-klijenti, filwaqt li jiġu ppreservati
l-integrità u l-kunfidenzjalità ta’ dejta privata jew kummerċjalment
sensittiva, f’konformità mal-leġiżlazzjoni applikabbli tal-Unjoni
Ewropea. 7. L-Istati Membri għandhom
jiżguraw irwieħhom li l-atturi tas-suq joqogħdu lura minn
kwalunkwe attività li tista’ timpedixxi d-domanda għal u t-twassil
tas-servizzi ta’ enerġija, jew miżuri oħrajn għal titjib
tal-effiċjenza fl-enerġija, jew li tfixkel l-iżvilupp tas-swieq
għal servizzi ta’ enerġija jew miżuri oħrajn għal
titjib tal-effiċjenza fl-enerġija, inkluż l-għeluq tas-suq
għall-kompetituri jew l-abbuż minn pożizzjonijiet dominanti. 8. L-Istati Membri jistgħu
jeżentaw lil distributuri żgħar tal-enerġija u kumpaniji
tal-bejgħ tal-enerġija fil-livell tal-konsum, speċjalment dawk
li jiddistribwixxu jew ibigħu inqas mill-ekwivalent ta' 75 GWh ta'
enerġija kull sena, li jħaddmu inqas minn 10 persuni jew li
għandhom fatturat it-total tal-karta tal-bilanċ annwali li ma jkunx
iktar minn EUR 2 000 000, mill-applikazzjoni ta' dan l-Artikolu.
L-enerġija prodotta għall-użu proprju ma għandhiex
tingħadd f'dawn il-limiti. 9. Bħala alternattiva
għall-paragrafu 1, l-Istati Membri jistgħu jagħżlu li
jieħdu miżuri oħra biex jiksbu l-iffrankar fl-enerġija fost
il-konsumaturi aħħarija. L-ammont annwali milħuq f'iffrankar ta'
enerġija permezz ta' dan l-approċċ għandu jkun ekwivalenti
għall-ammont ta' ffrankar ta' enerġija meħtieġ fil-paragrafu 1. Stati Membri li jagħżlu din
l-alternattiva għandhom jinnotifikaw lill-Kummissjoni, mhux aktar tard
mill-1 ta' Jannar 2013, dwar il-miżuri alternattivi li qed jippjanaw li
jadottaw, fosthom ir-regoli tal-penalitajiet imsemmija fl-Artikolu 9, u
juru kif ser jilħqu l-ammonti meħtieġa ta' ffrankar. Il-Kummissjoni
tista' tirrifjuta dawn il-miżuri jew tissuġġerixxi modifiki
fit-3 xhur wara n-notifika. F'dawn il-każijiet, l-approċċi alternattivi
ma għandhomx jiġu japplikati mill-Istati Membri konċernati
sakemm il-Kummissjoni ma taċċettax b'mod espliċitu l-abbozz
tal-miżuri mressaq mill-ġdid jew immodifikat. 10 Jekk ikun xieraq, il-Kummissjoni
għandha tistabbilixxi, permezz ta’ att iddelegat skont l-Artikolu 18,
sistema ta’ rikonoxximent reċiproku tal-iffrankar tal-enerġija miksub
skont l-iskemi nazzjonali tal-obbligi tal-effiċjenza enerġetika. Din
is-sistema għandha tippermetti li l-partijiet obbligati jgħoddu
l-iffrankar tal-enerġija li jkunu għamlu u li jkun
iċċertifikat fi Stat Membru partikolari mal-obbligi tagħhom fi
Stat Membru ieħor. Artikolu 7
L-awditi tal-enerġija u s-sistemi ta’ ġestjoni tal-enerġija 1. L-Istati Membri għandhom
jippromwovu d-disponibbiltà għall-klijenti aħħarin kollha ta’
awditi tal-enerġija li jkunu affordjabbli u mwettqa b’mod indipendenti
minn esperti kkwalifikati jew akkreditati. L-Istati Membri għandhom jiżviluppaw
programmi sabiex jinkoraġġixxu lill-familji u lill-intrapriżi
żgħar u ta’ daqs medju sabiex jagħmlu awditi tal-enerġija. L-Istati Membri għandhom jiġbdu
l-attenzjoni tal-intrapriżi żgħar u ta’ daqs medju għal
eżempji konkreti ta’ kif is-sistemi ta’ ġestjoni tal-enerġija
jistgħu jgħinu lin-negozju tagħhom. 2. L-Istati Membri għandhom
jiżguraw li l-impriżi li mhumiex inklużi fit-tieni subparagrafu
tal-paragrafu 1, ikunu suġġetti għal awditu
tal-enerġija li jsir b’mod indipendenti u kosteffettiv minn esperti
kkwalifikati jew akkreditati mhux iktar tard
mit-30 ta’ Ġunju 2014 u kull tliet snin mid-data
tal-verifika tal-enerġija preċedenti. 3. L-awditi tal-enerġija li jitwettqu
b'mod indipendenti jirriżultaw minn sistemi ta’ ġestjoni
tal-enerġija jew li jiġu implimentati taħt ftehimiet volontarji konklużi
bejn organizzazzjonijiet ta’ partijiet interessati u korp maħtur u
ssuperviżjonat mill-Istat Membru kkonċernat jew mill-Kummissjoni,
għandhom jiġu kkunsidrati bħala li jissodisfaw ir-rekwiżiti
tal-paragrafu 2. 4. L-awditi tal-enerġija
jistgħu jkunu awtonomi jew ikunu parti minn awditu ambjentali iktar
wiesa'. Artikolu 8
Il-kejl bil-miters u l-kontijiet informattivi 1. L-Istati Membri għandhom
jiżguraw li l-klijenti aħħarin tal-elettriku, tal-gass naturali,
tat-tisħin jew tat-tkessiħ distrettwali u tal-ilma sħun
domestiku fornut mid-distrett ikunu pprovduti b’miters individwali li jkejlu
b’mod preċiż u li jippermettu li l-konsum tal-enerġija effettiv
tagħom ikun disponibbli filwaqt li jipprovdu informazzjoni dwar il-ħin
effettiv tal-użu, skont l-Anness VI. Meta l-Istati Membri jintroduċu l-miters
intelliġenti kif previst mid-Direttivi 2009/72/KE u 2009/73/KE
dwar is-swieq tal-elettriku u tal-gass, huma għandhom jiżguraw li
l-għanijiet tal-effiċjenza enerġetika u tal-benefiċċji
tal-klijenti aħħarin ikunu kkunsidrati b'mod sħiħ meta
jiġu stabbiliti l-funzjonalitajiet minimi tal-miters u l-obbligi imposti
fuq il-parteċipanti tas-swieq. Fil-każ tal-elettriku u wara li ssir talba
mill-klijent aħħari, l-operaturi tal-miters għandhom
jiżguraw li l-miter ikun jista’ jagħti rendikont tal-elettriku li
ġie prodott fil-bini tal-klijent aħħari u li ġie esportat
lejn il-grilja. L-Istati Membri għandhom jiżguraw li jekk il-klijenti
aħħarin jagħmlu talba, id-dejta tal-miters dwar il-produzzjoni
u/jew il-konsum tagħhom f’ħin reali titqiegħed
għad-dispożizzjoni ta’ parti terza li tkun qed taġixxi f’isem
il-klijent aħħari. Fil-każ tat-tisħin u tat-tkessiħ,
fejn bini jkun fornut minn netwerk ta’ tisħin distrettwali, il-miter
tas-sħana għandu jkun installat fl-entratura tal-bini. F’bini
b’għadd ta’ appartamenti, għandhom jiġu installati wkoll miters
għall-konsum individwali tas-sħana sabiex ikejlu l-konsum
tas-sħana jew tat-tkessiħ ta' kull appartament. Fejn l-użu
tal-miters għall-konsum individwali tas-sħana ma jkunx teknikament
fattibbli, għandhom jintużaw allokaturi individwali tal-kost
għas-sħana għall-kejl tal-konsum tas-sħana f’kull radjatur
skont l-ispeċifikazzjonijiet inklużi fl-Anness VI (1.2). L-Istati Membri għandhom jintroduċu
regoli dwar l-allokazzjoni tal-ispejjeż tal-konsum tas-sħana f’bini
b’għadd ta’ appartamenti fornut bi sħana ċentralizzata jew bi
tkessiħ ċentralizzat. Tali regoli għandhom jinkludu linji gwida
dwar il-fatturi ta’ korrezzjoni sabiex ikunu riflessi karatteristiċi
tal-bini bħat-trasferimenti tas-sħana bejn l-appartamenti. 2. Minbarra l-obbligi li
jirriżultaw mid-Direttiva 2009/72/KE u mid-Direttiva 2009/73/KE
fir-rigward tal-kontijiet, l-Istati Membri għandhom jiżguraw, mhux
aktar tard mill-1 ta' Jannar 2015 li l-kontijiet ikunu
preċiżi u bbażati fuq il-konsum reali, għas-setturi kollha
koperti minn din id-Direttiva, inklużi d-distributuri tal-enerġija,
l-operaturi tas-sistema ta’ distribuzzjoni u l-kumpaniji tal-bejgħ
tal-enerġija fil-livell tal-konsumatur, skont il-frekwenza minima stabbilita
fl-Anness VI(2.1). Informazzjoni adattata għandha tkun disponibbli
mal-kont biex il-konsumatur aħħari ikun ipprovdut b'kont komprensiv
tal-kosti kurrenti tal-enerġija, f'konformità mal-Anness VI(2.2). L-Istati Membri għandhom jiżguraw li
l-klijenti aħħarin kollha jiġu offruti għażla jew
għal kont elettroniku jew għal kont stampat u l-possibbiltà ta’
aċċess faċli għal informazzjoni komplementari li
tippermetti awtokontrolli dettaljati dwar il-konsum storiku kif inhu stabbilit
fl-Anness VI(1.1). L-Istati Membri għandhom jeżiġu li
jekk tintalab mill-klijenti aħħarin, l-informazzjoni dwar
il-kontijiet tal-enerġija u dwar il-konsum storiku tagħhom
għandha tkun disponibbli għall-fornitur tas-servizzi
tal-enerġija magħżul mill-klijent aħħari. 3. L-informazzjoni mill-kejl bil-miters
u mill-kontijiet tal-konsum individwali tal-enerġija kif ukoll
informazzjoni oħra msemmija fil-paragrafi 1, 2, 3 u
fl-Anness VI, għandha tkun ipprovduta lill-klijenti aħħarin
mingħajr ħlas. Artikolu 9
Il-penali L-Istati Membri għandhom jistabbilixxu
regoli dwar il-penali applikabbli f’każ ta’ nuqqas ta’ konformità
mad-dispożizzjonijiet nazzjonali adottati skont l-Artikoli 6
sa 8 u għandhom jieħdu l-miżuri meħtieġa sabiex
jiżguraw li dawn jiġu implimentati. Il-penali pprovduti jridu jkunu effettivi,
proporzjonati u dissważivi. L-Istati Membri għandhom jikkomunikaw
dawk id-dispożizzjonijiet lill-Kummissjoni mhux iktar tard minn [12-il
xahar wara l-adozzjoni ta’ din id-Direttiva] u għandhom jinnotifikawha
mingħajr dewmien bi kwalunkwe emenda sussegwenti li taffetwahom. KAPITOLU III
L-effiċjenza fil-provvista tal-enerġija Artikolu 10
Il-promozzjoni tal-effiċjenza fit-tisħin u fit-tkessiħ 1. Sal-1 ta’ Jannar 2014,
l-Istati Membri għandhom jistabbilixxu pjan nazzjonali
għat-tisħin u għat-tkessiħ u jinnotifikaw lill-Kummissjoni
dwaru sabiex ikun żviluppat il-potenzjal għall-applikazzjoni ta’
koġenerazzjoni b’effiċjenza għolja u għal tisħin u
tkessiħ distrettwali effiċjenti, li jkun fih l-informazzjoni stabbilita
fl-Anness VII. Il-pjanijiet għandhom jiġu aġġornati u
nnotifikati lill-Kummissjoni kull ħames snin. L-Istati Membri
għandhom jiżguraw permezz tal-qafas regolatorju tagħhom li
l-pjanijiet nazzjonali għat-tisħin u t-tkessiħ ikunu kkunsidrati
fil-pjanijiet ta’ żvilupp lokali u reġjonali, inklużi
l-pjanijiet għall-ispazju urban u rurali, u jkunu jissodisfaw il-kriterji
ta’ disinn fl-Anness VII. 2. L-Istati Membri għandhom
jieħdu l-miżuri meħtieġa sabiex jiżviluppaw
infrastruttura għal tisħin u tkessiħ distrettwali
effiċjenti ħalli jkunu akkomodati l-iżvilupp ta’
koġenerazzjoni b’effiċjenza għola u l-użu ta’ tisħin u
ta’ tkessiħ minn sħana mormija u minn sorsi rinnovabbli
tal-enerġija skont il-paragrafi 1, 3, 6 u 7. Meta
jiżviluppaw it-tisħin u t-tkessiħ distrettwali, sa fejn ikun
possibbli, huma għandhom jagħżlu koġenerazzjoni
b’effiċjenza għolja iktar milli ġenerazzjoni ta’ sħana
biss. 3. L-Istati Membri għandhom
jiżguraw li l-installazzjonijiet il-ġodda kollha ta’
ġenerazzjoni tal-elettriku termali b’input termali totali li jaqbeż
l-20 MW: a) huma pprovduti b’tagħmir li
jippermetti l-irkupru tas-sħana mormija permezz ta’ unità ta’
koġenerazzjoni b’effiċjenza għolja; u b) ikunu jinsabu f’post fejn is-sħana
mormija tista’ tintuża minn punti ta’ domanda għas-sħana. L-Istati Membri għandhom jadottaw kriterji
ta' awtorizzazzjoni kif imsemmi fl-Artikolu 7 tad-Direttiva 2009/72/KE,
jew kriterji ta' permess ekwivalenti, biex jiżguraw li jkunu ssodisfati
d-dispożizzjonijiet tal-ewwel subparagrafu. B'mod partikolari
għandhom jiżguraw li l-lokalità ta' installazzjonijiet ġodda
tikkunsidra d-disponibbiltà ta' tagħbijiet ta' sħana adattati
għall-koġenerazzjoni skont l-Anness VIII. 4. L-Istati Membri jistgħu
jistabbilixxu kundizzjonijiet għal eżenzjoni
mid-dispożizzjonijiet tal-paragrafu 3 meta: a) il-kundizzjonijiet ta’ limitu relatati
mad-disponibbiltà tat-tagħbija tas-sħana stabbiliti fil-punt 1
tal-Anness VIII ma jiġux sodisfatti; b) ir-rekwiżit fil-punt (b)
tal-paragrafu 3 relatat mal-post fejn tkun tinsab l-installazzjoni ma
jkunx jista’ jiġi sodisfatt minħabba l-ħtieġa li
installazzjoni tiġi lokalizzata qrib sit ta’ ħżin li għandu
permess ġeoloġiku skont id-Direttiva 2009/31/KE; jew c) analiżi tar-relazzjoni bejn
l-ispejjeż u l-benefiċċji turi li l-ispejjeż huma ikbar
mill-benefiċċji meta ppargunati mal-ispejjeż kollha
taċ-ċiklu tal-ħajja, inkluż l-investiment
fl-infrastruttura, biex jiġi pprovdut l-istess ammont ta’ elettriku u ta’
sħana b’tisħin jew bi tkessiħ separat. L-Istati Membri għandhom jinnotifikaw tali
kundizzjonijiet għal eżenzjoni lill-Kummissjoni sal-1 ta’
Jannar 2014. Il-Kummissjoni tista’ tirrifjuta dawk il-kundizzjonijiet jew
tagħmel suġġerimenti għal modifiki fis-sitt (6) xhur ta’
wara n-notifika. F'dan il-każ, il-kundizzjonijiet
għall-eżenzjoni ma għandhomx ikunu applikati mill-Istat Membru
kkonċernat sakemm il-Kummissjoni espressament taċċetta
l-kundizzjonijiet li jkunu reġgħu tressqu jew immodifikati. 5. L-Istati Membri għandhom
jiżguraw li r-regolamenti nazzjonali dwar l-ippjanar tal-ispazju urban u
rurali jkunu adattati għall-kriterji ta’ awtorizzazzjoni msemmija
fil-paragrafu 3 u jkunu konformi mal-pjanijiet nazzjonali tagħhom
għat-tisħin u għat-tkessiħ msemmija fil-paragrafu 1. 6. L-Istati Membri għandhom
jiżguraw li, kull meta installazzjoni eżistenti ta’ ġenerazzjoni
tal-elettriku b’input termali totali kklassifikat li jaqbeż l-20 MW
tiġi rinnovata b’mod sostanzjali jew meta, skont l-Artikolu 21
tad-Direttiva 2010/75/KE, il-permess tagħha jiġi
aġġornat, il-konverżjoni biex ikun permess li taħdem
bħala installazzjoni ta’ koġenerazzjoni b’effiċjenza għolja
tkun iffissata bħala kundizzjoni fil-permess jew fil-liċenzja
ġodda jew aġġornati, sakemm l-installazzjoni tkun tinsab f’post
fejn is-sħana mormija tkun tista’ tintuża mill-punti ta’ domanda
għas-sħana skont il-punt 1 tal-Anness VIII. It-tagħmir tal-installazzjonijiet ta’
ġenerazzjoni tal-elettriku b’faċilitajiet għall-ġbir jew
għall-ħżin tal-karbonju ma għandux jiġi kkunsidrat
bħala rinnovazzjoni għall-finijiet ta’ dawn id-dispożizzjonijiet.
7. L-Istati Membri jistgħu
jistabbilixxu kundizzjonijiet għal eżenzjoni
mid-dispożizzjonijiet tal-paragrafu 6 meta: a) il-kundizzjonijiet ta’ limitu relatati
mad-disponibbiltà tat-tagħbija tas-sħana stabbiliti fil-punt 1
tal-Anness VIII ma jiġux sodisfatti; jew b) analiżi tar-relazzjoni bejn l-ispejjeż
u l-benefiċċji turi li l-ispejjeż huma ikbar
mill-benefiċċji meta ppargunati mal-ispejjeż kollha
taċ-ċiklu tal-ħajja, inkluż l-investiment
fl-infrastruttura, biex jiġi pprovdut l-istess ammont ta’ elettriku u ta’
sħana b’tisħin jew bi tkessiħ separat. L-Istati Membri għandhom jinnotifikaw tali
kundizzjonijiet għal eżenzjoni lill-Kummissjoni sal-1 ta’
Jannar 2014. Il-Kummissjoni tista’ tirrifjuta dawk il-kundizzjonijiet jew
tagħmel suġġerimenti għal modifiki fis-sitt (6) xhur ta’
wara n-notifika. F'dawn il-każijiet, il-kundizzjonijiet
għall-eżenzjoni ma għandhomx ikunu applikati mill-Istat Membru
kkonċernat sakemm il-Kummissjoni espressament taċċetta
l-kundizzjonijiet li jkunu reġgħu tressqu jew immodifikati. 8. L-Istati Membri għandhom
jadottaw kriterji ta’ awtorizzazzjoni jew kriterji ta’ permess ekwivalenti
sabiex jiżguraw irwieħhom li l-installazzjonijiet industrijali
b’input termali totali li jaqbeż l-20 MW li jiġġeneraw
sħana mormija li jinbnew jew jiġu sostanzjalment rinnovati wara
[id-dħul fis-seħħ ta’ din id-Direttiva] jiġbru u
jagħmlu użu mis-sħana mormija tagħhom. L-Istati Membri għandhom jistabbilixxu
mekkaniżmi li jiżguraw il-konnessjoni ta’ dawn l-installazzjonijiet
man-netwerks ta’ tisħin u tkessiħ distrettwali. Huma jistgħu
jeżiġu li dawn l-installazzjonijiet jġarrbu t-tariffi
tal-konnessjoni u l-kost biex jiġu żviluppati n-netwerks ta’
tisħin u tkessiħ distrettwali meħtieġa sabiex is-sħana
mormija tagħhom tiġi ttrasportata lill-konsumaturi. L-Istati Membri jistgħu jistabbilixxu
kundizzjonijiet għal eżenzjoni mid-dispożizzjonijiet fl-ewwel
subparagrafu meta: a) il-kundizzjonijiet ta’ limitu relatati
mad-disponibbiltà tat-tagħbija tas-sħana stabbiliti fil-punt 2
tal-Anness VIII ma jiġux sodisfatti; jew b) analiżi tar-relazzjoni bejn l-ispejjeż
u l-benefiċċji turi li l-ispejjeż huma ikbar
mill-benefiċċji meta ppargunati mal-ispejjeż kollha
taċ-ċiklu tal-ħajja, inkluż l-investiment
fl-infrastruttura, biex jiġi pprovdut l-istess ammont ta’ sħana
b’tisħin jew bi tkessiħ separat. L-Istati Membri għandhom jinnotifikaw tali
kundizzjonijiet għal eżenzjoni lill-Kummissjoni sal-1 ta’
Jannar 2014. Il-Kummissjoni tista’ tirrifjuta dawk il-kundizzjonijiet jew
tagħmel suġġerimenti għal modifiki fis-sitt (6) xhur ta’
wara n-notifika. F'dawn il-każijiet, il-kundizzjonijiet
għall-eżenzjoni ma għandhomx ikunu applikati mill-Istat Membru
kkonċernat sakemm il-Kummissjoni espressament taċċetta
l-kundizzjonijiet li jkunu reġgħu tressqu jew immodifikati. 9. Sal-1 ta’ Jannar 2013,
permezz ta’ att iddelegat skont l-Artikolu 18, il-Kummissjoni għandha
tistabbilixxi metodoloġija għall-analiżi tar-relazzjoni bejn
l-ispiża u l-benefiċċju msemmija fil-paragrafi 4(c), 7(b) u
8(b). 10. Fuq il-bażi tal-valuri ta’
referenza armonizzati għall-effiċjenza msemmija
fl-Anness II (f), l-Istati Membri għandhom jiżguraw li
l-oriġini tal-elettriku prodott minn koġenerazzjoni b’effiċjenza
għolja tista’ tiġi ggarantita skont kriterji oġġettivi,
trasparenti u mhux diskriminatorji stabbiliti minn kull Stat Membru. Huma
għandhom jiżguraw li din il-garanzija tal-oriġini tkun konformi
mar-rekwiżiti u tkun tinkludi mill-inqas l-informazzjoni speċifikata
fl-Anness IX. L-Istati Membri għandhom jirrikonoxxu b’mod
reċiproku l-garanziji tal-oriġini tagħhom, esklużivament
bħala prova tal-informazzjoni msemmija f’dan il-paragrafu. Kwalunkwe
rifjut biex tiġi rikonoxxuta garanzija tal-oriġini bħala prova
ta’ din ix-xorta, b’mod partikolari għal raġunijiet relatati
mal-prevenzjoni ta’ frodi, trid tkun ibbażata fuq kriterji
oġġettivi, trasparenti u mhux diskriminatorji. L-Istati Membri
għandhom jinnotifikaw lill-Kummissjoni b’tali rifjut u
bil-ġustifikazzjoni għalih. Fil-każ ta’ rifjut biex tiġi
rikonoxxuta garanzija tal-oriġini, il-Kummissjoni tista’ tadotta
deċiżjoni sabiex iġġiegħel lill-parti li qed tirrifjuta
li tirrikonoxxiha biex tagħmel dan, b’mod partikolari fir-rigward ta’
kriterji oġġettivi, trasparenti u mhux diskriminatorji li fuqhom ikun
ibbażat tali rikonoxximent. Il-Kummissjoni għandha tingħata
s-setgħa biex teżamina, għall-ewwel darba sal-1 ta’ Jannar 2015,
u sussegwentement kull għaxar snin, permezz ta’ atti ddelegati skont
l-Artikolu 18, il-valuri ta’ referenza armonizzati
għall-effiċjenza stabbiliti fid-Deċiżjoni tal-Kummissjoni
[in-numru tad-Deċiżjoni] fuq il-bażi
tad-Direttiva 2004/8/KE. 11. L-Istati Membri għandhom
jiżguraw li kwalunkwe appoġġ disponibbli
għall-koġenerazzjoni ikun suġġett għall-fatt illi
l-elettriku prodott ikun oriġina minn koġenerazzjoni
b’effiċjenza għolja u li s-sħana mormija tintuża
effettivament sabiex jinkiseb iffrankar tal-enerġija primarja. Huma ma
għandhomx jiddifferenzjaw bejn l-elettriku kkonsmat fis-sit u l-elettriku
esporatat lejn il-grilja. L-appoġġ pubbliku
għall-koġenerazzjoni u għall-ġenerazzjoni u għan-netwerks
ta’ tisħin distrettwali huwa suġġett għar-regoli dwar
l-għajnuna mill-istat, fejn dan ikun applikabbli. Artikolu 11
It-trasformazzjoni tal-enerġija L-Istati Membri għandhom jippreparaw
inventarju tad-dejta, skont l-Anness X, għall-installazzjonijiet
kollha li jwettqu l-kombustjoni tal-fjuwils b’input termali totali kklassifikat
ta’ 50 MW jew iktar u għall-installazzjonijiet li jwettqu r-raffinar
taż-żejt minerali u tal-gass fit-territorju tagħhom. Dan
għandu jiġi aġġornat kull tliet snin. Id-dejta annwali
speċifika għall-installazzjoni inkluża f’dawn l-inventarji
għandha titqiegħed għad-dispożizzjoni tal-Kummissjoni, meta
din tintalab. L-Istati Membri għandhom jinkludu sommarju mhux
kunfidenzjali li jinkludi informazzjoni aggregata tal-inventarji fir-rapporti
msemmija fl-Artikolu 19(2). Artikolu 12
It-trażmissjoni u d-distribuzzjoni tal-enerġija 1. L-Istati Membri għandhom
jiżguraw li l-awtoritajiet regolatorji nazzjonali tal-enerġija
jikkunsidraw debitament l-effiċjenza enerġetika
fid-deċiżjonijiet tagħhom dwar it-tħaddim
tal-infrastruttura tal-gass u tal-elettriku. B’mod partikolari, huma
għandhom jiżguraw li t-tariffi u r-regolamenti tan-netwerks jipprovdu
inċentivi għall-operaturi tal-grilja sabiex joffru servizzi
tas-sistema lill-utenti tan-netwerk li permezz tagħhom ikunu jistgħu
jimplimentaw miżuri għal titjib tal-effiċjenza enerġetika
fil-kuntest tal-użu kontinwu tal-grilji intelliġenti. L-Istati Membri għandhom jiżguraw li
r-regolamentazzjoni dwar in-netwerks u t-tariffi tan-netwerks, iffissati jew
approvati mill-awtoritajiet regolatorji tal-enerġija, jissodisfaw
il-kriterji fl-Anness XI, b'kunsiderazzjoni għal-linji gwida u
l-kodiċijiet żviluppati skont ir-Regolament Nru 714/2009 u
r-Regolament Nru 715/2009. 2. Sat-30 ta’
Ġunju 2013, l-Istati Membri għandhom jadottaw pjanijiet: a) li jivvalutaw il-potenzjali
tal-effiċjenza enerġetika tal-infrastruttura tal-gass, tal-elettriku
u tat-tisħin u tat-tkessiħ distrettwali tagħhom, b’mod
partikolari fir-rigward tat-trażmissjoni, tad-distribuzzjoni,
tal-ġestjoni tat-tagħbiji u tal-interoperabbiltà, kif ukoll
tal-konnessjoni mal-installazzjonijiet ta’ ġenerazzjoni tal-enerġija; b) li jidentifikaw miżuri u
investimenti konkreti għall-introduzzjoni ta’ titjib kosteffettiv
tal-effiċjenza enerġetika fl-infrastruttura tan-netwerks, bi skeda
ta' żmien dettaljata għall-introduzzjoni tagħhom. 3. L-Istati Membri jistgħu
jippermettu komponenti ta’ skemi u ta’ strutturi tariffarji b’għan
soċjali għat-trażmissjoni u għad-distribuzzjoni
tal-enerġija destinata għan-netwerk, sakemm kwalunkwe effett ta’
tfixkil fuq is-sistema ta’ trażmissjoni u ta’ distribuzzjoni jinżamm
fuq il-livell minimu meħtieġ u ma jkunx sproporzjonat
għall-għan soċjali. 4. L-Istati Membri għandhom
jiżguraw it-tneħħija ta’ dawk l-inċentivi fit-tariffi ta’
trażmissjoni u ta’ distribuzzjoni li jżidu l-volum tal-enerġija
distribwita jew trażmessa mingħajr ħtieġa. F’dan
ir-rigward, skont l-Artikolu 3(2) tad-Direttiva 2009/72/KE u
l-Artikolu 3(2) tad-Direttiva 2009/73/KE, l-Istati Membri
jistgħu jimponu obbligi ta’ servizz pubbliku relatati mal-effiċjenza
fl-enerġija fuq l-impriżi li jaħdmu fis-setturi tal-elettriku u
tal-gass. 5. L-Istati Membri għandhom
jiżguraw li, bla ħsara għar-rekwiżiti relatati
maż-żamma tal-affidabbiltà u tas-sikurezza tal-grilja, fuq
il-bażi ta’ kriterji trasparenti u mhux diskriminatorji ddefiniti
mill-awtoritajiet kompetenti nazzjonali, l-operaturi tas-sistema ta’
trażmissjoni u l-operaturi tas-sistema ta’ distribuzzjoni fit-territorju
tagħhom: a) jiggarantixxu t-trażmissjoni u
d-distribuzzjoni tal-elettriku minn koġenerazzjoni b’effiċjenza
għolja; b) jipprovdu aċċess prijoritarju
jew iggarantit għall-grilja tal-elettriku minn koġenerazzjoni
b’effiċjenza għolja; c) meta jirrilaxxaw l-elettriku,
l-installazzjonijiet ta’ ġenerazzjoni jipprovdu rilaxx prijoritarju
tal-elettriku minn koġenerazzjoni b’effiċjenza għolja. Minbarra l-obbligi stabbiliti
fl-ewwel subparagrafu, l-operaturi tas-sistema ta’ trażmissjoni u
l-operaturi tas-sistema ta’ distribuzzjoni għandhom ikunu konformi
mar-rekwiżiti stabbiliti fl-Anness XII. L-Istati Membri jistgħu jiffaċilitaw,
b’mod partikolari, il-konnessjoni mas-sistema tal-grilja tal-elettriku prodott
minn koġenerazzjoni b’effiċjenza għolja minn unitajiet ta’
koġenerazzjoni ta’ skala żgħira u ta’ mikroġenerazzjoni. 6. L-Istati Membri għandhom
jieħdu l-passi xierqa sabiex jiżguraw li l-operaturi ta’
koġenerazzjoni b’effiċjenza għolja jistgħu joffru servizzi
ta’ bbilanċjar u servizzi operattivi oħrajn fuq il-livell
tal-operaturi tas-sistema ta’ trażmissjoni jew tal-operaturi tas-sistema
ta’ distribuzzjoni fejn dan ikun konsistenti mal-modalità ta’ tħaddim
tal-installazzjoni ta’ koġenerazzjoni b’effiċjenza għolja.
L-operaturi tas-sistema ta’ trażmissjoni u l-operaturi tas-sistema ta’
distribuzzjoni għandhom jiżguraw li tali servizzi jkunu parti minn
proċess tat-tfigħ tal-offerti għas-servizzi li jkun trasparenti
u miftuħ għal skrutinju. Fejn ikunu xierqa, l-Istati Membri jistgħu
jeżiġu li l-operaturi tas-sistema ta’ trażmissjoni u l-operaturi
tas-sistema ta’ distribuzzjoni jinkoraġġixxu li l-koġenerazzjoni
b’effiċjenza għolja titqiegħed f’post qrib iż-żoni ta’
domanda billi jnaqqsu t-tariffi tal-konnessjoni u tal-użu tas-sistema. 7. L-Istati Membri jistgħu
jippermettu li l-produtturi ta’ elettriku minn koġenerazzjoni
b’effiċjenza għolja li jixtiequ jkunu konnessi mal-grilja
joħorġu sejħa għall-offerti għax-xogħol
tal-konnessjoni. KAPITOLU IV
Id-dispożizzjonijiet orizzontali Artikolu 13
Id-disponibbiltà tal-iskemi ta’ ċertifikazzjoni 1. Sabiex jintlaħaq livell
għoli ta’ kompetenza teknika, ta’ oġġettività u ta’
affidabbiltà, l-Istati Membri għandhom jiżguraw li, sal-1 ta’
Jannar 2014, l-iskemi ta’ ċertifikazzjoni jew l-iskemi ta’ kwalifiki
ekwivalenti jkunu disponibbli għall-fornituri ta’ servizzi
tal-enerġija, għall-awditi tal-enerġija u għall-miżuri
għal titjib tal-effiċjenza enerġetika, inkluż
għall-installaturi tal-elementi tal-bini kif ġew iddefiniti
fl-Artikolu 2(9) tad-Direttiva 2010/31/UE. 2. L-Istati Membri għandhom
jagħmlu disponibbli pubblikament l-iskemi ta’ ċertifikazzjoni jew
l-iskemi ta’ kwalifiki ekwivalenti msemmija fil-paragrafu 1 u
għandhom jikkooperaw ma’ xulxin u mal-Kummissjoni dwar il-paraguni bejn
l-iskemi u r-rikonoxximent tagħhom. Artikolu 14
Is-servizzi tal-enerġija L-Istati Membri għandhom jippromwovu
s-suq tas-servizzi tal-enerġija u l-aċċess tal-intrapriżi
żgħar u ta’ daqs medju għal dan is-suq billi: a) jagħmlu pubblikament
disponibbli, jikkontrollaw u jaġġornaw b’mod regolari lista ta’
fornituri ta’ servizzi tal-enerġija disponibbli u s-servizzi tal-
enerġija li joffru; b) jipprovdu kuntratti mudell,
għall-kuntratti tal-prestazzjoni tal-enerġija fis-settur pubbliku;
Dawn għall-inqas għandhom jinkludu l-punti elenkati
fl-Anness XIII; c) ixerrdu informazzjoni dwar
il-kuntratti u l-klawżoli tas-servizzi tal-enerġija disponibbli li
għandhom ikunu inklużi f’kuntratti ta’ din ix-xorta sabiex ikunu
ggarantiti l-iffrankar tal-enerġija u d-drittijiet tal-klijenti
aħħarin; d) jinkoraġġixxu
l-iżvilupp ta’ tikketti ta’ kwalità volontarji; e) ixerrdu informazzjoni dwar strumenti
finanzjarji, inċentivi, għotjiet u self sabiex jingħata
appoġġ lill-proġetti tas-servizzi tal-enerġija. Artikolu 15
Miżuri oħrajn sabiex tkun promossa l-effiċjenza
enerġetika 1. L-Istati Membri għandhom
jevalwaw u jieħdu miżuri xierqa sabiex ineħħu ostakli
regolatorji u mhux regolatorji għall-effiċjenza enerġetika,
b’mod partikolari fir-rigward ta’: a) il-qsim tal-inċentivi bejn is-sid u
l-kerrej ta’ bini jew fost is-sidien, sabiex ikun żgurat li dawn
il-partijiet ma jiġux skoraġġiti milli jagħmlu investimenti
għal titjib tal-effiċjenza li kienu jagħmlu kieku ma kienx
għall-fatt li ma jiksbux individwalment il-benefiċċji
sħaħ jew minħabba n-nuqqas ta’ regoli għad-diviżjoni
tal-ispejjeż u tal-benefiċċji bejniethom; b) id-dispożizzjonijiet legali u
regolatorji u l-prattiki amministrattivi fir-rigward tax-xiri pubbliku u
tal-ibbaġitjar u tal-kontabbiltà annwali, sabiex ikun żgurat li
l-korpi pubbliċi individwali ma jiġux skoraġġiti milli
jagħmlu investimenti għal titjib tal-effiċjenza. Dawn il-miżuri sabiex jitneħħew
l-ostakli jistgħu jinkludu l-għoti ta’ inċentivi, ir-revoka jew
l-emendi ta’ dispożizzjonijiet legali jew regolatorji, jew l-adozzjoni ta’
linji gwida u ta’ komunikazzjonijiet interpretattivi. Dawn il-miżuri
jistgħu jiġu kkombinati mal-għoti ta’ edukazzjoni, taħriġ
kif ukoll ma’ informazzjoni u assistenza teknika speċifiċi jdwar
l-effiċjenza enerġetika. 2. L-evalwazzjoni tal-ostakli u
tal-miżuri msemmija fil-paragrafu 1 għandha tkun innotifikata
lill-Kummissjoni fl-ewwel rapport supplimentari msemmi fl-Artikolu 19(2). Artikolu 16
Il-fatturi ta’ konverżjoni Għall-finijiet ta’ paragun tal-iffrankar
tal-enerġija u ta’ konverżjoni għal unità paragunabbli,
għandhom japplikaw il-fatturi ta’ konverżjoni fl-Anness IV
sakemm ma jistax jiġi ġġustifikat l-użu ta’ fatturi ta’
konverżjoni oħrajn. KAPITOLU V
Id-dispożizzjonijiet finali Artikolu 17
L-atti ddelegati u l-adattament tal-annessi 1. Il-Kummissjoni għandha
tingħata s-setgħa sabiex tadotta att iddelegat skont
l-Artikolu 18 ħalli tistabbilixxi s-sistema ta’ rikonoxximent
reċiproku tal-iffrankar tal-enerġija miksub taħt l-iskemi
nazzjonali ta’ obbligi ta’ effiċjenza enerġetika msemmija
fl-Artikolu 6(9). Il-Kummissjoni għandha tingħata
s-setgħa sabiex tadotta att iddelegat skont l-Artikolu 18 ħalli
tistabbilixxi l-metodoloġija għall-analiżi tal-ispiża
taċ-ċiklu tal-ħajja msemmija fl-Artikolu 10(9). Il-Kummissjoni għandha tingħata
s-setgħa sabiex tadotta att delegat skont l-Artikolu 18 sabiex tirrevedi
l-valuri armonizzati ta' referenza tal-effiċjenza msemmija
fl-Artikolu 10(10) tat-tielet inċiż. 2. Il-Kummissjoni għandha
tingħata s-setgħa sabiex tadotta atti delegat skont
l-Artikolu 18 sabiex tadatta l-valuri, il-metodi ta’ kalkolu,
il-koeffiċjent tal-enerġija primarja u r-rekwiżiti
fl-Annessi I sa XV għall-progress tekniku li jkun sar kif ukoll
biex tadatta r-rekwiżiti tal-prestazzjoni fl-Anness III għall-kundizzjonijiet
kompetittivi. . Artikolu 18
L-eżerċizzju tad-delega 1. Is-setgħat sabiex ikunu
adottati atti ddelegati huma kkonferiti lill-Kummissjoni bla ħsara
għall-kundizzjonijiet stabbiliti f’dan l-Artikolu. 2. Id-delega tas-setgħa msemmija
fl-Artikolu 17 għandha tiġi kkonferita lill-Kummissjoni
għal perjodu indeterminat ta’ żmien minn [id-data tad-dħul
fis-seħħ tad-Direttiva]. 3. Id-delega ta’ setgħa msemmija
fl-Artikolu 17 tista’ tiġi revokata fi kwalunkwe ħin mill-Parlament
Ewropew jew mill-Kunsill. Deċiżjoni ta’ revoka għandha
ġġib fi tmiemha d-delega tas-setgħa speċifikata f’dik
id-deċiżjoni. Għandha tidħol fis-seħħ fil-jum ta’
wara l-pubblikazzjoni tad-deċiżjoni f’Il-Ġurnal
Uffiċjali tal-Unjoni Ewropea jew f’data aktar tard speċifikata
hemmhekk. Hija ma għandha taffettwa l-validità tal-ebda att iddelegat li
diġà jkun fis-seħħ. 4 Hekk kif tadotta att delegat,
il-Kummissjoni għandha tinnotifikah simultanjament lill-Parlament Ewropew
u l-Kunsill. 5. Att iddelegat li ġie adottat
skont l-Artikolu 17 għandu jidħol fis-seħħ biss jekk
la l-Parlament Ewropew u lanqas il-Kunsill ma jkunu esprimew xi
oġġezzjoni f’perjodu ta’ xahrejn min-notifika ta’ dak l-att
lill-Parlament Ewropew u lill-Kunsill jew jekk, qabel ma jiskadi dak
il-perjodu, il-Parlament Ewropew u l-Kunsill ikunu t-tnejn li huma informaw
lill-Kummissjoni li ma għandhomx oġġezzjonijiet. Dak
il-perjodu għandu jiġi estiż b’xahrejn (2) fuq l-inizjattiva
tal-Parlament Ewropew jew tal-Kunsill. Artikolu 19
Ir-reviżjoni u l-monitoraġġ tal-implimentazzjoni 1. Sat-30 ta’ April ta’ kull sena,
l-Istati Membri għandhom jirrapportaw dwar il-progress li sar sabiex
jintlaħqu l-miri nazzjonali għall-effiċjenza enerġeika,
skont l-Anness XIV (1). 2. Sat-30 ta’ April 2014, u
sussegwentement kull tliet snin, l-Istati Membri għandhom iressqu rapporti
supplimentari b’informazzjoni dwar politiki, pjanijiet ta’ azzjoni, programmi u
miżuri nazzjonali għall-effiċjenza enerġetika li ġew
implimentati jew ippjanati fuq il-livell nazzjonali, reġjonali u lokali
għal titjib tal-effiċjenza enerġetika sabiex jintlaħqu
l-miri nazzjonali għall-effiċjenza enerġetika msemmija
fl-Artikolu 3(1). Ir-rapporti għandhom ikunu kkomplementati bi stimi
aġġornati tal-konsum totali mistenni tal-enerġija primarja
fl-2020, kif ukoll b’livelli stmati tal-konsum tal-enerġija primarja
fis-setturi indikati fl-Anness XIV (1). Mhux iktar tard
mill-1 ta' Jannar 2014, il-Kummissjoni għandha tipprovdi
mudell għar-rapporti supplimentari. Dan il-mudell għandu jkun adottat
skont il-proċedura konsultattiva msemmija fl-Artikolu 20(2). Dawn
ir-rapporti supplimentari għandhom jinkludu fi kwalunkwe każ
l-informazzjoni speċifikata fl-Anness XIV. 3. Ir-rapporti msemmija
fil-paragrafu 1 jistgħu jifformaw parti mill-Programmi Nazzjonali ta’
Riforma msemmija fir-Rakkomandazzjoni tal-Kunsill 2010/410/UE. 4. Il-Kummissjoni għandha tevalwa
r-rapporti annwali u r-rapporti supplimentari u għandha tivvaluta kemm
għamlu progress l-Istati Membri sabiex jilħqu l-miri nazzjonali
tal-effiċjenza enerġetika mitluba mill-Artikolu 3(1) u sabiex
tiġi implimentata din id-Direttiva. Il-Kummissjoni għandha
tibgħat il-valutazzjoni tagħha lill-Parlament Ewropew u lill-Kunsill.
Fuq il-bażi tal-valutazzjoni tagħha tar-rapporti, il-Kummissjoni
tista’ toħroġ rakkomandazzjonijiet lill-Istati Membri. 5. Il-valutazzjoni tal-Kummissjoni
tal-ewwel rapport supplimentari għandha tinkludi valutazzjoni tal-livelli
tal-effiċjenza enerġetika tal-installazzjonijiet eżistenti u
ġodda li jwettqu l-kombusjoni tal-fjuwils b’input termali kklassifikat
totali ta’ 50 MW jew iktar u tal-installazzjonijiet li jwettqu r-raffinar
taż-żejt minerali u tal-gass fid-dawl tal-aħjar tekniki
disponibbli rilevanti, kif ġie żviluppat skont
id-Direttiva 2010/75/UE u d-Direttiva 2008/1/KE. Fejn din
il-valutazzjoni tidentifika diskrepanzi sinifikanti bejn il-livelli effettivi
tal-effiċjenza enerġetika ta’ installazzjonijiet ta’ din ix-xorta u
l-livelli tal-effiċjenza enerġetika assoċjati mal-applikazzjoni
tal-aħjar tekniki disponibbli rilevanti, il-Kummissjoni għandha
tipproponi, jekk dan ikun xieraq, rekwiżiti sabiex jittejbu l-livelli
tal-effiċjenza enerġetika milħuqa minn installazzjonijiet ta’
din ix-xorta jew li l-użu ta’ tali tekniki fil-ġejjieni għandu
jkun kundizzjoni sabiex ikunu permessi installazzjonijiet ġodda u
għar-reviżjoni perjodika tal-permessi għall-installazzjonijiet
eżistenti. Il-Kummissjoni għandha wkoll timmonitorja
l-impatt tal-implimentazzjoni ta' din id-Direttiva fuq id-Direttiva 2003/87/KE,
id-Direttiva 2009/28/KE kif ukoll id-Direttiva 2010/31/KE 6. L-Istati Membri għandhom
iressqu quddiem il-Kummissjoni, qabel it-30 ta’ Novembru ta’ kull sena,
statistiċi dwar il-produzzjoni nazzjonali tal-elettriku u tas-sħana
minn koġenerazzjoni b’effiċjenza għolja u baxxa, skont il-metodoloġija
murija fl-Anness I, b’relazzjoni għall-kapaċitajiet totali
tas-sħana u tal-elettriku. Huma għandhom iressqu wkoll
statistiċi annwali dwar il-kapaċitajiet tal-koġenerazzjoni
tas-sħana u tal-elettriku u l-fjuwils għall-koġenerazzjoni, u
dwar il-produzzjoni u l-kapaċitajiet tat-tisħin u tat-tkessiħ
distrettwali, b’relazzjoni għall-kapaċitajiet totali tas-sħana u
tal-elettriku. L-Istati Membri għandhom iressqu statistiċi dwar
l-iffrankar tal-enerġija primarja miksub bl-applikazzjoni tal-koġenerazzjoni
skont il-metodoloġija murija fl-Anness II. 7. Sat-30 ta’
Ġunju 2014, il-Kummissjoni għandha tressaq il-valutazzjoni
msemmija fl-Artikolu 3(2) quddiem il-Parlament Ewropew u l-Kunsill,
segwita, jekk dan ikun xieraq, minn proposta leġiżlattiva li
tistabbilixxi miri nazzjonali obbligatorji. 8. Sat-30 ta’ Ġunju 2018,
il-Kummissjoni għandha tirrapporta lill-Parlament Ewropew u lill-Kunsill
dwar l-implimentazzjoni tal-Artikolu 6. Dak ir-rapport għandu jkun
segwit, jekk dan ikun xieraq, minn proposta leġiżlattiva għal
fini wieħed jew iktar minn dawn li ġejjin: a) sabiex tinbidel ir-rata tal-iffrankar
stabbilita fl-Artikolu 6(1); b) sabiex ikunu stabbiliti rekwiżiti
komuni addizzjonali, b’mod partikolari fir-rigward tal-kwistjoni msemmija
fl-Artikolu 6(5); 9. Sat-30 ta’
Ġunju 2018, il-Kummissjoni għandha tivvaluta l-progress li
għamlu l-Istati Membri sabiex ineħħu l-ostakli regolatorji u
mhux regolatorji msemmija fl-Artikolu 15(1); din il-valutazzjoni
għandha tkun segwita, jekk dan ikun xieraq, minn proposta leġiżlattiva. 10. Il-Kummissjoni għandha
tagħmel pubblikament disponibbli r-rapporti msemmija fil-paragrafi 1
u 2. Artikolu 20 Proċedura tal-Kumitat 1. Il-Kummissjoni għandha tkun
megħjuna minn Kumitat. 2. Meta ssir referenza għal dan
il-paragrafu, għandhom japplikaw l-Artikoli 3, 4 u 9 tar-Regolament 182/2011/KE,
wara li jitqiesu d-dispożizzjonijiet tal-Artikolu 11 tiegħu. Artikolu 21
Ir-revoka Id-Direttiva 2006/32/KE hija revokata
minn [id-data tal-limitu taż-żmien għat-trażpożizzjoni
ta' din id-Direttiva], minbarra l-Artikolu 4(1) sa (4) u l-Annessi I,
III u IV tagħha. L-Artikoli 4(1) sa (4) u l-Annessi I, III u IV
tad-Direttiva 2006/32/KE għandhom ikunu rrevokati b'effett
mill-1 ta' Jannar 2017. Id-Direttiva 2004/8/KE hija rrevokata
minn [id-data tal-limitu taż-żmien għat-traspożizzjoni ta’
din id-Direttiva], mingħajr preġudizzju għall-obbligi tal-Istati
Membri relatati mal-limitu ta’ żmien għat-traspożizzjoni
tagħha fil-liġi nazzjonali. L-Artikolu 9(1) u (2)
tad-Direttiva 2010/30/UE huwa rrevokat minn [id-data tal-limitu
taż-żmien għat-traspożizzjoni ta’ din id-Direttiva]. Ir-referenzi
għad-Direttiva 2006/32/KE u għad-Direttiva 2004/8/KE
għandhom jitqiesu bħala referenzi għal din id-Direttiva u
għandhom jinqraw skont it-tabella ta’ korrelazzjoni stabbilita
fl-Anness XV. Artikolu 22
It-traspożizzjoni 1. L-Istati Membri għandhom
idaħħlu fis-seħħ il-liġijiet, ir-regolamenti u
d-dispożizzjonijiet amministrattivi meħtieġa
għall-konformità ma’ din id-Direttiva sa mhux iktar tard minn [12–il xahar
mid-dħul fis-seħħ ta’ din id-Direttiva]. Huma għandhom
jikkomunikaw minnufih lill-Kummissjoni t-test ta’ dawk
id-dispożizzjonijiet u tabella ta’ korrelazzjoni bejn dawk
id-dispożizzjonijiet u din id-Direttiva. Meta l-Istati Membri jadottaw dawk
id-dispożizzjonijiet, dawn għandhom jinkludu referenza għal din
id-Direttiva jew ikunu akkumpanjati minn tali referenza meta jiġu
ppubblikati uffiċjalment. L-Istati Membri għandhom jiddeterminaw kif
għandha ssir tali referenza. 2. L-Istati Membri għandhom
jikkomunikaw lill-Kummissjoni t-test tad-dispożizzjonijiet ewlenin
tal-liġi nazzjonali li jadottaw fil-qasam kopert minn din id-Direttiva. Artikolu 23
Id-dħul fis-seħħ Din id-Direttiva għandha tidħol
fis-seħħ fl-għoxrin jum wara dak tal-pubblikazzjoni tagħha
f’Il-Ġurnal Uffiċjali tal-Unjoni Ewropea. Artikolu 24
Id-destinatarji Din id-Direttiva hija indirizzata lill-Istati
Membri. Magħmul fi Brussell, Għall-Parlament Ewropew Għall-Kunsill Il-President Il-President
ANNESS I
Il-prinċipji ġenerali għall-kalkolu tal-elettriku
mill-koġenerazzjoni PARTI I. Il-prinċipji ġenerali Il-valuri użati għall-kalkolu
tal-elettriku mill-koġenerazzjoni għandhom ikunu ddeterminati fuq
il-bażi tat-tħaddim tal-unità mistenni jew effettiv f’kundizzjonijiet
ta’ użu normali. Għall-unitajiet ta’ mikrokoġenerazzjoni,
il-kalkolu jista’ jkun ibbażat fuq valuri ċċertifkati. (a) Il-produzzjoni tal-elettriku
mill-koġenerazzjoni għandha tkun ikkunsidrata bħala ugwali
għall-produzzjoni annwali totali tal-elettriku tal-unità mkejla
fl-iżbokk tal-ġeneraturi ewlenin. (i) f’unitajiet ta’ koġenerazzjoni tat-tip
(b), (d), (e), (f), (g) u (h) imsemmijia fil-Parti II, b’effiċjenza
annwali totali ffissata mill-Istati Membri f’livell ta’ mill-inqas 75 %, u (ii) f’unitajiet ta’ koġenerazzjoni
tat-tip (a) u (c) imsemmija fil-Parti II b’effiċjenza annwali totali
ffissata mill-Istati Membri f’livell ta’ mill-inqas 80 %. (b) F’unitajiet ta’ koġenerazzjoni
b’effiċjenza annwali totali taħt il-valur msemmi
fil-paragrafu (a)(i) (unitajiet ta’ koġenerazzjoni tat-tip (b), (d),
(e), (f), (g), u (h) imsemmija fil-Parti II) jew b’effiċjenza annwali
totali taħt il-valur imsemmi fil-paragrafu (a)(ii) (unitajiet ta’
koġenerazzjoni tat-tip (a) u (c) imsemmija fil-Parti II)
il-koġenerazzjoni tiġi kkalkolata skont il-formula li ġejja: ECHP=HCHP*C fejn: ECHP hijaa l-ammont ta’ elettriku
mill-koġenerazzjoni C hija l-proporzjon tal-enerġija
għas-sħana HCHP hija l-ammont ta’sħana utli mill-koġenerazzjoni (ikkalkolat
għal dan il-għan bħala l-produzzjoni totali ta’ sħana
bit-tnaqqis ta’ kwalunkwe sħana prodotta f’boljers separati jew bl-estrazzjoni
ta’ fwar taħt pressjoni (live steam) mill-ġeneratur tal-fwar qabel
it-turbina). Il-kalkolu tal-elettriku mill-koġenerazzjoni
għandu jkun ibbażat fuq il-proporzjon effettiv tal-enerġija
għas-sħana. Jekk il-proporzjon effettiv tal-enerġija
għas-sħana tal-unità ta’ koġenerazzjoni mhuwiex magħruf,
jistgħu jintużaw il-valuri awtomatiċi li ġejjin, b’mod
partikolari għal finijiet statistiċi, għal unitajiet tat-tip
(a), (b), (c), (d) u (e) imsemmija fil-Parti II, bil-kundizzjoni li
l-elettriku mill-koġenerazzjoni kkalkolat ikun inqas jew ugwali
għall-produzzjoni totali tal-elettriku tal-unità: Tip ta’ unità || Proporzjon awtomatiku tal-enerġija għas-sħana, C Turbina tal-gass b’ċiklu kkombinat bl-irkupru tas-sħana || 0,95 Turbina ta’ kontropressjoni tal-fwar || 0,45 Turbina ta’ estrazzjoni bil-kondensazzjoni tal-fwar || 0,45 Turbina tal-gass bl-irkupru ta’ sħana || 0,55 Magna li taħdem bil-kombustjoni interna || 0,75 Jekk l-Istati Membri jintroduċu valuri
awtomatiċi għall-proporzjonijiet tal-enerġija
għas-sħana għall-unitajiet tat-tip (f), (g), (h), (i), (j) u (k)
imsemmija fil-Parti II, tali valuri awtomatiċi għandhom
jiġu ppubblikati u nnotifikati lill-Kummissjoni. (d) Jekk sehem mill-kontenut
tal-enerġija tal-input tal-fjuwil fil-proċess ta’ koġenerazzjoni
jiġi rkuprat f’kimiċi u rriċiklat, dan is-sehem jista’ jiġi
mnaqqas mill-input tal-fjuwil qabel ma tiġi kkalkolata l-effiċjenza
totali użata fil-paragrafi (a) u (b). (e) L-Istati Membri jistgħu
jiddeterminaw il-proporzjon tal-enerġija għas-sħana bħala
l-proporzjon bejn l-elettriku u s-sħana utli meta t-tħaddim isir
fil-modalità ta’ koġenerazzjoni b’kapaċità iktar baxxa fejn
tintuża d-dejta operattiva tal-unità speċifika. (f) L-Istati Membri jistgħu
jużaw perjodi ta’ rapportaġġ oħrajn minflok ta’ sena
għall-fini tal-kalkoli skont il-paragrafi (a) u (b). PARTI II It-Teknoloġiji ta'
koġenerazzjoni koperti minn din id-Diretttiva (a) Turbina tal-gass b’ċiklu
kkombinat bl-irkupru tas-sħana (b) Turbina ta’ kontropressjoni tal-fwar (c) Turbina ta’ estrazzjoni bil-kondensazzjoni
tal-fwar (d) Turbina tal-gass bl-irkupru ta’
sħana (e) Magna li taħdem bil-kombustjoni
interna (f) Mikroturbini (g) Magni Stirling (h) Ċelloli tal-fjuwil (i) Magni tal-fwar (j) Ċikli organiċi Rankine (k) Kwalunkwe tip ieħor ta’ teknoloġija
jew kombinazzjoni ta’ teknoloġiji li jaqa’ taħt id-definizzjoni
stabbilità fl-Artikolu 2(19). PART III Il-prinċipji dettaljati Meta jimplimentaw u japplikaw
il-prinċipji ġenerali għall-kalkolu tal-elettriku
mill-koġenerazzjoni, l-Istati Membri għandhom jużaw il-Linji
Gwida dettaljati stabbiliti bid-Deċiżjoni 2008/952/KE[38]. ANNESS II
Il-metodoloġija biex tkun iddeterminata l-effiċjenza tal-proċess
ta’ koġenerazzjoni Il-valuri użati għall-kalkolu
tal-effiċjenza tal-koġenerazzjoni u tal-iffrankar tal-enerġija
primarja għandhom jiġu ddeterminati fuq il-bażi tat-tħaddim
mistenni jew effettiv tal-unità f’kundizzjonijiet tal-użu normali. (a) Il-koġenerazzjoni
b’effiċjenza għolja Għall-finijiet ta’ din id-Direttiva,
il-koġenerazzjoni b’effiċjenza għolja għandha tissodisfa
l-kriterja li ġejjin: –
produzzjoni ta' koġenerazzjoni prodotta minn
unitajiet ta' koġenerazzjoni għandhom jipprovdu iffrankar ta'
enerġija primarja kkalkulat skont punt (b) ta' mill-inqas 10 % meta
mqabbla mar-referenzi għal produzzjoni separata tas-sħana u
l-elettriku , –
produzzjoni minn unitajiet ta' skala
żgħira u mikro koġenerazzjoni li jipprovdu frankar
tal-enerġija primarja, jistgħu jikkwalifikaw bħal
koġenerazzjoni ta' effiċjenza għolja. (b) Il-kalkolu tal-iffrankar
tal-enerġija primarja L-ammont ta’ ffrankar ta’ enerġija
primarja pprovdut minn produzzjoni ta’ koġenerazzjoni ddefinit skont
l-Anness I għandu jiġi kkalkolat fuq il-bażi tal-formula li
ġejja: Fejn: PES hija l-iffrankar tal-enerġija
primarja. CHP Hη hija l-effiċjenza
tas-sħana tal-produzzjoni ta’ koġenerazzjoni ddefinita bħala
l-output annwali ta’ sħana utli diviż bl-input ta’ fjuwil użat
sabiex tkun prodotta s-somma tal-output ta’ sħana utli u ta’ elettriku
mill-koġenerazzjoni. Ref Hη hija l-valur ta’ referenza
għall-effiċjenza għal produzzjoni separata tas-sħana. CHP Eη hija l-effiċjenza elettrika
tal-produzzjoni ta’ koġenerazzjoni ddefinita bħala l-elettriku
annwali mill-koġenerazzjoni diviż bl-input ta’ fjuwil użat
sabiex tkun prodotta s-somma tal-output ta’ sħana utli u ta’ elettriku
mill-koġenerazzjoni. Fejn unità ta’ koġenerazzjoni
tiġġenera enerġija mekkanika, l-elettriku annwali
mill-koġenerazzjoni jista’ jitkabbar b’element addizzjonali li
jirrappreżenta l-ammont ta’ elettriku li huwa ekwivalenti għal dak
tal-enerġija mekkanika. Dan l-element addizzjonali mhuwiex se joħloq
dritt għall-ħruġ ta’ garanziji tal-oriġini skont
l-Artikolu 10(10). Ref Eη hija l-valur ta’ referenza
għall-effiċjenza għal produzzjoni separata tal-elettriku. (c) Il-kalkoli tal-iffrankar
tal-enerġija permezz ta’ kalkolu alternattiv L-Istati Membri jistgħu jikkalkolaw
l-iffrankar tal-enerġija primarja minn produzzjoni ta’ sħana u ta’
elettriku u ta’ enerġija mekkanika, kif jingħad iktar ’l isfel,
mingħajr ma jużaw l-Anness I sabiex jeskludu l-partijiet
tas-sħana u tal-elettriku mhux mill-koġenerazzjoni tal-istess
proċess. Produzzjoni ta’ din ix-xorta tista’ tiġi kkunsidrata
bħala koġenerazzjoni b’effiċjenza għolja sakemm hija
tissodisfa l-kriterji tal-effiċjenza fil-punt (a) ta’ dan l-Anness u,
għall-unitajiet ta’ koġenerazzjoni b’kapaċità elettrika ta’
iktar minn 25 MW, l-effiċjenza totali tkun ta’ iktar minn 70 %.
Madankollu, l-ispeċifikazzjoni tal-kwantità ta’ elettriku
mill-koġenerazzjoni prodotta fi produzzjoni ta’ din ix-xorta,
għall-ħruġ ta’ garanzija tal-oriġini u għal finijiet
statistiċi, għandha tkun iddeterminata skont l-Anness I. Jekk l-iffrankar tal-enerġija primarja ta'
proċess jiġi kkalkolat permezz tal-kalkolu alternattiv, kif
ingħad iktar ’il fuq, l-iffrankar ta’ enerġija primarja għandu
jiġi kkalkolat permezz tal-formula fil-paragrafu (b) ta’ dan l-Anness
bis-sostituzzjoni ta’:“CHP Hη” bi “Hη” u“CHP Eη” bi “Eη”, fejn: Hη għandha tfisser l-effiċjenza
tas-sħana tal-proċess, iddefinita bħala l-output annwali ta’
sħana diviż bl-input tal-fjuwil użat sabiex tkun prodotta
s-somma tal-output ta’ sħana u tal-output ta’ elettriku. Eη għandha tfisser l-effiċjenza
tal-elettriku tal-proċess, iddefinita bħala l-output annwali
tal-elettriku diviż bl-input tal-fjuwil użat sabiex tkun prodotta
s-somma tal-output ta’ sħana u tal-output ta’ elettriku. Fejn unità ta’
koġenerazzjoni tiġġenera enerġija mekkanika, l-elettriku
annwali mill-koġenerazzjoni jista’ jitkabbar b’element addizzjonali li
jirrappreżenta l-ammont ta’ elettriku li huwa ekwivalenti għal dak
tal-enerġija mekkanika. Dan l-element addizzjonali mhuwiex se joħloq
dritt għall-ħruġ ta’ garanziji tal-oriġini skont
l-Artikolu 10(10). (d) L-Istati Membri jistgħu
jużaw perjodi ta’ rapportaġġ oħrajn minflok ta’ sena
għall-fini tal-kalkoli skont il-punti (b) u (c) ta’ dan l-Anness. (e) Għall-unitajiet ta’
mikrokoġenerazzjoni, il-kalkolu tal-iffrankar tal-enerġija primarja
jista’ jkun ibbażat fuq dejta ċċertifikata. (f) Il-valuri ta’ referenza
għall-effiċjenza għal produzzjoni separata ta’ sħana u ta’
elettriku Il-valuri armonizzati ta’ referenza
għall-effiċjenza għandhom jikkonsistu f’matriċi ta’ valuri
differenzjati skont fatturi rilevanti, inkluża s-sena tal-kostruzzjoni u
t-tipi ta’ fjuwil, u jridu jkunu bbażati fuq analiżi ddokumentata sew
li tikkunsidra, fost l-oħrajn, id-dejta mill-użu operattiv
f’kundizzjonijiet realistiċi, it-taħlita tal-fjuwils u
l-kundizzjonijiet klimatiċi kif ukoll it-teknoloġiji ta’
koġenerazzjoni applikati. Il-valuri ta’ referenza
għall-effiċjenza għal produzzjoni separata ta’ sħana u ta’
elettriku skont il-formula stabbilita fil-paragrafu (b) għandhom
jistabbilixxu l-effiċjenza operattiva tal-produzzjoni separata
tas-sħana u tal-elettriku li l-koġenerazzjoni hija intiża li
tissostitwixxi. Il-valuri ta’ referenza
għall-effiċjenza għandhom jiġu kkalkolati skont
il-prinċipji li ġejjin: 1. Għall-unitajiet ta’
koġenerazzjoni, kif ġew iddefiniti fl-Artikolu 2(24), il-paragun
ma’ produzzjoni separata tal-elettriku għandu jkun ibbażat fuq
il-prinċipju li jiġu pparagunati l-istess kategoriji ta’ fjuwils. 2. Kull unità ta’ koġenerazzjoni
għandha tiġi pparagunata mal-aħjar teknoloġija disponibbli
u ma’ teknoloġija ekonomikament ġustifikabbli għal produzzjoni
separata tas-sħana u tal-elettriku fis-suq fis-sena tal-kostruzzjoni
tal-unità ta’ koġenerazzjoni. 3. Il-valuri ta’ referenza
għall-effiċjenza għall-unitajiet ta’ koġenerazzjoni li
jkollhom iktar minn għaxar (10) snin għandhom jiġu stabbiliti
fuq il-bażi tal-valuri ta’ referenza ta’ unitajiet li jkollhom għaxar
(10) snin. 4. Il-valuri ta’ referenza
għall-effiċjenza għal produzzjoni separata tal-elettriku u
għal produzzjoni separata tas- sħana għandhom jirriflettu
d-differenzi klimatiċi bejn l-Istati Membri. ANNESS III
Rekwiżiti tal-effiċjenza enerġetika għax-xiri ta’ prodotti,
servizzi u bini minn korpi pubbliċi Il-korpi pubbliċi li jixtru prodotti,
servizzi jew bini għandhom: a) fejn prodott ikun kopert minn att
iddelegat li ġie adottat skont id-Direttiva 2010/30/UE jew id-Direttiva
tal-Kummissjoni li timplimenta d-Direttiva 92/75/KEE, jixtru biss prodotti li
jkunu konformi mal-kriterju li jkunu jappartjenu għall-ogħla klassi
ta’ effiċjenza enerġetika filwaqt li jqisu l-kosteffikaċja, il-fattibbiltà
ekonomika u adegwatezza teknika, kif ukoll kompetizzjoni suffiċjenti; b) fejn prodott li ma jkunx kopert
taħt il-punt a) ikun kopert b'miżura ta' implimentazzjoni skont id-Direttiva 2009/125/KE
adottata wara d-dħul fis-seħħ ta' din id-Direttiva, jixtru biss prodotti
li jikkonformaw mal-parametri tal-effikaċja enerġetika speċifikati
f'dik il-miżura ta' implimentazzjoni; c) jixtru prodotti ta’ tagħmir
tal-uffiċċji koperti mid-Deċiżjoni
tal-Kunsill [2006/1005/KE] [39] li jkunu konformi ma’
rekwiżiti ta’ effiċjenza enerġetika mhux inqas stretti minn dawk
elenkati fl-Anness C għall-Ftehim mehmuż ma’ dik
id-Deċiżjoni; d) jixtru biss tajers li jkunu konformi
mal-kriterju li jkollhom l-ogħla klassi tal-effiċjenza
enerġetika fl-użu tal-fjuwil, kif ġie ddefinit fir-Regolament
(KE) Nru 1222/2009[40].
Dan ir-rekwiżit ma għandux jipprevjeni lill-korpi pubbliċi milli
jixtru tajers bl-ogħla klassi tal-qbid fuq l-imxarrab jew tal-istorbju
estern tad-tidwir, fejn dan ikun iġġustifikat minn raġunijiet
ta’ sikurezza jew ta' saħħa pubblika; e) jeżiġu fis-sejħiet
għall-offerti għal kuntratti ta’ servizzi li l-fornituri tas-servizzi
jużaw, għall-għanijiet tal-forniment tas-servizzi involuti, biss
prodotti li jkunu konformi mar-rekwiżiti msemmija fil-punti (a)
sa (d), meta jipprovdu s-servizzi inkwistjoni; f) jixtru jew jikru biss bini li jkun
konformi mill-inqas mar-rekwiżiti minimi tal-prestazzjoni
tal-enerġija msemmija fl-Artikolu 4(1). Il-konformità ma’ dawn
ir-rekwiżiti għandha tkun ivverifikata permezz
taċ-ċertifikat tal-prestazzjoni tal-enerġija msemmi
fl-Artikolu 11 tad-Direttiva 2010/31/UE. ANNESS IV
Il-kontenut tal-enerġija ta’ fjuwils magħżula
għall-użu aħħari – tabella ta’ konverżjoni[41] Prodott tal-enerġija || kJ (NCV) || kgoe (NCV) || kWh (NCV) 1 kg kokk || 28500 || 0,676 || 7,917 1 kg faħam iebes || 17200 — 30700 || 0,411 — 0,733 || 4,778 — 8,528 1 kg maltunelli ta’ faħam kannella || 20000 || 0,478 || 5,556 1 kg linjite iswed || 10500 — 21000 || 0,251 — 0,502 || 2,917 — 5,833 1 kg faħam kannella || 5600 — 10500 || 0,134 — 0,251 || 1,556 — 2,917 1 kg shale taż-żejt || 8000 — 9000 || 0,191 — 0,215 || 2,222 — 2,500 1 kg pit || 7800 — 13800 || 0,186 — 0,330 || 2,167 — 3,833 1 kg maltunelli tal-pit || 16000 — 16800 || 0,382 — 0,401 || 4,444 — 4,667 1 kg żejt tal-karburant residwu (żejt tqil) || 40000 || 0,955 || 11,111 1 kg żejt tal-karburant ħafif || 42300 || 1,010 || 11,750 1 kg spirtu tal-magni (petrol) || 44000 || 1,051 || 12,222 1 kg paraffin || 40000 || 0,955 || 11,111 1 kg gass taż-żejt mhux raffinat likwifikat || 46000 || 1,099 || 12,778 1 kg gass naturali[1] || 47200 || 1,126 || 13,10 1 kg gass naturali likwifikat || 45190 || 1,079 || 12,553 1 kg injam (umdità ta’ 25 %) [2] || 13800 || 0,330 || 3,833 1 kg gerbub/briks tal-injam || 16800 || 0,401 || 4,667 1 kg skart || 7400 — 10700 || 0,177 — 0,256 || 2,056 — 2,972 1 MJ sħana derivata || 1000 || 0,024 || 0,278 1 kWh enerġija elettrika || 3600 || 0,086 || 1 [3] Sors: Eurostat. [1] 93 %
ta’ metan. [2] L-Istati
Membri jistgħu japplikaw valuri oħrajn skont it-tip ta’ njam li
jintuża l-iktar fl-Istat Membru rispettiv. [3] Applikabbli
meta l-iffrankar tal-enerġija jiġi kkalkolat f’termini ta’
enerġija primarja fejn jintuża approċċ minn isfel għal
fuq ibbażat fuq il-konsum tal-enerġija finali. Għall-iffrankar
f’kWh tal- elettriku, l-Istati Membri jistgħu japplikaw koeffiċjent
awtomatiku ta’ 2.5. L-Istati Membri jistgħu japplikaw koeffiċjent
differenti bil-kundizzjoni li jkunu jistgħu jiġġustifikawh. ANNESS V
L-iskemi tal-obbligi tal-effiċjenza enerġetika 1. Il-miżuri
li jkollhom fil-mira tagħhom iffrankar tul perjodu qasir ta’ żmien Il-miżuri
li ġejjin għandhom jiġu kkunsidrati bħala li għandhom
fil-mira tagħhom iffrankar tul perjodu qasir ta’ żmien: a) id-distribuzzjoni jew l-installazzjoni ta’
bozoz tad-dawl fluworexxenti u kompatti li jkunu effiċjenti fl-użu
tal-enerġija; b) id-distribuzzjoni jew l-installazzjoni ta’
shower heads effiċjenti fl-użu tal-enerġija; c) l-awditi tal-enerġija; d) il-kampanji ta’ informazzjoni. 2. Il-kalkolu tal-iffrankar
tal-enerġija Il-kalkolu tal-iffrankar tal-enerġija fi
skemi nazzjonali ta’ obbligi ta’ effiċjenza fl-użu tal-enerġija
għandu jikkunsidra t-tul ta’ ħajja tal-miżuri. Fejn ma huwa
stabbilit l-ebda valur nazzjonali għat-tuljiet ta’ ħajja, għandhom
japplikaw il-valuri awtomatiċi fil-punt 4. Il-partijiet obbligati jistgħu jużaw
metodu wieħed jew iktar minn dawn li ġejjin biex jikkalkolaw
l-iffrankar tal-enerġija għall-finijiet tal-Artikolu 6(2): a) l-istimi tal-inġinerija; b) il-kejl bil-miters; c) il-valuri u t-tulijiet ta’
ħajja standard li l-Istati Membri jkunu adottaw fuq bażi ċara u
soda. Tali valuri għandhom jiġu nnotifikati lill-Kummissjoni.
Il-Kummissjoni tista’ titlob li tali valuri jiġu mmodifikati, fejn ikun
probabbli li dawn iwasslu għal distorsjoni tal-kompetizzjoni jew fejn juru
inqas ambizzjoni mill-valuri u mit-tulijiet ta’ ħajja awtomatiċi
fil-punti 3 u 4. d) il-valuri u t-tulijiet ta’
ħajja awtomatiċi fil-punti 3 u 4 fejn ma ġie stabbilit
l-ebda valur u l-ebda tul ta’ ħajja standard nazzjonali; 3. Il-valuri awtomatiċi Ewropej
skont it-tip ta’ tagħmir 3.1. Appliances tad-dar a. DISTINZJONI BEJN FRIŻERS U
FRIĠĠ-FRIŻERS || Friġġ-friżers || Friżers *Iffrankar stmat tal-Klassi A+ (kWh/sena) || 64 || 62 **Iffrankar stmat tal-Klassi A+ (kWh/sena) || 76 || 73 Iffrankar stmat tal-Klassi A++ (kWh/sena) || 129 || 123 Iffrankar stmat tal-Klassi A+++ (kWh/sena) || 193 || 185 b. L-EBDA DISTINZJONI BEJN FRIŻERS U
FRIĠĠ-FRIŻERS || Friġġ-friżers u friżers || *Iffrankar stmat tal-Klassi A+ (kWh/sena) || 64 || **Iffrankar stmat tal-Klassi A+ (kWh/sena) || 75 || Iffrankar stmat tal-Klassi A++ (kWh/sena) || 128 || Iffrankar stmat tal-Klassi A+++ (kWh/sena) || 191 || c. MAGNI TAL-ĦASIL TAL-ĦWEJJEĠ
DOMESTIĊI *Sat-30 ta’ Novembru 2013 || Iffrankar stmat tal-Klassi A+ (kWh/sena) || 26 Iffrankar stmat tal-Klassi A++ (kWh/sena) || 46 Iffrankar stmat tal-Klassi A+++ (kWh/sena) || 63 *Mill-1 ta’ Diċembru 2013 || Iffrankar stmat tal-Klassi A++ (kWh/sena) || 20 || Iffrankar stmat tal-Klassi A+++ (kWh/sena) || 37 || *Mill-1 ta’ Diċembru 2013
għall-magni tal-ħasil tal-ħwejjeġ domestiċi
b’kapaċità ekwivalenti għal jew ikbar minn 4 kg, l-Indiċi
tal-Effiċjenza Enerġetika (EEI) għandu jkun ta’ inqas
minn 59 (Ara l-Anness I għar-Regolament tal-Kummissjoni (UE)
Nru 1015/2010). d. DISHWASHERS DOMESTIĊI Sat-30 ta’ Novembru 2013** || Iffrankar stmat tal-Klassi A+ (kWh/sena) || 37 Iffrankar stmat tal-Klassi A++ (kWh/sena) || 69 Iffrankar stmat tal-Klassi A+++ (kWh/sena) || 97 **Mill-1 ta’ Diċembru 2013 || Iffrankar stmat tal-Klassi A++ (kWh/sena) || 32 || Iffrankar stmat tal-Klassi A+++ (kWh/sena) || 60 || **Mill-1 ta’ Diċembru 2013
Għad-dishwashers domestiċi b’kapaċità ekwivalenti għal jew
ikbar minn 11-il sett individwali u għad-dishwashers domestiċi
b’kapaċità ekwivalenti għal 10 settijiet individwali u wisgħa
ikbar minn 45 cm, l-Indiċi tal-Effiċjenza Enerġetika (EEI)
għandu jkun ta’ inqas minn 63 (ara l-Anness I
għar-REGOLAMENT TAL-KUMMISSJONI (UE) Nru 1016/2010) 3.2. Id-dwal residenzjali Iffrankar tal-enerġija unitarju GLS[42] sa CFL 16 kWh/sena Iffrankar tal-enerġija unitarju GLS[43] sa LED 17 kWh/sena 4. It-tulijiet ta’ ħajja
awtomatiċi Miżura għal titjib tal-effiċjenza enerġetika permezz tas-sostituzzjoni ta’ komponent || Tul ta’ ħajja awtomatiku fi snin || Bojler – li jikkondensja || 20 || Bojler – evakwazzjoni diretta || 20 || Berners, żejt u gass || 10 || Tagħmir ta’ kontroll || 15-20 || Sistema ta’ kontroll – ċentrali || 15-25 || Sistema ta’ kontroll – kontroll tal-kamra || 15-25 || Kontroll tat-tisħin: Valvoli ta’ kontroll, awtomatiċi || 10 || Miters || 10 || ANNESS VI
Ir-rekwiżiti minimi għall-kejl bil-miters tal-konsum individwali
tal-enerġija u l-frekwenza ta’ kontijiet ibbażati fuq il-konsum
effettiv 1. Ir-rekwiżiti minimi
għall-kejl bil-miters tal-konsum individwali tal-enerġija 1.1. Il-miters individwali Meta jiġi installat miter individwali,
l-Istati Membri għandhom jiżguraw li dan ikun konness ma’
interfaċċja li tipprovdi komunikazzjoni sigura lill-klijent
aħħari, biex b’hekk il-miter ikun jista’ jesporta dejta
metroloġika privata lill-klijent aħħari jew lil parti terza
magħżula mill-klijent aħħari. L-interfaċċja għandha tipprovdi
informazzjoni privata biex b’hekk il-klijenti finali jkun jista’ jkollhom
kontroll aħjar tal-konsum tal-enerġija tagħhom u jkunu
jistgħu jużaw l-informazzjoni għal iktar analiżi
potenzjali. Tali informazzjoni għandha tindika mill-inqas ir-rata kurrenti
tal-konsum (eż. kWh, kJ, m3) u l-ispejjeż relatati u jkunu
kkomunikati f'format li jippromwovi azzjoni mill-konsumaturi
għall-effiċjenza fl-enerġija. L-Awtorità Regolatorja Nazzjonali għandha
tiżgura ruħha li l-interfaċċja tipprovdi wkoll dejta
pubblika li tippermetti li l-klijent aħħari jikkonsulta u juża
t-tariffi applikabbli skont il-ħin tal-użu bi pprezz f'ħin reali
(real-time pricing), ipprezzar tal-ħin tal-iktar użu (peak time
pricing) u rifużjonijiet tal-ħin tal-iktar użu (peak time rebates). Id-dejta privata esportata permezz tal-interfaċċja
għandha toffri lill-klijent aħħari l-possibiltà li jikkonsulta
l-livelli ta’ konsum storiċi tiegħu/tagħha (fil-valuta lokali u
f’kWh, f’kJ jew f’m3): a) fl-aħħar sebat ijiem, jum
b’jum; b) fl-aħħar ġimgħa
sħiħa; c) fl-aħħar xahar
sħiħ; d) fl-istess xahar sħiħ,
is-sena preċedenti; e) fl-aħħar sena
sħiħa. Il-perjodi storiċi għandhom jaqblu
mal-perjodi tal-kontijiet biex ikun hemm konsistenza mal-kontijiet
domestiċi. L-informazzjoni komplementari dwar il-konsum
storiku (kwalunkwe jum, ġimgħa, xahar, sena mill-bidu tal-kejl
bil-miters intelliġenti) u informazzjoni utli oħra li tippermetti
awtokontrolli iktar dettaljati min-naħa tal-konsumatur (eż.
evoluzzjonijiet grafiċi tal-konsum individwali; informazzjoni dwar
parametri ta' referenza, konsum/iffrankar/infiq kumulattiv mill-bidu ta’ kull
kuntratt, proporzjon tal-konsum individwali minn sorsi rinnovabbli ta’
enerġija u ffrankar relatat ta’ CO2 eċċ.) għandha tkun
faċilment aċċessibbli jew direttament permezz tal-interfaċċja
jew permezz tal-internet. 1.2. L-allokaturi tal-ispiża
għas-sħana L-allokaturi tal-ispiża
għas-sħana għandhom ikunu mgħammra b’displejs leġibbli
b’mod ċar li jippermettu li l-klijent aħħari jikkonsulta r-rata
kurrenti tal-konsum kif ukoll il-livelli storiċi tal-konsum. Il-perjodi
storiċi murija mill-allokatur tal-ispiża għas-sħana
għandhom jaqblu mal-perjodi tal-kontijiet. 2. Ir-rekwiżiti minimi
għall-kontijiet 2.1 Il-frekwenza tal-kontijiet
ibbażati fuq il-konsum effettiv Sabiex il-klijenti aħħarin ikunu
jistgħu jirregolaw il-konsum tal-enerġija tagħhom stess,
il-kontijiet ibbażati fuq il-konsum effettiv għandhom isiru
bil-frekwenza li ġejja: a) Kull xahar
għall-konsum tal-elettriku. b) Mill-inqas
kull xahrejn għall-konsum tal-gass naturali. Fejn il-gass jintuża
għat-tisħin individwali, il-kontijiet għandhom jiġu
pprovduti kull xahar. c) B’tisħin
u bi tkessiħ ċentralizzat, il-kontijiet għandhom ikunu pprovduti
kull xahar waqt l-istaġun tat-tisħin/tkessiħ. d) Mill-inqas kull xahrejn
għall-kontijiet tal-ilma sħun. Il-kontijiet ibbażati fuq il-kejl
tal-konsum tas-sħana billi jintużaw l-allokaturi tal-ispiża
għas-sħana, għandhom ikunu akkumpanjati minn spjegazzjonijiet
tan-numri disponibbli permezz tad-displejs tal-allokaturi tal-ispiża
għas-sħana, fejn ikunu kkunsidrati l-karatteristiċi standard
tal-allokaturi tal-ispiża għas-sħana (EN 834) [44]. 2.2. L-informazzjoni minima
inkluża fil-kont L-Istati Membri għandhom jiżguraw li
l-informazzjon li ġejja tkun disponibbli għall-klijenti
aħħarin f’termini ċari u li jinftiehmu fil-kontijiet, fil-kuntratti,
fit-tranżazzjonijiet u fl-irċevuti fl-istazzjonijiet ta’
distribuzzjoni jew mehmuża magħhom: (a) il-prezzijiet
effettivi kurrenti u l-konsum effettiv tal-enerġija; (b) il-paraguni
tal-konsum kurrenti tal-enerġija tal-klijent aħħari mal-konsum
għall-istess perjodu fis-sena preċedenti, preferibbilment f’forma
grafika; (c) il-paraguni
ma’ klijent aħħari medju normalizzat jew skont parametri ta'
referenza fl-istess kategorija ta’ utenti; (d) l-informazzjoni ta’ kuntatt
għall-organizzazzjonijiet tal-klijenti aħħarin,
għall-aġenziji tal-enerġija jew għal korpi simili,
inklużi l-indirizzi tal-websajts minn fejn tista’ tinkiseb informazzjoni
dwar il-miżuri disponibbli għal titjib tal-effiċjenza
enerġetika, il-profili komparattivi tal-utenti aħħarin u
l-ispeċifikazzjonijiet tekniċi oġġettivi għal
tagħmir li juża l-enerġija. 2.3 Il-pariri dwar l-effiċjenza
enerġetika mehmuża mal-kontijiet u rispons ieħor
għall-klijenti aħħarin Meta jibagħtu kuntratti u bidliet
fil-kuntratti, u fil-kontijiet li jirċievu l-klijenti jew permezz ta’
websajts li jindirizzaw lil klijenti individwali, id-distributuri
tal-enerġija, l-operaturi tas-sistema ta’ distribuzzjoni u l-kumpaniji
tal-bejgħ tal-enerġija fil-livell tal-konsumatur, għandhom
jinformaw lill-klijenti tagħhom b’mod ċar u li jinftiehem
bl-informazzjoni ta’ kuntatt għal ċentri ta’ pariri indipendenti
għall-konsumaturi, aġenziji tal-enerġija jew istituzzjonijiet
simili, inklużi l-indirizzi fuq l-internet tagħhom, fejn jistgħu
jiksbu pariri dwar il-miżuri disponibbli tal-effiċjenza
enerġetika, il-profili tal-parametri ta' referenza għall-konsum
tal-enerġija tagħhom u l-ispeċifikazzjonijiet tekniċi
tat-tagħmir li juża l-enerġija li jistgħu jservu sabiex
inaqqsu l-konsum ta’ dan it-tagħmir.
ANNESS VII
L-ippjanar għal effiċjenza fit-tisħin u fit-tkessiħ 1. Il-pjanijiet nazzjonali
għat-tisħin u għat-tkessiħ imsemmija fl-Artikolu 10(1)
għandhom jinkludu: (a) deskrizzjoni tad-domanda
għat-tisħin u għat-tkessiħ; (b) tbassir ta’ kif din id-domanda se
tinbidel fl-għaxar (10) snin li ġejjin, fejn tkun ikkunsidrata b’mod
partikolari l-evoluzzjoni tad-domanda fil-bini u s-setturi differenti
tal-industrija; (c) mappa tat-territorju nazzjonali, li
tidentifika: (i) il-punti tad-domanda
għat-tisħin u għat-tkessiħ, inklużi: –
- il-muniċipalitajiet u l-konurbazzjonijiet bi
proporzjon ta’ art ta’ mill-inqas 0.3; u –
- iż-żoni industrijali b’konsum totali
annwali ta’ tisħin u ta’ tkessiħ ta’ iktar minn 20 GWh; (ii) l-infrastruttura eżistenti u
ppjanata għat-tisħin u għat-tkessiħ distrettwali; (iii) il-punti ta’ provvista potenzjali
tat-tisħin u tat-tkessiħ, inklużi: –
- l-installazzjonijiet ta’ ġenerazzjoni
tal-elettriku bi produzzjoni totali annwali tal-elettriku ta’ iktar minn
20 GWh; u –
- l-impjanti ta’ inċinerazzjoni tal-iskart; –
l-installazzjonijiet ta’ koġenerazzjoni
eżistenti u ppjanati, ikklassifikati skont l-Anness VII, u
l-installazzjonijiet tat-tisħin distrettwali. (d) l-identifikazzjoni tad-domanda
għat-tisħin u għat-tkessiħ li tista’ tiġi sodisfatta
b’koġenerazzjoni b’effiċjenza għolja, inkluża
l-mikrokoġenerazzjoni residenzjali, u bit-tisħin u t-tkessiħ
distrettwali; (e) l-identifikazzjoni tal-potenzjal
għal koġenerazzjoni addizzjonali b’effiċjenza għolja,
inkluż mir-rinnovazzjoni tal-installazzjonijiet ta’ ġenerazzjoni u
industrijali eżistenti jew faċilitajiet oħrajn li
jiġġeneraw sħana mormija u mill-konstruzzjoni ta’
installazzjonijiet ta’ ġenerazzjoni u industrijali ġodda jew ta’
faċilitajiet oħrajn li jiġġeneraw sħana mormija; (f) il-miżuri li għandhom
jiġu adottati sal-2020 u sal-2030 sabiex jitwettaq il-potenzjal f’(e)
ħalli tiġi sodisfatta d-domanda f’(d), inklużi: (i) il-miżuri sabiex
jiżdied is-sehem tal-koġenerazzjoni fil-produzzjoni tat-tisħin u
tat-tkessiħ u fil-produzzjoni tal-elettriku; u (ii) il-miżuri sabiex
tkun żviluppata infrastruttura effiċjenti għat-tisħin u
għat-tkessiħ distrettwali sabiex ikun akkomodat l-iżvilupp ta’
koġenerazzjoni b’effiċjenza għolja u l-użu ta’ tisħin
u ta’ tkessiħ minn sħana mormija u minn sorsi rinnovabbli
tal-enerġija; (g) is-sehem tal-koġenerazzjoni
b’effiċjenza għolja u l-potenzjal stabbilit u l-progress imwettaq
skont id-Direttiva 2004/8/KE. (h) stima tal-enerġija primarja li
għandha tiġi ffrankata; (i) stima tal-miżuri ta’
appoġġ pubbliku għat-tisħin u għat-tkessiħ, jekk
ikun hemm, bil-baġit annwali u bl-identifikazzjoni tal-element potenzjali
ta’ għajnuna. Dan ma jippreġudikax notifika separata tal-iskemi ta’
appoġġ pubbliku għal valutazzjoni ta’ għajnuna mill-Istat. 2. Sa fejn ikun xieraq, il-pjan jista’
jkun magħmul minn għadd ta’ pjanijiet reġjonali jew lokali. 3. Il-pjanijiet għall-ispazju
urban għandhom ikunu mfassla sabiex jiżguraw li: a) l-installazzjonijiet il-ġodda ta’
ġenerazzjoni tal-elettriku termali u l-impjanti industrijali li
jipproduċu sħana mormija jkunu jinsabu f’siti fejn se jiġi
rkuprat ammont massimu tas-sħana mormija disponibbli sabiex tkun
sodisfatta d-domanda eżistenti jew imbassra għas-sħana u
għat-tkessiħ; b) iż-żoni residenzjali
l-ġodda jew l-impjanti industrijali l-ġodda li jikkonsmaw
is-sħana fil-proċessi ta’ produzzjoni tagħhom jkunu jinsabu
f’siti fejn ammont massimu mid-domanda għas-sħana tagħhom se
jiġi sodisfatt mis-sħana mormija disponibbli, kif ġie
identifikat fil-pjanijiet nazzjonali għat-tisħin u għat-tkessiħ.
Sabiex ikun żgurat l-aħjar bilanċ bejn id-domanda u l-provvista
għas-sħana u għat-tkessiħ, il-pjanijiet għall-ispazju
għandhom jiffavorixxu l-ġbir fi gruppi ta’ għadd ta’ impjanti
industrijali fl-istess post; c) l-installazzjonijiet ta’
ġenerazzjoni tal-elettriku termali, l-impjanti industrijali li jipproduċu
sħana mormija, l-impjanti ta’ inċinerazzjoni tal-iskart u impjanti
oħrajn ta’ skart għall-enerġija, ikunu konnessi man-netwerk
lokali ta’ tisħin jew ta’ tkessiħ distrettwali; d) iż-żoni residenzjali u
l-impjanti industrijali li jikkonsmaw is-sħana fil-proċessi ta’
produzzjoni tagħhom ikunu konnessi man-netwerk lokali ta’ tisħin jew
ta’ tkessiħ distrettwali. ANNESS VIII
Linjigwida għal-lokalizzazzjoni tas-siti tal-installazzjonijiet
tal-elettriku termali u installazzjonijiet industrijali 1. Il-lokalizzazzjoni tal-installazzjonijiet
ta’ ġenerazzjoni tal-elettriku termali kif imsemmi fl-Artikolu 10(3)
u (6) Fejn jeżisti punt ta’ domanda
għas-sħana tal-kapaċità mogħtija fil-kolonna B jew
ikun hemm punt ta’ domanda għas-sħana potenzjali, l-impjant tal-enerġija
jrid ikun jinsab f’inqas mid-distanza korrispondenti fil-kolonna A. Punt
ta’ domanda għas-sħana potenzjali huwa ddefinit bħala punt fejn
jista’ jintwera li jista’ raġonevolment jinħoloq wieħed,
pereżempju billi jinbena netwerk ta’ tisħin distrettwali.
Pereżempju, permezz ta’ tekniki standard ta’ stima, jekk jista’ jintwera
li teżisti tagħbija ta’ sħana aggregata ta’ iktar minn
15 MW / km2, dan jiġi kkunsidrat li huwa punt ta’ domanda
għas-sħana. Is-somma totali ta’ tagħbiji li jistgħu
jiġu konnessi f’kilometri kwadri għandha tiġi kkunsidrata
bħala li hija l-kapaċità ta’ domanda ta’ punti ta’ domanda
għas-sħana ta’ din ix-xorta. Id-distanza A hija rotta
għall-katusi, mhux linja dritta, li matulha l-esperti fl-inġinerija,
permezz ta’ tekniki standard ta’ stima bħall-istħarriġ
tal-kwantitajiet, jikkunsidraw li huwa fattibbli li tinbena katusa li
ġġorr l-ilma tad-daqs korrispondenti bi spiża moderata. Dan
jeskludi ostakli bħal ktajjen ta’ muntanji, ċentri tal-ibliet, qsim
diffiċli min-naħa għall-oħra ta’ xmajjar jew ta’
ibħra, eċċ. A || B || C Distanza massima bejn l-installazzjoni tal-elettriku proposta u l-punt ta’ domanda għas-sħana || Kapaċità elettrika tal-impjant tal-enerġija || Konsum annwali stmat tal-punt ta’ domanda għas-sħana < 100 km || > 1999* MWe || > 7500 TJ/sena < 65 km || >500 || > 1875 TJ/sena < 15 km || > 20 MW || > 50 TJ/sena * L-impjant
il-ġdid se jopera tipikament b'fattur ta' tagħbija ta' 90 %.
2.
Il-lokalizzazzjoni tas-sorsi tas-sħana tal-iskart industrijali msemmija
fl-Artikolu 10(8). A || B || C Distanza massima bejn l-installazzjonijiet industrijali proposti u l-punt ta’ domanda għas-sħana || Kapaċità || Konsum annwali stmat tal-punt ta’ domanda għas-sħana < 75 km || > 75 MW (b’tagħbija ta’ 60-70 %) || > 1600 TJ/sena < 60 km || > 50 MW b'fattur ta' tagħbija ta' 60 % || > 1000 TJ/sena < 25 km || > 50 MW (fattur ta’ tagħbija > 85 %) || > 400 TJ/sena < 15 km || > 20 MW || > 100 TJ/sena ANNESS IX
Il-garanzija tal-oriġini għall-elettriku prodott minn
koġenerazzjoni b’effiċjenza għolja a) L-Istati Membri għandhom
jieħdu miżuri sabiex jiżguraw li: i) il-garanzija tal-oriġini
tal-elettriku prodott minn koġenerazzjoni b’effiċjenza għolja: –
tippermetti lill-produtturi biex juru li
l-elettriku li jbigħu jkun prodott minn koġenerazzjoni
b’effiċjenza għolja u jinħareġ għal dan il-għan
b’reazzjoni għal talba mingħand il-produttur; –
hija preċiża, affidabbli u
reżistenti għall-frodi; –
tinħareġ, tiġi ttrasferita u
tiġi kkanċellata elettronikament; ii) l-istess unità tal-enerġija
mill-koġenerazzjoni b’effiċjenza għolja tkun ikkunsidrata darba
waħda biss. b) Il-garanzija tal-oriġini
msemmija fl-Artikolu 10(7) għandha tinkludi mill-inqas
l-informazzjoni li ġejja: –
l-identità, il-post, it-tip u l-kapaċità
(termali u elettrika) tal-installazzjoni fejn kienet prodotta l-enerġija; –
id-dati u l-postijiet ta’ produzzjoni; –
il-valur kalorifiku iktar baxx tas-sors tal-fjuwil
li minnu kien prodott l-elettriku; –
il-kwantità u l-użu tas-sħana
ġġenerata flimkien mal-elettriku; –
il-kwantità tal-elettriku minn koġenerazzjoni
b’effiċjenza għolja skont l-Anness II li tirrappreżenta
l-garanzija; –
l-iffrankar tal-enerġija primarja kkalkolat
skont l-Anness II fuq il-bażi tal-valuri armonizzati ta’ referenza
għall-effiċjenza inidikati fil-paragrafu (f) tal-Anness II; –
l-effiċjenza elettrika u termali nominali
tal-impjant; –
jekk u sa liema punt l-installazzjoni bbenefikat
minn appoġġ għall-investiment; –
jekk u sa liema punt l-unità tal-enerġija
bbenefikat b’xi kwalunkwe mod ieħor minn skema ta’ appoġġ
nazzjonali, u t-tip ta’ skema ta’ appoġġ; –
id-data li fiha l-impjant sar operattiv; u –
id-data u l-pajjiż li joħroġ
il-garanzija u numru ta’ identifikazzjoni uniku. Il-garanzija tal-oriġni għandha tkun
ta' qies standard ta' 1 MWh. Għandha tkun marbuta mal-output nett ta'
elettriku mkejjel fil-parametru tal-istazzjoni u esportat fil-grilja ANNESS X
Inventarju tad-dejta dwar l-effiċjenza enerġetika tal-istallazzjonijiet
tat-trasformazzjoni tal-enerġija L-inventarji msemmija fl-Artikolu 11
għandhom jinkludu: a) lista mhux nominattiva
tal-installazzjonijiet ta’ ġenerazzjoni tal-elettriku biss b’input termali
kklassifikat ta’ 50 MW jew iktar, fejn għal kull waħda jiġu
indikati: –
l-output tal-elettriku annwali medju
tal-istallazzjoni (MWe) u
l-input termali kklassifikat totali (MWth); –
medja annwali tal-fjuwil primarju u
tat-taħlita tal-fjuwils (jekk ikun applikabbli); –
it-tip ta’ impjant u t-teknoloġija użata
fl-installazzjoni; –
l-effiċjenza tad-disinn u l-kundizzjonijiet
tiegħu; –
id-data meta l-installazzjoni bdiet taħdem; –
id-data tal-aħħar rinnovazzjoni
sostanzjali; –
l-għadd ta’ siegħat operattivi annwali
medji; –
l-effiċjenza operattiva netta annwali medja. b) lista mhux nominattiva
tal-installazzjonijiet ta’ ġenerazzjoni tas-sħana biss b’input
termali kklassifikat ta’ 50 MW jew iktar, fejn għal kull waħda
jiġu indikati: –
l-output termali annwali medju tal-istallazzjoni u
l-input termali kklassifikat totali (MWth); –
medja annwali tal-fjuwil primarju u
tat-taħlita tal-fjuwils (jekk ikun applikabbli); –
it-tip ta’ impjant u t-teknoloġija użata
fl-installazzjoni; –
l-effiċjenza tad-disinn u l-kundizzjonijiet
tiegħu; –
il-konfigurazzjoni tat-tagħbija
tas-sħana; –
id-data meta l-installazzjoni bdiet taħdem; –
id-data tal-aħħar rinnovazzjoni
sostanzjali; –
l-għadd ta’ siegħat operattivi annwali
medji; –
l-effiċjenza operattiva netta annwali medja; c) lista mhux nominattiva
tal-installazzjonijiet ta’ koġenerazzjoni b’input termali kklassifikat ta’
50 MW jew iktar, fejn għal kull waħda jiġu indikati: –
l-output tal-elettriku u termali annwali medju
tal-installazzjonijiet (MWe u MWth) u l-input termali kklassifikat totali (MWth); –
Il-medja annwali tal-fjuwil primarju u
t-taħlita tal-fjuwils skont id-Deċiżjoni 2007/74/KE li
tistabbilixxi l-valuri armonizzati ta' referenza, jekk ikun applikabbli; –
it-tip ta’ impjant u t-teknoloġija użata
fl-installazzjoni skont l-Anness VII; –
l-effiċjenza tad-disinn u l-kundizzjonijiet
tiegħu; –
l-effiċjenzi ppjanati tal-elettriku biss u
tas-sħana biss; –
il-proporzjon medju annwali tal-enerġija mas-sħana; –
id-data meta l-installazzjoni bdiet taħdem; –
id-data tal-aħħar rinnovazzjoni
sostanzjali; –
l-għadd ta’ sigħat operattivi annwali
medji; –
l-effiċjenza operattiva netta annwali medja. d) lista mhux nominattiva ta’
installazzjonijiet li jwettqu r-raffinar taż-żejt minerali u tal-gass,
fejn għal kull waħda jiġu indikati: –
l-input tal-enerġija annwali medju
tal-installazzjoni (MWth); –
il-medja annwali tal-output tal-enerġija
tal-installazzjoni (il-kontenut tal-enerġija tat-taħlita tal-fjuwil, MWth); –
il-feedstock annwali medja; –
it-tip ta’ impjant u t-teknoloġija użata
fl-installazzjoni; –
l-effiċjenza tad-disinn (teoretika); –
id-data meta l-installazzjoni bdiet taħdem; –
id-data tal-aħħar rinnovazzjoni
sostanzjali; –
l-għadd ta’ siegħat operattivi annwali
medji; –
l-effiċjenza operattiva netta annwali medja. ANNESS XI
Il-kriterji tal-effiċjenza enerġetika għar-regolamentazzjoni
tan-netwerk tal-enerġija u għat-tariffi tan-netwerk iffissati jew
approvati mill-awtoritajiet regolatorji tal-enerġija 1. It-tariffi tan-netwerk għandhom
jirriflettu b’mod preċiż l-iffrankar tal-elettriku u
tal-ispejjeż fin-netwerks li nkiseb mil-lat tad-domanda u l-miżuri
ta’ reazzjoni għad-domanda u l-ġenerazzjoni distribwita, inkluż
l-iffrankar mit-tnaqqis tal-ispiża tat-twassil jew tal-investiment
fin-netwerks u tħaddim iktar ottimali tan-netwerk. 2. Ir-regolamentazzjoni u t-tariffi tan-netwerk
għandhom jippermettu li l-operaturi tan-netwerk joffru servizzi
tas-sistema u tariffi tas-sistema għal miżuri ta’ reazzjoni
għad-domanda, ġestjoni tad-domanda u ġenerazzjoni distribwita
fis-swieq organizzati tal-elettriku, b’mod partikolari: a) It-trasferiment tat-tagħbija
mill-ħinijiet tal-ikbar domanda għal ħinijiet mhux tal-ikbar
domanda mill-klijenti aħħarin fejn ikunu kkunsidrati d-disponibbiltà
tal-enerġija rinnovabbli, l-enerġija mill-koġenerazzjoni u
l-ġenerazzjoni distribwita; b) l-iffrankar tal-enerġija
mir-reazzjoni għad-domanda tal-konsumaturi distribwiti mill-aggregaturi
tal-enerġija c) it-tnaqqis tad-domanda minn miżuri
tal-effiċjenza enerġetika mwettqa mill-fornituri tas-servizzi ta’
enerġija, inklużi l-kumpaniji tas-servizzi ta’ enerġija; d) il-konnessjoni u r-rilaxx ta’ sorsi ta’
ġenerazzjoni f’livelli iktar baxxi ta’ vultaġġ; e) il-konnessjoni tas-sorsi ta’
ġenerazzjoni minn post eqreb għall-konsum; u f) il-ħżin tal-enerġija. Għall-finijiet ta’ din id-dispożizzjoni,
it-terminu “swieq organizzati tal-elettriku” għandu jinkludi s-swieq
b’bejgħ dirett u l-boroż tal-enerġija elettrika
għall-kummerċ ta’ enerġija, ta’ kapaċità kif ukoll servizzi
ta’ bbilanċjar u servizzi anċillari fil-perjodi kollha ta’
żmien, inklużi s-swieq bil-quddiem, bil-ġurnata ’l quddiem u ta’
dak inhar stess. 3. Għandhom ikunu disponibbli
tariffi tan-netwerk li jsostnu pprezzar dinamiku għal miżuri ta’
reazzjoni għad-domanda mill-klijenti aħħarin inklużi: a) tariffi skont il-ħin tal-użu
(time-of-use tariffs); b) ipprezzar għall-ħinijiet
kritiċi tal-iktar użu (critical peak pricing); c) ipprezzar f'ħin reali; u d) rifużjonijiet tal-ħinijiet
tal-iktar użu. ANNESS XII
Ir-rekwiżiti tal-effiċjenza enerġetika għall-operaturi
tas-sistema ta’ trażmissjoni u għall-operaturi tas-sistema ta’
distribuzzjoni L-operaturi tas-sistemi ta’ trażmissjoni u
ta’ distribuzzjoni għandhom: a) jistabbilixxu
u jagħmlu pubbliċi r-regoli standard tagħhom relatati
mas-sostenn u mal-kondiviżjoni tal-ispejjeż tal-adattamenti
tekniċi, bħall-konnessjonijiet mal-grilja u t-tisħiħ
tal-grilja, it-titjib fit-tħaddim tal-grilja u r-regoli dwar
implimentazzjoni mhux diskriminatorja tal-kodiċijiet tal-grilja, li huma
meħtieġa għall-integrazzjoni tal-produtturi l-ġodda li
jalimentaw l-elettriku prodott minn koġenerazzjoni b’effiċjenza
għolja fil-grilja interkonnessa; b) jipprovdu lil kwalunkwe produttur
ġdid ta’ elettriku prodott minn koġenerazzjoni b’effiċjenza
għolja li jixtieq ikun konness mas-sistema bl-informazzjoni komprensiva u
meħtieġa mitluba, inklużi: (i) stima komprensiva u dettaljata
tal-ispejjeż assoċjati mal-konnessjoni; (ii) skeda ta’ żmien raġonevoli u
preċiża sabiex tasal it-talba u tkun pproċessata għal
konnessjoni mal-grilja; (iii) skeda ta’ żmien indikattiva
raġonevoli għal kwalunkwe konnessjoni mal-grilja proposta.
Il-proċess kollu biex ikun hemm konnessjoni mal-grilja ma għandux
jieħu iktar minn 12-il xahar. (c) jipprovdu proċeduri standardizzati u
ssimplifikati għall-konnessjoni ta’ produtturi distribwiti ta’
koġenerazzjoni b’effiċjenza għolja sabiex jiffaċilitaw
il-konnessjoni tagħhom mal-grilja. Ir-regoli standard imsemmija f’a)
għandhom ikunu bbażati fuq kriterji oġġettivi, trasparenti
u mhux diskriminatorji fejn b'mod partikolari jkunu kkunsidrati l-ispejjeż
u l-benefiċċji kollha assoċjati mal-konnessjoni ta’ dawk
il-produtturi mal-grilja. Huma jistgħu jipprovdu għal tipi differenti
ta’ konnessjoni. ANNESS XIII
L-elementi minimi li għandhom jiġu inkużi fil-kuntratti
għall-prestazzjoni tal-enerġija mas-settur pubbliku ·
Lista ċara u trasparenti tal-miżuri ta’
effiċjenza li għandhom jiġu implimentati. ·
L-iffrankar iggarantit li għandu jinkiseb
bl-implimentazzjoni tal-miżuri tal-kuntratt. ·
It-tul u l-punti ewlenin tal-kuntratt, it-termini u
l-perjodu ta’ notifika. ·
Lista ċara u trasparenti tal-obbligi ta’ kull
parti kontraenti. ·
Id-data(i) ta’ referenza sabiex ikun stabbilit
l-iffrankar miksub. ·
Lista ċara u trasparenti tal-passi li
għandhom jitwettqu sabiex tkun implimentata miżura u l-ispejjeż
assoċjati. ·
Obbligu li l-miżuri fil-kuntratt jiġu
implimentati b’mod sħiħ u li l-bidliet kollha li jsiru waqt
il-proġett jiġu ddokumentati. ·
Ir-regolamenti li jispeċifikaw
l-inklużjoni ta’ partijiet terzi (sottokuntrattar). ·
Wirja ċara u trasparenti tal-implikazzjonijiet
finanzjarji tal-proġett u distribuzzjoni tas-sehem taż-żewġ
partijiet fl-iffrankar monetarju miksub (jiġifieri, ir-remunerazzjoni
tal-fornitur tas-servizz). ·
Dispożizzjonijiet ċari u trasparenti dwar
il-kejl u l-awditu tal-iffrankar iggarantit miksub, il-kontrolli u l-garanziji
tal-kwalità. ·
Dispożizzjonijiet li jiċċaraw
il-proċedura sabiex ikunu indirizzati l-kundizzjonijiet ta’ qafas li
jinbidlu li jaffettwaw il-kontenut u l-eżitu tal-kuntratt (jiġifieri,
prezzijiet tal-enerġija li jinbidlu, l-intensità tal-użu ta’
installazzjoni). ·
Informazzjoni ddettaljata dwar l-obbligi ta’ kull
waħda mill-partijiet kontraenti. ANNESS XIV
Il-qafas ġenerali għar-rapportaġġ PARTI 1. Il-qafas ġenerali
għar-rapporti annwali Ir-rapporti annwali msemmija
fl-Artikolu 19(1) jipprovdu bażi għall-monitoraġġ
tal-progress lejn il-miri nazzjonali tal-2020. L-Istati Membri għandhom
jiżguraw li r-rapporti jinkludu l-informazzjoni minima li ġejja: a) stima tal-indikaturi sussegwenti fis-sena
preċedenti: (i) il-konsum tal-enerġija primarja kif
ġie ddefinit fl-Artikolu 2(2) (ii) il-konsum totali tal-enerġija
finali (iii) il-konsum tal-enerġija finali
skont is-settur ·
l-industrija ·
it-trasport (maqsum bejn it-trasport
tal-passiġġieri u dak tal-merkanzija) ·
l-unitajiet domestiċi ·
servizzi (iv) il-valur gross miżjud skont is-settur ·
l-industrija ·
servizzi (v) id-dħul disponibbli tal-familji (vi) il-prodott domestiku gross (PDG) (vii) il-ġenerazzjoni tal-elettriku
mill-ġenerazzjoni tal-enerġija termali (viii) il-ġenerazzjoni tas-sħana
mill-ġenerazzjoni tal-enerġija termali (ix) l-input ta’ fjuwil
għall-ġenerazzjoni tal-enerġija termali (x) kilometraġġ
tal-passiġġieri (pkm) (xi) kilometraġġ tal-merkanzija
(tkm) (xii) il-popolazzjoni F’setturi fejn il-konsum tal-enerġija jibqa’
stabbli jew qed jikber, l-Istati Membri għandhom janalizzaw
ir-raġunijiet għal dan u jehmżu l-evalwazzjoni tagħhom
mal-istimi. b) aġġornamenti ta’ miżuri
leġiżlattivi u mhux leġiżattivi ewlenin implimentati
fis-sena preċedenti li jagħtu kontribut għall-miri nazzjonali
kumplessivi għall-effiċjenza enerġetika għall-2020. c) l-erja totali tal-art tal-binjiet li
għandhom erja totali ta' art utilizzabbli ta' iktar minn 250 m2
li tkun il-proprjetà tal-korpi pubbliċi tiegħu li, fl-1 ta’
Jannar tas-sena meta għandu jitressaq ir-rapport, ma ssodisfatx
ir-rekwiżiti tal-prestazzjoni tal-enerġija msemmija
fl-Artikolu 4(1); d) l-erja totali tal-art tal-bini li tkun
il-proprjetà tal-korpi publiċi tal-Istat Membru li kienet rinnovata
fis-sena preċedenti. e) l-iffrankar tal-enerġija miksub
permezz tal-iskemi nazzjonali ta’ obbligi ta’ effiċjenza enerġetika
msemmija fl-Artikolu 6(1) jew il-miżuri alternattivi adottati
fl-applikazzjoni tal-Artikolu 6(9). L-ewwel rapport għandu jinkludu wkoll
il-mira nazzjonali msemmija fl-Artikolu 3(1). PARTI 2. Il-qafas ġenerali
għar-rapporti supplimentari Ir-rapporti msemmija fl-Artikolu 19(2)
għandhom jipprovdu qafas għall-iżvilupp tal-istrateġiji
nazzjonali għall-effiċjenza enerġetika. Ir-rapporti għandhom ikopru miżuri
għat-titjib tal-effiċjenza enerġetika u l-iffrankar
tal-enerġija mistenni/miksub sinifikanti, inklużi dawk fil-provvista,
fit-trażmissjoni u fid-distribuzzjoni tal-enerġija kif ukoll
fl-użu finali tal-enerġija. L-Istati Membri għandhom
jiżguraw li r-rapporti jinkludu l-informazzjoni minima li ġejja: 1. Il-miri u l-istrateġiji - Il-mira nazzjonali
għall-effiċjenza enerġetika għall-2020 kif inhu mitlub
mill-Artikolu 3(1); - Il-mira indikattiva nazzjonali ta’
ffrankar tal-enerġija stabbilita fl-Artikolu 4(1)
tad-Direttiva 2006/32/KE; - Miri eżistenti oħrajn
għall-effiċjenza enerġetika li jindirizzaw l-ekonomija kollha
jew setturi speċifiċi. 2. Il-miżuri u l-iffrankar
tal-enerġija Ir-rapporti għandhom jipprovdu
informazzjoni dwar il-miżuri li ġew adottati jew li huwa ppjanat li
jiġu adottati sabiex ikunu implimentati l-elementi ewlenin ta’ din
id-Direttiva u dwar l-iffrankar relatat tagħhom. a) L-iffrankar
tal-enerġija primarja Ir-rapporti għandhom jelenkaw miżuri
u azzjonijiet sinfikanti meħuda għall-iffrankar tal-enerġija
primarja fis-setturi kollha tal-ekonomija. Għal kull miżura jew
għal kull pakkett ta’ miżuri/azzjonijiet għandhom ikunu
pprovduti stimi tal-iffrankar mistenni għall-2020 u l-iffrankar miksub sa
żmien ir-rapportaġġ. Fejn tkun disponibbli, għandha tkun
ipprovduta informazzjoni dwar impatti/benefiċċji oħrajn
tal-miżuri (tnaqqis fl-emissjonijiet tal-gassiijet serra, titjib
fil-kwalità tal-arja, il-ħolqien tal-impjiegi, eċċ.) u dwar
il-baġit għall-implimentazzjoni. b) L-iffrankar tal-enerġija
finali L-ewwel u t-tieni rapporti supplimentari
għandhom jinkludu r-riżultati fir-rigward tal-kisba tal-mira
għall-iffrankar tal-enerġija finali stabbilita fl-Artikolu 4(1)
u (2) tad-Direttiva 2006/32/KE. Jekk il-kalkolu/l-istima
tal-iffrankar għal kull miżura ma jkunx disponibbli, għandu jintwera
t-tnaqqis fl-enerġija fil-livell tas-settur dovut għall-
(kombinazzjoni ta’) miżuri. L-ewwel u t-tieni rapporti għandhom
jinkludu wkoll il-metodoloġija tal-kejl u/jew tal-kalkolu li ntużat
sabiex jiġi kkalkolat l-iffrankar tal-enerġija. Jekk tiġi
applikata l-“metodoloġija rakkomandata[45]”,
ir-rapport għandu jipprovdi referenzi għal dan. 3. Informazzjoni speċifika
relatata mad-dispożizzjonijiet ta’ din id-Direttiva 3.1. Il-korpi pubbliċi
(Artikolu 4) Ir-rapporti supplimentari għandhom
jinkludu l-lista ta’ korpi pubbliċi li jkunu żviluppaw pjan
għall-effiċjenza enerġetika skont l-Artikolu 4(3). 3.2. L-obbligi tal-effiċjenza
enerġetika (Artikolu 6) Ir-rapporti supplimentari għandhom
jinkludu l-koeffiċjenti nazzjonali magħżula skont
l-Anness IV. L-ewwel rapport supplimentari għandu
jinkludi deskrizzjoni fil-qosor tal-iskema nazzjonali msemmija fl-Artikolu 6(1)
jew il-miżuri alternattivi adottati b'applikazzjoni tal-Artikolu 6(9). 3.3. L-awditi u s-sistemi ta’
ġestjoni tal-enerġija (Artikolu 7) Ir-rapporti supplimentari għandhom
jinkludu: a) l-għadd ta’ awditi
tal-enerġija mwettqa fil-perjodu ta’ tliet (3) snin preċedenti; b) l-għadd ta’ awditi
tal-enerġija mwettqa fl-impriżi l-kbar fil-perjodu ta’ tliet (3) snin
preċedenti; c) l-għadd ta’ kumpanniji kbar
fit-territorju tagħhom, b’indikazzjoni tal-għagg ta’ dawk li japplika
għalihom l-Artikolu 7(3). 3.4. Il-promozzjoni ta’ tisħin
u ta’ tkessiħ effiċjenti (Artikolu 10) Rapporti supplimentari għandhom jinkludu
valutazzjoni tal-progress milħuq fl-implimentazzjoni tal-pjan nazzjonali
għat-tisħin u għat-tkessiħ imsemmi fl-Artikolu 10(1). 3.5. It-trasformazzjoni
tal-enerġija (Artikolu 11) - Ir-rapporti supplimentari
għandhom jinkludu sommarju mhux kunfidenzjali tal-inventarji tad-dejta
msemmija fl-Artikolu 11, skont ir-rekwiżiti stabbiliti
fl-Anness X. 3.6. It-trażmissjoni u
d-distribuzzjoni tal-enerġija (Artikolu 12) - L-ewwel rapport supplimentari u
r-rapporti sussegwenti li mbagħad għandhom jitressqu kull għaxar
(10) snin għandhom jinkudu l-pjanijiet għall-potenzjali
tal-effiċjenza enerġetika tal-infrastruttura tal-gass u tal-elettriku
msemmija fl-Artikolu 12(2). 3.7. Id-disponibbiltà tal-iskemi
ta’ ċertifikazzjoni (Artikolu 13) Ir-rapporti supplimentari għandhom
jinkludu informazzjoni dwar l-iskemi nazzjonali ta’ ċertifikazzjoni jew
l-iskemi ta’ kwalifiki ekwivalenti disponibbli għall-fornituri
tas-servizzi ta’ enerġija, l-awditi tal-enerġija u l-miżuri
għal titjib tal-effiċjenza enerġetika. 3.8. Is-servizzi ta’ enerġija
(Artikolu 14) Ir-rapporti supplimentari għandhom
jinkludu ħolqa tal-internet mal-websajt fejn wieħed jista’ jkollu
aċċess għal-listi u għar-reġistri nazzjonali
tal-fornituri tas-servizzi ta’ enerġija msemmija fl-Artikolu 14. 3.9. Miżuri oħrajn
għall-promozzjoni tal-effiċjenza enerġetika (Artikolu 15) L-ewwel rapport supplimentari għandu
jinkludi lista tal-miżuri msemmija fl-Artikolu 15(2). ANNESS XV
Tabella ta’ korrelazzjoni Direttiva 2006/32/KE || Din id-Direttiva Artikolu 1 || Artikolu 1 Artikolu 2 || Artikolu 1 Artikolu 3, punt (a) || Artikolu 1, punt (1) Artikolu 3, punt (b) || -- Artikolu 3, punt (c) || -- Artikolu 3, punt (d) || -- -- || Artikolu 2, punt (2) Artikolu 3 punt (e) || Artikolu 2, punt (3) Artikolu 3, punt (f) || -- Artikolu 3, punt (g) || -- Artikolu 3, punt (h) || -- Artikolu 3, punt (i) || -- -- || Artikolu 2, punt (4) -- || Artikolu 2, punt (5) -- || Artikolu 2, punt (6) Artikolu 3, punt (j) || Artikolu 2, punt (13) Artikolu 3, punt (k) || -- Artikolu 3, punt (l) || Artikolu 2, punt (12) Artikolu 3, punt (m) || -- Artikolu 3, punt (n) || Artikolu 2, punt (10) Artikolu 3, punt (o) || Artikolu 2, punt (7) Artikolu 3, punt (p) || Artikolu 2, punt (8) Artikolu 3, punt (q) || Artikolu 2, punt (9) Artikolu 3, punt (r) || -- Artikolu 3, punt (s) || -- -- || Artikolu 2, punt (11) -- || Artikolu 2, punt (14) -- || Artikolu 3 Artikolu 4 || -- Artikolu 5 || Artikolu 4, Artikolu 5 Artikolu 6(1)(a) || Artikolu 6 (6) punti (b) u (c) Artikolu 6 (1)(b) || Artikolu 6 (7) Artikolu 6 (2) || Artikolu 6(1), (2), (3), (4), (5), (6) punt (a), (8), (9) u (10) Artikolu 7(1) || -- Artikolu 7(2) || Artikolu 15 (1) l-aħħar inċiż Artikolu 7(3) || -- Artikolu 8 || Artikolu 13(1) -- || Artikolu 13(2) Artikolu 9(1) || -- Artikolu 9(2) || Artikolu 14 punti (b), (c) u (e) Artikolu 10(1) || Artikolu 12(4) Artikolu 10(2) || Artikolu 12(3) Artikolu 11 || -- Artikolu 12(1) || Artikolu 7(1) Artikolu 12(2) || -- -- || Artikolu 7(2) Artikolu 12(3) || Artikolu 7(3) Artikolu 13(1) || Artikolu 8(1) Artikolu 13(2) || Artikolu 8(2) -- || Artikolu 9 -- || Artikolu 11 -- || Artikolu 12 (1) u (2) -- || Artikolu 14, punti (a) u (d) -- || Artikolu 15(1), punt (a) u (b) -- || Artikolu 15(2) -- || Artikolu 16 Artikolu 14 (1) u (2) || Artikolu 19(1), (2), (3) Artikolu 14 (3) || -- Artikolu 14 (4) u (5) || Artikolu 19(4) u (5) -- || Artikolu 17(1) Artikolu 15(1) || Artikolu 17(2) Artikolu 15(2) || -- Artikolu 15(3) || -- Artikolu 15(4) || -- -- || Artikolu 18 -- || Artikolu 19(7) -- || Artikolu 19(8) -- || Artikolu 19(9) -- || Artikolu 19(10) Artikolu 16 || Artikolu 20 Artikolu 17 || Artikolu 21 Artikolu 18 || Artikolu 22 Artikolu 19 || Artikolu 23 Artikolu 20 || Artikolu 24 Anness I || -- Anness II || Anness IV Anness III || -- Anness IV || -- Anness V || -- Anness VI || Anness III -- || Anness V -- || Anness VI -- || Anness VII -- || Anness VIII -- || Anness IX -- || Anness X -- || Anness XI -- || Anness XII -- || Anness XIII -- || Anness XIV -- || Anness XV Direttiva 2004/8/KE || Din id-Direttiva Artikolu 1 || Artikolu 1 Artikolu 2 || Artikolu 1 Artikolu 3, punt (a) || Artikolu 2, punt (15) Artikolu 3, punt (b) || Artikolu 2, punt (17) Artikolu 3, punt (c) || Artikolu 2, punt (16) Artikolu 3, punt (d) || Artikolu 2, punt (18) Artikolu 3, punt (e) || -- Artikolu 3, punt (f) || -- Artikolu 3, punt (g) || Artikolu 2, punt (20) Artikolu 3, punt (h) || -- Artikolu 3, punt (i) || Artikolu 2, punt (19) Artikolu 3, punt (j) || -- Artikolu 3, punt (k) || Artikolu 2, punt (21) Artikolu 3, punt (l) || Artikolu 2, punt (22) Artikolu 3, punt (m) || Artikolu 2, punt (24) Artikolu 3, punt (n) || Artikolu 2, punt (23) Artikolu 3, punt (o) || -- -- || Artikolu 2, punt (25) -- || Artikolu 2, punt (26) -- || Artikolu 2, punt (27) Artikolu 4(1) || Anness II, punt (f) l-ewwel inċiż -- || Artikolu 10(1) sa (9) Artikolu 4(2) || Artikolu 10(10) it-tielet inċiż Artikolu 4(3) || -- Artikolu 5 || Artikolu 10(10) l-ewwel u t-tieni inċiżi Artikolu 6 || -- Artikolu 7(1) || Artikolu 10(11) Artikolu 7(2) || -- Artikolu 7(3) || -- Artikolu 8 || Artikolu 12(5) -- || Artikolu 12(6) -- || Artikolu 12(7) Artikolu 9 || -- Artikolu 10(1) u (2) || -- Artikolu 10(3) || Artikolu 19(6) Artikolu 11 || -- Artikolu 12 || -- Artikolu 13 || Artikolu 17(2) Artikolu 14 || -- Artikolu 15 || Artikolu 22 Artikolu 16 || -- Artikolu 17 || Artikolu 23 Artikolu 18 || Artikolu 24 Anness I || Anness I, Part II Anness II || Anness I, Part I -- || Anness I, Part III Anness III || Anness II Anness IV || -- DIKJARAZZJONI
FINANZJARJA LEĠIŻLATTIVA GĦALL-PROPOSTI 1. QAFAS TAL-PROPOSTA/INIZJATTIVA 1.1. Titolu
tal-proposta/inizjattiva Direttiva
tal-Parlament Ewropew u tal-Kunsill dwar l-effiċjenza fl-użu finali
tal-enerġija u li tirrevoka d-Direttivi 2004/8/KE u 2006/32/KE 1.2. Il-qasam/l-oqsma tal-politika
kkonċernata/i fl-istruttura tal-ABM/ABB[46]
ENERĠIJA
[32]. 1.3. Natura
tal-proposta/inizjattiva ¨ Il-proposta/l-inizjattiva
hija relatata ma’ azzjoni ġdida ¨ Il-proposta/inizjattiva
għandha x'taqsam ma’ azzjoni ġdida li ssegwi proġett
pilota/azzjoni preparatorja[47]
¨ Il-proposta/inizjattiva
hija relatata mal-estensjoni ta’ azzjoni eżistenti x Il-proposta/inizjattiva hija marbuta ma’ azzjoni
indirizzata lejn azzjoni ġdida 1.4. Objettivi 1.4.1. L-għan/għanijiet
strateġiku/ċi multiannwali tal-Kummissjoni fil-mira
tal-proposta/inizjattiva Din
il-proposta hija marbuta mal-Istrateġija Ewropa 2020 għal tkabbir
intelliġenti, sostenibbli u inklussiv. Hija tikkontribwixxi direttament
għall-kisba ta' waħda mill-ħames miri prinċipali ewlenin
imwaqqfa mill-Istrateġija, b'mod partikolari t-twettiq tal-mira ta'
20 % ta' effiċjenza enerġetika fl-2020. 1.4.2. Objettiv(i)
speċifiku/speċifiċi u attività/attivitajiet ABM/ABB ikkonċernata/i
Għan
speċifiku Nru: Nru 3:
Twettq ta' 20 % tnaqqis mill-konsum tal-enerġija tal-UE Nru 4:
Il-promozzjoni tal-enerġija rinnovabbli u żieda fl-effiċjenza
enerġetika fit-trasport residenzjali/terzjarju u l-industrija, billi
jiġu indirizzati l-ostakoli mhux teknoloġiċi (programm Ewropew
Enerġija Intelliġenti)... Attivitajiet
ABM/ABB ikkonċernati Nru 3:
32 04 03 Nru 4:
32 04 06 1.4.3. Riżultat(i) u impatt
mistenni/mistennija Speċifika
l-effetti li l-proposta/inizjattiva għandu jkollha fuq il-benefiċjarji/gruppi
fil-mira. Il-proposta
se jkollha effetti pożittivi fir-rigward tas-sigurtà tal-provvista
fl-Ewropa, se tikkontribwixxi għall-mitigazzjoni tat-tibdil fil-klima u se
jkollha wkoll impatti pożittivi f'termini ta' tkabbir ekonomiku u
ħolqien ta' impjieġi. L-iffrankar tal-enerġija jagħmel
disponibbli riżorsi finanzjarji li jistgħu jerġgħu
jiġu investiti x’imkien ieħor fl-ekonomija u jista’ jgħin sabiex
jitnaqqsu l-baġits pubbliċi li jinsabu taħt pressjoni.
Għaċ-ċittadini individwali, l-effiċjenza enerġetika
tfisser li jħallsu inqas fejn għandhom x’jaqsmu l-kontijiet
tal-enerġija tagħhom. Hija tipprovdi wkoll miżuri li jindirizzaw
il-problema tal-faqar tal-fjuwil. Fl-aħħar nett, il-produzzjoni ta’
iktar b’inqas enerġija għandha ttejjeb il-kompetittività
tal-industriji tal-UE u tagħtihom vantaġġ fis-swieq globali
għat-teknoloġiji tal-effiċjenza enerġetika. 1.4.4. Indikaturi ta’ riżultati
u impatt Speċifika
l-indikaturi għall-monitoraġġ tal-implimentazzjoni
tal-proposta/inizjattiva. Skont
din il-proposta, L-Istati Membri se jkollhom jirrapportaw kull sena
lill-Kummissjoni dwar il-progress li jk sar fl-implimentazzjoni tad-Direttiva
billi jużaw għadd ta' indikaturi (pereżempju, il-konsum
tal-enerġija primarja, l-indikaturi tal-attività f'att ta' setturi bħall-industrija,
residenzjali jew terzjarja, it-trasport, il-forniment tal-enerġija, l-erja
ta' art totali ta' bini proprjetà ta' korpi pubbliċi u li ġew
rinnovati f'sena). L-Istati Membri huma rikjesti wkoll li jirrapportaw kull tliet
snin, dwar diversi indikaturi ta' implimentazzjoni. 1.5. Raġunijiet
għall-proposta/inizjattiva 1.5.1. Rekwiżit(i) li
għandhom jitħarsu għal żmien qasir u fit-tul L-objettiv
għal tul ta' żmien qasir ta' din il-Proposta huwa li tikkontribwixxi
b'mod sinifikanti għall-objettiv tal-effiċjenza enerġetika
għall-2020 u għall-kisba tal-Istrateġija 2020 tal-UE.
Il-proposta għandha wkoll objettiv għal tul ta' żmien twil,
jiġifieri għat-twettiq ta' titjib għall-effiċjenza enerġetika
fl-UE wara l-2020. 1.5.2. Valur miżjud
tal-involviment tal-UE L-UE
stabbilixxiet għaliha nnfisha l-mira li fl-2020 tiffranka 20 %
tal-enerġija primarja u għamlitha waħda mill-ħames miri
ewlenin tal-Istrateġija Ewropa 2020. Il-qafas politiku kurrenti fil-livell
tal-UE u tal-Istati Membri ma rnexxilux jisfrutta l-potenzjal eżistenti
għall-iffrankar tal-enerġija. L-isfidi
tal-enerġija indirizzati minn din il-proposta (is-sigurtà tal-forniment
tal-enerġija, is-sostenibbiltà, it-tibdil fil-klima, kif ukoll
il-kompetittività tal-UE) huma tħassib tal-UE kollha u għalhekk
jeħtieġ reazzjoni kollettiva biex tkun żgurata azzjoni
koordinata u sabiex l-objettivi komuni jintlaħqu b'mod iktar
effikaċi. 1.5.3. Tagħlimiet minn
esperjenzi simili fil-passat Il-qafas
kurrenti tal-effiċjenza enerġetika li din il-proposta tirrevoka, jiġifieri
d-Direttiva dwar is-Servizzi tal-Enerġija u d-Direttiva ta'
Koġenerazzjoni minħabba l-kliem mhux strett tagħhom, ma
rnexxilhomx jisfruttaw b'mod sħiħ il-potenzjali eżistenti
tal-iffrankar tal-enerġija. Din il-proposta għandha l-għan li
tirrimedja l-iżvantaġġi u n-nuqqasijiet taż-żewġ
Direttivi, billi ssaħħaħ u ttejjeb iċ-ċarezza tat-test
u tistabbilixxi obbligi ċari. 1.5.4. Koerenza u possibbilment
sinerġija ma’ strumenti oħra rilevanti Il-proposta
hija relatata mill-qrib mal-Istrateġija Ewropa 2020 u l-inizjattiva
ewlenija tal-Istrateġija Ewropa 2020 għal Ewropa effiċjenti
fl-użu tar-riżorsi. Hija konsistenti u komplementari mal-politiki
eżistenti tal-UE dwar il-klima, l-enerġija u s-soċjetà. 1.6. Tul ta' żmien u impatt
finanzjarju ¨ Proposta/inizjattiva ta’ tul ta’
żmien limitat –
¨ Proposta/inizjattiva fis-seħħ minn [ĠĠ/XX]SSSS sa
[ĠĠ/XX]SSSS –
¨ Impatt finanzjarju minn SSSS sa SSSS x Proposta/inizjattiva ta’ tul ta'
żmien mingħajr limitu –
Possibbilment l-implimentazzjoni se tibda fl-2012
skont il-progress li jkun sar fil-proċess leġiżlattiv –
segwita minn operazzjoni fuq skala sħiħa. 1.7. Il-metodu/i ta’
mmaniġġjar previst(i) [48] x Immaniġġjar dirett
ċentralizzat mill-Kummissjoni ¨ Immaniġjar ċentralizzat indirett bid-delega tal-kompiti tal-implimentazzjoni lil: –
¨ aġenziji eżekuttivi –
¨ korpi stabbiliti mill-Komunitajiet[49]
–
¨ korpi nazzjonali tas-settur pubbliku/korpi b’missjoni ta’ servizz
pubbliku –
¨ persuni fdati bl-implimentazzjoni ta’ azzjonijiet speċifiċi
skont it-Titolu V tat-Trattat dwar l-Unjoni Ewropea u identifikati fl-att
bażiku relevanti fi ħdan it-tifsira tal-Artikolu 49
tar-Regolament Finanzjarju ¨ Ġestjoni kondiviża mal-Istati Membri ¨ Ġestjoni deċentralizzata ma’ pajjiżi terzi ¨ Ġestjoni konġunta ma’ organizzazzjonijiet internazzjonali (trid tiġi
speċifikata) Jekk tindika iktar minn
mod wieħed ta’ ġestjoni, jekk jogħġbok ipprovdi d-dettalji
fit-taqsima “Kummenti”. Kummenti L-Istati
Membri għandhom jimplimentaw il-parti ewlenija ta' din il-proposta.
Il-Kummissjoni se twettaq għadd ta' studji u valutazzjonijiet u se
timmonitorja u tappoġġja (permezz ta' għadd ta' inizjattivi ta'
kooperazzjoni bħall-proġett dwar Azzjoni Konċertata)
l-implimentazzjoni fil-livell nazzjonali. 2. MIŻURI TA’ MMANIĠĠJAR 2.1. Regoli ta’
monitoraġġ u rapportar Speċifika
l-frekwenza u l-kundizzjonijiet L-Istati
Membri għandhom jipprovdu: (i) rapport annwali dwar għadd ta'
indikaturi ta' enerġija bażika u ta' implimentazzjoni; U (ii) rapport
kull tliet snin dwar informazzjoni iktar ġenerali dwar l-implimentazzjoni
tad-Direttiva u dwar miżuri u strateġiji nazzjonali
għall-effiċjenza enerġetika. 2.2. Sistema ta’
mmaniġġjar u kontroll 2.2.1. Riskju/i identifikat(i) Ir-riskji
relatati mal-implimentazzjoni tad-Direttiva huma identifikati fil-pjan ta'
implimentazzjoni li jakkumpanja din il-proposta. Huma jikkonċernaw
iż-żewġ riskji fil-fażi tat-traspożizzjoni u
l-implimentazzjoni u riskji interni u esterni. 2.2.2. Metodu/i ta’ kontroll
previst(i) Il-pjan
ta' implimentazzjoni jipprevedi azzjoni rimedjali li tindirizza r-riskji
identifikati. Dan pereżempju jinkludi djalogu msaħħaħ u
kooperazzjoni mal-Istati Membri li jinkludi fil-kuntest tal-Azzjoni
Kkonċertata u bilaterali, rekwiżiti ta' tabelli ta' korrelazzjoni,
l-istabbiliment ta' penali għan-nuqqas ta' konformità. Hija prevista wkoll
evalwazzjoni mill-Kummissjoni tar-rapporti annwali nazzjonali u tar-rapporti
kull tliet snin. Il-Kummissjoni tista' tagħmel ukoll rakkomandazzjonijiet. 2.3. Miżuri
għall-prevenzjoni ta’ frodi u irregolaritajiet Speċifika
l-miżuri ta’ prevenzjoni jew protezzjoni eżistenti jew previsti. Din
il-proposta ma għandhix impatt fuq il-parti operazzjonali tal-baġit
tal-UE. Mhu identifikat l-ebda riskju. 3. IMPATT FINANZJARJU STMAT
TAL-PROPOSTA/INIZJATTIVA 3.1. Intestatura/i tal-qafas finanzjarju
multiannwali u linja/i tal-baġit ta’ nefqa affettwata/i · Linji tal-baġit ta’ nefqa eżistenti Fl-ordni skont
l-intestaturi tal-qafas finanzjarju multiannwali u l-linji baġitarji. Intestatura tal-qafas finanzjarju multiannwali || Intestatura tal-baġit || Tip ta’ nefqa || Kontribuzzjoni Numru [Deskrizzjoni…...….] || Diff./non-diff. ([50]) || mill-pajjiżi[51]tal-EFTA || minn pajjiżi kandidati[52] || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju 1A || 32.04.03 [Attivitajiet ta’ appoġġ għall-politika Ewropea ta’ l-enerġija us-suq intern tal-enerġija] || Diff. || NO || NO || NO || NO 1A || 32.04.06 [Programm Kwadru dwar il- Kompetittivitа u l-Innovazzjoni — 'Enerġija Intelliġenti — Programm tal-Ewropa] || Diff. || YES || YES || NO || NO · Linji baġitarji ġodda mitluba - NO
Fl-ordni skont l-intestaturi tal-qafas finanzjarju
multiannwali u l-linji baġitarji. Intestatura tal-qafas finanzjarju multiannwali || Intestatura tal-baġit || Tip ta’ nefqa || Kontribuzzjoni Numru [Intestatura…...................................]] || Differenzjata/mhux differenzjata || Minn pajjiżi tal-EFTA || minn pajjiżi kandidati || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju || [XX.YY.YY.YY] || || IVA/LE || IVA/LE || IVA/LE || IVA/LE 3.2. L-impatt stmat fuq in-nefqa 3.2.1. Sommarju tal-impatt stmat fuq
in-nefqa IL-PROPOSTA SE TKUN IMPLIMENTATA BL-UŻU
TAL-BAĠIT EŻISTENTI U MHUX SE JKOLLHA IMPATT FUQ IL-QAFAS FINANZJARJU
MULTIANNWALI. EUR miljuni (sa tliet punti deċimali) Intestatura tal-qafas finanzjarju multiannwali: || Numru || [L-intestatura 1A] DĠ: <ENER> || || || Sena N[53] || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || L-AMMONT TOTALI Approprjazzjonijiet operattivi || || || || || || || || Numru tal-linja tal-baġit 32.04.03 || Impenji || (1) || 0.2 || 0.2 || 0.2 || 0.2 || 0.2 || 0.2 || 0.2 || 1.4 Ħlasijiet || (2) || 0.06 || 0.2 || 0.2 || 0.2 || 0.2 || 0.2 || 0.2 || 1.26 Numru tal-linja tal-baġit 32.04.06 || Impenji || (1a) || 4.8 || 4.8 || 4.8 || 4.8 || 4.8 || 4.8 || 4.8 || 33.6 Ħlasijiet || (2a) || 1.44 || 3.36 || 4.8 || 4.8 || 4.8 || 4.8 || 4.8 || 28.8 Approprjazzjonijiet ta’ natura amministrattiva ffinanzjati mill-pakkett għal programmi speċifiċi[54] || || || || || || || || Numru tal-linja tal-baġit 32010406 || || (3) || || || || || || || || TOTAL tal-approprjazzjonijiet għad-DĠ <ENER> || Impenji || =1+1a +3 || 5 || 5 || 5 || 5 || 5 || 5 || 5 || 35.0 Ħlasijiet || =2+2a +3 || 1.5 || 3.56 || 5 || 5 || 5 || 5 || 5 || 30.06 TOTAL tal-approprjazzjonijiet operazzjonali || Impenji || (4) || 5 || 5 || 5 || 5 || 5 || 5 || 5 || 35.0 Ħlasijiet || (5) || 1.5 || 3.56 || 5 || 5 || 5 || 5 || 5 || 30.06 TOTAL tal-approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || || || || || || || || TOTAL tal-approprjazzjonijiet taħt l-INTESTATURA <1A> tal-qafas finanzjarju multiannwali || Impenji || =4+ 6 || 5 || 5 || 5 || 5 || 5 || 5 || 5 || 35.0 Ħlasijiet || =5+ 6 || 1.5 || 3.56 || 5 || 5 || 5 || 5 || 5 || 30.06 Jekk aktar minn intestatura waħda hija affettwata
mill-proposta / inizjattiva: TOTAL tal-approprjazzjonijiet operazzjonali || Impenji || (4) || || || || || || || || Ħlasijiet || (5) || || || || || || || || TOTAL tal-approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || || || || || || || || TOTAL tal-approprjazzjonijiet taħt l-INTESTATURI 1 sa 4 tal-qafas finanzjarju multiannwali (Ammont ta’ referenza) || Impenji || =4+ 6 || 5 || 5 || 5 || 5 || 5 || 5 || 5 || 35.0 Ħlasijiet || =5+ 6 || 1.5 || 3.56 || 5 || 5 || 5 || 5 || 5 || 30.06 Intestatura tal-qafas finanzjarju multiannwali: || 5 || “Nefqa amministrattiva” EUR miljuni (sa tliet punti deċimali) || || || Sena N || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || L-AMMONT TOTALI DĠ: <ENER> || Riżorsi umani || 0.727 || 0.727 || 0.727 || 0.727 || 0.727 || 0.727 || 0.727 || 5.089 Nefqa amministrattiva oħra || 0.086 || 0.086 || 0.086 || 0.086 || 0.086 || 0.086 || 0.086 || 0.602 TOTAL tad-DĠ <ENER> || Approprjazzjonijiet || 0.813 || 0.813 || 0.813 || 0.813 || 0.813 || 0.813 || 0.813 || 5.691 TOTAL tal-approprjazzjonijiet taħt l-INTESTATURA 5 tal-qafas finanzjarju multiannwali || (Total ta' impenji = Ħlasijiet totali) || 0.813 || 0.813 || 0.813 || 0.813 || 0.813 || 0.813 || 0.813 || 5.691 EUR miljuni (sa tliet punti deċimali) || || || Sena N[55] || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || L-AMMONT TOTALI TOTAL tal-approprjazzjonijiet taħt l-INTESTATURI 1 sa 5 tal-qafas finanzjarju multiannwali || Impenji || 5,813 || 5,813 || 5,813 || 5,813 || 5,813 || 5,813 || 5,813 || 40,691 Ħlasijiet || 2,313 || 4,373 || 5,813 || 5,813 || 5,813 || 5,813 || 5,813 || 35,751 3.2.2. Impatt stmat fuq
approprjazzjonijiet operattivi –
x Il-proposta/inizjattiva ma tirrikjedix l-użu ta'
approprjazzjonijiet operazzjonali ġodda (l-inizjattiva hija parti
mill-qafas finanzjarju kurrenti) –
¨ Il-proposta/inizjattiva tirrikjedi l-użu ta’ approprjazzjonijiet
operattivi, kif spjegat hawn isfel: Approprjazzjonijiet għall-impenji f’miljuni ta’
EUR (sa tliet punti deċimali) Jindikaw l-objettivi u l-outputs ò || || || Sena N || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || L-AMMONT TOTALI RIŻULTATI Tip ta’ output[56] || Spiża medja tal-output || Numru ta’ outputs || Spiża || Numru ta’ outputs || Spiża || Numru ta’ outputs || Spiża || Numru ta’ outputs || Spiża || Numru ta’ outputs || Spiża || Numru ta’ outputs || Spiża || Numru ta’ outputs || Spiża || Numru totali ta’ outputs || Total Spiża OBJETTIV SPEĊIFIKU Nru 3 Twettiq ta' 20 % tnaqqis mill-konsum tal-enerġija tal-UE meta pparagunat mal-projezzjonijiet għall-2020 ta' PRIMES 2007 - Output || studju || 1 || 1 || 0.2 || 1 || 0.2 || 1 || 0.2 || 1 || 0.2 || 1 || 0.2 || 1 || 0.2 || 1 || 0.2 || 7 || 1.4 Subtotal għall-għan speċifiku Nru 3 || || 0.2 || || 0.2 || || 0.2 || || 0.2 || || 0.2 || || 0.2 || || 0.2 || 7 || 1.4 OBJETTIV SPEĊIFIKU Nru 4: Il-promozzjoni tal-enerġija rinnovabbli u żieda fl-effiċjenza enerġetika fit-trasport residenzjali/terzjarju u l-industrija, billi jiġu indirizzati l-ostakoli mhux teknoloġiċi (programm Ewropew Enerġija Intelliġenti)... - Output || studju || 1.4 || 2 || 2.8 || 2 || 2.8 || 2 || 2.8 || 2 || 2.8 || 2 || 2.8 || 2 || 2.8 || 2 || 2.8 || 14 || 19.6 - Output || Azzjonijiet ikkombinati || 2 || 0.3 || 2 || 0.3 || 2 || 0.3 || 2 || 0.3 || 2 || 0.3 || 2 || 0.3 || 2 || 0.3 || 2 || 2.1 || 14 Subtotal għall-għan speċifiku Nru 4 || 2.3 || 4.8 || 2.3 || 4.8 || 2.3 || 4.8 || 2.3 || 4.8 || 2.3 || 4.8 || 2.3 || 4.8 || 2.3 || 4.8 || 16.1 || 33.6 SPIŻA TOTALI || || 5 || || 5 || || 5 || || 5 || || 5 || || 5 || || 5 || || 35 3.2.3. L-impatt stmat fuq
approprjazzjonijiet ta’ natura amministrattiva 3.2.3.1. Sommarju –
¨ Il-proposta/inizjattiva ma tirrikjedix l-użu ta’
approprjazzjonijiet amministrattivi –
x Il-proposta/inizjattiva tirrikjedi l-użu ta’ approprjazzjonijiet
amministrattivi, kif spjegat hawn isfel: (l-inizjattiva hija parti mill-qafas
finanzjarju kurrenti) Il-ħtiġijiet għal
approprjazzjonijiet amministrattivi għandhom ikunu koperti
mill-allokazzjoni diġà mogħtija biex tiġi ġestita din
l-azzjoni u/jew riallokata fid-DĠ, ikkomplementati, jekk ikun il-każ,
b'allokazzjoni addizzjonali li tista' tingħata lid-DĠ ta'
ġestjoni fil-qafas tal-proċedura ta' allokazzjoni annwali fid-dawl
tar-restrizzjonijiet baġitarji. EUR miljuni (sa tliet
punti deċimali) || Sena N[57] || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || L-AMMONT TOTALI INTESTATURA 5 tal-qafas finanzjarju multiannwali || || || || || || || || Riżorsi umani || 0.727 || 0.727 || 0.727 || 0.727 || 0.727 || 0.727 || 0.727 || 5.089 Nefqa amministrattiva oħra || 0.086 || 0.086 || 0.086 || 0.086 || 0.086 || 0.086 || 0.086 || 0.602 Total parzjali tal-INTESTATURA 5 tal-qafas finanzjarju multiannwali || 0.813 || 0.813 || 0.813 || 0.813 || 0.813 || 0.813 || 0.813 || 5.691 Barra mill-INTESTATURA 5[58] of the multiannual financial framework || || || || || || || || Riżorsi umani || || || || || || || || Nefqa oħra ta’ natura amministrattiva || || || || || || || || Total parzjali ’il barra mill-INTESTATURA 5 tal-qafas finanzjarju multiannwali || || || || || || || || L-AMMONT TOTALI || 0.813 || 0.813 || 0.813 || 0.813 || 0.813 || 0.813 || 0.813 || 5.691 3.2.3.2. Rekwiżiti stmati ta’
riżorsi umani –
¨ Il-proposta/inizjattiva ma tirrikjedix l-użu ta’ riżorsi
umani –
x Il-proposta/inizjattiva tirrikjedi l-użu tar-riżorsi umani
allokati bħalissa, kif spjegat hawn isfel: L-istima għandha tkun espressa f’ammonti
sħaħ (jew l-aktar sa punt deċimali wieħed) || || Sena N || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) Karigi tal-pjan ta’ stabbiliment (uffiċjali u aġenti temporanji) || || XX 01 01 01 (Kwartieri Ġenerali u l-Uffiċċji ta’ Rappreżentazzjoni tal-Kummissjoni) || 0.727 || 0.727 || 0.727 || 0.727 || 0.727 || 0.727 || 0.727 || XX 01 01 02 (Delegazzjonijiet) || || || || || || || || XX 01 05 01 (Riċerka indiretta) || || || || || || || || 10 01 05 01 (Riċerka diretta) || || || || || || || || Persunal estern (f’unità Ekwivalenti għal Full Time: FTE) [59] || || XX 01 02 01 (CA, INT, SNE mill-“pakkett globali”) || || || || || || || || XX 01 02 02 (CA, INT, JED, LA u SNE fid-delegazzjonijiet) || || || || || || || || XX 01 04 yy[60] || fil-Kwartieri Ġenerali[61] || || || || || || || || fid-delegazzjoni || || || || || || || || XX 01 05 02 (CA, INT, SNE - Riċerka indiretta) || || || || || || || || 10 01 05 02 (AK, SNE, INT fuq Riċerka diretta) || || || || || || || || Linji oħra tal-baġit (ispeċifika) || || || || || || || || L-AMMONT TOTALI || 0.727 || 0.727 || 0.727 || 0.727 || 0.727 || 0.727 || 0.727 XX hija l-qasam
tal-politika jew it-titolu baġitarju kkonċernat. Ir-riżorsi umani
meħtieġa se jintlaħqu mill-persunal mid-DĠ li huwa
diġà assenjat għall-immaniġġar tal-azzjoni u/jew li
ntbagħat jaħdem mad-DĠ, flimkien, jekk ikun meħtieġ,
ma’ allokoazzjoni addizzjonali li tista’ tingħata lid-DĠ li qed
jimmaniġġja skont il-proċedura ta’ allokazzjoni annwali u
fid-dawl ta’ restrizzjonijiet baġitarji. Deskrizzjoni ta’
inkarigi li għandhom jitwettqu: Uffiċjali u aġenti temporanji || Jieħdu azzjoni xierqa biex jimplimentaw id-diversi rekwiżiti fuq il-Kummissjoni (pereżempju jirrevedu r-rapporti tal-Istati Membri, ivaraw u jimmonitorjaw studji, iwettqu analiżi, jiżviluppaw programmi ta' appoġġ għall-implimentazzjoni tagħhom, jimmonitorjaw l-implimentazzjoni) Persunal estern || 3.2.4. Kompatibbiltà mal-qafas
finanzjarju multiannwali attwali –
x Il-proposta/inizjattiva hija kumpatibbli mal-qafas finanzjarju
multiannwali preżenti. –
¨ Il-proposta/l-inizjattiva titlob ipprogrammar mill-ġdid
tal-intestatura rilevanti fil-qafas finanzjarju multiannwali. Spjega x’ipprogrammar mill-ġdid huwa
meħtieġ, u speċifika l-linji baġitarji kkonċernati u
l-ammonti korrispondenti. …. –
¨ Il-proposta/inizjattiva teżiġi l-applikazzjoni
tal-istrument tal-flessibilità jew ir-reviżjoni tal-qafas finanzjarju
multiannwali[62]. Spjega x’inhu meħtieġ, u speċifika
l-intestaturi u l-linji baġitarji kkonċernati u l-ammonti
korrispondenti. …….. 3.2.5. Kontribuzzjonijiet ta’ terzi –
x Il-proposta/l-inizjattiva ma tipprovdix għal kofinanzjament minn
partijiet terzi –
Il-proposta/inizjattiva tipprovdi
għall-kofinanzjament stmat hawn isfel: Approprjazzjonijiet f’miljuni ta’ EUR (sa tliet punti
deċimali) || Sena N || Sena N+1 || Sena N+2 || Sena N+3 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || Total Speċifika l-entità ta’ kofinanzjament || || || || || || || || TOTAL ta’ approprjazzjonijiet kofinanzjati || || || || || || || || 3.3. Impatt stmat fuq id-dħul
–
x Il-proposta/ l-inizjattiva ma għandha l-ebda impatt finanzjarju
fuq id-dħul. –
¨ Il-proposta/inizjattiva għandha dan l-impatt finanzjarju: –
¨ fuq ir-riżorsi proprji –
¨ fuq dħul mixxellanju EUR miljuni (sa tliet punti deċimali) Linja baġitarja tad-dħul: || Approprazzjonijiet disponibbli għas-sena baġitarja li għaddejja bħalissa || Impatt tal-proposta/inizjattiva[63] Sena N || Sena N+1 || Sena N+2 || Sena N+3 || … daħħal kolonni kemm ikun meħtieġ biex turi t-tul taż-żmien tal-impatt (ara l-punt 1.6) L-Artikolu …. || || || || || || || || Għal dħul
mixxellanju assenjat, speċifika l-linja/i baġitarja/i tal-infiq
affetwata/i. …. Speċifika l-metodu
għall-kalkolu tal-impatt fuq id-dħul. …. [1] 7224/1/07, REV 1. [2] COM(2010) 2020. [3] SEC(2011)277. [4] EUCO 2/1/11. [5] 2010/2107 (INI). [6] COM(2011) 21. [7] COM(2011) 112. [8] ĠU L 144, 27,4,2008,
p. 64. [9] ĠU L 153, 18.6.2010,
p. 1. [10] EUCO 13/10. [11] ĠU L 140, 23.4.2009,
p. 16. [12] Għal iktar dettalji, ara t-taqsima 1.2 tal-IA
mehmuża u tal-Annessi I u II. [13] L-abbozzi
tar-rapporti huma disponibbli fuq:
http://ec.europa.eu/energy/efficiency/bucharest. [14] ĠU C , , p. . [15] ĠU C , , p. . [16] ĠU C , , p. . [17] Il-projezzjonijiet li saru fl-2007 kienu juru konsum
tal-enerġija primarja fl-2020 ta’ 1842 Mtoe. Tnaqqis ta’ 20 %
jirriżulta f'1474 Mtoe fl-2020, jiġifieri tnaqqis ta’
368 Mtoe meta pparagunat mal-projezzjonijiet. [18] COM(2010)0639 finali. [19] 2010/2107(INI). [20] COM(2011) 21. [21] COM(2011) 109 finali. [22] COM(2011) 144 finali. [23] COM(2011) 112 finali [24] ĠU L 140, 5.6.2009, p.136. [25] ĠU L 52, 21.2.2004, p. 50. [26] ĠU L 144, 27.4.2008, p. 64. [27] ĠU L 153, 18.6.2010, p. 13. [28] COM (2008) 394 Finali [29] ĠU L 334, 17.12.2010, p.17. [30] ĠU L 275, 25.10.2003, p. 32. [31] ĠU L 32, 6.2.2007, p. 183. [32] ĠU L 211, 14.8.2009, p. 15. [33] ĠU L 309, 24.11.2009, p. 87. [34] ĠU L 153, 18,6,2010, p. 1. [35] ĠU L 304, 14,11,2008, p. 1. [36] ĠU L 211, 14.8.2009, p. 55. [37] ĠU L 211, 14,8,2009, p. 94. [38] ĠU L 338, 17.12.2008, p. 55. [39] ĠU L 381, 28.12.2006, p. 24. [40] ĠU L 342, 22.12.2009, p. 46. [41] L-Istati Membri jistgħu japplikaw fatturi ta’
konverżjoni differenti jekk dawn ikunu jistgħu jiġu
ġġustifikati. [42] General Lighting Service jew bozoz b’filament tat-tungsten [43] General Lighting Service jew bozoz b’filament tat-tungsten [44] EN 834
Standard dwar l-allokaturi tal-ispiża għas-sħana
għad-determinazzjoni tal-konsum tar-radjaturi tat-tisħin tal-kmamar –
appliances bi provvista ta’ enerġija elettrika). [45] Rakkomandazzjonijiet dwar il-Metodi ta’ Kejl u ta’
Verifika fil-qafas tad-Direttiva 2006/32/KE dwar effiċjenza fl-użu
finali tal-enerġija u dwar servizzi ta’ enerġija [46] ABM: Activity-Based Management [Immaniġġjar
Abbażi ta’ Attività] – ABB: Activity-Based Budgeting [Ibbaġittjar
Abbażi ta’ Attività]. [47] Kif inhu msemmi fl-Artikolu 49(6)(a) jew (b)
tar-Regolament Finanzjarju. [48] Dettalji ta’ modi ta’ maniġment u referenzi
għar-Regolament Finanzjarju jinsabu fis-sit BudgWeb: http://www.cc.cec/budg/man/budgmanag/budgmanag_en.html [49] Kif imsemmi fl-Artikolu 185 tar-Regolament
Finanzjarju. [50] Diff:- Approprjazzjonijiet differenzjati/Non-Diff:-
Approprjazzjonijiet mhux differenzjati [51] EFTA: Assoċjazzjoni Ewropea tal-Kummerċ
Ħieles. [52] Il-pajjiżi kandidati u, fejn applikabbli,
pajjiżi potenzjalment kandidati mill-Punent tal-Balkani. [53] Is-sena N hija s-sena li fiha tibda
l-implimentazzjoni tal-proposta/inizjattiva. [54] Għajnuna teknika u/jew amministrattiva u nefqa
b’sostenn tal-implimentazzjoni ta’ programmi tal-UE u/jew azzjonijiet (qabel
kienu intestaturi "BA"), riċerka indiretta, riċerka
diretta. [55] Is-sena N hija s-sena li fiha tibda
l-implimentazzjoni tal-proposta/inizjattiva. [56] Outputs huma prodotti u servizzi li għandhom ikunu
pprovduti (eż: numru ta’ skambji ffinanzjati ta’ studenti, numru ta’ km
ta’ toroq mibnija, eċċ.). [57] Is-sena N hija s-sena li fiha tibda
l-implimentazzjoni tal-proposta/inizjattiva. [58] Għajnuna teknika u/jew amministrattiva u nefqa
b’sostenn tal-implimentazzjoni ta’ programmi tal-UE u/jew azzjonijiet (qabel
kienu intestaturi "BA"), riċerka indiretta, riċerka
diretta. [59] AK= Aġent ta’ Kuntratt; INT= persunal
tal-aġenzija ("Intérimaire"); JED= "Jeune Expert
en Délégation" (Esperti Żgħażagħ
fid-Delegazzjonijiet); AL= Aġent Lokali; ENS= Espert Nazzjonmali Sekondat;
[60] Taħt il-limitu massimu għall-persunal estern
minn approprjazzjonijiet operazzjonali (linji “BA” preċedenti). [61] Essenzjalment għall-Fondi Strutturali, il-Fond
Agrikolu Ewropew għall-Iżvilupp Rurali (FAEŻR) u l-Fond Ewropew
għas-Sajd (FES). [62] Ara l-punti 19 u 24 tal-Ftehim Interistituzzjonali. [63] Fir-rigward tar-riżorsi proprji tradizzjonali (dazji
doganali, imposti fuq iz-zokkor), l-ammonti indikati jridu jkunu ammonti netti,
jiġifieri l-ammonti grossi wara t-tnaqqis ta’ 25 %
għall-kostijiet tal-ġbir.