This document is an excerpt from the EUR-Lex website
Document 52008PC0834
Draft amendment of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management
Abbozz ta’ emenda tal-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda
Abbozz ta’ emenda tal-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda
/* KUMM/2008/0834 finali */
Abbozz ta’ emenda tal-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda /* KUMM/2008/0834 finali */
[pic] | KUMMISSJONI TAL-KOMUNITAJIET EWROPEJ | Brussel 2.12.2008 KUMM(2008) 834 finali Abbozz ta’ emenda tal-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (preżentata mill-Kummissjoni) MEMORANDUM TA’ SPJEGAZZJONI L-iżviluppi reċenti fil-prezzijiet tal-ikel u l-materja prima qajmu tħassib speċjalment fir-rigward tal-impatt tagħhom fuq il-pajjiżi li għadhom qed jiżviluppaw. Il-Kummissjoni pproponiet li toħloq faċilità ġdida għal rispons rapidu għall-prezzijiet tal-ikel li qed jogħlew ħafna fil-pajjiżi li qed jiżviluppaw (COM(2008)0450 – 2008/0149(COD). Wara li ġie eżaminat iċ-ċans għar-riallokazzjoni tan-nefqa fi ħdan l-Intestatura 4 kif ukoll l-użu possibbli tal-istrumenti disponibbli l-oħra kollha (l-Istrument tal-Istabbilità, l-istrument tal-Flessibbiltà), ir-Riżerva tal-Għajnuna f’Emerġenza ġet identifikata bħala wieħed mill-istrumenti xierqa biex tiġi ffinanzjata l-faċilità. Minħabba li l-ammont li fadal mir-Riżerva tal-Għajnuna f’Emerġenza għas-sena 2008 mhuwiex biżżejjed biex ikopri l-ħtiġijiet tal-faċilità tal-ikel, hemm bżonn ta’ żieda sabiex ir-Riżerva tkun tista’ tikkontribwixxi għall-finanzjament tal-faċilità tal-ikel. L-ammont Annwali tal-Riżerva tal-Għajnuna f’Emerġenza huwa ta' EUR 221 miljun fi prezzijiet kostanti għal perjodu tal-qafas finanzjarju. Il-Kunsill u l-Parlament Ewropew qablu li dan għandu jiżdied għal EUR 479.218 miljun (fi prezzijiet kurrenti), unikament u eċċezzjonalment għas-sena 2008. Għalhekk punt 25 tal-Ftehim Interistituzzjonali li stabbilixxa l-ammont annwali tar-Riżerva tal-Għajnuna f’Emerġenza għandu jiġi emendat skont dan. Abbozz ta’ emenda tal-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda Il-Parlament Ewropew, il-Kunsill ta' l-Unjoni Ewropea u l-Kummissjoni tal-Komunitajiet Ewropej, Billi: (1) L-iżviluppi reċenti fil-prezzijiet tal-ikel u l-materja prima qajmu tħassib speċjalment fir-rigward tal-impatt tagħhom fuq il-pajjiżi li għadhom qed jiżviluppaw. Il-Kummissjoni pproponiet li toħloq faċilità ġdida għar-rispons fil-pront għall-prezzijiet għoljin ħafna fil-pajjiżi li qed jiżviluppaw[1] u ż-żewġ għanijiet ta' awtorità baġetarja, waqt il-ftehim ta' konċiljazzjoni tal-21 ta’ Novembru 2008, qablu li jipprovdu parti mill-finanzjament ta’ din il-faċilità mir-Riżerva tal-Għajnuna f’Emerġenza. (2) Minħabba li l-ammont li fadal mir-Riżerva tal-Għajnuna f’Emerġenza għas-sena 2008 m’huwiex biżżejjed biex ikopri l-ħtiġijiet tal-faċilità tal-ikel, hemm bżonn ta’ żieda sabiex ir-Riżerva tkun tista’ tikkontribwixxi għall-finanzjament tal-faċilità tal-ikel. (3) Sabiex tiġi indirizzata dik is-sitwazzjoni eċċezzjonali r-Riżerva tal-Għajnuna f’Emerġenza għandha tiżdied għal EUR 479.218 miljun fi prezzijiet kurrenti, unikament u eċċezzjonalment għas-sena 2008. (4) Punt 25 tal-Ftehim Interistituzzjonali dwar id-dixxiplina baġetarja u l-amministrazzjoni finanzjarja soda għandu għalhekk jiġi emendat skont il-ħtieġa, ftiehmu kif ġej: F’punt 25 is-sentenza li ġejja għandha tiżdied mal-ewwel subparagrafu: “Dan l-ammont għandu jiġi miżjud eċċezzjonalment għal EUR 479.218 miljun għas-sena 2008 fi prezzijiet kurrenti.” Magħmul fi Brussell, […] Għall-Parlament Ewropew Għall-Kunsill Għall-Kummissjoni Il-President Il-President Il-President [1] COM(2008)0450 – 2008/0149(COD)