This document is an excerpt from the EUR-Lex website
Document 52010PC0211
Council Decision of […] on the signature, on behalf of the European Union, of the Agreement amending for the second time the Partnership Agreement between the African, Caribbean and Pacific States, of the one part, and the European Community and its Member States, of the other part, signed in Cotonou on 23 June 2000 as first revised in Luxembourg on 25 June 2005
Proposta għal deċiżjoni tal-Kunsill ta’ […] dwar l-iffirmar, f'isem l-Unjoni Ewropea, tal-Ftehim li jemenda għat-tieni darba l-Ftehim ta' Sħubija bejn l-Istati Afrikani, tal-Karibew u tal-Paċifiku, fuq naħa, u l-Komunità Ewropea u l-Istati Membri tagħha, fuq in-naħa l-oħra, iffirmat f'Cotonou fit-23 ta’ Ġunju 2000 u kif rivedut għall-ewwel darba fil-Lussembrugu fil-25 ta’ Ġunju 2005,
Proposta għal deċiżjoni tal-Kunsill ta’ […] dwar l-iffirmar, f'isem l-Unjoni Ewropea, tal-Ftehim li jemenda għat-tieni darba l-Ftehim ta' Sħubija bejn l-Istati Afrikani, tal-Karibew u tal-Paċifiku, fuq naħa, u l-Komunità Ewropea u l-Istati Membri tagħha, fuq in-naħa l-oħra, iffirmat f'Cotonou fit-23 ta’ Ġunju 2000 u kif rivedut għall-ewwel darba fil-Lussembrugu fil-25 ta’ Ġunju 2005,
/* KUMM/2010/0211 finali - NLE 2010/0114 */
[pic] | Il-KUMMISSJONI EWROPEA | Brussel 30.4.2010 KUMM(2010)211 finali 2010/0114 (NLE) Proposta għal DEĊIŻJONI TAL-KUNSILL ta’ […] dwar l-iffirmar, f'isem l-Unjoni Ewropea, tal-Ftehim li jemenda għat-tieni darba l-Ftehim ta' Sħubija bejn l-Istati Afrikani, tal-Karibew u tal-Paċifiku, fuq naħa, u l-Komunità Ewropea u l-Istati Membri tagħha, fuq in-naħa l-oħra, iffirmat f'Cotonou fit-23 ta’ Ġunju 2000 u kif rivedut għall-ewwel darba fil-Lussembrugu fil-25 ta’ Ġunju 2005, MEMORANDUM TA’ SPJEGAZZJONI Bid-deċiżjoni tat-23 ta' Frar 2009, il-Kunsill awtorizza lill-Kummissjoni biex tagħti bidu għan-negozjati mal-Grupp ta' Stati Afrikani, tal-Karibew u tal-Paċifiku (minn hawn 'il quddiem 'l-Istati AKP') biex twettaq it-tieni reviżjoni tal-Ftehim ta' Sħubija bejn l-Istati AKP, fuq naħa, u l-Komunità Ewropea u l-Istati Membri tagħha, fuq in-naħa l-oħra (minn hawn 'il quddiem 'il-Ftehim ta' Cotonou'). F'konformità mal-Artikolu 95(3) tal-Ftehim ta' Cotonou, kemm in-naħa tal-AKP kif ukoll dik tal-UE nnotifikaw lill-parti l-oħra dwar id-dispożizzjonijiet li huma jixtiequ jirrevedu bil-ħsieb ta' emendar possibbli tal-Ftehim. In-notifiki mill-AKP u l-UE kienu kkonverġu f'bosta oqsma u ż-żewġ partijiet għarfu li l-Ftehim ta' Cotonou għandu jiġi żviluppat aktar f'termini tad-dimensjoni politika tiegħu u fil-qasam tal-integrazzjoni reġjonali kif ukoll fl-implimentazzjoni tas-sħubija rigward, fost affarijiet oħra, il-kooperazzjoni għall-iżvilupp. Wara t-tnedija uffiċjali tan-negozjati fil-Kunsill Konġunt tad-29 ta' Mejju 2009, seħħew sensiela ta' sessjonijiet ta' negozjati bejn Ġunju 2009 u Marzu 2010 Għall-fini tal-organizzazzjoni tan-negozjati, ġew stabbiliti tliet gruppi tematiċi ta' negozjati: (i) Dimensjoni politika, kwistjonijiet istituzzjonali u linji ta' politika li jkunu speċifiċi għas-settur;(ii) Kooperazzjoni ekonomika, integrazzjoni reġjonali u kummerċ;(iii) Kooperazzjoni fil-finanzjament għall-iżvilupp u kwistjonijiet relatati. In-negozjati f'isem l-Unjoni Ewropea u l-Istati Membri tagħha tmexxew mill-Kummissjoni Ewropea. Il-Kummissjoni informat regolarment lill-Istati Membri dwar il-progress fin-negozjati permezz tal-Grupp ta' Ħidma dwar l-AKP. L-Istati Membri setgħu jattendu s-sessjonijiet formali ta' negozjati. F'konformità mal-Artikolu 95(3) tal-Ftehim ta' Cotonou, in-negozjati ġew konklużi b'suċċess permezz ta' Laqgħa Ministerjali Konġunta straordinarja fid-19 ta' Marzu 2010 fejn in-negozjatur tal-UE approva t-testi approvati li se jemendaw il-Ftehim. Il-Kummissjoni tqis li l-Ftehim li Emendatorju, li hu suġġett għall-iffirmar miż-żewġ naħat, hu konformi mad-direttivi ta' negozjati. F'konformità mal-Artikolu 218(6)(a) tat-TFUE, il-Parlament Ewropew se jagħti l-kunsens tiegħu qabel ma l-Kummissjoni tipproponi lil Kunsill deċiżjoni dwar il-konklużjoni tal-ftehim emendatorju. F'data aktar tard, ser ikun meħtieġ li t-test tal-Ftehim ta' Cotonou jiġi rivedut ulterjorment biex jintroduċi tibdil marbut mad-dħul fis-seħħ tat-Trattat ta' Lisbona, speċjalment rigward is-sostituzzjoni tat-terminu "Komunità Ewropea" b' "l-Unjoni Ewropea" u rigward it-termini li jikkonċernaw ir-rappreżentanza esterna tal-UE. 2010/0114 (NLE) Proposta għal DEĊIŻJONI TAL-KUNSILL ta’ […] dwar l-iffirmar, f'isem l-Unjoni Ewropea, tal-Ftehim li jemenda għat-tieni darba l-Ftehim ta' Sħubija bejn l-Istati Afrikani, tal-Karibew u tal-Paċifiku, fuq naħa, u l-Komunità Ewropea u l-Istati Membri tagħha, fuq in-naħa l-oħra, iffirmat f'Cotonou fit-23 ta’ Ġunju 2000 u kif rivedut għall-ewwel darba fil-Lussembrugu fil-25 ta’ Ġunju 2005, IL-KUNSILL TAL-UNJONI EWROPEA, Wara li kkunsidra t-Trattat dwar il-Funzjonament tal-Unjoni Ewropea, u partikolarment l-Artikolu 217 tiegħu, flimkien mal-Artikolu 218(5), tiegħu, Wara li kkunsidra l-proposta tal-Kummissjoni, Billi: 1. Bid-deċiżjoni tat-23 ta' Frar 2009, il-Kunsill awtorizza lill-Kummissjoni biex tagħti bidu għan-negozjati mal-Grupp ta' Stati Afrikani, tal-Karibew u tal-Paċifiku (minn hawn 'il quddiem 'l-Istati AKP') bil-ħsieb li twettaq it-tieni reviżjoni tal-Ftehim ta' Sħubija bejn l-Istati AKP, fuq naħa, u l-Komunità Ewropea u l-Istati Membri tagħha, fuq in-naħa l-oħra (minn hawn 'il quddiem 'il-Ftehim ta' Cotonou'). 2. F'konformità mal-Artikolu 95(3) tal-Ftehim ta' Cotonou, in-negozjati ġew konklużi b'suċċess permezz tat-tnedija, f'Laqgħa Ministerjali Konġunta straordinarja fid-19 ta' Marzu 2010, tat-testi li ser jemendaw il-Ftehim. 3. Il-Ftehim għandu jiġi ffirmat, soġġett għall-konklużjoni tiegħu f'data aktar tard. 4. Bħala konsegwenza tad-dħul fis-seħħ tat-Trattat ta' Lisbona fl-1 ta' Diċembru 2009, it-terminu "l-Unjoni Ewropea" ssostitwixxa u ħa post it-terminu "il-Komunità Ewropea". ADOTTA DIN ID-DEĊIŻJONI: Artikolu 1 (1) Il-President tal-Kunsill hu awtorizzat li jaħtar il-persuna(i) awtorizzata li tiffirmaw, f'isem l-Unjoni Ewropea, il-Ftehim li jemenda għat-tieni darba l-Ftehim ta' Sħubija bejn l-Istati Afrikani, tal-Karibew u tal-Paċifiku, fuq naħa, u l-Komunità Ewropea u l-Istati Membri tagħha, fuq in-naħa l-oħra, iffirmat f'Cotonou fit-23 ta’ Ġunju 2000 u kif rivedut għall-ewwel darba fil-Lussembrugu fil-25 ta’ Ġunju 2005, It-test tal-Ftehim li għandu jiġi ffirmat hu anness ma' din id-Deċiżjoni. (2) Il-President tal-Kunsill għandu, f'isem l-Unjoni Ewropea, jagħmel id-dikjarazzjoni li ġejja li hi mdaħħla fl-att finali tal-Ftehim Emendatorju: "B'konsegwenza tad-dħul fis-seħħ tat-Trattat ta' Lisbona fl-1 ta' Diċembru 2009, it-terminu "l-Unjoni Ewropea" sostitwixxa u ħa post it-terminu "il-Komunità Ewropea" u minn dik id-data teżerċita d-drittijiet kollha u tassumi l-obbligi kollha tal-Komunità Ewropea . Għaldaqstant, ir-referenzi lil "il-Komunità Ewropea" jew lil "il-Komunità" fit-test tal-Ftehim għandhom, fejn xieraq, jinqraw bħala "l-Unjoni Ewropea" . L-Unjoni Ewropea se tipproponi lill-Partijiet tal-AKP skambju ta' ittri bil-għan li jiġi aġġornat it-test tal-Ftehim f'konformità mal-bidliet istituzzjonali fl-Unjoni Ewropea li jirriżultaw mid-dħul fis-seħħ tat-Trattat ta' Lisbona." Artikolu 2 Din id-Deċiżjoni għandha tidħol fis-seħħ fil-jum tal-adozzjoni tagħha. Magħmula fi Brussell, [...] Għall-Kunsill Il-President