EUR-Lex Access to European Union law
This document is an excerpt from the EUR-Lex website
Document 52008PC0131
Communication from the Commission to the European Parliament pursuant to the second subparagraph of Article 251 (2) of the EC Treaty concerning the common position of the Council on the adoption of a Directive of the European Parliament and of the Council on certain aspects of mediation in civil and commercial matters
Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' direttiva tal-Parlament Ewropew u tal-Kunsill dwar ċerti aspetti ta’ medjazzjoni fi kwistjonijiet ċivili u kummerċjali
Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' direttiva tal-Parlament Ewropew u tal-Kunsill dwar ċerti aspetti ta’ medjazzjoni fi kwistjonijiet ċivili u kummerċjali
/* KUMM/2008/0131 finali - COD 2004/0251 */
Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' direttiva tal-Parlament Ewropew u tal-Kunsill dwar ċerti aspetti ta’ medjazzjoni fi kwistjonijiet ċivili u kummerċjali /* KUMM/2008/0131 finali - COD 2004/0251 */
[pic] | KUMMISSJONI TAL-KOMUNITAJIET EWROPEJ | Brussel 7.3.2008 KUMM(2008) 131 finali 2004/0251 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' Direttiva tal-Parlament Ewropew u tal-Kunsill dwar ċerti aspetti ta’ medjazzjoni fi kwistjonijiet ċivili u kummerċjali 2004/0251 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' Direttiva tal-Parlament Ewropew u tal-Kunsill dwar ċerti aspetti ta’ medjazzjoni fi kwistjonijiet ċivili u kummerċjali 1. Il-KUNTEST Id-data tat-trażmissjoni tal-proposta lill-PE u lill-Kunsill (dokument COM(2004)718 finali – 2004/0251 (COD): | 22.10.2004 | Id-data ta' l-opinjoni tal-Kumitat Ekonomiku u Soċjali Ewropew: | 9.6.2005 | Id-data ta' l-opinjoni tal-Parlament Ewropew, l-ewwel qari: | 29.3.2007 | Id-data ta’ l-adozzjoni tal-pożizzjoni komuni: | 28.2.2008 | 2. L-GĦAN TAL-PROPOSTA TAL-KUMMISSJONI Fit-22 ta’ Ottubru, il-Kummissjoni adottat proposta għal Direttiva tal-Parlament Ewropew u tal-Kunsill dwar ċerti aspetti ta’ medjazzjoni fi kwistjonijiet ċivili u kummerċjali. L-iskop tad-Direttiva proposta hu li jkun iffaċilitat l-aċċess għal soluzzjoni ta’ tilwim u biex tippromwovi li jkunu solvuti t-tilwimet b’mod paċifiku billi tinkoraġġixxi l-użu tal-medjazzjoni u billi tiżgura relazzjoni soda bejn il-proċeduri ta’ medjazzjoni u ġudizzjarji Il-proposta tikkostitwixxi waħda mill-azzjonijijiet ta’ segwitu għall-Green Paper dwar soluzzjoni alternattiva għat-tilwim ippreżentata mill-Kummissjoni fl-2002, bil-proposta l-oħra tkun il-Kodiċi Ewropea dwar il-Kondotta għall-Medjaturi, stabbilita minn grupp ta’ persuni interessati bl-assistenza tal-Kummissjoni u li tnediet f’Lulju ta’ l-2004. 3. KUMMENTI DWAR IL-POŻIZZJONI KOMUNI Il-proposta tal-Kummssjoni kopriet l-użu tal-medjazzjoni kemm f’tilwimiet traskonfinali kif ukoll interni minħabba li kkunsidrat li la jkun possibbli u lanqas mixtieq li tippromwovi l-medjazzjoni biss f’rabta ma’ tilwimiet li jkun fihom element transkonfinali. Madanakollu, it-test tal-pożizzjoni komuni tal-Kunsill hu riżultat tan-negozjati bejn it-tliet istituzzjonijiet u kien hemm is-sostenn tal-maġġoranza kemm tal-Kunsill u kemm tal-Parlament Ewropew biex ikun limitat l-ambitu tad-Direttiva għall-każi transkonfinali minħabba interpretazzjoni ristrettiva ta’ l-Artikolu 65 tat-Trattat tal-KE. Minħabba dawn iċ-ċirkostanzi u fi spirtu ta' kompromess, il-Kummissjoni taċċetta d-definizzjoni ta’ l-ambitu tad-Direttiva kif ippreżentata fil-pożizzjoni komuni sakemm id-definizzjoni tal-każi transkonfinali tkun wiesgħa kemm jista' tkun. Il-Kummissjoni tikkonsidra li l-pożizzjoni komuni tkabbar id-definizzjoni tal-każi transkonfinali fir-rigward taż-żewġ Artikoli importanti tad-Direttiva, jiġifieri l-Artikolu 7 (il-kunfidenzjalità) u l-Artikolu 8 (il-limitazzjoni u l-perjodi ta’ preskrizzjoni). Għad-dispożizzjonijiet dwar il-limitazzjoni u l-perjodi ta’ preskrizzjoni fl-Artikolu 8, il-pożizzjoni komuni ma tarmonizzax ir-regoli nazzjonali dwar il-limitazzjoni u l-perjodi ta’ preskrizzjoni iżda tobbliga lill-Istati Membri biex ma jħallux lill-partijiet milli jmorru l-qorti jew għall-arbitraġġ jekk ifallu t-tentattivi għall-medjazzjoni. Premessa tiċċara li dan ir-riżultat irid jinkiseb minkejja d-differenzi fil-leġiżlazzjoni nazzjonali. Għalhekk il-pożizzjoni komuni tilħaq l-istess għanijiet tal-proposta inizjali tal-Kummissjoni. Il-pożizzjoni komuni tal-Kunsill hi differenti mill-opinjoni tal-Parlament Ewropew fl-ewwel qari b’mod partikolari fir-rigward tal-proposti segwenti għal emendi. Il-pożizzjoni komuni ma tippermettix l-implimentazzjoni tad-Direttiva permezz ta’ ftehimiet volontarji bejn il-partijiet. Il-Kummissjoni taqbel bis-sħiħ ma’ dan, peress li d-Direttiva taffettwa r-regoli dwar il-proċedimenti ġudizzjarji fl-Istati Membri li mhux dejjem jistgħu jiġu modifikati bi ftehimiet bejn il-partijiet. L-obbligu biex ikunu ppubblikati l-Kodiċi Ewropej dwar il-Kondotta għall-Medjaturi fil-Ġurnal Uffiċjali, li ma tħalliex isir minħabba l-fatt li l-Kodiċi dwar il-Kondotta mhuwiex att ta’ l-istituzzjonijiet, kien sostitwit minn obbligu biex ikun ippubblikat il-Kodiċi dwar il-Kondotta ta’ l-Internett. Minbarra dan, il-Kummissjoni hi kommessa li tinkludi referenza għall-Kodiċi ta' Kondotta fil-Bullettin ta’ l-UE meta tkun ser tagħti l-informazzjoni dwar l-adozzjoni tad-Direttva. Dawn l-obbligi huma aċċettabbli għall-Kummissjoni. Fir-rigward tal-klawżola dwar ir-reviżjoni fl-Artikolu 11, il-pożizzjoni komuni titlob li r-rapport tal-Kummissjoni jikkonsidra l-iżvilupp dwar il-medjazzjoni fl-Unjoni Ewropea, li jkun aċċettabli għall-Kummissjoni. Fuq kollox, il-Kummissjoni tista’ taċċetta l-pożizzjoni komuni li, għalkemm timmodifika wħud mill-fatturi tal-proposta inizzjali tal-Kummissjoni, tibqa' leali lejn l-għanijiet li jiffaċiltaw l-aċċess għas-soluzzjoni tat-tilwimiet u li tippromwovi li jkunu solvuti t-tilwimiet b’mod paċifiku billi tinkoraġġixxi l-użu tal-medjazzjoni u billi tiżgura relazzjoni soda bejn il-proċeduri għall-medjazzjoni u ġudizzjarji. 4. KONKLUŻJONI Il-Kummissjoni taċetta l-pożizzjoni komuni fid-dawl tal-fatt li din tinkludi l-elementi prinċipali tal-proposta inizjali tagħha.