This document is an excerpt from the EUR-Lex website
Document 52009DC0336
Report from the Commission to the European Parliament and to the Council on the application of Regulation (EC) No 2006/2004 of the European Parliament and of the Council of 27 October 2004 on cooperation between national authorities responsible for the enforcement of consumer protection laws (the Regulation on consumer protection cooperation)
Rapport mill-Kummissjoni lill-Parlament Ewropew u lill-Kunsill dwar l-applikazzjoni tar-Regolament (KE) Nru 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi)
Rapport mill-Kummissjoni lill-Parlament Ewropew u lill-Kunsill dwar l-applikazzjoni tar-Regolament (KE) Nru 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi)
/* KUMM/2009/0336 finali */
Rapport mill-Kummissjoni lill-Parlament Ewropew u lill-Kunsill dwar l-applikazzjoni tar-Regolament (KE) Nru 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi) /* KUMM/2009/0336 finali */
[pic] | KUMMISSJONI TAL-KOMUNITAJIET EWROPEJ | Brussel 2.7.2009 KUMM(2009) 336 finali RAPPORT MILL-KUMMISSJONI LILL-PARLAMENT EWROPEW U LILL-KUNSILL dwar l-applikazzjoni tar-Regolament (KE) Nru 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi) WERREJ 1. Daħla 3 1.1. Kuntest 3 1.2. L-ambitu u l-metodoloġija 3 2. Il-Qafas Istituzzjonali u ta’ Infurzar: it-twaqqif tan-Netwerk KPK 4 2.1. It-twaqqif tan-Netwerk KPK: in-nomina tal-awtoritajiet 4 2.2. L-iżvilupp tal-għodda tal-IT: is-Sistema ta’ Kooperazzjoni għall-Protezzjoni tal-Konsumatur 5 2.3. Il-Kumitat KPK 5 2.4. L-emendi għall-anness tar-Regolament 6 3. It-tħaddim tan-Netwerk KPK – l-ewwel valutazzjoni 6 3.1. Ġenerali 6 3.2. L-għodda tal-IT 7 3.3. It-tħaddim tan-Netwerk: in-nuqqasijiet prinċipali 7 4. Il-qafas usa’ għall-kooperazzjoni 9 4.1. L-attivitatjiet komuni u l-iskambju ta’ uffiċjali 9 4.2. Il-kooperazzjoni ta’ infurzar ma’ pajjiżi terzi 9 5. Konklużjonijiet 9 5.1. Ġenerali 9 5.2. Il-konsolidazzjoni tan-Netwerk KPK 10 5.3. It-titjib tal-effiċjenza u tal-effettività tan-Netwerk 10 5.4. It-tisħiħ tal-qafas għall-kooperazzjoni amministrattiva 11 1. DAħLA 1.1. Kuntest Ir-Regolament dwar il-Kooperazzjoni fejn tidħol il-Protezzjoni tal-Konsumaturi[1] (ir-"Regolament KPK") kien adottat fis-27 ta’ Ottubru 2004 u daħal fis-seħħ fid-29 ta’ Diċembru 2006 wara sentejn ta’ xogħol preparatorju intensiv mill-Kummissjoni u mill-Istati Membri. Dan jistabbilixxi netwerk madwar l-UE ta’ awtoritajiet pubbliċi responsabbli għall-infurzar tal-liġijiet tal-konsumatur fl-Istati Membri (in-"netwerk KPK"), li bdiet topera f’Diċembru 2006. Fl-ambitu tiegħu, ir-Regolament KPK parzjalment jarmonizza l-poteri investigattivi u ta’ infurzar tal-awtoritajiet u jistabbilixxi l-mekkaniżmi għall-iskambju tat-tagħrif rilevanti u/jew it-teħid ta’ azzjoni ta’ infurzar biex iwaqqfu l-ksur f’sitwazzjonijiet transkonfinali[2]. Dan jobbliga lill-Istati Membri jaġixxu fuq talbiet ta’ assistenza reċiproka indirizzati lilhom permezz tan-Netwerk KPK u biex jiżguraw li biżżejjed riżorsi huma allokati għall-awtoritajiet tan-netwerk biex dawn l-obbligi jkunu onorati. Ir-Regolament jipprovdi ukoll qafas usa’ għall-iżvilupp ta’ inizjattivi ta’ kooperazzjoni amministrattiva li għalihom il-Kummissjoni tipprovdi fondi. Billi r-Regolament jifforma parti mill-Ftehim tal-EEA[3], l-istess regoli u mekkaniżmi japplikaw ukoll għall-pajjiżi tal-EFTA li qed japplikaw il-Ftehim tal-EEA. Dawn tal-aħħar huma integrati bis-sħiħ fl-attivitajiet tan-netwerk. Bil-provvista ta’ għodda effettiva għall-infurzar transkonfinali u qafas għall-iskambju tal-aħjar prattika u xogħol komuni, l-għan ewlieni tar-Regolament huwa li jiggarantixxi livell għoli kostanti ta’ ħarsien tal-konsumatur madwar l-UE u li jsaħħaħ il-kunfidenza tal-konsumatur fis-suq intern. 1.2. L-ambitu u l-metodoloġija Dan ir-rapport huwa konformi mal-obbligu tal-Kummissjoni skont l-Artikolu 21 tar-Regolment KPK li kull sentejn tirrapporta lill-Parlament Ewropew u lill-Kunsill dwar l-applikazzjoni tar-Regolment imsemmi. Dan ikopri l-ewwel sentejn operattivi tan-Netwerk KPK, jiġifieri l-2007 u l-2008. Fejn xieraq, qed issir referenza għax-xogħol prepratorju li sar qabel l-2007 biex ikun żgurat li n-netwerk saret operattiva f’Diċembru 2006 kif suppost. Ir-rapport jibni fuq ir-rapporti bijennali ppreparati mill-Istati Membri[4] biex jonorow l-obbligi ta’ rappurtaġġ tagħhom skont ir-Regolament kif ukoll fuq dejta ta’ statistika estratta mill-għodda tal-IT użata min-Netwerk KPK u l-esperjenza prattika miksuba permezz tas-sweeps tal-UE[5] inizjali kkoordinati mill-Kummissjoni. 2. IL-QAFAS ISTITUZZJONALI U TA’ INFURZAR: IT-TWAQQIF TAN-NETWERK KPK Fl-ewwel żewġ kapitoli tiegħu ir-Regolament KPK jistipula l-elementi istituzzjonali u l-elementi oħrajn li kellhom ikunu f’posthom biex in-Netwerk KPK tkun imwaqqfa sal-aħħar tal-2006. 2.1. It-twaqqif tan-Netwerk KPK: in-nomina tal-awtoritajiet Biex tkun imwaqqfa n-Netwerk KPK, ir-Regolamnet jirrikjedi li l-Istati Membri jinnominaw awtoritajiet ta’ infurzar (l-'awtoritajiet kompetenti') u Uffiċjal Uniku ta’ Kollegament biex jikkoordina l-applikazzjoni tar-Regolament fuq livell nazzjonali. Huma mitluba wkoll jiżguraw li dawn l-awtoritajiet ikollhom il-poteri investigattivi u ta’ infurzar minimi stabbiliti mir-Regolament u li jingħataw riżorsi adegwati biex jonoraw l-obbligi tagħhom. L-Istati Membri kollha kellhom jagħmlu sforzi sostanzjali biex jadattaw il-qafas leġiżlattiv nazzjonali tagħhom biex jirrispettaw ir-rekwiżiti tar-Regolament KPK, b’mod partikolari biex iwaqqfu l-istruttura neċessarja biex ikun jistgħu jindirizzaw il-kooperazzjoni transkonfinali. Il-bidliet kienu jikkonċernaw l-aktar modifiki għall-poteri investigattivi u ta’ infurzar mogħtija lill-awtoritajiet nazzjonali tal-konsumatur sabiex ikun hemm konformità mar-rekwiżiti ta' poteri minimi stipulati fl-Artikolu 4 tar-Regolament. F’xi każijiet madankollu, kellhom jinħolqu awtoritajiet ġodda u s-sistema ta’ infurzar nazzjonali kellha tkun emendata biex ikun żgurat li l-awtorijatiet pubbliċi jingħataw poteri ta’ infurzar skont ir-Regolament. Sal-aħħar tal-perjodu ta’ rappurtaġġ, l-Istati Membri kollha kienu nnotifikaw lill-Kummissjoni bil-lista ta’ awtoritajiet minbarra żewġ Stati Membri li kien għad iridu jinnofikaw lill-awtoritajiet responsabbli mill-infurzar bid-Direttiva dwar il-Prattiċi Kummerċjali Inġusti (id-Direttiva UCP - Unfair Commercial Practices)[6]. Skont l-Artikolu 5 tar-Regolament, il-lista ta’ awtoritajiet innotifikati lill-Kummissjoni hija ppubblikata f’ Il-Ġurnal Uffiċjali tal-Unjoni Ewropea [7]. Il-Kummissjoni qed issegwi mill-qrib il-proċess ta’ notifika tal-awtoritajiet u esprimiet tħassib dwar l-effiċjenza tal-korpi amminstrattvi nazzjonali nnominati f’żewġ każijiet, minħabba n-numru kbir ta’ awtoritajiet involuti, u stiednet lill-Istati Membri biex jikkunsidraw mill-ġdid il-qafas ta’ infurzar innotifikat. Fiż-żewġ każijiet, kienet imressqa proposta alternattiva, iżda kienet għadha mhix implimentata, minħabba dewmien fil-proċeduri nazzjonali biex ikunu nnominati l-awtoritajiet il-ġodda. Fir-rigward tal-obbligazzjoni biex ikunu provduti riżorsi adegwati, huwa diffiċli li wieħed jistma bis-sħiħ is-sitwazzjoni abbażi tal-informazzjoni provduta fir-rapporti nazzjonali biss. Id-dejta f’dawn ir-rapporti rari tirrifletti b’mod esklużiv attivitajiet tal-KPK u mhijiex paragunabbli. Jidher li x-xogħol li jsir fil-qafas tar-Regolament KPK ġeneralment isir minn uffiċjali apparti x-xogħol regolari tagħhom u huwa għalhekk diffiċli li wieħed jistma r-riżorsi ddedikati għan-Netwerk. Għalkemm l-awtoritajiet kollha nnominaw tal-anqas persuna waħda ta’ kuntatt għall-kwistjonijiet relatati mal-KPK, jidher li hemm differenzi importanti fil-kapaċità amministrattiva tal-Istati Membri. 2.2. L-iżvilupp tal-għodda tal-IT: is-Sistema ta’ Kooperazzjoni għall-Protezzjoni tal-Konsumatur L-Artikolu 10 tar-Regolament KPK jipprovdi għall-iżvilupp ta’ għodda tal-IT li l-awtoritajiet għandhom jużaw għall-iskambju tal-informazzjoni. L-iżvilupp u l-amministrazzjoni tas-Sistema ta’ Kooperazzjoni għall-Protezzjoni tal-Konsumatur (CPCS - Consumer Protection Cooperation System) jaqgħu taħt ir-responsabbiltà tal-Kummissjoni. Il-Kummissjoni involviet mill-qrib lill-Istati Membri f’dan il-proġett u stabbiliet grupp ta’ utenti prinċipali, li jipprovdi assistenza fix-xogħol analitiku ta’ qabel l-iżvilupp tal-funzjonijiet tas-CPCS u l-ittestjar ta’ verżjonijiet ġodda. L-ewwel verżjoni b’funzjonalità bażika kienet operattiva qabel ma n-Netwerk KPK kienet imnedija. Minn dakinhar, diversi verżjonijiet b' titjib kienu introdotti biex titjieb l-esperjenza tal-utenti fl-użu tal-għodda, biex titjieb il-funzjonalità eżistenti u għall-iżvilupp ta’ karatteristiċi ġodda. 2.3. Il-Kumitat KPK Skont l-Artikolu 19 tar-Regolament, il-Kummissjoni hija megħjuna fil-ħidmiet tagħha tal-implimentazzjoni minn Kumitat magħmul minn rappreżentanti mill-Istati Membri (il-“Kumitat KPK”). Il-Kumitat huwa presedut mill-Kummissjoni. Waħda mill-ewwel ħidmiet tal-Kumitat kien l-istipular ta’ sett ta’ regoli għall-operat tal-Kumitat KPK, li jikkjarifikaw ftit mill-prinċipji stabbiliti mir-Regolament KPK. Dawn jinkludu dispożizzjonijiet dwar limiti ta’ żmien, rekwiżiti minimi mandatorji ta’ informazzjoni għat-talbiet u d-drittijiet differenti ta’ aċċess għall-informazzjoni skambjata permezz tal-għodda tal-IT. Il-Kummissjoni adottat ir-regoli tal-implimentazzjoni[8] f’Diċembru 2006 fi żmien propizju għat-tnedija tan-Netwerk. 2.4. L-emendi għall-anness tar-Regolament Ir-Regolament KPK fih anness li jelenka l-atti legali li l-mekkaniżmi ta’ kooperazzjoni huma applikabbli għalihom. L-anness jkopri prinċipalment il-liġijiet tal-ħarsien tal-konsumatur tal-UE iżda jinkludi wkoll xi setturi differenti oħrajn[9]. L-anness kien emendat matul il-perjodu ta’ rappurtaġġ biex jinkludi d-Direttiva 2005/29/KE dwar il-Prattiċi Inġusti tal-Kummerċ. Tliet proposti biex l-anness tal-KPK ikun estiż aktar għadhom pendenti. Dawn jinkludu projbizzjoni fup l-ispam[10] u żewġ proposti dwar id-drittijiet tal-passiġġieri fl-oqsma tat-trasport bil-baħar u bix-xarabanks[11]. Filwaqt li hemm aktar proposti biex il-leġiżlazzjoni tal-UE tissaħħaħ permezz tan-Netwerk KPK, il-prijorità kurrenti tal-Kummissjoni hija li tikkonsolida n-Netwerk qabel tidħol għal aktar emendi għall-anness tar-Regolament. 3. IT-TħADDIM TAN-NETWERK KPK – L-EWWEL VALUTAZZJONI 3.1. Ġenerali Wara bidu relattivament kawtel, l-attività tan-Netwerk aċċelerat malajr u laħqet total ta’ 719 talba[12] għal assistenza reċiproka f’sentejn, li minnhom 327 talba nħolqu fl-2007 u 392 fl-2008. 40 % tat-talbiet għal tagħrif u 30 % tat-talbiet għall-infurzar kienu magħluqa mill-awtoritajiet matul l-istess perjodu. Il-maġġoranza tal-każijiet kienu talbiet għall-informazzjoni (39 % tan-numru totali tal-każijiet) u talbiet għal miżuri ta’ infurzar biex jitwaqqaf ksur ikkonfermat tal-leġiżlazzjoni (37 % tan-numru totali tal-każijiet). It-talbiet għall-infurzar kważi rduppjaw matul is-sentejn, u għalhekk irreġistraw l-akbar tkabbir. Barra minn hekk, in-Netwerk KPK nediet żewġ eżerċizzji konġunti ta’ sorveljanza u infurzar tas-suq ("sweeps") li saru fil-forma ta’ inkjesti permezz tal-internet: waħda fuq siti li jbiegħu biljetti tal-ajru fl-2007 u waħda fuq siti li joffru ring tones għat-telefon ċellulari fl-2008. Ix-xogħol ta’ infurzar għadu għaddej fir-rigrward tas-sweep tal-2008. Il-maġġoranza tal-ksur fis-CPCS kien jikkonċerna dispożizzjonijiet ta’ pubbliċità qarrieqa[13] (kważi terz mill-każijiet kollha) u prattiċi kummerċjali onlajn (internet u e-mail). F’termini ta’ setturi, iż-żewġ sweeps tal-UE ikkontribwew għat-tkabbir tan-numru ta’ talbiet għal assistenza reċiproka fis-setturi fejn l-awtoritajiet wettqu r-rikjesti tagħhom, jiġifiera t-'trasport' u l-'komunikazzjoni'. L-aktar sorprendenti kien in-nuqqas jew in-numru baxx ta’ każijiet[14] dwar ċerti direttivi[15]. L-attivitajiet tan-Netwerk diġà qed jipproduċu riżultati tanġibbli għall-konsumaturi. Bħala eżempju, is-sweep dwar il-linji tal-ajru wasslet biex il-linji tal-ajru progressivament itejbu l-proċess ta’ riżervazzjoni onlajn u s-siti biex jikkonformaw mar-rekwiżiti tal-leġiżlazzjoni tal-UE. 3.2. L-għodda tal-IT In-numru dejjem akbar ta’ każijiet KPK u r-rispons tal-Istati Membri jikkonfermaw li l-għodda tal-IT qiegħda b’mod ġenerali tilħaq l-aspettattivi tal-awtoritajiet u sservi l-għan tagħha li tiffaċilita l-iskambju ta’ informazzjoni. Madankollu, hemm bżonn ta’ aktar titjib. B’mod partikolari, l-Istati Membri qajmu l-punti li ġejjin: ( Il-prezz għoli biex wieħed jaqbad mas-sistema TESTA b’mod sigur – in-netwerk użata mis-CPCS. Din hija kwistjoni b’mod partikolari għall-awtoritajiet li rari jużaw is-sistema minħabba n-numru żgħir ta’ każijiet fil-qasam ta’ kompetenza tagħhom; ( Id-dewmien fl-implimentazzjoni ta' verżjonijiet ġodda u ta’ verżjonijiet b’funzjonalità mtejba; ( In-nuqqas ta’ ċertu funzjonalità fl-għodda tal-IT, b’mod partikolari karatteristiċi li jappoġġjaw il-preparazzjoni u l-koordinazzjoni ta’ sorveljanza konġunta tas-suq u eżerċizzji ta’ infurzar skont l-Artikolu 9 ta-Regolament KPK. Sfida oħra hija li wieħed jiżgura li l-utenti kollha jkunu kapaċi jużaw l-għodda tal-IT kif meħtieġ, jiġifieri inkluż dawk li jaħdmu f’żoni fejn hemm ftit li xejn attività relatata mal-KPK. Xi Stati Membri jixtiequ li s-CPCA tinkludi interfaces f’diversi lingwi. 3.3. It-tħaddim tan-Netwerk: in-nuqqasijiet prinċipali L-esperjenza akkwistata minn mindu n-Netwerk KPK twaqqfet tiżvela xi nuqqasijiet fil-mod kif l-awtoritajiet jaħdmu flimkien: ( Numru sinifikanti ta’ awtoritajiet innotifikati jew mhumiex imqabbda mas-sistema jew ma jużawx is-sistema b’mod attiv, jiġifieri mhumiex qed jagħmlu talbiet għal assistenza reċiproka, għalkemm din hija kundizzjoni li trid teżisti għat-tħaddim effettiv tan-Netwerk KPK. Terz mill-awtoritajiet li għandhom aċċess u password mhumiex qed jużaw is-CPCS b’mod attiv[16]; ( It-talbiet qed jieħdu aktar u aktar żmien biex jingħalqu: eżempju ċar ta’ dan huwa l-fatt li, filwaqt li t-talbiet għal tagħrif kienu magħluqa f’medja ta’ 81 ġurnata sa Ġunju 2008, din il-medja telgħat għal 148 ġurnata sal-aħħar tal-2008. Dan jista’ jkun parzjalment spjegat minn żieda fil-kumplessità tal-każijiet transkonfinali, iżda dan huwa spiss indikatur ta’ nuqqas ta’ konformità mal-limiti ta’ żmien stabbiliti jew rekwiżiti operattivi oħrajn; ( L-awtoritajiet qed jużaw l-għodda tal-IT b’modi differenti, liema modi jista’ jkun li qed ikollhom impatt negattiv fuq l-isforzi ta’ kooperazzjoni tagħhom. L-użu ta’ twissijiet, pereżempju, qed joħloq diżgwid bejn il-membri tan-Netwerk li huma favur trażmissjoni wiesgħa lill-awtoritajiet kollha u dawk li jippreferu approċċ aktar selettiv. Il-kunsiderazzjonijiet dwar ir-riżorsi huma fiċ-ċentru ta’ din id-diskussjoni, billi l-awtoritajiet iridu jivverifikaw jekk il-ksur huwiex qed jaffettwa l-konsumaturi nazzjonali. Xi drabi l-informazzjoni importanti tkun nieqsa, u dan jikkostrinġi lill-awtoritajiet ifittxu kjarifikazzjoni ulterjuri u/jew jagħmlu inkjesti aktar fit-tul; ( Ir-regoli ta’ implimentazzjoni għandhom bżonn ikunu riveduti fid-dawl tal-esperjenza prattika miksuba fl-ewwel sentejn tat-tħaddim tan-Netwerk. Ir-regoli għall-kanċellazzjoni tal-każijiet (l-aktar twissijiet) mhumiex konsistenti u ċerti aspetti tal-protezzjoni tad-dejta hemm bżonn li jkunu kkjarifikati. Hemm bżonn ukoll ta’ verifika realistika fir-rigward ta’ ċerti dispożizzjonijiet, bħal-limiti ta’ żmien stipulati għat-trażmissjoni ta’ talbiet jew risposti. - ( Ir-Regolament 261/2004 dwar id-drittijiet tal-passiġġieri tal-ajru li huwa kopert bir-Regolament tal-KPK jipprovdi għall-ħatra tal-awtoritajiet nazzjonali ta’ infurzar tiegħu stess. Dawn l-awtoritajiet għandhom is-setgħa li jieħdu miżuri ta’ infurzar kontra l-operaturi, kemm dawk nazzjonali kif ukoll dawk li mhumiex, li jkunu jaħdmu fit-territorju tagħhom. Dan seta’ kkontribwixxa għal użu limitat tan-Netwerk tal-KPK f’dan is-settur. Ix-xogħol ta’ infurzar tan-Netwerk żvela ukoll li hemm kwistjonijiet ta’ natura aktar orizzontali li jridu jkunu indirizzati jekk in-Netwerk trid tilħaq il-potenzjal kollu tagħha. ( Hemm bżonn li jkun żviluppat ftehim komuni tal-fatturi rilevanti u interpretazzjoni komuni tar-regoli ta’ ħarsien tal-konsumatur tal-UE bħal, ngħidu aħna, definizzjoni tal-“interessi kollettivi tal-konsumatur”.. Diversi opinjonijiet ħarġu wkoll bħala riżultat tal-mod kif l-acquis tal-konsumatur jinteraġixxi ma’ biċċiet oħrajn ta’ leġiżlazzjoni rilevanti tal-UE; ( Il-kwistjoni ta’ ġurisdizzjoni u l-liġi applikabbli meta l-awtoritajiet pubbliċi qed jeżerċitaw il-poteri tagħhom u sa liema punt japplika l-obbligu ta’ kooperazzjoni introdott mir-Regolament KPK; ( Biex ikollha l-aħjar impatt bix-xogħol tagħha u biex tiżviluppa f’saħħa diżważiva madwar l-UE, in-Netwerk għandha bżonn profil aktar għoli. 4. IL-QAFAS USA’ GħALL-KOOPERAZZJONI 4.1. L-attivitatjiet komuni u l-iskambju ta’ uffiċjali Apparti d-dispożizzjonijiet proċedurali ta’ kooperazzjoni, ir-Regolament KPK jimmira li jinkoraġġixxi l-iskambju tal-aħjar prattika u l-kooperazzjoni permezz ta’ ħidma flimkien fi proġetti komuni jew attivitatjiet konġunti kif ukoll skema għall-iskambju ta’ uffiċjali li għalihom il-Kummissjoni tipprovdi fondi. Il-firxa ta’ attivitajiet hija għalhekk wiesgħa ħafna: minn seminars, korsijiet ta’ taħriġ, miżuri biex iqajmu kuxjenza għal proġetti li jiżviluppaw standards komuni, metodoloġiji u metodi ta’ infurzar. In-Netwerk daħlet għal diversi minn dawn il-proġetti u skambji fl-ewwel sentejn operattivi tagħha, iżda għamlet użu limitat mill-mezzi finanzjarji li l-Kummissjoni pprovdiet fl-2008. Id-diffikultajiet prinċipali msemmija mill-Istati Membri huma: ( L-attivitjatjiet u l-iskemi mhumiex magħrufa sew mill-awtoritajiet; ( Jeżisti riskju ta’ telf ta’ riżorsi fuq diversi proġetti differenti liema riskju jista’ jnaqqas l-effettività tan-Netwerk ( Il-kumplessitajiet amministrattivi fil-proċedura ta’ applikazzjoni u d-dispożizzjonijiet tal-għotjiet, b’mod partikolari għall-mexxej(ja) tal-proġetti. 4.2. Il-kooperazzjoni ta’ infurzar ma’ pajjiżi terzi L-Artikolu 18 tar-Regolament jistipula l-bażi legali biex wieħed jidħol fi ftehim ta’ kooperazzjoni ma’ awtoritajiet ta’ infurzar f’pajjiżi terzi. F’dinja dejjem aktar globalizzata, il-bażi għal kooperazzjoni aktar mill-qrib bejn l-awtoritajiet ta’ infurzar tapplika wkoll għar-relazzjonijiet mal-awtoritajiet barra l-Unjoni Ewropea, b’mod speċjali ma’ dawk il-pajjiżi li diġà għandhom rabtiet ekonomiċi mal-Istati Membri. Il-kuntatti li jesploraw l-għażliet għall-kooperazzjoni mal-awtoritajiet tal-Istati Uniti u tal-Iżvizzera, li t-tnejn li huma kienu identifikati bħala prijoritajiet fid-diskussjonijet mal-Istati Membri, qed jingħataw aktar importanza. 5. KONKLUżJONIJIET 5.1. Ġenerali Ir-Regolament KPK wera li huwa għodda b’saħħitha ta’ infurzar li ssaħħaħ il-livell ta’ ħarsien tal-konsumatur madwar l-UE. Dan indirizza l-qabża li kienet teżisti billi ta lill-awtoritajiet ta’ infurzar nazzjonali mezz biex wieħed iġib fit-tmiem prattiċi kummerċjali li jagħmlu ħsara lill-konsumaturi f’sitwazzjonijiet transkonfinali u għamilha aktar faċli biex awtoritajiet diversi jaġixxu flimkien biex jinħoloq ambjent ta’ infurzar kredibbli fl-UE. In-Netwerk qed tipproduċi riżultati tanġibbli għall-konsumaturi. Il-kooperazzjoni bejn l-awtoritajiet Spanjoli u Franċiżi pereżempju wasslet għall-arrest ta’ 87 persuna f’April 2008 u lotterija fittizzja operata minn Spanja ġiet imwaqqfa. L-isweeps tal-UE huma eżempju ċar ieħor ta’ kooperazzjoni simili. Il-valutazzjoni tal-ewwel sentejn ta’ operat tan-Netwerk madankollu turi li din għadha ma laħqitx il-potenzjal kollu tagħha u identifikat numru ta’ nuqqasijiet. Il-prijorità tal-Kummissjoni hija li taħdem mill-qrib fi sħab mal-Istati Membri biex tindirizza dawn il-kwistjonijiet fil-qafas legali eżistenti. Hija tirriserva d-dritt, bħala l-aħħar alternattiva, li tibda proċeduri ta’ ksur kontra l-Istati Membri li b’mod persistenti u sistematiku jonqsu milli jonoraw l-obbligi tagħhom skont ir-Regolament. 5.2. Il-konsolidazzjoni tan-Netwerk KPK Il-Kummissjoni se tkompli bl-isforzi tagħha biex tikkonsolida n-Netwerk billi tiżgura li l-awtoritajiet kollha indikati mill-Istati Membri jużaw is-sistema tal-IT b’mod attiv. L-għodda tal-IT qed tkun żviluppata aktar, b’mod partikolari fir-rigward tal-iżvilupp ta’ karatteristiċi ġodda u żieda fil-faċilità ta’ użu tal-utenti. Il-kapaċità ta’ taħriġ kienet imtejba permezz tal-ħolqien ta’ Netwerk ta’ persuni nazzjonali li jipprovdu taħriġ fl-aħħar tal-2008. Waħda mill-kwistjonijiet prinċipali f’dan il-kuntest hija li jkun żgurat li jkunu allokati riżorsi agedwati lill-awtoritajiet filwaqt li jkunu kkunsidrati r-restrizzjonijiet li jirriżultaw mill-kriżi ekonomika kurrenti. Kwistjoni oħra se tkun l-identifikazzjoni u l-indirizz tar-raġunijiet għan-nuqqas ta’ użu tal-mekkaniżmu ta’ kooperazzjoni tal-KPK mill-awtoritajiet f’ċerti oqsma. 5.3. It-titjib tal-effiċjenza u tal-effettività tan-Netwerk In-Netwerk KPK għandha tibbenefika minn titjib fl-effiċjenza tal-operat tagħha permezz ta’ serje ta’ miżuri li matul iż-żmien jistgħu jwasslu għal reviżjoni tar-Regolament KPK. ( Ir-regoli Implimentattivi se jkunu riveduti fl-2010 biex jindirizzaw nuqqasijiet, jirrevedu miżuri eżistenti fid-dawl ta’ għarfien miksub matul dawn l-aħħar sentejn u biex jiżguraw mod konsistenti u aktar veloċi biex wieħed jindirizza talbiet għal assistenza reċiproka. ( L-iskambju ta’ opinjonijiet, esperjenza u prattika tajba permezz tad-diskussjonijiet fil-Kumitat KPK u fil-laqgħat ta’ ħidma ddedikati se jkunu użati biex ikunu żviluppati standards u tekniki komuni, manwali u dokumenti oħrajn ta’ gwida għall-utenti tal-KPK bħal linji gwida u mistoqsijiet li jistaqsew spiss (FAQ); ( L-adozzjoni ta’ Pjan annwali ta’ Azzjoni ta’ Infurzar, introdott fl-2008, għandu jikkontribwixxi biex jiffoka aktar l-attivitajiet tan-Netwerk. Permezz tal-użu ta’ bażi ta’ evidenza aktar wiesgħa, permezz tal-użu ta’ dejta miġbura min-Netwerk ta’ Ċentri tal-Konsumatur Ewropej[17] u mit-Tabella tas-Swieq tal-Konsumatur[18], kif ukoll mit-tagħrif provdut mill-awtoritajiet nazzjonali, l-attivitajiet tan-Netwerk ikunu msaħħa u kkonċentrati aktar. Il-pjanijiet annwali għandhom eventwalment ikunu inklużi f’qafas ġenerali tal-prijoritajiet fuq medda twila ta’ żmien mal-Istati Membri; ( L-eżerċizzji konġunti, bħall-isweeps tal-UE, għandhom jibqgħu jiffurmaw parti importanti mill-attivitajiet tan-Netwerk KPK billi dawn jipprovdu l-perspettiva tal-UE lix-xogħol tal-awtoritajiet ta’ sorveljanza tas-suq u ta’ infurzar mitlub mis-suq intern. Hekk kif in-Netwerk ikollha aktar esperjenza, hija tibbenefika mill-eżaminar ta’ metodi ġodda ta’ kif issir sorveljanza tas-suq konġunta u/jew xogħol ta’ infurzar konġunt. ( In-Netwerk għandha taħdem lejn ftehim komuni tal-leġiżlazzjoni tal-UE dwar il-konsumatur. Il-Kummissjoni bdiet tiżviluppa gwida konsultattiva għall-awtoritajiet permezz ta’ diskussjoniet iddedikati f’seminars u f’laqgħat ta’ ħidma kif ukoll bil-promozzjoni ta’ għodod eżistenti bħall-Kompendju tal-Liġi tal-UE dwar il-Konsumatur[19] jew id-dejtabejż konsultattiv ippjanat li jiffoka fuq id-Direttiva UCP. ( Il-Kummissjoni flimkien mal-Istati Membri se tistipula l-aktar mezzi xierqa (pereżempju attivitajiet tal-midja immirati jew sit elettroniku KPK) biex tagħti aktar viżibbiltà lill-attivitajiet tan-Netwerk. Dan se jagħti messaġġ qawwi ta’ infurzar lis-swieq. L-attivitajiet li jqajmu l-kuxejnza tal-konsumatur se jikkontribwixxu wkoll għal dan il-għan. 5.4. It-tisħiħ tal-qafas għall-kooperazzjoni amministrattiva In-Netwerk KPK għandha tibbenefika mill-iżvilupp ulterjuri tal-potenzjal għall-kooperazzjoni pprovdut mir-Regolament, inkluż proġetti tal-Kummissjoni biex jitjieb il-ġbir tad-dejta dwar kwistjonijiet tal-konsumatur u għall-iżvilupp ta’ sistema komuni ta’ klassifikazzjoni tal-ilmenti. Din it-tip ta’ attività toħloq ambjent favorevoli għat-tkattir ta’ fiduċja bejn l-awtoritajiet u għall-iskambju ta’ għarfien, għarfien espert u l-aħjar prattiċi, u b’hekk ittejjeb il-kwalità u l-effettività tax-xogħol ta’ infurzar madwar l-UE. Għaldaqstant, l-inkoraġġiment ta’ dawn l-azzjonijiet konġunti permezz ta’ kontribuzzjonijiet finanzjarji għadu prijorità tal-Kummissjoni, b’mod partikolari f’attivitajiet li jikkontribwixxu għat-tijib tax-xogħol tan-Netwerk fil-forma ta’ manwali, standards komuni jew metodoloġiji (pereżempju il-manwal dwar kif isiru sweeps żviluppat fl-2008 minn grupp ta’ awtoritajiet li se jkun ittestjat fl-eżerċizzju tal-2009). Il-laqgħat preparatorji għall-azzjonijiet konġunti għandhom jikkontribwixxu biex id-diffikultajiet amministrattivi li qed jaffaċċjaw l-awtoritajiet meta japplikaw għal fondi mill-UE jkunu megħluba. ANNESS I 1. Numru totali ta’ talbiet għal assistenza reċiproka Sena | Twissijiet (Art. 7) | Talbiet għal Tagħrif (Art. 6) | Talbiet ta’ Infurzar (Art. 8) | TOTAL Stati Membri biss | TOTAL Inkluż it-talbiet tal-pajjiżi taż-ŻEE | 2007 | 71 | 161 | 95 | 317 | 327 | 2008 | 100 | 122 | 170 | 384 | 392 | TOTAL | 171 | 283 | 265 | 701 | 719 | 2. Talbiet għal assistenza reċiproka għal kull direttiva miksura (2007 – 2008) Art. 6 Tagħrif | Art. 7 Twissijiet | Art. 8 Infurzar | TOTAL | 2007 | 2008 | 2007 | 2008 | 2007 | 2008 | Direttiva 2005/29/KE dwar prattiċi kummerċjali żleali | 1 | 86 | 0 | 40 | 4 | 73 | 204 | Direttiva 84/450/KEE dwar reklamar qarrieqi | 48 | 0 | 34 | 0 | 35 | 0 | 117 | Direttiva 2000/31/KE dwar il-kummerċ elettroniku | 3 | 9 | 7 | 20 | 15 | 48 | 102 | Direttiva 93/13/KE dwar klawżoli inġusti f’kuntratti mal-konsumaturi | 21 | 10 | 15 | 7 | 10 | 14 | 77 | Direttiva 97/7/KE dwar kuntratti li jsiru mill-bogħod | 11 | 4 | 4 | 11 | 9 | 22 | 61 | Direttiva 97/55/KE li jemenda d-Direttiva 84/450/EEC dwar reklamar qarrieqi sabiex tinkludi reklamar komparattiv | 40 | 0 | 4 | 0 | 3 | 0 | 47 | Direttiva 94/47/KE dwar timesharing | 27 | 0 | 1 | 1 | 0 | 0 | 29 | Direttiva 85/577/KE dwar kuntratti nnegozjati barra mil-lok tan-negozju | 1 | 10 | 0 | 6 | 1 | 0 | 18 | Direttiva 2001/83/KE dwar prodotti mediċinali għall-użu mill-bniedem | 2 | 0 | 3 | 2 | 6 | 2 | 15 | Direttiva 1999/44/KE dwar il-bejgħ ta’ oġġetti tal-konsum u garanziji assoċjati magħhom | 2 | 1 | 1 | 3 | 3 | 4 | 14 | Regolament (KE) Nru 261/2004 dwar imbarkazzjoni miċħuda u kanċellazzjoni jew dewmien twil fit-titjiriet | 1 | 1 | 1 | 2 | 3 | 4 | 12 | Direttiva 98/6/KE dwar l-indikazzjoni tal-prezzijiet | 0 | 0 | 0 | 1 | 2 | 3 | 6 | Direttiva 90/314/KE dwar il-vjaġġi kollox kompriż (package travel), il-vaganzi kollox kompriż u t-tours kollox kompriż | 2 | 1 | 0 | 2 | 1 | 0 | 6 | Direttiva 2002/65/KE dwar it-tqegħid fis-suq b’distanza ta’ servizzi finanzjarji tal- konsumaturi | 0 | 0 | 1 | 3 | 1 | 0 | 5 | Direttiva 87/102 dwar il-kreditu lill-konsumatur | 1 | 0 | 0 | 1 | 0 | 0 | 2 | Direttiva 89/552 dwar l-attivitjiet tax-xandir tat-televiżjoni | 0 | 0 | 1 | 1 | 0 | 0 | 2 | 3. Talbiet għal assistenza reċiproka għal kull settur (2007 – 2008) 2007 | 2008 | Total | Art 6 | Art 8 | Art 7 | Art 6 | Art 8 | Art 7 | Ilbies u żraben | 1 | 0 | 0 | 0 | 5 | 0 | 6 | Komunikazzjoni | 0 | 2 | 1 | 4 | 25 | 15 | 47 | Edukazzjoni | 1 | 0 | 0 | 0 | 2 | 0 | 3 | Ikel u xorb mhux alkoħoliku | 1 | 1 | 1 | 2 | 0 | 0 | 5 | Għamara, tagħmir tad-dar u manutenzjoni ta’ rutina tad-dar | 0 | 1 | 0 | 1 | 1 | 1 | 4 | Saħħa | 6 | 11 | 6 | 5 | 14 | 6 | 48 | Akkomodazzjoni, ilma, elettriku, gass u karburanti oħrajn | 0 | 0 | 0 | 1 | 0 | 0 | 1 | Servizzi u oġġetti mixxellanji | 30 | 10 | 9 | 8 | 24 | 12 | 93 | Mhux klassifikabbli | 10 | 9 | 4 | 59 | 39 | 35 | 156 | Rikreazzjoni u kultura | 35 | 13 | 4 | 15 | 13 | 17 | 97 | Ristoranti u lukandi | 5 | 2 | 1 | 19 | 0 | 8 | 35 | Trasport | 72 | 46 | 45 | 8 | 47 | 6 | 224 | TOTAL | 161 | 95 | 71 | 122 | 170 | 100 | 719 | 4. Numru ta’ jiem (medja) biex talba għal assistenza reċiproka tkun magħluqa fis-CPCS Ġunju 2008 | Ottubru 2008 | Diċembru 2008 | Talbiet għal tagħrif (art. 6) | 81 | 132 | 148 | Talbiet għal Infurzar (art. 8) | 123 | 173 | 177 | 5. Talbiet għal assitenza reċiproka maħruġa minn kull Stat Membru fl-2007 Talbiet għal Tagħrif Art. 6 | Twissijiet Art. 7 | Talbiet għal Infurzar Art. 8 | TOTAL | Il-Belġju | 42 | 51 | 35 | 128 | Il-Bulgarija | 4 | 0 | 8 | 12 | Ir-Repubblika Ċeka | 1 | 0 | 1 | 2 | Id-Danimarka | 12 | 0 | 0 | 12 | Il-Ġermanja | 1 | 2 | 2 | 5 | L-Estonja | 1 | 1 | 6 | 8 | L-Irlanda | 0 | 0 | 0 | 0 | Il-Greċja | 0 | 0 | 0 | 0 | Spanja | 0 | 0 | 0 | 0 | Franza | 19 | 7 | 14 | 40 | L-Italja | 0 | 2 | 0 | 2 | Ċipru | 0 | 0 | 0 | 0 | Il-Latvja | 0 | 1 | 3 | 4 | Il-Litwanja | 0 | 0 | 0 | 0 | Il-Lussemburgu | 0 | 0 | 0 | 0 | L-Ungerija | 68 | 2 | 0 | 70 | Malta | 0 | 0 | 0 | 0 | L-Olanda | 3 | 0 | 0 | 3 | L-Awstrija | 1 | 0 | 1 | 2 | Il-Polonja | 0 | 0 | 1 | 1 | Il-Portugall | 0 | 0 | 0 | 0 | Ir-Rumanija | 0 | 0 | 0 | 0 | Is-Slovenja | 0 | 0 | 0 | 0 | Is-Slovakkja | 0 | 0 | 2 | 2 | Il-Finlandja | 5 | 0 | 0 | 5 | L-Iżvezja | 3 | 0 | 4 | 7 | Ir-Renju Unit | 0 | 5 | 9 | 14 | TOTAL | 160 | 71 | 86 | 317 | 6. Talbiet għal assitenza reċiproka maħruġa minn kull Stat Membru fl-2008 Talbiet għal Tagħrif Art. 6 | Twissijiet Art. 7 | Talbiet għal Infurzar Art. 8 | TOTAL | Il-Belġju | 28 | 43 | 48 | 119 | Il-Bulgarija | 0 | 0 | 2 | 2 | Ir-Repubblika Ċeka | 0 | 0 | 0 | 0 | Id-Danimarka | 0 | 1 | 13 | 14 | Il-Ġermanja | 3 | 2 | 7 | 12 | L-Estonja | 10 | 0 | 2 | 12 | L-Irlanda | 0 | 0 | 0 | 0 | Il-Greċja | 0 | 0 | 0 | 0 | Spanja | 0 | 0 | 8 | 8 | Franza | 7 | 0 | 9 | 16 | L-Italja | 1 | 1 | 0 | 2 | Ċipru | 0 | 0 | 0 | 0 | Il-Latvja | 0 | 1 | 10 | 11 | Il-Litwanja | 0 | 0 | 0 | 0 | Il-Lussemburgu | 0 | 0 | 0 | 0 | L-Ungerija | 6 | 4 | 20 | 30 | Malta | 0 | 0 | 0 | 0 | L-Olanda | 2 | 4 | 7 | 13 | L-Awstrija | 1 | 1 | 1 | 3 | Il-Polonja | 2 | 0 | 7 | 9 | Il-Portugall | 0 | 1 | 0 | 1 | Ir-Rumanija | 0 | 0 | 0 | 0 | Is-Slovenja | 0 | 0 | 0 | 0 | Is-Slovakkja | 0 | 0 | 3 | 3 | Il-Finlandja | 0 | 20 | 11 | 31 | L-Iżvezja | 15 | 10 | 8 | 33 | Ir-Renju Unit | 43 | 12 | 10 | 65 | TOTAL | 118 | 100 | 166 | 384 | 7. Talbiet għal assitenza reċiproka rċevuti minn kull Stat Membru fl-2007 Talbiet għal Tagħrif Art. 6 | Twissijiet Art. 7 | Talbiet għal Infurzar Art. 8 | TOTAL | Il-Belġju | 7 | 54 | 0 | 67 | Il-Bulgarija | 2 | 55 | 0 | 57 | Ir-Repubblika Ċeka | 4 | 55 | 0 | 59 | Id-Danimarka | 7 | 55 | 2 | 64 | Il-Ġermanja | 10 | 55 | 7 | 72 | L-Estonja | 2 | 53 | 2 | 57 | L-Irlanda | 7 | 56 | 9 | 72 | Il-Greċja | 2 | 55 | 1 | 58 | Spanja | 10 | 52 | 10 | 72 | Franza | 6 | 56 | 3 | 65 | L-Italja | 3 | 54 | 2 | 59 | Ċipru | 3 | 56 | 1 | 60 | Il-Latvja | 5 | 54 | 4 | 63 | Il-Litwanja | 2 | 54 | 1 | 57 | Il-Lussemburgu | 4 | 56 | 2 | 62 | L-Ungerija | 4 | 55 | 4 | 63 | Malta | 1 | 54 | 0 | 55 | L-Olanda | 27 | 60 | 15 | 102 | L-Awstrija | 4 | 56 | 7 | 67 | Il-Polonja | 3 | 55 | 3 | 61 | Il-Portugall | 5 | 55 | 0 | 60 | Ir-Rumanija | 3 | 49 | 1 | 53 | Is-Slovenja | 2 | 54 | 1 | 59 | Is-Slovakkja | 8 | 55 | 2 | 65 | Il-Finlandja | 3 | 54 | 1 | 58 | L-Iżvezja | 6 | 54 | 5 | 65 | Ir-Renju Unit | 18 | 63 | 9 | 90 | TOTAL | 158 | *) | 92 | *) | *) It-twissijiet huma mibgħuta lil diversi awtoritajiet fl-istess ħin. In-numru totali ta’ twissijiet irċevuti mill-Istati Membri għaldaqstant jinkludi l-istess twissija diversi drabi. 8. Talbiet għal assitenza reċiproka rċevuti minn kull Stat Membru fl-2008 Talbiet għal Tagħrif Art. 6 | Twissijiet Art. 7 | Talbiet għal Infurzar Art. 8 | TOTAL | Il-Belġju | 9 | 70 | 6 | 85 | Il-Bulgarija | 0 | 63 | 0 | 63 | Ir-Repubblika Ċeka | 2 | 63 | 1 | 66 | Id-Danimarka | 1 | 64 | 1 | 66 | Il-Ġermanja | 13 | 68 | 20 | 101 | L-Estonja | 0 | 64 | 7 | 71 | L-Irlanda | 2 | 63 | 19 | 84 | Il-Greċja | 5 | 63 | 0 | 68 | Spanja | 29 | 59 | 10 | 98 | Franza | 5 | 65 | 18 | 88 | L-Italja | 3 | 51 | 8 | 62 | Ċipru | 0 | 64 | 0 | 64 | Il-Latvja | 1 | 63 | 2 | 66 | Il-Litwanja | 1 | 63 | 3 | 67 | Il-Lussemburgu | 1 | 68 | 1 | 70 | L-Ungerija | 3 | 55 | 3 | 61 | Malta | 1 | 54 | 0 | 55 | L-Olanda | 24 | 59 | 37 | 120 | L-Awstrija | 3 | 66 | 3 | 72 | Il-Polonja | 1 | 63 | 1 | 65 | Il-Portugall | 1 | 63 | 4 | 68 | Ir-Rumanija | 0 | 53 | 0 | 53 | Is-Slovenja | 1 | 64 | 2 | 67 | Is-Slovakkja | 4 | 63 | 5 | 72 | Il-Finlandja | 1 | 74 | 0 | 75 | L-Iżvezja | 2 | 72 | 5 | 79 | Ir-Renju Unit | 8 | 65 | 11 | 84 | TOTAL | 121 | *) | 167 | *) | *) It-twissijiet huma mibgħuta lil diversi awtoritajiet fl-istess ħin. In-numru totali ta’ twissijiet rċevuti mill-Istati Membri għaldaqstant jinkludi l-istess twissija diversi drabi. 9. Konnessjonijiet mas-CPCS u l-kontroll tal-użu Numru ta’ awtoritajiet responsabbli li qatt ma talbu aċċess | Numru ta’ awtoritajiet li qatt ma użaw is-CPCS minkejja li għandhom aċċess | Numru totali ta’ awtoritajiet responsabbli li għandhom aċċess għas-CPCS | Novembru 2008 | 12 | 127 | 252 | Frar 2009 | mhux applikabbli | 78 | 252 | [1] Ir-Regolament (KE) Nru 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi); ĠU L 364, 9.12.2004, p. 1. [2] In-netwerk taġixxi biex tħares l-interess kollettiv tal-konsumaturi u għaldaqstant ma tindirizzax ilmenti individwali tal-konsumaturi. [3] Deċiżjoni tal-kumitat konġunt taż-ŻEE Nru 92/2006 tas-7 ta' Lulju 2006. [4] Ir-rapporti bijennali tal-Istati Membri huma ppubblikati fuq is-sit Europa [5] Is-sweeps tal-UE huma eżerċizzji ta’ sorveljanza u infurzar tas-suq komuni mnedija mill-awtoritajiet tan-Netwerk. [6] Id-Direttiva 2005/29/KE tal-11 ta’ Mejju 2005 tal-Parlament Ewropew u tal-Kunsill tal-11 ta’ Mejju 2005 dwar prattiċi kummerċjali żleali fin-negozju mal-konsumatur fis-suq intern, ĠU L 149, 11.6.2005, p. 22-39. [7] ĠU C 40, 23.2.2007 u ĠU C 286, 28.11.2007. Bħalissa qed isiru l-preparamenti għal aġġornament li jinkludi t-tibdil innotifikat minn Ġunju 2007 ’lil hawn. [8] Id-Deċiżjoni tal-Kummissjoni tat-22 ta’ Diċembru 2006 li timplimenta r-Regolament (KE) Nru 2006/2004 tal-Parlament Ewropew u tal-Kunsill dwar kooperazzjoni bejn l-awtoritajiet nazzjonali responsabbli għall-infurzar tal-liġijiet għall-ħarsien tal-konsumatur fir-rigward tal-assistenza reċiproka kif emendata l-aħħar mid-Deċiżjoni tal-Kummissjoni 2008/282/KE tas-17 ta’ Marzu 2008; ĠU L 32, 6.2.2007 u ĠU L 89, 1.4.2008. [9] Setturi oħrajn koperti jinkludu: Ir-Regolament (KE) Nru 261/2004 dwar id-drittijiet tal-passiġġieri tal-ajru, ĠU L 46, 17.2.2004; Id-Direttiva 2000/31/KE dwar il-kummerċ elettroniku, ĠU L 178, 17.7.2000; [10] Id-Direttiva 2002/58/EC tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-dejta personali u l-protezzjoni tal-privatezza fis-settur tal-komunikazzjoni elettronika: L-Artikolu 13 rigward il-ħarsien tal-konsumaturi (ĠU L 2001, 31.07.2002, p.37). [11] Proposta għal Regolament dwar id-drittijiet tal-passiġġieri meta jivvjaġġaw bil-baħar jew fuq l-ilmijiet interni navigabbli u li jemenda r-Regolament (KE) Nru 2006/2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi [COM(2008)816] Proposta għal Regolament dwar id-drittijiet tal-passiġġieri fuq xarabanks pubbliċi u privati u li jemenda r-Regolament (KE) Nru 2006/2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi [COM(2008)817] [12] Skont il-mekkaniżmi ta’ kooperazzjoni tal-KPK, l-awtoritajiet jistgħu jew sempliċiment jibagħtu messaġġ ta’ avviż (‘twissija’) lill-awtoritajiet l-oħrajn, jitolbu tagħrif rilevanti biex jappoġġjaw l-investigazzjonijiet tagħhom jew ix-xogħol ta’ infurzar (‘talbiet għal tagħrif’) jew jitolbu awtorità oħra tieħu miżuri xierqa biew twaqqaf prattika li hija fi ksur tal-liġi (‘talbiet ta’ infurzar’) [13] Dawn kienu ksur fir-rigward tad-Direttiva tal-Kunsill 84/450/KEE dwar pubbliċità qarrieqa sal-aħħar tal-2007, meta d-dispożizzjonijiet dwar pubbliċità qarrieqa fir-rigward ta’ kummerċ għar-relazzjonijiet tal-konsumatur bdew jaqgħu taħt ir-responsabbiltà tad-Direttiva tal-Prattiċi Inġusti tal-Kummerċ 2005/29/KE. [14] jiġifieri anqas minn 10 talbiet f’sentejn, li ħafna minnhom kienu twissijiet [15] Ara l-Anness 1 għal aktar dettalji. [16] Ara t-taqsima rilevanti fl-Anness 1 [17] L-ECC-Net hija inizjattiva konġunta tal-Kummissjoni u tal-Istati Membri, li tipprovdi lill-konsumaturi b’tagħrif prattiku, pariri dwar id-drittijiet tagħhom u assistenza dwar ilmenti transkonfinali. [18] L-Ewwel edizzjoni tat-Tabella tas-Swieq tal-Konsumatur COM (2008) 31 finali u t-Tieni edizzjoni tat-Tabella tas-Swieq tal-Konsumatur COM (2009) 25/3 [19] Il-Kompendju jgħaqqad l-acquis tal-Konsumatur, il-ġurisprudenza tal-QEĠ, il-miżuri ta’ traspożizzjoni nazzjonali u l-każistika nazzjonali