(1)

L-Artikolu 169 tat-Trattat jipprovdi li l-Komunità għandha tikkontribwixxi għall-ksib ta’ livell għoli ta’ protezzjoni għall-konsumatur permezz tal-miżuri li hi tadotta skond l-Artikolu 114 tiegħu.

(2)

Il-moviment ħieles ta’ ikel sigur ▐ għas-saħħa huwa parti essenzjali mis-suq intern u jikkontribwixxi b'mod sinifikanti għas-saħħa u l-benefiċċju taċ-ċittadini, u għall-interessi soċjali u ekonomiċi tagħhom. Dan ir-Regolament se jaqdi kemm l-interessi tas-suq intern, billi jissimplifika l-liġi, jiżgura ċertezza legali u jnaqqas il-burokrazija tal-leġiżlazzjoni, kif ukoll jibbenefika liċ-ċittadin, billi jirrikjedi li jkun hemm tikketta tal-prodotti tal-ikel li tkun ċara, tinftiehem u tinqara.

(3)

Sabiex jintlaħaq livell għoli ta’ protezzjoni tas-saħħa għall-konsumaturi u sabiex ikun garantit id-dritt tagħhom għall-informazzjoni, għandu jiġi assigurat li l-konsumaturi jkunu infurmati sew dwar l-ikel li jikkonsmaw. Id-deċiżjonijiet dwar l-akkwisti jistgħu jiġu influwenzati, inter alia, permezz ta’ konsiderazzjonijiet sanitarji, ekonomiċi, ambjentali, soċjali u etiċi.

(4)

Ir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 jistipula l-prinċipji ġenerali u r-rekwiżiti tal-liġi dwar l-ikel, jistabbilixxi l-Awtorità Ewropea dwar is-Sigurtà fl-Ikel (3) u jistipula l-proċeduri f'kwistjonijiet ta’ sigurtà fl-ikel jipprovdi li huwa prinċipju ġenerali tal-liġi dwar l-ikel li toffri bażi biex il-konsumaturi jkunu jistgħu jagħmlu għażliet infurmati fl-ikel li jikkonsmaw u biex jinżamm milli jkun hemm xi prassi li tista' tiżgwida lill-konsumatur.

(5)

Id-Direttiva 2005/29/KE tal-Parlament Ewropew u tal-Kunsill tal-11 ta’ Mejju 2005 li tikkonċerna prassi kummerċjali mhux ġusti min-negozji għall-konsumatur fis-suq intern (4) tkopri ċerti aspetti ta’ l-għoti ta’ informazzjoni lill-konsumaturi bil-għan speċifiku li żżomm milli jsiru azzjonijiet li jiżgwidaw u milli titħalla barra informazzjoni. Il-prinċipji ġenerali dwar prassi kummerċjali inġusti għandhom jiġu kumplimentati minn regoli speċifiċi li jikkonċernaw l-għoti ta’ informazzjoni dwar l-ikel lill-konsumaturi.

(6)

Ir-regoli tal-Unjoni dwar it-tikkettjar fuq l-ikel applikabbli għall-ikel kollu huma stipulati fid-Direttiva 2000/13/KE tal-Parlament Ewropew u tal-Kunsill ta’ l-20 ta’ Marzu 2000 dwar l-approssimazzjoni tal-liġijiet ta’ l-Istati Membri marbuta mat-tikkettjar, preżentazzjoni u reklamar ta’ oġġetti ta’ l-ikel (5). Il-maġġoranza tad-dispożizzjonijiet stipulati f'dik id-Direttiva jmorru lura għall-1978 u għalhekk għandhom jiġu aġġornati.

(7)

Id-Direttiva tal-Kunsill 90/496/KEE ta’ l-24 ta’ Settembru 1990 dwar it-tikkettjar tan-nutrizzjoni għall-oġġetti ta’ l-ikel (6) tistipula r-regoli dwar il-kontenut u l-preżentazzjoni ta’ informazzjoni fuq in-nutrizzjoni ta’ ikel ippakkjat bil-lest. Iż-żieda ta’ informazzjoni dwar in-nutrizzjoni hi volontarja sakemm ma ssirx talba marbuta man-nutrizzjoni li tikkonċerna l-ikel. Il-maġġoranza tad-dispożizzjonijiet stipulati f'dik id-Direttiva jmorru lura għall-1990 u għalhekk għandhom jiġu aġġornati.

(8)

Ir-rekwiżiti ġenerali dwar it-tikkettjar huma kumplimentati b’għadd ta’ dispożizzjonijiet applikabbli għall-ikel kollu f’ċerti ċirkostanzi jew għal ċerti kategoriji ta’ ikel. Barra minn hekk, hemm numru ta’ regoli speċifiċi li huma applikabbli għal ikel speċifiku.

(9)

Filwaqt li l-għanijiet oriġinali u l-komponenti ewlenin tal-leġiżlazzjoni preżenti dwar it-tikkettjar għadhom validi xorta, jeħtieġ li tiġi simplifikata sabiex ikun hemm applikazzjoni aktar faċli u ċertezza legali akbar għall-partijiet interessati u biex tiġi modernizzata sabiex tqis l-iżviluppi l-ġodda fil-qasam ta’ l-informazzjoni dwar l-ikel.

(10)

Hemm interess fost il-pubbliku inġenerali fir-relazzjoni bejn id-dieta u s-saħħa u fl-għażla ta’ dieta adattata li tgħodd għall-bżonnijiet individwali. Il-White Paper tal-Kummissjoni tat-30 ta’ Mejju 2007 dwar Strateġija għall-Ewropa f’kwistjonijiet tas-saħħa marbuta man-Nutrizzjoni, il-Piż Żejjed u l-Obeżità nnutat li t-tikkettjar dwar in-nutrizzjoni mezz wieħed kif jingħata tagħrif lill-konsumaturi dwar il-kompożizzjoni ta’ l-ikel u tgħinhom jagħmlu għażliet infurmati. Il-kampanji ta’ edukazzjoni u ta’ informazzjoni huma mekkaniżmu importanti biex il-konsumatur jifhem aħjar it-tagħrif dwar l-ikel. L-istrateġija tal-politika tal-konsumatur 2007-2013 tal-Unjoni enfasizzat li l-fatt li l-konsumaturi jkunu permessi jagħmlu għażliet informati huwa essenzjali kemm għal kompetizzjoni effettiva kif ukoll għal benesseru tal-kosnumatur. L-għarfien dwar il-prinċipji bażiċi tan-nutrizzjoni u informazzjoni tan-nutrizzjoni adattata dwar l-ikel kieku tikkontribwixxi sew biex il-konsumatur ikun jista’ jagħmel għażla infurmata. Barra minn hekk, tagħmel sens u hu xieraq li l-konsumaturi fl-Istati Membri jkunu jistgħu jużaw sors ta’ informazzjoni newtrali sabiex jiċċaraw il-mistoqsijiet tagħhom dwar in-nutrizzjoni. Għalhekk, l-Istati Membri għandhom jistabbilixxu hotlines xierqa li jistgħu jkunu ffinanzjati parzjalment mill-industrija tal-ikel.

(11)

Sabiex titjieb iċ-ċertezza legali u jkun assigurat li l-infurzar isir b’mod razzjonali u konsistenti, jixraq li jitħassru d-Direttivi 90/496/KEE u 2000/13/KE u jiġu mibdula b’Regolament wieħed li jassigura ċ-ċertezza kemm għall-konsumaturi ta’ l-industrija kif ukoll li jnaqqas il-piż amministrattiv.

(12)

Għall-fini ta’ ċarezza, jixraq li jitħassru u jiddaħħlu f’dan ir-Regolament atti oħra ġeneriċi, prinċipalment id-Direttiva tal-Kummissjoni 87/250/KEE tal-15 ta’ April 1987 dwar l-indikazzjoni tas-saħħa alkoħolika bil-volum fit-tikkettjar ta’ xorb alkoħoliku għall-bejgħ lill-konsumatur aħħari (7), id-Direttiva tal-Kummissjoni 94/54/KE tat-18 ta’ Novembru 1994 li tikkonċerna l-indikazzjoni obbligatorja dwar it-tikkettjar ta’ ċerti oġġetti ta’ l-ikel bid-dettalji barra dawk previsti fid-Direttiva tal-Kunsill 79/112/KEE (8), id-Direttiva tal-Kummissjoni 1999/10/KE tat-8 ta’ Marzu 1999 li tipprovdi għal derogi mid-dispożizzjonijiet ta’ l-Artikolu 7 tad-Direttiva tal-Kunsill 79/112/KEE fir-rigward tat-tikkettjar ta’ l-oġġetti ta’ l-ikel (9), id-Direttiva tal-Kummissjoni 2002/67/KE tat-18 ta’ Lulju 2002 dwar it-tikkettjar ta’ l-oġġetti ta’ l-ikel li fihom il-kinina, u ta’ oġġetti ta’ l-ikel li fihom il-kafeina (10), ir-Regolament tal-Kummissjoni (KE) Nru 608/2004 tal-31 ta’ Marzu 2004 li jikkonċerna t-tikkettjar ta’ ikel u ingredjenti ta’ l-ikel li fihom miżjud magħhom phytosterols, phytosterol esters, phytostanols u/jew phytostanol esters (11) u d-Direttiva tal-Kummissjoni 2004/77/KE tad-29 ta’ April 2004 li temenda d-Direttiva 94/54/KE fir-rigward tat-tikkettjar ta’ ċertu ikel li fih l-aċidu glycyrrhizinic u l-melħ ta’ l-ammonju tiegħu (12).

(13)

Jeħtieġ li jiġu stabbiliti definizzjonijiet, prinċipji, rekwiżiti u proċeduri komuni sabiex jiġi ffurmat qafas ċar u bażi komuni għall-miżuri tal-Unjoni u nazzjonali li jirregolaw l-informazzjoni dwar l-ikel.

(14)

Sabiex jiġi segwit approċċ komprensiv u evoluzzjonarju għall-informazzjoni provduta lill-konsumaturi marbuta ma’ l-ikel li jikkonsmaw, għandu jkun hemm tifsira wiesgħa tal-liġi ta’ l-informazzjoni dwar l-ikel li tkopri r-regoli ta’ natura orizzontali u speċifika kif ukoll definizzjoni wiesgħa ta’ l-informazzjoni u edukazzjoni dwar l-ikel li tkopri l-informazzjoni provduta b’mezzi oħra barra t-tikketta.

(15)

Ir-regoli tal-Unjoni għandhom japplikaw biss għal impriżi, li l-kunċett tagħhom jimplika ċerta kontinwità ta’ attivitajiet u ċertu grad ta’ organizzazzjoni. Operazzjonijiet bħat-twassil okkażjonali, ta’ ikel lil partijiet terzi , is-servizz tal-ikliet u l-bejgħ ta’ ikel minn persuni privati ngħidu aħna waqt avvenimenti għall-karità jew fieri lokali tal-komunità u laqgħat kif ukoll il-bejgħ ta’ ikel permezz ta’ forom differenti ta’ marketing dirett mill-bdiewa , mhumiex koperti fl-ambitu ta’ dan ir-regolament. Sabiex jiġi evitat piż żejjed, b’mod partikulari għall-intrapriżi żgħar u ta’ daqs medju (SMEs) fis-settur tradizzjonali tal-produzzjoni ta’ l-ikel u fil-bejgħ ta’ l-ikel bl-imnut, li jinkludu wkoll fornituri ta’ servizzi ta’ catering tal-massa, il-prodotti li ma jiġux ippakkjati bil-lest għandhom jiġu esklużi mir-rekwiżiti tat-tikkettjar.

(16)

Is-servizzi ta’ catering pprovduti minn impriżi tat-trasport m’għandhomx jidħlu fl-ambitu ta’ dan ir-Regolament ħlief jekk jiġu pprovduti fuq rotot bejn żewġ punti fit-territorju tal-Unjoni.

(17)

Is-servizzi ta’ catering provduti mis-swali taċ-ċinema – ħlief l-SMEs – għandhom jidħlu fil-kamp ta’ applikazzjoni ta’ dan ir-Regolament jekk l-ikel huwa ppakkjat fil-post fejn jinbiegħ f’pakketti standard, li l-kapaċità tagħhom hija ddeterminata minn qabel, u għaldaqstant fejn il-kwantità u l-kontenut tal-ikel jew xorb hija definita u tista’ titkejjel.

(18)

Il-liġi ta’ l-informazzjoni dwar l-ikel għandha tkun imsejsa wkoll fuq ir-rekwiżiti ta’ informazzjoni tal-konsumaturi u tiżgura li l-innovazzjoni fl-industrija tal-ikel ma tkunx maħnuqa. Il-possibilità li l-operaturi fin-negozju tal-ikel jagħtu informazzjoni addizzjonali volontarja tippermetti flessibilità addizzjonali .

(19)

L-iskop li tintalab informazzjoni obbligatorja dwar l-ikel hu biex il-konsumaturi jkunu jistgħu jieħdu deċiżjonijiet konxji dwar ix-xiri li jaqblu max-xewqat u mal-bżonnijiet tad-dieta tagħhom individwali.

(20)

Sabiex il-liġi ta’ informazzjoni dwar l-ikel tkun tista’ tadatta għat-tibdil fil-bżonnijiet ta’ informazzjoni tal-konsumaturi, u sabiex jiġi evitat kull tip ta’ ħela fl-ippakkjar, l-ittikkettjar obbligatorju fuq l-ikel għandu jinżamm biss għal finijiet ta’ informazzjoni li huwa ta’ interess kbir għall-maġġoranza tal-konsumaturi ▐.

(21)

Ir-rekwiżiti ġodda obbligatorji ta’ informazzjoni dwar l-ikel jew il-forom ġodda tal-preżentazzjoni tal-informazzjoni dwar l-ikel , għandhom iżda jiġu stabbiliti biss jekk u fejn meħtieġ, bi qbil mal-prinċipji ta’ sussidjarjetà, proporzjonalità , trasparenza u sostenibbiltà.

(22)

Barra r-regoli eżistenti kontra ir-reklamar qarrieqi, ir-regoli ta’ informazzjoni dwar l-ikel għandhom jipprojbixxu l-indikazzjoni ta’ kull dettalli li jista’ jiżgwida lill-konsumatur b’mod partikulari dwar il-kontenut ta’ enerġija, l-oriġini u l-kompożizzjoni tal-ikel . Biex tkun effettiva, dik il-projbizzjoni għandha tapplika wkoll għar-reklamar u l-preżentazzjoni ta’ l-ikel.

(23)

Qed jingħad li l-użu ta’ ċerti prodotti għandu effetti li huma ta’ benefiċċju għas-saħħa. Dawn id-dikjarazzjonijiet għandhom ikunu espressi b’mod li jiżgura li l-effetti ta’ l-użu ta’ dawn il-prodotti jistgħu jitkejlu jew jiġu vverifikati.

(24)

Sabiex ma jiġux imkissra f’biċċiet ir-regoli li jikkonċernaw ir-responsabbiltà ta’ l-operaturi tan-negozji ta’ l-ikel fir-rigward ta’ l-informazzjoni żbaljata, qarrieqa jew nieqsa dwar l-ikel huwa essenzjali li r-responsabbiltajiet ta’ l-operaturi tan-negozji ta’ l-ikel f’dan il-qasam jiġu stabbiliti b’mod ċar . Bla ħsara għall-Artikolu 19 tar-Regolament (KE) Nru 178/2002, l-operaturi tan-negozji tal-ikel responsabbli għal attivitajiet ta’ bejgħ bl-imnut jew distribuzzjoni li ma jaffettwawx l-informazzjoni dwar l-ikel għandhom jaġixxu fil-pront meta jsiru jafu li din l-informazzjoni ma tikkonformax mad-dispożizzjonijiet ta’ dan ir-Regolament .

(25)

Għandha tissawwar lista ta’ l-informazzjoni kollha obbligatorja li ▐ għandha tingħata għall-ikel kollu intiż għall-konsumatur aħħari u għall-caterers tal-massa. Dik il-lista għandha żżomm l-informazzjoni li hi diġà meħtieġa fil-leġiżlazzjoni eżistenti peress li ġeneralment titqies bħala akkwist ta’ valur għall-informazzjoni għall-konsumatur.

(26)

It-teknoloġija l-ġdida ta’ l-informazzjoni u tal-komunikazzjoni jista’ jkollha rwol importanti fit-tixrid ta’ l-informazzjoni supplimentari lill-konsumaturi billi din tippermetti li jsir skambju ta’ informazzjoni malajr u li ma jiswiex ħafna flus. Huwa possibbli li jiġi kkontemplat li l-konsumaturi jottjenu tagħrif addizzjonali permezz tat-terminals imqegħdin fis-supermarkets. Dawk it-terminals ikunu, permezz tal-qari tal-barcode, jistgħu jagħtu tagħrif dwar il-prodott li jkun. Bl-istess mod, wieħed jista’ jimmaġina li l-konsumaturi jkunu jistgħu jkollhom aċċess għal informazzjoni supplimentari permezz ta’ paġna fuq l-internet.

▐

(27)

Meta jintużaw fil-produzzjoni ta’ l-ikel u xorta jkunu għadhom preżenti, ċerti ingredjenti jew sustanzi oħra jistgħu jikkawżaw allerġiji jew intolleranzi lill-konsumaturi, u xi wħud minn dawk l-allerġiji jew l-intolleranzi u f’ċerti każijiet xi wħud jistgħu wkoll joħolqu periklu għal saħħet dawk konċernati. Hu importanti għalhekk li tingħata informazzjoni lill-konsumatur dwar il-preżenza ta’ addittivi fl-ikel, għajnuniet għall-ipproċessar u sustanzi oħra li jkunu ġew ippruvati xjentifikament b’effett allerġeniku jew li jistgħu jkattru r-riskju ta’ mard sabiex il-konsumaturi b’mod partikolari dawk li jbatu minn allerġija ta’ ikel jew intolleranza ikunu jistgħu jagħżlu b’mod maħsub dak l-ikel li hu sigur għalihom . Għandhom jingħataw it-traċċi wkoll sabiex dawk il-persuni neqsin mill-enerġija jkunu jistgħu jagħmlu għażla sikura. Għal dan l-għan għandhom jitfasslu regoli komuni.

(28)

It-tikketti ta’ l-ikel għandhom ikunu ċari u jinftiehmu sabiex jgħinu lill-konsumaturi li jridu jagħmlu għażliet selettivi dwar ikel u dieta. Xi studji juru li l-leġibbiltà faċli hija element importanti biex tkabbar il-possibbiltà ħalli l-informazzjoni fuq it-tikketta tkun tista’ tinfluwenza l-udjenza tagħha u l-informazzjoni dwar il-prodott li ma tkunx tista’ tinqara hija waħda mill-kawżi ewlenin għaliex il-konsumaturi ma jkunux kuntenti bit-tikketti dwar l-ikel. Għalhekk, fatturi bħal tipa, kulur u kuntrast għandhom jitqiesu flimkien.

(29)

Sabiex ikun assigurat l-għoti ta’ informazzjoni dwar l-ikel, jeħtieġ li jkun inkluż il-bejgħ ta’ l-ikel permezz ta’ komunikazzjoni mill-bogħod. Għalkemm hu ċar li kull ikel fornut permezz ta’ bejgħ mill-bogħod għandu jissodisfa l-istess rekwiżiti ta’ informazzjoni bħall-ikel mibjugħ fil-ħwienet, jeħtieġ li jiġi ċċarat li f’każijiet bħal dawn l-informazzjoni rilevanti obbligatorja dwar l-ikel trid tkun disponibbli wkoll qabel max-xirja tiġi konkluża.

(30)

Bil-ħsieb li jagħtu lill-konsumatur informazzjoni dawr l-ikel meħtieġa sabiex issir għażla informata, ix-xarbiet alkoħoliċi mħallta wkoll għandhom jagħtu informazzjoni dwar l-ingredjenti tagħhom.

(31)

F’konformità mar-riżoluzzjoni tal-Parlament Ewropew tal-5 ta’ Settembru 2007 dwar strateġija tal-Unjoni Ewropea biex tappoġġa l-Istati Membri fit-tnaqqis tad-dannu relatat mal-alkoħol (13), l-opinjoni tal-Kumitat Ekonomiku u Soċjali Ewropew tat-18 ta’ Settembru 2008 dwar il-proviżjoni ta’ informazzjoni dwar l-ikel għal konsumaturi, il-ħidma tal-Kummissjoni, u t-tħassib pubbliku ġenerali dwar il-ħsara relatata mal-alkoħol speċjalment għall-konsumaturi żgħażagħ u vulnerabbli, il-Kummissjoni flimkien mal-Istati Membri għandha tistabbilixxi definizzjoni ta’ xarbiet bħal “alcopops” immirata speċifikament għaż-żgħażagħ. Minħabba n-natura alkoħolika tagħhom, “alcopops” għandu jkollhom rekwiżiti ta’ tikkettar aktar stretti, u jkunu separati b’mod ċar mis-soft drinks fil-ħwienet.

(32)

Huwa importanti wkoll li l-konsumaturi jingħataw informazzjoni dwar xarbiet alkoħoliċi oħra. Jeżistu diġà regoli speċifiċi tal-Unjoni dwar it-tikkettjar ta’ l-inbid. Ir-Regolament tal-Kunsill (KE) Nru 1493/1999 tas-17 ta’ Mejju 1999 dwar l-organizzazzjoni komuni tas-suq ta’ l-inbid (14) jipprovdi sett eżawrjenti ta’ standards tekniċi li jkopru kompletament il-prattiċi enoloġiċi kollha, il-metodi ta’ manifattura u l-mod ta’ preżentazzjoni u t-tikkettjar ta’ l-inbejjed, u permezz ta’ hekk jiżgura li l-istadji kollha fil-katina jkunu koperti u li l-konsumaturi huma protetti u informati kif suppost. B’mod partikolari, dik il-leġiżlazzjoni tiddeskrivi f’mod preċiż u eżawrjenti s-sustanzi li probabbli se jintużaw fil-proċess ta’ produzzjoni, flimkien mal-kondizzjonijiet għall-użu tagħhom permezz ta’ lista pożittiva ta’ prattiċi u trattamenti enoloġiċi; kwalunkwe prassi li mhijiex inkluża f’din il-lista hija pprojbita. Għalhekk, huwa xieraq li l-inbid jiġi eżentat f’dan l-istadju mill-obbligu li jelenka l-ingredjenti u li jipprovdi dikjarazzjoni tan-nutrizzjoni. F’dak li għandu x’jaqsam mal-birra, u l-ispirti kif definiti fl-Artikolu 2(1) tar-Regolament (KE) Nru 110/2008 tal-Parlament Ewropew u tal-Kunsill tal- 15 ta’ Jannar 2008 dwar id-definizzjoni, id-deskrizzjoni il-preżentazzjoni, it-tikkettjar u l-protezzjoni ta’ indikazzjonijiet ġeografiċi tas-spirit drinks (15), u sabiex tiġi żgurata strateġija konsistenti u koerenza mal-konsizzjonijiet stabbiliti mill-inbid, għandhom japplikaw l-istess tip ta’ eżenzjonijiet. Minkejja dan, il-Kummissjoni għandha tipproduċi rapport wara ħames snin tad-dħul fis-seħħ ta’ dan ir-Regolament u tista’ tipproponi, jekk ikun meħtieġ, rekwiżiti speċifiċi fil-kuntest ta’ dan ir-Regolament.

(33)

L-indikazzjoni tal-post ta’ provenjenza tal-ikel għandu jingħata fuq bażi obbligatorja bi qbil mal-Artikolu 9(1)(i) u kull meta n-nuqqas tagħha probabbli jiżgwida l-konsumaturi fir-rigward tal-pajjiż veru jew il-post veru ta’ provenjenza ta’ dak il-prodott. F’kull każ ieħor l-indikazzjoni tal-pajjiż jew il-post ta’ provenjenza jitħalla f’idejn l-approvazzjoni ta’ l-operaturi tan-negozju ta’ l-ikel. Fil-każijiet kollha, l-indikazzjoni tal-pajjiż ta’ l-oriġini jew il-post ta’ provenjenza għandha tingħata f’mod li ma jiżgwidax lill-konsumatur u abbażi ta’ kriterji definiti b’mod ċar li jiżguraw kondizzjonijiet ugwali għall-industrija u jtejbu l-għarfien tal-konsumatur ta’ l-informazzjoni relatata mal-pajjiż jew il-post ta’ provenjenza ta’ ikel. Kriterji bħal dawn ma għandhomx japplikaw għal indikazzjonijiet relatati ma’ l-isem jew l-indirizz ta’ l-operatur tan-negozju ta’ l-ikel.

(34)

Jekk l-operaturi tan-negozju ta’ l-ikel ▐ jindikaw li l-oriġini ta’ dak l-ikel hija l - Unjoni Ewropea sabiex jiġbdu l-attenzjoni tal-konsumaturi għall-kwalitajiet tal-prodott tagħhom u għall-istandards ta’ produzzjoni ta’ l-Unjoni Ewropea. Indikazzjonijiet bħal dawn għandhom ▐ jikkonformaw ma kriterji armonizzati. L-istess għandu japplika, fejn ikun il-każ, għall-indikazzjoni tal-Istat Membru.

(35)

Ir-regoli mhux preferenzjali dwar l-oriġini tal-Unjoni huma stipulati fir-Regolament tal-Kunsill (KEE) Nru 2913/92 tat-12 t’Ottubru 1992 li jistabbilixxi l-Kodiċi Doganali tal-Komunità (16) u d-dispożizzjonijiet tiegħu li jimplimentaw fir-Regolament tal-Kummissjoni (KEE) Nru 2454/93 tat-2 ta’ Lulju 1993 (17). Id-determinazzjoni tal-pajjiż ta’ l-oriġini ta’ l-ikel għandha tkun ibbażata fuq dawk ir-regoli, li huma magħrufa tajjeb ma’ l-operaturi u l-amministraturi kummerċjali u għandhom jagħmlu l-implimentazzjoni tagħha aktar faċli.

(36)

Id-dikjarazzjoni dwar in-nutrizzjoni fuq xi ikel tikkonċerna informazzjoni dwar il-preżenza ta’ l-enerġija u ċerti nutrijenti u ingredjenti fl-ikel. L-għoti ta’ informazzjoni obbligatorju dwar in-nutrizzjoni fuq quddiem u fuq wara tal-pakkett għandu jkun sostnut minn azzjonijiet tal-Istati Membri, bħal pjan ta’ azzjoni dwar in-nutrizzjoni bħala parti mill-politika tagħhom dwar is-saħħa pubblika, li jipprovdi rakkomandazzjonijiet speċifiċi għall-edukazzjoni dwar in-nutrizzjoni għall-pubbliku u jappoġġja l-għażla infurmata dwar l-ikel.

(37)

Il-White Paper tal-Kummissjoni msemmija hawn fuq tat-30 ta’ Mejju 2007 enfasizzaw ċerti elementi nutrizzjonali ta’ importanza għas-saħħa pubblika. Għalhekk, jixraq li r-rekwiżiti dwar l-għoti obbligatorju ta’ informazzjoni dwar in-nutrizzjoni jkunu konformi mar-rakkomandazzjonijiet ta’ dik il-White Paper .

(38)

Ġeneralment, il-konsumaturi mhumiex konxji mill-kontribut potenzjali tax-xorb alkoħoliku għad-dieta totali tagħhom. Għalhekk, kienet tkun ta’ għajnuna, li kieku l-produtturi kellhom jagħtu informazzjoni dwar il-kontenut tal-enerġija fix-xorb alkoħoliku ▐.

(39)

Sabiex ikun hemm ċertezza legali u koerenza tal-leġiżlazzjoni tal-Unjoni t-tniżżil volontarju ta’ kummenti dwar in-nutrizzjoni jew is-saħħa fuq it-tikketti ta’ l-ikel għandu jkun skond ir-Regolament (KE) Nru 1924/2006 u tal-Parlament Ewropew u tal-Kunsill ta’ l-20 ta’ Diċembru 2006 dwar it-talbiet tan-nutrizzjoni u tas-saħħa li saru fuq l-ikel (18).

(40)

Sabiex jiġi evitat li jkun hemm piż mhux meħtieġ fuq il-produtturi u n-negozjanti tal-prodotti tal-ikel , huwa xieraq li ċerti kategoriji ta’ ikel mhux ipproċessat jew li għalih l-informazzjoni tan-nutrizzjoni mhuwiex fattur determinanti għad-deċiżjoni tal-konsumatur dwar ix-xiri, jew li l-pakkett ta’ barra tiegħu jew it-tikketta jkunu żgħar wisq għat-tikkettjar obbligatorju biex isir it-tikkettar tassattiv , jiġu eżentati mill-inklużjoni obbligatorja ta’ dikjarazzjoni tan-nutrizzjoni ħlief jekk l-obbligu ta’ forniment ta’ informazzjoni bħal din hija prevista f’leġiżlazzjoni oħra tal- Unjoni .

(41)

Sabiex tattira lill-konsumatur medju u sabiex isservi l-għan informattiv li għalih iddaħħlet, ▐ l-informazzjoni ▐ għandha tkun ▐ faċilment tinftiehem mill-konsumatur medju . Ikun xieraq li tingħata l-informazzjoni f’kamp wieħed tal-viżjoni , sabiex ikun assigurat li l-konsumaturi jistgħu jaraw malajr l-informazzjoni essenzjali dwar in-nutrizzjoni meta jixtru l-ikel ▐.

(42)

Żviluppi riċenti fl-għoti tad-dikjarazzjoni dwar in-nutrizzjoni, minbarra għal kull 100g/100ml/porzjon, minn xi Stati Membri u organizzazzjonijiet fis-settur ta’ l-ikel jissuġġerixxu li l-konsumaturi jogħġbuhom dawk l-iskemi għaliex jistgħu jgħinuhom jagħmlu malajr għażliet mingħajr dewmien . Minkejja dan, ma hemm l-ebda evidenza xjentifika fl-Unjoni kollha dwar kif il-konsumatur medju jifhem u juża’ l-mod alternattiv kif tingħata l-informazzjoni. Biex jitħaffef il-mod li bih jitqabblu l-prodotti f’pakketti ta’ daqs differenti jkun xieraq li l-informazzjoni dwar in-nutrizzjoni tibqa’ obbligatorja għal kull 100g/100ml u, fejn xieraq, li jiġu permessi dikjarazzjonijiet oħra bbażati fuq il-porzjonijiet. Jekk l-ikel ikun ippakkjat f’porzjonijiet individwali, l-informazzjoni nutrittiva għal kull porzjon għandha, barra minn hekk, tkun obbligatorja. Sabiex jiġu esklużi indikazzjonijiet dwar id-daqs tal-porzjonijiet li jiżgwidaw, id-daqsijiet tal-porzjonijiet għandhom ikunu standardizzati fl-Unjoni kollha permezz ta’ proċess ta’ konsultazzjoni.

(43)

Id-dikjarazzjoni fuq iż-żona ta’ viżjoni prinċipali ta’ l-ammonti ta’ elementi nutrizzjonali u ta’ l-indikaturi komparattivi f’forma li tingħaraf malajr sabiex tkun tista’ ssir valutazzjoni tal-proprjetajiet nutrizzjonali ta’ ikel għandha titqies fit-totalità tagħha bħala parti mid-dikjarazzjoni ta’ nutrizzjoni u ma għandhiex tiġi ttrattata bħala grupp ta’ talbiet individwali.

(44)

L-esperjenza turi li f’ħafna każijiet informazzjoni volontarja dwar l-ikel tingħata għad-detriment taċ-ċarezza ta’ l-informazzjoni obbligatorja dwar l-ikel. Għalhekk, għandhom jiġu provduti kriterji biex jgħinu lill-operaturi fin-negozju ta’ l-ikel u lill-awtoritajiet ta’ l-infurzar biex joħolqu bilanċ bejn l-għoti ta’ informazzjoni obbligatorja dwar l-ikel u dik volontarja.

(45)

L-informazzjoni għall-persuni allerġiċi dwar sustanzi li jikkawżaw allerġiji hija importanti wkoll fil-każ ta’ ikel mhux ippakkjat minn qabel u servizzi tal-catering tal-massa. Għalhekk dik l-informazzjoni għandha dejjem tkun magħmula disponibbli lill-konsumatur.

(46)

L-Istati Membri m’għandhomx ikunu jistgħu jadottaw dispożizzjonijiet oħra barra dawk stipulati f’dan ir-Regolament fil-qasam li dan jarmonizza, sakemm ma jkunx indikat speċifikament fih. Barra minn hekk, minħabba li r-rekwiżiti tal-ittikkettar nazzjonali jistgħu joħolqu ostakli għall-moviment liberu fis-suq intern, l-Istati Membri għandhom jagħtu raġuni għall-ħtieġa ta’ miżuri bħal dawn u jfasslu passi li għandhom jieħdu biex jiżguraw li dawn ikunu applikati b’mod li jfixkel l-inqas il-kummerċ.

(47)

Ir-regoli ta’ l-informazzjoni dwar l-ikel għandhom ikunu jistgħu jadattaw għal ambjent soċjali, ekonomiku u teknoloġiku li qed jinbidel b’rata mgħaġġla.

(48)

Fir-rigward ta’ ċerti aspetti ta’ informazzjoni dwar l-ikel li jwasslu għall-iżvilupp tta’ prassi innovativi u kummerċjali moderni, jeħtieġ li jsiru esperimenti biżżejjed u riċerka dwar il-konsumaturi u tingħata evidenza soda dwar l-aħjar sistemi. Għalhekk, f’każijiet bħal dawn il-liġi tal-Unjoni ta’ l-informazzjoni dwar l-ikel għandha tkun ristretta biex tistabbilixxi r-rekwiżiti essenzjali obbligatorji li jiddeterminaw il-livell ta’ protezzjoni u informazzjoni għall-konsumatur u tħalli flessibbiltà biex ikunu jistgħu jintlaħqu dawk ir-rekwiżiti, f’mod li huwa kompatibbli mad-dispożizzjonijiet tas-suq intern.

(49)

Sabiex ikun assigurat li jiġu disinjati aktar rekwiżiti dettaljati ta’ informazzjoni dwar l-ikel u jiġu stabbiliti b’mod dijalettiku u li qed jirfdu mill-aħjar prassi, għandu jkun hemm mekkaniżmi flessibbli fuq il-livell tal-Unjoni u dak nazzjonali bbażati fuq konsultazzjoni pubblika miftuħa u trasparenti u interazzjoni kontinwa bejn firxa wiesgħa ta’ partijiet interessati rappreżentattivi. Mekkaniżmu bħal dan jista’ jirriżulta fl-iżvilupp ta’ skemi nazzjonali li ma jorbtux fuq il-bażi ta’ riċerka solida tal-konsumatur u konsultazzjoni wiesgħa mal-partijiet interessati. Għandu jkun hemm mekkaniżmi għall-konsumaturi sabiex ikunu kapaċi jidentifikaw ikel li huwa ttikkettjatbħala konformi ma’ l-iskema nazzjonali bħal pereżempju permezz ta’ numru jew simbolu ta’ identifikazzjoni.

(50)

Sabiex jiġi żgurat livell ta’ konsistenza fir-riżultati li nkisbu fl-Istati Membri differenti, jeħtieġ li jkun hemm promozzjoni ta’ l-iskambju u d-distribuzzjoni kostanti ta’ l-aħjar prassi u esperjenza bejn l-Istati Membri u mal-Kummissjoni u tiġi promossa l-parteċipazzjoni tal-partijiet interessati għal skambju bħal dawn.

(51)

L-Istati Membri għandhom jagħmlu kontrolli uffiċjali sabiex jinfurzaw il-konformità ma’ dan ir-Regolament skond ir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi ta’ l-għalf u l-ikel, mas-saħħa ta’ l-annimali u mar-regoli dwar il-welfare ta’ l-annimali (19).

(52)

Referenzi għad-Direttiva 90/496/KEE fir-Regolament (KE) Nru 1924/2006 u fir-Regolament (KE) Nru 1925/2006 tal-Parlament Ewropew u tal-Kunsill ta’ l-20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra ma’ l-ikel (20) għandhom jiġu aġġornati biex iqisu dan ir-Regolament. Ir-Regolamenti (KE) Nru 1924/2006 u (KE) Nru 1925/2006 għandhom għalhekk jiġu emendati skond il-bżonn.

(53)

Sabiex il-partijiet interessati, speċjalment l-intrapriżi żgħar u ta’ daqs medju, ikunu jistgħu jipprovdu informazzjoni dwar in-nutrizzjoni fuq il-prodotti tagħhom, l-applikazzjoni tal-miżuri biex l-informazzjoni dwar in-nutrizzjoni ssir obbligatorja għandha tiddaħħal bil-mod permezz ta’ perjodi ta’ transizzjoni estiżi b’perjodu ta’ transizzjoni addizzjonali maħsub għall-mikro-negozji.

(54)

Naturalment, il-prodotti tas-settur tradizzjonali tal-produzzjoni tal-ikel u l-prodotti friski tan-negozju tal-bejgħ tal-ikel li jiġu prodotti direttament fil-post tal-bejgħ jistgħu jinkludu wkoll sustanzi li joħolqu reazzjonijiet allerġiċi jew intolleranzi f’persuni sensittivi. Billi, madankollu, huma l-prodotti mhux ippakkjati minn qabel li jinbigħu f’kuntatt dirett mal-konsumatur, l-informazzjoni rilevanti, pereżempju, għandha tingħata bil-kelma fil-waqt tal-bejgħ, jew permezz ta’ tabella li tkun tidher ċar fil-post tal-bejgħ jew permezz ta’ materjal informattiv disponibbli biex jittieħed.

(55)

Peress li l-għanijiet ta’ dan ir-Regolament ma jistgħux jintlaħqu biżżejjed mill-Istati Membri u għalhekk jistgħu jintlaħqu aħjar fuq livell tal-Unjoni, l-Unjoni tista’ tadotta miżuri, skond il-prinċipju ta’ sussidjarjetà kif stipulat fl-Artikolu 5 tat-Trattat dwar l-Unjoni Ewropea. Skond il-prinċipju ta’ proporzjonalità, kif stipulat f’dak l-Artikolu, dan ir-Regolament ma jmurx lil hemm minn dak li hu neċessarju sabiex jintlaħqu dawk l-għanijiet.

▐

(56)

Il-Kummissjoni għandha tingħata s-setgħa li tadotta atti ddelegati skont l-Artikolu 290 tat-TFUE. Huwa partikolarment importanti li l-Kummissjoni twettaq konsultazzjoni xierqa matul il-ħidma preparatorja tagħha, inkluż fil-livell ta’ esperti.

(57)

Biex jiġu żgurati kundizzjonijiet uniformi għall-implimentazzjoni, għandhom jingħataw kompetenzi ta’ implimentazzjoni lill-Kummissjoni biex tadotta linji gwida tekniċi għall-interpretazzjoni tal-lista ta’ ingredjenti li jikkawżaw allerġiji jew intolleranzi, biex jiġi ddeterminat kif tiġi indikata d-data tad-durabilità minima u fir-rigward tat-teħid ta’ pożizzjoni dwar dispożizzjonijiet nazzjonali adottati minn Stat Membru. B’konformità mal-Artikolu 291 tat-TFUE, ir-regoli u l-prinċipji ġenerali dwar il-miżuri ta’ kontroll mill-Istati Membri fuq l-eżerċizzju tal-kompetenzi ta’ implimentazzjoni tal-Kummissjoni għandhom jiġu stabbiliti minn qabel permezz ta’ regolament adottat skont il-proċedura leġiżlattiva ordinarja. Sakemm jiġi adottat dak ir-Regolament ġdid, u meta titqies il-ħtieġa li jiġi adottat dan ir-regolament malajr kemm jista’ jkun, il-kontroll mill-Istati Membri għandu jiġi eżerċitat skont id-dispożizzjonijiet tad-Deċiżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat tal-implimentazzjoni konferiti fuq il-Kummissjoni (21), bl-eċċezzjoni tal-proċedura regolatorja bi skrutinju, li mhijiex applikabbli, safejn dawk id-dispożizzjonijiet għadhom kompatibbli mat-Trattati emendati. Ir-referenzi għal dawk id-dispożizzjonijiet għandhom madankollu jinbidlu b’referenzi għar-regoli u l-prinċipji stipulati fir-regolament il-ġdid hekk kif dak ir-regolament jidħol fis-seħħ.

▐

(a)

id-definizzjonijiet ta’ “ikel”, “liġi dwar l-ikel”, “negozju ta’ l-ikel”, “operatur tan-negozju dwar l-ikel”, “bejgħ bl-imnut”, tqegħid fis-suq’ u “konsumatur aħħari” fl-Artikolu 2 u fl-Artikolu 3(1), (2), (3), (7), (8) u (18) tar-Regolament (KE) Nru 178/2002;

(b)

id-definizzjoni ta’ “ipproċessar”, “prodotti mhux ipproċessati” u “prodotti pproċessati” fil-punti (m), (n) u (o) tal-Artikolu 2(1) tar-Regolament (KE) Nru 852/2004 tal-Parlemnt Ewropew u tal-Kunsill tad-29 ta’ April 2004 dwar l-iġjene ta’ l-oġġetti ta’ l-ikel (24);

(c)

id-definizzjonijiet ta’ “l-addittivi fl-ikel” u “l-għajnuniet għall-ipproċessar” fl-Artikolu 1(2) u fl-Artikolu 1(3)(a) tad-Direttiva tal-Kunsill 89/107/KEE tal-21 ta’ Diċembru 1988 dwar l-approssimazzjoni tal-liġijiet ta’ l-Istati Membri li tikkonċerna l-addittivi fl-ikel awtorizzati għall-użu fl-ikel intiż għall-konsum uman (25);

(d)

id-definizzjoni ta’ “ħwawar” fil-punt (a) tal-Artikolu 1(2) tad-Direttiva tal-Kunsill 88/388/KEE tat-22 ta’ Ġunju 1988 dwar l-approssimazzjoni tal-liġijiet ta’ l-Istati Membri marbuta mal-ħwawar għall-użu fl-oġġetti ta’ l-ikel u għall-materjal mhux maħdum għall-produzzjoni tagħhom (26);

(e)

id-definizzjonijiet ta’ “laħam”“laħam separat b’mod mekkaniku” fil-punti 1.1 u 1.14 ta’ l-Anness I tar-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixi ċerti regoli speċifiċi ta’ iġjene għall-ikel li joriġina mill-annimali (27);

(f)

id-definizzjonijiet ta’ “talba”, “nutrijent”, “sustanza oħra”, “talba dwar in-nutrizzjoni” u “talba għas-saħħa” fil-punti (1) sa (5) tal-Artikolu 2(2) tar-Regolament (KE) Nru 1924/2006.

(a)

“l-informazzjoni dwar l-ikel” tfisser l-informazzjoni li tikkonċerna xi ikel u li titqiegħed għad-dispożizzjoni tal-konsumatur aħħari permezz ta’ tikketta, materjal ieħor li jkollha magħha, jew xi mezzi oħra inkluż għodda teknoloġiċi moderni jew komunikazzjoni verbali. Ma tkoprix komunikazzjonijiet kummerċjali kif imfissra fid-Direttiva 2000/31/KE tal-Parlament Ewropew u tal-Kunsill tat-8 ta’ Ġunju 2000 dwar ċerti aspetti legali ta’ servizzi ta’ informazzjoni għas-soċjetà, b’mod partikolari l-kummerċ elettroniku, fis-Suq Intern (28);

▐

(b)

“caterers tal-massa” tfisser kull stabbiliment (inkluż vending machines, vettura jew stall fiss jew mobbli), bħal ristoranti, kantins, skejjel, sptarijiet u intrapriżi tal-catering, li fihom , waqt in-negozju, jiġi mħejji l-ikel li jkun intiż għall-konsum immedjat mill-konsumatur aħħari ;

(c)

“ikel ippakkjat bil-lest” tfisser kull oġġett wieħed li jrid jiġi preżentat kif inhu lill-konsumatur aħħari u lill-caterers tal-massa, magħmul minn xi ikel f’pakkett , sew jekk dak il-pakkett jgħatti l-ikel kollu sew jekk parzjalment biss, iżda fi kwalunkwe każ b’tali mod li l-kontenut ma jistax jiġi mibdul mingħajr ma jinfetaħ jew jinbidel il-pakkett;

(d)

“ikel mhux ippakkjat bil-lest” tfisser kwalunkwe ikel li jkun offrut għall-bejgħ lill-konsumatur aħħari mingħajr ippakkjar, jekk ikun il-każ, u li jkun ippakkjat biss fil-ħin tal-bejgħ lill-konsumatur aħħari, u ikel u prodotti friski li jkunu ppakkjati bil-lest fil-post tal-bejgħ u dakinhar tal-bejgħ, għal bejgħ immedjat;

(e)

“prodott tal-ikel artiġjanali”tfisser prodott tal-ikel li hu prodott f’kumpanija elenkata fir-reġistri nazzjonali, skont il-liġi kummerċjali nazzjonali, bħala intrapriża tal-artiġjanat, u li jiġi prodott direttament għall-konsumaturi;

(f)

“ingredjent” tfisser kull sustanza, inkluż l-addittivi ta’ l-ikel u l-enżimi ta’ l-ikel, u kull kostitwent ta’ xi ingredjent kompost, użat fil-produzzjoni jew fit-tħejjija ta’ xi ikel u li jkun għadu hemm fil-prodott lest, anki jekk f’forma mibdula; ir-residwi m’għandhomx jitqiesu bħala ingredjenti;

(g)

“post ta’ provenjenza” tfisser il-post , pajjiż jew reġjun minn fejn jinkisbu kompletament il-prodotti jew l-ingredjenti agrikoli skont l- Artikolu 23(2) sa 26 tar-Regolament (KEE) Nru 2913/92;

(h)

“ingredjent kompost” huwa ingredjent li fih innifsu huwa r-riżultat ta’ aktar minn ingredjent wieħed;

(i)

“tikketta” tfisser kull tabella, ditta, marka, stampa jew materjal deskrittiv miktub, stampat, stensilljat, immarkat, ibbuzzat ‘l barra jew imprimat fuq, xi kontenitur ta’ l-ikel, jew imwaħħal miegħu;

(j)

“tikkettjar” tfisser kull kelma, dettalji, trejdmarks, isem tad-ditta, materjal jew simbolu bl-istampi marbut ma’ xi ikel u mqiegħed fuq xi pakkett, dokument, avviż, tikketta, ċirku jew għonq li jkun hemm ma’ dak l-ikel jew li jirreferi għalih;

(k)

“parti viżiva” tfisser l-uċuh kollha ta’ xi pakkett li jistgħu jinqraw minn naħa waħda, li jagħtu aċċess malajr u faċli għall-informazzjoni ta’ l-ittikkettjar ▐;

(l)

“Leġibbiltà” tfisser inter alia test miktub, stampat, ibbuzzat, immarkat, minqux, ittimbrat b’mod tali li konsumatur b’vista normali jkun jista’ jifhem x’fihom it-tikketti tal-ikel mingħajr għajnuna ottika; il-leġibbiltà tiddependi mid-daqs tal-kitba, it-tipa, il-wisa’ tal-linji, l-ispazju bejn il-kliem, l-ittri u l-linji, ir-relazzjoni bejn il-wisa’ u l-għoli tal-ittri, kif ukoll mill-kuntrast bejn il-kitba u l-isfond ;

▐

(m)

“isem tradizzjonali” tfisser xi isem li hu mifhum bħala l-isem ta’ l-ikel mingħajr ma l-konsumaturi jkunu jeħtieġu aktar spjegazzjoni dwaru fl-Istat Membru li fih jinbiegħ;

(n)

“isem deskrittiv” tfisser xi isem li jipprovdi deskrizzjoni ta’ l-ikel, u jekk hemm bżonn ta’ l-użu tiegħu, li hu ċar biżżejjed biex jgħin lill-konsumaturi ħalli jsiru jafu n-natura vera tiegħu u jiddistingwuh minn prodotti oħra li magħhom jista’ jiġi mħawwad;

▐

(o)

“prodott li fih ingredjent wieħed” tfisser kwalunkwe ikel li, għajr il-melħ, iz-zokkor, il-ħwawar, l-ilma, l-additivi, it-tagħmiet jew l-enżimi, ikun fih ingredjent wieħed biss;

(p)

“rekwiżiti essenzjali” tfisser ir-rekwiżiti li bihom il-livell ta’ protezzjoni għall-konsumatur u l-informazzjoni dwar l-ikel tiġi determinata fir-rigward ta’ xi suġġett partikolari u li huma stipulati f’xi att tal-Unjoni ;

(q)

“data ta’ durabbiltà minima” tfisser id-data sa meta l-ikel jibqa’ jżomm il-karatteristiċi speċifiċi tiegħu jekk ikun maħżun kif indikat jew maħżun skont struzzjonijiet speċifiċi li jkunu mniżżla fuq il-pakkett ;

(r)

“sa meta għandu jintuża” tfisser id-data sa meta l-ikel għandu jiġi kkunsmat. Wara dik id-data l-ikel ma għandux jingħata lill-konsumaturi jew jiġi pproċessat aktar ;

(s)

“id-data tal-produzzjoni” tfisser id-data meta l-prodotti jkunu ġew manifatturati u possibilment ippakkjati u deep-frozen

(t)

“l-aħjar prassi” tfisser l-istandards, l-iskemi, l-inizjattivi, jew xi attivitajiet oħra approvati mill-awtoritajiet kompetenti li mill-esperjenza u r-riċerka rriżulta li huma l-aktar effettivi għall-maġġoranza tal-konsumaturi u huma meqjusa bħala mudell għall-oħrajn li jridu jsegwuhom;

(u)

“Ikel ta’ imitazzjoni” tfisser ikel li jagħti l-impressjoni li hu ikel ieħor u li ingredjent li s-soltu jintuża fih jiġi mħallat kompletament jew parzjalment ma’ ingredjent ieħor jew sostitwit bih.

(a)

informazzjoni dwar l-identità u l-kompożizzjoni, kwantitajiet, kontenut jew karatteristiċi oħra ta’ l-ikel;

(b)

informazzjoni dwar il-ħarsien ta’ saħħet il-konsumaturi u l-użu sigur ta’ xi ikel. B’mod partikolari, din għandha tikkonċerna informazzjoni dwar:

(c)

informazzjoni dwar il-karatteristiċi nutrizzjonali sabiex il-konsumaturi jkunu jistgħu, inkluż dawk b’rekwiżiti speċjali tad-dieta, jagħmlu għażliet infurmati.

(a)

peress li d-deskrizzjoni u/jew ir-rappreżentazzjoni permezz ta’ stampi tal-ikel jistgħu jiżvijjaw lill-konsumaturi fir-rigward tan-natura tiegħu, l-identità, il-proprjetajiet, il-kompożizzjoni, l-ingredjenti individwali u l-kwantità tagħhom fil-prodott , id-durabbiltà, il-pajjiż ta’ l-oriġini jew il-post ta’ provenjenza, il-metodu ta’ fabbrikazzjoni jew produzzjoni;

(b)

billi fid-deskrizzjoni jew rappreżentazzjonijiet bl-istampi fuq il-pakkett tiġi ssuġġerita l-preżenza ta’ prodott jew ingredjent partikolari għalkemm fir-realtà l-prodott li l-pakkett ikun fih ikun ikel ta’ imitazzjoni jew ikun fih sostitut għal ingredjent normalment użat fi prodott. F’każijiet bħal dawn, il-pakkett għandu jkollu l-marka prominenti “imitazzjoni” jew “prodott bi (isem tal-ingredjent użat bħala sostitut) minflok (isem tal-ingredjent li ġie ssostitwit)”;

(c)

billi tingħata l-impressjoni, fil-każ ta’ prodotti tal-laħam, li prodott jinkludi biċċa laħam waħda, għalkemm fil-fatt jikkonsisti f’biċċiet ta’ laħam magħqudin flimkien. F’każijiet bħal dawn, il-prodott għandu jiġi ttikkettat fuq quddiem tal-pakkett bħala “laħam magħmul minn biċċiet tal-laħam magħqudin” ;

(d)

billi tattribwixxi għall-ikel l-effetti jew il-karatteristiċi li ma fihx;

(e)

billi tissuġġerixxi li l-ikel fih karatteristiċi speċjali meta fil-fatt l-ikel kollu simili fih dawk il-karatteristiċi jew billi speċifikament tiġi enfasizzata l-assenza ta’ ċerti ingredjenti u/jew nutrijenti li l-ikel partikolari normalment ma jkunx fih ;.

(f)

billi espliċitament isir reklamar ta’ tnaqqis sostanzjali fiz-zokkor u/jew xaħam, meta fl-istess ħin ma jkunx hemm tnaqqis korrispondenti fil-kontenut ta’ enerġija (espress f’kilojoules jew kilokaloriji);

(g)

billi tintuża d-deskrizzjoni “tad-dieta”, għalkemm l-ikel partikolari ma jkunx konformi mad-dispożizzjonijiet tal-Unjoni dwar l-ikel intenzjonat għall-persuni bi ħtiġijiet bħal dawn ;

(h)

għall-ħalib: billi tindika l-ħalib bħala “frisk” meta d-data sa meta jrid jintuża tkun aktar minn sebat ijiem wara d-data ta’ mili.

(a)

reklamar;

(b)

il-preżentazzjoni ta’ ikel b’mod partikolari l-forma tiegħu, l-apparenza jew l-ippakkjar, il-materjal ta’ l-ippakkjar użat, il-mod li bih hu rranġat u l-ambjent li fih jiġi esebit.

(a)

fejn l-ikel ippakkjat bil-lest hu intiż għall-konsumatur aħħari iżda mibjugħ fi stadju qabel il-bejgħ lill-konsumatur aħħari u fejn il-bejgħ lil xi caterer tal-massa mhux involut f’dak l-istadju;

(b)

fejn l-ikel ippakkjat bil-lest hu intiż li jiġi fornut lill-caterers tal-massa biex jiġi ppreparat, ipproċessat, maqsum jew imqatta’.

(a)

l-isem li bih jinbigħ il-prodott ;

(b)

il-lista ta’ ingredjenti;

(c)

kull ingredjent imniżżel fl-Anness II li jikkawża allerġiji jew intolleranzi, u kull sustanza meħuda minnu, filwaqt li jiġu rrispettati d-dispożizzjonijiet speċifiċi għal ikel mhux ippakkjat bil-lest ;

(d)

il-kwantità ta’ ċerti ingredjenti jew kategoriji ta’ ingredjenti skont l-Anness VII ;

(e)

il-kwantità netta ta’ l-ikel fil-ħin tal-ippakkjar ;

(f)

id-data ta’ kemm iservi l-inqas jew fil-każ ta’ ikel li, min-naħa mikrobijoloġika huma vulnerabbli, id-data sa “meta jrid jintuża”;

(g)

id-data tal-produzzjoni fil-każ ta’ prodotti tal-friża;

(h)

kull kondizzjonijiet speċjali tal-ħżin u/jew kondizzjonijiet dwar l-użu inklużi l-ispeċifikazzjonijiet dwar il-kundizzjonijiet tar-refriġiderazzjoni u l-ħżin u l-konservazzjoni tal-prodott qabel u wara li jinfetaħ il-pakkett, meta jkun impossibbli li jsir użu xieraq tal-ikel fl-assenza ta’ dan it-tagħrif ;

(i)

struzzjonijiet dwar l-użu meta jkun impossibli li l-ikel jintuża’ kif suppost mingħajr dawk l-istruzzjonijiet;

(j)

l-isem jew l-isem tan-negozju jew it-trademark reġistrat u l-indirizz tal-fabbrikant stabbilit fl-Unjoni ta’ min ippakkjah, u, għall-prodotti ġejjin minn pajjiżi terzi, tal-bejjiegħ/l-importatur jew, fejn ikun applikabbli, tal-operatur tan-negozju tal-ikel li f’ismu jew f’isem in-negozju tiegħu jkun ġie mmarketjat l-ikel ;

(k)

il pajjiż ▐ jew il-post tal-provenjenza fil-każ tal-prodotti li ġejjin:

Għall-ikel l-ieħor kollu, il-pajjiż jew il-post tal-provenjenza fejn jekk ma jingħatawx dawn id-dettalji l-konsumatur jista’ jiġi żgwidat fir-rigward tal-materjal dwar il-pajjiż veru ▐ ta’ l-oriġini ta’ l-ikel jew il-post veru ta’ provenjenza tiegħu, b’mod partikolari jekk l-informazzjoni li jkun hemm ma’ l-ikel jew it-tikketta b’mod globali tista’ inkella timplika li l-ikel għandu pajjiż differenti ta’ oriġini jew post differenti ta’ provenjenza; f’każijiet bħal dawn l-indikazzjoni għandha tkun adottata permezz ta’ atti delegati, skond ir-regoli stipulati fl- Artikolu 42 u suġġett għall-kondizzjonijiet stabbiliti fl-Artikoli 43 u 44;

▐

(l)

fir-rigward ta’ xorb li fih aktar minn 1,2 % bil-volum ta’ alkoħol, is-saħħa alkoħolika proprja skond il-volum;

(m)

dikjarazzjoni dwar in-nutrizzjoni.

(a)

l-informazzjoni stipulata fl-Artikoli 9 u 29 għandha tkun disponibbli fuq talba tal-konsumaturi qabel ma tiġi konkluża x-xirja u tista’ tidher fuq il-materjal li jappoġġja l-bejgħ mill-bogħod jew tingħata b’mezzi oħra adattati;

(b)

id-dettalji previsti fl- Artikolu 9(1) punti ▐, (f), ▐ u (i) mhux se jkunu obbligatorji biss fil-mument tal-forniment.

(a)

frott u ħaxix frisk, inkluż patata, li ma tqaxxritx, tqattgħetx jew ġiet trattatta b’mod simili;

(b)

ilma karbonat, liema deskrizzjoni tiegħu tindika li ġie karbonat;

(c)

ħall tal-fermentazzjoni mnissel esklussivament minn prodott bażiku wieħed, dejjem jekk l-ebda ingredjent ieħor ma ġie miżjud miegħu;

(d)

ġobon, butir, ħalib u krema fermentata, li l-ebda ingredjent ieħor ma ġie miżjud magħhom minbarra prodotti tal-ħalib, enżimi u kulturi tal-mikro-organiżmi essenzjali għall-fabbrikazzjoni, jew fil-każ tal-ġobon minbarra ġobon frisk u ġobon ipproċessat il-melħ meħtieġ għall-fabbrikazzjoni tiegħu;

(e)

Xorb li fih l-alkoħol; il-Kummissjoni għandha tipproduċi rapport wara … (34) dwar l-applikazzjoni ta’ dan il-paragrafu ta’ l-Artikolu 19 dwar dawn il-prodotti u tista’ takkumpanja dan ir-rapport b’miżuri speċifiċi li jiddeterminaw ir-regoli għal dikjarazzjoni obbligatorja ta’ nutrizzjoni ta’ dawn il-prodotti . Dawk il-miżuri maħsuba biex jemendaw l-elementi mhux essenzjali ta’ dan ir-Regolament billi jissupplimentawh għandhom jiġu adottati, permezz ta’ atti delegati, skont l-Artikolu 42 u soġġett għall-kondizzjonijiet stabbiliti fl-Artikoli 43 u 44 ;

(f)

ikel magħmul minn ingredjent wieħed, fejn:

(a)

il-kostitwenti ta’ xi ingredjent li ġew temporanjament separati waqt il-proċess ta’ fabbrikazzjoni u ddaħħlu mill-ġdid aktar tard iżda mhux aktar mill-proporzjonijiet oriġinali tagħhom;

(b)

addittivi ta’ l-ikel u enżimi:

(c)

sustanzi użati fil-kwantitajiet meħtieġa bilfors bħala solvents jew mezzi għal sustanzi nutrizzjonali, addittivi ta’ l-ikel, enzimi jew ħwawar;

(d)

sustanzi li mhumiex addittivi ta’ l-ikel iżda li huma użati bl-istess mod u bl-istess għan bħall-għajnuniet għall-ipproċessar u xorta għadhom jinsabu fil-prodott lest, anki jekk f’forma mibdula;

(e)

ilma:

(a)

l-isem ta’ l-ikel jirreferi biċ-ċar għall-ingredjent konċernat;

(b)

l-ingredjent imniżżel fl-Anness II li minnu tkun ġejja xi sustanza huwa diġà mniżżel fil-lista ta’ ingredjenti; jew

(c)

l-ikel ma huwiex ippakkjat minn qabel. F’dan il-każ għandu jiġi indikat f’mod ċar viżibbli fl-inħawi fejn isir il-bejgħ jew fuq il-menu illi:

(a)

l-ingredjent jew kategorija ta’ ingredjenti konċernati jidhru fl-isem li bih jinbigħ l-ikel jew normalment huma assoċjati ma’ dak l-isem mill-konsumatur; jew

(b)

l-ingredjent jew kategorija ta’ ingredjenti konċernati huma enfasizzati fuq it-tikkettjar bi kliem, stampi jew grafika; jew

(c)

l-ingredjent jew kategorija ta’ ingredjenti konċernati huma essenzjali biex jikkaratterizzaw xi ikel u jiddistingwuh mill-prodotti li magħhom jista’ jiġi mfixkel minħabba ismu jew id-dehra tiegħu.

(a)

f’unitajiet ta’ likwidu fil-każ tal-likwidi fl-ambitu tat-tifsira tad-Direttiva tal-Kunsill 85/339/KEE tas-27 ta’ Ġunju 1985 dwar il-kontenituri ta’ likwidi għall-konsum tal-bniedem (35) ;

(b)

f’unitajiet ta’ piż fil-każ ta’ prodotti oħra.

(a)

data tad-durabilita’ minima:

(b)

Data sa meta l-ikel irid jintuża:

(c)

id-data tal-manifattura:

(a)

Direttiva 2002/46/KE tal-Parlament Ewropew u tal-Kunsill ta’ l-10 ta’ Ġunju 2002 dwar l-approssimazzjoni tal-liġijiet ta’ l-Istati Membri marbuta mas-supplimenti ta’ l-ikel (36);

(b)

Id-Direttiva tal-Kunsill 80/777/KEE tal-15 ta’ Lulju 1980 dwar l-approssimazzjoni tal-liġijiet ta’ l-Istati Membri marbuta ma’ l-esplojtazzjoni u l-bejgħ ta’ ilma minerali naturali (37).

(a)

valur enerġetiku;

(b)

l-ammonti ta’ xaħam, saturati, karboidrati b’referenza speċifika għaż-żokkor, u l-melħ;

(c)

l-ammonti ta’ proteini, karboidrati, fajber, transxaħmijiet naturali u artifiċjali .

▐ (a)

mono-unsaturates;

(b)

polyunsaturates;

(c)

polyols;

(d)

kolesterol;

(e)

lamtu;

▐

(f)

il- minerali jew vitamini preżenti f’ammonti sinifikanti skont ma jingħad fil-punt 1 tal-Parti A ta’ l-Anness X, u skont il-valuri indikati fil-punt 2 tal-Parti A ta’ l-Anness X;

(g)

sustanzi oħra fil-kuntest tat-tifsir tal-Parti A tal-Anness XII u l-kostitwenti ta’ dawk in-nutrijenti;

(h)

sustanzi oħra kif imsemmija fir-Regolament (KE) nru 1925/2006 ;

(a)

l-analiżi ta’ l-ikel magħmula mill-fabbrikant; jew

(b)

kalkolu mill-valuri medji magħrufa jew proprja ta’ l-ingredjenti użati; jew

(c)

kalkolu mid-data li ġeneralment hi stabbilita u aċċettata.

(a)

dawk il-forom ta’ espressjoni m’għandhomx jiżgwidaw lill-konsumatur jew ineħħu l-attenzjoni minn fuq id-dikjarazzjoni obbligatorja dwar in-nutrizzjoni;

(b)

huma bbażati jew fuq il-konsum referenzjali skont il-Parti B tal-Anness X , jew jekk ma jeżistix, fuq parir xjentifiku validu aċċettat b’mod ġenerali dwar il-konsum ta’ enerġija jew nutrijenti;

(c)

huma appoġġjati b’evidenza xjentifika dwar kemm il-konsumatur medju jifhem u juża’ l-informazzjoni preżentata; u

(d)

huma appoġġjati minn evidenza ta’ riċerka tal-konsumatur indipendenti li turi li l-konsumatur medju jifhem il-forma ta’ espressjoni.

▐

(a)

il-ħarsien tas-saħħa pubblika;

(b)

il-ħarsien tal-konsumaturi;

(c)

il-prevenzjoni ta’ frodi;

(d)

il-ħarsien tad-drittijiet industrijali u kummerċjali tal-proprjetà, indikazzjonijiet tal-provenjenza, reġjonali postijiet ta’ l-oriġini reġistrati u l-prevenzjoni ta’ kompetizzjoni inġusta.

1.

Fl-Artikolu 6 paragrafu 6 huwa sostitwit b’dan li ġej:

“6.   Iż-żieda ta’ xi vitamini jew minerali f’xi ikel għandha twassal biex dawk il-vitamini jew minerali fl-ikel ikunu talanqas f’ammont sinifikanti fejn dan hu definit skond il-[punt 2 tal-Parti A ta’ l-Anness XI tar-Regolament (UE) Nru …/… tal-Parlament Ewropew u tal-Kunsill dwar dwar l- l-għoti ta’ informazzjoni fuq l-ikel lill-konsumaturi] (44). L-ammonti minimi, inkluż kull ammont ibaxx, b’deroga mill-ammonti sinifikanti msemmija hawn fuq, għal ikel jew kategoriji ta’ ikel speċifiċi għandhom jiġu adottati skond il-proċedura msemmija fl-Artikolu 14(2).

2.

Fl-Artikolu 7 il-paragrafu 3 hu mibdul b’dan li ġej:

“3.   It-tikkettjar dwar in-nutrizzjoni ta’ prodotti li magħhom ġew miżjuda vitamini u minerali li huma koperti b’dan ir-Regolament għandu jkun obbligatorju. L-informazzjoni li trid tingħata għandha tkun magħmula minn dik speċifikata fl-Artikolu 29(1) tar-[Regolament (UE) Nru … dwar l- l-għoti ta’ informazzjoni fuq l-ikel lill-konsumaturi] u ta’ l-ammonti totali preżenti tal-vitamini u l-minerali meta jiġu miżjuda ma’ l-ikel”.