52011DC0248

WERREJ

1. Introduzzjoni 3

2. Il-qsim tal-fruntieri: 5

2.1. Kif nilqgħu għall-kriżi: miżuri fuq perijodu qasir. 5

2.2. Il-kontrolli tal-fruntieri esterni 7

2.3. Il-ġestjoni ta’ Schengen 8

2.4. Il-prevenzjoni tal-immigrazzjoni irregolari 9

3. Iċ-ċirkolazzjoni u r-residenza f’żona mingħajr fruntieri interni 10

3.1. Il-mobbiltà organizzata 10

3.2. Politika konsistenti dwar il-mobbiltà għal ċittadini ta’ pajjiżi terzi, inkużi l-viżi 11

3.3. Migrazzjoni legali ġestita tajjeb 12

3.4. Il-bini ta’ soċjetà inklussiva bl-integrazzjoni tal-immigranti 14

4. L-għoti ta’ protezzjoni internazzjonali lil persuni fil-bżonn 15

5. Il-Migrazzjoni fir-relazzjonijiet esterni lil hinn mill-kriżi 16

5.1. Approċċ globali għall-migrazzjoni 16

5.2. Lil hinn mill-kriżi: l-UE u n-naħa ta’ Isfel tal-Mediterran f’tisħib 17

ANNESS 1 19

ANNESS 2 22

INTRODUZZJONI

Il-ġrajjiet fin-naħa ta’ Isfel tal-Mediterran jnisslu tama ta’ ħajja aħjar għal miljuni ta’ nies fil-viċinat tagħna, kif ukoll ta’ rispett akbar tad-drittijiet tal-bniedem, tal-pluraliżmu, tal-istat tad-drtitt u tal-ġustizzja soċjali. Bħalma ħafna drabi jiġri meta jkun hemm irvellijiet demokratiċi, dan jista’ wkoll ifisser, għal perjodu ta’ żmien qasir u medju, taqlib u inċertezza. L-inkwiet politiku u l-kunflitti militari wasslu għat-telf ta’ ħajjiet ta’ bnedmin u għall-ispostament ta’ mijiet ta’ eluf ta’ persuni, mhux biss mill-pajjiżi direttament milquta bit-tibdil, bħal ma huma t-Tuneżija u l-Libja, iżda wkoll minn pajjiżi oħra.

Dawn il-ġrajjiet storiċi reċenti fin-naħa ta’ Isfel tal-Mediterran ikkonfermaw li teżisti l-ħtieġa ta’ politika tal-UE qawwija u komuni fil-qasam tal-migrazzjon u l-ażil. Aktar minn qatt qabel, huwa meħtieġ li jsir progress sostanzjali fejn tidħol il-leġiżlazzjoni, il-kooperazzjoni operattiva u fejn jidħlu r-relazzjonijiet tagħna ma’ pajjiżi terzi. L-iskop ta’ din il-Komunikazzjoni huwa dak li proposti li saru reċentement, u li se jsiru fil-futur, jitqiegħdu f’qafas li jieħu f’kunsiderazzjoni l-aspetti relevanti kollha u jippermetti lill-UE u l-Istati Membri tagħha li jkunu jistgħu jiġġestixxu l-ażil, il-migrazzjoni u l-mobbiltà ta’ ċittadini ta’ pajjiżi terzi f’ambjent ta’ sigurtà.

Xi Stati Membri, bħal ma huma l-Italja, Malta, il-Greċja u Ċipru, huma esposti b’mod aktar dirett għall-wasla massiva ta’ migranti irregolari u, f’livell limitat, ta’ persuni li jkollhom bżonn il-protezzjoni internazzjonali. Din mhix biss problema nazzjonali, iżda trid tiġi wkoll indirizzata f’livell tal-UE u tinħtieġ solidarjetà reali bejn l-Istati Membri.

L-UE trid tara li tingħata assistenza malajr lil dawk kollha li jinħtiġuha – bħalma fil-fatt għamlet fuq il-fruntiera bejn it-Tuneżija u l-Libja – kif ukoll li tipprovdi kenn lil dawk kollha li jinħtieġu l-protezzjoni internazzjonali. Filwaqt li l-UE għandha żżomm u ssaħħaħ it-tradizzjoni tagħha li tagħti l-ażil u l-protezzjoni, hija għandha wkoll tieħu ħsieb tistabbilixxi l-istrumenti xierqa biex ma jiġrix li għadd kbir ta’ migranti ekonomiċi jaqsmu l-fruntieri b’mod irregolari. Sabiex jintlaħqu dawn l-għanijiet, il-ġestjoni effettiva tal-fruntieri tal-UE hija kundizzjoni għall-kredibilità sew ġewwa l-Unjoni kif ukoll ‘il barra minnha.

Is-sitwazzjoni fil-viċinat tagħna lejn in-Nofsinhar, li qiegħda tevolvi l-ħin kollu, tinħtieġ reazzjonijiet malajr. Fl-24 ta’ Mejju, il-Kummissjoni se tippreżenta pakkett ta’ proposti, imsejsa fuq il-Konklużjonijiet tal-Kunsill Ewropew tal-11 u tal-25 ta’ Marzu, ir-Riżoluzzjoni tal-Parlament Ewropew tal-5 ta’ April[1], kif ukoll fuq il-Komunikazzjoni Konġunta tal-Kummissjoni u r-Rappreżentanta Għolja tat-8 ta’ Marzu, sabiex tiżgura approċċ koerenti tal-UE fil-qasam tal-migrazzjoni, il-mobbiltà u s-sigurtà mal-pajjiżi tan-naħa ta’ Isfel tal-Mediterran.

Madankollu, il-ħtieġa li din is-sitwazzjoni tiġi indirizzata, sitwazzjoni li qed tevolvi malajr u li hija ta’ sfida, m’għandhiex twassal għal xi approċċ ta’ malajr limitat għal kontroll tal-fruntieri mingħajr ma jittieħed kont ta’ kwistjonijiet għat-tul. Huwa essenzjali li jkun hemm djalogu u kooperazzjoni mal-pajjiżi ta’ oriġini u ta’ tranżitu ta’ dawn il-migranti. Din il-kollaborazzjoni trid tinbena fuq is-sigurtà u t-tmexxija tajba għall-istabbiliment ta’ linji ta’ politika li jkunu ta’ benefiċċju reċiproku fil-qasam tal-migrazzjoni legali. Timplika wkoll kooperazzjoni ekonomika mtejba sabiex jiġu żviluppati l-kundizzjonijiet għat-tkabbir u l-impjiegi fil-pajjiżi ta’ oriġini, biex jiġu indirizzati l-kawżi tal-migrazzjoni irregolari. Kooperazzjoni bħal din għandha wkoll tibni fuq il-prinċipju tal-kondizzjonalità applikat għal kwistjonijiet ta’ migrazzjoni sabiex jiġi inkoraġġit l-impenn effettiv mis-sħab tagħna fil-prevenzjoni tal-flussi migratorji irregolari, li jiġġestixxu b’mod effiċjenti l-fruntieri tagħhom u li jikkooperaw fejn jidħol ir-ritorn u r-riammissjoni ta’ migranti irregolari.

Politika ta’ migrazzjoni komprensiva għal ċittadini mhux tal-UE, ibbażata fuq proċeduri komuni ta’ ammissjoni, li tittratta liċ-ċittadini ta’ pajjiżi terzi b’mod ġust, tkun ukoll ta’ kontribut għall-prosperità tal-UE fil-futur. Kif kien sottolineat fl-Istrateġija Ewropa 2020 tal-UE, waħda mill-isfidi ekonomiċi l-aktar urġenti li għandha quddiemha l-Ewropea hija l-ħtieġa li tiġi indirizzata l-problema tat-tnaqqis fil-popolazzjoni fl-età tax-xogħol, flimkien man-nuqqas sinifikanti pproġettat ta’ ħiliet f’ċerti setturi. Sabiex tibqa’ kompetittiva u tkun tista’ żżomm il-mudell soċjali b’mod sostenibbli, l-Ewropa trid tadotta miżuri li jtejbu r-rati ta’ impjieg tar-residenti tal-UE, iżda fl-istess ħin trid tieħu passi konkreti biex tlaħħaq mal-bżonn ta’ ħaddiema permezz ta’ immigrazzjoni mmirata ta’ ċittadini minn pajjiżi terzi.

L-UE trid ukoll tara li jkollha proċeduri ta’ ażil sikuri u effiċjenti għal persuni li jkollhom bżonn il-protezzjoni. Sittin sena wara l-iffirmar tal-Konvenzjoni ta’ Ġinevra dwar l-Istatus tar-Refuġjati, wasal iż-żmien li l-UE tirriafferma l-impenn tagħha li toffri protezzjoni li kull ċittadin ippersegwitat minn pajjiż terz, jew lil kull persuna apolidi, li tasal fit-territorju tagħha. Sas-sena 2012, skont il-qbil li ntlaħaq fil-Kunsill Ewropew, trid tiġi stabbilita s-Sistema Ewropea Komuni ta’ Ażil li toffri livell għoli ta’ protezzjoni, u tnaqqas id-differenza bejn is-sistemi ta’ ażil tal-Istati Membri.

Il-kwistjonijiet tal-migrazzjoni qed ikollhom impatt politiku sinifikanti fl-UE. Il-Kunsill Ewropew ta’ Ottubru tal-2008 adotta Patt Ewropew dwar l-Immigrazzjoni u l-Ażil biex jagħti imbuttatura għall-iżvilupp ta’ politika komuni tal-UE b’ħames impenji: l-organizzazzjoni tal-migrazzjoni legali, il-ġlieda kontra l-migrazzjoni illegali, it-tisħiħ tal-fruntieri esterni, it-tiswir ta’ sistema tal-ażil tal-UE u l-ħolqien ta’ tisħib globali għall-migrazzjoni u l-iżvilupp. Il-presuppożizzjoni bażika tagħha għadha valida u għandha tkompli tiggwida l-azzjoni tagħna: filwaqt li l-migrazzjoni, jekk tkun ma tkunx iġġestita tajjeb, tista’ taffettwa l-koeżjoni soċjali u l-fiduċja taċ-ċittadini f’żona ta’ moviment liberu mingħajr fruntieri interni, migrazzjoni li tkun iġġestita tajjeb tista’ tkun ta’ vantaġġ għall-UE. Dawn l-impenji ġew enfasizzati u mfissra f’aktar dettal fil-Programm ta’ Stokkolma adottat mill-Kunsill f’Diċembru 2009, u d-dħul fis-seħħ tat-Trattat ta’ Lisbona, li żgura qafas legali stabbli, komprensiv u aktar trasparenti għall-iżvilupp tal-politika ta’ migrazzjoni tal-UE, speċjalment permezz ta’ parteċipazzjoni akbar tal-Parlament Ewropew fil-proċess ta’ teħid ta’ deċiżjonijiet.

Fl-istess waqt, kif rajna biċ-ċar bil-ġrajjiet ta’ dan l-aħħar, l-UE għad għandha quddiemha sfidi serji fl-iżvilupp tal-politika tal-migrazzjoni tagħha. Il-vulnerabbiltà ta’ xi sezzjonijiet tal-fruntieri esterni tal-UE huwa eżempju ċar, speċjalment fil-parti ta’ Isfel tal-Mediterran u fil-fruntiera fuq l-art bejn il-Greċja u t-Turkija. Iridu jittieħdu b’mod partikolari miżuri biex ma jitħalliex għadd kbir ta’ migranti irregolari, li ħafna drabi jkunu esplojtati minn xbieki kriminali bla skruplu, milli jaslu fl-UE. Għaldaqstant, l-UE għandha jkollha politika tal-migrazzjoni bbażata fuq l-assikurazzjoni li l-migrazzjoni lejha tkun iġġestita b’mod effettiv, u li l-ħtieġa għal mobbiltà mtejba ma timminax is-sigurtà tal-fruntieri esterni tal-Unjoni. Filwaqt li din il-Komuniazzjoni, naturalment, tiffoka fuq reġjuni li dwarhom hemm l-aktar tħassib, il-politika tal-migrazzjoni tal-UE issegwi approċ ġeografikament komprensiv.

IL-QSIM TAL-FRUNTIERI:

Kif nilqgħu għall-kriżi: miżuri fuq perjodu qasir

Mill-bidu ta’ din is-sena kien hemm spustjar massiċċ tal-popolazzjonijiet minn għadd ta’ pajjiżi tal-Afrika ta’ Fuq, u b’mod partikolari mil-Libja. Skont l-aktar stimi reċenti, aktar minn 650,000 persuna telqu mit-territorju Libjan sabiex jaħarbu mill-vjolenza hemmhekk. Dawn in-nies sabu minn jilqagħhom f’pajjiżi ġirien, l-aktar fit-Tuneżija u fl-Eġittu, u ħafna minnhom irnexxielhom jirrittornaw lejn il-pajjiżi tagħhom ta’ orġini, jew ingħataw għajnuna biex jagħmlu dan. Dan l-isforz ta’ ospitalità u ta’ rimpatriju sar permezz ta’ mobilizzazzjoni massiva ta’ riżorsi min-naħa tal-pajjiżi ospitanti, tal-UE, tal-NGOs u tal-komunità internazzjonali. Permezz tal-iffinanzjar umanitarju tagħha, u l-provvista ta’ mezzi ta’ trasport, l-UE sa issa ikkontribwiet għar-ripatrijazzjoni ta’ madwar 50,000 ċittadin minn pajjiżi terzi.

Eluf ta’ nies reċentement ippruwaw jiġu fl-UE, b’mod li s-sistemi ta’ protezzjoni u ta’ lqugħ ta’ xi wħud mill-Istati Membri tagħha tpoġġew taħt pressjoni dejjem tiżdied. Aktar minn 20,000 migranti, l-aktar mit-Tuneżija u, f’livell anqas, minn pajjiżi Afrikani oħrajn irnexxielhom jidħlu fl-Unjoni b’mod irregolari, u waslu sax-xtut tal-Italja (l-aktar il-gżira ta’ Lampedusa) u ta’ Malta, u ż-żewġ pajjiżi jinsabu taħt pressjoni migratorja qawwija. Il-biċċa l-kbira minn dawn huma migranti ekonomiċi u għandhom jintbagħtu lura lejn il-pajjiżi tagħhom ta’ oriġini. B’żieda mal-persuni spostjati u l-migranti, għadd konsiderevoli ta’ refuġjati minn nazzjonalitajiet differenti, inklużi Somali, Eritej u Sudaniżi telqu mil-Libja, u xi wħud minnhom irnexxielhom jaslu l-Italja u Malta. Dawn il-flussi sinifikanti, li jinkludu tfal mhux akkumpanjati li jkunu jinħtieġu miżuri ta’ lqugħ maħsuba għat-tfal, poġġew ukoll pressjoni addizzjonali fuq is-sistemi ta’ saħħa tal-Istati Membri l-aktar milquta, sabiex tingħata kura tas-saħħa lil dawk il-migranti li jkunu jinħtiġuha u sabiex jiġi żgurat screening mediku xieraq kif ukoll li jkun hemm prevenzjoni.

Huwa importanti li ssir distinzjoni bejn migranti irregolari (migranti ekonomiċi li jkunu qed jippruvaw jaqsmu l-fruntieri tal-UE illegalment), refuġjati, jew persuni li jistgħu jitolbu ażil, u persuni li jkunu spostjati b’mod temporanju (bħal ma huma ħaddiema barranin fil-Libja li kellhom jitilqu minħabba l-kunflitt u li jixtiequ jmorru lura lejn il-pajjiż tagħhom ta’ oriġini). L-istatus quddiem il-liġi ta’ dawn in-nies, kif ukoll l-għajnuna li l-UE tista’ ttihom, huma differenti.

L-UE wieġbet għal dawn l-isfidi kollha malajr u b’mod proattiv. Il-Kummissjoni u l-Istati Membri immobilizzaw fondi biex jgħinu fil-ġestjoni tal-emerġenza umanitarja ġġenerata mill-wasla f’daqqa ta’ refuġjati u ta’ persuni spostjati fil-pajjiżi ġirien tal-Libja. Permezz ta’ dan, seta’ jingħata kenn temporanju lil refuġjati u lil persuni spostjati, biex il-ħtiġijiet bażiċi tagħhom jintlaqgħu u biex jingħataw assistenza fir-ritorn tagħhom lejn il-pajjiżi tal-oriġini. Sa issa, il-kontribuzzjoni totali tal-UE kienet ta’ €100 miljun f’għajnuna umanitarja, li minnhom kważi n-nofs - €48,8 miljun - kienu pprovduti mill-Kummissjoni. Barra minn dan, il-Mekkaniżmu tal-Protezzjoni Ċivili tal-UE ġie mmobilizzat sabiex jiffaċilita r-ripatrijazzjoni sew ta’ ċittadini tal-UE kif ukoll ta’ pajjiżi terzi. Għal dan il-għan, 15-il Stat Membru ipprovdew mezzi ta’ trasport, ikkordinati miċ-Ċentri ta’Monitoraġġ u Informazzjoni tal-Kummissjoni. Huwa ċar li dan l-isforz kollettiv irid ikompli. Bħala reazzjoni għall-bidu ta’ flussi migratorji irregolari u mħallta madwar il-Baħar Mediterran, FRONTEX nediet l-Operazzjoni Konġunta EPN ( European Patrols Network ) Hermes Estiża 2011, biex tgħin lill-Italja tikkontrolla opri tal-baħar li jrikkbu lill-migranti u lir-refuġjati. EUROPOL bagħat tim ta’ esperti lejn l-Italja biex jgħin lill-awtoritajiet tal-infurzar tal-liġi tagħha biex jidentifikaw persuni li jistgħu jkunu kriminali fost il-migranti irregolari li jkunu waslu fit-territorju Taljan.

Dawk l-Istati Membri li huma l-aktar esposti għall-flussi dejjem jikbru ta’ refuġjati u ta’ migranti irregolari taw l-għajnuna tagħhom għall-konsegwenzi finanzjarji tal-ispustar. Għal dan il-għan, madwar €25 miljun ġew identifikati taħt il-Fond għall-Fruntieri Esterni u l-Fond Ewropew għar-Refuġjati.

Madankollu, filwaqt li l-kriżi ta’ bħalissa tikkonferma l-ħtieġa li jkun hemm aktar solidarjetà fuq livell Ewropew, u ta’ tqassim aħjar tar-responsabbiltà, wieħed irid jagħraf li l-UE mhix għal kollox mgħammra biex tgħin lil dawk l-Istati Membri li huma l-aktar esposti għal movimenti migratorji massiċċi.

Ir-riżorsi finanzjarji disponibbli skont il-programm ġenerali “Solidarjetà u l-Ġestjoni tal-Flussi Migratorji”[2] mhumiex biżżejjed biex tintlaqa’ kull talba għall-assistenza. L-ewwel nett, dawn il-fondi ma jistgħux jiġu mmobilizati faċilment; huma mfassla biex l-intervent isir f’sitwazzjoni stabbli u mhux biex jiġu ffaċċjati emerġenzi u kriżijiet. It-tieni, id-daqs tal-problemi jiżboq fil-biċċa l-kbira tal-każi il-faċilitajiet eżistenti.

Fil-kuntest tal-Qafas Finanzjarju Multiannwali, il-Parlament Ewropew, il-Kunsill u l-Kummmissjoni se jkollhom jużaw l-esperjenza li kisbu minn dawn il-kriżijiet ta’ bħalissa. Sabiex l-UE tkun tista’ tirreaġixxi malajr u b’mod effettiv fil-każ ta’ ġrajjiet jew emerġenzi mhux previsti, l-iffinanzjar tal-UE għandu jkun adattat b’mod li jkun jista’ jiġi mobbilizzat b’mod aktar mgħaġġel u b’mod flessibbli, inkluż fil-pajjiżi terzi. Barra minn dan, fil-kuntest tar-reviżjoni li għaddejja tar-regolamentazzjoni finanzjarja tal-UE, il-Parlament Ewropew u l-Kunsill għandhom jappoġġjaw il-proposta tal-Kummissjoni li tippermetti lill-UE toħloq il-fondi fiduċjarji tagħha stess li jkunu jistgħu jiġbru l-kontribuzzjonijiet tad-donaturi speċjalment f’każ ta’ sitwazzjonijiet ta’ krizi u ta’ wara l-kriżi. Fil-prinċipju, jeżistu forom oħra ta’ solidarjetà bħala reazzjoni għall-ġrajjiet drammatiċi li għaddejjin fir-reġjun. Abbażi tal-esperjenza miksuba sa issa bil-proġett pilota ta’ rilokazzjoni minn Malta, il-Kummissjoni se tappoġġja estensjoni ta’ dan il-proġett fid-dawl tal-influss ta’ bħalissa ta’ migranti li qed ifittxu l-protezzjoni internazzjonali hemmhekk, li jkun implimentat f’kooperazzjoni fil-qrib mal-Kummissarju Għoli tan-Nazzjonijiet Uniti għar-Refuġjati u mal-Organizzazzjoni Internazzjonali tal-Migrazzjoni. Madankollu, l-istrumenti li hemm disponibbli bħalissa ma jwettqux għal kollox il-ħtiġijiet u mhumiex biżżejjed għal reazzjoni komprensiva. Jistgħu jintużaw biss b’manjiera ad hoc u huma dipendenti għal kollox fuq ir-rieda tal-Istati Membri li b’mod voluntarju joffru l-assistenza - fil-forma li tkun - f’xi mument partikolari. Min-naħa tiegħu, dan jesponi lill-UE għall-kritika u hemm ir-riskju li minħabba f’hekk tiġi mminata l-fiduċja taċ-ċittadini fl-UE.

Il-Kummissjoni se tissorvelja mill-qrib is-sitwazzjoni kif tkun qiegħda kontinwament tevolvi u tista’ tiddeċiedi, jekk ikun hemm il-kundizzjonijiet relevanti, li tuża d-Direttiva dwar il-Protezzjoni Temporanja[3] biex tipprovdi protezzjoni immedjata u temporanja lil persuni spustjati minn pajjiżi terzi li ma jkunux jistgħu jmorru lejn il-pajjiż tagħhom ta’ oriġini.

Il-Kummissjoni se tagħmel aktar proposti matul l-2011 dwar kif tintwera solidarjetà b’mod ħolistiku u kif tista’ din l-assistenza tiġi konkretament imwassla. Bħalissa qed jiġu studjati għadd ta’ approċċi differenti, bil-ħsieb li jiġu żviluppati alternattivi li jkunu jippermettu li jkun hemm reazzjoni aktar malajr u f’manjiera strutturata għal ħtiġijiet urġenti. Din l-inizjattiva se tibni fuq il-bażi legali xierqa tat-Trattat ta’ Lisbona, bħal ma huma l-Artikoli 80 u 78 paragrafu 3, u se tissejjes fuq il-lezzjonijiet meħuda mis-sitwazzjoni fil-Greċja, b’mod partikolari fil-fruntiera tal-art bejn il-Greċja u t-Turkija, u l-kriżi fin-naħa ta’ Isfel tal-Mediterran; se tinkludi miżuri ad hoc possibbli li għandhom jitwettqu fil-każ ta’ pressjoni partikolari temporanja fuq Stat Membru wieħed jew ħafna, kif ukoll mezzi aktar strutturati ta’ kif tiġi żgurata s-solidarjetà, sew finanzjarja kif ukoll fil-forma ta’ kooperazzjoni prattika u assistenza teknika (pereżempju permezz ta’ FRONTEX, EASO, operazzjonijiet konġunti).

Fl-aħħar nett, bħala ġest importanti ta’ solidarjetà mal-pajjiżi tal-Afrika ta’ Fuq (speċjalment it-Tuneżija) li bħalissa qed jilqgħu għadd kbir ta’ persuni fil-bżonn ta’ protezzjoni internazzjonali li ma jistgħux jintbagħtu lura lejn il-pajjiżi tagħhom ta’ oriġini, u sabiex jinżamm ‘spazju ta’ protezzjoni’ f’dawn il-pajjiżi, huwa importanti li l-Istati Membri tal-UE jaċċettaw li jilqgħu xi wħud minn dawn il-persuni biex jirresjedu fihom.

Il-kontrolli tal-fruntieri esterni

Huwa essenzjali li jkun hemm fruntieri esterni effettivi u kredibbli. L-UE trid tkun fil-pożizzjoni li tiġġestixxi l-flussi tal-persuni li jkunu jixtiequ jivvjaġġaw għal perjodu qasir jew li jemigraw b’mod legali lejn l-UE filwaqt li ma tippermettix li jidħlu dawk li ma jkunux intitolati li jidħlu. Il-kontroll tal-fruntieri huwa wkoll ta’ kontribut maġġuri fil-ġlieda kontra l-kriminalità, kif spjegat fl-Istrateġija tas-Sigurtà Interna, ippreżentata mill-Kummissjoni fl-2010[4]. L-għan doppju tal-Unjoni għandu għalhekk ikun dak li jinżammu livelli għolja ta’ sigurtà filwaqt li l-qsim tal-fruntieri jsir aktar sempliċi għal dawk li għandhom id-dritt jidħlu, fir-rispett sħiħ tad-drittijiet fundamentali tagħhom.

Il-kontroll tal-aċċess għat-territorju tiegħu huwa wieħed mill-funzjonijiet ċentrali ta’ Stat jew ta’ żona mingħajr fruntieri interni. Fiż-żona ta’ Schengen, kull stat parteċipanti huwa koresponsabbli li jeżerċita din il-funzjoni b’mod affidabbli. Kull stat jiġġestixxi l-fruntieri esterni tiegħu mhux biss biex jikkontrolla l-aċċess għat-territorju tiegħu stess iżda wkoll biex jikkontrolla l-aċċess għaż-żona Schengen kollha kemm hi; għalhekk, huwa jkun qed jaġixxi fl-interess tal-Istati Membri l-oħra u jkun qed iwettaq servizz f’isem l-UE. Bl-istess mod, is-sitwazzjoni ta’ dawk l-Istati Membri li jkollhom quddiemhom pressjoni kbira fil-fruntieri esterni tagħhom trid tingħata għarfien u tkun affaċċjata fir-rispett sħiħ tal-prinċipju tas-solidarjetà.

Il-kontroll tal-fruntiera esterna tal-UE irid ikun imtejjeb il-ħin kollu fid-dawl ta’ sfidi ġodda fejn jidħlu l-migrazzjoni u s-sigurtà. L-avvenimenti ta’ dan l-aħħar urew kif parti mill-fruntiera esterna li tkun titqies bħala ta’ riskju baxx malajr tista’ ssir suġġetta għal pressjoni migratorja kritika. Il-kriminalità organizzata hija responsabbli għat-traffikar tal-bnedmin, jew li tiffaċilita l-migrazzjoni irregolari, u hija tadatta l-ħin kollu l-metodu u r-rotot tagħha. Fl-istess ħin, it-tendenza ġenerali hija li l-flussi tal-vjaġġaturi jiżdiedu, u li n-nies jippretendu li jaqsmu l-fruntieri malajr u mingħajr kumplikazzjonijiet.

Punti dgħajfa f’xi partijiet mill-fruntiera esterna jimminaw il-fiduċja fil-kredibbiltà tal-ħila tal-Unjoni li tikkontrolla l-aċċess għat-territorju tagħha, u jimminaw il-fiduċja reċiproka. Iċ-ċittadini wkoll għandhom bżonn li jħossuhom moħħhom mistrieħ li l-kontrolli tal-fruntieri esterni qed jaħdmu kif suppost. Diġà jeżisti sett komuni ta’ regoli, iżda huwa wkoll meħtieġ li tkompli tiġi żviluppata kultura komuni fost l-awtoritajiet nazzjonali. Għal dan il-fini, il-Kummissjoni f’Mejju se tadotta verżjoni emendata tal-Manwal SIRENE u f’Ġunju se taġġorna l-Manwal Prattiku Komuni għall-Gwardji tal-Fruntieri. Barra minn dan, għandha wkoll tiġi kkunsidrata l-vijabbiltà li tinħoloq sistema Ewropea ta’ gwardji tal-fruntieri. Dan ma jkunx neċessarjament jimplika l-istabbiliment ta’ amministrazzjoni Ewropea ċentralizzata, iżda l-ħolqien ta’ kultura komuni, ta’ kapaċitajiet u standards komuni, appoġġjati minn kooperazzjoni prattika.

Bl-istess mod, huwa meħtieġ li jiġi adottat approċ ibbażat fuq ir-riskji u li jiġi żgurat użu akbar tat-tekonoloġija moderna sew fil-fruntieri fuq l-art kif ukoll fuq il-baħar. Trid tittejjeb il-kooperazzjoni ta’ kuljum bejn l-awtoritajiet nazzjonali. Stati Membri ġirien għandhom jaqsmu bejniethom informazzjoni operattiva dwar kull inċident fil-fruntiera esterna, fi żmien reali. Dan hu l-iskop tas-Sistema Ewropea ta’ Sorveljanza tal-Fruntieri ( EUROSUR ), li qed tiġi żviluppata ftit ftit sa mill-2008. Il-Kummissjoni se tippreżenta proposta leġiżlattiva matul l-2011 biex l-awtoritajiet tal-Istati Membri li jkunu qed iwettqu attivitajiet ta’ sorveljanza tal-fruntiera jaqsmu bejniethom informazzjoni operattiva u jikkoperaw ma’ xulxin u ma’ FRONTEX.

Ir-rwol ta’ FRONTEX huwa ċentrali biex ir-riżorsi jiġu diretti lejn postijiet fejn il-fruntiera tkun taħt pressjoni, kif intwera bl-użu - għall-ewwel darba - ta’ timijiet ta’ intervent ta’ malajr fil-fruntiera fuq l-art bejn il-Greċja u t-Turkija fl-2010 u l-użu tal-operazzjoni navali konġunta HERMES biex jingħata appoġġ lill-Italja fl-2011. Il-qafas legali ta’ FRONTEX jeħtieġ li jiġi aġġornat biex din tkun aktar effettiva fejn tidħol il-kapaċità tagħha li taġixxi fil-fruntiera esterna. Il-Kummissjoni pproponiet it-tibdil meħtieġ fi Frar tas-sena l-oħra[5] u issa huwa urġenti, speċjalment fid-dawl tal-ġrajjiet ta’ dawn l-aħħar, li l-Kunsill u l-Parlament japprovaw din il-proposta qabel tmiem dan is-semestru, kif mitlub mill-Kunsill Ewropew.

Il-ġestjoni ta’ Schengen

Il-ħolqien taż-żona ta’ Schengen hu wieħed mill-kisbiet l-aktar tanġibbli, popolari u ta’ suċċess tal-UE. Sabiex din il-kisba titħares, u titwitta t-triq għall-iżvilupp kontinwu tagħha, wieħed għandu jaħseb għal fruntieri esterni aktar b’saħħithom, kif imfisser hawn fuq. Barra minn dan, hija meħtieġa sistema ċara għall- ġestjoni ta’ Schengen . Bħalissa l-Unjoni għadha trid toqgħod fuq sistema intergovernattiva ta’ reviżjoni bejn il-pari sabiex tiġi żgurata l-applikazzjoni tar-regoli komuni. Ir-reviżjoni ta’ bħalissa tal-mekkaniżmu ta’ evalwazzjoni ta’ Schengen għandha tkun ibbażata fuq approċ Komunitarju bil-parteċipazzjoni ta’ esperti mill-Istati Membri, minn FRONTEX u għandha titmexxa mill-Kummissjoni. Il-mekkaniżmu li qed jiġi propost jiżgura aktar trasparenza u jtejjeb is-segwitu ta’ nuqqasijiet identifikati waqt l-evalwazzjonijiet mill-esperti. Il-Kummissjoni se toħroġ ukoll linji-gwida biex tiżgura implimentazzjoni u interpretazzjoni koeranti tar-regoli ta’ Schengen.

Għandu jiġu wkoll stabbilit mekkaniżmu biex l-Unjoni tkun tista’ tiġġestixxi sitwazzjonijiet fejn jew Stat Membru ma jkunx qed iwettaq l-obbligi tiegħu li jikkontrolla s-sezzjoni tiegħu tal-fruntiera esterna, jew fejn parti partikolari tal-fruntiera esterna tiġi taħt pressjoni qawwija u mhux mistennija minħabba ġrajjiet esterni. Reazzjoni kkoordinata bbażata fuq il-Komunità mill-Unjoni f’sitwazzjonijiet kritiċi bla dubju żżid il-fiduċja fost l-Istati Membri. Tnaqqas ukoll l-użu ta’ inizjattivi unilaterali mill-Istati Membri li unilateralment jerġgħu jdaħħlu kontroll mal-fruntieri interni jew li jsaħħu l-kontrolli tal-pulizija f’reġjonijiet tal-fruntieri interni, li inevitabbilment itawlu għal kulħadd il-ħin meħtieġ biex jinqasmu l-fruntieri interni. Jista’ għalhekk ikun hemm bżonn li jiddaħħal mekkaniżmu bħal dan, li jippermetti deċiżjoni f’livell Ewropew li tiddefinixxi liema Stati Membri jdaħħlu mill-ġdid, b’mod eċċezzjonali, il-kontroll fuq il-fruntieri interni, u għal kemm żmien. Il-mekkaniżmu għandu jintuża bħala miżura tal-aħħar ċirkostanza f’sitwazzjonijiet tassew kritiċi, sakemm ikunu ttieħdu miżuri oħra (ta’ emerġenza) biex is-sitwazzjoni tiġi stabbilizzata fis-sezzjoni relevanti tal-fruntiera esterna f’livell Ewropew, fi spirtu ta’ solidarjetà, u/jew f’livell nazzjonli, biex ikun hemm osservanza aħjar tar-regoli komuni. Il-Kummissjoni qed tesplora l-vijabbiltà li jiddaħħal mekkaniżmu bħal dan, u tista’ dalwaqt tippreżenta proposta għal dan dalwaqt.

Il-prevenzjoni tal-immigrazzjoni irregolari

Min-natura tagħha stess, l-immigrazzjoni irregolari hija fenomenu li diffiċli tikkwantifikah. Madankollu, ċerti indikaturi jistgħu jixħtu dawl. Fl-2009, l-għadd ta’ ċittadini minn pajjiżi terzi li nqabdu waqt li kienu qed jirresjedu illegalment fl-UE kien ta’ madwar 570 000 (7% anqas minn fl-2008). L-Istati Membri rritornaw madwar 250 000 persuna (4.5% aktar milli fl-2008)[6].

Approċ sod u effettiv fejn tidħol il-migrazzjoni irregolari huwa prekundizzjoni għal politika kredibbli tal-migrazzjoni u tal-mobbiltà. Jekk il-probabbiltà li jintbagħtu lura migranti irregolari li ma jkollhomx bżonn ta’ protezzjoni internazzjonali tkun baxxa, dan iservi ta’ fattur ta’ attrazzjoni u jimmina l-fiduċja fl-awtoritajiet nazzjonali u Ewropej. Għandu jinkiseb użu aktar koordinat fil-livell Ewropew ta’ strumenti u linji ta’ politika relevanti.

L-eżistenza ta’ suq tax-xogħol informali huwa wkoll fattur attraenti għall-immigrazzjoni irregolari, u jservi wkoll ta’ esplojtazzjoni ta’ ċittadini minn pajjiżi terzi. Huwa għalhekk li t-traspożizzjoni mill-Istati Membri tad- Direttiva dwar Sanzjonijiet għal Min Iħaddem[7] hija essenzjali.

Kull sena, mijiet ta’ eluf ta’ persuni jiġu ttraffikati lejn l-UE jew fi ħdan l-UE. L-adozzjoni dan l-aħħar tad-Direttiva dwar it-traffikar tal-bnedmin se żżomm lill-UE fuq quddiem fil-ġlieda internazzjonali kontra din il-forma ta’ skjavitù billi jiġu kkastigati kriminali bħal dawn b’mod eħrex, kif ukoll billi jiġu indirizzati l-prevenzjoni, il-protezzjoni u l-assistenza u l-appoġġ lill-vittmi, b’enfasi fuq dawk l-aktar vulnerabbli.

L-UE qiegħda wkoll tagħti aktar enfasi fuq id-dimensjoni esterna tal-politika tagħha dwar it-traffikar tal-bnedmin. Il-ħatra ta’ koordinatur tal-UE għall-ġlieda kontra t-traffikar se jkun ta’ għajnuna biex jiġu msaħħa l-isforzi fil-ġlieda kontra t-traffikar.

Bħala kontribut għal politika tar-ritorn tal-UE li tkun koerenti, ibbilanċjata u effettiva, il-Kummissjoni se tippreżenta Komunikazzjoni fl-2012 biex tara x’progress ikun sar u tagħmel proposti dwar kif jista’ jsir aktar progress. Dan għandu jinvolvi, fost affaraijiet oħra, il-promozzjoni tar-ritorn volontarju, it-titjib tal-bini tal-kapaċitajiet fl-Istati Membri, li jisseddaq l-għarfien reċiproku ta’ deċiżjonijiet tar-ritorn u li tiġi indirizzata s-sitwazzjoni ta’ migranti irregolari li ma jistgħux jiġu rritornati.

Id-Direttiva tar-Ritorn[8] stabbiliet qafas sod u ġust li fih ikunu jistgħu jitwettqu ritorni effettivi, fir-rispett sħiħ tad-drittijiet fundamentali tal-migranti u tal-istat tad-dritt. Dan l-istrument jiżgura li persuna jew tkun legalment preżenti fl-UE jew tkun inħarġitilha deċiżjoni ta’ ritorn. Il-livell baxx tal-implimentazzjoni tad-Direttiva huwa ta’ tħassib serju u l-Kummissjoni tħeġġeġ lill-Istati Membri kollha biex jaraw li d-dispożizzjonijiet nazzjonali neċessarji jiġu adottati u applikati mingħajr dewmien.

Fl-evalwazzjoni komprensiva reċenti tagħha tal- politika ta’ rijamissjoni [9] tal-UE, il-Kummisjsoni tikkonkludi li l-ftehimijiet ta’ riammissjoni tal-UE huma siewja biex jiġu irripatrijati l-migranti irregolari. Din il-kooperazzjoni ma’ pajjiżi terzi għandha tkompli tissaħħaħ. Madankollu, huwa wkoll ċar li n-negozjati ta’ riammissjoni ma’ diversi pajjiżi, inklużi mal-pajjiżi l-aktar importanti ta’ oriġini u t-tranżitu tal-migrazjoni irregolari, huma diffiċli. Barra minn dan, l-Artikolu 13 tal-Ftehim ta’ Cotonou bejn l-UE u l-pajjiżi tal-AKP għadu mhux qed jiġi implimentat għal kollox. B’mod partikolari, il-fatt li l-UE mhix qed toffri inċentivi lill-kontraparti tagħha fost il-pajjiżi terzi, bħal pereżempju miżuri marbuta mal-viżi jew inkella assistenza finanzjarja biex tissaħħaħ il-kapaċità tal-pajjiżi terzi li japplikaw il-ftehim kif xieraq, itellef il-ħila tal-UE li b’mod effettiv tikkonkludi u timplimenta dawn il-ftehimiet. Jidher ċar għalhekk li m’għadx hemm sens li wieħed ifittex mandati indipendenti għan-negozjati ta’ riammissjoni. Barra minn dan, il-ftehimiet ta’ riammissjoni għandhom jiġu kkunsidrati fi ħdan perspettiva aktar wiesgħa tar-relazzjoni ġenerali tal-UE mal-pajjiż sieħeb partikolari. Għal dan il-għan, għandha tiġi ppreferuta l-inkorporazzjoni ta’ obbligi mtejba ta’ rijamissjoni fi ħdan il-ftehimiet ta’ qafas konklużi ma’ pajjiżi terzi.

Iċ-ċIRKOLAZZJONI U R-RESIDENZA F’żONA MINGħAJR FRUNTIERI INTERNI

Il-mobbiltà organizzata

Il-fruntieri esterni tal-UE jservu ta’ protezzjoni u biex jiżguraw passaġġ bla problemi għal ċittadini tal-UE u għall-membri tal-familja tagħhom, u għaċ-ċittadini kollha ta’ pajjiżi terzi li jiġu fl-UE skont regoli miftehma. Meta wieħed iqis li jkun hemm 650 miljun qasma tal-fruntiera għaż-żona ta’ Schengen kollha kemm hi, wieħed irid jagħraf l-ammont ta’ xogħol ta’ kuljum fil-postijiet minn fejn tinqasam il-fruntiera[10].

Irid isir użu massimu tar-riżorsi disponibbli fil-postijiet fejn tinqasam il-fruntiera, biex jiġu żgurati ekonomiji ta’ skala filwaqt li jiġu evitati s-sovrappożizzjonijiet. Għal dan l-iskop hija essenzjali l-kooperazzjoni mill-qrib bejn l-aġenziji (FRONTEX, EUROPOL, l-awtoritajiet nazzjonali tad-dwana u tal-pulizija), speċjalment bejn l-awtoritajiet ta’ għassa tal-fruntiera li jikkontrollaw il-persuni, u l-awtoritajiet doganali li għandhom il-kompitu li jikkontrollaw il-prodotti. Sabiex il-kontrolli fil-fruntieri esterni jiġu kkordinati aħjar, il-Kummissjoni se tippreżenta proposti fl-2010, li fihom tagħti suġġerimenti lill-Istati Membri dwar l-aħjar prattiċi.

Għandha tingħata attenzjoni wkoll għat-tisħiħ tal-verifiki fuq il-fruntiera filwaqt li fl-istess ħin jitħaffef il-qsim tal-fruntieri għal vjaġġaturi regolari. Xi Stati Membri diġà qed jiżviluppaw sistemi nazzjonali għal sistemi tad-dħul u tal-ħruġ. Sistema ta’ dħul u ħruġ Ewropea tiżgura li d-dejta dwar il-qsim tal-fruntiera minn ċittadini ta’ pajjiżi terzi tkun disponibbli għall-awtoritajiet tal-kontroll fuq il-fruntiera u tal-immigrazzjoni, b’mod li tiġi kompluta l-iskema VIS għad-detenturi tal-viża. Dan ikun ta’ għajnuna biex iż-żjara ta’ detenturi tal-viża tkun ikkontrollata aħjar u biex jiġi evitat li jkun hemm min idum aktar miż-żmien li għalih ikollu permess, li, kontra l-perċezzjoni komuni, huwa s-sors ewlieni tal-immigrazzjoni irregolari fl-UE. Fl-istess ħin, programm ta’ vjaġġaturi rreġistrati jippermetti lil ċittadini ta’ pajjiżi terzi li jużaw mezzi awtomatizzati tal-qsim tal-fruntiera biex b’hekk l-aċċess għall-UE jsir aktar faċli għal vjaġġaturi frekwenti.

Dawn is-sistemi jwittu t-triq lejn il-ġenerazzjoni li jmiss ta’ verifiki fuq il-fruntiera li jkunu jiddependu fuq teknoloġiji ġodda filwaqt li jibnu fuq il-lezzjonijiet meħuda mill-proġetti ta’ IT kbar li bħalissa qed jiġu żviluppati. Ikunu jinħtieġu investiment sostanzjali mill-UE u mill-Istati Membri fejn jidħol l-użu tal-IT u n-nefqa pubblika, u sforzi biex jiġu żgurati livelli ogħla għall-protezzjoni ta’ dejta personali. Qabel ma jiġu ppreżentati proposti speċifiċi, għalhekk, il-Kummissjoni fix-xhur li ġejjin se tkompli bil-konsultazzjonijiet mal-Parlament Ewropew u mal-Kunsill kif ukoll ma’ dawk kollha involuti biex tinstab it-triq ‘il quddiem.

Politika konsistenti dwar il-mobbiltà għal ċittadini ta’ pajjiżi terzi, inkużi l-viżi

Il-politika komuni dwar il-viża tal-UE hija waħda mill-miżuri ta’ protezzjoni li jeliminaw il-ħtieġa ta’ fruntieri interni. Lil hinn minn dan, il-politika dwar il-viża hija strumenti influwenti għal politika dwar il-mobbiltà li tħares ‘il quddiem. Għandha impatt mill-akbar fuq pajjiżi terzi li jqisu l-mobbiltà taċ-ċittadini tagħhom bħala prijorità ewlenija tal-politika barranija tagħhom. Fl-2009, madwar 11-il miljun viża tqassmu mill-Istati Membri li joħorġu viżi ta’ Schengen[11].

Fi snin reċenti, l-UE kkonkludiet diversi ftehimiet ta’ faċilitazjoni tal-viżi u daħlet fi djalogu dwar il-liberalizzazzjoni tal-viża. F’xi każi, u darba jintlaħqu l-prerekwiżiti kollha, l-UE ddeċidiet li tneħħi l-obbligu tal-viża għal ċittadini ta’ pajjiżi terzi speċifiċi.

Dawn l-esperjenzi huma fil-biċċa l-kbira pożittivi u juru li huwa possibbli li tiġi żgurata mobbiltà ġġestita tajjeb fi ħdan ambjent sikur. Il-prevenzjoni tal-migrazzjoni irregolari u ż-żamma tas-sigurtà pubblika huma kumpatibbli mal-objettiv ta’ iżjed mobbiltà. Il-bilanċ it-tajjeb bejn iżjed mobbiltà ta’ vjaġġaturi bona fide u r-riskji tal-migrazzjoni irregolari u t-theddid għall-politika pubblika u għas-sigurtà għandu jkun dejjem żgurat. Kull fejn ikun xieraq, il-verifika dwar jekk dan il-bilanċ ikunx intlaħaq għandha ssir permezz ta’ mekkaniżmu ta’ monitoraġġ li jiġi stabbilit wara l-liberalizzazzjoni tal-viżi, bħal ma hu dak stabbilit mill-Kummissjoni f’Jannar 2011, li jkopri ħames pajjiżi fir-reġjun tal-Balkani tal-Punent li ngħataw eżenzjoni mill-viża fl-2009 u l-2010 (l-Albanija, il-Bożnja u Ħerżegovina, l-eks Repubblika Jugoslava tal-Maċedonja, il-Montenegro u s-Serbja).

F’każ li eżenzjoni mill-visa twassal għal migrazjoni irregolari fuq skala kbira jew inkella għal abbuż, jew tkun ta’ periklu għas-sigurtà, l-UE għandu jkollha għad-dispożizzjoni tagħha strumenti xierqa biex tirremedja minnufih dawn il-problemi. Sabiex tiżgura dan, il-Kummissjoni dalwaqt se tipproponi modifika tar- Regolament dwar il-Viża [12] li jistabbilixxi klawżola ta’ salvagwardja li jippermetti biex, taħt ċerti kundizzjonijiet, ikun hemm ir-riintroduzzjoni tal-bżonn tal-viża għal ċittadini ta’ pajjiż terz.

L-UE għandha tibqa’ miftuħa għal skambji kulturali, ekonomiċi u ta’ kummerċ, sabiex jissaħħaħ ir-rwol tagħha ta’ attur dinji, u sabiex iġġib ‘l quddiem l-interess tal-komunità tagħha tan-negozju, is-settur universitarju u dawk involuti fil-kultura. Hemm bżonn ta’ aktar koerenza bejn il-politika dwar il-viża u linji ta’ politika oħrajn tal-UE, bħal ma huma l-linji ta’ politika dwar il-kummerċ u r-riċerka.

Għandu jintuża sal-livell massimu l-potenzjal offrut mill- Kodiċi tal-Viża - applikabbli minn April 2010. Għad hemm riluttanza, pereżempju li jinħarġu viżi ta’ diversi dħul li jkollhom perjodu twil ta’ validità lil vjaġġaturi frekwenti minkejja l-fatt li l-affidabbiltà tagħhom tkun ippruvata mingħajr lok għal dubji. Għal dan il-għan, il-Kummissjoni se tippreżenta fix-xhur li ġejjin l-ewwel rapport annwali dwar il-Koperazzjoni Lokali dwar Schengen. F’dan ir-rapport, il-Kummissjoni beħsiebha tressaq proposti konkreti għall-benefiċċju tal-konsulati tal-Istati Membri u tal-applikanti għall-viża, dwar il-mod kif taħdem il-Kooperazjoni Lokali dwar Schengen, pereżempju fejn tidħol l-armonizzazzjoni tal-listi ta’ dokumenti ta’ prova li għandhom jiġu ppreżentati mill-applikanti tal-viża, u l-ottimizzazzjoni tal-ħruġ ta’ viża ta’ diversi dħul lil vjaġġaturi bona fide.

L-aċċessibbiltà tas-servizz konsulari hija wkoll ta’ importanza mill-akbar. Il-Kummissjoni se tippreżenta, aktar tard din is-sena, Komunikazzjoni dwar programmi reġjonali ta’ kooperazzjoni konsulari. B’mod partikolari, din se teżamina kif jista’ jitħaffef l-istabbiliment ta’ ċentri komuni ta’ applikazzjoni għall-viża Għat-tul, il-kooperazzjoni bejn l-Istati Membri li jkunu fuq viżi Schengen għal żjarat qosra tkun tista’ tiġi estiża għal viżi għal żjarat twal.

Migrazzjoni legali ġestita tajjeb

Kif ġie enfasizzat fl-Istrateġija Ewropa 2020, politika razzjonali tal-migrazzjoni għandha tagħraf li l-migranti jistgħu jġibu dinamiżmu ekonomiku u ideat ġodda u jkunu ta’ għajnuna fil-ħolqien ta’ impjiegi ġodda. Il-migranti jistgħu wkoll jgħinu biex jimtela’ l-vojt fis-suq tax-xogħol, liema vojt ma jkunx jista’ jimtela minn ħaddiema mill-UE, jew li l-ħaddiema mill-UE ma jkunux jixtiequ jimlew, u jkunu wkoll ta’ kontribut biex jiġu indirizzati l-isfidi demografiċi li għandha quddiemha l-UE. Sabiex il-proporzjon tal-popolazzjoni fl-età tax-xogħol mal-popolazzjoni totali jinżamm fil-livell tal-2008, huwa stmat li l-UE jkollha bżonn immigrazzjoni netta sinifikanti. Ix-xejriet demografiċi għat-tul juru li d-dipendenza fuq forza tax-xogħol ġejja minn flussi tax-xogħol bejn l-Istati Membri tal-UE tista’ ssir limitata tul l-għaxar snin li ġejjin[13].

L-aċċettazzjoni ta’ migranti bil-ħiliet li jikkorrispondu għall-ħtiġijiet tal-UE tista’ tkun reazzjoni għan- nuqqas ta’ ħaddiema u ta’ ħiliet li jeżisti f’ċerti setturi. It-tkabbir tal-impjiegi fil-futur se jkun ikkonċentrat f’attivitajiet tas-servizzi u ħafna minn dawn l-impjiegi se jkunu marbuta mas-servizzi pubbliċi kif ukoll ma’ servizzi marbuta mal-unitajiet domestiċi. Biex nagħtu żewġ eżempji, l-Aġenda tal-Kumissjoni għal ħiliet u impjiegi ġidda tistma li sal-2020 se jkun hemm nuqqas ta’ madwar miljun (1) professjonist fis-settur tas-saħħa – ċifra li titla’ sa żewġ miljuni jekk wieħed jieħu f’kunsiderazzjoni wkoll il-professjonijiet anċillari fil-kura tas-saħħa. Huwa stmat li sal-2015 in-nuqqas ta’ dawk li jaħdmu fl-ICT jkun jilħaq bejn it-384 000 u s-700 000 impjieg[14]. L-UE tirrekjedi wkoll żieda qawwija ħafna fl-għadd ta’ riċerkaturi attivi hawnhekk, li xi wħud minnhom ikunu jridu jiġu minn pajjiżi terzi, jekk l-ekonomija għandha ssir dinamika u innovattiva kemm ikun hemm bżonn biex tibqa’ kompetittiva f’ekonomija globali.

Huwa meħtieġa aktar xogħol biex jiġu antiċipati n-nuqqasijiet ta’ ħaddiema u ta’ ħiliet u biex jiġi identifikat ir-rwol li jista’ jkollha l-migrazzjoni biex jimtlew dawn in-nuqqasijiet filwaqt li jittieħed ħsieb li jiġi evitat li l-aħjar imħuħ iħallu l-pajjiżi li qed jiżviluppaw.

Qed jiġi żviluppat qafas legali tal-UE dwar il-migrazzjoni filwaqt li l-Istati Membri jibqgħu responsabbli għall-għadd ta’ ċittadini ta’ terzi pajjiżi li huma jdaħħlu għal skopijiet ta’ impjieg. Li tara li n-nies bil-ħiliet it-tajba jkunu fil-post it-tajjeb fil-ħin it-tajjeb hija ċ-ċavetta tas-suċċess tan-negozju, tar-riċerka u tal-innovazzjoni fl-Ewropa. Is-simplifikazzjoni tal-proċeduri amministrattivi u r-reviżjoni tar-restrizzjonijiet fil-possibbiltajiet tal-migranti ċittadini ta’ pajjiżi terzi li jkunu mobbli fi ħdan l-UE u bejn l-UE u pajjiżi terzi, mingħajr ma jintilfu drittijiet akkwistati ta’ residenza u impjiegi tista’ tkun ta’ għajnuna biex is-swieq tax-xogħol jaħdmu aħjar. Barra minn dan, terz tal-migranti huma kwalifikati aktar milli hemm bżonn għall-impjiegi li jokkupaw, u dan hu ħela ta’ kapital uman li l-Ewropa ma tiflaħx għalih. Għalhekk, l-UE trid tagħmel aktar sforzi biex tagħraf il-kwalifiki formali tal-migranti, sew dawk li huma preżenti legalment kif ukoll dawk li jkunu għadhom kif waslu.

Il-kriżi fl-impjiegi li għadha għaddejja f’ħafna Stati Membri tfisser li s-swieq tax-xogħol fl-UE bħalissa jinsabu taħt pressjoni. Il-Kummissjoni bħalissa qed tistabbilixxi għadd ta’ strumenti biex tanalizza kemm jaqblu bejniethom il-ħiliet meħtieġa mal-għadd ta’ ħaddiema li għandhom dawn il-ħiliet u biex tidentifika setturi ekonmiċi u xogħlijiet li bħalissa qed jaffaċċjaw diffikultajiet fir-reklutaġġ jew nuqqas ta’ ħiliet disponibbli. Ir-riżultati ta’ din l-analiżi se jgħinu lill-Kummissjoni teżamina liema huma l-impjiegi fejn hemm nuqqas ta’ ħiliet għalihom li jistgħu jimtlew permezz ta’ strateġiji ta’ migrazzjni mmirati tajjeb. Il-Kummissjoni qed tikkunsidra li sal-2012 tippreżenta Green Paper dwar kif għandhom jiġu indirizzati nuqqasijiet fl-għadd ta’ ħaddiema permezz tal-migrazzjoni fl-Istati Membri tal-UE. Wasal iż-żmien li jintlaħaq ftehim dwar il-proposta tal-2007 dwar “il-permess uniku” li jissimplifika l-proċeduri amministrattivi għall-migranti u jagħtu sett ċar u komuni ta’ drittijiet. Fl-istess waqt, sabiex tibqa’ kompetittiva, l-Ewropa trid tkun destinazzjoni attraenti għal migranti b’livell għoli ta’ ħiliet, hekk kif tiżdied id-domanda globali għal ħaddiema b’livell għoli ta’ ħiliet . L-iskema Blue Card tal-UE tistabbilixxi pakkett ta’ miżuri li jiffaċilitaw ir-reklutaġġ ta’ dawn il-persuni fl-UE. Il-Kummissjoni tħeġġeġ lill-Istati Membri kollha biex isaħħu l-isforzi biex jittrasponu kif suppost id-Direttiva. Barra minn dan, sabiex jingħalaq vojt fil-qafas legali tal-UE il-Kummissjoni ressqet proposti dwar ħaddiema staġjonali u ħaddiem trasferiti fi ħdan korporazzjoni fl-2010. Fejn jidħlu inizjattivi leġiżlattivi futuri fil-qasam tal-migrazzjoni legali, il-Kummissjoni qegħda kontinwament tevalwa l-qafas legali sabiex tara jekk l-istrumenti eżistenti humiex implimentati tajjeb, jekk jistgħux jittejbu jew jekk hemmx bżonn ta’ oħrajn ġodda. Ir-rapport dwar id-Direttivi marbuta ma’ residenti għat-tul, studenti u riċerkaturi, li ġejjin minn pajjiżi terzi, se jiġi ppreżentat fl-2011.

Il-migranti potenzjali jeħtieġu informazzjoni dwar l-UE kif ukoll iridu jsiru jafu l-qafas legali nazzjonali, ir-rekwiżiti fejn tidħol lingwa, il-viżi u l-permessi tax-xogħol. Il-portal tal-UE dwar l-immigrazzjoni , websajt li għandha titnieda fi tmiem l-2011 se jkun post b’informazzjoni ċara u aċċessabbli li tinkiseb minn post wieħed.

Fl-ewwel snin wara l-2000, fi Stati Membri li jipprovdu dejta affidabbli, il-migrazzjoni għal raġunijiet marbuta mal-familja jidher li kienet tgħodd għal aktar minn 50% tal-immigrazzjoni legali totali. Din il-perċentwali qiegħda kull ma jmur tonqos u llum madwar terz tal-immigrazzjoni kollha lejn l-UE hija marbuta ma’ raġunijiet familjari. Kuntrarju għall-każ tal-migrazzjoni tal-ħaddiema, l-Istati Membri ma jistgħux jiddefinixxu minn qabel il-volumi ta’ persuni bħal dawn li għandhom jiġu ammessi. Tabilħaqq, il-Karta tad-Drittijiet Fundamentali, flimkien ma’ ħafna strumenti tal-liġi internazzjonali, u d-Direttiva tal-UE dwar ir-riunifikazzjoni tal-familja ta’ ċittadini ta’ pajjiżi terzi[15] jagħrfu l-obbligu li l-ħajja tal-familja tiġi rispettata. Il-Kummissjoni se tiddiskuti din il-kwistjoni mal-Istati Membri, mal-Parlament Ewropew u ma’ dawk kollha involuti u se toħroġ Green Paper sa tmiem is-sena.

Il-bini ta’ soċjetà inklussiva bl-integrazzjoni tal-immigranti

L-integrazzjoni ta’ ċittadini ta’ pajjiżi terzi legalment residenti għadha kwistjoni ċentrali u xi drabi kontroversjali. Għal raġunijiet umani u kulturali, l-integrazzjoni b’suċċess hija essenzjali. Hija wkoll neċessarja sabiex jiġu massimizzati l-benefiċċji ekonomiċi u soċjali tal-immigrazzjoni, kemm għall-individwi kif ukoll għas-soċjetajiet. Ma hemmx mezz wieħed li jiżgura s-suċċess tal-integrazzjoni. Iżda huwa ċar li jridu jsiru aktar sforzi, sew fil-livell tal-UE, dak nazzjonali u dak lokali biex jinkisbu riżultati aħjar. Kull migrant għandu jħossu milqugħ fl-Ewropa, fir-rispett tal-liġijiet u l-valuri tagħha, u għandu jkun fil-pożizzjoni li jikkontribwixxi għall-futur tal-Ewropa.

L-integrazzjoni tirrekjedi sforzi mill-migrant u mis-soċjetà li tkun laqgħetu. Il-migranti għandhom jingħataw l-opportunità li jipparteċipaw fil-komunitajiet il-ġodda tagħhom, b’mod partikolari billi jitgħallmu l-lingwa tal-pajjiż li laqagħhom, li jkollhom aċċess għall-impjiegi, l-edukazzjoni u s-sistemi tas-saħħa, kif ukoll li jkollhom il-kapaċità soċjo-ekonomika li jmantnu lilhom infushom. Il-migranti għandhom ikunu jafu l-valuri fundamentali tal-UE u tal-Istati Membri tagħha sabiex jifhmu l-kultura u t-tradizzjonijiet tal-pajjiż fejn jgħixu. L-integrazzjoni tal-migranti timplika bilanċ bejn it-tgawdija tad-drittijiet u r-rispett tal-liġijiet u l-kultura tal-pajjiżi ospitanti.

F’dan il-kuntest, il-Kummisjoni sejra dalwaqt tippreżenta Komunikazzjoni dwar Aġenda Ewropea għall-Integrazzjoni ta’ ċittadini minn pajjiżi terzi, li tikkonċentra fuq il-parteċipazzjoni tal-migranti fil-pajjiżi li jilqgħuhom, l-azzjoni fil-livell lokali u l-involviment tal-pajjiżi tal-oriġini fil-proċess ta’ integrazzjoni. Din l-aġenda se tkun kontribut għad-dibattitu dwar kif nifhmu u nappoġġjaw l-integrazzjoni.

Qed jiġi żviluppat "pakkett" ta’ approċi li kienu ta’ suċċess fl-integrazzjoni tal-migranti, sabiex jiġi ffaċilitat l-iskambju tal-aħjar prassi biex b’hekk l-awtoritajiet nazzjonali jkunu jistgħu jitgħallmu minn xulxin u jagħżlu l-miżuri li huma l-aktar probabbli li jkunu effettivi fil-kisba tal-għanijiet ta’ integrazzjoni partikolari. Qed jiġu mfassla hekk imsejħa ‘moduli Ewropej’ biex jiġu sostnuti linji ta’ politika u prattiki li jistgħu jiġu adattati għall-ħtiġijiet tal-Istati Membri, tar-reġjuni u tal-ibliet individwali, B’mod partikolari, il-Komunikazzjoni tal-Kummissjoni se tappella għal tisħiħ tal-involviment ta’ atturi lokali u reġjonali fid-definizzjoni ta’ linji ta’ politika ta’ integrazzjoni, inkluż, pereżempju, permezz ta’ tisħib strateġiku mal-Kumitat tar-Reġjuni u ta’ netwerks Ewropej ta’ bliet u reġjuni.

L-GħOTI TA’ PROTEZZJONI INTERNAZZJONALI LIL PERSUNI FIL-BżONN

Wieħed mill-iskopijiet ewlenin tas- Sistema Ewropea Komuni tal-Ażil huwa dak li titnaqqas id-diverġenza bejn pajjiżi differenti tal-UE fejn jidħol ir-riżultat aħħari ta’ talba għall-ażil, u biex jiġi żgurat sett komuni ta’ drittijiet proċedurali u sostantivi li wieħed ikun jista’ jserraħ fuqhom madwar l-Unjoni, filwaqt li tiġi żgurata l-konformità mal-Konvenzjoni ta’ Ġinevra tal-1951 dwar ir-refuġjati u obbligi internazzjonali relevanti oħra.

Fl-2010 kien hemm madwar 257,800 persuna qed jitolbu l-ażil fl-UE, jew 515 applikant għal kull miljun abitant. Għaxar Stat Membri kellhom aktar minn 90% tal-applikanti rreġistrati fl-UE[16].

Wasal iż-żmiem li s-Sistema Ewropea Komuni tal-Ażil titlesta billi jintlaħaq qbil dwar pakkett ibbilanċjat sal-iskadenza tal-2012 kif miftiehem fil-Kunsill Ewropew ta’ Diċembru 2009. Għal dak il-għan, il-Kummissjoni dalwaqt se tressaq proposti mmodifikati dwar il-Kundizzjonijiet ta’ Lqugħ u d-Direttivi ta’ Proċeduri dwar l-Ażil. Għandu jintlaħaq ftehim ibbilanċjat dwar ir-reviżjoni tar-Regolament ta’ Dublin, inkluż dwar mekkaniżmu ta’ emerġenza biex jintuża fl-agħar każijiet ta’ pressjoni eċċezzjonali, u dwar is-sistema riveduta tal-Eurodac.

Flimkien mad-Direttiva ta’ Kwalifika u l-estensjoni tal-ambitu tad-Direttiva dwar l-Istatus ta’ Resident għal Żmien fit-tul buex tkopri lil benefiċjarji tal-protezzjoni internazzjonali, is-sistema komuni tal-ażil għandha tipprovdi għal (a) trattament ġust ta’ dawk li jitolbu l-ażil u l-benefiċjarji tal-protezzjoni internazzjonali, u garanziji xierqa għalihom; (b) strumenti proċedurali li jkunu ta’ għajnuna għall-awtoritajiet nazzjonali li jevalwaw kif xieraq u malajr it-talbiet tal-ażil b’mod aktar konverġenti u bi strumenti biex jaġixxu fil-każ ta’ talbiet abużivi; (c) il-livell xieraq ta’ approssimazzjoni ta’ drittijiet għall-benefiċjarji ta’ protezzjoni internazzjoanli li se tikkontribwixxi biex jiġu ffrankati l-ispejjeż fi proċessi amministrattivi u biex jiġu limitati l-movimenti sekondarji kif ukoll it-tiftix tal-ażil minn pajjiż għall-ieħor, filwaqt li fl-istess ħin jitjiebu l-prospetti tal-integrazzjoni; (d) it-titjib tal-effiċjenza tas-’Sistema ta’ Dublin’, filwaqt li tipprovdi għal sitwazzjonijiet ta’ pressjonijiet eċċezzjonali li jista’ jkollhom quddiemhom l-Istati Membri individwali; u (e) database tal-EURODAC li tkompli ssostni l-effiċjenza tar-Regolament ta’ Dublin, filwaqt li tilqa’ wkoll ħtiġijiet oħra tal-awtoritajiet tal-infurzar tal-liġi iżda taħt kundizzjonijiet stretti ħafna.

Il-leġiżlazzjoni tal-UE u l-impimentazzjoni xierqa tagħha trid tkun akkumpanjata minn kooperazzjoni prattika aktar b’saħħitha. L-uffiċċju Ewropew ta’ Appoġġ fil-Qasam tal-Azil se jkun qed jaħdem bil-kapaċità totali tiegħu f’Ġunju ta’ din is-sena u l-attività tiegħu se twassal għal aktar fiduċja u kooperazzjoni fost is-sħab Ewropej.

Is-solidarjetà u l-kooperazzjoni ma’ pajjiżi terzi fl-immaniġġjar tal-flussi tal-ażil u r-refuġjati hija importanti wkoll. B’mod partikolari, il-Programmi ta’ Protezzjoni Reġjonali għandhom jibqgħu jitħaddmui. Dawn jipprovdu għal tisħib wiesa’ ma’ pajjiżi u reġjuni ta’ oriġini, f’kooperazzjoni mill-qrib mal-UNHCR, li jikkombina d-djalogu u l-appoġġ għal miżuri ta’ bini ta’ kapaċità, għal aċċess għal soluzzjonijiet fit-tul, titjib fil-leġiżlazzjoni nazzjonali tal-ażil, l-ilqugħ ta’ dawk li jkunu qed ifittxu l-ażil u r-refuġjati, miżuri ta’ ripatrijazzjoni u risistemazzjoni.

Matul l-2010, madwar 5,000 refuġjat ġew risistematizzati fl-UE kollha kemm hi. Dan jitqabbel mal-madwar 75,000 refuġjat li ġew risistematizzati fl-Istati Uniti fl-istess sena. Tabilħaqq, l-Istati Membri tal-UE meħuda flimkien bħalissa jaċċettaw anqas refuġjati risistematizzati mill-Kanada waħedha. Ir-risistemazzjoni trid issir parti integrali tal-politika tal-EU dwar l-ażil. Hija tirrappreżenta miżura li ssalva ħajjet ir-refuġjati ġenwini li altrimenti jistgħu jkunu obbligati li jagħmlu vjaġġ perikoluż lejn post ta’ kenn permanenti. Huwa wkoll ġest importanti ta’ qsim ta’ responsabbiltà lejn pajjiżi tal-ewwel ażil, li l-biċċa l-kbira minnhom huma pajjiżi li qed jiżviluppaw, jgħin li jinżamm ‘spazju ta’ protezzjoni’ fil-pajjiżi ospitanti, u jikkontribwixxi għad-djalogu u l-kooperazzjoni fuq kwistjonijiet oħra ta’ migrazzjoni u ġestjoni tal-fruntieri. Il-Parlament Ewropew u l-Kunsill għandhom jadottaw mingħajr dewmien l-iskema ta’ risistemazzjoni konġunta tal-UE proposta mill-Kummissjoni[17].

IL-MIGRAZZJONI FIR-RELAZZJONIJIET ESTERNI LIL HINN MILL-KRIżI

Approċċ globali għall-migrazzjoni

L-UE jeħtieġ li ssaħħaħ il-linji ta’ politika esterni tagħha dwar il-migrazzjoni. Hemm bżonn ta’ tisħib ma’ pajjiżi terzi li jindirizza l-kwistjonijiet marbuta mal-migrazzjoni u l-mobbiltà b’mod li jagħmel mill-kooperazzjoni benefiċċju reċiproku. Fl-iżvilupp ta’ politika bħal din, il-kwistjonijiet tal-migrazzjoni għandhom ikunu integrati fir-relazzjonijiet esterni tal-UE biex jiġu promossi l-interessi u l-ħtiġijiet tal-UE. Trid tingħata attenzjoni speċjali għar-relazzjoni bejn il-migrazzjoni u t-tibdil fil-klima. Il-konsistenza bejn il-linji ta’ politika interni u esterni hija essenzjali fil-kisba ta’ riżultati tajba daqs kemm huma l-koerenza u l-kumplimentarità bejn l-azzjoni tal-Unjoni u tal-Istati Membri.

Il-Kummissjoni se tippreżenta Komunikazzjoni dwar l- Approċ Globali għall-Migrazzjoni aktar tard din is-sena. Wara l-ewwel ħames snin ta’ implimentazzjoni, wasal iż-żmien li tiddaħħal fażi ġdida u jiġu esplorati modi kif dan l-approċ strateġiku jsir aktar effiċjenti u koerenti, b’objettivi definiti b’mod aktar ċar. Dan il-qafas ta’ politika jeħtieġ li jkun jirrifletti aħjar l-objettivi strateġiċi tal-Unjoni, sew esterni kif ukoll interni u jikkonvertihom fi proposti konkreti għall-iżvilupp tat-tisħib ċentrali tagħna (l-aktar dak bejn l-UE u l-Afrika, it-Tisħib mal-Lvant, u t-Tisħib EuroMed kif ukoll il-pajjiżi involuti fit-tkabbir).

Għandu jkun hemm bilanċ tematiku aħjar bejn it-tliet oqsma ewlenin tal-intervent ta’ politika: a) l-organizzazzjoni tal-migrazzjoni legali; b) it-tisħiħ tal-ġlieda kontra l-migrazzjoni irregolari; u c) mmassimizzar tal-benefiċċji reċiproki tal-migrazzjoni għall-iżvilupp.

Id-dimensjoni esterna jista’ jkollha rwol aktar importanti bil-kuntatti li jistgħu jsiru ma’ pajjiżi terzi li għandhom jitqiesu bħala sħab meta jiġu indirizzati l-ħtiġijiet ta’ fejn jidħol l-għadd ta’ ħaddiema fl-UE, flwaqt li tiġi rispettata l-preferenza tal-UE għal ċittadini tal-UE. Fi sforz biex il-provvista u l-ħtiġijiet ta’ ħaddiema jiġu konnessi aħjar, u biex l-industrija tal-UE issibha eħfef li tirrekluta l-ħiliet it-tajba, jista’ jsir xogħol importanti f’pajjiżi terzi f’oqsma bħal ma huma l-għarfien ta’ kwalifiki barranin u taħriġ vokazzjonali u tal-lingwa, qabel ma dak li jkun iħalli pajjiżu.

Ix-xogħol fuq il-migrazzjoni u l-iżvilupp għandu issa jsir b’mod aktar profond u rfinut. L-UE għandha żżid l-isforzi tagħha biex tindirizza r-raġunijiet li jwasslu għall-migrazzjoni, b’attenzjoni speċjali fuq kwistjonijiet marbuta mal-impjiegi, il-governanza u l-iżviluppi demografiċi. Hemm bżonn li jittieħdu inizjattivi ġodda biex jinkoraġġixxu l-impatt pożittiv fuq l-iżvilupp li jħalli d-dħul li jibagħtu l-migranti lura pajjiżhom.

Id-dimensjoni umana tal-linji ta’ politika dwar il-migrazzjoni u l-iżvilupp se tissaħħaħ ukoll bl-introduzzjoni ta’ approċċ iċċentrat fuq il-migrant. F’dan il-kuntest, ir-rwol tad-diaspora għandu jingħata aktar attenzjoni. Għandhom jiġu kkunsidrati inizjattivi maħsuba biex jippermettu lil membri tad-diaspora jikkontribwixxu lejn il-pajjiż tagħhom ta’ oriġini, inkluż il-promozzjoni tar-ritorn temporanju ta’ migranti kkwalifikati. Hemm bżonn li jiġu ulterjorment żviluppati l-possibbilitajiet tal-migrazzjoni ċirkulari, fuq is-sisien tal-ewwel esperjenzi pożittivi.

Sa issa l-attenzjoni ewlenija tal-Approċċ Globali kienet fuq l-Afrika u l-Lvant u x-Xlokk tal-Ewropa. Fit-tisħiħ tal-linji ta’ politika tal-UE dwar il-migrazzjoni esterna, il-prijoritajiet ġeografiċi għandhom jiġu eżaminati mill-ġdid, abbażi tal-interessi tal-UE u tal-pajjiżi terzi, kif ukoll tal-isfidi komuni b’mod partikolari fid-dawl ta’ żviluppi reċenti fil-Lvant Nofsani u l-Afrika ta’ Fuq.

Lil hinn mill-kriżi: l-UE u n-naħa ta’ Isfel tal-Mediterran f’tisħib

Il-laqgħat tal-Kunsill Ewropew tal-11 u tal-25 ta’ Marzu kkonfermaw għal darba oħra l-impenn li jiġi żviluppat tisħib mal-pajjiżi tal-Viċinat tan-Naħa ta’ Isfel. Il-Parlament Ewropew ukoll saħaq, fir-Riżoluzzjoni reċenti tiegħu[18], fuq il-ħtieġa li jkun hemm approċ ibbilanċjat u komprensiv għal dawn il-kwistjonijiet. Fuq din il-bażi ta’ dawn il-kontribuzzjonijiet, fil-ġimgħat li ġejjin, il-Kummissjoni se tippreżenta Politika Ewropea ta’ Viċinat riveduta kif ukoll pakkett ta’ proposti dwar l-approċċ tal-UE fil-qasam tal-migrazzjoni, il-mobbiltà u s-sigurtà mal-pajjiżi tan-naħa ta’ Isfel tal-Mediterran.

F’dan il-qafas, se tkompli l-ħidma mal-pajjiżi tan-naħa ta’ Isfel tal-Mediterran biex jitjieb l-għarfien tal-ħiliet tal-migranti u tal-livelli ta’ edukazzjoni tagħhom.

Barra minn dan, il-kuntatti “tan-nies man-nies” madwar il-Mediterran għandhom ikunu ta’ sostenn hekk kif qed titfaċċa d-demokratizzazzjoni fl-Afrika ta’ Fuq. Żieda fil-mobbiltà tħajjar il-fehim reċiproku u tagħti spinta lir-relazzjonijiet kummerċjali. L-UE jeħtiġilha toffri lil sħabha fil-viċinat politika dinamika tal-mobbiltà, inkluż fejn jidħlu l-viżi, li tkun ukoll ankrata fis-sod fi ħdan il-politika esterna tal-UE. L-għoti liberalizzat ta’ servizzi, l-iskambji mtejba ta’ studenti u ta’ riċerkaturi, il-kuntatti intensifikati li jġibu flimkien is-soċjetà ċivili, in-negozjanti, il-ġurnalisti u l-organizzazzjonijiet tad-drittijiet tal-bniedem huma strumentali biex jinkisbu l-għanijiet tal-Politika Ewropea ta’ Viċinat. Dawn jistgħu biss iseħħu jekk ikun hemm passaġġi xieraq għall-migrazzjoni regolari u jekk ikuin hemm faċilitazzjoni tal-viża.

Bħala l-ewwel pass, l-UE pproponiet lill-pajjiżi tan-naħa ta’ Isfel tal-Mediterran li jistabbilixxu djalogu strutturat dwar il-migrazzjoni, il-mobbiltà u s-sigurtà bil-ħsieb li jiġi stabbilit Tisħib ta’ Mobbiltà relatat, abbażi tal-mertu speċifiku ta’ kull pajjiż għalih.

Id-djalogu għandu jkollu l-għan li jistabbilixxi Tisħib ta’ Mobbiltà, bil-kundizzjonijiet xierqa, kif ukoll li jgħin lil pajjiżi sħab li jsaħħu l-bini tal-kapaċità fl-oqsma tal-ġestjoni ta’ flussi migratorji. Is-sħubijiet tal-mobbiltà għandhom ikopru, fost affarijiet oħra, modi biex tiġi ffaċilitata u organizzata aħjar il-migrazzjoni legali, miżuri effettivi u umani biex tiġi miġġielda l-migrazzjoni irregolari, kif ukoll passi konkreti lejn it-tisħiħ tar-riżultati għall-iżvilupp li jinkiseb bil-migrazzjoni. L-implimentazzjoni tagħhom se jkollha bħala kundizzjoni li l-pajjiżi terzi jimpenjaw ruħhom li jerġgħu jdaħħlu migranti irregolari li mhumiex intitolati li jibqgħu fit-territorju tal-Istati Membri u li jieħdu azzjoni effettiva mmirata lejn il-prevenzjoni tal-migrazzjoni irregolari, jistabbilixxu ġestjoni integrata tal-fruntieri, sigurtà tad-dokumenti u biex jiġġieldu kontra l-kriminalità organizzata, inkluż it-traffikar tal-bnedmin u l-kuntrabandu tal-migranti.

Pajjiżi sħab li jkunu lesti li jaħdmu mal-UE dwar l-ażil, il-migrazzjoni, il-ġestjoni tal-fruntieri, kif ukoll dwar infurzar aktar effettiv tal-istat tad-dritt jingħataw għajnuna fit-tisħiħ tal-kapaċitajiet tagħhom għal dak il-għan. Din il-kooperazzjoni se tgħin ukoll biex jiġu stabbiliti l-kundizzjonijiet għall-istabbiltà, ir-rispett tad-drittijiet tal-bniedem, id-demokrazija u l-governanza tajba. Bl-istess mod se tippermetti li l-UE toffri aktar inizjattivi biex tiġi ffaċilitata l-mobbiltà għal ċittadini ta’ pajjiżi terzi, b’mod parallel ma’ miżuri fil-qasam tal-politika dwar il-viża, bħala parti minn riorganizzazzjoni ġenerali tar-relazzjonijiet tal-UE ma’ dawn il-pajjiżi.

ANNESS 1

Inizjattivi tal-Kummissjoni marbuta mal-Komunikazzjoni |

Nru ta’ Referenza | Titolu Sħiħ |

KAPITOLU 2 Il-qsim tal-fruntieri esterni u l-mobbiltà |

2011/HOME/040 | Deċiżjoni tal-Kummissjoni dwar kooperazzjoni lokali dwar Schengen | Ġunju 2011 |

2011/HOME/182 | Rakkomandazzjoni li temenda Rakkomandazzjoni COM li tistabbilixxi Manwal Prattiku Komuni għal Għassiesa tal-Fruntieri | Ġunju 2011 |

2011/HOME/045 | Deċiżjoni tal-Kummissjoni li temenda l-Manwali tal-Kodiċi tal-Viża | Ġunju 2011 |

2011/HOME/050 | Deċiżjoni tal-Kummisjoni li temenda l-Manwal SIRENE | Mejju 2011 |

2011/HOME/041 | Proposta tal-Kummissjoni li temenda r-Regolament tal-PE u tal-Kunsill 539/2001 dwar il-viżi | l-24 ta’ Mejju 2011 |

2011/HOME/044 | Komunikazzjoni dwar programmi għal kooperazzjoni konsulari reġjonali u t-twaqqif ta’ ċentri komuni ta’ applikazzjoni | Novembru 2011 |

2011/HOME/088 | Proposta leġiżlattiva li tiddefinixxi l-għan, l-ambitu u l-qafas tekniku u operattiv tas-Sistema Ewropea ta’ Sorveljanza tal-Fruntieri (EUROSUR) | Diċembru 2011 |

2011/HOME/.. | Komunikazzjoni dwar il-“Fruntieri Għaqlin” (Sistema ta’ Dħul u Ħruġ u Programm ta’ Vjaġġaturi Reġistrati) | Settembru 2011 |

2011/HOME/016 | Komunikazzjoni dwar solidarjetà mtejba fi ħdan l-UE | Novembru 2011 |

KAPITOLU 3 Iċ-ċirkolazzjoni u r-residenza f’żona mingħajr fruntieri interni |

Schengen: mekkaniżmu għar-riintroduzzjoni kkoordinata u temporanja tal-kontrolli, li għandha tiżdied mal-proposta tal-Kummissjoni dwar l-evalwazzjoni ta’ Schengen | Ġunju/Lulju 2011 |

2011/HOME/037 | Il-migrazzjoni u l-ażil fl-UE fl-2010 (It-tieni rapport annwali dwar il-Patt tal-Immigrazzjoni u l-Ażil), akkumpanjat minn Dokument ta’ Ħidma tal-Persunal tal-Kummissjoni | l-24 ta’ Mejju 2011 |

2011/HOME/017 | Komunikazzjoni dwar aġenda tal-UE għall-integrazzjoni, akkumpanjata minn Dokument ta’ Ħidma tal-Persunal tal-Kummissjoni | l-24 ta’ Mejju 2011 |

2010/HOME/085 | Rapport mill-Kummissjoni lill-Parlament Ewropew u lill-Kunsill dwar l-applikazzjoni tad-Direttiva 2003/109/KE dwar l-istatus ta’ ċittadini ta’ pajjiżi terzi li huma residenti għat-tul | Settembru 2011 |

2010/HOME/086 | Rapport mill-Kummissjoni lill-Parlament Ewropew u lill-Kunsill dwar l-applikazzjoni tad-Direttiva 2004/114/KE dwar il-kondizzjonijiet ta’ ammissjoni ta’ cittadini ta’ pajjiżi terzi għal skopijiet ta’ studju, skambju ta’ studenti, taħriġ bla ħlas jew servizz volontarju. | Settembru 2011 |

2011/HOME/039 | Rapport dwar id-Direttiva 2005/71/KE dwar l-ammissjoni ta’ ċittadini ta’ pajjiżi terzi għall-finijiet ta’ riċerka xjentifika u possibilment segwitu | Diċembru 2011 |

2009/HOME/057 | Green Paper dwar id-Direttiva tal-Kunsill 2003/86/KE dwar id-dritt għar-riunifikazzjoni tal-familja, | Novembru 2011 |

Komunikazzjoni dwar il-Politika tal-UE dwar ir-Ritorn | 2012 |

Green Paper dwar l-indirizzar tan-nuqqas ta’ ħaddiema permezz tal-migrazzjoni fl-Istati Membri tal-UE | 2012 |

KAPITOLU 4 L-għoti ta’ protezzjoni internazzjonali lil persuni fil-bżonn |

2011/HOME/186 | Proposta modifikata dwar id-Direttiva dwar il-Proċeduri tal-Azil | l-1 ta’ Ġunju 2011 |

2011/HOME/187 | Proposta modifikata dwar id-Direttiva dwar il-Kundizzjonijiet ta’ Lqugħ | l-1 ta’ Ġunju 2011 |

Proposta għal Regolament tal-Parlament Ewropew u tal-Kunsill li jistabbilixxi l-kriterji u l-mekkaniżmi biex ikun iddeterminat liema hu l-Istat Membru responsabbli biex jeżamina applikazzjoni għall-ażil iddepożitata għand wieħed mill-Istati Membri minn ċittadin ta’ pajjiż terz jew persuna apolida | Diġà ppreżentata |

Proposta emendata għal Regolament tal-Parlament Ewropew u tal-Kunsill dwar l-istabbiliment tal-’EURODAC’ | Diġà ppreżentata |

Proposta għal Direttiva tal-Parlament Ewropew u tal-Kunsill dwar standards minimi għall-kwalifika u l-istatus ta’ ċittadini ta’ pajjiżi terzi jew persuni apolidi bħala benefiċjarji ta’ protezzjoni internazzjonali u l-kontenut tal-protezzjoni mogħtija | Diġà ppreżentata |

Proposta tal-Kummissjoni dwar Programm Konġunt tal-UE dwar ir-Risistemazzjoni | Diġà ppreżentata |

KAPITOLU 5 L-Approċċ Globali għall-Migrazzjoni |

Komunikazzjoni “Djalogu għall-migrazzjoni, il-mobbiltà u s-sigurtà man-naħa ta’ Isfel tal-Mediterran | l-24 ta’ Mejju 2011 |

2010/HOME+/011 | Proposta tal-Kummissjoni għad-deċiżjonijiet tal-Kunsill dwar l-iffirmar u l-konklużjoni tal-ftehim bejn il-Komunità Ewropea u r-Repubblika tal-Kap Verde dwar il-mobbiltà u r-riammissjoni | Novembru 2011 |

2011/HOME/001 | Komunikazzjoni dwar l-evalwazzjoni u l-iżvilupp futur tal-Approċċ Globali dwar il-Migrazzjoni | Novembru 2011 |

2011/HOME/022 | DĦPK dwar il-Migrazzjoni u l-Iżvilupp | Novembru 2011 |

2011/HOME/023 | DĦPK dwar il-Migrazzjoni u t-Tibdil fil-Klima | Novembru 2011 |

2001/HOME/019 | Pjan ta’ Azzjoni dwar il-kooperazzjoni mal-pajjiżi tal-Isħubija tal-Lvant | Settembru 2011 |

Proposta tal-Kummissjoni għad-deċiżjonijiet tal-Kunsill dwar l-iffirmar u l-konklużjoni tal-ftehim bejn il-Komunità Ewropea u l-Armenja dwar il-faċilitazzjoni tal-viża u r-riammissjoni | Lulju 2011 |

Proposta tal-Kummissjoni għad-deċiżjonijiet tal-Kunsill dwar l-iffirmar u l-konklużjoni tal-ftehim bejn il-Komunità Ewropea u l-Ażerbajġan dwar il-faċilitazzjoni tal-viża u r-riammissjoni | Lulju 2011 |

ANNESS 2

Tabella nru 1 : Statistiċi totali tal-viza 2009

[pic]

Sors: Segretarjat Ġenerali tal-Kunsill tal-Unjoni Ewropea

[pic]Tabella nru 2 : Tabella dwar qbid, tkeċċija u ritorni.

Sors: Eurostat

Tabella nru 3 : Popolazzjoni ta’ ċittadini mhux tal-UE fl-Istati Membri, 2010

Popolazzjoni ta’ ċittadini mhux tal-UE fl-Istati Membri, 2010 |

Ċittadini ta’ pajjiżi mbux tal-UE (f’eluf) | % |

UE27 | 20 126.1 | 4.0 |

Il-Belġju | : | : |

Il-Bulgarija | 20.3 | 0.3 |

Ir-Repubblika Ċeka | 287.4 | 2.7 |

Id-Danimarka | 214.3 | 3.9 |

Il-Ġermanja | 4 584.7 | 5.6 |

L-Estonja | 201.7 | 15.1 |

L-Irlanda | 67.9 | 1.5 |

Il-Greċja | 791.7 | 7.0 |

Spanja | 3 335.7 | 7.3 |

Franza | 2 451.4 | 3.8 |

L-Italja | 2 993.7 | 5.0 |

Ċipru | 43.8 | 5.5 |

Il-Latvja | 382.4 | 17.0 |

Il-Litwanja | 34.6 | 1.0 |

Il-Lussemburgu | 29.5 | 5.9 |

L-Ungerija | 81.1 | 0.8 |

Malta | 11.3 | 2.7 |

Il-Pajjiżi l-Baxxi | 341.3 | 2.1 |

L-Awstrija | 548.0 | 6.5 |

Il-Polonja | 30.7 | 0.1 |

Il-Portugall | 363.1 | 3.4 |

Ir-Rumanija | 25.3 | 0.1 |

Is-Slovenja | 77.6 | 3.8 |

Is-Slovakkja | 24.2 | 0.4 |

Il-Finlandja | 98.5 | 1.8 |

L-Isvezja | 324.7 | 3.5 |

Ir-Renju Unit | 2 445.1 | 3.9 |

Sors: Eurostat

[pic]

Tabella nru 4 : Għadd ta’ permessi ta’ residenza maħruġa fl-2008 u fl-2009

Sors: Eurostat

Tabella nru 5 : Deċiżjoni ta’ ażil tal-ewwel istanza, skont ir-riżultat u l-Istati Membri, 2010 |

Il-Belġju | 16665 | 3510 | 2700 | 805 | : | 13160 |

Il-Bulgarija | 515 | 140 | 20 | 120 | : | 375 |

Ir-Repubblika Ċeka | 510 | 175 | 75 | 75 | 20 | 335 |

Id-Danimarka | 3300 | 1345 | 660 | 520 | 170 | 1950 |

Il-Ġermanja | 45400 | 10450 | 7755 | 545 | 2145 | 34955 |

L-Estonja | 40 | 15 | 10 | 5 | : | 25 |

L-Irlanda | 1600 | 25 | 25 | 5 | : | 1575 |

Il-Greċja | 3455 | 105 | 60 | 20 | 30 | 3350 |

Spanja | 2785 | 610 | 245 | 350 | 15 | 2175 |

Franza | 37620 | 5115 | 4095 | 1020 | : | 32505 |

L-Italja | 11325 | 4305 | 1615 | 1465 | 1225 | 7015 |

Ċipru | 2440 | 425 | 30 | 370 | 25 | 2015 |

Il-Latvja | 50 | 25 | 5 | 20 | : | 25 |

Il-Litwanja | 190 | 15 | 0 | 15 | : | 175 |

Il-Lussemburgu | 475 | 70 | 55 | 15 | : | 410 |

L-Ungerija | 1040 | 260 | 75 | 115 | 70 | 785 |

Malta | 350 | 220 | 45 | 165 | 15 | 125 |

Il-Pajjiżi l-Baxxi | 17145 | 7565 | 810 | 4010 | 2745 | 9575 |

L-Awstrija | 13780 | 3450 | 2060 | 1390 | : | 10330 |

Il-Polonja | 4420 | 510 | 80 | 195 | 230 | 3910 |

Il-Portugall | 130 | 55 | 5 | 50 | : | 75 |

Ir-Rumanija | 425 | 70 | 40 | 30 | 0 | 355 |

Is-Slovenja | 115 | 25 | 20 | 0 | : | 95 |

Is-Slovakkja | 295 | 90 | 5 | 55 | 30 | 205 |

Il-Finlandja | 4880 | 1595 | 165 | 1240 | 190 | 3285 |

L-Isvezja | 27700 | 8495 | 1935 | 5955 | 605 | 19205 |

Ir-Renju Unit | 26720 | 6440 | 4445 | 1850 | 140 | 20280 |

Sors: Eurostat |

[1] Riżoluzzjoni tal-Parlament Ewropew tal-5 ta’ April 2011 dwar il-flussi migratorji li ġejjin minħabba instabbiltà: l-ambitu u r-rwol tal-politika barranija tal-UE (2010/2269(INI))

[2] Il-Programm Ġenerali jinkludi erba’ Fondi li huma relevanti f’dan il-kuntest: il-Fond għall-Fruntieri Esterni, il-Fond Ewropew għar-Ritorn, il-Fond Ewropew għar-Refuġjati u l-Fond għall- Integrazzjoni

[3] Direttiva tal-Kunsill 2001/51/KE tal-20 ta’ Lulju 2001.

[4] COM(2010) 673, 22.11.2010.

[5] COM(2010) 61, 24.2.2010.

[6] Ara l-Anness 1 – Tabella dwar il-qbid, it-tkeċċija u r-ritorni.

[7] Id-Direttiva 2009/52/KE tal-Parlament Ewropew u tal-Kunsill tat-18 ta’ Ġunju 2009

[8] Id-Direttiva 2008/115/KE tal-Parlament Ewropew u tal-Kunsill tas-16 ta’ Diċembru 2008. L-iskadenza għal-implimentazzjoni tad-Direttiva ntemmet f’Diċembru 2010.

[9] COM(2011) 76, 23.2.2011.

[10] Skont eżerċizzju ta’ ġbir ta’ dejta fil-punti kollha fejn tinqasam il-fruntiera esterna tal-UE, bejn il-31 ta’ Awwissu u s-6 ta’ Settembru 2009: 12,6 miljun persuna jaqsmu l-fruntiera b’mod regolari kull ġimgħa. 73,5 miljun huma ċittadini tal-UE, jew persuni li jgawdu mid-dritt tal-Unjoni ta’ moviment ħieles (9,1 miljun fil-ġimgħa), 15,2% huma ċittadini ta’ pajjiżi terzi li m’għandhomx bżonn ta’ viża (2,1 miljun fil-ġimgħa) filwaqt li 11,3% huma ċittadini ta’ pajjiżi terzi li kellhom viża (1,4 miljun fil-ġimgħa).

[11] Ara l-Anness 2, tabella 1, dwar l-istatistika totali ta’ ħruġ ta’ viżi fl-2009.

[12] Regolament tal-Parlament Ewropew u tal-Kunsill (KE) Nru 539/2001.

[13] Polarizzazzjoni tas-suq tax-xogħol fl-Ewropa. Dokument ta’ riċerka ta’ Cedefop nru. 9 2011.

[14] Monitoraġġ tad-domanda u l-provvista tal-ħiliet elettroniċi fl-Ewropa - is-sitwazzjoni u x-xenarji preżenti u t-tbassir tal-iżvilupp għall-futur sal-2015, DG ECFIN

[15] Direttiva tal-Kunsill 2003/86/KE.

[16] Franza, u warajha l-Ġermanja, l-Isvezja, il-Belġju, ir-Renju Unit, l-Olanda, l-Awstrija, il-Greċja, l-Italja u l-Polonja. Ara Anness 2, it-tabella 5.

[17] COM(2009) 447, 2.9.2009.

[18] Riżoluzzjoni tal-Parlament Ewropew tal-5 ta’ April 2011 dwar il-flussi migratorji li ġejjin minħabba instabbiltà: l-ambitu u r-rwol tal-politika barranija tal-UE (2010/2269(INI))