This document is an excerpt from the EUR-Lex website
Document 52010PC0528
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2009/029 NL/Gelderland and Overijssel Division 18 from the Netherlands)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2009/029 NL/Gelderland u Overijssel Diviżjoni 18 mill-Pajjiżi l-Baxxi)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2009/029 NL/Gelderland u Overijssel Diviżjoni 18 mill-Pajjiżi l-Baxxi)
/* COM/2010/0528 final */
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2009/029 NL/Gelderland u Overijssel Diviżjoni 18 mill-Pajjiżi l-Baxxi) /* COM/2010/0528 final */
[pic] | IL-KUMMISSJONI EWROPEA | Brussel 1.10.2010 KUMM(2010) 528 finali Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2009/029 NL/Gelderland u Overijssel Diviżjoni 18 mill-Pajjiżi l-Baxxi) MEMORANDUM TA' SPJEGAZZJONI Il-Punt 28 tal-Ftehim Interistituzzjonali tas-17 ta' Mejju 2006 bejn il-Parlament, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda[1] jippermetti aħseb l-mobilizzazzjoni tal-Fond Ewropew ta' Aġġustament għall-Globalizzazzjoni (European Globalisation Adjustment Fund, EGF) fil-limitu annwali ta' EUR 500 miljun lil hinn mill-intestaturi rilevanti tal-qafas finanzjarju. Ir-regoli applikabbli għall-kontribuzzjonijiet mill-EGF huma stipulati fir- Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni [2] Fit-30 ta' Diċembru 2009, il-Pajjiżi Baxxi ppreżentaw l-applikazzjoni EGF/2009/029 NL/Gelderland u Overijssel Diviżjoni 18, għal kontribuzzjoni finanzjarja mill-EGF, wara li ngħataw is-sensji mix-xogħol f'45 intrapriża li joperaw fid-Diviżjoni 18 tar-Reviżjoni 2 tan-NACE (stampar u riproduzzjoni ta' midja rikordjata)[3] f'żewġ reġjuni kontigwi fin-NUTS II, il-Gelderland (NL22) u l-Overijssel (NL21) fil-Pajjiżi l-Baxxi. Din l-applikazzjoni hija parti minn pakkett ta' sitt applikazzjonijiet interrelatati, li kollha kemm huma jikkonċernaw is-sensji fi tmien reġjuni differenti ta' NUTS II fil-Pajjiżi l-Baxxi f'intrapriżi li joperaw fis-settur tal-grafika, li l-attivitajiet tagħhom huma kklassifikati skont żewġ Diviżjonijiet differenti tar-Reviżjoni 2 tan-NACE, jiġifieri d-Diviżjoni 18 (stampar u riproduzzjoni tal-midja rikordjata) u d-Diviżjoni 58 (attivitajiet ta' pubblikazzjoni). Wara analiżi bir-reqqa ta' din l-applikazzjoni, il-Kummissjoni kkonkludiet skont l-Artikolu 10 tar-Regolament (KE) Nru 1927/2006 li l-kundizzjonijiet għal kontribuzzjoni finanzjarja skont dan ir-Regolament huma sodisfatti. SOMMARJU TAL-APPLIKAZZJOLNI U L-ANALIŻI Dejta ewlenija Nru tar-referenza tal-EGF EGF/2009/029 Stat Membru Il-Pajjiżi l-Baxxi L-Artikolu 2 (b) L-intrapriżi kkonċernati 45 Ir-Reġjuni NUTS II Gelderland (NL22) u Overijssel (NL21) Diviżjoni tar-Reviżjoni 2 tan-NACE 18 (stampar u riproduzzjoni tal-midja rikordjata) Perjodu ta' referenza Mill-1/4/2009 sad-29/12/2009 Data tal-bidu għas-servizzi personalizzati 1/4/2009 Data tal-applikazzjoni 30/12/2009 Sensji matul il-perjodu ta' referenza: 650 Ħaddiema li ngħataw is-sensja li se jingħataw appoġġ 650 Servizzi personalizzati: baġit f'EUR 2 973 960 Nefqa għall-implimentazzjoni tal-EGF[4] baġit f'EUR 123 915 Nefqa f'% għall-implimentazzjoni tal-EGF 4 % Baġit totali f'EUR 3 097 875 Il-kontribuzzjoni tal-EGF fl-EUR (65 %) 2 013 619 1. L-applikazzjoni ġiet ippreżentata lill-Kummissjoni fit-30 ta' Diċembru 2009 u ssupplimentata b'informazzjoni addizzjonali sas-6 ta' Mejju 2010. 2. L-applikazzjoni tissodisfa l-kundizzjonijiet ta' intervent mill-EGF kif stabbilit fl-Artikolu 2(b) tar-Regolament Nru 1927/2006 u kienet sottomessa sad-data tal-iskadenza ta' 10 ġimgħat imsemmija fl-Artikolu 5 ta' dan ir-Regolament. Ir-rabta bejn is-sensji u l-bidliet strutturali ewlenin fl-andament tal-kummerċ dinji minħabba l-globalizzazzjoni jew il-kriżi finanzjarja u ekonomika globali 3. Sabiex tkun stabbilita r-rabta bejn is-sensji u l-kriżi finanzjarja u ekonomika globali, il-Pajjiżi l-Baxxi jisħqu li l-kriżi ekonomika wasslet għal tnaqqis sostanzjali fid-domanda għas-settur tal-istampar u tal-pubblikazzjoni. L-ordnijiet minn setturi ekonomiċi oħra għal materjal stampat ta' pubbliċità, li jirrapreżentaw 35 % tal-fatturat totali tas-settur tal-istampar u tal-pubblikazzjoni, naqsu b'5,6 % bejn l-2008 u l-2009 minħabba tnaqqis fil-baġits għall-midja u l-attivitajiet ta' pubbliċità bħala konsegwenza tal-kriżi ekonomika. L-applikazzjoni tikkowta diversi eżempji: Fl-industrija tal-bini l-baġit għall-informazzjoni u l-pubbliċità tnaqqas b'36,8 % wara l-bidu tal-kriżi, fis-settur finanzjarju b'33,3 % u fis-settur tal-elettronika għall-konsum bi 30,6 %. Barra minn hekk, il-kriżi ekonomika affettwat b'mod negattiv id-domanda għal tipi varji ta' materjal tal-midja stampat: fl-ewwel sitt xhur tal-2009, id-domanda għal rivisti popolari naqset bi 18,2 %, għall-gazzetti b'7,5 %, għall-gazzetti kummerċjali mqassma bla ħlas b'16,4 % u għal rivisti professjonali b'16,5 % meta mqabbla mal-istess perjodu fl-2008. Turija tal-għadd ta' sensji u l-konformità mal-kriterji tal-Artikolu 2(b) 4. Il-Pajjiżi l-Baxxi ssottomettew din l-applikazzjoni skont il-kriterji ta' intervent tal-Artikolu 2(b) tar-Regolament (KE) Nru 1927/2006 li jitlob li jkun hemm minn tal-inqas 500 sensja fuq perjodu ta' disa' xhur f'intrapriżi li joperaw fl-istess Diviżjoni tar-Reviżjoni 2 tan-NACE f'reġjun wieħed jew żewġ reġjuni kontigwi fil-livell tan-NUTS II fi Stat Membru. 5. L-applikazzjoni tikkwota 650 sensja f'45 intrapriża li joperaw fl-istess Diviżjoni tar-Reviżjoni 2 tan-NACE matul il-perjodu ta' referenza ta' disa' xhur mill-1 ta' April 2009 sad-29 ta' Diċembru 2009, li jinsabu kollha fir-reġjuni kontigwi tan-NUTS II ta' Gelderland (NL22) u Overijssel (NL21). Disgħa u tletin sensja kienu kkalkulati f'konformità mal-ewwel inċiż, 556 sensja f'konformità mat-tieni inċiż u sensja f'konformità mat-tielet inċiż tat-tieni paragrafu tal-Artikolu 2 tar-Regolament (KE) Nru 1927/2006. Spjegazzjoni tan-natura mhux prevista ta' dawk is-sensji 6. L-awtoritajiet Olandiżi jargumentaw li l-kriżi finanzjarja u ekonomika u l-impatt tagħha fuq is-settur ma setgħux jkunu previsti. L-applikazzjoni tiddikjara li qabel il-kriżi l-industrija tal-istampar u tal-pubblikazzjoni fil-Pajjiżi l-Baxxi għaddiet minn proċess għali ta' ristrutturar sabiex tkun tista' tibqa kompetittiva teknikament ma' intrapriżi minn barra l-UE, b'mod partikolari t-Turkija, iċ-Ċina u l-Indja. Is-settur inbidel minn injustrija orjentata lejn id-domanda għal industrija orjentata lejn il-provvista. Il-kriżi attwali għandha r-riskju li tħassar il-benefiċċji tal-investimenti kbar u l-isforzi li saru mis-settur. Identifikazzjoni tal-intrapriżi li taw is-sensji u l-ħaddiema li se jingħataw appoġġ 7. L-applikazzjoni tikkwota total ta' 650 sensja, li huma kollha identifikati għall-għajnuna fil-45 intrapriża li ġejjin: Intrapriżi u numru ta' sensji | Callenbach Van Wijk Boekbinder, Nijkerk | 13 | Linde Vouwkartonnage BV, Denekamp | 2 | Grafisch Bedrijf Bokhorst BV, Nunspeet | 4 | Lulof Druktechniek BV, Almelo | 4 | Grafische Service Doetinchem Bv, Doetinchem | 2 | Thieme Medical CT BV, Deventer | 7 | Meerpaal grafimedia BV, Tiel | 8 | Boekbinderij Gebr. G1A Kroeze BV, Almelo | 9 | Offsetdrukkerij De Rijn BV, Velp | 2 | Digi-Graphic BV, Enschede | 3 | Ratio grafisch Totaal, Doetinchem | 3 | Drukkeij Hoekman Genemuiden Bv, Genemuiden | 24 | Wegener, Apeldoorn | 94 | Drukkerij Hoekman Rijssen BV, Rijssen | 8 | TMC Nijmegen Thieme Groep, Nijmegen | 52 | Drukkerij Hooiberg BV, Deventer | 58 | Flevodruk BV, Harderwijk | 21 | Drukkerij Verhaag BV, Enschede | 28 | JP Tamminga Bv, Duiven | 49 | Grafische afwerking/ De Vaardige Handen BV, Enschede | 9 | Koninklijke drukkerij/ GJ Thieme BV, Nijmegen | 56 | Hoekman Centrale Diensten BV, Genemuiden | 6 | Unoprint BV, Elst GLD | 2 | Hoekman Grafimedia BV, Zwolle | 13 | Boekbinderij Van Den Burg BV, Weurt | 7 | Hoekman Grafimedia BV, Zwolle | 4 | Drukkerij Robbine BV, Twello | 1 | Pre Press Service BV, Oldenzaal | 3 | Dukenburg Foliedruk BV, Nijmegen | 4 | SCA Oldemarkt BV, Oldemarkt | 72 | Grafisch Bedrijf Outhuis & Kem, Velp GLD | 2 | Zesvoud Computerformulieren H/O 6-Voud Label+, Enschede | 31 | Intermec Label Products BV, Nijmegen | 3 | Boekbinderij Beelen BV, Zutphen | 1 | VDA Beheer BV, Apeldoorn | 1 | De Heer F Veldman H/O Drukkerij, Ijsselmuiden | 6 | Van Der weerdt Drukwerkfabriek, Oosterhout | 6 | Digi-Graphic BV, Enschede | 6 | Van Der Wiel 1 Rosmalen Drukkerij, Arnhem | 3 | Drukkerij Coenradi BV, Zwolle | 1 | Verenigde Drukkerijen Apeldoorn, Apeldorrn | 4 | Grafische Afwerking/De Vaardig, Enschede | 10 | Nimax BV, Elst Gld | 1 | Hendriks Grafische Vormgeving | 1 | Kon. Wohnmann BV, Zutphen | 6 | Total tal-intrapriżi 45 | Total tas-sensji 650 | 8. It-tqassim tal-ħaddiema identifikati huwa kif ġej: Kategorija Għadd Perċentwali Irġiel 423 65 Nisa 227 35 Ċittadini tal-UE 611 94 Ċittadini mhux tal-UE 39 6 Bejn il-15 u l-24 sena 117 18 Bejn il-25 u l-54 sena 357 55 Bejn l-55 u l-64 sena 163 25 'Il fuq minn 65 sena 13 2 Fil-kategoriji t'hawn fuq hemm 26 ħaddiem (4 %) li għandhom problemi ta' saħħa jew diżabilità fit-tul . 9. F'termini ta' kategoriji professjonali, it-tqassim huwa kif ġej: Kategorija Għadd Perċentwali Maniġer 46 7 Professjonist 130 20 Tekniċi 136 21 Ħaddiema li jagħtu appoġġ klerikali 78 12 Ħaddiema involuti fil-qasam tas-servizzi u tal-bejgħ 78 12 Operaturi u muntaturi fl-impjanti u l-magni 182 28 10. B'konformità mal-Artikolu 7 tar-Regolamenti (KE) Nru 1927/2006, il-Pajjiżi l-Baxxi kkonfermaw li ġiet applikata politika ta' ugwaljanza bejn in-nisa u l-irġiel kif ukoll ta' nondiskriminazzjoni, u li din se tkompli tapplika matul l-istadji varji tal-implimentazzjoni tal-EGF u, b'mod partikolari, fl-aċċess għalih. Deskrizzjoni tat-territorju kkonċernat u l-awtoritajiet u l-partijiet interessati tiegħu 11. It-territorju kkonċernat ikopri l-provinċji ta' Gelderland u Overijssel. 12. L-awtoritajiet ewlenin ikkonċernati huma l-Ministeru għall-Affarijiet Soċjali u l-Fond għat-Taħriġ għas-settur tal-grafika u tal-midja (A&O Fonds Grafimedia) b'ordni tal-Kunsill għall-konsultazzoni fis-settur tal-grafika u tal-midja. Partijiet interessati rilevanti oħra huma l-Istitut għall-industrija kreattiva (GOC), l-organizzazzjoni pubblika responsabbli għall-benefiċċji (UWV werkbedrijf), iċ-ċentri ta' mobilità UWV Rivierenland, Arnhem, Achterhoek, Overijssel-Noord, Twenthe, l-organizzazzojni għall-SMEs (MKB-ondernemingen), iċ-ċentri reġjonali għat-taħriġ Arnhem, Aventus, Nijmegen, Twente, Deltioncollege u l-organizzazzonijiet ta' msieħba soċjali: FNV Kiem (trejdjunjin), CNV Media (trejdjunjin), KVGO (organizzazzjoni ta' min iħaddem) għad-distrett ta' Utrecht/Gelderland, NUV (organizzazzjoni ta' min iħaddem). L-impatt mistenni tas-sensji fir-rigward l-impjieg lokali, reġjonali jew nazzjonali 13. L-awtoritajiet Olandiżi jargumentaw li s-sensji fis-settur tal-grafika se jiggravaw is-sitwazzjoni tal-qgħad li kienet diġà ddeterjorat bħala riżultat tal-kriżi ekonomika u finanzjarja. Fil-provinċja ta' Gelderland, ir-rata tal-qgħad żdiedet minn 4,9 % f'Ottubru 2008 għal 5,9 % f'Ottubru 2009. Għal Overijssel din ir-rata żdiedet minn 5,3 % għal 6,8 % għall-istess perjodu. L-għadd ta' persuni li qegħdin ifittxu mpjieg żdied b'16,8 % bejn Frar 2009 u Frar 2010 f'Gelderland, għal Overijssel din iż-żieda kienet ta' 22,6 % għall-istess perjodu. L-applikant jirreferi wkoll għall-fatt li fis-settur tal-grafika hemm relattivament relattivament għoli ta' ħaddiema fil-kategoriji ta' età akbar fejn il-qgħad huwa għoli ħafna fiż-żewġ provinċji kkunsidrati. Il-pakkett kkoordinat tas-servizzi personalizzati li jridu jkunu ffinanzjati u tqassim tal-ispejjeż stmati tiegħu, inkluża l-komplimentarjetà tiegħu mal-azzjonijiet iffinanzjati mill-Fondi Strutturali 14. Qegħdin jiġu proposti t-tipi ta' miżuri li ġejjin li flimkien jifformaw pakkett ikkoordinat ta' servizzi personalizzati maħsuba biex jintegraw mill-ġdid lill-ħaddiema fis-suq tax-xogħol. Se jkunu offruti lill-ħaddiema li ngħataw is-sensja minn ċentru ta' mobilità bl-isem ta' Ċentru tal-Karrieri Kreattivi (Centrum Creatieve Carrières). Attivitajiet preparatorji - Teħid ta' informazzjoni u reġistrazzjoni: tkopri intervista inizjali sabiex il-ħaddiem li ngħata s-sensja jkun reġistrat u jiġu identifikati t-tipi ta' miżuri l-aktar xierqa. - Informazzjoni u servizz tal-għajnuna: tirrilata ma' laqgħat kollettivi u l-funzjoni ta' servizz tal-għajnuna biex jipprovdi informazzjoni dwar il-miżuri disponibbli lill-ħaddiema li ngħataw is-sensja. Akkumpanjament - Akkumpanjament minn impjieg għal ieħor tkopri programm individwalizzat li jinkludi skrining, it-twaqqif ta' pjan ta' azzjoni ta' karriera u dak vokazzjonali u sorveljanza fuq medda ta' żmien qasir fuq il-post tax-xogħol il-ġdid. - Rikollokament: tfittex li tagħti appoġġ attiv lill-ħaddiema li ngħataw is-sensja fl-esplorazzjoni tagħhom ta' opportunitajiet ġodda ta' xogħol. - Taħriġ dwar l-applikazzjoni: tkopri l-analizi ta' postijiet tax-xogħol vakanti disponibbli, għajnuna għall-abbozz ta' CV u ittra ta' applikazzjoni u preparazzjoni għal intervisti ta' xogħol. - Akkumpanjament għal ħolqien ta' negozju tfittex li tgħin lill-ħaddiema li ngħataw is-sensja li bi ħsiebhom jiftħu n-negozju tagħhom. Din tkopri l-għoti ta' parir legali, għajnuna għall-elaborazzjoni ta' pjan għan-negozju, għajnuna dwar ħtiġijiet amministrattivi. Taħriġ - Taħriġ u taħriġ mill-ġdid: tkopri t-taħriġ vokazzjonali, taħriġ fil-ġestjoni u l-ħiliet soċjali u taħriġ tekniku mill-ġdid li jkun speċifiku għall-ħaddiema li t-taħriġ tekniku tagħhom m'għadux jgħodd. - Rikonoxximent ta' esperjenza preċedenti: tkopri l-valutazzjoni ta' għarfien u esperjenza preċedenti ta' kull ħaddiem individwali kif ukoll l-identifikazzjoni ta' oqsma fejn jeħtieġ aktar taħriġ. 15. In-nefqa għall-implimentazzjoni tal-EGF, li hija inkluża fl-applikazzjoni f'konformità mal-Artikolu 3 tar-Regolament (KE) Nru 1927/2006, tkopri attivitajiet ta' ġestjoni u kontroll kif ukoll informazzjoni u pubbliċità. 16. Is-servizzi personalizzati sottomessi mill-awtoritajiet Olandiżi huma miżuri attivi tas-suq tax-xogħol fl-azzjonijiet eliġibli definiti fl-Artikolu 3 tar-Regolament (KE) Nru 1927/2006. L-awtoritajiet Olandiżi jistmaw li l-ispejjeż totali ta' dawn is-servizzi jkunu EUR 2 973 960,42 u li n-nefqa għall-implimentazzjoni tal-EGF tkun EUR 123 915,02 (=4 % tal-ammont totali). Il-kontribuzzjoni totali mitluba mill-EGF hija EUR 2 013 619 (65 % tal-ispejjeż totali). Azzjonijiet | L-għadd stmat ta' ħaddiema identifikati | L-ispiża stmata għal kull ħaddiem identifikat (f'EUR) | Spejjeż totali (l-EGF u l-kofinanzjament nazzjonali) (f'EUR) * | Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) | 1. Attivitajiet preparatorji 1.1. Teħid ta' informazzjoni u reġistrazzjoni (intake en registratie) | 650 | 196,92 | 127 998,00 | 1.2. Informazzjoni u servizz ta' għajnuna (voorlichting en helpdesk) | 650 | 87,52 | 56 888,00 | 2. Akkumpanjament 2.1. Akkumpanjament minn impjieg għal ieħor (werk naar werk begeleiding) | 236 | 3 786,61 | 893 639,35 | 2.2. Rikollokament | 177 | 4 553,93 | 806 045,81 | 2.3. Taħriġ dwar l-applikazzjoni (solicitatietraining) | 195 | 1 443,26 | 281 436,23 | 2.4. Akkumpanjament lejn ħolqien ta' negozju (begeleiding eigen onderneming) | 33 | 5 401,63 | 178 253,77 | 3. Taħriġ 3.1. Taħriġ u taħriġ mill-ġdid (opleiding en omscholing) | 180 | 2 538,10 | 456 857,16 | 3.2. Rikonoxximent ta' esperjenza preċedenti (erkenning verworven competenties) | 61 | 2 833,48 | 172 842,10 | Subtotal tas-servizzi personalizzati | 2 973 960,42 | Nefqa għall-implimnetazzjoni tal-EGF (it-tielet paragrafu tal-Artikolu 3 tar-Regolament (KE) Nru 1927/2006) | Ġestjoni | 30 978,75 | Informazzjoni u pubbliċità | 30 978,75 | Attivitajiet ta' kontroll | 61 957,51 | Subtotal tan-nefqa għall-implimentazzjoni tal-EGF | 123 915,02 | Stima tal-ispejjeż totali | 3 097 875 | Kontribuzzjoni tal-EGF (65 % tal-ispejjeż totali) | 2 013 619 | * It-totali ma jaqblux minħabba t-tqarrib taċ-ċifri. 17. Il-Pajjiżi l-Baxxi jikkonfermaw li l-miżuri deskritti hawn fuq huma komplementarji mal-azzjonijiet iffinanzjati mill-Fondi Strutturali, b'mod partikolari ma' għadd ta' proġetti ta' taħriġ tal-FSE għall-ħaddiema fis-settur tal-grafika li se jsiru fi żmien li jikkoinċidi mal-perjodu ta' implimentazzjoni tal-EGF. L-awtorità li tiġġestixxi l-EGF, li hija wkoll l-awtorità li tiġġestixxi l-ESF, stabbiliet il-proċeduri ta' kontroll neċessarji biex jiġi eliminat kwalunkwe riskju ta' finanzjament doppju. Data(i) meta s-servizzi personalizzati lill-ħaddiema affettwati bdew jiġu offruti jew huma ppjanati li jibdew 18. Il-Pajjiżi l-Baxxi bdew joffru s-servizzi personalizzati lill-ħaddiema affettwati, liema servizzi huma inklużi fil-pakkett ikkoordinat propost lill-EGF għall-kofinanzjament fl-1 ta' April 2009. Għalhekk din id-data tirrappreżenta l-bidu tal-perjodu ta' eliġibilità għal kwalunkwe għajnuna li tista' tingħata mill-EGF. Proċeduri għall-konsultazzjonijiet mal-imsieħba soċjali 19. L-imsieħba soċjali kienu kkonsultati permezz tal-Fondazzjoni tal-Fond tas-Suq tax-Xogħol u tat-Taħriġ għas-settur tal-grafika u tal-midja (Arbeids & Opleidingsfonds Grafimedia branche), li fid-dawl tal-kriżi ftehmu li jinħoloq ċentru ta' mobilità għas-settur imsejjaħ C3 (Centrum Creatieve Carrières). L-għan ta' dan iċ-ċentru ta' mobilità huwa l-koordinament tal-miżuri varji tas--suq tax-xogħol attiv b'konsultazzjoni mal-imsieħba soċjali. 20. L-awtoritajiet Olandiżi kkonfermaw li l-ħtiġijiet stipulati fil-leġiżlazzjoni nazzjonali u dik Komunitarja dwar is-sensji kollettivi ġew osservati. Informazzjoni dwar l-azzjonijiet li huma obbligatorji skont il-liġi nazzjonali jew il-ftehimiet kollettivi 21. Fir-rigward tal-kriterji li jinsabu fl-Artikolu 6 tar-Regolament (KE) Nru 1927/2006, l-awtoritajiet Olandiżi fl-applikazzjoni tagħhom: - ikkonfermaw li l-kontribuzzjoni finanzjarja mill-EGF ma tieħux post il-miżuri li huma r-responsabbiltà tal-kumpaniji skont il-liġi nazzjonali jew il-ftehimiet kollettivi; - urew li l-azzjonijiet jipprovdu appoġġ lill-ħaddiema individwali u m'għandhomx jintuzaw għar-ristrutturar tal-kumpaniji jew tas-setturi; - ikkonfermaw li l-azzjonijiet eliġibbli msemmija hawn fuq ma jirċevux għajnuna minn strument finanzjarji Komunitarji oħra. Is-sistema ta' ġestjoni u ta' kontroll 22. Il-Pajjiżi l-Baxxi nnotifikaw lill-Kummissjoni li l-kontribuzzjoni finanzjarja se tkun ġestita u kkontrollata mill-istess entitajiet li jiġġestixxu u jikkontrollaw il-finanzjament tal-Fond Soċjali Ewropew (FSE) fil-Pajjiżi l-Baxxi. L-Aġenzija għall-Affarijiet Soċjali u l-Impjieg (Agentschap SZW) se tkun l-entità intermedjarja għall-awtorità li tiġġestixxi. Finanzjament 23. Abbażi tal-applikazzjoni mill-Pajjiżi l-Baxxi, il-kontribuzzjoni proposta mill-EGF għall-pakkett ikkoordinat tas-servizzi personalizzati hija ta' EUR 2 013 619 li tirrappreżenta 65 % tal-ispiża totali. L-allokazzjoni mill-Fond proposta mill-Kummissjoni hija bbażata fuq l-informazzjoni li ngħatat mill-Pajjiżi l-Baxxi. 24. Peress li l-ammont massimu possibbli tal-kontribuzzjoni finanzjarja mill-EGF skont l-Artikolu 10(1) tar-Regolament (KE) Nru 1927/2006, kif ukoll l-ambitu tal-allokazzjoni mill-ġdid tal-approprijazzjonijiet, il-Kumissjoni qiegħda tipproponi li timmobilizza l-ammont totali msemmi hawn fuq mill-EGF, li għandu jiġi allokat taħt l-intestatura 1a tal-qafas finanzjarju. 25. L-ammont propost tal-kontribuzzjoni finanzjarja se jippermetti li aktar minn 25 % tal-ammont annwali massimu allokat għall-EGF jibqa' disponibbli biex ikun allokat matul l-aħħar erba' xhur tas-sena, kif mitlub mill-Artikolu 12(6) tar-Regolament (KE) Nru 1927/2006. 26. Il-Kummissjoni, permezz ta' din il-proposta biex timmobilizza l-EGF, qiegħda tniedi l-proċedura tat-trijalogu simplifikata, kif mitlub mill-Punt 28 tal-Ftehim Interistituzzjonali tas-17 ta' Mejju 2006, bil-ħsieb li jkun assigurat il-ftehim taż-żewġ fergħat tal-awtorità baġitarja dwar il-ħtieġa li jintuża l-EGF u l-ammont meħtieġ. Il-Kummissjoni tistieden lill-ewwel waħda miż-żewġ fergħat tal-awtorità baġitarja li tilħaq ftehim dwar l-abbozz tal-proposta ta' mobilizzazzjoni fil-livell politiku xieraq biex tinforma lill-fergħa l-oħra u lill-Kummissjoni bl-intenzjonijiet tagħha. F'każ ta' nuqqas ta' qbil minn xi waħda miż-żewġ fergħat tal-awtorità baġtarja, għandha tissejjaħ laqgħa formali tat-trijalogu. 27. B'mod separat, il-Kummissjoni tippreżenta talba ta' trasferiment sabiex iddaħħal fil-baġit tal-2010 approprijazzjonijiet ta' impenn u ta' pagamenti speċifiċi, kif mitlub mill-Punt 28 tal-Ftehim Interistituzzjonali tas-17 ta' Mejju 2006. Sors tal-approprijazzjonijiet ta' pagamenti 28. Fl-istat attwali tal-implimentazzjoni, huwa previst li l-approprijazzjonijiet ta' pagamenti disponibbli fl-2010 skont il-linja baġitarja 01.0404 "Programm Qafas għall-Kompetittività u l-Innovazzjoni – Programm ta' intraprenditorija u innovazzjoni" mhumiex se jintużaw kollha din is-sena. 29. Din il-linja tkopri n-nefqa relatata mal-implimentazzjoni tal-istrument finanzjarju ta' dan il-programm li l-għan ewlieni tiegħu huwa li jiġi ffaċilitat l-aċċess tal-SMEs għall-finanzi. Hemm xi differenza ta' dewmien bejn it-trasferimenti lill-kontijiet fiduċjarji ġestiti mill-Fond Ewropew tal-Investimenti u l-ħlasijiet lill-benefiċjarji. Il-kriżi finanzjarja għandha effett ewlieni fuq il-previżjonijiet f'termini ta' ħlasijiet għall-2010. B'riżultat ta' dan, sabiex ikunu evitati bilanċi eċċessivi fuq il-kontijiet fiduċjarji, il-metodoloġija għall-kalkolu tal-approprijazzjonijiet ta' pagamenti kienet riveduta filwaqt li ġew meqjusa l-ħlasijiet mistennija. Għalehkk l-ammont ta' EUR 2 013 619 jista' jsir disponibbli għat-trasferiment. Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2009/029 NL/Gelderland u Overijssel Diviżjoni 18 mill-Pajjiżi l-Baxxi) IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, Wara li kkunsidraw il-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda[5] u b'mod partikolari l-punt 28 tiegħu, Wara li kkunsidraw ir-Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni[6], u b'mod partikolari l-Artikolu 12(3) tiegħu, Wara li kkunsidraw l-proposta mill-Kummissjoni Ewropea[7], Billi: (1) Il-Fond Ewropew ta' Aġġustament għall-Globalizzazzjoni (EGF) kien stabbilit biex jippovdi appoġġ addizzjonali għall-ħaddiema li ngħataw is-sensja bħala riżultat tal-bidliet strutturali maġġuri fl-andamenti kummerċjali dinjin minħabba l-globalizzazzjoni u biex jiġu megħjuna fl-integrazzjoni mill-ġdid tagħhom fis-suq tax-xogħol. (2) L-ambitu tal-EGF twessa' għall-applikazzjonijiet sottomessi mill-1 ta' Mejju 2009 biex jinkludu appoġġ lil ħaddiema li ngħataw is-sensja bħala riżultat dirett tal-kriżi finanzjarja u ekonomika globali. (3) Il-Ftehim Interistituzzjonali tas-17 ta' Mejju 2006 jippermetti l-mobilizzazzjoni tal-EGF fil-limitu annwali ta' EUR 500 miljun. (4) Il-Pajjiżi l-Baxxi ssottomettew applikazzjoni biex jimmobilizzaw l-EGF fir-rigward tas-sensji f'45 intrapriża li joperaw fid-Diviżjoni 18 tar-Reviżjoni 2 tan-NACE (stampar u riproduzzjoni tal-midja rikordjata) fiż-żewġ reġjuni kontigwi fin-NUTS II Gelderland (NL22) u Overijssel (NL21) fit-30 ta' Diċembru 2009 u ssupplimentawha b'informazzjoni addizzjonali sas-6 ta' Mejju 2010. L-applikazzjoni tikkonforma mar-rekwiżiti għad-determinazzjoni tal-kontribuzzjonijiet finanzjarji kif stipulati fl-Artikolu 10 tar-Regolament (KE) Nru 1927/2006. Għalhekk il-Kummissjoni tipproponi li jkun immobilizzat l-ammont ta' EUR 2 013 619. (5) Għalhekk l-EGF għandu jkun immobilizzat sabiex jipprovdi kontribuzzjoni finanzjarja għall-applikazzjoni ppreżentata mill-Pajjiżi l-Baxxi. IDDEĊIDEW KIF ĠEJ: L-Artikolu 1 Għall-baġit ġenerali tal-Unjoni Ewropea għas-sena finanzjarja 2010, il-Fond Ewropew ta' Aġġustament għall-Globalizzazzjoni (EGF) għandu jkun immobilizzat biex jipprovdi s-somma ta' EUR 2 013 619 f'approprijazzjonijiet ta' impenn u ta' pagamenti. L-Artikolu 2 Din id-Deċiżjoni għandha tkun ippubblikata f' Il-Ġurnal Uffiċjali tal-Unjoni Ewropea. Magħmul fi, Għall-Parlament Ewropew Għall-Kunsill Il-President Il-President [1] ĠU C 139, 14.6.2006, p. 1. [2] OJ L 406, 30.12.2006, p. 1. [3] Ir-Regolament Nru 1893/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1). [4] Skont it-tielet paragrafu tal-Artikolu 3 tar-Regolament (KE) Nru 1927/2006. [5] ĠU C 139, 14.6.2006, p. 1. [6] ĠU L 406, 30.12.2006, p. 1. [7] ĠU L […], […], p. […].