EUR-Lex Access to European Union law
This document is an excerpt from the EUR-Lex website
Document 52011PC0239
Proposal for a COUNCIL DECISION on the signature and provisional application of the Air Transport Agreement between the United States of America, of the first part, the European Union and its Member States, of the second part, Iceland, of the third part, and the Kingdom of Norway, of the fourth part; and on the signature and provisional application of the Ancillary Agreement between the European Union and its Member States, of the first part, Iceland, of the second part, and the Kingdom of Norway, of the third part, on the application of the Air Transport Agreement between the United States of America, of the first part, the European Union and its Member States, of the second part, Iceland, of the third part, and the Kingdom of Norway, of the fourth part
Proposta għal DEĊIŻJONI TAL-KUNSILL dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti; udwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha, bħala l-ewwel parti, l-Islanda, bħala t-tieni parti, u r-Renju tan-Norveġja, bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti
Proposta għal DEĊIŻJONI TAL-KUNSILL dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti; udwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha, bħala l-ewwel parti, l-Islanda, bħala t-tieni parti, u r-Renju tan-Norveġja, bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti
/* KUMM/2011/0239 finali - 2011/0103 (NLE) */
/* KUMM/2011/0239 finali - 2011/0103 (NLE) */ Proposta għal DEĊIŻJONI TAL-KUNSILL dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti; udwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha, bħala l-ewwel parti, l-Islanda, bħala t-tieni parti, u r-Renju tan-Norveġja, bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti
MEMORANDUM TA’ SPJEGAZZJONI 1. Kuntest tal-proposta | Raġunijiet għall-proposta u l-għanijiet tagħha Il-Ftehim dwar it-Trasport bl-Ajru bejn l-Unjoni Ewropea u l-Istati Membri tagħha, fuq naħa waħda, u l-Istati Uniti tal-Amerika (US), fuq naħa oħra, iffirmat fil-25 u 30 ta’ April 2007 (“il-Ftehim dwar it-Trasport bl-Ajru bejn l-UE u l-US”), daħal fis-seħħ fit-30 ta’ Marzu 2008. L-Artikolu 18 (5) tal-Ftehim dwar it-Trasport bl-Ajru bejn l-UE u l-US jikkonferma l-għan taż-żewġ Partijiet li “jimmassimizzaw il-benefiċċji għall-konsumaturi, il-linji tal-ajru, il-ħaddiema u l-komunitajiet fuq iż-żewġ naħat tal-Atlantiku billi jestendu dan il-Ftehim sabiex jinkludi partijiet terzi”. L-Artikolu 18 (5) tal-Ftehim dwar it-Trasport bl-Ajru bejn l-UE u l-US jitlob ukoll lill-Kumitat Konġunt stabbilit skont l-Artikolu 18 (1) tal-Ftehim dwar it-Trasport bl-Ajru bejn l-UE u l-US biex “jiżviluppa proposta dwar il-kondizzjonijiet u l-proċeduri...li tkun meħtieġa għal pajjiżi terzi sabiex jaderixxu ma' dan il-Ftehim”. In-Norveġja u l-Islanda talbu formalment li jissieħbu fil-Ftehim dwar it-Trasport bl-Ajru bejn l-UE u l-US fl-2007. Skont l-Artikolu 18 (5) tal-Ftehim dwar it-Trasport bl-Ajru bejn l-UE u l-US, il-Kumitat Konġunt fil-laqgħa tiegħu tas-16 ta’ Novembru 2010 żviluppa proposta għall-adeżjoni tal-Islanda u n-Norveġja fil-Ftehim dwar it-Trasport Pubbliku bejn l-UE u l-US, li tikkonsisti minn “Ftehim fil-forma ta' ittra ta’ akkumpanjament” bejn erba’ partijiet u Ftehim Anċillari għall-ftehimiet interni bejn l-Unjoni, in-Norveġja u l-Islanda. Billi n-Norveġja u l-Islanda huma parti integrali miż-Żona Ewropea Komuni ta’ Avjazzjoni, dawn il-Ftehimiet se jiżguraw qafas regolatorju konsistenti għat-titjiriet bejn l-US u s-suq waħdieni tal-avjazzjoni fl-UE – fosthom l-Islanda u n-Norveġja. Dan se joħloq vantaġġi kummerċjali għal-linji tal-ajru u l-konsumaturi fl-UE u b’mod partikolari se jiżgura l-konsistenza tal-Ftehim dwar it-Trasport bl-Ajru bejn l-UE u l-US mal-politika Skandinava komuni dwar it-trasport bl-ajru. Fl-istess ħin, il-proposta tiżgura li jinżamm il-karattru bilaterali tal-Ftehim dwar it-Trasport bl-Ajru bejn l-UE u l-US. L-Islanda u n-Norveġja se jkunu inklużi fin-negozjati ta’ ftehim tat-tieni stadju dwar it-trasport bl-ajru mal-US. | Kuntest ġenerali Il-Ftehim dwar it-Trasport bl-Ajru bejn l-UE u l-US neħħa l-ostakoli kummerċjali kollha għat-titjiriet bejn kwalunkwe punt fl-UE u kwalunkwe punt fl-US. Barra minn hekk, l-US tat l-hekk imsejħa (7) seba’ drittijiet ta’ libertà lil-linji tal-ajru tal-UE sabiex joperaw bejn l-US u pajjiżi taż-Żona Ewropea ta’ Avjazzjoni Komuni (ECAA) li mhumiex fl-UE, bħan-Norveġja u l-Islanda. Madankollu, l-ECAA ma għandha l-ebda dimensjoni esterna. Għalhekk, il-linji tal-ajru tal-UE fil-preżent ma għandhomx id-dritt li joperaw titjiriet bejn in-Norveġja u l-Islanda u pajjiżi terzi. Bl-istess mod, il-linji tal-ajru Norveġiżi u Islandiżi fil-preżent ma għandhomx id-dritt li joperaw bejn l-UE u l-US. Il-Ftehim dwar it-Trasport bl-Ajru bejn l-UE u l-US ħoloq kundizzjonijiet uniformi ta’ aċċess għas-suq għal-linji tal-ajru kollha tal-Unjoni, u stabbilixxa arranġamenti ġodda għall-kooperazzjoni regolatorja bejn l-Unjoni Ewropea u l-US f’oqsma essenzjali għat-tħaddim mingħajr periklu, sigur u effiċjenti ta’ servizzi tal-ajru transatlantiċi. In-Norveġja u l-Islanda adottaw l-acquis communautaire sħiħ fil-politika tal-avjazzjoni. Għalhekk, l-inklużjoni taż-żewġ pajjiżi fl-ambitu tal-Ftehim dwar it-Trasport bl-Ajru bejn l-UE u l-US għandha tiżgura li l-linji tal-ajru Ewropej kollha li japplikaw l-acquis communautaire joperaw is-servizzi tal-ajru transatlantiċi f’qafas armonizzat. L-adeżjoni tal-Islanda u n-Norveġja fil-Ftehim dwar it-Trasport bl-Ajru bejn l-UE u l-US tista’ tkun preċedent għall-adeżjoni tal-Islanda u n-Norveġja fi ftehimiet oħra tal-Unjoni dwar l-avjazzjoni (eż. il-Ftehim Ewro-Mediterranju dwar l-Avjazzjoni mal-Marokk). | Dispożizzjonijiet eżistenti fil-qasam tal-proposta Id-dispożizzjonijiet tal-Ftehim fil-forma ta' ittra ta’ akkumpanjament jestendu l-ambitu tal-Ftehim dwar it-Trasport bl-Ajru bejn l-UE u l-US mutatis mutandis għan-Norveġja u l-Islanda. Id-dispożizzjonijiet tal-Ftehim Anċillari huma bbażati fuq id-Deċiżjoni tal-Kunsill tal-25 ta’ April 2007 dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-UE u l-US (2007/339/KE). | Konsistenza mal-politiki u l-għanijiet l-oħra tal-Unjoni L-għan li l-Ftehim dwar it-Trasport bl-Ajru bejn l-UE u l-US jiġi estiż għal pajjiżi terzi huwa previst b’mod espliċitu fil-Ftehim dwar it-Trasport bl-Ajru bejn l-UE u l-US. Il-Ftehim fil-forma ta' ittra ta’ akkumpanjament se jistabbilixxi r-rabta meħtieġa bejn il-Ftehim dwar it-Trasport bl-Ajru bejn l-UE u l-US u l-Ftehim dwar Żona Ewropea Komuni ta’ Avjazzjoni. Dan mhux se jistabbilixxi dimensjoni esterna għall-Ftehim dwar iż-Żona Ekonomika Ewropea. Huwa konsistenti mal-politika ġenerali tal-UE fir-rigward tal-Islanda u n-Norveġja. | 2. Konsultazzjoni mal-partijiet interessati u valutazzjoni tal-impatt | Konsultazzjoni mal-partijiet interessati | Metodi ta’ konsultazzjoni, setturi prinċipali fil-mira u profil ġenerali ta’ dawk li wieġbu L-adeżjoni tal-Islanda u n-Norveġja fil-Ftehim dwar it-Trasport bl-Ajru bejn l-UE u l-US ġiet diskussa f’diversi laqgħat tal-Kumitat Konġunt stabbilit skont il-Ftehim dwar it-Trasport bl-Ajru bejn l-UE u l-US u f’laqgħat tekniċi informali mal-Istati Membri. Dawn il-laqgħat kollha ġew ippreparati f’laqgħat tal-Forum Konsultattiv dwar l-Industrija ma’ rappreżentanti tal-linji tal-ajru, l-ajruporti, u l-organizzazzjonijiet tal-ħaddiema. | Sommarju tat-tweġibiet u kif ġew ikkunsidrati Il-kwistjoni tal-adeżjoni tal-Islanda u n-Norveġja fil-Ftehim dwar it-Trasport bl-Ajru bejn l-UE u l-US ġiet diskussa f’erba’ laqgħat tal-Forum Konsultattiv dwar l-Industrija, li matulhom ġew diskussi fid-dettall l-elementi kollha tal-approċċ. Il-kummenti kollha mill-Istati Membri u l-partijiet interessati ġew ikkunsidrati b'mod xieraq fit-tħejjija tal-pożizzjoni tal-Unjoni għall-Kumitat Konġunt li sar fis-16 ta’ Novembru 2010. | Ġbir u użu ta’ kompetenza esperta | Ma kienx hemm bżonn ta’ kompetenza esperta esterna. | Valutazzjoni tal-impatt Il-Ftehim jestendi l-ambitu tal-Ftehim dwar it-Trasport bl-Ajru bejn l-UE u l-US għall-Islanda u n-Norveġja. Dan se jagħti l-opportunità lil-linji tal-ajru tal-UE li jużaw id-drittijiet mogħtija mill-US mit-30 ta’ Marzu 2008 biex joperaw titjiriet tal-passiġġieri bejn l-US u l-Islanda jew in-Norveġja. | 3. Elementi legali tal-proposta | Sommarju tal-azzjoni proposta Il-proposta tikkonsisti minn żewġ elementi: - Il-"Ftehim fil-forma ta' ittra ta’ akkumpanjament" bejn erba’ partijiet jestendi l-ambitu tal-Ftehim dwar it-Trasport bl-Ajru bejn l-UE u l-US mutatis mutandis għall-erba’ partijiet kollha. - Il-Ftehim Anċillari jiżgura li tinżamm in-natura bilaterali tal-Ftehim dwar it-Trasport bl-Ajru bejn l-UE u l-US. In-Norveġja u l-Islanda se jkunu rappreżentati fil-Kumitat Konġunt mill-Kummissjoni għall-oqsma kollha li ma jaqgħux fil-kompetenza esklussiva tal-Istati Membri. Huma stabbiliti regoli għall-iskambju ta’ tagħrif, il-parteċipazzjoni fin-negozjati tat-tieni stadju, u r-rappreżentanza fil-proċeduri tal-arbitraġġ. | Bażi legali L-Artikolu 100(2), flimkien mal-Artikolu 218(5) u l-ewwel subparagrafu tal-Artikolu 218(6) tiegħu. | Prinċipju tas-sussidjaretà Il-prinċipju tas-sussidjaretà japplika sakemm il-proposta ma taqax taħt il-kompetenza esklussiva tal-Unjoni. | L-għanijiet tal-proposta ma jistgħux jintlaħqu b’mod suffiċjenti mill-Istati Membri għar-raġuni li ġejja: | Il-Ftehim dwar it-Trasport bl-Ajru bejn l-UE u l-US stabbilixxa arranġamenti ġodda fil-livell tal-Unjoni li jirregolaw il-forniment ta’ servizzi transatlantiċi tal-ajru li ħadu post l-arranġamenti preċedenti magħmula minn Stati Membri individwali. L-adeżjoni ta’ pajjiżi terzi fil-Ftehim dwar it-Trasport bl-Ajru bejn l-UE u l-US tista’ tinkiseb biss fil-livell tal-Unjoni. | Il-proposta għalhekk tikkonforma mal-prinċipju tas-sussidjaretà. | Prinċipju tal-proporzjonalità Il-proposta tikkonforma mal-prinċipju tal-proporzjonalità għar-raġuni(jiet) li ġejja/ġejjin: | Il-proposta mhix se taffettwa l-qafas regolatorju fi ħdan iż-Żona Ewropea Komuni ta’ Avjazzjoni. Il-proposta mhix se timmodifika l-Ftehim dwar it-Trasport bl-Ajru bejn l-UE u l-US. Il-proposta hija limitata biex tiżgura l-konsistenza bejn is-suq komuni tal-avjazzjoni fl-Ewropa u l-qafas regolatorju għat-titjiriet transatlantiċi stabbilit mill-Ftehim dwar it-Trasport bl-Ajru bejn l-UE u l-US. Il-proposta ma toħloqx obbligi ġodda għall-awtoritajiet tal-avjazzjoni tal-UE jew għall-industrija tal-UE. Hija toħloq drittijiet ġodda għal-linji tal-ajru tal-UE u tiżgura l-konsistenza sħiħa tal-Ftehim dwar it-Trasport bl-Ajru bejn l-UE u l-US mal-politika Skandinava komuni dwar it-trasport bl-ajru. Għażla tal-istrumenti | Mezzi oħra ma jkunux adegwati għar-raġunijiet li ġejjin: Il-Ftehim fil-forma ta' ittra ta’ akkumpanjament bejn erba’ partijiet u Ftehim Anċillari huma l-iżjed strumenti effettivi sabiex jiżguraw kemm l-estensjoni sħiħa tal-Ftehim dwar it-Trasport bl-Ajru bejn l-UE u l-US għall-Islanda u n-Norveġja kif ukoll il-karattru bilaterali tal-Ftehim dwar it-Trasport bl-Ajru bejn l-UE u l-US. Ftehim multilaterali li jissostitwixxi l-Ftehim dwar it-Trasport bl-Ajru bejn l-UE u l-US jirriduċi lill-UE għal parti waħda fi Ftehim bejn erba’ partijiet filwaqt li l-Ftehimiet proposti jżommu r-relazzjoni bilaterali bejn l-US, fuq naħa, u l-Ewropa, fuq naħa oħra. Ftehimiet bilaterali paralleli bejn (1) l-Islanda u l-US, (2) in-Norveġja u l-US, (3) l-Islanda u l-Unjoni Ewropea, u (4) in-Norveġja u l-Unjoni Ewropea jżidu kumplessità mhux meħtieġa u ma jiggarantux il-konsistenza sħiħa tal-qafas regolatorju għat-titjiriet transatlantiċi. | 4. Implikazzjoni baġitarja | Il-proposta ma għandha l-ebda implikazzjoni għall-baġit tal-Unjoni. | 2011/0103 (NLE) Proposta għal DEĊIŻJONI TAL-KUNSILL dwar l-iffirmar u l-applikazzjoni provviżorja tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti; u dwar l-iffirmar u l-applikazzjoni provviżorja tal-Ftehim Anċillari bejn l-Unjoni Ewropea u l-Istati Membri tagħha, bħala l-ewwel parti, l-Islanda, bħala t-tieni parti, u r-Renju tan-Norveġja, bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti IL-KUNSILL TAL-UNJONI EWROPEA, Wara li kkunsidra t-Trattat dwar il-Funzjonament tal-Unjoni Ewropea u b’mod partikolari l-Artikolu 100(2), flimkien mal-Artikolu 218(5) tiegħu, Wara li kkunsidra l-proposta mill-Kummissjoni, Billi: 1. Il-Ftehim dwar it-Trasport bl-Ajru ffirmat mill-Komunità Ewropea u l-Istati Membri tagħha u l-Istati Uniti tal-Amerika fil-25 u 30 ta’ April 2007 (minn hawn ’il quddiem, “il-Ftehim dwar it-Trasport bl-Ajru”), kif emendat mill-Protokoll sabiex jiġi emendat il-Ftehim dwar it-Trasport bl-Ajru ffirmat mill-Unjoni Ewropea u l-Istati Membri tagħha u l-Istati Uniti tal-Amerika fl-24 ta’ Ġunju 2010 (minn hawn ’il quddiem, “il-Protokoll”) jipprevedi b’mod espliċitu l-adeżjoni ta’ pajjiżi terzi fil-Ftehim dwar it-Trasport bl-Ajru. 2. Skont l-Artikolu 18(5) tal-Ftehim dwar it-Trasport bl-Ajru, kif emendat mill-Protokoll, il-Kumitat Konġunt li ġie stabbilit taħtu żviluppa proposta għall-adeżjoni tal-Islanda u r-Renju tan-Norveġja fil-Ftehim dwar it-Trasport bl-Ajru. 3. Fis-16 ta’ Novembru 2010 il-Kumitat Konġunt ippropona Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti, (minn hawn ’il quddiem, “il-Ftehim”). 4. Il-Kummissjoni nnegozjat Ftehim Anċillari bejn l-Unjoni Ewropea u l-Istati Membri tagħha, bħala l-ewwel parti, l-Islanda, bħala t-tieni parti, u r-Renju tan-Norveġja, bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti, (minn hawn ’il quddiem, “il-Ftehim Anċillari”). 5. Il-Ftehim u l-Ftehim Anċillari għandhom jiġu ffirmati u applikati b'mod provviżorju, soġġetti għall-konklużjoni tagħhom f'data aktar tard. ADOTTA DIN ID-DEĊIŻJONI: Artikolu 1 Il-President tal-Kunsill huwa b'dan awtorizzat li jaħtar persuna (persuni) bis-setgħa li tiffirma (jiffirmaw) il-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti, u l-Ftehim Anċillari bejn l-Unjoni Ewropea u l-Istati Membri tagħha, bħala l-ewwel parti, l-Islanda, bħala t-tieni parti, u r-Renju tan-Norveġja, bħala t-tielet parti, dwar l-applikazzjoni tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti. Artikolu 2 It-test tal-Ftehim u tal-Ftehim Anċillari huwa anness ma' din id-Deċiżjoni. Artikolu 3 Il-Ftehim u l-Ftehim Anċillari għandhom jiġu applikati b'mod provviżorju mid-data tal-iffirmar sakemm jidħlu fis-seħħ. Artikolu 4 Din id-Deċiżjoni għandha tidħol fis-seħħ fid-data tal-adozzjoni tagħha. Hija għandha tiġi ppubblikata f'Il-Ġurnal Uffiċjali tal-Unjoni Ewropea. Magħmul fi [Post], Għall-Kunsill Il-President […] APPENDIĊI 1 FTEHIM DWAR IT-TRASPORT BL-AJRU L-ISTATI UNITI TAL-AMERIKA (minn hawn ’il quddiem, l-”Istati Uniti”), bħala l-ewwel parti; IR-RENJU TAL-BELĠJU, IR-REPUBBLIKA TAL-BULGARIJA, IR-REPUBBLIKA ĊEKA, IR-RENJU TAD-DANIMARKA, IR-REPUBBLIKA FEDERALI TAL-ĠERMANJA, IR-REPUBBLIKA TAL-ESTONJA, L-IRLANDA, IR-REPUBBLIKA ELLENIKA, IR-RENJU TA’ SPANJA, IR-REPUBBLIKA FRANĊIŻA, IR-REPUBBLIKA TALJANA, IR-REPUBBLIKA TA’ ĊIPRU, IR-REPUBBLIKA TAL-LATVJA, IR-REPUBBLIKA TAL-LITWANJA, IL-GRAN DUKAT TAL-LUSSEMBURGU, IR-REPUBBLIKA TAL-UNGERIJA, IR-REPUBBLIKA TA’ MALTA, IR-RENJU TAL-PAJJIŻI L-BAXXI, IR-REPUBBLIKA TAL-AWSTRIJA, IR-REPUBBLIKA TAL-POLONJA, IR-REPUBBLIKA PORTUGIŻA, IR-RUMANIJA, IR-REPUBBLIKA TAS-SLOVENJA, IR-REPUBBLIKA SLOVAKKA, IR-REPUBBLIKA TAL-FINLANDJA, IR-RENJU TAL-ISVEZJA, IR-RENJU UNIT TAL-GRAN BRITTANJA U L-IRLANDA TA’ FUQ, billi huma partijiet għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea u billi huma Stati Membri tal-Unjoni Ewropea (minn hawn ’il quddiem, l-"Istati Membri"), u L-UNJONI EWROPEA, bħala t-tieni parti; L-ISLANDA, bħala t-tielet parti; u IR-RENJU TAN-NORVEĠJA (minn hawn ’il quddiem, “in-Norveġja”), bħala r-raba’ parti; XEWQANA li jippromwovu sistema tal-avjazzjoni internazzjonali bbażata fuq il-kompetizzjoni bejn il-linji tal-ajru fis-suq b’interferenza u regolazzjoni minima mill-gvern; XEWQANA li jiffaċilitaw l-espansjoni tal-opportunitajiet għat-trasport internazzjonali bl-ajru , fosthom permezz tal-iżvilupp ta’ netwerks ta’ trasport bl-ajru li jaqdu l-ħtiġijiet tal-passiġġieri u t-trasportaturi għal servizzi komdi ta’ trasport bl-ajru; XEWQANA li jagħmluha possibbli għal-linji tal-ajru li joffru lill-pubbliku li jivvjaġġa u li jibgħat merkanzija prezzijiet u servizzi kompetittivi fis-swieq miftuħa; XEWQANA li s-setturi kollha tal-industrija tat-trasport bl-ajru, inklużi l-ħaddiema tal-linji tal-ajru, jibbenefikaw fi ftehim liberalizzat; XEWQANA li jiżguraw l-ogħla livell ta’ sikurezza u sigurtà fit-trasport internazzjonali bl-ajru u filwaqt li jaffermaw mill-ġdid it-tħassib gravi tagħhom dwar l-atti jew it-theddidiet kontra s-sigurtà tal-inġenji tal-ajru, li jipperikolaw is-sigurtà tal-persuni jew tal-proprjetà, jaffettwaw ħażin l-operat tat-trasport bl-ajru, u jimminaw il-fiduċja tal-pubbliku fis-sigurtà tal-avjazzjoni ċivili; FILWAQT LI JINNOTAW il-Konvenzjoni dwar l-Avjazzjoni Ċivili Internazzjonali, li nfetħet għall-iffirmar f’Chicago fis-7 ta’ Diċembru 1944; FILWAQT LI JIRRIKONOXXU li s-sussidji tal-gvern jistgħu jaffettwaw ħażin il-kompetizzjoni bejn il-linji tal-ajru u jistgħu jipperikolaw l-għanijiet bażiċi ta’ dan il-Ftehim; FILWAQT LI JAFFERMAW l-importanza tal-ħarsien tal-ambjent fl-iżvilupp u l-implimentazzjoni ta’ politika dwar l-avjazzjoni internazzjonali; FILWAQT LI JINNOTAW l-importanza li jiġu mħarsa l-konsumaturi, inklużi l-protezzjonijiet mogħtija mill-Konvenzjoni għall-Unifikazzjoni ta’ Ċerti Regoli għat-Trasport Internazzjonali bl-Ajru, li saret f’Montreal fit-28 ta’ Mejju 1999; BIL-ĦSIEB li jibnu fuq il-qafas tal-ftehimiet eżistenti bil-għan li jiftħu l-aċċess għas-swieq u jimmassimizzaw il-benefiċċji għall-konsumaturi, il-linji tal-ajru, il-ħaddiema, u l-komunitajiet fuq iż-żewġ naħat tal-Atlantiku; FILWAQT LI JIRRIKONOXXU l-importanza li jittejjeb l-aċċess tal-linji tal-ajru tagħhom għas-swieq kapitali globali bil-għan li tissaħħaħ il-kompetizzjoni u jiġu promossi l-għanijiet ta’ dan il-Ftehim; BIL-ĦSIEB li jistabbilixxu preċedent ta’ importanza globali sabiex jippromwovu l-benefiċċji tal-liberalizzazzjoni f’dan is-settur ekonomiku kruċjali; FILWAQT LI JIRRIKONOXXU li l-Unjoni Ewropea ħadet post u ssuċċediet il-Komunità Ewropea bħala konsegwenza tad-dħul fis-seħħ fl-1 ta’ Diċembru 2009, tat-Trattat ta’ Lisbona li jemenda t-Trattat dwar l-Unjoni Ewropea u t-Trattat li jistabbilixxi l-Komunità Ewropea, u li minn dik id-data, id-drittijiet u l-obbligi kollha tal-Komunità Ewropea u r-referenzi kollha għalija fil-Ftehim dwar it-Trasport bl-Ajru ffirmat mill-Komunità Ewropea u l-Istati Membri tagħha u l-Istati Uniti tal-Amerika fil-25 u 30 ta’ April 2007, japplikaw għall-Unjoni Ewropea; FTIEHMU LI ġEJ: Artikolu 1 Definizzjoni “Parti” tfisser l-Istati Uniti, l-Unjoni Ewropea u l-Istati Membri tagħha, l-Islanda, jew in-Norveġja. ARTIKOLU 2 Applikazzjoni tal-Ftehim dwar it-Trasport bl-Ajru kif emendat mill-Protokoll u l-Anness għal dan il-Ftehim Id-dispożizzjonijiet tal-Ftehim dwar it-Trasport bl-Ajru ffirmat mill-Komunità Ewropea u l-Istati Membri tagħha u l-Istati Uniti tal-Amerika fil-25 u 30 ta’ April 2007 (minn hawn ’il quddiem, “il-Ftehim dwar it-Trasport bl-Ajru”), kif emendat mill-Protokoll li jemenda l-Ftehim dwar it-Trasport bl-Ajru li ġie ffirmat mill-Istati Uniti tal-Amerika u l-Unjoni Ewropea fl-24 ta’ Ġunju 2010 (minn hawn ’il quddiem, “il-Protokoll”), li qed jiġu inkorporati b’referenza, għandhom japplikaw għall-Partijiet kollha f’dan il-Ftehim, suġġetti għall-Anness għal dan il-Ftehim. Id-dispożizzjonijiet tal-Ftehim dwar it-Trasport bl-Ajru, kif emendat mill-Protokoll, għandhom japplikaw għall-Islanda u n-Norveġja daqs li kieku kienu Stati Membri tal-Unjoni Ewropea, sabiex l-Islanda u n-Norveġja għandhom ikollhom id-drittijiet u l-obbligi kollha tal-Istati Membri skont dak il-ftehim. Id-dispożizzjonijiet tal-Anness għal dan il-Ftehim jiffurmaw parti integrali minn dan il-Ftehim. ARTIKOLU 3 Terminazzjoni 1. L-Istati Uniti jew l-Unjoni Ewropea u l-Istati Membri tagħha, jistgħu, fi kwalunkwe ħin, jagħtu avviż bil-miktub permezz ta’ kanali diplomatiċi lit-tliet Partijiet l-oħra, tad-deċiżjoni tagħhom li jtemmu dan il-Ftehim jew li jwaqqfu l-applikazzjoni provviżorja ta’ dan l-Ftehim skont l-Artikolu 5. Kopja tal-avviż għandha tintbagħat fl-istess ħin lill-Organizzazzjoni Internazzjonali tal-Avjazzjoni Ċivili (ICAO). Dan il-Ftehim għandu jintemm, jew l-applikazzjoni provviżorja ta’ dan il-Ftehim għandha tieqaf, f’nofsillejl GMT fl-aħħar tal-istaġun tat-traffiku tal-Assoċjazzjoni Internazzjonali tat-Trasport bl-Ajru (IATA) li jkun fis-seħħ sena wara d-data tan-notifika bil-miktub, sakemm l-avviż ma jiġix irtirat qabel it-tmiem ta’ dan il-perjodu bi qbil bejn il-Partijiet kollha. 2. L-Islanda jew in-Norveġja jistgħu, fi kwalunkwe ħin, jagħtu avviż bil-miktub lill-Partijiet l-oħra, permezz ta’ kanali diplomatiċi, tad-deċiżjoni tagħhom li jirtiraw minn dan il-Ftehim jew li jtemmu l-applikazzjoni provviżorja tiegħu skont l-Artikolu 5. Kopja tal-avviż għandha tintbagħat fl-istess ħin lill-ICAO. Tali rtirar jew waqfien tal-applikazzjoni provviżorja għandu jkun effettiv f’nofsillejl GMT fl-aħħar tal-istaġun tat-traffiku tal-IATA li jkun fis-seħħ sena wara d-data tan-notifika bil-miktub, sakemm l-avviż ma jiġix irtirat qabel it-tmiem ta’ dan il-perjodu bi qbil bejn il-Parti li tagħti l-avviż bil-miktub, l-Istati Uniti, u l-Unjoni Ewropea u l-Istati Membri tagħha. 3. L-Istati Uniti jew l-Unjoni Ewropea u l-Istati Membri tagħha jistgħu, fi kwalunkwe ħin, jagħtu avviż bil-miktub permezz ta’ kanali diplomatiċi, lill-Islanda jew in-Norveġja, tad-deċiżjoni tagħhom li jtemmu dan il-Ftehim jew li jwaqqfu l-applikazzjoni provviżorja tiegħu, fir-rigward tal-Islanda jew in-Norveġja. Kopji tal-avviż għandhom jintbagħtu fl-istess ħin liż-żewġ Partijiet l-oħra għal dan il-Ftehim u lill-ICAO. It-tmiem jew il-waqfien tal-applikazzjoni provviżorja fir-rigward tal-Islanda jew in-Norveġja għandu jkun effettiv f’nofsillejl GMT fl-aħħar tal-istaġun tat-traffiku tal-IATA li jkun fis-seħħ sena wara d-data tan-notifika bil-miktub, sakemm l-avviż ma jiġix irtirat qabel it-tmiem ta’ dan il-perjodu bi qbil bejn l-Istati Uniti, l-Unjoni Ewropea u l-Istati Membri tagħha, u l-Parti li tirċievi l-avviż. 4. Għall-finijiet tan-noti diplomatiċi kkontemplati minn dan l-Artikolu, in-noti diplomatiċi lill-Unjoni Ewropea u l-Istati Membri tagħha jew mingħandhom għandhom jintbagħtu lill-Unjoni Ewropea jew minnha skont kif ikun il-każ. 5. Minkejja kull dispożizzjoni oħra ta’ dan l-Artikolu, jekk il-Ftehim dwar it-Trasport bl-Ajru, kif emendat mill-Protokoll, jiġi tterminat, dan il-Ftehim għandu jintemm fl-istess ħin. ARTIKOLU 4 Reġistrazzjoni mal-ICAO Dan il-Ftehim u l-emendi kollha li jsiru fih għandhom jiġu rreġistrati mal-ICAO mis-Segretarjat Ġenerali tal-Kunsill tal-Unjoni Ewropea. ARTIKOLU 5 Applikazzjoni Provviżorja Sakemm jidħol fis-seħħ, il-Partijiet jaqblu li japplikaw dan il-Ftehim b’mod provviżorju, safejn permess skont il-liġi domestika applikabbli, mid-data tal-firma. Jekk il-Ftehim dwar it-Trasport bl-Ajru, kif emendat mill-Protokoll, jiġi tterminat skont l-Artikolu 23 tiegħu, jew l-applikazzjoni provviżorja tiegħu titwaqqaf skont l-Artikolu 25 ta’ dak il-Ftehim, jew l-applikazzjoni provviżorja tal-Protokoll titwaqqaf skont l-Artikolu 9 tal-Protokoll, l-applikazzjoni provviżorja ta’ dan il-Ftehim għandha tieqaf fl-istess ħin. ARTIKOLU 6 Dħul fis-seħħ Dan il-Ftehim għandu jidħol fis-seħħ fl-aktar waħda tard minn dawn li ġejjin: 1. id-data tad-dħul fis-seħħ tal-Ftehim dwar it-Trasport bl-Ajru, 2. id-data tad-dħul fis-seħħ tal-Protokoll, u 3. xahar wara d-data tal-aħħar nota tal-iskambji ta’ noti diplomatiċi bejn il-Partijiet li jikkonfermaw li tlestew il-proċeduri neċessarji kollha għad-dħul fis-seħħ ta’ dan il-Ftehim. Għall-finijiet ta’ dan l-iskambju ta’ noti diplomatiċi, in-noti diplomatiċi lill-Unjoni Ewropea u l-Istati Membri tagħha jew mingħandhom għandhom jintbagħtu lill-Unjoni Ewropea jew minnha, skont kif ikun il-każ. In-nota jew noti diplomatiċi mill-Unjoni Ewropea u l-Istati Membri tagħha għandhom jinkludu komunikazzjonijiet minn kull Stat Membru li jikkonferma li jkunu tlestew il-proċeduri neċessarji tiegħu għad-dħul fis-seħħ ta’ dan il-Ftehim. B’XHIEDA TA’ DAN il-firmatarji, debitament awtorizzati, iffirmaw dan il-Ftehim. MAGĦMUL fi ………., f’erba’ kopji, illum ………. jum ta’ ……………., 2011. GĦALL-ISTATI UNITI TAL-AMERIKA GĦAR-RENJU TAL-BELĠJU GĦAR-REPUBBLIKA TAL-BULGARIJA GĦAR-REPUBBLIKA ĊEKA GĦAR-RENJU TAD-DANIMARKA GĦAR-REPUBBLIKA FEDERALI TAL-ĠERMANJA GĦAR-REPUBBLIKA TAL-ESTONJA GĦALL-IRLANDA GĦAR-REPUBBLIKA ELLENIKA GĦAR-RENJU TA’ SPANJA GĦAR-REPUBBLIKA FRANĊIŻA GĦAR-REPUBBLIKA TALJANA GĦAR-REPUBBLIKA TA’ ĊIPRU GĦAR-REPUBBLIKA TAL-LATVJA GĦAR-REPUBBLIKA TAL-LITWANJA GĦALL-GRAN DUKAT TAL-LUSSEMBURGU GĦAR-REPUBBLIKA TAL-UNGERIJA GĦAR-REPUBBLIKA TA’ MALTA GĦAR-RENJU TAL-PAJJIŻI L-BAXXI GĦAR-REPUBBLIKA TAL-AWSTRIJA GĦAR-REPUBBLIKA TAL-POLONJA GĦAR-REPUBBLIKA PORTUGIŻA GĦAR-RUMANIJA GĦAR-REPUBBLIKA TAS-SLOVENJA GĦAR-REPUBBLIKA SLOVAKKA GĦAR-REPUBBLIKA TAL-FINLANDJA GĦAR-RENJU TAL-ISVEZJA GĦAR-RENJU UNIT TAL-GRAN BRITTANJA U L-IRLANDA TA’ FUQ GĦALL-UNJONI EWROPEA GĦALL-ISLANDA GĦAR-RENJU TAN-NORVEĠJA ANNESS Dispożizzjonijiet speċifiċi fir-Rigward tal-Islanda u n-Norveġja Id-dispożizzjonijiet tal-Ftehim dwar it-Trasport bl-Ajru, kif emendat mill-Protokoll, u mmodifikati kif ġej, għandhom japplikaw għall-Partijiet kollha f’dan il-Ftehim. Id-dispożizzjonijiet tal-Ftehim dwar it-Trasport bl-Ajru, kif emendat mill-Protokoll, għandhom japplikaw għall-Islanda u n-Norveġja daqs li kieku kienu Stati Membri tal-Unjoni Ewropea, sabiex l-Islanda u n-Norveġja ikollhom id-drittijiet u l-obbligi kollha tal-Istati Membri skont dak il-ftehim: 1. Paragrafu 9 tal-Artikolu 1 tal-Ftehim dwar it-Trasport bl-Ajru, kif emendat mill-Protokoll, għandu jaqra kif ġej: “Territorju” jfisser, għall-Istati Uniti, iż-żoni tal-art (art prinċipali u l-gżejjer), l-ilmijiet interni u l-baħar territorjali taħt is-sovranità jew il-ġurisdizzjoni tiegħu, u, għall-Unjoni Ewropea u l-Istati Membri tagħha, iż-żoni tal-art (art prinċipali u l-gżejjer), l-ilmijiet interni u l-baħar territorjali li fihom jiġi applikat il-Ftehim dwar iż-Żona Ekonomika Ewropea u bil-kundizzjonijiet stipulati f’dak il-ftehim u kwalunkwe strument suċċessur, bl-eċċezzjoni taż-żoni tal-art u l-ilmijiet interni taħt is-sovranità jew il-ġurisdizzjoni tal-Prinċipat tal-Liechtenstein; l-applikazzjoni ta’ dan il-Ftehim għall-ajruport ta’ Ġibiltà hija mifhuma li tkun mingħajr ħsara għall-pożizzjonijiet legali rispettivi tar-Renju ta’ Spanja u r-Renju Unit fir-rigward tat-tilwima dwar is-sovranità fuq it-territorju li fih jinsab l-ajruport, u għat-tkomplija tas-sospensjoni tal-Ajruport ta’ Ġibiltà mill-miżuri tal-avjazzjoni tal-Unjoni Ewropea li jeżistu mit-18 ta’ Settembru 2006 bejn l-Istati Membri, skont l-istqarrija Ministerjali dwar l-Ajruport ta’ Ġibiltà li ġiet miftiehma f’Córdoba fit-18 ta’ Settembru 2006; u 2. L-Artikoli 23 sa 26 tal-Ftehim dwar it-Trasport bl-Ajru, kif emendat mill-Protokoll, ma għandhomx japplikaw għall-Islanda u n-Norveġja. 3. L-Artikoli 9 u 10 tal-Protokoll ma għandhomx japplikaw għall-Islanda u n-Norveġja. 4. Dan li ġej għandu jiġi miżjud mat-Taqsima 1 tal-Anness 1 tal-Ftehim dwar it-Trasport bl-Ajru, kif emendat mill-Protokoll: w. L-Islanda: Ftehim dwar it-Trasport bl-Ajru, iffirmat f’Washington fl-14 ta’ Ġunju, 1995; emendat fl-1 ta’ Marzu 2002 bi skambju ta’ noti; emendat fl-14 ta’ Awwissu 2006 u d-9 ta’ Marzu 2007 bi skambju ta’ noti. x. Ir-Renju tan-Norveġja: Ftehim dwar is-Servizzi tat-Trasport bl-Ajru affettwati bl-iskambji ta’ noti f’Washington, fis-6 ta’ Ottubru 1945; emendat fis-6 ta’ Awwissu 1954 bi skambju ta’ noti; emendat fis-16 ta’ Ġunju 1995 bi skambju ta’ noti. 5. It-test tat-Taqsima 2 tal-Anness 1 tal-Ftehim dwar it-Trasport bl-Ajru, kif emendat mill-Protokoll, għandu jinqara kif ġej: Minkejja t-Taqsima 1 ta’ dan l-Anness, għaż-żoni li mhumiex inkorporati fid-definizzjoni ta’ “territorju” fl-Artikolu 1 ta’ dan il-Ftehim, il-ftehimiet fil-paragrafi (e) (Danimarka-Stati Uniti), (g) (Franza-Stati Uniti), (v) (Renju Unit-Stati Uniti), u (x) (Norveġja-Stati Uniti) ta’ dik it-taqsima għandhom ikomplu japplikaw, skont it-termini tagħhom. 6. It-test tat-Taqsima 3 tal-Anness 1 tal-Ftehim dwar it-Trasport bl-Ajru, kif emendat mill-Protokoll, għandu jinqara kif ġej: Minkejja l-Artikolu 3 ta’ dan il-Ftehim, il-linji tal-ajru tal-US mhux se jkollhom id-dritt li jipprovdu servizzi ta’ merkanzija biss, li ma jkunux parti minn servizz li jaqdi lill-Istati Uniti, lejn jew minn punti fl-Istati Membri, ħlief lejn jew minn punti fir-Repubblika Ċeka, ir-Repubblika Franċiża, ir-Repubblika Federali tal-Ġermanja, il-Gran Dukat tal-Lussemburgu, ir-Repubblika ta’ Malta, ir-Repubblika tal-Polonja, ir-Repubblika Portugiża, ir-Repubblika Slovakka, l-Islanda, u r-Renju tan-Norveġja. 7. Is-sentenza li ġejja għandha tiġi miżjuda fit-tmiem tal-Artikolu 3 tal-Anness 2 tal-Ftehim dwar it-Trasport bl-Ajru, kif emendat mill-Protokoll: Għall-Islanda u n-Norveġja, dan jinkludi, iżda mhuwiex limitat għal, l-Artikoli 53, 54, u 55 tal-Ftehim dwar iż-Żona Ekonomika Ewropea u r-Regolamenti tal-UE li jimplimentaw l-Artikoli 101, 102 u 105 tat-Trattat dwar il-Funzjonament tal-Unjoni Ewropea kif inkorporati fil-Ftehim dwar iż-Żona Ekonomika Ewropea, kif ukoll kwalunkwe emendi li jsiru fihom. 8. Il-paragrafu 4 tal-Artikolu 21 tal-Ftehim dwar it-Trasport bl-Ajru kif emendat mill-Protokoll għandu japplika għall-Islanda u n-Norveġja safejn il-liġijiet u r-regolamenti rilevanti tal-Unjoni Ewropea jiġu inkorporati fil-Ftehim dwar iż-Żona Ekonomika Ewropea, b’mod konformi ma’ kwalunkwe addattament li jkun stipulat fih. Dikjarazzjoni Konġunta Ir-rappreżentanti tal-Istati Uniti tal-Amerika, l-Unjoni Ewropea u l-Istati Membri tagħha, l-Islanda, u r-Renju tan-Norveġja kkonfermaw li t-test tal-Ftehim dwar it-Trasport bl-Ajru bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti (il-”Ftehim”), għandu jiġi awtentikat f’lingwi oħra, kif previst, jew qabel l-iffirmar tal-Ftehim, bi Skambji ta’ Ittri bejn l-Istati Uniti tal-Amerika, il-Kummissjoni Ewropea f’isem l-Unjoni Ewropea u l-Istati Membri tagħha, l-Islanda, u r-Renju tan-Norveġja jew, wara l-iffirmar tal-Ftehim, b’deċiżjoni tal-Kumitat Konġunt. Din id-Dikjarazzjoni Konġunta hija parti integrali tal-Ftehim. Għall-Istati Uniti tal-Amerika: | Għall-Unjoni Ewropea u l-Istati Membri tagħha: | XXX | XXX | Għall-Islanda: | Għar-Renju tan-Norveġja: | XXX | XXX | APPENDIĊI 2 FTEHIM ANĊILLARI BEJN L-UNJONI EWROPEA U L-iSTATI MEMBRI TAGĦHA,BĦALA L-EWWEL PARTI, L-ISLANDA, BĦALA T-TIENI PARTI, U R-RENJU TAN-NORVEĠJA, BĦALA T-TIELET PARTI, DWAR L-APPLIKAZZJONI TAL-FTEHIM DWAR IT-TRASPORT BL-AJRUbeJNL-ISTATI UNITI TAL-AMERIKA, BĦALA L-EWWEL PARTI, L-UNJONI EWROPEA U L-ISTATI MEMBRI TAGĦHA, BĦALA T-TIENI PARTI,L-ISLANDA, BĦALA T-TIELET PARTI, U R-RENJU TAN-NORVEĠJA, BĦALA R-RABA’ PARTI IR-RENJU TAL-BELĠJU, IR-REPUBBLIKA TAL-BULGARIJA, IR-REPUBBLIKA ĊEKA, IR-RENJU TAD-DANIMARKA, IR-REPUBBLIKA FEDERALI TAL-ĠERMANJA, IR-REPUBBLIKA TAL-ESTONJA, L-IRLANDA, IR-REPUBBLIKA ELLENIKA, IR-RENJU TA’ SPANJA, IR-REPUBBLIKA FRANĊIŻA, IR-REPUBBLIKA TALJANA, IR-REPUBBLIKA TA’ ĊIPRU, IR-REPUBBLIKA TAL-LATVJA, IR-REPUBBLIKA TAL-LITWANJA, IL-GRAN DUKAT TAL-LUSSEMBURGU, IR-REPUBBLIKA TAL-UNGERIJA, IR-REPUBBLIKA TA’ MALTA, IR-RENJU TAL-PAJJIŻI L-BAXXI, IR-REPUBBLIKA TAL-AWSTRIJA, IR-REPUBBLIKA TAL-POLONJA, IR-REPUBBLIKA PORTUGIŻA, IR-RUMANIJA, IR-REPUBBLIKA TAS-SLOVENJA, IR-REPUBBLIKA SLOVAKKA, IR-REPUBBLIKA TAL-FINLANDJA, IR-RENJU TAL-ISVEZJA, IR-RENJU UNIT TAL-GRAN BRITTANJA U L-IRLANDA TA’ FUQ, billi huma partijiet għat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea u billi huma Stati Membri tal-Unjoni Ewropea (minn hawn ’il quddiem, l-”Istati Membri”), u L-UNJONI EWROPEA, bħala l-ewwel parti; L-ISLANDA, bħala t-tieni parti; u IR-RENJU TAN-NORVEĠJA (minn hawn ’il quddiem, “in-Norveġja”), bħala t-tielet parti; FILWAQT LI JINNOTAW li l-Kummissjoni Ewropea nnegozjat, f’isem l-Unjoni Ewropea u l-Istati Membri, Ftehim dwar it-Trasport bl-Ajru mal-Istati Uniti tal-Amerika skont id-Deċiżjoni tal-Kunsill li tawtorizza lill-Kummissjoni tiftaħ in-negozjati, FILWAQT LI JINNOTAW li l-Ftehim dwar it-Trasport bl-Ajru bejn l-Istati Uniti tal-Amerika u l-Komunità Ewropea u l-Istati Membri tagħha (minn hawn ’il quddiem, “il-Ftehim dwar it-Trasport bl-Ajru”) ġie inizjalat fit-2 ta’ Marzu 2007, iffirmat fi Brussell fil-25 ta’ April 2007 u f’Washington, D.C. fit-30 ta’ April 2007 u applikat provviżorjament mit-30 ta’ Marzu 2008, FILWAQT LI JINNOTAW li l-Ftehim dwar it-Trasport bl-Ajru ġie emendat mill-Protokoll sabiex jemenda l-Ftehim dwar it-Trasport bl-Ajru bejn l-Istati Uniti tal-Amerika u l-Unjoni Ewropea u l-Istati Membri tagħha (minn hawn ’il quddiem, “il-Protokoll”), inizjalat fit-2 ta’ Marzu 2010, u ffirmat fil-Lussemburgu fl-24 ta’ Ġunju 2010, FILWAQT LI JINNOTAW li l-Islanda u n-Norveġja, billi huma membri kompletament integrati tas-Suq uniku Ewropew tal-Avjazzjoni permezz tal-Ftehim dwar iż-Żona Ekonomika Ewropea, aderew mal-Ftehim dwar it-Trasport bl-Ajru kif emendat mill-Protokoll permezz ta’ Ftehim bejn l-Istati Uniti tal-Amerika, bħala l-ewwel parti, l-Unjoni Ewropea u l-Istati Membri tagħha, bħala t-tieni parti, l-Islanda, bħala t-tielet parti, u r-Renju tan-Norveġja, bħala r-raba’ parti, tal-istess data, (minn hawn ’il quddiem, “il-Ftehim”), li jinkorpora l-Ftehim dwar it-Trasport bl-Ajru kif emendat mill-Protokoll. FILWAQT LI JIRRIKONOXXU li huwa neċessarju li jiġu stabbiliti arranġamenti proċedurali sabiex jiġi deċiż, jekk ikun xieraq, kif għandhom jittieħdu miżuri skont l-Artikolu 21 paragrafu 5 tal-Ftehim dwar it-Trasport bl-Ajru kif emendat mill-Protokoll. FILWAQT LI JIRRIKONOXXU li huwa neċessarju wkoll li jiġu stabbiliti arranġamenti proċedurali għall-parteċipazzjoni tal-Islanda u n-Norveġja fil-Kumitat Konġunt stabbilit skont l-Artikolu 18 tal-Ftehim dwar it-Trasport bl-Ajru kif emendat mill-Protokoll u fil-proċeduri tal-arbitraġġ stipulati fl-Artikolu 19 tal-Ftehim dwar it-Trasport bl-Ajru kif emendat mill-Protokoll. Dawn l-arranġamenti proċedurali għandhom jiżguraw l-kooperazzjoni, il-fluss tal-informazzjoni u l-konsultazzjoni meħtieġa qabel il-laqgħat tal-Kumitat Konġunt, kif ukoll l-implimentazzjoni ta’ ċerti dispożizzjonijiet tal-Ftehim dwar it-Trasport bl-Ajru kif emendat mill-Protokoll, inklużi dawk dwar is-sikurezza, is-sigurtà, l-għoti u r-revoka tad-drittijiet tat-traffiku u l-appoġġ mill-gvern, FTIEHMU LI ĠEJ: ARTIKOLU 1 Notifika F’każ li l-Unjoni Ewropea u l-Istati Membri tagħha jiddeċiedu li jtemmu l-Ftehim skont l-Artikolu 3 tal-Ftehim jew li ma jkomplux japplikawh b’mod provviżorju, jew li jirtiraw avviżi dwar dan, il-Kummissjoni għandha tinnotifika immedjatament lill-Islanda u n-Norveġja dwar dan qabel ma tinforma lill-Istati Uniti tal-Amerika permezz ta’ kanali diplomatiċi. Bl-istess mod, l-Islanda u/jew in-Norveġja għandhom jinfurmaw immedjatament lill-Kummissjoni bi kwalunkwe deċiżjoni ta’ dan it-tip. ARTIKOLU 2 Sospensjoni tad-Drittijiet tat-Traffiku Deċiżjoni sabiex linji tal-ajru tal-Parti l-oħra ma jitħallewx joperaw frekwenzi addizzjonali jew jidħlu fi swieq ġodda taħt il-Ftehim u jiġu nnotifikati l-Istati Uniti tal-Amerika dwar dan, jew biex, bi qbil, titneħħa kwalunkwe deċiżjoni simili, meħuda skont l-Artikolu 21 paragrafu 5 tal-Ftehim dwar it-Trasport bl-Ajru kif emendat mill-Protokoll, għandha tiġi adottata mill-Kunsill, f’isem l-Unjoni Ewropea u l-Istati Membri, billi jaġixxi b’mod unanimu skont id-dispożizzjonijiet rilevanti tat-Trattat, u mill-Islanda u n-Norveġja. Il-president tal-Kunsill, li jaġixxi f’isem l-Unjoni Ewropea u l-Istati Membri, l-Islanda u n-Norveġja għandu mbagħad jinfurma lill-Istati Uniti tal-Amerika bi kwalunkwe deċiżjoni bħal din. ARTIKOLU 3 Kumitat Konġunt 1. L-Unjoni Ewropea, l-Istati Membri, l-Islanda u n-Norveġja għandhom ikunu rappreżentati fil-Kumitat Konġunt stabbilit skont l-Artikolu 18 tal-Ftehim dwar it-Trasport bl-Ajru kif emendat mill-Protokoll minn rappreżentanti tal-Kummissjoni, l-Istati Membri, l-Islanda u n-Norveġja. 2. Il-pożizzjoni tal-Unjoni Ewropea, l-Istati Membri, l-Islanda u n-Norveġja fi ħdan il-Kumitat Konġunt għandha tkun ippreżentata mill-Kummissjoni, għajr f’oqsma li fi ħdan l-UE jaqgħu esklussivament taħt il-kompetenza tal-Istati Membri, f’liema każ hija għandha tiġi ppreżentata mill-Presidenza tal-Kunsill jew mill-Kummissjoni, l-Islanda u n-Norveġja kif ikun xieraq. 3. Il-pożizzjoni li għandha tittieħed mill-Islanda u n-Norveġja fi ħdan il-Kumitat Konġunt fir-rigward ta’ kwistjonijiet li jaqgħu taħt l-Artikoli 14 jew 20 tal-Ftehim dwar it-Trasport bl-Ajru kif emendat mill-Protokoll jew kwistjonijiet li ma jeħtiġux l-adozzjoni ta’ deċiżjoni li jkollha effetti legali għandha tiġi adottata mill-Islanda u n-Norveġja bi qbil mal-Kummissjoni. 4. Għal deċiżjonijiet oħra tal-Kumitat Konġunt dwar kwistjonijiet li jaqgħu taħt regolamenti u direttivi li huma inkorporati fil-Ftehim dwar iż-Żona Ekonomika Ewropea, il-pożizzjoni li għandha tittieħed mill-Unjoni Ewropea, l-Istati Membri, l-Islanda u n-Norveġja, għandha tiġi adottata mill-Kummissjoni bi ftehim mal-Islanda u n-Norveġja. 5. Għal deċiżjonijiet oħra tal-Kumitat Konġunt dwar kwistjonijiet li ma jaqgħux taħt regolamenti u direttivi li huma inkorporati fil-Ftehim dwar iż-Żona Ekonomika Ewropea, il-pożizzjoni li għandha tittieħed mill-Islanda u n-Norveġja, għandha tiġi adottata mill-Islanda u n-Norveġja bi ftehim mal-Kummissjoni. 6. Il-Kummissjoni għandha tieħu miżuri adegwati sabiex tiżgura l-parteċipazzjoni sħiħa tal-Islanda u n-Norveġja fi kwalunkwe laqgħat ta’ koordinazzjoni, konsultazzjoni jew teħid tad-deċiżjonijiet mal-Istati Membri u aċċess għall-informazzjoni rilevanti bi preparazzjoni għal-laqgħat li jkunu se jsiru tal-Kumitat Konġunt. ARTIKOLU 4 Arbitraġġ 1. Il-Kummissjoni għandha tirrappreżenta lill-Unjoni Ewropea, l-Istati Membri, l-Islanda u n-Norveġja fi proċeduri tal-arbitraġġ skont l-Artikolu 19 tal-Ftehim dwar it-Trasport bl-Ajru kif emendat mill-Protokoll. 2. Il-Kummissjoni għandha, kif ikun xieraq, tieħu miżuri sabiex tiżgura l-involviment tal-Islanda u n-Norveġja fil-preparazzjoni u l-koordinazzjoni tal-proċeduri tal-arbitraġġ. 3. Jekk il-Kunsill jiddeċiedi li jissospendi benefiċċji skont l-Artikolu 19 paragrafu 7 tal-Ftehim dwar it-Trasport bl-Ajru kif emendat mill-Protokoll, dik id-deċiżjoni għandha tiġi nnotifikata lill-Islanda u n-Norveġja. Bl-istess mod, l-Islanda u/jew in-Norveġja għandhom jinfurmaw ukoll lill-Kummissjoni bi kwalunkwe deċiżjoni/deċiżjonijiet simili li jkunu ħadu. 4. Kwalunkwe azzjoni xierqa oħra li għandha tittieħed skont l-Artikolu 19 tal-Ftehim dwar it-Trasport bl-Ajru kif emendat mill-Protokoll dwar kwistjonijiet li fi ħdan l-UE jaqgħu taħt il-kompetenza tal-Unjoni għandha tiġi deċiża mill-Kummissjoni, bil-għajnuna ta’ Kumitat Speċjali ta’ rappreżentanti tal-Istati Membri maħtura mill-Kunsill, tal-Islanda u tan-Norveġja. ARTIKOLU 5 Skambju tat-Tagħrif 1. L-Islanda u n-Norveġja għandhom jinfurmaw immedjatament lill-Kummissjoni bi kwalunkwe deċiżjoni li jirrifjutaw, jirrevokaw, jissospendu jew jillimitaw l-awtorizzazzjonijiet ta’ linja tal-ajru tal-Istati Uniti tal-Amerika li jkunu adottaw skont l-Artikolu 4 u 5 tal-Ftehim dwar it-Trasport bl-Ajru kif emendat mill-Protokoll. Bl-istess mod, il-Kummissjoni għandha tinforma immedjatament lill-Islanda u n-Norveġja bi kwalunkwe deċiżjoni ta’ dan it-tip li jkunu ħadu l-Istati Membri. 2. L-Islanda u n-Norveġja għandhom jinfurmaw immedjatament lill-Kummissjoni bi kwalunkwe talba jew notifika li jkunu għamlu jew irċevew skont l-Artikolu 8 tal-Ftehim dwar it-Trasport bl-Ajru kif emendat mill-Protokoll. Bl-istess mod, il-Kummissjoni għandha tinforma immedjatament lill-Islanda u n-Norveġja bi kwalunkwe talba jew notifika li jkunu għamlu jew irċevew l-Istati Membri. 3. L-Islanda u n-Norveġja għandhom jinfurmaw immedjatament lill-Kummissjoni bi kwalunkwe talba jew notifika li jkunu għamlu jew irċevew skont l-Artikolu 9 tal-Ftehim dwar it-Trasport bl-Ajru kif emendat mill-Protokoll. Bl-istess mod, il-Kummissjoni għandha tinforma immedjatament lill-Islanda u n-Norveġja bi kwalunkwe talba jew notifika li jkunu għamlu jew irċevew l-Istati Membri. ARTIKOLU 6 Sussidji u appoġġ mill-gvern 1. Jekk l-Islanda jew in-Norveġja huma tal-fehma li sussidju jew appoġġ li jkun qed jiġi kkunsidrat jew mogħti minn entità governattiva fit-territorju tal-Istati Uniti tal-Amerika jkun se jkollu l-effetti ħżiena fuq il-kompetizzjoni li hemm referenza għalihom fl-Artikolu 14 paragrafu 2 tal-Ftehim dwar it-Trasport bl-ajru kif emendat mill-Protokoll, huma għandhom jiġbdu l-attenzjoni tal-Kummissjoni għal din il-kwistjoni. Jekk Stat Membru jkun ġibed l-attenzjoni tal-Kummissjoni għal kwistjoni simili, il-Kummissjoni għandha, bl-istess mod, tiġbed l-attenzjoni tal-Islanda u n-Norveġja dwar din il-kwistjoni. 2. Il-Kummissjoni, l-Islanda u n-Norveġja jistgħu javviċinaw lil dik l-entità jew jitolbu laqgħa tal-Kumitat Konġunt stabbilit skont l-Artikolu 18 tal-Ftehim dwar it-Trasport bl-Ajru kif emendat mill-Protokoll. 3. Il-Kummissjoni, l-Islanda u n-Norveġja għandhom jinfurmaw immedjatament lil xulxin meta jiġu kkuntattjati mill-Istati Uniti tal-Amerika skont l-Artikolu 14 paragrafu 3 tal-Ftehim dwar it-Trasport bl-Ajru kif emendat mill-Protokoll. ARTIKOLU 7 Terminazzjoni 1. Parti tista’, fi kwalunkwe ħin, tagħti avviż bil-miktub lill-Partijiet l-oħra, permezz ta’ kanali diplomatiċi, bid-deċiżjoni tagħha li ttemm dan il-Ftehim Anċillari jew l-applikazzjoni provviżorja tiegħu. Dan il-Ftehim Anċillari għandu jintemm jew ma għandux jibqa’ japplika b’mod provviżorju f’nofsillejl GMT sitt xhur wara d-data tan-notifika bil-miktub tat-tmiem jew tal-waqfien tal-applikazzjoni provviżorja, sakemm l-avviż ma jiġix irtirat qabel it-tmiem ta’ dan il-perjodu bi qbil bejn il-Partijiet. 2. Minkejja kwalunkwe dispożizzjoni oħra ta’ dan l-Artikolu, jekk il-Ftehim jiġi tterminat jew ma jibqax jiġi applikat b’mod provviżorju, dan il-Ftehim Anċillari għandu jintemm jew ma jibqax jiġi applikat b’mod provviżorju fl-istess ħin. ARTIKOLU 8 Applikazzjoni provviżorja Sakemm jidħol fis-seħħ skont l-Artikolu 9, il-Partijiet ftiehmu li japplikaw dan il-Ftehim Anċillari b’mod provviżorju skont il-liġijiet nazzjonali tal-Partijiet mid-data li tkun l-aktar tard mid-data li fiha jiġi ffirmat dan il-Ftehim Anċillari jew id-data tal-applikazzjoni provviżorja speċifikata fl-Artikolu 5 tal-Ftehim. ARTIKOLU 9 Dħul fis-seħħ Dan il-Ftehim Anċillari għandu jidħol fis-seħħ jew (a) xahar wara d-data tal-aħħar nota fi skambju ta’ noti diplomatiċi bejn il-Partijiet li jikkonfermaw li jkunu tlestew il-proċeduri kollha meħtieġa għad-dħul fis-seħħ ta’ dan il-Ftehim Anċillari, jew (b) id-data tad-dħul fis-seħħ jew l-applikazzjoni provviżorja tal-Ftehim, skont liema minnhom tiġi l-aħħar. B’XHIEDA TA’ DAN, il-firmatarji ta’ hawn taħt, debitament awtorizzati għal dan il-għan, iffirmaw dan il-Ftehim Anċillari. MAGĦMUL fi ……… fi tliet kopji, illum ………. jum ta’ ……………., 2011 bil-lingwa Bulgara, Ċeka, Daniża, Olandiża, Ingliża, Estonjana, Finlandiża, Franċiża, Ġermaniża, Griega, Ungeriża, Islandiża, Irlandiża, Taljana, Latvjana, Litwana, Maltija, Norveġiża, Pollakka, Portugiża, Rumena, Slovakka, Slovena, Spanjola u Svediża, it-testi kollha jkunu awtentiċi. GĦAR-RENJU TAL-BELĠJU GĦAR-REPUBBLIKA TAL-BULGARIJA GĦAR-REPUBBLIKA ĊEKA GĦAR-RENJU TAD-DANIMARKA GĦAR-REPUBBLIKA FEDERALI TAL-ĠERMANJA GĦAR-REPUBBLIKA TAL-ESTONJA GĦALL-IRLANDA GĦAR-REPUBBLIKA ELLENIKA GĦAR-RENJU TA’ SPANJA GĦAR-REPUBBLIKA FRANĊIŻA GĦAR-REPUBBLIKA TALJANA GĦAR-REPUBBLIKA TA’ ĊIPRU GĦAR-REPUBBLIKA TAL-LATVJA GĦAR-REPUBBLIKA TAL-LITWANJA GĦALL-GRAN DUKAT TAL-LUSSEMBURGU GĦAR-REPUBBLIKA TAL-UNGERIJA GĦAR-REPUBBLIKA TA’ MALTA GĦAR-RENJU TAL-PAJJIŻI L-BAXXI GĦAR-REPUBBLIKA TAL-AWSTRIJA GĦAR-REPUBBLIKA TAL-POLONJA GĦAR-REPUBBLIKA PORTUGIŻA GĦAR-RUMANIJA GĦAR-REPUBBLIKA TAS-SLOVENJA GĦAR-REPUBBLIKA SLOVAKKA GĦAR-REPUBBLIKA TAL-FINLANDJA GĦAR-RENJU TAL-ISVEZJA GĦAR-RENJU UNIT TAL-GRAN BRITTANJA U L-IRLANDA TA’ FUQ GĦALL-UNJONI EWROPEA GĦALL-ISLANDA GĦAR-RENJU TAN-NORVEĠJA