52008PC0149

[pic] | KUMMISSJONI TAL-KOMUNITAJIET EWROPEJ |

Brussel 19.3.2008

KUMM(2008) 149 finali

Proposta ta'

DIRETTIVA TAL-KUNSILL

li tadatta d-Direttiva 2006/87/KE tal-Parlament Ewropew u tal-Kunsill li tistabbilixxi r-rekwiżiti tekniċi għall-bastimenti tal-passaġġi fuq l-ilma interni, minħabba l-adeżjoni tar-Repubblika tal-Bulgarija u r-Rumanija

(preżentata mill-Kummissjoni)

MEMORANDUM TA' SPJEGAZZJONI

L-Artikolu 56 ta' l-Att ta' l-Adeżjoni tal-2005 jistipula li fejn atti ta' l-istituzzjonijiet adottati qabel l-adeżjoni jeħtieġu adattament minħabba l-adeżjoni, u l-adattamenti meħtieġa ma ġewx previsti f'dan l-Att jew fl-Annessi tiegħu, il-Kunsill jew il-Kummissjoni, jekk l-att oriġinali ġie adottat mill-Kummissjoni, għandhom għal dan il-għan jadottaw l-atti meħtieġa.

Il-proposta għal Direttiva tal-Kunsill annessa tkopri l-adattamenti fil-qasam tar-rekwiżiti tekniċi għall-bastimenti tal-passaġġi fuq l-ilma interni għad-Direttiva 2006/87/KE, adottata fit-12 ta' Diċembru 2006. Dawn l-adattamenti, ibbażati fuq adattamenti simili preċedenti tad-Direttiva 82/714/KEE, huma ta' natura teknika. L-adattament tekniku ta' l-acquis fid-dawl ta' l-adeżjoni ma għandu l-ebda impatt finanzjarju.

Proposta ta'

DIRETTIVA TAL-KUNSILL 2008/…/KE

li tadatta d-Direttiva 2006/87/KE tal-Parlament Ewropew u tal-Kunsill li tistabbilixxi r-rekwiżiti tekniċi għall-bastimenti tal-passaġġi fuq l-ilma interni, minħabba l-adeżjoni tar-Repubblika tal-Bulgarija u r-Rumanija

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra l-Att ta' l-Adeżjoni tal-Bulgarija u r-Rumanija, u b'mod partikolari l-Artikolu 56 tiegħu,

Wara li kkunsidra l-proposta mill-Kummissjoni[1],

Billi:

1. Skond l-Artikolu 56 ta' l-Att ta' l-Adeżjoni, fejn att tal-Kunsill adottat qabel l-adeżjoni jeħtieġ adattament minħabba l-adeżjoni, u l-adattamenti meħtieġa ma ġewx previsti fl-Att ta' l-Adeżjoni jew fl-Annessi tiegħu, il-Kunsill għandu jadotta l-att meħtieġ.

2. Id-Direttiva 2006/87/KE tal-Parlament Ewropew u tal-Kunsill tat-12 ta' Diċembru 2006 li tistabbilixxi r-rekwiżiti tekniċi għall-bastimenti tal-passaġġi fuq l-ilma interni u li tħassar id-Direttiva tal-Kunsill 82/714/KEE[2] kienet adottata fit-12 ta' Diċembru 2006, qabel l-adeżjoni tal-Bulgarija u r-Rumanija ma' l-Unjoni Ewropea, u teħtieġ li tkun adattata minħabba din l-adeżjoni.

3. Id-Direttiva 2006/87/KE għaldaqstant għandha tkun emendata skond dan,

ADOTTA DIN ID-DIRETTIVA:

Artikolu 1

Id-Direttiva 2006/87/KE hija emendata kif ġej:

(1) L-Anness I huwa emendat kif ġej:

(a) Fil-Kapitolu 2, Żona 3,

(i) dan li ġej għandu jiddaħħal bejn l-entrati għar-Renju tal-Belġju u r-Repubblika Ċeka:

"Ir-Repubblika tal-Bulgarija

Id-Danubju: minn rkm 845,650 sa rkm 374,100";

(ii) dan li ġej għandu jiddaħħal bejn l-entrati għar-Repubblika tal-Polonja u r-Repubblika tas-Slovakkja:

"Ir-Rumanija

Id-Danubju: mill-fruntiera bejn is-Serbja u r-Rumanija (1075 km) sal-Baħar l-Iswed fuq il-Fergħa tal-Kanal ta’ Sulina.

Il-Kanal bejn id-Danubju u l-Baħar l-Iswed (tul ta' 64,410 km): minn fejn jagħqad max-xmara Danubju, fil-km 299,300 tad-Danubju f'Cernavodă (rispettivament km 64 u 410 tal-Kanal), sal-Port ta' Constanta tan-Nofsinhar – Agigea (km "0" tal-Kanal).

Il-Kanal bejn Poarta Albă u Midia Năvodari (tul ta' 34,600 km): minn fejn jagħqad mal-Kanal bejn id-Danubju u l-Baħar l-Iswed f'km 29 u 410 f'Poarta Albă (rispettivament km 27 u 500 tal-Kanal), sal-Port ta' Midia (km "0" tal-Kanal).".

(b) Fil-Kapitolu 3, Żona 4, dan li ġej għandu jiddaħħal bejn l-entrati għar-Repubblika tal-Polonja u r-Repubblika tas-Slovakkja:

"Ir-Rumanija

Il-passaġġi fuq l-ilma interni kollha mhux elenkati fiż-Żona 3.".

(2) L-Anness IX huwa emendat kif ġej:

(a) fil-parti I, il-Kapitolu 4, l-Artikolu 4.05,

(i) dan li ġej għandu jiddaħħal bejn l-entrati għad-Danimarka u l-Polonja:

“19 = ir-Rumanija"

(ii) dan li ġej għandu jiddaħħal bejn l-entrati għal-Latvja u l-Litwanja:

“34 = il-Bulgarija"

(b) fil-Parti III, il-Kapitolu 1, l-Artikolu 1.06,

(i) dan li ġej għandu jiddaħħal bejn l-entrati għad-Danimarka u l-Polonja:

“19 = ir-Rumanija"

(ii) dan li ġej għandu jiddaħħal bejn l-entrati għal-Latvja u l-Litwanja:

“34 = il-Bulgarija”

(c) fil-Parti IV, il-Kapitolu 1, l-Artikolu 1.06,

(i) dan li ġej għandu jiddaħħal bejn l-entrati għad-Danimarka u l-Polonja:

“19 = ir-Rumanija"

(ii) dan li ġej għandu jiddaħħal bejn l-entrati għal-Latvja u l-Litwanja:

“34 = il-Bulgarija”

Artikolu 2

1. Stati Membri li għandhom passaġġi fuq l-ilma interni kif imsemmija fl-Artikolu 1(1) tad-Direttiva 2006/87/KE għandhom iġibu fis-seħħ il-liġijiet, regolamenti u dispożizzjonijiet amministrattivi meħtieġa biex jikkonformaw ma' din id-Direttiva b'effett mit-30 ta' Diċembru 2008. Għandhom minnufih jikkomunikaw lill-Kummissjoni t-test ta' dawk id-dispożizzjonijiet flimkien ma' tabella ta' korrelazzjoni bejn dawk id-dispożizzjonijiet u din id-Direttiva.

Meta l-Istati Membri jadottaw dawk id-dispożizzjonijiet, dawn għandu jkun fihom referenza għal din id-Direttiva jew ikunu akkumpanjati minn referenza tali fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir it-tali referenza.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert b'din id-Direttiva.

Artikolu 3

Din id-Direttiva għandha tidħol fis-seħħ dakinhar tal-pubblikazzjoni tagħha fil- Ġurnal Uffiċjali ta' l-Unjoi Ewropea .

Artikolu 4

Din id-Direttiva hija indirizzata lill-Istati Membri.

Magħmul fi Brussell, […]

Għall-Kunsill

Il-President

[…]

[1] ĠU C , , p. .

[2] ĠU L 389, 30.12.2006, p. 1. Id-Direttiva kif emendata l-aħħar bid-Direttiva 2006/137/KE, ĠU L 389, 30.12.2006, p. 261.