EUR-Lex Access to European Union law
This document is an excerpt from the EUR-Lex website
Document 52009PC0097
Proposal for a Council Decision on a Community Position concerning the participation in the Cariforum-EC Consultative Committee provided for by the Economic Partnership Agreement between the Cariforum States, of the one part, and the European Community and its Member States, of the other part and on the selection of the representatives of organizations located in the EC Party
Proposta għal deċiżjoni tal-Kunsill dwar Pożizzjoni Komunitarja rigward il-parteċipazzjoni fil-Kumitat Konsultattiv Cariforum-KE stabbilit mill-Ftehim ta’ Sħubija Ekonomika bejn l-Istati Cariforum, min-naħa, u l-Komunità Ewropea u l-Istati Membri tagħha, min-naħa l-oħra u dwar l-għażla tar-rappreżentanti tal-organizzazzjonijiet fil-Parti tal-KE
Proposta għal deċiżjoni tal-Kunsill dwar Pożizzjoni Komunitarja rigward il-parteċipazzjoni fil-Kumitat Konsultattiv Cariforum-KE stabbilit mill-Ftehim ta’ Sħubija Ekonomika bejn l-Istati Cariforum, min-naħa, u l-Komunità Ewropea u l-Istati Membri tagħha, min-naħa l-oħra u dwar l-għażla tar-rappreżentanti tal-organizzazzjonijiet fil-Parti tal-KE
/* KUMM/2009/0097 finali */
Proposta għal deċiżjoni tal-Kunsill dwar Pożizzjoni Komunitarja rigward il-parteċipazzjoni fil-Kumitat Konsultattiv Cariforum-KE stabbilit mill-Ftehim ta’ Sħubija Ekonomika bejn l-Istati Cariforum, min-naħa, u l-Komunità Ewropea u l-Istati Membri tagħha, min-naħa l-oħra u dwar l-għażla tar-rappreżentanti tal-organizzazzjonijiet fil-Parti tal-KE /* KUMM/2009/0097 finali */
[pic] | KUMMISSJONI TAL-KOMUNITAJIET EWROPEJ | Brussel 3.3.2009 KUMM(2009) 97 finali Proposta għal DEĊIŻJONI TAL-KUNSILL dwar Pożizzjoni Komunitarja rigward il-parteċipazzjoni fil-Kumitat Konsultattiv CARIFORUM-KE stabbilit mill-Ftehim ta’ Sħubija Ekonomika bejn l-Istati CARIFORUM, min-naħa, u l-Komunità Ewropea u l-Istati Membri tagħha, min-naħa l-oħra u dwar l-għażla tar-rappreżentanti tal-organizzazzjonijiet fil-Parti tal-KE (preżentata mill-Kummissjoni) MEMORANDUM TA’ SPJEGAZZJONI Il-Ftehim ta’ Sħubija Ekonomika bejn l-Istati CARIFORUM, min-naħa, u l-Komunità Ewropea u l-Istati Membri tagħha, min-naħa l-oħra ġie iffirmat fil-15 ta’ Ottubru 2008, u kien applikat provviżjorjament sa mid-29 ta’ Diċembru 2008. Il-Ftehim iħaddan, fl-Artikolu 5 tiegħu, monitoraġġ bħala wieħed mill-elementi ewlenin fis-Sħubija għal Żvilupp Sostenibbli li l-Ftehim jistabbilixxi. B’żieda ma’ dan, il-kapitolu istituzzjonali fih dispożizzjonijiet speċifiċi fuq monitoraġġ, b’dan il-mod jikkontribwixxi għall-implimentazzjoni effettiva ta’ attività bħal din. Il-Kumitat Konsultattiv CARIFORUM-KE stabbilit mill-Artikolu 232 tal-Ftehim se jkollu rwol partikolarment importanti. Il-Kunsill hu mitlub jiddeċiedi dwar il-parteċipazzjoni tal-KE fil-Kumitat Konsultattiv, bil-għan li tkun żgurata rappreżentazzjoni wiesgħa tal-partijiet interessati kollha. F’dan ir-rigward il-Kumitat Ekonomiku u Soċjali Ewropew (KESE) hu lest li jkun strumentali fl-għażla tar-rappreżentanti Ewropej għall-Kumitat Konsultattiv CARIFORUM-KE, u sabiex ikun żgurat is-segretarjat ta’ dak il-Kumitat fid-dawl tal-esperjenza konsiderevoli tiegħu fil-koordinazzjoni ta’ korpi konġunti ta’ natura simili, u l-fatt li l-KESE diġà jwettaq djalogu regolari ma’ oħrajn bħalu f’pajjiżi tal-AKP. Proposta għal DEĊIŻJONI TAL-KUNSILL dwar Pożizzjoni Komunitarja rigward il-parteċipazzjoni fil-Kumitat Konsultattiv CARIFORUM-KE stabbilit mill-Ftehim ta’ Sħubija Ekonomika bejn l-Istati CARIFORUM, min-naħa, u l-Komunità Ewropea u l-Istati Membri tagħha, min-naħa l-oħra u dwar l-għażla tar-rappreżentanti tal-organizzazzjonijiet fil-Parti tal-KE IL-KUNSILL TAL-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 300(2), it-tieni sotto paragrafu tiegħu, Wara li kkunsidra l-proposta mill-Kummissjoni[1], Wara li kkonsulta lill-Kumitat Ekonomiku u Soċjali Ewropew, Billi: (1) Il-Ftehim ta’ Sħubija Ekonomika bejn l-Istati CARIFORUM, min-naħa, u l-Komunità Ewropea u l-Istati Membri tagħha, min-naħa l-oħra[2], ġie ffirmat fil-15 ta’ Ottubru 2008, u kien applikat provviżjorjament sa mid-29 ta’ Diċembru 2008. (2) L-Artikolu 232(2) tal-Ftehim jistabbilixxi għal Kunsill Konġunt tiegħu biex jiddeċiedi dwar il-parteċipazzjoni fil-Kumitat Konsultattiv CARIFORUM-KE, bl-għan li tkun żgurata rappreżentazzjoni wiesgħa tal-partijiet interessati kollha. (3) Huwa kruċjali li jkun żgurat t-twaqqif mgħaġġel tal-istituzzjonijiet stabbiliti mill-Ftehim, u partikolarment il-Kumitat Konsultattiv CARIFORUM-KE, fid-dawl tar-rwol tiegħu fil-monitoraġġ tal-implimentazzjoni tal-Ftehim. (4) Proċedura interna tal-Kommunità għandha tiġi stabbilita biex tagħżel rappreżentanti tal-organizzazzjonijiet fil-Parti tal-KE. (5) Il-Kumitat Ekonomiku u Soċjali Ewropew esprima r-rieda tiegħu biex jgħin fl-identifikazzjoni u l-għażla ta’ rappreżentanti tal-organizzazzjonijiet fis-soċjetà ċivili Ewropea, u biex inizjalment jieħu ħsieb is-segretarjat tal-Kumitat Konsultattiv, IDDEĊIEDA KIF ĠEJ: Artikolu 1 Il-pożizzjoni Komunitarja fir-rigward tal-adozzjoni ta’ Deċiżjoni tal-Kunsill Konġunt tal-Fehim li twassal għall-għażla ta’ membri permanenti tal-Kumitat Konsultattiv CARIFORUM-KE (minn hawn 'il quddiem “il-Kumitat”) stabbilit mill-Ftehim ta’ Sħubija Ekonomika bejn l-Istati CARIFORUM, min-naħa, u l-Komunità Ewropea u l-Istati Membri tagħha, min-naħa l-oħra, għandha tiġi bbażata fuq l-abbozz ta’ deċiżjoni tal-Kunsill Konġunt fl-Anness ma’ din id-Deċiżjoni (minn hawn 'il quddiem “l-Anness”). Artikolu 2 1. Rappreżentanti tal-organizzazzjonijiet Ewropej iddefiniti fl-Artikolu 1.1(a) tal-Anness għandhom ikunu proposti mill-Kumitat Ekonomiku u Soċjali Ewropew b’konsultazzjoni mal-Kummissjoni għall-approvazzjoni mill-Kumitat għall-Kummerċ u l-Iżvilupp CARIFORUM-KE. 2. Il-Kumitat Ekonomiku u Soċjali Ewropew se jintalab biex jistabbilixxi rosters tal-organizzazzjonijiet iddefiniti fl-Artikolu 1.1(b) u 1.1(c) tal-Anness. Dan għandu jseħħ billi tingħata pubbliċità kbira lil sejħa għall-wiri ta’ interess biex tiġi inkluża f’roster bħal din. Fir-risposta għal sejħa bħal din kull organizzazzjoni interessata għandha tiddeskrivi kif tissodisfa r-rekwiżiti stipulati fl-Artikolu 1 tal-Anness. Ir-rosters għandhom jibqgħu miftuħa għal kull organizzazzjoni li tissodisfa r-rekwiżiti ta’ dik id-dispożizzjoni li għandha tiġi inkluża. Organizzazzjonijiet inklużi fir-rosters għandhom jinżammu infurmati b’mod speċjali bil-ħidma tal-Kumitat. 3. Fis-sejħa għall-wiri ta’ interess, organizzazzjonijiet għandhom ukoll jiġu mistiedna biex juru interess f’wieħed mir-rappreżentanti tagħhom biex iservi bħala membru permanenti tal-Kumitat. L-Organizzazzjonijiet inklużi fir-rosters se jkunu msejħa sussegwentament biex japprovaw il-kandidatura sa żewġ rappreżentanti permanenti għall-Kumitat, fost dawk li jkunu wrew interess bħal dan. Il-parti tal-KE għandha tipproponi lill-Kumitat għall-Kummerċ u l-Iżvilupp CARIFORUM-KE bħala membri permanenti għall-kategoriji 1.1(b) u 1.1(c) lil dawk ir-rappreżentanti li jkunu rċevew l-aktar approvazzjoni. 4. Sejħa għall-wiri ta’ interess biex iservu bħala membri permanenti tal-Kumitat għandha titnieda erba’ xhur qabel l-iskadenza tal-mandat tal-membri li qed iservu fil-Kumitat. In-nomina għandha ssegwi l-istess proċeduri stipulati f’paragrafu 3. Magħmula fi Brussell, […] Għall-Kunsill Il-President […] ANNESS . DEĊIŻJONI Nru .../2009 TAL-KUNSILL KONĠUNT stabbilit mill-Ftehim ta’ Sħubija Ekonomika bejn l-Istati CARIFORUM, min-naħa, u l-Komunità Ewropea u l-Istati Membri tagħha, min-naħa l-oħra dwar il-parteċipazzjoni fil- Kumitat Konsultattiv CARIFORUM-KE IL-KUNSILL KONĠUNT CARIFORUM-KE, Wara li kkunsidra l-Ftehim ta’ Sħubija Ekonomika bejn l-Istati CARIFORUM, min-naħa waħda, u l-Komunità Ewropea u l-Istati Membri tagħha, min-naħa l-oħra (minn hawn ’il quddiem imsejjaħ il-“Ftehim”), iffirmat fi Bridgetown, Barbados fil-15 ta’ Ottubru 2008, u partikolarment l-Artikolu 232 (2) tiegħu, Billi: Fid-dawl tal-għanijiet stipulati fl-Artikolu 1 tal-Ftehim, u l-impenn lejn il-monitoraġġ tiegħu stabbilit fl-Artikolu 5 tiegħu, huwa xieraq li jitwaqqaf mingħajr dewmien il-Kumitat Konsultattiv CARIFORUM-KE, IDDEĊIEDA KIF ĠEJ: Artikolu 1 1. Partiċipazzjoni fil-Kumitat Konsultattiv CARIFORUM-KE (minn hawn 'il quddiem “il-Kumitat” għandha tkun magħmula minn […] membri permanenti fir-rappreżentazzjoni tal-organizzazzjonijiet tas-soċjetà ċivili, […] fir-rappreżentazzjoni tal-organizzazzjonijiet fl-Istati tal-CARIFORUM u […] fir-rappreżentazzjoni tal-organizzazzjonijiet fil-Parti tal-KE. Fost kull wieħed ta’ dawn iż-żewġ gruppi għandu jkun hemm mill-inqas żewġ rappreżentanti minn organizzazzjonijiet li jirrappreżentaw rispettivament: (a) l-imsieħba soċjali u ekonomiċi, (b) il-komunità akkademika, u (c) organizzazzjonijiet mhux governattivi, inklużi l-organizzazzjonijiet tal-iżvilupp u ambjentali. Membri permanenti għandhom jibqgħu fil-kariga għal sentejn. Għarfien espert rilevanti u rappreżentazzjoni ġeografika u settorjali wiesgħa għandhom ikunu żgurati. 2. Għall-finijiet ta’ din id-Deċiżjoni, organizzazzjonijiet ta’ soċjetà ċivili għandhom ifissru assoċjazzjonijiet, fondazzjonijiet u istituzzjonijiet privati oħra b’għan mhux ta’ profitt ta’ utilità internazzjonali u li huma kapaċi li jikkontribwixxu għarfien espert jew parir fi kwistjonijiet koperti minn dan il-Ftehim, jew li jirrappreżentaw elementi importanti ta’ opinjoni pubblika dwar kwistjonijiet koperti mill-Ftehim. Dan ir-rekwiżit jista’ jiġi rrevokat f’każ ta’ istituzzjonijiet akkademiċi b’għarfien espert speċifiku fuq kwistjonijiet koperti minn dan il-Ftehim. 3. Organizzazzjoni tista’ titqies li tkun f’territorju jew ta’ Stati CARIFORUM jew ta’ Parti tal-KE jekk organizzazzjoni bħal din ikollha kariga statutorja u tmexxija u kontroll ċentrali fit-territorju tal-Istati CARIFORUM jew tal-Parti tal-KE skont ma jkun il-każ. Artikolu 2 Il-Kumitat għall-Kummerċ u l-Iżvilupp CARIFORUM-KE għandu jiddiskuti u japprova mingħajr dewmien il-lista tal-membri permanenti proposti mill-Istati CARIFORUM u l-Parti tal-KE rispettivament, u t-tiġdid tiegħu. Artikolu 3 Kull organizzazzjoni li tissodisfa r-rekwiżiti tal-Artikolu 1 tista’ tattendi l-laqgħat tal - Kumitat Konsultattiv CARIFORUM-KE bħala osservatur. Madankollu, membri permanenti biss jistgħu jirċievu assistenza finanzjarja għat-twettiq ta’ dmirijiethom fi ħdan il-Kumitat. Artikolu 4 Il-Kumitat Ekonomiku u Soċjali Ewropew għandu jservi bħala s-segretarjat tal-Kumitat għal perjodu inizjali li jispiċċa fil-31 ta’ Diċembru 2010. Dan il-perjodu għandu jiġi mġedded awtomatikament sakemm il-Partijiet jew il-Kumitat Ekonomiku u Soċjali Ewropew ma jaqbilx permezz ta’ notifika bil-quddiem li tkun ingħatat qabel u tkun raġonevoli . Artikolu 5 Arranġamenti ta’ finanzjament għandhom jiġu stabbiliti mill-Kumitat għall-Kummerċ u l-Iżvilupp CARIFORUM-KE. Artikolu 6 Din id-Deċiżjoni għandha tidħol fis-seħħ fil-[…] Magħmula fi [...] 2009 [1] ĠU [2] ĠU L 289, 30.10.2008, p. 3