This document is an excerpt from the EUR-Lex website
Document 52007PC0384
Opinion of the Commission pursuant to Article 251 (2), third subparagraph, point (c) of the EC Treaty, on the European Parliament's amendments to the Council's common position regarding the proposal for a Directive of the European Parliament and of the Council laying down rules on nominal quantities for pre-packed products, repealing Council Directives 75/106/EEC and 80/232/EEC, and amending Council Directive 76/211/EEC amending the proposal of the Commission pursuant to Article 250 (2) of the EC Treaty
Opinjoni tal-Kummissjoni skond l-Artikolu 251 (2), it-tielet subparagrafu, punt (c) tat-Trattat tal-KE, dwar l-emendi tal-Parlament Ewropew għall-pożizzjoni komuni tal-Kunsill rigward il-proposta għal direttiva tal-Parlament Ewropew u tal-Kunsill li tistabbilixxi r-regoli fuq il-kwantitajiet nominali ta' prodotti ppakkjati minn qabel, li tirrevoka d-Direttivi 75/106/KEE u 80/232/KEE, u li temenda d-direttiva tal-Kunsill 76/211/KEE jemenda l-proposta tal-Kummissjoni b’mod konformi ma’ l-Artikolu 250(2) tat-Trattat KE
Opinjoni tal-Kummissjoni skond l-Artikolu 251 (2), it-tielet subparagrafu, punt (c) tat-Trattat tal-KE, dwar l-emendi tal-Parlament Ewropew għall-pożizzjoni komuni tal-Kunsill rigward il-proposta għal direttiva tal-Parlament Ewropew u tal-Kunsill li tistabbilixxi r-regoli fuq il-kwantitajiet nominali ta' prodotti ppakkjati minn qabel, li tirrevoka d-Direttivi 75/106/KEE u 80/232/KEE, u li temenda d-direttiva tal-Kunsill 76/211/KEE jemenda l-proposta tal-Kummissjoni b’mod konformi ma’ l-Artikolu 250(2) tat-Trattat KE
/* KUMM/2007/0384 finali - COD 2004/0248 */
[pic] | KUMMISSJONI TAL-KOMUNITAJIET EWROPEJ | Brussel 27.6.2007 KUMM(2007) 384 finali 2004/0248 (COD) OPINJONI TAL-KUMMISSJONI skond l-Artikolu 251 (2), it-tielet subparagrafu, punt (c) tat-Trattat tal-KE, dwar l-emendi tal-Parlament Ewropew għall-pożizzjoni komuni tal-Kunsill rigward il-proposta għal DIRETTIVA TAL-PARLAMENT EWROPEW U TAL-KUNSILL li tistabbilixxi r-regoli fuq il-kwantitajiet nominali ta' prodotti ppakkjati minn qabel, li tirrevoka d-Direttivi 75/106/KEE u 80/232/KEE, u li temenda d-Direttiva tal-Kunsill 76/211/KEE JEMENDA L-PROPOSTA TAL-KUMMISSJONI b’mod konformi ma’ l-Artikolu 250(2) tat-Trattat KE 2004/0248 (COD) OPINJONI TAL-KUMMISSJONI skond l-Artikolu 251 (2), it-tielet subparagrafu, punt (c) tat-Trattat tal-KE, dwar l-emendi tal-Parlament Ewropew għall-pożizzjoni komuni tal-Kunsill rigward il-proposta għal DIRETTIVA TAL-PARLAMENT EWROPEW U TAL-KUNSILL li tistabbilixxi r-regoli fuq il-kwantitajiet nominali ta' prodotti ppakkjati minn qabel, li tirrevoka d-Direttivi 75/106/KEE u 80/232/KEE, u li temenda d-Direttiva tal-Kunsill 76/211/KEE Proċedura ta' Kodeċiżjoni It-tieni qari 1. DAħLA L-Artikolu 251(2), it-tielet subparagrafu, punt (c) tat-Trattat tal-KE jipprovdi li l-Kummissjoni għandha tressaq opinjoni dwar l-emendi proposti mill-Parlament Ewropew fit-tieni qari. Il-Kummissjoni tistipula l-opinjoni tagħha dwar l-erba' emendi proposti mill-Parlament f'dan li ġej. 2. L-ISFOND Il-proposta COM (2004)708 finali[1] ġiet trażmessa lill-Parlament Ewropew u lill-Kunsill fil-25 ta' Ottubru 2004 skond il-proċedura tal-kodeċiżjoni skond l-Artikolu 95 tat-Trattat tal-KE. Il-Kumitat Ekonomiku u Soċjali Ewropew ta l-opinjoni tiegħu fis-6 ta’ April 2005[2]. Il-Parlament Ewropew ta l-opinjoni tiegħu ma' l-ewwel qari fit-2 ta' Frar 2006. Il-proposta emendata COM (2006)171 finali[3] skond l-Artikolu 250 (2) tat-Trattat tal-KE ġiet trażmessa lill-Parlament Ewropew u lill-Kunsill fit-18 ta' April 2006. Wara l-opinjoni tal-Parlament Ewropew u skond l-Artikolu 251(2) tat-Trattat tal-KE, minn ftehim politiku tal-25 ta' Settembru 2006, il-Kunsill adotta Pożizzjoni Komuni fl-4 ta' Diċembru 2006[4]. Il-Komunikazzjoni tal-Kummissjoni dwar il-Pożizzjoni Komuni COM(2006) 811 finali ġiet adottata fit-12 ta’ Diċembru 2006. Il-Parlament Ewropew adotta l-pożizzjoni tiegħu mat-tieni qari fl-10 ta' Mejju 2007. 3. L-GħAN TAL-PROPOSTA L-għan tad-direttiva huwa li tabolixxi r-regolament li jmur lura għas-sebgħinijiet li jiffissa kwantitajiet nominali li bihom jinbiegħu il-prodotti. Il-proposta żżomm biss ir-regolament għall-inbid u l-ispirti, li bħalissa huma diġà soġġetti għal kwantitajiet nominali mandatorji. Id-direttiva tissimplifika r-regolament dwar il-kwantitajiet nominali billi tintegra żewġ direttivi f’direttiva waħda. B’mod simili, hija tgħaqqad ir-regolament dwar il-kontroll metroloġiku ta’ prodotti ppakkjati minn qabel, li bħalissa huwa trattat taħt żewġ direttivi, f’direttiva waħda. Konsegwentement, hija tirrevoka d-Direttivi 75/106 u 80/232 u testendi l-ambitu tad-direttiva 76/211 għall-prodotti kollha ppakkjati minn qabel. 4. L-OP injoni tal-Kummissjoni dwar l-emendi mill-Parlament Ewropew 4.1. Ġenerali Fl-10 ta' Mejju 2007, il-Parlament Ewropew adotta pakkett ta' kompromess li dwaru kien hemm qbil mal-Kunsill bil-ħsieb li jintlaħaq ftehim fit-tieni qari. Il-Kummissjoni taċċettakull emenda. Dawn jikkonċernaw premessa dwar użu iktar volontarju ta' prezzar ta' l-unitajiet, premessa u artikolu dwar il-monitoraġġ tat-tneħħija gradwali ta' daqsijiet nazzjonali u premessa li tispjega s-sitwazzjoni tal-ħobż fir-Renju Unit skond din id-Direttiva l-ġdida. Il-konklużjoni tal-pakkett ta' kompromess ġiet iffaċilitata mid-dikjarazzjoni li għamlet il-Kummissjoni dwar ir-rimi ta' ħażniet ta' inbid u xarbiet ta' spirti (ara l-anness); 4.2. Proposta emendata Skond l-Artikolu 250(2) tat-Trattat tal-KE, il-Kummissjoni temenda l-proposta tagħha kif stabbilit hawn fuq. ANNESSStqarrija tal-Kummissjoni dwar ir-rimi ta' ħażniet ta' inbid u xarbiet ta' spirti Il-medda fil-futur għall-kwantitajiet nominali Komunitarji ta' inbejjed u u xarbiet ta' spirti, fl-intervalli koperti mill-Anness, bażikament tirriproduċi dawk eżistenti, bl-eċċezzjoni ta' 1125ml għax-xarbiet ta' spirti. Għalhekk l-effett għandu jkun negliġibbli. Dawk li jinsabu inqas jew iktar mill-intervalli definiti fl-Anness (bejn 100-1500 ml, ħlief l-intervall ta' 125 ml ta' isfel għall-inbid bil-gass u l-kwantità massima ta' 2000 ml għax-xarbiet ta' l-ispirti) mhumiex koperti mill-Anness u għalhekk jaqgħu taħt il-prinċipju ġenerali ta' kwantitajiet nominali mhux effetwati. Skond l-Artikolu 8 tal-Pożizzjoni Komuni (Traspożizzjoni) l-Istati Membri għandhom 12 –il xahar mid-data tad-dħul fis-seħħ tad-Direttiva sabiex jinkorporaw l-istrument fil-liġi nazzjonali. Id-Direttiva ssir applikabbli minn 18-il xahar wara d-dħul fis-sehh tagħha, li jfisser li hemm ukoll mhux inqas minn sitt xhur bejn it-traspożizzjoni tad-Direttiva u l-applikazzjoni tagħha. Dan jagħti biżżejjed żmien lill-manifatturi kkonċernati sabiex jadattaw. Aktar minn hekk, il-prodotti pre-packed li jinsabu fis-suq qabel l-applikazzjoni tad-Direttiva, per eżempju, dawk li jinsabu fil-kanali tad-distribuzzjoni għandhom jiġu affettwati mid-Direttiva u jistgħu jinbiegħu fis-suq lill-konsumatur aħħari. Għal dawn ir-raġunijiet kollha il-Kummissjoni tikkunsidra li r-rimi tal-ħażniet ta' l-inbid u ta' xarbiet ta' spirti li huma pre-packed, fil-prinċipju, għandu jkun diffiċli. [1] ĠU C 49, 28.02.2006, p.37. [2] ĠU C 255, 14.10.2005, p.36. [3] ĠU C 130, 03.06.2006, p.9. [4] ĠU C 311E, 19.12.2006, p. 21