52007PC0102

[pic] | KUMMISSJONI TAL-KOMUNITAJIET EWROPEJ |

Brussel 12.3.2007

KUMM(2007) 102 finali

2005/0037A (COD)

KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta’ l-Artikolu 251 (2) tat-Trattat tal-KE dwar

pożizzjoni komuni meħuda mill-Kunsill bil-għan li tiġi adottata d-Deċiżjoni tal-Parlament Ewropew u tal-Kunsill li tistabbilixxi għall-perjodu 2007-2013 il-programm speċifiku “Ġlieda kontra l-Vjolenza (DAPHNE III)” bħala parti mill-programm ġenerali “Drittijiet Fundamentali u Ġustizzja”

2005/0037A (COD)

KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta’ l-Artikolu 251 (2) tat-Trattat tal-KE dwar

pożizzjoni komuni meħuda mill-Kunsill bil-għan li tiġi adottata d-Deċiżjoni tal-Parlament Ewropew u tal-Kunsill li tistabbilixxi għall-perjodu 2007-2013 il-programm speċifiku “Ġlieda kontra l-Vjolenza (DAPHNE III)” bħala parti mill-programm ġenerali “Drittijiet Fundamentali u Ġustizzja”

1. SFOND

Data tat-trażmissjoni tal-proposta lill-PE u lill-Kunsill(dokument COM([2006])[230] finali - [2005/[037A]COD) | is-24 ta’ Mejju 2006: (proposta modifikata wara s-separazzjoni tal-programmi “Ġlieda kontra l-Vjolenza (Daphne III)” u l-Prevenzjoni tal-konsum tad-droga u l-informazzjoni lill-pubbliku. |

Data ta’ l-opinjoni tal-Kumitat Ekonomiku u Soċjali Ewropew: | id-19 ta’ Jannar 2006 |

Data ta’ l-opinjoni tal-Parlament Ewropew fl-ewwel qari: | il-5 ta’ Settembru 2006 |

Data ta’ l-adozzjoni tal-pożizzjoni komuni: | il-5 ta’ Marzu 2007 |

2. L-GĦAN TAL-PROPOSTA TAL-KUMMISSJONI

DAPHNE III huwa programm ta’ finanzjament, b’pakkett finanzjarju ta’ 116.85 miljun EUR għall-perjodu 2007-2013, u li l-għanijiet tiegħu huma:

Il-prevenzjoni u l-ġlieda kontra l-forom kollha ta’ vjolenza li jseħħu fl-isferi pubbliċi jew privati kontra t-tfal, l-adolexxenti u n-nisa, billi jittieħdu miżuri preventivi u tingħata għajnuna lill-vittmi u lill-gruppi f’riskju;

Il-promozzjoni ta’ azzjonijiet transnazzjonali maħsuba biex jinħolqu netwerks multidixxiplinari, jiġi assigurat l-iżvilupp ta’ l-għarfien, jiġi sensibilizzat il-pubbliku dwar il-vjolenza u jsir studju tal-fenomeni marbuta mal-vjolenza, u ssir riċerka u ġlieda kontra l-kawżi primarji tal-vjolenza fil-livelli kollha tas-soċjetà.

3. KUMMENTI DWAR IL-POŻIZZJONI KOMUNI

Il-pożizzjoni komuni tal-Kunsill iżżomm l-elementi essenzjali tal-proposta inizjali tal-Kummissjoni u tqis l-emendi ewlenin adottati fl-ewwel qari mill-Parlament Ewropew.

Id-diskussjonijiet bejn il-Parlament, il-Kunsill u l-Kummissjoni wasslu għal test ta’ kompromess, li jibbaża fuq il-pożizzjoni komuni tal-Kunsill. Id-differenzi ewlenin bejn il-posiżżjoni komuni, minn naħa u l-proposta inizjali tal-Kummissjoni huma li ġejjin:

Il-programmi “DAPHNE III” u “L-PREVENZJONI TAL-KONSUM TAD-DROGA U L-INFORMAZZJONI” huma differenzjati. (Din il-qasma ġiet proposta mill-Kummissjoni nnifisha fil-proposta tagħha modifikata tas-24 ta’ Mejju 2006. L-Artikoli 2 u 3: l-għanijiet ġenerali u speċifiċi tal-programmi reġgħu ġew ifformulati, bil-għan li jkunu aktar ċari.)

L-Artikolu 4.b: proposta ta’ proġett speċifiku għandha tkun eliġibbli għall-finanzjament jekk tinvolvi mill-inqas 2 Stati Membri (minflok 3 Stati Membri fil-proposta inizjali tal-Kummissjoni).

L-Artikolu 4.d: Ir-referenza espliċita tal-federazzjoni Ewropea dwar it-tfal li għebu u li ġew abbużati sesswalment, bil-għan li jingħata sussidju għall-operat, tneħħiet.

L-Artikolu 10: dwar il-komitoloġija, it-test ta’ kompromess iżomm il-prinċipju ta’ kumitat doppju (kumitat ta’ ġestjoni għall-adozzjoni tal-programmi ta’ ħidma annwali u kumitat konsultattiv għall-kwistjonijiet oħra), waqt li l-proposta inizjali tal-Kummissjoni tipprevedi biss kumitat konsultattiv.

Dikjarazzjoni tal-Parlament Ewropew u tal-Kunsill tistieden lill-Kummissjoni tikkunsidra l-possibbiltà ta’ inizjattiva għal sena Ewropea kontra l-vjolenza lejn it-tfal, l-adolexxenti u n-nisa.

Emendi oħra tal-Parlament dwar il-modifiki editorjali bil-għan li jitjieb it-test ġew inklużi wkoll.

4. KONKLUŻJONIJIET

Il-Kummissjoni taċċetta l-pożizzjoni komuni, li tinkludi l-elementi ewlenin tal-proposta inizjali u tal-proposta modifikata tas-24 ta’ Mejju 2006 kif ukoll l-emendi ewlenin adottati mill-Parlament Ewropew.